Го́споди, Ты, пре́жде созда́тися,/ проразуме́л еси́ Иереми́ю сла́внаго/ и, пре́жде рожде́ния из ложе́сн, проро́ка освяти́л еси́,/ я́ко прове́дый вои́стинну ра́зума свобо́дное,/ его́же моли́твами, я́ко Ми́лостив,/ спаси́ ду́ши на́ша.

Го́споди, а́ще и в кал вве́ржен бысть Иереми́я святы́й,/ но кра́сное благово́ние у́мно восприима́ше,/ в ра́йских се́лех я́коже водворя́яся,/ его́же моли́твами, я́ко Благоде́тель,/ всех нас сохрани́.

Го́споди, Твои́ми пресве́тлыми заря́ми проро́к сия́я/ и супроти́вными зря́щеся блаже́н и че́стен,/ доброде́телей бо я́ве стыди́тся и супоста́т,/ и бу́дущая, я́ко настоя́щая, восхожде́ния предуве́де.

Сла́ва, и ны́не, пра́здника или́ Богоро́дичен, глас и подо́бен то́йже.

Виждь моего́ сокруше́ннаго се́рдца воздыха́ние, Богоневе́сто,/ приими́, Де́во Мари́е Чи́стая,/ рук мои́х воздея́ние, я́ко Человеколюби́ва,/ и не отри́ни, Всенепоро́чная,/ да пою́ и велича́ю Тя, возвели́чившую род наш.

Крестобогоро́дичен, подо́бен то́йже:

Безнача́льное Сло́во О́тчее,/ и Сы́не Мой,/ и Ду́ху сопресто́льное,/ ка́ко Твоя́ пречи́стыя дла́ни на Дре́ве просте́рл еси́?/ Что́ толи́кая Твоя́ ныне́ нищета́, Преблаги́й?–/ предстоя́щи Твоему́ Кресту́, вопия́ше Пренепоро́чная.

Тропа́рь, глас 2:

Проро́ка Твоего́ Иереми́и па́мять, Го́споди, пра́зднующе,/ тем Тя мо́лим:/ спаси́ ду́ши на́ша.

Кано́н, глас 8.

Песнь 1

Ирмо́с: Во́ду проше́д я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Пре́жде твоего́ созда́ния проуве́денно из ма́терня чре́ва освяти́лся еси́/ и язы́ком проро́к пома́зался еси́, взыва́я:/ Изба́вителю и Бо́гу на́шему пои́м.

Всех ра́зум пре́жде прие́мый,/ твоея́ мы́сли движе́ния прозря́, о Иереми́е Богоявле́нне,/ наста́вника тя лю́дем поставля́ет.

Твоея́ мы́сли зри́тельное, му́дре, очи́стив от скверн плотски́х,/ и́стины свиде́тель показа́лся еси́,/ Творцу́ твоему́ превозлю́блен.

Богоро́дичен: Всели́вшееся в Тя Сло́во О́тчее, на земли́, Де́во Богоро́дице,/ па́че естества́ пло́тию ро́ждши,/ яви́лася еси́ тва́рей всех Влады́чица.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.

Ты, освяти́в проро́ка Твоего́, Влады́ко, пе́рвее рождества́,/ и блудя́щим наста́вника посла́л еси́.

Благода́ть Ду́ха, все́льшаяся во устне́ твои́,/ я́коже пресве́тло свети́ло, су́щим во тьме возсия́.

Ми́ра благово́ния твоего́ не терпя́,/ собо́р тя Изра́илев скве́рный в ро́ве затвори́.

Богоро́дичен: Тобо́ю, Пречи́стая, Пресу́щественный Безнача́льный Сын Бо́жий/ спожи́ти челове́ком благоизво́ли.

Седа́лен, глас 8.

Подо́бен: Воскре́се от гро́ба:

Приложи́ тебе́ у́хо Бог услы́шавати словеса́ Его́, Богогла́сный проро́че./ Те́мже, я́ко настоя́щая не су́щая, всем уясни́л еси́,/ рыда́ньми же о лю́дех твои́х, уда́льшихся от Го́спода, пла́кал еси́./ И ны́не сый на Небесе́х, мо́лишися спасти́ся нам.

Сла́ва, и ны́не, пра́здника или́ Богоро́дичен:

В пучи́ну лю́таго впадо́х уны́ния,/ от мно́жества лука́вых и нечи́стых мои́х дел приидо́х в недоуме́ние/ и отча́янием ны́не одержи́м есмь./ Влады́чице Богоро́дице, Сама́ мя спаси́ благоутро́бием Твои́м:/ гре́шных бо Ты еси́ по́мощь и очище́ние спаси́тельное.

Крестобогоро́дичен:

Нескве́рная А́гница, А́гнца и Па́стыря, ви́сяща на Кресте́, зря́щи, вопия́ше:/ Ча́до Мое́, что стра́нное у́бо и ненаде́жное сие́ зре́ние?/ Ка́ко Жизнь всех сме́ртию осужда́ется, земны́м подо́бне?/ Но воскресни́ тридне́вно из ме́ртвых, Сло́ве, я́коже рекл еси́,/ да, ра́дующися, сла́влю Тя.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Пресве́тлое сия́ние Пресвята́го и Боже́ственнаго Ду́ха, се́рдце твое́ облиста́вшее,/ су́щим во тьме просвеще́ние соде́ла.

Проро́ков спострада́тельнее всех быв, всеблаже́нне Богоприя́тне,/ ми́лости мя сподо́би, отча́яннаго мно́гими прегреше́ньми.

Яко хода́тай быв явле́нным и Боже́ственным сия́нием,/ хода́тайством твои́м умири́ многомяте́жнаго моего́ жития́ бу́рю.

Богоро́дичен: Бо́га, Его́же родила́ еси́, Пречи́стая Де́во,/ Сего́ моли́ моли́твами Твои́ми дарова́ти согреше́ний проще́ние.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

Я́коже мо́лнию, проро́ка Твоего́ посла́л еси́, Иереми́ю освяще́ннаго,/ су́щим во тьме све́та Тя, Христе́, возвеща́юща.

Стрелу́ избра́нну, в ту́ле¹ тя сокрове́нну, Иереми́е,/ проразуме́нием Своим твой Влады́ка,/ в ни́хже подоба́ше вре́менех, показа́.

У́ши чи́сте у́мныя име́я, сла́вне,/ бесе́дующу тебе́ Ду́ху сподо́бился еси́, проро́че, послу́шати.

Богоро́дичен: Ве́лие и стра́шное Де́вы та́инство:/ и́бо я́вльшагося на земли́ Е́ю Бо́га челове́ком милосе́рдия ра́ди/ ма́терски воспита́.

Песнь 6

Ирмо́с: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния,/ но Твою́ кре́пкую ру́ку мне простри́, яко Петро́ви,/ о Упра́вителю, и спаси́.

Привле́кл еси́ просвеще́ние и благода́ть бога́тно, Богоно́се,/ духо́вно уста́ душе́вная разшири́в,/ и, испо́лнься, о́бщно всем по́дал еси́, о проро́че, хотя́щим сия́ние.

Мо́ре мирско́е, возвыша́емое напа́стей треволне́нием, узре́в,/ после́дняя дворы́ возжела́л еси́,/ и исто́чник, реко́ю точа́щ сле́зы, люде́й твои́х злобы́тства го́рце рыда́ти.

Смерть Изба́вителя предска́зовал еси́ та́йно, Богогла́се:/ я́коже бо А́гня, на Дре́во Христа́ воздвиго́ша, живота́ Нача́льника,/ собо́р беззако́нный иуде́йский, Благоде́теля всея́ тва́ри.

Богоро́дичен: Сло́во, е́же от Отца́ пре́жде век ро́ждшееся безпло́тно,/ из Тебе́, Чи́стая, в ле́то пло́тски ражда́ется,/ и в се́ни Того́ вси поживе́м, я́коже дре́вле Иереми́я прорече́.

Конда́к, глас 3.

Подо́бен: Де́ва днесь:

Очи́стив ду́хом, вели́кий проро́че и му́чениче,/ твое́ светоза́рное се́рдце,/ сла́вне Иереми́е,/ проро́чествия дар свы́ше прия́л еси́/ и возопи́л еси́ велегла́сно во страна́х:/ се Бог наш, и не приложи́тся ин к Нему́,/ И́же, вопло́щся, на земли́ яви́лся есть.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Ты ны́не не ктому́ в наде́ждах, но ве́щию, проро́че,/ прорече́нная, исполня́ема твоя́ зря, взыва́еши:/ благослове́н еси́, Го́споди Бо́же, во ве́ки.

Орга́н Боже́ственный яви́ся, ударя́емь руко́ю Уте́шителевою,/ Небе́сныя гла́сы веща́я и поя́:/ благослове́н еси́, Го́споди Бо́же, во ве́ки.

Рыда́ния спису́я, о проро́че, не помрачи́ Боже́ственнаго весе́лия,/ его́же от младе́нства я́сно наслади́лся еси́, зовы́й:/ благослове́н еси́, Го́споди Бо́же, во ве́ки.

Богоро́дичен: Во чре́во Де́вы вни́ти я́коже благоволи́л еси́, челове́ки хотя́ спасти́,/ проро́ки я́ве научи́вый чудеси́,/ благослове́н еси́, Го́споди Бо́же, во ве́ки.

Песнь 8

Ирмо́с: Победи́тели мучи́теля и пла́мене/ благода́тию Твое́ю бы́вше,/ за́поведей Твои́м зело́ прилежа́ще,/ о́троцы вопия́ху:/ благослови́те, вся дела́ Госпо́дня, Го́спода.

На Небеса́ возше́л еси́, веселя́ся, Богодухнове́нне Иереми́е,/ и со Безпло́тными престо́лу всех Царя́ предстои́ши,/ благослови́те, – поя́, – дела́, Го́спода и превозноси́те Его́ во ве́ки.

Благоче́стия пропове́дник быв, прехва́льне, освяще́н,/ и нече́стия обличи́л еси́ не́мощь, Иереми́е,/ благослови́те, – поя́, – дела́, Го́спода и превозноси́те Его́ во ве́ки.

Боже́ственныя зари́ све́том сия́я,/ облиста́ния лю́бящим посыла́еши, зерца́ло многосве́тло я́ко прии́м,/ благослови́те, – вопия́, – вся дела́, Го́спода и превозноси́те Его́ во ве́ки.

Богоро́дичен: Мое́ существо́ из Тебе́ восприя́т Животода́вец/ и пре́ждних скверн сие́ очи́сти, о Богома́ти!/ Его́же пое́м:/ благослови́те, вся дела́, Го́спода и превозноси́те Его́ во ве́ки.

Песнь 9

Ирмо́с: Вои́стинну Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Све́ту сраствори́вся пречи́стому, Божества́ зари́, блаже́нне сла́вне,/ его́же на земли́ явле́ния я́сно стяжа́л еси́.

Исто́чника нетле́ннаго доше́д,/ озаре́нии же сего́, Богодухнове́нне,/ жела́емый тебе́ коне́ц я́ве получи́л еси́.

Заре́ю светоно́сною, ея́же ны́не наслажда́ешися,/ воспева́ющих твою́ па́мять просвеща́ти, Иереми́е блаже́нне, всех сподо́би.

Богоро́дичен: Приста́нище спасе́ния, ве́рующии, Пречи́стому Твоему́ Рождеству́ све́дуще,/ от бед изба́витися Тя мо́лим.

НА ЛИТУРГИ́И

Проки́мен, глас 4: Ты иере́й во век,/ по чи́ну Мелхиседе́кову. Стих: Рече́ Го́сподь Го́сподеви моему́: седи ́одесну́ю Мене́, до́ндеже положу́ враги́ Твоя́ подно́жие ног Твои́х. Апо́стол к Кори́нфяном, зача́ло 156. Аллилу́ия, глас 5: Моисе́й и Ааро́н во иере́ех Его́/ и Саму́ил в призыва́ющих и́мя Его́. Ева́нгелие от Луки́, зача́ло 14. Прича́стен: В па́мять ве́чную бу́дет пра́ведник:

Святой пророк Иеремия

Святой пророк Иеремия, один из четырех великих ветхозаветных пророков, сын священника Хелкии из города Анафофа, близ Иерусалима, жил за 600 лет до Рождества Христова при израильском царе Иосии и четырех его преемниках. К пророческому служению был призван на 15-м году своей жизни, когда Господь открыл ему, что прежде рождения Он избрал его на пророческое служение. Иеремия отказывался, указывая на свою молодость и неимение дара слова, но Господь обещал всегда быть с ним и охранять его. Он коснулся уст избранника и сказал: «Вот Я влагаю слова Мои в уста твои, поручаю тебе с сего дня судьбу народов и царств. По твоему пророческому слову они будут падать и восставать» (Иер. 1:9–10).

С того времени двадцать три года пророчествовал Иеремия, обличая иудеев за отступление от Истинного Бога и поклонение идолам, предрекая им бедствия и опустошительную войну. Он останавливался в воротах города или у входа в храм, всюду, где собирался народ, и увещевал с угрозами и нередко со слезами. Но люди отвечали ему насмешками, ругательствами и даже покушались его убить.

Изображая предстоящее иудеям рабство царю вавилонскому, Иеремия по повелению Божию надел на свою шею сначала деревянное, а потом железное ярмо и так ходил среди народа. Гневаясь на грозные предсказания Иеремии, старейшины иудейские бросили его в темничный ров, наполненный зловонной тиной, где он едва не умер. По ходатайству богобоязненного царедворца Авдемелеха пророк был извлечен изо рва, но не переставал пророчествовать, за что был посажен в темницу. При царе иудейском Седекии пророчество его сбылось: пришел с войсками Навуходоносор, избил народ, остаток увел в плен, а Иерусалим разграбил и разрушил. Навуходоносор освободил пророка из темницы и позволил ему жить, где пожелает. Пророк же остался на развалинах Иерусалима и оплакивал бедствия своего отечества. По преданию, пророк Иеремия взял Ковчег Завета со скрижалями и скрыл его в одной из пещер горы Наваф, так что иудеи более не могли его найти (2Мак. 2). Впоследствии был сделан новый Ковчег Завета, но он уже не имел славы первого.

Среди оставшихся в своем отечестве иудеев вскоре возникли междоусобные столкновения: наместник Навуходоносора Годолия был убит, и иудеи, боясь гнева вавилонян, решили бежать в Египет. Пророк Иеремия отклонял их от этого намерения, предсказывая, что кара, которой они боятся, настигнет их и в Египте. Но иудеи не послушались пророка и, взяв его насильно с собой, ушли в Египет и поселились в городе Тафнисе. Там пророк жил четыре года и был почитаем египтянами, так как умертвил своей молитвой крокодилов и прочих гадов, наполнявших те места. Когда же он стал предсказывать, что царь вавилонский опустошит землю египетскую и уничтожит поселившихся в ней иудеев, то иудеи убили пророка Иеремию. В том же году предсказание святого исполнилось. Существует предание, что через 250 лет Александр Македонский перенес мощи святого пророка Иеремии в город Александрию.

Пророк Иеремия написал книгу «Пророчеств», книгу «Плач» о разрушении Иерусалима и Послание. О временах, когда он жил и пророчествовал, говорится в 4-й Книге Царств (4Цар.23:24, 25), во 2-й Книге Паралипоменон (2Пар.36, 12) и во 2-й Книге Маккавеев (2).

В Евангелии от Матфе́я указано, что предательство Иуды предсказано пророком Иеремией: «И взяли тридцать сребреников, цену Оцененного, Которого оценили сыны Израиля, и дали их за землю горшечника, как сказал мне Господь» (Мф. 27:9–10).

Преподо́бнаго отца́ на́шего Пафну́тия Бо́ровскаго

ВЕ́ЧЕР

Блаже́н муж: На Го́споди, воззва́х: стихи́ры, глас 2.

Подо́бен: Егда́ от Дре́ва:

Преподо́бне о́тче блаже́нне Пафну́тие,/ пресла́вное житие́ твое́ мона́хов украше́ние,/ преподо́бных сожи́тельниче,/ апо́стольскаго уче́ния быв испо́лнен/ и Боже́ственнаго Ду́ха жили́ще,/ столп яви́лся еси́ благоче́стия,/ Те́мже твою́ свяще́нную па́мять ра́достно пра́зднующим/ моли́ от бед и скорбе́й изба́витися,/ любо́вию чту́щим тя, преблаже́нне.

Преподо́бне о́тче блаже́нне Пафну́тие,/ ты от ю́ности доброде́тели приле́жно возлюби́л еси́,/ сме́ртное попече́ние в се́рдцы стяжа́в,/ я́ко кро́ток, и ми́лостив, и чист был еси́,/ ум твой безстра́стием просвети́в/ и Боже́ственным смире́нием украси́в./ Ве́рою и любо́вию твою́, пресла́вне, па́мять чту́щим/ моли́ спасти́ся к Бо́гу твои́ми моли́твами.

Преподо́бне о́тче Пафну́тие всехва́льне,/ любо́вь име́л еси́, соверше́ние доброде́телей,/ оби́тели твоея́ врата́ отве́рзл еси́,/ ни́щим быв покро́в и прибе́жище/ и всем всяк был еси́,/ оби́димым помога́л еси́,/ печа́льныя утеша́я, я́ко оте́ц чадолюби́в./ Сего́ ра́ди почита́ем тя/ и светоно́сную па́мять твою́ пра́зднуем, Богоблаже́нне.

И́ны стихи́ры, глас 8.

Подо́бен: О, пресла́внаго чудесе́:

Преподо́бне о́тче прему́дре Пафну́тие,/ слепы́м подае́ши свет,/ боля́щим исцеле́ние,/ хромы́м здра́вие./ Ми́лостивно прекланя́ешися/ к приходя́щим ве́рою к ра́це моще́й твои́х/ и прося́щим по́мощи твоея́:/ тебе́ бо засту́пника, и предста́теля,/ и храни́теля, ве́рнии вси, обрето́хом, восхваля́юще тя.

Преподо́бне о́тче всече́стне Пафну́тие,/ до́брыми доброде́тельми возше́д на колесни́цу,/ к Бо́гу восте́кл еси́, побе́дныя по́чести прие́мля:/ я́ко ми́лоть, нам те́ло твое́, положе́но во гро́бе, о́тче,/ оста́вил еси́ источа́ти исцеле́ние,/ прогони́ти ду́хи лука́выя./ Тем блажи́м тя, прехва́льне.

Лико́м по́стническим сочета́лся еси́,/ по́стническим житие́м украси́вся, блаже́нне Пафну́тие,/ и ны́не на Небесе́х живе́ши, веселя́ся,/ иде́же лику́ют А́нгели./ И све́том вои́стинну Боже́ственным обожа́емь,/ помина́й вы́ну блажа́щих тя на земли́/ и пресвято́е твое́ пра́зднующих успе́ние.

Сла́ва, глас 6:

Е́же по о́бразу соблю́д невреди́мо,/ ум влады́ку на стра́сти па́губныя по́стнически поста́вив,/ во е́же по подо́бию я́ко мо́щно возше́л еси́,/ му́жески бо естество́ пону́див,/ потща́лся еси́ ху́ждшее покори́ти лу́чшему/ и плоть порабо́тити ду́ху./ Те́мже мона́шествующих яви́лся еси́ верх,/ жи́тель пусты́нный, благотеку́щих обучи́тель,/ пра́вило доброде́тели изве́стнейшее./ И ны́не на Небесе́х зерца́лом разре́шшимся,/ о́тче наш Пафну́тие,/ чи́сте зри́ши Святу́ю Тро́ицу,/ моля́ся несре́дственне о и́же ве́рою и любо́вию чту́щих тя.

И ны́не, пра́здника.

Вход, проки́мен дне. Чте́ния три.

Прему́дрости Соломо́ни чте́ние (главы́ 5 и 6):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ради прии́мут ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние свое́/ и вооружи́т тварь в месть враго́м./ Облече́тся в броня́ пра́вды/ и возложи́т шлем суд нелицеме́рен./ Прии́мет щит непобеди́мый преподо́бие,/ поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т,/ и от каменоме́тныя я́рости испо́лнь паду́т гра́ды./ Вознегоду́ет на них вода́ морска́я,/ ре́ки же потопя́т я на́гло./ Сопроти́в ста́нет им дух си́лы/ и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́./ Внуши́те держа́щии мно́жества/ и гордя́щиися о наро́дех язы́к,/ я́ко дана́ есть от Го́спода держа́ва вам/ и си́ла от Вы́шняго.

Прему́дрости Соломо́ни чте́ние (глава́ 3):

Пра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их,/ и е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́ни чте́ние (глава́ 4):

Пра́ведник а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости житие́ нескве́рное./ Благоугоде́н Бо́гови быв, возлю́блен бысть/ и живы́й посреде́ гре́шных преста́влен бысть./ Восхище́н бысть, да не зло́ба измени́т ра́зума его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры, глас 8:

Вре́менная презря́ и до́льняя, Богому́дре,/ высо́кая и пребыва́ющая возлюби́л еси́ Боже́ственным раче́нием:/ крест бо твой поне́с на ра́ме,/ ева́нгельски Бо́га возлюби́л еси́./ Поще́нием му́жески победи́в бесо́вския полки́,/ с Небе́сными весели́шися ли́ки, я́ко непобеди́м./ Го́рних хра́ма жела́я,/ безконе́чныя жи́зни сподо́бился еси́./ Но моли́ся, Богоно́се Пафну́тие, Спа́су всех/ умири́ти мир и спасти́ ду́ши на́ша.

Прииди́те, стецы́теся, и́ноческая чета́ боголюби́вая,/ к боже́ственней па́мяти отца́ на́шего Пафну́тия:/ сей бо от ю́ны версты́ взят и́го Христо́во на ся./ Тем и от Него́ прия́т дар чудоде́йствия/ и христолюби́вым князе́м учи́тель быв пра́выя ве́ры,/ вельмо́жам тве́рдое защище́ние,/ си́рым, я́ко оте́ц милосе́рд,/ вдова́м те́плое заступле́ние,/ скорбя́щим утеше́ние,/ ни́щим сокро́вище неоску́дное./ И, оби́тели твоея́ врата́ отве́рсты ни́щим всегда́ име́я,/ в гла́дное ле́то вся препита́л еси́, приходя́щия в дом Пречи́стыя./ И во гряду́щее ле́то моли́твою твое́ю/ плодо́в умноже́ние от Христа́ испроси́л еси́ а́лчущим лю́дем./ И кня́зя, вражду́ иму́ща на тя,/ моли́твою твое́ю от ага́рянских рук изба́вив,/ согреше́ний проще́ние ему́ по́дал еси́,/ он же ве́лию ве́ру к тебе́ стяжа́./ И ага́рянину новокреще́ну,/ хотя́щу зажещи́ твое́ жили́ще,/ запреще́нием твои́м слепоту́ наве́д,/ пока́явшуся же ему́, моли́твою свет очи́ма его́ дарова́л еси́./ Тем и мы мо́лим тя:/ изба́ви нас от враг ви́димых и неви́димых/ и моли́ся Христу́ Бо́гу/ умири́ти мир и спасти́ ду́ши на́ша.

Преподо́бне и Богоблаже́нне Пафну́тие,/ поучи́вся во дни и в нощи́ в за́поведех Госпо́дних,/ сподо́бился еси́ обрести́ ле́ствицу Небе́сную,/ по не́йже возше́д, дости́гл еси́ го́рняго Иерусали́ма,/ и, от боле́зней и трудо́в досто́йну по́честь прие́мля,/ со А́нгельскими ли́ки ны́не ра́дуешися,/ и Боже́ственнаго зре́ния наслажда́ешися Единосу́щныя Тро́ицы./ Те́мже и нас помина́й,/ предстоя́ у Престо́ла всех Царя́ Христа́ и Бога́ на́шего./ А́ще бо и теле́сне язы́к твой умолче́,/ но чудеса́ свиде́тельствуют,/ Росси́йская же земля́ вельми́ тобо́ю хва́лится:/ име́ю бо, рече́, в себе́ сокро́вище неистоща́емое,/ са́ми бо, зря́ще честну́ю ра́ку моще́й твои́х/ и чудеса́ быва́емая,/ прославля́ют просла́вльшаго тя Го́спода./ Те́мже, дерзнове́ние име́я к Нему́,/ и нам испроси́ оставле́ние грехо́в и ве́лию ми́лость.

Сла́ва, глас 6:

О́тче преблаже́нне Пафну́тие,/ пусты́нный быв жи́тель,/ и́же мир оста́ви,/ и был еси́, удруча́я те́ло твое́ посто́м,/ и бде́нием, и труды́,/ зи́му терпя́, и в наготе́ пребыва́я,/ в моли́твах же ум твой возводя́ к Небе́сному Ца́рствию./ И ны́не со А́нгелы водворя́ешися/ во све́те Присносу́щныя Тро́ицы./ Тем и о нас моли́ся Человеколю́бцу Бо́гу,/ сохрани́тися нам от се́тей лука́ваго/ и сподо́битися десна́го стоя́ния в день стра́шнаго суди́ща Христо́ва,/ твои́ми, свя́те, моли́твами./ И си́це хва́ляще тя, рцем:/ ра́дуйся, свети́льниче многосве́тлый,/ возводя́ ко Христу́ мона́хов мно́жество./ Ра́дуйся, стране́ Росси́йстей похвала́ и утвержде́ние,/ и всем ве́рным благоути́шное приста́нище,/ и очище́ние боля́щим во гресе́х,/ и на Боже́ственное тех возвыша́я раче́ние./ Тем, пречестну́ю твою́, и святу́ю, и А́нгелом гове́йную обстоя́ще ра́ку,/ любе́зно облобыза́ем/ и Боже́ственнаго человеколю́бия про́сим получи́ти/ твои́ми к Бо́гу моли́твами,/ и ми́ру мир дарова́ти/ и душа́м на́шим ве́лию ми́лость.

И ны́не, пра́здника.

На стихо́вне стихи́ры, глас 1.

Подо́бен: Всехва́льнии му́ченицы:

О́тче преподо́бне Пафну́тие,/ твоя́ кра́сная па́мять по́стников собра́ние весели́т до́бре,/ твое́ же житие́ и чуде́с благода́ть,/ и е́же дарова́ний светлостьми́./ Христа́ моли́ дарова́ти душа́м на́шим/ мир и ве́лию ми́лость.

Стих: Честна́ пред Го́сподем/ смерть преподо́бных Его́.

О́тче преподо́бне Пафну́тие,/ твоего́ уста́ва по́стнаго проти́внии убоя́шася/ и про́кляти бы́ша твои́ми моли́твами непреста́нными, всехва́льне:/ Христа́ бо соде́тельствующа стяжа́л еси́,/ Его́же моли́ дарова́ти душа́м на́шим/ мир и ве́лию ми́лость.

Стих: Блаже́н муж, боя́йся Го́спода,/ в за́поведех Его́ восхо́щет зело́.

О́тче преподо́бне Пафну́тие,/ Христа́ возлюби́в, вся́ко Того́ Боже́ственным стопа́м после́довал еси́,/ Крест взем, плоть умертви́л еси́,/ и живе́ши, Богоно́се, ду́хом./ И ны́не моли́ дарова́ти душа́м на́шим/ мир и ве́лию ми́лость.

Сла́ва, глас 8:

Мона́хов мно́жества/ наста́вника тя почита́ем, о́тче наш Пафну́тие:/ твое́ю бо стезе́ю вои́стинну пра́во ходи́ти позна́хом./ Блаже́н еси́, Христу́ рабо́тав,/ и вра́жию обличи́л еси́ си́лу,/ А́нгелов собесе́дниче, преподо́бных соприча́стниче и пра́ведных,/ с ни́миже моли́ся Го́сподеви/ поми́ловатися душа́м на́шим.

И ны́не, пра́здника.

Тропа́рь, глас 4:

Жития́ све́тлостию просвети́в твое́ оте́чество,/ в моли́твах и посте́х дарова́ний Боже́ственнаго Ду́ха испо́лнился еси́,/ и, во вре́менней сей жи́зни до́бре подвиза́вся,/ ми́лость благоутро́бия всем скорбя́щим отве́рзл еси́,/ и ни́щим был еси́ засту́пник./ Тем мо́лим тя, о́тче Пафну́тие,/ моли́ Христа́ Бо́га, да спасе́т ду́ши на́ша.

НА У́ТРЕНИ

На Бог Госпо́дь: тропа́рь пра́здника, два́жды. Сла́ва, свята́го. И ны́не, пра́здника.

По 1-й кафи́зме, седа́лен пра́здника. По 2-й седа́лен свята́го, глас 4.

Подо́бен: Ско́ро предвари́:

Го́рняго жела́я преми́рнаго живота́,/ ми́ра красоту́ и я́же в нем тле́нная оста́вив, преподо́бне,/ те́мже, в пусты́нях и в верте́пах всели́вся,/ гра́да Небе́снаго показа́лся еси́ граждани́н,/ в не́мже помяни́ соверша́ющих твою́ па́мять.

Сла́ва, и ны́не, Богоро́дичен:

Нечи́стых помысло́в мои́х мно́жество и безме́стных мы́слей обурева́ния/ кто́ изрещи́ мо́жет Всенепоро́чная?/ Настоя́ния же безпло́тных враг мои́х кто́ испове́сть и сих зло́бы?/ Но Твое́ю мольбо́ю, Блага́я, сих мне всех избавле́ние да́руй.

По полиеле́и седа́лен, преподо́бнаго, глас 8.

Подо́бен: Прему́дрости:

Воздержа́ния по́том по́стным погаси́л еси́ пла́мень страстны́й,/ плоть бо умертви́л еси́, преподо́бных житию́ досто́йно поревнова́в,/ Бо́жий показа́лся еси́ уго́дник, блаже́нне,/ те́мже к ре́вности Боже́ственнаго жития́ твоего́/ ли́ки совокупи́л еси́ мона́шествующих, сла́вне./ Те́мже, соше́дшеся по до́лгу, почита́ем всечестну́ю па́мять твою́ моле́бне:/ преподо́бне Богоно́се Пафну́тие,/ моли́ Христа́ Бо́га согреше́ний оставле́ние пода́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Ми́лостиваго Сло́ва и милосе́рдаго я́ко ро́ждшая, Влады́чице,/ всех поми́луй, к Тебе́ прибега́ющих,/ напа́стей, и боле́зней, и вся́каго озлобле́ния, и ве́чнующаго пла́мене свободи́,/ я́ко да благода́рственно мно́гих щедро́т Твои́х бога́тство просла́вим/ и безме́рную ми́лость и вопие́м Ти всегда́:/ моли́ Христа́ Бо́га грехо́в оставле́ние пода́ти/ поклоня́ющимся ве́рою Рождеству́ Твоему́.

Степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Ева́нгелие от Матфе́я, зача́ло 43. Воскресе́ние Христо́во: Псало́м 50.

Стихи́ра самогла́сна, глас 6:

Преподо́бне о́тче,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду трудо́в твои́х,/ де́монския погуби́л еси́ полки́/ и А́нгельския дости́гл еси́ чи́ны,/ и́хже житию́ без поро́ка поревнова́л еси́./ Дерзнове́ние име́я ко Христу́ Бо́гу,/ мир испроси́ душа́м на́шим.

Кано́н пра́здника со ирмосо́м на 6 и свята́го два кано́на на 8. Кано́н преподо́бному, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Сла́ву мимотеку́щую на нетле́нную премину́л еси́, преподо́бне,/ с Вы́шними ли́ки ны́не причте́ся,/ предстои́ши Престо́лу всех Царя́,/ просвеще́ние ми испроси́, восхваля́ющу честны́я твоя́ по́двиги.

А́ще и от непра́ведна ро́да влеча́шеся,/ но пра́веден плод Бо́гови принесе́ся/ и Тро́ицы жили́ще показа́ся,/ Юже моли́ о пою́щих тя.

Не довле́² тебе́, преподо́бне, в ми́ре,/ посто́м и воздержа́нием в по́лк свяще́нных себе́ вчиня́еши и́ноческаго пребыва́ния/ и с си́ми до́блественне Христа́ моли́л еси́.

Богоро́дичен: Мари́е Богора́дованная, злата́я кади́льнице, Ма́ти Безневе́стная,/ ро́ждшая нам Пресла́дкаго Иису́са,/ Его́же любо́вию распаля́емь, при́сный уго́дник Твой преподо́бный Пафну́тий/ прече́стен храм Тебе́, Богоро́дице, воздви́же.

Ин кано́н преподо́бнаго Пафну́тия, творе́ние ученика́ его́ Инноке́нтия, и́нока тоя́же оби́тели, глас 1.

Песнь 1

Ирмо́с: Песнь побе́дную пои́м вси Бо́гу,/ сотво́ршему ди́вная чудеса́ мы́шцею высо́кою/ и спа́сшему Изра́иля,/ я́ко просла́вися.

Но́во тебе́ пе́ние принести́ моле́бно/ во отверзе́ние уст моих, Пафну́тие Богому́дре,/ пода́ждь ми твои́ми моли́твами благода́ть, да воспою́ тя.

Страсте́й омраче́нием порабоще́на, о́тче,/ све́тлыми твои́ми моли́твами, преподо́бне Пафну́тие, ны́не свободи́,/ да я́ко Христо́ва тя раба́ Боже́ственными воспою́ пе́сньми, яќо просла́вися.

Христу́ прилепля́яся от ю́ности, блаже́нне, умо́м очище́нным,/ чистото́ю и целому́дрием теле́сным ду́шу просвети́л еси́,/ я́ко безпло́тен, на земли́ пожи́в./ И ны́не в Вы́шних Бо́гови предстоя́, нас, чту́щих тя, помина́й.

Богоро́дичен: Яви́лася еси́ вы́шши А́нгел, Бо́га вопло́щши ро́ждшагося,/ и погребе́на, и ме́ртвым нетле́ние, Де́во Чи́стая, пода́вшаго,/ Его́же моли́ спасти́ нас, ве́рно чту́щих Тя.

Катава́сия праздника.

Песнь 3

Ирмо́с: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

В по́двизе учене́н быв послуша́ния,/ седмори́чное обхожде́ние време́н сверши́л еси́,/ смотря́я навы́кнути всяк доброде́тели о́браз.

Два́десят в по́двизе лет сверши́л еси́,/ па́стырь оби́тели поставля́ешися/ и до́блественне о ста́де пече́шеся,/ жела́я всех привести́ ко спасе́нию.

Всеви́дяй Царь Госпо́дь, ви́дев твоя́ страда́ния с опасе́нием,/ не то́чию рассужде́ния да́ром тебе́ почте́,/ но и е́же от о́браза не́киих познава́ти стра́сти душе́вныя.

Богоро́дичен: Ме́сто свяще́ния и мы́сленную, Чи́стая, трапе́зу,/ Хлеб – Христа́, Жизнь всех, прие́мшую, пое́м Тя.

Ин

Ирмо́с: Да утверди́тся се́рдце мое́ в во́ли Твое́й, Христе́ Бо́же,/ И́же над вода́ми не́бо утвержде́й второ́е/ и основа́вый на вода́х зе́млю, Всеси́льне.

Боже́ственным светоли́тием, Богому́дре, просвеща́емь, о́тче преблаже́нне,/ све́тлое, и светоно́сное твое́, и честно́е успе́ние/ любо́вию чту́щия, преподо́бне, твои́ми моли́твами просвети́.

Ума́ твоего́ о́ко, препо́добне о́тче, от стасте́й мглы очис́тив,/ Пресвято́му Ду́ху прия́тно чи́стым блиста́нием соде́лал еси́, Богоблаже́нне.

Тве́рдостию ра́зума укрепля́емь, всеблаже́нне,/ разли́чная мечта́ния враго́в обличи́л еси́, му́дре,/ и горды́ню тех возвы́шенную низложи́л еси́, преподо́бне.

Богоро́дичен: И́же пре́жде век рожде́йся от Отца́,/ и напосле́док неизрече́нно из утро́бы Твоея́ про́йде,/ и обожи́ на́ше естество́, Ма́ти Де́во,/ преподо́бных ли́ки я́ве изводя́й.

По 3-й пе́сни конда́к и и́кос пра́здника.

Та́же седа́лен, глас 8:

От ю́ности, блаже́нне, вся оста́вль жите́йская, кра́сная же и ле́потная,/ усе́рдно после́довал еси́ Христу́, зва́вшему тя, преподо́бне,/ посто́м, о́тче, те́ло изнури́л еси́, в моли́твах непреста́нно бдя./ Те́мже тя Всеве́дый Госпо́дь до́бре устроя́ет/ па́стыря Свои́м овца́м слове́сным, Пафну́тие Богоно́се,/ моли́ Христа́ Бо́га грехо́в оставле́ние пода́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен

Я́ко Де́ву и еди́ну в жена́х,/ Тя, без се́мене ро́ждшую Бо́га пло́тию, вси ублажа́ем, ро́ди челове́честии:/ Огнь бо всели́ся в Тя Божества́, и я́ко Младе́нца млеко́м пита́еши Зижди́теля и Го́спода./ Тем, а́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

Со́нным виде́нием объя́влено бысть тебе́ бра́тне прегреше́ние/ прекра́снаго дре́ва исторже́нием,/ твои́м же, преподо́бне, насажде́нием сподо́бися и́стиннаго покая́ния.

Дре́внюю оби́тель оставля́еши, и но́вое населя́еши,/ и храм, Пафну́тие, Бо́жия Ма́тере воздвиза́еши и благоле́пием украша́еши,/ в не́мже мно́жество учени́к благоче́стию научи́л еси́.

Превысо́кая и близ ми́ра оста́вль,/ в гора́х пусты́нных жи́ти возлюби́л еси́/ и в них, Пафну́тие, па́че Бо́гови угоди́л еси́.

Богоро́дичен: Несеко́мую го́ру Тя дре́вле Авваку́м прови́де Всенепоро́чная,/ из нея́же Бог яви́ся и нас, истле́вшия, обнови́л есть.

Ин

Ирмо́с: Д́ухом прови́дя, проро́че Авваку́ме, Словесе́ воплоще́ние,/ пропове́дал еси́, вопия́:/ внегда́ прибли́житися ле́том, позна́ешися,/ внегда́ приити́ вре́мени, пока́жешися./ Сла́ва си́ле Твое́й, Го́споди.

Зако́н Бо́жий сохраня́я невреди́мо, преподо́бне,/ чистоту́ и смиреному́дрие ты от младе́нства име́л еси́,/ и житие́ нескве́рно, и нрав ми́лостивен, досточу́дне.

Возвы́сил еси́ к Бо́гу серде́чное жела́ние, и смири́л еси́ па́губныя стра́сти,/ и лука́вствия бесо́в низложи́л еси́, преподо́бне,/ мона́шествующих недви́жимое основа́ние.

В нищете́ пожи́в, блаже́нне, доброде́тельми обогати́лся еси́,/ и, жития́ све́тлостию быв испо́лнен,/ преста́вился еси́ к Вы́шнему гра́ду, о́тче Пафну́тие,/ и мо́лишися изба́витися от бед ста́ду твоему́.

Богоро́дичен: Святы́х Свята́го па́че смы́сла и естества́ породила́ еси́, Богоро́дице,/ освяще́ние, и избавле́ние, и оставле́ние грехо́в/ ве́рным хода́тайством Твои́м подаю́щи,/ Его́ сла́вящим воскресе́ние.

Песнь 5

Ирмо́с: Вску́ю мя отрин́ул еси/́ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго,/ но обрати́ мя и к све́ту за́поведей Твои́х/ пути́ моя́ напра́ви, молю́ся.

Князь, я́ростию распали́вся,/ оби́тель твою́ огне́м запали́ти повелева́ет,/ но в день я́рости гне́ва Бо́жия/ честна́го твоего́ и́мени призыва́нием от ва́рвар изба́влься,/ те́плую ве́ру последи́ показа́.

В день пра́здника Па́схи ры́бы моли́твою умно́жил еси́,/ ча́да своя́ возвесели́л еси́/ и на мно́ги дни преизоби́ловати, преподо́бне Пафну́тие, сотвори́л еси́.

Иконопи́сцу, но́зе больны́ иму́щу/ и сих ра́ди твои́х повеле́ний отрица́ющу,/ ты же, преподо́бне, на де́ло дерза́ти повелева́еши/ и сему́ моли́твами свои́ми вско́ре исцеле́ние подава́еши.

Богоро́дичен: Богоро́дице Пречи́стая,/ Твоего́ Сы́на и Бо́га ви́дети жела́я, Пафну́тий, уго́дник Твой,/ Сего́ живоно́сным и Боже́ственным стопа́м невозвра́тно после́дова.

Ин

Ирмо́с: Твой мир даждь нам, Сы́не Бо́жий:/ ино́го бо, ра́зве Тебе́, бо́га не зна́ем,/ Имя Твое́ имену́ем,/ я́ко Бог живы́х и ме́ртвых еси́.

Оте́ц си́рым был еси́ и пита́тель вдови́цам,/ скорбя́щим утеше́ние, оби́димым помо́щник,/ па́стырь и наста́вник ста́ду твоему́, преподо́бне Пафну́тие,/ и ны́не приле́жно моли́ся Влады́це о нас.

И́нок и́стинен был еси́, простра́ннаго пути́ удаля́яся, те́сный предпочита́я,/ дости́гл еси́ широты́ ра́йския и дре́ва жи́зни причаща́ешися,/ но и нас, ве́рою чту́щих тя, помина́й.

Се́рдце твое́ скрижа́ль чи́сту наше́дши,/ благода́ть Свята́го Ду́ха, о́тче Пафну́тие, обре́те,/ дарова́ тебе́ соверше́нно безстра́стие,/ ве́ру тве́рду и любо́вь нелицеме́рну.

Богоро́дичен: Свяще́ния сень явля́ешися, Мари́е,/ оскверне́нную сластьми́ окая́нную мою́ ду́шу освяти́/ и Боже́ственныя сла́вы прича́стника мя сотвори́.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Дерзну́вшаго уби́ти еди́наго от птиц,/ и́хже любе́зно пита́л еси́,/ глава́ зре́нием наза́д обрати́ся,/ и сему́, уми́льно моля́щу, вско́ре исцеле́ние подава́еши.

И́ноку ропта́вшу, в виде́нии зря́щу,/ я́ко тобо́ю, преподо́бне, измета́ему, и от му́рин восхища́ему,/ и от сих го́рце стра́ждущу,/ сего́ ми́лостивно наказу́еши и в чу́вство приво́диши.

Жене́ боля́щей и от де́мон зело́ стра́ждущей,/ честное́ твое́ и́мя призыва́ющей,/ ты ми́лостивно, блаже́нне, явля́ешися,/ и, я́ко во́лки, от сия́ де́моны отгоня́еши, и здра́вие подава́еши.

Богоро́дичен: Коренесека́тельным серпо́м Твоея́ моли́твы/ посецы́, Отрокови́це, лука́вая помышле́ния души́ моея́/ и плодоно́сну покажи́, молю́ся,/ всех бо Вседе́теля, Бо́га и Спа́са породила́ еси́.

Ин

Ирмо́с: Проро́ка Ио́ну подража́я, вопию́:/ живо́т мой, Бла́же, свободи́ из тли/ и спа́си мя, Спа́се ми́ра, зову́ща: сла́ва Тебе́.

Стра́хом Христо́вым утверди́вся, преподо́бне,/ те́ло, и ду́шу, и ум очи́стил еси́ от вся́кия скве́рны,/ и́миже зарю́ прия́т трисо́лнечную, Богому́дре о́тче Пафну́тие всеблаженне.

Весь распя́лся еси́ ми́рови, о́тче Пафну́тие, Крест Христо́в на ра́мо взем, блаже́нне,/ и Того́ страсте́м подо́бяся, прича́стник был еси́ воскресе́ния и сла́вы лу́чшия,/ в не́йже нас помина́й.

Храм тя, вси ве́рнии, Свята́го Ду́ха ве́мы,/ храм бо благоле́пен воздви́гл еси́ Бо́гу, и Того́ Ро́ждшей именова́л еси́,/ и огра́ду ве́лию устро́ил еси́, и мона́хов мно́жество совокупи́л еси́./ И ны́не моли́твами твои́ми всяк неду́г отгоня́ется.

Богоро́дичен: Ви́девши, Его́же родила́ еси́, Бо́га, от ме́ртвых воста́вша,/ ра́дости испо́лнилася еси́, Де́во Ма́ти Мари́е./ Того́ у́бо моли́ вся́ку печа́ль, Чи́стая, на́шего се́рдца до конца́ потреби́ти.

Конда́к, глас 8.

Подо́бен: Взбра́нной:

Бо́жиим светоли́тием просвеще́н, о́тче,/ по́стническое стяжа́л еси́ жи́тельство, преподо́бне,/ и́ноком предо́брый наста́вниче и по́стником благо́е украше́ние./ Сего́ ра́ди Госпо́дь, труды́, твоя́ ви́дев,/ чуде́с да́ром обогати́ тя,/ источа́еши бо исцеле́ния./ Мы же, ра́дующеся, вопие́м ти:/ ра́дуйся, о́тче Пафну́тие.

И́кос:

Песнь от усте́н скве́рных к похвале́нию по́двиг твои́х, о́тче, прино́сится:/ не и́мам бо се́рдца моего́ чи́стаго,/ я́ко сие́ сра́мными дея́ньми оскверни́х/ и ду́шу лука́выми по́мыслы осмради́х./ Но ты пода́ждь ми сло́во, преподо́бне, чи́стое твое́ воспе́ти житие́,/ взыва́ющу тебе́ такова́я, преблаже́нне:/ ра́дуйся, преподо́бных всех похвало́;/ ра́дуйся, по́стников подража́телю и пусты́ни насади́телю;/ ра́дуйся, я́ко в ней прече́стен храм Богоро́дице воздви́гл еси́;/ ра́дуйся, я́ко в нем тобо́ю Бог сла́вится;/ ра́дуйся, до́бре пасы́й ста́до твое́ от наве́т вра́жиих;/ ра́дуйся, я́ко смири́л еси́ злонача́льнаго врага́;/ ра́дуйся, я́ко посрами́л еси́ бесо́в полки́;/ ра́дуйся, мона́шествующих свети́льниче пресве́тлый и столп терпе́ния;/ ра́дуйся, я́ко собра́л еси́ мона́хов мно́жество во спасе́ние;/ ра́дуйся, о не́мже хва́лимся вси;/ ра́дуйся, его́же ра́ди избавля́емся от бе́д;/ ра́дуйся, о́тче Пафну́тие.

Песнь 7

Ирмо́с: Бо́жия снизхожде́ния/ огнь устыде́ся в Вавило́не иногда́./ Сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Челове́ка боля́ща, в оби́тель твою́ на одре́ принесе́нна,/ сего́, блаже́нне, ви́дев, оте́чески о сем умили́ся,/ здра́ва моли́твою сотвори́л еси́ и пе́ти научи́л еси́:/ оте́ц на́ших Бо́же, благослове́н еси́.

Прока́зою одержи́ма, и лю́те гно́ем растлева́ема, и к сме́рти приближа́ющася/ свяще́нною водо́ю помазу́еши/ и, я́ко, изря́ден врач, преподо́бне, ми́лостивно сего́ исцеля́еши и пе́ти науча́еши:/ оте́ц на́ших Бо́же, благослове́н еси́.

Лю́те беся́щагося, и у́зы сокруша́юща, и зело́ реву́ща/ честны́м кресто́м огради́л еси́,/ и того́ уцелому́дрил еси́, и пе́ти научи́л еси́:/ оте́ц на́ших Бо́же, благослове́н еси́.

Богоро́дичен: И́же пре́жде Безпло́тный воплоща́ется, Пречи́стая,/ за милосе́рдие безчи́сленное из ложе́сн Твои́х святы́х,/ Ему́же вси пое́м:/ Бо́же, благослове́н еси́.

Ин

Ирмо́с: Су́щим в пещи́ отроко́м Твои́м, Спа́се,/ не прикосну́ся, ниже́ стужи́ огнь,/ тогда́ трие́ я́ко еди́неми усты́ поя́ху/ и благословля́ху, глаго́люще:/ благослове́н Бог оте́ц на́ших.

Смотря́я бу́дущую жизнь, блаже́нне,/ ми́рови умертви́лся еси́ вои́стинну, я́ко со́лнце, возсия́в./ Страх Бо́жий восприи́м в се́рдцы твое́м, вселе́нную всю возвесели́л еси́ уче́ньми, вопия́:/ благослове́н Бог оте́ц на́ших.

Зря муче́ния та́мошняя мы́сленныма очи́ма и се́рдцем боле́знуя вы́ну,/ чи́сто житие́ пожи́л еси́, Богоблаже́нне, и к нестаре́ющейся преста́вился еси ́пи́щи,/ в не́йже нас, чту́щих тя, помина́й.

Украси́в доброде́тельми твое́ житие́, свя́то сконча́в твою́ жизнь,/ усну́л еси́, преподо́бне, сон ми́рен./ Те́мже спаса́й ста́до твое́ всегда́, твою́ па́мять пра́зднующия и вопию́щия:/ благослове́н Бог оте́ц на́ших.

Богоро́дичен: Прему́дрость Ипоста́сную и Сло́во присносу́щное,/ Врача́ душа́м и те́лом поро́ждшая, я́звы и гное́ния души́ моея́ уврачу́й,/ лю́тыя и ле́тния се́рдца моего́ исцели́ боле́зни, Де́во.

Песнь 8

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Ми́лование стяжа́л еси́ христоподража́тельно,/ вся неду́ги и стра́сти исцеля́еши и вся́ку скве́рну очища́еши,/ очи́сти, преподо́бне, и моя́ душе́вныя стру́пы,/ да моли́твами твои́ми изба́влюся ве́чнаго осужде́ния.

Ра́ка моще́й твои́х, преподо́бне, источа́ет бога́тно чуде́с дарова́ния:/ Госпо́день бо уго́дник показа́лся еси́ и Того́ за́поведем де́латель яви́ся непосты́ден,/ Его́же превозно́сим во вся ве́ки.

День ве́рно пра́зднуем/ честна́го твоего́ от земли́ преставле́ния, Пафну́тие блаже́нне,/ в онь же испроси́ ста́ду твоему́ грехо́в разреше́ние и от лю́тых премене́ние,/ да тя прославля́ем, Христа́ воспева́юще во ве́ки.

Богоро́дичен: Его́же родила́ еси́, Сло́во, па́че сло́ва, Богороди́тельнице Чи́стая,/ Того́ о нас моли́, ве́рно чту́щих Тя во ве́ки.

Ин

Ирмо́с: Его́же ужаса́ются А́нгели и вся во́инства,/ я́ко Творца́ и Го́спода,/ по́йте, свяще́нницы, просла́вите, о́троцы,/ благослови́те, лю́дие,/ и превозноси́те во вся ве́ки.

Подвиза́вся на земли́ зако́нно,/ ны́не ра́дуешися, преподо́бне, со святы́ми, Небе́сный обре́т поко́й,/ и соприча́стник был еси́ весе́лия тех и ра́дости, взыва́я:/ лю́дие, превозноси́те Го́спода во ве́ки.

Посто́м ум очища́я, кро́ток и незло́бив я́влься,/ на земли́ кро́тких живе́ши, Богому́дре, со все́ми пра́ведными и избра́нными поя́:/ лю́дие, превозноси́те Го́спода во ве́ки.

Олядене́вшую страстьми́ ду́шу мою́ очи́сти твои́ми к Бо́гу свяще́нными моли́твами/ и содержа́щаго мя грехо́внаго плене́ния изба́ви, о́тче Пафну́тие Богоно́се, да, ра́дуяся, пою́:/ лю́дие, превозноси́те Го́спода во ве́ки.

Богоро́дичен: Пощади́ нас, пою́щих Твое́, Го́споди, е́же от Де́вы, неизрече́нное рождество́,/ и изба́ви от стра́стных бед и скорбе́й рабы́ Твоя́/ мольба́ми Пречи́стыя Твоея́ Ма́тере, я́ко Милосе́рд и еди́н Человеколю́бец.

Песнь 9

Ирмос: Ужасе́ся о сем Не́бо,/и земли́ удиви́шася концы́,/ яко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Усе́рдно после́довал еси́ Зва́вшему тя, преподо́бне,/ те́мже и па́стыря тя Свои́м овца́м устроя́ет,/ и законополо́жник и́ноком был еси́, и пра́вило изве́стно,/ и вождь ко спасе́нию.

Свяще́нно и кра́сно жили́ще созда́л еси́,/ и́нок мно́гих наставля́я к послуша́нию и смире́нию/ сла́достию, Пафну́тие, слове́с твои́х,/ те́мже тя вси ублажа́ем.

Весели́тся оте́чество твое́ и град тебе́ воспита́вый,/ и красу́ется пусты́ня, в не́йже по́двиги своя́ и труды́ сконча́л еси́/ и побе́ды венцы́ восприя́л еси́.

Богоро́дичен: Но́сиши на руку́ Бо́га, нося́щаго вся́ческая,/ пита́еши Пита́теля, Чи́стая Богоро́дице,/ Его́же моли́ с блаже́нным Пафну́тием дарова́ти ста́ду Твоему́ бога́тно ве́лию ми́лость.

Ин

Ирмо́с: Живоприе́мный исто́чник приснотеку́щий,/ светоно́сный свети́льник благода́ти,/ храм одушевле́нный, сень пречи́стую,/ небесе́ и земли́ простра́ннейшую,/ Богоро́дицу, ве́рнии, велича́ем.

Я́ко у́тро, я́ко со́лнце, возсия́вши, па́мять твоя́, преподо́бне, ве́рных сердца́ просвеща́ет/ и тьму отгоня́ет душетле́нных страсте́й,/ ю́же соверша́юще, благоче́стно восхваля́ем тя ра́достными пе́сньми.

Я́ко в раи́, о́тче, воздержа́ния процве́л еси́ и, я́ко ма́слина, псало́мски яви́лся еси́,/ ли́ца и сердца́ на́ша помазу́я еле́ем трудо́в твои́х, о́тче Пафну́тие,/ благоче́стно чту́щих свяще́нную па́мять твою́.

Днесь нам возсия́ честна́я па́мять твоя́, преблаже́нне,/ просвеща́ющи ду́ши и телеса́ и страсте́й мглу отгоня́щи, преподо́бне,/ пода́ждь моли́твы твоя́, Пафну́тие о́тче, и наста́ви на стезю́ жи́зни./ Те́мже, досто́йно чту́ще тя, велича́ем.

Богоро́дичен: Прие́мли, Пречи́стая Отрокови́це, Боже́ственную песнь,/ воздаю́щи благода́ть на Тя наде́ющимся, и мир испроси́ Це́рквам при́сно пода́ти,/ да всяк язы́к христиа́нский Тя велича́ет.

Свети́лен:

Пусты́ню град сотвори́л еси́ прему́дрыми о́бразы,/ отце́м украше́ние, Пафну́тие богому́дре,/ и сию́ соверши́л еси́ я́ко мы́сленный рай,/ принося́щ цве́ты Боже́ственныя, единообра́зных мно́жества,/ досто́йно творя́щих па́мять твою́.

Сла́ва, и ны́не, пра́здника, или Богоро́дичен:

Я́ко иму́щи милосе́рдие и ми́лость ве́лию,/ при́зри, Препе́тая Богоро́дице Де́во, на мое́ смире́ние/ и страсте́й мглу, и собла́зны жития́ разори́, Отрокови́це,/ и огня́ гее́нскаго изба́ви моли́твами Твои́ми.

На хвали́тех стихи́ры на 4, глас 1.

Подо́бен: Небе́сных чинов:

Презира́тель до́льних и пресе́льник,/ рачи́тель вы́шних/ и пусты́нный граждани́н Пафну́тий Богому́дрый/ всем нам пра́здновати предповелева́ет/ к Бо́гу отше́ствия его́ день спаси́тельный.

Вне пло́ти и ми́ра доброде́тельми быв,/ тем просла́ви на земли́ житие́м Го́спода славы,/ о́тче Богому́дре,/ и, по достоя́нию от Него́ прославився,/ исце́лений яви́лся еси́ Боже́ственный исто́чник,/ Пафну́тие Богоприя́тне.

Смире́н, незло́бив, кро́ток, прост/ и молчали́в был еси́, о́тче,/ па́че челове́ка вои́стинну/ и, невеще́ствен быв в ве́щи,/ храм Бо́жий яви́лся еси́ по достоя́нию,/ я́же от Него́ прибы́вшая тебе́ дарова́ния/ ми́лостивно подава́я нам.

Сла́ва, глас 4:

Преподо́бне о́тче прехвал́ьне,/ житие́ благоче́стно на земли́ соверши́в,/ любве́ луча́ми просвеща́емь,/ мона́хов свети́льниче пресве́тлый,/ пра́вило доброде́тели изря́дно,/ смире́ние, бде́ние, моли́тву/ и любо́вь нелицеме́рну стяжа́л еси́./ Те́мже к ре́вности Боже́ственнаго жития́ твоего́/ лик совокупи́л еси́ мона́шествующих./ О́тче преподо́бне,/ Христа́ Бо́га моли́/ согреше́ний оставле́ние пода́ти/ пра́зднующим любо́вию па́мять твою́.

И ны́не пра́здника.

НА ЛИТУРГИ́И

Блаже́нны, пе́сни 3-я и 6-я. Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздад́е ми? Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́. Ева́нгелие от Матфе́я, зача́ло 10. Прича́стен: В па́мять ве́чную бу́дет пра́ведник:

Моли́тва

О свяще́нная главо́, земны́й А́нгеле, Небе́сный челове́че, вели́кий чудотво́рче, преподо́бне о́тче наш Пафну́тие. К тебе́ с ве́рою и любо́вию усе́рдно прибега́ем и умиле́нно про́сим: яви́ нам, смире́нным и гре́шным, свято́е и многомо́щное твое́ заступле́ние. Не дерза́ем, грех ра́ди на́ших, с свобо́дою чад Бо́жиих проси́ти Го́спода и Влады́ку на́шего о поми́ловании и проще́нии. Но тебе́, моли́твенника к Нему́ благоприя́тна, предлага́ем и мо́лим: испроси́ нам у бла́гости Его́ да́ры благопотре́бныя и спаси́тельныя душа́м на́шим: ве́ру пра́ву, благоче́стия кре́пкое покая́ние, и́стинное проще́ние грехо́в, жития́ соверше́нное исправле́ние, да, обрати́вшеся от злых дел к богоугожде́нию, про́чее не прогневля́ем Го́спода наруше́нием святы́х Его́ за́поведей. Умоли́, свя́тче Бо́жий, Всевы́шняго Творца́ дарова́ти мир и благоче́стие стране́ на́шей правосла́вней. Сохрани́, уго́дниче Христо́в, святу́ю оби́тель твою́, созда́нную тобо́ю, и вся живу́щия и подвиза́ющияся в ней от вся́каго зла ненаве́тны. При́зри ми́лостивно на лю́ди, к тебе́ прибега́ющия, и вся проше́ния их во благо́е испо́лни. Всем же нам здра́вие душе́вное и теле́сное, земли́ плодоно́сие, ти́хое и благоуго́дное житие́, благу́ю, христиа́нскую кончи́ну и до́брый отве́т на Стра́шном Суде́ у Всеми́лостиваго Бо́га исхода́тайствуй, я́ко вои́стинну име́яй ве́лие к Нему́ дерзнове́ние. Ей, о́тче, ве́мы, я́ко мно́го мо́жет моли́тва твоя́ пред лице́м Вседержи́теля Го́спода и ничто́же невозмо́жно есть хода́тайству твоему́, а́ще то́кмо восхо́щеши; сего́ ра́ди кре́пко на тя упова́ем и на твоя́ святы́я моли́твы вельми́ наде́емся, я́ко ты приведе́ши нас предста́тельством твои́м в ти́хое приста́нище спасе́ния и насле́дники яви́ши ны све́тлаго Ца́рствия Христо́ва. Не посрами́ же упова́ния на́шего, чудотво́рче святы́й. И сподо́би нас вку́пе с тобо́ю блаже́нства ра́йскаго наслажда́тися, да сла́вим, хва́лим и велича́ем вели́кую ми́лость к нам Человеколю́бца Бо́га, Отца́, и Сы́на, и Свята́го Ду́ха, и твое́ благо́е, оте́ческое заступле́ние во ве́ки веко́в. Ами́нь.

Преподобный Пафнутий Боровский

Преподобный Пафнутий Боровский – внук татарина-баскака (баскаками назывались представители ханов Золотой орды в завоеванных землях). Дед его принял святое Крещение с именем Мартин в г. Боровске. Сын Мартина Иоанн женился на благочестивой девице Фотинии. От этой богобоязненной и нищелюбивой четы в одном из их родовых поместий – Кудинове (недалеко от Боровска) в 1394–1395 годах родился мальчик, в святом Крещении названный Парфением. Уже в отрочестве Парфений преуспел в изучении Священного Писания и отличался кротостью и незлобием. На двадцатом году жизни он принял монашеский постриг с именем Пафнутий в Боровском Покровском монастыре (основан в 1410 году) от настоятеля обители Маркелла. Молодой инок был отдан под духовное руководство старцу священноиноку Никите, ученику Преподобного Сергия Радонежского. Семь лет, до перехода старца в другую обитель, преподобный Пафнутий был в послушании у благочестивого наставника и учился от него иноческим добродетелям. Он старательно исполнял все монастырские послушания и этим приобрел любовь и уважение братии.

В 1431 году после смерти игумена монастыря Маркелла братия и князь Боровский Симеон Владимирович, зная о строгой подвижнической и глубоко назидательной жизни преподобного Пафнутия, просили его принять настоятельство над обителью. Всероссийский Митрополит Фотий († 1431; память 2 июля) возвел преподобного в сан игумена. С того времени преподобный Пафнутий присоединил к подвигам инока подвиг наставника и духовного руководителя вверенной ему братии.

Преподобный Пафнутий проводил жизнь в строгом воздержании, богомыслии и сосредоточенной молитве. Два дня в неделю, в понедельник и пятницу, он ничего не вкушал, по средам разрешал себе только сухоядение, в прочие дни разделял трапезу с братией. Днем он трудился наравне с братией: рубил и носил дрова, копал землю в огороде, плел рыболовные сети, корзины, изготавливал и другие вещи, нужные для монастыря, а ночи проводил в молитве.

Пробыв игуменом обители около 13 лет, преподобный Пафнутий на 51-м году жизни тяжело заболел и принял великую схиму. После выздоровления он отказался от игуменства и в 1444 году ушел из монастыря и поселился с одним иноком недалеко от Боровска, в густом лесу на берегу реки Протвы, при впадении в нее реки Истерьмы (Истремы). Вскоре к нему стали приходить иноки, которые по благословению преподобного поселялись в этом уединенном месте. Среди пришедших к святому наставнику был двадцатилетний юноша Иоанн Санин, постриженный преподобным с именем Иосиф и впоследствии ставший основателем Волоколамской обители († 1515; память 9 сентября и 18 октября). Среди других учеников преподобного Пафнутия впоследствии прославились богоугодной жизнью старцы Иннокентий, Исаия, Вассиан (впоследствии архиепископ Ростовский) и прозорливый старец Евфимий.

Когда число учеников умножилось, был построен деревянный храм в честь Пресвятой Богородицы, освященный по благословению святителя Ионы, Митрополита Московского († 1461; память 31 марта, 27 мая и 5 октября). Затем на месте деревянного был построен каменный храм. При строительстве храма старец Пафнутий сам носил необходимые строительные материалы. Храм был расписан лучшими иконописцами того времени Митрофаном и Дионисием. Он был освящен 26 октября 1466 года. В монастыре также имелись иконы письма преподобного Андрея Рублева.

За подвижническую и богоугодную жизнь преподобный Пафнутий удостоился от Бога дара прозорливости, узнавал мысли и внутреннее душевное состояние человека. Так, например, в одном неизвестном иноке он прозрел убийцу князя Димитрия Шемяки (это был боярин Иоанн Котов, который в Великом Новгороде отравил Димитрия Шемяку, но затем, после раскаяния, принял монашество). Нередко в видениях ему открывались тайные поступки братии.

Преподобный Пафнутий имел также и дар духовной рассудительности. Он был духовным наставником не только иноков, но и многих мирян. Святой подвижник хорошо знал церковные правила и давал приходившим к нему спасительные советы. Приняв великую схиму, преподобный Пафнутий не совершал Божественной литургии. Только один раз, перед своей кончиной, в день Светлого Христова Воскресения, когда не было другого священника, он отслужил литургию с духовным трепетом.

Нестяжательность преподобного Пафнутия простиралась до такой степени, что его одежда и обувь не годились даже нищему. Преподобный был очень милостив и нищелюбив. Проповедуя милосердие словом, подвижник осуществлял эту добродетель и на деле. Во время сильного голода при его монастыре ежедневно питалось до тысячи человек, пока не кончились все монастырские запасы. Несмотря на свое высокое благочестие и большой духовный авторитет, преподобный Пафнутий претерпел много скорбей от сильных мира сего и особенно от удельных князей.

Преподобный Пафнутий еще при земной жизни прославился чудесным исцелением болящих.За неделю до кончины преподобному Пафнутию был открыт день его исхода в жизнь вечную. Последние дни жизни преподобного описаны его учеником Иннокентием, воспоминания которого считаются одним из лучших памятников древнерусской духовной письменности. Он составил также текст службы преподобному, которую благословил к употреблению в литургической жизни в 1531 году митрополит Московский Даниил.

Преподобный Пафнутий скончался 1 мая 1477 года в 83-летнем возрасте и был погребен по его желанию у дверей храма. Позднее святые мощи преподобного Пафнутия открыто почивали в приделе храма, освященном в его честь, в Пафнутиевом монастыре в честь Рождества Пресвятой Богородицы. По описанию современников, преподобный Пафнутий был низок ростом, согбенный, с седой длинной бородой. В Иконописном подлиннике сказано: «Преподобный отец наш Пафнутий, игумен монастыря Пречистыя Богородицы, иже в Боровске, подобием сед, и стар, брада поменьше Богословли, разсохата, ризы преподобническия, и в святую схиму облечен...».

Обитель преподобного Пафнутия и после его кончины была одним из духовных центров русского монашества наравне с другими знаменитыми монастырями того времени. Из нее вышли святители Русской Церкви – Нифонт, епископ Суздальский (известный защитник Православия в борьбе с ересью жидовствующих), Вассиан (Топорков), епископ Коломенский, Макарий, Митрополит Московский († 1563), а также преподобные Давид Серпуховской, основатель Давидовой Вознесенской обители († 1520; память 18 октября), Даниил Переславский чудотворец, основатель Переславского Данилова монастыря († 1540; память 7 апреля), преподобный Левкий Волоколамский и другие.

Житие преподобного Пафнутия составлено в XVI веке пострижеником преподобного Пафнутия Вассианом Саниным (впоследствии архиепископ Ростовский), братом преподобного Иосифа Волоцкого.

Причисление к лику святых Русской Церкви преподобного Пафнутия совершено на Московском Соборе 1547 года.

Литература:

1. Пимен, архимандрит. Преподобный Пафнутий, Боровский чудотворец. Житие. М., 1899.

2. Житие преподобного Пафнутия Боровского, писанное Вассианом Саниным. Изд. А. Кадлубовского. Нежин, 1898.

3. Журнал Московской Патриархии, 1977, № 6, с. 61–73.

Святы́х преподобному́чеников Евфи́мия, Игна́тия и Ака́кия, Афо́нских

НА МА́ЛОЙ ВЕЧЕ́РНИ

На Го́споди, воззва́х: стихи́ры на 4, глас 1.

Подо́бен: Всехва́льне му́ченицы:

Всехва́льнии му́ченицы,/ вы, на позо́рищи днесь глас возвы́сивше,/ пропове́дуете Христа́ Богочелове́ка,/ и, неве́рных пре́лесть и сих зна́мения нога́ми ва́шими попира́юще,/ сокруша́ете главу́ де́монскую,/ и ра́дость ве́рным подае́те,/ Спа́са ве́рно велича́юще.

Ужасе́ся де́монов мно́жество,/ и сатана́ льсти́вый зря низве́ржеся./ В позо́рищи бо Крест Госпо́день вознося́ще, сла́внии,/ Христа́ Боже́ственною любо́вию разпала́еми,/ све́тли к сме́рти потща́стеся, твердоду́шнии,/ и му́чеников собо́ром сочета́стеся.

Евфи́мие, му́чениче Христо́в,/ с собо́ю прии́м Игна́тия,/ дру́га вои́стинну и сострада́льца,/ и Ака́кия со Ону́фрием,/ подража́телей страда́ния твоего́,/ ко Го́споду те́пле моли́теся,/ я́ко да убежи́м вредоно́сных ко́зней/ лю́таго ратобо́рца.

Тричи́сленнии му́ченицы,/ вы, тве́рдо противобо́рствовавше жесточа́йше судя́щим/ и претерпе́вше муче́ний ви́ды ужа́снейшия,/ Го́рнее Ца́рствие улучи́сте,/ те́мже моли́теся дарова́тися душа́м на́шим/ ми́ру и ве́лией ми́лости.

Сла́ва, глас то́йже:

Блаже́ни есте́ вы, Тро́ицы равночи́сленнии/ новому́ченицы сла́внии,/ благи́х ра́ди наслажде́ния:/ вма́ле бо соверши́вше тече́ние муче́ния ва́шего,/ восприя́сте весе́лие ве́чное,/ с преподо́бными сора́дующеся/ и с му́ченики соводворя́ющеся./ Наслажда́ющеся у́бо Боже́ственною добро́тою непреста́нно,/ не забу́дите о нас моли́тися ко Го́споду,/ улучи́ти нам того́жде весе́лия, всеблаже́ннии.

И ны́не, пра́здника.

На стихо́вне стихи́ры, глас 2.

Подо́бен: До́ме Евфра́фов:

Прииди́те, все мно́жество/ христоимени́тых,/ пе́сньми почти́м преподо́бными/ но́вых му́чеников,/ и́хже Христо́с просла́ви.

Стих: Ди́вен Бог во святы́х Свои́х,/ Бог Изра́илев.

Подви́жников похвало́,/ удобре́ние му́чеников/ показа́лся еси́, Евфи́мие,/ с Боже́ственным Ака́кием/ и моли́твенник наш неусы́пный.

Стих: Святы́м, и́же суть на земли́ Его́,/ удиви́ Госпо́дь вся хоте́ния Своя́ в них.

Удавле́ние нечести́вых,/ Игна́тие, был еси́,/ сконча́ся удавле́нием,/ Христо́в же му́ченик но́вый,/ Ему́ о всех моли́ся.

Сла́ва, глас и подо́бен то́йже:

Све́те Трисия́тельный,/ О́тче и Сы́не и Ду́ше,/ Твои́х новому́чеников/ благоприя́тными моли́твами/ поми́луй мир Твой.

И ны́не, Богоро́дичен:

Ма́ти Иису́сова,/ Богоневе́стная Мари́е,/ с новострада́льцами/ о нас Созда́теля/ моли́те, мо́лимся.

Тропа́рь пи́сан на вели́цей вече́рни.

НА ВЕЛИ́ЦЕЙ ВЕЧЕ́РНИ

Блаже́н муж: 1-й антифо́н. На Го́споди, воззва́х: поста́вим стихо́в 8 и пое́м стихи́ры, глас 4.

Подо́бен: Я́ко до́бля:

Но́вый и ра́достный пра́здник, Христе́,/ днесь новому́чеников Твои́х пра́зднующе,/ во вре́мя весе́ннее, Человеколю́бче,/ я́ко цве́ты всеблагово́нныя/ и я́ко ла́стовицы доброгла́сныя,/ воспева́ющия благода́тно Твое́ Божество́/ и исполня́ющия ра́дости правосла́вных сердца́,/ Тебе́ ве́рно по́двиги их прино́сим.

Чу́вственная весна́ днесь/ чу́вственную тварь возвесели́,/ у́мная возсия́ воскресе́ние Христо́во/ и, естество́ челове́ков духо́вно/ возсозида́ющи, возвеселя́ет у́мно;/ ны́не же весна́ трегу́бая:/ торжество́ трех страстоте́рпцев трегу́бо услажда́ет/ чу́вства души́ и телесе́ на́шего.

Коль прекра́снии и вседо́блии ю́ноши,/ предстои́те Христу́, блаже́ннии новому́ченицы,/ украше́ние нося́ще ца́рское – ви́ды муче́ний/ и я́ко ка́мения – чи́стыя пло́ти ва́шея я́звы,/ крове́й же тече́ние – я́ко багряни́цу,/ крест же – я́ко Боже́ственный ски́петр со сла́вою,/ и со А́нгели ра́дуетеся.

Тро́ицы равночи́сленнии новому́ченицы сла́внии,/ страда́льцы непобеди́мии и тверде́йшии,/ Боже́ственный вои́стинну Евфи́мий,/ с ни́мже Игна́тий и Ака́кий тве́рдый,/ и́же но́вое ны́не соста́вивше пра́зднество,/ Влады́це всех не преста́йте приноси́ти моле́ния/ за нас, досточу́днии.

Сла́ва, глас 8:

Днесь возсия́ша на тве́рди ве́ры/ три со́лнца све́тлая и красне́йшая:/ пресве́тлая тро́ица му́дрых новому́чеников Христо́вых,/ и́хже, ве́рнии, соше́дшеся в честне́м их хра́ме,/ весе́нними пе́сньми увязе́м, глаго́люще:/ ра́дуйтеся, трие́ страда́льцы всесла́внии,/ Правосла́вныя ве́ры новосозда́нныя кре́пости/ и основа́ния изве́стнейшая./ Ра́дуйся, Евфи́мие вели́кий,/ и́же пред неве́рными уясни́вый Божество́ Христо́во/ и де́монскую пре́лесть ага́рян му́дро низложи́вый,/ и́же, я́ко победоно́сный страда́лец,/ с ва́иями и ве́твьми страсть Госпо́дню предвари́в,/ собо́ю живописа́л еси́/ и по́прище му́ченичества светле́йшее трем сострада́льцем,/ по тебе́ преше́дшим, отве́рзл еси́./ Ра́дуйся, Игна́тие сла́вне,/ подража́тель бы́вый страда́ний Христо́вых и́стиннейший/ и ви́сельницею твое́ю удави́вый ди́авола./ Ра́дуйся, Ака́кие всече́стне,/ и́же тече́нием крове́й твои́х/ обагри́вый себе́ багряни́цу ца́рскую,/ в не́йже Престо́лу Божества́ предстои́ши./ Но, о тро́ичныя, Несло́жным Тро́ицы неле́стная обита́лища,/ не преста́йте моли́тися о нас ко Го́споду.

И ны́не, пра́здника.

Вход. Проки́мен дне. И чте́ния 3 преподо́бническая.

Прему́дрости Соломо́ни чте́ние (главы́ 5 и 6):

Прему́дрости Соломо́ни чте́ние (глава́ 3):

Прему́дрости Соломо́ни чте́ние (глава́ 4):

На лити́и стихи́ры самогла́сны, глас 1:

Преподо́бия похвала́ и сла́ва му́ченичества/ показа́стеся, чу́днии:/ Крест бо Христо́в подви́жнически восприя́вше,/ по́прище муче́ния проидо́сте всесла́вное/ и, со сла́вою очище́ние сами́х себе́/ му́ченически соверши́вше,/ я́ко чи́стии Чи́стому предстоите́ Христу́,/ венцено́сцы всесла́внии,/ три новому́ченицы,/ Евфи́мие вели́кий, Игна́тие твердому́дренный и Ака́кие светле́йший,/ с му́ченики и преподо́бными веселя́щеся/ и моля́щеся о нас ко Го́споду.

Глас 2:

Яко весна́ весе́лая,/ возсия́ днесь треза́рное новому́чеников торжество́./ Прииди́те у́бо, празднолю́бцы, све́тло пра́зднуем,/ наслажда́ющеся духо́вно по́двиги и боре́нии их за Христа́,/ я́ко, естество́ пону́дивше,/ превзыдо́ша всех свя́тостию,/ и, раче́нием Госпо́дним пали́ми,/ во́лею потеко́ша к муче́нию,/ и, сла́вную ча́шу сме́рти испи́вше с ра́достию,/ прия́ша вене́ц побе́ды,/ я́ко победи́телие и победоно́сцы всесла́внии,/ Евфи́мий, Игна́тий и Ака́кий,/ и ны́не со А́нгелы на Небесе́х лику́юще/ непрестаю́щим ликова́нием,/ про́сят вселе́нней ми́ра/ и душа́м на́шим ве́лией ми́лости.

Сла́ва, глас 5:

Воспо́йте Го́сподеви песнь но́ву,/ по́йте Ему́, вся земля́,/ днесь бо трие́ Его́ новому́ченицы,/ Евфи́мий, Игна́тий и Ака́кий,/ но́вый пра́здник соста́вивши,/ любому́дренно прие́млют соше́дшихся свои́х рачи́телей,/ невеще́ственную трапе́зу представля́юще,/ за Христа́ свои́ по́двиги,/ я́ко бра́шна разли́чная, предлага́ют./ Прииди́те у́бо, у́мно вкуси́вше,/ возвесели́мся ду́хом/ и Влады́це Христу́ от се́рдца рцем:/ бу́ди благослове́н во ве́ки, Го́споди,/ И́же и сих рачи́телей Твои́х/ победи́тели греха́ показа́вый/ и венце́м сла́вы их украси́вый./ Сподо́би у́бо и нас подража́тели бы́ти доброде́телей их/ и ра́вную сла́ву улучи́ти,/ Многоми́лостиве Го́споди, сла́ва Тебе́.

И ны́не, пра́здника.

На стихо́вне стихи́ры, глас 5.

Подо́бен: Ра́дуйся:

Ра́дуйся, новому́чеников тро́ице,/ Тро́ицы Несозда́нныя побо́рницы,/ и́же всю зе́млю луча́ми муче́ния ва́шего,/ я́ко свети́ла Боже́ственная, облиста́вшии,/ и ны́не, прие́млюще от нас похва́льная пе́ния,/ и моле́ния ко Влады́це принося́ще,/ и исцеле́ния моля́щимся да́рующе,/ же́ртвы приснопочита́емыя,/ сокро́вища честна́я,/ цве́ти прекра́снии/ и но́выя от собо́ра ве́рных,/ Христа́ моли́те/ душа́м на́шим да́ти ве́лию ми́лость.

Стих: Ди́вен Бог во святы́х Свои́х,/ Бог Изра́илев.

Ра́дуйся, новому́чеников тро́ице,/ и́же де́монов ополче́ния победи́вшии,/ и все а́нгельское естество́ я́ве удиви́вшии,/ и прия́вшии награ́д мно́жество:/ му́дро анти́христа обличи́вый, Евфи́мие,/ и благоду́шие ве́рным обручи́вый;/ кня́зя же тьмы удави́вый/ и страсте́м подража́вый Христа́ моего́, Игна́тие;/ весь прекра́сен, украша́яся незло́бием, Ака́кие,/ Христа́ моли́те/ душа́м на́шим да́ти ве́лию ми́лость.

Стих: Святы́м, и́же суть на земли́ Его́/ удиви́ Госпо́дь вся хоте́ния Своя́ в них.

Ра́дуйся, новому́чеников тро́ице,/ и́же страстоте́рпцев дре́вних/ терпе́нию, и тве́рдости, и до́блести подража́вшии я́ве/ и венцы́ ра́вныя восприя́вшии,/ Христо́вым Боже́ственным раче́нием возжига́еми, приснопа́мятнии,/ себе́ саме́х на смерть во́лею вда́сте,/ и я́ко святи́и от нас ны́не прославля́етеся,/ зако́нно по́прище страда́ния соверши́вше,/ зако́нныя и Боже́ственныя венцы́ от Христа́ восприя́сте,/ Того́ моли́те/ душа́м на́шим да́ти ве́лию ми́лость.

Сла́ва, глас 8:

Ра́дуйтеся о Го́споде, Трои́цы равночи́сленнии,/ новому́ченицы сла́внии,/ ра́дуйтеся о Христе́ Бо́зе и па́ки ра́дуйтеся,/ Евфи́мие, Игна́тие и Ака́кие,/ трисве́тлое тридне́вное собра́ние,/ новоизбра́нный ли́че и трисплете́нный,/ до́блестное ополче́ние Всецаря́ Бо́га;/ ра́дуйтеся, и́же труда́ми по́двигов убеле́ннии кри́ны еде́мстии/ и кровьми́ му́ченическими очервле́ннии/ шипки́ благода́ти, све́тлое согла́сие Божества́ Иису́сова/ и любве́ Его́ сою́зе,/ неразры́вное соедине́ние ве́ры,/ тристе́нная кре́посте гра́да Бо́жия,/ трипокро́вный до́ме Пресвяты́я Тро́ицы,/ чи́стая обита́лища Отца́, Сы́на и Свята́го Ду́ха;/ ра́дуйтеся, о́троцы Христо́вы прекра́снейшии,/ му́ченицы святи́и, новопоже́ртвенныя о́вцы,/ приводи́мии тельцы́ к та́йней трапе́зе Христа́ и Бо́га,/ и́хже кро́ви вопию́т за ны ко Го́споду.

И ны́не, пра́здника.

Тропа́рь, глас 1:

Равночи́слении Тро́ицы Несозда́нныя су́ще,/ с ли́ки А́нгелов и чи́ны му́чеников/ предстоите́ вы, ра́дующеся, Престо́лу Божества́, му́дрии./ Сего́ ра́ди прича́стием сия́ние отону́ду прие́млюще,/ исто́чник исцеле́ний ве́рным подае́те/ и Боже́ственное просвеще́ние,/ му́чениче Христо́в Евфи́мие со Игна́тием му́дрым и с Боже́ственным Ака́кием,/ о нас при́сно моли́теся.

НА У́ТРЕНИ

По 1-м стихосло́вии седа́лен, глас 1:

Све́тлая време́н цари́ца возсиява́ет днесь,/ пресве́тлии же ны́не сооблиста́ют сей Христо́вы новому́ченицы,/ му́дрый Евфи́мий и Игна́тий со сла́вным Ака́кием,/ пропове́давшии на позо́рище до́блественне Божество́ Христо́во.

Сла́ва, и ны́не, пра́здника.

По 2-м стихосло́вии седа́лен, глас 3:

Но́вый, возсия́л еси́ Христо́вою ве́рою, му́чениче сла́вне,/ све́тлую тро́ицу страстоте́рпцев исполня́я/ и образу́я число́ Богонача́льныя Тро́ицы./ Но да заградя́тся уста́ ху́льная, не прие́млющая новому́чеников страда́ние,/ испове́дающих Божество́ Христо́во.

Сла́ва, и ны́не, пра́здника.

По полиеле́и седа́лен, глас 8:

Све́тлых по́двигов твои́х пра́здник вселе́нную украша́ет,/ сла́вне преподобному́чениче Евфи́мие,/ сохраня́й, треблаже́нне, любо́вию чту́щих тя.

Сла́ва: Яви́ся днесь Це́ркви торжество́ трие́х страстоте́рпцев,/ я́ко свети́ло, озаря́ющее правосла́вных люде́й собра́ния.

И ны́не, пра́здника.

Степе́нна, 1-й антифо́н 4-го гла́са. Проки́мен, глас 4: Ди́вен Бог во святы́х Свои́х,/ Бог Изра́илев. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Луки́, зача́ло 63.

По 50-м псалме́ стихи́ра, глас 2:

Зело́ мне че́стни бы́ша дру́зи Твои́, Бо́же,/ зело́ мне утверди́шася влады́чествия их,/ наипа́че же мне возлю́бленни бы́ша му́ченицы Твои́, Го́споди,/ я́ко, са́мою кро́вию свое́ю пропове́давше Твое́ Божество́,/ утвержда́ют в спаси́тельнем испове́дании/ Трисвята́го Твоего́ И́мени./ Моли́твами у́бо но́вых сих Твои́х му́чеников,/ Евфи́мия, Игна́тия и Ака́кия,/ утверди́ Правосла́вием Це́рковь Твою́, Христе́,/ и бога́тый ми́рови мир ниспосли́/ и душа́м на́шим ве́лию ми́лость.

Кано́н пра́здника со ирмосо́м на 6 и святы́х на 8.

Глас 1.

Песнь 1

Ирмо́с: Воскресе́ния день,/ просвети́мся, лю́дие,/ Па́сха, Госпо́дня Па́сха:/ от сме́рти бо к Жи́зни/ и от земли́ к Небеси́/ Христо́с Бог нас/ преведе́, побе́дную пою́щия.

Воскресе́ния день Го́спода Христа́,/ прииди́те согла́сно вси, трие́х му́чеников пра́здник соста́вим, ве́рнии,/ Тро́ица Бог сих бо просла́ви, побе́дную пою́щих.

Воскресе́ния день Царя́ Христа́, вся но́ва ви́дяще,/ прииди́те согла́сно, и мы соста́вим, ве́рнии, но́вый пра́здник,/ трие́х новому́чеников с любо́вию воспева́юще.

Очи́стим чу́вствия и у́зрим воскре́сша Христа́ и трех новому́чеников Его́,/ блиста́ющихся со́лнца светле́йше/ и всех озаря́ющих ве́рных благода́тию.

Очи́стим чу́вствия и у́зрим трех подобосо́лнечных свети́л,/ ны́не совосходя́щих Христу́, Со́лнцу, от гро́ба возсия́вшу,/ честны́х новому́чеников, и ве́рных озаря́ющих.

Небеса́ у́бо досто́йно да веселя́тся, земля́ же да ра́дуется,/ да пра́зднует же любо́вию И́верская оби́тель,/ обогати́вшаяся му́ченических моще́й сокро́вищем неотъе́млемым.

Богоро́дичен: Воскре́сшаго ви́девши Сы́на Твоего́ и Бо́га,/ ра́дуйся со апо́столы, Богоблагода́тная Чи́стая,/ и е́же, ра́дуйся, пе́рвее,/ я́ко всех ра́дости Вина́,/ восприя́ла еси́, Богома́ти Всенепоро́чная.

Катава́сия: Воскресе́ния день:

Песнь 3

Ирмо́с: Прииди́те, пи́во пие́м но́вое,/ не от ка́мене непло́дна чудоде́емое,/ но нетле́ния исто́чник,/ из гро́ба одожди́вша Христа́,/ в Не́мже утвержда́емся.

Прииди́те, весну́ вси у́мную во вре́мя есте́ственныя весны́ у́зрим, новому́чеников,/ я́ко цве́ты, подаю́щих нам чудеса́ пресла́вная.

Ны́не вся испо́лнишася све́та,/ воста́нием Созда́теля сооблистава́емая,/ да пра́зднует све́тло и па́мять трие́х страстоте́рпцев ве́рных собра́ние.

Ва́ия, Евфи́мие, рука́ма, я́ко зна́мение побе́ды держа́,/ неустраши́мо к закла́нию с ра́достию поте́кл еси́,/ раче́нием Христо́вым, му́дре, распала́емый.

Ору́жием Креста́ огради́вся, я́коже лев,/ ко удавле́нию прете́кл еси́, свя́те,/ и, спле́тшися со враго́м, побе́ду воздви́гл еси́ све́тлую, Игна́тие сла́вне.

Вчера́ Ты мертв был еси́, Христе́, – Ака́кий взыва́ет, усека́емый,/ ны́не же и аз Тебе́ ра́ди,/ Сам мя просла́ви, Спа́се, во Ца́рствии Твое́м.

Богоро́дичен: Бо́га, Его́же родила́ еси́ пло́тию,/ из ме́ртвых, я́коже рече́, воста́вша/ ви́девши, Чи́стая, лику́й/ и Сего́ я́ко Бо́га, Пречи́стая, возвелича́й.

Конда́к и и́кос пра́здника.

Седа́лен, глас 1:

Я́ко со́лнце, ва́ша честна́я па́мять возсия́ нам,/ Боже́ственнии новому́ченицы, Тро́ицы равночи́сленнии, ве́рных озаря́ющая,/ ю́же днесь соверша́юще, вопие́м:/ моли́те за ны, страстоте́рпцы, Еди́наго Человеколю́бца.

Сла́ва:

Муче́ний ви́ды лю́тыя, преподобному́ченицы Боже́ственнии, тве́рдо вы протерпе́сте,/ твердому́дренный Евфи́мие и Игна́тие Боже́ственне, треблаже́нне Ака́кие,/ подо́бными о́бразы све́тло просла́вистеся,/ исцеля́ти боле́зни по кончи́не благода́ть свы́ше прия́сте/ с ве́рою притека́ющим к ра́це моще́й ва́ших,/ моли́теся Христу́ Бо́гу прегреше́ний оставле́ние дарова́ти/ пра́зднующим любо́вию святу́ю па́мять ва́шу.

И ны́не, пра́здника.

Песнь 4

Ирмо́с: На Боже́ственней стра́жи/ Богоглаго́ливый Авваку́м/ да ста́нет с на́ми и пока́жет/ светоно́сна А́нгела,/ я́сно глаго́люща:/ днесь спасе́ние ми́ру,/ я́ко воскре́се Христо́с,/ я́ко всеси́лен.

На Боже́ственней стра́жи ста́вше, му́ченицы Христо́вы,/ иму́ще Его́ в се́рдце, с любо́вию взыва́ху Ему́, всеблаже́ннии:/ днесь нам спасе́ние, Спа́се,/ а́ще и у́мрем Тебе́ ра́ди, Всеси́льне.

Единоле́тный А́гнец, от Де́вы проше́дый, вене́ц нам ны́не пода́й,/ Тебе́ ра́ди к сме́рти днесь тща́щимся,–/ новому́ченицы взыва́ху Кра́сному из гро́ба Христу́, Со́лнцу возсия́вшу.

Богооте́ц у́бо Дави́д пред се́нным ковче́гом скака́ше, игра́я,/ мы же Тебе́ я́ко приноше́ние кро́вию, ра́дующеся, прихо́дим,/ ви́дяще Тя, из гро́ба Кра́сна воскре́сша Христа́,–/ вопию́т му́ченицы.

Источа́ют безсме́ртия пото́ки новому́чеников ра́цы Христо́м/ и чуде́с бе́здну боля́щим:/ ко́снемся косте́м их ве́рою и у́зрим чу́до,/ благоуха́ние сих вои́стинну Небе́сное.

Богоро́дичен: Его́же родила́ еси́, Христа́,/ прекра́сно из ме́ртвых возсия́вша, Чи́стая, зря́щи,/ До́брая и Непоро́чная в жена́х и Кра́сная,/ днесь во спасе́ние всех, со апо́столы ра́дующися, Того́ прославля́й.

Песнь 5

Ирмо́с: У́тренюем у́тренюю глубоку́,/ и вме́сто ми́ра песнь принесе́м Влады́це,/ и Христа́ у́зрим,/ Пра́вды Со́лнце,/ всем жизнь возсия́юща.

У́тренюем во хра́ме ва́шем, Христа́ воспева́юще,/ из гро́ба возсия́вшаго Жизнода́вца,/ вас удиви́вшаго и сла́вою венча́вшаго, новому́ченицы сла́внии.

Безме́рное ва́ше дерзнове́ние,/ новому́чеников Тро́ицы, зря мучи́тель, сме́рти предаде́,/ к Не́йже влеко́ми, весе́лыми нога́ми, Па́сху хва́ляще, потеко́сте.

Присту́пим муче́ниями/ и вме́сто ми́ра кровь принесе́м Влады́це,/ в страда́ниих глаго́лаху му́дрии новому́ченицы,/ Па́сху хва́ляще, закала́еми.

Богоро́дичен: Не разве́рзл еси́ врата́ де́вства в воплоще́нии,/ гро́ба не разруши́л еси́ печа́тей, Царю́ созда́ния,/ отону́дуже воскре́сшаго Тя зря́щи, Ма́ти ра́довашеся.

Песнь 6

Ирмо́с: Снизше́л еси́ в преиспо́дняя земли́/ и сокруши́л еси́ вереи́ ве́чныя,/ содержа́щия свя́занныя, Христе́,/ и тридне́вен, я́ко от ки́та Ио́на,/ воскре́сл еси́ от Гро́ба.

По́двигами снидо́сте, му́чеников тро́ице, и, сокруши́вше се́ти вра́жия,/ взыдо́сте на Небеса́ в ра́дости,/ и Госпо́дь диади́мою све́тлою побе́ды увенча́ вас.

Небе́сный круг обходя́ще вы/ и Престо́лу Христо́ву предстоя́ще, порфи́рою оде́яннии све́тлою,/ му́чеников лико́м и преподо́бных собо́ром совесели́теся.

Жела́юще му́ченицы дости́гнути Христа́, изше́дше по́двигами,/ да́же до сме́рти вои́стинну подвиза́шася/ и разтерза́ша се́ти вра́жия, я́ко паути́ну.

Соверши́вше путь страда́ния све́тло,/ возведо́стеся вои́стинну во оби́тели Небе́сная, о новому́ченицы,/ и получи́сте диади́му све́тлую от руки́ Влады́чни.

Фи́никовыя ве́тви в рука́х, я́ко награ́ды,/ и Крест, я́ко скиптр, и тече́ние крове́й, я́ко порфи́ру, нося́ще, предстои́те,/ соца́рствующе Христу́, новому́ченицы Боже́ственнии.

Сохра́ньшим ве́ру Христо́ву, и све́тло сконча́вшим тече́ние,/ и по́двигом до́брым подвиза́вшимся, новому́ченицы,/ отверзо́шася вам ра́йския две́ри.

Богоро́дичен: Сни́де в преиспо́дняя земли́ в ложесна́ Твоя́, Чи́стая, сше́дый/ и всели́выйся и воплоти́выйся па́че ума́,/ и воздви́же с Собо́ю Ада́ма, воскре́с от гро́ба.

Конда́к, глас 4:

Яви́ся днесь Це́ркви но́вое торжество́/ трие́х страстоте́рпцев,/ я́ко свети́ла, озаря́ющее/ правосла́вных, Христе́,/ исполне́ния.

И́кос:

И́же во Афо́не подвиза́ющиися,/ прииди́те вси, стеце́мся/ и, в Предте́чевом свяще́ннем ски́те соше́дшеся,/ у́зрим чудеса́ стра́нная, Боже́ственною си́лою чудоде́емая./ Обря́щем та́мо трие́х но́вых преподобному́чеников, Евфи́мия, Игна́тия и Ака́кия,/ и́же а́ще и вре́менно наси́лию уступи́вше,/ отверго́шася, – увы! – всех Спа́са Христа́,/ но по́слежди подви́жническим себе́ саме́х преда́вше трудо́м,/ Константи́нова гра́да с ва́иями и ве́твьми дости́гше венцено́снии,/ я́ко дре́внии авраа́мстии три о́троцы, проти́ву пре́лести до́бльствоваша./ Лжепроро́ка бо ага́рянския ле́сти, я́ко анти́христа, посрами́вше,/ Правосла́вную ве́ру са́мою кро́вию свое́ю утверди́ша и уве́риша,/ Спа́са Христа́, Бо́га и Челове́ка, я́сно пропове́давше,/ отону́дуже и да́льния мо́ря преше́дше нетле́нно,/ сей свяще́нный храм насле́доваша ра́ками моще́й свои́х./ И ны́не, исцеле́ния подаю́ще ве́рою притека́ющим,/ озаря́ют правосла́вных собра́ния.

Песнь 7

Ирмо́с: О́троки от пе́щи изба́вивый,/ быв Челове́к,/ стра́ждет, я́ко сме́ртен,/ и стра́стию сме́ртное/ в нетле́ния облачи́т благоле́пие,/ еди́н благослове́н/ отце́в Бог и препросла́влен.

До́бльственно до́брый проше́дше по́двиг, новому́ченицы,/ те́ла вы кончи́ну ни во что́же вмени́вше,/ ны́не предстоите́, ра́дующеся, Живо́му Христу́,/ Па́сху та́йную на Небесе́х при́сно вкуша́юще.

Сме́рти пра́зднуем умерщвле́ние,/ Христо́во во́скресение, страда́ние же честно́е новому́чеников му́дрых,/ и, игра́юще, пое́м Вино́внаго,/ Еди́наго Благослове́ннаго отце́в Бо́га и Препросла́вленнаго.

Я́ко вои́стинну свяще́нная и многосве́тлая есть/ сия́ пресве́тлая и Боже́ственная па́мять трие́х новому́чеников Твои́х, Христе́,/ всех веселя́щая ве́рных,/ пою́щих Тя ны́не, отце́в Бо́га и Препросла́вленнаго.

Пе́сней свяще́нных восприи́мем трубу́, Богому́дрии,/ и свяще́нную новому́чеников торжеству́юще па́мять, рцем:/ ра́дуйтеся, ны́не зерца́ла Тро́ицы та́йная/ и нас, ве́рных, наслажде́ния.

Богоро́дичен: Всем ца́рствуяй созда́нием, быв Челове́к,/ всели́ся в Твою́, Богоблагода́тная, утро́бу/ и, распя́тие претерпе́в и смерть,/ воскре́се боголе́пно, совозста́вив нас, я́ко Всеси́лен.

Песнь 8

Ирмо́с: Сей нарече́нный и Святы́й День–/ еди́н суббо́т царь и госпо́дь,/ пра́здников пра́здник/ и торжество́ есть торже́ств,/ в о́ньже благослови́м Христа во ве́ки.

Сей нарече́нный и святы́й день,/ в не́мже пра́зднуем муче́ния ва́шего страда́ния,/ пра́здник обновля́юще ваш, новому́ченицы,/ воспева́ем Христа́, я́ко Бо́га во ве́ки.

Прииди́те, но́вое му́чеников торжество́/ но́выми песносло́вии торжеству́ем днесь, празднолю́бцы,/ обновля́юще Христо́во воскресе́ние, воспева́ем Его́, я́ко Бо́га во ве́ки.

Нося́ в рука́х крест и ва́ия, Евфи́мие,/ мечу́ главу́ твою́ неустраши́мо подклони́в, му́дре,/ ца́рствия Христо́ва приобщи́лся еси́, взыва́я Ему́:/ оса́нна во ве́ки.

Возведи́те о́крест о́чи ва́ша, новому́чеников трои́це,/ и ви́дите собра́вшихся, от души́ вас лю́бящих,/ и нас, я́ко дру́ги, и бра́тия, и моли́твенники, сохраня́йте,/ песносло́вящих ва́шу Боже́ственную па́мять.

Богоро́дичен: Всю низложи́в сме́рти держа́ву, Сын Твой, Де́во, Свои́м воскресе́нием/ я́ко Бог Кре́пкий совознесе́ нас и обожи́,/ те́мже воспева́ем Его́ во ве́ки.

Песнь 9

Ирмо́с: Свети́ся, свети́ся,/ Но́вый Иерусали́ме,/ сла́ва бо Госпо́дня/ на тебе́ возсия́,/ лику́й ны́не/ и весели́ся, Сио́не./ Ты же, Чи́стая, красу́йся, Богоро́дице,/ о воста́нии Рождества́ Твоего́.

Припе́в: Днесь воста́нием Христа́ Жизнода́вца,/ я́ко со́лнце, сия́ет па́мять му́чеников.

Весели́ся, ски́те Крести́теля Спа́сова,/ чад бо твои́х сла́ва на тебя́ возсия́./ Лику́й ны́не и воспева́й:/ ра́ками бо новому́чеников, я́ко исто́чником чуде́с, обогати́лся еси́.

Припе́в: Велича́й, душе́ моя,/ трие́х страстоте́рпцев Христа́ Жизнода́вца.

О, Боже́ственнаго! о, любе́знаго! о, сладча́йшаго сконча́ния,/ его́же претерпе́сте вои́стинну Христо́вы блаже́ннии новому́ченицы сла́внии,/ и́хже, ве́рнии, иму́ще предста́тели, не постыди́мся.

Припе́в: Велича́й, душе́ моя,/ Евфи́мия вели́каго, вку́пе со Игна́тием и Боже́ственным Ака́кием.

О, Боже́ственнаго! о, любе́знаго обеща́ния кра́снаго!/ С на́ми бо еще́ жи́ви су́ще бы́ти обеща́стеся,/ храни́телие Боже́ственнии жи́зни на́шея,/ и́хже, ве́рнии, моли́твенники ко Го́споду предлага́юще, ра́дуемся.

Припев: Днесь воста́нием Христа́ Жизнода́вца/ па́мять совозсиява́ет трие́х новому́чеников.

О му́ченицы Боже́ственнии, о во́ини Христо́вы,/ о кра́сная и прекра́сная Тро́ицы заколе́ния,/ любо́вию вам ны́не посвяща́я песнь,/ всем се́рдцем прошу́ е́же с ва́ми совселе́ния.

Припе́в: Ра́дуйся, Де́во, ра́дуйся, Благослове́нная,/ ра́дуйся, Препросла́вленная:/ Твой бо Сын воскре́се тридне́вен от гроба.

Весели́ся и ра́дуйся, Боже́ственная две́ре Све́та:/ заше́дый бо Иису́с во гроб, возсия́, просия́в со́лнца светле́е/ и ве́рныя вся озари́в, Богора́дованная Влады́чице.

Ексапостила́рий:

Весели́ся, свята́я горо́ Афо́нская днесь,/ Крести́телев бо скит пра́зднует торжество́ Боже́ственное,/ му́ченики но́выя име́я преподо́бных твои́х,/ да даст у́бо тебе́, всечи́стая, таковы́я плоды́ приноси́ти Пресвяте́й Тро́ице.

Сла́ва, и ны́не, пра́здника.

На хвали́тех стихиры на 6, глас 1.

Подо́бен: Небе́сных чино́в:

Правосла́вных мно́жества,/ прииди́те, стецы́теся:/ се бо ны́не наста́ светле́йший пра́здник трие́х новому́чеников,/ и́же Христа́, воскре́сшаго от гро́ба, воспропове́давше,/ пре́лесть нечести́вых в коне́ц посрами́ша.

Но́вое сие́ составля́ющии торжество́,/ Евфи́мий Боже́ственный есть/ и Игна́тий ку́пно со Ака́кием,/ и́же я́ко тро́ица,/ Тро́ице предстоя́т с му́ченики и преподо́бными,/ а́нгельски трисвяту́ю песнь воспева́юще.

Пали́мии вои́стинну ва́шим раче́нием,/ тро́ице новому́чеников,/ Евфи́мие Боже́ственный, Игна́тие твердому́дренный/ и сла́вне Христа́ моего́ Ака́кие,/ се собра́хомся вси па́мять ва́шу соверши́ти ве́рою.

И́ны стихи́ры, глас 2.

Подо́бен: Егда́ от Древа́:

Хвалу́ Бо́гу ра́достно,/ вси мона́шествующих ли́цы,/ днесь воспои́м,/ в па́мяти страстоте́рпцев Христо́вых,/ Евфи́мия блаже́ннаго,/ му́драго Игна́тия ку́пно со Ака́кием,/ подвиза́вшихся тве́рдо,/ те́мже венцы́ и награ́ды/ прия́ша досто́йно побе́ды/ и за ны при́сно мо́лятся.

Преподо́бнии и му́ченицы Христо́вы,/ чудесы́ озаря́ете мир/ от неистощи́маго исто́чника/ ра́ки честны́х моще́й ва́ших, сла́внии./ Те́мже днесь вси,/ в Боже́ственнем хра́ме любо́вию собира́еми,/ торжеству́ем па́мять ва́шу,/ моля́щеся па́мять к Бо́гу твори́ти/ о чту́щих вас, всечестни́и.

Стоя́сте пред суди́лищем тве́рдо/ на суде́ беззако́нных, преподобному́ченицы,/ Христа́ пропове́дающе,/ Бо́га и Челове́ка,/ и пре́лесть облича́юще,/ Евфи́мие блаже́нне, Боже́ственне Игна́тие,/ тве́рдый Ака́кие,/ те́мже, нестерпи́мыя муче́ния терпя́ще,/ венцы́ от Христа́ досто́йно восприя́сте.

Сла́ва, глас 5:

Се что добро́ или́ что красно́, пое́т Дави́д,/ но е́же жи́ти бра́тии вку́пе./ Се бо, от ра́зных стран устреми́вшиися,/ и на сем ме́сте подви́жническия соверши́вшии подви́ги,/ и Константи́нов град излия́нием честны́я своея́ кро́ве освяти́вшии,/ и Боже́ственными мощми́ да́льния моря́ нетле́нно преше́дшии,/ Тро́ицы равночи́сленнии новому́ченицы,/ Евфи́мий, Игна́тий и Ака́кий,/ сей прекра́сный храм насле́довавше,/ вку́пе обита́ют, я́ко бра́тия ду́хом,/ до́брии и кра́снии су́ще,/ и, ра́кою свяще́нных моще́й/ и пе́рстию от гро́ба их нас освяща́юще,/ мо́лятся непреста́нно за ны ко Го́споду.

И ны́не, пра́здника.

Славосло́вие вели́кое. И отпу́ст.

На Литурги́и слу́жба преподобному́ченическая.

Преподобномученик Евфимий

Преподобномученик Евфимий родился в Пелопонессе (селение Димитциани) от благочестивых родителей Панагиота и Марии в конце XVIII столетия. Мать будущего святого тяжко страдала во время родов. Она молилась святому мученику Елевферию о помощи в благополучных родах. Молитва матери была услышана. В благодарность она назвала сына Елевферием.

Будущий подвижник получил хорошее образование. Он обучался сначала на своей родине, а затем в Константинополе. Прожив два года в родительском доме, юноша отправился на Афон для духовных подвигов. В Константинополе он познакомился с молодыми людьми, которые вовлекли его в развлечения и плотские удовольствия, для удовлетворения которых потребовались значительные средства. Один из турецких чиновников открыл юноше путь к приобретению материальных благ через принятие мусульманской веры. Неопытный юноша согласился на опасный шаг, но вскоре совесть стала жестоко обличать его. Сознавая глубину своего грехопадения, Елевферий каялся и горько плакал. Через некоторое время он бежал из турецкого окружения и уже вскоре достиг Святой Горы Афон.

С глубокой скорбью и слезами покаяния рассказал он о своем падении афонскому старцу Григорию, который прежде был Патриархом Константинопольским. Опытный старец направил Елевферия к духовнику старцу Мелетию для ежедневного покаяния и постоянных молитв. Через 40 дней Елевферий был помазан миром по православному чину и вновь обрел звание христианина. Затем он поступил в скит святой Анны под руководство мудрого старца Василия. Здесь инок подвизался в отшельнических трудах, а через некоторое время просил у старца благословения отправиться в Константинополь, чтобы пострадать за православную веру и искупить свой грех.

Старец Василий долго не соглашался, но наконец благословил на подвиг, с условием: если турки узнают его – должен пойти на страдания, если не узнают – не дерзать подвергать себя опасности. В Константинополе Елевферий многократно встречался с турками, которые ранее видели его, но не был узнан. Он был опечален и уже собирался отвергнуть заповедь старца, но, по Промыслу Божию, встретился с афонским монахом Панкратием и просил его совета. Благоразумный Панкратий убедил Елевферия вернуться на Афон и только после усердных иноческих трудов решаться на предполагаемый подвиг. Елевферий послушался и возвратился на Афон. Здесь он получал наставления от ряда опытных духовных отцов. В частности, иеромонах Никифор помог юноше победить чревонеистовство. Этот подвижник подверг Елевферия епитимии, которую тот воспринял с радостью. Постепенно Елевферий обретал духовную опытность.

Со временем он был пострижен в монашество с именем Евфимий и только после длительного монашеского искуса ему было позволено возвратиться в Константинополь, где он и принял мученическую кончину.

Пред казнью преподобномученик горячо помолился Богу о себе и всем мире, перекрестился, поцеловал крест, который держал в правой руке, и преклонил главу под меч со словами: «Господи! В руце Твои предаю дух мой». Это произошло в Вербное воскресенье, 22 марта 1814 года.

Память его совершается 1 мая вместе со святыми преподобномучениками Игнатием и Акакием и отдельно – 22 марта.

Преподобномученик Игнатий

Преподобномученик Игнатий (в Крещении Иоанн) родился в конце XVIII столетия в болгарском селении Эски-загра Тырновской епархии. Родители его были православными христианами. Уже в раннем возрасте на долю Иоанна выпали тяжелые испытания.

Его отец Георгий отличался особой силой и мужеством. Турки, овладевшие их родным селением, потребовали от Георгия, чтобы он вступил в турецкую армию, обещая поставить его тысячником. Георгий отказался: «Не могу идти против единоверных мне христиан». За это турки пронзили его мечом, а затем обезглавили. Мать и сестер Иоанна турки вынудили принять ислам. Иоанну удалось бежать из родного дома, он направился в удел Богоматери – на святой Афон. По дороге в Бухаресте Иоанн встретился с будущим преподобномучеником Евфимием и подружился с ним. Вскоре он продолжил путь к Афону, где вначале пребывал в скиту святой Анны, ревностно исполняя иноческие послушания. Однажды юному послушнику пришлось быть по монастырским делам в Солуни. Там он увидел преподобномученика Давида, повешенного на древе за исповедание Христовой веры. Подвиг этот воспламенил сердце Иоанна, и им овладело желание пострадать за Христа. Однако святогорский старец, оказавшийся в это время около Иоанна, отклонил юношу от немедленного исполнения его желания. Иоанн послушался и вернулся на Афон. Здесь он узнал о мученическом подвиге своего друга преподобномученика Евфимия. После блаженной кончины своего духовника Иоанн перешел в скит святого Иоанна Предтечи под руководство к духовнику старцу Никифору. Иоанн усердно выполнял все указания опытного старца и преуспевал в добродетелях.

Перед страдальческим подвигом старец Никифор постриг Иоанна в монашество с именем Игнатий, после чего афонский инок отправился в Константинополь, где принял мученическую кончину близ местечка Пармак-капи 8 октября 1814 года.

Афонский инок Григорий, узнав о кончине святого Игнатия, поспешил на место казни и, взяв мощи преподобномученика Игнатия и пострадавшего ранее преподобномученика Евфимия, возвратился на Афон. Мощи были положены в новосозданном храме, где стали источать исцеления. Память его совершается 1 мая вместе со святыми преподобномучениками Евфимием и Акакием и отдельно 20 октября.

Преподобномученик Акакий

Преподобномученик Акакий (в Крещении Афанасий) – сын благочестивых и бедных родителей, проживавших в селении Неохори, в Македонии, близ Солуни. Родился он в конце ХVIII столетия. Вследствие крайней бедности родители отдали девятилетнего Афанасия в учение к башмачнику. Этот жестокий человек так избивал мальчика, что он вынужден был бежать. По дороге мальчика встретили две турчанки, накормили его и убедили принять магометанство. Они передали мальчика хазнадару Юсеф-бею, который и усыновил его. Отрок прожил 9 лет в довольстве и роскоши. Однажды жена Юсеф-бея воспылала к Афанасию нечистой страстью, но когда была отвергнута благочестивым юношей, оболгала его пред своим мужем. Хозяин немедленно изгнал Афанасия из своего дома. Получив свободу, он пришел к своим родителям в Солунь, где они проживали в то время. Желая очиститься от своего греха – измены православной вере, Афанасий принял решение идти на Афон. «Помни, – говорила ему мать, – как ты самовольно отрекся от Христа, так с дерзновением должен и исповедать Его пред турками и за любовь Сладчайшего Иисуса принять мученическую кончину, омыв свое глубокое падение кровью». Так искренне желала мать спасения души своего сына для Вечной Жизни.

Афанасий немедленно отправился на Афон и поступил в Хилендарский монастырь. Оттуда, по совету одного старца, он перешел в Ксенофский скит к духовнику старцу Николаю, который, выслушав исповедь Афанасия, прочитал над ним установленные Православной Церковью молитвы, потом помазал его святым миром и отпустил обратно в Хилендарь.

Вскоре Афанасий узнал о кончине преподобномучеников Евфимия и Игнатия. Желая идти подобным путем, Афанасий обратился к духовнику старцу Никифору и просил его принять под свое руководство, чтобы затем следовать путем двух подвижников мучеников. Добросовестно проходил послушание у отца Никифора инок Афанасий; пост, бдение, непрестанная молитва были его оружием. По истечении продолжительного времени старец Никифор постриг Афанасия в монашество с именем Акакий. Через малое время, подобно и его святым предшественникам, святой Акакий отправился в Константинополь, где также удостоился мученической кончины в местечке Пармаккать 1 мая 1816 года.

Мощи святого преподобномученика Акакия были с честью погребены на Афоне в новосозданном храме в честь святых преподобномучеников Евфимия и Игнатия. Святые главы всех трех преподобномучеников покоятся в Русском монастыре великомученика Пантелеимона на Афоне.

Пра́зднование Пресвяте́й Влады́чице на́шей Богоро́дице в честь чудотво́рныя Ея́ ико́ны, имену́емыя «Неча́янная Ра́дость»

(Слу́жбу зри 9 декабря́)

Тропа́рь, глас 4:

Днесь, ве́рнии лю́дие, духо́вно торжеству́ем,/ прославля́юще Засту́пницу усе́рдную ро́да христиа́нскаго,/ и, притека́юще к пречи́стому Ея́ о́бразу, взыва́ем си́це:/ о Преми́лостивая Влады́чице Богоро́дице,/ пода́ждь нам неча́янную ра́дость,/ обремене́нным грехи́ и скорбьми́ мно́гими,/ и изба́ви нас от вся́каго зла,/ моля́щи Сы́на Твоего́, Христа́ Бо́га на́шего,/ спасти́ ду́ши на́ша.

Конда́к, глас 6:

Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице./ Ты нам помози́,/ на Тебе́ наде́емся/ и Тобо́ю хва́лимся,/ Твои́ бо есмы́ раби́,/ да не постыди́мся.

Икона Божией Матери «Нечаянная Радость»

Икона Божией Матери «Нечаянная Радость» получила название в память об исцелении одного грешника от плотской страсти через святую икону молитвами Пресвятой Богородицы. Предание об этом чуде описано в книге святителя Димитрия Ростовского «Руно Орошенное». Однажды грешный человек перед скверным беззаконием по привычке обратился к образу Божией Матери с молитвой: «Радуйся, Благодатная!» Вдруг он увидел, что изображение ожило: язвы Господа Иисуса раскрылись и кровоточили. В страхе он произнес: «О Госпожа, кто это сделал?» Пресвятая Богородица ответила: «Ты и прочие грешники грехами своими вновь распинаете Сына Моего».

Потрясенный грешник с сокрушением стал молиться Пречистой Деве и просил Ее о прощении грехов. С того времени Матерь Божия не прекращала Своих молитв о грешнике и однажды услышала от Господа Иисуса Христа слова: «Ныне отпущаются ему грехи Тебе ради».

Так с помощью Пресвятой Богородицы грешник получил неожиданную нечаянную радость покаяния и прощения грехов от Спасителя и навсегда оставил греховную жизнь.

В Москве были известны три чудотворные иконы «Нечаянной Радости» – в Благовещенском храме, в церкви во имя Феодора Стратилата и в храме в честь иконы Божией Матери «Неопалимая Купина.

Святи́теля Мака́рия, митрополи́та Ки́евскаго

Тропа́рь, глас 8:

Боже́ственныя Безкро́вныя соверша́я Же́ртвы,/ кровь твою́, от безбо́жных ага́рян излия́нную,/ в же́ртву непоро́чную прине́сл еси́ Влады́це твоему́, Пастыренача́льнику Христу́./ Его́же моли́, мо́лим тя,/ проли́ти гнев на язы́ки, хотя́щия бра́ней;/ христолюби́вое во́инство на́ше на враги́ укрепи́/ и ста́до твое́ от вся́ких бед неврежде́нно соблюди́,/ тебе́ бо кре́пкаго засту́пника почита́ем,/ но́вый священному́чениче росси́йский,/ святи́телю блаже́нный Мака́рие.

Конда́к, глас тойже:

Весели́тся град Ки́ев,/ вели́кое сокро́вище стяжа́в,/ твое́ тле́нию неприча́стное те́ло,/ святи́телю блаже́нный Мака́рие,/ твой бо престо́л да́же до кро́ве от лю́тых враго́в наше́ствия храни́л еси́./ И ны́не Небе́сному предстои́ши Престо́лу,/ иде́же моли́твенно пред Творце́м помина́й нас, о́тче наш,/ да во всех беда́х име́ем тя прибе́жище и тобо́ю хва́лимся, зову́ще:/ ра́дуйся, Мака́рие, архиере́ом честно́е украше́ние.

Моли́тва

О вели́кий уго́дниче Христо́в, святи́телю о́тче Мака́рие, в житии́ твое́м чад твои́х любо́вию, сме́рти крепча́йшею, возлюби́вый и за них ду́шу твою́ преда́вый, при́зри от Го́рних оби́телей на нас, вонми́ воздыха́нием на́шим серде́чным и помози́ нам, недосто́йным и смире́нным. Моли́ся, святи́телю ми́лостивый, да рече́т Он мир на лю́ди Своя́, и на преподо́бныя Своя́, и на обраща́ющия сердца́ к Нему́. Да́руй нам, о́тче наш, любве́ твоея́ ко Святе́й Ма́тери на́шей Це́ркви Христо́вой, укрепи́ ны, разсла́бленныя ду́хом, оте́ческия преда́ния храни́ти, и о мимоше́дших напа́стех па́мять спаси́тельную име́ти, и всегда́ благода́рственная Благоде́телю Бо́гу воспева́ти научи́. Предста́тельством твои́м у Престо́ла Го́спода сил испроси́ Це́ркви Христо́вой от е́ресей и раско́лов огражде́ние, к честны́м моще́м твои́м притека́ющим и чту́щим святу́ю па́мять твою́ исполне́ние благи́х их проше́ний да́ти и всем христиа́ном вся ко вре́менней и ве́чной жи́зни потре́бная дарова́ти, да прославля́ется о тебе́ Пречестно́е И́мя Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Священномученик Макарий, митрополит Киевский

Священномученик Макарий, митрополит Киевский, до избрания на кафедру Киевской митрополии был архимандритом Свято-Троицкого монастыря в г. Вильне. В 1495 году он, в сане архимандрита, но уже нареченный митрополитом Киевским, присутствовал при венчании великого князя Литовского Александра с дочерью великого князя Московского Иоанна Васильевича – Еленою. Вопреки желанию Иоанна III таинство брака было совершено не архимандритом Макарием, а сначала Виленским епископом Войцехом Табором, а затем духовником княгини Елены, придворным священником Фомою.

В 1495 году, после смерти Киевского митрополита Ионы Глезны, совершилось рукоположение архимандрита Макария в сан митрополита собором русских архиереев: Вассиана, епископа Владимирского, Луки Полоцкого, Вассиана Туровского и Ионы Луцкого. Для получения благословения на управление митрополией к Константинопольскому Патриарху Нифонту были посланы старец Дионисий и инок Герман. В 1496 году Патриарх прислал великому князю, княгине и митрополиту Макарию благословенные листы.

Киев в то время был полуразрушен и жить в нем было небезопасно вследствие постоянных набегов крымских и ногайских татар. Поэтому митрополит Макарий, подобно своим предшественникам, жил в Вильне, где отстаивал Православие, активно действуя против происков католиков. Много скорбей, трудов и забот принял на себя митрополит Макарий.

В 1497 году он решил посетить Киевскую кафедру, особенно пострадавшую от нашествия татар. Послушный пастырскому долгу, митрополит Макарий смело двинулся в путь, несмотря на грозившую опасность нападения со стороны татар. И вот, как повествует летописец, «в 1497 году, мая 1-го, на шестой неделе после великого дня Пасхи, в понедельник, безбожные перекопские татары убили Преосвященнаго митрополита Киевского и всея Руси архиепископа Макария». Произошло это «в селе Стригалове, на реке Вжище, недалеко от Мозыря», Спутников его – одних убили, а других увели в плен. Много зла причинили татары и окрестным жителям.

Господь, заповедавший не бояться убивающих тело, прославил Своего верного служителя нетлением его тела. Оно было привезено в Киев и положено в соборном храме Святой Софии, где прославилось чудесами в 1625 и 1634 годах. Неоднократно возжигались чудным образом свечи перед иконостасом в соборе, где почивал святитель, а от гробницы его исходили свет и огонь.

Память его совершалась прежде в день тезоименитства (18 января), но с 1827 года перенесена на день его кончины. В этот день мощи его обносились вокруг Софийского собора при пении тропаря: «Божественныя Безкровныя совершая Жертвы, кровь твою, от безбожных агарян излиянную, в жертву непорочну принесл еси Владыце Твоему, пастырей Начальнику Христу; Его же моли, молим тя, пролити гнев на язы́цы, хотящия браней».

Ныне святые мощи священномученика Макария покоятся в Киеве во Владимирском кафедральном соборе.

Литература:

1. Филарет (Гумилевский), архиепископ Черниговский. Русские святые, чтимые всею Церковью или местно. Месяц май. Чернигов, 1863.

2. Димитрий (Самбикин), архиепископ. Месяцеслов святых, Май. Тамбов, 1878.

3. Дестунис С. Жития святых. Месяц май. СПб., 1886.

4. Полное собрание житий святых Православной Греко-Российской Церкви. Под ред. Е. Поселянина. Месяц май. СПб., 1908.

5. Жития Российских и Иверских святых и местночтимых подвижников благочестия. СПб., 1865.

6. Настольная книга священнослужителя. Т. 3. М., изд. Московской Патриархии, 1979.

Святы́я благове́рныя цари́цы Тама́ры Грузи́нския

Тропа́рь, глас 8:

Вы́шния красоты́ жела́я,/ ни́жния сла́сти теле́сныя дале́че от себе́ отгна́ла еси́/ и, в черто́зе ца́рском пребыва́ющи,/ а́нгельское житие́ препровожда́ла еси́,/ цари́це Тама́ро блаже́нная,/ моли́ Христа́ Бо́га спасти́ся душа́м наши́м.

Ин тропарь, глас 4:

Во святы́х ди́вная,/ Иве́рии свети́ло,/ благове́рная цари́це Тама́ро,/ на гора́х высо́ких хра́мы воздви́гшая,/ да в них моле́ния возсыла́ют ко Го́споду,/ мольба́ми твои́ми кре́пость дарова́вшая во́ем христолюби́вых люде́й страны́ И́верския,/ десни́цею же свое́ю по́лчища ага́рянская низпрове́ргшая,/ моли́ Христа́ Бо́га/ спасти́ся душа́м наши́м.

Святая благоверная царица Грузии Тамара Великая

Святая благоверная царица Грузии Тамара Великая родилась около 1165 года. Происходила из древней грузинской династии Багратидов и с 1178 года являлась соправительницей своего отца, Георгия III. Время царствования святой Тамары известно как золотой век грузинской истории. В этот период заметно оживились дружественные отношения Грузии с братской единоверной Русью. Царица Тамара отличалась высоким благочестием и, продолжая начинания своего деда, святого благоверного царя Давида III Возобновителя, способствовала широкому распространению веры Христовой по всей Грузии, строительству храмов и монастырей. В 1204 г. правитель Румского султаната Рукн-эд-Дин обратился к царице Тамаре с требованием отказа Грузии от христианства и принятия ислама. Царица Тамара отвергла это требование, и в исторической битве близ Басиани грузинское войско разбило коалицию мусульманских государств. Мудрое правление благоверной царицы Тамары снискало ей всенародную любовь. Последние годы жизни она провела в пещерном монастыре Вардзиа. Благоверная царица имела келлию, сообщавшуюся посредством оконца с храмом, из которой она могла возносить молитвы к Богу во время Богослужений. Скончалась мирно в 1213 году и была причислена к лику святых. Память ее празднуется дважды: 1 мая – день преставления и вторично в Неделю жен мироносиц (переходящее празднование).

* * *

В ту́ле – в колчане.

Не довле́ – не удовлетворяясь.

Оглавление2-й день

Источник: Минея - М. : Издательский Совет Русской Православной Церкви, 2002-. 12 том. / Минея май. - 2002. / Ч. 1. – 456 с.; Ч. 2. – 536 с.; Ч. 3. - 400 с.

Telegram-каналы

Комментарии для сайта Cackle