23-й день

Свята́го преподо́бному́ченика Ни́кона и дву сту учени́к его́, с ним му́чившихся

Священномученик Никон, епи́скоп, и 199 учеников его

Преподо́бнаго Ни́кона, игу́мена Пече́рскаго в Бли́жних пеще́рах почива́ющаго

Преподобный Никон, игумен Печерский

На Го́споди, воззва́х: стихи́ры, глас 4.

Подо́бен: Я́ко до́бля:

Сла́сти теле́сныя/ и пло́ти непоко́рное/ браздо́ю повину́л еси́, блаже́нне,/ воздержа́ния, благода́тию/ победи́в, я́ко храбр, всеору́жие врага́/ си́лою Ду́ха./ Отону́дуже во́ждь был еси́ мона́шествующих,/ после́дующих всему́дрому твоему́/ и Боже́ственному, Ни́коне,/ пропове́данию всегда́.

Возсия́в, я́ко со́лнце/ от восто́ка, всесла́вне,/ вселе́нную всю просвети́л еси́/ чуде́с све́тлостию,/ лик приводя́, я́ко звезд све́тлых, ученико́в твои́х./ С ни́миже пострада́л еси́ кре́пко,/ мечи́ посе́чени бы́вше,/ и в ру́це Всецаря́ Влады́ки/ ва́ша ду́ши положи́вше.

Ни глад, ниже́ беда́,/ ни нагота́, ни ра́ны,/ ни ну́жнейшая вои́стинну сме́рть,/ вас от любве́ Бо́жия отлучи́ти возмо́же, досточу́днии,/ но я́ко а́гнцы на заколе́ние,/ па́стырю после́дующе,/ от за́пада к невече́рнему поко́ю Небе́снаго Ца́рствия,/ страстоте́рпцы венцено́сцы, достиго́сте.

Сла́ва, и ны́не, Богоро́дичен, глас и подо́бен то́йже:

Осужде́ния изба́ви, Пресвята́я Богоневе́сто,/ и лю́тых прегреше́ний/ смире́нную мою́ ду́шу,/ и сме́рти измени́ моли́твами Твои́ми,/ и да́руй оправда́ние получи́ти/ в де́нь испыта́ния,/ е́же получи́ша святы́х собо́ри,/ покая́нием очище́на мя пре́жде конца́ покажи́/ и сле́зными излия́нии.

Крестобогоро́дичен. Подо́бен то́йже:

На Кресте́ Тя я́ко узре́/ пригвожде́на, Го́споди,/ А́гница и Ма́ти Твоя́ дивля́шеся,/ и – что виде́ние сие́,– взыва́ше,–/ Сы́не вожделе́ние?/ Сия́ Тебе́ неве́рный собо́р воздаде́ беззако́нный,/ и́же мно́гих Твои́х чуде́с наслади́выйся./ Но сла́ва неизглаго́ланному/ соше́ствию Твоему́, Влады́ко.

Кано́н, его́же краегране́сие: Побе́ды тя пою́ тезоимени́таго, блаже́нне. Ио́сиф. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л е́сть.

Победи́в по́стническими боре́нии злоко́зненнаго,/ страда́льческими венча́лся еси́ добро́тами/ и Бо́гу ны́не предстои́ши, о нас моля́ся, преподо́бне Ни́коне, чту́щих тя.

Кре́постию на́ша не́мощи укрепи́вшаго возмо́г,/ хра́бровал еси́ пре́жде во бране́х, блаже́нне,/ и, победи́тель быв, ко Христо́ву притека́еши креще́нию.

Украша́ется муче́нием полк блаже́ннейший учени́к твои́х,/ пе́рвее му́дре просве́щся поще́ньми,/ и сугу́быми боре́нии сугу́бы венцы́ исплете́.

Богоро́дичен: Две́рь, я́же к нам Твоего́, Го́споди, сни́тая, восто́ка,/ и со́лнце, и свет, та́инственно Тя нарица́емаго,/ преесте́ственно роди́ сугу́ба естество́м Невме́стнаго.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи,/ Ты моя́ кре́пость, Го́споди,/ и прибе́жище, и утвержде́ние.

Во́инством духо́вным препоя́сан,/ во́инство Боже́ственное, му́чениче Христо́в,/ вооружи́л еси́ ко страда́ния подвиго́м.

Распя́в по́стнически пло́ть, всесла́вне, пе́рвее,/ потща́лся еси́ страда́льческими ра́нами полки́ де́монския победи́ти.

От восто́ка я́коже звезда́, Ни́коне, прише́д,/ к за́падом дости́гл еси́./ Те́мже, у́мер, заше́л еси́ и ко Христу́ возсия́л еси́.

Богоро́дичен: Му́ченический собо́р Твое́ изобрази́ заколе́ние, Влады́ко,/ позна́в Тя, из Отрокови́цы Неискусобра́чныя прозя́бша.

Седа́лен, глас 4.

Подо́бен: Ско́ро предвари́:

Преподо́бно пожи́в, Ни́коне, пе́рвее,/ и лик собра́л еси́ богопокори́вых,/ благоче́стно при́сно после́дующих тебе́,/ от восто́ка к за́паду возсия́в, я́коже со́лнце светоно́сно, заря́ми страда́ний,/ гно́ем крове́й ва́ших пре́лесть ума́ливше.

Сла́ва, и ны́не, Богоро́дичен:

Де́во Всенепоро́чная, Я́же пресу́щнаго Бо́га ро́ждшая,/ со безпло́тными Того́ непреста́нно моли́/ оставле́ние прегреше́ний и исправле́ние жития́ да́ти нам пре́жде конца́,/ ве́рою и любо́вию пою́щим Тя по до́лгу, еди́на Всепе́тая.

Крестобогоро́дичен:

На Кресте́ Тя возвы́шена я́ко узре́ Пречи́стая Ма́ти Твоя́, Сло́ве Бо́жий,/ ма́терски рыда́ющи, веща́ше:/ что но́вое и стра́нное сие́ чу́до, Сы́не Мой?/ Ка́ко, Жи́знь всех, вкуша́еши сме́рти,/ оживи́ти ме́ртвыя хотя́, я́ко Милосе́рд?

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Наслажда́яся Боже́ственными светоли́тии,/ мук тече́ния неуя́звлен преше́л еси́, Ни́коне досточу́дне,/ и побе́ды вене́ц, му́чениче, досто́йно прия́л еси́.

Светлостьми́ преле́потствуя до́блестей, я́ко по́стник подвиза́лся еси́,/ стра́сти умертви́в пе́рвее теле́сныя страда́нием,/ второ́е де́монския победи́в полки́.

Ополчи́стеся ору́жием благоче́стия на врага́, Богому́дрии,/ и сме́ртию сла́вною безсме́ртие прия́сте, пою́ще:/ сла́ва си́ле Твое́й, Го́споди.

Богоро́дичен: Я́ко су́щу тва́ри вы́шшу Творе́ц возлюби́в,/ о Де́во Ма́ти, показа́ Тя Ма́терь Себе́,/ Ю́же ны́не мо́лят собо́ри страда́лец благоле́пнейше.

Песнь 5

Ирмо́с: Ты, Го́споди, мой свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.

Боже́ственным твоея́ ма́тере благоповину́яся наказа́нием,/ си́лу, Ни́коне, име́л еси́ кре́стную во бране́х, науча́яся лу́чшим.

Житие́ твое́, све́том доброде́телей просвеща́емо,/ страда́ние, я́коже у́тварь благоле́пнейшу, и́мать,/ Богому́дре и всече́стне.

Зако́ном Богонача́льным повину́ющеся, му́ченицы хра́бровавше/ и беззако́нныя Бо́жиим посо́бием му́жески победи́ша.

Богоро́дичен: Свет безле́тный нам, О́тчее сия́ние, родила́ еси́,/ подле́тна бога́тством бла́гости бы́вша, Всенепоро́чная.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися,/ ра́ди ми́лости от ребр Твои́х/ исте́кшею Кро́вию.

От восто́ка, я́ко многосве́тлое устреми́лся еси́ со́лнце,/ я́коже зве́зды, Богому́дре, ученико́в лик приводя́,/ и за́пад заря́ми ва́шими просвети́сте.

Ка́плями крове́й твои́х, му́чениче, потопи́л еси́ многобо́жия мо́ре/ и глубино́ю по́двигов удави́л еси́ зло́бы лю́таго обрета́теля и вселука́ваго.

Я́ко крин, во страда́нии зла́чнем процвето́сте,/ и, я́ко сладкодыха́тельный шипо́к, на́ша сердца́ благоуха́ете муче́ния добро́тами,/ страстоте́рпцы Богодухнове́ннии.

Богоро́дичен: Храм Тя Бо́жий и пала́ту одушевле́нну/ страстоте́рпческий лик позна́в, Влады́чице,/ мо́лит Тя, еди́ну жен отъе́мшую поноше́ние.

Песнь 7

Ирмо́с: В пещи́ авраа́мстии о́троцы перси́дстей/ любо́вию благоче́стия па́че,/ не́жели пла́менем, опаля́еми, взыва́ху,/ благослове́н еси́ в хра́ме сла́вы Твоея́, Го́споди.

Па́че зла́та искуси́вся, Богому́дре, ра́нами,/ столп доброде́телей яви́лся еси́, напа́дания де́монская отгоня́:/ благослове́н еси́, Бо́же мой,– зовы́й,– и Го́споди оте́ц на́ших.

По кончи́не пове́ржено твое́ те́ло, му́чениче, та́йно,/ Боже́ственныя врачева́ний испуща́я све́тлости, отго́нит вред де́монский,/ тя явле́ннаго Боже́ственною сотво́ршаго си́лою.

Ве́сь Боже́ственными наслади́вся, всеблаже́нне, манове́ньми,/ те́ло ра́нам пре́дал еси́ терпели́вно,/ венцено́сец же предстои́ши Вседержи́телю на Небесе́х,/ я́ко возжела́л еси́, преподо́бне.

Па́стырь ове́ц сый слове́сных, му́дре,/ от волко́в мы́сленных соблю́л еси́ невре́дны/ и, с си́ми в Небе́сней огра́де всели́вся,/ жела́ний кра́йнейшему предстои́ши.

Богоро́дичен: Не растли́в де́вства Твоего́, Отрокови́це, отню́д,/ Сло́во О́тчее в Тя всели́ся,/ и му́чеников лобыза́ лик сла́вный,/ Богоро́дицу Тя чи́стую пропове́дающ.

Песнь 8

Ирмо́с: Ру́це распросте́р, Дании́л/ льво́в зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Недрема́нно нося́ сия́ние се́рдца твоего́,/ напое́но слез пото́ки, преподо́бне, и страда́ния кровьми́,/ в нерукотворе́ннем, вопия́, черто́зе ны́не живе́ши:/ благослови́те, вся дела́ Госпо́дня, Го́спода.

Красота́ по́стников и страда́льцев показа́лся еси́, преподо́бне,/ во обои́х бо благоизво́лил еси́ побе́ды,/ удивля́юща мы́сль, на еди́наго врага́, Ни́коне, стяжа́в, зовы́й:/ благослови́те, вся дела́ Госпо́дня, Го́спода.

Кровьми́ напои́в души́,/ на ре́вность Боже́ственную воздви́гл еси́, преподо́бне,/ я́звами муче́ний уязви́л еси́ де́монское ополче́ние,/ и́стинствующее в тебе́ зва́ние показа́в, вопия́:/ благослови́те, вся дела́ Госпо́дня, Го́спода.

Богоро́дичен: Расто́ргни вери́ги тя́жкия мои́х паде́ний,/ испра́вльши Ада́мово испаде́ние, Чи́стая, рождество́м Твои́м, Всепе́тая,/ и светово́ждствуй вопи́ти чи́стым по́мыслом:/ благослови́те, вся дела́ Госпо́дня, Го́спода.

Песнь 9

Ирмо́с: Ка́мень нерукосе́чный/ от несеко́мыя горы́ – Тебе́, Де́во,/ краеуго́льный отсече́ся,/ Христо́с, совокупи́вши разстоя́щаяся естества́./ Тем, веселя́щеся, Тя, Богоро́дице, велича́ем.

Ви́де тя, ран добро́тою процве́тша/ и багряни́цею от му́ченических твои́х крове́й Венцеда́тель облече́на,/ с собо́ю всели́, Ни́коне, Боже́ственно ра́дующася.

Я́ко предо́бра твоя́ любо́вь, ю́же к Бо́гу стяжа́л еси́, Ни́коне,/ и те́пла твоя́ ре́вность, огне́м Боже́ственным распала́ема,/ и чу́дно страда́ние, с Небе́сными тя совоку́пльшее.

Тя на церко́вней высоте́ со́лнце посреди́ иму́ще лик страстоте́рпец,/ я́ко зве́зды, све́том Боже́ственным облиста́ни,/ лучеда́тными сия́нии вселе́нную всю озаря́ют.

Взя́лся еси́ ко оби́телем нетле́нным,/ лик сугубосо́тный, му́чениче, страда́льцев предста́вив Венцеда́вцу,/ с ни́миже помина́й соверша́ющих дне́сь свяще́нную ва́шу па́мять.

Богоро́дичен: Све́та жили́ще яви́лася еси́ нас ра́ди из Тебе́ я́вльшагося,/ Его́же непреста́нно моли́ просвети́ти мы́сли на́ша,/ благоче́стно пою́щих Тя, Де́во Ма́ти Всенепоро́чная.

Священномученик Никон родился в Неаполе (Италия), в первой половине III века. Отец воспитал его в язычестве, но мать, христианка, постоянно молилась, чтобы Господь обратил сына к истинной вере. Когда сын поступил на военную службу, мать напутствовала его словами: «Если случится тебе попасть в беду, что часто бывает на войне, осени себя крестным знамением и будешь невредимым». И хотя обычно юноша мало обращал внимания на увещания матери, эти слова запали ему в сердце.

Однажды, во время сражения, Никон со своим отрядом оказался в середине неприятельского войска. Гибель казалась неизбежной, и тогда воин вспомнил слова матери. Перекрестившись, он призвал на помощь Всесильного Бога, дав обещание принять Христову веру, если Господь сохранит ему жизнь. Внезапно ощутив крепость духа, воин смело устремился вперед и поверг противника в бегство.

Возвратившись домой, Никон рассказал матери о своем чудесном спасении. Благочестивая женщина со слезами возблагодарила Господа. Теперь уже с глубоким вниманием слушал Никон свою мать, разъяснявшую сыну основы истинной веры. Он сам изъявил желание принять Святое Крещение. В то время христиане подвергались гонениям, и найти священника было нелегко. Мать благословила сына в дорогу и взяла с него обещание, что он вернется домой, приняв крещение.

Не найдя иерея в родных местах, Никон на корабле отправился в плавание и вскоре вступил на берег острова Хиос, в Эгейском море.

Здесь, на высокой горе, он пребывал в глубокой молитве восемь дней, прося Господа послать ему руководителя на пути к спасению. И Господь внял его мольбе. Явившийся Никону во сне Ангел вручил ему увенчанный крестом жезл и повелел идти к берегу, где его будет ждать корабль. Снова пустившись в плавание, Никон вскоре достиг фракийского острова Ганос, находившегося от острова Хиос в двух днях пути. Здесь, в пещерах, скрывались от преследования язычников епископ Кизикии Феодосии и его ученики. Чудесным образом уведомленный о прибытии Никона, епископ Феодосии принял его с радостью и вскоре совершил над ним Таинство Святого Крещения.

Жизнь в пещерном монастыре пришлась по душе святому Никону, и он сам решил принять иночество. Кротость и смирение новопостриженного монаха, его ревностное изучение Божественных книг, терпение, с которым он переносил лишения, вызывали уважение у всей братии.

Так прошло три года. Епископ Феодосии получил во сне откровение о своей близкой кончине и повеление поставить после себя архипастырем монаха Никона. Он посвятил святого Никона сначала во диакона, затем во священника и, наконец, рукоположил во епископа. Перед смертью он завещал своему преемнику оставить пещерный монастырь, разрушение которого варварами предвидел, и переселиться с братией в Сицилию. Совершив погребение епископа Феодосия, святитель Никон и 199 монахов, сев на корабль, достигли берегов Италии.

Помня о данном матери обещании, святитель Никон поспешил в Неаполь. Там он нашел свою мать, которая, увидев его в епископском облачении, вознесла благодарность Господу и тихо скончалась на руках у сына.

Во время пребывания в родном городе святитель Никон встретился со своими друзьями-воинами и много говорил с ними о христианской вере. Пример бывшего сослуживца так подействовал на девятерых из них, что они последовали за преподобным и его братией.

В Сицилии они основали обитель в пустынном, но плодородном месте, на восточном побережье острова. Место это называлось Гигиа. Питаясь трудами рук своих, иноки провели здесь несколько лет. В то время усилилось гонение на христиан. По приказу Квинтиана, правителя острова, 199 иноков подверглись жестоким истязаниям. Их долго и нещадно били воловьими жилами, но ни один из них не отступился от Христа, и святые мученики были обезглавлены.

Святого Никона оставили в живых и заковали в цепи. Тело его поджигали огнем, потом привязали к борзым коням, чтобы влачить по земле, но осененные крестным знамением, кони стояли недвижно, как ни били и не понуждали их слуги вожжами и уздой. Разгневанный игемон велел предать этих коней смерти. Святого Никона били камнями по лицу, вытянули клещами язык и отрезали. И только после всех этих нескончаемых мучений святитель Никон был отведен на место, называемое Гигиа, где ранее жил со своими учениками, и там обезглавлен на реке Асинос. Святой пострадал в царствование Декия (249–251). Тело его было оставлено без погребения и брошено на съедение зверям и птицам.

В тот самый день, когда нечестивый игемон Квинтиан осудил святого епископа Никона на усечение, при переправе через реку Псимиф, он был растоптан и сброшен в реку своими внезапно рассвирепевшими конями, по пророчеству святителя Никона.

Пастух, одержимый злым духом, когда ходил по той земле и нашел тело святителя Никона, упал лицом на землю, ибо нечистый дух, изгоняемый силой святого, поверг его на землю и вышел из него с громким воплем. Исцеленный пастух пошел оттуда, рассказывая всем о происшедшем чуде. Услышав об этом, епископ города Мессины отправился вместе со своим клиром за многострадальным телом священномученика Никона, нашел его и предал с честью погребению

Тропа́рь, глас 5:

Христо́ва виногра́да лоза́ яви́лся еси́, Богоблаже́нне Ни́коне,/ гро́здие принося́ Ему́ – доброде́тели твоя́,/ и про́чиих, к те́мже наставля́я,/ приводи́л еси́ Христу́ Бо́гу,/ Ему́же, мо́лим тя, моли́ся за ду́ши на́ша.

Ин тропа́рь, глас 1:

Послуша́ния до́брый рачи́тель быв,/ преподо́бне Ни́коне приснопа́мятне,/ це́рковь бо пречу́дну Пресвяты́я Богоро́дицы/ прекра́сно украси́л еси́./ Те́мже и мы, ча́да твоя́, любо́вию вопие́м ти:/ сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Конда́к, глас 8:

Тре́тье свети́ло пеще́рное,/ прогоня́ющее тьму́ бесо́вскую,/ восхваля́ем тя, му́дре,/ и по до́лгу чтим труды́ и по́двиги твоя́,/ я́же подъя́т о ста́де свое́м/ и о украше́нии церко́внем,/ воззыва́юще ти усе́рдие си́ле:/ ра́дуйся, о́тче Ни́коне, красото́ церко́вная.

Ин конда́к, глас 4:

Духо́вному твоему́ наста́внику, о́тче Ни́коне, вся́чески прилепи́вся/ и от него́ наставля́емь,/ во всем Христо́ви порабо́тився,/ мона́хов был еси́ чинонача́льник и преподо́бных сожи́тель,/ с ни́миже Христа́ Бо́га моли́ непреста́нно о всех нас.

Преподобный Никон, игумен Печерский был первым учеником и сподвижником преподобного Антония Печерского († 1073), основателя Киево-Печерской Лавры, к которому пришел уже будучи иереем. С благословения преподобного Феодосия Печерского († 1074) он постригал всех новоприходящих иноков. За пострижение любимцев великого князя Изяслава (1054–1078) – Варлаама и Ефрема преподобный Никон навлек на себя гнев князя. Он был вынужден удалиться на полуостров Тмутаракань (на восточном берегу Керченского пролива). Здесь преподобный Никон совместно с одним иноком построили храм в честь Пресвятой Богородицы и основали при храме обитель. Когда преподобный Никон возвратился в Киево-Печерскую обитель, преподобный Феодосии оказал ему должное почтение и любовь. По словам преподобного Нестора Летописца, преподобный Феодосии, отлучаясь куда-либо, поручал ведению преподобного Никона всю братию; иногда же преподобный Никон вместо него предлагал братии поучение. Нередко, когда преподобный Никон переплетал книги, преподобный Феодосии прял нитки, необходимые для переплета.

По удалении из Киево-Печерской обители игумена преподобного Стефана, святой Никон был избран игуменом обители. Он много потрудился, чтобы украсить храмы монастыря фресками и мозаикой. Скончался преподобный Никон в 1088 году, в глубокой старости. Мощи его поныне почивают в Антониевых (Ближних) пещерах Киево-Печерской Лавры. Память его празднуется также 28 сентября (Собор преподобных Ближних пещер) и во 2-ю неделю Великого поста (Собор всех Киево-Печерских святых).