Поучение на преславный день Воскресения Христова. Из древнего сборника (XVII в.) – «Статир»

Днесь небо веселится, и земля радуется, и вся тварь светло торжествует. Днесь Богоотец Давид веселится, восклицает, и всю вселенную созывает на преславное веселие: сей день, егоже сотвори Господь, возрадуемся и возвеселимся в онь. Слушатели православные! Сей день, говорит Пророк, в оньже воскресе Христос властию Божества Своего: тогда ада умертвил Он блистанием нестерпимого света, смерть погубил, силы противные попрал, мучителя связал, юзников разрешил, Адама свободил, и всем праведным царство небесное даровал. Поистине, сей день, яко славен, яко велик, яко красен, чуден и пресветел и дивен от всей твари. Сей день великий и просвещенный, и для твари спасительный; оный день патриархи и пророки желали видеть, а мы обрели его. О, день великий, праведных процветение, чудесное дарование, одежды царской верным подание, в сыновство Божие восприятие, благодати Божией наследие! О, день всякого дня пресветлейший и всех торжеств торжественнейший! О, день, тему неразумия отставивший и свет благоразумен нам показавший! О, день великий и радостный, в который единородный Сын Божий произник из темных земных недр и светоносными зарями всю вселенную просветил!

Восхвалим, братие, славу и величество сего дня Христова, в который Господь наш Иисус Христос сходит в преисподнюю крепость смирить супротивника и связать отступника, осудить лукавого, разорить державу его, сокрушить врата медные и сломить вереи железные. И сказал Он узникам: «изыдите, и иже сущии во тьме, открыйтеся; Аз ныне приидох вы свободити, и властию Моего Божества от уз разрешити и в свет царства Моего возвести». егоже ад срет доле, огорчися, видя погибель власти своей, познал свою немощь, убоялся блистания света Божества Христова. «Уведах Его, изрек ад, Бога всесильна, раскаяхся, яко всуе аз от Марии рожденным победихся: победихся и поругахся; приях мнящи немощнаго, обретох Бога всесильнаго; приях мертваго, обретох живота всем дающаго; приях тело человече, обретох Творца человеком; приях, егоже не помышляше, и падох, отнюдуже не смотряше; поглотих мертва, неведяше, и попран бых животом». Где ти, смерте, жало? Где ти, аде, победа? Ныне исчезе, погибе, и разрушися. Смертию Христовою смертное жало притупилось: воскресением Христовым адово царство разорилось. Ныне Христос восстает из мертвых, начаток всем умершим, свет во тьме сущим, побеждает ада, свобождает узников; патриархи грядут из преисподних и веселятся, пророки ликовствуют, ад стенет, смерть воздыхает, бесы бегают.

Мы же, сыны светлого и веселого Сиона, новый Израиль, правоверный и просвещенный род христианский, празднуем сей пресветлый и преславный день Воскресения Христова, в который явилось обновление естества нашего, нетление и бессмертие. Воистину, ныне день вечного веселия: ныне воспоем Христу, и возвеличим славу Его. Приидите днесь, братия, возрадуемся Господеви и воскликнем Богу Спасителю нашему, усрящем Христа исповеданием, яко сниде от величества Своего, от пресветлых небес, поискать заблудшего, как пастырь добрый, спасти погибшего, прогнать волка и сокрушить зубы его, исторгнуть похищенную овцу. Днесь Христос приходит: к немощным крепкий, к болящим врач, к пленникам свободитель, к седящим во тьме смертной просветитель, к мертвым живот бессмертный. Похвалим же днесь погребение единородного и тридневное воскресение Сына Божия, победителя смерти, радость всего мира, даровавшего жизнь и просвещение язычникам. Похвалим днесь отвергшего нелепие наше, и облекшего нас в благолепие, похвалим Бога Слова, премудростию мир просветившего, церковное имя почетшего, духовные действия распространившего. Похвалим днесь освятившего землю, и Божественным Своим повелением претворшего тление на нетление. Возвеличим и прославим день Воскресения Христова, возрадуемся и возвеселимся в онь. В сей день проклятие, еже на ны, упраздняется, и благословение изобильно изливается. О, день прекрасный и пресветлый, в оньже небесная совокупишася с земными! О, день, день, в оньже преисподняя светом Божества просветишася, и праотцы от уз свободишася, и, пресветлого неба двери отверзошася, и всем верным тамо вход даровася!

Сего ради, любезнейшие мои слушатели, простим вся Воскресением; дадим милость друг–другу. Днесь, поистине, мы убегли из Египта, и освободились Фараона горького владыки, и суровых приставников, никто нам ныне не возбранит ко Господу Богу Нашему. Вчера мы сраспинались Христу, днесь сопрославимся; вчера соумерщвлялись, днесь сооживем; вчера спогребались, днесь совоскреснем, познаем свое достоинство и почтим Христа, познаем силу тайны, и за кого Христос умер и воскрес, дабы нас оживить и с Собою воскресить. Днесь спасение миру, Христос воскресе: – совостайте. Христос из гроба: – свободитесь от уз греха. Христос воскресе, Ангели радуются. Христос воскресе: небеса веселятся, Христос воскресе: райские двери отверзаются, и пламенное оружие отступает, разбойник первый гражданин рая бывает. Христос воскресе: Патриархи с Пророками ликовствуют, и всякое создание и вся тварь светло торжествует. Христос воскресе: и наше естество совоскресит, приведет в неразделимую любовь Свою, и в пресветлое царство, в бесконечный живот, идеже Сам в непостижимом свете Божества, покланяем от всех воинств небесных и славим от всего языка Ангельского в бесконечные веки. Аминь²²⁰.

.