Материалы для истории раскола за первое время его существования. Том 8

В состав настоящего тома вошли, в виде дополнения к предыдущим, некоторые новооткрытые сочинения протопопа Аввакума и инока Аврамия, Челобитная архимандрита Антония, Сличение Филаретовского Служебника с Никоновским, сделанное для Александра, епископа Вятского, Житие Морозовой и Сказания о распрях, происходивших на Керженце из-за Аввакумовых догматических писем.

Они заимствованы из полученных нами уже по издании V тома. Материалов трех замечательных раскольнических сборников. Один, принадлежащий боровскому жителю, доставлен боровским миссионером о. Василием Казанским, два другие приобретены от архангельского миссионера о. Илии Легатова и составляют теперь собственность Хлудовской библиотеки (№№148 и 149). Заслуживает внимания то обстоятельство, что сборники хранились в Боровске и Архангельске, – местах, с которыми Аввакум имел сношения из Пустозерска. Все они старого письма, если не конца XVII, то первых годов XVIII столетия. Боровский сборник в 8-ку; сочинения Аввакума (истолковательные) начинаются со второго листа, – начала и конца их не достает; к ним приплетен известный сборник, начинающийся Историею об отцах и страдальцах соловецких, напечатанный в типограии Супрясльской в 1782 году. Из архангельских сборников один (по допол. к кат. Хлуд. библ. №148) в 12-ю долю листа. Содержание его составляют Челобитная икона Аврамия, именно по этому списку напечатанная нами в VII т. Материалов (См. стр. XXIV–XXV) и некоторые сочинения Максима Грека; между этими последними (л. 232–255) помещено послание Аввакума к некоему брату. Второй архангельский сборник (по допол. к кат. Хлуд. библ. №149), самый замечательный, в малую 8-ку (86 л.), писан скорописью, разными почерками, – некоторые несомненно XVII ст. Начинается сочинением Аврамия «Вопрос и ответ» (л. 1–31), которое по этому самому списку напечатано в VII томе Материалов (стр. XXX); есть в нем и еще небольшое сочинение Аврамия об антихристе (л. 64–69), также напечатанное в VII т. (стр. XXX); затем все остальное содержание сборника составляют сочинения Аввакума. Между ними есть уже известные и напечатанные, – именно «Книга всем нашим горемыкам миленьким» (л. 32–36; другой раз на л. 51–55; листы в ркп. перемешаны), послание к неизвестному: «Вопрос твой, чадо, слезам достоин» (л. 56–58, 62–63; листы также перемешаны), извлечения из автобиографии и видение антихриста (л. 59–61). Прочие же сочинения доселе неизвестны и во многих отношениях весьма интересны. И два упомянутых послания из прежде напечатанных в архангельском списке представляют некоторые любопытные варианты в сравнении со списками, по которым они напечатаны в V т. Материалов. Считаем не излишним прежде всего привести здесь важнейшие из этих вариантов.

В «Книге всем (нашим) горемыкам миленьким» (т. V, стр. 231–239) достойны внимания след. варианты: 1) Имена учеников, перечисленные в начале послания, пропущены. 2) Окончание «Ответа о причастии», излагается ближе к списку, текст которого при печатном издании мы привели в примечаниях (стр. 234), но и против него представляет некоторые весьма важные варианты. Приводим это место вполне, подчеркивая новые варианты: «Ответ о крещающихся младенцах. По Старому служебнику и новопоставленный поп, аще в нем дух не противен, да крестит ребенка: где же детца? Нужда стала! Аще и старой поп по новому Служебнику, неприятно. Есть пишет в правилах: не всех Дух Святый рукополагает, но всеми действует, кроме еретиков. И я то помышляю: иной станет в попы-те, и душою о старине-той горит. Таковых по нужде приемлем. Аще богоборствует и старой чорт, плюнь на него и с паками. А младенец-тех причащайте барте (?) истинным запасом и всех плакавше, кои и по новому толку крещены. Жаль мне младенцев-тех, хоть бы тела-того Христова сподобилися. Искусненько и мирянин причащай ребенка: Бог благословит!» 3) Известное место о притворной исповеди у православного священника излагается с следующим дополнением: «И ты с ним в церкви-той сказки сказывай, как лисица у крестьянина куры крала: прости-де, батюшко, я-де не отгнал; и как собаки на волков лают: прости-де, батюшко, я-де в конуру собаки той не запер. Да он сидя исповедает, а ты ляг перед ним, да и ноги вверх подыми, да слюны пусти, так он и сам от тебя побежит: черная-де немочь ударила. Простите-су Бога ради»… 4) И другое не менее известное место о том, как общаться с православным священником, если он придет в дом со святою водою (стр. 236–237), излагается также с любопытными вариантами: А с водою – тою он придет, так ты во вратех – тех яму выкопай, да в ней роженья натычь, так он набрушится тут, да и попадет. А ты охай, около его бегая, бытто ненароком. А буде которой яму ту перелезет, и в дому том быв водою тою намочит, а ты после его вымети метлою, а робятам-тем вели по запечью от него спрятаться. А сам, за немочь, ходи тут, да вином его пой, а сам говори: прости, бачко, ночесь с женою спал и не окачивались, недостойны кресту. Он кропит, а ты рожу-ту в угол вороти, или в мошню в те поры полезь, да деньги ему давай. А жена бы, и она собаку из-под лавки в те поры гоняй, да кричи на нее. Он ко кресту зовет, а она говори: бачко, недосуг, еще собаку выгоняю, тебя же заест. Да осердись на него, раба Христова, – бачко, какой ты человек»… 5) Отделение: «Борисушко, Бог тебе простит» (стр. 238) пропущено. 6) Начиная со слов: «Симеон, деньги твоего привезу»… до заключительных: «посем вам всем паки мир»… все пропущено.

«Послание к неизвестному» (т. V, стр. 217–223) вполне согласно напечатанному. Единственный вариант, представляемый хлудовским списком (№ 257) приводится и здесь. Но оказалось, что в этом весьма важном месте по хлудовскому списку есть пропуск трех слов, существенно необходимых для правильного его разумения, которые здесь, в архангельском списке, находятся. Приводим это место: «А иже в православных церквах где пение без примеса внутрь алтаря и на крылосах, а поп новопоставлен, о сем посудить» (Ср. т. V, стр. 221 прим.). Послание не кончено, – прерывается на словах: «меня и самого за то бивали и гоняли» (стр. 223).

Новооткрытые сочинения Аввакума мы напечатали в том порядке, как они следуют в сборниках.

1. Толкования на некоторые псалмы (102-й, 83-й, 40-й, 41-й и 44-й, и паремии (Притч. гл. 9, Прем. Сол. 5). Все эти толкования заимствуются из боровского сборника. К сожалению, ни начала, ни конца их, как уже сказано, недостает в рукописи; но в начале, как видно, недостает лишь одного листка, на котором содержалось толкование 1-го и 2-го ст. 102 псалма. Эти сочинения любопытны и важны не в том только отношении, что, вместе с напечатанными прежде того же рода, хорошо изображают нам Аввакума, как толкователя писания и церковного проповедника¹, но и в историческом отношении: Аввакум, по обычаю, пересыпает свои толкования воспоминаниями из своей жизни, обращениями к своим друзьям и ученикам, замечаниями о лицах и событиях своего времени. В этом отношении замечательно толкование 44-го псалма. Озлобление и ругательства, с какими он говорит здесь о царе Алексее Михайловиче и особенно о патриархе Никоне, сплетая на него ложь и всякие непристойности, таковы, что даже у него самого встречаются редко, – одно место не было возможности и напечатать по причине крайней его скабрезности. Толкования эти писаны, очевидно, в Пустозерске и не ранее 1673 года, потому что в них упоминается о заключении Морозовой с сестрою и Марьи Даниловой в Боровскую земляную тюрьму.

2. Послания к разным лицам. а) Послание к некоему брату. Заимствовано из первого архангельского сборника (Хлуд. библ. №148). Важно для уяснения воззрений Аввакума на разные вопросы, касающиеся церкви. Проникнуто крайним раскольническим фанатизмом.

б) Послание ко всем ученикам. Это и все следующие Аввакумовы послания заимствованы из второго архангельского сборника (Хлуд. библ. №149). В рукописи это послание не имеет никакого заглавия.

в) Послание к отцам в Поморье. В ркп. надписано: «Отцам в Поморье пишет». Любопытно, между прочим, потому, что свидетельствует о существовавших у Аввакума сношениях с поморскими раскольниками.

г) Послание к Борису с братией. С этого послания начинается в ркп. особая тетрадь (л. 70–86), очень ветхая, писанная одним старинным почерком и составляющая именно отдельный сборничек Аввакумовых посланий. В ркп. послание к Борису не имеет заглавия; но по содержанию видно, что оно писано к упоминаемому и в других посланиях Аввакума этому московскому ученику его и другим более видным лицам московского общества Авакумовых учеников, – после Бориса Аввакум беседует здесь, то с Досифеем, то с старицей Мелание, с старицей Еленой, с Ксенией Гавриловной, то с Иродионом (племянник Акинфия Иваныча Данилова, мужа Марьи Герасимовны Даниловой), то с игумном Сергием. Послание это, в котором Аввакум говорит исключительно о своих делах и о делах своего московского братства, в высшей степени интересно, ибо знакомит нас с характером и бытом раскольников первого времени, составлявших Аввакумово братство, и с отношениями к ним самого Аввакума. Очень любопытен в начале рассказ Аввакума о его келейном правиле, и о том, как обыкновенно проводил он сутки, будучи священником. К сожалению, в одном, очень интересном месте шесть строк зачеркнуты чернилами и разобрать их нет никакой возможности. Не менее интересна и вторая половина Послания, где Аввакум произносит свой суд по тому случаю, что одна из наиболее видных учениц его, старица Елена, разлучила с мужем одну молодую вдову, так же из учениц Аввакумовых, вторично вышедшую замуж.

г) Послание к Алексею Копытовскому. В ркп. без заглавия. Копытовский – лицо доселе бывшее неизвестным в числе учеников Аввакума.

д) и е). Два послания к Исидору с братией. В ркп. без заглавия. Интересны по изложению Аввакумовых мнений о браке и по другим церковным вопросам, с которыми к нему обращались ученики. Писаны уже незадолго до смерти, при царе Феодоре Алексеевиче, о котором спрашивали его ученики, можно ли за него молиться. В обличение и нынешним раскольникам-беспоповцам, отвергающим моление за царей, Аввакум отвечал, что можно и должно.

ж) Послание к игумену Сергию. Одно из самых интересных и относится к последним же годам жизни Аввакума. Любопытен здесь отзыв Аввакума о самом себе; а всего важнее, что здесь он упоминает о двух дочерях княгини Урусовой, сестры боярыни Морозовой, – Настасье и Евдокии². О Настасье, которую он знал еще маленькою в Москве, потому что «у тетушки (Морозовой) в одном месте обедывали», получил Аввакум известие, что она царская невеста и что пылает ревностию о крещении язычников; это вызывает Аввакума на самые нежные речи к двум княжнам, и на такие же воспоминания об их умершей матери и об тетке: «девушка красная, княжна Настасьюшка Петровна, без матушки сиротинка миленькая, и Евдокеюшка, миленькие светы мои…».

Муромского Спасского монастыря архимандрит Антоний находился в сношениях с первыми расколоучителями, вел переписку с Морозовой (см. т. I, стр. 452), и писал сочинения против новоисправленных книг, в том числе челобитную на имя царя Алексея Михайловича: за это сочинение он привлечен был к суду на соборе 1666 года, (т. II, стр. 117), на котором принес раскаяние (покаянный свиток его см. в I т., стр. 456). Эта самая «челобитная великому государю», за которую, между прочим, он был судим, и печатается теперь по подлинному ее списку, находящемуся в Синодальной библиотеке, в дополнение к напечатанным прежде раскольническим челобитным (т. III и IV).

Известно, что и Александр епископ Вятский привлечен был к суду на соборе 1666 г. за «Писание», в котором «охуждал новопечатных книг праведное напечатание», в чем испросил потом прощение у собора (т. I, стр. 79). «Писание» Александра, сохранившееся доселе, представляет замечательный образчик тех мелочных придирок к новоисправленным книгам, какие делались первыми расколоучителями: оно состоит из подробного указания, где какое выражение, слово и даже буква старопечатной книги опущены, или заменены другими в книге новопечатной, без всякого рассуждения о том, правильно или неправильно сделана такая перемена. Печатать это «Писание», по самой его мелочности, не представляется надобности; а для ознакомления с его характером и содержанием, а следовательно, и с тем, до чего простиралась указанная придирчивость раскольников первого времени, усвоенная и позднейшими, в большинстве не оставленная и нынешними, мы почли достаточным напечатать краткое «Сличение Филаретовского Служебника с Никоновским», по одному из свитков синодальной библиотеки. Сличение это, как видно из надписи на свитке, сделано кем-то именно для Александра Вятского, который, как можно заключить отсюда, для своего «Писания» пользовался даже чужими трудами.

Сочинение это должно занимать не последнее место в раскольнической литературе первого времени, так как события в нем описанные, лица, о которых оно повествует, занимает видное место в первоначальной истории раскола. Житие составлено, без сомнения, в последней четверти XVII столетия, вскоре после смерти трех родовитых раскольниц. Составителем его был не только современник, но и ближайший свидетель и участник описываемых событий, как это видно из следующего места в житии. Морозова незадолго до смерти просит свою наставницу Меланию посетить ее в боровском заключении, – пишет об этом письмо к Мелании: «молит же взятии ей с собою и болшого брата. И поспеши Бог, – продолжает сочинитель жития, – и яхомся пути… в день недельный приидохом в темницу, и бысть нам обще с ними радость неизглаголанная… и беседовахом ту нощь», и проч. (стр. 192, прим.). Итак, очевидно, житие пишет близкий к узникам человек, посетивший их в Боровской тюрьме, вместе с Меланией и другим, часто бывавшим в Боровске, московским раскольником, тоже близким их человеком, Иродионом, племянником Марьи Даниловой, – пишет лицо, названное здесь «большим братом». Но чей это брат, – Мелании, или Морозовой? – из приведенного рассказа не ясно. Если в обществе, или братстве московских раскольников не было лица, которое называлось у них «большим братом», и у всех известно было под этим именем, то мы склоняемся к мысли, что речь идет здесь о брате Мелании, а не о брате Морозовой и Урусовой. Правда, о брате, или о братьях Мелании, как и о личности самой Мелании, особы весьма таинственной, никаких исторических известий мы не имеем; а о том, что у Морозовой были братья, известно по историческим документам. Но отсутствие положительных исторических известий о существовании братьев у Мелании, как понятно само собою, не есть еще доказательство, что и самых братьев не существовало. Разуметь же здесь большого, т. е. старшего брата самой Морозовой – Федора Соковнина нельзя, нам кажется, потому, что этот «большой брат» ни в настоящем рассказе о своем свидании с Морозовой и Урусовой, ни во всем Житии, ни разу не назвал их своими сестрами, а называет просто, как посторонний, но благоговеющий перед ними человек, «великая Феодора», «блаженная Феодора» и даже просто Феодора, Евдокия. Притом же ни старшему, ни младшему брату Морозовой и Урусовой не удобно было ехать в Боровск по обстоятельствам, в каких оба находились в то время³ . Итак, писатель Жития в точности неизвестен; но несомненно, что это был не только современник, но и участник описываемых в сочинении событий, лицо очень близкое к трем заключенным в Боровске родовитым раскольницам, преданное им и питавшее, особенно к Морозовой, великое благоговение. Самое изложение Жития носит на себе очевидные следы современности описываемым в нем событиям. Некоторые речи и обстоятельства излагаются с простотой и образностью, почти Аввакумовскими. Вообще, сочинение это заслуживает полного внимания занимающихся изучением раскольнической литературы и истории раскола.

Списки Жития Морозовой редко. Мы пользовались для издания двумя списками, двух различных редакций: один Императорской Публичной библиотеки (Q. 1 № 475), другой библиотеки графа А. С. Уварова (№ 627)⁴. Список Публичной библиотеки представляет редакцию сокращенную, и заметно более обработанную, назначенную для обращения между читателями, что̀ в особенности показывает предпосланное Житию, довольно пространное и в раскольническом смысле тщательно составленное предисловие. Текст этого списка, как более обработанный, мы и взяли за основной при настоящем издании. Уваровский же список представляет редакциюЖития более пространную, надобно полагать, первоначальную, со многими чрезвычайно интересными подробностями, которых нет уже в другой редакции. Все эти излишества против основного текста и все вообще варианты Уваровского списка мы печатаем под строкою⁵.

Сочинение это заимствуется из огромного Погодинского сборника, принадлежащего ныне Императорской Публичной библиотеке (№ 1256). Названным сочинением, как и самой рукописью, мы имели уже случай пользоваться, именно при издании сочинений дьякона Феодора, у которого с Аввакумом была большая распря из-за догматических писем последнего, содержащих еретическое мнение о Св. Троице, о воплощении Сына Божия и других догматах⁶. На Керженце, среди здешних раскольников, продолжительные и сильные споры о тех же догматических письмах Аввакума, послужившие даже поводом к распадению нижегородского раскола на две секты, происходили в самые последние годы XVII ст. и в первые XVIII-го. Самое описание этих споров, сделанное одним из их участников, сильно ратовавшим против лжеучений знаменитого расколоучителя, человеком несомненно весьма начитанным и не чуждым литературного таланта, окончено, как сам он пишет в заключении, 7218 (1710) года. Хотя сочинение это относится, таким образом, уже не к самому первому времени раскола, но в виду того, что в нем содержатся непререкаемые доказательства подлинности еретических Аввакумовых посланий, так решительно отвергнутой Денисовым⁷ и отвергаемой еще, по всей вероятности, многими раскольниками, мы нашли нужным внести его в «Материалы для первоначальной истории раскола», тем более, что оно имеет тесную связь с V и VII томами нашего издания.

«Сказания» печатаются вполне согласно оригиналу⁸; мы исключили только вторую часть, не представляющую историчского интереса и содержащую многие повторения сказанного в первой: из нее мы печатаем лишь одно место, где защищается святость и равночестность четырехконечного креста против резкой раскольнической брани на него в сочинениях Аввакума.

Три небольшие, доселе остававшиеся неизвестными сочинения Аврамия о любимом предмете его рассуждений – антихристе отысканы нами в одном сборнике библиотеки графа А. С. Уварова (№ 905; тетр. 2-я, л. 31 об. – 34, 36–37 об., 38–40 об.). Хотя они особенной важности не представляют; но в дополнение к полному собранию сочинений Аврамия в VII т. Материалов мы почли не излишним их напечатать.

* * *

Настоящим томом «Материалов для истории раскола» мы заключаем второй отдел нашего издания, т. е. «историко-и догматико-полемические сочинения первых расколоучителей». Третий отдел, в состав которого должны войти «сочинения современных первым расколоучителям православных писателей, направленные против раскола», как мы говорили в свое время (т. I, стр. 16), не может быть обширен, и потому, что самое количество сочинений не велико, и потому, что важнейшие из них были уже напечатаны вскоре же по появлении их на свет («Жезл Правления» и «Увет») или же в позднейшее время (как напр., сочинение Юрия Крижанича о Соловецкой челобитной). Мы желали бы издать только весьма оригинальное, хотя в сущности не особенно важное, сочинение Паисия Лигарида, в переводе Полоцкого, содержащее разбор челобитной Никиты Добрынина (Пустосвята), да некоторые мелкие сочинения, находящиеся в сборниках Синодальной библиотеки⁹. Но если бы желанию этому и не суждено было осуществиться (ибо время наше сокращено есть прочее), мы утешаемся тем, что с помощию Божиею успели издать восемь томов таких материалов для истории раскола за первое, важнейшее время его существования, которые будущему его историку несомненно послужат на пользу, и быть может он с некоторою признательностию помянем скромный труд наш, извинив нам неизбежные его недостатки. А мы с своей стороны поставляем долгом принести глубокую благодарность Братству св. Петра митрополита, давшему средства на издание этого труда. Братство руководилось тем убеждением, что обогатив многими новыми сведениями науку о расколе, оно этим самым принесет пользу и православной церкви в ее заботах об ослаблении раскола.

28 Ноября 1886 г.

Н. Субботин

… моя окаянна душе страстная ужаснися, зрящи таинства преславная, и воздыхающи прослезися, в перси биющи и глаголющи: Боже, очисти мя якоже и блудного! Не забывай, окаянная, воздаяний Его, понеже от небытия в бытие приведе тя; тебя ради сотворил землю и небо, яко камару чудную устроил, солнце и луну, и звезды тебе служат, и вся видимая тварь тебя трепещут. Не забывай всех воздаяний Его.

Псалом (ст. 3). Очищающего вся беззакония твоя и исцеляющего вся недуги твоя.

Толк. Виждь, душе, ино преславное и ангелом удивительно: отпадшую тя из породы в грязь и язвою неисцельною уязвленну очистил и исцелил смотрением своим и бытием на земли Сын, Слово Божие, и Бог. Благослови душе моя Господа!

Псалом (ст. 4). Избавляющего от истления живот твой, венчающего тя милостию и щедротами.

Толк. Дивна дела Твоя, Господи! Избавил от тля, еже есть от ада свободил, и, на небо возвед, венцем почтил; щедротами и милостию исполнил. О сем, по писанному, да возрадуется душа моя о Господе: облече бо мя в ризу спасения и одеждою веселия обложи мя; яко на жениха, возложи на мя венец и яко невесту украси мя красотою.

Псалом (ст. 5). Исполняющего во благих желание твое.

Толк. Ну, душе, что ино лучше того? Небо тебе дано и все благое в нем, еже есть святая церковь. Исполняй во благих желание твое, во псалмах и пениях и песнях духовных. А аще обетшала и паки грехми отяготилась, обновляйся паки святым покаянием, якоже рече пророк.

Псалом (Обновится, яко орлу, юность твоя).

Толк. Чти Алфавит, да разумееши, како обновляется орел. Аще внимаеши, и аз ти повем. Егда состареется орел и обветшает весь, тогда обретает источник воды чисты и возлетает выспрь с великим трудом, еже есть в высоту, взимается к небесному огню, сиречь близ солнца подлетает, и обгорит вся ветхость на нем; он же паки возвращается на преже реченный источник чистой воды и измывается довольно в нем, и, паки опернатев, бывает юн вместо ветха. Ну, душе, сотвори и ты так. Аще обетшала грехми, да обновится, яко орлу, юность твоя; так же прибегни к огню небесному, попалящему терние наших грехов. С Павлом реку: Бог наш огнь поядаяй есть. И измойся чистою водою естественною, еже есть крестися паки вовторое, по писанию, понеже второе крещение грешнику – слезы и покаяние. Да обновится, яко орлу, юность твоя.

Псалом (ст. 6). Творяй милостыню Господь и судьбу всем обидимым.

Толк. Милость Господня неизреченна бывает кающимся и избавляет обидимых от бесов и от всяких бед и зол, якоже Великий Василий рече: иже праведники любя и грешных милуя, иже всех зовый ко спасению обещания ради будущих благ.

Псалом (ст. 7). Сказа пути своя Моисеови, сыновом Израилевым хотения своя.

Толк. Разумеешь ли, когда сказа пути своя Моисеови? Чти во Второзаконии главу 19 и 20. Егда на Синайстей горе пространно беседова с ним, якоже писано: не приступисте бо к горе, осязаем и погоревшии огнем (?); и облаку, и сумраку, и буре, и трубному звуку, и гласу шумящу, глаголя: или зверь (приступит) прикоснется горе, то убо камением побиен будет. Итак страшно бе видимое. Моисей бо вопрошаше, а Бог отвещаваше. Сказа пути Моисеови.

Псалом (ст. 8:9). Щедр и милостив Господь, долготерпелив и многомилостив; не до конца прогневается, ни в век враждует.

Толк. А как не милостив! Безумный Израиль, видев во Египте велия Божия чудеса, егда Египет казнил, и морем проведе, аки по суше земли, и враги их потопил; а, однако, отступили от Бога и поклонишася тельцу, егда был Моисей на горе. Господь к Моисею рече: соблудиша людие твои, отступиша от Мене. И предаде их воем небесному; а не прогневался до конца.

Псалом (ст. 10). Не по беззаконием нашим сотворил есть нам, ни по грехом нашим воздал есть нам.

Толк. Терпит Христос всякому грешнику, ожидая покаяния его; не воздает зде (зле?) противу дел его злых, но ища спасения его, наказует, святым писанием вразумляя, якоже Моисея, раба своего, на Синайстей горе.

Псалом (ст. 11). Яко по высоте небесней от земли утвердил есть Господь милость Свою на боящихся Его.

Толк. Ей, твердо милует всех, изряднее же боящихся Его. Яко небо твердо утвердил над землею, тако милость свою над рабы своими.

Псалом (ст. 12). Елико отстоят востоцы от запад, удалил есть от нас беззакония наша.

Толк. Далече праведнии удаляются от пути беззаконна и всякого греховного вида. Яко восток от запад отстоит, тако от праведника Богом отгонима всякая нечистота.

Псалом (ст. 13). Якоже щедрит отец сыны, ущедрит Господь боящихся Его.

Толк. Милует здесь рабы своя, и в будущем царство небесное обещает. Не тако нечестивии, не тако, но яко прах, его же возметает ветр от лица земли. Не воскреснут (нечестивии) судитися, но мучитися; праведный же от веры жив будет в них. Ныне же равны вси здесь, на земли, нечестивии же и паче наслаждаются.

Псалом (ст. 14). Яко той позна создание наше.

Толк. Кому, кроме Бога, знать про грешных и праведных! Вся пред очима Его. И несоделанная наша видят очи Его.

Псалом (ст. 14:15). Помяну, яко персть есмы. Человек, яко трава, днии его, яко цвет сельный, тако отцветет.

Толк. Удивляется пророк человеку созданному, понеже яко земля, или яко трава расцветет и паки отцветет; на мало время бедный повеличается здесь, и паки нет. Куды пойдет?

Псалом (ст. 16). Яко дух пройдет в нем, и не будет, и не познает к тому места своего.

Толк. Егда душа от тела разлучится, ктому не познает места своего. До общего восстания не входит в тело, аще и праведна.

Псалом (ст. 17:18). Милость же Господня от века и до века на боящихся Его, и правда Его на сыновех сынов хранящих завет Его и помнящих заповеди Его творити я.

Толк. Грешнику кающемуся по благодати милостив бывает Бог, а праведнику по долгу, и не токмо ему, но и чадом и внучатам его должен. Бог хранящим и помнящим заповеди Его, творящим их, сугубо воздает здесь, и в будущем прославляет праведника, и чад и внучат его.

Псалом (ст. 19). Господь на небеси уготова престол Свой и царство Его всеми обладает.

Толк. Царствует Господь наш Исус Христос над всею тварию, над верными и неверными, и еллинами, и иудеями, и самыми бесами. Не пресекается царство Его, и: Его же царствию несть конца. Слыши, никониянин, что глаголет пророк, яко вечно царство Господне и не пресекается времены. Аще и блядословишь на погибель себе, не по разуму говоря: Его же царствию не будет конца, и я на тебя не дивлю: понеже пьян ты, упился еси от жены любодеицы, седящия на водах многих и ездящих (ездящие) на звери червлене. Зело пряно вино и пьяно питие у блятки. Нарядна вор-блядь; в царской багрянице ездит и из золотой чаши потчивает. Упоила римское царство и польское, и многие окрестные реши (?), да и в Русь нашу приехала в 160 году, да царя с царицею и напоила: так он и пьян стал; с тех мест не проспится; беспрестанно пьет кровь святых свидетелей Исусовых. Ну, разумеете ли про жену-ту, чада церковная? Всякая ересь блудня глаголется. У еретиков у всех женская слабость: якоже блудница всякого осквернити жа(да)ет, тако и отступник Никон с товарищи всех тщится перемазать сквернами любодеяния своего, да же отведет от Бога, великие и малые, богатые и убогие, смиренные и нищие, старые и младые, юноша и девы и ссущие сосца матерня младенца, – всех сих еретик ищет погубить и ко дьяволу подклонить, догматствуя о Христе Господе нашем, глаголя, яко не царствует совершенно, но по судном дни воцарится, и тогда царству Его не будет конца, а ныне-де царствует верными и покоряющимися Ему, а неверными и иномысленными не царствует совершенно. Вот слушайте, добрые люди, развращенного ума их. Вчиняют себя с неверными и иномысленными во исповедании веры, глаголя: егда по судном дни воцарится, и тогда царству Его не будет конца. И аще бы они верни были во Христа, и они бы с верными и исповедали Христа царя ныне быть и в век: царствию Его несть конца. А то явно с бесы, да с неверными себя усвоили, да так и веруют. Аще по-тонку хочешь разуметь о сем, прочти в Скрыжале-той толк-от их блядивой. Да даст ти Господи разум о всем. Мы же яко веруем, тако и исповедуем: Господь воцарися, в лепоту ся облече, сиречь по страсти и воскресении взыде на небеса и седит со Отцем и со Святым Духом; обладает бо и владеет во веки и царствию Его несть конца.

Псалом (ст. 20). Благословите Господа вси ангели Его, сильнии крепостию, творящие слово Его, услышати глас словес его.

Толк. О небесных силах глаголет Псалмопевец и о человеках равноангельно живущих: понеже смотрением Своим Господь соединил небесная со земными, понеже от ангел слава в вышних Богу и на земли мир, в человецех, рождеством Христовым и благим Его изволом.

Псалом (ст. 21). Благословите Господа вся силы Его, слуги Его, творящие волю Его: благословите Господа вся дела Его. На всяком месте владычествия Его, благослови душе моя Господа.

Толк. Виждь, пророк созывает: вся дела Господня благословите, еже есть – хвалите или величайте Его, яко смотрением своим освятил есть селение свое Вышний на всяком месте. И ты, душе моя, со всеми величай Господа, яко примирил нас к небесным, бывших врагов, сущих отчужденных. Неослабно, окаянная, пой Господа и превозношай Его во веки и вонми песни. –

Псалом (ст. 2). Коль возлюблена села Твоя, Господи сил.

Толк. Села оная, в нихже святии веселятся, кому разуметь? Павел Апостол не исповедал, егда восхищен бысть в рай и слыша глаголы неизреченны, ихже нелеть есть языки человеческими глаголати; а ин кто исповедати может оно веселие и радость? Токмо любовию и желанием достизати села она.

Псалом (ст. 3). Желает и скончевается душа моя во дворы Господня.

Толк. Слыши Псалмопевца, рекша не просто желает, но и скончевается, от желания великого умом вперяяся в жилища она водворитися, идеже гласы неизреченны и неисповедимо веселие.

Псалом. Сердце мое и плоть моя возрадовастеся о Бозе живе.

Толк. Всяк праведник радуется и веселится упованием будущих благ, залог имея в себе Духа Святого благодать; аще и скорби терпит, не смущается; не зрит видимая, но невидимая осязает умом и веселится, всегда царство небесное имея в себе.

Псалом (ст. 4). Ибо птица обрете себе храмину и горлица гнездо себе, идеже положи птенца своя.

Толк. На птицы указует пророк, изряднее же на горлицу: ибо та птица печальная егда осиротеет после мужа своего – горличища, потом за иного не посягает и на сыром древе не обитает, но на сухом садится, а и та гнездо имеет к воспитанию птенцов. Сия птица образ носит хотящих наследовати спасение. Всякому правоверному печаловатися паче всего подобает о умершей грехами души своей и сырости ошаятися, еже есть толстых пищ и пития, и ясти и пити толико, еле бы живу быти, токмо птенцы своя полагати всегда во гнезде, еже есть во царствии Божии ум, и мысль, и желание не отложно имети, и расти и питатися словом Божиим. О горлице во Алексиконе писано.

Псалом (ст. 4:5). Олтаря Твоя, Господи Боже сил, Царю мой и Боже мой. Блажени живущие в дому Твоем, в век века восхвалят Тя.

Толк. Разумей по выше реченному: якоже горлица и прочие птицы обретают себе ко упокоению храмину, тако и нам ко олтарю прибегать и вечного покоя искать. Блажен будет живяй в дому Божии в век века, еже есть ныне и во грядущем; таковый восхвалит Христа, Сына Божия.

Псалом (ст. 6). Блажен муж, емуже есть заступление его от Тебе.

Толк. Как петь таковый не блажен, емуже везде застуник Бог и помощник во всем противо доброго смысла его! И ходит и сидит, а то на уме, как бы угодная Богу сотворит.

Псалом (ст. 6:7). Восхождение в сердцы своем полжи, во юдоли плачевней, в месте, идеже положи.

Толк. Во, как за сие не будет блажен! Беспрестанно помышляет, как муки грешником будут, как праведным небесное царство, рассуждает о юдоли плачевной, бедненькой, как бы избыт от нее. Разумей, – о ней мы тебе побеседуем о Христе. Есть во Иерусалиме под домом Давыдовым поток сух и глубок, пропасть несведомая: тамо плачевные гласы беспрестанно воют, и день и нощь, гласы умиленными и неисповедимыми. Есть и другая юдоль Савина, близ обители Савы Освященного, от Иерусалима пять верст, еяже устие впало в море Чермное. В тех юдолях исполнит Христос огня негасимого на мучение грешником, якоже Иван Дамаскин поет: в дому Давыдове страшная совершаются, огнь бо тамо палящ всяк срамен ум. Еще же и другий стих: в доме Давыдове страх велик: ту бо престолом поставленным судятся всяка племена земные и язы́цы. Блажен муж, иже о сем помышляет всегда, о суде Христове и о воздаянии грешным и праведным.

Псалом (си. 7. 8). Ибо благословения даст закон даяй. Пойдут от силы в силу: явится Бог богом в Сионе.

Толк. Праведным тогда благословение даст закон, Христос, и учинит их сильных во веки, егда явится во святем Сионе Бог богом, еже есть Христос святым своим. Сион бо тогда будет превзятый град вышний, жилище святым вечное, со агнцем – пречистым Христом непрестанное веселие: Сион бо глаголется место покойное, глаголется и церковь. Сион упокояет нас от житейских волн; и гора Сионская Сион глаголется, в нейже водворяшеся Христос, и Пречистая Богомати Его со апостолы. Издалеча уразуме Пророк и свидетельствуя о Христове житии в Сионе сем со апостолы. Еще же водворяшеся в горе и Елеонской часто, и на небо с неяже по воскресении взыде. Древеса на ней масличная растут и прочая. В ней же всегда моляшеся Господь, и Пречистая Богородица также после него на камени мраморне, якоже Андрей Критский свидетельствует, – тут и погребена бысть от апостолов. Любимое у нее место в саду том было молитися, у надежи нашея, и у Христа Бога нашего, нам образ дая к молитве искати затишия.

Псалом (ст. 9:10). Господи, Боже сил, услыши молитву мою; внуши Боже Иаковль, защитниче наш; виждь, Боже, и призри на лице Христа Твоего.

Толк. Виждь и разумей молитву пророчу. Тако и Исус моляшеся Отцу Своему, якоже древле пророк Давид, понеже и он Христос бысть, сиречь помазанец: и призри на лице помазанного Твоего, глаголя. Но не истинный Христос. Токмо над человеки царствова. Царь же истинный Христос Бог наш, понеже воцарися над грехом. Помазан не маслом от рога, полагаемого над главу, но Духом Святым. Моляшеся Отцу за плотское смирение: и призри на лице помазанного Своего.

Псалом (ст. 11). Яко лучше день един во дворех Твоих, паче тысящ.

Толк. Во пророке Дух Святый тако глаголет, свидетельствуя о тамошней жизни, яко лучше день един в будущем, паче тысящи веков в здешних. Христос же Сам весть вся, понеже Творец всему и Зиждитель; глагола тако ко Отцу Своему, нас вразумляя.

Псалом. Изволих приметатися в дому Бога моего паче, неже жити ми в селех грешничих.

Толк. Села праведных – церкви Божия, села грешничих – мытарства и мытницы, в нихже пребывают со человеки бесове; а в церкви с правоверными – ангели Божии.

Псалом (ст. 12). Яко милость и истину любит Господь Бог, благодать и славу даст.

Толк. Всякому приметающемуся в дому Господни с верою истинною Бог милость Свою посылает и благодать Святого Духа, и любя его прославляет зде, а наипаче прославит в веке будущем.

Псалом. Господь не лишит блага ходящих незлобием.

Толк. Ей, воздаст сторицею! Понеже любит Бог беззлобивых; всем добродетелем верх – кротость и незлобие, аще и вся сотворит человек добро…¹²

Псалом (ст. 2:3). Блажен разумеваяй на нища и убога, в день лют избавит его Господь; и Господь сохранит его, и живит его, и ублажит его на земли и не предаст в руки врагов его.

Толк. Слышите и разумейте, нерадящии о нищих, каковых благ лишаетеся. Вонми Богоотцу Давыду, царю и пророку, како блажит разумевающи(х) и пекущихся о нищих. В день лют милостыня мужу аки печать с ним, – просто рещи, яко проезжая память, – где ни показал, ино не держат. Лют день он, братие моя и любезная други, егда душа разлучится от тела; скорбен час он душе, оплетшейся во гнусных делех. Первая скорбь и болезнь – растерзание двум супругам, – растащат немилостивии ангели, яко злодеи, разорвут на двое: тело – гной станет, а душа яко бисер чистый обрящется в руках немилостивых ангел; но бессильна грешная ради злых дел. Вторая скорбь и болезнь: – ожидает ответа и повеления Господня, трепещет и ужасается держима от ангел, камо повелит вести Владыко. А в то время разбирают ангели и бесове дела, яже от рождества своего человек делал. Аще бедной души не обрящется от дел помощи, тогда бывает и божественный ответ, яко гром страшен, сице: да возмется нечестивый, да не видит славы Господня! И тако предают ю ангели бесом, они же, восхотивше, биюще, и пхающе и поревающе ю немилостивно в темницы адовы, и блюдома бывает до общего воскресения. Ну, безумной, вот стал осужден! Кто пособит? Писания не слушал, заповедей Христовых не хранил и милостыни не творил. День пришел лютой. Кто избавит? Господа не утешил: того ради неутешимый плач обрете. Бедной, бедной! Пропал душею и телом. А как бы жил бояся Бога, никониян-тех шпыней не слушал, и держал старую веру, и жил бы так, как апостоли и святии отцы научиша: так Господь бы тя избавил, и сохранил, и не предал бы в руки врагом, но устроил бы на земли живых, идеже свет живота. А ныне сидишь во тме за безумие свое, плачущеся. Несть ти части и жребия с праведными, а по судном дни от Христа Бога нашего тебе же мука огненная и жупелная, и мраз и скрежет зубом, червь и смола и все радство огня в тартаре неисповедимом со диаволом и бесы. За что ты здесь отщепился от Христа, и пречестную икону Богородичну со престола согнал и прочия ереси любезне держал, а правоверных пек и огнем палил? Будет ти и самому жарко в день лют от Господа; а печеные-те от веры живы будут там.

Псалом (ст. 4). Господь поможет ему на одре болезни его, все ложе его обратил еси в болезни его.

Толк. Виждь, мучителю, тебе ли безбожному и немилостивому, разорителю жития евангельского и пожершему бесо̀м, помощь и заступление от Бога такова, якоже скорби и болезни терпяще лежащему на одре? Господь помогает за имя Его биенным и раненым на одре в болезнях их.

Псалом (ст. 5). Аз рех: Господи, помилуй мя и исцели душу мою, яко согреших ти.

Толк. Всяк, терпяй сице, молит Бога: прежде просит цельбы душевные; таже дастся ему от Бога и телесная.

Псалом (ст. 6). Врази мои реша мне злая: когда умрет и погибнет имя его.

Толк. Было и самому сему глаголющему пророку от Саула, тестя его, не сладко; гоняше его и глаголаше: когда сын Иессеев умрет и погибнет имя его! Писано о сем в Царствах первых книг. И жидовя о Христе такоже глаголаху: доколе вземлется (вземлеши) душа наша? И Анна Ртищева мне говорила: а и Аввакум протопоп! Коли тебя извод возмет!

Псалом (ст. 7:8). И вхождаше видети, всуе глаголаше сердце его, собра беззаконие ему, исхождаше вон и глаголаше вкупе. На мя шептаху вси врази мои, на мя помышляху злая мне.

Толк. Сице глаголаху иудеи о Христе, приходяще к Нему и отходяще, шепчуще и советующе, како Его погубят. Также и новые жиды советуют и говорят: сердце его собра беззаконие ему, сиречь: а што-де он и много мучится, да от своих-де ему суетных глагол, – государю-де царю и святому собору не повинуется! А я бы им в собор-от, простите Бога ради, на…л! Г..но г..ну прилично. Пускай, однако, совсем провоняли блядины дети!

Псалом (ст. 9). Слово законопреступно возложиша на мя: еда спяй не приложит воскреснути.

Толк. Жиды лгаху Пилату на Христа, вадяще, да распнет Его, и ругающеся глаголаху: аще снидет со креста! Упова на Бога, да видим и веру имем Ему! А нынешние жиды, во огнь саждая правоверных христиан, тоже ругаяся говорят: аще-де праведен и свят, и он-де не сгорит! А кто и не сгорит, и они, иссекши бердышами, и паки дров насеченных накладут, да в пепел правоверных жгут, яко и там на кресте Христа мертва в ребра мужик-стрелец рогатиною пырнул. Выслужился блядин сын, пять рублев жалованья, да сукно, да погреб – государево жалованье! Понеже радеет нам, великому государю. Ох, ох, бедные!

Псалом (ст. 10). Ибо человек мира моего, наньже уповах, ядый хлебы моя, возвеличи на мя пяту.

Толк. Сие речено об Иуде предателе. Ступил на шею Христу-тому свету враг Божий, забыл хлеб-соль; все на руках было, и ковчежец имяше и вметаемая ношаше. Да что на Иуду! И ныне много таких; всяк Иуда, иже льстит и обманывает, любя тленные вещи и сребро паче души своея.

Псалом (ст. 11). Ты же, Господи, помилуй мя и воздвигни мя, и воздам им.

Толк. Сбысться сие по четыредесятих летех воскресения и вознесения на небеса. Господь воздал им и здесь, – Тит римский всех собак жидов разорил. Кольми же в будущем приимут месть. И духовне распинающие Христа тоже приимут, якоже никонияне с новым Каиафою – Никоном: воздаст им всем поровну Владыка!

Псалом (ст. 12). О сем познах, яко восхоте мя, яко не возрадуется враг мой о мне.

Толк. Разумно всему лицу земному, яко разорены и рассеяны Быша жидовя за сие, понеже распяли Господа. Чти книгу Иосифа евреина: в ней явно сказано. Он, Осип, самовидец тому. Аще и не крестился во Христа со Отцем и со Святым Духом, но праведен муж, свидетельствует праведне. Не рады они и сами тому, что так сделали; да уж воротить стало нельзя. Сей Иосиф о том свидетельствует. А никонияне также забрели во глубину зол за стыд свой; а совестьми-теми бодоми, яко жидовя, ведают, что своровали над церковию. Бывает то, яко и неради тому; за совесть стало, – невозможно стало покинуть Дóндеже извод возмет. Якоже рыси-зверю невозможно изменити пестрины своя, или медведю-зверю черность свою на себя¹³…

… и огня ревность, поясти хотящего сопротивные. Отвергся кто закона Моисеева, без милосердия при двою или триех свидетель умирает; колицей мнит горшей сподобится муце, иже Сына Божия поправый и кровь заветную скверну возмнив, в ней же освятися, и Духа благодати укорив. Ве(м) бо рекшего: мне отмщение, Аз воздам, глаголет Господь. И паки: яко судит Господь людям Своим. Страшно еже впасти в руце Бога жива. Воспоминайте же первые дни ваши, в нихже просветившеся. Никонияни – дураки! С Павлом вам говорю: образумьтеся! Слышите ли прещение Господне и огня ревность, поясти всех хотящего сопротивных вас? А коли не слушаете, как хощете! Я вам говорил не обинуяся о сих, – не виноват буду пред Богом; вы же приимите по делом вашим в день страшного суда. Богу нашему слава, и ныне и присно и во веки веком. Аминь.

Псалом (ст. 2). Имже образом желает елень на источники водныя, сице желает душа моя к Тебе, Боже.

Толк. Елень бо зверь легкий и быстрый, питается мохом, и зиму и лето щиплет подле земли пищу свою, и по прилучаю пожирает змей и поглощает живы во утробу свою; змия же, егда утробу терзати начнет, елень же течет быстро на источник водный и, пиюще текущую воду, умерщвляет в себе змию, и паки здрав и жив бывает; аще ли же не получит воды в той час, змия его умерщвляет (О сем писано во Алфавите). Сице подобает и нам желание имети к Богу, пожерше змию мысленную, еже есть беса вогнездившегося в нас, многокозненными умыслы и страстьми различными на вечную смерть устрояюща. Дóндеже есмы в животе, потщимся взыскати текущие живые воды, еюже Спас поил самаряныню-жену, сице глаголя к ней: всяк, пияй от воды сея, вжаждется паки, а иже пиет от воды, юже Аз дам ему, будет в нем источник воды, текущи в живот вечный. Вот живая вода в Евангелии и во всех святых писаниях. Заливай ею, слышателю, змий-те в себе.

Псалом (ст. 3:4). Возжада душа моя к Богу крепкому и живому. Когда прииду и явлюся лицу Божию? Быша слезы моя мне хлеб день и нощь.

Толк. Зри, с каковым тщанием пророк являшеся пред Богом и прихождаше со жаждею, яко елень ко источнику, питаяся слезами день и нощь. Сице и нам подобает молитися и также слезами питатися, понеже и Христос плакася Иерусалима, также и над Лазарем, научая нас слезными струями измыватися и питатися.

Псалом (4:5). Внегда глаголют мне на всяк день: где есть Бог твой? Сия помянух и излиях на мя душу мою.

Толк. Кто глаголаше на всяк день: где есть Бог твой? Мнитмися мысли стужающие на всяк день ко исправлению, и в себе человек бывая изливает душу свою, ища Бога и оправдания Его.

Псалом. (ст. 5). Яко проиду вместо крова дивна даже до дому Божия во гласе радования и исповедания, шума празднующего.

Толк. Или во церкви, или на пути, или в дому, – везде Бога поет со гласом хваления празднующего и исповедающеся имени Его, жертву принося, плод устен, о себе и о людских согрешениях, якоже и Павел научает нас друг о друге молитися.

Псалом (ст. 6). Вскую прискорбна еси, душе моя, и Вскую смущаеши мя? Уповай на Бога, яко исповемся Ему, спасение лицу моему и Бог мой.

Толк. Подобает о житейском не скорбети, ниже унывати и смущатися в бедах и напастех, но на Бога уповати во всем: Той бо есть избавитель душам нашим. А иже смущается и колеблется, таковый удобь разрушается: понеже не твердо уповает на Бога и оставляет Его.

Псалом (ст. 7). Ко мне душа моя смутися, сего ради помянух тя от земля Иордански и Ермонимски, от горы малы.

Толк. Егда смутится душа, тогда поминай чудеса бывшая Божия в пустыне Иорданстей и на горе Синайстей от Христа Исуса, егда преобразися, по писанному: Фавор и Ермон о имени Твоем возрадовастася.

Псалом (ст. 8). Бездна бездну призывает во гласе хлябий Твоих.

Толк. Бездна – Христос, Сын Божий, бездну – Отца своего: понеже Христос всегда моляшеся на горах святых, уединяяся от человек, научая нас пустынному житию и уединению, понеже добро есть к молитве безмолвие, всякое смущение отгоняет от души и житейское попечение.

Псалом (ст. 8). Вся высота твоя и волны твоя на мне преидоша.

Толк. Всех во уединении высокая мира сего потребляется, и небесные высоты человек наслаждается, и волны всякие мятущие душу разливаются, и вся бывают ему во строение души. Блажен обретый уединение и безмолвие.

Псалом (ст. 9). В день заповесть Господь милость свою, и нощию песнь Его от Мене.

Толк. Виждь, нощную молитву похваляет пророк, – в день заповедем научатися, а нощию молитися: тогда бо бывает безмолвие и тишина велия; понеже и Христос во дни ко иудеям глаголаше, а в нощь исхождаше и водворяшеся в горе Елеон, и ту молитву деяше.

Псалом (ст. 10). Молитва Богу живота моего. Реку Богу: заступник мой еси, почто мя забы, и Вскую сетуя хожду, внегда стужает враг?

Толк. Много Христу досады бысть от беззаконных жидов; Он же моляшеся Отцу своему и сетоваше о их спасении, научая нас, да же и мы о вразех своих такоже творим, и не творим зла ко искренним своим, но терпим вся находящая нам с любовию; зря на Христа, тоже творим за помощию Его.

Псалом (ст. 11). Внегда сокрушахуся кости моя, поношаху ми врази мои, внегда глаголати им мне на всяк день: где есть Бог твой?

Толк. Во время спасенные страсти Его поношаху Христу и на кресте висящу: аще Сын еси Божий, сниди со креста, и прочая; а прежде страсти беспристанно стязахуся с Ним и гоняху Его неблагодарные. О сем Евангелие свидетельствует.

Псалом (ст. 12). Вскую прискорбна еси, душе моя, и Вскую смущаеши мя? Уповай на Бога, яко исповемся Ему, спасение лицу моему и Бог мой.

Толк. Всяк правоверный в гонении не скорби и душу свою страхом Божиим ограждай, уповая на Бога и призывая в помощь к себе; крепко молися тогда убо, яко Иулиан великомученик во огни стоя моляся, даже изменися в молитве образ его. Тако подобает и всякому страждущему к Богу изливати душу свою о Христе Исусе Господе нашем.

Псалом (ст. 2). Отрыгну сердце мое слово благо, глаголю аз дела моя цареви: язык мой трость книжка скорописца.

Толк. Кое слово благо отрыгну сердце пророче и коему царю дела глаголет языком, яко тростию скоро пиша книги? Яве есть, яко назнаменуя Царю небесному вочеловечение, издалеча уразумев Святым Духом, сице рече.

Псалом (ст. 3). Красен добротою паче сынов человеческих, излияся благодать во устнах твоих. Сего ради благословится Бог во веки.

Толк. Христос Бог наш краснейше добротою паче всех человек, егоже доброты и красоты небеса не вместят. Излияся благодать во устнах Его, и Лука Евангелист свидетельствует, зач. 4: дивляхуся народи о словесех благодати, исходящих из уст Исусовых. Сего ради благословен Богом во веки, понеже истинный Сын Отца благословенного.

Псалом (ст. 4). Препояши оружие свое по бедре твоей сильне.

Толк. Которое оружие пророк глаголет во Христе и кого стрелял Господь наш? Яве есть, яко непобедимую силу Его Божественную глаголет. Застрелил и победил шуяго, и некрепкого и мрачного диавола и аггелов его.

Псалом (ст. 5). Красотою твоею и добротою твоею и наляцы и спей, истинны ради и правды, наставить тя дивно десница твоя.

Толк. Силен-де Ты, Христе, наляцая налячеши лук свой на скипетр сатанин и спешно-де сотвори добротою Твоею красною, испровергше диявола; царствуй над грехом, кротости ради и правды истинныя; наставит тя дивно десница твоя. Мудро Господь диавола-того победил, братия; обманул его, яко рыболов рыбу удицею подцепил. Евсевий Самосадский пишет: якоже льщение ловец на уду вонзе рыбу уловляет, тако и Христос плоть облече на Божество, утаився, диавола уловил. Дурачищо болшо, не Адама в породе снедном обмануть! Сам, что собака бешеная, в петлю попал! Да ладно так Христос Сын Божий сделал, – заколол его древяным копием, еже есть трисоставным крестом, и нам приказал тем же крестом его побеждать и власть дал наступати на змию и на скорпию и на всю силу вражию.

Псалом (ст. 6). Стрелы твоя изощренны, сильне: людие под тобою падут в сердцы враг царев.

Толк. Христовы стрелы остры гораздо, еже есть крест и молитва. Никтоже устояти не может от противных сему оружию. Всяк человек лукавой со диаволом падает, и посрамлен бывает и язвлен от сих стрел острых.

Псалом (ст. 7). Престол Твой, Боже, в век века, жезл правости, жезл царствия Твоего.

Толк. По победе взыде на небеса и седе одесную престола величествия на высоких; обладает бо, и владеет, и царствует, и правит, якоже хощет, весь мир.

Псалом (ст. 8). Возлюбил еси правду и возненавиде беззаконие. Сего ради помаза тя, Боже, Бог твой, елеом радости паче причастник твоих.

Толк. Помазание, глаголет Дух Святый, почивает на Христе паче всех святых человек: не в меру бо дает Отец Дух Сыну. Причастникам бо Христовым, еже есть святым, дает Бог Духа Святого в меру, якоже глаголет Григорий Богослов в слове о нищелюбии сице: Подобно бо есть дарование Святого Духа черплющим воду от рек: ов убо поемлет велик сосуд, ин же посреден, ин же малейший; кождо противо труда своего. Не река бо разделяет, но сосуд елико вместит, толико и несет. Тако и Духа благодать по мере комуждо дается на пользу, и Павел рече. Христос же без меры помазан Духом Святым от Родителя своего паче причастник твоих.

Псалом (ст. 9). Смирна и стакти и касия от риз твоих, от тяжестей слоновых, из нихже возвеселиша тя. Дщери царевы в чести твоей.

Толк. Смирна и стакти и касия – масти благовонные, ризы – плоть Господня. Яко и в вознесении ангели дивляхуся глаголюще: кто от всора грядый, имея ризы червлении, еже есть плоть Христова, кровию Его очервленая. А от тяжестей слоновых глаголет пророк, сиречь от нашего естества тяжкого приял ризы сия: не от ангел убо когда приемлет, но от семене Авраамова (приемлет), и Павел глаголет, еже есть от девицы Марии. Одежда Его весь мир исполнила благоухания ароматного, сиречь верующие насыщаются благодати духовной. Вочеловечением Его отгнася свара и смрад жертвы бесовские. А из нихже возвеселишася, дщери царей в честь твоей, сиречь душа всех святых, угождьших Ему, царей и архиерей, суть облечени в виссон, веселятся с ним в чести Его. Чти Апокалепсис: там разумно ти будет о почести их.

Псалом (ст. 10). Предста царица одесную тебе, в ризах позлащенных одеяна и преиспещрена.

Толк. Сие рече пророк о Пресвятой Владычице нашей Богородице. Она в пестрых ризах стоит одесную Сына своего, Христа Бога нашего, сиречь разными добродетельми украшена, яко златыми ризами разноцветными.

Псалом (ст. 11). Слыши дщи и виждь и приклони ухо свое, и забуди люди твоя и дом отца твоего.

Толк. Дщи глаголет пророк церковь языческую. Церковь же глаголю не стены, но человеки. Приклони ухо твое к Евангелию и ко апостольской проповеди; и забуди люди твоя, еже есть бесовы и козни их, и дом отца твоего, сиреь кумирницы и идольское жрение. Отложи блудни сия, душа окаянная!

Псалом (ст. 12). И вожделеет царь доброте твоей.

Толк. Облецыся в ризу святого крещения, нарядися в добрую одежду, и возлюбит тя Царь небесный; еже есть – сотвори многоразличные добродетели, так и твоя риза будет яко богородична разноцветная и вожделеет Царь доброте твоей.

Псалом ((ст. 12:13). Яко Той есть Господь Бог Твой и поклонишися Ему, и дщи Тирова с дары. Лицу Твоему помолятся и богатстии и людьстии.

Толк. С дары приходят во святую Церковь молитися Богу и святым Его вернии от всех стран концов, уразумевше, яко той есть истинный Бог, Христос Сын Божий. А дщи Тирову поминает пророк за сие, понеже в Тире и Сидоне многобожие бысть и сам Господь глаголюше: отраднее Тиру и Сидону на суде, неже вама; капернаумян уча глаголаше: аще Быша в Тире и Сидоне силы были бывшая ваю, древле покаялися убо Быша; сиречь егда бы-де они такие чудеса видели, якоже ты, Капернаум, видишь, и они бы-де от многобожия скоро отстали. Последи и они от апостол научени и вероваша во Христа, и молятся, с дары приходя в святую церковь, и богатии и убозии.

Псалом (ст. 14). Вся слава дщери цареве внутрь, рясны златыми одеяна и преиспещренна.

Толк. Зри, – дщи, сиречь церковь одушевленная, внутрь твоя красота, еже есть в сердцы твоем и во изволе твоем. И Господь рече: внутрь вас царство небесное. И Златоуст глаголет: от внутреннего царства и небесное царство приходит. Одевайся, дщи, рясны златыми и пестрыми, сиречь разными добродетельми украшайся; слышала еси пророка: вся слава дщери цареве внутрь, рясны златыми одеяна и преиспещренна.

Псалом (ст. 15:16). Приведутся царю девы во след ее, и искренняя ее приведутся тебе, приведутся в веселие и радость, введутся в церковь цареву.

Толк. Сие глаголаше пророк о введении в церковь Пресвятой Богородицы. Ее, надежу нашу, вели со славою в церковь, святая святых, на веселие и радость всему миру, и иные девы, во след Ее идуще, чувственне провожающе Ее; также и до конца веку не премолкнут последующе Ей девственно и безжизненно житие живущие, ведущеся в небесную церковь и в скинию Бога живого: на всяком месте подвизаются раби Вышнего Бога, в монастырях и в мире живуще.

Псалом (ст. 17). Вместо отец твоих Быша сынове твои, уставиши их князя по всей земли.

Толк. Сие рече пророк о апостолех: они вместо 12 сынов Иаковлих установлени, яко князи по всей земли. Во всю землю изыде вещание их и в концы вселенныя глаголы их. Везде научиша и обладаша прелести бесовстей словом и делом. Княжество-то им не просто досталось: церковь возвещает страдание их и мучение их по Христе.

Псалом (ст. 18). Помяну имя твое во всяком роде и роде. Сего ради людие исповедятся тебе во веки и в век века.

Толк. Зри, и нам поминати имя Господне великим и малым во всяком роде и апостольски по Христе жити. Да и есть в нашем роде; на них зря людие исповедятся Богу в век и в век века непрестанно. Наипачеже в нынешнее время в нашей России сами в огонь идут от скорби великия, ревнуя по благочестии, яко древле апостоли; не жалеют себя, но Христа ради и Богородицы в смерть идут, да вечно живи будут. А как су не йти в огонь христианскому роду? Богородицу со престола согнали никонияня-еретики, воры, блядины дети. Да еще бы не горько христианину! Горько су будет, не покручинься. У христиан только и надежди Она, упование Сыном Своим и Богом. А еретики с престола сбросили и обесчестили. Ну, поп еретик, с чем о великом дни придешь на двор ко християину? Ни креста Христова в руках нет, ни образа Богородична! По польскому обычаю крыжок из зепи (?) вынявше, и благословлять смеяся станешь. Ох, воры, блядины дети! Каковы митрополиты и архиепископы, таковы и попы наставлены. Воли мне нет, да силы, – перерезал бы, что Илья пророк студных и мерзких жерцов всех, что собак. А к чему их блюсти! Тушны гораздо, упиталися у трапезы Иезавелины и держаще учение Валаамово, иже учаше Валака положити соблазн пред сынами Израилевыми, ясти жертвы идольские и любы творити ей. Прямо так; не затеял я: чти книги 4-я Моисеевы гл. 24. Слово в слово также и ныне. В Ферапонтове монастыре новой Валам, блудодеи, царя-того развратил и выблядков-тех наплодил. Знаете ли, верные? Никон пресквернейший; от него беда-та на церковь-ту пришла. Как бы доброй царь, повесил бы его на высокое древо, яко древле Артаксеркс Амана, хотяща погубити Мардохея и род Израилев искоренити. Миленькой царь Иван Васильевич скоро бы указ сделал такой собаке. А то чему быть! Ум отнял у милого, у нынешнего, как близ его был. Я ведь тогда тут был, все ведаю. Всему тому сваха Анна Ртищева со дьяволом. Как его причастил антидором, так с тех мест возьми, да понеси, да ломай все старое, давай новую веру римскую, и протчая ереси клади в книги; а кто обрящется противен, того осуждай в ссылки и в смерти, сажай живых в землю. Разумеете ли, верные, антидор помянул я? Слушайте-тко, я поговорю с вами. Антидор глаголется противный дар, анти противление пишется. Мочно вам и посему разуметь. Христос Сын Божий, Спаситель душам; а антихрист разоритель и наветник душам, противник истинному Христу; того ради предложение ему – анти, еже есть противник, потом христ, сиречь царь же будет, поганец, скверною помазан. Во Израили помазовахуся цари и архиереи от рога, полагаемого на главу, просто молвить – рог в церкви повешен, налит масла древяного, и человека-того под него подведут: аще достоин постановления, так над ним масло-то и закипит в роге-том; тем маслом и мажут поставляемого; того ради глаголется помазанец. Христос же, Бог наш, сего не требоваше человеческого поставления и действа церковного, но свыше от Отца помазан Духом Святым и исполнен благодати Божия истины. Сего ради именовася Христос, или помазанец, или царь, понеже воцарися над грехом, смертию своею убив греха, и пленные вся свободи: понеже царствоваше грех и (в) несогрешших от Адама и до Моисея, а от Моисея и до Христа, Христос же всем верным свободу дарова; уже грех к тому не обладает нехотящих повинутися ему; нынешним приходом матерь убил, а вторым пришествием и сына убиет, еже есть – смерть упразднит. И Златоустый в слове на Иудея от Христова лица так же говорит: Аз есмь матерь убил, сына ли не заколю? Ей, всяко упражню. Ищи в Маргарите, кому надобе. А противник, сиречь антихрист, паки оживит греха, понеже греходелатель, человек беззаконию, сын погибели, противник во всем Сыну Божию. Христос, Бог наш, Сын, Слово Предвечное Отчее, излияв себе от Отеческих недр неотлучным Божеством, яко от солнца луча или свет сниде на землю во утробу Приснодевыя Пречистыя, и бысть той свет вместо семени, якоже пишет сице Григорий папа римский: и плоть во утробе и душу восприят Духа Святого осенением от Марии Девы вочеловечився. А противник, еже есть антихрист, зачнется от блуда,от жены жидовки, от колена Данова. Мнитмися, сам сатана сблудит с нею сим подобием, якоже змей ныне летает к женам, дьявольской же дух; и дастся зачатому душа за плоть матерню. А хотя и бусорман сблудит, ино тот же поганец, – духом своим дьявол помажет его, так и стал помазанец. И сперва будет казатися людем кроток и смирен, и милостив и человеколюбив: слово в слово как и Никон, ближний предотеча его, плакал горазд. Я его высмотрел сукинова сына до́ мору-того еще, – великой обманщик, блядин сын! Как-то при духовнике-том Стефан вздыхает, как-то плачет, овчеобразный волк. В окно и с палаты нищим деньги бросает, едучи по пути нищим золотые мечет! А мир-от слепой хвалит: государь такой-сякой, миленькой, не бывал такой от века! А бабы молодые, простите Бога ради, и черницы, в палатах-те у него временницы, тешат его, великого государя пресквернейшего……………………………………........... . . . . . . . . . . . . . . . . . . . . .

………………………………………………………………… ….. . . . . . . . . . . . . . . . . . . . . . . . . . . . . . . .

А иные речи блазнено и говорить. Мочно вам знать и самим, что прилично блуду. Простите же меня за сие. И больше тое безделицы-той ведаю; да плюнуть на все. Слово в слово таков-то и антихрист будет. Льстив сый исперва, а егда поставят его царем, и убиет трех царей, египетского, ливийского, ефиопского, и оттоле зверообразен будет, и жесток, и немилостив; тайну-ту откроет всю сердечную злобную, да понесет пластать да вешать. А люди-те омраченные, страха ради и прещения, пуще величают: благочестивейший, тишайший, самодержавнейший, государь наш природный, праведный, буди здрав на многа лета! Да и на обеднях-тех так же величают. Обедни-те у них уж не по нашему будут: где прибрело, тут и обедня, – не в церкве, у престола, пред образом Пречистыя Богородицы, но литон разославше и в заходе и везде обедня, как никонияня напечатали ныне во своих книгах. А прежде его антихристова царства приидут паки на землю плотию Илия и Енох со Иваном Богословом и полчетверта года проповеди их будет к человекам; таже антихриста со дерзновением обличать потонку, лесть его, станут. Он же убиет их и повержет на пути града телеса их; они же, мертвы лежавше полчетверта дни, паки оживут пред всеми людьми и взыдут на небо. А антихрист не глядит на то, свое содевает, мороча людей, чудеса же творит в обман прелестные. И иных царей к себе подклонит, да рассылает по всей земле посланников своих, собирая люди, и удивляет, блазня омраченных невеж; правоверные же разумеют его, яко той есть прелестник, о немже писано есть. Всяко постраждут миленькие и от самого и от приказчиков его, как-то и ныне: на Москве жгут, и по городам жгут митрополиты и воеводы. Везде их воля и сила. Дело-то его и ныне уже делают; только последне-ет чорт не бывал еще, явитися во свое ему время тайно. Павел пишет: и ныне одержащее весте; тайна уже деется беззаконию, точию держай ныне Дóндеже от среды будет. Сиречь как-де изведется Римская держава, тогда и беззаконник явится. Да что – петь, Симеон миленькой, много толковать-того про антихриста-того ? Пора на него и плюнуть. Одно знай, – тайна уже деется беззаконию: не ныне началася. Златоуст глаголет на Иудея в Маргарите, рассуждает и на Антиоха египетского, мучившего Маккавеев и осквернившего чистости, сиречь в Соломонове церкви повседневное служение, и поставившего кумир свой на месте святе, идеже не подобает, – Златоуст его антихристом же зовет, понеже-де и имя противное содержит: анти, еже есть противник, а ох, обладатель. Охнул от него Израиле-т бедной. Прочти-тко книги-те Макковейские в Библие-той, – уразумеешь о нем, как он кудесил, не меньше антихриста осквернения-того наделал Закону Божию. Все они черти, блядины дети, и тогда, и ныне, и до кончины. Всегда от них подобает стрещися и бдети, по писанному: блажен бдяй и стрегий ризы своя, да не наг ходит. Хотя маленько оплошись: тотчас ограбят до нага и сволокут ризу святого крещения, так стал игралище бесом и не попал ни куды, только разве в пекл огненный, с ними по- римски веруя. Премолкнем о сем и приимем первое речение о антидоре. Сию просвиру Никон вынимает сам в обедню пред переносом, а что̀ над нею действует, он знает те стихи, – смолода тому научен в низовске деревне, – от моей родины та деревня не далеко, верст с пятнадцать; я знаю, много там таких чародеев. А он детинка-бродяга был, и у Макарья Желтоводского повадился в крылосу, – Никитка Минин. А таки одва не татарка ли его, Симеон, родила, – там-ведь татар-тех много. Да плюнем на него! Кто его ни родил, однако блядин сын от дел звание приемлет. Блядь пишется ложь. Правда от Бога, а ложь от диавола. Сын он дьявол, отцу своему сатане работает и обедни ему по воли его строит, над просвирою-тою молитву батьку-тому своему говорит пред переносом-тем. Знаешь, любимой дар среди обедни-то счинит, да кого жалует-любит, тех и причащает им соверша обедню. Да и маслом мажет причастников своей скверне, прибегших к его милости. Сам государь трудится святитель: как лишиться такой святыни! Да так-то мир-от мажет и сквернит; да такая беда, – кого помажет, тот и изменится умом-тем. Явно омрачает. Или антидором-тем накормит, так и пошел по нем. Есть протопоп, Ермилом зовут, ярославской, доброй человек и мне друг давной, да ум-от у него не крепок. Поборник был по церкве, да омрачился от мази-той и антидора-того! Некогда пришли мы с ним вместе в соборную церковь, так он бежит к маслу-тому, и я ему браню: пошто ты идешь, Ермил! И он мне: да как же, братец! Я не могу того учинить, чтобы мне того не помазатися! Я его ухватил, чтобы не пустить, – и он дрожит, стоя. Я и пехнул: иди, реку, гори в огне с ними заодно! Так-то и царя-того враг Божий омрачил, да к тому величает, льстя, на переносе: благочестивейшего, тишайшего, самодержавнейшего государя нашего, такого-сякого, великого, – больше всех святых от века! – Да помянет Господь Бог во царствии своем, всегда и ныне и присно во веки веков. И веков-тех, – и то в Кириллове книге описует ересь: малое-де слово сие, да велику ересь содержит. А царе-т, петь, в те поры чает и мнится быт-то и прям таков, святее его нет! А где пущи гордости-той? Мерзко Богу горделивого и доброе дело, кольми же блудня и слабоумие, истину в неправде содержащее. И бесплотных на небеси не пощадил Бог за гордость и неправду, якоже Иезекиль пророк глаголет, – херувим из среды огня извержен бысть, зане обретеся неправда в нем. Кольми же бренна человека не пощадит Бог за гордость и неправду. Прежде во православной церкви на переносе не так было, но ко всему лицу мирскому глагола диакон и священник: всех вас да помянет Господь Бог во царствии своем, всегда и ныне и присно и во веки веком; а до царя дошед, глаголют: да помянет Господь Бог благородие твое во царствии своем; а к патриарху пришед: да помянет Господь Бог святительство твое во царствии своем. А не в лице говорили именем его, посылая во царство небесное. Буде он грешен, ино род его царев православен; а в роду и святой обрящется. Тако и патриарх, аще и согрешит нечто, яко человек, но святительство непорочно. А ныне у них все накось, да поперек; жива человека в лице святым называй, коли и пропадет. В помяннике напечатано сице: помолимся о державном святом государе царе. Вот, как не беда человеку! А во отечниках писано: егда-де в лице человека похвалишь, тогда сатане его словом предаешь. От века несть слыхано, кто бы себя велел в лице святым звать, разве Навуходоносор вавилонский! Да досталось ему безумному! Семь лет быком походил по дубраве, траву ядяше плачучи. Хорошо; слава Богу о сем. Как простил Бог слез-тех ради, так полно потом годе усу (?) тому воля давать; не стал уж раздувать, но и до смерти семеньми питашеся. А то приступу не было: Бог есмь аз! Кто мне равен? Разве Небесный! Он владеет на небеси, а я на земли равен Ему! Так-то и ныне близко тово. Мужика нарядя архангелом Михаилом и сверху в палате пред него спустя, вопросили: кто еси ты и откуду? Он же рече: аз есмь архистратиг силы Господни, послан к тебе, великому государю. Так его разразила сила Божия, мраковидного архангела, – пропал душею и телом. Да не узнается; он свое совершает. Горе, да только с ним! Житие было и нарочито исперва; да рассказил собака Никон еретик, яко Антоний Льва Арменина и яко Саторнил Василия Македонянина. А и те, рещи, такие же псы были. Уалент и Ариан и Македоний, при Феодосие царе, свели было его бедного, аще бы не Амфилохий Иконийский пробудил. Да што, – Феодосий Великий не прочитал книг звездочетных, ино ему и не запинало к покаянию. А здесь привели на всю безделицу; нужно ему стало сумняся насилу: обрящет ли место покаяния? Много мучительства сотворил и крови неповинныя реки потекли. Во Апокалипсисе писано: аще кто в пленение ведет, в пленение да идет, а аще кто мечем убиет, подобает ему убиену быти. Писание не лжет; будет так; праведен суд Божий; терпит Господь, наказуя, ожидает обращения. Манасий пятьдесят лет терпел, да дождался. Также шаловал, дурачищо, Бога отступя, и на высоких жрал, сиречь на горах болваном кланялся. Исаия пророк, велегласная труба, так же ему журил, как и ныне бывает, и он его на полы перетер: на-вось! Не указывай нам, великому государю! На нас то положено! А кто положил? В коих правилах писано царю церковию владеть и догмат изменять, святая кадить? Только ему подобает смотреть и оберегать от волк, губящих ее, а не учить, как вера держать и как персты слагать. Се бо не царево дело, но православных пастырей и истинных архиереев, иже души своя полагают за стадо Христово; а не тех, глаголю, пастырей слушать, иже и так и сяк готовы на одном часу перевернуться. Сии бо волцы, а не пастыри, душегубцы, а не спасители: своими руками готовы неповинных кровь пролияти и исповедников православныя веры во огнь всаждати. Хороши законоучителие! Да што на них! Таковые нароком наставлены, яко земские ярышки, – что им велят, то и творят. Только у них и вытвержено: а-се, государь, во-се, государь, добро, государь! Медведя Никон смеяся прислал Ионе Ростовскому на двор, и он челом медведю, – митрополитищо, законоположник! А тут же в сонмице с палестинскими сидит, бытто знает! А о Павле Крутицком мерзко и говорит: тот явной любодей, церковной кровоядец и навадник, убийца и душегубец: Анны Михайловны любимой владыка, подпазушной пес борзой, готов заяцов Христовых ловить и в огонь сажать. Добро-су, други, пришла ваша година и область темная. Творите, еже хощете. Нечего много говорить, подождать не пособить до воли Господни, аже умилосердится о нас, бедных, и услышит плач вопиющих к нему день и нощь. Надеюся, яко прекратит дни сии за молитвы святых отец наших и подаст рабом своим отраду и утеху. Да и при Манасии жерцы-те также шурмовали; да как самого подал Бог Персом, так и все спуталися и хвосты-те, воскрылия риз своих, прижали. А Манасию татаровя в коноб всадили самого, изжарить хотели, как он жарил во Израили глаголющих истину и правду. Видит беду свою неминучую, яко не помогут боги, стоящие на горах высоких, притече душею ко истинному Богу, животворящему мертвые, и возопи в конобе медяне сидя: Господи Вседержителю, Боже отец наших, Авраамов, и Исааков, и Иаковль, и прочая. Вот, пророк Давид не солгал, рекше: браздами и уздою челюсти их востягнеши, неприближающихся к Тебе. Слава Тебе, Господи! Любо и мне; хорошо так, Христе Сыне Божий! А то с дураком ладу не было, все переломал на свой лад, и Сына Божия попрал и кровь заветную осквернил; а в котле-том узнал Авраамова Бога. И Авраам отец стал. А до того глупым звал, как и в московском сонме: глупы-де были русские святые, грамоте не умели! Так и там было. Господь милостив: покаяния ради избави его от смерти, – рассядеся коноб и ангел восхити его и принесе во Иерусалим. Ну же он жерцов тех душить, и живых и мертвых: от вас-де разорение се и мне была кончина! Воры-де, блядины дети, с ума меня свели! А сам где был? А то Исаия говорил. Полно правитьца! Сам так захотел новый закон блядивой положить, а отеческой истинной отринул и обругал. Кто бы тя принудил? Самовластен еси и священнае писания измлада умеешь, могущая тя умудрити во спасение твое; да не восхотел последовати учению отца истинного духовного твоего, но приял еси змию возгнездящуюся в сердце твое, еже есть тогда и днесь победил Никон. Кайся вправду, Манасия! Не гляди на Озию, во отчаяние пришедша, дерзнувшего святая покадити, но зри на Богоотца царя и пророка Давида. Егда изочте Израиля и прогневал тем Бога, послан ангел и уби от полка его в три часа 70,000. Давид же плакаше и бияше в перси, глаголя: аз, пастырь, согреших; аз Тя, Господи, прогневал; а сии овцы ничтоже о сем разумеют; меня казни и дом мой, а сих помилуй! И умилосердися Господь покаяния ради царева, повеле ангелу престати от пагубы людской. Виждь, начальных согрешения какову беду миру наносят. Скоро истшут, или яко былие злака скоро отадут. Престани-же, государь, проливати крови неповинных; пролей вместо слезы; угаси пещь палящую рабов Христовых в Боровске и в Казани; с воздыханием из глубины сердца расторгни седящих в темницах и изведи живых закопанных в землю; припади к коленома их с покаянием, да умолят о тебе Бога, яко о Феофиле иконоборце Мефоде-ет с двемя разбойникома закопан в землю, яко и боярыня Морозова Феодосия в Боровске с прочими, в земле сидя, яко кокушка кокует. Кокуй, бедная, небось ничего, венцы мнози над тобою! И Евдокия княгиня кокуй! И Марья Даниловых кокуй! И прочии, елицы во Христа крестишася, в смерть Его крестихомся, спогребохомся убо Ему крещением в смерть. Да якоже воста от мертвых славою Отчею, тако и мы во обновлении жизни вечной станем с Ним в веселии и радости жити. Забудем вся сия наветы, потерпим еще благодушне Господа, Дóндеже совершится тайна тайнам сия, от века и от родов в Бозе самом сокровенна, вашего страдания и братския скорби, якоже Златоустый пишет о вочеловечении Слова: усмотрил Бог Петра во Адаме, усмотрил и Павла; Павлу проповедающу слово учения, Петру вверяет ключи небесного царствия; и не радуется Бог так о Адаме кормимем в породе, якоже о Петре и Павле, о двух камыках и жемчугах чудных. Право, было так. Да и ныне, Прокопиевна, не мало веселие Богу, как вы кокуете, сидя закопаны в земле-той. Пострижена ты уж нынеча, инока схимница Феодора, миленькая моя! Как-то человеку-тому, душка-та коему больна, всяко домышляется, еже бы не во тщету жизнь изнуряти! Хороша ты и так милостию Божиею была и без чернечества-того. А ныне и давно добро кстае плакать, сильно хорошо, ладно. Так же бы нам надобно царя-того Алексея Михайловича постричи бедного, да пускай поплачет хотя небольшое время. Накудесил много, горюн, в жизни сей, яко козел скача по холмам, ветры гоня, облетая по аеру, яко пернат, ища стан святых, како бы их поглотити и во ад с собою свести. Но спаси его, Господи, имиже веси судьбами своими, Христе, за молитв кукушек-тех бедных, сидящих в земле. Аще ли же не лежит покаяние ему, Ты веси! Буди воля Твоя, а не моя! Аз есмь червь, а не человек. Дерзаю паче человека, выше меры моея, угнетаем болезнию по души заблудшей его, желая и ища от Тебя, всемилостивого Спаса, исправления его. Несть дивно еже грешника помиловати, в разум истинный привести. Ты еси Бог наш, иже водою и Духом обновивый обветшавшее грехом естество наше. Ты еси Бог наш, иже водою потопивый при Нои грех. Ты еси Бог наш, иже морем свободивый от работы Фараони Моисеем род еврейский. Ты еси Бог наш, разразивый камень в пустыне, и потекоша воды, и потоцы наводнишася, и жаждущая люди своя насытивый. Ты еси Бог наш, иже водою и огнем при Илии преминивый Израиля от прелести Вааловы. Сам и ныне, Владыко, премени от прелести царя Алексея бедного, от нового злодея Никона с дьяволом, и даждь ему очищение и освящение и душевное прозрение. Просвети светом разума к познанию Твоея истины; вдохни благая в сердце его, да познает Тя, Сына Божия, и прибегнет под кров покаяния; устави смущение души его, яко воды морские, колеблющиеся ветры зелными; приими жертву его слезную паче, нежели Авелеву; приклони ухо Твое к молению нашему и возглаголи благая в сердца наша, отец наших и братии, о нем, к Тебе, Богу и Спасу всех, яко милостив еси и щедр, Боже наш, и Тебе славу воссылаем, в Троице славивому Богу, Отцу и Сыну и Святому Духу, и ныне и присно и во веки веком. Аминь.

О, царю Алексее! Покажу ти путь к покаянию и спасению твоему. Воззри на царя Давида, что сотвори, егда к Вирсавие, жене Уриевой (?), сиречь у живого мужа отнял жену и на постелю к себе взял. Таже вниде к нему Нафан пророк, и глагола пророк пророку со дерзновением: Царю Давиде! Даждь ми суд праведен на сильного, имущего у себя сто овец, и едина бысть овца у некоего, он же восхити, и ту к себе привлече. Да судиши праведне обидящего со обидимым! Давид же отвеща: сотворивый неправду повинен смертному осуждению. И глагола ему Нафан: Царю Давыде! Ты сию неправду сотворил: понеже имаши триста жен и семьсот наложниц; не удоволився ими, убив боярина своего Урию, и жену его Вирсавию к себе же на ложе привлече. По суду своему повинен еси смерти. Давид рече: О, Нафане, что створю? Согреших, неправду сотворих. И глагола ему Нафан: Воззри вспять и виждь осуждение твое. Обозревжеся Давид, виде над собою ангела, – оружие наго держа, хотя его за беззаконие посещи. И возопи Давид ко Господу: Помилуй мя, Боже, по велицей милости Твоей, и по многим щедротам Твоим очисти беззакония моя, и прочая псалма того, весь до конца. И плакався о грехе том непрестанно и до смерти своей. Вот, царю! Коли тебя притрапезники-те твои Давидом зовут, сотвори и ты Давидски Богу покаяние о себе, и не гневайся на меня, правду свидетельствующа ти, якоже и на Нафана Давид, но послушай совета моего болезненного к тебе. Ей, тебе истину говорю, – время покаятися. Рцы по выше реченному, якоже рече: аз, пастырь, согреших; аз, Господи, прогневах Тя, а овцы ничтоже имут к Тебе. И паки другого падения его псалом: Помилуй мя, Боже, по велицей милости Твоей и по многим щедротам Твоим очисти беззакония моя; наипаче омый мя от беззакония моего и от греха моего очисти мя; яко беззаконие мое аз знаю и грех мной предо мною есть выну, всегда; Тебе едино согреших и лукавое пред Тобою сотворих. Да плачучи псалом и до конца говори. Любя я тебя, право, сие сказал; а иной тебе так не скажет, но вси тебя лижут, – да уже слизали и душу твою! А ты аще и умеешь грамоте, но и нонеча хмельненек от Никонова-того напоения; не помнишь Давидова-того покаяния. Ведаю разум твой; умеешь многими языки говорить: да што в том прибыли? С сим веком останется здесь, а о грядущем ничимже пользуется. Воздохни-тко по старому, как при Стефане бывало, добренько, и рцы по русскому языку: Господи, помилуй мя, грешного! А кириелеисон-от отставь; так ельнаня говорят; плюнь на них! Ты ведь, Михайлович, русак, а не грек. Говори своим природным языком; не уничижай его и в церкви, и в дому, и в пословицах. Как нас Христос научил, так подобает говорить. Любит нас Бог не меньше греков; предал нам и грамоту нашим языком Кириллом святым и братом его. Чего же нам еще хочется лучше того? Разве языка ангельского? Да нет, ныне не дадут, до общего воскресения. Да аще бы и ангельски говорил, Павел рече, любве же не имам, бых яко медь звеняща, или кимвал бряцая, – барабаны ваши! Никоея пользы в них несть. Любы не превозносится, не бесчинствует, любы не завидит, не гордится, не раздражается, не ищет своя си, не вменяет в злое, не радуется о неправде, радуется же о истине, вся любит. А ты, миленькой, посмотри-тко в пазуху-ту, царь християнский! Всех ли християн тех любишь? Нет большо, отбеже любовь и вселися злоба. Еретиков никониян токмо любишь, а нас, православных християн, мучишь, правду о церкви Божией глаголющих ти. Перестань-ко ты нас мучить-того! Возьми еретиков-тех, погубивших душу твою, и пережги их скверных собак, латынников и жидов, а нас распусти природных своих. Право, будет хорошо. Меня хотя и не замай в земле-той до смерти моей; иных-тех распусти. Потому что меня жалуют люде-те, знают гораздо везде: так мне надобе себя поопасти, чтобы в гордость не войти. Писано: отрада на душу гонение велико живет. И ты, пожалуй, распусти иных-тех при себе; а я и так хорош. Сын твой после тебя распустит же о Христе всех страждущих и верных по старым книгам в Господа нашего Исуса Христа. На шестом соборе бысть же сие, – Константин Брадатый проклял же мучителя, отца своего, еретика, и всем верным и страждущим по Христе живот дарова. Тако глаголет Дух Святый мною грешным рабом своим: и здесь тоже будет после тебя! И ты послушай меня, сделай доброе при себе, Дóндеже еси в животе. Егда приидет хищник и восхитит тя, не успеешь тогда: понеже суд бывает без милости несотворившим милости. Ведь мы у тебя не отнимаем здесь царства-того, ниже иных взмущает на тебя; но за веру свою стоим, боля о законе своем, преданнем от святых отец. Что ти успеет во грядущей век? Грабишь нас напрасно и обнажаешь от Христа. Время и тебе покаятися, понеже любит Господь Бог кающихся. Хощеши ли, ин путь тебе покаяния покажу? Воззри на Ниневитян. В три дни милость Божию к себе привлекли сицевым образом. Глагола Господь ко пророку Ионе с повелением: иди и проповеждь Ниневитяном, да покаются, понеже грехи их внидоша во уши моя; аще ли ни, погибнут пагубою. Иона же, ведав Божие милосердие, яко милостив бывает кающимся, не восхотел в Ниневию идти, но седше в корабль и в Фарсис побеже, да же не солжется пророчество. Став же корабль непоступно на пучине морстей, ветру велию дышущу. Иона же навклиром, еже есть корабленникам, рече: вверзите мя в море, понеже мене ради не поступит корабль. Егда же ввергоша, и повеле Бог киту великому, да пожрет его. И бысть три дни и три нощи во чреве китове, прообразуя Христово тридневное погребение в сердцы земли. И принесе его кит жива к Ниневии граду великому, емуже обхождение седмь дней. В книгах Ионы пророка, в Библии, писано. Егда же испусти его зверь, он же проповеда людем, глаголя: аще не покаетеся, тако глаголет Господь, в три дни погибнете. И изыде на поле, седе под смерчием, ожидая граду пагубы. Людие же умилишася и (с) ссущими младенцы сосцы матернии три дни постишася, и плакавше грех своих, во вретища облекошася, и перстию главы своя посыпавшее, и скоту не даша пищи и пития. Много их бысть, иже не познаша десницы и шуйцы, больше дванадесяти тем, – сиречь робят-тех столько, а старых-тех и гораздо много. И виде Бог умиление и покаяние их, раскаявся Владыко и помилова их. Пророк же оскорбися, яко не сбысться пророчество его, и уснув, сидя под смерчием, – сиречь древца некакие, – и он, милой, с кручины взвалился под куст и уснул. И взыде об нощь тыков над главою его, красна и лепа. Он же возрадовахся и возвеселихся о ней. И повеле Господь черву ночному подгрысти; и изсше искорени. Пророк паки оскорбися о ней. И глагола ему Господь: како ты, Иона, ни садил, ни поливал тыков сию, – об нощь возрасте, об нощь и погибе, – а скорбию великою оскорбился еси о ней? Кольми же в Ниневии людие мои, иже не познаша десница и шуйца, больши паче нежели дванадесять тем, вси оскорбишася и притекоша ко мне. Виждь, человече, како любит Бог покаяние грешников, понеже праведника пророка тешит, а грешных милует. Прибегнем к Нему, милостивому Богу и Спасу нашему, и не отчаем своего спасения, якоже Каин сотворил, или царь Озия во Израили. Добр человек был, и милостив, и правдолюбив, но впаде в недуг гордости, сицевым образом разгордевся: вниде во Святая Святых, взем кадило и приступи к жертвеннику, начат святая кадить. Архиереи же умолчаша ему за величество сана его; но токмо един священник Азар приступи к царю и рече (как бы-то я, бедной, тебе ворчу, – архиереи-же не помогают мне, злодеи, но токмо потакают лише тебе: жги, государь, христиан-тех; а нам как прикажешь, так мы в церкви и поем; во всем тебе, государю, не противны; хотя медведя дай нам в олтарь, и мы рады тебя, государя, тешить, лише нам погребы давай, да кормы с дворца. Да, право, так. Не лгу). И глагола Азар: Озия! Не подобает ти святая кадити, но токмо единем иереом, сыном Аароним. Он же не устыдеся гласа священническа, вся совершая. И порази его Господь язвою на челе, еже есть Бог проказу наведе. Изгнаша его из церкви по закону Моисеову, понеже закон повелевая прокаженных вне сонма и из града изгоняти, Дóндеже исцелеет, и паки по свидетельству священническу приемлется и прощен бывает. Людие же, устыдевся сана царска, не изгнаша его из града. Он же, Озия, живяше в дому своем неисходно, не прииде в покаяние греха своего и до смерти. Бог же о сем прогневася на люди, удержа пророчество за их согрешение и за пророческое ослабление, яко не изгнаша прокаженного царя вне града. И молча пророк Исаия до смерти Озиины, понеже Дух Святый не сниде на пророка к недостойным людем глаголати, яко прогневаша Господа удержанием прокаженного во граде. И в лето, в неже умре Озия царь, виде Господа седяща на престоле восоце и превознесенне, и окрест Его херувимы, шесть крыл единому и шесть крыл другому, двема убо летаху, двема очи покрываху, двема же – ноги, и вопиюще друг ко другу: Свят, Свят, Свят Господь Саваоф, исполнь небо и земля славы Его. И един от предстоящих взяв клещи и от престола угль горящий и прикоснуся устом моим, рече пророк, и возопих: окаянный аз, провидех воплощаема Бога, света невечерня и миром обладающа! И нача паки пророчествовати. Виждь и разумей, колики беды гордость рождает: сам погиб и людям охриту (?) наведе и тщету дарования Божия. Тако и ныне от гордости вниде в церковь нестроение и догматное применение. Лют есть недуг сей во человеке, и велик подвиг, по Василию Великому, надобе человеку изменити обычаи свои. Беда от гордых церкви Божией, – тот сяк, а ин инако. Я помышляю: недостаток ума большой в человеке том, иже гордость содржит и, чается, ему мнится хорошо, а все развалилося. Якоже и дьявол сам за недуг сей извержен среди огня и отриновен от лица Божия, во тму осужден, а таки величается, – я-де велик, я обладаю всем! А и над свиниями не имать власти. Тако и гордый мнится имея вся, а ничтоже сый, – во всем отвсюду гнило и развалилося, и душевная и телесная. Воистину гнило седалище гордого, по Писанию, и в больших и в малых погибают от сего. Добро любовь и смиренномудрие, и послушание к верным и любовным нелицемерное, от чиста срдца и совести благи о Господе. Смиренный и негордый, аще и падет, не разбиется, яко Господь подкрепляет руку его. Глаголет Давид: юнейший бых, ибо состарехся, и не видех праведника оставлена, ниже семени его просяща хлебы; весь день милует и взаим дает праведный, и прочая. А гордый и величавый и самомнивый тщатся разорити, убить единоверного и брата, яко врага, оклеветати и на смерть предать. О смиренном и ушима не хощет слышати, понеже мерзок ему смиренномудрый, и тщится истребить и память его от земли; аще бы возможно, он бы жива его поглотил. Но десница Вышнего порывает его во всем и не попускает выше меры искуситися, но запинает гордому, по писанию: Господь гордым противится, смиренным же дает благодать. Живет, миленькой, беззлобием, попросту, посреде гордых, яко овча посреде волков, или посреде крагуев, яко птенец. Умышляют о нем, как бы уловить; а он к ним, ко псам, хлебом да солью противится, да любовию Христовою, не помня их коварства и злобы к себе, единако промышляет и скорбит об них, како бы их спасти и в разум истинный привести. Грызут его гордые, поваля; а как нужда пристижет, так к нему же бегут: понеже не действенна их гордость ни в чем, токмо свойственна к пакости и ко греху. Горе смиренному с гордыми жить! Не имать покоя души своей и телеси, беспрестанно в ропоте и в волнах: иное догонят его и до слез, а он, переплакав и забыв досаду их, паки печется об них: откуля что Бог приподаст, и он, сам не съедши, пихает им в горло, яко псам, Дóндеже ядят. И он его блажать: миленькой, кормилец наш! А как съели и в . . . . . ли, так и паки блядин сын и сукин сын стал. Горе ему бедному с ними живучи! Отраднее бы ему было со змиями и со зверьми в расселинах каменных живучи, нежели с гордыми в пещерах одних. Понеже звери Данила пророка устыдешася во рву, и Ивана Предотечи в пустыни змии и керасты не вредили ничем. А гордые смиренного всегда грызут. Да воздаст им Господь по делом их! Куда же ему, милому, деться от них? Небо одно, земля одна, хлеб общ, вода такожде. Терпеть, стало, не пособить, Дóндеже Бог разделит и возмет коегождо к Себе, яко милостив есть и щедр, – очищает смиренного от грех его мучением сим. Аще бы не сия видимыя враги ратовали его, ино бы беси озлобляли его. А без скорби век сей никто от святых не претече. Аще не внешния, ино внутренние беды, еже есть помыслы неподобные, потом и дела. А егда ратует видимый враг, тогда сия ратники спят. Благословен Бог, изволивый так! Многи скорби праведным и от всех их избавит я Господь. Хранит Господь души преподобных своих и не оставит зде и в будущий век. Аще кто не вкусит горести здесь, не имать получити сладости там. Всяк бо родится на плач, якоже младенец, рождшеся от матерни утробы, свидетельствуют, заплачет, из утробы изшед, являя плачевное сие житие, понеже многоболезненно и скорбно живущим на нем; аще и кратко сие житие, но исполнено мятежа и всяких хлопот; будущий же век – веселие и радость без конца, еяже получат терпящие здесь и о Христе Исусе мучащеся, еяже да сподобимся вси насладитися со Христом, Ему же слава и держава во веки веком.

Премудрость созда себе храм и утверди столп седмь (Притч. 9:1).

Толк. Егда Соломон создал Святая Святых, храм седмистолпный чуден бе и преславен, сребром и златом украшен, сиречь восходы сребряны, столпы и преграды позлащены, закомары медяны и железны, внутрь церкви 40 сажен, закомаров на все страны по десяти сажен, сиречь окрест ее приделы; всего поперек ее и вдоль 60 сажен; творение же многоразлично внутрь и вне от древ негниющих, покрыто железом позлащенным гладко, невозможно и птицам небесным привитать, и иное урядство многоразлично (3Цар. 6). Сотворен бе храм сей с образца древней Скинии, бывшей в пустыне, о ней же свидетельствует Бытия Моисеовы 2 книги гл. 20, якоже повеле Господь Моисею сотворити ю по образу, егоже виде на горе Синайстей, ее-же и внесоша из пустыни в обетованную землю со Исусом Навином после Моисея, и бысть до дней царя Давида, ееже и изрину Бог от лица людского, понеже обрете Давид благодать пред Богом и испроси обрести место селения Богу Иаковлю, сын же его Соломон созда Богу храм во Иерусалиме. Но Вышний не в рукотворенных церквах живет, якоже пророк глаголет: небо мне престол есть, земля же подножие ногама Моима, и прочая. Егда же совершил Соломон храм, Святое Святых, и по закону принесе жертву велию с кадилы и фимиамы многи, и исполнь храм славы Божия, и нападе Дух Святый на Соломона, и пророчествова со гласом хваления сице.

Сущее. Премудрость созда себе храм и утверди столп 7.

Толк. Премудрость – Бог, а храм – правоверные человеки, якоже апостол рече: вы есте храм Бога живого, якоже рече Бог, яко вселюся в них и похожду, и буду им Бог, и тии будут ми людие. Седмь же столпов, 7 соборов вселенских утверждают и ограждают весь мир от ересей находящих. Аще и на видимую церковь зря, Соломон глагола; но духом Святым, а не собою, рече о нынешнем житии благодатном. Издалече Дух Святый свидетельствуя во пророцех хотящую быти сию тайну, от века и от родов избранную, сокровенную в самом Бозе вочеловечением Исус Христовым.

Сущее. Закла своя жертвенная и черпа в чаши свои вино (ст. 2).

Толк. Тогда в законе древнем закалашеся кровава жертва; ныне же здесь, во благодати, тучен агнец закаем, хлеб от пшеницы составляем, якоже Василий Великий рече: да будет хлеб в приношении знаменан крестом Христовым трисоставным, и бывает в действе иерейском благодатию тело Христово; такоже и в чаше вино и вода бывает кровь Христова, якоже самая истекшая на кресте от ребра Христва, и вси причащающиеся таинству сему от достоинством бывают чада свету и сыны дню, Христовою благодатию, и наследницы вечных благ с Господем будем. Седмичное же число, 7 столпов, знаменует семь столпов (просфор?) в приношении. 1-я, от неяже вынимается агнец на жертвеннике по образу Богоматере, Девы Марии, от Неяже родися Исус Христос Сын Божий, якоже от просвиры агнец; и полагается на дискосе, яко Христос во яслех, и поставляет над ним иерей звезду, яко и древле с волхвы перскими шед звезда, ста верху, иде же бе отроча; таже священник в потир вливая вино и воду глаголет: соединение Святаго Духа, яко трие суть свидетельствующий – дух, кровь и вода, и трие во едино суть, и знаменует таинство сие. Яко древле Иаков жидовин, собрав при кресте истекшую от ребра Исусова кровь и воду, и вложи в тыков и сохранив е: тако и здесь…¹⁴ просвиру поемлет в честь и в память святого славного пророка и Предтечи, Крестителя Господня Ивана, и всех святых пророк и апостол и мученик, святителей и преподобных и праведных и жен святых и всех святых, иже от века Богу угодивших; аще и различны лики, но единому Богу служаще, едину часть священник вынимает и полагает о левую сторону агнца, якоже и Богородичну, выше рекохом, в память их приносим Богу, да купно предстояще святии молят о нас грешных Бога. А не рассекаем лики их поникониянски, вынимая из просвиры 9 дыр, творя в чин ангел: се бо есть нечестиво и зело богопротивно. Понеже святых земнородных в век грядущий по Апокалипсису со агнцем един чин будет: подобно им и часть едина в приношение купно приносити, не рассекая на уды тела церкви; аще и мнози уди, но едино тело, по Апостолу, вси святии. Чти зачало к Коринфянам 152. Рече Апостол: якоже бо тело едино есть и уды имать многи, вси же уды единого тела, мнози суще, едино суть тело, тако и Христос. Ибо единем Духом мы вси во едино тело крестихомся, аще Иудее, аще Еллини, или раби, или свободни, и вси единем пивом духовным напихомся. Ибо тело несть един уд, на мнози. Виждь, никониянин, что глаголет Павел: Дух Святый во едино собрал лики святых; а ты рассек девятью частьми, тело церковное на уды раздробил, собака; беду сделал, – разрезал на части миленьких святых; яко волк разорвал все тело. Да больше-того, как мне уже тебе говорить-того, – ведаешь ты. Коли взбесился, не унять тебя. Ну и церковь-ту под гору со всеми! Да сделай костел римской и опреснок учини, яко папа еретик римской, после причастия в олтаре птицы рафленые заедать на золотых блюдах, с похмелья! Как-тыть хорошо! Прикусно! Лучше просвир! Мясцо птичье брюшка не пыщит! Воры, воры, блядины дети! Как вам себя не сором! Иудейская вся возлюбили, яко и они древле похотеша желанию в пустыне в безводне: и даст им прошение их, посла сытость в душа их. Но потекла им по пятам сия сытость! Поражени бо Быша в пустыни, и от змей погибоша, и из ноздрей черви потекоша, и многоразлично казни неблагодарнии прияша; наконец же, всех кости падоша, – не вниде ни един неблагодарный в обетованную землю, токмо Иисус Наввин, чад и (их) обрезав; а старые черти все падоша в пустыни. Такие же как и вы сластолюбцы были. Манну едят, а о чесноке египетском тужат. Да помните себе, что я говорю: пропасть и вам за собак место! Ждет вас Бог на обращение; не узнаетеся враги креста Христова, сластолюбцы, блудодеи, осквернившие ризу крещения, убийцы и прелюбодеи, пьяницы и не престаемого греха желатели. Горе вам, насыщеннии, яко взалчете! Горе вам смеющимся, яко восплачете и возрыдаете! Дайте только срок, собаки, не уйдете у меня: надеюся на Христа, яко будете у меня в руках! Выдавлю я из вас сок-от! Ну, да полно-того! Яжьте, пейте, веселитесь, разоряйте церковь-ту! Не скромьтеся, – делайте костел-от! Пришла ваша година и область темная. А мы с православными християны за святую церковь о Христе Исусе помрем от вас и не изменим отеческое ничтож. Слушайте-тко, раби Христовы, – станем говорить о просвирах-тех еще, а на собак-тех плюнем. Таже священник поемлет 4-ю просвиру и молится о царе благочестивом; аще царя не прилучится, ино о владомых, да же мирно и немятежно царство ради сего приношения Бог устроит; и часть выняв полагает ниже части Пречистой. Еще же 5-ю просвиру вынимает о патриархе и о всем священстве, и о благосостоянии святых Божиих церквей, и часть полагает подле царской части. Также 6-ю просвиру вынимает о всем христианстве, и полагает часть подле тех же. А другие части из тойже просвиры не вынимает: понеже нечестиво едино приношение дважды и трижды святити и закалаемое паки закалати, якоже творят никонияне, – много частей из единой просвиры вынимают, играют, блудят, не ведяще писания, ни силы его. И в древнем Моисеове законе дважды и трижды быка и козла, и овна и горлицу и голуби не кололи; но единою заклав, кровь источа, кропят и мажут, очищая грешных, архиереи; а мяса левиты со служебниками относя, и прягут и варят на пожрение. Чти во Второзаконии; там обрящешь. А здесь, во благодати, также не подобает едино многажды колупать, и что робяти играти крошками, на дискос кидать. И в правилах о том пишет: дважды едино приношение да не святится, ниже просвира, ниже кутия, ниже ино что принесенное в дар Господеви; но единожды возложити и поклонитися с приношением Господу Богу, просяще от высоты милости. А у никониян дико делается: принесше во олтарь, на жертвенник возложа просвиру, да из одной Богу за того, да за другого по крошке кидают на блюдо. Принесше пищу господину в честь, поставя пред него на стол, или ин дар, за свою вину; господин же раба повеле упокоити за приношение его; раб лукавый последи принос свой восхитя у господина, расщипав его на части, и за иных винных тем же учнет господина дарить. И что ему речет владыка дому? Не речет ли: рабе лукавый и прелюбодеивый! Что зле умыслил еси? Моим да мене ж даришь, насмехаяся! Да кнутом лукавого раба, – не играй над господином! Да по нем же, да по нем же! Тако и сие никониянское приношение тому же прилично лукавому рабу: смехаяся Богу творят, – из четвертой просвиры из одной и за царство, и за священство, и за людское согрешение. Правовернии же не тако, но, по церковному уставу, над седмию просвирами действуем, а не над пятью, якоже они, зле умысля, тако творят. И заупокойную также щиплют, якоже и заздравную. Мы же седьмую за упокой по уставу предлагаем и седмочисленное число опасно храним: понеже Божия премудрость созда себе храм и утверди столп седмь.

Сущее. Закла своя жертвенная и черпа в чаши свои вино, уготова свою трапезу, посла своя рабы, созывающи с высоким проповеданием на чашу, глаголющи: иже есть безумен, да уклонится ко мне (ст. 3–5).

Толк. Когда уготова свою Бог трапезу? Яве есть, яко на горнице оной прелом хлеб Христос даст учеником рек: приимите и ядите, се есть тело мое, еже за вы ломимое во оставление грехов; такожде и чашу налияв: пийте от нее вси, се есть кровь Моя нового завета, яже за вы и за многи изливаема во оставление грехов. И ядоша сию трапезу. Посылая апостолов проповедать в поднебесную с высоким проповеданием, сиречь кричит и вопит всем идолопоклонникам безумным Святый Дух, во апостолех глаголющи: иже есть безумен, да уклонится ко мне.

Сущее. И требующим ума рече: приидите и ядите мой хлеб и пийте вино, еже черпах вам, оставите безумие и живи будете (ст. 5:6).

Толк. Советоваху и научаху апостоли послушавших проповеди их и веровавшим во Христа, утверждая их, рассудные нравы предаваху им, сиречь правила; наказующи глаголаху с твердым наказанием, с достоинством приступати ко трапезе сей, рекше: оставите безумие и живи будете, сиречь на первое неверие не уклоняйтеся; довлеет вам мимошедшее время жития воля языческая творяще, блудодеяние, ненависти, обиды, клеветы, лжесловесия, братоненавидения, пьянства, объядения, кощуны, убийства, татьбы и иная тому подобная: оставите сие безумие и живи будете.

Сущее. Взыщите премудрость, да поживете, и исправите в видении разум (ст. 6).

Толк. Кую премудрость, глаголет, взыщите? Ту ли, еяже любит Павел митрополит и прочие его товарищи, зодийщики? Со мню он, Павел безумной, стязаяся, глаголющи: велено-де, протопоп, научитися премудрости алманашной и звездочетию, писано-де: взыщите премудрость, да поживете. Не знает писания, дурак, ни малехонько! Как быть, – на них на ослах еретики-те едут на владыках-тех! Писание глаголет: взыщите премудрость, да поживете, и исправите в ведении разум, еже есть Божия премудрость, – любы, милость, мир, долготерпение, благость, милосердие, вера, кротость, воздержание, вся сия исправляти в ведении и разуме духовнем, и не примешиватися блудень и похотей внешних к духовному жительству; мнози бо суть в мире любят любящих их и милуют милующих их, и сия бо любовь грешнича и языческа, якоже рече Господь, Лука, зачало 26: аще любите любящие вы, кая вам благодать есть; ибо и грешницы любящие их любят; и аще благотворите благотворящим вам, кая вам благодать есть, ибо и грешницы тожде творят. Обаче любите враги ваша, и благотворите и взаим дайте, ничесоже чающее, и будет мзда ваша многа и будете сынове Вышнего вси. Рассуждайте глагол Христов: своего врага люби, а не Божия, сиречь еретика и наветника душевного уклоняйся и ненавиди, отрицайся его и душею и телом; а аще кто не богоборец и не еретик досаждает ти, такового любити подобает по Господни заповеди. Тому же подобно и мирное поставление. С еретиком какой мир? Бранися с ним и до смерти, и не повинуйся его уму развращенному. Златоуст пишет: не всяко мирование добро, но и разделение и распря – велие и божественно дело; и не всяко соединение похвально, но бывает и мир на повреждение, аще миримся о разрушении истины: се бо есть погрешно и зело неудобно. Он же в беседах пишет: схизматизника клени и проклиная, и отрицайся его, а еже мир творят, междоусобные свары и истребляя таковые. По Господню словеси: блажени миротворцы, яко тии сынове Божии нарекутся; а есть и враждотворцы блажени. Лествичник пишет: два некая совещастася к единой блуднице идти; от благоразумнейших же третий между ними ложь внесе, единому сказа: хощет тебя товарищ у блудницы погубити, а другому также: пришед блудя хотят тебя погубити, и она наречие к ним послала, чтобы не ходили, и раззорися блуд, бесовское дело. Сего ради блажен еси враждотворец. Се бо есть премудрость Божия хотящим спастися, а не без ума мир и любовь и милость творити, по язычески на вред души и бесом на радость.

Сущее. Кажай злыя приемлет себе бесчестие, обличаяй нечестивого поречет себе: обличение бо нечестивому мозолие ему есть (ст. 7).

Толк. Беги от еретика; обесчестя поречешь себя, сиречь душу свою извредишь: его не исправишь, а себе язвы приимешь. В еретиках жестоки нравы и неизвратны на благое; зудит его слово-то правое, яко мозоль.

Сущее. Не обличай злых, да не возненавидит тебе; обличай премудра и возлюбит тя (ст. 8).

Толк. И паки реку: беги от еретика и не говори ему ничего о правоверии; токмо плюй на него. Аще он когда и мягко с тобою говорит; отклоняйся его, понеже ловит тебя, да же наведет беду душевную и телесную. Но с премудрым советы сердечные рассуждай.

Сущее. Дай премудрому вину и премудрее будет; сказай праведному и приложи приимати (ст. 9).

Толк. Виждь разума пророча: не велит богоотступникам еретикам о тайнах церковных ничего говорить, – не послушают, токмо наругают. И Господь в Евангелии рече: не пометайте бисер ваших пред свиниями. И паки рек: не дадите святая псам. Ей, собаки и свиньи хуже еретик. Слово правое и истинное уничижает и хулит, а свою блядь утверждает. Отступи от него; взыщи християнина, который старых святых книг не уничижает, и с ним беседуй, рассуждая премудрость, писанную во святых старопечатных книгах: и приложит приимати. Так обоим добро будет от Христа Бога.

Сущее. Зачало премудрости страх Господень (ст. 10).

Толк. Разумей, слышателю, всему глава: Бога бойся, и вставая и ложася трепещи, на уме держи Его – Света. Как станешь Бога бояться, так все будешь разуметь, и без книг премудр будешь. Древние мужи не пи́сьмены, но от твари поразумеша Бога прежде закона, но малии. И виде Бог, яко не мнози познавают Его, предаде Моисейский писанный закон; та же Евангельский. И бысть, по писанию, число спасаемых яко песка морского: понеже писание тонкость жития человеча изъявляет и поощряет на бодрость. Сего ради добро писанию прилежати, по вышереченному: дай премудру вину и премудрее будет. А кроме писания всяко заблудит и от правого развратится наветом сатаны, аще и рекл: без книг премудр будеши. Сие советую ти о страсе Божии. Всему начало – боятися Бога. Бога бояйся всему благому прилежит, имея премудрость, внутрь страх Господень, и писанию прилежит, научаяся закона, и делом касается трезвым рассуждением, по Апостолу: добро бо есть благодатию извещевати и утверждати сердца а не брашны. Понеже объястливый тяжек на вся благая; подвигу прилежати тонкими чувствы полезно: тогда совесть легка и восперена; а объядение и многосоние – пакость добродетелем и зело неполезна.

Сущее. И совет святых разум; а еже разумети закон помысла есть блага (ст. 10).

Толк. Слыши, очищенным смыслом прилежати закону, а не семо и овамо вертятся; но всегда трезветися подобает; не от единого брашна, но и всех похотей отслоняйся, кроме нужных: тогда яко свет разум твой будет.

Сущее. Сим бо образом много поживеши лет и приложатися лета животу (ст. 11).

Толк. Многолетие жития грядущего века глаголет и приложение живота почесть глаголет, сиречь воздаяние вечных благ о Христе Исусе Господе нашем. Ему же слава со Отцем и со Святым Духом ныне и присно и во веки веком. Аминь¹⁵.

… миленькой на все стороны, никто его не победит, силен словом и делом пред Богом и всеми людьми. О, миленькая ты правда! Надобна ты мне, бедному горюну.

Сущее. Поострит же напраснен гнев вооружено и споборет с ним мир на безумныя (ст. 20).

Толк. Гневлив праведник на неправду и зело не терпит видети и слышати ее; разжигаются остротою на неправду, ни мало не молча обличают и изгоняют от безумных человек дерзновением своим и ревностию, яже по Христе.

Сущее. И пойдут праволучне стрелы молненны, яко от благокругла лука облачна на намерение летят и от пращ каменных ярости исполнь (ст. 21:22).

Толк. Виждь, праведники-те как ходят, – яко стрела из лука летит, или пращ каменной, ярости исполнь, убивая диявола и козни его. Яко Давид Голиафа камением из ременя ушиб, тако и праведник гордого диявола и сосуд его, сиречь лукавых человек, ревностию по Христе шествуя, яко стрела на намерение ее, убивает в них лукавую и всякую кознь; да и в будущем он же полетит, яко стрела, молниеносен по облаком на встретение небесного царя Христа.

Сущее. Падут грады, вознегодует на них вода морская, реки же потекут жесточае (ст. 22).

Толк. Глаголет: падут грады – от Бога отступят люди; а вознегодует вода морская – грешные праведных изгоняют; реки же потекут жесточае, – еже есть праведники пуще их воровство обличают; грешники праведников мучат, а они больши их обличают, не молчат небось, стреляют их праведными словесы своими метко; не обмишулится праведник-от, – уж как пустит слово-то свое о Христе на собаку на никониянина, тотчас неправду-ту еретике заколет.

Сущее. Сопротив станет им дух силы и яко вихор рассеет я, и опустит всю землю беззаконие, и злодеяние превратит престолы сильных (ст. 23:24).

Толк. Сопротив станет Христос с праведными на воротех. Он им, надежда, силу-ту подает; а то бы беззаконники-те тотчас праведников-тех перевертели; да Христос воли-то и им вовсе не дает. Утешает своих-тех Владыка бедненьких всяко. Собаки-те отгрызут нашему брату бедному руку, или язык, или иную кую пакость сотворят, а Христос и исцелит; а ворам-тем горько, да не знают, как извести праведника-того. А которого Христос изволит венчать и к себе взять, и отдаст его им делателям спасения нашего, так они, что волки, с сердца-того в клочье изорвут раба-того Христова, изжегше и кости-те иссекут бердышами, да и опять дров навалят. Да потом, собрався, на радостях пировать станут: перевели обличителя, не мешает-тот! Слава богу седмиглавому, помог милостию своею, из бездны пришед, раба Христова скончать! Да сядет диавол-от посреде их на пиру-том с ними же, научает еще на иного Христова раба. А Христос терпит, свет, – попускает им, да же соберет своих повсюду, яко кокош под крыле птенцы своя. И егда совершится тайна писанная, тогда яко вихорь развеет я, беззаконников, и пусту всю землю сотворит, и злодейство их переменит и престол их и все под гору пойдет, по видению Ивана Богослова, глава 18, егда виде ангел сходящ с небесе, имущ область велию, и земля просветися от славы его и возопи в крепости гласом велиим, глаголя: паде, паде Вавилон великий! И бысть жилище бесом и хранитель духу нечистому всякому и хранилище всех птиц нечистых, и ненавидимому: яко от вина ярости и любодеяния ее напои вся языки, и цари земстии с нею любы деяша, и купцы земстии от силы ища ее работаша. И прочая поряду чти в Апокалипсисе, что жене той пьяной воздаст Бог за игрушки-те нынешние. Жена – град есть великий, Богослову ангел сказал и протолковал в 14 главе. Нашто лучше толку сего ангельского!

Сущее. Слышите убо, царие, и разумейте и накажитеся судия концем земли, внушите содержащии множество и гордящиеся о народех язык, яко дана бысть от Господа держава вам и сила от Вышнего (гл. 6, ст. 7 1–3).

Толк. Слышите, царие, и князи и судии земстии, и внушите, накажитеся…

Раб и посланник Исус Христов, волею Божиею, и узник о Господе, старой грешник, протопоп Аввакум Петров брату имяреку, еже о Христе с братиею, радоватися вам, другом моим, и здравствовати о Спасе, Бозе и Господе нашем Исусе Христе. Молю вы, чада церковная, и коленом вашим касаюся: аще обретох пред вами благодать, поминайте мя в молитвах своих, да дастмися слово проглаголати устом моим на сопротивныя Божия и отступники старого нашего правословия, мнимые християне, но бесове суть, – никониянский род заблудший. Зело бо огорчиша церковь Божию и общую матерь нашу догматы незаконными: вся бо от века ереси внесоша в ню, о нихже ми не достанет лето повествующу. Закалают бо агнец неправедный, еже действо льсти литоргейное; отнюдь бо православному християнину их служения не подобает причащатися: суетно бо кадило и мерзко приношение, понеже бесом жрут никонияня, а не Богови. Страшно бо некое чаяние суда и огня ревность поясти хощет сопротивные. Писано бо есть: отвергся кто закона Моисеева, без милосердия умирает при двою или триех свидетелех: колицей же мнится сподобитися муце горшей Сына Божия поправый и кровь заветную скверну возмнев, в нейже освятися, и дух благодати укорив? Вем бо рекшего: мне отмщение, аз воздам, глаголет Господь; страшно есть впасти в руце Бога жива. Заблудиша никонияня, от чрева глаголаша лжу, ярость их о подобию змиину. Едино смышляют о правоверных: како убиют и погубят, не да спасут и к Богу приведут. Но сами в пагубу грядут и повинующихся им за собою же ведут, и вси в челюсти адовы стремглав поступают, льстящеся и блазняще друг друга на горшая. Отвергли никонияне вечную правду церковную, не восхотели пятию персты, по преданию святых отец, креститися, но некако странно тремя персты запечатлешася антихристовою, в нейже тайна тайнам бе: змий, зверь и лжепророк. Всяк, тремя персты знаменаяся, не может разумети истины, омрачает бо у такового дух противный ум и сердце его. Подобает бо християнину зело к сему опасну быти и о сем пещися, день и нощь в молитвах и умилениях пребывающи, да не преткнет, яко о камень, ногу свою, и неведением погубит единородную душу свою. Велия бо язва и неисцельна от трех перстов бывает души: лучше бо человеку не родитися, нежели тремя персты знаменатися. Да и прочих удалятися подобает преданий еретических.

Понеже и крещение еретическое несть крещение, но осквернение. Аще никонияня крестят детей, подобает после их православному попу сызнова молитвы вся говорить, а не отрицать паки, ниже второе погружать, но токмо, поставя купель и молитвы проговоря, маслом помазать и миром, и около купели обойти, по преданию. Есть бо сицева правила, – повелевают и простолюдину крестити по нужди, и простому иноку: «аще простый инок или постолюдин крестит по нужде болящего, и умрет крещенный, благодать такового совершит, и будет крещен; аще ли оздравеет, да несут его в церковь, и довершит его священник, поставя в купель, и молитвы вся глаголет и прочая по вышереченному». Виждь, велено и простолюдину крестить по нужди: кольми же ныне з нужди наша нужда. Судихом бо и повелеваем о Святем Дусе самем православным крестити и молитвы говорить, а ко отступникам осквернятися не ити. Есть и се писано: лучше не помолитися, нежели зле помолитеся, умереть не причастяся, нежели скверного агнца приобщитися. И аще от православного попа получишь истинного таинства, сам ся причасти. Есть бо Григория Богослова правила, повелевает самому ся причастить, с правилом келейным, оплакав грехи своя. Причащаетжеся и жена и отроча само своима рукама, а не друг друга, – разве младенца отец да причастит. Еще же в домах случается осквернятися сосудом чистым: мирянин же, имея от попа православна воду святую, с молитвою вливает во оскверненное судно, сотворив кадильницею каждение и 17 поклонов; такожде и брашну да творит. Егда изблюет от объядения и пианства, и творит месяц по 17 поклонов на день; аще от немощи изблюет, – токмо един день, или два, не целует креста и икон, и поклонов 17.

Верну убо сущу не подобает колебатися и влаятися умом, но преданная от отец крепце и известне держати. «Якоже прияхом, креститися и благословляти, в деснице слагая пять перстов: великий и мизинец со средним сложити концы вкупе, – являют триипостасное Божество Отца и Сына и Святого Духа; указательный же и великосредний, и един мало наклонити, – являют смотрение Христово, Божество и человечество; таже на главу возложити являет: ум нерожденный Отец роди Сына прежде век вечных; таже на пуп положити являет сошествие Его во утробу девичу; таже на десное плечо – являет вознесение; и со Отцем седение, и праведных одесную стояние; таже положити на левое плечо – являет грешных осуждение и вечное мучение; посем поклонится на землю – являет Адамово падение; таже восклонитися – являет паки восстание Христовым смотрением, сиречь вочеловечением и воскресением. Сице повелеша персты слагати первые пастыри, святые отцы и учители наши: Мелетий антиохийский, и Феодорит блаженный, киринейский (sic) епископ, и Петр Дамаскин и Максим Грек; еще же и бывый на Москве поместный собор, при царе Иванне, также повелевает креститися и благословляти по вышеписанному. Тамо, при царе Иванне, на соборе Быша знаменосцы русские, наши святые: Гурий смоленский и Варсанофий тверский, иже Быша казанские чудотворцы, и Филипп соловецкий игумен, иже бысть митрополит в Москве граде: писано сие в Стоглаве царя Иванна. А еже креститися тремя персты, – большим и указательным, и великосредним, – се бо есть древнего Фармоса и отступника папы римского мудрование его со диаволом: он тремя персты крестился и людей благословлял. И по нем бывый седмый папа Стефан, ревнуя по благочестии, выкопав его, Фармоса, поругал: повеле перст един отсещи и вергнути на землю, – и раступися земля, и бысть пропасть велия; таже повеле и другий отсещи и ввергнуть, – и изыде огнь из бездны; таже и третий, – и бысть смрад лют во граде. Он же повеле и тело Фармосово повергнути в Тивер-реку, и, сложа персты своей руки по преданию, место благословил, и бысть земля по-прежнему. Писано в Летописце сие, и в Книге о вере помянуто, лист 160. Еще же и гречанам слабым и безумным и похотолюбцам предал вор безъимянной иподьякон, ему же и имени несть, годов с 70-т, еже написал им креститися тремя же персты, в тройцу пребеззаконную, о нейже свидетельствует Иоанн Богослов в Апокалипсисе: змий, зверь, лживый пророк, сиречь: змий – диявол, а зверь – антихрист и царь лукавый, а лживый пророк – учитель лукавый, как и Никон отступник, или древний Фармос папа. Сию троицу исповедуют в трех перстах греки и наша Русь бедная. А благословляют некако странно, пятию персты, развращенно, по преданию врага и адова пса, Малаксы протопопа. Обе тайны пребеззаконны, – и три персты и пять перстов противны святых отец преданию»¹⁷, – крестяся не исповедуют вочеловечение Христово, а благословляя и все триипостасное Божество отмещут. По Ипполиту и по Ефрему Сирину, скверный и мерзский образ на чела возлагают: скверный – три перста, а мерзский пять перстов, – слогом молыть, печать антихристова на главе стала, и на брюхе, и на плечах, и у запечатлевшегося бывает ум темен и мрачен, не разумевает таковый истины церковной, омрачася, зле погибает. Того ради блюдитеся, правоверные, сея скверные печати, да не со дияволом осуждени будете в тартаре преглубоком. А иже неведением впал в сию проклятую никонианскую ересь, или страха ради и мук бояся: таковый да кается пред Богом, плачася падения своего, и впредь да опасается от триперстные ереси, и наше благословение на таковом буди во веки, и в будущем веце часть наша с таковым будет равна у Христа Сына Божия – света. И аще кто любит сию триперстную ересь и всем сердцем прилежит к ней, жив уловлен во дияволю волю, а отстать и покаятися не ищет и не хочет: таковый седмию вселенскими соборы и мною грешным да будет проклят, правоверных же да помилует Господь Бог и спасет, яко благ и человеколюбец. А треперстная блядь, еже сице слагают, явна бе во Апокалипсисе: из нее бо исходят три духи нечисты и вселяются в поганую душу, – преводне рещи – три жабы, или три лягуши, и оскверняют человека. Всяк бо, крестяся тремя персты, кланяется первому зверю – папежу и второму – русскому, творя их волю, а не Божию; или рещи: кланяется и жертвует душею тайно антихристу и самому дияволу. В нейже бе, щепоти, тайна тайнам сокровенная: змий, зверь и лжепророк, сиречь: змий – диявол, а зверь – царь лукавый, а лжепророк – папеж римский и прочие подобни им. Да полно о том беседовать: возьми их черт! Христу и нам они не надобны.

Несть во иудеех ни жертвы, ни приношения, ни кадила, ни места, еже пожрети Богу живу (Маргар.); аще ныне где и жрут иудеи, – не Богу, но дияволу. Тако и ты, Никон, с выблятками своими, не святей Троице, но скверной троице: змию, и зверю, и лживу пророку. Несть ваша чиста и свята жертва, несть; но скверна и прескверна и противна. Веси ли, чему подобен агнец вашея жертвы? Разумей, яже глаголю: подобен есть псу мертву и повержену на стогнах града, а и храм вашего священия подобен разбойничу вертепу. Не подобает тамо правоверному християнину ни на праг храма вашего воступити, идеже Отец ругаем, и Сын хулим бывает, и Дух Святый, Господь истинный и животворящий, отметаем есть; не подобает никакоже самовольне себе в пропасть сию ринути и в стремнину пометатися. А в крещенских молитвах написали: молимся тебе, Господи, душе лукавый, яко помрачение помыслов наводяй. Во-то, – тута черта господом называют, и молятся ему за то, что омрачает помыслы! А ничто так, яко тремя персты кто прекрестится, тотчас омрачит ум диявол; а как причастится их жертвы, – только и житья тому человеку! Умер бедный! Здесь у меня учинился сын духовный, простая чад, и после меня к никониянину ходил и причастился, да и с ума сошел и изумлен бедной стал; а исправиться не может. Таково-то-су их причастие-то емко, – что мышьяк, или сулема, во вся кости и мозги пробежит скоро, до членов же и мозгов и до самыя души лукавой промчит: отдыхай-петь после в геенне огненней и в пламени горящем стони, яко Каин, необратной грешник! Праведный же от веры жив будет; понеже без правыя невозможно угодити Богу. Принудят никонияня тремя персты прекреститися, да и отпустят, а сами смеются: то-де уже наш! Пуще разбойника заколют человека, не внимающего о души – вещи бессмертней. Понеже, егда православного обыдут, зело нудят ко причастию; а егда причастится, тогда и ума милой отбудет. Ей, не лгу; право! Сына моего духовного Григория Попенко застрашил муками и причастил, и он, бедный, после причастия возбесился, да и задавили его до смерти беси. Такова-то никониянская жертва – есмирнисмено вино, сиречь и горька и кисла гораздо! Освящайся, христианин, во ад преисподней со всем к черту, и с душою и с телом! Того для Никон так устроил, понеже любимой антихристов предотеча; а по нем и прочие увязоша в сети сей смертней, – вси грядут в пагубу, идеже вертепы и примрачная жилища, идеже несть Бога, ни света, но тма дияволя. Не я, но тако глаголет Дух Святый. Умилися над душею своею, Господа ради, не знаменуйся тремя персты, – первым, и указательным, и великосредним: дурно и зело души не удобно; понеже мраковидный дух ум крестящихся тремя персты омрачает; сих имена не написаны в книгах животных. Иже аще кто кланяется зверю и иконе его, и приемлет начертание на челе своем, или на руце своей: и той имать пити от вина ярости Божия, чвана нерастворена в чаши гнева его, и будет мучен огнем и жупелом пред ангелы святыми и пред агнцем. И дым мучения их во веки веком восходит, и не имут покоя день и нощь поклоняющиеся зверю и образу его, и приемлющие начертание образа его. Добро те сделали, кои в огне-т забежали. Мы же рассуждали между собою: кажется, не худо они сделали, да не осквернят риз своих, еже есть святого крещения, и в огонь себе ринули и в воды, якоже и оныя жены от варварских рук в воды. Благословен буди о них Господи! Вечная им память! А иные ревнители закона, уразумевше лесть отступления, да не погибнут зле духом своим, собирающиеся во дворы с женами и с детьми, и сожигахуся огнем своею волею: блажен извол сей о Господе. А в Нижнем преславно бысть: овых еретики пожигают, а иные, распальшеся любовию и плакав о правоверии, не дождався еретического осуждения, сами во огнь дерзнувше, да цело и непорочно соблюдут правоверие, и сожегше своя телеса, душа же в руце Божии предаша. Ликовствуют со Христом во веки веком самовольные мученики и Христовы рабы, – вечная им память во веки веком! Добро дело содеяли, чадо; надобно так, – рассуждали между собою и блажим кончину их, аминь¹⁸.

Наипаче же в нынешнее время в нашей Руси в огонь идут от скорби великия, ревнуя по благочестию, якоже древле апостоли. Не жалеют себя; но Христа ради и Богородицы на смерть идут, да вечно живи будут. А иже сами ся сожигают, храня цело благочестие, тому же прилично, яко и с поста умирают, – добре творят. Знал я некоего Доментияна священника: прост был человек, но вера тепла и несумненна, а конец пускай добре сотворил: отступников утекая, сожегся. Брате, брате! Дорогое дело, что в огонь посадят! Помнишь ли, в Нижегородских-тех пределах, где я родяся живал, тысящи с две и сами миленькие от лукавых-тех духов забежали в огонь? Да разумно они сделали, тепло себе обрели: сим искушением тамошнего искушения утекли. Да не всем же то так. Званный на пир ходит. А ты, любезный мой, поплачь преже, ныне живучи, да и меня поминай в молитвах своих, да нарядяся хорошенько в одежду брачную, яко мученик Филипп, медведю в глаза, зашедши, плюнь, да изгрызет, яко мяконький пирожок. Ну, а то – слава страстем твоим, Господи!

Григорию Неронову писал: лучше во огни сгори, или в воде утони, неже по новым Служебником причащайся, служа, и прочая. Святая мученица Соломия¹⁹, после мучения детей своих, не дождавшися рук человеческих нападения, помолившися Богу, и в разжегшуюся сковраду себе вверже, и тако Богу дух свой предаде. В книге Максима Грека писано. И седьмый сын меньший во огнь себя рину. Мар. 22. При Трояне царе, виде дщи царева, яко кождо от христиан, веры ради и любве Христовы, вревают сами в себя в пещь.

Окт. 4. О Домнине мученице со дщерьми ее: утаишася от воин, ядущим им хлеб, и, молитвы сотворше, наскоре внидоша в реку; тамо и оставиша себе, вдашася струям водным, и тако скончашася, рассудивше же, яко любве ради Христовы лучше есть водою утопитися, нежели беззаконным в руце вдатся.

Зерцало Великое, глава 21. О жене, яже не восхоте ложа осквернити, сама ся зареза, при царе Максентии; имя ей Софрония, старосты римского жена. Рязанская княгиня со младенцем с высокой храмины бросилася, тако и скончася, не восхоте нечестивому царю Батыю предатися.

Ноябрь 13. Святыя мученицы Манефы девицы: мучена же бысть, и по многих муках освобождена бысть; последи же в разженную пещь сама вниде в ню, тако и скончася. В житии Арефы мученика пишет: жену некую мучаше нечестивый царь, а младенца ее вдаде болярину на воспитание; и ведяше его за руку болярин, и узре на пути матерь мучиму, отторжеся из рук, и убежа к матери во огнь; тако и скончася мученик Христов. Воистину ничтоже несумненныя веры крепчайше. Верою возможе Авель и одоле терпением лукавого брата своего Каина, и свидетельствован Богом, якоже и Бытия свидетельствуют о сем. Верою Енох преставлен бысть, и не виде смерти, Дóндеже Господь паки представит его со Илиею обличити лютого врага и зверя последнего, антихриста; он же убиет их и повержет телеса их на стогнах града пред всеми людьми, и лежав мертвы три дни и пол, оживут паки и взыдут на небеса. Пришествие их будет плотию, не духом, якоже, соблазнившеся, неции мудрствуют неправедно, – глаголют, порокам духом, а не плотию приити; и сие бо есть нечестиво, и противно писанию. Духа кто может убити, якоже и сам рече Господь: не убойтеся от убивающих тело, души же не могущих убити. Виждь, душа бессмертна; а пророков антихрист убиет, – не души но телеса их, якоже и вси богословцы учат. Исплюй ми, Трефилей, безумное мудрование свое, и аз с тобою же плюну на него, и веруй по писанию, а не по мраковидному видению своему. Обманул тебя бес, и научил писание уничижить: покайся о сем и веруй, по святому писанию, первому и второму Христову пришествию, якоже и символ веры учит нас, и глаголем всегда: и воскресшего в третий день по писаниих, и восшедшего на небеса, и седяща одесную Отца, и паки грядущего со славою судити живым и мертвым, егоже царствию несть конца. Сице веруй, и блажен будеши: понеже ничтоже несуменные и неблазненные веры крепчайше. Понеже слышал еси: верою возможе Авель и Енох, уничиженный тобою, и Ное сотвори ковчег во спасение всему миру, и Авраам, и Исаак, и Иаков, Моисей, и Аарон, и Самуил, – вси верою неблазненною угодиша Богу; еще же Мелхиседек и Иев, прежде закона и в законе праведницы, и вси пророцы вероваху Христову пришествию право. Здесь же, по благодати, апостоли – самовидцы и слуги Словеси воплощения, а все писанием учили, понеже отверзе им ум разумети писания, и рече им: яко тако писано есть, яко подобаше пострадати Христу и воскреснути от мертвых в третий день. И к народу писанием о себе свидетельствовал: Егда прииде в Назарет, идеже бе воспитан, и вниде по обычаю своему в сонмище в день субботный и воста чести, и даша ему книгу Исаия пророка; и разгнув книгу, обрете место, идеже бе написано: Дух Господень на мне, и прочая. И согнув книгу, отдав слузе, седе; и всем в сонмищи очи беху зряще нань. И начат глаголати к ним: яко днесь сбысться писание се во ушию вашею. И вси свидетельствоваху ему и дивляхуся о словесех благодати, исходящих из уст его. Смотри, Трефилей, как Христос учил; и ты также учи книжным разумом, и писанием свидетельствуй о истине, а не мраковидным видением. Так ты миро-т и весь с пути собьешь сим учением: я-де-су был на небе, мне показано, и ангел ко мне приходит всегда и возвещает Божие хотение! Я грешной, услышав сие, задумался: как, реку, он лазил на небо-то? Есть пишет, во Александрии, – ложь ли, правда ли? – О Александре Македонском, будто на двух зверях крылатых покушался на высоту взыти, изведать аер и небо, коль высоко, и убоявся сниде паки на землю. А Трефилей, как не испужался, – твердь пройде и достиг небо небес, ста у престола Царя славы и видев книги животные и в них написанные? И Авраам, реку, друг Божий, тому не сподобился. Да думаю, да думаю: уш-то, реку, он недолго был там! А как бы долго пробыл, так бы и всех людей перегадил! А чаю и так немало перемазал подобных себе. Муж был подвижник: всяк почает, правду говорит. Горе миру от соблазн; а тому и больше, имже соблазн приходит. Егда видение с писанием сходно, то разумеем, яко от Бога есть; егда же несогласно, то прелесть есть. У нас и у самех того много живет. Держатися подобает писанных. Есть иное и от Бога живет, и то бывает за малодушие мое. Я в то не уповаю; но верую по писаниих, а за то Богу поклоняюся, яко подтверждает мя. И то поразумев, егда сходно с писанием, и в себе измерю вину делу тому, коея ради вины случится вещь та бысть. И часто бывало, – во время прилежныя молитвы окружит мя дух, и распространится ум, и радости неизглаголанныя исполнится сердце, да и минется. И аз поклонюся; а опосле поразумею, ано моего ради малодушия се бысть, егда о чем опечалюся, или чрезмерно рассуждаю что, и Бог удержит мя от безумия моего. А егда что сблужу, тогда мне и наказание живет: дух томит мя, – еле отдохну. Ну, простите, полно того; помолитеся о мне, и Бог мира и любве да будет со всеми вами и нами и в бесконечные веки. Мир паки и благословение чтущим и послушающим. И старец Епифаний молит Бога о всех, таже благословение послав, челом бьет всем верным о Христе Иисусе. Аминь.

Возлюбленные мои, ихже аз воистину люблю, други мои о Господе, раби Бога Вышнего, светы мои! Имена ваши написаны на небесех. Еще ли живы, любящие Христа, истинного Сына Божия и Бога, еще ли дышите? Попустил им Христос, предал нас в руки враг. Ушто я, окаянной, достоин ранам сим. Жаль мне стада верных, влающихся и скитающихся в ветреном учении, во лжы человечестей, в коварстве льщения. Да что же делать? Токмо уповати на Бога, рекшего: не бойся малое Мое стадо, яко Отец Мой благоизволи дати вам царство. Не сегодня так учинилось кораблю Христову влаятися, еже есть святей церкви; но помяни, что Златоуст говорил: многи волны и люто потопление, но не боимся погрязновения, на камени бо стоим; аще каменю волны и приражаются, но в пены претворяются, каменя же вредити не может, еже есть Христа. Что же делать, братия моя любимая? Потерпим со Христом: слюбится нам, а оне постыдятся. Горе им бедным будет в день судный: судия бо близ, при дверех есть, сотворити кончину веку сему суетному. Горе тому, кто не внимает о прелести последних времен: зде есть терпение святых, иже соблюдают заповедь Божию и веру Исусову, якоже Лествичник Иван пишет: аще не вкусиши горчицы и опреснока, не можеши свободитися Фараона. Фараон – диявол, а горчицы – топоры и огнь и виселицы. А которые нас строят, на тех нечего гладеть: диявол тому виновен, а оне были братия наша. Станем, Бога ради, добре, станем мужески, не предадим благоверия! Аще яра зима, но сладок рай; аще и болезненно терпение, да блаженно восприятие. Отъята буди рука, да вечно ликовствует, такоже и нога, да во царствии веселится, еще же и глава, да венцы увяземся. Аще и все тело предадут огневи, и мы хлеб сладок Троице принесемся. Не убоимся, братие, от убивающих тело, души же не могущих убити; убоимся вторыя смерти, еже есть вечные муки! У братии моей, здеся со мною под спудом седящих, дважды языки резали и руки секли, а оне и паки говорят по-прежнему и языки таковые же выросли Божиею благодатию. Вот, не смеху ли достойно диявольский умысл, паче же слезам, – не о нас, но о режущих! Горе им, яко в путь Каинов ходиша и в лесть Валаамову предашася. Спаси их, Господи, имиже веси судьбами, не вмени им за озлобление наше, пречистый Владыка! Миленькие мои! Я сижу под спудом-тем засыпан, нет на мне ни нитки, токмо крест с гайтаном, да в руках четки, чем от бесов боронюся. Да что Бог пришлет, и я то съем; а коли нет, ино и так добро. О Христе Исусе питался наш брат, живой мертвец, воздыханием и слезами, донележе душа в теле; а егда разлучится, ино и так добр, жив-погребен. Воистину, и на свободе люди-те в нынешнее время равны с погребенными. Во всех концех ох, и рыдание, и плач, и жалость, наипачеже любящим Бога туга и навет сугубой, душевне и телесне. Увы! Камо ся дежем прежде суда-того осуждени и прежде мук утомлени вечных! Се ныне прибегаем во твое, Владычице, теплое заступление: предстани нам в помощь и не закосни, всегогосподствованная небесная Царице, госпоже Богомати! Видя, виждь озлобление людей сих, и умоли Сына своего – света, да избавит нас сугубых бед и напастей, еже есть в нынешнем житии и в будущем, Ему же слава со Отцем и со Святым Духом, ныне и присно и во веки веком, аминь.

Спаситеся, светы мои, от рода строптивого сего, и нас в молитвах своих поминайте; а мы о вас должны. Детей своих учите, Бога для, неослабно страху Божию; играть не велите. Ох, светы мои! Вся мимо идут, токмо душа вещь непременна. Стойте в вере Христа Спасителя нашего, не ослабевайте душами своими.

Молю убо вы аз, узник о Христе Исусе, не мудрствовати паче, еже подобает мудрствовати, но мудрствовати в целомудрии, по святому писанию. Слышахом бо, – мнози развратишася и поидоша во след сатаны: ови глаголют духом Бога познавати, кроме писания, иные же и писание толкуют зле, развратно и противно истине, взимаяся высокими умы, имже кончина погибель обоим. Не по писанию верующие еретицы суть, такоже и прелагатаи писания еретицы суть. Правоверные же почивают на отеческих догматах, да же с ними и милость Божию себе обрящет, – не прелагает святого писания, ниже верует не по писанию. А я, грешный, кроме писаного, не хощу собою затевать: как написано, так верую; идеже что святые написали, мне так и добро. Иное же уже, окаянной, рассмеются: как-то, реку, уже сатана-та надо мною не возится? Никонияня еретиком зовут, дети духовные еретиком зовут! Да тем, реку, ты меня бес не отлучишь от любви-той Христовы; аще Бог по мне, кто на ны? И тмы легионов бесов и злых человек со Христом Исусом не боюся, нежели злословия пустова сосудов бесовских. Время им лаять, а мне время терпеть за имя Господне, не умерше мучитися. Пускай мучат душу мою и тело. Яко во огне горю в бедах и напастях. Отвсюду вя текаются в мою душу. Яко вранове слетаются на мертвое тело и яко волцы на скот пораженный, или яко псы на стерво: тако и на мою грешную душу отвсюду рати и бури, отвсюду мятежи, отвсюду ухищрение, – жива мя поглотити диявол ищет. Многи волны и люто потопление; но не боюся погрязновения: на камени бо стою. Аще и приражаются каменю волны, но в пены претворяются, каменя же вредити не могут. Камень же бе Христос. А я за Него держуся, никого не боюся, – ни царя, ни князя, ни богата, ни сильна, ни диявола самого, но наступаю на змию и на скорпию и на всю силу вражию, по заповеди Христове, – Он мне приказал. Слушаю я Его, Христа Бога моего, и Пречистую Богородицу помощницу имею себе, и хранителя ангела моего и всех святых от века, аминь.

Никониянский дух самого антихриста дух. Паче прежних еретиков никонияня. Жаль их бедных: от гнева погибают. Побили наших о Христе пострадавших на виселицах и огнем пожгли, и в моем дому двоих повесили, и детей было приказали удавить, да не вем, как увертелись у виселицы. Чудно в новой-то их вере родилося. Помилуй их Христос бедных! Потеряли горюны Христа Бога, поработилися страстем сего века: ждет их Христос ко обращению, да не образумятся бедные никонияне. Да как хотят! Мы чисты от них, – говорили мы им по своей силе; затем умру о Христе Сыне Божии. Не дорожи мне сим веком: не имам зде града, но грядущего взыскуем…²¹

Якоже алчуще желаем ясти и жаждуще желаем пити, тако и душа желает слышати слово Божие. Всегда поучатися благим должны есмы, братие; наипачеже в нынешнее время многомятежное. Блюдитеся, Господа ради, молю вы, никониян еретиков, новых жидов: окрадывают простых душа словесы маслеными, плод же их горести и червия. Лучше прияти чувственного змия и василиска в дом, нежели никониянская вера и учение: зело бо суть пагубно и вечной муце предательно. Чревие всаждают в сердце слышащих. Я про них, знаючи, говорю: с ними взрос и состарелся, беспрестани лет сполтретьятцать делают на хребте моем, яко любодейству их не молчу: обратитеся в веру отец своих! Помрачишася, заблудиша от пути истины; покайтеся, приближибося царство небесное! Оне же излиха вопияху на мя: раскольщик нашего предания! И я к ним: ей, воистину так: аще и умру, обличитель вам буду всегда, враги Божии, крестопопиратели и отступники! Оне же, – не имут что отвечати ми, вяжут, да куют меня. Но слово Божие не вяжется, со Апостолом зову: сего ради вся терплю избранных ради, да и тии спасение улучат, еже о Христе Исусе со славою вечною. Молитеся, молитеся Богу о мне; а я должен поминати вас пред Господом. Паки и паки мир вам и благословение. Блюдитеся от злых делателей, не принимайте в дом свой никониян-собак. Вонми, – по человеку реку. Аще кто друг будет цареву врагу, како может царь того любити? Никакоже; и боляря не станут любить. Такоже и Божию врагу кто друг будет, како Бог его возлюбит? Никакоже; но и ангелом ненавидим и святым мерзок таковый. Разумей яже глаголю: даст бо тебе Господь разум о всем. А что много говорить? – не водись с никонияны, не водись с еретиками: враги оне Богу и мучители християнам, кровососы, душегубцы! А с ними ли радуешися овча Христовы ограды? С волками кто видал, агнцы коли водворяются во един овчарник? И на поле от волка бегают овцы, а в одном хлеве и один волчище сотню ягнят передавит. А ты только сам забредешь в их волчью пещеру, идеже жилище бесом, сиречь в никониянскую церковь, как не пропал? И играючи волчата задавят. Никонияня так-то христиан губят, – обманут его бедного, или страхом привлекут в веру свою, да петь его давят, научают роскошному житию и астролог прочитать – богоотступное дело, беги небесные читать.

* * *

Отцам в Поморье пишет

Четвероконечная колесница огненного течения, ревнители Ильины, нравы подобящеся Крестителю, правыми стопами последовасте Христу: Саватие и Евфимий, Тимофей с Авксентием, молите Бога о нас грешных! Вы постигосте верси горам, а мы получихом верси бедам; вы взыдосте на бесстрастие, а мы погрязохом во глубине страстей; вы со ангелы беседовасте, а мы по человеку бравшеся, яко с бесы; вы зряще к небеси, а мы влекущеся долу. Но надеющеся на ваши отеческие молитвы дерзаем со еретики братися до смерти по матери нашей, Святой Божией церкви. Аще Бог по нас, кто на ны? Со Христом и большому-тому волку, хохлатой-той собаке, глаз вырву, нежели щенятам. Молитеся только вы о нас крепко и неослабно, Господа ради, отцы святые. Мне ведь неколи плакать: всегда играю со человеки, таже со страстьми и похотьми бьюся окаянный. Ведаете и сами: беседы злы тлят обычаи благи. В нощи что пособеру, а в день и рассыплю, – волен Бог, да и вы со мною. Бью челом вам невсклонно: не презирайте бедную мою и злосмрадную душу; молитеся, молитеся о грешнем Аввакуме протопопе. Старец Епифаний, мир дав, благословения вашего отеческого просит. Еще же коленам вашим касаюся: поминайте в молитвах жену мою бедную и дети, и о всем домишке молите Христа моего и Содетеля всех Бога, да приимите от Него себе славы неувядаемый венец. Паки и паки миром Господу помолимся. Господи помилуй! Ну, простите; полно говорить: вы молчите, ино и я с вами престану говорить. Мир вам и благословение. Пришлите-тко мне гостинец какой-нибудь: или ложку, или ставец, или ино что. Али и у самих ничего нет, бедные батюшки мои? Ну, терпите Христа ради! Ладно так. Я ведь богат: рыбы и молока много у меня, Христовою благодатию и Пречистой Богородицы милостию и всех святых молитвами. Аминь.

Древо жизни и бессмертия, древо разума, древо трилюбезно, нетленно и неизнуряемо, крест трисоставный, честное древо: Троицы бо носит трисоставныя образ.

За молитв святых отец наших Господи Исусе Христе Сыне Божий помилуй нас.

Чадо Борисе! Бог простит тя в сий век и в будущий, и да неосужденна тя предстати сподобит на страшнем суде Христос Бог наш, сый благословен во веки, аминь.

Воспросил мя еси о пении церковном и о келейном правиле. Да веси, брате, устав во церкви от святых отец со Святым Духом устроен. Кто мы хощем быть разумнее Параклита? Предлагаем по своему чину! Как напечатано, так и творить подобает. Не предлагаем пределы, иже отцы положиша. А ты мне возвестил еси странно: среди заутрени у вас бывает самочинение, а не по преданию бывают поклоны. Правду те глаголют, которые поют рядом заутреню и до отпусту не рассекая, или церковным чином, или вервицы молитвами исполняя. А поклоны между вечерни и заутрени. Нощию правило келейное. Отцы узаконоположиша кто сколько может, – или поклонов 300, или 600, или 1000, с нимиже Исусовы молитвы или 600 и седьмое Богородице, или вдвое, или втрое, как кто хощет и может. А церковного правила пения отнюдь не поколебати.

Хощеши ли слушати, как у меня бывало? Внимай-жо, – я тебе стану вякать. Да не сам собою изволил, но от отец искусных навыче.

Егда вечерню с повечернею отпою, после ужины правило начну: повечерницу, 14 канонов Исусу и акафист с кондаки и икосы: Воду прошед, и ангелу, и тропари канонов и молитвы; таже Достойно, трисвятое и Нескверную, и еще трисвятое, и Даждь нам, и рядом Боже вечный и все молитвы спальные, и отпуст, и Ослаби, остави вместо прощения, и Ненавидящих; таже 50 поклонов за живые и за мертвые. Благословлю, да и распущу черемош. Паки начинаю начало правилу поклонному: Боже очисти мя и молитвы; и проговоря Верую, и огонь погасим, да и я, и жена, и иные охотники ну-же пред Христом кланяться в потемках-тех: я 300 поклонов, 600 молитв Исусовых, да сто Богородице, а жена 200 поклонов, да 400 молитв, понеже робятка у нее пищат…²⁴ Довершим правило, прощение проговоря, да и спать взвалюсь, – один я спал. Когда обедню пою, тогда опасно сплю: сам добуду огня, да книгу чту. Егда время приспеет заутрени, не спрашиваю пономаря, сам пошел благовестить. Пономарь прибежит. Отдав колокол, пошед в церковь, и начну полуношницу: докамест сходятся крылошаня, а я и проговорю в те поры. Прощаются, – ино Бог простит; а которой дуруют, тот на цепь добро-пожаловать: не радувай уса-того у меня. Таже заутреня на всяк день, с кажением по чину, и чтение 4 статей, а в воскресный день 6 статей: по данной мне благодати толкую, чтучи. В рядовые дни заутреня 4 часа, а в поли(еле)он 5 часов, а в воскресенье всенощное 10 часов. После заутрени причастное правило час говорю сам; а церковное пение сам же и чту и пою, – единогласно и на речь пою, против печати слово в слово: крюки-те в переводах-тех мне не дороги и ненайки-те песянные не надобе-ж. И отпев обедню, час поучение чту. И после обеда 2 часа усну, и встав, книги до вечерни чту, сидя один. А обедню, прости, плачучи служу, всякую речь в молитвах разумно говорил, а иную молитву и дважды проговорю, не спешил из церкви бежать, – после всех волокусь. И болящих маслом соборовал, – единогласно же пел; и мертвых погребал, – единогласно же пел; и келейное и церковное все единогласно ж правило было у меня; и в пути едучи и пеш идучи, – единогласно все. Да не собою я затеял так. Видев в писании, со отцы трудилися так: епископ Павел коломенский, Даниил протопоп костромской, священномученик же, Михайло священномученик, Гавриил священномученник же, архимандрит Тихон печеркий, архимандрит суздальский Иосиф за Волгою в пустыни с сим пением и скончался; так протопоп Конон нижегородский, Логин протопоп муромский, мученик и поборник велий, Марфа игумения на Везниках, – на речь и единогласно пение бысть у нее. Не по Игнатьеву жила: странным и мимоходящим ноги умывала сама и со Анною леженкою добре скончашася. И Андреян архимандрит троицкой, добро же житие проходил, а пел единогласно ж. Да и много бысть добрых людей: все блажиша и хвалиша пение единогласное и наречное. Многие с перевода ветхого, по немже аз певал, списывали; а я и без перевода, Богу помогающу, по печати пою, да и крюков-тех не изгублю, ненайки лише не пою. А как один молюсь, так и не говорю: един Бог знает, как делаю: нельзя сказать. Ну, Борис, полно ли ковырять-того? Али еще слушать хошь? А то как в правду-ту молиться, зажмурь глаза-те, да ум-от сквозь воздух и твердь и ефир отпусти к Надеже-тому и престолу Его, а сам ударься о землю, да лежи и не вставай плачучи: уж-жо ум-от Христа-того притащит с неба-того, как оскорбишь гораздо сердце-то. А то влагодящее сердце, – какому пришествию Духа быть? Да еще к тому Игнатей бывшей братью-де драз(нит) нароком и по печати говорит: преславенная денесе. Ох! Ох! Не глаголю беснуется, но помрачение ума. Кому то досадит, мещущи выспрь камение? Себе; ему на главу оный камень с высоты падет. Добро, братие, совет и любовь; а идеже поперечина, тамо не подобает и ходить и тлить душа своя. Аще бы чья и немощь в чем, ино бы тож не так, но прощением и покорением, да всяко бы не оставил Бог за молитв братских смиренного. А то бесом сделается чернец: и играет, ругаяся, страшным и неизреченным таинством. Увы! Что бысть при Евфимии Великом Климатию? Чтый-ругаяйся да разумеет сие. Ну, Борисушко и прочие раби Бога Вышнего! Простите меня в слове и в деле и помышлении, а вас Бог простит и благословит! Целую всех о Господе Бозе моем. А поп-от Борис суматоха, мне кажется, – да служил по-новому и остригшися отрекся мира и священства, и паки тоже творит, – все ни-та ни-ся. О новослужении-том бы каялся, а не стригся бы. Волен Бог, да вы: буде каялся о службе-той, и вы по нужде малые потребы исполняйте им, – молитвы и прочая; а причащаться не подобает ему (и) обеден служить только. Прости и молися о мне.

Отцу Досифею мир и благословение. Спаси Бог тебе за добронравие твое. Пад, подстилаю главу свою и благословения прошу: моли Бога о мне грешнем. А твою любовь да помянет Господь Бог во царствии своем всегда и ныне и присно и во веки веком.

Досифей, а Досифей! Поворчи, брате, на Олену-ту старицу: за что она Ксенью-ту бедную, Анисьину сестру, изгоняет? Досифей! А за что-петь ее и с мужем-тем разводит, коли оне молитвилися? Апостол велит посягати младым вдовам, нежели разжизатися. Елена-дурка! На что ты ее в приказах-тех и в монастырях-тех озлобляла и робеночка-де маленько не уморила?

Меланья! Слушай-ко ты, и я со духом твоим, – смири бесчинницу-ту, – на что она над крестьяны играет? Ну как бы робенка-того уморили? Так убийство стало; а убийце 7 лет епитимии. Ну, Оленушка-сестрица, вот тебе от нас с Меланьею пирожок, – кушай на здоровье: седмь лет держи епитемию, 3 годы не сообщайся с верными, 2 лета плачь с припадающими, в притворе стоя, 2 лета в церкви да пребудеши без причащения, свещи и просвиры да не приемлет священник во олтарь от руку твоею, еюже убийство сотвори; чрез день, кроме субботы и недели, сухо да яждь; по тысяще на всяк день метания твори пред Господем; на всяк день в вечер 3 поклона, в келье окормительницы Меланьи пришед, до земли, сице глаголя: прости мя, мати моя, се аз окаянная жену с мужем разлучила и убийство сотвори, – увы мне дщери Каинове и Ламехове! И, возвратяся в келию свою, сице рцы: Боже за молитв святыя Меланьи, матери моея, отпусти ми согрешения моя! Ну, чадо, тружайся, да и о мне грешнем Бога моли. И отец Епифаний молитвами помогает ти.

Слушай-ко, игумен Сергий! Иди во обитель Меланьи матери и прочти сие писанное со Духом Святым на соборе Елене при всех, да разумеют сестры, яко короста на ней, да же не ошелудивеют от нее и удаляются ее. А ты, Меланья, не яко врага ее имей, но яко искреннюю. И все сестры спомогайте ей молитвами. Друг мой миленькой, Еленушка! Поплачь-ко ты хорошенько пред Богородицею-светом, так она скоренько очистит тебя. Да ведь-су и я не выдам тебя: ты там плачь, а я здесь. Дружнее дело; как мне покинуть тебя? Хотя умереть, а не хочу отстать. Елена, а, Елена! С сестрами-теми не сообщайся: понеже оне чисты и святы. А со мною водися: понеже я сам шелудив, не боюся твоей коросты, – и своей много у меня! Пришли мне малины. Я стану есть, – понеже я оглашенный, ты оглашенная, – друг на друга не дивим, оба мы равны. Видала ли ты? – Земские ярышки друг друга не осужают. Тако и мы. Помни же что говорю, – не обленись поработати Господеви. Аще ли просто положишь, большую беду на себя наведешь: без руки будешь, и без ноги, и без глаз, и глуха и острупленна, яко Елисей. Я ли затеваю? Да не будет. Но тако глаголет Дух Святый со Христом ко апостолом, яко его-же аще свяжете на земли, будет связан на небеси, а его же разрешите, той разрешен. Да по данной мне власти от Исуса Христа се возлагаю ти бремя на плеща души твоея: достоин бо делатель мзды своея. Прости. Тебе несть благословения, Дóндеже очистишися. Аминь.

Ксения бедная Гавриловна! Взыщи мужа-того своего и живи с ним, коли ты молитвилася с ним; а за тем как знаешь: воля тебе о Христе. Пожалуйте, раби Бога вышнего, не покидайте ее, яко Марию Магдалину, прибегшую ко Исусу, или оную, еяже приведоша к Нему и хотяху побити камением, Исус же возбрани и рече: аще не имать кто греха, верзи камень на ню прежде всех. Стали созиратися: ано шелудивы все! Тако и здесь: всяк разумей немощь свою; не созирайте чужих грехов, но своих.

Да еще тебе, игумен Сергий, приказываю: порозыщи и нам о имени Господни возвести, кто от духовных биет Евдокию Ивановну словесы нелепыми, лютейши камения. Со слезами мне говорит: пущи-де никониян, батюшко, духовные наветуют ми, и стражу-де от них понос и укоризну, на силу отдыхаю в бедах. На что-петь так мучат сестру свою неправильне, забывше Апостола, еже рече: братие, аще человек впадет в некое согрешение, вы духовнии испрвляйте такового духом кротости, блюдый себе, да не и ты искушен будеши: друг другу тяготы носите. А еже только не согрешила сестра, а наветуют бесчинующе, и сего обычая ни во языцех обрести возможно где. Чудно! Как-то верным нам, а хуже неверных живем, взимающеся друг на друга своего!

Родион! Слыхал ли ты в правилах: разлучивый мужа и жену проклят? Хочешь ли я тебе сию игрушку в душу посажу? Да хотя мы и в дальнем расстоянии, да слово Божие живо и действенно, проходит до членов же и мозгов и до самой души. Да не таково мне на тебя, что на Елену. Добро, друже, Бог тебя простит. Прощайся пред Оксиньею Гавриловною, и Ефремову книгу отдай ей: тогда и от меня совершенно Бог простит. Аще ли ни, не уйдет то и впредь. Не имать власти таковой над вами и патриарх, якоже аз о Христе, – кровию своею помазую душу ваша и слезами помываю. Никто же от еретик восхитит вас, православных христиан. От руки моея; хощу неповинных представити вас в день просвещенный праведному Судии. Да и бывало таково время: Христос, бдящу ми, и вселил вас всех во утробу мою. И царю Алексею говорено о том²⁵. Простись же с нею, да не отлучайте ее от мужа-того: аще хощет, пускай с ним живет.

Сергий! Возвести впредь о сем, каково к прощению тщание будет у них. Аще и Елена поищет со усердием прощения, да ослабится тогда от епитимии, и от худости моей благословение получит. Жаль мне ее гораздо; воздыхая сице творю. Полно о том.

А еже, изволивши Духу Святому вложити во ум отцу Досифею с челобитными по жребию стужати царю о исправлении веры, – и кто аз силен возбранити воли Божии, еже не быть тако? Да будет, да будет! Господь благословит тя и с Максимом от высоты святой своей и от престола славы царствия своего! Тружайтеся, Господа ради, ходяще в премудрости ко внешним. И мое имя по Христе обносите. Пред человеки или кого величайте, или еретиков потязайте: се аз с вами есмь до скончания нашего века. Якоже отец Досифей, и вы церковные чада дасте ударити душа ваша Духу Святому. Се и мы с Епифанием старцем хощем быт причастницы части вашей, да общее воскресение улучим о Христе Исусе. Да будет, да будет и будет тщание ваше усердно, и Господь славы посреде нас, по словеси Христову: идеже два, или трие собрани о имени моем, ту есмь посреде их.

Во юдоль плачевную новорожденному чаду моему Алексею Копытовскому мир и милость от Господа Бога и Спаса нашего Исуса Христа, и от меня грешника, от протопопа, благословение и поклон. Миленкой дитятко, где ты гулял? Не слыхать было про тебя. В лесу болшо ты, Алексей, бродил, или в расселинах каменных, или по холмам скакал? Да доброе-то семя и горою не рассыплет, ниже зной еретический иссушит. Разумно ли тебе, о чем тебя спрашиваю? А то шум никониянский, яко ветром лес, возмущает человеческие души; в расселинах книг их человецы погибают; яко холмы никонияня взимаются разгордевся. Да не может Христовы части и сам дьявол, яко гора, подавити, ниже детей его, еже есть еретиков, учение знойное праведную душу обольстити. Спаси Бог тебе, дитятко, на утешительном послании. Хорошо так, яко дряхлуешь, грехи своя поминая. А от Лукияна отлучися: Бог тебя благословит, и наше благословение да есть с тобою, аще тако сотворишь изгнания с рабы Христвыми. Понеже несть сообщения свету со тмою, тако и целомудрому с блудным. Пишет он ко мне в грамотке лесть, а не покаяние своему беззаконию. Растлил он храм Божий: растлит его самого Бог. К добрым людям я его писанием своим усвоил, чая в нем добра; а он засеял, окрадше душу христианскую, яко древле дьявол Адама. Но милостив Господь кающимся, а ему горе по непокаянному и жестокому его сердцу. Не помышляй себе того, дурак, еже от Бога тебе, кроме покаяния, помилованну быти; но изволися Духу Святому и мне предати тя сатоне во озлобление, да дух твой спасется: да приидет на тя месть Каинова и Исавова и Саулова, да пожжет тя огнь, яко содомлян, аще не зазришь души своей треокаянной. Кайся, треглавный змей, кайся! Еще ти даю нарок покаяния, да нечто малу отраду приимешь; аще ли ни, будет так, еже выше рекох. Собака дура! Не хощу имени твоего рещи: согрубил ты Богу. Чаешь у меня уйдешь? Не уйдешь, небось, – не наемник я, но душу свою полагаю за овца, за страх Господа моего. Силен мне Господь помощи во всем. Несть ти мира и благословения; а клятвы погожу возложить, али оплачеши грех свой пребеззаконный. Мир ти, Алексеюшка миленькой мой, – побей его, Господа ради, палкою по моему благословению, и, аще станет каятися, и ты о том мне возвести, и аз ему во исцеление души и тела епитимию пришлю; а буде взбесится, и ты и рукою махни. Не подобает приходящего к нам отгнать; а за бешеным не нагонятся-ж. Прости, Алексей! А тебя Бог простит и благословит. Возьми у братии четки мое – благословение себе. Дайте ему, Максим с товарищи, и любите Алексея, яко себя. Аминь.

Господи Исусе Христе, Сыне Божий, помилуй нас. Брат и отец Исидор! Благослови грешного протопопа. И тебе отселе мир и благословение. Исидор! Веси ли ты, почто к Коринфам Апостол послание пишет? Аль не помнишь? Ино аз о Христе помню. А то такие же суесловцы, что и ты, изветом благоверия возбраняюще женитву и брачное совокупление, взимахуся разумы своими. Уведав же, Апостол Павел пишет к ним о женитве, убо не распоряженну быть спряжению, и на время точию воздержатися молитвы ради, сиречь в праздники и посты. А еже кто изволит воздержание, пишет о девстве, яко не понужи, но по изволению сему быти подобает. Прочти в первом послании главу 7, зачало 136: уж-жо тебе сором Апостола-того будет. Вот Павел блуда ради жену свою велел держать, а жене мужа. Полно-ж ковырять-того, – по-содомски учишь жить, или кваковскую ересь заводишь. А обвенчал где ни буди православно, ино и добро: коли уж нужа стала, изба по нуже церковь. Не стены, но законы церковь, Златоуст пишет, ниже место, но нрав. На всяком месте владычество Его: благослови душе моя Господа! А буде невозможно обрести церкви, а опоганено православное священие: ино молитву проговорил, да водою покропил, да и ладно, –действуй! А после тебя Бог волен и с нею. Есть и то писано: скверное святится, а святое скверно не бывает.

А о Феодоре царе за что не молите Бога? Добро: и он человек, – спаси его Господи и помилуй и благий род его деда-прадеда помяни Господи! А еже вы, Григорий, споруетеся: ино на обе стороны плюнуть. А что устав от еретик, скот не ударяют во главу и режут, и то мясо не подобает ясти понеже кроваво. Писано: да не снесте, в крови душа его. Понеже ко удару кровь изо всего живота подвижется; егда зарежет, а она и выйдет вся. А еретики по-татарски творят: блядины они дети и со уставом своим. А о крещении что петь спрашиваешь? Плачучи все говори рядом; не твое было то дело, да дьявол принудил. А кадить у меня на старине и бабы бывали горазды: носят по иконам кадильницу и по храмине, а сами молитву творят. А ты мужик, (да) слышь не умеешь кадить! Не ризы ли на себя хочешь вздеть? Исидор! Не бранитесь со Стефаном и с Козмою живите советно, ну и я с вами: Христос посреде нас. Козма! Детей моих поминаешь ли, что у церкви твоей я погреб? Простите и молите Бога о мне, – соединитеся все трое и молебен отпойте Спасу и Богородице, и всем святым: и мой дух с вами. А кто не послушает нас, чужд и благословения моего; а мне его не надобе. И Григорию благословение с женою и детьми, и всем верным, яже во Христа. А поминать-того мертвых-тех, Григорий, не знаю как, ему же живу врагу Божию бывшу; а во аде несть покаяния. Отраднее о живом еретике молить, нежели о мертвом; а хотя и помянешь, ино не много согрешишь. Только я не смею много стужать о безделице. Помнишь, Григорий о Трояне умолил, а со уговором же пожаловал, – глас ему бысть: се предаю ти Трояна, а впредь о таковых не стужай Божеству. Так смотри: и жалуют и выговаривают. Да добро, аще кто имеет дерзновение, и он поминай со оговором: Господи, аще достоин поми(лования), помилуй; аще ли ни, буди воля Твоя, а не моя. Молитвами святых отец наших Господи Исусе Христе, Сыне Божий, помилуй нас. Простите и молитеся о мне, да даст ми ся слово ко отверзению устом моим о Христе Исусе, Господе нашем, емуже слава ныне и присно и во веки веком, аминь.

Отче праведный Исидоре! Благослови протопопа грешного. Люблю тя, яко ревностию Илииною ревнуешь по Господе Бозе Вседержителе. Вопросил мя еси о брацех и прислал евангельскую выписку, толк. Являет же, яко антихристу пришедшу, сласти похотные умножатся в человецех и на питания и браки бессрамно уклонятся, якоже и при Нои исполини. Добре рече Господь: якоже бо беху во дни прежде потопа, ядуще и пиюще, женящеся и посягающе. Разумно ти буди, чадо церковное, – не браки Христос возбраняя рече, но бесстудство и сластолюбие и со законною женою. Сластолюбие и бесстрашие понуждают согрешать во времена заповеданные. По писанию: ботеющу телу свирепеют (вожде)ления. Не возбраняй, господине, женитися. По Апостолу: брак честен и ложе мужу со своею женою нескверно. До скончания века быть тому так.

А от новоставленных попов венчавшихся на дух приимай; а давай по силе их епитимию. А роспущатися не вели. А в венчании кое новик не исправил, ино ты доверши, молитвы старые говоря. Такоже и младенцов, от новиков крещенных, аще отрицал и погружал, не перекрещивай; токмо молитвы старые проговори и маслом помажь, и что новик не действовал, ты доверши. А будет отрицания, или погружения не было: и ты сызнова крести совершенно. Такоже и от староставленных, по новому Потребнику, – и над теми также действуй по преже реченнному. А кои по старому Потребнику крещены от кого-нибудь, те и так живут. А попы-те, старой или новой, по-новому действовал дна бездеица; а буде по-старому действовал, новик ли, или старой, – а служат по-новому, – клади то в дело, и крещение и венчание. Во ся петь Галактион Епистимию жену свою крестил в нужную пору, – и не поп, да се приято бысть. Такоже и на пути простые крестили болнова песком, – приято же. Нужда свой чин и устав имать по всему. А с женами совокуплятися с законными не возбраняй. Благое по изволу добро, а не по нужде. Аще и без жены живет, а рукоблудствует и иные малакии творит, се есть зло. Ты, возбранивый женитву, ответ даси праведному Судии.

На велик день и в праздники в избе и везде облачайся во вся иерейская, и причащай такоже; аще ли нужда, ино как мощно. На Царю небесный надобно большой в пол поклон. На Пасху трижды поем Воскресение Твое Христе Спасе на выходе. Мертвых без крестов погребать, токмо маслом крестообразно полить, да на венце три креста нашить и рукопись, молитва, в руку вложить. Из кладезя человека мертва вытаща, и вода вся испразнить, молитва проговоря, пить из него. А скот по еретическому преданию не есть резаной без ударения…²⁹ мя священник вопрошает: мочно ли-де церковь святить без благословения архиерейска? Скажи ему: Бог-де благословит! – святити, коли антимис есть. Какая то препона, что еретик не благословил?

Служивые-те с каковою совестию на службе-той умирают, с тою и судятся. Доброе творить и на службе мочно, – молитва, милость и прочая добродетели, чистота и несквернословие, и иное прилично тому. Помнишь, во Евангелии: ко Ивану и воини приидоша, вопрошаху его: учителю, и мы что сотворим? Он же отвещав к ним: никогоже обидите, ни оклеветовайте и довольни будете оброки вашими, сиречь не блудите чужих баб, так и ладно будет. Кой во что призван, в том да пребывает, правдою ум к Богу вперяя.

Устинье бывшей, ныне старице Ульяне, и Антонушку миленькому мир и благословение. Антонов-тех-су немного на сем свете. Я и ныне, поминая службу его ко Христу, ужасаюся. Огнь такой горит бывало зелной, а оне с матерью плавают тут же, со мною лезут в глаза отступникам. А во иную пору, ухватя и связавше руки и ноги, яко злодею, посадя на конь, и к царю повезли. Я чаял, – велит его собаками стравить. А он на утро опять ко мне бежит с теми же пирогами. После того и стегали его, а он свое творит. Не покидайте их бедных, Христа ради.

Святые отцы, и вся о Христе братия, да и все наши! О единогласном и наречном пении писал, я чаял, Иев с Дону. Многомятежно было время; не рассмотря так на старика писал. А опосле расчухал, ано Игнатей мятежит всею церковию. Плюньте, братия, где он говорит, – не подобает его слушать. Где ему знать обычай и устав церковный? Он родился и взрос во дворе боярском, да вчера постригся, а назавтрее и во игумны накупился, без благословения отец окормляет церковь. И азбуки не знает. Ну, Иванович, прости; того ради, рече Апостол: не садись на Моисеево седалище, – чего не знаешь, и ты молчанием печатлей. Не всем бо есть разум. Читал ли ты, старый друг мой, правила? Пишет там: проклят всяк творяй дело Божие с небрежением. Блюдися, да не полма растесан будеши. Душа твоя знает, яко блудиши; да совесть-та, гордынная блядь, мучит человека доброго. Мною ли, или тобою церковь-та стояла и впредь будет стоять? Никакоже. Яко паучина мизгирева от мухи бывает протерзаема, такого и твое гордоусие. Ветры гонишь, святый брать, – не покручинься, измерихся всяко, ступаешь по человеку, а не по Бозе. Подкрался ты под старика-того, яко Серапион под Златоуста, – тужишь о старости, а не о души его. Не уступит-де Аввакум старости Досифееве, ты рече. Какая беда! Лис, собачий сын, а не чернец! О кале тужит, а злато попирает омраченный! Душа ли, тело ли, – вонми, кая вещь бессмертна, о той и прилежи паче. Да что много и говорить? Добре мудрец Акир рече: не рожден не сын, не окуплен не холоп, а не вскормя, ворога не видать. Чаю, разумеешь реченное. У Павла бы митрополита так же ты философил. Да судит бог между мною и тобою. Подвизайся, ратуй с другую страну церковь-ту с никонияны. Полно говорить.

* * *

Новому игумну, старому моему чаду, Сергию отцу³¹ радоватися о уповании вечных благ! Припомни, чадо, и о мне в день радостный. Аз есмь замоторевый во днех злых. Хощу с тобою совселник быти в пазухе Авраамове. Аще Бог благоволит и Пречистая Богородица поспешит, негли, препоясався о Христе, переползем томнозрачный сей век к тихому оному и безмолвному пристанищу. И что тогда речем, Сергий мой, егда узрим нашего Света лицем к лицу, никониянам неприступного, Христа отца нашего и строителя? Сергий! Слушай-ко, – сказывай людям-тем: сидит Он на огнезрачном престоле одесную Отца, о нас промышляет и нам приказывает: не пецытеся вы ни о чем, токмо о проповеди прилежите; а то-де у меня вам всего много напасено.

Скажу вам, раби Христовы, – слушайте. На что петь Иосиф волоцкий с писанием ратуется? Неладно он о сошествии пишет во ад, бытто смерть и дьявол снесли душу Христову во ад. А пророцы и богословцы вси нетак; но глаголют со славою во ад бысть поход. Помнишь в слове Епифаниеве пишет предшествуют же ему архангели Михаил и Гавриил и прочие силы ангельские, глаголюще: возьмите врата князи ваша, и прочая. Евсевий Самосадский такоже: идуще пред Спасителем силы вопияху: возмите врата князи ваша. Да и все церковные книги учат: не дьявол душу Христову во ад снес, но Сам, по восстании из гроба плотию боголепною с душею сниде во ад божески, и расторг Бог-человек чрево адово. И много о том неколи говорить. Одно молить: святое-т бы насилу сам написал ли бы так. Полно вор некто такойже в книгу-ту его внес, что и Федка отступник³², в тетрадках подметных чтучи. Сего дни ли воруют? Во-ся петь Климантовы-те книги, и повыше Иосифа-того, не исказили-ль? Или и Григория Низкова правила? Сам же молишь, во всех церковных книгах пишет, яко Христос плотию одушевленною во аде бысть, и о сем слава Ему, Христу Богу нашему. Мы так и веруем, как церковные книги учат. А в письменных-тех всячину найдешь. Не буди нам с вами по своему смышлению спасение свое содевать, но по преданию святых и богоносных отец. Дай Господи! Ум наш и сердце в согласии со святым писанием: так и добро; а привал-от пустой, яко нужно слово, не отмещу ли?

А что отец Исидор вопрошает мя кое о чем, можно ведь и самим вам рассудить с Господом. А я кто, умерый пес, и как могу выше вашего священного собору разуметь? Ты говоришь: огненный во мне ум. И я сопротив молил, прости, – облазнился, реку, ты чернец, и в кале тинне помышляешь сокровенну быти злату и сребру. Не ведется мол того, еже драгое камение полагати в г…ой заход: тако и в мой греховный орган непристойно внити благодатному огненному уму. Разве по созданию данному ми разуму отчасти разумеваем и отчасти пророчествуем. И ты, игуменушко, не ковыряй впредь таких речей. Которая тебе прибыль? Наводишь душе моей тщету. Но всяко дыхание да хвалит Господа и Пречистую Богородицу; а я ничего человек, – равен роду живущему в тинах калных, ихже лягушками зовут. Погубил в себе властный сан и рассудительну силу, безрассуду земных прилежу, и яко свиния от рожец наполняю чрево свое. Аще не умилосердится Господь, при смерти стою и во адова сокровища гляжу. Аще не Господь помогл бы ми, вмале вселилася бы во ад душа моя. Обо мне пророк рече: далече от грешных спасение; и еще: яко погна враг душу мою, и смирил есть в земли живот мой, посадил мя есть в темных, и уны во мне дух мой. Еле-еле отдыхаю от похотей, задавляющих мя. Моли Бога о мне, и всем заповеждь. И Настасия, хотящая быти ц(арица), пускай молится о мне³³. Смешница она, Сергий, – хочет некрещеных крестить! Я говорю: во-то, реку, какую хлопоту затевает! ихже весь мир трепещет, а девая хощет, яко Иудифь, победу сотворит. Материн большо у нее ум-от! Я ее маленьку помню, – у тетушки-той³⁴ в одном месте обедывали. Бог ее благословит за великого и честного жениха!

Девушка красная, княжна Анастасьюшка Петровна, без матушки сиротинка миленькая, и Евдокеюшка, миленькие светы мои! Ох, мне грешнику! Егда ум мой похватит мать вашу и тетку, увы, не могу в горести дохнуть, – таковы оне мне! Лучше бы не дышал, как я их отпустил, а сам остался здесь. Увы, чада мои возлюбленные! Забвенна буди десница моя, прильпни язык мой гортани моему, аще не помяну вас! О дщи Вавилона окаянные! Блажен иже воздаст тебе воздаяние твое, еже воздала еси им! Блажен иже имет и разбиет младенцы твоя о камень! Ну, добро, много плакать, – да перестать же будет. Слушайте-тко, Евдокея и Настасьюшка, – где вы ни будете, а живите так, как мать и тетка жили: две сестрицы здесь неразлучно жили, и в будущий век купно пошли; без правилца не жили, канонцы всегда сами говорили на правиле и всяко…³⁵ Зело покойница перед смертию-тою докучала мне о них, горько сокрушаючись, – и о грехах-тех-кается, и о них кучится. Рукою своею намарала на обе стороны столбец; а другая также, и третья. Да долго столбцы те были у меня: почту, да поплачу, да в щелку запихаю. Да бес-собака изгубил их у меня. Ну, да добро! Не дорожи он мне тем. Я и без столбцов живу. Небось, не разлучить ему меня с ними! Христос с нами в век века уставися.

Анисиму Фокину мир и благословение. А что ты, Онисимушко, меня о попах-тех спрашиваешь? А то я им велел смиритися: оба добрые люди, да шалуют без пути. У Григорья в грамотке почти³⁶. Ходи со Стефаном и с Козмою, – Бог благословит! Стефан ко мне прежь сего писывал кое о чем, и я ему о Христе и прощение послал; и Козма добрый человек, – я в его церкве и детей духовных своих причащал; со мною говаривал, – он обедню поет в олтаре, а я на крылосе у него певал. А для чего Исидор младенцев не причащает, которых Дмитрий крестит? Я приказал ему крестить, – сын мне он духовный. Стефан-батко! Которые младенцы-те от еретиков-тех крещены, и ты разыскивай; буде отрицание было от сатаны и в три погружения крещен, и ты токмо молитвы и недоконченные над ними соверши; а буде же не было отрицания, и ты совершенно крести. А что Исидор от еретик крещенных не причащает, то он правду творит. А о умерших, – надобе о них Бога молить и их поминать. Глупо робя было, не знало правды и кривды. Аже кто велик умрет, о таковом рассудить: буде и по-новому крещен, а пред смертию каялся о неверии своем, такового принимать; ащели так умре, и он часть волчья, нет ему до Христа дела, наг Бога. Ну, Онисим, прости! Бог тебя благословит! Моли Бога о мне.

А что ты, игумен Сергий, выпись из Псалтыри прислал³⁷ псалма 9: сиру ты буди помощник и прочая, – и толк-от Афанасиев прав, а на Григорья-того Амиритского солгал некто-вор, – именем его безделицу утверждает, яко и Федор отступник. Статное ли дело, душу Божию дьяволам обладати? Смерть и телом не обладала, нежели душею. Сам Господь нас научает, – рече: никтоже душу Мою возмет от Мене, но Сам полагаю ю о себе; область имам положити ю, и паки область имам прияти ю. Да умирая рече: Отче! В руце Твои предаю дух Мой, – а не ко дьяволам во ад. Во ад со славою иде, восстав от гроба, телом и душею, божески. Все богословцы так научают: ад, рече, огорчися, человека зря обожена, – а не нагую душу. Писывал преже сего о том в книгах-тех письменных, – надобе разуметь. Иван Экзарх пишет: еретики де и Григория Нисского правила развратили, многия их де и чести не подобает. А и Климентовы книги, – помнишь, в Кормчей напечатано, не велено их чести, – развращены от еретик. Так то и тут сицевой же Федор, или никониянин, – жалеют ли они книг-тех? Что взбрело на ум, то творят. Во Псалтырях-тех толковых есть всячина: толковщиков-тех много. Полно о том. Какой то будет Бог, что душу свою от разбойников отнять не смог?

Благочестивому и равноапостольному царю, государю и великому князю Алексею Михайловичу всея Великия и Малыя и Белыя России самодержцу. Моляся в Троицы славимому Богу и Пречистей Богоматери и всем святым, от века благоудившим, бьет челом и плачется нищий богомолец твой, бывшей архимандрит, чернец Антоней. Да воссияет милость Творца нашего Бога Отца, и да от прелести продерзательные привлечет мя грешного, возвращающегося и хотящего чистою совестию предочиститися покаянием. Кроме же Господни помощи вем, яко невозможно спастися, и аще не сам Господь созиждет дом, всуе трудишася зиждущеи. И шатаяся аз окаянный суеумием своим семо и овамо в недоуметельных вещах, хотя лучшее уразумети, от внешней премудрости стению гоних, сиречь в малодушии пребывах, оставя добрые детели, киими истина познана бывает, и поразумев о том своима окаянными очима во внешней премудростной философии и в тех людях, кои содержат земно, душевно, а недуховно, и не обретох тамо взыскающего душу мою, и возведох окаянные мои сердечные очи в горы, отнюдуже приидет помощь. И коснуся Сын и Слово Божие очию сердца моего, посылает ныне помощь и милость свою ко мне грешному. Видех тамо в горах, еже есть в книгах Божественного писания ветхого закона и новые благодати, многая и несказанная ко опасению на пользу душам, не токмо к нынешнему настоящему последнего века времени, но опасают нас книги Божественные и на всяко время от прелести находящия по начинанию сердец наших. А времена каковые и люди к нам ныне приражаются за иссякновение любви Божия и за беззаконие! Провидя сатана в людях малодушие и продерзие, собирает своих слуг, еже бы ему слугами своими вскоре вся люди Божия от правого пути совратити и свести к своей погибели. И таковых ради страшных вин и бесовских сетей потребно, государь, вельми, моляся Богу со слезами, взыскати истину о всех нужных вещах, – реку, о церковных догматах и раздорах, и о падении человеческих от Бога. А каковыми делы и коим покаянием от грехов злых предочищати людей, и коим чином и обычаем мочно церкви Божия, умоля всещедрого Бога, умирити: и то изъявитися имать от Божественных писаний, аще милость Божия преклонит своею владычнею рукою твое благочестивое сердце, еже милостивно послушати, ни гневом твоим, ниже яростию.

Вонми, государь – благочестивый царь, моего грешного моления: Бога ради истинного взыщи истины, крови ради Христовы взыщи истины, своего ради спасения взыщи истины, и да не отпадем от истины, якоже и прочии. Есть, государь, в твоем царствии таковые богомудрые мужие, иже могут добре рассудити между православными догматы и неправославными Божественным писанием, иже измлада сему поучишася и вся дни живота своего над тем просидеша, и душу и тело свое Христу Богу предаша. О, Христолюбивый государь царь, истинный ревнитель благочестию! Паки молю тя, и не един аз, но и вся Христова Церковь плачет и рыдает, и молит тебя, государя, умильно припадая со слезами, да умириши святую церковь, матерь свою, которая тебя духовно породила и освятила, и воспитала нелестным млеком, православными догматы, а ныне много лет страждет и бедствует, смущаема от многих ветров учения, ихже никогдаже знаяше и держаше, но всегда своя держит непременно и недвижимо, яко Христос созда и основа ю на своем камени и рек, яко врата адова неудолеют ей. Ныне же святая та церковь, общая мати, требует руку помощи от Тебе – благоверного сына своего, да приражающияся волны ей укротиши и от многолетних бед свободиши всесильного Христа помощию, и врага Христова, смущающего святую церковь, победиши, насевшего многоразличные плевела посреде чистой пшеницы.

От многих малыя реку плевелы.

Явилось в тиснении печатных книг, – Шестоднев лист двести четыредесять осмой, ексапостиларий третий, – яко Христос воскресе никтоже да не верует (лист 206). Девятые песни второго творца святых: растленна умом, растленна душею и совестию, злобою осквернена и нага всяких благ явленна, Дево нетленна непорочна, не презри мене. А в старой печати: истлевша умом, истлевша душею и совесть злобою осквернивша, и нага всеми благими явльшегося, Дево нетленная непорочная, не презри мене. Глас 7-й, в каноне троичном, песнь 1-я, другой стих: создала еси человека, Троице неискусосильная; глас 4, Богородичен воскресен, по тропаре: Бог в неслитном соединении воплощаем. А старая речь: в неразмесне снятии воплощаем. Книга Скрыжаль, вопрос 71, в немже пишет: не льститеся, ни блудницы, ни прелюбодеи, и прочая, царство Божия наследят; тут же: умно услышим и да не прельщаемся, сугуба быти Христа; тако же и в ирмосе поют и печатают: пою тя, слухом бо, Господи, услышах и убояхся, до мене бо идеши. Такоже глаголют: благословим Отца, Сына и Святого Духа Господа. Суди, государь, и рассуди в правду, без гнева и ярости.

А о книгах, с которых ныне печатают и переводят на наш язык, и те книги словут греческие, а печатают их тамо римляне в трех градах, по повелению богоотступного своего папы, у себя в Риме, в Париже, в Венеции, греческим языком, но не по древнему благочестию: они бо врази, первые отступницы православной веры, желают всех привлещи к своей прелести. Да и греки у них те книги покупают, потому что у них, в греческой земле, печати своей нет. Сказа о сем премудрый Максим Грек великому еще князю Василию Ивановичу. А греки, государь, ныне не токмо иные, кои догматы, якоже слышим, держат крепко и цело, но и главное спасение потеряли, крещение глаголю, – обливаются вси, а не погружаются. И то крещение по святым правилам не православно есть, но и отреченно.

А ныне, государь, всяких чинов люди, от больших и до малых, меж себя истязаются много, и чего не могут в писании показати и новое оправити, и в том на тебя, государь, вину возлагают, тако глаголя, яко у царя тако поют. И говорят: и государь тому быти не запрещает, он боле всех знает, – подобно сему, государь, егда два раба господских меж собою бранятся и един другого не одолеет, и тогда глаголет виноватой правому, яко ты государя моего бранишь. Да не умножу о сем словес, токмо с плачем молю: потщися на помощь, надежда наша, ускори и не закосни; очисти, государь, свою праведную царскую душу от тех вин, что на тебя, государя, неправедно возлагают и повинна сему делу творят, яко ты тому попусти быти. Рассуди, государь, праведне, без гнева и ярости, и утолится раздор церковный: ни о чем бо тако раздражается Бог, яко о раздоре церковном. Златоустый о сем глаголет, нравоучение 11-е ко Ефесянам: и кровь христианская литися не престанет, и рать и меч не скончается, Дóндеже святая церковь не умирится. Помилуй, государь, и послушай нас бедных, вопиющих и не имеющих где главы подклонити. Слышим ии видим, везде гоними и изгоняемы рабы Христовы, а не вемы за что. А то забыли: аще и худое что кто подвигнет в писании преложити, анафема да есть. Сего ради боящиеся Бога и мы последние ничего не смеем пременити, или преложити, но якоже родители твои и прародители и святейшие прежние патриархи кои догматы держаще спасахуся, сице и мы хощем спастися и горнего Иерусалима достигнути. Потщися, святопомазанный, о соединении святой церкви, да паки царство твое в тишине и во благоденствии пребудет, и врази твои вспять да возвратятся, и постыдятся и погибнут, а мы вси в мире и любви пребудем, не разрушающе предел вечных.

Еще паки молю тебя, государя, ревнителя благочестия, да приникнеши искренно и послушаеши правил святых отец, сице глаголющих: правило 1, глава 18, лист 208: Святая правила облобызающе приемлем и держим, святых Апостол и шестих вселенских соборов, к сим же и поместных, еще и святых отец наших, яко единого Святого Духа вдохновенна, ихже прокляша, проклинаем, ихже извергоша, извергаем, а ихже отлучиша, отлучаем, и имже запретиша, запрещаем. Правило осмьдесять четвертое никонских: аще досадит цареви или князю без правды, аще причетник, да извержется, аще мирский, да отлучится. Законник о исправлении брата, лист 600: всяко согрешение воспоминати подобает настоящему, или от самого согрешившего, или от познавших лучше обличение со дерзновением крыемыя дружбы. (Ниже) Убо ин иному да сокрывает, да не братоубийца вместо братолюбца будет; не оклеветание се, ниже осуждение, но любовь и поболение, еже брата от греха избавити и на путь спасение направити. Рече некто от отец: аще увидиши брата согрешающа и не речеши да познает грех свой, от рук твоих взыщется кровь его. Василий великий, в правиле 71, скрывающим грехи тоже запрещение дает, еже творящему грех. Златоустого от послания Павла Апостола нравоучение 18: Услышите вси, елицы не хощете туне ненавидимы быти: похищает, обличи брата, приими вражду, любви ради, еже во Христа, любви ради, еже к нему; возбрани ему в ров отходящему; еже бо трапезе приобщатися и глагол благих и привета и пресыщения – не зельные любви есть; таковые другам нашим даруем дары за души их: извлечем от гнева Божия, в пещи злобы их зряще, восставим; дал еси обет Богу, не скрый таланта; сего ради слово имаши воздати, того ради язык и уста, да исправляешь ближнего; бессловесная токмо не печалуют о ближнем, ты же отца нарицая Бога и брата искреннего, зря его бесчисленная творяща злая, благодатию же от оного пользы прилагаеши ли? Ни, молю, ни едино есть дружества знамение, якоже презирати согрешающих братий. Видел ли еси враждующих? Умири; видел ли еси лихоимствующих? Возбрани им; видел ли еси обидимых? Заступи их. Не о нем, но себе первому угодил еси. Сего ради друзи есмы, да друг друга пользуем. Того же Златоустого от послания ко Евреям нравоучение 30 сице глаголет: Аще увидиши брата блудяща, рцы к нему: зла есть вещь сия, юже дееши; не срамляешилися? Той ли не весть, яко зло есть? Ей весть, но от похоти влеком есть. Но обаче требует возбраняющих. Гневлива ли и лихоимца увидиши? Удержи, свяжи наказанием. Се есть дружество; тако брат от брата помогает, аки град тверд будет.

Суди, государь, царь, по сим правилам истинно. А я, бедной, аще и священства сан имел, но по некоему Божию смотрению взыскан ко обращению пути спасенного твоим государевым праведным рассмотрением, и благодарне пребываю во юзничестве, моля Бога за возмущающих и оклеветающих мя. Возмутивый кто напрасно твою государеву праведную душу, той суд понесет, аще чисто не покается; а мне грешному бити челом и воспоминати тебе, великому государю, на оправдание себе не возможно стало, понеже беззаступен и кляхся много страшными клятвами. А того ради и дерзнул такую клятву изрещи, хотя твою государеву праведную душу и сердце от мнения обратити. И ныне паки извещаются тебе, великому государю, яко Богу истинному, сердцем и душею: ей-ей, неповинен подметной челобитной ни мыслию, не токмо делы. И будет неправду тебе, государю, пишу, и дай ми Господи якоже Каину и якоже Елисееву отрочищу Гиезии и якоже Анании и Сапфире, и да приложитя яко Дафану и Авирону. Не мни, государь, либо чего бояся тако клянуся; ей, в правде. А что слух до меня доходит, будто та челобитная одна рука с бунтовым листом, и в том ты, государь, волен. Как был на Москве бунт, а я нищий то лето от светлой недели и до сырной на Москве не был, посылан был из Чудова монастыря на низ, а была со мною посылана монастырская казна для покупки, тысяча рублев. Но не изволил Господь Бог по своему смотрению в сердцы твоем государеве возвестить, а мне бедному беззаступному изыскать истину, и буди в том воля Господня, и потом твое, великого государя, рассуждение. Токмо едино тебе, государю, моление предлагаю: суди, государь, истиною правила выше писанные, и како нам предстати будет пред общего нелицемерного Судию. Тамо несть обиновения: ни царя боится, ни святителя стыдится, ни седин милует, ни юности щадит. А о раздоре церковном и о настоящем сем времени и разделении людей подобает тебе, великому государю, рассмотреть от писания. Пишет Пролог, ноября в 16 день, слово отца Памвы; проречение Кирилла Новоезерского, февраля в 4 день; беседа царя Стефана Сербского ко Андронику царю, мая в девятый день; Библия, Ездры 3 книги, глава 5; Пророка Иеремии главу 4 и 22 и 23 и 51; Пророка Иезекеиля главу 7 и 36 и 37 и 38. А о разделении пишет: аще разделится царство на ся, не может то царство стати, тако и дом.

Милосердый государь, царь и великий князь Алексей Михайлович, всея Великия и Малыя и Белыя России самодержец, воззри праведным своим милосердием и пожалуй меня, нищего бедного богомольца; прости, государь, и не яростию ни гневом твоим накажи меня, и подай бедному прощение. От горести дерзнул рещи, от малоумия своего, от темницы, яко от гроба: царь-государь смилуйся!

Суди, государь, и рассуди прю сию: Богом наставляеми два некая християнина прения сотвориша между собою о словеси святого Василия Великого, иже глаголет: креститися подобает яко прияхом, а веровати яко крестихомся. Един глаголет: Коль велико есть слово Василиево. Другий отвещает, яко по величеству словес Василиевых сподоби его Бог и нарицатися Великим; Первый рече: Понеже по словеси святого от крещения вера в нас состоится, то како неции инако крещени суть, а инако веруют? Другий рече: Како и коим образом? – рцы ми. Первый рече: Понеже символ святой веры трикраты глаголется от лица крещаемого без истинного, то како по крещении веровати во истинного, по словеси святого Василия? Другий рече: И тако бысть, яко глаголеши, и се что согрешаешь, глаголя по крещении, яко верую во истинного? Первый рече: Понеже ты сам рекл еси, яко того ради Великий нарицается, яко слово его велико есть пред Богом, то почто словес его отметаешися, не тако веруя, яко рекл еси? Другий рече: Бог сия обоя тако приемлет, яко мы глаголем; а Василиево слово лежит в книгах, а мы последуем ныне сущим начальником. Первый рече: Понеже Апостол глаголет: повинуйтеся наставником вашим, иже глаголаша вам слово Божие, на нихже взирающе на скончание жительства их, подражающе веру их, Исус Христос вчера и днесь, тойже и во веки: како глаголеши по скончании Василия слово его небрегомо есть? Другий рече: Аз не глаголю, яко Василиево слово небрегомо есть в книгах, но аз повинуюся начальником ныне сущим: той же бо сан на себе носят, яко и Василий Великий, и те ответ дадут Богу за нас, а мы их послушницы. Приемлем бо еже они предают нам. Первый рече: Сия глаголя себе досаждаеши, и более кленеши своих начальников, нежели молишися за них. Еже бо глаголеши, яко они ответ дадут Богу за вас, то слово клятва, а не благословение: зане всяк свое бремя понесет. Аще стоим за слово Божие, то и умрети за сие должни есмы; а чего не приимати, от того отвращатися подобает нам. Другий рече: Свято глаголеши, и на небе слышат; но у нас еще аще и дух бодр, но плоть немощна; видим что бысть прочим, не хотящим повиноватися, а мы того же боимся. Первый рече: О, горе нам! Христос глаголет: не убойтесь от убивающих тела; а мы боимся тамо, идеже не мучат еще нас. Другий рече: сладце бых претерпел мучение, нежели изгнание; изгнание бо подобися татарскому ясырю; искусивыйся вся весть. Первый рече: Довольно оправдихомся пред собою, но не пред Богом. Рцы ми, како на суде станешь пред Христом? С коею верою и с коею совестию и с коею правдою? Другий рече: То слово и мене сокрушает, еже Божия ради страха держу истину в сердцы, о нейже ты глаголеши, а человеческого ради страха держу противным словом новым, аще и не сердцем, обаче повинуяся; но и сие имам, яко и вам не враждую. Первый рече: Двоедушие Христос не приемлет. Глаголет бо писание: исправите сердца ваша двоедушные; иже несть со мною, той на мя есть, иже не собирает со мною, расточает, – глаголет Господь. Ты же внимай словеси Василиеву, иже глаголет, яко креститися пдобает, яко прияхом, а веровати яко крестихомся. Того бо ради церковь крещения еретического не приемлет, яко зле крестивыйся добре веровати не может. Другий рече: Яко аз добре крещен есть и добре сердцем верую, но токмо в словах страха ради человеча претыкаюся, да не изгнан буду, якоже и прочие. Первый рече: И аз вем, яко ты добре крещен еси, но недобре крещаеши прочих. Ты бо крещен еси в Духа Святого Господа истинного, то и ныне можешь веровати в Духа Святого Господа истинного, от крещения бо веру приял еси, тако веровати, яко крещен еси; но почто от крещенных тобою царствие Христово затворяеши, имже несть мощно веровати инако, разве яко крещени суть, по словеси Великого Василия. Другий рече: Аще и велик есть Василий, но обаче не Христос, и слово его велико есть, но не евангельское. Противу Христа несть мощно отверзти уст; а святых слова мало ли в чем преступаем, а прощению сподобляемся. Первый рече: Убойся Бога, человече, что глаголеши! Аще и не Христос Василий, но ученик есть Христов: слушаяй вас мене слушает, а отметаяйся вас мене отметается, глаголет Господь. Смело глаголеши на святых Божиих; боюся о тебе, да не како лестию укрываешися, римлянин сый верою. Другий рече: Несмь аз ни юдей, ни еллин, ниже римлянин, якоже глаголеши; но верую во Христа и поклоняюся Христу, и верую словесем Христовым, яко християнин, а не яко римлянин; сам ты убойся, человече, якоже и мне глаголеши. Первый рече: Не озлобляйся, возлюбленне! Всяк преступаяй и не пребываяй во учении Христова отступаете, истинства святого Параклита отметающеся, и слово Христово преступающе, – глаголете символ святыя веры без истинного, а крещаете тако глаголя от лица крещаемого трижды, яко без истинного, емуже по крещении несть мощно веровати во истинного, по словеси святого Великого Василия, иже глаголет: креститися подобает, яко прияхом, а веровати, яко крестихомся. Зри умно, от кого прияхом святую баню, или святый глагол, по Апостолу, – не от Христа ли истинного учителя, иже глаголет, яко Дух истинный, иже от Отца исходит? Се есть вера наша; а о бани глаголет: шедше научите вся языки, крестяще их во имя Отца и Сына и Святого Духа. Кое лице от трех не истинно есть? Рцы ми, аще можеши. Другий рече: Мы не глаголем яко не истинен есть, ниже глаголем яко не от Христа прияхом; но и Василиево слово отчасти обличает нас; и еже Христос глаголет во Евангелии, яко Дух истинный, иже от Отца исходит, кто сие утаити может? Но понеже глаголется у нас от премудрейших, яко святии отцы сего словеси, аще и Христос рече, в символ не прияша и святыя веры исповедание без истинного церкви предаша и клятвами страшными запретиша, и на то слово вся наша надежда, еже держатися нам новых книг. Первый рече: Унее есть небу и земли упасти и скончатися, нежели учеником Христовым, сущим святым отцем нашим, преступити своего Господа и учителя слово, и не прияти в символ святыя веры Господа истинного: уста бо Господня нарекоша того истинным. Или мните, яко святии отцы не ведяху о сицевом страшном запрещении, яко: всяк преступаяй, или не пребывая во учении Христове Бога не имать? Или: аще кто речет слово на Святый Дух не отпустится ни в сем веце, ни в будущем? Вы же во обоих сих страшных запрещениях погрязосте, яко за преступление словеси Христова Бога не имети вам, а за хуление на Святый Дух не имети прощения. Но и третие нечестие слукавновасте хульно, явным оболганием, еже глаголете, яко святии не прияша в символ истинного, о немже никтоже от человек воспомяну когда, развие нынешнего лукавства. Другий рече: Аще тако будет, якоже воспомянул еси, то нам ниже главы будет мощно восклонити пред Богом, наипаче же крестящим без истинного, яко глаголеши, по словеси Великого Василия, иже глаголет: креститися подобает, яко прияхом, а веровати, яко крестихомся. Обаче несть грех, иже не подлежит покаянию; точию остает сомнительство о крещенных без истинного, по словеси Василиеву, яко всяк веровати тако должен, яко крещен есть, и от крещения вера Христова состоится в нас. Пустити то на суд Божий. Первый рече: Воля ваша; якоже хощете тако и творите; но вся, елика аще будут разрешенна на земли, будут разрешенна и на небесех, глаголет Господь. Прочее умолчу, еже ты сам веси, яко страшно впасти в руце Бога живаго, по Апостолу; а еще страшнее, еже глаголет сам Господь, яко: всяк иже речет едино слово на Святый Дух, не отпустится ему ни в сем веце, ни в будущем. Вы же всякое слово Христово, наипаче же о Святом истинном Дусе, всегда глумлением проходите, небрегуще о страшных словесех Господних, иже глаголет, яко небо и земля мимо идут, а словеса моя не мимо идут. Всяк бо преступаяй и не пребывая во учении Христове Бога неимать, глаголет возлюбленный ученик Христов Иоанн Богослов. Другий рече: Се вся страшна и праведна воспомянул еси и не возмогу противу стати; но можеши ли ми дати терпение в гонениях, или в страданиях за сию истину, юже крепко воспомянул еси? Аще ли же ни, то да веси, яко слабострастен есмь и весьма малодушен. Первый рече: Глумление не спасет нас: кто бо за ны умре, той даст нам и терпение в гонениях и страданиях. Глаголет бо: аще кто мне служит, мне да последует; и: идеже есмь аз, ту и слуга мой будет. В терпении бо вашем стяжите душа ваша, глаголет Господь; и: в терпении да течем непредлежащий нам подвиг, взирающе на начальника веры и совершителя Господа нашего Исуса Христа.

О, Боговенчанный, пресветлый, православный государь-царь! Даждь суд праведен, и милостив буди рабу своему и богомольцу; не яростию твоею обличи мене, ни гневом твоим накажи мене; вонми, государь, и услыши; потщися, надежда, изыскати истину, да будут людие Божии и твои во истине безмятежны. Правда наша Христос и обиновение лицу несть у него, глаголет Апостол. Егда бо источник от единого устия источает сладкое и горькое, егда может смоковница маслины творити, или виноградная лоза смоквы? Кто премудр, да покажет от доброго жития дела своя в кротостный премудрости. Аще ли в сердцах будет рвение и тем мнится быти мудр, сия премудрость несть свыше нисходящи, но земна, душевна. Идеже рвение, ту и нестроение и всяка зла вещь. А яже свыше премудрость, первие убо чиста, потом же мирна, кротка, исполнь милости, плодов благих, несуменна и нелицемерна. Плод же правды со смирением сеется творящим мир³⁹. По сему апостольскому словеси и ты, надежда наша, православный государь-царь, даруй церкви Божией мир и единомыслие в вере истинной. Или мнится тебе, великому государю, мало сие падение, еже раздор церковный? Ей, государь, не мало; понеже то наша глава и совершение вере, егда церковь безмятежна и людие в любви пребудут. Воспомяни, надежда наша, православный государь-царь, глаголы благочестию ревнителя царя Стефана Сербского, егда был в заточении в Константине-граде и беседовал ко Андронику царю Палеологу. Глаголет Стефан: Во всем мнишимися, о державный царю, Богови и Царю царем благоугоден быти, правлении царскими, сановными и воинственными чинми, кротостию, смирением, правосудием и истинною премудростию многих царей прежде бывших превосходя; во едином же погрешаеши, еже есть глава вселенней и венец царствию, о немже Апостоли вселенную облекоша, о немже мученицы плоти и крови не пощадеша, еже есть благочестие. Царь к нему рече: како нас мниши о благочестии погрешивших? Стефан глаголет: Явно, о царю, презирающему пастырю волчий в стадо вход и не отгоняющу сего, такову быти тому, аще и пастыря носит образ. Не имена почитает Бог, но дела, и еже злославые не отгоняти злославну быти судится. Несть праведно, о царю светлейший, престолом царствия почтенну ти сущу и толику стаду от Христа пастырю поставленну, того враги в стаде своем держати; но яко волки душетленные отгонити далече. Сице аще сотвориши, церковныя уставишь раздоры и мир глубок даруеши православным, царствия скипетры возвеличиши, и истиннен царь истинным христианом будеши, истинный пастырь, и от общего Владыки мзду приимеши тамошнего царствия. Сия Стефанова ревность и совесть благочестивой. Лепо и тебе, свету нашему, православному царю, того глагол послушати, в державе царствия своего мир и тишину даровати.

Прости, государь, убогого пследнего богомольца и раба своего в дерзновении сем, и подай бедному беззаступному разрешение из ругательного и душепагубного наказания. Како мне не душепагубное? Понеже другой год без покаяния, не имею отца душевного залучить. А по правилам и за един год чуж христианства аще не исповедается. Како не ругательное? Не велено святыми и самому иноку на тело свое зрети; а я бедной во всем обруган другой год. Ни ли, государь, обители такой не стало, где меня бедного смирить и душу мою от грех свободить? И словом твоим, великого государя, связан. Вонми, государь, молению моему и спаси мя, яко един ты благословен во веки. Аминь.

* * *

Служебник кир Филарета патриарха Московского и всея России, напечатан в 131-м году, сведен с Никоновым Служебником, напечатанным в 164-м году, выход второй.

В Филаретове начало всенощного бдения, сиречь великия вечерни, списано с греческих древних уставов; но указ всенощного бдения в Филаретове с Никоновым ни мало сходен.

В Филаретове молитвы вечерние; в Никонове: светильничные. Молитва 1-я. Филарет: шествовати; Никон: ходити. Фил. еже; Ник. воеже. Ф. зане велик еси; Н. зане велий еси ты. Фил. в милостех; Ник. в милости. Фил. и благ в силе; Ник. и благ в крепости. Фил. всех уповающих; Ник. вся уповающия. Во второй молитве: Фил. наставляя, Ник. настави нас. Фил. мирно и безгрешно; Ник. мирное и безгрешное. Фил. и всякое лето; Ник. и все время. Фил. пресвятыя; Ник. святыя. Фил. и всех святых твоих; Ник. твоих нет. В третьей: Фил. и недтойных; Ник. и непотребных. Фил. святое и поклоняемое; Ник. святое, а поклоняемое нет. Фил. и да не посрамиши нас; Ник. и не посрами нас. Фил. во всем; Ник. во всех. 4-я молитва: Фил. иже не молчными; Ник. иже нет. Фил. славословеми; Ник. славословленми. Фил. в вышних от святых сил воспеваемый; Ник. в вышних нет. Фил. пения; Ник. хваления. Фил. пресвятыя; Ник. святые. Фил. 6-я, а Ник. 7-я молитва: Фил. Господи, Господи, иже пречистою ти силою преимея всяческая; Ник. Господи, Господи, пречистою твоею дланию содержай всяческая. Фил. о всех нас; Ник. на всех нас. Фил. и каяся о злобах наших и удаляя от нас беззакония наша; Ник. и каяся о злобах наших, а и удаляя от нас беззакония наша – нет. Фил. помяни щедрот твоих и милости твоея, Ник. щедроты твоя и милость твою. И прочее в той молитве в речах не сходно. Возгл. Фил. благодатию, Ник. милостию. Фил. и с пресвятым и благим; Ник. со всесвятым. Фил. молитва 7; Ник. 6. Боже великий и дивный: Фил. иже неизреченною благостынею, Ник. неисповедимою благостию. Фил. устрояяй человеческий живот; Ник. управляяй всяческая. Фил. и поручил нам обетованное царство, ради уже дарованных нам благ, сотворивый нам и нынешнего дне мимошедшую часть; Ник. и поручивый нам обещанное царство обещанными благими, путесотворивый нам и дне прешедшую часть. Фил. даруй нам оставшее без зарока совершити; Ник. и прочее непорочно совершити. Фил. славити; Ник. пети. Вогзг. Фил. яко милостив и человеколюбец Бог еси; Ник. яко ты еси Бог наш. Молитва Фил. 8, Ник. 7. Фил. Боже великий и высокий; Ник. и вышний. Фил. свет живый неприступен; Ник. во свете живый неприступнем. Фил. создав; Ник. создавый. Фил. во исповедании; Ник. исповеданием. Фил. и вечернюю ти службу; Ник. и вечернее ти славословие принести. Фил. сам человеколюбче Господи; Ник. Господи – нет. Фил. одей нас; Ник. облецы ны. Фил. орудием; Ник. во оружие. Фил. приходящия, Ник. преходящия. Фил. и даждь нам он; Ник. нам нет. Фил. всякого бесовского мечтания пременены; Ник. всякого мечтания дияволя отчужденный. Фил. и в нощи подвизаеми; Ник. умиляющеся. Фил. поминаем пресвятое имя твое; Ник. поминаем в нощи имя твое. Фил. осияваеми; Ник. просвещаеми; Фил. мольбы и моления; Ник. моления и млитвы. Фил. людех; Ник. людем. Фил. ихже молитвами Пресвятыя Богородицы в милости посети и нас; Ник. яже молитвами Богородицы милостию посети. И прочее в речах несходно. Фил. 8-я молитва, Ник. 7-я. Фил. 5-я молитва: Благословен еси Господи Боже Вседержителю; у Ник. тоя нет. Фил. в большой эктинии, миром Господу помолимся: и о спасении; Ник. и спасении. Фил. и о благосостоянии; Ник. и благосостоянии. Фил. и о овокуплении; Ник. и соединении. Фил. и еже с верою; Ник. и с верою. Фил. и со страхом; Ник. и страхом. Фил. честного пресвитерства, еже о Христе диаконства и всего причта и о людех; Ник. честнем пресвитерстве, во Христе диаконстве, о всем причте и людех. Фил. и о всяком граде; Ник. и всяком. Фил. и странах; Ник. и стране. Фил. и о умножении; Ник. о изобилии. Фил. и о временех; Ник. и временех. Фил. и путь шествующих; Ник. путешествующих. Фил. своего; Ник. твоего. Фил. в молитве входа: да не посрамиши Боже наш; Ник. не посрами нас, Боже наш. Фил. прокимен: се ныне благословите; Ник. благословите. В понедельник. Фил. внегда взову к нему; Ник. внегда возвати ми к нему. Фил. Боже; Ник. Бог. Ник. на месте злачнее, тамо всели мя; Фил. сего нет. Фил. в лепоту ся облече; Ник. в лепоту облечеся. Фил. аще несть тропаря святому, тогда на вечерни вместо прокимна поется аллилуия на глас 6, и стихи седмичные, в который день кии говорить; аще суббота задушная, петь аллилуйия на глас 8 и стихи заупокойные, по сем ектиния: рцем вси. В Ник. по прокимне и по стисех его: обращься же священник к западу, согбенне имеяй руце, стоит ожидаяй исполнения прокимена, таже поклоняется и отходит на место свое; по прокимне же глаголет диакон, аще есть, изшед северною страною: рцем вси. А о аллилуйи указу нет. Фил. рцем вси; Ник. вси – нет. Ник. услыши и помилуй; Фил. нет. Фил. молимся ти Господи; Ник. молимтися, а Господи – нет, Фил. и Ник. царские титлы не сходны. Фил. и о победе; Ник. победе. Фил. пребывания, мира, здравия, спасения и о оставлении грехов его; Ник. пребывании, мире, здравии, спасении его; а и о оставлении грехов его – нет. Ник. и Господи Богу нашему; Фил. и о еже Господу Богу нашему. Фил. и направити его во всем; Ник. и пособити ему во всех. Фил. конец: рцем вси, Ник. рцем вси – петь. Фил. молитва прилежного моления глаголати иерею втай: Господи, Боже наш; Ник. нет. И вся та молитва пред Фил. (в) Ник. мала и зело развратна и в речах перебита. Во ектинии: Фил. вечерняя молитвы; Ник. вечернюю молитву. Фил. наша; Ник. нашу. Фил. своею; Ник. твоею. Фил. душам и телом нашим; Ник. душ и телес наших. Фил. милости; Ник. прощения. Фил. и соблазном нашим; Ник. и прегрешений наших. Фил. прочая лета; Ник. прочее время. Фил. и в покаянии кончати; Ник. и покаянии скончати. И вся та ектиния перебита. В главнопреклонной молитве: Фил. и в настоящий вечер; Ник. и по настоящем вечере. Фил. на литию выходит иерей царскими дверьми; Ник. северными. Фил. лития среди церкви; Ник. в притворе; а святым дверем затворенным. Фил. спаси Боже люди своя; Ник. твоя. Фил. мир свой; Ник. мир твой. Ник. поминать живые и мертвые, и после того услыши ны Боже; а егда молится священник велегласно: Владыко многомилостиве, и в то время напечатано преклонить главы и на землю приникнуть; а в Фил. сего нет, но глаголати откровенною главою. Фил. пречистыя; Ник. всепречистыя. Фил. святых праведных Богоотец Иоакима и Анны; Ник. нет. Фил. и мир свой; Ник. твой. В отпустительной на благословение хлебом молитве: Фил. пять тысещ народа насыщь; Ник. народа – нет. Фил. и во всем мире твоем всегда; Ник. всегда –нет. Возглас: Фил. и пресвятым, Ник. и всесвятым. Фил. и животворящим Духом; Ник. прибавлено твоим. На утрени в первой молитве: Фил. и молим твоя щедроты и твою благодать; Ник. и молимся твоим щедротам. Фил. юже всегда восприял еси о нашем животе; Ник. ихже всегда употреблял еси о нашей жизни. Фил. и даждь нам; Ник. им. И вся та молитва перебита и несходна.

* * *

Списано еже отчасти исповедание и страдание новых мучениц русского царствия: синклитикии Феодосии Морозовой, и сестры ее княгини Евдокии Урусовой, и с ними Марии союзницы их⁴¹.

Преблагий убо и премилосердый Бог и Создатель рода человеческого, Господь наш Исус Христос, иже едино сый со Отцем и Святым Духом, седяй одесную, еже есть превыше всякого начала и власти, в пребожественней славе же и чести, иже сый сияние и образ Отечь неизменный, егоже вся небесныя силы во ужасе и страсе, купно же и в неизреченней радости непрестанно поюще и глаголют: свят, свят, свят, Господь Саваоф, – во ужасе и страсе божества ради, яко не могуще то существо разумом объятии, ибо величествию его несть конца, в неизреченней же радости ради его человечества, яко то существо его зряще, всего божества исполнено. Ибо пресущное Отчее Слово и Сын и Бог, в неразмесне снятии совокупися человечеству, и бысть божество, купно же и человечество его во единстве поклоняемо от всея твари, и нераздельно превозносимо во вся веки. Аще и человек зримый, но Бог разумеваемый, иже от девы воплотивыйся. Той же убо един неизреченно, по премнозей и велицей своей милости, строя рода человеча, иже всем человеком хотяй спастися и в разум истинный приити. Темже убо в различные времена различные и законы полагаше человеком, яко в них поучающеся взыскуем Бога, и просвещающеся истинным разумом, славу присносущного Божества его ясне узревше, достойно непрестанное исповедание и благодарение и поклонение приносим Ему, купно со Отцем и со Святым Духом, во едином сиянии тричисленного соестественного и нераздельного света. Иже свет сый Бог Сын, от света Бога Отца, неизреченно прежде всех век воссия, второе родися от Девы, воплотився. Иже ветхий деньми по Божеству, младеньствовав нас ради по человечеству. Иже в нерукотворенных храмех живый, во убозем вертепе водворися. И ни от рук человеческих угождение приемляй, тому в дары волсви злато и ливан и смирну принесоша. И на руку матерню ношашеся, иже всю тварь обдержаше силою Божества своего. Иж даяй пищу всякой плоти, и питаяй всю вселенную, сам млеком от матерних сосец изволи питатися. Иже землю ни начем утвердивый, небо яко кома́ру распростре, свет же и воды и всю тварь сотворивый, последи же человека по образу своему и по подобию создав, сам яко человек с человеки по смотрению живый строяшеся, самовластне же, ниже мнением или привидением, но по истинне. Иже древле первее воплощения своего являшеся пророком, овогда стар, овогда млад, овогда во огни, овогда во оружии, и в хладе и в вихре. И сице не уставне, понеже по схождению, яко в сени и гадании, и образне. Той же убо по воплощении своем виден бысть человеком и явися учеником своим и Апостолом истиною, ихже избра, и дарова им власть на духи нечистые, с ними же ядый и пия. Темже убо пророцы аще и видеша его, Иезекииль же в подобии сына человеча, а Даниил ветха деньми, такожде убо и прочии мнози видеша во ангельсте зраце Господа, якоже Авраам, и Моисей, и Навуходоносор царь, еже бысть в пещи огненней со Ананиею и Азарием и Мисаилом: обаче убо вся мечтанием и привидением видяху Сына Божия, а не по истине, якоже святии Апостоли. Ибо святых Апостол и руце осязаша Бога Слова во плоти. Егда убо по страдании своем воскрес от мертвых и постави пред ними себе жива, тогда един от ученик его, Фома, осязав его паче инех, темже и веровав самого быти Бога во плоти, человечество обожающа, и исповедав возопи, глаголя: Господь мой и Бог мой. Егда же убо по преславнем вознесении своем еже на небеса плотию, в день пятьдесятный посла им Дух свой Святый, иже от Отца исходит, сшед же Дух Святый на ня, яко гром и яко носиму дыханию бурну, и явишася языки огнении на главах их, и исполнишася вси Духа Свята и начаша глаголати странными языки. Тогда посла их во вся концы земли проповедати людям истинное богоразумие. Они же, упремудряющеся наставлением Духа Святого, обыдоша всю землю, учаху вся языки, крестяще их во имя Отца и Сына и Святого Духа, и блюсти вся елика заповеда сам Христос во святем Евангелии. Тогда вся земля просветися славою Божества Христова, тма же, еже бесом слугование и идольского покланяния неистовство, отгнася и упразднися. Повсюду же убо божественнии храми на приношение бескровных жертв воздвизахуся, и монастыри иноческого жития возграждахуся, и ненаселенная пустынная места множеством христолюбивых инок исполняхуся. Паче же седмию вселенскими и девятию поместными святых отец соборами вера во Святую Троицу, и о воплощении единого от Троицы, во Христа Бога, и богоугодная ему служба, и все церковное славословие, и все святое християнское благочиние и благолепие, Святого Духа благодатию благочестно и преславно утвердися. Точию Русские страны народ верою еще не просвещен бе, но во тме кумирослужения и идолобесия неистовствуя. Егда же убо изволи Господь Бог наш Исус Христос помиловати Русский народ, воздвиже премудрого учителя, великому Апостолу Павлу ревнителя и последователя, святого Кирилла философа, иже преложи Россиом грамоту с элинска языка на словенский, и многие священные книги преведе. Посем воздвиже Бог великого князя Владимира, иже правостию своего смысла благочестивую христианскую веру с великим тщанием изыскав, и рассмотрев яко истину сущу, и всех еретичесих вер благочинну и светлейшу, и самого Пресвятого Духа имущу, еюже уразумев единого истинного Бога, Творца всея видимой и невидимой твари, о роде же человечестем и всяческим промысленника Исуса Христа. Темже и возненавиде и отвержеся первого своего многобожного почитания и служения, но единого того истинного Бога возлюби, купно же и убоявся второго и славного его пришествия и страшного суда, крестися во имя Отца и Сына и Святого Духа, крести же ся его ради и вся Русская земля. Тем же и прият веру истинную и с верою вся божественные законы и чины церковные от восточныя сионския церкве. И благослови Бог великого князя Владимира, купно же и весь род его, якоже благослови древле Авраама своего угодника, отвратившася от идол и познавша того единого истинного Бога и возлюбивша. И оттоле милосердием своим назираше и снабдеваше Русскую землю, и вся препосылаше от восточныя и западныя страны духовная дарования, и всячески прославляше страну Русскую всем благочестием, не мнее творя ю славою всего Рима, и Иерусалима, и царствующего града Византии: тамошнего бо сюду преподаде. Якоже белый клубок Селивестра папы римского, егоже сотвори чудесне, по божественному явлению, первый християном царь Константин. Та же и образ, писанный Лукою Евангелистом, Пресвятой своей Матере и Приснодевы, Владычицы нашея Богородицы, иже ныне на Тихвине, и многоцелебную свою ризу, и ина многая и преславная и удивлению достойная дарования. Самем же самодержцем Русской земли от царей греческих и восточных того царствия венец царский, и порфиру и скипетр, такоже и римские области и владычества знамение, венец же и порфиру и скипетр, якоже царственные книги степенные повествуют. А еже колико знамений и чудес яви Господь в Русской земле милосердием своим русскому народу, мню яко ни самому миру вместити пишемых книг, – сице дерзаю рещи по святому Евангелисту и Богослову Иоанну, – возводя нас, яко младенцев, отнизу смысла на совершенный, еже о Бозе, разум и евангельское житие. Многи же посылаше великие, премудрые, богословесные учители. Темже премногий и несочтенный сонм святых угодник Божиих явися в Русской земли, просиявших во мнозех знамениях и чудесах. Отнюду же сияше Русское царство благочестием и правоверием во вся концы земля, яко превосходящее во благочестии вся царствия земная. Яко истинною совершися слово Христово евангельское, глаголющее: мнози будут первые последние, и последние первые. Сего ради мнози от восточных стран и западных, приходяще в Русское царство и видяще е во благочестии преспевающее, пользующеся и дивящеся, и во умилении радостные слезы испущающе, и блажаще, похваляюще, зряще Русскую церковь всеми святолепными добротами благоцветущую; паче же и сами патриарси Цареградские и Иерусалимские свидетельствоваху, глаголюще, яко все благочестие прейде от всех стран в Русское царство; купно же и иные нарекоша е третьим Римом, а четвертому не быти, рекоша. И еще пророчески прорекоша сему просвещенному во благочестии царству обаче паки нечестием помраченну быти. Еже и бысть, паче же и писанию предрекшу, и число времени показавшу. Егда же убо Русское царство в таковом благочестии и славе, превосходя, сияше и богодохновенными законы и святыми богоученными писании, паче же при благочестивом царе Михаиле Феодоровиче и при сыне его Алексее Михайловиче, богомудрыми патриархи исправляшеся слово истинное, и утвержашеся типографским художеством, сиречь печатания книг хитростию, и украшахуся церкви святыми иконами, и прочими догматами християнского закона: тогда убо внезапу, увы мне! – найде римского поражения смертная язва и на Всероссийское царство, по реченному: егда рекут мир и утверждение, тогда найдет на них внезапное губительство. Ибо в лето 7165 (?) возшед на престол московского патриаршества Никон, по святейшем патриархе Иосифе, и сперва показася яко истинный пастырь, посем явися яко наемник. Прельстив убо царя и всех митрополитов и епископов, рек на соборе, якобы обретеся в печатных до его патриаршества книгах неисправы, и подобает, рече, вся книги исправити в древних греческих и славенских харатейных книг. Царь же Алексей Михайлович и весь священный собор и вси едино отвещали: достойно и праведно исправити против старых харатейных и греческих. Но убо той Никон не по старым харатейным и греческим нача творити, и овая пременяти, иная же отлагати, и ино ново прилагати, вся по своему: темже вся древняя разруши. Мнози же ему в том тогда не соглашаху, паче же от священных в том его новоучинении ревностно обличаху, яко Павел епископ Коломенский, иже муж свят и разума святых писаний исполнен бе и протопопи собрании, и мнози священници и иноци. Последи же и Соловецкого монастыря иноцы царю, Никонову начинанию последующу, не покоряющеся, в нихже просвещенный житием и писанием архимандрит Никанор, избранный муж и царский духовник; и иные мнози премудрии противляхуся и не покоряхуся, ихже многоразличне мучением изнуряху и смерти предаваху. И оттоле вся древняя, яко солнце облаком, честная помрачишася, и вся видимая законная без вести Быша. О, неизреченному ти Христе смотрению! О, неявленных судеб твоих, Господи! Понеже не без пользы нашему спасению сице попустил еси, яко нечестивым и грешным прельщатися на вечную погибель, благонравным же и богобоязливым и верным человеком на бо́льшее в вере утверждение, да яко овии вечно мучатся, овии же да вечно прославлятся и пресветлыми венцы благоразумнии и христолюбивые венчаются. От нихже тогда явишася и сии благогласнии истине проповедницы, неправославному твердии и нестрашливии обличительницы, о нихже ныне рещи предлежит слово хотящим послушати. Первее же реку о приснопамятней и блаженней Феодосии болярини, таже и о сестре ее Евдокии.

Сия же убо⁴² блаженная и приснопамятная Феодосия родися от благородну и благочестиву родителю, отца своего Прокопия, иже по реклом словяще Соковнин: бе же убо сигклитик в царствующем граде Москве. Мати же ее именем Анисия. Егда же Феодосия достиже возраста своего седминадесяти лет, сочетаста ю родители ее законным браком мужу, болярину же, Глебу Ивановичу Морозову. По некоем же времени бысть и мати единому отрочати, роди бо мужеск пол, сына, емуже наречено бысть имя Иоанн. Ненепричастна бо сия бысть и божественных дарований: ибо роди детище по некоему явлению великого Сергия Чудотворца⁴³. Брат же убо ее, Борис Иванович, велми любляше сию Феодосию, сноху свою, духовною любовию, часто же и вельми наслаждаяся медоточных словес ее, егда с нею беседоваше: бе бо благоразумна и боголюбива⁴⁴. Она же мало лет пожив с мужем своим, оста вдовою с сыном своим: бе бо прекратися временное сие мужа ее житие⁴⁵. Внегда же сия блаженная Феодосия уведе о нововнесенных во святую церковь догматех и о развращении древнего святоцерковного предания и чина, и во святых книгах писания, церковного же славословия, еже есть песней духовных и молитв: тогда о православии зело возревнова, и всего новоуставления церковного отвратися и возгнушася. И о таковом ее ревновании дойде даже и во уши царю. Он же много о сем ю увещаваше; она же не изволи покоритися словесем его. По некоем же времени посла к ней царь Иоакима архимандрита чудовского и Петра ключаря. Она же им истинным гласом крепко супротивляшеся, и обличив их посрами. И сего ради ее обличения, тогда в ярости своей везде по всей России крест истинный трисоставный изменили, повелением царя и патриарха, а у нее пол вотчинного имения отняли, и многоразлично за благочестие претерпе тогда, обаче от благочестия никакоже отступити хотяше⁴⁶, но умрети о правде изволяше. Упрошением же царицы Марии по сем искушении малу ослабу получи: бе бо за добродетельное ее житие зело милостива к ней была и любила ю. Она же, во ослабе бывши, многи милостыни сотвори и много имения расточи неимущим, многи же с правежю скупи⁴⁷. И монастырям довольно подаваше, и церквам потребная приношаше, пустынников многих потребами награждаше⁴⁸, прокаженных в дому своем упокоеваше. И уведев о некоей благоговейней инокине, именем Мелании, и за духовную беседу и за словеса ее зело возлюби, и тако смирившеся Христа ради, яко и в матерь себе изволи ю имети, и толико покорися ей, яко и до конца свою волю отсече, послушаше бо ея Христа ради во всем: бе бо отдадеся ей под начал. И такова бысть опасная послушница, яко до дне смерти своея ни в чем повеления ее не ослушася⁴⁹. И от тоя Мелании инокини бысть наставляема, убо до конца постиже разумети и творити⁵⁰ всякое богоугодное дело. И по темницам с нею ходящи пешими ногами и милостыню носящи, и по святым⁵¹ местом обтичущи обе купно зело рано, яко и мироносицы Мария Магдалина и Мария Иаковля ко гробу Господню, тако и сии голубицы в собор, и в Чудов, и к ризе Господни, юже и на ся, яко воистину достойни, возлагающи⁵² и целующи устнама с теплыми слезами, чудотворные же московских святых мощи лобзающе верными душами. Потом же Феодосия тщашеся всяку волю Божию делом совершити, и нудяше плоть свою на постнические подвиги, питаше бо ся постом и цветяше молитвами, смертною же памятию содрогашеся, и радостворным плачем исполняшеся, жегома и разжигаема огнем божественной любве, и Духа Святого благодатию совершаема бе. Темже и не вем кую добродетель не исполни, или прилежание о ней не сотвори⁵³. Паче же всего всем добродетелем основание полагаше правую си веру в Господа Бога нашего Исуса Христа, ведущи известно, яко без веры не возможно есть угодити Богу. Темже и о православии и о всех истинных, издревле преданных святоцерковных догматех вельми ревнуя, прилежаше непорочно я хранити, зело любящи святых отец и велми боящися, дабы каким противлением от них не разлучитися и не прияти бы вместо благословения за новины, в церковь вносящиеся, клятвы. И сего ради ведети есть о ней, яко не толико гласом, елико делом громогласно вопити ей, с Фезвитянином Илиею славным⁵⁴: ревнуя поревновах по Господе Бозе Вседержители, яко кафолическую веру оставиша, а римолатинские догматы возлюбиша, и рабы Божия избиша, и тщатся до конца церковь Божию раскопати. Елицы же убо ей от сродник бяху, держащиеся Никонова новомудрственного согласия, тех не обинуяся обличаше с великим дерзновением.

Тогда убо видящи той ее благочестивый разум и твердое о истине поборание, дядя ее Михайло Алексеевич Ртищев со дщерию своею Анною, яко возлюбленнии Никону и его новопредания сосуди, многажды к ней приезжал и, в дому блаженныя седяще, начинаху Никона и предания его блажити, искушающе ю и надеющеся, еда како возмогут смысл ее поколебати и на свой разум привести глаголюще сице⁵⁵: велик и премудр учитель Никон патриарх, яко не туне и сам царь его послушает, и вера, от него преданная, зело стройна и добра, и красно⁵⁶ по новым книгам служити. Помолчав же, блаженная Феодосия отверзе уста своя⁵⁷: Поистине, дядюшка, прельщени есте вы, и тако̀ва врага Божия, отступника⁵⁸ похваляете, и книги его, насеянные римских и иных всяких ересей, ублажаете. А нам, православным христианам, подобает книг тех⁵⁹ отвращатися, и всех его Никоновых нововводных преданий богомерзских гнушатися и бегати, и его самого, врага церкви Христовы суща, проклинати всячески. Старейший же сединовец еще понуждается рещи:⁶⁰ О, чадо Феодсия! Что сия твориши? Почто отлучилася от нас? Не видиши ли виноград сей (о детех ту седящих се рек): только бы⁶¹ нам, зря на них, яко на леторасли масличныя, веселитися и ликовати, купно с тобою ядуще и пиюще, общею любовию; но едино между нами рассечение стало. Молю тя: остави распрю, прекрестися тремя персты, и прочее ни в чем не прекословь великому государю и всем архиереям! Вем аз, яко погуби тя и прельсти злйший он враг протопоп, егоже имени гнушаюся воспомянути за многую ненависть, егоже ты сама веси, за егоже учение умрети хощеши, – реку же обаче Аввакума, проклятого нашими архиереи. Добляя же, яко виде старика безумствующа, осклабляшеся лицем и тихим гласом рече: Не тако, дядюшка, не тако; несть право твое слово и отвещание; сладкое горьким называеши, а горькое сладким. Аввакум же истинный⁶² ученик Христов, понеже страждет ныне от вас за закон Владыки своего, и сего ради хотящим Богу угодити довлеет учения его послушати. И на многая о благочестии изрече. И всегда с ними брань неукротимая у нее бяше; но помощию Божиею посрамляше их⁶³. Единою же Анна сия Михайловна нача ей глаголати сице⁶⁴: О, сестрица голубушка! Съели тебя старицы белевки, проглотили твою душу, – аки птенца отлучили тебя от нас! Не точию нас ты презрела, сродников своих⁶⁵, но и о единороднем сыне своем не радиши. Едино у тебя чадо⁶⁶, и ты и на того не глядишь! Да еще каковое чадо-то? Кто не удивится красоте его? Подобаше бо, ему спящу, а тебе сидети над ним и бдети, и поставити свеща⁶⁷ от чистейшего воска, и не вем каковую лампаду жещи над красотою зрака его, и зрети тебе лице⁶⁸ его и веселитися, яко таковое чадо драгое даровал тебе Бог! Многажды бо и сам государь, и с царицею, вельми ему дивляхуся красоте его. А ты его ни во что полагаеши, и великому государю не повинуешися. И убо еда како за твое прекословие приидет на тя и на дом твой огнепальная ярость царева, и повелит дом твой разграбити. Тогда многи скорби сама подъимеши, и сына своего нища сотворишь своим немилосердием. Феодосия же отверзе священная своя уста и рече: Неправду глаголеши ты. Несть бо аз прельщена, яко же ты глаголеши, от белевских стариц, но, по благодати Спасителя моего, чту Бога Отца целым умом. А Ивана люблю аз, и молю о нем Бога безпрестани, и радею о полезных ему душевных и телесных. А еже бы⁶⁹ мне Ивановы ради любве душу свою повредити, или сына своего жалея⁷⁰ благочестия отступити, – и сия рекши, знаменася крестным знамением, глаголя⁷¹: сохрани мене Сыне Божий от сего неподобного милования! Не хощу, не хощу, щадя своего сына, себе погубити: аще и единороден ми есть; но Христа аз люблю более сына. Ведомо бо вам буди, аще и умышляете сыном мне препяти Христова⁷² пути, никогда сего не получите; но сице вам дерзновенно реку: аще хощете, изведите сына моего⁷³ на пожар, и предадите его на растерзание псом, страша мене, дабы аз отступила от веры, то аз не хощу сего сотворити, еже новую веру прияти. Аще и узрю красоту его псом растерзаему, благочестия же ни помышлю отступити, ведая известно, яко аще аз до конца во Христове вере пребуду и смерти его ради⁷⁴ сподоблюся вкусити, то никтоже его от руку моею исхитити не может. Сия же слышавши Анна и яко от грома ужасшися от страшных ее словес, и преизлиха дивляшеся крепкому ее мужеству и непреложному разуму.

Феодосия же имеяше присную си сестру, от единого кореню родительску процветшу, Евдокию именем, яже сочетана бысть мужу, князю Петру Ивановичу Урусову⁷⁵. Моляшежеся Феодосия многажды Богу, да дасть и сестре ее княгини Евдокии такову же любовь и попечение ко Христу имети о души своей, яко же и сама она сподобися имети любовь ко Христу. Словесы же⁷⁶ наказоваше ю с любовию намнозе, и увеща ю, еже предатися в повиновение матери Мелании. Она же зело радостне и с великим усердием умоли матерь, еже бы попеклася о спасении души ее. Мати же та надолзе отрицашеся ее⁷⁷. Но обаче княгиня многими слезами превозможе, и бысть послушница изрядна. И не точию во едином послушании, но и во всех добродетельных нравах ревноваше старейшей сестре своей Феодосии, и тщашеся во всем уподобитися ей постом и молитвами, и в темницах седящих посещением, и якобы рещи во обою сею по единонравию их едина душа видети есть⁷⁸.

Феодосия же начат мыслию на бо́лшая простиратися, желая зело ангельского образа. И припадеше к матери, лобызающи⁷⁹ руце ее; и поклоняяся на землю, моляше ю, яко да облечет ю во иноческий образ. Мати же ее паки отлагаше, многих ради неудобных вин, мнящи невозможное ей непорочно в дому своем сей чин соблюсти. Первое. Аще уведано будет у царя, то многим людям дабы не было скорби в расспросе, кто постригал. Второе. Яко до конца подобает мужески стати, и еже ни вмале не слицемерити, и приличия ради не ходити к церкви. Третие. Аще приспеет брак сыну, не прилично в свадебном уряжении, тогда же обыче бывати многая молва и попечение. Четвертое. А еже из дому скрытися, такоже бедно и нестерпимо. Она же единаче горяше Божиею любовию, вся сия презираше сомнения ее, но паче прошаше желаемое неотменно получити. Мати же, видя непреложный ее разум и веру, изволи быти сему по усердию ее, умоли отца христолюбца Досифея одеяти ю во иноческий образ. Он же постриг ю, и нарече имя Феодоры, и предаде ю от Евангелия той же матери Мелании. Тогда блаженная Феодосия, преименованная же во иночестве Феодора, видя себе во ангельском чине, и яко сподобися такового великого дарования Божия, нача вдаватися бо́льшим подвигом, посту и молитве и воздержанию, купно же и молчанию, а от домовых дел уклоняяся, сказующе себе болящу, и всякие судебные дела приказала ведать верных своим служителем⁸⁰. Егда же убо приспе брак царев, – умерши бо Марии царице, и хотяше пояти Анатолию: тогда блаженная не восхоте на брак царев приити с прочими боляронями. И тяжко си вмени царь Алексий, понеже ей достоит в первых стояти и титлу цареву говорити. И последи прилежно зва ю; она же до конца отречеся, глаголя, яко ноги мои зело прискорбны, и не могу ни стоять, ни ходить⁸¹. Царь же рек: вем, яко загордилась. Преподобная же, ведущи, яко се дело царь просто не покинет, – яко же и бысть, – но изволи лучше страдати, нежели с ними сообщитися: понеже тамо в титле царя благоверным нарицати, и руку его целовати, и от благословения архиереов их не возможно избыти. Темже и не восхоте к нему идти. Царь же все то лето на ню за то гневался⁸², и начат вины искати, како бы ю аки не туне изгнати. И уже близ осени присла к ней болярина Троекурова с выговором⁸³, и месяц поноровя князя Петра Урусова с выговором же, еже бы покорилася и прияла бы все новоизданные законы их, аще ли не послушает, то быти бедам великим на ню. Она же дерзаше о имени Господни, и болярам тем отказываше: Аз царю зла не вем себе сотворшу, и дивлюся, почто царский гнев на мое убожество. Аще ли же хощет мя отставить от правой веры, и в том бы государь на меня не покручинился, но известно ему буди: по сие число, якоже Сын Божий⁸⁴ покрывал мя своею десницею, ни в мысли моей приях когда, еже бы оставити⁸⁵ отческую веру и приятии ми Никоновы уставы. Но се ми возлюблено: в вере⁸⁶ християнской, в нейже родихся и по апостольским и отческим преданием крестихся, в том хощу и умрети. И прочее довлеет ему, государю⁸⁷, не стужати мне убозей рабе, понеже мне сея нашея православныя веры, седмию вселенскими соборы утвержденные, никако никогда отрещися не возможно, якоже и прежде множицею сказах ему о сем. Посланнии же, пришедши к царю, и поведаху ему⁸⁸ мужественные словеса ее. Он же паче множае гневом распалашеся, мысля ю сокрушити. И глагола предстоящим: тяжко ей братися; и един токмо кто от нас, всяко ей одолеет⁸⁹. И нача с боляры своими совет творити о ней, что ей хощет сотворити. И бысть в верху не едино сидение об ней, думающе неправедную ярость и на неповинную душу⁹⁰ состав. Боляре же и советницы не прилагахуся к совету, но точию, возразити злого умысла не могуще, страха же ради, молчаху. Но наипаче царю поспешествоваху на сие архиереи и старцы, Никоновы ученицы, иеромонахи римские⁹¹. Тии убо зело блаженную ненавидяху, и жадающе⁹² ю всячески, яко сыроядцы, живу пожрети: понеже сия ревнительница всюду везде, яко же в дому своем при гостех, тако же или сама на обеде прилучится, несумненно поношаше их прелесть⁹³ и при множестве слышащих обличаше⁹⁴ их блядство заблужденное, и им во уши вся сия прихождаше, и сея ради вины ненавидяху ее. Егда же⁹⁵ у них думе идущи, а у Феодоры в то время в дому живяху пятерица инокинь изгнанных, и прошахуся у нее, да отустит их, чтобы у нее⁹⁶ не захватили. Она же не можаше насытитися их любве, зело бо радовашеся, зря в нощи на правиле себе с ними Христу предстоящу и на трапезе их с собою ядущих, и сего ради держа их после первого выговору седмиц яко пять, и скорбящим им глаголаше: Ни, голубицы мои, не бойтеся! Ныне еще не будет ко мне присылки. Княгиня же Евдокия во вся сия дни с нею и с ними тако же не разлучна бяше, и любезно сестру свою в скорбех утешаше⁹⁷; точию на мало время в дом ко князю отъезжала, более же ту пребываше.

Егда же приспе ноября 14 число, рече Феодо́ра старицам: матушки мои, время прииде ко мне; идите вси вы каяждо, аможе Господь вас сохранит; а мне благословите на Божие дело и помолитеся о мне, яко да укрепит мя Господь ваших ради молитв, еже страдати без сомнения о имени Господни. И тако любезно целовав я, отпусти с миром. В мясопуст же отъиде и княгиня в дом свой, и седящи с князем на трапезе и вечеряющи, начат князь поведати ей, что̀ у них вверху творится, и рече: скорби великие грядут на сестру твою, понеже царь неукротимым гневом содержим, и изъявляет на том, что вскоре ее из дому изгнати. И сия изрек князь, начат другая глаголати: Княгиня, послушай, еже аз начну глаголати⁹⁸, ты же внимай словесем моим. Христос по Евангелии глаголет: предадят бо вас на сонмы и на соборех их⁹⁹ биют вас, пред владыки же и царя¹⁰⁰, ведени будете мене ради во свидетельство им. Глаголю же вам другом своим, не убойтеся от убивающих тело, и потом не могущих лишше что сотворити. Слышиши ли, княгиня? – се Христос глаголет: ты же внемли и памятуй. Княгиня же о сих глаголех зело радовашеся¹⁰¹. Во утрие же, грядущу князю к царю вверх, моли его княгиня, яко да отпустит ю к Феодоре. Он же рече: иди и простися с нею, точию не косни тамо¹⁰²; мню бо аз, яко днесь присылка к ней будет. Она же пришедши, и укосне в дому ее до нощи. И ждущим им гостей тех обещанных¹⁰³, и се во вторый час нощи отворишася врата большие. Феодора же вмале ужасшися; и¹⁰⁴ разуме яко мучители идут, и преклонися на лавку. Благоверная же княгиня Евдокия, озаряема Духом Святым, подкрепи блаженную Феодору, и рече¹⁰⁵: матушка-сестрица, дерзай! С нами Христос, – не бойся! Восстани, – положим начало. И егда совершиша седмь поклонов приходных, едина у единой благословишася свидетельствовати истину. И Феодора возляже на пуховик свой, близ иконы Пресвятой Богородицы Феодоровская. Княгиня же Евдокия¹⁰⁶ отъиде в чулан, иже устроен в той же спальне¹⁰⁷, егоже содела Феодора наставнице своей Мелании: и тамо княгиня¹⁰⁸ подобне возляже. И се Иоаким архимандрит Чудова монастыря идяше¹⁰⁹ с великою гордостию, и вниде в постельну к блаженней дерзко, и видев ю возлежащу, поведа ей послана быти себе от царя, и понуди преподобную восстатити¹¹⁰, да и стоящи, или не седящи ответ творити противу царских словес, повеленных ему глаголати пред нею. Она же не повинувшися¹¹¹ сего сотворити. И егда архимандрит истяза ю: како, рече, крестишися, и како, рече еще, молитву твориши? Она же, сложа персты по древнему преданию святых отец и отверзши священная¹¹² уста своя и воспе глаголя: Господи Исусе Христе, Сыне Божий, помилуй нас. Сице аз крещуся, сице же и молюся. Архимандрит же паки второе истязание принесе: старица Меланья, – а ты ей в дому своем имя нарекла еси Александра, – где она ныне? – повеждь вскоре; потребу бо имамы о ней. Блаженная¹¹³ Феодора отвеща: по милости Божии и молитвами родителей наших, по силе нашей, убогий наш дом отверсты врата имяше к восприятию странных рабов Христовых, и егда бе время, были Сидоры и Карпы, и Мелании и Александры; ныне же несть от них никого их¹¹⁴. Думной Иларион¹¹⁵ Иванов ступи в чулан, и не бе в чулане света, и виде человека возлежаща на одре, и вопроси: кто ты еси? Княгиня же отвеща: аз князя Петра Урусова жена¹¹⁶. Он же яко устрашися и яко огнем опаляем, вспять отскочи¹¹⁷. Видев же архимандрит думного сие сотворш, и рече: кто там есть? Он же рече, княгиня Евдокия Прокофьевна, князь Петра Ивановича Урусова. Архимандрит рече: вопроси ю, како крестится. Он же, не хотя сего сотворити, глагола: несмы послани, но токмо к боляроне Федосье Прокофьевне. Иоаким же паки: послушай¹¹⁸ мене, аз ти повелеваю: истяжи ю. Тогда думной, приступль, вопроси ю. И исповеда, и не отвержеся; но возлежащи на одре, левыя руки локтем подкрепляющися, а десницею своею сложа персты: великий палец со двема малыма, указательный же и великосредний¹¹⁹ протягши, и показуя думному, глаголаше усты, Господа Исуса Христа Сыном Божиим величающи, – рече: сице аз верую. Думной же, изшед, поведа архиманриту. Он же, от великой ярости не могий надозе терпети, видя свое зловерие благоверными женами попираемо, рече думному: пребуди ты зде, Дóндеже аз, шед тамо, повем сие царю. И с словом скоро потече, и прииде к царю. Царю же седящу посреде боляр в грановитой палате и пришед¹²⁰ близ и пошепта ему во ухо, яко не точию боляроня мужески ста, но и сестра ее княгиня Евдокия, обретшися¹²¹ у нее в дому, ревнующи сестре своей, крепце твоему повелению сопротивляется. Царь же рече: никакоже; аз бо слышах, яко княгиня тая¹²² смирен обычай имать и не гнушается нашея службы; люта бо оная сумасбродная. Тогда бо архимарит¹²³ человеконенавистне важдаше на ню, рекущи: не точию конечно уподобися во всем сестре своей старейшей, но и злейши ее ругается нам. Тогда рече царь: аще ли тако есть, то возми и тую. Князь же Петр, ту стоя и слышав сия словеса, оскорбися, и помощи́ делу не возможе. И пришед паки архимандрит в дом блаженной, и елицы предстояху ей рабыни ее, нача их вопрошати, аще кто от них есть последующие госпоже своей, ревнующе о вере. Тогда диакон черный, именем Иосиф, стояй вне дверей, рече ко архимандриту: вопроси Ксению Иванову и Анну Соболеву. Он же сотвори тако. Тии же, укрепльшеся, не отвергошася и исповедаша¹²⁴, показующе сложение перст, и молитву творяще о сыне Божии надеющеся. И поставиша их особь на страну. Прочии же убояшася вси, и поклонишася. И тех поставиша ошуюю страну. И потом рече архимарит боляроне: понеже не умела еси жити в покорении, но в прекословии своем утвердилася еси, сего ради царское повеление постиже на тя, еже отгнати тя от дому твоего. Полно тебе жить на высоте! Сниди долу! Восстав, иди отсюду! Блаженная же ни сего хотяше сотворити. Тогда он повеле рабом ее¹²⁵ взяти ю и нести. И принесоша кресла и посадиша ю, повелением Иоакимовым, и несоша на них. Сын же преподобный Иван Глебович проводи ю до среднего крыльца, и поклонився ей созади, оной не видящи его, и паки возвратися вспять. Преподобней же Феодоре и княгине Евдокие возложиша на нозе их¹²⁶ железа конские, и посадиша в людские хоромы, в подклете, и заповеда людям блюсти их стражею, и отъидоша. И по двою днию прииде паки думной Иларион, и снем с ног¹²⁷ их железа, и повеле им идти идеже ведут. Феодора же¹²⁸ не восхоте итти. Он же повеле слугам ее нести ю. И принесши сукно, посадиша ю, и несоша¹²⁹, повелением думного, до Чудова монастыря. С нею же ведоша и княгиню Евдокию. Внегда же внидоша во вселенскую палату, идеже собрашася Павел митрополит Крутицкой, Иоаким архимарит чудовский, и думной, тогда Павел митрополит начат ей глаголати тихо, воспоминая честь ее и породу: и сие тебе сотвориша старцы и старицы, прельстившие тя, с нимиже любовне водилася еси и слушалася учения их, и доведоша тя до сего бесчестия, еже приведене быти честности твоей на судище! Потом же многими словесы кротяще ю увещаваху, яко да покорится цареви. И красоту сына ее воспоминаху, яко да помилует его и да не сотворит дому его разорену быти своим прекословием. Она же противу всех их словес даяше им пред боляры ответы. Несмь, рече, прельщена, яко же глаголете, от старцов и от стариц, но от истинных рабов Божиих истинному пути Христову и благочестию навыкох. А о сыне моем престаните многая глаголати¹³⁰, обещахбося Христу, моему свету, и не хощу обещания солгати и до последнегоиздыхания: понеже аз Христу живу¹³¹, а не сыну. Они же видеша мужество ее непреклонное, и не могуще ее препрети, и восхотеша ю поне устрашити, и рекоша ей такову главизну: понеже крепко сопротивляешися словесем нашим, прочее в краткости вопрошаем тя, – по тем Служебником, по коим государь царь причащается, и благоверная царица и царевичи, ты причастишися ли? Она же мужеским сердцем рече: не причащуся; вем аз, рече, яко царь по развращенным Никонова издания Служебникам причащается, сего ради аз не хощу. Митрополит еще: и како убо ты о нас всех мыслиши, – еда вси еретицы есмы? Она же паки отвеща: понеже он, враг Божий Никон, своими ересьми, аки блевотиною наблевал, а вы ныне то осквернение его полизаете, и посему яве яко подобни ему есте. Тогда Павел¹³² возопи вельми, глаголя: О, что имамы сотворити? Се всех нас еретиками называет¹³³! Иоаким же, и той вопияше: почто, о архиерею Павле, нарицаеши ю материю, да еще и преподобною¹³⁴? Несть се, несть; не бо Прокофиева дщи прочее, но достоит ю нарицати бесова дочь¹³⁵. Блаженная же отказываше Иоакиму, глаголя¹³⁶: аз беса проклинаю; по благодати Господа нашего¹³⁷ Исуса Христа, аще и недостойна, обаче дщерь его есмь. И бысть ей прения с ними от второго часа нощи, до десятого. Потом же повелеша ввести пред себя и благочестивую княгиню Евдокию¹³⁸. И та такожде противу их вопрошений во ответех мужество показа, подобне во всех Феодорину¹³⁹. И паки возвратиша их на первое место; Феодору по прежнему на сукне принесоша. И посадиша их в том же подклете в дому ее, возложьше им железа на нозе¹⁴⁰. Тогда блаженная Феодора рече ко княгине: аще нас разлучат и заточат, молю тя, поминай в молитвах своих убогую мя Феодору. Святая же Евдокия удивися, яко всегда вкупе¹⁴¹ и не уведе сего. Во утрий же день по стязании их, еже со властьми, прииде к ним¹⁴² думный, и принесени Быша цепи¹⁴³ со стулами, и снемше с ног их железа, и начаша цепи¹⁴⁴ на выя их возлагати. Блаженная же Феодора, прекрестивши лице свое знамением креста, и поцеловав огорлие цепи¹⁴⁵, и рече: слава тебе, Господи, яко сподобил мя еси Павловы узы возложити на ся. И повезоша ю, всадивше на дровни, бесчестно, и везена́ бысть мимо Чудова монастыря под царские переходы. Она же седши, стул, иже на цепи, близ себе положи, рукою же десною своею, простерши, ясно изобрази сложение перст, высоце вознося, и крестом часто ограждашеся и цепию звяцаше непрестанно: мняше бо она¹⁴⁶ яко на переходах царь смотрит¹⁴⁷ победы ее, сего ради явити ему о себе хотя, яко не точию стыдетися ей ругания их ради, но и зело услаждается любовию Христовою и радуется о юзах¹⁴⁸. Евдокею же княгиню подобне обложиша юзами¹⁴⁹ железными, и отведена бысть во Алексеевской монастырь, и тамо повелено держати ю под крепкою стражею, и водити в церковь к пению их. Она же¹⁵⁰ таково мужество показа, яко всему царствующему граду дивитися неослабному смыслу ее, и всячески супротивляшеся воли мучителеве¹⁵¹; не точию бо своима ногами никогда итти¹⁵² не восхоте, аще и вельми нудима бе к пению их приити, но аще и на носиле влечаху ее рогозием¹⁵³, тако бо повелено бысть, никогда же бо изволи на него возлещи сама¹⁵⁴. Но егда к пению итти, в той час, здрава сущи, сотворяшеся расслабленна, яко ни рукою, ни ногою могущи ся двинути. И сего ради, старицам воздвизающим ю и немогущим, сотворяху ей стужение велие. Овогда же и дерзаху бесстудствующе, еже заушати в святолепное лице ее, рекущи¹⁵⁵: Горе нам! Что можем с тобою сотворити! Сами бо видехом, яко в час сей здрава бе и беседова со своими весело; егда же приидохом¹⁵⁶, на молитву зовуще, тогда внезапу яко омертве. Нам велики труды твориши¹⁵⁷, се бо превращаем яко мертву и недвижиму. Непорочная же агница отвещавает им: О старицы бедны¹⁵⁸! Почто труждаетеся всуе? Еда аз вас понуждаю труд сей творити? Но сами вы безумствующе всуе шатаетеся. Аз бо и вас зря погибающих плачуся: како бо¹⁵⁹ аз сама помышлю когда итти в собор ваш? Тамо у вас поют, не хваляще Бога, но хуляще его Спасителя, и законы его попирающе. И тако возлагаху святую на носила яко мертвое тело, и влечаху к пению. Егда же она узрит кого от верных и знаемых стояща на монастыри, зряща тризнища ее, глаголаше стоящим¹⁶⁰: увы, утомихся, станите мало. И старицы положат носило на земли. Она же глаголаше: Старицы! Что се творити¹⁶¹, влачаще мя? Еда аз хощу молитися с вами? Ни, никако же. Несть право, еже со отступльшими закона Христова обще молитеся нам християном: понеже все у вас развращено и противно старопечатным книгам. Сего ради аз не приемлю вашего пения¹⁶². Феодоре же отвезене убо бывши на подворье Печерского монастыря, и приставлена бысть к ней стража крепкая: два головы стрелецкие, пременяющеся с девятию воин¹⁶³ стрежаху¹⁶⁴.

Бяше же тогда некая и Мария сопричастница подвига их. Во время бо гнева царева на блаженную Феодору, сия Мария умысли бежати¹⁶⁵. По некоему же языку бысть за нею погоня велика, и бысть ята в Подонской стране, и приведена к Москве, и тако же, в бывшем истязании ее, подобне во всем показа, якоже и Феодора, и Евдокия¹⁶⁶, зело убо сопротивися¹⁶⁷, и пред всеми похвали древнее благочестие, а новых догмат отвержеся приятия. И посадиша ю, оковавше, под стрелецким приказом.

К Феодоре же часто приезжаше¹⁶⁸ митрополит Иларион Рязанский¹⁶⁹. Она же толико благоразумно стязашеся, яко и вельми¹⁷⁰ ему посрамленну бывати и без ответну множицею отходити. Видя же себе Феодора железы тяжкими обложену и неудобством стула томиму, радовашеся; о едином же скорбяше, и к наставнице своей Мелании¹⁷¹ своею рукою писаше: Увы мне, мати моя, не сотворих аз ничтоже дела иноческого! Како убо возмогу ныне поклоны земные полагати. Ох, лютее мне грешнице! День смертный приближается, а аз, унылая, в лености пребываю! И ты, радость моя, вместо поклонов земных благослови мне Павловы узы Христа ради поносити. Аще волиши¹⁷², благослови ми¹⁷³ масла кравия, и млека, и сыра, и яиц воздержатися, да не праздно ми иночество будет, и день смертный да не похитит мя неготову. Едино же точию повели ми постное масло ясти. Мати же на страдание подаде ей благословение, рекущи: стани добльственне, страждущи о имени Господни, и Господь да благословит тя юзы его ради носити, и поиди от нас, яко свеща, Богу на жертву¹⁷⁴; о брашне же, вся прилучшаяся да яси.

Царю же по взятии Феодорине по многи дни седящу с боляры своими и мыслящу, что бы ей сотворити за дерзновенное¹⁷⁵ ее обличение. А Ивана Глебовича, сына ее, приказал царь беречи служащим людям, иже в дому ее. Он же¹⁷⁶ от многия печали впаде в недуг. И присла к нему лекарей своих; они же толико его излечили¹⁷⁷ яко в малых днех и гробу предаша. Умершу же Ивану, прислан бысть к Феодоре сказати смерть сына ее поп никониянин, иже злоумен сый, и много ей досади¹⁷⁸, приводя от псалма сто осмого глаголы, реченные о Иуде, и обращая на святую, аки бы сего ради ее от веры их отвращения, и еже положи она ненависть на их возлюбление, прииде на ню Божие наказание, иже положися дом ее пуст от расхищения, и живущего в нем наследника ее несть, уже бо умершу ему¹⁷⁹. Премудрая же не внимаше буести их; обаче егда уведе смерть сына своего, оскорбися велми¹⁸⁰, и падши на землю пред образом Божиим, умильным гласом с плачем и рыданием вещаше¹⁸¹: Увы мне, чадо мое, погубиша тя отступницы! И бысть¹⁸² на мног час не востающи от земли, творящи же о сыне си и надгробные песни¹⁸³. Царь же о смерти Иванове порадовася, яко свободне мысляше без сына матерь умучити. Посем начат гнев свой на ню износити: обою брату ее, Феодора и Алексия, в заточения отсла, и все имение ее расточи¹⁸⁴, отчины и стада коней разда болярам. А вещи вси златые и сребряные, и жемчужные, и иже от драгих камений, все распродати повел. И разоряющи полату, множество злата обретоша в стене заздано. По времени же аки бы умилися царь, повеле дати Феодо́ре дву от рабынь ее, яко да послужат ей во юзах ее. И притекоша с великою радостию и служаху ей¹⁸⁵. Княгине же Евдокии, аще и не бысть от служащих ей рабынь, но Бог воздвиже послужити ей, господству ее, болярска рода дщерь, Акилину девицу¹⁸⁶. А Мария вышереченная седящи тамо, под стрелецким приказом, беду приимаше более обою сестр: бесстуднии бо воини пакости творяху, невежеством своим¹⁸⁷.

Вышеявленный же дядя их Михайло Ртищев и ко княгине Евдокие не единою приезжал, и у окна стоял, и глаголаше: удивляет мя¹⁸⁸ ваше страдание; едино же смущает, – не вем, аще за истину ли терпите. Множество же вельможных жен приезжаху, и от простых людей притекаху на видение, како ю влечаху на носиле к церкви, и вси дивляхуся, вельможные же яко о сроднице своей болезноваху¹⁸⁹. Видевши же сие игумения, яко народ стичется на видение терпения ее, прииде к патриарху Питириму, тогда сущу, и поведа ему о ней. Той же патриарх опасно хотя уведати о вещи, вопроси о всем игумению, зане убо ему не ведущу о сем, прежде бо его патриаршества во юзы посаждени Быша. Тогда игумения вся подробну ему поведа, не точию о княгине, но и о болярони Морозовой, сестре ее, о преподобной Феодоре. Он же рече ей: иди ты, аз о сем воспомянути имам самому царю. Таже патриарх, потщався, рече царю о оных многотерпеливых страдальницах: аз тебе государю советую, боляроню вдовицу Морозову свободити, да кабы ты изволил¹⁹⁰ паки дом ее отдати ей, и на потребу ей дворов бы сотницу крестьян¹⁹¹ дал; а княгиню ту тоже бы князю отдал; так бы дело-то приличнее было; женское бо их дело; что оне много смыслят? Тогда рече царь: Святейший владыко! Аз бы давно сие сотворил; но не веси ты лютости жены тоя. Аз бо имам ти поведати, елико ми ся поруга и ныне ругается Морозова та. Кто ми таковая злая сотвори, якоже она? Многие бо труды ми сотвори, и велие неудобство показа¹⁹². И аще не веруеши словесем моим, то изволи искусити собою вещь, и, призвав ю пред ся, вопроси. И тогда увеси крепость ее, и егда начнеши ю истязати, тогда вкусиши пряность ее. И потом что повелит твое владычество, то и сотворю, и не ослушаюся отнюдь словесе твоего. И во второй час нощи, поемше Феодору и со юзами, и посадивши на дровни, и сотнику повелено тамо итти; и привезоша ю в Чудов, и введоша во вселенскую полату, яко же и прежде¹⁹³. И бе ту стояху¹⁹⁴ Питирим патриарх и Павел митрополит, и иные власти. И от градских начальник не мало. Великая же предста на сонме, нося на выи оковы железны. И в первых патриарх рече: дивлюся аз, яко тако возлюбила еси цепь¹⁹⁵ сию, и не хощеши с нею разлучитися. Святая же обрадованным сердцем рече¹⁹⁶: Воистину возлюбих, и не точию просто люблю, но ниже еще насладихся возжеленного ми зрения юз сих. Како бо и не имам возлюбити сия? Понеже аз, таковая грешница, благодати же ради Божия сподобихся видети на себе, купно же и поносити, Павловы юзы, да еще за любовь единородного Сына Божия! Тогда патриарх: Доколе имаши в безумии быти? Полно лядо́в нрава держатися! Доколе царскую душу¹⁹⁷ возмущаеши своим противлением? Остави вся сия нелепая начинания и послушай моего совещания, еже милую¹⁹⁸ тя, и жалея предглаголю¹⁹⁹ тебе: приобщися соборней церкви и россиийскому собору, исповедався, причастися. Отвеща блаженная: некому исповедатися, ниже причаститися. Паки патриарх²⁰⁰: много попов на Москве! Глагола святая: много попов, но истинного несть. Еще патриарх: понеже вельми пекуся о тебе, аз сам, на старость, понужуся исповедати тя и потрудитися²⁰¹, – отслужа, сам причащу тя. Премудрая же паки глагла: И что ми глаголеши, еже сам причащу тя? Аз²⁰² не вем, что глаголеши. Еда разньство имаши от них? Еда не их волю твориши? Егда бо был еси ты митрополитом Крутицким, и держался обычая христианского, отцы преданного, нашей русской земли, и носил еси клобук²⁰³ старой: и тогда ты нам был еси от части любим. А ныне, понеже восхотел еси волю земного царя творити, а небесного царя и содетеля своего презрел еси, и возложил еси рогатый клобук римского папы на главу свою, и сего ради мы отвращаемся. То уже прочее ты мене не утешай тем глаголом, еже аз сам причащу тя²⁰⁴: ниже бо аз твоея службы требую. Тогда патриарх глагола архиереям своим: облеците мя ныне во священную одежду, яко да священным маслом помажу чело ее, яко негли приидет в разум: се бо, якоже видим, ум погубила есть. И облекоша его, и масло принесоша. И взем спицу, сущую в масле, и нача приближатися ко святей. Она же дотоле сама на ногах своих не стояла отнюдь²⁰⁵, но поддержали ее сотник со иными, и она, на их руках вся облегшися²⁰⁶, с патриархом говорила; егда же видевши его²⁰⁷ к себе идуща, тогда о себе ста²⁰⁸ на ногах своих, и приготовися, яко борец. Митрополит же Крутицкой²⁰⁹ протяг руку, единою поддержа патрирха, а другою хотя приподнять треуха, иже на главе блаженной, яко да удобно будет помазати патриарху. Великая же отпхну руку тую, и рече: Отъиди отсюду! Почто дерзаеши неискусно, хощеши коснутися нашему лицу? Наш чин мощно тебе разумети. Патриарх же помочив спицу в масле и протяг руку свою, хотя ю знаменати на челе. Преблаженная же, яко храбрый воин, вельми вооружися на противоборца, – супротивно²¹⁰ ему свою руку протягши, отрину его²¹¹ и со спицею, и вопия и глаголя: не губи меня грешницу отступным своим маслом! И позвяцав юзами, рече: Чесо ради юзы сия аз грешница лето целое ношу? Сего ради²¹² и обложена есмь юзами сими, яко не хощу повинутися, еже приобщитися вашему ничесому же²¹³. Ты же весь мой недостоянный труд единым часом хощеши погубити. Отступи, удалися; не требую вашея святыни никогдаже! Слышав же сия патриарх, и не терпя многого сраму, разгневася зело и от великой горести возопи: О исчадие ехиднино! Вражия дщи! Страдница! И возвращаяся от нее вспять, ревый яко медведь, и крича зовый: поверзите ю долу, влеките нещадно, яко пса, цепию за выю! Влечаще, извлеците ю отсюду: вражия она дщи²¹⁴, страдница! Несть ей прочее жити, – у́тре страдницу в струб! Блаженная же отвеща тихим гласом: Грешница аз, но обаче несмь вражия дщерь; не лай мя сим, патриарше²¹⁵; по благодати бо Спасителя моего Бога, Христова есмь дщерь, а не вражия. Не лай мя сим, патриарше! И по повелению патриархову повергоша ю долу, яко мнети ей, и главе ее расскочитися. И влекуще ю по полате сице сурово, яко чаяти ей ошейником железным шии на двое прерваней быти²¹⁶, и главу ей с плеч, сорвать²¹⁷ им. И сице ей влекомей с лестницы все степе́ни главою своею сочта²¹⁸. И привезоша ю на тех же дровнях на Печерское подворье в девятом часу нощи.

Тоя же нощи²¹⁹ ставил перед собою патриарх и княгиню Евдокию, и Марию²²⁰, мня, еда како которая от них повинется. И не бе сего. Благодатию бо Божиею укрепляеми, свидетельствоваху крепце, и являхуся, яко о имени Господни готовы умрети, нежели любви его отпасти. Покуси же ся патриарх и благоверную княгиню такоже помазати; святейшая же страстоносица еще дивнейши сотвори. Яко же убо древле самаряныни Фотиния, при Нероне кесари, сама со главы своей своими руками кожу отдра²²¹ и верже на лице мучителево: сице и наша трихрабрица²²², егда виде патриарха с масленою спицею идуща к ней на помазание, вскоре покрывало главы своея снем, и простовласу себе сотворши, возопи к ним: О бесстудные и безумные! Что се творити? Не весте ли, яко жена есмь? Они же вторым студом посрамлени, и Быша бездельни. Святей же тако избывши от помазания их. И по скончании вопрошения развезоша и тех по своим их местам. Патриарх же, не могий терпети своего бесчестия, поведа вся цареви; наипаче же жалобу ему приношаше на великую Феодору. Царь же ему отвещаваше: Не рек ли ти прежде лютость жены тоя? Аз бо искусих ее и вем жестость ее. Ты бо единою се видел²²³ еси деяния ее; аз же колико лет имам терпя от нее, и не ведый что сотворити ей. И сице совещашася, глаголюще²²⁴, еже мучити их, и аще тому²²⁵ не покорятся, и потом подумати, что будет достойно им сотворити.

И паки в другую нощь, во второй час нощи, свезены Быша вси трие мученицы на ямской двор. На том же дворе собрано было людей множество; и посадили мучениц в избе, а в ней от множества людей тесно. Святые же, седяще по углам в темне месте между множества человек, каяждо мняше, яко едина есть. Не мняху же, яко мучити их хотят, но надеяхуся, яко последи расспроса в заточение куды хотят послать²²⁶. Последи же Фодора уразуме, яко не в заточение, но на мучение привезена. Известишася же ей²²⁷, яко и еще двоица мучениц ту есть; не возможно же беседовать с ними, и укрепити их на терпение. Она же позвяца юзами, а мыслию своею рече: любезнии мои сострадальницы, се аз²²⁸ ту есмь с вами; терпите светы мои, мужески, и о мне помолитеся²²⁹. Ко Евдокие же и руку протягши сквозь утеснение людское, вземши²³⁰ за руку княгиню, и стиснувши²³¹ ее велми крепко, и рече: терпи, мати моя, терпи! Бяху же приставлени над муками их стояти: князь Иван Воротынской, князь Иаков Адоевской, Василей²³² Волынской. И в первых приведена бысть ко огню Мария. И обнаживше ю до пояса²³³, руки назад завязали, и подъяша²³⁴ на тряску, и снемше²³⁵ с дыбы, бросили на землю²³⁶. Потом приведоша во вторых княгиню²³⁷ ко огню. И узревше треух на ней покрыт от драгия цветовидные вещи, и реша к ней мучители²³⁸: почто тако твориши? Во опале царской, а носиши цветное? Она же тако рече²³⁹: аз не согреших пред царем ничтоже²⁴⁰. Они же содраша покров, а ей испод един повергоша²⁴¹; и обнаживше и ту до пояса, и подняша на тряску, рукам тако же опако²⁴² связанным. И снемше со древа, вергоша и ту близь Марии. Последи же приведоша ко огню и великую Феодору. И начат ей глаголати князь Воротынской многая словеса, глаголющи: Что сотворила еси? От какия славы и в какое бесчестие прииде! Кто ты еси, и от коего рода²⁴³? Се же тебе бысть, яко приимала еси в дом Киприяна и Феодора юродивых, и прочих таковых, и их учения держася, царя прогневала еси! Добляя же отвеща: Несть наше велико телесное благородие и слава суетная человеча²⁴⁴ на земли; иже изрекл еси, несть от них ничтоже велико, занеже тленно и мимоходяще. Прочее убо престани от глагол своих; послушай, еже аз начну глаголати тебе. Помысли убо о Христе: кто Он есть и чий сын, и что сотвори? И аще недоумеваешися, аз ти реку: той Господь наш, Сын сый Божий, и Бог бого́м, и царь царем, нашего ради спасения сшед с небеси и воплотися²⁴⁵, и живяше все во убожестве, последи же и распятся от жидов, яко же и мы от вас мучимы. Сему не удивляешилися? А наше ничтоже есть. Тогда властели, видяще дерзновение ее, повелеша ю взяти, и рукавами срачицы ее увиша по концех ее сосец, и руки на опако завязавше, и повесиша на тряску. Она же победоносная и ту не молчаше, но лукавое их отступление укоряше. Сего ради держали ее на тряске долго, и висела полчаса, и ременем руки до жил протерли. И снемше ее, к тем же²⁴⁶ двема положиша. И сице им еще ругавшеся²⁴⁷ бесчеловечно, оставиша их тако на снегу лежати нагим спинам их²⁴⁸, и руки назад выломаны. И лежали часа три. И иные козни (казни?) творили: плаху мрзлую на перси клали, и ко огню приносили всех, и не жгоша²⁴⁹. Последи же, егда вся козни сотвориша²⁵⁰, и восставшим мученицам, и обнажение телесе покрыша две; третию же, Марию, положиша при ногах Феодоры и Евдокии, и биена бысть в пять плетей немилостивно, в две перемены: первое по хребту, второе по чреву. И думный Иларион глаголаше двема мученицам: аще и вы не покоритеся, и вам сице будет. Феодора же виде бесчеловечие их и многи раны на святей Марии и кровь текущу, прослезися и рече Илариону: се ли християнство, еже сице человека умучити? И посем развезоша их по местом, в девятом часу нощи.

И во утрий день сотвори царь сидение думать о них, что сотворить²⁵¹. А на болоте струб поставили. Патриарх же²⁵² вельми просил Феодоры на сожжение, да боляре не потянули; а Долгорукой малыми словами много у них пресек. Вышереченнная же духовная их мати Мелания, видевши изготовленный струб, прииде того же дни²⁵³ ко святей Феодоре и язвы рук ее целова, и глагола: уже и дом тебе готов есть, вельми добре и чинно устроен, и соломою целыми снопами уставлен; уже отходиши к желаемому Христу, а нас сирых оставляеши! Феодора же любезно у матери благословися итти в вечный покой. И целовавшися, с рыданием²⁵⁴ отъиде ко Евдокие. И ей таковая же благовествоваше²⁵⁵, и у окна стоя, зря на княгиню, и слезно глаголаше²⁵⁶: гости вы есте у нас любезнии; днесь или утре отходите ко Владыце; но обаче идите сим путем, ничтоже сумнящеся; егда же предстанете престолу Вседержителя, не забудите и нас в скорбех наших. Сему же чаему бывшу; но Бог²⁵⁷ не тако сотвори, но еще страдати мученицам надолзе устрои.

Мария же, по престатии биения, полотенцо водя по спине своей, и все обагрив и омочив кровию, посла²⁵⁸ Иакинфу своему. В третий же день изволи Бог преславному быти сицевому чудеси о ней: струпие бо велие спадоша со спины ее, яко чешуя²⁵⁹. И просиша у нее нецыи, она же не даде им за смирение; последи же принуждена бысть дати²⁶⁰.

По трех же днех после мучения, присла царь²⁶¹ голову стрелецкого, сице глаголя: Мати преподобная²⁶² Феодосия Прокопиевна! Вторая ты Екатерина мученица! Молю тя аз сам, послушай моего совета: хощу тя аз в первую твою честь возвести, – дай мне таковое приличие людей ради, что аки не даром тебя свободил²⁶³: не крестися тремя персты, но точию руку показав на три перста; уже бо тя ктому нудити не хощу. Мати преподобная²⁶⁴, Феодосия Прокопиевна! Вторая ты Екатерина мученица! Послушай, – аз пришлю²⁶⁵ каптану свою царскую и со аргамаками своими, и приидут многие боляре и понесут тя на главах своих. Послушай, мати преподобная²⁶⁶, – аз сам, царь, кланяюся главою моею: сотвори сие! Видевши же сие Феодора и слышавши, рече посланному²⁶⁷: Что твориши, человече? Почто ми поклоняешися много? Престани, послушай, еже аз начну глаголати. Еже царь²⁶⁸ сия словеса глаголет о мне превыше моего достоинства. Грешница аз и не сподобихся достоинства Екатерины мученицы²⁶⁹. Другое же паки, еже наднести²⁷⁰ на треперстное сложение, не точию се, но сохрани мя Сыне Божий, еже бы ми ни в мысли когда помыслити сего, еже ми советует²⁷¹. Но сие ведомо убо вам буди, яко никогда же сего, помощию Христовою сохраняема, не имам сотворити; но убо аще аз сего поволи его не сотворю, а он повелит мя²⁷² с честию вести в дом мой, то аз, на главах несома боляры, воскричу, яко аз крещуся по древнему преданию святых отец. А еже еще каптаною мя своею почитает и аргамаками, по истине несть ми сие велико: Быша бо у мене вся сия²⁷³, и мимо идоша. Езживала в каптанах и в каретах, на аргамаках и бахматах. Сие же вменяю не в велико. Но по истине дивно есть²⁷⁴, еже аще сподобит мя Бог о имени его огнем сожженней быти, во уготованном ми от вас струбе на болоте: сие мне²⁷⁵ преславно; понеже сея чести не насладихся никогдаже, и желаю такового дара от Христа получити. Сие святей рекши, умолча голова. Питирима же патриарха вскоре суд Божий постиже²⁷⁶, и лютою смертию живот сконча. Феодору же с Печерского подворья повеле царь перевести в Новодевичь монастырь, того ради, чтобы тамо никто ей не приносил никаковы потребы²⁷⁷. И повеле ю держати под крепким началом и влачити к пению. Она же ни мало повинуся им; но и тамо прославляше ю Бог²⁷⁸: елицы убо от вельможных жен, толико множество стицахуся²⁷⁹, яко монастырю всему заставлену быти рыдванами и каретами. Вси же не мольбы ради прихождаху, но да узрят святое лице ее²⁸⁰ и крепкое терпение видят. Тако же и любезнии ее, Богом покрываемии, не точию на Печерском подворье, но и ту втай прихождаху, и утешаху многострадальное сердце ее. Царь же не хотя сему быти, еже приходити вельможным женам на видение терпения ее²⁸¹, повеле ю привести паки в Москву в Хамовники²⁸². Посем²⁸³ рече царю сестра его старейшая Ирина: Почто, братец, не в лепоту твориши и вдову оную бедную помыкаешь²⁸⁴ с места на место? Не хорошо, братец! Достойно было помнить²⁸⁵ службу Борисову, и брата его Глеба. Он же закрича²⁸⁶ гневом великим, и рече: Добро, сестрица, добро, – коли ты дятьчишь, тот-час готово ей у меня место²⁸⁷! И вскоре посла в Боровск, в жестокое заточение, иже на то устроенный острог, и в нем²⁸⁸ земляная тюрьма. И вниде Феодора в темницу радующися, и обрете в ней седящую инокиню, Иустину именем, заточену тоя же ради веры.

Блаженная же княгиня, слыша возлюбленную свою сестру и союзницу вдаль от нее отвезену, яко младенец по матери горце рыдаше²⁸⁹. Подобне же и страстотерпица Мария. Всевидящее же око, видя стенание их, и не презре, но просимое ими восхоте им даровати, еже есть во едино место совокупити, да будут во страдании своем неразлучни. Повеле царь Алексий и княгиню²⁹⁰ таможе свезти. И якоже приближися к темнице, сотвори молитву²⁹¹; Феодора же, яко узре любезную свою сестру, и приим ю за обе руце, возопи²⁹² светлым гласом: О тебе радуется, обрадованная, всякая тварь. Мало же помедлив, привезоша и Марию, и бысть им радость совершенная²⁹³. Седящим же им в той темнице, не повелено бысть никому тамо к ним приходити. Неким же сие сотворшим, за то велию беду и скорби претерпеша. Паче же некий боровитян, Панфил именем, зельне о сем пытаем бысть. Обаче раны его молитв ради мучениц онех облегчишася. Единаче же, неким христолюбцем презирающим повеление и страх царев, прихождаху посещения ради мучениц. Тогда, по прешествии зимы, воздвиже диавол злобу велию на мучениц, видя себе побеждаема терпением их, и состави сице. На Фомной седмице прислан бысть с Москвы подъячий, иже внезапу пришед к ним в темницу с великою свирепостию, и еже бе у них потребное и брашно на питание самое скудное все пограби и остави куюжду во единой ризе; не точию же се сотвори, но и малые книжицы и святые иконы, на малых досках воображенные, отъят. У Феодоры же бысть икона²⁹⁴ пречистыя Богородицы Одигитрия чудотворная, и опечалися о ней зело, яко и возопи со слезами о ней. Евдокия же, утешая ю, рече: не плачи, сестрица; не точию Помощница наша не оставит нас²⁹⁵, но и сам Христос с нами и есть и будет. Бысть же и воином тогда истязание велие о приходящих ко святым мученицам, и Быша сотником беды великия²⁹⁶.

О Петрове же дни прислан бысть дьяк Кузмищев, и той тако же розыск о приходящих учинил, а прежде помянутую Иустину²⁹⁷ в струбе сожег, занеже не восхоте знаменатися тремя персты. Оставших же, блаженную Феодору и Евдокию, в глубочайшую вкопаша темницу; а Марию к злодеям в тюрьму посадиша. Злейши бо первого им учиниша, пищи и пития никакоже подавати, вельми запретиша под смертною казнию: аще кто дерзнет подати им что, тому главу отсещи. И кто может исповедати их тогда озлобление и терпение²⁹⁸, еже они в глубокой темнице претерпеша, от глада стужаеми, во тме несветимой, от задухи земныя, понеже паром земным спершимся, велику им тесноту²⁹⁹ творяще. Срачиц же пременяти не́чем, и измывати не возможно бе³⁰⁰. Еще же от верхния оны худыя ризы бысть множество вшей, яко и сказати не возможно, и бысть им яко неусыпающее червие, от нихже ниже в нощи сна приемлюще³⁰¹. Обаче же, аще и толико запрети о них земной царь, еже пищи не даяти, но небесный повеле подаяти премудрости учительницу, сиречь зело малу и скудну пищу. Вложи бо в сердце христолюбивым воином, иже подаяху им, друг друга таящеся, овогда сухарей пять, или шесть, овогда яблоко едино, или два, овогда же огурцов часть, а ино ничтоже. А когда ясти подадут, тогда пить не дают; а егда пить подадут, тогда ясти не подадут. Но и то творяху, видяще³⁰² превеликое страдание великих и славных людей, умилившеся сердцы̀ и слезны душѝ, милость творяху малу, вервию спущающе к ним³⁰³. И в таковой нужи великой святая Евдокия терпеливо страда, благодарящи Бога, месяца два и пол, и представися Сентября в 11-й день. Феодора же тремя нитми во имя Единосущной Троицы повѝ тело любезной сестры своей и союзницы, Евдокии, и поведа воинов о преставлении ее. Воины же, по повелению начальник, извлекоша вервию тело ее. Святая же отпущаше ю со умиленными слезами, рекущи: иди любезнейший цвете, и предстани прекрасному ти жениху и возжеленному Христу! Прежде же убо представления, егда виде святая Евдокия себе изнемогшу, глагола великой Феодоре: Госпоже, мати и сестро! Аз изнемогох, и мню, яко к смерти приближихся: отпусти мя ко Владыце моему, за егоже любовь аз нужду сию возлюбих. И купно отпеша исходные песни. Егда же, по преставлении ее, извлекоша воины тело святой Евдокии, положиша просто, непогребенно и непокровено, Дóндеже повеление прииде царя то умершее тело внутрь острога в землю закопати³⁰⁴. И обвивше ю рогозиною, сотвориша тако. Се же бысть и дивно: донеле же указ с Москвы не прииде, святое оно тело повергнуто лежало³⁰⁵ пять дней, и не токмо не почерне, но на всяк день светлее и белее являшеся, яко и воинам зрящим зело дивитися и глаголати: воистину сии святи суть страдальницы: се бо тело сие не токмо ничтоже смертовидно зраком не является³⁰⁶, но яко живу сущу, и веселящуся и цветущу, и день от дне паче светлеяшеся³⁰⁷ пред очима нашими. И славяху Бога.

По скончании же мученицы Евдокеи, возмне царь,егда како от великого томления удручаема и от зельного глада снедаема³⁰⁸, великая Феодора умягчится³⁰⁹, и им снисхождение покажет и малое повинение принесет. Сия помыслив, присылает к ней от себя³¹⁰ монаха никониянского, еже увещавати ю. Он же пришед к ней, начат³¹¹ молитву творити, оставя сыновство Христово к Богу. И сице пребысть творя надолзе, и не бе гласа, ни послушания. Егда же возва в молитве, Сыне Божий, сице глаголя: Господи Исусе Христе, Сыне Божий, помилуй нас, и вскоре рече блаженная³¹²: аминь. И вниде в темницу, и рече ей: почто ми прежде не рече аминь, мне стоящу вне и молитву надолзе творящу? И рече блаженная: егда слышах глас противен, молчах; егда же ощутих не таков, отвещах. И глагола ей монах, якоже повелено есть ему, еже увещати ю³¹³. Доблественнейший же адамант, егда услыша таковая, позыба вельми главою, глаголя мужески: Оле, глубокого неразумия! О, великого помрачения! Доколе ослепосте злобою? Доколе не возникните к свету благочестия? Како убо сего не разумеете? Аз еще бех в дому моем, во всяком покое живях³¹⁴, ниже тогда восхотех ко лжи вашей и нечестию приставати; православия же крепце держащися, не точию имения не пожалех, но и на страдание о имени Господни не устрашихся дерзнути. И паки в начале подвига моего, егда узами сими обложиша мя Христа ради, многа ми стужения показоваху, аз же отвращахся. А ныне ли от доброго сего³¹⁵ и красного Владыки моего хотят мя отлучити, вкусившия довольно сладких подвиг за прекрасного и пресладкого ми Исуса?³¹⁶ И уже имам четыре лета носящи железа сия, зело веселящися, и не престах облобызающи цепь³¹⁷ сию, поминающи Павловы узы³¹⁸. Наипаче же яко и возлюбленную ми сестру единородную, союзницу и сострадальницу, предпослах ко Владыце, вскоре же и сама, Богу помогающему ми, зело любезне тщуся отъити тамо. И прочее убо вы, отложше всю надежду, еже от Христа мя отлучити, ктому ми отселе³¹⁹ отнюд не стужайте. Аз³²⁰ о имени Господни умрети есмь готова. И слышав сие старец той, умилися и проплака, глагола³²¹ великой Феодоре: Госпоже честнейшая! Воистину блаженно ваше дело! Молю тя и аз: Господа ради, подщися началу конец навершити. И аще совершите³²² доблестнне до конца, кто может исповедати похвалы вашея? Яко велику и несказанну честь приимите от Христа Бога. И сия рек, отъиде чернец.

И по успении святыя мученицы Евдокии, приведоша к великой Феодоре блаженную Марию, и терпяста купно подвизащеся. И кто может исповедати неизреченного терпения их, колико³²³ претерпеша от глада и жажды, и от задухи и вшей?

Посем зело изнеможе преблаженная Феодора, и призва единого от воин, и рече ему: Рабе Христов! Есть ли у тебя отец и мать в живых, или преставишася? И аще убо живы, помолимся о них и о тебе; аще же умроша, помянем их. Умилосердися, рабе Христов! Зело бо изнемогох от глада и алчу ясти: помилуй мя, даждь ми калачика. Он же рече: ни, госпоже, боюся. И глагола мученица: и ты поне хлебца. И рече: не имею³²⁴. И паки мученица: поне мало сухариков. И глагола: не имею³²⁵. И глагола Феодора: не смееши ли, ино принеси поне яблочко, или огурчик³²⁶. И глагола: не смею. И глагола блаженная: добро, чадо; благословен Бог наш, изволивый тако! И аще убо се, якоже рекл еси, не возможно; молю тя, сотвори же последнюю³²⁷ любовь: убогое сие тело мое, рогозиною покрыв, близ любезной ми сестры и сострадальницы неразлучно положите. Потом же, егда уже до конца изнеможе, призва еще воина и глагола ему: рабе Христов! Имел еси матерь³²⁸? И вем яко от жены рожден еси; сего ради молю тя, страхом Божиим ограждься: се бо аз жена есмь, и от великой нужды стесняема имам потребу, еже срачицу измыти. И якоже сам зриши, самой ми итти и послужити себе невозможно есть, окована бо есмь, а служащих ми рабынь не имам. Тем же ты иди на реку³²⁹, и измый ми срачицу сию. Се бо хощет мя Господь пояти от жизни сея, и не подобно ми есть, еже телу сему в нечисте одежды возлещи в недрах матере своея земли. И сия рекши даст ему завеску свою. Он же подполу скрыв, иде и измы на реце. И малое оно полотно³³⁰ мыяше водою, лице же свое омываше слезами, помышляющи прежнее ее величество, а нынешнюю нужду, како Христа ради терпит, а к нечестию приступити не хощет, сего ради и умирает. Известно бо то есть всем, яко аще бы хотя мало с ними посообщилася, то бы более прежнего прославлена была. Но отнюд не восхоте; но изволи тмами умрети³³¹, нежели любве Христовы отпасти.

Потом блаженная и великая Феодора успе с миром в глубокой темнице, месяца Ноемврия с первого числа на второе, в час нощи, на память святых мученик Акиндина и Пигасия. Мати же ее Мелания в то время бе в пустыни, и виде тоя нощи во сне великую Феодору, яко облечена в схиму и в куколь зело чуден, вельми же и сама светла лицем и обрадованна, и в куколи в веселости своей красовашеся, и обзираяся всюду, и руками водя по одеждах³³², и чуждашеся красоте риз своих, непрестанно же лобызаше образ Спасов, обретыйся близ ее, целоваше же и кресты иже на схиме. И сице на долзе зряше си творити, Дóндеже очутися мати от видения. И возбну от сна, дивляшеся. Последи же уведено бысть, яко в ту нощь и преподобная скончася, в нюже и видение оная Мелания виде. Погребена же бысть по завещанию ее близ княгини Евдокии, и обвита вместо драгих паволок рогози́цею³³³.

Мало же последи Феодоры пребысть и Мария, точию месяц един: Декабря в день преставися и она ко Господу. И взыде третия ко двема ликовати вечно о Христе Исусе Господе нашем, емуже подобает всяка слава, честь и поклонение и велелепие³³⁴, со безначальным его Отцем и со Пресвятым Духом, ныне и присно, и во веки веком, аминь.

* * *

Свидетельство о том, в кая лета великий князь Владимир крестися сам и свои его, когда же и от кого прият в русскую землю православную веру, и весь чин церковный, и кто потом свидетельствова российское благочестие, и кто похулил православные догматы, и предания церковная премени. Зде же и споры протопопа Аввакума с Феодором диаконом, и кто како мудрствова о вере от них, и како по них разделение бысть во христианех.³³⁶ Великий князь Владимир веру от Константинополя приял, и крестися во имя Отца и Сына и Святого Духа, в лето 6496, и в том святом крещении наречено бысть имя ему Василий. Крестиже и всех сынов своих, и боляр, и все российское воинство града Киева и прочих градов и предел их. По крещении венчан бысть законным браком с царевною Анною, еже в радости и в веселии совершив, и с цари гречески мир утвердив, взяв от греков учителей веры Михаила митрополита, епископы, пресвитеры, иноки, книги и певцы, и весь чин церковный, и тако с богобоязным и блачестивым воинством, и с добытием спасеным возвратися к Киеву. И абие в Киеве митрополит бысть, а в Нов-град архиепископа, и во иные грады епископы от патриарха цареградского освященных, посаждаше, и тако от того времени Русия веру и чины греческие совершенно хранит и держит. Да имаши от сего ведати, яко по прозрению Божию предано бысть благочестие роду российскому и всему духовенству в послушание действа под Апостольский престол цареградской восточной церкви. Егда же Михаил митрополит отыде к Богу, и по нем прочия митрополиты хиратонисахуся от константинопольского же патриарха, архиепископы же и епископы поставляхуся своим российским митрополитом. И егда турскому царю восточною церковию и четырми вселенскими патриархи, увы! Грех ради наших, до конца овладевшу, и поставления ради в царствующий град ходити не возмогаша, и того ради единою посланием с четырми патриархи согласившися, и по согласию прияша и рустии митрополиты от палестинских патриарх власть, еже не к тому поставления ради приходити русским митрополитам в Константин-град, но своими епископи избрание митрополие(лита) творити и поставлятися. Святительскою же честию судиша патриархи русскому митрополиту предпочитатися выше всех митрополий, и егда случится всея вселенныя собор, и председание имети превышее по иерусалимском патриарсе великия Русии митрополиту в начальнем месте, понеже благочестие в русийском царствии сияше, яко солнце среди круга небесного. И тако дойде даже до лет приснопамятного и свято почившего великого государя, царя, и великого князя Иоанна Василиевича, всея Русии собрателя, отческих наследий и многих бесерменских государств обладателя, и до сына его блаженного и приснопамятного, прекроткого великого государя царя и великого князя Феодора Иоанновича всея великия Русии самодержца.³³⁷ К сему убо благочестивому царю прихождаху из святого града Иерусалима и из Царя-града и из иных мест многи митрополиты и архиепископы, и епископы и прочие яже святительского и мнишеского чина, церковных ради потреб и милостыни, и искупления ради настоящие нужды.³³⁸ По смотрению же Божию, при сем велицем государе, царе и великом князе Феодоре Иоанновиче всея великия Русии, прииде в царствующий град Москву Иеремий, Божиею милостию архиепископ Константина града, и вселенский патриарх, и с ним моновасийский митрополит Иерофей и еласонский архиепископ Арсений, и иные мнози от честных обителей архимандриты и игумены неких ради потреб, ихже благочестивый царь с достойною честию усрести повеле.

Благочестивый же царь по времени некоем начат молити святейшего патриарха Иеремию цареградского, да поставит им, якоже подобает царствующему граду Москве, патриарха и всей Русии, еже и бысть. Тогда же святейший Иеремия патриарх благочестивому царю Феодору Иоанновичу глаголаше к прошению его сице: О, благоверный, и христолюбивый, и Богом венчанный, и Богом почтенный, и Богом украшенный, и Богом превознесенный, и благочестием всея вселенныя в концех просиявый, наипаче же во царех пресветлейший и преславный великий государь, царь и великий князь Феодор Иоаннович, всея великия России самодержец, и многих государств государь и обладатель, истинный рачитель благочестию, и богошественный святого пути богоуставного закона и премудрый исходатай, и благоразумный поспешник, истины изыскатель отеческому преданию, благоразумне цветый совершеным благочестием! Хощеши почтити и украсити святую превеликую соборную церковь Пресвятой Богородицы, честнаго и славного ее Успения, превысоким престолом патриаршества, и тем превеликим делом царствующий град Москву и все свое великое российское царство наипаче прославиши(ти) и возвеличиши(ти), во всю вселенную совершенным благочестием сияющу. Воистину в тебе, благочестивом царе, Дух Святый пребывает, и от Бога сицевая мысль тобою в дело произведена будет праве, и истинно вашего благородия начинание, а нашего смирения и всего освященного собора того превеликого дела совершение. Понеже убо ветхий Рим падеся аполинариевою ересию, вторый же Рим, иже есть Константинополь, агарянскими внуцы от безбожных турок обладаем, твое же, о благочестивый царю, великое российское царство, третий Рим, благочестием всех превзыде, и вся благочестивыя в твое царствие в едино собрашася, и ты един под небесем христианский царь именуешися во всей вселенней во всех християнех. И сия похвала вятейшего Иеремия патриарха. Но и потом ин патриарх извести, имать же сице.

В лето от создания мира 7127, Июня в 24 день, Феофан, милостию Божиею патриарх святого града Иерусалима и всея Палестины.

Благодатию и человеколюбием Святыя и единосущныя и животворящия Троицы, Отца и Сына и Святого Духа. Аз смиренный Феофан, патриарх святого града Иерусалима и всея Палестины, свидетельствую сим моим писанием истинно. Егда бех во святем граде Иерусалиме с преже бывшим мене патриархом святейшим Кир Софронием и со инеми боголюбивыми тамо сущими митрополиты и архиепископы, и видех на полудне от поганых агарян святым Божиим церквам запустение, и православным христианом святого греческого закона великое насилие и погубление, и утешения ниоткуду несть, точию слух благочестивого христианского российского царя, яко той един на вселенней владыка и блюститель непорочной веры Христовы. Прочие же вси, аще нецыи и именем християне нарицахуся, но далече от истины отпадоша и горше окаянных турок в православней вере гонители Быша, и никоеже упование тамо в сущих странах, наипаче же во святом граде Иерусалиме, идеже спасительные страсти и воскресение, и еже на небеса вознесение Господем Богом и Спасителем нашим Исус Христом содеяшася, точию надеждою веселяхуся благочестивых и Богом венчанных и святопомазанных царей русских, на нихже уповающе тамо пребывающие христиане, аще и зело нечестием от поганых мучими, но надеждою благоверия благочестивых русских царей, яко на водах покойных прохлаждаеми. Дозде словеса святейшего Феофана патриарха. И тако, друг по друзе идуще, благочестивые велиции рустии князи и царие, и прочие православные християне, многая лета непреклонно благочестия догматы, святых Апостол и святых отец церковное предание, не нарушно соблюдаху, мнози же от них сподобишася восприятии вечная благая, и зде прославлени Быша нетлением телес и чудесы, якоже свидетельствует о них писание жития и службы.

Все лета же бытия Никона патриарха московского и по нем иными властьми, ихже имена и время являет Скрижаль и Жезл и Увет книги, Быша тогда многая пременения и превращения церковных преданий, от нихже есть и сие. Божественную песнь повелеша³³⁹ святые отцы глаголати во уреченных местех сице: аллилуия, аллилуия, слава Тебе Боже 3-жды. Еже о том пишет святый Феодор Студит во своем уставе; тако же повелевает глаголати и святый Фотий митрополит московский в послании своем, еже писал во Псков град; тако же повелевает и премудрый философ Максим Грек в книге своей; тако же видети и в служебных книгах древних греческих, и сербских, и российских и московских: аллилуиа, аллилуиа, слава Тебе. Тогда же возмнеся архиереем тех времен, о нихже сказася, неправо тако быти, и превратиша то церковное предание и повелеша глаголати: аллилуиа, аллилуиа, аллилуиа, а четвертое приглашати: слава Тебе Боже. О таковых же святой Максим Грек глаголет тако:³⁴⁰ И аще сице глаголете, явственне исповедуете себе самех причастников сущих латинския части, а не апостолы преданного неблазненного богоразумия. Судите убо сами, аще полезно и спасительно есть вам, еже со зловерными латины пети Святую Троицу, а не с благоверно проповедующими слово евангеельския истины четырми патриархи православными. И сия убо святый Максим извести. И аще которые глаголют аллилуиа трижды и четвертое слава Тебе Боже, таковых осудили и на святем соборе, иже бысть в царствующем граде Москве, в царских палатах, в лето 7059, при благоверном царе Иоанне Василиевиче всея Русии, и при святом Макарии митрополите, и всем освященным собором глаголюще тако: сия несть православных предания, но латинская ересь, не славят бо Троицу но четвертят, и Святого Духа глаголют от Отца и Сына исходяща, и тем раболепна Святого Духа творят: и того ради не подобает святыя аллилуии трегубить, но дважды глаголати аллилуиа, а в третий слава Тебе Боже. Понеже бо по-еврейски аллилуиа, а по нашему по-русски слава Тебе Боже. И сия святый Стоглав³⁴¹. Тако же и святой Максим Грек глаголет: что бо есть у нас еже слава Тебе Боже, то̀ есть у евреев аллилуия. Но и в новопечатных книгах, Жезле и Увете, сице сказует: аллилуиа тожде знаменует, еже и наше: слава Тебе Боже³⁴². И о сем дозде.

Тако же тогда премениша устав о земных поклонах во святый великий пост и прочие посты: идеже бы подобало коленопреклонения творити на трисвятом, и на приидете поклонимся, и на аллилуии по кафизмах, и по четырех великих поклонах 13, они же таковых не преклоняху колен, но поклоны поясные токмо творяху; идеже в прежних уставах было написано преклоняющим колени, они же вместо того поклоны написаша³⁴³. И о том святой Иоанн Дамаскин и преподобный Никон Черной горы, емуже учительства дар даровася от Пречистой Богородицы, сице приводит, глаголя во изложении Дамаскинове, еже о ересях: начитается ересь сия неколенопреклонная.

Ересь 91 непоклонницы. Сия на всяко время молитв своих колен не хотят преклонити, но стояще присно молитвы своя творят, и сия убо ересь зде предлежит к вашему отвержению, егда не произволяюще, или инако некако от десных украдаемся и не хощем преклоняти колена, рекше кланятися в молитвах во установленных днех: ибо всяко уклонение от православных велений отпадение есть от соборной апостольской церкве, якоже божественнии отцы глаголют. До зде словеса преподбного Никона.

В древних уставах харатейных и в печатных повелевают святии отцы в неделю пятидесятную на вечерни главы с коленома преклоняти на землю и молитися Господу Богу, такожде и на преждесвященной литургии святии повелевают преклоняти колена и лежати ниц и молитися. Тогда же премениша и то церковное древнее предание, и начаша на коленах стоя молитися, а глав на землю не преклоняти, якоже их новопечатные уставы и дело являют.

В завещании же святых Апостол о коленопреклонении пишет сице³⁴⁴: Ведомо же буди, яко коленопреклонения от самого Христа Спаса нашего воображена суть нам творити: грядый бо на святую и вольную страсть, и егда восхоте предатися убийцем, тогда отшед от учеников своих, преклон колене, пад на лицы своем, владыка наш Господь моляшеся Отцу Своему, глаголя: Отче, аще есть воля Твоя, да мимо идет от Мене чаша сия³⁴⁵. И убо от труда честных поклонений его, бысть, рече, пот его яко капля крови каплющи на землю³⁴⁶. Иже тем потом и волною страстию, еже за ны восприят, очисти от страстей и свободу нам дарова, яко милостив. И желати и присвоитися божественному хотению точию наше прилежание да будет. И сия от самого Владыки нашего Бога назнаменано есть нам. Аще ли кто не радит о сих, и преобидит леностию, или иноя коея любо ради вины, да весть таковый, яко со отпадшими церковного закону предания ереси подлежит. И сия тако суть.

Премениша же тогда и ина многая церковная предания, ова отложиша, ова же прибавиша; но не у время ныне всего изъявити.

Обаче же и о сложении перстов вкратце скажем. И како православным подобает на лица своя знаменати рукою истинный крест, о том пишет блаженный Феодорит и преподобный Максим Грек; тем же святым согласно свидетельствуют и чудотворные древние честные иконы, у нихже у благословенных рук у многих и у молящихся, якоже зде изобразися. Еще же таковое церковное предание, сложение перстов, утвердиша отцы собором, иже бысть в царствующем граде Москве в лето 7059, на непокоряющихся и клятву положиша того святого собора отцы³⁴⁷.

Никон же патриарх московский и единомышленницы его то древнее церковное предание, сложение перст, не токмо отложиша, но и вельми похулиша. Еже бо два малые последние соединити с великим пальцем дерзнуша нарещи арианством³⁴⁸. И паки то писание, еже во Псалтырях о сложении перстов, сложено сказаша от некоего раскольника и скрытого еретика арменские ереси³⁴⁹. И иными многими хулами оклеветаша таковое церковное древнее апостольское предание, еже о том видети есть в новопечатных книгах, в Скрижали, и Жезле, и Увете и в соборном свитке, како тамо силлогизмами и премудрыми словесы наводят хульная. О таковых бо глаголет божественный Златоуст сице³⁵⁰: Егда убо в премудрости словес бывает указание, множицею и злейшии обладают кротчайшими, сильнейшие глаголати суще, и лжа изгоняет истину. Они бо изыблют немощный разум и возмущают, и показати явленне о нихже глаголют не имуть ничтоже, но и противное творят, возмущают паче и мрака исполняют и недоумения многого, велеречием, краснословием льстивне преображающе ближних, и вместо Божии правды свою правду ищуще поставити. Таковый бо разум суетный и неразумие есть паче, нежели разум³⁵¹. Мы же силлогизмов не трѐбуем, ниже их слушаем, ниже сами употребляти хощем: не ко всякому богословию приличествует. Мы, имуще самый источник святых писаний, струй не требуем; светящу самому солнцу, показании лучи звезд погасают; стояще на известном основании, на крепком утверждении писания святого указаний и свидетельствовах, к песку вымышлений прилогов и приуподоблений не прибегаем. Обаче же тогда те архиереи не токмо похулиша то сложение перстов силлогизмами своими, но слагати тако и знаменатися православным запретиша и прокляша. Но убо яже без правды запрещение не вяжется от Бога, якоже вещают правила³⁵². Яко неправедно налагаемые запрещения у Бога не связуют, аще я и архиерей положит, колми паче аще меншии, якоже глаголет святый Дионисий.³⁵³ Иже убо нерассудным изречением и невоздержным сердцем от верных кого отлучи, сего не токмо не коснуся, но и на главу его возвращается. Аще убо архиерей чрез волю Божию кому запретит, Бог ему не последует, и се обретается запрещение его неправедное, сего ради и некрепкое. А яко повиноватися святителем и послушати их тогда лепо есть, егда учат от божественных писаний, яве яко по воле Божии и по отческом предании, а не по своих похотех, якоже пишется, и не судити их, аще и зло имут житие. Аще ли же о вере погрешат и учат некия ереси, иже святыми соборы и отцы отреченные, тогда не точию не запрещаются непокоряющиеся им, аще и проклинаеми от них, но от Бога и великим хвалам досстойни суть, якоже глаголют божественные правила собора, иже в Константинграде, в храме святых Апостол, и от Игнатия патриарха правило 15³⁵⁴, уставленная о пресвитерех, и епископех, и митрополитех, множае паче и о патриарсех подобает: темже который епископ или пресвитер, или митрополит дерзнет отступити еже ко своему патриарху приобщения, и не поминает имя по уставленному и учиненному в божественной службе, но прежде объявления соборного и совершенного ему осуждения раздор сотворит, сему повеле святый собор всего священства всячески чужду быти, аще кто обличен будет се законопреступник. И сия уставлена Быша и запечатленна о иже виною неких согрешений отступающих от своих первопрестольников, и раздор творящих, и соединение церковное раздирающих. А иже убо ереси ради некия, святыми соборы и отцы отреченные, еже к первопрестольнику приобщения себе отлучивше, и оному ересь яве яко в народе проповедающу, и непокровенною главою в церкви учащу, таковые не точию правильному запрещению не подлежат, прежде соборного осуждения себе к зовомому епископу приобщения отделяюще, но и подобающия чести православным сподоблени будут. Не бо епископом, но лжеепискокопом зазреша, и не раздором церковное соединение ссекоша, но от разделения и раздирания церковь подщашася избавити.

Аще нецыи отступят от некоего епископа не греховного ради извета, но за ереси его, от собора, или от святых отец неведому сущу, таковии чести и приятия достойни суть, яко правовернии³⁵⁵.

В житии преподобного Максима Исповедника³⁵⁶ пишет: Егда в темницу всажден бысть святый в Цареграде за православное исповедание, не хоте бо общатися нечестивым, тогда пришедшии от патриарха начаша святого вопрошати: коея, глаголюще, еси церкви, византийския ли, или римския, антиохийския ли, или александрийския, или иерусалимския? Се вси тыя церкви с подлежащими им странами нам согласуют. Аще убо и ты кафолическия еси церкви, убо едино буди с нами, да не странническое житие во изгнаниях начен, чесого не чаяши постраждеши. К ним же блаженный муж премудре отвеща, глаголя: Христос Господь кафолическою церковию нарече быти правое и спасенное веры исповедание. Того ради и Петра, добре исповедавшего, нарече блаженна, (на) егоже исповедании таковую создати церковь всех Господь обеща. Глагола Феодосий (епископ): хощет царь и патриарх чрез нас уведати от Тебе, чесо ради не общаешися с престолом константинопольским. Глагола Максим: Весте сотворившияся новшества от шестого индикта мимошедшего круга, яже начашася от Александрии, чрез написание Киром, бывшим тамо патриархом, девяти главизн, приятых и утвержденных от престола константинопольского, и иная пременения и приложения. Тоя ради вины не общаюся раб ваш константинопольстей церкве. Да возмутся от церкве соблазны, положенные предреченными мужи, да возмутся же с положившими я, и претыкание от стез да отметнется, и вы гладким путем Евангелия, от всякия ереси очищенным, шествуйте. И егда брящу церковь константинопольскую тако, якоже прежде бе: тогда и аз обрящуся в ней. А доколе еретические соблазны и соблазнители архиереи будут: дотоле никаковое же мя увещает слово или дело, да бых когда им како приобщился. Тогда Епифаний Патрикий глагола к преподобному: Сие царь нами тебе возвещает и глаголет: понеже весь восток и сущии на западе, развращшиися в сопротивление нам и умножившиися раскольники взирают на тя, и тебе ради вси ков воздвижут, не хотяще с нами соединиться в вере, да сокрушит убо умилением сердце твое Господь, яко да приобщишися нам, приемши составленный нами тип; мы же, приемлюще тя любезне, с великою честию и славою в великую тя введем церковь, и поставим вкупе с нами, идеже по обычаю ставают царие, и причастимся вкупе с тобою пречистых и животворящих таинств, тела и крове Христовы. Глагола авва Максим: Воистину вся небесныя силы не увещают мя то сотворити, еже царь требует. Который бо извет принесу, не глаголю Богу, но самой совести моей, аще славы ради и почитания человеческого, ничто же в правду сущего, отрекуся правыя веры, яже любящих ю спасает? Тогда Епифаний Патрикий со многою жестокостию, яростию дыша, глагола к святому: Повеждь нам, злый старче, чревобесне, почто таковая рекл еси? Имаши ли яко еретиков нас, и град наш и царя нашего? Ей, лучше есма паче тебе християне и православны, и Господа нашего Исуса Христа исповедуем имети волю и божественную и человеческую, и душу разумную. Отвеща авва Максим: Аще тако веруеши, якоже умная естества и Божия церковь, то почто убеждаеши мя приобщитися типови, иже вся та, вами ныне глаголемая, весма отметает? Глагола Епифаний: То сотворися решением неудобь разумительных, да не повредятся народи тончайшими таковыми речении. Глагола авва Максим: Се сопротивно есть: ибо всяк человек обещается веры исповеданием. Троил Патрикий глагола: Не отметает типос двоих во Христе воль, но молчати повелевает, да вси миром ограждаются. Глагола авва Максим: Молчати слово есть отметати е, глаголющу Духу Святому чрез пророка; не суть речи ни словеса, ихже не слышатся гласи их³⁵⁷. Чесо ради аще которое слово не глаголется, слово то несть весма. Глагола Троил: имей в сердцы твоем, якоже хощеши, никтоже тебе возбраняет. Глагола Максим святый: Но всех спасения в единого человека сердци не определил есть Бог, рекий: иже не исповесть мене пред человеки, ни аз исповем его пред Отцем моим, иже на небесех. И божественный Апостол учит, глаголя: сердцем веруется в правду, усты же исповедуется во спасение. Аще убо Бог и Божии пророцы и Апостоли повелевают исповедати словесы и гласы веры таинство, еже приносит всему миру спасение, то несть полезно налагати исповеданию тому молчания, да не умаляется человеком спасение. Глаголаша ему пришедшии: Что сотвориши, егда римляне соединятся с византином? Ибо вчера приидоша из Рима два апокрисарии, и утро в день недельный будут причащатися с патриархом пречистых таин. Отвеща преподобный: Аще и вся вселенная начнет с патриархом причащатися, аз не имам причащатися с ним. Вем бо Духа Святого, чрез Апостола Павла и ангелов анафеме предающего, ащебы инако благовестили, новое что вносяще. До зде словеса святого Максима и прочих.

Видите ли убо, яко аще кто по сицевому разуму не повинуется архиерею, како глаголет сие божественное писание, яко аще и тмами от таковых проклинается, не точию не вяжется от Бога, но и православных, сиречь исповедническия чести сподобляются. Понеже великий Афанасий сице глаголет³⁵⁸: Всяк человек, приемый рассуждение от Бога, мучим будет, аще последует пастырю не искусну и ложную славу яко истину приемшу: кое бо приобщение свету ко тьме? Преподобный же Никон глаголет³⁵⁹: раздраша бо и сии церковь, якоже иже о вере погрешающии, учаще от своих помысл, а не яже от божественных писаний нам преданная.

И паки инде глаголет писание³⁶⁰: Еже убо не тожде со святыми отцы мудрствовати, беда велия и ересь есть. Священные законы, иже аще и малейшее что кафолическия церкве подвизая, есть еретик. Подобне же тому и преподобный Максим Грек: еретик бо он есть, кто мнению своему лживому крепце прилепляется. И паки ученик того глаголет³⁶¹: Еретики же именуются от сего: не согласуют правоверным, криве верующе, и по крещению они християне, кривоверия же ради они еретицы.

Пишет, рече, святый Игнатей³⁶²: иже глаголет паче, еже узаконена суть, аще бы был и верный, аще бы и постился, аще бы и девственник был, аще бы и знамения творил, аще бы и пророчествовал, волк тебе да мнится быти, в кожи овчей убийство овцам содеваяй.

По сих пор толико. Мы же на прежнее сказание возвратимся. В та времена, тогда при Никоне патриархе московском и при иных многих властех по нем бывших, видяще православные християне многая пременения церковных преданий, того ради начаша от архиереов отлучатися, и на многая части разделишася: овии православно, овии же противно православию толковаша. Архиереи же, видяще соблазн свой и мятеж в народе, не помиловаша их отечески, но начаша не покоряющихся им мучити и насильно к новым своим преданиям приводити, многих же и огнем кончаша. Но убо тогда сташа противу тех архиереов первые поборницы по благочестии: протопоп Аввакум, служитель церкви предела Гурия и Варсанофия казанских чудотворцев, иже зовомо на пожаре, да Феодор диякон Благовещенского собору, еже на сенях, и прочии таковые, о нихже инде глаголется. Нам же ныне слово о Аввакуме и о Феодоре страдальцех. Тогда сии не покоришася ввластем, ежебы изменити предания церковные: аллилуия, и сложение перстов, и прочая таковая, но сташа крепце за православные догматы. Того ради зело мучени Быша и многия лета в различные места на заточения посылаеми бываху, конечное же в Пусто-езеро послани Быша во изгнание. Пребывающим же им тамо в заточении, и прочии с ними, воздвижеся у них велия брань и клятвы друг со другом о вере и о церковных догматех. Аввакум на Феодора написуя, и посылаше в мир. Феодор же на Аввакума пиша и посылая сыну своему и иным, повелевая списывати и рассуждати о том споре. ихже обоих спорные речи зде вкратце полагаем к ведению вашему.

В писаниях протопопа Аввакума обретаются таковые речи и мудрование его о вере, на Феодора и инде³⁶³.

Да слышит сын мой духовный, Федка отщепенец, от никониян рукоположенец! Блудишь, сице пиша и глаголя о Святей Троице: понеже де божественное несозданное существо Святыя Троицы несекомо есть, и нерасстоящо лице коеждо друг друга. И приводишь в привод душу человечу, толкуя саматоху, глаголя: яко же де душа трисоставна: ум, слово, дух, имать един образ, такожде и Бог, и Сын и Дух Святый во Отце соединено и совокупно, а не слитно и не раздельно всяко.

Федка, а Федка! Зриши ли, како вземшагося гордынею мучит? – Златоуст рече. Ох, собака, блядин сын! Гордый пес! Помнишь, лаешь ты: Аввакум свинья, что знаешь! А я небесные тайны вещаю; мне дано; словом говорю Троицу, а умне во Отце Сына и Духа верую. Так-то ты не здраве, пустошне и жизнь свою изнуряешь. И о души-той слепотою говоришь, – слушать нечего: глаголешь бо ее трисоставну. Не тако, не бляди! Вси святии научают, яко душа единораслена и телесовидное; ум и слово и дух силы в ней действительные; сими силами зряше к Богу; о кротости и о правде пекущися, сообразен Богу бывает человек; не по естеству божественному душа имать естество, но вещь телесовидна; ангел некий чистейший душа, но и плотна есть, единовидна, а не трисоставна.

Комуждо особно седение: Отцу и Сыну и Духу Святому. Не спрятався сидят три Цари небесные. Яко же бо слово от души рождается и паки в человека не возвращается: тако и Сын от Отца родися, а во чрево отчее паки не возвратися. Зри, Игнатей Соловьянин, и веруй трисущую Творцу; не секомую секи, не бойся, едино на три существа, тожде и естества; и образы три равны. Натрое течет источник Божества; по Арию не рцы: три естества неравные; а равные три естества – добре, или существа. Не шевели болши того. Якоже Петр и Павел и Иоанн Богослов трое растоящи: тому прилично и Божество. Существо Божественное на землю и под землю не поступно.

Федка, а Федка! По твоему кучею надобе, едино лице и един образ? Ох, блядин сын! Собака косая! Дурак, страдник! Коли не знаешь в книгах силы, и ты вопроси бабы поселянки: скажи-де, государыня-матушка, о Святей Троице, – Троица-де, что есть? Так она тебе отвещает и скажет. Федка! Ну лбом о землю, блядин сын, поселянке-той! Таки-су и мне грешному диво, каково хорошо старуха-та отвещала! Гордоуст! Алгмей! Собака! Бог тебя навел на жену-ту. Вопроси еще еяже: что есть существо Божие? И она тебе отвещает.

Да ты же пишешь: сам-де Бог Слово самым существом Божества своего бысть во чреве Девыя, а не благодатию и промыслом кроме существа, но весь невместимый вместися в девичью утробу существом по своему хотению, а не благодатию и устроением и силою несказанно, но яко Божественное его Христово самое существо с плотию бе на кресте, и во едино время во гробе с плотию бе, во аде со душею и в раи с разбойником в пяток, в оньже распятся, – везде существом бе тоже Слово Отчее, Христос Бог наш. Да и много того блядословия в тетрадках твоих писано.

А ты, Федка, около всея твари существо его говоришь не делом, не по писанию. Так худо. Престани, не беснуйся! С тварию существо Творца месишь. Велик Бог и силен не по величеству вещи, нами зримой. И здесь зри: малая вещь сильнее большия. Лев зверь сильнее осляти и вельбуда; такоже орел и сокол сильнее лебедя и гуся. Да много того есть в видимой сей твари, – малая вещь сильнее большия. Писание велика Бога нарицая не по существу состава; но велик и всесилен властию державы; в существе его к хотению ему припряженна сила: что восхощет, то и творит. По образу Божию, реку тебе в приклад, царствует на земли царь: здесь составом не велик, а везде обладает. Тако и о блаженном оном существе подобает помышляти, а не вещию помышляти велико. Где же по твоему мнению свет он неприступный и окрест его как стоят серафими? Немощно твоего плетения расковыряти; яко лапоть сковырял ты, да и цены потерял.

Есть писано: не по писанию верующии еретицы суть, якоже и мой худой еретичешко Федка. Глаголет бо самым существом воплотившася Бога Слова.

И седит смотрение, еже есть Сын Божий, нас ради вочеловечивыйся, на особном царском престоле херувимском живом.

И Христа того де не скрывайте еретики, в Троицу месяще неведоме. Излияние то во Христе и благодать того же существа седит на особом престоле. Соступив с небесе силою благости своея к нам, весь в чистую Деву вселися, – тверди: весь благостию, а не существом.

Яко сниде Христос во ад плотию одушевленною Божески. А не якоже Федка отступник блядословит, глаголя неподобно: душа Христова без тела от креста во ад снесена дияволом и смертию. И такие же бредни обретаются в книгах Григория Амиритского и Иосифа Волоцкого. Бредни, бредни, правоверне! Плюнь в то место, идеже писано увидишь, яко диявол и смерть душу Христову без тела во ад волочили. Аще бы и сами Григорий и Иосиф написали, и тому не подобает верити.

Блядословцы глаголют: смертию и дияволом сведена душа его во ад. И прочие басни их во Амиратове книге. Не согрешит кто и всю книгу ту за Христово бесчестие во огнь кинет; и добра была, да от еретик испоганена стала.

А Федка прелагатай со единомысленники проклят да есть! Ей: да будет, да будет и будет в век! Собака, блядн сын, адов пес! Вот тебе, отступник, песни песням соломоновы: играй под клятвою вечною! Затворил тя Бог в противление истине: погибай со своими окаянными!

Федка поганец! Слушай. Умучи ада сошедый во ад плотию, горе бысть аду от плоти. Во гробе Бог-Слово лежа человечески, унижен беславн, а егда восставше, яко от сна, взем душу той же Бог-Слово лежай во гробе, яко лев шатанием расшатався, плотию с душею во ад сниде Божески. Слава Богу! Подите бедныя тюремщики из тюрьмы вон! Бог простил Адама со адамленки! Да и вышел со святыми из земли Христос, и всем бедным горемыкам воскресше (им).

А хощеши ли Петров крест разумети? Римляне его любят и почитают, якоже и крыжу честь воздают; и мы его чтем, да не яко Христов, но словет у нас крест водружалнен. Егда святится церковь, подписавше на нем лета священия церкве и за престолом поставляют: пускай с Петром Апостолом паси церковь, зря из-за престола: Павел научает, а Петр законополагает. А Христов крест пишется на антимисе, и на престоле полагают: то бо царь есть; влепоту ему на престоле почивати. А слуга – Петр стой за престолом, – не подобает ему на престоле почивати, ниже на церкви, ниже на жертве, разве на пути, или инде в пустом месте поставляем в честь Петру Апостолу, и страданию его поклонимся.

Разумей: егда, Нерон повеле его в Риме распяти на такове же кресте, яко на Христове, Петр же не восхоте подобитися Христове смерти, повеле себя вверх ногами поставить. И поворотиша крест: верхним рогом водрузиша в колоду. И ты слышателю разумей Христов и Петров крест: у Христова над титлом чибышок, а у Петрова над колодкою чибышка нет, ему же образ сицев:

От православных последи поставлен по обычаю, – вверх главою поворотили.

И еще Апостол научает, что есть широта и долгота, высота и глубина. Разумееши ли апостольску-ту речь, еже рече: широта и долгота, высота и глубина? Да слыши, в лице тебе поставлю. Широта прекое древо, к немуже прибиты Быша руце. А долгота долгое, – и сам разумеешь. Высота же и глубина, подножие: высота верхний рог, а глубина нижний рог.

Еще же и знаменуемся персты, слагая по преданию: великий палец и малый, сиречь мизинец, и третий, подле мизинца, слагаем во образ Святой Троицы; указательный же и великосредний во образ Христова Божества и человечества. И сею истиною, двема персты, прекрестимся, сиречь видимо начертаем сень законную, а мысленно на себе образуем образ честнаго и животворящего креста Господня.

Как так явно обманул диявол русских людей бедных, явно идут в пагубу, римскую блядь возлюбивше, крест четвероконечный.

До зде словеса и бранные речи и о вере мудрование того Аввакума протопопа.

* * *

Феодора диякона о брани, бывшей у него со Аввакумом протопопом и с прочими о вере, вкратце избрано от писания его, которые послал он к сыну своему Максиму и прочим. Сказание же его и мудрование о вере сицево³⁶⁴:

Что се, Господи, будет? Тамо на Москве клятвы вси власти налагают на мя за старую веру и на прочих верных, и зде у нас между собою стали клятвы и свои друзи мене проклинают за несогласие с ними в вере же, во многих догматах больши и никониянских³⁶⁵.

Они убо, протопоп Аввакум и поп Лазарь, начали Троицу на трех престолах исповедати, и трибожну, и трисущну глаголют; и в трех лицах по три состава глаголет Лазарь; а Христа четверта Бога глаголют быти и на четвертом престоле седяща, и самого существа Божественного в нем не исповедают, но силу и благодать от сынови ипостаси излиявшуся в Девицу глаголют, а самое де существо сыновне и Духа Святого с неба на землю никогда не сходит, но сила и благодать посылается. Дух Свят не сам же сходил в пятидесятницу, глаголют. Местом убо они описуют Божество Святыя Троицы по-иудейски, плотским разумом. А во ад схождение Христово с плотию по восстании от гроба не называет воскресением, но восстанием токмо, а воскрес-де как изо ада вышел. А Лазарь глаголет едину душу Христову бывшу во аде с силою Божества и без плоти до восстания от гроба, и восстание Христово от гроба называет воскресением³⁶⁶.

Аз же, диякон Феодор, всего их сего мудрования не приемлю, но отметаю и обличаю, и прение творю с ними за та вся выше реченная зде. Сам же аз исповедую Святую Троицу единосущну и нераздельну, три лица во едином Божестве и едино Божество в трех ипостасех совокупленно, един трисиянен образ; друг в друзе вмещение имуть, кроме всякого размешения и слияния, по богословову григориеву словеси, и не прелагается друг в друга, но кождо свое собство и свойство имать, Отец и Сын и Дух Святый. И един от Троицы Сын Божий сам сошел с небес на землю самым существом неописанным и весь невместимый вместися во чрево Пресвятыя Девы Марии, всего человека восприим на ся, и родися от нее сугуб Христос, весь Бог и весь человек, и со Отцем на небеси весь пребысть неотлучно в то время и всегда. А на кресте страда плотию и умре. И со креста сниде во ад с раздельшеюся душою смертию от телеси сам Бог Слово своим лицем, без плоти; а с плотию положися во гробе бездушен сам же Бог Слово: и от души его пречистыя во аде и от плоти во гробе неотлучно бысть Божественное его существо всесильное отнюдь. И местом Божества на описую аз, но везде Бога быти существом исповедую невидимо и непостижимо³⁶⁷.

Никониянская клятва беззаконна есть, такоже и друга моего Аввакума протопопа неправедна есть и страстна. Христос ему в том судия, еже напрасно мя оболга и оклевета многим верным братиям, и соблазнил их своим новым мудрованием, егоже оным братиям посла отселе, гневаяся на мя. И они, бедные, не разжевавше, да и глотают уже и хвалят его мудрование то, и богословно и свято называют, а ко мне глаголют тако, отрицающеся во Христе – Свете самого существа Божия: не буди-де нам, Феодор Иванович, и помыслити по твоему, еже самое существо во Христе веровати, или без плоти Христу до воскресения во ад сходити с душею единою, или Святому Духу самому существом снити на Апостолы тогда в пятидесятницу. Да и толкует некто слепой бедной буеслов (не сказал мне Аввакум имени его), Бог-де Дух не посылается с неба никуды, но благодать и сила от Духа посылается. Да Максима Грека слова тут приводит, не смысля и не зная в них сущего разума³⁶⁸. И ты, чадо мое животное Максиме, аще знаеши тех, мнящихся быти и по ставников учителей погибели и во тме неведия шатающихся, вели им прочести трезвым умом и с чистою совестию четыре Христова Евангелия, изряднее же Сына Громова богословие и прочих святых Апостол проповедь вселенскую, и святых седми соборов и десяти поместных деяния и правила их проити, к сим же святыя учительные слова прочести с разумом и со известным испытанием, да и ктомуже и вся службы на господские двунадесятые праздники просмотрити, стихеры и славники, и ирмосы и каноны, богомудрых творцов гранесия, да научатся от тех всех и громогласно с ними же всеми святыми согласно исповедят в Троице единого Бога, а не три и не четыре, и един образ трисиянен, и един Бог трисоставен, а не три трисоставны Боги. И несть девяти лиц во Святей Троице, но три токмо: Отец и Сын Слово и Дух Святый параклит, и в трех сих лицех безначальныя Святыя Троицы едино существо и естество, а три существа глаголати нечестиво и богомерзко, единосущна бо есть Святая Троица, а не трисущна³⁶⁹.

Идеже бо Отец, ту и Сын Слово, ту и Дух Свят, а не растоящо трисветлое Божество никако, и местными престолы не описуется, и во едином месте небеси не затворяется, не заключается. Не объимается местом Бог: необымлен бо есть и невместим всей твари, но везде сый Отец, везде сый Сын, везде сый Дух Святый, невидимо и непостижимо всякому созданному уму³⁷⁰.

Не тако бо сходит с небес, на землю посылается, Сын Божий, или Дух Свят, яко же ангел. Ангел бо местом описуется, – сиречь, егда посылается на землю, тогда уже на небеси несть его, и паки егда изыдет от земли, на земли уже тогда не обретается. Бог же, аще и сходит, но местом не описуется, сиречь с места на место не преходит, но везде весь бывает. И сего ради писание оно глаголет о Сыне Божии Слове, Исус Христе: Весь бе в нижних и вышних никакоже отступль неописанное Слово, схождение бо божественное, не место бысть прехождение; и инде: отча недра не оставль, сошед на землю, Христе Боже; и инде же: Слово воплощается, а от Отца не отлучается. И прочая таковая бесчисленная писания есть во всех книгах, паче же в канонах октайных и в Минеях месячных, во вся дни чтомых в церкви, во многих богородичных стихах; и во ирмосах девятой песни поется, яко Пресвятая Богородица Мария самого Творца и Создателя всея твари роди сущего Бога Слова³⁷¹. Се есть истина о вочеловечении Христа Бога моего. Да к сему прочти слово святого Ефрема Сирина, иже в книге его на Преображение Христово, – и в Прологу положено оно на праздник той, – и узнают, яко самое есть существо и божество во Христе Исусе Господе нашем, и спасутся от прелести³⁷².

А по воскресении своем вознесеся Христос Сын Божий на небеса и седе одесную Отца, а не во Отца. То по страсти гневной лжет на мя Аввакум, будто аз тако исповедую, еже возшед Христос на небо и седе во Отце. Не с ним у мене и слово бысть о том, но с попом Лазарем. Помышлял он, Лазарь, и глаголал со мною плотским смыслом, чаял по вочеловечении седение Христово одесную Отца, как на иконах пишется, по человекообразию Отчее лицо, Христово же по бытии, а Дух Святый голубиным образом посреде их, а не ошуюю Отца. А он, Лазарь поп, пряся со мною вопит, глаголя: Троица рядком седит, Сын одесную, а Дух Святый ошуюю Отца на небеси на разных престолах, яко царь с детьми седит Бог Отец; а (Христос) на четвертом престоле особном седит пред Отцем небесным. И Аввакум от него приял той злый толк, еже четверить Троицу трисвятую. Аз же многажды ему клеврету своему Лазарю возбранял о том плотском мудровании его, яко нечестиво есть тако мудрствовати о Святей Троице, и на иконах бо три лица пишутся, а не четыре, и пишется плоть, а не божество; божество же местом и качеством не описуется нигдеже. И Бог Отец, и Дух Святый плоти не имут никакия; но един Сын имать. И вемы о нем Сыне Божии Исус Христе, и веруем, яко есть одесную отца седит, по писанию, по приятии плоти; а како седит? – никтоже весть³⁷³.

Существом же везде бывает Бог, и есть невидимо то и непостижимо всем. И не токмо Бог, Святая Троица, не существом является комуждо, хотя избранным своим, но и ангел, и бес не своим существом является, яков есть человек, человеком, но мечтательными плотскими, и человеческими, и птичьими, и звериными зраки. И сам ту³⁷⁴ бес, или ангел, к кому чесо ради прислан бывает от Бога, а не мечта и не сень глаголет, но существо. Тако и Бог являшеся и глаголаше многочастне и многообразне пророком древле. И не мечта же ту глаголаше и не ино что бессловесное, но самое Божие существо словесное. И якоже тогда, и ныне тако бывает Божие действо и явление. Якоже царь кто благий, хотя нища кого посетити и беседовати с ним о полезных, тогда отлагает свою багряницу и венец драгий и облечется в нищие ризы, всю славу свою ту скрывает, и не на колеснице, но пеш приходит, и слуг не поемлет, но един сам с нищим беседует, да не устрашит нщего славою своею: тако и Бог много паче творит премудростию своею, и закрывая свое неприступное существо вещным огнем, или облаком, и человеческим мечтательным телом облашеся до вплощения и являшеся, сходя, рабом своим пророком и святым, и глаголаше с ними до закона и в законе. И во благодати паче, егда уже воплотися и облечеся в нищетную плоть нашу истинно, а не мечтанием уже, и самоличне беседоваше Апостолом яко сквозе завесу – плоть свою и прочим всем. И како глаголют неции неразумнии: не сходит само Божество и существо с неба на землю, не везде есть Бог существом? Зело буе се и зловерно. Ум наш человеч тварь Божия малейшая есть, и страстен есть и грешен; но и той везде ходит, и в мгновение ока вся оптицает, долная и горняя, не существом же своим, но мечтанием помысленным. О сем писано в книге Зерцале киевских святых отец, в немже душа с плотию беседует. Бог един везде существом. Сице пишут святии отцы, знающие Бога. Кое не существом везде, тако и глаголят, уча; а кое везде есть существом, тако они и исповедуют, наказуя нас³⁷⁵. Да еще приводят Григория Богослова слово о несамошествии Святого Духа существом, еже глаголет, яко Дух Святый свойство недвижимо имать и не поступно, тако де и Сын Божий. И мнят они ложно в разуме своем о том слове Григория, чают лежаща, или седяща Духа Святого на небеси во едином месте, и не подвизающася, и не поступающа с места своего никуды никогда. И того ради Сына Божия Исус Христа начаша проста человека исповедовати в воплощении от Девы, не глаголюще в нем самого существа быти Божия, но излияние некое благодатныя силы от Сыновни ипостаси. Потому же и сошествие Святого Духа самого существенне не хотят исповедовати в пятидесятницу, еже бысть по вознесении Христове ко Апостолом³⁷⁶. Точию бо сем достоит всякому разумети, яко не существом нагим является Бог человеку, якоже и выше сего речено есть зде о сем, но снисхождением, яко весть сам; а существо же ту самое есть и глаголет, а не несть его ту, идеже явится кому. И сице устрояет Бог сего ради, да не умрет человек, видяй Бога по существу. Моисей пророк хотя видети Бога по существу, и рече ему Господь: аще мя узриши, умреши. И Илие пророку, хотящу видети его, такоже сказа ему Господь: задняя моя узриши, лице же мое не явитътися. И се сошествие Божие пророци те на земли видеша, и глас его слышаша, а не на небеси. И по сему знатно, яко и по земли Бог сам ходит существом, но нам тленным человеком невидимо и непостижимо отнюдь: ибо не токмо Бога самого ходяща, но и ангелов хранителей своих, всегда живущих с нами, а видети их не можем, токмо верою веруем, по писанию, яко суть с нами от святого крещения, и молча хранят нас, а мы им молимся, да помогают нам ко спасению и бесов отгоняют от нас³⁷⁷. Погрешили вы пред Богом и пред святыми Его в том словеси, и противно то ваше мудрование зело всему Ветхому и Новому Завету. Аще бо тако вы нарекше мудрствовати о самом существе божества, еже не сходити ему никогда с небес на землю, то убо подобает вам сказати о том от писания здравого, чесо ради не сходит сам Бог существенне, Отец, или Сын и Дух Свят, с неба на землю, – не мощен ли, или спесив, или немилостив и невсесилен, или власти такия в себе не имать, еже сходити ему, или сам в себе не волен, – как приидет существом, так сожжет и опалит всех на земли? Слышах бо аз неких невеж сице безумно толкующих о том от своего нечистого смысла и заблуждения. Сего ради и во Христе истинном Бозе нашем не исповедуют самого существа Божия, и самыя ипостаси сыновни отметаются в нем, ясно уже и глаголют тако, увы: аще бо самое существо-де сошло в девицу-ту, Христову Мать, так бы и сожгло ее чрево-то! Аз же таковых зелне обличаю зломудрие то, и попираю его ногами, и всем православным християном сице повелеваю творити. Да еще и то вам, льстящимся в том чужеверии, подобает сказати: где Бог бе тогда, егда еще не бысть неба того, на немже глаголете седяща его существом? Понеже Бог Отец и Сын и Дух Свят безначален есть; небо же и земля и вся тварь начало имать бытию своему. И сами весте о сем. И сам Христос Сын Божий глаголет о том сице: видите, видите, яко аз есмь Бог, иже прежде бытия всех, и прежде сотворения небесе и земли вем вся, и весь сый во Отце, и всего ношу в себе. Святый Андрей Критский глаголет сего от лица Его в Триоди Постной, во вторник великого поста, в трипесньце своем. И во Евангелии своем глаголет Иоанн Богослов: ведаше бо искони Исус, кто суть неверующии, кто есть предаяй его. И вы, братие, внимайте о сем, яко Христос Сын Божий и Бог есть единосущен Отцу и Духу Святому. И в символе сице исповедуем его, и везде. Аще бы не самое существо в нем бысть Божие, како бы Христос ведал все преже сотворения всея твари, и како бы глаголал во благовестии своем к людем: Аз и Отец едино есве, и паки: Аз во Отце, и Отец во Мне есть, и паки: аминь, аминь, глаголю вам, прежде даже Авраам не бысть. Аз есмь? И иныя множайшия животные и страшные глаголы его есть, имиже всякого врага Христова забием, яко камением. Еще же и к безначальному Отцу своему глаголаше: прослави Мя Ты, Отче, у тебе самого славою, юже имех у тебе прежде мир не бысть, и прочая. И вы сия рассудите праведне вся, и зрите во святых книгах, како сия словеса Христова толкуют богословцы, и вострепещите всеми уды своими, и возрыдайте о своем преткновении, и исповедите в нем, Исус Христе, свете истинном, самое существо и божество тоже, еже и во Отце его и Святем Дусе, и припадите к ногама его с теплыми слезами, и просите у него, Творца своего и Спаса, прощения о том неведении своем и пререкании. Не диво то, еже не ведети о нем кому. О том бо древле предтече Симеон Богоприимец, яко сей лежит на падение и на восстание многих и в знамение пререкаемо. Исаия же пророк глаголет о нем: сей есть камень претыкания и камень соблазны, и всяк падый на камени том сокрушится, а на немже падет, сотрыет его; а всяк веруяй в него право не постыдится. А ту прелесть душевную где вы обрели, братие, в которых книгах, еже не самое существо во Христе исповедовати? В наших убо церковных старых православных книгах несть нигде ни во единой строке того злочестия. Вси наши святые книги Христа Сына Божия равночестна, равносильна и единосущна Богу Отцу и Святому Духу славят, и два существа в нем исповедуют: первое в нем существо самое божество превечное, само Отчее Слово ипостасное; второе же существо во Христе человечество совокупно во Христе, непреложно же и не слиянно и не раздельно оба свойства цела пребывают, сиречь божество не прелагается в плоть, и плоть в божество не претворяется во веки. И посему убо сугуб есть Христос, сиречь совершен Бог, и совершен человек³⁷⁸.

А еже пишут братия, будто аз уничтожаю писания святого Дионисия Ареопагита и не приемлю его, и то солгано на мя. Аз святого Дионисия равна Апостолом почитаю, премудрого витию и богословца высокого, и писания его вся лобызая приемлю, а уничижаю тех, кои неправо его слова толкуют, плотски наусть. Есть называет он Сына Божия и Духа Святого богосадными отрасльми, и о ангелах пишет много он. И у меня с Лазарем бысть слово о том. Он толкует по чувственному о тех непостижимых отраслех, как человек от человека родится, и как отростки от корени древес отрастают. И аз ему о том возбранял. Понеже мысленное и духовное рождение невидимое, и плотскому видимому ничему не прилагается отнюдь, но ко умному прилагается. Яко́же бо слово наше рождается от ума бесстрастно, тако и Сын Божий от Отца рождься, и Дух Святый происходит неизреченно же, а не по плотских. И у ангелов он Лазарь глаголаше власы быти, и торочки на главах, и зерцала в руках, и крыла у них. А указывал на Дионисия того святого. Аз ему глаголах преко, яко ангели вси не имеют плотского на себе ничего, ни власов, ни крил, ни глав, ни рук человеческих, зане дуси суть; а пишутся они по плотскому виду того ради, понеже инако како не возможно написати ангела, и души и Бога самого на иконе. И писание книжное все телесне глаголет о Бозе, понеже инако не како; а по духовному разуму инако все разумеется. Тако же и о ангелех и душах. И то они, батки, поставили в хулу мне по рвению. Аввакуму писали³⁷⁹ глухо, будто аз бедной такой и сякой от снов прельстися и с ума собрел. Не постави им Господи во грех сего! Аз еще благодатию Христовою в старом целомудрии пребываю доселе, и како верую, тако и исповедую, не стыдяся и не бояся никого³⁸⁰.

И Аввакум некогда³⁸¹ стал мене проклинать и Савелияном еретиком называть за то, еже аз един образ трисиянен Святыя Троицы исповедаю и три лица славлю во едином божестве и во едином существе, и единому трисиянному Богу поклоняюся. На мя пишет всем людем: диякон-де во единобожество впал. И после того рвения и великия распри начат он протопоп Святую Троицу на трех престолах исповедати седящу рядком, и три Боги глаголати, а Христа четвертого Бога на четвертом престоле седяща, и не самое в нем существо Божества глагола. Да есть опись в старых Триодях асафовских же цветных, в преполовенском же каноне, шестыя песни в троическом стихе, сия: покланяемся Троице трисущней единой. И опись он Аввакум хвалит, и опись ту речь не называет³⁸². А в старых же Триодях после та опись справлена добре, при Иосифе патриархе, сице: покланяемся трием во едином существе. И сию справу он не хвалит; трисущная бо Троица лучше мнится ему быти. И неции братия с Москвы писали к нему, вопрошивая его о том погрешении в стихе. И он ту опись похваляя, рек отвещая к ним рукою своею: неблазнитеся-де о том, право написано то. Аз же не похваляю тое описи. Трисущну Троицу глагола Арий зловерный. Мы же правовернии вси пресвятую Троицу единосущну исповедуем и нераздельну: едино бо в триех лицах существо и божество, и едина сила и власть. Се есть правая вера во Святую Троицу. Есть писано в Катехизисе печатном сице: не глаголем убо три Боги и три существа, якоже Ария треклятого ученицы, но три ипостаси и три лица во едином существе и образе. И паки: не глаголем же един состав, якоже проклятии савелияне, но три составы во едином божестве, и прочая тамо простарнно глаголет. Савелиянская бо ересь то, еже единолично глаголати божество и единосоставно, и Сына и Духа не глаголати в Бозе Отце. Глаголаше бо той блядивый Савелий сице: яко едино лице имать Бог, и овогда является Сыном, овогда же Духом един той состав. И сего ради он проклят есть от святых отец, яко единосиянно, лично и смутно и превратно божество исповеда быти, без Сына и Духа, по-садукейски. Аз же такова нечестия ненавижу, и отметаются и проклинаю его, а верую и исповедую со всеми святыми несуменно, яко едино есть Божество блаженное, не единолично же, но трилично суть и трисиянно бо, трисветло, триипостасно есть, тоже и трисоставно, и кождо бо лице Святыя Троицы свое собство имать, не местом же, ни престолы, ни свойствы неразместными³⁸³.

А союзник мой Аввакум клятву налагает на мя за сия, еже аз во едино Божество верую и три лица Святыя Троицы во едином Божестве исповедаю, по оных святых писанию, и царю уже и царевнам писал на мя: диякон-де во единобожество впал, прельстился. И ты, чадо мое Максиме, вопроси добрых людей: которыя мне клятвы боятися подобает, – святых ли оных всех, или аввакумовых? Может ли ариева клятва Афанасия Великого связать, тако же и прочих, кои благочестивыя с нечестивыми прелися о вере и друг друга проклинали кождо за свое?³⁸⁴

Да во Псалтыре его, которую он называет всех книг правее, была опись во 104 псалме, сия речь: и вниде Израиль во Египет и возрасти люди своя зело. А у него было: и возврати люди своя зело. И за сию опись больши года бранился со мною, еже аз то называл описью и велел глаголати ему во псалме том: возрасти люди своя Израиль, а не возврати. Он же браняше мя всяко: ты-де старые книги хулишь и переправливать мне велишь, а я-де за них мучуся от никониян давно преже тебе! Лазарь с ним же на мя брюзжал. И после от иных Псалтирей познал, яко право глаголах ему. Аз ему ту опись исправил. Не мудрая та речь и не богословская, да и о той у него велика голка была. Не диво то, еже и в старых книгах какие описи бывают и есть, и тому бывает правое рассуждение, и последи исправляется от искусных мужей. Ово бо опись, ово же превращение и применение книгам и догматом церковным. За опись бо кую в книге какой ни есть и погрешенное слово не подобает нам ни спиратися, ни стояти; а за превращение старых книг и догмат правых изменение подобает всякому християнину и страдати и умирати, обаче с разумом, испытав вещь всякую опасно писанием святых отец. Есть бо и ныне мнози отцы и братия наша, и матери и сестры стражут и умирают с нами за старые книги и догматы церковные добре зело, по истине; нецыи же от них к той истине много приплетают ложное мудрование³⁸⁵.

И о сих всех спорных статьях со клевреты моими бысть у мене книжица не мала написана, черная и белая уже, и батку Аввакуму давал за любовь прочести аз, еже покинул бы противные споры. И он в то время не восхотел взяти. Посем же некогда в полночь выходил аз из ямы вон окном, якоже и он Аввакум, в тын, и их посещал и прочих братию вне ограды. И то хождение мое не любо ему стало, и сотнику сказал он. Сотник же, Андрей именем, враг бысть, мздоимец, и на мя гнев имел за некое обличение: и в то время велел меня ухватить стрельцом в тыну нага суща. И яша мя, и начаша бити зело без милости двема дубцы великими стоящего, и все тело мое избиша нагое до крови. Аз вопих: Господи помилуй! И посем связаша руце мои опако, и к стене привязали и знобили на снегу часа с два. А друзи мои зряще мя и смеющеся! А стрельцы, влезше в мою темницу по благословению протопопову, и те книжницы и выписки мои похитиша и ему продаша. И он из тех книжиц моих листка с три токмо выдрал лукавно, и те листки послал на Русь братиям нашим, перепортя писание мое, еже бы мене обвинили, а его бы учение оправили. Аз убо ему тогда велел те книжицы все, не портя, послал к верным: и он тако не восхотел по правде Божии сотворити. В тех книжках листов сполтораста бысть написано о Святей Троице, и о воплощении Христове, и о сошествии во ад, и о воскресении Его, и о сошествии Святого Духа, и о раю, святых душах, и о церкви, и о тайнах Христовых, и о иных многих догматех, и на никониян. И сия вся писания изгубил он у мене по зависти бесовской. И посем заковали окно мое решеткою, и нуждно ми бысть в то время и горько зело. И в той горести утеши мя Спас мой Христос, явил ми ся нерукотворенным своим образом на тыну стены, противо самого окна моего темничного, мне в то время главою на окне лежащу, как вверху у царя на сенях у Благовещения в паперти написан над дверми. Аз же возрадовахся. И аще бы не тако мене сохранял Христос, давно бы аз убиен бых до смерти: друзи мои ненавидят мя³⁸⁶.

И то вем аз: которые люди во Христе самого существа не исповедают, и те люди люте осуждени будут с еретицы, аще не исправятся и не покаются, якоже подобает. И ты, чадо, аще знаешь таковых, моли их, дабы престали от такового злого начинания. И аз молю их со всяцем усердием, и полагаю главу свою на нозе их, и со слезами вопию им: О, возлюбленнии отцы и братия, христоименитое достояние, роде избранный, царское священие, люди обновления! Упразднитеся и разумейте, яко есть самое существо Божества во Христе Исусе Господе нашем, изтрезвитеся праведно и не согрешайте, и не имите веры прельщающим вас о том и смущающим; аще и ангел будет кто, отвращайтеся его и плюйте на него. Аз бо в никониянах не слыхал такова зломудрия отнюдь. И аще они уведают в вас, братие, таковое христоненавистное новое злочестие и неподобную мудрость и за то вас начнут паки мучити и убивати, не повинны уже будут перед Богом и святыми его, и вам те муки их начало болезнем будут вечных мук. И сего ради паки и паки молю вы: покиньте то злое и душегубное мудрование, егоже несть во всех наших древних православных книгах церковных, за нихже аз стражду и умираю, и вы тех же держитеся и стражите же. И в новым явно несть еще того. И много бы писах вам о сем, да бумаги мало, а промыслити более несть воли: сами весте, – все бывает с нужею великою и всего скудность. И тако можете разумети о всем: даст бо вам Господь разум и откровение в познание правды его³⁸⁷. Место окаянное невольное стало, ни книг, ни людей добрых и праведных свидетелей взяти негде, и распря рассудити нечем; а своего мудрования просто положити не хощет никто. А мое исповедание и свидетельство сие о Христе Исусе давайте всякому верну прочитать и списывать³⁸⁸.

Дозде сказание и словеса и исповедание о вере того Феодора диякона.

³⁸⁹И потом бысть распря во христианех, – овии начаша того Аввакума мудрование хвалити, а друзии Феодора диякона мудрование хваляще. А наипаче же мнози аввакумовы письма начаша любити, и прочитати и рассылати. Первых же тех писем любитель и защитник Сергий старец, к немуже те письма прежде Аввакум прислал, себе же самого и Сергия вообразил в тех письмах в лицах, и написал к нему в них сице: Приими Сергий вечное сие Евангелие, не мною, но перстом Божиим писано. Потом же зелный бысть любитель и рачитель тех писем Поликарп Петров романовец, Ануфрий старец и ученик его Исмаил, и прочии мнози, хваляще писания аввакумова, и рассылаху и учаху. По некоем же времени случися видети тех писем Феодору Иаковлеву дворянину, прозванием Токмачеву, пешехонцу, – списано же то рукою Поликарпа Петрова от тех писем аввакумовых, идеже глаголет: веруй трисущную Троицу, несекомую секи, небось, едино на три существа; и о воплощении что писано у него кроме существа, и прочая таковая. Он же Феодор, зря таковая писания и дивяся, и вопрошая о том многих: есть ли таковое мудрование во святых книгах? Мнози же, ведущии писания, отвещаша ему, яко се противно православному мудрованию и святым богословцем. Тогда той Феодор и прочии советоваша о том собору быти, еже и бысть. Имать же первое о том сказание сице:

³⁹⁰Единого истинного Бога нашего, иже прежде всех, и надо всеми, и во всех и паче всего, иже от нас веруемого и поклоняемого, единого в Троицы славимого, Отца и Сына и Святого Духа, неслитно соединяема и нераздельно разделяема, и всяко промышление творящего о нашем спасении. От создания мира в лето осмыя тысящи 201 года, августа в 19 день. Аз инок Иларион, да инок Александр и Илия инок, аз Павлин инок, аз Иев инок, и аз Мина мних, и аз Галактион инок, и мы живущие в мирском чину: Феофелакт, Ияков, Василей, и аз Иван, и аз Василей, и аз Савлий, и Иван, и аз Иван, и Иван, и Иосиф, и аз Авдей, и аз Тимофей, и Феодор, и аз Матфей, и аз Стефан, и Михайло, и Радион, паче же купно все мы истинно о Господе глаголем. Возвести убо некий человек, именем Феодор, на два едиединожды и единожды три (?), о ересях тяжких на монаха Ануфрия, и на другого монаха Сергия, и Поликарпа, и на дву Иванов³⁹¹, яко они веруют еретически в трисущную Троицу, – написано у них: несекомую секи по равенству, небось, едино на три существа, тожде и естества, и образы три равны; они же, окаянные, зле и зело хульно (учат) о Спасителе нашем, истеннем и человеколюбнем Бозе Исусе Христе, иже он свет великий истинный существом Божества от пречистого чрева Приснодевы Марии, сугуб бо бе Господь наш Исус, – и Бог и человек, – веруют бо они еретицы: сила точию сниде Божия, а не существом вочеловечися, и глаголют бо нечестиво зело: аще бы-де Христос сошел Божеством, всю бы вселенную попалило, и Пречистыя Богоматере чрево не возмогло понести всего Божества. И от такова извета мы, иноцы и бельцы, приимше истинное ведение, собравшеся елицы покрываеми десницею вышнего Бога во единей истинней вере непорочных догмат святей апостольстей церкве, посылахом братию дважды и трижды, дабы к нашей святей вере соборныя церкви, покаянием пришед со слезами, за молитв Пречистыя Богоматере и святых отец, обратилися. Они же, научением самого вселукавого диавола, иноки и бельцы, умысля над вышереченным Феодором, прислаша по нас монаха своего, Александра именем, да приидем к ним. И егда приидохом к скиту их, они же вышед пред сени свои седоша с нами глаголати и претися о истинней вере. И егда Феодор показа им рукописание их еретическое, еретик же Поликарп, хотя таковую ересь носити в себе, с вышеписанными монахи и бельцы, пред всеми нами яко пес бесстудный изодра хартию, еже он написа своею рукою, и овое оста в руках Феодоровых, и другое перервав унесе, яко волк, да не ведома будет злая его ересь в православии жительствующим, а инии ему единомудрено последовали и с похвалою приимали; раздравшии же свое рукописание бросишася вси единомудрении их на Феодора, яко лютии звери, инии же возопиша, яко львы: стреляй прямо! Про них же есть рещи, иже стреляти хотеша, воры злые у них собрани Быша. Феодор же отъиде от них лесом со многою нуждею, иноцы же и бельцы православной веры разбегошася, и овии по лесом блудящеся, инии ж инем путем угонзнуша. И слыша сии наши глаголы, христоименитое сочетание, всяк возраст, малии и велицыи, никто не не верит о немже писахом на сей хартии. Аминь.

А позади пишет: Иларион инок руку приложил, Александр инок руку приложил, Павлин инок и вместо Харлампия инока руку приложил, инок Мина вместо Харлапмпия инока руку приложил, инок Мина вместо Харлапмпия инока руку приложил, инок Мина руку приложил, инок Мина вместо Галактиона инока руку приложил, инок Иев вместо инока Илии руку приложил, Феофилакт руку приложил, Василей и вместо Симона и Матфея и Тимофея руку приложил, Петр руку приложил, Авдей руку приложил, Авдей вместо Феодора и Ивана руку приложил, Феофилакт вместо всех тех, которые на сей хартии писаны имяны, кроме тех которые сами приложили, руку приложил.

Дозде сказание первого сходу отец на Ануфрия и прочих.

По таковом обличении мнози начаша рассматряти и сличати письма аввакумовы с Божественным писанием, и уразумеша, яко зело не согласны те письма со святых отец писанием, еще же и многия хулы в них на богословский разум, на крест же и на святые книги, и отлучишася тогда мнози от ануфриева общения и прочих. Потом же позна лжу тех писем и Сергий отец, к немуже те письма присланы Быша³⁹², и Иван Грачев ярославец, иже прежде Быша любители тоя лжи, потом же обличители тоя неправды, по благочестии же поборницы крепцыи. Не токмо же тии, но и ини мнози, известно уведавше о тех письмах, и начаша обличати те плевелы и народу глаголати, яко неправославно тако веровати по тем письмам, но зловерие паче. Ануфрий же старец и ученик его Исмаил и Поликарп Петров и прочии единомысленницы их, не токмо рассмотреша, или похулиша несогласныя письма те, но и паче начаша их любити и веровати по них, и за церковною службою прочитати; еще же и образ начаша творца тех писем на иконе писати. И бысть тогда конечное разделение, яко и попы на коейждо стране свои имеяху, и не общахуся друг с другом, и овии других зовяху трисущниками и Ануфрианами, Ануфрияне же тех порицаху кривотолками. И мнози многажды моляху Ануфрия, да отложит те нецерковные и несогласные письма, якоже подобает. Он же со единомысленники закосневая и не покоряшеся. И некогда³⁹³ советом обоих стран написаша ко Ануфрию и прочим молебное послание (с ) Москвы, сицевое:

³⁹⁴Господи Исусе Христе Сыне Божий помилуй нас, аминь.

В постнических трудех пресветло сияющим, и подражателем ангельского жития и пустынно-гражданом, великим отцем, общего жития скитотворцем, священноиноку пастырю Софонию, и первоначальным отцем и добре иночествующим: Варлааму, Ануфрию и прочим святоживущим и благоподвижным отцем и трудолюбивым братиям, еже о Христе, Богом сочетанныя обители, от Бога и Отца Господа нашего Исуса Христа благодать и милость и мир да умножится, купно со всеми благочестно верующими и право правящими слово истины. Царствующего града жите(ли)е священнического чина, и иноческого чина, пустынножителие и мирстии жителие, любители благочестия, усердно желаем вашего отеческого благословения, купно и молитвы, и с любовию поклоняемся преподобию вашему до земного лица. Помолитеся, отцы святии, о нас недостойных Господу Богу, яко да милостив будет нам в день судный. Простите нам, отцы святии, благословите поведать своей святыни настоящее дело. Прежде всего возвещаем вам нынешнего настоящего времени жития молвы и печали, и скорби и туги. Приспеша бо до нас и приходят неутешимыя волны мирские, и всякое неустроение случися грех ради наших, якоже и сами вы, отцы святии, не невесте нашего жития мятеж и обуревание сугубыя беды и напасти, душевные и телесные, и в житии неустроение, и веры разгласие; паче же в нас христианех, искателех благочестия веры, видится мятеж и нелюбовь велика промеж своими единоверными. И сего ради нам велия скорбь и печаль зельная о сем предлежит, и зело паче множае мирских печалей, и спасению нашему препона немала. Видим бо у всех христиан: едины вещи церковные, единые книги святых держат вси, печатные и письменные, едино крещение и един устав церковный у всех в службе, и единако священницы приимаются по правилам святых Апостол и житиям святых отец, и вкратце рещи – вси любим и веруем, яже апостольская соборная церковь содержит. Да аще любим и содержим вси равно апостольское предание и святых отец, ино то явно учинилося, знать, что не инаго ради чего враждуемся, но писем ради, ихже называют священного протопопа Аввакума, страдальца за православные догматы. В те бо тетради приникнувше некия, усердно начаша чести и веровати по них; друзии же не восхотеша последовати и веровати по тем письмам. Овии глаголют, яко добры письма, страдалец бо их писал; а инии же глаголют: аще бы и ангел написал, а в книгах таких речей нет, не приемлем их. И сего ради начаша быти во едином стаде раздвоение и во единоверных друзьях любезных распри и раздоры, и укоризны и поносы друг на друга, и вместо горящей превеликой прежней любви вселилася в братию ненависть и оболгание и всякая злоба. И сему всему злу виновен есть началозлобный враг наш диявол, иже сперва завистливый супостат роду человеческому, паче же нам христианом всегдашний наветник, не хотя видети нас в православной вере и во единомыслии и любви живущих, умыслив тако разсещи единоверных. Темже мы, недостойнии и грубии разумом, слышахом и видехом своима очима, таковое в християнех и в братстве смятние, вльми зело опечалихомся, дабы не погибнут во веки, начахом по малу друг ко другу беседовати, и сошедшеся о Христе братия и отцы во един от домов царствующего града Москвы и много беседовавше, и глаголахом и возжелехом усердно о Христе миру и утверждению и любви быти, инако не домыслихомся согласию быти в братстве, разве отложением выше помянутых писем. Мы же, надеющеся на Господа Бога, помощию же Пречистыя Владычицы нашея Богородицы и заступницы християном, и молитвами всех святых. и на ваши отеческие молитвы уповахом и сему миру и совету помощником быти к нам, совет общий братский и рассуждение положихом на том, еже те письма отложити, того ради, что они несходны с Божественным писанием: и егда отложим, и никтоже начнет веровати по них, и нигдеже никомуже ни мало не держать тех писем, и тогда друг друга о том никому не поносити, не укоряти, но жити в любви и в соединении веры и дружестве, якоже и прежде жихом, поминаючи прежнее наше радостное совокупление. Довлеют бо нам ко спасению те единыя святыя книги, яже содержим, апостольския и отческия и прочая, которыя церковь прияла со свидетельством, и веруем по них спастися и без тех писем. Сего ради молим мы, недостойнии, ваше преподобие: о, отцы преподобнии святии! Собранное стадо! Иноческое совокупление! Последнему роду образ и написания вы есте! И паки молим вы: Господа ради, и Пресвятыя Богородицы, и всех святых, те письма отложите, с Божиею помощию смотреливно рассудите о общем спасении верных братии, многочисленного народа, усердно потрудитеся привести во едино исповедание православныя нашея веры кафолическия, попецытеся уставити великий мятеж и отъяти великое скорбение чад церковных и дщерей сионских, и совокупити во едино стадо и к единому пастырю Христу! Нелепо бо в церкви Божии быти раздору. По Апостолу: рабу Господню не подобает сваритися. И паки молим вы, о преподобнии, припадающе к честным ногам вашим: услышите вопиющих, утолите вражду, умилосердитеся, послушайте народного общего прошения, приклонити честныи свои ушеса к молению нашему, спасения ради людского, и нам недостойным о сем известно учините рукописанием своего преподобия во уверение всем живущим во всех градех и весех. Мы же о Господе возвеселимся и возрадуемся о совокуплении Христова стада словесных овец, и друг друга любезно объемлюще и ликующе, радующеся духовне, осеняеми свыше благодатию Святого Духа, надежно потецем поприще настоящего века и в будущий покой доити в день века, аминь. Дозде молебное послание.

Ведомо же буди всем, яко той совет о отложении спорных писем в дому бысть Алексия Диева на Москве.

И егда то молебное писание напсано бысть на Москве и отдано во многие домы свидетельствовати обоим странам: добро ли тако молити отцев отложити те спорные и не церковные письма аввакумовы? И вси согласишася о том, яко добро тако молити отцев письма отложити и церковный соблазн утолити. И бысть тогда радость велия на всех, хотящих раздор той церковной отложити. Егда-же то молебное писание вручено бысть отцем, мнози восхотеша по тому писанию отложити те письма; вышепомянутый же отец Ануфрей, у тех отцев аще и не первый, но силен бысть и обладателен, и всем страшен того ради, понеже обычай тамо таков имать: к тому бо Ануфрию от градов и от прочих вручают милостыню, а он раздает, или рассылает по келиям, где хощет. И той Ануфрей со единомысленники своими не восхотел отложить те спорные письма, и призрел то молебное писание, и многих прошения ни во что-же положил, и утолил многих еже не быти отложением тем письмам по вышеписанной речи, еже не сходны те письма с писанием святых отец. Письмо-же прислал к Москве противу молебного того писания; а про те спорные письма, о нихже московстии народы писаша, не писали отложить, – ни похулили, ни похвалили; согласны с писанием, или не согласны, – про то умолчали и скрыли то все, дабы не позналися о том, что веруют в те письма. Отписати бы им народу: все право в тех письмах, и без пороку сказать, – ино о том мнози ведают, яко те письма спорные не токмо не согласны со святых отец писанием, но и зело противны, о нихже впреди вкратце явлено есть. Аще ли же бы отписать: с писанием не согласны, – то бы и неволею понудили народом отложить те письма; аще ли же он и не восхотел един отложити, то бы вси его оставили во упрямстве том и похулили, якоже прежних противников: Ария и Нестория, и прочих. И ныне, аще и не вси, но мнози ведующии писание отстали от него. Да еще в том же письме своем написали и сие: мы-де чести писем никого не понуждаем, – кто не хощет, и он и не держи, и писем-де никаких не рассылаем. Дозде речей их. Кая же правда то, еже сами держат едины? Но аще добры и право все в тех письмах, то всем подобает держати, и чести, и хвалити, и веровати по них, а не молчати. По святому списанию, тайну бо царству добро есть таити, а дела Божия проповедати преславно есть. Аще ли же что ложно в тех письмах, то почто и сам держит? Но подобает отметати ложное. А еже отписали: не рассылаем писем, – и то солгано же, у многих бо обретается похвала и оправдание на те письма, ануфриевой келии письма, и единомысленников его.

Но и последи того молебного московского писания иный поборник восстав за те-же спорные письма, емуже имя Иерофей³⁹⁵, – велик помощник бысть Ануфрию старцу и прочим, яко и своею рукою не бояся дерзал писати, укрепляя те спорные письма. Исповедание же того Иерофея и писание о нем таково:

Сие исповедание Иерофеево, еже он таковая 25 глав, истину со лжею и ложь со истинною вкупе поставляя, прочитал и похвалял на сходе братском, в лето от создания мира 7214, генваря в 29 день.

1. По существу Святая Троица нераздельна, а лицы раздельна, Отец в Сыне, и Сын во Отце волею и хотением и действом, а не лицы.

2. Святая Троица единосущественна троя расстояще лицы, и существо секомо на трое ровно и раздельно.

3. Исповедаю сущего Бога, воплотившегося благостию и промыслом кроме существа; а самым существом неразделен от Отца пребысть во чреве Девы, а в воплощении пребысть самое существо Бога Слова.

4. Светлея солнца письма аввакумовы и вси добры.

5. Рассекают святии существо Святыя Троицы.

6. Сын не раб: раб бо существом посылается, или ангел, а Сын благостию и промыслом воплотися кроме существа.

7. Существо едино Святыя Троицы и естество; и три существа и естества по равенству добро же.

8. Везде Бог благостию и промыслом, а не существом.

9. Еже покланятися Евангелию, повести, написанному чернилом, то на татарский обычай.

10. То и добро, что расстоящи лицы в Творце. Видь: лицем к лицу глагола Отец к Сыну.

11. Три существа равные и естества и образы в Троице глаголати добро; и едино существо и естество и образ такоже.

12. Три Цари небесные особно сидят.

13. Вси добры письма; токмо есть в них иное невежественно, что и насмеесся.

14. И что написано в письмах, несть пороку худова ни мало, но все добро в письмах.

15. Зри крест двоечастный, крыж, не Христов.

16. И везде в действах в церкви тричастный крест Христов действуется, а не крыж двоечастный.

17. Сень,

пустой и не Христов.

18. На земли кресты разняти того ради, чтобы честен был животворящий крест Христов, а не те, иже на земли.

19. Аще крест Христов се

назовешь, то я блядью римскою без сумнения называю.

20. Аще назовешь

крест Спасителев, поперу его.

21. На теле два креста носим: един Христов,

а другой пустой

от тела для бережи, чтобы трисоставный не дотыкался к телу.

22. Крест истинный Христов в сложении перстов, а не то, еже маханием сотворяем сень креста.

23. Хотя и было древле на церквах сим образом

и то было неведением: дураков-те и тогда не мало было.

24. Аще еретик тако

подпишет, а не християнин.

25. Сей образ креста

Петра Апостола, а не Христов.

О написании новостей Иерофеевых

Написася же вера иерофеева таковым случаем. Понеже его единомысленники, начальнейший их старец Ануфрей и прочии мнози, содержат то зловерие в тайне, вышереченная зде, а инии от них глаголют токмо не со многими, а яве всем не смеют проповедати новыя своея еретическия веры, еже три существа равныя во Святей Троице, и три Цари небесные особно не спрятався седят, и кроме существа Бог воплотися, и крест святый четвероконечный римскою блядию не нарицают, и книги святых отец испоганенными и бреднями не нарицают же и не плюют в них, яко в ложных их письмах писано, и прочего зловерия своего не глаголют людем, но токмо исповедают речию: како напечатано, тако и веруем, потому и не явны людем бывают; а той зловерный Иерофей не срамляяся никогоже, но и яве проповедал вышереченныя зде, в домех, а на торгу и паче, привлачая к себе торговых людей и иных, и ово сам своею рукою писал те речи, овоже речьми проповедал и похвалял при свидетелях. Християне-же возбраняюще о том, и глаголаху ему: престати от того мудрования! Он же нимало покорися, но и паче утверждая то, и ложныя письма похваляя. И паки християне глаголаху приятелем его, и сродником и знаемым ему, еже бы престати ему от того зловерия. Но они християном не веруют того в нем быти; он бо им всяко многоречием и злым ухищрением своим оправдати мнит те свои речи, кроме писания святых, они же, не разумеюще лукавства его, яко-бы и правду глаголет им мняху. Вернии же, видевше упорство и закоснение иерофеево, яко-же и ануфриево, по многом увещании и времени собраша иерофеева рукописания и речи воедино, и принесоша к нему в дом вышеписанная зде 25 статей, и вдаша ему то в руце прочитать при свидетелех. Он же не хоте прочитать, но глаголаше: отложим до иного времене. Християне-же глаголаху Иерофею: скажи нам ныне, – чия вера, и православно ли сие все писание, или несть? Аще бо похулишь не православныя речи, то и ныне отложим и престанем спор чинити. Он же не хотя при свидетелях, но начат прочитать, ведая то быти свое рукописание и речи, православно и благочестивно то нарек исповедание, токмо о двух речах глаголаше: рассудит то, еже три существа равныя и три цари небесныя. Последи же вопрошен бысть: рассудил ли ты, Иерофее, еже рек три существа равныя и три цари небесныя. Он же и то хваляше, рассуждая же по своему злоумию. Християне же те 25 статей списаша у него, и положиша на том, еже собранию быти немалу и те 25 глав рассуждать по Писанию.

³⁹⁶И собрахомся в лето от создания мира 7214, генваря в 19 день. Он же Иерофей на сходе начат прежде те свои 25 речей прочитать и все похвалять, и християном глаголаше: аз сия писания православна исповедаю быти; вы-же что нарицаете сия писания? Вернии же рекоша Иерофею: что нам много претися? – Ты покажи нам от святого Писания оправдания, где писано есть о Святей Троице три существа равные, или три Цари небесные, и где писано Бог воплотися благостию и промыслом, кроме существа, и кто нарицает святый крест четвероконечный римскою блядию, или пустым, и кто сказал Евангелию повести поклонятися то татарский обычай. И прочее потомуж воспрашиваху Иерофея и единомысленников его. Они же не можаху таковых речей в Писании показати, но по своему лживому мнению Писания превращаху и рассуждаху, а християном поношаху, глаголюще: вы невежи, не умеете рассуждать Писания! И диякона Феодора страдальца, тако-же и другого Феодора Прокофьева дворянина, уже давно преставльшимся от сего жития, но они вельми укоряху неподобными словесы, и проклинаху их, заеже еще в житии им зде бывшим зазираху и обличаху в таковых ересях пребывающим. И прочая всяко ругалися много християном, яко злолютые, ненавидяще обличения. Вернии же глаголаху к ним: мы не рассуждаем Писания по своему разуму, но еже что видим в Божественном Писании, тако и исповедаем, – едино существо и естество Святыя Троицы, и единого Бога и Царя в Троице, три-же составы глаголем, Отца и Сына и Святого Духа; а о Сыне Божии, вочеловечшемся нас ради, два существа исповедаем, – совершенное самое Божественное существо, и совершенное самое человеческое существо, и благость и промысл, а не кроме существа; а еже вы глаголете во своем ложном списании: три существа и естества равныя, и три Цари небесныя, и то есть многобожная ересь, и новое арианство; и еже по вашему ложному писанию Бог воплотися кроме существа – новое несториянство и ересь; прочего же зловерия вашего ныне всего не у время изобличити, но впредь будем обличать святым Писанием. И тако християне с трисущниками много прелися, не увещали их отложить ложные письма, и ту от мыслей их, и разыдошася вси кождо во своя си;

О втором сходе християн на ануфриян

И паки тогожде 7214 году, маия в 21 день, второе собрашася християне со ануфрияны. Православнии же много глаголаху от Святого Писания Иерофею и единомысленником его, дабы отложили спорные нецерковные письма аввакумовы и иерофеевы, и да будет церковный мир, да не будет соблазн и мятеж во християнах; противнии же глаголаху: не подобает отложить та писания; страдалец бо велик писал те письма. Вернии же рекоша: мы веруем божественному Апостолу глаголющу: аще мы, или ангел небеси благовестит вам паче, еже благовестихом вам, анафема да будет³⁹⁷. И паки: веру превратиша, иже и мало нечто ново творят³⁹⁸. Аввакум же и Ерофей не ангели и не с небеси благовестили новое свое предание; и не диво кому па̀сти, но зло не восстати; забвение бо и неразумие надо всеми нами хвалится. Аще бо он, Аввакум, и многострадальный муж был, но в писании его обретается много хульных речей на православие. Феодор бо, диякон благовещенского собору, исповедал Бога Слова – самым существом Божества своего бысть во чреве Девы, и везде существом бе; а он Аввакум противу его исповедал – благодатию и промыслом, кроме существа; а еже существом, то он Аввакум нарицает блядословием, еже видети в письмах его. Аще бы токмо и кроме существа исповедал воплощшагося, и то велия ересь есть; а еже и блядословием нарече, превелия хула и противно Божеству. Святии бо о Христе исповедают, с ними же и мы, два существа, Божество и человечество, и везде существом Божественным. Да в его же письмах аввакумовых крест четвероконечный римскою блядию наречен; и три Цари небесные особно не спрятався сидят, – сказал. Слышите ли, заблудьшие, како испытает ваш учитель о непостижимом? Кто ему сказал, или когда видел – особно и не спрятався сидят три Цари небесные. Его же бо ангели и архангели не могут зрети, а он сказал: не спрятався сидят! Да он же и книги святых отец похулил: книгу великого святителя Григория Амиритского, да преподобного Иосифа Волоколамского чудотворца, – испоганенными от еретик сказал, плевати же в них велит, и во огнь кидать! И прочия таковыя хулы и лжи и сами ведаете в тех письмах. И ты, о Иерофее, веруеши по тем письмам, и своим рукописанием закрепил еси таковая. Но престани ныне, аще хощеши быти спасен. Писание бо глаголет, яко ниже самые мученицы, аще бо и много страдали, а ересию поврежденные, спастися не могут³⁹⁹. Аще бо и спостраждет кто, рече Апостол, не венчается, аще не законно мучен будет. И той Аввакум протопоп покаялся ли о таковых хулах, или ни? – Бог весть. По вере же его воздастся ему: в чем тя застану, в том и сужду ти; Бог ему судия и всем. А мы ныне благодатию Божиею уведали таковые плевелы в тех письмах, и вам возвещаем отложить те письма, и образ его аввакумов, без известного свидетельства не пишите на иконе, – молим вас. Зловерный же Иерофей со своими пособники ни мало обозреся, но и паче же много лукавствова, яко змий лютый угрызая вся лестию-же и злохитрством своим, и многоречием привлачая к себе простый народ, на християн же всяку хулу налагая и клевеща, савелиянами еретиками и жидами нарицая их, и инако всяко поношая не подобными словесы, чесо и в мыслех их несть. Тако же и лютый християноненавистник Игнатей Варфоломеев, трясыйся и презельне лая на християн, егоже сквернословия и клеветы срамно и писанию предати. Потом же Иерофей глаголаше со своими единомысленники: аще и отложить те письма, но хулы бы никакия не навести. Християне же глаголаху к ним: подобает те письма отложити и похулити, понеже в тех письмах аввакумовых, и в твоих иерофеевых не по Писанию вера, но и хула на святые книги, а наипаче же испытание о непостижимом. Глаголет бо в них о Святей Троице: комуждо особно седение, Отцу и Сыну и Святому Духу, – не спрятався сидят три Цари небесные; и еще в нихже написано: Сын от Отца родися, и паки во чрево отчее не возвратися. И прочия в них таковыя хулы и испытание о Божестве. И како не опалися язык написавшего таковая? егоже бо архангели и вся воинства небесная не могут зрети, но токмо славят и поют, а не испытуют, а тамо дерзко глаголет о непостижимом: не спрятався, рече, сидят три Цари небесные. Еже страшно и ужасно не токмо глаголати таковая, но и слышати. Глаголет бо Иоанн Богослов: Бога никтоже нигдеже виде⁴⁰⁰ . И сам Господь рече: Аз во Отце и Отец во Мне. А в тех спорных птсьмах глаголет: особно и не спрятався сидят три Цари небесныя! И Святый Иоанн Дамаскин глаголет⁴⁰¹: Сын единородный, из Отца родивыйся неразлучно и нерасстоянно и в нем пребывая присно. И инде глаголет Писание о Святей Троице, зовуще⁴⁰²: Свят, Свят, Свят еси Боже, всех Царю; и паки⁴⁰³: един свет неразделен в триех лицех разумеем, Бога и Царя всякой твари; и паки: высокий Царю трисоставне, и прочая. И никтоже рече от святых: три Цари, или три Боги, или особно не спрятався сидят, еже чуже православныя веры; но единого Бога и Царя непостижимого и невидимого всякой твари исповедают святии, с нимиже и мы тоже глаголем. Не весте ли, колицыи падоша и в ереси различныя совратишася и погибоша испытающии о Бозе и глаголющие кроме Божественного Писания? А еже по Божественному Писанию о Бозе вера прежде всего подобает православному знати, и веровати, и исповедати. А иже не весть Бога, якоже подобает, сей прельщен есть, по священному Златоусту⁴⁰⁴. И те спорные и нецерковные письма подобает отложити того ради, понеже они несогласны с Божественным Писанием; от тех бо писем церковь християнская раздирается. Иерофей же со единомышленники своими и того единого не хотяху прирещи, еже несогласны с Писанием письма аввакумовы, и написал Иерофей письмо мировое своею рукою – отложить те письма, а хулы на них никаковы не положил, – ни тоя единыя речи, еже несходны с Божественным Писанием. И то лукаво же учинил: отложить, рече; а вины никакия не положил. Чегоже ради и откладывает, аще светлее солнца нарицает их в 4-й главе своих писем? Зри всяк лукавство его. Да он-же Иерофей приписал в том мировом письме, нанося хулу на християн: печатные книги пяти патриархов вси приимать и не хулить, ихже и не хулят християне, но и содержат те святые книги. Вернии же рекоша Иерофею: еще припиши речи: приимати печатные святые книги пяти патриархов и древние рукописные, кроме опечаток и описей, и всякого недоумения и забвения, понеже и сами трудившиеся в том деле печатном, аще обрящется погрешено в чем, о сем просят прощения, якоже и во многих книгах то видети есть от задния доски⁴⁰⁵; да и многи видим в тех святых книгах опечатки, и описи, и погрешения в речах, но не зазрим, ни поносим трудившимся в том деле: забвение бо и недоумение надо всеми нами хвалится. Иерофей же со своими пособники не написали того, еже приимать святые книги кроме опечаток, и начаша християном поносити и ругатися, глаголюще: вы хулите печатные старые книги! Вернии же глаголаше к ним: мы не хулим старых печатных святых книг, но приемлем их за святые и Бога по них славим; а еже что в них исправили при тех же святейших патриархах, по свидетельству святых отец, и то мы их тщание святое в правду вменяем⁴⁰⁶. Вы же ануфрияне не приемлете их исправления, но еже кая наречатася речь неведением, или забвением, то вы и в правду полагаете. О тех же опечатках свидетельствует писание, еже при святейшем Филарете патриархе совет бысть со вселенскими учители, и доныне то писание на печатном дворе есть в книгохранительной казне великого государя; и другая книга таможе есть в полдесть: о многих описях печатных книг, – и како писати и печатати подобает, в ней пространно сказано. Написана же та книга при благоверном царе Михаиле Феодоровиче и при святейшем Иосафате патриархе московском. И в житии святого Дионисия, архимандрита обители преподбного Сергия Радонежского чудотворца, писано же есть о погрешении речей печатных книг, иже и пострада много той святый Дионисий от клеветников за исправу речей печатных книг. Последи же Бог его и прослави, и оправда. По егоже справе святейшие учители наши и печатати благословиша, еже и в печатных книгах видети есть. А в прежних печатных книгах обретается сице:

⁴⁰⁷В Потребнике печатном, благословением святейшего патриарха Московского Филарета Никитича, в лето 7130 года, в молитве за освящение воды святых Богоявлений речь: сам и ныне Владыко освяти воду сию Духом Твоим Святым и огнем. И ту речь, еже и огнем, последи отложил той же святейший Филарет патриарх, со свидетельством святейших патриархов Феофана и Афанасия, по писанию святых древних книг греческих и словенских. И в последних выходех от Потребников та речь и огнем отставлена. Да и при том же Филарете патриархе Служебники напечатаны в лето 7138 г., – в той же молитве: сам и ныне Владыко освяти воду сию Духом Твоим Святым. А огнем отставлено же.

Во Октае иосафовской печати, в лето 7147 г., в 5-м гласе в светилне, в богородичне стихе, емуже начало: Иже сладость ангелом, в конце речь: заступивши нас избави. Вместо: заступивши нас избави, заступивших нас поставлено.

В Соборнике печатном, в лето 7155, при Иосифе патриархе, речь на листу 873, яко попрошу Отца Утешителя послет вам. Вместо Утешителя Ушешителя напечатася.

А инде вместо Дева Два напечатано, и вместо бцⷣꙋ бцꙋ̀ стоит, и прочая таковая.

Во Евангелии воскресном иосифовском, на листу 121 на обороте, сверху в строке 6-й, ту опечатку срамно и рещи. Смотри, что̀ вместо есть стоит.

И ины опечатки многи бывают и забвения; но мы того не зазрим: человецы бо суть, и не дивно. Зде же вкратце сказахом; сами же зрите пространно о том в тех книгах, ихже выше помянухом. И еже что исправиша святейшии патриарси по дарованию Святого Духа, то мы во исправление и полагаем. Вы же, ануфрияне, и о том противитеся, глаголете бо: не бывает опечаток и погрешения в старых печатных книгах и не подобает их исправляти. Но наши учители не слушают злонравия вашего, но исправляли забвенная и прочих молят справляти в печатных книгах. Да вы же и явныя ереси похваляете, глаголете бо: согласны письма ваши со святыми. Но не лгите и о том: не сходны бо письма аввакумовы и твои, Иерофее, 25 глав со святыми книгами, но и зело противны благочестию: многия бо ереси и хулы насеяны в них. Уже бо то не по неведению мудрствуете, но обличены есте святыми книгами. А во упорстве своем пребываете; отложить тоя списания хощете, а похулить не хощете. Потому всем явно ваше закоснение бысть: не веру бо хощете отложить тех писем, но да не всяк, слышав ереси тех писем, хулит их и вас по них. Подобает же ту веру прежде отринути, потом же и чувственно те письма отложити. Рцыте же нам, о блазнителие и раздирателие церковные, кии бо ереси отложити святи, еже и не похулили? Но всяко отлагали нововведенные ереси и проклинали их и мудрствующих по них, и тем церковь от мятежей уставляли. Вы же не хощете соединения ради церковного и единые речи приписать: несходны⁴⁰⁸ письма аввакумовы и иерофеевы с книгами святых отец; но тако хощете просто отложить, – ни похвалити, ни похулить, яко и отец ваш Ануфрий посоветовал вам тако же лукавно и лестно, – велел всем своим молчати про письма, дабы хула не износилася на них. Иногда же глаголаше, яко бы сходя народу: аще и отложить те письма, но на Бога возложить. Иногда же сказывает людям: и все письма Аввакумовы согласны с писанием, – зря на людех, семо и о вамо глаголет. Божественный же Григорий Богослов глаголет⁴⁰⁹: исплюй ми рвение и пререкование, и новое благочестие, и неподобную мудрость. И премудрый философ, святый Максим Грек в слове на Афродетиянна персянина глаголет: аще кая писания разликуют святым, или сами к себе не согласуют, да не приимем их, но да отвержем от себе, аки лукавого беса плевел. И таковым святым подобает веровати писанию, великому Григорию Богослову и святому Максиму: по словеси бо Христову, при устех двою или триех свидетелей станет всяк глагол⁴¹⁰. И паки речем вам: исплюйте новое свое благочестие, паче же нечестие, и неподобную мудрость, еже в письмах. Святии бо поведают несогласная писанию отревати, аки плевел бесовский, и исплевати новое благочестие. Вы же и в том противитеся святым и Духу Святому, глаголавшему в них, – отложити хощете те несогласные и ложные письма, а похулить не хощете, но и на Бога возложите глаголете. О беды! О слепоты! О прелести християнские! Кто бо слыша в православных несогласная писания отлагающих и нехулящих? Или кто виде ереси на Бога возлагающих? Кто же не наречет от православных те плевелы ересию, якоже речеся о них? Не слышасте ли, что глаголет правило святых Апостол 60?

аще кто лживое писание, нечестивых еретик книги, яко святые в церкви пред всеми почитает, на пагубу людям и церковному причту, да извержется. Толк. Многи книги от еретик искажены Быша на вред простейшим человеком, сиречь невеждным; яко же и от святого Климента написанные епископом апостольские заповеди яже того ради собором и отвержены Быша. Некая же и вся отнюдь от еретик сложена Быша, и ложно надписание имуща, якоже се: от святых отец списаны, еже и потаенные нарицают. Таковым убо книгам отверженным быти повелевает правило, и на почитание не предлагати их. Аще же который пред людей сия изнести и в церкви чести покусится, аще есть епископ, или пресвитер, или диякон, да извержется, книги же да сожгутся.

Слышите ли, помраченные, святого писания, глаголюща, яко аще и святым Климентом написаны Быша апостольские заповеди, егда же искажены Быша от еретик, неправославное и ложное в них всеяше, того ради собором и отвержены Быша. Некая же и вся от еретик сложена Быша и ложно надписание имуща, и таковым книгам такоже отверженным быти повелевает правило, а книги сожещи, а не хранити, ни на Бога возлагати таковые. И паки слышите писания, глаголюща о сокровенных еретических книгах сице⁴¹¹: Потребно же есть нам ведети о глаголемых сокровенных книгах, яко великий Афанасие глаголет, яко глаголемые сокровенные книги еретическия суть, и прочая. Но и вы, ануфрияне, такоже сокрываете ложные письма и не всем прочитаете, идеже написано: три цари и существа, и прочия хулы; но прочитаете простым, како страдал и житие того, закрывающе тем зловерие свое, с медом смертоносное составляте⁴¹². Понеже и у еретиков велики добродетели: страдания, и девство, и пост, и знамения бывают и паче християн. И паки слышите, что глаголет писание о книге Севера еретика безглавного⁴¹³: Севир Антиохийский епископ бе, книгу списа, всякого исполнену нечестия, именова любоистинна, яже паче иже лжи любимая отцу, юже иже от него глаголемии Севериане почитают паче Евангелия. Но и вы, ануфрияне, темже недугом стражете, якоже и Северияне: любят бо нецыи от вас те ложные письма аввакумовы, якоже Евангелие, или паче. Понеже и бархатом облагают их и поставляют у святых икон; а иные и с собою носят их, и мнят теми письмами избавлятися от напастей; иные же и ладаном натирают те письма; а друзии и образ творца тех писем пишут, и в тайне держат, и поклоняются ему, а не поклоняющимся некоим велику нужду содевают, яко и доныне о всем том достоверные свидетели есть, обратившиеся от прелести вашея. Но и сама та книга Спорныя писма нарицает себе Евангелием вечным и перстом Божиим написана – сказует. И потому всему вышереченному явно есть, яко вы, ануфрияне, паче Евангелия любите те спорные письма Аввакума протопопа, и того ради любления и заступления Ануфрия старца к тем письмам и прочих, нарицает(е)ся ануфрияны, паче нежели аввакумияне. О Аввакуме же мнози разная глаголют: овии сказуют, яко простилися при кончине с Феодором дияконом, с нимже спор бысть о вере, – а о чем простилися, неведомо; а друзии глаголют, яко той Аввакум и о письмах своих просит прощения, в чем погрешил, или неисправно написал; иные же сказуют и не его те вышереченные ереси, еже три цари и существа, и кроме существа, и хула на книги и на крест и прочая, – подмет быти рекоша. Феодор же диякон пишет, – иные сказуют, – яко его то мудрование суть. И кто о тех правду, или ложно сказал, Бог весть; и той Аввакум в каковом мудровании страдал и скончался, Бог весть. И по вере его воздастся ему. Старец же Ануфрей в наша лета бысть, и в лице стал: вельми бо заступает и хвалит те спорные письма аввакумовы подметные; такоже и ученицы его, якоже о них выше сказася. Но и ты, Иерофей, нарицаеши те письма светлее солнца, и вси добры и без пороку. Но солгал еси ослепленне. Лжа бо есть первый грех и ремество дияволе⁴¹⁴. Но подобает те письма нарицати лживыми, любимые дияволу, лжи отцу: понеже противны Богу и святым его, и на християн писанная хула в них. О таковых же глаголет Писание сице:

⁴¹⁵Яже на християны списания порфириевы и иных еретик, да сжизают, и несториева, и елика несогласуют иже в Никеи и во Ефесе собором и Кириллу Александрийскому. Закон. Имеяй книги манихейские и не объявляя сия, да ижденутся и томим есть. Закон. Имуще и севирова списания, и не созизающе сия, руки их да отсекутся.

Подобно же тому и святый Максим Грек о несогласных книгах глаголет сице⁴¹⁶: аще не по всему согласуют с богодухновенными писании, яже от неких писуемыя книги, отринути и гнушатися их подобает, аки хульных и скверных, и Бога нас отлучающих.

⁴¹⁷Кто убо отнюдь внемлет ему, пачеже кто благоверен сый не гнушается сего и огню не предаст е, аки плевел лукавого беса злокозненного, всеяна посреде чистого пшениценосного села благоверию, аще убо кто в прочее приимет сия, аки благоверна и честна мнит, да весть, яко далече отпаде благоверия, и подобне ему мудрствует и глаголет на истину, отнюдуже и темже ему истязанием будет повинен, по глаголющему уставу соборныя церкве: еретик есть и повинен законом, яже на еретики.

Слышасте ли, о ануфрияне! Грозного ответа святых о несогласных и ложных книгах? Или и слышасте, яко не слышасте? Затыкаете бо уши свои, еже не слышати гласа, яко аспид глухий. Имеяй же уши слышати, да слышит. Аще ли же по вашему мнению все добро в тех ложных письмах аввакумовых и иерофеевых, то что и отлагаете и сокрываете? Понеже та книга Спорныя писма наречена Аввакума протопопа Евангелием вечным, а писано де не мною, но перстом Божиим, еже в ней видети есть. И како таковую хощете отлагати и сокрывати? Видите ли, в каковое помрачение впали есте за гордость вашу? И не хощете прозрети! Но восстаните, Дóндеже время есть. И ты, Иерофее, нарицаеши те письма светлея солнца, и письма держиши и веруюши по них, якоже и Ануфрий старец и прочии ваши учители. А иные от вас сказуют: у нас нет тех писем. Аще же кто и не держит ложная списания, каковыя любо есть, любит-же их и не хулит, но и обращается с содержащими таковыя и за православных вменяя их, како может со християны причтен быти таковый? Но всяко со враги погибнет, по великому Златоусту⁴¹⁸, и по иных писаниих. Такоже и святых отец церковныя книги, аще кто и не держит их у себе, похваляет же их и творит повеленная ими, спасен будет, яве от имущих ум тако будится. Егда бо святии в которое время ложное что отложиша, о том и в книги написаша, дабы и впредь кто не впал в те отреченныя ереси и лжи, еже о том в писании ищущим обрящется много; аще бо кое писание православно, то подобает его прочитати всем и хвалити, а не молчати, якоже отец ваш Ануфрий всем заповедает о письмах аввакумовых молчати и не глаголати, якобы не пытати о Божестве. Но скрывая свою прелесть, тако глаголя, дабы не познали его лжи и лукавства. Но аще православны, якоже он мнит, то чесо ради молчати? Тайну бо цареву добро есть молчати⁴¹⁹, а дела Божия проповедати преславно есть. Аще ли же противны явишася святым писанием, то таковая подобает отревати и хулити. Согласная бо приимати, а не согласная отметати, якоже выше речеся. Аще ли же не разумно кому явятся, то подобает ему испытовати вся в Божественном писании, веруя словесем Христовым, иже рече: испытайте писания. И Апостолу, глаголющу: вся искушайте, доброе содержите⁴²⁰. И Златоуст⁴²¹: вся искушайте, и ложная и истинная. Потом же совопрошатися разумеющих силу Божественного писания, да не погибнет со враги креста Христова и со християнохульниками. Святый Златоуст глаголет⁴²²: велия стремнина и пропасть глубока писанием неведение, сие и ереси породило есть. И паки⁴²³: селянин невежеством о благочестии не имать извета. А еже ты, Иерофее, ко своим ложным письмам примешал и правыя речи, якоже се: в 1-й главе исповедал по существу Святая Троица нераздельна, в 3-й главе глаголешь: в воплощении пребысть самое существо Бога слова, да в 7-й главе о Святей Троице едино существо и естество исповедаешь, и прочая таковая аще обрящутся право, и то ты обычай древних еретиков стяжал еси, еже поставляти ложь со истиною вкупе⁴²⁴, да закрыеши тем своя ереси, еже кроме существа, и три существа и три цари, и прочая таковая хуления. Якоже с медом отраву творят, тако и ты твориши, да приято будет простым зловерное мудрование твое.

Иерофей же о своих 25 главах паки крепляшеся, и рече: аз та вся очищу божественным писанием. Правовернии же глаголаху к нему: покажи нам, где писано о святей Троице: три цари небесные, или три существа и естества равные, или неравные? И в коих писаниях: Бог воплотися кроме существа? И кто сказал Евангелию повести поклонятися татарской обычай? И где слышно: Бог не везде существом? Кто же нарицает, повеждь нам, четвероконечный святый крест римскою блядию, и пустым и не Христовым, и прочая таковая? Иерофей же, не могий таковых речей во святом писании показати (кто же и впишет от православных таковая хулы во святые книги?); он же показоваше в писании речи, и толкуя якоже ему мнится, а не якоже написано есть. Тако бо и прочии вси еретицы вкупе имеют обычай превращати писания. Не просто же, ни без слова, но мнящеся от писания глаголати. И тако тогда православнии много глаголаху от писания на обращение Иерофею, да престанет прельщати народ, да отложит нецерковныя вся письма, да довольни будем едиными святыми церковными книгами. Он же тогда не увещан бысть отложити та письма, ведая ли то зловерие в тех письмах, или и в правду тако вменяя их, или другов не хотя разлучитися, и славы желая и похвалы от человек, или многое время закоснен в том и во обычай прииде, или уповая на страдание аввакумово, – совесть его знает о том. И тако паки единосущницы и Иерофей со единомысленники своими разыдошася кождо во своя си.

Последи же сего обличения Иерофей пойде ко своему единомысленнику Ануфрию в пустыню. Ануфрей же за укрепление тем(х) писем с радостию приял его. И (яко) являл многим свои речи, за то зело оскорбися Ануфрей на Иерофея, и много увещевал, дабы таковых речей не писал паки. Егда же Иерофей отъиде от Ануфрия, християне же видевше его уныла суща и вопрошаху его: како у Ануфрия бысть и что беседова с ним? Он же не отвещеваше о том словесе, и яко нем пребывая. Ино же нечто мало и не хотя глагола. Зловерие же свое не проповедая уже при свидетелех, еже на сходе прежде прочитал и похвалял, но содержаше то в себе тайно. Християном же зело поношаше, и письма аввакумовы любя содержаше и веруя по них. Тако же тогда и Ануфрей старец начат тайнее держати те письма и веровати по них. Советницы же ануфриевы и ученицы его начаша закрывати неправославное мудрование того старца, тако сказующе народу: отложил отец Ануфрей спорные письма аввакумовы и не чтет их, ниже верует по них. И тем словесем мнози веруяша, яко тако есть глаголемая о нем; мнози прилагахуся ко общению его: многия бо имея человеки покорящияся ему, – овии взирающе на житие его и на чины иноческие и на изобилие всякое телесное, и тако прельщахуся, овии же и неправую веру держаху с ним по тем письмам. Обаче же велико увещание имать добродетельное житие; ни едина бо злоба, ни едина ересь, ни сам диявол может прельстити кого, точию образом добродетели⁴²⁵. Нам же православным не подобает от знамений и от добродетельного жития веру познавати, но от святого писания токмо. Правовернии бо не приставаху ко еретиком жития их ради и чудес, но правую веру едину держаще, аще и в нищите многажды пребываху, взирающе на начальника вере и совершителя Исуса и на бесконечное богатство. О том бо глаголет великий Златоуст сице⁴²⁶: Не скорби убо нищеты ради, ибо и небесное богатство и куплю удобнейшую ти творит нищета. Но хощеши ли услышати нищеты похвалы? Сию прохождаше Христос и глаголет: Сын же человеческий не имать где главы приклониши. И паки ко учеником глаголаше: не стяжите злата, ниже сребра, ниже две ризы. И Павел пиша глаголаше: яко ничтоже имуще, а вся содержаще. Тем же ходи путем, имже той хождаше и иже с ним. И каковым хождаше путем? Ов убо глаголет: во алчбе и жажде и наготе. Ов же: сребра и злата не имам. Тако ничтоже имяху, но обаче вся содержаху. Что сего честнее гласа? Что ли блаженнее и богатее? Иные убо о сопротивных величахуся, глаголющеи: толикия имам и толикия злата таланты, и волки земле неисчетныя, и домы, и рабы; сей же о еже всех быти наг. Не крыется нищетою, еже страждут несмысленнии, ниже срамляется, но и хвалится. Где ныне богатящиися, иже лихвы сочетовающе, и лихвы лихвам, иже сущая всех взимающе и никогда же насыщающеся? Дозде святый Златоуст. О зловерных же добродетельном житии Великий Афанасий тако глаголет⁴²⁷: Яко многажды нецыи зловернии труды многими, постничеством Богови принесоша и возмездие свое прияша в нынешнем веце от Бога исцелению дар, яко да в будущий век услышат еже: восприял еси благая в животе своем, ныне же ничтоже должно есть. Обаче мнози прельщаются, якоже речеся, зряще на житие добродельное, не ведуще таковые писания; или и ведают, не веруют же реченному: вся искушайте, и ложная и истинная. Но и сие не просто; ниже всякому врачевати, или искушати нечестивых, но ведущим божественное писание, да не кто, вреваяся не во свое, увязнет в сетях их. Многих бо и ныне видим от неискусства увязнувше в сетех еретических, понеже еретицы лукави и коварни, и предлагают словеса книжная, и глаголати сильни. Их же священный Златоуст повелевает врачевати крепким и могущим от них не вредитися⁴²⁸. Ануфрей бо зело коварен и лукав. Егдабо кто, не зная его лукавства, и вопросит о вере, он же проклинает всех неправо верующих; тако же проклинает он аще кто глаглет во Святей Троице три существа, или кто глаголет воплощенного Сына Божия кроме существа; и всего неправославного мудрования он отрицается и проклинает, веровати исповедует по святым печатным книгам и писанию святых отец. И тако не ведая поверит ему, а християн поносити начнет. И тако не ведая поверит ему, а християн поносити начнет. И како такового злоковарника неведущему мощно кому познати? Ибо и вси еретицы такожде исповедают по писанию веровати, и неправославно верующих проклинают, мнящеся сами едини православны быти, и изобретенныя ими новыя ереси согласны быти сказуют с писанием святых отец. Тако и той старец Ануфрий исповедает по писанию веровати, не православно же верующих проклинает, новые же своя ереси правы быти мнит и согласным с писанием святых отец. Проклинает же он лукавно: не глаголет бо три существа равныя, или не равные, но просто рече: три существа; такоже и воплотившегося не глаголет коего кроме существа, – божественного, или человеческого. Но тайно проклинает, аще кто исповедует кроме существа. Аще же кто, ведая лукавство его, речет ему, или единомысленнику его: проклинаеши ли ты глаголющих во Святей Троице три существа равные, или три цари небесные? Или аще кто исповедает воплотившегося Сына Божия кроме божественного существа? И прочая таковая аще кто речет им похулити, они же сего не хулят, но и паче хвалят. Но убо многим еще неведомо таковое их потаение. А еже он Ануфрей проклинает и похуляет, и отрицается и отлагает, не то еже в письмах, о коих ему глаголют християне, но ино нечто, кое в сердце и на уме у него есть, еже о том явно бысть его лукавство и при многих свидетелях сице⁴²⁹:

В лето 7216, апреля в 27 день, собрашася мнози отцы святии тояже пустыни, такоже и белцы християне, и приидоша к тому старцу Ануфрию, начаша его молити от всего сердца, падоша на землю (яко и прежде мнози моляху его), да отложит спорные письма аввакумовы и да будет мир и едина вера между нами. Он же глагола к ним: миру ради с вами молчати о тех письмах, и не учить, и на Бога возложить советую; а которое будет не согласно⁴³⁰ с божественным писанием, того не приимать. Християном же болезненно то и страшно, еже таковое явное в тех письмах зловерие на Бога возложить. И написаша письмо отцы: молчанию быть и не учить, а несогласное с божественным писанием не приемлем, и прочая; о письмах: на Бога же возложить, не написаша. И вдаша Ануфрию старцу. Он же, Анефрей, со единомысленники своими, свое рукописание написаша, сице: споров не творить, а писание аввакумово, что̀ на Феодора писано о Святей Троице, и о воплощении и прочее, на Бога полагаем и молчанию предаем; а будет где обрящется противно святей церкви, не приемлем, и прочая. Но отцы не приимаху того, еже те явные противные письма на Бога полагати. И многое время отцы увещеваху тогда по их писанию отложити письма, и не увещаша Ануфрия и прочих. И поидоша из келии отцы и братия, и той старец Ануфрей тако же пошел. И егда изшедше вси из сеней, тогда един от християн пришедый со отцы, не быв в келии ануфриевой с ними, – понеже и мнозех не пустиша в келию его, – он же, поклонився ему до земли и восстав, начат глаголати ко Ануфрию умиленно и смелым лицем, не бояся же, но и без гнева, и простре руце свои, указуя на отцев своих, рече ко Ануфрию: умилосердися, честный отче, – приими таковых отцев моление, отложи письма. Он же отвеща: мы сказали им: молчанию предаем и не толковати о письмах, а несходное с божественным писанием не приимати. Рече християнин: добре, честный отче, глаголеши: несходное с божественным писанием не приимать; рцы же нам: которые речи в тех письмах несходны с божественным писанием? Отвеща Ануфрий: которое будет обрящется несходно с писанием, не приемлем. Рече християнин: ныне, отец честный, скажи при отцех и братиях, которые несходны речи в тех письмах есть, и всем о том будет ведомо; того и боятися будут; хотя едину строку скажи несходну с божественным писанием в тех письмах аввакумовых. Ануфрей же оскорбися зело, и испусти яд свой и рече: не токмо единой строки, но ни чертицы несходной несть в письмах аввакумовых, но все в них сходно с божественным писанием; а тебе какое дело? Мне указывати пришел! Християнин поклонився до земли, и рече: Отец честный! Аз не указываю тебе, но желаем единоверну ти (быти) с нами. Како же ты, честный отче, глаголеши: в тех письмах (все) согласно с писанием святых отцец? А в них написано о Святей Троице: три существа равныя. Отвеща Ануфрей: добро тако в них о Святей Троице глаголати: три существа равные; тебе кое дело до мене? Аз о том суд понесу! Християнин же, кланяяся ему, утоляя гнев Ануфриев, и рече: До тебе, отче честный, дела мне несть; но желаем во единстве быти и несогласное отложити. И еще, отче честный, в тех письмах несходно же есть с божественным писанием, понеже в них о Святей Троице написано: не спрятався сидят три Цари небесныя. Трисущник же Ануфрей, гнев отложив, и рече: Царь ли Отец? Отвеща християнин: ей. Ануфрей: Царь ли Сын? Християнин: ей. Ануфрей: Царь ли Дух Святый? Християнин: ей, тако есть. Ануфрей: се что? Видиши ли? Вопроси християнин: три ли Цари? Ануфрей: един Бог, едино существо. Рече християнин: се, отче, глаголеши от святых Писаний; но в тех письмах явно речено о Святей Троице: три Цари и три существа равныя, – и то несогласно с Писанием. Отвеща Ануфрей: Добро так; страдалец бо велик писал: ум наш не постигнет, а мы не прокленем страдальца. Рече християнин: Мы тебе, честный отче, не глаголем проклинати страдальца, он бо приимет, в чем конец его бысть; письма же его молим тя отложити, в них бо написано: еже везде существом Бог, и то блядословие наречено, – и то несоглано же с Писанием. Божественное бо писание везде Бога существом сказует. Отвеща Ануфрей: в Кирилловой книге написано: Аще бы везде Бог был существом, то бы и невместим. И како тако разумети? И глядая около себе на места, обзираяся, рече християнин: повели, честный отче, да принсена будет зде Кириллова книга; и в ней бо писано есть: везде Бог существом. Отвеща Ануфрей: зде несть тоя книга. Рече християнин: Бог наш везде невидимым своим существом невидимо. А егда на Фаворе учеником мало откры божества своего зарю, тогда падоша ученицы Его ниц, якоже о том Писание сказует. Да еще в тех же письмах, отче честный, несогласно с Писанием святых отец четвероконечный крест святый наречен римскою блядию, – отложити же подобает. И указуя на Ануфрия, християнин рече: се и на тебе, отче, крест четвероконечный есть и носиши его; и аще бы то была римская блядь, и то бы во многих церковных действах, и на ризах, и на тебе не было бы; такоже и на себе не воображали бы рукою истинный крест; и просто рещи: нигдеже бы явилося у християн. Отвеща Ануфрей: на себе воображаем сень креста, а не истинный. Християнин рече: Истинный крест на своя лица рукою воображаем. О том святый Златоуст глаголет, апреля во 18 день. Повели, отец, принести сюды Пролог. Ануфрей же сказал: несть зде в келии Пролога! И взяв он крест, егоже на себе носит, и рече: се крест Христов истинный, а на другой стране, сказал, простой, и попы его рукою благословляют. Отвеща християнин: В письмах аввакумовых не простым написан крест четвероконечный, но сице тамо стоит: римскую блядь возлюбише, крест четвероконечный; а не простым. Попы же християньстии благословляют не крест, но вещь, на нейже воображен святый крест. Армяне бо мнят воображаемый от вещей крест освящати⁴³¹; християне же освящаются им, а не освящают, ни благословляют креста. Егда бо Христос пригвоздися плотию на кресте, освяти его своею кровию, и образ его освящение всем верным показа. Потом Ануфрей старец начат укоряти християнина, глаголя: вы склонны стали к новизмам многим и предательство от вас бывает! Отвеща християнин: Се, отец, клевета на нас напрасная: мы бо от божественного Писания известно испытахом о многих церковных преданиях, дабы не впасти в кую-либо ересь, или новизну. Тако же, отче честный, и то клевета на нас, якобы предательство от нас бывает: сами бо паче быхом предаеми от некоих, а не предаем. Но и ины многи клеветы, отец честный, бывают на нас, чего и в разуме нашем несть. Но убо припадаю ти и молю тя, скажи нам ныне в лице, при свидетелех, и обличи нас, аще веси кую ересь за нами, или прелесть, или что в нас кривое толкование есть, – и готови есмы исправлятися. Ануфрей же, и Никодим и Феодор белец, ни единыя вины сказаша, ниже кривотолками нарекоша. И паки християнин рече Ануфрию: Да еще, отец честный, како быти со Иерофеем? Он бо 25 статей издал, и в том велик спор у нас. Отвеща Ануфрий: вы завели то дело тамо на Москве; вы как и хотите бранитеся. Рече християнин: да аще, отче, в тех иерофеевых письмах кая речь будет согласна с письмами аввакумовыми, то како с тем быти? Отвеща Ануфрей: аще что согласно с письмами аввакумовыми, добро тако; аз знаю Иерофея, – он добрый человек и мудрой, от юности своея пошел за Писанием, а не как ты. Рече християнин: аз, отче честный, не горжуся, но яко худ есмь и невежа; Иерофей же, аще и мудр есть, но и ересей много издал, и письма аввакумовы хвалит. Отвеща Ануфрей: что вам письма больны? Мы давно не чтем писем аввакумовых, – уже четвертый год лежат. Рече християнин: отче честный, аще и лежат письма аввакумовы, но ты веруеши по них. Отвеща Ануфрей: Добры те письма и сходны с Писанием! Кое ти дело? А се и в печатных Триодях есть томуже согласно. Рече християнин: в печатных некиих Триодях⁴³² обретается не три существа равныя, или не равныя, но трисущней единой; начало же того стиха едино существо являет, а не три, сице: едино в Троице Божество, существо трисоставно, а несущества; а конец: трисущней единой⁴³³. И то толкуют нецыи сице: три за три ипостаси полагают, сущней единой – за едино существо. Но и той стих исправлен уже при великом государе царе Михаиле Феодоровиче и при святейшем Иосафе патриархе Московском, бывшу тогда многому взысканию о опечатках книжных и описях, а наипаче же Дионисием святым, архимандритом обители преподобного Сергия Радонежского чудотворца, – тогда книгу написаша о многих описях печатных книг⁴³⁴. В той книге и сей стих обличен, аще и не ариевою ересию наречен, но спомогает ариевой ереси, сказаша. Отвеща Ануфрей: кое добро се письменными книгами печатныя исправляти? Рече християнин: Не диво, отец, и в печатных забвению и опечаткам быти, и в письменной лучше печатной бывати; обычно бо с письменных и печати предавати: понеже по той письменной книге, еже о справах, и печатати повелеша Триоди цветные и иные книги великий государь царь Михаил Феодорович и святейший патриарх Иоасаф. И в том стихе троичном те речи исправлены: трисущней отставили, и напечаташа сице: яко трем в существе едином; тако же напечаташа и другий выход Триодей цветных повелением великого государя царя Алексия Михайловича и благословением святейшего патриарха Иосифа, и той стих сицеже исправлен, яко трем в существе едином. Да и поучительные словеса святых богословцев ясно сказуют везде о Святей Троице: едино существо и Божество; и вси святии научают во единосущную Троицу веровати, а не трисущную. И таковых стихов будет многия тысящи во святых книгах: едино существо Святыя Троицы, и единосущная Святая Троица; – на часех и всегда глаголем: всесвятая Троица единосущная, а не трисущная. Се и немудрым нам известно, яко везде в божественном Писании единосущная Троица, а не трисущная славится. И кая то правда, – известная многая свидетельства оставити, на едином же стихе утверждатися? Но и той уже обличен⁴³⁵ и исправлен по писанию многих богословцев.

И тако той християнин и прочие много глаголаху с тем Ануфрием о вере, и ина некая словеса. И приспе время християном отъити. Тогда Ануфрей дати повелел и кваса. И пиша из его сосуда единосущницы, аще и недостоит, но заеже бы обратитися ему от прелести. Не оскорбити бо его приидоша християне, но увещати и молити, да отложит нецерковные письма, якоже подобает, ащели же не обратится, то да уведят от уст его при свидетелях, аще верует и не хулит тех писем, в нихже неправославное мудрование обретается, и потому конечно будет блюстися от сообщения их. Потом же Ануфрей мирно отпусти християн. Они же поклонишася ему до земли и отъидоша с радостию, благодаряще Бога, яко уведавше сокровенный яд в сердцы того старца Ануфрия и единомысленников его. Можаху бо и тогда християне зело укорити Ануфрия за его еретическое исповедание; но слово о том бысть, еже кротко с ним глаголати. Тако и скончаша, и поидоша отцы и братия вкупе по пустыни, с радостию. Потом же и кождо восвояси. Уведавше бо достоверно зловерие того Ануфрия от уст его при многих свидетелях. Такоже и о своей правде прияша от него и единомысленников его достоверное свидетельство: ни единыя бо вины не сказаша в лице християном, а заочи клевещут всяко, и потому явна лжа их бысть на християн. Еще же и то лестно глаголаше Ануфрей о письмах: четвертый год, сказал, лежат, не чтем их. А егда обличен бысть и вопрошен сице: аще и лежат письма аввакумовы, но ты веруеши по них? Тогда не отречеся от них, но и похвали. Той бо Ануфрей не о письмах спорных хотел молчанию быти, но дабы молчали люди и хулы не глаголали на письма, и правду от прелести не разделяли, и он бы сам не познан был в тех ересях. Правовернии же ведят Апостолом реченное⁴³⁶: Вся искушайте, доброе содержите, веруют же и Златоусту глаголющу⁴³⁷: вся искушайте, и ложная и истинная; и паки инде повелевает разделити истину от прелести⁴³⁸; и паки убо разознати, что лжа, что же истина⁴³⁹. И тако познася Ануфрия старца лукавство, еже глаголаше не приимати несходное⁴⁴⁰ с божественным писанием. Отцы святии мняху про него: несходное глаголет о письмах спорных аввакумовых не приимати; он же ино нечто и о иных некоих книгах, и что сердце его лукавое смышляет не сходно с божественным писанием; а не о письмах аввакумовых. Понеже егда вопрошен бысть: кое же несходное с божественным писанием не приимати в письмах аввакумовых? – скажи, отец, хотя едину строку; он же, повелен силою Божиею рещи, и неволею исповеда крыемое в сердцы своем, и со гневом великим рече сице: не токмо единой строки, но ни чертицы несходной несть в письмах аввакумовых, но все в них согласно с божественным писанием. Да он же Ануфрей старец, закрывая срам свой, и примысли таковую речь: те все письма аввакумовы глаголет полагати на Бога. О беды! О слепоты! Кто виде несогласное и противное божественному писанию на Бога полагаемо? Вся, о чем невозможно доискатися в писании, и самех себе, и все доброе, а не явныя ереси и хулы, или худое что. И не токмо на Бога, но и на человека аще кто возложит каковую либо хулу, или скверное что, велию казнь подымет; кольми же паче мучен будет, иже возлагает на Бога неправославное и хульное писание! И егда прение сие и прочая зде написано бысть, и свидетельствоваша отцы и братия слышавшие таковая от уст ануфриевых, яко тако бысть, и уже обличен бысть злый коварник многими свидетели. Но еже всевидяще Божие око и хапаяй премудрых в коварстве их⁴⁴¹, о нас рабех своих промышляя, последи бо сего сходу вскоре выдал той Ануфрей Феодору Феодорову полонянику письма аввакумовы, – ту книгу, иже наречена вечным Евангелием, юже достоит нарицати с медом смертоносный яд, тогда той Феодор, собрав обоих стран людей, кого он произволил, и прочитали те письма, и множество богохульных речей и ересей и несогласия в них видевше, учиниша же того сходу свидетели и писания о том, да не забвенно будет таковое их дело. Обаче же сходне написаша о том, и не объявиша тех ересей и хульных речей, да не отяготят противных. Имать же писание о том сице:

«В лето 7216 года июня в 16 день, егда аввакумовы письма сличали у матери Голедухи в келии, Василий Викулов, Феодор Лукин, Симеон Анисимов, Никодим старец, Саватей старец, Иосиф отец, Феодор Феодоров полоняник, Петр Моисеов иконник, Григорий Трофимов, прозванием темная денга, Павел Андреев. Слышала же и мати Голедуха с сестрами несогласие тех спорных и не церковных писем. Тогда обрели в них несогласных речей со святых отец писанием множество, и за то согласилися отложить те письма, и Феодор уведал тех писем несогласие и говорил Василию Викулову и прочим: аз с вами християнин есмь. Потом пошли Ануфрия увещати, а Феодор на пути мало усумнеся, и пришедше вси в келию ануфриеву, говорили и увещали Ануфрия отложить те письма за несогласие. Он же, противляяся им зело, согласны нарек письма, и оправдая, мня на них от писания полагати. Феодор же тогда рек Ануфрию: как ты знаешь о письмах, а я их оправдывать не буду. И Ануфрей, взем у него письма аввакумовы из рук и поджав у себе под пазуху, и рек с гневом к нему и к прочим: Как вы знаете! А мне их держать! А что вы нарекли несогласны, так вам и ереси сказать; а я-де несогласных их не называю, а молчанию предаю, что не честь их и не толковать. И мы, слышав сие, отъидохом от него из келии, и вышед из келии на поляну. И провожал нас старец Арсений, ученик старца Ануфрия, и много речей с ним у нас было, и он изрек о трех равных существах: я-де за три равные существа умру, у мене-де и огнем из души не выжжешь. Мы же сие слышавши зело оскорбихомся о безумии старца. У Феодора же прилучися в то время вязовая дубина в руках своих, и потрясый ею пред старцем и рече: безумне, безумне калугере, обетшале денми! Как такою дубиною судия градский да станет тя по бокам похаживать, так ты скажешь едину у себя веру: либо трисущую, или единосущную! А то стало тебе на воле, так ты и бредишь, что хошь! А нам Феодор изрече: мир вам, братие о Христе! Отпущая нас и обещая нам крепко и с Никодимом умоляти Ануфрия и прочих старцов в келии его о отложении писем». Сие списано руки свидетеля Василия Викулова.

Потом же отец Иосиф, послушник старца Никодима, сын же духовный Софония попа, уведал ереси спорные в письма на дву сходах, и написал о том своею рукою, и принесе сам християном известие и отдаде. Имать же писание его сице:

«Известно буди всем отцем и братиям, и всему православному християнству от Мене убогого старца Иосифа Никодимова. В нынешнем 216 году, после святыя недели, приходили ко отцу Ануфрию Павлин отец со многими отцы и мирскими человеки, беседовали и молили о мире и о соединении церковном, что и разгласили (?) церковное соединение, прение Аввакума протопопа со дияконом Феодором. И отец Ануфрий сказал словесно, что-де у меня письма сходны с писанием и церковным преданием, а что-де несходно, то аще бы и ангел благовестил, и апостол написал не приемлю. И в письменной скаске то же сказал: аще что обрящется несходно с писанием во аввавкумовых письмах, то не приемлю. И тако отцы и отъидоша от него; а Феодор у него остался; а какия у них беседы были, они ведают. Да заутра письма аввакумовы ему Феодору и выдал, и приказал: как де-знаешь, так и делай; только де как будет у вас дело, и вы ко мне приходите. И он Феодор со мною у улей сошелся, и много было речей, как бы церковной мир сотворити. А мене спрашивал: кого взять отцев на беседу? И я ему сказал. И он не изволил тех, только де-Павлин, да ты, да Пискомцев, да постороннего с ларионова Григория. И месяца июня в 13, в 14, в 15 день, собрал нас Феодор, по приказу отца Ануфрия, – отца Никодима, и мене с ним, Саватия и Пискомцев. И беседовали от божественного писания много, и потом и прощение сотворили, начал положили, – что друг друга порицали, в том простилися, а впредь бы тому не бысть, и друг друга не укорять и не поносить ни в чем. Да после того стали чести аввакумово прение с Феодором, и в них обрелося многое несходство с писанием, и чужде и странно святыя восточныя католическия церкви, и всякому слуху православному не удобь вняти; и против его ануфриевы скаски обыскалось несходство. И прочетши Феодор стал говорить: ну, отцы, как их положить, – ересь ли, или несогласие отложить? И присоветовали вси за несогласие отложить. И потому Феодор хотел их запечатать и стороннему послуху отдать. И мы удержали до Ануфрия; а Феодор взял Ивана за руку, и стал, и говорил, уверяя их: аще и Ануфрей не согласится с нами, я чужд его, и против Ануфрия буду говорить. И тою правдою пошли, и пришли ко Ануфрию, много кое о чем говорил о сиденье. И Ануфрию починилось скорбно о письмах, и взем письма в чулан и спрятал, и говорил: полно-де ругаться вам! Потом сидел с Иваном, и Феодор во своей правде не устоял, солгал Богу, преступил свое завещание, – помогал Ануфрию во всем, не убоялся Бога, ни смертного часа, лицу человечу уступил. Последи же того той отец Иосиф, никодимов ученик, при многих свидетелях сказал речьми про Ануфрия: Ануфрей-де говорил и при иных людях: не указывайте-де мне; аще аз погибну, или не погибну, вам какое дело! Той же Иосиф отец сам речьми при свидетелях сказал: аз того ради пристал прежде ко Ануфрию старцу и к прочим, – мне-де отец духовный пред образом Пресвятой Богородицы сказал: отложил-де Ануфрей спорные письма; и старец мой Никодим тоже сказал: отложил-де Ануфрей спорные письма. Ныне же аз узнал таковую в них ложь, – паки отлучаются от них. Тако же тогда и прочие, видевше и слышавше тех прелести и лукавства и закоснение во злом упрямстве, мнози отлучахуся от тех лжеучителей, и приставаху к правоверным. Отцы же християнские и белцы и паки прилежание творяху о Ануфрии, – моляху его, дабы обратился от прелести, якоже подобает, пекущеся искренно о нем, наипаче же о народе, иже с ним, посылающе к нему от божественного писания противу тех спорных писем некия речи, тако и от ерофеевых писем послаша к нему его, и моляху да рассмотрит и сличит письма с божественным писанием, колико расстояния имут с писанием святых отец. Еще же и особное писание отцы послаша с некоими двоими отцы, того же лета, маия во 12 день, воспоминающе ему прежний сход, егда Быша у него в келии, како их удоволил трапезою, и како письма похвалил и прочая. Имать же то писание сице:

«Честный отче! Поклоняемся за любовь твою, понеже не возгнушася нас убогих, но изволил и глаголати с нами, яко с любовними своими ближними, еще же и трапезою утешил еси нас, – за сия ти поклоняемся, якоже подобает отцем. А еже письма спорные аввакумовы все изволил похвалити и веровати по них, и единой чертицы пороку в них не сказал еси, но вси, глаголеши, сходны с божественным писанием, о сем никтоже тя похвалит, ведый божественное писание, но неправоверна потому нарицают тя мнози, слышавшие от уст твоих таковая. Но прежде молихом тя, и ныне молим: обозрися якоже подобает, помня смерть бесконечную! Тамо слава нынешняя не заступит тя, еже и сам паче веси; усмотри ныне, Дóндеже время есть. О каковыя хулы изрекл еси, веруя по тем письмам! Сего ради молим тя, прочти присланное от нас собранное вкратце от святого писания, и узриши, како расстояния имут письма аввакумовы от святого Писания. И не только несходны⁴⁴² с писанием письма аввакумовы, но и хулят святых отец писания. Еже бо везде существом Бог, то они нарицают блядословием, и ино много в тех письмах несходно⁴⁴³ и противно божественному писанию. Что ради изволиши твердо стояти за них? А можеши и без них спастися таковыми великими добродетельми. Что боишися Аввакума? Внимай паче Апостолом Павлом реченное: аще мы, или ангел с небесе благословит вам паче, еже благовестихом, анафема да есть, и прочая⁴⁴⁴. Обрадуй небесная и земная; рассмотри, якоже подобает: и будет едино стадо, и един пастырь надо всеми Христос, ты же над нами видимой пастырь будеши. И прочее молим тя, буди яко вторый Павел. Егда у тебе быхом и вопрошахом тя о себе: что за нами, кая вина, или ересь? И готовы есмы исправитися; ты же ничтоже сказа на нас вины, а за очи твои много на нас ложная клевещут. Ты же, отче честный, аще знаеши в нас кую неправду, возвести нам; готови есмы исправитися. Честный отче! Дай правый ответ о письмах, и о себе, и о нас; не презри християнских старцев и бельцев убогих прошения, но извести нам рукописанием преподобия своего, собранное же от писания паки возврати к нам». Дозде речи писания того.

И егда то писание вручено бысть Ануфрию, он же и прочел, а ответа на письме противу того и единыя строки не даде ко отцем; но токмо на речах тогда сказал посланным сицевый невежный ответ: Не находите на меня! Не вам за мене отвещать! Спасусь ли я, или не спасусь, – что вам дело? А письма сходны, да вы не разумеете: поучитеся еще! И что вы вините письма? И я того не боюся: вы себе живите, а мы себе. Пожалуйте не находите! Тогда един отец рече Ануфрию сице: Письма останутся после тебя; и кто глупой за правду приимет: так падение людем! Ануфрей же рече: Я отвещаю; не ваше то! Отец же глагола Ануфрию: Видит всевидящее око! Взыщи Господи все на тебе! Ануфрей же отвеща: Не боюся! Поди, поучися! Отцы же много глаголаху на обращение Ануфрию; но он ни мало покорися, ниже обозреся о том, но и отчаянныя глаголы рече: спасусь ли я, или не спасусь, – что вам дело? Но и прежде сего ко увещающим его сице отрече: не указывайте мне! Аще аз погибну, или не погибну, – вам какое дело? И тако тогда отъидоша от него отцы. А еже отцы прислаша ко Ануфрию собрания от божественного писания, и то он многое время у себе задержал и ответу никакоже даяше о том. Отцы же и паки того же лета, июня в 22 день, иное писание послаша к нему, увещательное, вкупе же и обличительное, таковое:

«Отец Ануфрий! Буди вразумляяся Богом, возврати же к нам убогим старцем, еже тебе послахом от святого писания; еще же и аввакумовы и иерофеевы речи пришли. Что ради многое время задержал еси таковое у тебе? Но пришли ныне вскоре, и извольте описати к нам о всем, о чем к вам писаша московстии прежде, и мы ныне. Аще бо противу прежнего московского молебного послания и есть от вас письмо, но не о том, о немже вас молиша, но иное нечто писасте. Ныне же скажите о настоящем деле, чего ради надвое учинихомся, и что вы ныне полезное усмотрили, возвестите нам: полезное бо народу яве творимо бывати обычно многим, злое же втайне. Да еще слышахом о тебе, яко присланное к тебе от нас от писания, то едино прочитаеши людям; а от писем аввакумовых и иерофеевых речей не прочитаеши, ни сличаеши; но подобает ти прочитати обоя, и многим отцем и братием казати, о чем спор идет. Ты же кажеши многим людям святые книги печатные, и глаголеши по них веровати; но не о книгах святых у нас с тобою спор, но о письмах аввакумовых в них же обретается неправое мудрование. Да еще от вас мнози глаголют: страдалец-де велик писал те письма, и како словесем его не веровати! Отвещаем к вам: Мы православнии веруем божественному Апостолу, глаголющу: аще мы, или ангел с небеси благовестит вам паче, еже благовестихом вам, анафема да будет⁴⁴⁵. И паки: веру превратиша, иже и мало нечто ново творят⁴⁴⁶. Аввакум же и Иерофей не ангели и не с небеси благовестили новое свое предание. И не диво кому пасти; но зло не восстати: забвение бо и неразумие надо всеми нами хвалится. Аще бо он Аввакум и многострадальный муж бых(л), но в писании его обретается много хульных речей на православие. Феодор бо диякон Благовещенского собору исповедал Бога Слова самым существом божества своего бысть во чреве Девыя, и везде существом бе; а он Аввакум противу его исповедал благодатию и промыслом кроме существа; а еже существом, то он Аввакум нарицает блядословием, еже видети в письмах его. Аще бы токмо и кроме существа исповедал воплощшегося, и то велия ересь есть. А еже и блядословием нарече, превелия хула и противно божеству: святии бо о Христе исповедают, с ними же и мы, два существа божество и человечество, и везде существом божественным. Да в его же письмах аввакумовых крест святый четвероконечный римскою блядию наречен. Да он же и книги святых отец похулил: книгу великого святителя Григория Амиритского, да преподобного Иосифа Волоколамского чудотворца, – испоганенными от еретик сказал, плевати же в них велит, и во огнь кидати. И прочия таковыя хулы и лжи и сами ведаете в тех письмах. Писание бо глаголет, яко ниже самыя мученицы, аще бы и много страдали, а ересию поврежденные, спастися не могут: аще бо и спостраждет кто, рече Апостол, не венчается, аще незаконно мучен будет⁴⁴⁷. И той Аввакум протопоп покаялся ли о таковых хулах, или ни, Бог весть; по вере же его воздастся ему; и яко же рече Господь: в чем тя застану, в том и сужду ти, Бог ему судия и всем! А мы ныне благодатию Божиею уведали таковыя плевелы в тех письмах, и вам возвещаем отложить те письма, и образ его Аввакума без известного свидетельства не пишите на иконе, – молим вас. Подобает же те письма отложити и похулити, понеже в тех письмах аввакумовых не по писанию вера, но и хула на святые книги, и наипаче же испытание о непостижимом. Глаголет бо в них о Святей Троице: комуждо особно седение, Отцу и Сыну и Святому Духу; не спрятався сидят три Цари небесныя. Кто ему сказал, или когда видел – не спрятався сидят три Цари небесныя? И еще в них же написано: Сын от Отца родися и паки во чрево отчее не возвратися. И прочия в них таковые хулы и испытание о божестве. И како не опалися язык написавшего таковая? егоже бо архангели и вся воинства небесная не могут зрети, но токмо славят и поют, а не испытуют; а тамо дерзко глаголет о непостижимом: не спрятався, рече, сидят три Цари небесныя! Еже страшно и ужасно не токмо глаголати таковая, но и слышати. Глаголет бо Иоанн Богослов: Бога никтоже нигдеже виде; и сам Господь рече, яко Аз во Отце и Отец во мне⁴⁴⁸. А в тех спорных письмах глаголет: особно и не спрятався сидят три Цари небесныя! Святый же Иоанн Дамаскин глаголет⁴⁴⁹: Сын единородный, из Отца родивыйся неразлучно и нерастоянно, и в нем пребывая присно. И инде глаголет писание о Святей Троице⁴⁵⁰: зовуще: свят, свят, свят, еси Боже, всех Царю. И паки: един свет неразделен в триех лицех разумеваем, Бога и Царя всякой твари. И паки: высокий Царю трисоставне, и прочая⁴⁵¹. И никтоже рече от святых: три Цари, или три Боги, или особно не спрятався сидят, еже чуже православныя веры; но единого Бога и Царя непостижимого и невидимого всякой твари исповедают святии, с нимиже и мы тоже глаголем. Не весте ли, колицыи падоша и в ереси различныя совратишася и погибоша испытующии о Бозе и глаголющии кроме божественного писания⁴⁵²? А еже по божественному писанию о Бозе вера, прежде всего подобает православному знати и веровати и исповедовати⁴⁵³. А иже не весть Бога, якоже подобает, сей прельщен есть, по священному Златоусту⁴⁵⁴. И те спорные и не церковные письма подобает отложити того ради, понеже они несогласны с божественным писанием, от тех бо писем церковь християнская раздирается. Довлеют бо нам ко спасению те единыя святыя книги, яже содержим, – апостольские, и отеческие, и прочая, которые церковь прияла со свидетельством, и веруем по них спастися и без тех писем. Да еще слышим о тебе: изволиши ты своим запрещати, еже не рассуждати и не искушати о письмах аввакумовых, и не испытати, нии скати в божественном писании, позабыв повеление Господне, еже рече: испытайте писания⁴⁵⁵, и Апостолом реченное: вся искушайте, доброе содержите⁴⁵⁶. И Златоуст глаголет: вся искушайте, и ложная и истинная. И паки повелевает о догматех здравых и растленных ведати⁴⁵⁷. Святый же Иоанн Дамаскин не хотящих разумы искати в Божественных писаниях таковых нарицает христиано-противниками, и разумоборцами, и прелестию⁴⁵⁸. Повелевает же испытати писания, воеже уведати нам от них воля Божия, и разделити истину от прелести. Чти о том пространнее в книге заповедей Господних. Но и святый Златоуст, призывая нас в соединение и любовь, сице глаголет: Плачу суть достойная настоящая, тако зело друг от друга отторжени есмы; подобаше единого тела подражати совокупление: тако бо и от меньшего больший приобрести возможет. Аще и меньший будет, глаголет же нечто полезное, утверди разум⁴⁵⁹; аще и зело худейших будет, да не бесчествуеши⁴⁶⁰. И святый Иоанн Дамаскин о том же глаголет сице⁴⁶¹: еже бо множицею совершенных муж оскуде, се отроча обрете, и еже учителем утаися, учеником найдеся. Ты же, отче честный Ануфрий, не надейся на свой разум, аще и велик еси житием и честию; но открывай и вели всем своим, великим и малым, искати о настоящем ныне споре. Иногда и меньшему открыет Бог на пользу многим, якоже повелевают святии. Но и преподобный Ефрем сице глаголет: мнози бо прельстишася, надеющеся о разуме своем, и нарицающеся премудри, обуяша, неразумеюще писанных, и впадоша во власфимию, рекше, в хулу, и погибоша⁴⁶². Наипаче же божественный Апостол Павел глаголет: не бывайте мудри сами у себе⁴⁶³. И инде глаголет писание: горе мудрым самим у себе⁴⁶⁴. И Златоуст глаголет: аще ли же мнишися не требовати, безумнейши всех был еси⁴⁶⁵. Но молим тя, отче честный, не оскорбляйся на нас, тако о тебе прилежащих. Слышахом бо писания, глаголюща сице: братского падения, паче своея души предпочитающи, оплакивати. И паки молим тя, да не сбудется о тебе реченное: обличение нечестивому мозолие ему есть; но желаем на тебе таковому глаголу сбытися: дай премудру вину и премудрее будет, сказай праведному, и приложит приимати⁴⁶⁶. Аще ли же не внимаеши, но и гнушаешися радения нашего о тебе и о всех вас, то уже приимаем себе апостольское слово, еже повелевает по первом и втором наказании отрицатися⁴⁶⁷. Мы же и многая лета тя молихом с великою честию, иногда же и тайная твоя обличающе, но ничтоже успехом ти. И еще речем ти: исправися, якоже подобает, и нам такоже пиши в чем исправитися подобает». Конец писания того, еже послано бысть от отец ко Ануфрию старцу.

Он же Ануфрей собрания от писания и речи аввакумовы и ерофеевы паки возвратил, откудуже приидоша к нему. Противу же того писания отеческого написал своею рукою и послал иное нечто, а не о вере; и на едино лице, а не ко всем отцем, пишет он ругательно и с клеветою, и отрицается наказания от божественного писания. Имать же того Ануфрия старца рукописание сице:

«Тимофей Матфевич! Спаси Бог на поученье твоем, что нас неразумных поучаешь и наказуешь. А хорошо бы, друг, нам мера своя знать. Высоко ты леташь, да лише бы с высоты тое не свалится низу. От кого ты учительское-т сан восприял и кто тебе во учители-те поставил? Все учители стали, а послушать некому! Горе нам и времени сему и живущим в нем! Дитя ты молоденькое, а дерзаешь высоко. А нам, право, и слушать не хочется учительства твоего. Учи себе кто твоему разуму последует; а от нас, пожалуй, поотступи. Хороши вы учители! Иной пришел грозит: палками-де прибьем! Добро, увидим, как станете бить. А иной грозит предательством. Нам предательство; а вы где будете? Знать, что и вы тут же будете. Говорил ты нам: мы-де веру ту крепко изыскали. А на предательство от вас вооружаются. По сем прости. Праведный судия рассудит; нечего много говорить. Послали твои выписки. Хотя бы и не присылал, – есть у нас много божественного писания. А что ты писал – по первом и втором наказании нас отрицаешися; а мы тебя и не знаем, кто ты; а поучение то твое не нужно нам; сам прежде научися, и тогда не скоро на себя учительское-т сан восхищай». Дозде рукописания того Ануфрия старца к тому Тимофею.

⁴⁶⁸Зрите, православные, как яве лукавствует и таит зловерие свое Ануфрей чернец: понеже не противу вопроса творит ответ. Якоже прежде, тако и ныне вопрошают его отцы о вере и являют ему на письме ереси его и хульные речи, и молят его отвратитися от прелести и о всем ответ дати, о настоящем споре и о себе; но он о том молчаше, ино же отвещавая. Овогда глаголаше: спасусь ли я, или не спасусь, что вам дело! А иногда: мы чести писем не понуждаем, – кто не хощет, и он не держи! Ныне же, оставя вся, порицает учительским саном и предательством, и инако всяко, и всегда закрывает настоящее. Но подобает ему, о нихже порицается, о сих и отвещати противу того писания отческого: отрицается ли тех хульных речей и ересей, в письмах еже, или верует по них, и кая вина во отцех? Он же ничтоже о том отвеща, но то все потаил, и иная вместо настоящего отвеща: потому уже явлен есть, яко содержит те ереси и хулы в себе и верует по тем письмам, о них же ему в том писании писано. И на сходе бо он при многих свидетелях те письма похвалял и все согласны с божественным писанием исповедал, а не отрицался, якоже о том являет. Такоже и единомысленник его Иерофей светлея солнца нарек те письма аввакумовы. В рукописании же своем Ануфрей все то утаил, – ни похулил, ни похвалил, дабы не яве было народу; но минуя всех отцев, обличивших ереси его, и не можаше противу их ответа дати, пишет токмо ко единому християнину Тимофею, сице: спаси Бог на поученье твоем! Да он же рек: высоко ты летаешь, да лише бы с высоты тое не свалитися низу. И то бы летание, или неправое мудрование тимофеево подобало тому Ануфрию обличити тем своим рукописанием, якоже и к нему писаша, а не просто клеветати. Порицает же он учительским саном; но той християнин не нарицает себе учителя многим, но о вере и по отцех своих християнских поборает, еже обличати ереси и лукавство и лжи того Ануфрия старца и единомысленников его: понеже той Ануфрий не патриарх, не епископ, ни инкий священный чин имея, но простой старец, еще же и не православен. И како не смети кому такового обличити и являти злыя ереси его, имиже он многих погубляет? Егда бо о вере слово бывает, тогда православнии и пред цари и патриархи не стыдятся глаголати правду. Он же отрицается обличения и не любит наказания, нечестивый. Но убо глаголет писание: обличение нечестивому мозолие ему. Не обличай злых, да невозненавидит тебе⁴⁶⁹. И великий апостол Павел к Титу глаголет: еретика человека по первом и втором наказании отрицайся, ведый, яко развратися таковый, и согрешает, сый самоосужден⁴⁷⁰. Святый же Златоуст словеса апостольская толкует, глаголя: Что есть сый самоосужден? Не имать бо рещи, яко ничтоже речь, никто же наказоваше; егда убо послежде наказания сам останет, самоосужден бывает⁴⁷¹. Да еще той же Ануфрий глаголет во своем невежном писании: дитя ты молоденькое, а дерзаешь высоко; а нам право и слушать не хочется учительства того твоего. Зде Ануфрий, не терпя обличения, и отрицается учения, и слушать не хощет от писания, порицает же младостию, яко аспид глухий затыкая уши своя, забыв помраченный, не верует великому Златоусту, глаголющу: аще и меньший будет, глаголет же нечто полезное, утверди разум; аще и от зело худейших будет, да не бесчествуеши⁴⁷². И паки той же глаголет: аще убо веры учение имать развращено, аще и ангел будет, не повинуйся; аще ли право учит, не житию внимай, но глаголом⁴⁷³. И святый Иоанн Дамаскин глаголет: еже бо множицею совершенных мужей оскуде, се отроча обрете⁴⁷⁴. Но и преподобный Никон Черной горы, емуже учительства дар даровася от Пресвятой Богородицы, сице глаголет: Недостоит истязовати глаголющих, или пишущих: аще благословне и богодохновенная писания сказует, ничто же может тому возбранити, зане слово Божие не вяжется. Аз бо с боязнию многою и любовию послушаю сия, или ученик мой есть глаголя, или ин кто. Аз бо не ищу глаголющего, но глаголемое. Аще ли не глаголет от божественных писаний, отбегаем нами да будет, яков же аще есть⁴⁷⁵. Слышим, како великий и славный сей, почтенный дарованием учительства от Пресвятой Богородицы, не гордится, но рече: с боязнию послушаю, или ученик мой глаголяй, или ин кто, и прочая. Ануфрей же единою паде, гордынею недугом надмен, не требует и не приимлет ни от когоже исправления о падении своем: стяжа бо себе любоначалие, мати ересей, егоже и паки великий Златоуст обличает, глаголя: аще ли же мнишися не требовати, безумнейши всех был еси⁴⁷⁶. Тако и той Ануфрий гордынею своею, и честию и богатством ныне высится, а православных отцев и белцев многая моления и увещания нивочтоже положил, еже бы ему отложити ереси и похулити, якоже подобает. Но убо отцы и братия аще и не возмогоша увещати Ануфрия и прочих, труд же свой не погубиша, но мзда им обещана совершенна за то. О том глаголет Златоуст сице: Несть души ничтоже противодостойно, ниже мир весь, воеже аще и бесчисленная даси нищим имения, ни едино таково дело соделаеши, якоже едину душу обращаяй. Изводяй бо честное от недостойного яко уста моя будет, рече⁴⁷⁷. Велие убо благо и еже миловати нищих; но ничто же таково, яко еже прелести свободити. Аще и не ныне увещаеши, утре увещаеши; аще никогдаже увещаеши, ты мзду имети будеши совершенную; аще и не всех увещаеши, малых от многих возможеши. Понеже и Апостоли не вся сущая человеки увещаша, но обаче со всеми беседоваша и о всех имут мзду. Не на конец бо исправляемых, но к разуму исправляющих Бог уставляти венца обыче⁴⁷⁸. Дозде Златоуст. Но Ануфрий не токмо (не) увещася, но и пекущихся о нем поношает, глаголя: хороши вы учители! Иной пришел грозит: палками-де прибьем, а иной грозит предательством. Кто же ему грозит? Чесо ради он, Ануфрей, имян не пишет? Яве, яко клевещет и лжет. Егда бо отцы и братия приходили к нему, и тогда он такоже и в лице оклеветал християн, глаголя: вы склонны стали к новизнам и предательство от вас бывает. И тогда той Ануфрей вопрошен бысть от християн, да скажет: кая новизна в нас и когда кого предали? Он же посрамлен бысть и заградил неправедные свои уста: и единыя бо вины не сказал в лице християном; и кого когда предали, имяни не сказал же. И многие бо от них таковыя лжи и клеветы бывают на християн, якоже и Ерофей зловерный изнесе некогда таковый же понос на християнина Тимофея, внушая и клевеща многим, глаголя: Тимофей Лысенин подал на нас письмо в преображенский приказ! И по той клевете зловерного Иерофея мнози зазирающе Тимофею, и поношаху его. Алексей же Деев, прельщенный от ануфриян, нападе некогда на Тимофея в плесе на Москве, и поношая ему в том, и Иудою предателем нарече его. Ему же тогда Тимофей отвеща: Сия клевета от зловерного вашего учителя Иерофея; аз же письмо не подавал на вас. Но разумей, Алексей Деевич, и рассуди праведно: аще бы аз таковое письмо на вас подал, то бы аз прежде и удержан был тамо тогда в том деле. Но молю тя: познай хотя от таковых клевет и лжей учителей своих неправую веру. Последи же того уведал той Алексей, яко солгано то бысть на Тимофея. И се судите паки праведно, како Ануфрей сказал в рукописании своем: иной-де пришел, грозит: палками прибьем! Но к нему аще кто от наших приидет к келии его, страх имать; а наипаче же, аще кто обличает ложные письма его, боится зело: понеже он многих одарил мздою, еже и крепко те защищают Ануфрия, а обличающим его велику скорбь творят. По святому же писанию: мзды бо и дарове ослепляют очеса и мудрым ⁴⁷⁹. И аще кто достоверно испытает вся, каковыя хулы и скорби бывают от Ануфрия обличающим его неправду, то многая обрящет. Божества бо не щадяще, но секуще едино существо, како хотяху человека пощадети? Занеже он, Ануфрей, богатством телесным изобилен и от своих честен зело, и всем страх от него, и что на кого он пронесет каковое хуление, того тако советники его, не испытав, и поносят. А еже он предательством поносит християном, и праведно бы их предавати градским судиям за таковые ереси и хулы⁴⁸⁰. По святому убо писанию подобает зловерных еретиков осуждати и проклинати, еще же и градским судиям поведати о них⁴⁸¹. Но мы доселе никакоже когда предахом, понеже и самих нас нынешнии судии за православные догматы гонят, и того ради под страхом есмы от градских судей. Но лжа и клевета диявольская Ануфрия старца и Иерофея белца на главы их да возвратится. Мы же о настоящем да глаголем. Он же Ануфрей пишет сице: послали твои выписки, хотя бы и не присылал; есть у нас много божественного писания. Зде отрицается Ануфрей наказания, собранного от божественного писания на обращение ему от отец, и вместо благодарения отвращается и поносныя глаголы вмещает, забыв поучение преподобного Ефрема, идеже глаголет: иже наказующего и сведущего божественное наказание отвращается несмыслено, сей Христа отмещется⁴⁸². И паки: уклонивый ухо свое не послушати закона, сей молитву свою омерзил есть⁴⁸³. И еще Ануфрей во своем писании глаголет: а что ты писал по первом и втором наказании нас отрицаешися, а мы тебя и не знаем, кто ты. Зрите, православные, но и вы Ануфрияне, яко яве учитель ваш сам помрачися умом и вас ведет в ту же в пагубу: во едином бо своем малейшем письме сам с собою разгласен является. Выше рек имя и отечество, а пониже мало он же сказал: мы тебя и не знаем, кто ты! Апостольское же то слово помянуто бысть вкратце во увещательном том писании, заеже бы не оскорбити Ануфрия и прочих. Таже речь сице: еретика человека по первом и втором наказании отрицайся, ведый яко развратися таковый ⁴⁸⁴, и прочая. Подобаше же тому Ануфрию, аще бы о вере пеклся и Христа любил, то бы первое еже за него хульные глаголы писаны оправдати писанием; аще ли же, поискав в писании много, и не обрел другой веры, еже три существа равныя и три Цари небесные, и кроме существа воплощенного, по сем бы покаятися подобало Господу Богу и святым его о падении своем и о прочих погублении, тако же и християнским отцем и братием прошение принести, ихже он хулил и поносил и кривотолками порицал, и посем бы похулити и сожещи ложные письма, якоже повелевают правила святых отец. И за едину бо хулу те письма подобает сожещи, еже в них поругана и похулена книга великого святителя Григория Амиритского, и по многим ругании велено в них ту книгу во огнь кинуть, – и того ради подобает тому Ануфрию те ложные письма самому во огнь кинуть пред всеми, за ту хулу на святого, а свтителю великому Григорию покаяние же принести, и книгу его похвалити и целовати. По сему бы уподобился покаянию Павла Апостола. Он же ожесточал сердцем, и вместо подобающего и настоящего, ино глаголет, яко писание его являет, и не зрит обратившихся от прелести его многих, и бывших поборников по благочестии, ересем же, за нихже заступаху прежде, ныне обличители. Тако же и о Павле бысть Апостоле: прежде гонитель, потом же ревнитель по благочестии. Ануфрей же не тако сотвори, но видя свои ереси обличены от християн явственно посланиями к нему и в лице, умыслил ино лукавство, горше первого сотворил: многих прельстил и увещал своего совету старцев и белцев, и написали письмо, в лето 7216, еже о тех письмах лживых Аввакума протопопа молчать и споров не чинить, а кои станут спор чинить, и тех от сообщения отлучать, и яко недоуменны им Быша те письма, и на Бога их положили. Егда же таковый совет их скончаваяся и хотяще уже и руки своя прикладывати к тому письму: тогда некий человек, именем Павел, хотя нечто рещи к возбранению того лукавого совета их, и рек: благословите отцы и мне слово выговорить. И егда Павел сия изрече, тогда некий Никодим старец, ануфриева совету, ринулся со гневом на того Павла, и не даде ему ничтоже рещи, и начат зело бити его, и из келии вон вытолкал, и тамо еще палкою бияше его, еже о том мнози есть свидетели и сам той Павел сказывал. Зрите, православнии, правда ли их то, еже убивати советующих? И егда того Павла изринули вон, тогда кончаша совет свой, якоже им восхотеся, и руки своя приложиша. Тако той Ануфрей со единомышленники своими, закрывая срам свой, сотворили, якоже Иуда вместо покаяния удавления содея, дабы никтоже им о том стужал впредь. И сбысться о них реченное: и будет последняя лесть горша первыя ⁴⁸⁵. Но аще бы правду любили, то бы подобало обоих стран отцев, и матерей, и белцев собрати много, и многим бы советом и любовию о тех спорных письмах бесстрастно рассудити, слича с писанием, и которые несогласные и хульные речи обрящутся, те бы пред всеми объявити и написати о них, дабы и впредь никтоже не верил таковым плевелам, понеже не у единого того Ануфрия те письма обретаются, но и у многих в Руси. За мало же время прежде сего прочитали те письма спорные у матери Голедухи в келии християне и ануфрияне, и обрели тогда несогаласных и хульных речей множество, и положено бысть на том, еже отложить за несогласие те письма, якоже о том сказание являет. Но последи того Никодим старец и Феодор Полоняник и прочие преступили таковое завещание и советование, кроме познавших лжу тех писем. Ануфрей же ныне со своими те письма положили на полку, или на лавку, или инде где. Но то не в пользу им, где ни лежат, или у кого они ни есть сокровенны. И прежде бо сего сокровенно же лежаху у них те письма, а яве в народе не проповедовали же тоя новыя веры, но тайно же содержаху. Кто бо и смеет яве рещи в народе: веруй трисущную Троицу! Или: секи небось едино на три существа! Или: три Цари. Яве бо всякому, еже три существа учити ариянская ересь есть; а еже Сына Божия рещи – кроме существа воплотися несториянство есть, Софрона же и Фотина еретиков; а крест святый хулити лютерская ересь есть и богомильская; а книги святых отец и многие еретицы хулят. Аще бы они ануфрияне тако проповедали, како в ложных письмах их написано: то бы и всяк познал ереси и хулы их. Но они пред людьми исповедуют православную веру, едино существо и сущего Бога воплотившася, и прочая, како напечатано в книгах святых; а другую новую веру, еже в письмах спорных, тайно содержат и не хулят. Того ради и умыслиша ереси и хулы тех писем сокрытии и молчати. Но аще бы любили правду, а лжу ненавидели, то бы прежде от душ своих веру еретическую отложили и похулили на имена несогласных речей, и потом бы чувственно те письма отвергли. Аще же и о письмах они молчали положили, а зловерие и хулу не отложили, ни похулили: кая польза им в том ? Суди всяк праведно. Но убо едино им подобает избрати о тех письмах: или хвалити их и проповедати, или похулити и отложити. По святому бо писанию, тайну цареву добро таити, а дела Божия проповедати преславно есть. Аще ли же несогласно с писанием святых отец, таковыя подобает отметати и сожигати, а не скрывати, яко же Великий Афанасий глаголет: яко глаголемыя сокровенные книги еретическия суть⁴⁸⁶. Преподобный же Максим Грек глаголет: Аще не по всему согласуют с богодухновенными писании, яже от неких писуемыя книги, отринути и гнушатися их подобает, яки хульных и скверных, и Бога нас отлучающих; паче же кто, благоверен сый, не гнушается сего и огню не предаст е⁴⁸⁷; Тако же и правила повелевают несогласная писания сожигати, и елика не согласуют иже в Никеи и во Ефесе собором, и Кириллу Александрийскому⁴⁸⁸. Ануфрей же со своими противится святым и не сожигают ложная и несогласная списания, но и стоят и сокрывают; яко же во многом, тако и в сем противятся Богу и святым его. Божественный Апостол Павел повелевает, глаголя: вся искушайте, доброе содержите⁴⁸⁹; и Златоуст глаголет: вся искушайте, и ложная и истинная⁴⁹⁰. Ануфрей же со своими неподобно уложили и противно Духу Святому, понеже не искушая и не объявя речей тех писем, судили о них молчати. Аще же бы отложены были и объявлены, якоже подобает, обоих стран советом: то бы впредь будущим родом не было падения от тех писем, аще бы и обреталися у многих, понеже ведомо о них и описано, каковыя есть и от кого. Но той Ануфрий сам прельщен бысть и многих прельстил и затворил во тме неведения. Християном же явно бысть их лукавство. А еже в том их соборном письме, еже за руками, сказуют сице: а в письмах что буде обрящется противно святей церкви и божественному писанию, и мы того не приемлем, – зде их вопросити подобает по евангельской заповеди: о которых они письмах то написаша не приимати, – о аввакумовых ли, или о иных чиех? Понежет и прежде того тойже Ануфрей старец со своими написали письмо: несогласное не приимати в письмах; а егда вопрошен бысть: которое же несогласно есть в тех письмах протопопа Аввакума? – скажи хотя едину строку, тогда Ануфрей оскорбився зело, и испусти яд свой и рече: все согласно в письмах аввакумовых с божественным писанием и единые чертицы в них несть несходного! И таковые его глаголы и лукавство явно бысть многим в лето 7216. Да еще в том же письме Ануфрия старца и прочих, еже за руками их, написано есть и сие: а что писание где обрящется отца Аввакума, обличение на ереси и поучения различные, кроме споров, что̀ с Феодором, и те письма невозбранно держать пользы ради и прочитать. Тако же той Ануфрей многих прельстил к тому нечестивому письму руки приложити. Зело бо нечестиво то, еже несогласное писание держати и прочитати, веровати же и мнети пользы ради. В тех бо письмах того Аввакума, еже писал он обличения на Никона патриарха Московского и на прочих властей, многия обретаются богопротивные речи и на святый крест хула, еже есть сия: «И Христа того-де не скрывайте еретики, в Троицу месяще недоведоме. Излияние то во Христе и благодать того же существа седит на особном престоле: соступив с небесе силою благости своея к нам, весь Чистую Деву вселися, – тверди: весь благостию, а не существом». «Како так явно обманул диявол русских людей бедных, явно идут в пагубу, римскую блядь возлюбивше, крест четвероконечный. А хощеши ли Петров крест разумети? Римляне его любят и почитают, яко же и крыжу честь воздают; и мы его чтем, да не яко Христов, – словет у нас крест водружальной. И ты, слышателю, разумей Христов и Петров крест: у Христова над титлом чибышок, а у Петрова над колодкою чибышка несть, ему же образ сицев».

Таково хульное мудрование в тех поучительных словах аввакумовых о Христе и о кресте. Еще же и ины многие срамные речи и неистовные в тех письмах обретаются, ихже слышати мног смех будет, женам же наипаче срамно слышати. Тако бо и Иерофей, поборник тех писем, рече: есть в них иное невежественное, что и насмеесся. Ануфрей же со своими заручили таковая невозбранно держати пользы ради. Святии повелевают несогласное писание отревати, яко плевел бесовский сожигати⁴⁹¹; они же таковая положиша не возбранно держати пользы ради. По сему же ведению и по письму, еже рекоша: в письмах что буде обрящется противно божественному писанию, и мы того не приемлем, – по тому всякому тех ануфриян мощно вопрошати: которое же скажут несогласно святому писанию, в тех письмах, – три ли Цари и существа, или то не согласно рекут, еже речено в них о воплощении Сына Божия кроме божественного существа, или ино что скажут несогласно? И слыши ответ и разумей. Тако же и их совета, ведущие писания и не хотящие с ними погибнути, будут вопрошати о вере Ануфрия старца и единомысленников его. Понеже святые отцы повелевают всякому православному християнину о вере вопрошати и отвещати. Обаче не всякому подобает того Ануфрия вопрошати о вере, но ведущим лукавые речи его. Многих бо он прельстил вопрошающих его о существах и о Царях. Понеже в писании каяждо особь ипостась Святой Троицы нарицается: Бог, и Царь, и существо, и Господь; он же, таковая собирая, и показует неведущим писания приличная им, якобы потому мощно глаголати и три существа, и три Цари. И тако прельстишася мнози и начаша глаголати три существа и три Цари небесныя во Святей Троице, еже чуже православию и зловерно зело. В божественном бо писании аще и нарицается существо Отец, существо Сын, существо Дух Святый, – не три существа, но едино существо триипостасное вси богословцы проповедаша. Такоже писание нарицает: Царь Отец, Царь Сын, Царь Дух Святый; обаче не три Цари, но един Царь небесный. Высокий Царю трисоставне, а не Цари. Такоже: Бог Отец, Бог Сын, Бог и Дух Святый; обаче не три Боги, но един Бог. Равне: Господь Отец, Господь Сын, Господь и Дух Святый; обаче не три Господие, но един есть Господь. Аще бо особно койждо состав Бога и Господа, и существо и Царя воистину исповедуем; три же Боги, или три существа, или три Цари, или Господы глаголати возбраняют святые и проклинают. Но зловерный Ануфрий и единомысленницы его и зде ино лукавство составляют: различати бо ся хотяще от Ария и ариян, и начаша глаголати три существа равные, потому им и три Боги и три Господы равные время есть соглашати. Понеже писание о том за едино полагает, существа и боги. Сице не глаголем в трех лицех три существа, или три естества, или три Боги, якоже треклятого Ария ученицы; но единого Бога, едино существо и едино естество в трех составех исповедуем⁴⁹². И паки: аще кто глаглет три естества, или существа, или три Боги, да будет проклят⁴⁹³. И паки: едино бо божество, едино и существо и естество; а три естества глаголати ничтоже разликует арианские ереси, он бо на три существа разделяюше единосущную Троицу⁴⁹⁴. Слышите ли, что глаголет писание? Аще кто глаголет три существа, или три боги, а не глаголет равные или неравные, но аще три токмо, то проклято и ариянством нарицают святые. Не льститеся и не лжите, о слепые испытницы, в чужеверии и самосмышлении своем суетном! Веруйте же паче писанию святых отец. Вся бо нам открыша святые богословцы и предаша написано, и аще бы православно глаголати три существа равные во Святей Троице, то бы такоже написали святые, якоже и три составы; но никтоже рече от святых: равные или неравные три существа, но вси глаголют: едино существо и божество, един Бог Троица, во едином бо существе три составы. Аще ли три существа по вашему учити, то и девять лиц, или составов. Но не буди сего и мыслити православным. Святый Апостол Павел глаголет: един Господь, едина вера, едино крещение, един Бог и Отец всех. Аще по Апостолу, един Бог, едина вера: то иные все не веры, но ереси и раздоры⁴⁹⁵. И паки блаженный Павел и Златоуст глаголют, яко благовествование превратиша иже и мало нечто новосекуще⁴⁹⁶. Слышите, глусии, что писание глаголет, яко едина православная вера, а иные все не веры, но ереси и раздоры. Вы же, ануфрияне, две веры содержите, и трисущную и единосущную, ложь со истиною поставляете, смертоносие с медом растворяюще, да прельстите неведующих писания. Но убо вере превращение аще и мало нечто новосотворити. Вы же, проклятии, не мало нечто ново ввели, но и велие зло творите: на три бо существа и естества равные рассекати глаголете святую, единосущную и неразделимую Троицу, не бояся и три Цари небесныя глаголете, и Сына Божия исповедуете воплощшася кроме божественного существа, и крест святый неподобно нарицаете, и прочего много зловерия вашего, еже видим в ложных письмах ваших, ихже вы похваляете. Но похулите и отложите другую новую веру свою, еже три существа и Цари, и веруйте с нами единоверно, по писанию⁴⁹⁷. Едино бо естество Отца и Сына и Святого Духа, едина сила, едино существо, едино царство и божество: сия вера святых отец. А иже паче мудрствует, еретик есть, рекоша отцы; и кто инако разумеет, анафема да будет. Вы же, ануфрияне, инако мудрствуете: три существа равныя глаголете, и три Цари. А писание глаголет: едино существо Святыя Троицы, и едино царство; высокий царю трисоставне, а не три; един Бог Троица, а не Боги. Писано бо есть: не по писанию верующие вси еретики⁴⁹⁸. И паки: тать есть и разбойник не от писания глаголяй⁴⁹⁹. И блаженный Апостол глаголет: аще мы, или ангел с небесе благовестит вам паче, еже благовестихом вам, анафема да будет ⁵⁰⁰. Вы же покажите нам, ануфрияне, – в которых книгах нашли, и кто благовестил вам о Святей Троице три существа равные глаголати и три Цари небесныя, и Бог воплотися кроме существа, и не везде Бог существом? Ибо многажды просихом того от вас, да покажете нам о том на письме, якоже и мы вам посылахом о православном учении на письме, такоже и хульные ваши речи объявляем вам; вы же никогда же сего сотвористе нам, но токмо на речах превращаете писание, и кривосказуете, якоже вам мнится, а яве не можете показати, якоже мы показуем. Не о вас ли писание глаголет: обычай еретиком писания превращати?⁵⁰¹ И паки глаголет: отступницы же церкви Божия, еретицы и латыни, вси всяким умышлением от начала предания своего, мняще научени от Апостолов и их учеников, а указати по ряду и по истине не могут, якоже мы указуем, такоже и о божестве сказати по истине не могут⁵⁰². И Златоуст сказует вам, глаголя: прельстиша бо вас, не наказании всяко от святых писаний показати не могут⁵⁰³. Усрамитеся убо, о лжеучители, безумия и хульных словес своих! Плачитеся, ануфрияне, толикого падения вашего! Аще хощете паки прияти надежду спасения, подобает убо вам от прелести вашея отвратитися и прельщаемых вами отвратити. Приидите в себе, молим вы.

Но убо послежде Христовою благодатию мнози и от самых ануфриян познаша многая лукавства и зловерия Ануфрия старца, и отрекошася того совету. Но и лучшей их старец Никодим прежде сего велику брань со християны имеяше, а наипаче же с Тимофеем Матфеевым браняшеся, и всяко вопреки глаголя и понося ему, последи же и той познал лукавства Ануфрия старца, и пишет к Тимофею сице⁵⁰⁴: «Из пречистыя обители всемилостивого Спаса, от старца Никодима, милостивому ко мне приятелю моему и присному другу Тимофею Матфеевичу, и всему дому твоему, еже о Христе мир и благословение, и поклон до лица земного. Как тебя Господь сохраняет милостию своею? А про нас ты изволишь ведать: ныне аз грешный со Ануфрием вовсе отсекся. Согреших всяко, изнемогался и ожидал от него по своей простоте всякого примирения: ни в чем он меня не удивил своим лукавством и коварством, понеже злохитрая душа. Порассмотрил, – грешный, поистине злохитр и лукав невозможно нам убогим с таким злохитрым спастися. Ей, ей, о душах християнских не болит! Самой хаз рассек окаянный, отеческую любовь и вечную правду изыскати не восхотел, зашибся и вознесся, яко гордый Фараон. Время ему пришло окаянного обличити, Богу тако изволившу, ему окаянному обругану быти. И бысть ему в великом поругании за его гордость и непокорство: не восхотел со отцы в совете быти, и всех возгнушался, и в разум истинный не восхотел приити и отцем покоритися. Ей, от всея души пишу: простите! Ей, от болезни душевной! А письмо тебе Михаило привезет, что у нас сход был. По сем мир ти о Христе». Прислана на Городец, в лето 7217 октября во 18 день.

⁵⁰⁵Приях, отче мой, писание твое честное с великою радостию, и благодарю Бога, яко уведал еси злохитрство душепагубного старца Ануфрия и отсеклся от него вовсе, еще же и обличаеши лукавые его речи и многих обращаеши от прелести его. О сем же не аз, но сам Господь да отвещает ти, святыми своими сице глаголя: Несть души ничтоже противодостойно, ниже мир весь: воеже аще и бесчисленная даси нищим имения, ни едино таково дело содееши, яко едину душу обращаяй. Изводяй бо честное от недостойного, яко уста мои будет, рече⁵⁰⁶. Велие убо благо и еже миловати нищих; но ничтоже таково, яко еже прелести свободити. Аще и не ныне увещаеши, утре увещаеши; аще никогдаже увещаеши, ты мзду имети будеши совершенную; аще и не всех увещаеши, малых от многих возможеши. Понеже и Апостоли не вся сущая человеки увещаша, но обаче со всеми беседоваша и о всех мзду имут: не наконец бо исправляемых, но к разуму исправляющих Бог уставляти венца обыче⁵⁰⁷. Дозде Златоуст. Что сея ти выше похвалы, отче честный Никодиме? Яко уста Господня будеши, обращая кого от прелести, рече Господь. Святый же Иосиф о еретицах повелевает испытати, глаголя: Сего ради да потщится всяк православный, еже сих лукавство испытати и искоренити, яко да того ради причастник будет небесного царствия⁵⁰⁸. Аще же кто ведает еретическая мудрствующих, таит и не обличает, таковому сице глаголет: Ты же веси таковая творящих и тщишися утаити и не обличаеши сам, ниже исповеси иным, могущим сия упразднити, не явственно ли есть, яко и ты сия любиши? Темже и со оными, иже сия творящими, огню вечному предан будеши⁵⁰⁹. Аще отреклся еси, отче честный Никодиме, нечестивого Ануфрия и познал за ним многие ереси и лукавства, и не токмо ты един, но и прочии мнози ваша познаша о нем, якоже о том ваше писание являет: и мы о том вси благодарим Бога. И по сему уже вам со едиными токмо православными общатися подобает, со Ануфрием же, или со единомысленники его и с прочими християнохульники отнюдь не подобает общатися. О том бо святии зело запретиша, глаголюще: услышите все вы, иже с еретики вкупе ядущие, болезненного сего ответа: яко вы Христовы врази бысте⁵¹⁰. И паки глаголет писание: Аще кто и бесплотных житие поживет, еретиком же приобщаяся в дружбе и любви, таковый чужд есть Владыки Христа. Аще убо сытости не имамы любити Владыку Христа, тако же не имамы сытости враги его ненавидети⁵¹¹. Григорий Богослов глаголет: уне бо похвальная брань, неже мира отлучающего от Бога⁵¹². И паки глаголет писание: любяй дружество человеческое, отступает дружества Божия. Блюди же, отец Никодим, и стой твердо за православные догматы и не возвращайся вспять, якоже прежде нечто бысть от Тебе таково. Но стани добре, якоже крепкий адамант, непоколебимо, да приимеши достойну мзду от Господа. Ныне же видим тя зело вооружающася на нечестивые и поборающа по благочестии. И пишеши о том к нам от болезни душевныя, и каяся глаголеши: согреших! И сего ради радость бысть о тебе на небесех, и вси православные радуются, с ними же и аз грешный радуюся и глаголю ти от души сице: отец святый Никодим! Благослови грешного Тимофея! Христос посреди нас. По сем прости мя, аще в чем согрешил ти аз, поминай же мя грешного во святых молитвах своих, якоже заповедано нам друг о друзе молитися, да исцелеем. Дозде конец писанию от Тимофея.

И той вышеупомянутый честный отец Никодим не един токмо познал нечестие и лукавство Ануфрия старца и единомысленников его, но и иные мнози, якоже речеся выше; и не просте познаша его, но и обличиша нечестие его и лукавства, и отрекоша его от соборныя церкви и написаша свои его о нем сице:

⁵¹³«Единородный Сын Божий, промышляй о християнском роде и всякое тайное нечестие объявляя и обличая во своя времена, якоже повествует писание пророческое и апостольское, и самого врага и отступника и губителя антихриста показует. И ныне в Петров пост отец Ануфрей отдал письма аввакумовы Феодору Феодорову Турке, и велел собрать ему Феодору к себе в келию отца Никодима, отца Иосифа, отца Саватия, от отца Софония дьячка Георгия и иконника Петра Моисеова, да пять человек с Пискома, и велел Ануфрей аввакумовы письма чести у матери Голендухи в келье, что те письма сходны ли с божественным писанием, с печатными старыми книгами. И те письма сличали по три дни и в тех аввакумовых письмах не сходства много обыскали, и по тому писанию невозможно християном спастися. И виде Феодор со отцы и братиею в тех письмах велию пагубу душам християнским и поболев душею заровавельски о роде християнском, дабы впредь не погибали и те письма аввакумовы отложили, чтобы их впредь никому не чести и не мудрствовати по них и никого не порицать, и чтобы церковь Божия была без раздору и вси бы християне были единодушны, иноки и священники. И Феодор со отцы и братиею и с материю Голедухою, всем скитом с старицами, молилися в Троице славивому Богу, и Пресвятой Богородице и всем святым, что от неведения по письмам в таковой пагубе многое время пребыли, положася на ануфриеву душу добре. Златоуст пишет: неведение ереси породило, неведение церкви развратило, неведение виновно всем ересем. И положили пред образом Божиим начал, и простилися. Ануфрей прежде всего говорил, что те письма правы и буде-де их отставить, то-де отставить и святое Евангелие. И Феодор, стоя пред образом Божиим, говорил при всех нас: а буде-де отец Ануфрей упрямится и не отложит аввакумовых писем, и я-де его во всем чуж. И Феодор пошел с нами ко отцу Ануфрию, и зазвала нас к себе в келию мати Улея старая. И Феодор матери Улеи и всем старицам говорил во всю келию, что отложили письма аввакумовы, потому что несогласны с божественным писанием, и увещал ее во всем, что смирилися со всеми християны. И мати Улея молила Бога и его Феодора похваляла, что снисканием его Бог примирил всех християн в соединение. И от матери Улеи пришли ко отцу Ануфрию. И Ануфрей писем аввакумовых не отложил, и говорил такие речи: спасусь ли де я, или погибну, вам-де до того что за дело? И после того, лукавством своим умысля, Ануфрей с Феодором Туркою всех отцев обманул, – созвал нас к себе в келию и велел нам руки приложить, чтобы никому у нас впредь писем аввакумовых не честь и не толковать, а буде кто те письма впредь станет чести, или толковать, и тех от церкви отлучать, и с ними ни в чем не общатися. А мы те письма никогда у себя не держали и не чли; держат у себя и чтут и толкуют Ануфрей с Феодором. И тем нашим заручным письмом простой народ обольстили, будто аввакумовы письма отложил, закрывая в себе пагубу душам християнским, якоже Арий еретик. И после того вскоре он, старец Ануфрей, и учал те письма аввакумовы прочитать и людей учить по них. И нынешнего году, октября в 6 день, о имени Господа нашего Исуса Христа Сына Божия, разжегшеся ревностию за старое благочестие, оставя домы, и жены и дети, отцы и братию, чтобы с ним с сокровенным тайным губителем во веки не погибнути, потому что вскоре объявил свою неустойку о письмах аввакумовых и заручное отеческое писание отверг и рассек отеческую любовь (а в правилах написано: не подобает иноку лживу и лукаву быти), – и мы убогие, по благословению отца нашего духовного священно-инока Софония, собравшеся отцы изо многих скитов: отец Варсонофий, отец Никодим, отец Феофил, отец Аврамий, отец Селивестр, отец Моисей, отец Иосиф, отец Данило, отец Дионисий, и всех отец десять скитов, и из окрестных многих скитов снидошася многие отцы и братия, по числу человек с семьдесять, ко отцу Никодиму, и посылали к старцу Ануфрию отца Иосифа в два поймы порознь, чтобы он старец Ануфрей к себе ли отцем и братиям велит в келию быть, или сам к нам приидет, духовного ради совету и чего ради отверг отеческий совет, по свидетельству тех писем отложных, такую пагубу отцем и матерем и всем християном тайно и явно плетет, преступив слово свое, и отверг иноческое обещание, и рассек любовь отеческую, и раздрал церковь Божию, якоже Арий, не восхоте со отцы и братиею в совете и в соединении быти. И ученик его ануфриев, старец Паисей, ему Иосифу отказал, что-де его Ануфрия в келье нет, и пришел бы де к нам в келию Никодим не со многими отцы. И отец Никодим по приказу ануфриева старца Паисея взял с собою отцев Варсонофия, Феофила, Иова, Селивестра, и пришел на поляну ко Ануфрию. И старец Паисей из кельи к нам вышел и о письмах аввакумовых поговорил, что-де мы те письма аввакумовы никогда не отложим. И отец Никодим со отцы ему старцу Паисею сказали: мы-де по заручному писанию ему Ануфрию поверили, а в заручном письме написано, кто те письма станет чести и толковати, и тех от церкви отлучат и ни в чем не общатися с таковыми; и по его неправде и лукавому преступлению буди от Ануфрей (с) своими советники потаенными чуж соборныя церкви Божия и нашего православия, отеческого совету, чтобы нам в его лукавстве не погибнути со своими душами. И пошли от ануфриевы келии в свою келию ко отцем. И на дороге постиг нас от Ануфрия трудник ануфриев Стефан: подите вы ко отцем, – будет-де к вам на совете отец Ануфрей. И видя он, старей Ануфрей, что отцы и братия от ревности Божия обличати его нечестие всенародне, от лукавыя своея злобы умыслил на Христово стадо, отцев и братию, вместо любве и смирения за свое обличение убийство сотворити. Якоже Иродия за блудное обличение Ивану Предтечи повеле главу отсещи, чтобы ее блудни никто не обличал, тако и он, старец Ануфрей, накупил попа пахнутовского с братом, да бортников человек с десять, да послал с ними дву старцов своих: Арсения да Моисея, да трех трудников: Архипа, да Стефана, да Акима, и они пришли на поляну ко отцу Никодиму со оружием, с пищалми и с рогатинами, и с саблями, и с луками. И увидя они отцов наших, закричали и завопили великим криком: хватай, хватай! Лови, лови! И мы, убояся тех вооруженных людей и пахнутовского попа, разбежалися все по лесу, и не познали друг друга, кто куды ушел. А пахнутовский поп приезжал на лошади ануфриеве. И осталися в келье людей малое число, и тот поп с бортниками стали спрашивать отца Сергия, да отца Пахомия, да попа Леонтия. И видя они, что все разбежалися, и отец Никодим от страха нача их звати к себе в келию ночевать, и они ночевать не пошли, а сказали: пойдем-де мы ночевать кто нас звал. И ануфриевы старцы и трудники взяли попа пахнутовского и бортников его к себе в келью ночевать. Да его же ануфриевы келейные старцы и ныне пагубные речи говорят и раздирают церковь Божию. Был ануфриев старец Арсений ныне у отца Варлама в келии, в неделю пред митриевым днем. После часов прикладывалися Кресту Христову на аналое, а послана была пелена, а на ней нашит крест святый четвероконечный. И старец Арсеней назвал четвероконечный крест… для чего-де сего…⁵¹⁴ на пелене нашили! И о том многие отцы и братия соблазнилися. Да он же старец Ануфрей с Феодором Туркою чрез правила святых Апостол и святых отец, ни по нашему отеческому совету, расстригли черного попа Дорофея, и по своему разуму перестригли его сызнова, и дали ему третие имя Досифеем, и велели ему в третий по̀пить, на погибель душам християнским». Дозде конец писанию ануфриевых бывших советников.

Обаче же и еще мнози ануфрияне осташа: аще и слышат и ведают ануфриевы новые ереси, но не отлучают себе от него, боящеся скудости телесные, дабы не обнищали, понеже ко Ануфрию от мира большие подаяния идут, а он раздает кому хощет. Ведомо же буди, яко в таковых ересях наипаче всего укрепляют стояти Ануфрия и единомысленников его богачи, не ведущие писания: всяким бо довольством сподобляют их, нежели обличают, потому и паче гордятся над християны нищими, яко же и при Апостолех бысть. Апостоли нищи бяху и не славны, и руками класы стирающе ядяху⁵¹⁵, и последоваше неимущему где главу подклонити⁵¹⁶; жиды же богатством тогда и саном гордяхуся и, людей прельщающе, глаголаху: еда кто от князь верова в онь, или от фарисей ⁵¹⁷? Тако и нынешние ануфрияне мнози глаголют християном: много ли с вами от богатых? Прельщаеми и прельщающе, не ведуще таковые писания ни силы его. Се бо есть апостольский степень и самого Господа, еже с правою верою в нищете пребывати, нежели прельщатися богатством и славою мира сего, якоже глаголет святое Евангелие: Множайшии бо от человек, тако навыкоша повиноватися, или имениями от богатых прельщаеми, или словес умножением, и мечтанием премудрости прельщаеми, или превеличию славных образ удивляеми. Не таковые бо ученики прият Господь, но супротивное, нищия и не славные и препростые словом, сиряны же языком, и образом смирены и худы суща⁵¹⁸. Всякий бо нищ православен и благодарив, брат есть Господень посему, понеже и Христос в нищете и убожестве живяше⁵¹⁹. Слышите ли, горделивые и хвалящиися о богатых, кого укоряете нищетою? Яве, яко Христа и братию его. И кому уподобляетеся похвалою славных мира сего? Не яве ли фарисеям и прочим жидом, глаголющим: еда кто от князь верова в онь? Вы же не рассмотряюще о вере, но хвалящеся токмо о богатстве, нецыи же от вас, аще и слышат и ведают сокровенные ереси и лукавства Ануфрия старца и прочих, но не истязуют о вере, стыдящеся жития их. Но и древле Быша таковые же прелестницы и прельщаемые, о них же святый Златоуст поведает сице: Хощеши ли навыкнути, колика есть жития светлость, колико имать увещание? Мнози от еретик толико возмогоша: аще и догматы у них бяху растленна, мнози от человек говением противу житию не ктому догмат истязаша, иные же и зазирающе тем догмат деля, устыдешася жития ради, недобре убо, но обаче сие пострадаша⁵²⁰. Дозде Златоуст. Друзии же от вас дружества ради прежнего не хотят разлучитися и бранитися со Ануфрием и прочими. И о таковом дружестве той же Златоуст сице глаголет: сие и ереси содела, сие еллины еще еллины творит быти⁵²¹. Григорий же Богослов глаголет: уне бо похвальная брань, неже мира, отлучающего от Бога⁵²². И паки глаголет Писание: любяй дружество человеческое, отступает дружества Божия⁵²³. Слышасте ли, любящие дружество человеческое, яко сие и ереси содела и от Бога отступление? Вы же нечестивым и неискусным пастырем последуете и волею отступаете от Бога. Устрашитеся великого Афанасия, глаголюща: Всяк человек, приемый рассуждение от Бога, мучим будет, аще последует пастырю неискусну, и ложную славу яко истину приемшу: кое бо приобщение свету ко тме⁵²⁴. Ваш же пастырь Ануфрий не искусен и во тме неведения заблудил, две веры содержит: единосущную и трисущную, и все письма протопопа Аввакума согласны с писанием святых нарицает и верует по них, а не хулит яве несогласных таковых. Но аще когда Ануфрий или единомысленники его противу вопрошающим и отвещают тако, якоже написано во святых книгах о вере, но подобает их паки вопросити о новой другой их вере по единой речи: хулят ли они, или похваляют глаголющих во Святей Троице три существа равные, или три Боги равные, и три Цари небесные, и исповедующих воплощенного кроме божественного существа, и не исповедающих везде Бога существом, и прочая? Такоже вопросити их и сие: аще кто хулит святый четвероконечный крест, или книгу святого Григория Амиритского и другую преподобного Иосифа Волоколамского чудотворца и прочих таковых? И зри о сих ответ, и познавай ануфриян и християн, како отвещает кто, – похвалу на таковых, или хулу, или закоснеет кто, или ино вместо настоящего начнет глаголати и отрицатися. И по единому бо отрицанию можеши познати ануфриянина, понеже отец их Ануфрей утвердил в них ересь разумоборную⁵²⁵, от древних еретиков взял, еже не искати много, ни испытати в божественных писаниях. Егда бо изобрел себе вышеупомянутые ереси и хулы, и убоялся православных еже о благочестии ревности, тогда начат своих прельщати, глаголя: не подобает много искати в Писании! Но и новогородские же еретицы глаголют сице, яко не подобает много искати в Писании! Но и новогородские же еретицы глаголют сице, яко не подобает осужати еретика, ниже много искати о еретицах, аще сами не исповедают своей ереси и отступления, ихже святый Иосиф Волоколамский чудотворец обличает, глаголя сице⁵²⁶: ныне же нужно есть о сем рещи, еже еретицы зле мудрствуют, глаголют, яко не подобает много искати, или истязати, или испытовати о еретицах и отступницах, аще не исповедуют своей ереси и отступления, еже убо ныне о сем речем. Божественная бо писания повелевает сице, яко подобает всем верующим во святую и животворящую Троицу всяко тщание и подвиг и богомудростная коварства показати, еже еретики крыющася испытовати, и искати, и истязати, якоже божественный Флавиян патриарх Антиохийский сотвори, своим богомудростным художеством еретики испытав и истязав, и посрами. Егда убо виде скверную ересь месалиянскую множащуся во своей пастве, в себе точию имущим ересь, и никакоже никому исповедующим, и клятвами страшными себе заклинающим, яко суть православнии, и тако прельщающе православных: тогда добрый пастырь, от животворящего Духа подвигся, ухитряет нечто сицево. Единого старца, именем Адольфия, начальника ереси месалияньстей, призывает к себе наедине, и тому близ себе сести повеле, нача глаголати к нему: Мы, о старче, множайше поживше, еже известнейше уведехом человеческое естество и противных бес познахом козни, искусом же и благодатному научихомся поданию. А иже со мною причастницы, юни суще и сих ничтоже не ведяще известно, духовно слово слышаще не терпят. Что убо, рцы ми, како глаголют: и духу противному отходити и благодати Святого Духа приходити? Сими глаголы Адельфий усладися, мнев яко блаженный Флавиян хощет быти приемник ереси их, абие изблева скверный яд свой, и потонку исповеда все ереси месалиянския, иже в себе имеяху, сия изрече к нему. Блаженный же Флавиян рече к нему: О, старче обетшале злыми деньми! Твоя уста обличиша сокровенный яд сатанин в сердцы твоем! И абие повелевает сих отгнати от предел антиохийских. Глаголет же убо и божественный Златоуст, яко убо мните благолать творити вашим братиям, аще кто от безместных зря кого творяща и не исповесть о сих, последнему осуждению предает себе. Ты же веси таковая творящих, и тщишися утаити, и не обличаеши сам, ниже исповеси иным, могущим сия упразднити. Не явственно ли есть, яко и ты сия любиши? Темже и со онеми, иже сия творящими, огню вечному предан будеши. И хотяй от сего избавитися должен есть неточию егда сам услышит, или видит кого еретическая словеса глаголющих, или дело творящих, но аще и свидетели истинни суть на творящих сия, или глаголющих еретическая, и никакоже утаити или покрыти сих, но обличати и исповедати. Тако бо повелевает божественное писание, яко мы (не) от себе глаголем, но по свидетельству божественных писаниих. Сего ради да потщися всяк православный еретики и отступники испытовати всяким образом, и уведевше истинно и достоверно еретичествие и отступление не утаити, но исповедовати и свидетельствовати на них, и не боятися еретического хуления и укорения. Дозде святый Иосиф. Святый же Иоанн Златоуст глаголет⁵²⁷: Еже бо по воли Божии бываемое, аще и зло быти мнится, всех есть добрейше. А еже чрез волю, и не угодно оному, аще и изрядно быти мнимо есть, всех есть злейше и законопреступнейше. Аще и убиет кто по воли Божии, человеколюбия всякого есть лучши убийство оно. Аще и пощадит кто, и человеколюбствует чрез угодного оному, убийства всякого неправеднейше будет то пощадение. Не естество бо вещем, но Божии судове добра и зла сия быти творят. И да навыкнеши, яко се истинно есть, послушай реченных. Царя некоего Сирского ем Ахав, паче угодного Богови снабде и председания восприяти сотвори, и со многою отступи его честию. Таже пророк некий пришед, рече ко искреннему своему: словом Господним порази мя. И не восхоте человек он поразити его. И рече к нему: занеже не послуша гласа Господня, се ты отыдеши от Мене и поразит тя лев. И отыде от него, и обрете его лев и порази его. И обретает человека иного, и рече: порази мя убо. И порази его человек той, и сокруши, и обяза лице свое. Что убо будет сего преславнейше? Бивый пророка спасеся, а пощадевый мучен бываше, да навыкнеши, яко, Богу повелевающу, не достоит испытовати естество бываемых, но повиноватися точию. Яко бо да не устыдевся пророка пощадит его первый, не просто рече ему: бий мя; но: словом Господним, сиречь Бог повелел есть, ничтоже множае ищи; царь есть законополагай. Устыдися повелевающего сана, со всяцем послушай усердием. Но не восхоте; сего ради казнь восприят последнюю. И паки инде глаголет⁵²⁸: но по Писанию верующие вси еретицы. Премудрый же философ Максим Грек глаголет⁵²⁹: еретик бо он есть кто мнению своему лживожу крепце прилепляется. Святый Иосиф Волоколамский тако повелевает о еретицех⁵³⁰, яко и святителем и священником, и иноком, и простым человеком и всем, иже християнская мудрствующим, подобает осужати и проклинати еретики⁵³¹. От многих бо лет, вскоре по шестом соборе, некоторые папы или правители церкве римския, самомнением и мудростию света сего прельстившеся, первое по малой части апостольское предание отложивше, вместо же того свои умыслы тайне составляти начаша, ихже тогдашние святые отцы, вселенстии патриарси, по части познавше и обличиша, якоже о опресноце и иных ересех, о них же известно в летописцах греческих, или словенских обрящеши, такоже и в правилах святых отец, иже от любве братския с великим прилежанием многажды же и от божественного писания показующе, со слезами и молением посылаху к ним, они же ни во что то вменяюще, мало того слушали, свои же ереси в себе сокровенно составляли. По многих же летех, по последнем их соборе, к тому же по оном их проклятом Формосе папе, иже восприем престол папежский, и веру святую, от богоносных отец писанием прданую, еже есть: верую во единого Бога, прелестным обычаем рукою своею истинно написав и, по обычаю прежде бывших благочестивых пап, ко святым четырем патриархом, исповедуя, яко тако держати обещается, послав, а в сердце своем мысля инако сокровенные ереси, и людей научил, ихже яко ядом смертным сим учением своим погубил. По нем же и иные папы, напившися сего мутного учения, и явственно открывати начаша, наипаче же осмый по Формосе Христофор папа объявил, глаголя, яко Дух Святый от Отца и от Сына исходит, и иные ереси явно изблева. И елма же отпадше истины и в тимении света сего погрузившеся, неудобь в первый чин благоверия возведени бывают, но и труждающимся в благочестие обратити их зело сопротивляются, и брани воздвизающе мстити вооружаются. Аще же богоносные святые отцы и благочестивые цари от такова зловерия отвратити не возмогоша, мы же, грубые и скудоумные, всяких язв греховных исполнени, что̀ помощи им можем? Но точию, якоже Писание глаголет, сия глаголя себе досаждаем. Обаче никтоже должен есть, видя многая своя согрешения, премолчивати, или таити правду Божию; но подобает каятися и исповедовати своя согрешения, о правде же Божией не молчати: якоже бо честно есть тайну царскую таити, такоже честно есть слово Божие проповедовати, понеже бо в нынешнее многомятежное и плачу достойное время, зряще церковь Христову, честною кровию Его от погибели и клятвы законныя искупленную, отвсюду различных ветров волнением колеблему, и многих от нас расслабленных душами и нетвердых верою в прелести зловерия уклоняющихся. Святый Иоанн Златоуст глаголет⁵³²: Якоже убо не иже злая деющеи точию, но иже тех похваляющей тойже и лютейшей от онех приобщаются муце⁵³³. Ибо и Павел не творящих точию лукавое, но и сблаговольствующих им облагает мукою и казнию; и пророк же не точию крадущая, но и стичущая им под тойже приводит суд. Не всяк мир и согласие добро, но есть егда и которы и расколы Божия вещь мнится. Но аще отец, аще ли мати противни обрящутся Христовым словесем, бранитися с ними, яко со враги истине⁵³⁴. Проповеди ради и благочестия точию да будет ти брань, рече. И паки в повседневном Евангелии глаголет: гневаяйся, рече, на брата своего туне, осужден будет. Аще ли же кто прогневается по правде, и наказания ради, и по духовней ревности, не осуждается таковый⁵³⁵. Яко не всегда еже не гневатися пользует нас, но егда призывает время. Егда же ли виною кротости впадаем в сети сатаны и отлучаемся от Бога, тогда праведному да поимемся гневу⁵³⁶. Евангелие ⁵³⁷. Не мните, яко придох вложити мир на землю, не приидох воврещи мир, но меч: приидох бо разлучити человека на отца своего, и дщерь на матерь свою, и невестку на свекровь свою: и врази человеку домашнии его. Толкование: Не везде бо есть добро соединение, но бывает иногда и разделение добро; ниже всякое умирение похвально, но бывает множицею и мир на повреждение, и далече божественныя любве отгоняющ. Егда убо миримся о разрушении истины прегрешно есть и неподобно зело. Таковый бо мир не прииде Христос вложити, но супротивное паче, хощет нас друг от друга доброго ради отлучатися. Не всякое бо мирование и совокупление добро, но бывает егда и распря и разлучение велие и божественно дело: никто же убо сим образом любовию да прилежит к лукавым, ниже мира имети с ними, но аще и отец, аще и мати, аще чада, аще братия супротивни обрящутся закону Христову, сопротивимся им яко врагом истине.

Сей предел есть всякого духовного предстояния, еже повсюду себе презирати на пользу иных: уне бо похвальная брань, неже мира, отлучающего от Бога, и сего ради кроткого объоруживает Дух, добре ратовати могуща, ныне же суть нецыи иже от мала ратующе, и ни в кою пользу.

Никая же нам польза, аще со всеми мирны есмы, к Богу же ополчаеми, яко ниже вредно нам, аще от всех ополчаемся, с Богом же мир водим. И паки никая же польза, аще от всех похваляеми есмы, Господу же приражаемся, яко ниже беда кая, аще вси нас отвращаются и ненавидят, Бог же приемлет и любит. Ибо истинная благодать, или истинный мир, иже от Бога; и убо от Бога благодать имеяй никоего же боится, аще и лютая бесчисленная страждет⁵³⁸. Обаче есть похвала и сваритися о церковных вещах на утверждение ним. (Ниже) Тех ради убо вин подобает и душу свою положити: таковые убо не сварливи, но паче похвальни и премудри. И в ветсем убо Моисея, егоже свидетельствуют книги кротка зело⁵³⁹, обретаем же многащи и гневающася на люди и претяща вельми. Такоже и Давыда беззлобного и Илию огненосного пророка триста жрец беззаконных заклавша и два пятидесятника огнем сожегша⁵⁴⁰. И в новом же законе Петра и Павла, ового Ананию и Сапфиру уморивша⁵⁴¹. (Ниже) Что же многа приводим. И самого Господа Бога нашего Иисуса Христа видим бичем изгоняща торжники из церкве, и на иудеев со гневом взирающа, и Петру претяща, сице рекша: сатано, иди за мною, яко не мыслиши, яже суть Божия, но яже суть человеческая ⁵⁴². Тако убо есть мерзко и ненавистно Богу, еже человекоугодия (ради) преступати закон его. Рече бо пророк, яко Бог рассыпает кости человекоугодником ⁵⁴³. И Павел великий рече⁵⁴⁴: аще бы человеком угождал, не бых раб Христу был. И Петр в Деяниях рече⁵⁴⁵: праведно есть послушати Бога, нежели человек ⁵⁴⁶. Да иже божественных ради заповедей даже и до смерти стояти подобает, таковые убо воистину блажени суть. По Бозе ревновати и подражати, и во истинное смирение и корень всем добрым, и себе и иного научити. А еже укорити того в таковых и отсещи его се не творити, неподобно есть в Божественном Писании. А еже имети яко тщеславует, се отцы, аще испытано будет, в хулу приходити Святого Духа, якоже рече Великий Василий в постных своих, имать зде. Вопрос. Что аще кто творит хулит на Дух Святый? Ответ. И тогдашняя хулы, яже похулиша фарисеи, от нихже и суд сей положися, яве есть яко и ныне от хулит Духа Святого, идеже действа и плоды Духа Святого сопротивному написает, еже стражем мнози. Поспешного множицею тщеславна бедовместне наречут. Ревность же благу показующему гнев, лжуще, прилагаем, и ина такова во мнениях лукавых ложне прилагающе. И сия убо Великий Василий. И смотрите отцы о таковых, како Святого Духа действо сводится от таковых, яко и непщуют, в действо духа нечистого, еже есть страшно, и паче, яко не прозрительного дара таковый приял есть.

Но показуя, яко мало нечто притворено бывшее погубляет, рече благовествованию превратитися. Якоже бо в царских цатах, иже мало от образа пресек, всю цату непотребну содела: сице иже здравыя веры и малейшую часть превратив, все погубляет, на горшая происходя от начала. Где убо суть судящии нас любопрения ради иже к еретиком раскола? Где ныне суть глаголющие ни едино же посредство быти между нами и онеми, но от любоначалия разньство быти? Да слышать что глаголет Павел, яко благовествование превратиша, иже и мало нечто новосекуще. Таже субботы убо преступление, и еже киота ниспасти хотящего коснутися в толикое негодование Бога приведе, якоже ниже краткое получити прощение сия смеявшим: а иже догматы страшные и неизреченные погубляяй, сей получит ли ответ и милость? Не суть сия, не суть; но и самое убо сие всем есть виновное злым, еже и о малых не негодовати. Сего ради большая согрешения внидоша, зане меньшая подобающего не получают исправления. И якоже в телесех нерадящии о язвах, огнице породиша и согнития и смерть: сице и о душах иже малая презирающе, большая вводят. Онсица, рече, о посте погрешает, и ничтоже есть велие, ин верою убо здравствует правою, лицемеруя же ся времени ради дерзновение предаде. Ниже сие нечто велие люто есть. Ин разгневався, запрети отступити от правой веры; но ниже сие достойно томления: гневом бо согрешил есть, рече, и яростию. И бесчисленная некто обрящет убо сицевая на всяк день согрешения, вводима в церквах. Сего ради и посмеятельни быхом и иудеям и еллинам, в бесчисленная части раздирающейся церкви.

⁵⁴⁸В подвизех к еретиком юнеющими подобает приражатися мысльми, и часто: тако бо есть мощно смущати их ополчение и от изобилия победити, ни единоже дающе им упражднение воздохнути.

⁵⁴⁹Кроткое и тихое, и еже к злобам человеческим терпелива зело потребно есть всем вкупе верным, наипаче же священником Вышнего, по глаголющему Божественному гласу: возмите иго Мое на себе, и научитеся от Мене, яко кроток есмь и смирен сердцем. Противу же пререкующих и противящихся благоверию возвратити е словом же и делом тщащихся и питомыя его во свою их прелагающих праведно есть и зело потребно нам восприяти, юже по благоверию, похвальную божественную ревность всею дешею, по глаголющему праведну: не ненавидящая ли Тя, Господи, возненавидех и о вразех твоих истаях? Совершенною ненавистию возненавидех их; во враги Быша ми. Кто кротчайши Боговидца Моисея? Но егда виде люди беззаконновавших и Вышнего прогневавших своим их безумием, кротость свою сложив, по смотрению, не пощаде старца и юношу, старицу и юну, но без милости повеле ревнителем закону левитяном убивати оружием вся по ряду, аще и сродники суть, аще стары, аще млады. Такоже да возлюбим ревность, яже по Бозе. Оставляю глаголати яже о пречудном Илии и Елисее, елика они по ревности Божией содеяша о славе Божии и спасении. Тех и вы, якоже стаинники и техже им таинств строителе, подражающе, тую же им ревность и подвиг за благочестие восприемше вседушно, и смущающая е, иже аще не будут, не срамляйтеся, ниже обинуйтеся, но апостольски противитеся единомудрено и единодушно с приличным дерзновением. Будите спричастницы древним ревнителем, да и вы техже им венец и хвалениих получите во грядущий век, о Христе Исусе Господе нашем, Ему же слава в бесконечные веки с безначальным Отцем, и Святым Духом, аминь.

По Зиноне царствова Анастасий Диккорос, еже есть разноок. Сей припрятся Арианде царице, иже благочестив изначала являшеся, и помале изверже злый яд. Бе бо имый сокровенная злая семена в сердцы своем Евтихиевой ереси окаянного. И сего облак темен и буря свирепа и тяжкие волны корабль православия потрясоша, и благочестивые архиереи от престол своих отгоняхуся, и яко разбойницы злотворнии осужаеми Быша: Евфимий патриарх Царя-града, таже и Флавияна Антиохийского, и Илию Иерусалимского, не повинувшимся отврещи четвертый собор, бе бо царь повинуяся Диоскора злочестивого ереси, и сего ради отмещуще четвертый собор. И посла во Иерусалим понуждати на ереси благочестивый народ. Сава же и Феодосий, с десятью тысящ черноризец, шедше в великую церковь, и на амвон стаста и возописта: аще кто не приемлет четыре соборы, аки четырех евангелистов, да будет проклят! Царь, же слышав, и написа на изгнание их, и повсюду повеле оскорбляти благочестивый народ. И сего ради всюду Быша плачеве и рыдания, вопль и воздыхание и в перси биение. И восхоте убо приложити царь трисвятой песни злочестивые ереси яд, рещи: святый бессмертный, распныйся Боже, помилуй нас. Но не попусти сему Бог. Егда бо посла лагофета, рекше дияка, и епарха, и взыдоша на амвон великия церкви проповедати людям царево повеление, тогда убо множество благочестивых, видевше, абие устремишася, и камением епарха и лагофета от церкви отгнаша, и домы их огнем зажгоша. И многи боярские дома зажгоша, и обретшияся в домах изсекоша, и текше ругаху и крамоляху царя. Царю же убоявшуся народного устремления, скрыся и с боляры. Сице убо благочестивые не стыдятся царя, егда благочестия ради и беда будет, ниже приемлют лица, ни сильных боятся. Потом же приидоша множество народа близ церкви святого мученика Мокия, и обретоша игумена святого Апостола Филиппа, егоже любляше царь, и ту отсекоша главу ему и восткоша на копие, глаголюще: сей есть враг Святыя Троицы! Такоже и жену Анастасиеву убиша. Убиша же и затворницу некую жену, еяже царь послушаше. И связавшее телеса игумена и затворницы жены, и пожгоша.

* * *

Обличение от святого писания на несогласные письма Аввакума и на заступников тех писем: старца Ануфрия, Иерофея белца и на единомысленников их.

В ложных письмах протопопа Аввакума, за нихже стоит Ануфрий старец, Иерофей белец и прочие, написана хула на книги святых отец наших. Святителя великого Григория Амиритского, ветхому и новому закону сказателя, книга похулена и названа от еретик испоганена, и плюнуть велено в нее и во огнь кинуть.

Благоверный же государь, царь и великий князь Михайло Феодорович, и святейший Иосиф патриарх Московский, предобрую книгу собраша от святого писания, на раскольников и еретиков обличительную, еяже обыкохом нарицати Кирилла Иерусалимского, в нейже и о книгах святых напечатано, которые святая и апостольская церковь повелевает чести православным християном. В тех же богоносных отец и учителей церковных книгах и сия свидетельствована в печати книга святого Григория Амиритского и велена чести⁵⁵⁰, а не испоганена, якоже в письмах ложно на нее клевещет и хулит. Еще ж и преосвященный Данил митрополит Русский во своей книге свидетельствует о ней, и святого Григория Амиритского архиепископа великим нарицает, и те речи во свою книгу внес, идеже в письмах ложных на кои речи велено плюнуть. И вси православные християне, ведущии писания, книгу Григория Амиритского святою и доброю и богословною нарицают, а не испоганенною; и плюнути никтоже цел ум имеющих речет, но аще кто беснующийся, или всеконечно погубил свой разум, той послушает и плюнет в нее, а не правоверный, якоже в письмах ложных речено.

Такова слепота Ануфрия старца и единомысленников его! Таково помрачение и жестокосердие их!

Еще же ли не разумеете погибели своей, хульницы злые, и не чуете лжи тех писем? Тогда, при благоверном государе книги описаша и добрые от ложных раделиша; святых книги чести повелеша, а ложные отвергоша; а кто имать держати ложные книги и веровати по них тех прокляша⁵⁵¹. А вы еще упрямитеся и не отложите лживых писем, но и отлагающих те письма християн хулите, и под клятву сами идете! Християнохульников бо святые отцы проклинают ⁵⁵², а кольмиже паче тех, кто и святые книги хулит.

Да еще похулена в тех письмах и другая книга, святого Иосифа Волоколамского, и плюнуть велено на такие же речи, и бреднями наречены, и верить де не подобает, аще бы и сами Григорий и Иосиф написали. Такова хула в письмах аввакумовых на святые книги.

Писание же глаголет: горе самим мудрым у себе. Исидор же божественный Пилусийский глаголет: иже не веруют святому писанию, реченных Духом Святым, или суть неверни, или себе непщуют мудрейших Святого Духа, и что ино, токмо беснуются. Что сего свидетельства хощете больше? Верующему бо и се довлеет. Речи же те, на нихже хула в письмах, сии есть⁵⁵³: Убиен убо Исус неправедно, греха никакоже сотворив; убиен бысть по человечеству, а не по Божеству; сведена бысть смертию и дияволом душа его во адова сокровища, хотением ей и волею, имущи в себе невидимо божество, и прочее⁵⁵⁴. И тогда убо показа и яви им божество свое каково есть, и рече к ним, страшно яко гром устрашив: аз есмь вечный Бог, от Бога сошед с небесе и быв человек; представите мне грех мой, кия ради вины мене убисте, и мою душу осудисте? (Ниже) Он же божественным своим величеством осуди тех, и во огнь и в тартар вверже, связав ручными оковы железными, и воскресил Адама, и всех от ада возведе, и воскресе в третий день, и вознесеся на небеса с плотию. Дозде словеса святого Иосифа. Зрите, православные, за что хулит книги святые Аввакум протопоп в письмах своих. Аще бо за то, еже сведена душа Его дияволом и смертию? – Ино всяк християнин рассуждай праведно и веруй по писанию, а не по своему смышлению. Зрите, сведена бысть смертию и дияволом душа Его во адова сокровища хотением ей и волею. Слышите ли, православные, – сведена душа Христова, глаголет святый Григорий, хотением и волею души. А не волочили, якоже в письмах лгано на святого: волочили-де душу Христову! Но никаковы скорби и поругания души Христовой диявол не сотворил тогда во аде, но еще и сам Господь всех бесов осуди во огнь и в тартар вверже их. А еже сведена дияволом, не дивитеся о том: волею бо то Христовою бысть, а не в порабощение каково, ни нужею, но волею. Не токмо же душа его сведена от диявола, хотением Божиим во ад, но еще егда и с плотию по земли ходил Исус Христос, изволил искуситися дияволом по человечеству волею своею, якоже рече Матфей Евангелист⁵⁵⁵: тогда поят его диявол, и постави на криле церковнем; и паки: поят его диявол на гору высоку зело; и Лука Евангелист⁵⁵⁶: и возведе его диявол на гору высоку, и прочая. И сие вольное хотение Христово и вождение дияволом бесчестие ли Христу речете и немощь, слепые испытницы? Да не будет. Наипаче же на славу свою, нам же на пользу вся Бог строит. Но, о дмящиеся и самомнительные человецы и невежды! Престаните ныне от злого мудрования своего; восстаните падшие, Дóндеже время есть. Похулите ложная вся своя писания и сожгите их. Святых же отец книги, Григория и Иосифа, похвалите и веруйте по них, яко Духом Святым научени писаша святые отцы. Не подобает бо судеб Божиих и строения испытовати: страшно бо есть; но токмо веровати и исповедовати, о чем божественные книги глаголют; и о чем не писано, того не подобает глаголати, ни испытовати, но веровати, яко вся нам на пользу Бог строит. Глаголет бо писание⁵⁵⁷: Аще некая нам неразумеваема пребывают, того ради, да не приложим к Божественному писанию неможения, или простоты, но молчанием яже выше нас почетше, возлюбим реченная от святых и в тех пребудем. Не весте ли, каково страшное запрещение имать на самомнителей и покоряющихся тем⁵⁵⁸? Еретик бо он есть, кто мнению своему лживому крепце прилепляется, и известно совестию истине верно и противу глаголет жестоце, без надежды исправления. И паки⁵⁵⁹: аще бы убо еретицы, иже суть Евтихий и Диоскор, иже и на зло скор, и прочие последовали отеческим преданием, а нового никоего же плетения не соплетали, то не бы изобрели себе путь погибели и не были бы тме вожди человеком им покоряющимся.

Сии речи Аввакума протопопа на Феодора диякона, и како хулит святые книги. Сице пишет: Яко сниде Христос во ад плотию одушевленною божески. А не якоже Федка отступник блядословит, глаголя неподобно: душа Христова без тела от креста во ад снесена дияволом и смертию. И такие же бредни обретаются в книгах Григория Амиритского и Иосифа Волоцкого. Бредни, бредни, правоверне! Плюнь в то место, идеже писано увидишь, яко диявол и смерть душу Христову без тела во ад волочили. Аще бы и сами Григорий и Иосиф написали, и тому не подобает верить. Он же Аввакум пишет: Блядословцы глаголют смертию и дияволом сведена душа Его во ад. И прочие басни их во амиритове книге; не согрешит кто и всю книгу ту за Христово бесчестие во огнь кинет; и добра была книга, да от еретик испоганена стала. Дозде хульные речи на святые книги и несогласие о сошествии Христове во ад.

Да еще в техже ложных письмах протопопа Аввакума и заступника их старца Ануфрия, пишет тамо хулу и на святый крест, сице: Как так явно обманул диявол русских людей бедных? – Явно идут в пагубу, римскую блядь возлюбивше, крест четвероконечный, и прочая.

Такова лжа и хула на святый четвероконечный крест Христов написано в тех письмах. Мы же видим во святей церкви православных на многих местех четвероконечный святый крест воображаем на древних церквах, на священных ризах, в крещении человеком миром и маслом, еще же и на лицы своя вси воображаем рукою крест, и инде много у християн. И аще бы то была римская блядь, того бы у православных нигдеже бы было. Ануфрей же, хотя оправдатися от таковыя хулы, и глаголет: не крест Аввакум протопоп нарицает римскою блядию, но применение. Зрите и зде ложное рассуждение и кривосказание Ануфрия старца со единомысленники своими: в тех бо ложных письмах на имя сказует хулу на святый крест, сице: римскую блядь возлюбивше, крест четвероконечный; а он Ануфрей заступает и глаголет: не крест-де тако нарицает, но прелог. Крестный же образ получил освящение от Христа, и где либо обрящется не погубляет своея святыни; применяющий же церковный обычай неподобно, той виновен будет осуждению, крест же пребывает во своей святыни. Понеже слышим во святом писании, яко и у неверных еретиков есть святые книги и честныя кресты, и они убо свою святыню имеют, неверных же не освящают за неверствие их.

Сим образом на многих древних церквах. В средине же другий крест с распятием инде есть, а инде несть; на Успенском соборе на Москве несть, и у Троицы, идеже мощи преподобного Сергия. Инде и нынеже еще от некоих хулы не слышим на сей крестный образ.

Водружальный; на древних же иконах и с воображением плоти Христовы много. На сей образ многи явишася хульницы, нарицают безглавным, и слугою и Петровым крестом, и инако, якоже выше явихом хульныя письма аввакумовы и иерофеевы.

Таковым образом показан царю Константину.

Таковым образом на древних церквах; и в крещении человеком миром и маслом святым; и на священных ризах и инде. Мнози же похулиша сей образ крестный и римскою блядию нарекли, иные идолом, иные же крыжем латынским поношающе, и инако много, имже кончина погибель, аще не покаются, якоже выше явихом хульныя письма аввакумовы и иерофеевы. Сия же вся зде в книзе сей писана Быша, дабы всяк православный ведал и не впал в крестохульную и богохульную какову ересь, но веровал бы, якоже учит писание и обычай церковный имеет.

Таковым образом в великом Новеграде на соборной церкви Софии премудрости Божия, и на иных древних тамо церквах множество; в средине же другий крест с распятием инде есть, а инде несть.

Таковым образом на Москве на Благовещенском соборе.

В великом Новеграде на вратах Корсунских, имиже входят в церковь соборную, Софию премудрость Божию. На них воображены церкви, а кресты на них воображены таковым образом, и с подписию Исуса Христа. И инде много такоже с подписию обретается в книгах и на частных иконах.

В великий Нов-град присланы из Царьграда ризы кресчатыя архиепископу Василию, – чти о них во Истории о белом клобуке; а на них кресты златые и с подписию, якоже зде изобразися.

Во Евангелии харатейном писанном в Цареграде в лето 6897; ныне же на Москве на печатном дворе.

В Успенском соборе на Москве есть царское место древнее, глаголют же о нем нецыи принесену ему от киевских благоверных князей в почесть царем. На том же царском месте есть описание сице:

В лето 6496, а от великого и блаженного князя Володимира четвертое колено и правнука его князь великий Владимир Всеволодович Мономах, той убо царь и Мономах прозвася, и прочее.

А то место позлащено и украшено, якоже подобает царем. Окрест же того места воображены в лицах церкви, и како венчает благоверного князя Владимира Мономаха на царство святый митрополит Неофит: на техже церквах святыя кресты сицевым образом, якоже зде изообразихом выше.

* * *

Сказание вкратце о брани протопопа Аввакума с Феодором диаконом о вере и о несогласных письмах аввакумовых, ихже многая лета держал и веровал старец Ануфрий, и како потом отложил и похулил.

Тайну цареву добро таити, а дела Божия проповедати преславно есть⁵⁶⁰. Такоже и еретическое мудрование и лукавые их речи подобает православным обличати и возвещати, а не таити. Аще же кто таит, или помогает и защищает еретическое мудрование, таковый со еретики осудится, и огню вечному предан будет и горшая постраждет⁵⁶¹. Божественный Апостол Иоанн Богослов поучает ны, глаголя: возлюблении, не всякому духу веруйте, но искушайте духи, аще от Бога суть⁵⁶²; подобне же и избранный сосуд Христов, Павел, глаголет: вся искушайте, доброе содержите⁵⁶³. И Златоуст глаголет: вся искушайте, и ложная и истинная⁵⁶⁴. Такоже и преподобный Максим Грек повелевает⁵⁶⁵ разузнати, что лжа, что же истина, и которое писание светом евангельския истины озаряет послушателя его, и которое паки тмою лжи отчужает его нетления жизни. Еще же обычно противным ложь со истиною поставляти вкупе: якоже с медом отраву творят, да удобь приятен будет приемлющим смертный яд, тако и еретицы писанием святых, иногда же и житием добродетельным и силлогизмами покрывают ереси своя, да приято будет учение их от неведующих писания⁵⁶⁶. И того ради святии повелевают всякое писание и учение искушати и искати. А еже не искати в божественном писании и не испытати, но просто ходити, и то християнству противление и разумоборная ересь, по словеси преподобного Иоанна Дамаскина⁵⁶⁷. Но яже аще полезная явятся, от всех да утверждаются⁵⁶⁸. Инакоже аще и ангел благовестит, анафема да есть, рече Апостол⁵⁶⁹. И паки глаголет писание: мучен будет, аще кто последует неискусну пастырю⁵⁷⁰. Но убо искушаем всякое учение и писание, да не в неведении погибнем.

Прежде всего божественное писание повелевает ведати истинному христианину, како ныне о Бозе мудрствовати, и что есть неизглаголанно о нем и что изглаголанно. Несть бо сего, несть больши разума в человецех, еже разумети и знати Бога. А иже не весть Бога, якоже подобает, сей прельщен есть: зачало бо гордости, еже не ведати Господа, рече Златоуст⁵⁷¹. Глаголющие же и испытующие о Бозе кроме святого писания в различные ереси совратишася. И не токмо сами, но и последующие тем погибоша⁵⁷².

В лета бытия Никона патриарха московского, и по нем иными архиереи, бысть пременения многая церковных преданий, ово отложиша, ово же прибавиша. Таковая же слышаще и видяще християне, того ради начаша тогда от архиереов отлучатися, и на многие части разделишася, овии же и противно православию толковаша. Архиереи же, видяще соблазн свой в народе, не помиловаша их отечески, но повелеша непокоряющихся мучити и насильно к новым своим преданиям приводити, многих же и огнем скончаша.

В та же времена бысть некто протопоп Аввакум, и Феодор диякон. Тогда же и сии непокоришася властем, еже бы изменити церковная предания: аллилуия и сложение перстов, и прочая таковая; и того ради мучени Быша, и в различные места на заточения посылаеми бываху, конечное же в Пустоезеро послани Быша во изгнание. Пребывающим же им тамо в заточении, и прочие с ними, тогда воздвижеся у них велия брань и клятвы друг со другом о вере, о церковных догматах. Аввакум начат веровати и учити трисущную Троицу и три Цари небесные, и о воплощении Сына Божия исповедуя, кроме Божественного существа, и на особном престоле сказуя седяща Христа, о существе же непостижимом бабы поселянки повелевая вопрошати, и она-де отвещает; крест же святый четвероконечный

римскою блядию нарече; а сей образ креста Христова

Петровым назва. А книгу великого святителя Григория Амиритского испоганенною от еретиков нарицая, и во огнь повелевает кидати; такоже и другую книгу похулил преподобного Иосифа Волоколамского чудотворца. А свою книгу нарече Евангелием вечным, и перстом Божиим писану сказа. И ины премногие противности и срамные и хульные глаголы изрече, ихже нелеть и писанию предати, еже о том и доныне того писания у многих обретаются. Покаяния же о тех хулах на имена не видим от того Аввакума. Феодор же тогда противу того Аввакума крепко ста, исповедуя и уча во единосущную Троицу веровати, и единого Бога и Царя в Троице глаголя, и Сына Божия исповедуя воплотившася самым Божественным существом от Пречистыя Девы, и прочая. О том зри в писании его, и приемли согласные писания вся везде; несогласное же учение и от ангела возбраняемо приятии, и анафеме предаде Апостол⁵⁷³.

Потом же велия распря бысть во християнах: овии начаша того Аввакума протопопа мудрование хвалити, друзии же Феодора диякона. Множае же мнози возлюбиша письма аввакумовы, а наипачеже всех возлюбил те письма Ануфрий старец и единомысленники его, яко и образ тех писем творца начаша на иконе писати и в тайне держати, такоже и по письмам тем душепагубным тайно вероваху и учаху. Богохульных же скверных речей в народе не проповедоваху; страдания же того многим почитаху. Народу же, льстяще, глаголаху: мы веруем по святым старым печатным книгам. И тако многим не познаваеми бываху. Егда же кто, ведая прелесть их, речет им похулити на имена скверныя ереси их, еже три Цари и кроме существа, и прочая таковая, того зело ненавидят. И потому мнози начаша познавати те ереси в них. Ануфрия же старца мнози многажды увещеваху, да отложит и похулит те нецерковные письма; он же не покоряшеся, и обличающих его кривотолками нарицая. Видевше же християне закоснение его в таковых, начаша собиратися на него и обличати его.

Первый сход бысть на него в лето 7201-е, егда Феодор Яковлев дворянин, прозванием Токмачев, собрав многих, и обличиша того Ануфрия и прочих. Написаше же отцы тогда и писание о том, и ереси объявиша; а кто верует по тем письмам, тех еретиками написаша, и руки приложиша.

Потом же еще бысть сход при великоученом отце Евфросине. И потом еще в лето 7216 апреля в 27 день.

Тогда же Ануфрий и письмо написал отцем про письма, в немже и сие пишет: а буде обрящется где противно святей церкви, не приемлет. А егда вопрошен бысть: скажи же, отче, которые речи на имена несогласны с божественным писанием в письмах протопопа Аввакума? Тогда Ануфрей объяви при всех яд свой, и рече: вси согласны письма протопопа Аввакума с божественным писанием, и единой чертицы в них несть несходной, и прочая. Того схода писания многи самовидцы и доныне есть.

Последи же того вскоре отдал Ануфрей те аввакумовы письма Феодору Феодорову Турке, и рек ему: как де знаешь, так и делай! И Феодор тогда с прочими у матери Голендухи прочитали те спорные письма, и многие в них ереси и противности видели, и положили отложить за несогласие, и Ануфрию пришедше сказали о том; он же зело оскорбился на них и рек им: вы несогласны нарекли их, так и ереси сказать; а я не называю их несогласными. И письма тогда паки взял к себе Ануфрей, и рек им: что вам до мене за дело, спасусь ли я, или погибну? И потому многи уведаша хулы тех писем. И то Ануфрей видев, собрал тогда своих, и письмо написали, и руки приложили о письмах молчать и не толковать, недоуменны нарекли, и не прочитати их. И вскоре потом паки начат Ануфрей те письма прочитати. И того ради того же лета познаша Ануфрия и свои его старцы и белцы, и отлучишася от него десять скитов, и пришедше к келии его и отрекоша его от соборной церкви. Он же, насылая на них оружных людей, еже о том самех тех отцев являет писание, како познан бысть во своем лукавстве, и нарекоша его тамо раздирателем церковным, и приложиша его ко Арию еретику, и хотяй ведати о том, да прочтет тех отцев писание. И то писание тех отцев Никодим и Иосиф принесоша на Городец, сказующе ануфриеву новую веру по письмам аввакумовым, и како оружных людей накупал на обличающих его, и прочая. Таковая же неподобства услышавше тамо нецыи от мирян, зело оскорбишася и смутишася о том, дабы не погибнути со Ануфрием и со единомысленники его. Такоже и от других опасения имеяху, ихже нарицает Ануфрий кривотолками. И восхотеша миряне собранию быти велику, и смотрити о том, которые в правде пребывают, и которые в неправде. И собрашася християне, отцы и братия, на Ларионов починок, к нимже прииде тамо Иван Илиин, званный Никодимом отцем и прочими, хотя ведати во обоих странах настоящие споры, емуже тогда показующе отцы и братия некие речи от тех спорных писем протопопа Аввакума, идеже в них написано и повелевает о святей Троице и о существе Божии вопрошати бабы поселянки, и она-де отвещает. И на те хульные речи предлагаху отцы тому Ивану свидетелю от писания святых отец, яко и самем небесным силам непостижимо существо Святыя Троицы⁵⁷⁴. А кольми же паче бабам поселянкам и прочим человеком непостижимо существо Божие и не изреченно. Да ему же, Ивану, показаша речи и веру тех писем о Святей Троице, еже не спрятався сидят три Цари небесные. Такоже и от писания святых на те положиша: высокий Царю трисоставне⁵⁷⁵; и паки: в триех лицех разумеваем Бога и Царя всякой твари⁵⁷⁶. И прочая много таковое показующе отцы, единого Бога и Царя в Троице, а не Цари и не Боги. Такоже показаша ему идеже в тех письмах о воплощении Сына Божия написано кроме существа; а в писании святых отец показываху: непреложно родила еси Сына божественным существом, Марие благословенная⁵⁷⁷. И паки: волею же рождься от Девы божественным существом Христос Бог. И прочая таковая много показующе. Такоже и ины от писем спорных многи хульные речи показующе, и от писания обличающе. Еще же показаша ему тогда письма иерофеевы, которыми он похваляет письма спорные и богохульные протопопа Аввакума, и которыми хулит християнских отцев и братию, еретиками и жидами и савелиянами нарицает; а те письма иерофеевы Ануфрей по многим скитам прочитал у стариц, и християн хулил, последи же в том Ануфрей прощался. И потом той Иван свидетель начат сказывати приказание от Ануфрия, где быти сходу: Ануфрей-де отец приказывал на-двое, к себе в келию, или к Никодиму сходитися; а кроме того нигде не хощет. Отцы же хотяху у матерей в великих скитах быти сходу, дабы всякому чину и множеству народа свободно слышати таковое дело. И не увещаше тако; но нецыи помогаше и положиша у Ануфрия в келии быти сходу. Ивану-же приказаша отцы, дабы от Ануфрия не было какова подводу, якоже прежде оружных людей насылал, и дабы всякому было невозбранно к нему в келию входити и сходити на той сход. Иван же обещася отцем: никакова убийства оружного не будет, и входити всем свободно будет, еже и бысть. И прииде Иван от отцев в келию ко Ануфрию, и сказа ему вся, еже отцы приказаша, еще же и о письмах хульных иерофеевых рече ему: прочитал ли ты, отец, по келиям те иерофеевы письма? Ануфрей же отвеща: прочитал, согрешил.

И собрашася тогда ко Ануфрию множество народу от обоих стран, старцев и белцев; инокинь же не бысть ниединоя. И начаша о настоящем деле глаголати. Прочтоша же обои Символ веры, еже есть: Верую во единого Бога, и Афанасия великого, и прочая, что в Кириллове книге вопросы и ответы о вере, и глаголаше вси: тако веруем и исповедуем. И потом начаша сличати спорные письма протопопа Аввакума со святых отец писанием. И егда доидоша речи о воплощении Сына Божия, идеже кроме существа в них написано; а еже существом бысть во чреве Девыя, и везде существом бе, таковое богословие наречено в них блядословием: тогда Ануфрей начат и таковую хулу оправдати, собрав во особую свою книгу от писания, идеже обретаются речи о Пресвятой Богородице: плотию родила еси, или: благодать и благость прият во утробу свою, или: каплю, и прочая таковая много прочитал пред всеми. И рекоша Ануфрию отцы: сия вся, еже ты прочитал еси, святых отец писания суть, веруем и приемлем их; но вопрошаем тя: которого кроме существа в письмах Аввакумовых написано, – божественного, или человеческого? Отвещай нам. Он же ответа не даде о том, но всяко закрывая таковое зловерие и хулу. и показоваше ино писание, и мняше оправдати то нечестие; но не возможе. Тако же и Феодор Феодоров Турка вопрошая многажды: которого кроме существа? Понеже о духе исповедуют святые два существа, божественное и человеческое. Ануфрей же молчаше с великим трудом; а Феодор отрече: ты не знаешь; но убо како можешь показати о воплощении Сына Божия кроме существа, разве от Несториевых книг? И глаголаху Ануфрию отцы и прочие: отложи сие за несогласие и похули, еже кроме существа. Ануфрей же не нарицаше то несогласием, ниже похулил, но глаголаше: то-де богословцем судить, а не нам. Отцы же и Феодор, видевше таковое закоснение ануфриево, положиша тую речь отложити за несогласие. И начаша паки чести те спорные письма, и дошли речей, идеже в них написано: Сын от Отца родися, и паки во чрево отчее не возвратися; и еще в нихже: три Цари небесные; да в нихже душу человечью нарицает единосоставною, и преже ума и слова сотворена. Но и таковые хулы мняся Ануфрий от писания оправдати, и показоваше, иноже нечто показуя, а не таковые речи. И не возможе таковых речей в писании показати. Кто бо и впишет таковые хулы во святые книги? И егда Ануфрей мняся на те несогласные речи от писания оправдати, тогда и паче познан бысть. Отцы же ополчиша та вся божественным писанием, яко несогласно и противно святых отец писанию. Ануфрей же зело посрамися и множае молчаше; а отцы не зело его укоряху, но кротко глаголаху ему, дабы отложил спорные письма, якоже подобает.

И приспе время обедати. И ядоша отцы и братия из единых сосудов со Ануфрием и с прочими его. Последиже обеда паки начаша о настоящем глаголати. Прежде помынутый же Иван и Феодор начаша всех увещати, дабы мир был. Иван же свидетель рече Ануфрию: нарцы письма протопопа Аввакума несогласными, и зело притужая ему. Ануфрей же отвещеваше, рече: боюся тако нарещи. Иван бо яве уведал богохульные те письма и ануфриеву неправду, и мнози увещеваху тогда Ануфрия да похулит несогласные речи и отложит, якоже писания святых отец повелевают. Он же не покоряшеся, но всяко мняся оправдати себе.

В то же время Иван Илиин иерофеевы письма хульные разодрал и отверг пред многими; отцы же и белцы начаша обличати зелне в лице Ануфрию, и ереси его объявляти. Василий Викулов рече Ануфрию: исторгни от себе корень Несториевы ереси, еже кроме существа. Тимофей же рече ему: ты веруеши неправославно о Святей Троице – три Цари небесные, и Сына Божия воплотившася кроме божественного существа. Никодим же отец нарицая его достойне мятежником и смущателем християнским. И прочии инако укоряюще закоснение его, верующе по писанию: лучше бо похвальная брань, неже мира, отлучающего от Бога; любяй дружество человеческое, отступает дружества Божия⁵⁷⁸. И тако поидоша от Ануфрия отцы и братия в келию Никодиму отцу. Вечеру же глубоку бывшу, приидоша два посланные от Ануфрия, Феодор и Иван, и молиша отцев, дабы како смирилися вси, и принесоша от Ануфрия письмо спорные письма отложити и не учити по них, а на имена ереси не похулены. И такового письма отцы не прияша. И отъидоша паки Феодор и Иван к Ануфрию тщи. И паки тоя же нощи, во время утреннего пения, зело рано приидоша Феодор, Иван и Стефан Матфеев ко отцем, и моляху зело отцев, дабы пришли ко Ануфрию отцу и о настоящем деле побеседовали еще; и паки принесли письмо же от Ануфрия, – такоже не явная хула возложена на те ереси, но тайно. Тогда един от християн, именем Тимофей, рече Ивану, глаголя пред отцы и белцы: Невозможно таковые письма, не объявя хульных речей, отложити; понеже те письма нарицают богословской разум блядословием, и за таковые хулы те письма проклятию достойны по святых отец правилом. И мы зело сходно Ануфрия сказали: токмо бы он написал тех писем хульные речи и похулил на имена, и нарек бы их несогласных со святых отец писанием. Иван же молчаше. И паки той же Тимофей рече к Феодорову Феодору пред многими отцы и братиею: Вчера ты правде помогал и вопрошал Ануфрия, – кроме существа, – и прочая таковая ты глаголал и помогал; ныне яве скажи и похули пред нами тую речь на имя, еже кроме существа. Он же Феодор не похулил той богохульной речи, и скорбя на того Тимофея зело, и отъиде в другую келию. Такоже и той мирянин зело скорбя на Феодора, за еже не похулил он яве тоя ереси, еже кроме существа. И тако пойдоша ко Ануфрию отцы и братия; но не вси: не восхотеша бо тамо мнози итти, понеже обличены ереси и Ануфрей явен всем учинился. Тогда же прииде Сергий и Иаков отцы с прочими к Ануфрию, и начаша паки о настоящем глаголати. Ануфрей же не покоряшеся и не даде на письме на имена хульных речей. Отцы же и братия много увещавающе его, да отложит те письма и похулит якоже подобает. Он же не покоряшеся. И поношаху ему за упрямство его. Тогда же вниде речь о Ерофее христианохульнике, и Ануфрей похвалил его; отцы же и братия, и Иван Илиин и прочие, слышавше то, зело оскорбишася на Ануфрия, яко такового богохульника похвалил, и хотеша вси от него из келии вон отъити. Иван же рече Ануфрию: чуж я тебе за таковая вся! Тогда же и мнози возопиша: и мы чужи тебе! Павлин же и Феодосий, отцы Ануфрия, исходяще из келии: тогда нецыи возбраняху им путь и заграждаху, но обаче отъидоша и своим у Никодима сказаша хотящая быти. Феодор же тогда видя таковое, начат прилежно молити Ивана и Ануфрия, дабы не пускали отцев, но да смирилися бы со отцы. И едва увещали Ануфрия похулити и отложити письма спорные и нарещи несогласны со святых отец писанием о воплощении Бога Слова, и о прочих, и написаша письма о том. А что не согласно, которые речи, – того не написаша; но просто несогласно нарекоша, а не явили что и что на имена ересей. И потому письму сошли отцы и братия некия отложити Ануфрию письмо, егда когда и лучшее исправится. И посылаху отцы прочих отцев и бельцев Никодиму, которые осталися в келии его; но аще и посланнии приидоша по них, не восхоте тамо итти. И послаша отцы и бельцы ко своим отцем об отложении тех писем ино писание, и приказаша своим сице: аще Ануфрей напишет своею рукою таковое же письмо, и усты исповедает и похулит те письма спорные, исправится, якоже правила повелевают, то и мы руки своя приложим и будем согласны. Имать же то писание их сице: Аз Ануфрей старец со своими ныне отлагаем спорные письма протопопа Аввакума за несогласие их с божественным писанием, – за сия, что в них написано о Святей Троице: не спрятався седят три Цари небесные, да в них же написано: Сын Божий воплотися кроме божественного существа, да в них же написано: Бог не везде существом; и прочие многие ереси в них и несогласие отлагаем и проклинаем, якоже божественные правила повелевают. А которых мы прежде сего християн поносили напрасно, в том мы Богу и им прощение приносим, а им бы последи сего смирения не поносити, письма же те обличати всем и верующих по них, якоже свято писание повелевает. Дозде конец того писания. Егда же дойде сие писание ко отцем християнским, и вручено бысть Иакову отцу; и прочии свои смотреша, но не вси. Ануфрию же и всем яве не прочтоша, и сему не вняше. Никодим же старец то писание потаил и скрыл у себе; о отложении же тех писем инако написаша, еже о том впреди явит, како отцы со Ануфрием схождение учинили о письмах. И приидоша отцы от Ануфрия ко своим, к Никодиму в келию, и бысть тогда во своих распря немала. Оставшие в келии Никодимовой глаголаху: подобало бы тех спорных писем ереси объявити на имена, похулити и отложити; аще ли же бы тако не покорился Ануфрий, то бы един остался во упрямстве своем, понеже и своим его явны Быша ереси и хулы спорных тех писем. Друзии же рекоша: добро и тако мы о отложении письмо с Ануфрием написахом, понеже Ануфрей не нарицал прежде сего те письма несогласными, и не хулил, но и хвалил и согласны нарицал. А ныне похулил, нарек несогласными, и отдал письма Сергию отцу, а он соберет свидетельства от божественного писания и обличит те хульные письма. А кто начнет того обличения не любити, и он явен будет. И тако тогда преста молва во отцех и братиях, и присудиша те письма несогласные сожещи пред многим народом, якоже писание повелевает несогласные писания сожигати⁵⁷⁹.

Написа же тогда отцы сановские о том сходе писание, объявиша же и ереси тех спорных писем и ануфриевы речи того схода и прочих, и приложиша руки своя. И положено бысть то писание у сановских отцев, и хотяй ведати о том, сам да идет ко отцем, ибо тогда присудиша отцы не у всякого быти тому писанию; и того ради иными свидетели бывшими на том собрании сие сказание написано бысть, дабы всяк ведал о том. А еже отцы со Ануфрием отложиша и похулиша те нецерковные и спорные письма Аввакумовы, и о том писание их имать сицево:

О имени Господа нашего Исуса Христа сына Божия, старых скитов отцы, и братия, и белцы, из разных мест собравшеся, соборне поговоря промеж собою о спорных письмах протопопа Аввакума и Феодора диякона, что у них меж собою было прение о божественных таинствах, о святей единосущней Троице, и о воплощении Сына Божия, и о сошествии Христове во ад, и о иных великих таинствах; и от тех спорных писем аввакумовых у нас учинилося меж нами великое рассечение и несогласие. И ныне, за молитв пречистыя Богоматере и всех святых, рассмотря в тех письмах несогласие со святых отец божественным писанием, и те письма отлагаю, и отдал я отец Ануфрей отцу Сергию, потому что те письма пришли ко мне в скиты от него Сергия; и о тех письмах рассудя Сергий, как положит, и то на его воли. А мы вси исповедуем и веруем по писанию святых отец, а не по письмам аввакумовым. А кто впредь в скитах наших и вне скита такие спорные письма станет держать, или учить и мудрствовати по них, и таких по церковному правилу подлагать под запрещение святых отец церковною казнию. А что друг друга о тех письмах порицали, в том простилися, да впредь друг друга никакою неправдою не порицать. Писано сие соборное писание лета 7217 года, ноября 28 день. К сему соборному письму старец Ануфрей руку приложил. К сему соборному письму старец Сергий руку приложил. Дозде конец писания того.

Се убо ныне отец Ануфрий одолел прежнему своему злому обычаю, еже похвалял те душепагубные письма и людей прельщал, ныне же похулил ту скверную и несогласную книгу. Тако убо божественное писание повелевает: аще не по всему согласуют с богодухновенными писании, яже от неких писуемыя книги, отринути и гнушатися их подобает, аки хульных и скверных, и Бога нас отлучающих⁵⁸⁰. А посем аще восхощет Ануфрий отец в лице спасаемых быти, то и от души отринет таковые плевелы и исправится, якоже правила святых отец повелевают; ныне же еще не смеет тех писем и ересей на имена похулити и проклянути, понеже многим временем утвердился в нем таковый обычай. Не мал бо есть подвиг своему обычаю одолети, и обычай бо, многим временем утвердився, естества крепость приемлет, рече Великий Василий⁵⁸¹. И святый Златоуст глаголет: Коликих же и ныне зрим человеков от предприятого мнения содержимых в нечестии, и благословное убо ничтоже имущих рещи, егда потязаеми бывают, еллины суще, отцы же и деды и прадеды во изветь предлагающе. Сего ради нецыи от внешних второе естество обычай нарекоша. Егда же обычай и в догматех будет, твердйший бывает; всяко нечто удобнее пременить, нежели яже о вере. (Ниже) Ибо верующему абие подобаше народно стати, прогнану быти, отечества отпасти, последняя страдати лютая, от всех ненавидиму быти, общему быти составу своим и чуждым⁵⁸². Дозде Златоуст. Тако и той Ануфрий, аще зелне станет обличити те отложенные им письма, то зело свои его возненавидят; но он еще не произволил своих дружества, славы же и чести многих презрети. Но убо велик труд еже многих чести презрети, о том бо глаголет великий Златоуст сице⁵⁸³: Имения убо удобно есть пренебрещи хотящему, а от многих честь презрети многого бо труда потреба, великого любомудрия, души некоея ангельские, самого верха небесного касающиеся. Несть ни едина сице страсть томительная и всюду облагающая: от бо́льшия убо и от меньшия части, всюду же обаче, како убо одолеет ей; аще и не державою, но поне от премалыя части. Того ради устрашая нас, той же Златоуст рече: душа бо чести желающи и еже славима быти не узрит царства небесного, – не узрит, аще и добродетель делает. И аще Ануфрий отец начнет славу и честь и защитников тех писем презирати, возможет исправитися, якоже подобают. Зело бо ему стужают свои за те отверженные письма, ибо последи того сходу малу времени минувшу, случися нечто сицево. Той бо вышеупомянутый Никодим старец, еже тогда то писание затаил⁵⁸⁴, ему же начало: Аз Ануфрий старец, и прочая, и то писание той Никодим отдал некоей старице списати, искушая ли Ануфрия то учинил, или помогая, – совесть его знает. И рек той старец таковое де писание о отложении писем Ануфрей отец дал нам. И то писание пойде во многие люди, и бысть радость велия в народе и славяху Бога, глаголюще, яко уже прииде во истинный разум отец Ануфрий, яко не токмо те спорные письма похулил и отложил, но и проклятию предал тех писем ереси, еже три Цари, и кроме существа, и прочие зловерные речи на имена похулил. Егда же сие писание дойде Ануфрию и прочим его, тогда вельми оскорбишася, и не стерпеша сердца их таковые хулы на те ереси, и христиан паки начаша поносити и мятежниками нарицати. И написав Ануфрий о том письме паки к тому же вышепомянутому Ивану, и тамо пишет⁵⁸⁵ Ануфрий о том письме доискатися, от кого подкинуто; еще же и сие написал: мне-де свои вельми зазирают, како таковые неведомые вещи проклятию предаеши. Видев же таковое писание Иван, созвав некоих от мирян, и показуя им о том, и вопрошая: кто таковое писание в мир разнесе? И вси тогда отрицающеся: мы не рассылали и не знаем откуду изыде; токмо то ведаем, что сие писали отцы и братия тогда на сходе, дабы по тому отложил Ануфрий несогласные письма; но тогда нецыи сие писание скрыша, а всем не явиша, и по сему писанию не сотвориша, и в дело то писание не положиша; а кто ныне его выслал в мир, сего не знаем, и подобает доискатися того. Тогда же вскоре прилучися той Никодим старец на Городце, и вопрошен бысть от того же Ивана при многих свидетелях сице: от кого сие писание вышло в мир? Той же Никодим отвеща: Аз сему делу виновен, а сотворилося сице: было у меня в кармане два письма, – то, что со Ануфрием учинили за руками, Ануфрия и Сергия руки приложены; а другое то, что ему же начало: аз Ануфрий; и аз выдал едино письма некоей старице, и чаял то письма, к которому Ануфрей руку приложил; но другое ей отдал, емуже начало: аз Ануфрей. И каялся в том той Никодим, что то неведением выдал письмо, и прощался в том при многих. Тогда же тому Ивану начаша иноцы и миряне глаголати, что ради Ануфрей отец про своих пишет в грамотке, яко бы недоведомы те письма и речи, еже три Цари, и кроме существа; но мы с ним тогда отложили их за несогласие со святых отец писанием, за ведомое несогласие, сличая с божественным писанием; а они глаголют: неведомы. И просиша у того Ивана тою грамотку ануфриеву списати; он же не даде, но вскоре тогда на огни и сожже ее, прочим же зело скорбно бысть, яко таковые речи скрыл. А подобало бы Ануфрия по евангельской заповеди вопросити: сам ли он те доведомые хулы нарицает неведомы, или свои его. И посему знатно есть, яко и еще у некоих те ереси не отринуты от души, понеже нарицают неведомыми те богохульные и несогласные письма протопопа Аввакума. А Ануфрий отец и Сергий и прочие тогда похулили и отложили те письма за несогласие их с божественным писанием, якоже о том являет соборное их писание за руками; но убо несогласны те письма протопопа Аввакума со святых отец писанием, а что несогласие то ересь, а ересь всякую святые отцы проклинают, и несогласные писания повелевают отметати и сожигати. И того ради аще и еще нецые болят тою ересию, подобает тех вопрошати накрепко, похуляют ли они те спорные письма протопопа Аввакума, и нарицают ли их несогласными с божественным писанием, якоже Ануфрий отец и прочие его отложили и похулили, нарекли несогласными, и обещалися не учити и не мудрствовати⁵⁸⁶ по них. И о таковых смотрети ответа, от всего ли сердца каются, и похуляют ли новые те ереси, еже три Цари небесные, и о воплощении Сына Божия кроме существа, и прочая таковая в тех письмах, или и еще нецые лукавствуют, и еще защищают и не хулят нечистые те письма и ереси, якоже и Ерофей нечестивый и прочие таковые, не хотяще и еще похулили достойная хулы. Но убо святые отцы добре рассудиша о таковых: ибо приходящих от ересей к православней вере повелевают правила⁵⁸⁷ с писанием приимати, да проклянут прежде ереси своя и прочих, и потом архиерей православный, или иерей творит над ними, якоже святое писание повелевает, им бо сия власть дана от Господа вязати и решити; и потом велит с православными общение имети, иным же на время и запрещение дает, или епитимию наложит; и прочая таковая вяжут и решат священницы, а не простые иноцы или белцы: како бо могут неданным владети?

Ведомо же буди о сем, что зде выше помянутый Тимофей сказал свидетелю Ивану Ильину про Ануфрия: токмо бы де он написал тех писем хульные речи и похулил на имена и нарек бы их несогласных со святых отец писанием! И то сказал той Тимофей противно правилам святых отец, якобы отрек прокляти, ибо токмо похулит, рек, те ереси Ануфрию. А подобало бы ему право рещи: да проклянет те несогласные речи и ереси Ануфрей, да прият будет на общение христианом. И аще тогда неправо рек той Тимофей, и в том он Богу и християном прощение принес. Понеже правила святых отец повелевают от еретик и от ересей приходящих с писанием приимати, да проклянут преже своя ереси и прочих, и о том положено три чина, овых крещати, а овы токмо миром помазуеми, овии же вся ереси и свою прокленши на общение приемлеми бывают.

И не токмо от еретик обращающиеся проклинают ереси вся, но аще и благоверен кто, а неразумием, или небрежением, или и неволею водворяется со еретики, и ясть и пиет с ними, и закона их и пения слушает, а не хулит, а еще не приобщается закону их, и таковым повелевает же писание проклинати ереси свою и иную, и омывшеся от таковых ересей чистым покаянием и молитвою пресвитерскою, и тако приобщатися: смотри о том в Потребнике великом на листе 661. Еже бо творити что кроме божественного писания, велику беду души приносит.

Ведомо же буди, яко мнози ныне глаголют о вышепомянутом Аввакуме протопопе, про письма его, сице: страдалец-де велик писал, и како словесем его не веровати? Да слышат таковые Апостола, глаголюща: аще и постраждет кто, не венчается, аще не законно мучен будет⁵⁸⁸. И Златоуст глаголет: веру превратиша, и мало нечто ново творят⁵⁸⁹. И паки инде глаголет писание, яко ниже самые мученицы, аще бы и много страдали, а ересию поврежденные, спастися не могут⁵⁹⁰. А той страдалец Аввакум протопоп покаялся ли о тех хулах, ихже мы ныне видим, или ни, Бог весть. На письме же от него покаяния не видим; по вере же его воздастся ему, – Бог ему судия и всем! Нам же ныне слово множае ко умершим прелестию от писем того, и дабы всяк ведал и бегал от таковых. И аще Ануфрей старец известно и истинно вразумится, кроме всякия льсти и лукавства сам своею волею, и вышеупомянутые ереси напишет и проклянет чисто, якоже правила повелевают, без всякого стыдения, такоже и от единомысленников его иже обратятся чисто, и прельщенных ими аще обещаются обращати и ереси обличати, а не молчати: и таковых православным с радостию и простертыми руками подобает приимати и общатися с ними; а что о их прежнем зловерии и на ереси писана обличительная словеса, и том самем им подобает описатися, яко обратишася; дела же их и ереси забвению не предавати, но написано оставляти впредь будущим родом, якоже обычно писанию обращающихся прежние их дела объявляти и писати, еже писано обретаем о Павле Апостоле, бывшем прежде гонителе, и о Киприане священномученнике, бывшем волхве, и о царе Феофиле, бывшем иконоборце, и о прочих таковых.

Зри. Ведомо же буди всем православным, яко и последи тех вышереченных соборных обличениях о несогласных письмах, паки соборне отложены те письма протопопа Аввакума, якоже о том и мировое писание являет Ануфриева скита старца честного Арсения с прочими их, и скита священного диакона Александра с прочими. В лето…⁵⁹¹

Трудивыйся в собрании книг сих молю православных: аще вникнув обрящете в них за недоумение грубости ума моего погрешено что̀, забвением или нерадением, или списав в коея книги не взмог сличити и исправити, или от которого слова где взяв что̀ не по разуму, или поборая по православней вере, а изрек что̀ неправо, или инако како погрешил буду в писаниях, прошу, о православные, сподобите мя худого в том согрешении прощения, а погрешеное исправите. Тако и о иных всех моих собраниях прошу и молю прилежно, аще где и не писано о сем. И паки молю вас православных, помолитеся о мне грешном Господу Богу, яко да милостив ми будет в день судный, еже и сами требуете от Него милости и прощения. Рече бо Господь: якоже хощете, да творят вам человецы, и вы творите им такожде⁵⁹². В лето 7218.

* * *

Пред сим яко по 1000 лет от Христа (Рим) от веры отпаде, писано тамо (в Книге о вере), посем и сия воспоминает: и в наше пресветлое русское до сих времен многажды вселукавый враг заглядывал, мысля от веры правыя отторгнути нас. Но не попустившу Богу тогда, яко не у еще исполнися писание и число зверино 1666.

Первое научил сатана папу римского послати в Русь кардиналов своих ко благоверному князю Александру Невскому претися в вере, хотя уловити его во свою прелесть. Но тогда святый князь Александр латынских тех мудрецов малыми словесы посрамил, а их учения услышати не восхотел; и тако возвратилися бездельно к папе.

Второе, сатана инако умысля: латынский Исидор митрополит подкраде лестию патриарха Царяградского Иосифа, и той благослови его в Русь митрополитом быти. И егда прииде к Москве, прияша его. И бысть тогда собор во Флоренске, вси епископы снидошася, папа римский (с) своими, из Царяграда царь Иоанн и патриарх Иосиф Быша ту. И великий князь Московский Василий посла Исидора митрополита на собор тот, не ведый лукавства в нем, и не веле ему нового учения оттуду привозити. И на беззаконном том Флоренском соборе папа римский всех прельстил, и царя и патриарха греческих. Исидор той проклянул (приклякнул) папе, и римскую веру проклятую похвалиша вси. Токмо един святый Марко епископ Ефеский ревность показует по благочестию и отступников обличает. А Исидору, егда прииде к Москве с гордостию папиною и начат в соборной церкви по новому обычаю служити, и власти ему умолкоша вся безумные, стыдятся глаголати об истине. Егда же сам услышал благочестивый князь латынские обычаи в церкви, яко пса изгнати (повеле) из церкви святыя и в Чудове монастыре стрещи его. Он же враг убеже в Рим, и то коварство сатанино исчезе.

И паки диявол третицею наскочи на Русскую землю и всецелое жидовство насади, от единого жида Исхария в Новеграде расплодися. Соборных тамо попов прельстил той проклятый жид, а попы племя свое и дядей многих научиша жидовству там. И к Москве приидоша, и тут многих прельстиша, и верховных людей и всяких чинов; и митрополит сам Московский Зосима потаенный жид был. О, горе и увы, что церкви и тогда бысть! Власти худое тогда брегоша. Но святый Иосиф Волоколамский обличал тех врагов, книгу написал на еретики; и помощник ему был архиепископ Новаграда Геннадий; и теми сатанина прелесть тогда обнажися и до конца искоренися.

И посем еще завистный змий инако покусися: чернца Гришку Отрепьева на царский престол возведе, Богу попустившу грех ради наших, и тем хоть судом своим превратити всю святую нашу церковь, с латынством смесити. Но и тут Христос до конца произыти злодейству вражию не попусти; но сам лсти мудрец сатана и с воинством своим попран бысть и посрамлен. А церковь наша российская православною своею верою по таковых искушениях светлейши солнца показася, и мир глубок и тишина бысть велия до наскочения Никонова на патриаршеский престол.

И егда убо исполнися писание⁵⁹⁴ и настоящее время откры тайну во Откровении Богословле, по числу зверя 600 исполнися по римскому отступлению, тогда Малая Русь отступила веры, иже глаголются униата. И посем егда прииде 60 лет, тогда, Богу попустившу сатане свое дело совершити, и великое наше Российское царство, увы, отторже сатана хоботом своим Никоном. Той бо волк подкраде Христово стадо, во овчей кожи пришед, исперва показася ревнуя по истине, и тем пронырством своим добре возделанную ниву чернца (?) того благочестивого царя Алексея Михайловича злым тернием засея с плевелами, и окраде свято помазанную душу его. Не дверию бо вниде льстивый во двор овчий, но прелез ограду священных правил. Поп бяше в мире, и пострижеся не вем где и от кого. И таковых священная правила отсекают, и священнику быти возбраняют, не токмо архиерею. Еще же и не по жребию Святого Духа избран ко церквам; понужден незаконне, неверный строитель приставлен бысть к дому владычну, и нача церковь Христову разоряти, и церковныя догматы превращати, и святые непорочные книги и уставы и чины вся церковныя святых отец опрометати, все по своему прелагати; и начинающих ему от сих возбраняти, тех церковных чад бия, муча и в дальних странах заточая, а иных без вести сотворяя, якоже преосвященного епископа Коломенского, доброго пастыря, полагающего душу свою за Христово стадо, разбойнически ободра, и никтоже весть, камо его оконча. И первое всех Христово знамение сложения перстов понужи отнял у христиан; последи же Никон и символ превратил во многих местах, преступил пределы отеческие, – «истинного» истребил, назвал того прилогом. А «истинный» не во единых московских книгах, но и во греческих, и болгарских, и муравских, и острожских книгах есть, кроме иных многих свидетельств. Трисвятую песнь аллилуию изгнал, еже есть: аллилуия, аллилуия, слава Тебе Боже; а вместо тоя четвертую латынскую мудрость приял и Святую Троицу вычетверил. Тамо, в символе, льстец он Никон лестию своею «истинного» извергал, понеже на книги разгласные и пометные письменные, кои валяхуся вне церкви, и несвидетельствованные, и на те указал, и таковым коварством благоверного царя душу окраде. По сему же образу и в иных догматах, яко змия Еву, прельсти лукавством своим, утаевая от него истину всю, яко враг всякой истине, и сказуя ему, помазаннику Божию: ни в коих книгах не обретается «истинного», государь, токмо в печатных московских книгах приложено «истинного». И сия вся от царя закрыл и загладил понеже ложными словесы, да свое хотение совершит; а святых оболгал 2-го собора отец, – рекл, будто они «истинного» в символе не прияша. И сказуя ему о греческих книгах, яко с тех и с харатейных русских вся исправил. И сие солгал. Новый символ с харатейными отнюдь несогласен во мнозе; а греческие книги послал покупать, тако научен от иноземца чернеца Арсения Грека, бывша там в чужих странах жидовином, а Христа Бога трикраты отвергшегося, и в Русскую землю от сатаны прислана на помощь Никону. И уведаша о сем царь и патриарх Иосиф, по отписке греческого патриарха Паисия Иерусалимского, яко Арсений еретик лют есть и звездочетец и богоотметник бысть, и блюстися его велел; и сего ради заточену ему бывшу в Соловецком монастыре. И егда бысть Никон мощей ради святого Филиппа митрополита, взя того врага с собою паки к Москве, прохваля его царю. И как воскрадеся сам на патриаршество, и тогда неверного раба и врага Божия приставил переправлять книги, Уставы, с новогреческих, и многолетным числом подкрал, и якобы в Рустей земле таких книг и нет. И тако всех прельстил. А те книги, ихже накупи Никон во греках, проходят сквозь еретические руки латынские в трех градех: в Риме, и в Париже, и в Венеции, и грекам продают тех; а греки у себя печати не имеют, великого ради утеснения от турок, – за скудостию книжною и нехотя покупают у еретиков те книги со многими ересьми и плевелами латынскими, и таковою виною помалу у греков выкрали веру теми книгами и ко своей прелести всех влекут. Тако и греки то по нужде творят, злое приемля, и веру всю первую тако повредиша от турского насильства и от еретического лукавства: уже в крещении обливаются по-римски, и брады бриют, и с еретики служат в одной церкви и тремя персты по-арменски крестят лице свое странно, и табак пиют; а священство себе мздою купят, и у турского царя под живых патриарх и иные чернецы подкупают, кто хотя быти патриархом, с того скинут; а крест на выях не носят, но так ходят, как у нас в России мордва и черемиса. И о всем том царю не поведа, что греки от тех книг много повредиша у себя благочестия и вредят, а старых книг мало имеют, и то письменные. Печати у них издревле не бывало до турского царя. Еще же и чрез лице тако, хульно секуще, гласом глаголют на иная: Иисус. Сице во Евангелии и в прочих книгах: Иисусу родшуся, Иисус явися, приведоша Иисуса, ста Иисус, вниде Иисус. И сему подобного в новых (книгах много). И сицевого нового вымыслу богопротивного ниже слышахом когда, не токмо видети (в) древних книгах, отнележе и православие просия христианское на земли. Но и святые иконы, еже Луки Евангелиста письмо, греческие, из Корсуня от Владимирова крещения, из Царьграда, и на тех всех подпись Іс҃ъ Хрⷵтосъ или Хсⷵъ. Сице и первых святых преводников книжных со греческого языка на словенский есть доднесь книги, – Константина философа и брата его Мефодия, епископа Моравского, в Моравской земле, в нихже сказуют Сербы и символ со «истинным», и святое имя во всяком глаголют: Исус, Исусе, Исуса и прочая, а не Иисус. И в харатейных русских сице же Ѵс҃ъ, – ижица писана вместо иоты; а инде иота, сиречь І да с. И те святые преводники многия страны людей научиша вере Христовой, иноверных приведоша в богоразумие, козар и жидов препреша. А иные по них Быша в Русской земле, и Максим Грек богомудрый, и никтоже от них не прописа и не преврати с небесе снесенное имя, архангелом к Богородице, Сыну Божию, Исус: и наречеши ему имя Исус, а по-словенски Спас. А нынешние прелагатаи и отступницы и архангела Гавриила оболгали в богомерзском и лукавом Жезле, будто Гавриил Иисусом имя Христу нарек, а не Исус. Где правда? Чему верить? – Старым ли святым богословцам и богомудрым мужем, или нынешним пьяным философам? В Скрижале знамением учат благословлять архиереев и потом людей, складши в перстах своих Исуса Христа будто. А написал то сложение тут Малакса некто. Два перста указательный и великосредний толкуют: Исус; а палец да что подле мизинца, и те два слагают палец на палец, называют хером, а пятой, мизенной перст, глаголют с быти, и то глаголют: Христос. И тако, туман во очи пущая, морочат людей. Литеры бо две Іс҃ по два конца имеют, а у перстов живых рук по единому концу. А там нет херу, но у : у хера бо четыре конца. А титлов, – без сего и нет можно прописати ни Іс҃а, ни Хрс҃та, – и не спрашивай у них. И иже того приложенного ко Исусу нет же у них во благословляющей руке перстов. Там везде пишут Иисус, а тут глаголют Иисус (Іс҃). И се их несогласно учение. Оле безумия омраченных! Кто их бездельней мудрости не смеется? Кто их прелести не оплачет? Понеже несть слыхано от века, еже бы в перстах литеры слагати и людей благословляти. И сами щепоткою крестят лице свое, и прочих учат нуждею, а не хотящих приимати двух знамений, боящихся прелести, таковых мучат. А Христос неволею не учит никогоже, но волею призывает к своему спасению. Неволею же и мучением всегда христиан принуждают отступницы и еретицы к своей прелести… Скрижаль же учит: простым иноком, и миряном, и рабам крестити младенцев без попа. А святые Апостолы Христовы, Петр и Павел, и прочая и диакону крестити возбраняют, не токмо простолюдином и бабе; такоже и вселенские соборы не повелеша нигде простым крестить. Кто бо смеет не освященный освящати? Что аще и бысть тогда до вселен(ских) святых собор, бысть во время гонения на христиан, и то не просто; а после седьми вселенских собор воструби седьмый ангел, и со ангелом вся вселенная проклятие приложиша: проклят от земли, что от церковных преданий (?), яко совершися тайна Божия и время уже не будет, по писанию… Понеже писано есть в печатных книгах, Кормчей Никоновой справы, будто Христос бил жидов в церкви бичем, и инде то есть писано; да и нынешние мучители, а не учители, указуют на те лжи сатанины, иже биют священников, и инокон, и мирян шелепами за некая малая прегрешения, а оправдающися глаголют: и Христос бил! Оле, диавольская лжи на Христа! Он, Творец, кротости учитель и смирения, сам бит был от жидов и обруган, а их не бил, токмо из церкви изсла овцы и волы, а продающим голуби рече словом; а не бил их. Негли еретик о том учит. Иоанн Богослов, свидетель Христов, велит всякого человека от плодов познати, а не от словес красноглаголивых. То есть листвие шумяще, философские словеса…

Святый Иоанн Богослов глаголет: аще кто имать разум, да почтет число зверино, число бо есть человеческо 666. Ипполит священомученник глаголет, яко в числе семь многих имена обретаются: злы вождь, и будет агнец неправедный, древле завистник, вельми потрясет землю. И паки глаголет тойже святый: не тако будет мучить, якоже древнии мучители мучаху, – отврещися Христа и поклонитися идолом, сему и сему, принуждают; а той отступник не тако глаголет, и не идолом поклонитися принуждает, но сице речет: отвержися печати, еже есть истинное и пречестное знамение святые прежние службы, честного креста. Иоанн Богослов глаголет: даст им свое знамение на руку десную и на чело вместо креста Христова. Кое знамение? Еже есть три персты. Ту и есть число летом, число человеческо, число звериное. Святый Ипполит глаголет: или на челе скверны образ. К тому же и Ефрем святый глагола: мерзский образ будет. Зри злобу и кознь зверину! Начнет бо от чрева окаянный. Во время царства его будет глад во всю землю, и кто оскудеет брашна и понудится прияти, снеди ради, печать его приняти, и даст им печать свою за крест Спасителев, даже таковый человек не может истинное знамение на лице свое положити, но пленен имать быти приведенми лукавого, и связана рука его будет; зане сим вознесет сатану на главу свою; и не велит окаянный знаменатится именем Сына Божия великим и славным, еже есть два персты, якоже Исус Христос Сын Божий в плоть пришедый. И паки глаголет Ефрем святый: Якоже священник носит свещу, тако и человек имя Сына Божия на челе. Аще кто прият печать, той не имать на себе знамения Христова, но самого диавола: той бо лукавый возбраняет ему творити угодная Богу, зане возненавиде издревле. А который человек знаменается знамением Спасителя своего, такового человека не отступит Господь, но просветит лице его. А сатана не может прикоснутися ему. Егда же той начнет льстивый распространяти печать свою, подобает всякому человеку неослабно подвизатися до смерти. Святый Иоанн Богослов глаголет: начертание зверино на челе, на руке десней, аще кто примет, такова человека не написано имя имать быти в книге Агнца, заколенного в смерть от сложения мира, и мучим имать быти пред Господем и пред ангелы святыми огнем и жупелом и дымом, и мучение их во веки веком. Терпение же христианское и вера святых, иже соблюдают заповеди Божия и веру христианскую, нерушимы да будут во век.

И паки глаголет той святый Богослов: видех море стеклянное смешено со огнем или кровию. Сие являет в толку чистое с нечистым, сиречь правоверие и раздоры. В том же море виде люди, иже не приимши начертания зверева на челах и на руках, поюще песнь раба Божия. И паки речем о антихристе, – како хощет явитися: будет знамя свидение его, глава пламя огненно, око смешено с кровию, а лице весело, имать же в себе две зенице, а ветце его белы, рука же шуя велика, против того десная бедра велика, у ног плесни плоски и сокрушенные, иже есть и больше ноги его, и таково, что неподобно есть беседовати блуднику с целомудренным, такоже о антихристе писати видения его пакостно есть.

В Евангелии глаголет Господь ко священным учеником своим: приимите Дух Святый, имже отпустите грехи, отпустятся; и паки рече: егоже аще свяжете на земли, будет связан и на небеси; аще разрешите на земли, будет разрешен и на небеси. Зриши ли яко Святым Духом вязати, решити и оставляти грехи; кроме же Святого Духа не можно никому ничто же сотворити от священных. Ныне же нечестивые, якоже древние еретицы, в себе нечистый дух имут сатанин: да како могут на небеси и на земли вязати и решити? Великий Иоанн Благослов глаголет: аще кто не исповедует Исуса Христа Сына Божия в плоть пришедша, сей есть лстец и антихрист. И паки речет: антихриста нарек есть еретика: то како имать последовати божественный суд антихристову суду? Зане сами себе осудили есте. И прочая тако. Прочитай житие Иоанна Златоустого и апостольские беседы. Пишет бо в беседах апостольских: аще повеление развращено будет еже святитель, аще бы ангел был, не покоряйся ему. Тойже святый глаголет в беседе: аще и малое что подвигнут, анафема да будет. В правилах святых отец положено: ежели что божественное по правилам святых отец наших небрежно будет, прокляты да будут. Виждь, како еретицы хуляху суд Божий и предание святых отец и прокляты соборами суть, и како Бог имать послушати еретиков: такоже и нечестивые начальницы и отступницы, имея древних еретик ересь, и предание святых отец ими небрегомо, хотят вязати и решити, и хулят верующих в правду. Явственно бо есть, якоже егда нас проклинают и извергают еретицы и отступницы, тогда есмы от Бога благословени, якоже рече Господь своим учеником и Апостолом: всяк убиваяй вас мнится службу приносити Богу. И сея ради службы осуждени Быша со диаволом во огнь вечный. Христиане же их ради клятвы чающе от Христа Бога милость получити в день судный по Божественному Писанию. О отступницех же сказует книга Просветитель, святое писание, в нейже писано святого Иосифа Волоцкого в житии, в слове 14-м: якоже отступницы суть не точию еретиков, но и ельян и жидов злейши. После же пишет о латынех и еретиках, како отступиша от благочестия, и колики беды и муки налагаше на непокоряющихся им и нечестию их. Се же убо суть отступницы, еже в православной вере родишася и крестилися, или неведения ради, или нужды ради, а ины и самовольно отступили от правыя веры; аще таковые обратятся, и сподобляются при самой смерти токмо причаститися святых таин, по правилам святых отец. А еретицы и отступницы сего не избирают: кого могут, от заблуждения, или от православных прельстят, такового скоро и причаститися сподобляют без эпитимии, и просвещают без покаяния; а о сем и небрегут, что достоин, или недостоин приняти святое тело и кровь Христову. А не хотящих им покоритися поносят, злословят и клянут. Того ради Господь наш Исус Христос ублажает таковых, глаголя пророком: блажени вы есте, егда поносят вас и рекут всяк зол глагол на вас лжуще Мене ради; и паки рече: не приидох вложити мир, но рать и нож, приидох разлучити человека, сына от отца, и дщерь от матери своей. Се бо врази человеку домашнии суть. Егда отец или мать, сын или дщерь от веры правыя совратятся, подобает ненавидети их, отвращатися и бегати от них, яко да (не) с ними погибнет. Сего ради и мы от своих слепых пастырей отлучаемся, яко от отступников, и бегаем, яко от волков, ненавидим и отвращаемся, зане оставльше правый путь блудят; и последуем первым своим пастырем и нелицемерным учителям, которые за Христа души своя положиша о овцах и за Церковь Божию; – сами пострадаша, а никого не мучиша. И таковым нам, возлюбленнии, подобает последовати, иже подвигом добрым на земли подвизашася, и течение скончаша, и веру соблюдоша и венцы от руки Господни прияша. Удаляемся же и от врагов креста Христова: занеже им Бог чрево, иже земная мудрствует, благословением и благими словесы прельщают сердца простых человек. А нам, по Апостолу, Бога молити о них подобает непрестанно, понеже даст им Бог возникнути от сети диавольския, иже живи уловлени от него в свою ему волю.

Инок Аврамий, заключенный в духовном Содоме и Египте за слово Божие и за свидетельство Исус Христово, дщерь Исус Христове радоватися. Удивихся смирению твоему, яко ты сама исполнена благоразумия полезных словес, хощеши слышати о всяких тайнах: вопрошение бо твое несовершенника (?), лежаща в глубочайшем рове неведения. Подобает, о дщере Христова, о сем добре ведущих вопрошати. Обаче принужден от Тебе и положих упование на Сына Божия, могущего умудрити немудрых. И прежде всего советую ти (о церкви), кровию святых мученик запчатленной и отцы нашими святыми свидетельствованной: се есть церковь святая соборная и апостольская, еже есть вера православная, без нейже угодити невозможно, о нейже пророк Давид глаголет: свята церкви твоя и дивна вправду. О Никоновой же церкви развращенной той (же) Дух Святый во пророцех глаголет: уклоняющияся в развращение отведет Господь с творящими беззаконие; и прокляти, рече, уклоняющиеся от заповедей Божиих. Святый Иоанн Златоуст в беседах рассуждает о сем: иже веру превратиша, иже аще и худое что превратит, прокляты да будут. Никон же со ученики своими не худое место превратил в церковных догматах, и всю истинную веру изгубил. Глаголет Апостол: едина вера, едино и крещение, един Бог и Отец всех; у Никона же со ученики многи веры, а не одна. Напечатано у них Служебников выходов до восьми, а все меж собою несогласны, и посему явно, яко развращена церковь, и последующие учению их не имут видети живота вечного. Они же сами елико будут далее правити, только глубже снидут во дно адово. В тонкость же описати зде их блужения в вере не вместитися: сего ради о сем и реку ти, – о времени нынешнем, елико (от) отец навыкох рассудити Писания, да познаеши время все совершенно.

Зри, мнози глаголют от неведения Божественного Писания, яко быть антихристу во Иерусалиме сущему; иные же глаголют на земли чувственно пророком Илии и Еноху не быти. Ты же уверися о сем Божественным Писанием. Глаголет бо пророк: от севера лукавство; сказует нам пророк, яко антихриста возвестил быти ему в северной стране. Афанасий Великий Антиоху возвести, еже быти ему в Скифополи. Скифополь же северная страна, Русская земля. Святый же Иоанн Златоуст в беседах рассуждает на послание Павла Апостола, и сказует в Риме быти ему. Кирилл (Александрийский) глаголет во многих местах во своей книзе, и во знамениях воспоминает, яко в Риме царство будет ему. И сие согласно, еже зде быти ему. Святый же Селиверст римский, егда послан бысть от Бога к Филофею патриарху Царяграда, русскую землю благочестия ради исповеда светлую Россию третий Рим; да в Кормчей книге пишет третиим же Римом русскую землю, а греческое царство вторый Рим именуется. Святый же Кирилл глаголет о антихристе, яко не от царя, ни от царска роду будет. Преподобный Петр Дамаскин пишет о сем, яко чернец имать восстати в России, в северной стране, и древних еретиков все ереси подымет. И сие согласно зело. Избранный же сосуд Павел Апостол в послании своем пишет о нем, яко приидет отступление прежде, открыется человек беззакония, сын погибельный и противник. Толкова же святый Иоанн Златоуст, что есть отступление, и глаголет, яко того самого антихриста Апостол глаголет отступление от веры, и сам антихрист открыется во благочестии и благочестию он сим учинит отступление. Сего ради и погибельный сын наречется, яко же нечестием своим души погубити имать: аще не трезвятся, то избранных прельстит. И потом сказует о власти, якоже на безначальство ниспадет и после себя приготовит иных, да делают лютая. И по сему согласно же зело: яко воистину люто делают ученики его. Святый же Ипполит глаголет о нем, яко убо льстиве примет ложь беззаконный, отречется славы своея. В Синаксарии же святые отцы написали: и во Иерусалиме установится станом. И паки Ипполит глаголет: храм каменен сотворит, иже во Иерусалиме. Кирилл святый пишет, яко церковь древнюю Соломонову со иным богомолием, прелести ради, создати покусится, совершенно же построити не может; и глаголет, яко не мню верхи покрыты будут. Да во Околепсисах толковых острожской печати пишет, яко антихрист Христом себя будет образовати, глаголя в себе: воздвигну скинию падшую Давидову и изреновенная ее паки восставлю. И тако своим действием себя изъявит быти Христа. И писано, яко льстец во всем хощет быти подобен Христу. И зело подобится инок-пагубник: яко Иерусалим в северной стране, и реку Истру Иорданом проименовал, и церковь такову, какова во Иерусалиме, построил, и в том своем льстивом Иерусалиме станом устанился, и своего льстивого Иерусалима селом и деревням, такоже и горам имена новые подавал, против сущего Иерусалима: Назарет, Вифлием, и прочия проименованы все. А чернцам младым, постригая, имена дает Херувимами и Серафимами. И се имея ум да разумеет прелесть его, кому будет в его новоименованной реце Иордан креститися. Да и о сем пишут святые отцы: аще бы который царь всею вселенною владел, да ни единого места ни нарек Иерусалимом; яко во всем свете един Иерусалим, в немже Господь наш Исус Христов пострада нашего ради спасения, таможе и судити будет вправду. И неужели посему еще ни явствен льстец? Аще буде не явственно тебе, то еще свидетельство о нем предъявим, да на том поставиши ум свой, яко на камени крепком. Пишет святый Иоанн Богослов во Апокалипсисе, во главе 13, о числе противника, – глаголет, яко зде мудрость есть, иже кто имать ум, да почтет число зверино и число человеческо, а в числе его 666. Святый же Иреней известно нам сказует о числе сем , яко число сие являет вся лета от Адама до погибели зверя, – глаголет, яко всегда Господь наш Исус Христос времена чудес своих закрывает числом неудобь разумным, а иже искусни изочтут времена прелести противника, и обрящут. Все бо число явственно исполнилося на 66 год. В том году Никон пагубник свой еретический Служебник выдал, а святые прежние Служебники, по которым отцы наши служили и Господу Богу угодили, повелел изнести из церкви вон, якобы не потребные. И се есть человеческое число, яко человек той пагубник и зверь лютый явися, якоже Апостол глаголет явитися ему во время свое: время же его на исполнение числа. О сем бо явственно пишет списатель Книги о вере. В Книге правыя веры глаголет, яко по 1000 лет от воплощения Божия Слова Рим отпадет со всеми западными странами и до востока от церкви Христовой и от веры правой; в 595 году по 1000 жители в Малой России отступили от веры и во всем заручную грамоту римскому папе дали. И сие второе оторвание христиан от восточной церкви; тогда же и Литва отпала от веры Христовы. Оберегая же наше Российское царство московское писал яве: егда же исполнится от воплощения Бога Слова 1666 лет, тогда и нам подобает имети опасние, чтобы такоже не пострадати, якоже римляне и литва. И ведая не опаслися: сатана своим сосудом Никоном на тот год веру везде изгубил. А ныне и досталь потребили ученики его. Да тут же воспомяну списатель веры Книги, яко уже время приде о скончании века и мнози о сем недоумеваются, – глаголют, яко уже прошло то время, еже писано в Книге правой вере. А списатель воспомянул выше о том же, и сего тебе воспомянути не отрекуся. Святый Иоанн Богослов во Апокалипсисе во 8 главе пишет: сатана связан на 1000 лет, и потом прекратил о сем. Зде крепко на самое совершенство указал; толкует сие Ипполит папа римский, яко связан сатана на 1000 лет от сошествия во ад Господа нашего Исуса Христа, и егда пройдет 1000 лет от сошествия во ад, и после той 1000 исполнится 666 лет, и потом сказует кончина да будет, и приидут пророки на землю. Не пророчествую же аз, но от пророка Даниила глаголю, иже свидетельствует о седмице единой, яко полседмицы пророки будут на земли и возвестят со дерзновением благоверствие роду человеческому, и мнози от человек приидут и послушают их, и никтоже от человек возможет озлобити их; и егда скончают пророчество свое, полчетверта года, и Божиим попущением он предиреченный зверь убиет их и телеса непогребена оставит на стогнах великого града, иже духовне наречется Содом и Египет, и полежат телеса их на земли полчетверта дни, во образ пророчества их, и дух животен внидет в них и возмутся на небо; по их же последи убиет Иоанна Богослова, и великие беды будут. Еще же и до того времени, кто пренемогая обрящется, удом пленен будет, диаволом. Ты же, дщере Христова, мужайся и утверждайся во истине; а что вопросила еси мене своим писанием и душу свою предала еси мне грешному, иский спасения души своей, и аз советую ти: предай душу свою Творцу, Господу нашему Исусу Христу, и Пресвятой заступнице нашей Владычице Богородице. Сильна бо есть в заступлении Мати Творца нашего; всех нас спасти от прелести пестрообразного зверя может.

О правиле же келейном вопрошаеши, и молю, дщере Христова, послушай совета моего, не моги не единого дня без славословия Божия быти. Первое, восстав от ложа своего со обычным началом да поеши псалом: Помилуй мя Боже; псалом: Живый в помощи, и молитву кресту: Да воскреснет Бог; потом: О тебе радуется; потом же светилен кресту: Крест хранитель всея вселенныя, крест красота церковная, крест царем держава, крест верным утвержение, крест ангелом слава, крест бесом язва; и потом обычный отпуск. Такоже сотворше на вечери. Егда же хощеши почити на ложе своем, да поклоны по силе на всякие сутки полагаеши, паче же нощию хотя по три поклона положи Господу Богу; да нас поминай в молитвах своих, паче же начальных страдальцев: Аввакума, Назария (?), Феодора; такоже и иноков боголюбивых и великих воинов Христовых: отца Епифания и Трефилия, и всех верных, да и их молитвы Богу о тебе приняты будут и благословение их будет на тебе. Блюдися, Господа ради, не всякому духу веруй: не неведомо тебе о том, яко о сем времени писанми святии отцы воспомянули со слезами, яко быть великому развращению во всех человецех, а паче что в причастии разделятся людие в самих христианех. И ныне видим сие, и о сем не дивися; сам Господь глаголет: горе миру от соблазн, да нужда и быти. Ты же, госпоже, рассуди о сем, и чистое от скверного разделяй, и на отеческом предании пребывай; а страдальцев рассуждению во всем повинуйся, ихже выше сего помянухом ти. И верую, аще тако начнеши творити, и не удалится от Тебе спасение твое. И благодать Господа нашего Исуса Христа да будет с тобою.