3-й день

Святы́х му́ченик Евтро́пия и дружи́ны его́, Клеони́ка и Васили́ска

Святые мученики Евтропий, Клеоник и Василиск

На Го́споди, воззва́х: стихи́ры, глас 1.

Подо́бен: Всехва́льнии му́ченицы:

Тричи́сленнии му́ченицы,/ кре́пко противоподви́гшеся/ су́рово судя́щим/ и всяк вид жесточа́йших боле́зней ве́рою претерпе́вше,/ Вы́шнее Ца́рство получи́сте./ Те́мже моли́теся/ дарова́ти душа́м на́шим/ мир и ве́лию ми́лость.

Евтро́пия, Клеони́ка тве́рдаго,/ Васили́ска пе́сньми духо́вными восхва́лим,/ огне́м бо попали́ша безбо́жия ве́щь,/ благоче́стия благода́тию./ И ны́не просвеща́ют концы́/ Боже́ственными огня́ светлостьми́,/ я́ко свети́льницы пресве́тлии,/ я́ко пре́лесть всю омрачи́вше.

Главы́ отсека́еми,/ врагу́ главу́ сокруши́сте/ кра́сными нога́ми ва́шими,/ до́блии страда́льцы,/ неле́стныя зве́зды,/ же́ртвы одушевле́нныя,/ хра́ма небе́снаго сокро́вища,/ Евтро́пие сла́вне,/ Васили́ске и Клеони́че, мир всем испроси́те.

Сла́ва, и ны́не, Богоро́дичен:

Ра́дуйся, стра́нное слы́шание, Чи́стая;/ ра́дуйся, дре́во свято́е рая́ Богосажде́нное;/ ра́дуйся, потребле́ние лука́вых де́монов;/ ра́дуйся, ору́жие обоюдуо́строе,/ врага́ главу́ отсе́кши/ стра́нным рождество́м Твои́м,/ Всесвята́я Всенепоро́чная,/ устра́ншияся ны воззови́.

Крестобогоро́дичен:

Своего́ А́гнца,/ А́гница и непоро́чная Влады́чица,/ на Кресте́ я́ко ви́девши,/ зра́ка не иму́ща, ниже́ добро́ты,–/ увы́ Мне,– рыда́ющи, глаго́лаше,–/ где добро́та Твоя́ за́йде, Сладча́йший?/ где благоле́пие?/ где благода́ть блиста́ющая о́браза Твоего́,/ Сы́не Мой любе́знейший?

Кано́н, его́же краегране́сие: Трие́х велича́йших страда́ния честву́ю му́чеников. Кир Ио́сифа. Глас 1.

Песнь 1

Ирмо́с: Твоя́ победи́тельная десни́ца/ боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,/ изра́ильтяном пу́ть глубины́ новосоде́лавшая.

Преми́рными блиста́ньми трисо́лнечныя зари́ озаря́еми, му́ченицы всехва́льнии,/ благоче́стно вас ны́не блажа́щия во светоно́снем ва́шем страда́нии просвети́те.

Глаго́лы, я́ко стрела́ми, прему́дрии, пребеззако́нных сердца́ уязви́сте,/ те́мже претерпе́сте пожда́нно я́звы и ра́ны,/ испове́дающе Бо́жие свято́е И́мя.

Священносло́вии свяще́нными пред мучи́тельскими суди́щи пропове́давше, му́ченицы приснопа́мятнии,/ нас ра́ди пострада́ти Изво́лившаго, наноси́мыя тве́рдо му́ки претерпе́сте.

Богоро́дичен: Яви́лася еси́ ши́рши Небе́с, нигде́же вмести́маго вопло́щши,/ Того́ у́бо моли́ вся́кия нас тесноты́ изба́вити/ и ве́чнаго, Де́во Ма́ти, муче́ния.

Песнь 3

Ирмо́с: Еди́не, ве́дый челове́ческаго существа́ не́мощь/ и ми́лостивно в не вообра́жься,/ препоя́ши мя с высоты́ си́лою,/ е́же вопи́ти Тебе́, Святы́й,/ одушевле́нный хра́ме неизрече́нныя сла́вы Твоея́, Человеколю́бче.

Ума́ чи́стыми прило́ги Боже́ственная зря́ще,/ му́жеским нра́вом, блаже́ннии, к му́кам устреми́стеся,/ вражде́бнаго безпло́тнаго страда́льца побежда́юще с те́лом;/ те́мже прославля́етеся.

Уде́с отсече́ния за Христа́, му́дрии, претерпе́вше,/ крове́й Боже́ственными проли́тии зе́млю преподо́бно освяти́сте/ и на тре́бищныя де́моном приноси́мыя уста́висте, му́ченицы, кро́ви.

Положе́ни бы́сте, я́коже светоза́рнии, на высоте́ страда́ния,/ я́ко вои́стинну зве́зды, озаря́юще вселе́нную незаходи́мыми сия́ньми/ и тьму́ реша́ще ле́сти, святи́и;/ сего́ ра́ди ве́рно ублажа́етеся.

Богоро́дичен: Во чре́ве прия́ла еси́ Христа́,/ чре́во истощи́вшаго а́дово вседе́йственным сове́том:/ Того́ моли́, Богора́дованная,/ от рабо́ты изба́вити грехо́вныя вся, ве́рно при́сно блажа́щия Тя.

Седа́лен, глас 1.

Подо́бен: Гроб Твой, Спа́се:

Тро́ицу Честну́ю тро́ица му́чеников пред мно́гими испове́да наро́ды/ и лико́м причто́шася безпло́тных, страда́вше./ Сих дне́сь восхва́лим ве́рою,/ пра́зднующе свяще́нную их па́мять и мироспаси́тельную.

Сла́ва, и ны́не, Богоро́дичен:

Упова́ние христиа́н, Пресвята́я Де́во,/ Его́же родила́ еси́, Бо́га, па́че ума́ же и сло́ва,/ непреста́нно моли́ с Вы́шними си́лами/ пода́ти оставле́ние грехо́в на́ших всех/ и исправле́ние жития́ ве́рою и любо́вию при́сно Тя сла́вящим.

Крестобогоро́дичен:

Нескве́рная А́гница, А́гнца и Па́стыря, пове́шена на Дре́ве ме́ртва, зря́щи,/ пла́чущи, веща́ше, ма́терски восклица́ющи:/ ка́ко претерплю́ Твое́, е́же па́че сло́ва, Сы́не Мой, сни́тие/ и во́льныя стра́сти, Бо́же Преблаги́й?

Песнь 4

Ирмо́с: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

Стоя́ху трие́ на три́знищи, пропове́дающе Еди́наго Трисо́лнечна Бо́га/ и ран разжже́ние кре́пко терпя́ще,/ столпы́ о́гненны Це́ркве яви́шася,/ благочести́вых о Христе́ предводя́щии.

Поста́вльше но́зе на ка́мени ве́ры, не поколеба́стеся мно́гих искуше́ний кова́рствии,/ но яви́стеся непоколеби́ми, злочести́выя запина́юще, му́ченицы,/ и вся́чески охужда́юще благода́тию.

Я́ко честно́е ка́мение, на земли́ валя́ющеся,/ зда́ние лука́вное многобо́жия вои́стинну, прему́дрии, разори́сте,/ и себе́ са́мыя Бо́жия хра́мы созда́сте,/ и ко хра́му Небе́сному взя́стеся.

Богоро́дичен: Яви́ся Твоя́ утро́ба Богоно́сная пала́та,/ в не́йже всех Ца́рь почи́, Христо́с,/ хра́мы содева́я, Ма́ти Чи́стая, и светоза́рная жили́ща благочести́выя/ непристу́пнаго Божества́.

Песнь 5

Ирмо́с: Просвети́вый сия́нием прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ Богоразу́мия/ правосла́вно пою́щих Тя.

Зако́н Боже́ственный соблюда́юще, добропобе́днии му́ченицы,/ беззако́нным му́жеским нра́вом противоста́сте/ и, уязвля́еми и растерза́еми телесы́, побе́ду ве́чную взя́сте.

Восхва́лим Васили́ска и ве́рою почти́м Клеони́ка и Евтро́пия велему́дрыя,/ ве́рою пострада́вшия за Тро́ицу Всесвяту́ю/ и па́че со́лнца просия́вшия.

Чудеса́ соверша́юще в сла́ву Бо́га на́шего,/ привлеко́сте зря́щия к ве́ре Спа́сове, му́ченицы многострада́льнии,/ цве́ти кра́снии ра́йстии, церко́вная утвержде́ния.

Богоро́дичен: Сия́нием от Тебе́ па́че ума́ возсия́вшаго озари́ на́ша мы́сли, Всенепоро́чная,/ и тьму́ ума́ли помысло́в душетле́нных,/ я́ко да пое́м Тя, Влады́чице.

Песнь 6

Ирмо́с: Обы́де нас после́дняя бе́здна,/ не́сть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш:/ Ты бо кре́пость немощству́ющих и исправле́ние.

Ра́дуется земля́ и Небе́сная,/ лику́ют челове́цы, ле́тний соверша́юще пра́здник,/ е́же за Христа́ страда́ния блаже́нная до́блественно претерпе́вших ума́ тве́рдостию.

Почти́л еси́ до́брыми твои́ми нра́вы, Евтро́пие, Бо́га Преблага́го,/ победи́л еси́ хи́трости вра́жия./ Те́мже тя почита́ют вси челове́цы,/ тобо́ю прегреше́ний разреше́ние прия́ти наде́ющиися.

Исцеле́ний исто́чники излива́юще,/ зной отгна́сте неду́гов и скорбе́й, му́дрии,/ всем благоздра́вие посыла́юще,/ благоче́стно ва́шему покро́ву при́сно притека́ющим.

Богоро́дичен: Увяди́вшая Твои́м прозябе́нием, Всенепоро́чная,/ дре́вле прозя́бшую преступле́нием зло́бу вра́жию,/ в души́ мое́й прозяба́ющия душетле́нныя и терно́вныя по́мыслы исто́ргни.

Песнь 7

Ирмо́с: Тебе́, у́мную, Богоро́дице, пе́щь,/ разсмотря́ем, ве́рнии:/ я́коже бо о́троки спасе́ три Превозноси́мый,/ мир обнови́, во чре́ве Твое́м всеце́л,/ хва́льный отце́в Бог и препросла́влен.

Я́коже наслажде́ние Боже́ственное вменя́юще удо́в отсече́ние,/ зауше́ния, строга́ния и сме́рть ну́жную,/ му́ченицы веселя́щеся и Бо́гу усе́рдно пою́ще:/ хва́льных отце́в Бог и препросла́влен.

По мно́гих томле́ниих телесе́/ крест претерпе́сте кре́пко в подо́бии Изба́вителя,/ сла́вне Евтро́пие, вели́кий Клеони́че,/ и блаже́нную кончи́ну получи́сте,/ хва́льнаго воспева́юще Бо́га и препросла́вленнаго.

Взира́ти вам предповелева́я к безсме́ртным воздая́нием,/ в темни́це яви́ся Христо́с,/ Его́же ви́девше, дерзнове́ния испо́лнистеся,/ взыва́юще, му́ченицы сла́внии:/ хва́льный отце́в Бог и препросла́влен.

Богоро́дичен: Изба́ви ны, Пресвята́я Влады́чице, от язы́ческаго наше́ствия,/ сре́тения лука́ваго, вся́каго обстоя́ния/ и осужде́ния ве́чнаго, ве́рою зову́щия:/ хва́льный отце́в Бог и препросла́влен.

Песнь 8

Ирмо́с: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Просте́рт иму́ще ум,/ ко Еди́ному Влады́це простро́стеся, уязвля́еми, всехва́льнии, зе́льне/ и му́чими, вопию́ще:/ вся дела́ Госпо́дня, Го́спода по́йте и превозноси́те во вся ве́ки.

Возвы́сившеся на кресте́, я́коже дре́вле Влады́ка,/ вели́каго сподо́бистеся благосла́вия, страда́льцы, вопию́ще и глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Си́лою Боже́ственною, всеблагосла́внии, укре́пльшеся, страстоте́рпцы,/ беззако́нных ополче́ния победи́ша кре́пко, пою́ще и глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Тро́ичен: Я́ко Еди́ницу естество́м, Тя пою́, Божество́ Всесвято́е,/ Треми́ же Ипоста́сьми несе́чно разделя́я, зову́, ра́дуяся:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Богоро́дичен: Храм яви́лася еси́ Емману́ила и две́рь,/ Е́юже Еди́н вни́де и изы́де,/ я́коже Сам ве́сть, Чи́стая, спаса́я зову́щия:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Песнь 9

Ирмо́с: О́браз чи́стаго Рождества́ Твоего́/ огнепали́мая купина́ показа́ неопа́льная,/ и ны́не на нас напа́стей свире́пеющую угаси́ти, мо́лимся, пе́щь,/ да Тя, Богоро́дице,/ непреста́нно велича́ем.

Да Иису́са приобря́щете, насу́щаго жития́ вся вмени́сте уме́ты,/ я́коже Па́вел Боже́ственный научи́;/ сего́ ра́ди до́бре пострада́вше, на Небесе́х обита́ете,/ венцено́сцы великоимени́тии.

Яви́ся, я́коже столп треуго́льный, свяще́нных му́ченик Боже́ственное собра́ние,/ сте́ны лука́ваго безбо́жия низложи́ша благода́тию,/ и ны́не живу́т во гра́де Бо́га Жива́го, перворо́дных в ски́ниих.

Вене́ц нетле́ния, святи́и, от Христа́ прие́мше,/ багряни́цу же омочи́вше от му́ченических ва́ших крове́й,/ предстоите́ Царю́ веко́в, осия́еми све́тлыми светоли́тии/ и всебога́тными раздая́нии.

Уже́ Бо́гу прибли́жившеся и со Безпло́тными собо́ры пра́зднующе,/ на земли́ вас при́сно блажа́щия и па́мять ва́шу пра́зднующия, му́ченицы,/ Небе́сную получи́ти све́тлость испроси́те.

Богоро́дичен: Ужаса́ются А́нгельстии чи́ни от Твои́х ложе́сн Возсия́вшаго,/ Его́же о нас, Де́во Ма́ти, моли́,/ я́ко да стра́шныя вся изба́вит му́ки и тьмы́ кроме́шныя, пою́щия Тя.

Святые мученики Евтропий, Клеоник пострадали в городе Амасии, а Василиск – в г. Команы около 308 года.

Братья Евтропий и Клеоник и племянник святого великомученика Феодора Тирона (память 17 февраля) Василиск были друзьями. После мученической кончины святого Феодора они оставались заключенными в Амасийской темнице, где обратили многих язычников к истинной вере.

После бесславной гибели Публия, истязавшего святого Феодора, правителем Амасии Понтийской был назначен Асклипиодот, который не уступал в жестокости своему предшественнику. Узнав, что друзья мученика Феодора Тирона все еще находятся в темнице, правитель велел привести их. Перед новым правителем святые Евтропий, Клеоник и Василиск твердо исповедали веру во Христа. За это они были преданы беспощадному избиению. Во время пыток святой Евтропий громко молился Спасителю: «Дай, Господи, нам терпения совершенного в ранах сих ради венца мученического, и приди на помощь к нам, как и к рабу Твоему Феодору пришел». И молитва эта была услышана. Страдальцы увидели Господа с сонмом Ангелов и предстоящим Ему святым Феодором Тироном. Святой Феодор ободрил их: «Вот на помощь вашу Спаситель пришел, чтобы вы известны стали в вечной жизни».

Воины и многие из стоявших поблизости людей также видели Спасителя. Они испугались и стали просить Асклипиодота прекратить пытки. Увидев, что народ волнуется и готов уверовать в Истинного Бога, правитель велел увести мучеников.

Он пригласил святого Евтропия к себе на обед и предложил ему публично принести жертвы языческим богам, а в душе оставаться христианином, если он того желает. Но святой Евтропий отверг это предложение.

На следующий день мучеников привели в языческий храм, чтобы склонить их к участию в ритуальном жертвоприношении. Святой Евтропий стал просить Спасителя: «Господи, будь с нами и все языческое беснование истреби. Подай милость, чтобы на месте этом христиане приносили Тебе, Истинному Богу, Бескровные Жертвы». Едва прозвучало последнее слово молитвы, как началось землетрясение, стали рушиться стены храма, и изображение богини Артемиды разбилось. В то же время явственно прозвучали слова свыше, что молитва мучеников услышана и впоследствии на этом месте будет воздвигнут христианский храм.

После землетрясения едва опомнившийся от страха правитель Асклипиодот велел врыть в землю высокие деревянные колья, привязать к ним мучеников и поливать их кипящей смолой. Святые стали молиться Богу, а мученик Евтропий воскликнул, обращаясь к мучителям: «Да обратит Господь дело ваше против вас!» И вместо того, чтобы жечь мучеников, смола стала обжигать тех, кто лил ее, а с мучеников смола стекала, «как вода по мрамору». Видевшие это пришли в ужас, но одержимый неистовством Асклипиодот приказал усилить пытки. Тела святых терзали железными крючьями, их раны поливали уксусом и посыпали солью. С дивной твердостью перенесли святые и эти муки.

Последнюю ночь перед казнью мученики провели в молитве, и снова Господь явился им и укреплял их.

Утром 3 марта святые Евтропий и Клеоник были распяты на крестах, Святого Василиска продолжали томить в заточении. Тюремные стражи, удивленные его мужеством, позволили святому Василиску отлучиться в родное село Кумиальское, для прощания с матерью и братьями. Оттуда, по распоряжению правителя, святой Василиск был приведен в сапогах, усеянных внутри гвоздями.

22 мая в городе Команы (Абхазия) святой Василиск был обезглавлен; тело его бросили в реку. Местные христиане нашли его честные останки и похоронили их на вспаханном поле. На месте страданий святого Василиска и поныне течет источник, который славится своими целительными свойствами. Позже в Команах была воздвигнута церковь во имя святого Василиска.

По прошествии столетия, в сентябре 407 года сюда пришел после долгого и изнурительного пути сосланный в г. Питиус (ныне Пицунда) святитель Иоанн Златоуст. В Команах силы оставили его. Здесь он был утешен явлением святого мученика Василиска (на его могиле), который сказал: «Не унывай, брат Иоанн! Завтра мы будем вместе». На следующий день, 14 сентября, святитель Иоанн Златоуст, причастившись Святых Тайн, преставился ко Господу.

Память святого мученика Василиска совершается также 22 мая.