24-й день

Предпра́зднство Благове́щения Пресвяты́я Богоро́дицы

Слово на Благовещение Пресвятой Богородицы

Преподо́бнаго Заха́рии По́стника, в Да́льних пеще́рах почива́ющаго

Преподобный Захария Постник, Печерский

Святы́х му́ченик Петра́ и Стефа́на Каза́нских

Святые мученики Стефан и Петр Казанские

Ве́чер, обы́чная кафи́зма. На Го́споди, воззва́х: Трио́ди самогла́сен дне, два́жды, и му́ченичен, и подо́бны три, и предпра́зднства на 4, глас 4.

Подо́бен: Я́ко до́бля:

Сокрове́нное та́инство,/ и А́нгелом неве́домое,/ Гаврии́л уверя́ет Арха́нгел/ и к Тебе́ ны́не прии́де, еди́ней нетле́нней/ и до́брей голуби́це,/ ро́да на́шего воззва́нию,/ и вопие́т Тебе́, Пресвята́я, е́же ра́дуйся:/ угото́вися сло́вом, Бо́га Сло́ва/ Твои́ми ложесна́ми прия́ти. Два́жды.

Светоно́сная пала́та/ угото́вася Тебе́, Влады́ко,/ утро́ба Чи́стая Богоотрокови́цы,/ гряди́ к Сей и сни́ди,/ уще́дри созда́ние Твое́,/ зави́стно бра́нь прие́мшее,/ и рабо́тою удержа́нное льсти́ваго,/ и добро́ту пе́рвую погуби́вшее,/ и Твоего́ спаси́тельнаго ча́ющее соше́ствия.

Гаврии́л Арха́нгел/ к Тебе́, Всенепоро́чная, явле́нно прии́дет/ и возопие́т Тебе́:/ ра́дуйся, кля́твы разреше́ние,/ па́дших воста́ние;/ ра́дуйся, еди́на избра́нная Бо́гу бы́вшая;/ ра́дуйся, колесни́це Со́лнца сла́вы:/ приими́ Безпло́тнаго,/ во утро́бе Твое́й всели́тися хотя́щаго.

Сла́ва, и ны́не, глас 2. Самогла́сен:

Благовеству́ет Гаврии́л Благода́тней дне́сь:/ ра́дуйся, неневе́стная Ма́ти и неискусобра́чная./ Не удивля́йся стра́нному моему́ зра́ку,/ ни ужаса́йся, Арха́нгел бо е́смь./ Змий прельсти́ Е́ву иногда́,/ ны́не же благовеству́ю Тебе́ ра́дость,/ и пребу́деши нетле́нна,/ и роди́ши Го́спода, Пречи́стая.

Вход. Проки́мен. И чте́ния дне, и про́чее преждесвяще́нных. А иде́же не́сть преждесвяще́нных, и пое́м подо́бны Трио́ди, 3, и предпра́зднства, 3. Сла́ва, и ны́не: Благовеству́ет Гаврии́л:

На стихо́вне самогла́сен Трио́ди и му́ченичен.

Сла́ва, и ны́не, предпра́зднства, глас 2:

Е́же от ве́ка та́инство открыва́ется дне́сь,/ и Сын Бо́жий Сын челове́чь быва́ет,/ да, ху́ждшее восприе́м, пода́ст ми лу́чшее./ Солга́ся дре́вле Ада́м,/ и бог, возжеле́в бы́ти, не бы́сть./ Челове́к быва́ет Бог,/ да бо́га Ада́ма соде́лает./ Да весели́тся тва́рь,/ да ликовству́ет естество́,/ я́ко Арха́нгел Де́ве со стра́хом предстои́т,/ и – е́же ра́дуйся – прино́сит,/ печа́ли сопроти́вное./ За милосе́рдие ми́лости вочелове́чивыйся Бо́же наш,/ сла́ва Тебе́.

НА У́ТРЕНИ

Аллилу́ия и тро́ичны гла́са. А́ще ли случи́тся в суббо́ту или́ неде́лю, на Бог Госпо́дь: тропа́рь, глас 4:

Дне́сь всеми́рныя ра́дости нача́тки/ предпра́зднственное воспе́ти повелева́ют:/ се бо Гаврии́л прихо́дит,/ Де́ве нося́ благове́стие,/ и к Ней вопие́т:/ ра́дуйся, Благода́тная,/ Госпо́дь с Тобо́ю.

И обы́чныя кафизмы, и про́чее, по обы́чаю.

Кано́н предпра́зднства со ирмосо́м на 6. И Трио́ди, по чи́ну их. Творе́ние Феофа́ново. Глас 4.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л е́сть.

Мир обра́дованно весели́тся, я́ко ощути́в Госпо́дне соше́ствие на Тя:/ за милосе́рдие бо ми́лости с Небе́с схо́дит во утро́бу Де́вы всели́тися.

Се Тебе́, Цари́це, посыла́ется Боже́ственный Арха́нгел/ Царя́ всех и Бо́га провозвести́ти прише́ствие и возгласи́ти Тебе́:/ ра́дуйся, воззва́ние пра́отца.

Ста́мна светоза́рная и всезлата́я, угото́вися на прия́тие, ма́нны живо́тныя:/ на Тя бо прии́дет гла́сом А́нгеловым,/ в Тя па́че естества́ вселя́яся.

Во утро́бу Твою́ чи́стую всели́тися хо́щет Госпо́дь, живы́й при́сно на Небеси́,/ онебеси́ти бо гряде́т земноро́дных смеше́ние, в сие́ му́дре обо́лкся.

Песнь 3

Ирмо́с: Не му́дростию, и си́лою, и бога́тством хва́лимся,/ но Тобо́ю, О́тчею Ипоста́сною Му́дростию, Христе́:/ не́сть бо свят, па́че Тебе́, Человеколю́бче.

Земля́, я́же те́рние страсте́й печа́льне израсти́вшая, взыгра́я, лику́й:/ се бо Земледе́латель Безсме́ртный, кля́твы изыма́я тя, ны́не прихо́дит.

Боже́ственное руно́, гото́вися, Де́во нескве́рная:/ на Тя бо Бог, я́ко до́ждь, сни́дет/ изсуши́ти пото́ки преступле́ния.

Сви́тче Боже́ственный, благоукраси́ся:/ пе́рстом бо О́тчим напи́шется в Тебе́ Боже́ственное Сло́во, вопло́щся,/ безслове́сия моего́ разреша́я преступле́ние.

Златы́й свети́льниче, подыми́ О́гнь Божества́,/ возсия́ющий Тобо́ю, и свет ми́рови да́руя,/ и́мже зол на́ших тьма́ разори́тся.

Седа́лен, глас 4.

Подо́бен: Яви́лся еси́:

Наше́ствием Ду́ха Всесвята́го,/ Отцу́ Сопресто́льнаго и Единосу́щнаго,/ гла́сом Арха́нгеловым зачала́ еси́, Богороди́тельнице,/ Ада́мово воззва́ние.

Сла́ва, и ны́не, други́й, глас 3.

Подо́бен: Красоте́:

Дне́сь вся тва́рь ра́дуется,/ я́ко – е́же ра́дуйся,– Тебе́ вопие́т А́нгел,/ благослове́нная Мариа́м и Пречи́стая Ма́ти Христа́ Бо́га./ Дне́сь змии́но омрача́ется шата́ние,/ кля́твы бо пра́отчи разреши́ся соу́з./ Те́мже и по всему́ вопие́м Ти:/ ра́дуйся, Обра́дованная.

Песнь 4

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Та́инство, дре́вле пре́жде век предопределе́нное,/ явле́ние начина́ет приима́ти./ Земля́ и Небе́сная, согла́сно возвесели́теся и ра́достно воскли́кните.

Пала́та вели́каго Царя́, слу́хов отве́рзи Боже́ственныя вхо́ды,/ уже́ бо прихо́дит Христо́с и́стина/ и всели́тся посреди́ Тебе́.

Прама́тернее поползнове́ние исправля́яй, Изба́витель яви́тся,/ в неискусобра́чную утро́бу вселя́яся, Тому́ воспои́м:/ сла́ва си́ле Твое́й, Го́споди.

Авваку́м Тя пронарече́ го́ру дре́вле, доброде́тельми присе́нну,/ из нея́же яви́тися хо́щет Бог наш, Де́во Всенепоро́чная,/ еди́на челове́ком исправле́ние.

Песнь 5

Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения,/ ве́рою воспева́ющия Тя.

О нескве́рная А́гнице!/ А́гнец бо Бо́га на́шего во утро́бу Твою́ вни́ти тщи́тся,/ взе́мляй на́ша согреше́ния.

Жезл та́йный пома́ле процвете́т, я́коже пи́шет,/ Боже́ственный цвет от ко́рене Иессе́ева нам явля́ющися.

А́нгеловым гла́сом утучни́вшися, я́ко виногра́д,/ к прозябе́нию гото́вися зре́лаго, Де́во, и нетле́ннаго Гро́зда.

Велича́йший проро́ков Иса́ия, возвесели́ся:/ Де́ва бо, о Не́йже проре́кл еси́,/ во чре́ве зачина́ет Сове́та Вели́каго А́нгела.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Ра́дуйся,– Тебе́ Гаврии́л Арха́нгел веща́ет,– ра́дость бо во чре́ве Твое́м прии́меши несказа́нно,/ ю́же Е́ва преступле́нием, Де́во, погуби́.

Не опали́т, не ужаса́йся отню́д, утро́бы Твоея́ О́гнь Божества́, Отрокови́це:/ купина́ бо дре́вле Тя вообража́ше, горя́щи,/ ника́коже опаля́ема, Всечи́стая.

Гора́, ю́же Дании́л прови́де Ду́хом, ра́дуйся, Де́во,/ из Тебе́ бо мы́сленный Ка́мень усече́тся/ и сокруши́т де́монов безду́шная тре́бища.

Ми́ра Ца́рь к Тебе́ прии́дет/ и Тобо́ю примири́т поборе́нныя и прельще́нныя, Богома́ти,/ лука́вым сове́том змии́ным.

Конда́к, глас 8.

Подо́бен: Взбра́нной:

Всем земны́м нача́ло спасе́ния на́шего Ты еси́, Богоро́дице Де́во,/ Бо́жий бо служи́тель с Небе́с по́слан предста́ти Тебе́,/ вели́кий чинонача́льник Гаврии́л,/ ра́дость обра́дованную Ти принесе́./ Тем вси зове́м Ти:/ ра́дуйся, Неве́сто Неневе́стная.

Песнь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же пра́вда пра́ведно уловля́ше,/ препе́тый Го́споди,/ Бо́же оте́ц на́ших, благослове́н еси́.

Киво́т слове́сный, его́же и́стинный Законополо́жник возлюби́в,/ в Тебе́ хо́щет селе́ние сотвори́ти, благово́ния испо́лнися,/ Тобо́ю бо истле́вшияся обнови́т.

Проро́ческий Боже́ственный лик, я́коже ощути́в, Отрокови́це,/ е́же на Тя Изба́вителя ми́рное прише́ствие, зове́т Тебе́:/ ра́дуйся, всех избавле́ние,/ ра́дуйся, Еди́на челове́ков спасе́ние.

Не ужаса́йся гла́са, не диви́ся глаго́лющему:/ Бо́жий слуга́ е́сть./ Яви́ти Тебе́ прии́де та́инство, А́нгелы неизрече́нное,/ неискусобра́чная Де́во благослове́нная.

Зри́ши тва́рь всю, враго́м порабоще́ну, Де́во,/ поми́ловати же ю за милосе́рдие ми́лости хотя́ Тобо́ю благоволи́вый,/ да не у́бо словесе́м А́нгела не ве́руеши.

Песнь 8

Ирмо́с: Ру́це распросте́р, Дании́л/ льво́в зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.

Ле́гкий о́блаче Све́та, Неискусобра́чная, угото́вися:/ се Со́лнце свы́ше превозсия́ет Тебе́ незаходи́мое,/ вма́ле у́бо в Тебе́ кры́емо, ми́ру же явля́емо/ и реша́що зло́бы омраче́ние.

А́нгелов пе́рвый служи́тель возопи́ Тебе́ глас ра́достен,/ возвеща́я Тебе́, Чи́стая, Вели́каго Сове́та А́нгела,/ воплоща́ема из Тебе́ за бла́гость, Ему́же вопие́м:/ благослови́те, вся дела́ Госпо́дня, Го́спода.

Отца́ одесну́ю седя́й,/ в Тебе́ селе́ние хо́щет сотвори́ти Пресу́щественный, Чи́стая,/ я́ко да поста́вит одесну́ю Себе́ Тя, бли́жнюю и до́брую я́ко Цари́цу,/ десни́цу же всем простре́т па́дшим и спасе́т ны.

Я́ко ши́пок удо́лий чист,/ я́ко крин благово́нен, позна́в Тя, Зижди́тель наш Госпо́дь/ ны́не возжела́ Твоея́ добро́ты, Чи́стая,/ и воплоти́тися из Твои́х крове́й хо́щет,/ я́ко да прожене́т злосмра́дие пре́лести бла́гостию.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла е́сть,/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́/ Тем Тя вси велича́ем.

Е́ва у́бо объя́т плод, сме́рть де́лающ всегуби́тельную,/ посреди́ же Тебе́ возрасте́т Плод, беземе́ртия хода́тайствен,/ Христо́с – сла́дость на́ша, Влады́чице,/ Его́же воспева́юще, Тя сла́вим.

Преклони́в Небеса́ Твоя́, к нам сни́ди,/ престо́л уже́ угото́вася Тебе́, Сло́ве, утро́ба Деви́ча:/ на не́мже я́ко Ца́рь крепча́йший сед,/ воздви́гнеши от паде́ния десни́цы Твоея́ созда́ние.

Ни́ва несе́янная, Чи́стая, подыми́ сло́вом Небе́сное Сло́во,/ я́ко пшени́цу плодоно́сну, прозяба́ющу из Тебе́,/ и концы́ пита́ющаго хле́бом ра́зума,/ Ему́же покланя́ющеся, Тя сла́вим.

Возжела́ добро́ты Твоея́ Христо́с, Всенепоро́чная, и во утро́бу Твою́ всели́ся,/ я́ко да от страсте́й безобра́зия род челове́ческий изба́вит/ и добро́ту дре́внюю да́рует,/ Ему́же покланя́ющеся, Тя сла́вим.

А́ще случи́тся суббо́та, свети́лен.

Подо́бен: Ученико́м:

Гаврии́л, с высоты́ слете́в,/ вопия́ше – е́же ра́дуйся, Богоро́дице, я́ко прама́тернюю кля́тву потреби́в всю,/ су́щих из Ада́ма благослови́ из Нея́ прозябы́й.

Сла́ва, и ны́не, то́йже.

На стихо́вне Трио́ди самогла́сен дне, два́жды, и му́ченичен. Сла́ва, и ны́не, глас 4:

Язы́ка, его́же не ве́дяше, услы́ша Богоро́дица,/ глаго́лаше бо к Ней Арха́нгел благове́щения глаго́лы,/ отню́дуже ве́рно, прии́мши целова́ние,/ зача́т Тя, Преве́чнаго Бо́га./ Те́мже и мы, ра́дующеся, вопие́м Ти:/ из Нея́ воплоти́выйся непрело́жно Бо́же,/ мир ми́рови да́руй/ и душа́м на́шим ве́лию ми́лость.

И час 1-й, с кафизмою и с покло́ны, по обы́чаю.

Подоба́ет ве́дати, а́ще случи́тся предпра́зднство Благове́щения Пресвяты́я Богоро́дицы в суббо́ту 3-я или́ 4-я неде́ли посто́в.

В пято́к ве́чера и у́тро трезво́н в двои́ ма́лыя ко́локола, кафи́зма рядова́я. На Го́споди, воззва́х: поста́вим стихо́в 10 и пое́м Трио́ди самогла́сен дне, два́жды, и му́ченичны 4, гла́са, и предпра́зднства на 4. Сла́ва, предпра́зднства, глас 2: Благовеству́ет Гаврии́л: И ны́не, догма́тик настоя́щаго гла́са. Вход. Све́те Ти́хий: Проки́мен, и чте́ния дне, и Да испра́вится моли́тва моя́: И про́чее преждесвяще́нных, по обы́чаю.

А́ще ли не́сть преждесвяще́нныя. На Го́споди, воззва́х: стихи́ры предпра́зднства на 6. Сла́ва, предпра́зднства. И ны́не, Богоро́дичен 1-й, гла́са. Та́же, Све́те Ти́хий: без вхо́да. Проки́мен и чте́ние дне. Посе́м Сподо́би, Го́споди: и ектения́: Испо́лним вече́рнюю: На стихо́вне самогла́сен Трио́ди, два́жды, пи́сан на Го́споди, воззва́х: и му́ченичен по гла́су его́ от Окто́иха, припе́вы же глаго́лем обы́чныя: К Тебе́ возведо́х: Сла́ва, и ны́не, предпра́зднства. По Ны́не отпуща́еши: и по О́тче наш: тропа́рь предпра́зднства. Та́же ектени́й: Поми́луй нас, Бо́же: и три покло́ны вели́кий. Посе́м Всесвята́я Тро́ице: Бу́ди И́мя Госпо́дне: три́жды. Та́же Досто́йно е́сть: и отпу́ст. Повече́рие вели́кое без покло́нов. По 1-м трисвято́м вме́сто Просвети́ о́чи мои́: глаго́лем тропа́рь предпра́зднства: Дне́сь всеми́рныя: По 2-м трисвято́м тропари́ обы́чныя: Поми́луй нас, Го́споди: Кано́н Окто́иха ме́ртвен. По Досто́йно: конда́к предпра́зднства.

На у́трени на Бог Госпо́дь: тропа́рь предпра́зднства, глас 4: Дне́сь всеми́рный: три́жды. И обы́чныя кафизмы, и седа́льны Окто́иха, Непоро́чных за упоко́й не пое́м. Пе́сни же 7-ю и 8-ю глаго́лем пре́жде в пято́к. Кано́н предпра́зднства со ирмосо́м на 6, ирмо́с два́жды. По 3-й пе́сни седа́лен предпра́зднства. Сла́ва, и ны́не, други́й. Егда́ же приспе́ет четверопе́сно, и пое́м кано́н предпра́зднства, я́коже предписа́ся, и Трио́ди на 8. По 6-й пе́сни конда́к предпра́зднства. По 9-й пе́сни свети́лен предпра́зднства. На стихо́вне Окто́иха, и́же на хвали́тех, настоя́щаго гла́са му́ченичны. После́дний стих оста́вим, припе́вы же глаго́лем обы́чныя: Испо́лнихомся зау́тра ми́лости Твоея́: И бу́ди све́тлость: Сла́ва, и ны́не, глас 4, предпра́зднства: Язы́ка, его́же не ве́дяше: и про́чая. На часе́х тропа́рь и конда́к предпра́зднства. На Литурги́и: Бла́женны предпра́зднства, пе́сни 3-я и 6-я. По вхо́де тропа́рь хра́ма Христо́ва, а́ще е́сть, та́же тропа́рь предпра́зднства. Сла́ва, конда́к хра́ма. И ны́не, предпра́зднства.

* * *

А́ще предпра́зднство Благове́щения случи́тся в Неде́лю Крестопокло́нную.

В суббо́ту на вели́цей вече́рни на Го́споди, воззва́х: стихи́ры воскре́сны 3, Креста́ 4, и предпра́зднства 3. Сла́ва, Креста́. И ны́не, Богоро́дичен 1-й гла́са. На лити́и стихи́ра хра́ма. Сла́ва, Креста́. И ны́не, предпра́зднства, пи́сана на Го́споди, воззва́х: На стихо́вне стихи́ры Окто́иха. Сла́ва, Креста́. И ны́не, предпра́зднства, пи́сана на у предпра́зднства, у́трени на стихо́вне, глас 4: Язы́ка, его́же не ве́дяше: На благослове́нии хле́бов тропа́рь Богоро́дице Де́во, ра́дуйся: два́жды, и Креста́, еди́ножды. Посе́м Бу́ди И́мя Госпо́дне: три́жды.

На у́трени на Бог Госпо́дь: тропа́рь воскре́сен, два́жды. Сла́ва, Креста́. И ны́не, предпра́зднства, и про́чее обы́чно. Кано́н воскре́сен, со ирмосо́м на 4, и Креста́ на 6, и предпра́зднства на 4. Катава́сия: Боже́ственнейший преобрази́: По 3-й пе́сни конда́к предпра́зднства и седа́льны Креста́. Сла́ва, и ны́не, предпра́зднства. По 6-й пе́сни конда́к и и́кос Креста́. По 9-й пе́сни свети́лен воскре́сен. Сла́ва, Креста́. И ны́не, предпра́зднства. Про́чее же на хвали́тех и на Литурги́и все, я́коже пи́сано в неде́лю 3-ю поста́, на ряду́ в 40-це, то́чию на часе́х тропа́рь воскре́сен глаго́лем непреме́нно. Сла́ва, Креста́ и предпра́зднства глаго́лем, пременя́юще. По О́тче наш: кондаки́ на всех часе́х Креста́ и предпра́зднства, пременя́юще, глаго́лем.

* * *

А́ще случи́тся предпра́зднство Благове́щения в понеде́льник 4-я, или́ 5-я, или́ 6-я неде́ли поста́.

В неде́лю ве́чера стихи́ры на 10: Окто́иха покая́нны 4, и Трио́ди 3, и предпра́зднства 3. Сла́ва, и ны́не, предпра́зднства. Вход. Проки́мен вели́кий. Та́же Сподо́би, Го́споди: И покло́ны 3. Посе́м ектения́: Испо́лним вече́рнюю: Та́же пое́м стихо́вну в Трио́ди с припе́вы обы́чными. Сла́ва, и ны́не, предпра́зднства, и́же пи́сан на у́трени на стихо́вне, глас 4: Язы́ка, его́же не ве́дяше: Посе́м Ны́не отпуща́еши: и трисвято́е с покло́ны. И тропари́ Богоро́дице Де́во, ра́дуйся: с покло́ны и Го́споди, поми́луй, 40, и Небе́сный Царю́: По Честне́йшую: 3 покло́ны, и отпу́ст.

На у́трени пое́м Аллилу́ия и тро́ичны гла́са. И обы́чныя кафи́змы. И про́чее пое́м на у́трени и на часе́х, я́коже указа́ся пре́жде в ряду́ в 24-й день.

* * *

А́ще случи́тся предпра́зднство Благове́щения в сре́ду 4-ю поста́, е́же е́сть Крестопокло́нную.

Ве́чер пое́м и зау́тра все с покло́ны, во вто́рник ве́чера кафи́зма рядова́я. На Го́споди, воззва́х: стихи́ры Трио́ди 3 и предпра́зднства 3. Сла́ва, Креста́. И ны́не, предпра́зднства, проки́мен, и чте́ния дне. На стихо́вне стихи́ры Трио́ди. Сла́ва, Креста́. И ны́не, предпра́зднства. На у́трени в сре́ду кано́н Трио́ди, со ирмосо́м на 6, и предпра́зднства на 4. А иде́же трипе́снец, пое́м кано́н Креста́ со ирмосо́м на 4 и предпра́зднства на 2, по два тропаря́ за еди́н. И трипе́снца на 8, последи́ ирмо́с трипе́снца. По 3-й пе́сни конда́к предпра́зднства и седа́лен дне. Сла́ва, и ны́не, предпра́зднства. По 6-й пе́сни конда́к и и́кос Креста́. По 9-й пе́сни свети́лен тро́ичен гла́са. На хвали́тех стихи́ры Креста́, пи́саны на Го́споди, воззва́х: оста́вшия. На стихо́вне Трио́ди. Сла́ва, Креста́. И ны́не, предпра́зднства. На 1-м часе́ быва́ет поклоне́ние Креста́, по обы́чаю.

Си́це пое́м слу́жбу предпра́зднства и Креста́ и в пято́к, а́ще случи́тся, тоя́жде седми́цы.

* * *

А́ще случи́тся предпра́зднство Благове́щения в четверто́к 4-я неде́ли посто́в.

В сре́ду ве́чера, на Го́споди, воззва́х: стихи́ры на 10: Трио́ди на 6 и предпра́зднства на 4. Сла́ва, Креста́, глас 8: Дне́сь неприкоснове́нный: И ны́не, предпра́зднства. Та́же вход, и про́чая преждесвяще́нных. На у́трени же пое́м все, я́коже указа́ся на ряду́ в 24-й день.

Подоба́ет ве́дати, а́ще случи́тся Благове́щение Пресвяты́я Богоро́дицы в сре́ду 5-я неде́ли посто́в.

И предпра́зднства Благове́щения пое́м слу́жбу, стихи́ры и кано́н, в понеде́льник на ряду́, Мине́и же свята́го пое́м на повече́рии.

* * *

А́ще ли же случи́тся предпра́зднство Благове́щения Пресвяты́я Богоро́дицы в четверто́к 5-я неде́ли посто́в.

И пое́м слу́жбу предпра́зднства, стихи́ры и кано́н, напреди́ в сре́ду на ряду́ вели́каго ра́ди кано́на. Рядова́го же свята́го слу́жбу та́кожде пое́м на повече́рии.

* * *

А́ще случи́тся предпра́зднство Благове́щения Пресвяты́я Богоро́дицы в неде́лю 4-ю или́ 5-ю посто́в.

На вели́цей вече́рни стихи́ры воскре́сны 3, и восто́чны 3, Анато́лиевы, и предпра́зднства 4. Сла́ва, предпра́зднства. И ны́не, Богоро́дичен 1-й гла́са. И про́чее по обы́чаю.

На у́трени тропа́рь воскре́сен, два́жды. Сла́ва, и ны́не, предпра́зднства. И про́чее воскре́сно. Кано́н воскре́сен со ирмосо́м на 4, и Богоро́дицы на 2, и Трио́ди на 4, и предпра́зднства на 4. Катава́сия: Отве́рзу уста́ моя́: По 3-й пе́сни конда́к предпра́зднства и седа́лен Трио́ди. Сла́ва, и ны́не, предпра́зднства. По 6-й пе́сни конда́к воскре́сен и и́кос. По 9-й пе́сни свети́лен воскре́сен. Сла́ва, и ны́не, предпра́зднства. И про́чее, по обы́чаю, воскре́сно и Трио́ди. На 1-м часе́ тропа́рь воскре́сен. Сла́ва, предпра́зднства. И ны́не, Богоро́дичен часо́в. Святы́х же слу́жбы – Иоа́нна Ле́ствичника и Мари́и Еги́птяныни – в сия́ неде́ли оставля́ются и пою́тся, егда́ екклисиа́рх разсу́дит.

* * *

А́ще случи́тся предпра́зднство Благове́щения в суббо́ту 5-ю ака́фиста.

В пято́к ве́чера, на Го́споди, воззва́х: пое́м стихи́ры Трио́ди, самогла́сен дне, два́жды, и му́ченичен, и ака́фиста на 4, и предпра́зднства 3. Сла́ва, предпра́зднства. И ны́не, ака́фиста. Вход. Проки́мен, и чте́ние дне. Да испра́вится моли́тва моя́: и про́чее преждесвяще́нных.

Четверопе́снец же Трио́ди пое́м на повече́рии. На у́трени на Бог Госпо́дь: тропа́рь ака́фиста, два́жды. Сла́ва, и ны́не, предпра́зднства, и обы́чныя кафи́змы. Кондаки́ и и́косы ака́фиста по чи́ну их. Кано́н предпра́зднства со ирмосо́м на 6 и ака́фиста на 8. Катава́сия: Отве́рзу уста́ моя́: По 3-й и по 6-й пе́сни кондаки́ и и́косы по обы́чаю. По 9-й пе́сни свети́лен ака́фиста, два́жды. Сла́ва, и ны́не, предпра́зднства. На хвали́тех стихи́ры ака́фиста на 4, глас 4. Подо́бен: Я́ко до́бля: Сла́ва, и ны́не, глас 4: Язы́ка, его́же не ве́дяше: Славосло́вие вели́кое, и отпу́ст.

А́ще предпра́зднство Благове́щения случи́тся в суббо́ту Ла́зареву.

Пое́тся предпра́зднства слу́жба, пре́жде в четверто́к тоя́же седми́цы, я́коже указа́ся сего́ ме́сяца в 24-й день.

Слово на Благовещение Пресвятой Богородицы святителя Григория чудотворца, епископа Неокесарийского († ок. 266–270, па́мять 17 ноября́).

Опять благовестие радости, опять возвещение свободы, опять воззвание, опять возвращение, опять обетование веселия, опять избавление от рабства. Ангел беседует с Девою, чтобы змий не говорил более с женою.

В месяц шестый,– говорится,– послан бысть Ангел Гавриил от Бога к Деве, обрученней мужеви. Послан Гавриил возвестить всемирное спасение. Послан Гавриил принести рукописание об освобождении Адаму. Послан Гавриил к Деве, да изменит бесславие жены в честь. Послан Гавриил приготовить достойное жилище чистому Жениху. Послан Гавриил обручить творение с Творцом. Послан Гавриил к одушевленному чертогу Царя Ангелов. Послан Гавриил к Деве, хотя обрученной Иосифу, но блюдомой для Иисуса Сына Божия. Послан раб бестелесный к Деве нескверной. Послан непричастный греху к беспорочной. Послан светильник предвозвестить Солнце Правды. Послан утренний свет быть предтечею Света дня. Послан Гавриил возвестить о пребывающем в недре Отца и в ложеснах Матери. Послан Гавриил указать Того, Кто на Престоле и в вертепе. Послан воин открыть тайну Великого Царя, разумеваемую верою и недоступную любопытству; тайну достопоклоняемую и неизследимую; тайну, усвояемую благословствующим, а не измеряемую простым умом.

В шестый месяц послан бысть Гавриил к Деве. В какой шестой месяц? В тот, в который Елисавета приняла радостную весть, в который зачала Иоанна. Откуда это видно? Это изъясняет сам Архангел, говоря с Девою. Се Елисавет,– говорит он ,– южика Твоя, и та зачат сына в старости своей; и сей месяц шестый есть ей, нарицаемей неплоды (Лк. 1:36); поэтому в шестый месяц по зачатии Иоанна. Воин и оруженосец должен был предшествовать (своему Вождю) и слуге надлежало предварить пришествие своего Владыки.

В месяц шестый послан Ангел Гавриил к Деве, обрученней мужеви,– обрученной, но несопряженной; обрученной, но сохраненной. Для чего обрученной? Для того, чтобы враг не тотчас уведал тайну. Что чрез Деву имел придти Царь,– это знал лукавый, потому что и он слышал слова Исайи: се Дева во чреве зачнет и родит Сына; поэтому постоянно наблюдал изречение о Деве, чтобы устроить бесславие в то время, когда надлежало исполниться этому таинству. Посему Владыка, чтобы сокрыть это от лукавого, пришел чрез обрученную: так как обрученная потом была вручена жениху.

В шестый месяц послан Гавриил к Деве, обрученней мужеви, емуже имя Иосиф. Послушай, что об этом муже и об этой Деве говорит Пророк: дастся книга сия запечатленная человеку, ве́дущему Писания (Ис. 29:11). Что же это за книга запечатленная, если, без сомнения, не Пренепорочная Дева? Кем она дается? – Очевидно, священниками. Какому человеку? – Древоделу Иосифу. Священники, обручив Марию целомудренному Иосифу, вверили ему Ее в ожидании времени брака; а Иосиф, приняв Ее, имел сохранить Деву в чистоте, как задолго предсказал Пророк: дастся книга сия запечатленная человеку, ве́дущему Писания, и речет: не могу прочести. Почему же ты, Иосиф, не можешь? Не могу,– говорит он,– прочести: запечатлена бо. Для кого же хранится она? Блюдется для Творца всяческих в жилище. Но возвратимся к своему предмету.

В шестый месяц послан бысть Гавриил к Деве, получив такие повеления (от Бога): «иди, Архангел, и будь слугою страшного и сокровенного таинства: послужи чуду. Движимый милосердием, Я спешу сойти для взыскания заблудшего Адама. Грех обезобразил созданного по образу Моему, повредил творение рук Моих, помрачил красоту, Мною созданную. Волк пожирает Мою юницу; жилище рая пусто; древо жизни охраняется пламенным оружием; место сладости заключено: хочу помиловать бедствующего и связать врага. Но Я хочу сокрыть таинство от всех Сил Небесных и тебе одному вверяю его. Иди к Деве Марии; иди к одушевленному граду, о коем сказал Пророк: преславная глаголашася о тебе, граде Божий (Пс. 86:3). Иди к словесному Моему раю; иди ко вратам востока; иди к жилищу, достойному Меня – Слова; иди ко второму на земле небу; иди к легкому облаку и возвести ему дождь Моего пришествия; иди к святилищу для Меня предуготованному; иди ко храму Моего воплощения; иди к чистому чертогу Моего по плоти рождения. Поведай во уши разумного ковчега, да отверзает Мне входы слуха. Но не устраши и не смути души Девы. Предстань тихо пред святилищем и прежде всего возвести ей радость; скажи Марии: радуйся, Благодатная! потому что Я помилую падшую Еву».

Выслушав все это, Архангел размышлял сам с собою: «Странно это дело; превосходит разумение то, что мне сказано. Тот, Кого трепещут Херувимы, на кого Серафимы взирать не могут,– Непостижимый для всех Сил Небесных объявляет Отроковице особенное с Нею событие, возвещает Ей Свое личное пришествие и притом обещает вшествие посредством слуха. Осудивший Еву, хочет так прославить ее дщерь, говорит: отверзи мне входы слуха. Но может ли чрево вместить Невместимого – Поистине страшно это таинство!»

Когда Ангел помышлял об этом, Владыка сказал ему: «Что смущаешься и недоумеваешь, Гавриил? Не ты ли был послан от Меня прежде к Захарии священнику? Не ты ли благовестил ему о рождении Иоанна? Не ты ли наказал молчанием священника за неверие? Не ты ли осудил старца на лишение голоса? Не подтвердил ли и Я того, что ты ему предрек? Не оправдалось ли твое благовестив самым событием? Не зачала ли неплодная? Не повиновалось ли чрево? Не удалилась ли болезнь неплодства? Не исчезло ли бездействие природы? Не сделалась ли ныне плодоносного та, которая прежде была бесплодною? Ужели изнеможет у Меня, Творца, всяк глагол? Итак, зачем ты недоумеваешь?»

Что же на это Ангел? «Владыка! Исправить недостатки природы, укротить бурю скорбей, омертвевшие члены тела воззвать к жизненному действию, повелеть природе рождать детей, разрешить неплодство заматеревших членов, устаревший стебель преобразить в зеленый, бесплодную землю тотчас сделать матерью обильной жатвы,– эти дела обыкновенно совершаются Твоею силою. Свидетели этому Сарра, за нею Ревекка, потом Анна, которые, страдав тяжкою болезнию неплодства, были Тобою избавлены от нее. Но родить деве без мужа – это превыше всех законов природы,– и Ты возвещаешь пришествие Свое Отроковице! Небо и земля не вмещают Тебя: как же вместит Тебя утроба девическая?»

Но Владыка сказал: «Как Меня вместила куща Авраамова?» – «Но Авраам был море гостеприимства,– отвечал Ангел,– и Ты, Владыка, явился Аврааму в куще и прошел ее, как все наполняющий: но как Мария стерпит огнь Божества? Трон Твой пылает блеском огненным; может ли понести Тебя Дева, не опалившись?» «Подлинно,– возразил ему Владыка,– если огонь опалил в пустыне купину, то опалит, конечно, и Марию Мое пришествие; но если этот огонь, прообразовавший сошествие Божественного огня с Неба, оросил купину, а не сжег, то что ты скажешь о самой Истине, сходящей не в пламени огненном, но в виде дождя?»

Исполняя поведенное, Ангел пришел к Деве и воззвал к Ней, говоря: « радуйся, Благодатная, Господь с Тобою! Уже диавол не устоит против Тебя, потому что, где в самом начале враг нанес рану, там ныне прежде всего Врач спасения уготовал врачевство; откуда вышла смерть, там жизнь открыла свой вход; от жены проистекло зло, от жены источается и благо. Радуйся, Благодатная! Не стыдись, как виновница осуждения; ты будешь Матерью и Судии и Искупителя. Радуйся, Непорочная Невестородительница, когда мир вдовствовал! Радуйся, погрузившая во чреве смерть матери! Радуйся, одушевленный храм Божий! Радуйся, равночестное жилище неба и земли! Радуйся, пространное вместилище невместимого естества!»

При таких обстоятельствах явился (от Девы) для болящих врач, для сидящих во тьме – солнце правды; для всех обуреваемых – якорь и безопасное пристанище, для рабов, непримиримо враждующих, родился Владыка и сделался союзом мира, избавителем пленных, миротворцем враждующих. Той бо есть мир наш (Еф. 2:14), которого да сподобимся все мы, по благодати и человеколюбию Господа нашего Иисуса Христа, Которому слава, честь и держава, ныне, и всегда, и во веки веков. Аминь.

Тропа́рь, глас 3:

По́стническаго ра́ди твоего́ жития́, блаже́нне Заха́рие,/ я́ко прие́мый ве́лию на бе́сы кре́пость,/ моли́ и нам те́хже ко́зней избы́ти,/ получи́ти грехо́в проще́ние/ и ве́лию ми́лость.

Конда́к, глас 1:

В по́стничестве све́тло я́ко просия́вый/ и бесо́м стра́шен я́ко яви́выйся,/ всече́стне Заха́рие,/ укрепи́ и нас твои́ми моли́твами/ по́стническое житие име́ти/ и бесо́вскаго изба́вится злоде́йства,/ я́ко да ублажа́ем тя.

Преподобный Захария Постник, Печерский подвизался в Дальних пещерах в XIII–XIV веках. Строгость поста его доходила до того, что он не ел ничего печеного или вареного, а питался лишь зелием (травами) и то один раз в день по захождении солнца. Одного имени преподобного Захарии трепетали бесы. Часто преподобный видел Ангелов, с которыми и сподобился жить на Небе. Отождествление Преподобного Захарии Постника, Печерского, с сыном киевского жителя Иоанна – Захарией, отдавшим все в свое наследство на украшение Печерского храма и постригшемся в обители, необоснованно. Иоанн перед смертью передал имущество на сохранение своему другу Сергию. Это было при игумене преподобном Никоне († 1088, память 23 марта), Захарии в то время было 5 лет. В 15 лет, то есть не позднее 1098 года, он потребовал свое имущество у Сергия, чтобы передать его в монастырь. Таким образом, преподобный Захария Постник жил на два века позднее.

Тропа́рь, глас 4:

Му́чеников дво́ица единонра́вная,/ Стефа́не и Пе́тре сла́внии,/ неве́рие соплеме́нников обличи́вше,/ Христу́ после́довали есте́,/ во Святу́ю Тро́ицу ве́ровати всех науча́юще,/ Ея́же ра́ди вели́кия страда́ния прие́мше,/ моли́теся о нас ко Го́споду,/ да, изба́вившеся тьмы́ грехо́вныя,/ Све́та яви́мся о́бщницы невече́рняго.

Конда́к, глас 3:

Святи́и страстоте́рпцы Стефа́не и Пе́тре,/ Тро́ицы побо́рницы преизря́днейшии,/ мук треволне́ния и стра́шную сме́рть на ве́чную жи́знь премени́вшии/ во гра́де Каза́ни страда́льчествовавшии,/ ны́не же в Небе́сных черто́зех Всецарю́ предстоя́щии,/ от вся́ких нас грехопаде́ний изба́вити Христа́ Бо́га моли́те,/ Той бо е́сть ве́рных утвержде́ние.

Святые мученики Стефан и Петр Казанские были родом из татар; уверовав в Господа, они приняли Святое Крещение в 1552 году, после взятия Казани Иоанном Грозным.

Святой мученик Стефан, страдавший расслаблением ног в течение 20 лет, получил исцеление и был крещен протоиереем Тимофеем, который доставил из Москвы в Казань послание святителя Макария, Митрополита Московского, войску царя Иоанна Грозного. Среди новокрещеных татар, обратившихся в Православие в то время, был и святой мученик Петр.

После удаления русского войска из Казани оставленный в Казани наместником хан Ших-Алеб вынужден был бежать в Свияжск; многие из русских торговых и военных людей не успели покинуть город и подверглись избиению татарами.

Святой мученик Стефан за твердость в христианской вере был изрублен на части; тело его разметали, а дом разграбили.

Святого мученика Петра, после ухода русских, родные взяли в свой дом и пытались склонить его к отречению от христианства. Они называли его прежним мусульманским именем, но на все уговоры святой Петр продолжал твердо исповедовать веру в Христа Спасителя и отвечал: «Во Святом Крещении дано мне имя Петр, а не то, каким вы меня называете».

Убедившись в его непоколебимой верности Православию, семья выдала его на истязания.

Святой Петр принял мученическую кончину, оставшись христианином, до последней минуты взывая: «Христианин есмь». Он был погребен в Казани, на месте, где находилась древняя церковь в честь Воскресения Христова, что на Житном торгу.

Через некоторое время после мученической кончины святых исповедников Стефана и Петра в Казани началось их почитание, выразившееся в совершении заупокойных молитв. В 1592 году святитель Казанский Гермоген (впоследствии Патриарх Московский и всея Руси) обратился к Патриарху Иову с прошением о занесении в повседневный синодик имен святых мучеников и получил соответствующее разрешение.

Впоследствии, когда мученики Стефан и Петр были канонизованы, память их была установлена 24 марта. В «Иконописном подлиннике» образ святых описывается под 24 марта: «Стефан подобием стар, сед, брада долга, ризы простые, мученические. Петр подобием стар, сед, брада, аки Николина, ризы мученические, простые».

Литература: Е. Е. Голубинский. История канонизации святых в Русской Церкви. М., 1903, с. 272; Н. П. Барсуков. Источники русской агиографии. СПб., 1882, стлб. 542; А. С. Трубачев (ныне иеромонах Андроник). Казанские святые Петр и Стефан. К 425-летию со дня мученической кончины. – Журнал Московской Патриархии, 1977, №8, с. 79–80.