Материалы для истории раскола за первое время его существования. Том 6

а) Моление со вопросцом благовещенского диакона, убогого Феодора, ко всеосвященному собору, всем всякого чина.

Молю вас, честнии отцы и братия о Христе, всякого коегождо по сану и по имени, скажите мне. Господа ради, и научите, аще можете, в правду, о нем же вопрошу аз, грешный паче всех и неразумный и не школьный человек, вас мудрых и разумных, и прилежащих философии, и глаголющих, яко ныне взыскахом веру праву и ныне обретохом истинну, и ко книжному исправлению умудрихомся добре, – зде же скажите уже мне глупому и рассудите предлагаемое вам, отцем и братиям, божественное писание сие, что писано во Откровении святого Апостола и Евангелиста Иоанна Богослова, во главе 20-й, сице: прииде Ангел с небесе, имеяй ключь бездны, и ять змия, змию древнию, иже ест сатана и диавол, и вверже его в безну, и заключи его и запечатлен над ним, да не изыдет оттуду, дóндеже скончается тысяща лет, понеже связа его на тысящу лет, да не лстит ктому народы. И по тысящи лет паки подобает ему разрешенну бити на мало время, да лстит народы. Молю вас, отцы. о сем разрешити мое недоумение: чего ради бысть сатана связан, и в кое время связан, и по развязании по тысяще лет что сотворил, выскоча из бѳздны?

Скажите и во главе 12, во Откровении же богословле, что есть: той же змий отторже хоботом своим третью часть звезд и поверже на землю? И сию тайну рассудите ми, Господа ради: что змий. и что хобот его, и которые звезды и с коего неба отторже?

Тут же, во главе 13, сице: имеяй ум да почтет число зверя, число человеческое есть, число его 666. Ища учения от вас, чеснии отцы, вопрошаю и о сем, – научите мя: что есть зверь и что число его?

И о сем вопрошаю, что глаголет Апостол Христов Павел в зачале 275-м, глаголет о противнике, сыне погибельном, и пришествии его всепагубном, и сести ему, глаголет, в церкви, аки Богу, и прочая. А преже пришествия его (глаголет Апостол) отступление будет, и потом откроется человек греха, сын погибели, по писанию. И о сем скажите ми: было ли отступление, или еще будет? и како сядет в церкви антихрист, и в коей церкви сядет? И что и Христос глаголет во Евангелии: егда приидет Сын Человеческий, обрящет ли веру свою на земли? И о оем како мудрствуете? – научите мя воистинну, a не от истинны.

И паки Апостол глаголет: егда рекут мир и утвержение. тогда внезапу нападет на них всегубительство, и проч. И сего аз боюся словеси: научите мя в правду.

И о сих всех вышереченных вопросах моих благорассудите по Божественному Писанию, аще имате свыше премудрость и дар Святого Духа. И аще открыет вам благодать Святого Духа вышереченная покровенные тайны Божественного Писания: то увемы, яко исправление ваше на пользу суть церкви, и аз убогий тому тогда повинюся. Аще ли же вы о онех тайных, в Божественном Писании лежащих словесех силы не увесте, и благодать Божия утаи от вас: то да весте, чеснии отцы и братия о Христе мне по чину кои, яко не суть полезно церкви ваше ныне исправление в божественных догматех, но крепко подобает блюстися отступления. И аз грешник вам, отцом, о всех выше реченных и неудоборазумных словесах и покровенно писанных Святым Духом на остерегание верным, те прикрытые тайны возобъявлю вам и на Писании покажу, аще восхощете ведати беззависно, отечески. И аще повелит великий государь и царь христолюбивый, и от себе кого пришлет, не скрыю тая, откровенная Святым Духом святым своим рабом и младенцем о Христе Иисусе, Господе нашем. Аминь.

б) О сложении перст и аллилуиа.

О православном знамении крестном в сложении перстов ссылаюся аз, диакон Феодор, на святого Мелетия патриарха Антиохийского, яко тако мудрствовал, якоже мы ныне держим и вси повсюду священии и простии, тако слагающе персты и знаменаху лица своя, и ныне знаменуются кои тако добре, и тако Бог чудодействовал святым Мелетием, и тако святый сложа персты и благословил люди и еретиков посрамил. А был сей святой патриарх Мелетий на втором вселенском соборе.

И на святого и блаженного Феодорита ссылаюся, иже был после святого Мелетия на третьем вселенском соборе: и той тако писа и протолкова добре сложение перстовъ.

И на святого Петра Дамаскина ссылаюся: тако же написа.

И на святого Петра митрополита Московского ссылаюся: и той такоже написа сложение перстов, как и сам держал.

И на преподобного и премудра Максима Грека ссылаюся.

И на Стоглав книгу ссылаюся, иже писана при царе Иоанне Васильевиче всея Руси и советом всесвященного собора.

И на книгу Потребник святейшего патриарха Филарета и прочих.

И на книгу харатейную, иже писана при святейшем Фотие митрополите Киевском и всея Руси Иосифу архимандриту киевопечерскому в лето 6932 году.

И на книгу, что писано о правой вере: тако же там.

И на книгу Гранограф.

И на книгу Катехизис большой, рекше беседословие.

И в малом такоже, письменном и печатном.

А о святой аллилуии шлюся на святого отца Ефросина и на премудрого Максима Грека святые горы Афона.

И на собор преосвященного Макария митрополита Московского, что был во дни царя и великого князя Иоанна Василевича всея Руси, ево благоверного царя собранием о Христе отец.

И на сербские все книги шлюся, – сам их видех: и в них такоже стоит: аллилуия, аллилуия, слава тебе Боже 3-жды.

И в греческих стоит: аллилуия, аллилуия докса си Феос.

И в новых книгах добре еще аллилуии не переворотили: везде стоит 2-жды наряду, а третье; слава тебе Боже.

И сие есть истинна о знамении крестном в сложении перстов: трема персты, палца с последними совокупя, исповедуем в них Троицу единосущную и нераздельну; во двух же перстах исповедуем воплощшагося неотлучно единого от Троицы Сына Божия два естества, и две воли, и два хотения, един же состав, – сугубъестеством, а не составом. Такоже и святая аллилуия где трижды поется, то тут нет четвертые славы; а где дважды поется аллилуия, то тут вместо третья аллилуии слава тебе Боже возглашается в церкви Христове. To святый церковный правый разум. А аще потрожды петь аллилуия, а четвертое слава тебе Боже, во нынешних мудрец разуму: то и во святой пост, егда поется аллилуия вместо Бог Господь трижды, так и тут надобно четвертое слава Тебе Боже, – по вашему, Троица совокуплять; и после херувимские песни, по трех четвертую славу Троице приносить, по вашему разуму; и после да исполнятся уста моя к трем, аллилуиям вчетвертое слава тебе Боже пойте. A то Троицы не совокупляете, трижды поюще аллилуия, а четвертое слава Тебе Боже де припеваете к трем. Бог вас судит! Воистину, плотское мудрование вражда на Бога, закону Божию не покоряется, и не может бо. Нас же избави Господи от всех сих, ныне и присно И во веки веком, аминь.

в) Слово ответное благовещенского худейшего диакона. Феодора многогрешного, како держю символ православные веры святые соборные апостольские церкви. Исповедание о Святом Дусе, Господь истинном, и на что ссылаюся, и на чем утвержаюся.

Слышите вси, всякого чина правовернии христиане! Не о себе мудрствуя глаголю: и в Духа Святого Господа истинного, но на святых и на святые книги, паче же на самого Христа, всех Бога, ссылаюся.

Евангелие святое во всех книгах московские печати, что до Никона патриарха писаны и напечатаны, в Часословах, и во Псалтырях, и в Минеях опщих и месячных, декабря и генваря, в царских часах, сколько тысящ будет тех, во всех: и в Духа Святого Господа истинного и животворящего, – иже при пяти патриархах печатаны и всего священного собора советом и благословении, паче же и царскими повелении, а раскола в них нет ни единого. От тех же святейших патриарх два исповедника, Гермоген и Филарет, и иных святых много при них Быша и прославишася по смерти, не вдавне еще и святой архимандрит Дионисей. И в сербских во всех книгах их земли: и в Духа Святого Господа истинного также: и Его же царствию несть конца, и: рожденна, а не сотворена. И всякой догмат с нашими старыми сходен, и аллилуия дважды, и сложение перстов право. Также и болгары держат символ, и волохи, и мултяны и моравы: всех сих земель людие преже нас христианы, и книги преже им преведошася со греческого языка. И во острожских книгах, иже печатаны благочестивым князем Василием Константиновичем Острожским и воеводою киевским, ему же тогда похвальные грамоты прислаша святейшие вселенские патриархи и Афонские горы скитницы, утвержаючи ево в вере православной. Никто тогда крепко постоял, яко же той благоверный князь во время униатского отступления, как епископы их отступиша православные веры по числу зверя 600 (Апок.13). И в тех острожских книгах: и в Духа Святого Господа истинного, и проч. Теми же словами печатаны, что и Библии острожские.

И в послании Фотия вселенского патриарха к болгарскому князю Михаилу²³ весь символ писан, – также о Святом Дусе: и в Духа Святого Господа истинного и животворящего. И сие послание Фотиево велел часто чести Максим Грек царю Ивану Васильевичу. Пис. в его книге. И в слове Иоанна Дамаскина о поклонении икон, в Соборнике: и в Духа Пресвятого Господа истинного и животворящего, и проч. И Иоанна Златоустого²⁴ в первом слове о оглашении, в Маргарите, – учить веровати новоприходящих ко крещению, по Евангелию: и в Дух Святой истинный, и приложил, рек: сим поучайтеся душею и языком всегда, и проч. И Григория Богослова в слове на пятидесятницу, в стихе 12: Дух Святой Господь есть истинный, – и проче пространнее там. К Евангелию приводит, а не от Евангелия ведет.

И Василий Великий в книге о постничестве, в слове своем о вере, учит по Евангелию: и в Дух истинный, кратко. Сей святой до второго собора вселенского был.

И в книге Дионисия Ареопагита: и в Духа Святого Господа истинного.

И в книге Большом Катехизисе письменном: и в Духа Святого Господа истинного и животворящего²⁵. И прочее все добре и зело полезно. И где глаголющии, яко не обретается в писмяных истинного Господа? И о сложении перстов в той книге православно тол(ковано).

И святой Варлаам, егда Иоасафа царевича учил вере, такоже и в Дух истинный и животворящий. Апрель, в 11 день. в Прологу. И Никона патриарха в Часословцах, что печатаны на Валдае, в монастыре, ево велением, – печать мелкая, – во всех тех: и в Духа Святого Господа истинного и животворящего, и прочее все добре тамо. Смотрим же: сам с собою не согласен Никон.

И в киевских (у меня Часословец.): и в Духа Святого Господа истинна животворящего, и: Его же царствию несть конца.

А письменные книги многие прочтох, идеже видех их: и много искажены, – в той тако, а в иной инаково о Святом Дусе. Инде: и в Духа Святого Господня животворящего, а инде: и в Духа Святого Господа и животворящего. Истинного нет, и есть, – и животворящего. А в иной книге: и в Духа Святого Господа животворящего. И нет; истинного нет же. Блазненно. А в иной книге: и в Духа Святого истинного и животворящего. Господа нет. И много тех книг рукописанных: где Господа есть, тут истинного нет, а где истинного есть, тут Господа нет. И сие неправо есть. А в иной книге показывали мне, на кою ныне ссылаются, – в той книге ни Господа, ни истинного нет; только сице: и в Духа Святого животворящего. Как же, отцы святии и братия, таковым разгласным межю себе символам веровати? Кая сие правда²⁶, – Господа избрати, а истинного его отметати? Сего страшуся аз, грешный Феодор диакон.

Сие есть неблазненое исповедание верую быти о Святом Дусе, по вышереченным свидетельством святых книг печатных московских пяти патриархов святейших и сербских книг, и острожских православных, и прочих всех, еже есть сице: и в Духа Святого Господа истинного и животворящего, иже от Отца исходящего, иже со Отцом и Сыном споклоняема и славима, глаголавшего пророки. Тако, верую, положиша святии отцы 150 на втором вселенском соборе: видяху бо святии отцы во святом Евангелии самого Иисуса Христа Сына Божия богословию, – трикраты Духа Святого единосущного себе Христос нарек истинным. И Златоустый глаголет: не рече Христос Дух святой, но рече Дух истинный, иже от Отца исходит, и вся весть воистинну. и того послушайте Духа истинного, и тому веруйте, яко истинен есть. (Тут же) И еретика Македония препреша словом Божиим святые отцы, и прочее.

А что ныне из символа же веры выняли литеру а, – где было рожденна, а не сотворенна, и вместо несть конца, положили не будет конца: и тот аз и несть конца везде стоит непременно, во всех книгах, коим есть по четыре ста и по пяти, как рукописаны, и в печатных во всех, и на которые и сами ссылаются глаголющии: не подобает в символе нарицати²⁷ истинного, аще и истинен есть, и рождена, не сотворена глаголати. И таковыми словесы сами себе прельщают, везде хотяще составити свой неподобной разум. Везде, во всех книгах (словенска языка), идеже кои обретаются, та литера а и несть конца неизменено было доселе, и доднесь стоят, как переведено с греческих древних книг на наш словено-российский язык. И сию литеру а святии отцы Арию еретику яко копие острое в скверное его сердце воткнули, мыслящее тварь быти Сына Божия. И святии отцы 318 добре тако противу хулы его изложиша, прославляючи Создателя своего Иисуса Христа Сына Божия: света от света (быти), Бога истинна от Бога истинна, рожденна, а не сотворенна, единосущна Отцу, имже вся Быша.

И кто хощет тому безумному Арию еретику друг быти: той, якоже хощет, отметает ту литеру а из символа веры. Аз же ниже помыслити того хощу и святых предания не разрушаю. Дай мне Господи с ними часть, святыми отцы, имети в первом воскресении, имети и во втором: блажен бо и свят, иже имать часть в первом воскресении, на сих бо смерть вторая области не имать.

И книга харатейная, и в ней о символе веры сице: символу веры от евангельских речей сложену сущу, и в Духа Святого истинного и животворящего, иже от Отца исходящего, и проч. A переписывана та книга с иных книг при великом князе Данииле и при преосвященном Фотие митрополите Киевском и всея Руси киевопечерскому архимандриту Иосифу в лето 6932 году. И посему мню, чеснии отцы, не прилог есть истинный, и не на Москве приложиша в печатных книгах, якоже нецыи нас соманывают и святых облыгают, яко не положиша истинного на втором вселенском соборе. Я грешный не смею реши на святых такова слова, не станет меня с тех бесчестие, не стою и власа единого святого, кои были на втором соборе, собравшиися на Македония духоборца.

И в соборной церкви написан символ православные веры весь на святой иконе (На той иконе воображено воплощение Сына Божия, и тоя иконы показует и вид, яко старописана). И туг сице же: и в Духа Святого Господа истинного и животворящего, иже от Отца исходящего, и проч. до конца. И я грешник не смею не глаголати Господа истинного и прилогом называти истинного творца моего, имже вся живут и движутся, якоже нецыи ныне явно хулу пущают на Духа Святого, глаголюще сиде: не подобает. называти Духа Святого Дух истинный, во глаголати: Дух истины, а то-де не добре лереведеяо, что глаголют Дух истинный. И тако уже и в книгах своих пишут²⁸: Душе истины, Дух истины, а не Душе истинный, ни Дух истинный. Судите вы сами, о святии отцы и все христолюбивое множество, откуду таковый разум исходит: не от македониевы ли смрадные темницы дышет такой дух и поражает нас, а мы не ощущаем? Аще Отец Бог истинный и Сын Бог истинный: и Дух святой Бог истинный; вкупе Святая Троица един Бог истинен, и никтоже глаголет православен, яко не тако есть.

Како же смеют тии окаяннии глаголати и писати, яко не подобает нарицати Святого Духа Бога Дух истинный, но глаголати Дух истины? He смею аз того и помыслити, и глаголю тако, яко добре переведено и написано везде в старых книгах²⁹, что Дух истинный сам по своему естеству истинен есть, а ни от ково величества истинны не приемлет, но от единого Бога Отца истинного истинный Дух исходит и по ипостаси своей единосущен есть Отцу и Слову. О сем дозде.

Простите, государи отцы, глаголати о немже начах ответ вам творити. Во всех землях, кои отступили от православные веры, – преже Рим, егда отпаде со всеми западными странами, тогда прежде символ правые веры повредиша. Христос глаголет: Дух истинный, иже от Отца исходит, тии же приложиша исхождение Святому Духу и от Сына зле и блазненне, и того ради отступницы глаголются от правоверных. И то сбысться на них писание во Откровении богословле: по тысящи лет развязан бысть сатана на мало время да льстит народы. И тогда, выскочив из темницы своея, и отторже хоботом своим. – папою римским, – третью часть звезд небесных.

И паки писано в Откровении богословле: во главе 13, сице: имеяй ум да почтет число зверя, число бо человеческое есть, и число его 666. О тайны числа сего зверя, – простите, чеснии отцы, мне невеже проглаголати о сем. Андрей святой Критский (sic), толкуючи Апокалипсис Иоанна Богослова и дошед до того числа зверя, еже есть 666, и тайны тоя не у еще сбывшиеся не возмог толковати, только рек добре: время (де) то открыет³⁰. И егда время прииде, тогда оная тайна и открыся имеющим ум нерастленен и себе внимающим. Егда исполнися шестьсот лет по отпадении римлян, тогда отступиша жителие Малые Росии от восточные святые церкви к римскому костелу, приемши богоотступного папы развращенные и богохульные догматы; преже всего символ измениша во многих местах. Вместо несть конца преложили не будет конца, яко же и зде такоже сотвориша. И где было у них: и в Духа святого Господа истинного и животворящего, написали: и в Духа Святого Господа оживляющего, от Отца и Сына походячего и проч. отменно. А истинного у них из символа выложил униатской епископ, именем Мелетий Смотрицкой. О сем мнози ведают малоросийстии православные народы. И сие есгь оторвание малоросиян по 600 летех римского падения.

И егда прейде после униатского отступления 60 лет, тогда зде, в Великой России, Никон, прежде бывший патриарх, приразился к символу православные веры, – истинного выложил же со оболганием второго вселенского собора, – сказал co Арсением, яко святии отцы 150 истинного в символ не положиша. И сицевого дерзосного слова никто нигде не испустил изо уст своих, кроме того Арсения, ведомого еретика суща, иезуита. Чаю ведомо вам, государем отцом, как писа о нем вселенский патриарх, – велел блюстися: тогда же и заточен был в Соловецком монастыре до приходу митрополита Никона, и там мудрование его и житие ведомо святым отцом. В символе же и зде положил Никон вместо несть конца – не будет конца. И сея изменительные речи нигде отнюдь в символе не обретается. ни в письменных, ни в печатных книгах, еже не будет конца, кроме униатского символа, – они положили не будет конца. Ä то везде не стоит, и в харатейных. И: рожденна, а не сотворенна. А что ныне Архангела приводят во свидетельство, – он, глаголют, рек к Богородице о Христе, яко воцарится в дому иаковли во веки, и царствию его не будет конца: ей, мы глаголем тако. Но наш Христос воцарился уже, и то Архангела Гавриила слово сбысться на пречистой Богородице, яко зачала от Духа Свята, и родила и нарекла имя ему Исус, и оттоле воцарился по присвоеню (sic) Слова, и егоже ныне царствию несть конца; а аще то Архангела слово приводити будем, еже, рек прежде еще зачатия Сына Божия о воцарении, по плоти збытися хотящем: то по нынешнему разуму и ныне еще Христос не зачался, ни родился, ни воцарился во веки. Избави нас Господи от сего разума! А иные ссылаются на книгу Дионисия Ареопагита, – там, глаголют, написано: не будет конца. И то не твердо же есть. Дионисий святой был до первого собора вселенского за много время, а символ на первом соборе сложен 318 святыми отцы. И то добре положиша святии отцы: егоже царствию несть конца, яко и ныне царствует совершенно, а не несовершенно, якоже глаголют новые книги: несовершенно Христос царствует ныне.

И по вышеописанному свидетельству, святого Апостола Иоанна Богослова откровению, сбысться все то. Еже: по тысяще лет по развязании сатаны паде Рим; и после отступления римского егда прошло 600 лет, отступиша епископи Малые России от православные веры и поидоша по своих похотех нечестия³¹; и егда выполнилося после унии 60 лет по Апокалипсису, тогда зде, в Велицей России, попущением Божиим, грех ради наших, велий раздор церковный учинился и Никон патриарх символ православные веры инако изменил, и вся церковные догматы преложил, и книги старые превратил без вины, святые Служебники и проч., а новые книги назвали исправлением. Шесть выходов Служебников новых, а меж собою несогласны. Такоже и прочие книги новые.

И сих ради всех, святии отцы, боюся аз грешный нынешнего исправления, чтобы и нам не пострадати, якоже и прочии. по 1000 лет и по 6 сот и по шестидесяти лет; зря нынешные расколы сумневаюся зело: научите мя в правду. A по шести летех что явится, не вем, – время бо открывает. И о сей тайне сокровенной аще вам даст Бог инако рассудити добре: буди, и аз убогий и невежа повинуся вам. Ныне же тако сердцем в правду верую и усты исповедую по выше писаных свидетельством святых книг. Аще бы в одних наших московских книгах символ был со истинным, а в иных бы землях в книгах не было нигде и в Духа Святого Господа истинного и животворящего: то бы и аз, яко человек, соблазних бы ся не глаголати истинного. Но сам видел прежде нас веровавших христиан книги сербские у священника черного Мардария Сербские земли, – 145 лет, как печатана, а иные-де есть и по пяти сот лет, – и в Духа Святого Господа истинного. И митрополит сербской же Феодосей сказывал игумену Сергию Пресвятые Богородицы Толгского монастыря, что есть-де у нас за 5 сот лет такие книги: и в Духа Святого Господа истинного. И острожския сам видех: такожде. И самая Истинна, Христос Бог наш, во святом Евангелии (отнюдуже и символ изткаша святии отцы) трикраты богословил о Святом Дусе. Аще (рече) любите мя, заповеди моя соблюдите, и аз умолю Отца, и иного утешителя даст вам, да будет с вами во веки, Дух истинный, егоже мир не может прияти, и проч.³². И паки: егда приидет утешитель, егоже послю вам от Отца, Дух истинный, иже от Отца исходит, той свидетельствует о мне³³. И паки: еще много имам глаголати вам, но не можете носити; егда же приидет Он, Дух истинный, наставит вы на всяку истинну³⁴. Сии глаголы Спаса нашего камение драгое, на нихже святая вера церкви Христовы основана есть, еже держит исповедание о Святом Дусе Господе истинном. Сия есть богословия Христова, сию веру преда Иисус Христос учеником своим и Апостолом; сию веру святии Апостоли насадиша по вселенней и в сердцах верных. Ахайских церквей пресвитери пишут о святом Апостоле Христове Андрее, – сице он учил их веровати во святую Троицу: веруйте в Бога Отца истинного, и в Сына Его Иисуса Христа Бога истинного, и в Духа Святого Бога истинного. А на конце послания прирекли: сию веру мы прияли от святого Апостола Христова Андрея первозванного³⁵. И святой Иоанн Богослов в соборном своем послании пишет сице: да знаем Бога истинного и да есмы во истиином Сыне Его Иисусе Христе; а о Святом Дусе выше рек, яко Дух есть истинна: и Дух истинный и дух лестечь³⁶. И сию веру святии мученицы кровию своею запечатлеша³⁷.

Тако и аз, святии отцы, сердцем в правду верую и усты исповедую в символе веры по выше писаным свидетельством святых книг, иже со Христом согласуют: и в Духа Святого Господа истинного и животворящего. И высочайшие сея богословии Христовы, еже есть истинного, боюся отлагати, и на святых отец не смею лгати, яко бы оне не положиша в символ истинного: ведали то святии Отцы слово богословле, яко всяк преступаяй и не пребиваяй во учении Христове Бога не имать³⁸.

А сам Христос Сын Божий глаголет: Иже, несть со мною, на мя есть, и иже не собирает со мною, расточает. Сего ради глаголю вам: всяк грех и хула отпустится человеком, а яже, на Духа хула, не отпустится человеком. И иже аще речет слово на Сына Человеческого отпустится ему, а иже речет на Духа Святого, не отпустися ему ни в сем веце, ии в будущем³⁹. И от сего слова, чеснии отцы (и всякое христолюбное собрание), мозг мой и вси уди мои трепещут, яко хульником на Святого Духа не оставится грех ни в сем веце, ни в будущем. Непрощенным бо нечестием недугова волк Македоний, приразися Духу, обожающему человеки.

Сия вся малая от многих собрах аз, яко пес от крупиц господей своих, святых отцов, в свидетельство, паче же от самого Господа и учителя их Иисуса Христа, о Святом Дусе Господе истинном, и вам, отцом, ныне собравшимся повелением Самодержца. предлагаю на трапезу рассуждения: аще сие годе есть вам, приимите и раскушавши проглотите. Яко прежде веровахом, Господа ради, взыщите истинны. А аз убогий тако верую, яко исперва, и с тем к Судии всех гряду. Глаголет бо Святой истинный (ниже): Яко соблюл еси слово мое, и аз тя соблюду от часа искушения, хотящего приити на всю вселенную, искусити живущие на земли. Се гряду скоро: держи, еже имаши, да никтоже приимет венец твой⁴⁰. Его же даждь нам Господи всем но отпасти, ныне и присно и во веки веком, аминь.

Святопомазанному царю, государю и великому князю Алексию Михайловичу, всея Великия и Малые и Белые Росии самодержцу, биет челом последний богомолец твой, худейший диакон Феодор Иванов. Припадаю умиленно к стопам ногу твоею и слезами поливаю я, языком же вопию из глубины убогия души моея: послушай, самодержавне, христианская наша надежо, приклони милостивно царская своя ушеса ко убогого молению. He своя хощу глаголати, ни о своих, но о матери нашей святей церкви Христове и о яже в ней положенном духовном богатстве, реку святых непорочных книг (чего ради мы, убозии, и стражем), иже переправления не требуют. Церковь бо свою созда Христос и рек, яко врата адова не одолеют ей: како же, государь, глаголют ныне, яко исправлению подлежит и якобы поблудиша отцы наши в церковных догматех? И аще тако, по их лжи, то Христово слово ложно будет и врата адова одолеша церковь Христову? Ни убо, ни, государь, не блудит церковь Христова, в ней же Христос сам живет, но блудит еретическая, – сего-дни тако, а утре инаково творит, шатается сюду и сюду, то прибавит, то убавит догмат своих! Христова же, како прият своя догмата, тако и держит, незыблемо стоит: основана бо на камени своем Христе, а не на песце тицеславия. А яже мнятся исправляти, государь, искривляют паче, а не исправляют, и подкопывают и крадут церковное богатство. Рождшиися в матери своей и воспитавшиися, тии, преложшеся внезапу, враждебная ей устрояют, и чад церковных опечаляют. О сих послушай, христианское забрало, христолюбивый царю, и весь православия сонм, новых книг правды и правителей их мудрования. Первое: напечатали Служебники 6 выходов, а все меж собою не согласуют во многих местех, сначала и в концах. Зде же в краткости словес возвещу тебе, государю, несогласие пестроты их и противление непорочным книгам старопреведенным с греческих непорочных еще, а не с нынешних, кои меж собою разликуют, иже мощно сие всякому знать. В первых выходах не положено стиха сего, еже есть: благословен грядый во имя Господне, Бог Господь и явися нам, егда речет иерей: со страхом Божиим и верою приступите. Да и написали сами: нет-де того стиха в греческом, с коего перевели. А в древле переведенных. государь, тот стих есть во всех Служебниках, и в греческом том был тогда, с коего старые переведены, и в Киприановском переводе есть. Да в новых же в иных выходах опять положили тот стих: благословен грядый во имя Господне, Бог Господь; а сослалися в том на толкование литургии, собрание иерея Иоанна Нафанаила, что в Скрижале новопреводной же, – там-де указано петь: благословен грядый во имя Господне и прочая, и в словесех Златоустовых есть-де той стих, и конечно-де отставить нельзя и надобно тому быть. И посему, государь, знатно, яко Служебник той порочен, с коего нынешние перевели, и с толкованием греческим же несогласѳн.

Да что в Служебниках же, государь, новых⁴² прилог приложен: есть покланятися. Егда речет иерей: благодарим Господа: и людие ныне поют; достойно и праведно есть покланятися Отцу, Сыту и Святому Духу, Троице единосущней и нераздельней. А в том греческом же новоприсланном толковании того прилога нет (государь): есть покланятися и проч., но только: достойно и праведно. Егда речет Иерей: благодарим Господа, людие же зде отвещают: достойно п праведно. A то Никон патриарх от ума своего приложил. Зри же, государь-царь, яко ныне его новопреводные греческие Служебники с греческим же толкованием иерея Иоанна Нафанаила не согласны (и ина многая) и велика распря. Благословен грядый во имя Господне, Бог Господь и явися нам – не во всех новых Служебниках положили, что надобно; а что не надобно, – прилога: есть покланятися и прочая, то во всех выходах положено. Аз же, убогий богомолец твой, шлюся, государь, яко несть того прилога в старых Служебниках печатных и в письменных, в Златоустове службе, на кои и Никон ссылался будто, – нет ни в Алексеевском Служебнике святого митрополита и чудотворца, ни в Сергиевском святого чудотворца, ни в Киприановском, и в иных отнюд нет. Мнится ми, государь, Никон патриарх для прилики на сих святых ссылался, хотя свой разум составити и церковь тем разодрати, а приликою старые непорочные Служебники, похулив, откинути. To и сотворил. Вси. государь, сии святых Служебники oтнюдь с новыми не согласуют много, ни в чинех священнодейства, ни в речах словес; много со старыми согласнее печатными.

Дважды, государь, Служебники свидетельствованы старые: единою при прадеде твоем, царе, государе и великом князе Иоанне Васильевиче и Макарии митрополите, а второе при твоем уже царствии господарьском, при Иосифе патриарсе и всего священного собора, егда единогласное пение паки утвердися; а порока в них не обрели ни единого, за што откидать. Те же власти были. А ныне, государь, 6 выходов Служебников вышло при одном патриархе, а вси меж собою несогласны, якоже преж рех. И как, государь, о том всенародному множеству не смущатися и у тебя, праведного судии, милости как не просити? Взыщи, государь, истины. Бога ради истинного, да мир умножится церкви!

Да в новых же книгах Требниках во крещении указано мазать миром святым крещающихся младенцов и совершенных после рук и ноги. И та их дерзость противна же божественному святые церкви преданию. В старых Потребниках того не обретается, еже по ногам мазати святым миром; но в римских ересех то обретаегся, егда папа Лев Карула помазал миром от главы и до ногу. И о том списатель дивитца, пиша о том: не вем, рече, коим умыслом примесил законы жидовские, от главы даже и до ногу того помаза святым миром. И святым правилом зело сие противно мудрование новое. В Кормчей книге о сем: призывает убо папа Лев князя Карула и греческим законом венчает его на царство в Риме, но примесив законы жидовские, не вем которым умыслом от главы даже и до ногу миром сего помаза. Сице убо первый союз градовом раздрася: между материю и дщерию вниде меч, и проч. Вонми о сем, государь, куды нас влечет новых книг разум и к кому сочетавает преступлением страшные заповеди святых отец: хранящии бо священные каноны Владыки и Бога помощи сподобляются, сия же преступающии в конечное осуждение себе влагают, и прочая тамо⁴³. Там же в крещении: молимся тебе дух лукавый. Мал ли, государь, и сей соблазн положили церкви? На што, государь, лучше Требников святейшего патриарха, государя Филарета и исповедника? Всех еретиков тут ереси зело обличены, паче же римские богомерзские.

В новой же книге⁴⁴ написан не сугуб Христос, сице: умно услышим и не прелщаемся сугуба быти Христа. Тут же Апостола Павла оболгали. Так ли он святый написа: не прелщайтеся, ни блудницы ни хищницы царство Божие наследят? Едва ли наследят! Везде Христов Апостол написал: не наследят пияницы царства небесного и прочии грехолюбцы⁴⁵.

А инде написано: яко Христос воскресе, никто же да не верует. И где было в старых: (Христос) до мене бо прииде, мене ища заблуждшего; а ныне переправили: до мене бо идеши, мене ища заблуждшего. Инова ждут к себе Христа! И еще же, государь⁴⁶, оболгали Иоанна Богослова, будто едино соборное 1-е послание писал, а не все три ево, – те-де два послания писал ин некто старец Иоанн. О сем кому, государь, верит, – святым ли правилом, или нынешним книгам? Там все три послания Евангелиста Иоанна, а не инова старца, – он сам старец Богослов.

И иная бесчисленная злая поналагали в новых книгах слова, и яко пси лают на непорочную церковь Христову, яко бы поползеся, яко погубила догматы, яко не тако прият исперва. Тоя же и всецелая врата адова не одолеют во веки, по словеси Господню⁴⁷. И Пресвятую Богородицу нарекли детородительницу, а инде написали: детородительница⁴⁸; а в старых везде Богородительница, Богородица славится, а таких злых хульных слов нет ни во единой книге в Богородичнах. A инде: растленна умом, растленна душею и совестью и нага всяческих благ явлена Дево⁴⁹. А в старых не так, государь. Сложи речь с речью и стих с стихом: тогда истину увеси и лесть узнаешь; а мне не верь. Взыици, государь, истинны крови ради Христовой!

В новой же книге Ирмологе и прилог приложили ко Трисвятому [силу]: сила, святый Боже, святый крепкий. А и о святой аллилуии, государь, мощно правый разум знать, хотя бы и свидетелей святых не было. Идеже поем святая аллилуия трижды (как в посты вместо Бог Господь) тут уже слава тебе Боже не поем; а где дважды аллилуия глаголем, тут вместо третия: слава тебе Боже⁵⁰. A по нынешних мудрецов разуму, надобно им и в посты после третия аллилуия вчетвертые петь слава тебе Боже, как ныне поют меж псалмов, и после херувимския также, и инде, после да исполнятся уста моя. Прости, государь, молвит, – псковского Иева еретика то мудрование роспопы троеженца с раздиаком же.

Во сложении (государь) перстов во знамении крестном ссылаются ныне на деревенских мужиков земледелателей. Уже от света во тму идут: потому что свет божественного писания везде их обличает. Того ради тму полагают закров свой, за срам. Аще свет тма (Христос глаголет): коль паче тма. Реку же: духовнии власти и освященнии мнози переимают у поселян, – так-де слагают три перста земледелатели и знаменуются. Мощно ли, государь, таким их словам верить? Забыли писание, глаголющее: содержай орало когда умудрится. И другое писание глаголет: не уведаша, ниже разумеша, во тме ходят. И сам Спас глаголет: ходяй во тме не весть, камо идет. Како не срам им такие слова глаголати? да еще архиереем сущим, а на простых мужиков ссылатися! А ин глаголет: у меня так бабушка крестилась и меня учила! Другий же глаголет: у меня так дедушко! А ин: у меня так матушка! Воистинну от истинны слух отвращают и к баснем уклоняются. И мнози, мнози, видим (государь), поселяне, от неслышания слова Божия, живучи по селам своим, покланяются солнцу, где с ними не лучится образа, иконы Христовы и креста его, и лошадям покланяются, и нетокмо простии, но и наша братия, попы бедные и диаконы, тако творят, прелщающеся, неведуще писания божественного, ни силы в них. Добро есть богословии учитися от святого Евангелия, и Апостол и богоносных отец.

А трема, государь, персты, Троицею (без воплощения Христова и страстей его) крест знаменати хулно есть и нечестиво: в богострасник впадывают ересь. аще и не хотящим им⁵¹. A и греки, государь, недавно почали тако слагати персты, – лет всево с восмьдесятъ: тогда у них был оный Дамаскин иподиакон, противник, знать, церковный, – книгу написал, и от тое ево книги, слова о сложении трех перст, навыкли, а не от Апостол. Опроче тово иподиакона Дамаскина, ни на коего от святых (что у нас) не ссылаются. И Афонские горы старцы, как пожгли твое государевы книги, зависливым тьмими духом на онамо живушего преподобного старца Дамаскина Сербина, что он муж свят и от многих почитаем бе, и по нашим книгам чол и персты слагал и иных учил тако, – того ради греки хотели с книгами сожечи ево, – в то время Христос Бог удивил мидость свою на боящемся его: три (сказывают) человеки грек, начальники собору, пали на землю, издхоша во един час и окаменеша. Тогда вси, ту сущии, устрашишася и того Дамаскина священного отпустиша. Да и ево сербскую книгу, – 130 лет как писана, – сожгли же. Да егда посылан, государь, был во Грецию Арсеней Суханов, и сведал, что пожгли твое государевы книги, пришол к патриарху Паисии, стал жаловатся на святогорских старцов: за что-де они пожгли государя, православного царя нашего, книги? ересей-де в наших государевых книгах нет! сия-де было жечи книги (указал ту на столе у патриарха лежащу), в коей написано исхождениѳ Святого Духа и от Сына! И патриарх отвечал: худо дело сделали Афонские старцы! за што жечи православные книги? напрасно-де государь царь таким врагам и милоотыню дает! у нас де и еретические книги живут (что из Рима и из Парижа и из Венеции исходят, государь), – мы-де и тех не сожигаем, но что видим ересь, то замораем, a по них чтем. Пространнее, государь, писано в самой книге Арсения Суханова, кая правда..⁵². Да и той, государь, грек же, его же вывез из ссылки Никон, – тогда еще был Новогородский митрополит, – Арсения чернца, – той чернец ведомой еретик был, за то было и зоточен был по отписке вселенского патриарха. А Никону той еретик полюбился: вывезчи, да и к книгам присадил! Тамо, в Соловецком монастыре, свидетельствовал его отец духовной и судил ево быти отриновенна от церкви за ересь, и святых тайн лишил до смерти ево. Сказывают, что и жидом был и папе римскому приклякнул. Тот враг всю державу царствия твоего возмутил, и по книгам вышереченные плевелы насеял и иных томуже научил.

По всем, государь. книгам новым насеяли, во всяком стихе, тропарях и молитвах⁵³: Иисус, Иисус, Иисус, – приложили литеру (и). А другое надечатали везде: Отца Сына, Отца Сына, Отца Сына: благословим Отца, Сына и Святого Духа Господа; поем Отца Сына и Святого Духа Бога. Два лица сливают, отчее с сыновним, – по Савелию, Сына отчество славятъ. А ту литеру (и) вынявши измежду Отца и Сына, да ко Исусу прилагают с лестию, да человечество Сына Божия разделят во ин состав от божества Бога Слова. Поют: един свят, един Господь Иисус Христос, и проч. А толкуют, государь, намъ: того де ради мы приложили иже ко Иисусу: i образует божество, а и человечество. Так по тому их безбожному толкованию равны будут Исусу Христу Исус Навин, Исус Сирахов, понеже и тем ныне по лишной литере также приписаша: Иисус Навин и Сирахов Иисус же. Зри, государь, какое их мудрование! Шлюся в том на все и греческие иконы, и самого Евангелиста писмо: нигде отнюдь не обрящется чтобы подписано Иисус Христос; везде: Исус Христос, Исус Христос. В беседах, государь, Златоустого⁵⁴ тому Иисусу две литеры написаны, которова святии Апостоли не проповедовали; и в беседах везде – Исус Христос, а не Иисус.

В новых же Часословцах запев Богородиде: Пресвятая Богородице спаси нас; а после того в новых Шестодневах, с греческих же перевели, и там: Пресвятая Госпоже Богороднце спаси нас.

Блудят, государь, што кошки по кринкам, так нынешние переправщики по книгам, и яко мыши огрызуют божествонная писания. У свете тихиии конец отгрызли. Было: Сыне Божий живот даяй всему миру, егоже ради весь мир славит тя; a ныне: Сыне Божий живот даяй, темже мир тя славит. И в большой повечернице, что глаголются в великий пост после Верую стихи: Пресвятая Госпоже, Владычице Богородице, моли Бога о нас грешных, а ныне Божие имя выкусили, глаголют у всех стихов: моли о нас грешных, моли о нас; а не ведомо ково моли о нас. Тому же подобно глаголют, государь, ныне: Господи помилуй, Господи помилуй, Господи помилуй, благослови, – ни поп, ни Бог, – неведомо кто. И что молитва после 3-го часа: Владыко Боже, Отче Вседержителю. и проч., подписана великого Василия (и по 6-м часе и по 9 евожь): а ныне подписали святого Мардария будто Владыко Боже. И великого же Василия молитву: Нескверная, неблазная, написали на Павла монаха. А священномученика Анфиногена: Свете тихий написали на Софрония. А и в киевских, государь, Часословах и во острожских те молитвы творение онех святых, якоже и в старых наших; и всякой псалом малоросийских книг согласны с нашими, а с новыми зело не согласуют.

Да новые же Часовники (написано в них) будто превели и с сербских книг. И то ложь, государь, глаголют. Я сам сербскую книгу видел у священника сербина же Мардария, 145 лет как напечатана, по уставу Савы освященнаго: и в ней символ весь слово в слово с нашими: и в Духа Святого, Господа истинного и животворящего, иже от Отца исходящего.⁵⁵ Так же и во острожских слово в слово. Ей, ей! И иные-де книги в сербах есть и за пятьсот лет, как писаны, также в символе: и в Духа Святого, Господа исгинного, и проч.

А в греках, государь-царь, благочестия зело много повредилося от утеснения поганых и от еретического насилования: так стеснены, яко овцы посреде волков, – едва уже дышут. Также у них говорили по дважды и аллилуию, и сложение перст имели якоже мы; но недавно изменили, смущаеми от римских наук. Явленно, государь, от премудрого и преподобного Максима Грека: сей свидетель верен есть. Прислан по прошению прапрадеда твоего государева, великого князя Василия Иоанновича. Иска тогда (еще) вселенский патриарх у себя во Грецыи такова мужа, какова великий князь просил, преподобна и премудра, и не обрете; паки посла уже во Афонскую гору, и там в двадцати четырех монастырех едва двух толко обретоша, каких великий князь желание, паче же Бог хотяше: Даниила да Максима, и единого от двух, сего Максима, патриарх, умолив, посла, яко второго Златоуста. Той святый муж писал о сложении перстов и о аллилуии страшно велми: тако-де вам по трожды говорить аллилуия, то-де уже и все ереси римские пора вам приимать. И на конце слова прирек: блюдитеся от ересей папи римского. Сего ради мы боимся и не приемлем. И от сего знаменито, яко тогда и у четырех патриархов такова сложения перст не было и четвероличные аллилуии. Максим тогда на четырех патриархов же указывал. И когда Ефросин ходил преподобный, тако же было. Ей, после того изменили, государь. И не то едино, но и паче сих; крещения православного греки ныне не имеют, обливаются вси, а не в три погружения крещаются, еже начало спасению нашему. И то приимать-ли, государь, и от святых 7-ми вселенских соборов, паче же от самех Апостол, проклятым нам быти? Понеже сие крещение, еже обливатися, есть римское еретическое. Извесно, государь, о сем вем. И то греки изменили же (како глаголет апостольское 85-е правило), да и наши пастыри твердят уже римское крещение и с ними побратаются: не подобает, глаголют, крестити второе римлян. Оле, проклятый сатано! Что устрояеши, нам спящим? Откуда Христос нам востание даровал, оттуды же и сатана нам падение умыщляет, аще вознебрежем мы сами о себе. Мощно, крестоносный царю-государь, прочести историю, что о белом клобуке: что глаголали цареградскому патриарху Филофею первый христианский царь, и святый Селивестр папа римский и ангел Господень, не сбыся ли то? Вся царства, государц в конец стекошася, сиречь во твое богохранимое господарство; зде истинная православная христианская вера: не пошто нам искать! – заблудити будет. В Козмографии написано: весть под солнцем такого благочестия и веры правые, яко в московском государстве, a по иным всем с ересми смесишася и навыкоша дел их,

Взыщи, государь-царь, истинны своево ради спасения, да не прелстимся. He поверь, государь, одному Никону, патриарху бывшему: мучительски вся творил, – не смел никто с ним слова молвить, – яко лев восхищая и рыкая. И ныне кажется ученик быти Христов, ноги умывает водою: а иным те же ноги ломает дубиною, а иным кнутом кожю одирает. Христос Спас наш тако не творяше, емуже он будто подобится, лстя везде. Спас наш, смирения нам образ дая, сам бич был, а никово не бил, якоже ныне неции блядословят, облыгающе Творца твари, и написаша уже в книги своя, яко бил Христос. Да пастыри наши надеются на то слово, покрываючи страсти своя; нас бедных шелепами ломят и зубы хотят оковать, глаголют лживое слово то на Спаса: и Христос бил! Оле, долготерпению твоему, Господи! Слава Тебе! Ей, государь дар православный, аще бы не твоя христоподобная к нам кротость и отеческие щедроты, давно бы пастыри и кости наша измождили, возмущаючи твою царскую душу. И называют нас отпавшими церкви. Мы. государь, ни от чево не отпали; якоже прицепихомся своей маслине Христу и святей его соборной и апостольской церкви, тако присно ее и держимся и держатися будем. Сами же церковь Хриотову облыгают, якобы поблудила в церковных догматех, а положенным в церкви исперва догматом не последуют, но своя небывалая вносят, и нас силою приводят и хотят покорити мучением. He правда то. Како поколебатися церкви Христовой! Непреклонну и недвижиму тоя утверди. Христос своею кровию и глагола: се аз с вами есмь во вся дни до скончания века, аминь. Аще во вся дни Христос с нею: како поблудила? Слово Христово живо и действенно. Как, государь, прапрародители твои держали веру и отец твой, государь наш: тако и мы теже догматы хощем держати и спастися, а претворяти их не хощем. Веру бо превратища, аще что и мало ново творят. И паки: аще и худое что подвигнут, анафема да будут. А ныне, государь, не оставили во всех книгах ни единого словечка, еже бы не пременити, или и преложити. А все напрасно, ни единые вины обретше, ругагощеся непорочным книгам и народ рассевающе. Где церковь была, тут храм, а где храм, тут церковь; где отроцы, тут дети, а где дети, тут отроцы; где перворожденна из матери, тут первородящася материю; и где было: от негоже всяк живот вдыхается, якоже о Отце, купно же и о Слове, вместо того: от негоже всяко животно одушевляется, якоже во Отце, купно же и Слове. И чем сие оного лучше? Что во Отце оживляется и Слове? Мне мнится сие лукавство.

А о сложении, государь, перстов не токмо на сих святых шлюся – Мелетиа, и Феодорита, и Петра Дамаскина, и Максима Грека и Стоглав, но и на Феофана испопедника, и на Великого Евфимия, и Иоанна Дамаскина и Максима исповедника⁵⁶: кую оне веру исповедовали, ту и мы в сложении перстов изображаем. И на Петра чудотворца московского шлюсь, – ево руки есть писание. И аще сим святых свидетелством кто не поверит, или кто смеет осудити их, то и меня с ними. Готов есмь не токмо отлучение или клятву, но и смертнуго казнь сея ради истинны прияти, Христу моему укрепляющу мя.

А аллилуию, государь, укрепляют потрожды говорить, четвертое слава тебе Боже, и не тако глаголющих нас и отеческое предание хранящих мучат и заточают; а сами же положили в новых книгах во всех, во Псалтырях с воследованием, и во Ермолоях. и в Триодях и в Часословах: аллилуиа, аллилуиа, слава тебе Боже; а во втором выходе новых же Триодей написали, осмеляся, потрожды уже. И то, государь, не пестрота ли, и не на песце ли основание свое полагают, вертятся так и сяк? И святою церковью мятут, яко слепии, е правого пути совратшеся, заблуждают и блудят вне церкви Христовы без матери и без пастыря, то так положат, то инако преложат, за попущещением властей духовных. И мы таковых прелагатаев боимся и лукавому исправлению их не покоряемся. Видим, самое уже последнее время и конец века скоро, скоро приближается⁵⁷. А Божественное писание поведает нам, – последнее время не исправлению (веры) виновно быти глаголет, но отступлению от веры родително и ко антихристу присвоение. Вселенные проповедник (Евангелию Христову) Апостол Павел воструби сице: яко в последние дни настанут времена люта, – будут человецы таковы и таковы, исчитая глаголет, – и до сих пришед: продерзнии, возносливи, прелагатае, (ниже) сластолюбци паче, нежели боголюбцы, имуще образ благочестия, силы же его отвергшеся, и сих отвращайся. (Ниже Всегда учащеся, а николиже в разум истинний приитти могуще: якоже Анний и Замврий противистася Маисею, тако и сии противятся истиине, и прочая⁵⁸. И паки таяжде труба, Христова уста, глаголет, вопия сиде: Дух явственне глаголет, яко в последнее времена отступят нецыи от веры, внемлюще духовом лесным и учением бесовским⁵⁹, и прочая. И паки: будет бо время, егда здравого учения не послушают и по своих похотех изберут себе учителей, чешеми слухом, и от истины слух отвратят и к басням уклонятся⁶⁰. И паки тойже вопиет: блюдитеся, да не кто вас будет прелщая философиею и тщетною лестию, no преданию человеческому, по стихиам мира, a не по Христе⁶¹, и проч. И еще же трубит во вселенную сын Громов Иоанн Богослов, от начала благовестия своего, наказуя нас блюстися прихода антихристова, сице: дети, последняя година есть, и якоже слышасте, яко антихрист грядет, и ныне атнихристи Быша (сиречь предотечи его). От сего разумеем, яко последний час есть. Вонми, государь царь, когда сие слово провеща Христов Апостол. А Павел же Христов Апостол яснее написал, яко по отступлении веры антихрист приидет и яко сести ему в церкви, яко Богу, показуя себя яко Бога⁶². Оле, тайны сеа! Како сядет в церкви, егоже есть пришествие по действу сатанину? По 7-ми тысещах приход его будет, а преже прихода отступление веры⁶³. И аще по действу сатанину, то злоковарно и многообразно. И сама истина, Христос Спас наш, глагола многажды учеником своим: блюдитеся, да никтоже вас прелстит, мнози бо востанут лжехристи и лжепророци, и многих прелстят, аще возможно и избранные. И Христов Апостол глаголет: быша же и лживии пророцы в людех, якоже и в вас будут лживии учители, иже внесут ереси погибели, и искупльшего их владыки отметающиися, приводяще себе скору погибель (ничтоже ино скорая погибель, токмо антихрист) и мнози пойдут no следу их нечистот, имиже путь истинный похулится, и прочая. Аще и Быша уже, государь, таковии еретицы и отступницы преже: паче же на последок дней множитися будут⁶⁴. А во твоем государстве не бывало еретиков прежде, кои бы святые книги превращали и противные в них догматы вносили. И аще Быша кую ересь в старые книги вложиша, или противный кой догмат. то бы нам сказали, что ересь и кое слово противно божественному писанию. А что непорочные книги без вины переменять грех есть и соблазн людям, их же нецыи ныне, диаволом научени. называют росгригиными и Бориса Годунова: когда, государь, при ростриге издавали книги? А Борис царь не еретик же был и церкви Христове не ратник; аще поползнулся в ином чем, желая славы века сего, в том его Бог судит. А нынешные книги, что посылал покупать Никон патриарх во Грецию, с коих ныне зде преводят, словут греческие, а там печатают те книги под властью богоотступного папы римского в трех градех: в Риме, в Париже и в Винеции, греческим языком, но не по древнему благочестию, и те книги у них покупают греки, и за нужу, что в своей у них земле печати нет, – сказал о сем Максим Грек великому князю Василию; a их старые книги побравши теже отступницы римляне, и на свой язык переведчи, прижгли старые и с своего языка на их, как хотят, так выдадут. Того ради и зде нынешные с тех с старыми не согласны, государь, и велия смута. И старыя, государь, право исправлены и исправления не требуют от пияных философов, кои возносятся на разум Божий, – то не так, иное не етак, сказывают. Добро нам всякому житие свое править по законе Господни, да не книги. Закон бо Господень непорочен, – как стоял, так и стоит; и в старых книгах – ничто в них ни стропотно, ни развращенно, а новые. государь, нам страшны: в них все стропотно и развращенно. А что ни законоположил Никон кои догматы, не полезны суть церкви; но таковыми, государь, раздоры гнев Божий наводят на богоснабдимое твое царство, кои церковь Христову гонят. Златоустый глаголет: церковь истинная сия есть, яже гонения претерпевает, а не та, яже других изгоняет. Вопросим (рече) Апостола: кую церковь образовала Сарра, егда раба ю изгоняла?

Помилуй, государь-царь; не дай нас напрасно озлобити, сотвори праведный судъ! Всем нам явитисл подобсти пред судищем Христовым. Ей, ныне мнози праведнии мужи невинно стражут, оболгани злыми словесы от небратолюбцев, и во твое царские уши вкладывают на нас небыльные речи. Аще не собереши, государь, всех нас воедино (не о себе аз глаголю, ничто же бо есмь), кои стоят за старое и кои за новое, и обоих стран словес сам не услышиши: не познаеши, государь. истинны. Обыче бо лесть покрывати наготу свою пестротою глагол, егда несть ту солнца правды; егда же приидет свет правды, тогда прелести тма исчезает.

А о символе веры изволь, государь, у меня взять свиточек, на что мы ссылаемся и на чем утвержаемся, не своя смышляюще, – не буди⁶⁵.

Да взял у меня (государь) Рязанский архиепископ Иларион челобитну о великом Божии и твоем государеве деле, – хотел донести до тебя, государя: донесъ-ли? – не ведаю⁶⁶.

Умилосердися, государь, сотвори праведное о всех рассмотрение, яже суть висана. О сем паки ти колена приклоняю, и лицем землю покрываю, и слезами нозе твои мочу. Смилуйся, царь государь!

А Никон святого Мелетия оболгал, государь, напрасно, будто он, святый, тако сложа три персты и благословил люди. Аз тебе, государю. покажю истивное поминовение и рассуждение Мелетиевых слов, что в Прологу: зело изъяснен разум той некоим иноком богомудрым, и яко никтоже тако ин написа и протолкова, яко той муж блаженный⁶⁷. И Феодорита святоблаженного напрасно же оболгали лстивно и Максима премудрого. Егда будет праведный между нами судия, – или ты сам, христианская наша надеждо, или ин кто верный твой царев слуга в тебе место, аще мы пред твоим царским лицем недостойни стати: тогда они святии себе оправят и лесть прогонят от церкви далече, да паки чиста явится церковная нива от соблазн, якоже бысть в начале твоего царства и при отце твоем, государе нашем, и при деде, благочестивых же царех, и при них святейших патриарсех и митрополитех бывших. А что ныне, государь, прибрал к книгам Павел Крутицкой митрополит коих людей, свидетелствовати книги: и от тех иные тут воры есть и святотатцы, на них же подал некто инок извесную челобитну тебе, государю⁶⁸; а он покрывает таковых воров, а добрых людей гонит, иичево не видя. Бог ево судит! А о том, государь, что у Никона патриарха сльшал аз поносные слова на тебя, царя. – о том скажю, ково ты, государь, зная, пришлешь, или сам спросишь, и об иных тайных делех великих, их же достоит тебе, государю. ведать. По сем, падши к ногам твоим, милости полезные прошу у тебя, света нашего.

Тайну цареву добро eсть таити, а дела Божия проповедати преславно есть, глаголет святое писание⁷⁰. Открывая бо тайну цареву мучен будет, а скрываяй дела Божия со скрывшим талант осужденио приимет. Того ради и аз убояхся скрывати преславного дела Божия. Прославляюшего мя прославлю, глаголет Христос. Ныне бо⁷¹ сбысться пречистое слово его на новых Христовых исповедниках. Егда приведени Быша три новые страстотерпцы Христовы⁷² пред владыки греческие и русские⁷³, сташа⁷⁴ пред ними, темными властьми, священно-протопоп Аввакум, силный Христов воевода противу сатанина полка, священник⁷⁵ Лазарь, храбрый Божий слуга, и преподобный старец⁷⁶ Епифаний, воин небесного царя Христа, и по единому вопрошени Быша от их сонмища: отрицаетелися⁷⁷ старых книг и прежнего своего благочестия⁷⁸, и хощете ли служити поновому и креститися трема персты по новому исправлению⁷⁹? Они пред ними по единому отвещеваху единем гласом⁸⁰: мы вашему отстуилению, а не исправлению, не покоряемся и прежнего благочестия отступити не хощем, и старых книг и святых догматов не оставляем, но за них умрети хощем. И ина множайша предания о вере глаголаху⁸¹ и коварную их лесть обличиша, и сего ради лишаема бывают два – Лазарь священного чина, Епифаний же иноческого образа, третий же прежде их за год ободран такожде, и остризаются от них⁸² градскому суду предани Быша: двум от третьего осужденным (отлученным⁸³), Лазарю и Епифанию, повеле царь богословные⁸⁴ их языки отрезати. И егда священнику Лазарю язык отрезаша по самые вилки и другому такожде весь язык отрезаша: и во время страсти их является⁸⁵ священномученику Лазарю Божий пророк⁸⁶ Илия и глаголет ему⁸⁷: дерзай, священниче, и о истине свидетельствуй, небояся⁸⁸. И тогда он отъем⁸⁹ руку свою от уст, и кровь вылил⁹⁰ на землю, и начат глаголати к людем слово Божие и рукою благословляти народ. И с болотные площади их в то время по за городу⁹¹ отвезоша в село Братовшину, идеже и протопоп Аввакум привезен⁹². Старец же Епифаний ничтоже глагола отнюдь два дни. И взем⁹³ образ Пресвятой Богородицы с превечным на руку младенцем, и начать водою омывати, но яже⁹⁴ и слезами омываше⁹⁵ и воду ту пияше, и прошаше у Пречистой Владычицы⁹⁶ языка себе. И зрит абие протопопа Аввакума грядуща к себе присетити его⁹⁷ и от бывшие скорби утешити. И егда пришед протопоп и начат глаголати: Достойно есть, и как проглаголал: Честнейшую херувим, и Епифаниев язык яко отрасте в то время⁹⁸: дала бо ему Богородица⁹⁹ язык, яко и Дамаскиву руку. И с протопопом Аввакумом начат вкупе глаголати¹⁰⁰: без истления Бога Слова рождшую, сущую Богородицу тя величаем. И с того часа добре паки начат Еаифаний глаголати¹⁰¹.

Слышите, возлюбленная чада цѳрковная, преславное чудо и восхвалите Христа Бога, прославляюшего прославллющих Его, нечестивых же отступников¹⁰² дерзость посрамляюшего¹⁰³. О сих всех слава святой Троицы. Аминь¹⁰⁴.

Митрополиту живущу на Москве в Богоявленском монастыре, что за ветошным рядом. а дияконѵ прислану туто же под начал и заключену в полате святого Филиппа Митрополита, идеже он был заточен за разделение людей, диякону же за истину церковных догмат, понеже не приял нового еретического символа и четвероличные аллилуии¹⁰⁶, и сложение триех перст арменского мудрования, и новых Служебников. и не. стал по них служить за искажение. и что обличал новые блудни, новых книг несогласия с прежними печатными и писменными до Алексия злочестивого богоратника и мерзского богоневавистника, и богохульника и богоотступника, злее прежняго Иулиана, со злым тем сатаниным Никоном¹⁰⁷, и детьми их, и со слугами их.

Афанасий же, слышав о дияконе, что ту заключен¹⁰⁸ в темнице, и хотя его прельстити. по нашептанию неких отступников¹⁰⁹, на новизну уклонившихся и церковная старая предания презревших. И повеле митрополит. диякона Феодора взяти ис темницы стражем и привести в келию к себе. Он же, пришед, и обычное поклонение и молитву сотворив Спасу всех, и митрополиту поклонився и архимандриту, ту седящу, того монастыря. Герасиму, к немуже прислан диякон, поклонився со смирением и прочим старцем, ту стоящим, монастырским.

Митрополит вопроси диякона: Како. человече, живеши, како пребываеши и чего ради зде терипиши?

Ответ дияконов: Живу за Божиею милостию. и благодаря Бога моего терплю.

Митрополит вопроси: За что терпиши?

Отвеща диякон: За грехи своя.

Митрополит вопроси: Да Како живеши

Отвеща диякон: Якоже прочии человецы живут в вере Христове, тако и аз, раб его.

Митрополинт рече: Да не тако живеши, како прочии человецы живут.

Рече диякон: Да како аз не яко прочии человецы живут (живу)? – повеждь ми. отче.

Митрополит рече: Како ты крестишися рукою и персты слагаеши?

Диякон же, сложа¹¹⁰ персты руки своея три, палец со двема последними вкупе, два же, указательный и великосредний, совокувив и един пригнув, рече: Сиде аз слагаю персты и знаменую лице свое, крестяся.

Митрополит рече: По чьему преданию тако слагаеши персты руки своея?

Отвеща диякон: По преданию святые соборные апостольские церкви восточные.

Митрополит рече: У вас не тако.

Дикон вопроси его: Да како у вас, отче?

Митрополит, сложа¹¹¹ три персты, палец со указательным и великосредним, и доказал щепотку¹¹²: Тако у нас.

И вопроси его диякон: Откуду вы тако приняли?

Отвеща митрополит: От святых Апостол.

Диякон вопроси его: От коего Апостола именем, и есть ли у вас написано¹¹³ в книгах?

И митрополит не сказал имени Алостолу, от коего так приняли, но токмо рек: Мы так изначала приняли.

И рече диякон: Да аз, отче. баснем не иму веры¹¹⁴; глаголи ми от писания святого.

И рече митрополит: Тако у нас патриархи, и зде государь и патриарх ваш и власти вси крестятся по нашему ныне.

Диякон рече: Прежде сего у нас зде отнюдь такового мудрования не бывало, и во святых книгах не обретается, чтобы¹¹⁵ тремя персты креститися. Никон-враг ту смуту¹¹⁶ ввел, и царя-государя и властей всех страхом и клятвою прелстил.

Митрополит рече: Никон от нас взял тако.

Диякон рече: И у вас такового мудрования преже сего не бывало при прежних святейших патриархах православных, до иподиякона вашего Дамаскина, от негоже вы книги прелстистеся¹¹⁷.

И вопроси его митрополит: А вы на кого ссылаетеся? Веть¹¹⁸ вы от нас веру приняли.

Отвеща диякон: Приняли мы веру от Христа Бога и святых Апостол и седми вселенских соборов. от старых учителей наших греческие церкве, и тому уже седмое сто лет¹¹⁹. a нe от вас – нынешних грек, не правомудрствующих в вере и нас льстящих. Мы в православном сложении перстов во знамении крестном на четырсх ваших святых ссылаемся и тем веруем.

Вопроси его митрополит: На которых напиих святых ссылаетеся?

К нему же диякон рече: на Мелетия патриарха Антиохийского, и на Феодорита Блаженного, и на Петра Дамаскина и на премудрого Максима Грека, Афонския горы инока.

Митрополит рече: У нас так Иоанн Дамаскин написал, – трема персты креститися. и руку ему отсекли и Богородица исцелила.

Диякон рече: Иоанна Дамаскина о том писания отыюдь несть ни в коих книгах; то вам наишсал Дамаскин иподиякон и студит, а имени ему нет; а на святого Иоанна Дамаскина, ему же Богородица руку исцелила, ты лжеши.

Митрополит же посрамися ту и рек диякону: Да есть ли у вас в книгах писано, как ты слагаеши персты?

Диякон рече: Везде у нас тако писано, во всех книгах писмяных и печатных при прежних благочестивых царех и святейших пяти патриарх, свидетельством их.

Вопроси митрополит диякона: В коих книгах у вас есть?

Диякон рече: Во Псалтырех следованных, в больших Потребниках. – в чину о приходящих от ересей в нашу веру правую, и в Книге Кирила Иерусалимского, и в Книге о правой вере московския печати, и в Стоглаве, и во инех письмянных и печатных, и теми у нас книгами вся земля наполнена. Благодатию Божиею читал книг десятков сшесть.

Вопроси же его митрополит: Платона и Аристотеля читал ли?

Отвеща диякон: Которая полза такие книги честь?¹²⁰ He чту аз таковых книг.

Митрополит рече: А когда ты не читал, не знаеши ничего¹²¹.

Диякон рече: На что мне тые книги чести еллинских безбожных, поганых философов, которые в болваны веровали и о тщетной мудрости упражнялися, а спасения себе не искали!

Мирополит же вonpoси: А грамматику учил ли, или читал?

Диякон рече: Разумею отчасти; грамматика не вере учит, но как которое слово добре глаголати¹²² и праве писати. To мое о Христе учение: восточные святые церкви книги и правые догматы.

Вопроси митрополит: А богословию учил ли еси?

Отвеща диякон: Богословию Христа моего разумею отчасти. – потрудился, отче¹²³, – и сего ради добре во Христа верую и вем.

И рече митрополит: Покорися нашему собранию, дияконе. и будеши честь имети велию: государь тебе пожалует и святейшии патриархи пожалуют же, и паки во своем чину будеши¹²⁴.

Диякон рече: Покаряюся аз святой соборной апостольской восточной церкви и святым седми вселенским и девяти поместным собором. а нового учения не приемлю; аще бы и ангел благовестил ми что инако. анафема да будет.

Митрополит рече: А сложѳние трех перстов no нашему есть в старых многих книгах; аз ти покажу.

Диякон рече: He обрящеши ты в старых ни во единой книге о том, чтобы тремя персты креститися по вашему.

Митрополит рече: А когда ты не покоряешься, тоже тебе будет, что и товарищам твоим¹²⁵, – Аввакуму, и Лазарю и прочим.

И рече диякон: Воля Господня да будет! Якоже Христу годе, тако и сотворит. Лазарю и Епифанию паки дал Христос языки: силен бо есть и мне дати, аще отрежуг¹²⁶, якоже Максиму Исповеднику дал Христос язык по отрезании и Иоанну Дамаскину руку Богородица исцелила.

И по сем разыдошася кождо во свояси.

В другий же вечер паки повелеша привести диякона стражем¹²⁷ митрополит с архимандритом к себе в келию. И митрополит взял уже негде новую книгу Скрижаль, – а старее тоя¹²⁸ не нашел, что преже обещался диякону, – и велел диякону чести¹²⁹ в ней о сложении триех перстов.

Диякон отказал ему, рек: Аз знаю, отче, до тебя сиде, – помню изусть, что злое то мудрование и неправославно, но арменско есть. богострастное, и Евтиху и Диоскору согласует, отметающим вочеловечение Христово. и еднноволником мудрование сходно.

Митрополит рече: Да ино и архиереи наши вселенские неправославны же?

Отвеща диякон: Аа не ведаю о том; да аще о сложении перстов тако вси мудрствуют, то неправославни суть, и всем богословцем сопротивляются таковым мудрованием. Помнио, аз тебе сказал вчера, что у вас в греческой церкви того не бывало до иподиякона вашего Дамаскина. а о своем аз сложении перст четырех¹³⁰ святых греческих старых цриведох во свидетельство по нас; а тому вашему Дамаскину всего девятьдесять лет как был. От вегоже и вы ту прелесть приняли треперстную¹³¹; а у нас в Руси того не бывало.

И рече митрополит: Мы треми персты крестяся исповедуем Троицу, Отца и Сына и Св. Духа.

Диякон рече: Да теми персты, как вы, так крестистяся¹³², первое страсть прилагаете, якоже древнии еретицы и армени, второе же вочеловечение Сына Божия в двух перстах не проповедуете, якоже мы, и несть Христа сугуба естеством в вашем сложении трех перстов, и по всему вы подобитеся единоволником, Сергию и Пиру и Павлу, патриархом бывшим Царя-града, и Кирилу Александрийскому. низложеному на шестом соборе. и Макарию Антиохийскому. и Анорию папе Римскому, едину волю исповедаете во Христе в трех перстах своих, якоже и оны еретицы.

Митрополит же, ударив по бедре своей, рек,: У, пропал Христос, – несть его!

Противу же сего ого богоборства диякон укори его сице: Зле, отче, глаголеши! беснуешися! невежливо так слово рек о Христе! жидовско! Христос Сын Божий всегда пребывает, вчера и днесь, той же и во веки. по Апостолу.

Митрополит же вопроси диякона: А ты как в своем сложении мудрствуеши о Троице¹³³ и о воплоицении Христове?

Рече же ему диякон: Якоже церковь учит мя, тако и аз мудрствую. Слыши: три перста слагаю вкупе, палец со двема нижними, – исповедую Святую Троицу единосущную и неразделную преждо век; в двух же перстах, указателном и великосреднем. исповедую неотлучшася недр отеческих единого от Троицы, Сына Божия, на землю сошедшего и плоть нашу приимшего от Пречистое Девы. и бывша сугуба естеством, во едином составе познаваема Христа Бога.

Отвещав же, митгрополит: Аз во многих землях бывал, в турской и в латынокой, и у нас по Афонской горе, и в немецкой. а вси так крестятся, – показал сложа три перста свои.

Диякон же рече ему: He дело, отче честный, говоришь. У нас зде не турская вера и не латынская, но христианская православная сионския восточные церкве¹³⁴; а что немцы, или ины языки тако крестятся, и те давно уже от еретик прельщены. Что нам на них указовати? Добро нам писания божественного слушати, а не (к) баснем¹³⁵ уклонятися! Тех, кои давно отпали от веры, почто во свидетельство приводит? И вы с ними знать сообщаетеся и смешиваетеся ныне! Пожалуй, отче честный, забыл спросить, – кто тебе мене грешного истязовати повеле о сих догматех церковых? – скажи ми.

Митрополит же глагола ему: Велели мне тебе говорить святейшие патриархи наши о том, чтобы покорился в кресте и не спорил.

Отвещав же ему диякон: И так аз не противлюся кресту Христову, но и покланяюся ему и воскресение его славлю.

И то мне¹³⁶ солгал митрополит, что патриархи ему велели говорить; и сами они тут в монастыре на пиру были у него после того. а диякона не призывали к себе уговаривать.

И рече диякон к митрополиту: Отче, пожалуй-скажи ми: как имя прямое Дамаскину вашему иподиякону? Всем человеком, святым и не святым, имена есть, – и тебе имя знаю. Афанасий. и архимандриту имя Герасим; а ваш Дамаскин, чтб он без имени инок. кой вам написал треми персты креститися нечестиво? Три ему прозвания: от места, от града, – иподиакон. студит, дамаскин, – а имени ему правого нет у вас! Чтобы и вам не застынуть, замерзши от него учения непреподобного!

Отвеща митрополит: Есть имя ему, – потом скажу.

И велел принести книгу. И брат ему подал кнмгу писмонную в полдесть. по их греческому языку, и он долго искал. и всю книгу ту от начала и до последнего листа перебрал, а имени тому Дамаскияу не нашел. И стало ему стыдно. Рек: дияконе, опять поищу; а топерва¹³⁷ очи болят. Поиди. дияконе!

И велел его стражем взять. И тако конец совершися прению их.

Неключимый раб великого Бога и Спаса нашего Исуса Христа¹³⁹ диакон, Божий дар нареченный от святого крещения, Феодор¹⁴⁰, по милости Исус Христове брату верному о Господе и благодати тезоименитому Иоанну, присно-чаду¹⁴¹ восточные святые церкви, радоватися и здравствовати в вере православной¹⁴², юже на основании Исус Христове святии Ааостоли положиша в Сионе и богоноснии отцы седми вселенских соборов и девяти поместных утвердиша Святым Духом, и всем верным братиям благодать и мир от начальника веры¹⁴³ и совершителя Исуса. Стойте, возлюбленнии. и мужайтеся и утверждайтеся. и не поступни бывайте во отеческих преданиях¹⁴⁴. да с ними наследите вечное царство в горнем Иерусалиме. А еже писал еси, брате, (о нуждах и скорбех, належащих ко спасению). и молих отда своего святителя Христова, (Аввакума Протопопа)¹⁴⁵ и прочих с ним святых отец страдальцев, подвизающихся до смерти за церковь Христову, вкупе и о укреплении святых правил¹⁴⁶, и приписании руку к ним на подтвержение гонимой церкви от антихристова воинства, и то прошение твое о Христе исполнися.

А о горьких бедах, належащих на вас, не скорбите: вси бо хотящии благочестно жити о Христе Исусе гоними будут, лукавии же человецы и чародеи преуспевают на горшее. прельщающе и прельщаеми, глаголет Апостол Павел, сосуд Христов¹⁴⁷. И тако апостольское слово действенно есть и доныне; но горе миру от соблазн, да и нужда им быти. по словеси Христову, да познани будут благочестивии и нечестивии¹⁴⁸, вси, кои бодрствуют¹⁴⁹ во истинне Христове и стоят неподвижно в ней, и кои дремлют в прелести противного духа, и шатаются в той, и уклоняются в развращение, их же отведет Господь с творящими беззаконие. Мир же на вас, благочестивых христианех, новем Израили, будет во веки.

А еже вопрошаеми о попех, рукоположенных от прежних православных святителей, и соблазнивишхся от Никона богоотступного прелести и инако жертву приносящих, и познавшеся паки no древнему служити начаша· и таковии подлежат суду священных правил, понеже не сопротившася ни мало прелести, нововводным преданием. На то бо священник всяк рукополагается, яко законно страдати¹⁵⁰ хощет, по Златоусту; и добрый пастырь душу свою полагает за овцы, по Евангелию. И они, не ведуще, мню, своего священнического сана и достоинства, тако от простоты погрешиша, еще же и страха ради мучительских запрещений слицемериша вмале: и от таковых понужи мощно всякую святыню приимати, непорочного ради на них благословения первых наших святых пастырей¹⁵¹, – и крещение, и исповедание, и причащение и прочая. Кроме же нужи никакоже от них¹⁵²: понеже слюбодействоваша в догматех. А лучше, реици, тех ныне¹⁵³ и невозможно обрести правого священства. О, горе и увы! третие прииде на всю землю зло, иже под небесем¹⁵⁴. Но надеяйся на Христа истинного не оставлен будет¹⁵⁵ всяк правоверный. Да и старии ставленники, коснувшеся агнца неправедного, по священномученника Ипполита папы Римского¹⁵⁶, аще паки обратившеся¹⁵⁷ ко истинней службе, и с таковым намерением держати начаша священство, яко и умрети за старое благочестие, a не предати паки: то от таковых достоит благословение приимати и во всем сообщатися, помянувше Петра верховного Апостола¹⁵⁸, яко по отречении своем, плача горько. прият Христом бысть¹⁵⁹ и от апостольства не отлучен. И аще не с таковым обращением и старыи попы по падении своем служат, но мыслят двоедушно, егда понуждени будут от отступников к прелести новых догмат, второе и третие отступити хотят, паки вертящеся, яко прах ветром, в разуме своем и в неигрательных играти смышляюще: то от таковых, яко от Июды предателя, чуждатися православым, яко на время веруют, а во время напасти отпадают. Ибо Апостол Христов Петр по покаянии своем не отвержеся паки, но пострада и умре за Христа и веру его, и душу свою положи за Христово стадо. И лучше ни от когоже наставлятися. нежели от злого водиму быти, по Златоусту Иоанну, на послание ко евреом беседа 34. А которые попы от Никона отступника ставлены и от никониян после мору, паче же от 174 году, егда совершенно православие все отринуша древнего предания святых Апостол и богоносных отец, и оболгаша их лстивно и охулиша¹⁶⁰, нечестие же всякое прияша, и оправдаша и укрепиша, и новоразвращенные и богомерские книги со многими неисчетными ересми в них похвалиша, и всех еретик крещение римское и священство их гнусное прияша, ихже вси святии отцы наши проклинаша и от святые церкви отметаша, понеже Рим всех ересей приятелище, источник всякого нечестия латынское мудрование богомерское: и тем отступлением своим и с латыны сообщением чужи себе сотвориша архиерейства, по священным правилом святых Апостол и богоносных отец седьми вселенских соборов и девяти поместных, и поставляеми от них попы и диаконы не священи суть, по правилом, вси они отступницы сами¹⁶¹ и еретицы глупии, и поставлении от них кононному¹⁶² суду подлежат и анафеме, и православным христианом ныне не подобает их¹⁶³ благословения приимати, ни крещения, ни молитвы, и в церкви с ними не молитися, ниже в домех¹⁶⁴. То есть часть антихристова воинства¹⁶⁵, и от исполнения церковного самовластне¹⁶⁶ отсекшеся. Но и от всепагубного сына геены, пагубного сосуда сатанина, явльшегося во свое время настоящее, о нем же вам изреку, Никона еретика, адова. пса. злейши и лютейши паче всех древних еретик, иже Быша под небесем: они бо аще и зли суть. но на благочестие не возмогоша, но сами спяти Быша и падоша, сей же положи всю вселенную пусту и грады огнем неверия зажже, паче же богоборство воздвиже и гонение велие и благочестию кончание сотворил. Антихристово царство темное, и все их действо и вера в прелести содержима суть и укрепляема не любовию Святого Духа и не советом, но гордостию сатаниною и мучением различным. В том им судия истинный Христос Бог наш! А отступление их указует Дух Святый истинный во Апокалипсисе, 13 главе. по числу зверя 666, и Книги о вере 30 глава, и святый Ипполит папа Римский. о нем же выше речено. Той пишет в слове своем о страшном суде и о антихристе. за полторы тысящи лет и больше отселе Святым Духом провиде¹⁶⁷ о ныне наченшемся времени, и рече о пастырех злых, губящих дущи: в та времена будет злый вождь, то есть неправедное священство, – и ныне¹⁶⁸ збысться, – и агнец неправеден¹⁶⁹, Титин, то есть жертва неправая¹⁷⁰ в числе зверином: Титин, бо то же есть 666 в числе стоит. По сем и ини богословцы мнози глаголют, что в последняя времена Христовы веры не будет на земли, кроме в малых токмо останется, крыющихся в пустынях и горах. И сего ради Христос Сын Божий в последняя дни назад не оглядываяся бегати повеле от прелести, поминая жену лотову. И паки глаголет: егда приидет Сын Человеческий, обрящет ли веру свою на земли. И на сие богословцы глаголют, толкуя: не обрящет¹⁷¹. Паки рече Христос: егда узрите мерзость запустения, стоящу на месте, святе, и прочая, чтый да разумеет. Мерзость запустения – неправедное священство и прелесть антихристова на святом месте поставится, сиречь на алтари неправославная служба¹⁷², еже и видим ныне сбывшееся. Иного уже отступления нигде не будет: везде бо бысть; последнее¹⁷³ Русь зде. И то от часа сего на горшее происходити будет цари нечестивыми: то суть рози антихристовы, – ими сильно дело все отступническое¹⁷⁴, без тех жѳ не мощно. Два рога от земли исходяща в виде Богослов: един. от тех есть (?), вторый же по нем будет пособитель же злу¹⁷⁵.

А десять рогов инде прежде Быша по престатии греческого царства, о нихже пишет Иаков Жидовин в книге своей богословии. Всяк верный да внимает и испытает писание опасно, попросив от Вышнего помощи. А лжеучителие настояшего века сего кони сатанины, их же виде Иоанн Богослов. Главы у них лвовы, то есть рыкание их зверское являет¹⁷⁶, и обтичют бо сушу и море¹⁷⁷, ища верного поглотити в прелесть свою; и в хвостах их жало¹⁷⁸, то есть учение их смертоносное, – жало, егоже аще кто приимет прельщенный от них, то жив не будет во веки, умрет душею и телом; а хвост, то лесть знаменует их: прежде бо лстят и обманывают, а потом же мучат не приемлющих в хвостах их жала пагубного, сиречь прелести учения их смертоносного. Того ради судиша богоноснии отцы каноны своими правильными ничегоже от еретик не приимати, ни благословения, ни молитвы. Koro еретицы благословляют и молятся о ком, того; Христос Сын Божий со святыми своими проклинает, и отвращается гнусные молитвы их, и даров ненавидит от тех приносимых: жертвы, рече, нечестивых мерзость Господеви¹⁷⁹. А еретицы и отступницы аще кого проклинают и отлучают, то тех сам Христос благословляет, и обымает¹⁸⁰, и милует, и вси святий его похваляют такового¹⁸¹. Все Бог наш еретиком противо творит и святии его вси: о том пространно пишет святый Иосиф Волоцкой в книге своей Просветителе, в последних словах о еретической клятве, яко не последует им божий суд, – нетокмо отступнической клятве, но аще и православной святитель не по правилом кого свяжет, сам связан будет от Христа. Неправедное бо запрещение не вяжется у Бora. Праведен Господь Бог наш и несть неправды в нем; правду возлюби, правая виде лице его, по Пророку Давиду. И кроме бо отстулления своего блудят и беззаконнуют чрез правила святых Апостол и богоносных отец. Сами начальники и отступницы¹⁸² не дверию внидоша во двор овчий, но тако, яко татие суть и разбойницы. по словеси Христову, прескочиша ограду Священных правил, – попы бывше, в миру и растленно житие проходяще. Таковых святая правила отнюдь отсекают их не бьгги¹⁸³ епископом мирскому попу постригшемуся, ниже патрахили им прощают наложити, не токмо на архиерейство дерзати таковым. А они вси мирсти попы бывше, кроме малых; и каковы сами преступницы отеческих преданий и законов, таковых же и в причет поставляюще¹⁸⁴, не искусных писанию простяков, воров же и пияниц, и гнусное житие от юности проходящих многих, и детям не искусным вручающе страшное таинство, 9-ти лет и меньше в четцы и певцы поставляюще¹⁸⁵, и таковыми блуда¹⁸⁶ исполниша церковь, и во алтари би копают друг друга во афедрон, не смысляще¹⁸⁷ бесящеся. Оле, скаредия церковного и мерзости запустения на святом месте стоящия! Когда тако бысть у православных святителей? Во диаконы их¹⁸⁸ 15-ти лет поставляют, в попы 20-ти лет, овых и менши! Ä священная правила вся сия отмещут¹⁸⁹ беззакония и анафеме предают: вся, рече, кроме церковного предания содеянная и содеяти¹⁹⁰ хотящая. анафема 3-жды. И они¹⁹¹, слепые вожди, сами себя проклинают на всяк год в неделю православия, и то дело яко игру вменяют глухие аспиды! Чтец бо и певец менши 15-ти лет отнюдь не бывает по правилом, поддиакон 20-ти лет, диакон 25-ти лет поставляется, поп 30-ти лет рукополагается; а менши того возраста не поп по правилом святых отец. Сие бо им подобаше исправляти. а не догматы отеческия превращати. Да ослепи их сатана, и ум омрачил не познати благого в Церкви. Но паче беззакония к беззаконию прилагают, и праведным отеческим законом досаждают преступлением своим. Паче же Святому Духу хулу приносят, глаголавшу усты Давыдовы, святых своих утвержающему предания¹⁹². Всяко бо пророчество книжное по своему сказанию не бывает. Ни бо волею когда бысть (человеком) пророчество, но от Святого Духа просвещаеми глаголаша божии пророцы¹⁹³, по божественному Апостолу. Плача достоит о таковых продерзателей¹⁹⁴: яко сами бо не ведают, что творят, да и весь народ с собою погубляют прелагати онии злии. И не диво есть о них, что тако творят волю диаволю. Глаголет Иоанн Дамаскин, в слове своем на еретики, в 1-ю неделю поста: егда бо, рече, диавол хощет погубити человека, тогда первие ослепляет ему ум, да не познает благое. Тако и они, ослеплени суще¹⁹⁵ от древнего врага, и блудят без матери и без пастыря Христа, на всяко лето себе преправливают а в познание истинны ни когда же не приидут, но от часу в горшее приходят нечестие, верным же мучение прибавливати будут на всяк год, и месяц, и день и час: их бо годива прииде и область темная. Зде есть терпение¹⁹⁶ святых. Явные¹⁹⁷ от никоннян жиды проявляются новые, яко оный поп богоотступный¹⁹⁸ Сысой Нова-града, что сослан бысть в никонове разбойстве на Вологду, егда Петров посох приехав нощию в Москву и украде из церкви соборные Никон, а тот поп бысть в шишах¹⁹⁹ у татя церковного. И тут на Вологде пред множеством²⁰⁰ народа глагола хулные глаголы на Христа истинного Бога нашего²⁰¹, вором называя Творца небу и земли: по делу, рече, жиды Христа распяли за воровство его. Тако²⁰² блядословяше скверный он поп, поборник никонов, паче же самого сатаны сын, емуже псу бешеному нестерпеша тут християне, хотяще его камением побити. Он же, яко волк, убеже ко архиепископу²⁰³ на двор, к подобну себе врагу²⁰⁴, и той укры его у себя в дому. А ини врази Христовы, друзи антихристовы, и в книгах их прилагают, грешным²⁰⁵ безгрешного Сына Божия нарицающе, сице: якоже бо Христос за своя согрешения распят бысть, тако и мы за своя согрешения распинаемся. А в старых святых книгах истинно стоит та речь: якоже бо владыка Хриотос за наше согрешение распятся, тако и мы за своя согрешения распинаемся со страстьми. В какой же книге тако есть, умолчим зде до времени и пождем праведного судии. Во время се ни царя ни святителя. Един бысть православный царь на земли остался, да и того, не внимаюшего себе, западнии еретицы. яко облацы темнии, угасили христианское солнце. и свели во тму многие прелести и погрузили. да не возникнет на истинный свой первый свет правды. Увы. увы, бысть! И се, возлюбленнии, не явно ли антихристова прелесть (показует свою личину)? Да внимаем себе²⁰⁶. сиречь отвсюду себе озираем и с нечестивыми себе не смешаем, – путь бо нечестивых погибнет, – и развращенного их учения но послушаем, да не осудимся с ними вечно от Христа и святых его. – отступницы бо и еретицы едино²⁰⁷, – но бегаем от них и крыем главу свою Христа, да не разлучимся сн им во веки²⁰⁸. Ащебы они лукавии наставницы житие свое порочно имели, то не подобает²⁰⁹ нам того испытовати, по Златоусту Иоанну и прочим святым; аще же в вере прогрешат²¹⁰, то бегай от них и отрицайся: беседа ко евреом на послание 34-я. Приводит Златоуст Павлов глагол²¹¹: повинуйтеся наставником вашим и покаряйтеся. Что убо, рече, егда лукав будет, не повинуемся ли лукавому? Како глаголеши? Аще убо веры деля, то бегай его и отрицайся, не токмо аще человек будет, но аще и ангел с небеси сшед, и прочее. И паки Златоуст: Аще учение имать развращенно, аще и ангел будет, не повинуйтеся; аще же право учить, не житию внимай, но глаголом, и прочая. Ниже: И что глаголю1 Ниже Павлу повиноватися подобает, аще нечто свое глаголет, аще нечто человеческо²¹², но Апостолу, Христа имущему глаголюща в себе. Видите ли. братие, в колику высоту дело веры возведе крайний учитель вселенныя, божественный Златоуст! Зело в догматех церковных нам непоступным быти подобает и блюстися еретического развращенного учения. Той же к галатом глаголет: аще и мало что подвигнут, анафема да будут. Тако проклинает святый Здатоуст всех еретиков и отступников, прелагающих пределы вечные, яже они святии отцы положиша. А нынешнии отступницы не мало что в вере православной подвигнуша, но и вся догматы превратиша, и его священного Златоуста творение литоргии святые исказиша во многих местах, – ово отъяша. ово свое ухоботъя вмешаша тут, и вся книги развратиша и уставы церковные, инако и чины премениша. И таковым злохитрым лукавством своим отступническим все исполнение российские церкви возмутиша и всех православных христиан в сумнение великое вложиша гонение же и мучение на верных превелие воздвигоша, дабы ни един христианин явно был старого благочестия. И се знамение есть настатия антихристова: готовят бо ему путь предотечи его. Того ради всякую церковную истинну изметают вон, да но обличен будет и опален от истинны Христовы противвик Христов, но на готовое место сед, и учнет последнюю прелесть свою простирати и чудеса творити привидением, якоже глаголют богословцы о нем святии. И того ради ныне раздвоевие в людех, да познает пагубник, кто Божий, кто егов. кто ли держится преданного, и кто колеблется, да в тех слабых человецех и век сей любящих власть свою имать. Его же есть пришествие не просто. но по действу сатанину, сказует Апостол Павел. И может в погибающих, кои любви истинные не прияша, во еже спастися им, да суд приимут вcu не веровавте истинне, и проч. Сего ради Бог послеть им действо лсти. Тако же и попы на два чина рассеклися студные и мерски, как при Илии бысть вааловы жерцы. Что же студные тогда Быша? Кои жертву Богу приношаху по закону данному им и освящени Богу до ахавля отступления; егда же повеле Ахав жертву приносити Воалу вместо Бога, тогда они нечестивого веления послушавше²¹³ нарева и елужаху Воалу, яко Богу, и сего ради студные глаголются священвики по отступлении. И сему подобни суть попы старых архиереев ставленники, покинувше истинную службу отец своих и наченьше льстивую и развращенную приносити по новым Служебникам еретическую жертву. Мерския жѳ воаловы жерцы се естъ: кои в новой²¹⁴ службе поставлени суть, Воалу же, паче бесом служити. И сего ради сии мерекия глаголются, они же студные, овии же нечестиви суть. Всех вкупе их мерских и студных 708 едн Илия святый, обличив и ревности Божия ислолнився, закла ножем, аки²¹⁵ свиней. И новые ставленики ныне от новых отступников мерским оным подобны. к иной службе поставлени. И сии обои не прави суть: духовным ножем, святых отец ревностью отсекаются священства. Да по нужи от старых рукоположенцов мощно благословение приимати, обратившихся паки на истинну, яко выше рехом о сем, от православных поставлений. А от новых ставлеников, аще и по старому служат, отнюдь но подобает благословение приимати, по правилом, ни мало, ни велико: понеже от еретик поставлени не освящени суть, но осквернени от рук их. Помяни же²¹⁶ при Златоусте бывших христиан, причетников и простых: аще и не о вере у них бысть тогда вражда и раскол, но неправедного ради изгнания Златоустого, иоанновы ученицы, великого светила, отнюдь не восхотеша врагом иоанновым сообщатися и комкати от арсаковы и от тиковы части, аще и царевыми законами принуждаеми, но мнози от них того ради и до смерти пострадаша, и к соборам их не присташа, и за сие токмо с мученики причтошася. Добрые овцы за благого пастыря душу свою положиша, а он за них. Зрите же: аще за святого мужа христиане право пострадаша и венчашася светло; а нынешнии отступницы самого Сына Божия гонят и хулят, и святых его предания отмещут многая, и Пресвятую Матерь Христову, воистинну сущую Богородицу, бесчестят во многих местах новых книг, а не единого Златоуста. И како нам с таковыми врагами Божиими²¹⁷ сообщатися ныне? He буди то. А иже глаголют нецыи слабострастнии человецы от противных и верных безумные глаголы на апостольское вещание ко евреям, сие: по нужи и закону пременение бывает, и сим гласом²¹⁸ слабость свою и отступление подпирающе, и законы Христовы многие, и апостольские и отечсские превращающе, лстяще блудную свою мысль сим словом, но ведуще разума апостольского отнюдь, ни силы в нем. Сие рече Апостол, избранный сосуд Христов, о иудейском прешедшем священстве и законе их на время данном им до Христа Исуса. И начало речи тамо сие есгь: прелагаему священству, по нужи и закону пременение бывает, сице: понеже аароново священство ветхого завета преста, егда же Христос, архиерей грядущих благ, прииде и воплотися от Пресвятой Девы. и егда священство их преста, тогда и закон Моисеов пременил Христос на свой благодатный закон новой. Тамо бессловесная животная закалаху архиереи на жертву, овцы, и волы и птицы: зде же Христос сам изволи закалаем быти нашего ради спасения, словесный агнец, ветхое же упраздни священство и закон порочный. Той же Апостол глаголет к жидом тамо: аще бы первый закон непорочен бы был, не бы второму искалося место: тем же отъемлет псрвое, да второе поставит. И инде рече Павел: древняя мимоидоша, и се Быша вся новая. И Богослов Иоанн глаголет: закон Моисеом дан бысть, благодать же и истинна Исус Христом бысть. И се есть истинна апостольского разума: о закона ветхого пременении, а не о догматах веры Христовы то речено бысть, и не апостольских и отеческих преданиих. За то бо должно есть всякому христианину страдати и умирати, а не пременяти и не предавати. Слышите Апостола, о догматех правых како глаголет страшно: аще, рече. ангел инако благовестити вам будет, анафема естъ. He токмо человека проклинает, но и ангела. Сия слышавше, опасно разумеваем писание, что о чем глаголетъ. Неведение бо ересей²¹⁹ породило, неведение церкви испревратило²²⁰; неведение всех ересей злее, по Златоусту. Глаголет Исидор Пилусит о кривотолкующих писание по своему разуму, и не христиан их наричет, сице: яко виже во Християнах сим быти праведно бы было, иже тако на священная досаду поносящим писания, и в неигрательных играющим. и проч. Аще кто не верит моим словесом и отречение ему: растешет бо его Христос полма и часть его к неверным положитъ. Аминь.

Мир тебе, брате, и сущим всем с тобою, тако о Христе мудрствующим. Да помолитеся и о нас: писано бо есть: исповедайте друг другу согрешения и молитеся друг за друга, яко да исцелеете, сиречь здравы будете, ныне и присно и во веки веком, аминь.

Да простите, молю, – в бедности писано, скорым делом и без книг, – токмо что Христос подал. Где аще кое слово не так написано, не впротив книг: и вы собою исправите.

А богомудрого старца Спиридона преподобного слова писанные на еретики приемлите, как и прочих богословцев святых: Григория, Василия, и Дамаскина Иоанна и иных, – той же истинный Параклит глагола в нем. Отец Спиридоний и пророк бысть: что он глаголал²²¹ про собор отступничий, так и сбысться все. И на мне его пророчество сбысться, – не едино что, преставляяся, глаголал мне. Чуден муж бысть словом и делом, и в премудрости иного такового ныне несть.

У подлинной епистолии, покрай ее, и рука приложена преосвященного Аввакума протопопа: Сие Аввакум протопоп чел и сие разумел истинно, к тому и руку приписал. Сия до зде. Аминь.

Сие послание от отца священного диакона Феодора чернец Авраамий прочет, любезно целовав, и рукою своею подписал, яко хотящим спастися тако достоит веровати воистинну. О Спиридонии же сами разумевайте, прочитая его писания.

Вопросил мя еси, возлюбленне, о нынешней новоявленной прелести, наставшей по знаменанному числу лет вчиненных церкви святой чинов, утвержающейся в державе нашего Христианского царства, нареченного Богом третим Римом, и понудила есть святыня твоя мое недостоинство изрещи тебе от грубого ми сердца боголюбезной твоей дущи. И аз грешный, воспящен многими в себе помышлении, в велицем недоумении быв о сем: понеже вопрошение постиже мя выше силы моея. А наипаче удивительнее реку: како бо невещественная душа у вещелюбива человека благоразумию навыкнути хощет, и мудрозрительное око имея у помраченного тмою злострастия свет видети желает, и весьма несведяшего ничтоже благоразумие вопрошает! И не могох отложити любовь твою, понуждаем есмь желанием твоим, презря свое · всякое недостоинство и противление, дерзнух ти мало нечто воспомянути о предлежащей вине. Возлагая все свое недостоинство на пребогатые щедроты Зиждителя моего, елико он ми, Создатель мой, отверзет недостойная моя уста молитвами твоими вспомогающими, всячески должен изрещи. Да не зазри, молю, скудоумию моему и немованию. да исправиши благоразсудством своим, да покрыеши: понеже нехотяща мя любовь твоя понудила к сему дерзнутию о настоящей прелесги антихристова действа. Многообразна бо есть и всячески пестра, и колеблющая землю, и потрясающая вся основания церковная и потребляющая в души вся многоразличные боговидения, и нужда намм о сем глаголати и всегда подтверждатися. яко да познавше прелесть истину удоб соблюдем, и неведяще же ю погрешим в истине.

Антихрист бо он испадшая денница, зовомый диявол, темный и помраченный языческий бог, творец и зиждитель всякие злобы, всякому благу противник. Попущением святого Бога первое его ангельское сияние, еже име на небесех, дастся ему и первой его гордостный недуг попустится ему восприяти, богом ся наречет и возглаголет прегордая на Вышнего и святых Вышнего оскорбит, и смирит смиренных и вознесет гордые, и изблюет свою презлейшую мучительную горечь, яко да тем пречистый Владыка искусит весь мир, да явятся избраннии, и нечествующии да покажутся, рекше, да явятся овы в смерть, овы в живот, еже да сподобит нас Господь Бог избыти смерти и получити живот, неизреченных ради своих щедрот, молитвами Пречистые своея Матере, Преблагословенной Владычицы нашей Богородицы и Приснодевы Марии и всех святых. Аминь.

Настоящая бо сия вражия прелесть, паче же рещи вкупе и злоба, прелукавнейши обретается римского помрачения, или тмы, понеже глава его тогда еще в смертном заколении бяше, рекше духовным и оружием, от правоверных духовных отец отлучением верных, римское неистовство проклято. Ныне же, по исполнении имени его шестьсот шестидесяти шести лет, язва смерти его исцеле, сиречь во едину державу нечестия все три Рима совокупишася, по образу Августа кесаря. Первее по развязании своем диявол, изшед из бездны, Рим нечестием порази со всеми западными странами, и пошед до нашего царства на пути Литву отступлением плени. Таже, по исполнении имени его, и наше российское царство нечестием похити, и конечне воцарися всяким нечестием над всею вселенною, яко Август. И паки языческое богоненавидение яко терние процвете, паки по всей земле усадися мучительство не менее прежнего, якоже до Христова Рождества, наипаче, зельнее, – о сем чтый да разумеет. И седе окаянный не в капищном храме, но в Божией церкви, на месте святем, не идолом возглагола, но богомерзкими еретичествы и мвогообразными отступными иконами, некими трупы, мертвыми человеческими телесы, рекще нечестивыми людьми, к раззорению правды мучительством и богопротивством возглагола к своему нечестию покоряющих, и ими на поклонение себе приведе, непокоряющихся же смертию осуди избивати. И на севере угнездися, на возлюбленном своем месте, яже с небеси падшая денница, восходящая заутра. Рече бо треклятый себе во уме и взыде на святое церковное небо, и постави престол свой выше звезд небесных, святых церковных учителей, и седе на высокой горе, благочестием светящейся, в христианском на севере царстве, в российском государстве, и паки на горах высоких, в Божиих церквах, и на облацех небесных, на святой адостольской проповеди, подобном сравняя ся Вышнему. Егда еще беяшо на небеси, помысли поставити себе престол на севере. Того ради Творец наш Господь Бог. ведая его злоковарство, яко тщится человеческий род весь погубити в смерть, предвозвести во оберегание избранным своим своими пророки хотящая быти на кончину времен, яко от севера лукавство изыдет; и ко верным глаголет: и соблюдутся от злых, лжа от севера изыдет на вся живущие на земли, сиречь на вся мыслящая земная, и на небесех никоегоже блага помысла не имущая. И тако невидимый змий, проклятый диявол, входит во изобретенные своя сосуды. во двоицу окаянных человек, царя и патриарха, и бывает нечистая троица, юже виде Богослов в трех нечистых духах – змия, и зверя и лживого пророка. Ипполит же святый и прочие исповедницы Христовы истолковаша змия в диявола, зверя же в антихриста, сиречь царь лукавый. лживого же пророка духовного чина начальника. рекше патриарха. И тако бывает троица пробеззаконная. Пресвятой Троице противница. и со исходяицими из нее подобными себе треми же духи нечистыми, яко жабами, сиречь какову жабу, рекше хулу, змий, иже есть отец лжи. испустив на пренебесного истинного Отца света, такову же гадину злохудения отрыгну от всеядостного своего богомерзского сердца и зверь, антихрист, рекше сын беззаконный, на преблагословенного агнца Божия, Госдода нашего Иисуса Христа; подобне же и третий злобесный лжепророк, иже есть дух летечь, рекше патриарх, изблева от злого своего сокровища сердечного хулу на истинный и святый Дух. И тако в лепоту наречется совершенная троица пребеззаконная, пресвятей, истинней, пресовершенней, живоначальной Троице противница и святей вере раззорительница, еяже мрачнии поклонницы, окаяннии отстудницы, отторгают истинных поклонников от истинные святые живоначальные Троицы, ово многообразными томлении и мучительствы, овоже многообразными лщении и злохитрыми ухищрении, еретическими прелестми, иже сплетоша, яко некую сеть, своему нечестию богомерзкую славу, на увязание и пагубу себе и прочим, по реченному: в сети своей увязе грешник, и теми прославляют отца своего, прельстившего их, диявола, иже по изшествии из бездны глагола им живущим на земли и мыслящим земная, а на небеси ничтоже имущим, сотворити образ зверю, сиречь отступление и зверообразное мучительство. И каков образом вепрь польский лют бывает к растерзанию плотскому, таковым же образом сотворити повеле диявол своим другом, окаянным еретиком, зверя, антихриста, сугубо убивательна, душу и тело, – душу мечем нечестия отлучающа от Бога, тело же мечем разлучающа от сея тленные жизни. И тако образ зверя всяк помраченный тмою нечестия окаянний еретик носит в себе, зверину злобу из – блевает на кроткое христианское стадо, от божественные же руки и ограды овец приводяще к своему богомерскому уставу и нечестию. Нечестие же его удивительно реку за пестротное его и за лживое злохитрство, яко сплете нечестие с благочестием, клятву же с благословением, мучительство с щедротами, милость с немилосердием, кротость со зверством, безчиние с благочинием, здравое со вредящим, смертное с пребывающим, волка с агнцем, благословенное древо с проклятым, трисоставный с двучастным, церкви с костелом, папежники со священники, западные с восточными, ляхи с иподьяконы, поляки с причетники, мощи святых с еретическими трупами, иконы святые с богомерзкими образы, и, скращенне рещи, каяждо бо святыня нечестивая близ себе имеет и сквернение, по образу пестрого зверя – рыся. Разделити же лицемерие от лукавства не мощно, понеже пестрота зверина во существу его сраслену имать в себе крепость и сплетено нечестие с благочестием носитъ. Антихрист бо есть он диавол. ангел и бес, свет и тма, денница и прелестная звезда, лев и агнец, царь и мучитель, лжепророк и святитель, благ и гонитель, чиститель и сквернитель, пристанище и потопление, безбожным бог, христианом же враг, миролюбцем святитель, боголюбцем же мучитель, нечествующим прибежище, благочестивым же пужалище, велик злобою и высок гордостью, страшен мучительством, пестр видениет, осязанием же тма, сатана и человек, дух и плоть. И паки: змий и зверь и лжепророк, ихже виде Богослов. И в сих триех вся злоба нечестия состоится, и всякому бо хулению исполнение и всех злых совокупление. И вся си чины, и вся его держава и все его адово царство в сих содержится. И невозможно мне подробно исчести вся пестроты его: бесчисленны бо суть и паче песка, понеже собраны со всея вселенные соблазны и всех еретик скверны. И подобно кругам исходящим с дымом горким, нечестием, из гнезд своих, студенца. застужая вся благодеяния, из бездны нечестия, из глубины греховные, омерцающие умную светлость, да не зрят солнца праведного – Христа и агры небесные не смыслят. И лепо всячески о прелести сей со удивлением рещи: о, прелесте! понеже еси пестра, и кто может из руку твоею исторгнутися, иже в мирских вещех мятется и ум свой пригвожден имать? Воистину никтоже. He аз бо глаголю, но божественный Мелетий о ослепившихся прелестию римлянех и полякох, и глагола верным, – егда еще не вся исполнися земля нечестием, тогда сия глагола. Нынеже, по исполнепии языческого нечестия, наипаче лепо рещи: О, прелесте! понеже еси пестра: зрим церкви стояща, церковные же развращения всюду стояща. О, прелесте! понеже еси пестра: церковные стены созидаются, законы же ее раззоряются и злохульно укоряются. О, прелесте! понеже еси пестра: иконное поклонение почитается, образы же святые яко непотребны отметаются. О. прелесте! понеже еси пестра: причастие. тело и кровь Христову, исповедуют, тайнодейства же ее еретичеством оглаголуют. О, прелесте! понеже еси пестра: правоверием нарицается, благоверные же побиваются. О, прелесте! понеже еси пестра: еретики проклинаются, благоверные же яко враги осуждаются. О, прелесте! понеже еси пестра: праздники святые празднуют, начальников же праздников раскольниками называют. О, прелесте! понеже еси пестра: мученикам Христовым память творят, веру же их прелестию нарицают. О, прелесте! понеже еси пестра: Евангелие прочитается, благовестие же тмою нарицается. О, прелесте! понеже еси пестра: идольского поклонения гнушаются, развращенные же образы яко святые почитаются. О, прелесте! понеже еси пестра: церкви украшаются, иконы же святые яко непотребные из церкви износятся и в темные хранилища затворяются. О, прелесте! понеже еси пестра: крест Христов трисоставный именуют, a почитателей его яко еретиков погубляют. О, прелесте! понеже еси пестра: римское нечестие проклинаемо, странное же пропятие Христово на двух древах приемлемо. О, прелесте! Понеже еси пестра: треблаженное древо воспевается. крыж же латинский яко истинный почитается. О, прелесте! Понеже еси пестра: попы поставляются, священники же яко враги сожигаются. О, прелесте! Понеже еси пестра: во святую Троицу глаголют веровати, правоверным же повелевают, глаголюще: проклените свою древнюю ересь, во что вы веровали! О, прелесте! Понеже еси пестра: знамением крестным знаменуются. истинное же таинство, согбение перстов, армянским нарицают. О, прелесте! Понеже еси пестра: Духа Святого исповедуют быти, действа жо Святого Духа противного духа нарицают! О, прелесте! Понеже еси пестра: крещают в Троицу, богослоцев же Святые Троицы яко безбожных огню предают. О, прелесте! Понеже еси пестра: Христову воскресению глаголют праздновати, верующих же Христу и воскресению его ехидным порождением нарицают, окаяннии! О, прелесте! Понеже еси пестра: апостольское хождение исповедают, проповедь же апостольскую содержащих пагубоглаголивыми волками блядословят, злии! О, прелесте! Понеже еси пестра: на восток глаголют обращатися, покланяющихся же Востоку востоком – истинному Свету-Христу западными нарицают, злострастнии! О, прелесте! Понеже еси пестра: диявол проклинаетея, змий же яко честный почитается. О, прелесте! Понеже еси пестра: крест тричастный на месте поставляется: крыж же двочастный в причастии полагается. О, прелесте! Понеже еси пестра: в одежды святительские облачаются, святителям же яко враги являются. О, прелесте! Понеже еси пестра: царскою багряницею облачаются, христианом же яко мучители являются. О, прелесте! Понеже еси пестра: христианами нарицаются, христианские же законы держащих арменами нарицают и яко врагов изгоняют. О, прелесте! Понеже еси пестра: врагов гнушаются, скверные же поляки и богомерзские жиды, и с немцами нечестивые ярмяне и прочие безбожныѳ языки яко благодеи приемлются и честию велиею почитаются. О, прелесте! Понеже еси пестра: монастыри устрояются и монахи собираются, иноческое же жительство раззоряется и отвсюду иноки изгоняются. И сокращенно рещи: каяждо бо их злоба и присаду имать в себе векую злобу, да тем удобь привлечет враг нетрезвящиеся человеки и во всеконечную погибель, якоже и Господь рече: аще не трезвятся, и праведнии прелстятся. И в лепоту сия наречется прелесть и всячески соблазн. И конечне паиш рещи: окаянная прелестем прелесть, пестра пестроумным, яко за истину почитают ю безумнии. И кто миролюбный может от руку нечестия исторгнутися, и умом помраченный вещелюбием от уз твоих отрешитися и на горы разума Божия бежати не хотящъ? Воистину, никтоже. Видиши ли, возлюбленне, прелесть вражию? Зриши ли, боголюбче, злобу дияволю, како упестри различне и вооружил на церковь Божию, хотя погасити семя веры в верных? Ведяще бо сие, да никтоже приступит к побежденным осужденникам, окаянным отступникам, прияти некую святыню, – благословение, или освящение, или миропомазание, причастие, или брак, вязание или грехов разрешение, и прочую которуюждо святыню, понеже имать прияти и присажденное им злое нечестие и ересь, якоже и Господь рече: от нечистого кто очистится?

Бог мира и любве да будет с тобою и да сокрушит ногама твоима всякого врага и супостата, молитвами Богородицы и всех святых. Аминь.

Имя писавшего сие: от девятого числа на пятое, от пятого на семьдесятое, от семьдесятого на четвертое и паки на семдесятое, от семдесятого же на сотое²²³, во славу Божию, певаемую во веки. Аминь.

По церкви Христове юзник диякон Феодор благоверным братиям и сродником моим по плоти и о Господе. Благодать вам и мир от Пресвятыя, единосущные и нераздельные Троицы, единого триипостасного Бora; а от мене юзника благословеиие вам о Христе Исусе.

Приклоните ушеса во глаголы уст моих: побеседую вам о Господе отчасти во славу имени его святому. Поучает ны пророк Давыд: Исповедайтеся Господеви и призывайте имя его; возвестите во языцех дела его, воспойте и пойте ему, поведите вся чудеса его; хвалитеся во имя святое его. Да возвеселится сердце ищущих Господа. Взыщите Господа и утвердитеся; взыщите лица его выну, сиречь всегда. Понеже и сам Господь глаголет иным пророком: Аз мене любящие люблю, и взыскающии мене обрящут благодать. Никтоже бо взыскаяй Господа оставлен бысть. Добро, братие, преже всего взыскати Бога, и в пути его правые ходити, и по воли его святой жити и прославляти чудное имя его детелне и словесне в жизни сей. Сам Христос Сын Божий собою нам прописал образ жития сего.

Начат бо Исус творити же и учити: пишет святой Лука Евангелист. Такоже, по Христе, и вси святии его шествоваху доныне и ныне шествуют, любящий его вседушне, и душа своя полагающе по нем и по церкви его святой, имже и аз грешный потщахся отчасти последовати и не оставлен бысть (бых) от Христа Бога моего. но и о мне недостойнем прославил имя святое свое в малом страдании моем дарование(м) дву язык по отрезании и десницы моей, якоже благодати тезоименитому Дамаскину и Максиму Исповеднику, и иными множайшими своими божественными присещеньми, не по делом моим, но по своему благоволению и милости человеколюбной.

А о явлении соловецких чудовтворцев ведомо ти: писах аз к вам о том преже сего. И по том убо явлении святых тех отец, пред госпожиным постом, взыде· ми на сердце о их великой лавре молити Бога тридневным постом и бдением, – еже бы тря дни не ясти, ни пити, и но спати. – дабы Христос Вседержитель-свет избавил ю от мучителя того лукавого, якоже весть своими судбами. И попросих у него, Спаса своего, помощи и силы к такому труду, аще годе ему будет тое желание сердца моего и послет ми благодать свою свыше. И по сем прошении, на утреннем славословии, творящу ми поклоны за каноны, и абие нападе на мя сон необычен, и видех яко отверст покров темницы и с небес летящ над мя яко клуб некий светел зело и чист, яко хрусталь с солнцом смешен. И от сего разумех аз, яко помощи ми хощет Господь своею благодатию к тому делу. И егда наста пост Божия Матере, и аз касахся тому труду: и Христос поможе ми и Пресвятая Богородица то дело совершити. И в третий день посем бысть сумрак: аз же в оконце зрю, куря темницу свою. И абие слышах в той час стрелба с неба, – трижды стрелило, яко из великия самые пушки, над Соловецким монастырем: место то знаемо мне, и окно темницы моея к той стране сделано. А грому в той день не было и ветру, но тихо бесть зело. И аз помышлях всяко о том знамении: что хощет быти и что сотворит Спас Господь о обители своей? И не разумех в то время. И посем мину пять месяцев, и обитель взята бысть и разорена от врагов²²⁵, и седящии в ней мнози отцы и братия оружием избиени Быша и заклани, яко агньцы, овии же повешены за ребра, овии же во льду мразом заморожени, иные же инако казнены и замучены от царева воиньства. И сам в то время царь той мучитель от Спаса поражен бысть в смерть молитвами тех страстотерпец новых. Еще же и великих оных триех мучениц, благоверных жен, молитвами сокрушен бысть. И они, светы сострадалицы наши, в той же зиме затомлены горкою смертию от царя того жестосердого. И в то время Божиим действием некако авися ми Христова раба избранная, любезная моя мати и сестра о Господе, благоверная боляроня Феодосия, за пять дней до преставления своего (опосле сочтох аз о том), и рече ми помолитися о себе: нужно-де нам стало зело и горко (а того еще аз не ведах, еже они во иные те ямы глубокия посажены). И по ея прошению помолихся о них аз, дабы не попустил Христос выше меры искуситися им: разумех велику тягость некую наложену на них. И егда блаженная она мученица Феодосия, по смерти своей вскоре, предста у царева одра феодорова: и мне грешному показано о том в видении тогда. Потом же, егда прииде нам весть, яко Соловецкой монастырь взят бысть и разорен: и аз грешный вельми оскорбихся о том, и правило отверг того дни, и начах седя стужати Христу-свету, и от горести з досадою глаголати, яко вскую попусти последнюю обитель разорити и осквернити, – и бия рукама своима в перси и о постелю свою от зелные жалости: презрел мя еси, Господи, – глаголаше, – и не хощу уже впредь просити у тебе ни о чем, ни псалмов пети, токмо едино: создавый мя, помилуй мя, глаголати, буди воля твоя! A врежнее прошение и забыл в то время, еже просих полезного спасения о обители той святой. И еже тамо разделение междоусобное бысть, того аз и не ведах. И видя се, святый ангел мой хранитель смущен на мя зело окаянного, и начат плакати, ходя окрест темницы моея, и ко мне припадати сквозе стены умилно в день. И глас его слышу песнотворец некако, и тонок и светел, а лица его не видех: понеже бесплотен есть. И посем ужас нападе на мя от плача того. И зазрех аз себе в том, яко недобре пререкую Господеви, и падох на землю пред Богом, и начах каятися о том. И хранитель мой свет ангел умолче от сетования своего. И того лета прислано к нам в Пусто-озерье в сылку Соловецкого монастыря того десять человек трудников, и от них уразумехом, яко велико нестроение и крамола стала быть тамо междоусобная, и того ради предал Господь их в руки врагом, да овых венчал, а овых смирил и наказал. Того же монастыря чернец Феоктист некчо перекинулся к Мещерскому (sic) Ивану в полк, и указал тайное окно на стене, и ту пусти врагов обстоящих. И тако продал им святую ту обитель свой враг. И мерзость запустения ста ту на месте святом до времяни своего.

Да еще преже сего, после казни вскоре, молил Христа – света, да явит ми: будет ли никониянской прелести разрушение и конец потребления? И показано ми сице о том. На пустом месте стоит погреб зело велик, яко 15 сажен. и глубок, подобен аду; и полон бысть погреб адской меду сырцу, и роздан уже весь в мир той лестный мед, остался токмо един угол уже. И на нем стоит, яко на глине, сам Ннкон во единой свитке балахонной, и на главе его колпаченко худо, яко на кабацком ярышке, и своима рукама раздает мед той, – не в сосудех стоит ту, но тако лежит, яко глина. И посем с небес от Бога гнев послася велик на всех людей тех, кои приимали мед той от Никона, – начат падати свыше на них яко скалы черные со огнем, и вси людие возмутишася от того зело. И се конец тому видению. Рассуждай всяк сам. И потом паки еще просих у Спаса своего о том же, и показано сице еще: видех поле некое темно, и жаб исполнено бысть, и жабы те все изомроша и исхоша. яко листвие, и бегаю по них и топую ногама. И се конец тому. А что будет? – не вем.

И посем аз о клятвах сумневахся и сетовах некогда. В пост Филипов отпех заутреню рано, и повалихся на скамейку, и начах размышляти в себе, глаголя: что се, Господи, будет? тамо, иа Москве, клятвы вси власти налагают на мя за старую веру и на прочих верных, и зде у нас между собою стали клятвы и свои друзи мене проклинают за несогласие с ними в вере же, во многих догматех, болши и никониянских! И егда размышляющу ми о сих, всех, абие внезапу глас бысть, яко гром, во узилищи нашем, И яко войско велико аггелов, или святых прииде, – не видех лиц их, – и начаша согласно вси глаголати во едино слово, яко мнози ученицы у мастера, псаломское оно слово: оскверниша завет его, разделишася от гнева лица его. И многажды се слово возглашаху они, и престаша. И паки начаша второе слово возглашати посем псаломское же, сие оное: истинною твоею потреби их. К Богу вопияху на противящихся истинне божии. И сию речь многажды же глаголаху соборне. И посем ино не бысть ничтоже. И мне грешному дано гласы те слышати, а не сказано ничтоже, на ково ови те слова пояху, – на никониян ли, или на нас, или мене научаху внешних и внутренних противных врагов тою молитвою потребляти. И в недоумении бых великом о том. И своим клевретом сказах о том, – и они обругали то, и в смех поставили, и не умилилися нимало.

А распри со мною у них много было зело, и брани и клятвы друг з другом о многих догматех великих сих. Они убо, протопоп Аввакум и поп Лазарь, начали Троицу на трех престолех исповедовати, и трибожну, и трисущну глаголют; и в трех лицах потри состава глаголет Лазарь; а Христа четверта Бога глаголют быти и на четвертом престоле седяща, и самого существа божественного в нем не исповедуют, но силу и благодать от сыновни ипостаси излиявшуюся в девицу глаголют, а самое-де существо сыновне и Духа Святого с неба на землю никогда не сходит, но сила и благодать посылается. Дух Свят не сам же сходит(л) в пятдесятницу, глаголют. Местом убо они описуют Божество святые Троицы, поиудейски, плотским разумом. A во ад схождение Христово с плотию по востании от гроба исповедует Аввакум, и востание Христово от гроба не называет воскресением, но востанием токмо, а воскрес-де, как изо ада вышел. А Лазарь глаголет едину душу Христову бывшу во аде с силою Божества и бес плоти, до востания от гроба, и востание Христово от гроба называет воскресением, – Лазарь и Аввакуму протиивится в том. И о преложении святых даров оба они мудрствуют – сначала проскомидии совершенно тело Христово и кровь. И основание церкви на Петре Апостоле глаголют, а не на Христе самом. Аз же диякон Феодор всего их сего мудрования не приемлю, но отметаю и обличаю, и прение творю с ними за та вся вышереченная зде. Сам же аз исповедую Святую Троицу единопрестолну, и единосущну, и неразделну, три лица во едином Божестве и едино Божество в трех ипостасех совокупленно, един трисиянен образ, друг в друзе вмещение имут кроме всякого размешения и слияния, no богословову григориеву словеси, и не прелагается друг в друга, но кождо свое собство и свойство имать, Отец и Сын и Дух Святый. И един от Троицы, Сын Божий. сам сошел с небес на землю самым существом неописанным, и весь невместимый вместися во чрево Пресвятой Девы Марии, всего человека восприим на ся, и родися от нея сугуб Христос, весь Бог и весь человек, и со Отцем на небеси весь пребысть неотлучно, в то время и всегда. А на кресте страда плотию, и умре, и со креста сниде во ад с раздельшеюся душею смертию от телеси сам Бог-Слово своим лицем, бес плоти; а с плотию положися во гробе бездушен сам же Бог-Слово: и от души его пречистые во аде, и от плоти во гробе неотлучно бысть божественное его существо всесильное отнюдъ. А еже. воста и воскресе Христос от гроба – един то глагол. И по востании, (после) воскресения своего от мертвых, не ходил уже Христос во ад, но всеродна Адама купно (и) вся воскреси с собою, по писанию. Сице аз исповедаю о той тайне. Якоже сниде Сын Божий с небос наг на землю, не истощи тройческого числа: и по воскресении взыде со восприятием человечества, не пре(и)ложи тройческому числу, но присно Троица Троицею пребывает; и по воплощении Христос Сын Божий в Троице славится от всея твари, а не в четверице, – никакоже: понеже един есть Сын, единосущный Отцу, и Дух Святый, и в неописанных недрех отчих выну седит, со Oтцом и Духом купно, а не на четвертом престоле. И Дух Святый в пятдесятницу на Апостолы сам же сниде существенне, якоже и Сын, и дары им раздаде духовные, а не существом в них вселися, но благодатию. И местом Божества не описую аз, но везде Бога быти существом исповедую невидимо и непостижимо. A о преложении святых даров, Христовыми словеси верую быти и исповедую, имиже и на тайней вечери преложи учеником хлеб в тело свое, и вино в кровь свою; а до того времени прост хлеб и вино пребывает в приносе. А основание церкви на Христе самом исповедую аз, а не на Петре Апостоле. И о иных догматех и церковных вещех многих бысть и есть пря у меня с ними, отцы.

И от оных громных гласов пения в размышлении бых велице и страсе, дабы не пала на мя с кою страну клятва праведная от властей новых всех и от своих другов союзников: понеже на обе страны борба велия стала у меня с ними, а место неволное, и книг многих и людей добрых и писанию искусных взять негде, и побеседовать не с кем, а лаяние вражие отвсюду летитъ. И потом, егда прииде пост великий, и аз грешный на конец его молих Бога моего три седмицы с горкими слезами, и воздыханием и рыданием, да явит ми Господь Серддеведец, несть ли моего коего блужения в вере в спорных оных статьях, и не подлежю ли аз клятве святых отец, и не буду ли осужден от них. И егда скончася пост, и плач преста, и воссия свет радости воскресевия Христова: и в самый понедельник светлые недели, во вечерни, скончавшу ми обычное правило, и возлег на постелю, хотя спати. И мало токмо задремах: и абие свыше яко некая чаша воды излияся на мя. Аз же дрогнух и воспрянух, и сон отскочи от мене. И абие в той час начат некто у оконца темничного молитву творить тихим голосом, рече сице: Господи Исусе Христе Сыне Божий, помилуй нас! Аз же отвещах: аминь. и обратихся ко оконцу, видети хотя, кто есть. И видех – яко молниин зрак блистается светел некто, и рече ми: се благословен еси! И паки рече ми недостойному: мир ти, святче Божий! И посем невидим бысть. А иного не рече ничесо, и имени своего не сказа, кто есть, – ангел Божий прислан бысть, или святый угодник Божий, утешити мя бедного в скорби и печали моей, no прошению моему, и сказати ми, яко аз юзник за истинную веру благословен есм от Бога и от святых его, а не проклят. И посем зело сердце мое исиолнися радости, и возрадовася дух мой о Бозе Спасе моем, яко не презре Господь убогого моления моего. И ныне со дерзновением глаголю аз со Апостолом: аще Бог оправдаяй, кто осуждаяй? и: Бог по нас, кто на ны? Тем же и проповедь моя о Христе Исусе истинна суть, и святым отцем, церковным учителем, не противна ни в чесомже. А никониянская клятва беззаконна есть и бесовска, такоже и друга моего Аввакума протопопа неправедна есть и страстна. Христос ему в том судия, еже напрасно мя оболга и оклевета многим верным братиям, и соблазнил их своим новым мудрованием, егоже оным братиям посла отселе, гневаяся на мя. И они, бедные, не разжевавше, да и глотают уже и хвалят его мудрование то, и богословно и свято называют. А ко мне глаголют тако, отрицающеся во Христе-Свете самого существа Божия: не буди-де нам, Феодор Иванович, и помыслити потвоему, еже самое существо во Христе веровати, или бес плоти Христу до воскресения во ад сходити с душею единою, или Святому Духу самому существом снити на Апостолы тогда в пятдесятницу! Да и толкует некто слепой бедной буеслов (не сказал мне Аввакум имени его): Бог-де Дух не посылается с неба никуды, но благодать и сила от Духа посылается. Да Максима Грека слова тут приводит, не смысля и не зная в них сущего разума. А он Аввакум и в правду то ставит и во оправдание себе.

И ты, чадо мое животное Максиме, аще знаеши тех мнящихся быти учителей и поставников (наставников?)²²⁶ погибели и во тме неведения пиатающихся, вели им прочести трезвым умом и с чистою совестью четыре Христова Евангелия. изряднее же Сына Громова богословие, и прочих святых Аиостол проповедь вселенную, и святых седми соборов и девяти поместных деяния и правила их проити, ксимже святые учителные слова прочести с разумом и со известным испытанием, да ктомуже и вся службы на господские двунадесятые праздники просмотрити, стихеры и славники, и ирмосы и каноны, богомудрых творцов гранесия, да научатся от тех всех и громогласно с ними же всеми святыми согласно исповедят в Троице единого Бога, а не три и не четыре, и един образ трисиянен, а не три образы трисиянны, и един Бог трисоставен, а не три трисоставны Боги, и несть девяти лиц во Святей Троице, но три токмо: Отец, и Сын и Слово,²²⁷ и Дух Святый-Параклит, и в трех сих лицех безначалные Святые Троицы едино существо и естество, а три существа глаголати нечестно есть и богомерско²²⁸, единосущна бо есть Святая Троица, а не трисущна, и не трипрестолна, а не токмо четырепрестолна, но единопрестолна есть, и сопрестолна: един престол небо имать, – идеже бо Отец, ту и Сын и Слово, ту и Дух Свят, a не растоящо трисветлое Божество никакоже²²⁹, и местными престолы не описуется, и во едином месте небеси нѳ затворяется, не заключается. He обымается местом Бог, необымен бо есть и невместим всей твари, но везде сый Отец, везде сый Сын, везде сый и Дух Святый невидимо и непостижимо всякому созданному уму. По составу же свойства своего и неотлучного собьства, и коеждо лице Святой Троицы глаголется и есть Бог и Госдодь, и Царь, и Создатель, и Вседержитель, и образ, и зрак неописанный. Сын же Слово и Дух Святый от Бога Отца посылается присно, идеже благоволи Отец, и Сын от Духа посылается, и Дух Свят Сыном посылается от Отца всегда и везде, един Отец не посылается ни от Сына. ни от Духа Святого нигдеже: понеже начало и конец и источник – Сыну рождением, а Духу Святому исхождением. И тако есть Сын Слово во Отце и Дух Святый яко свет и луча в солнцы, и яко заря во свете, по святых писанию, – в такой близости, тако совокупно, тако соединьшеся друг другу, и друг в друзе вмещение имут неслиятелне и непреступне. И не прелагается Отец в Сына. ни Сын в Отца, ни Дух Святый в Сына и Отца не пременяется и Сыном не называется и Отцем, такоже бо и Сын Отцем, и Отец Сыном не нарицается, но Отец убо (Отец), Сын же Сын, Дух же Дух Свят. А четвертого лица и Бога весть во Святей Троице, ни по вочеловечении Христове, паче же до воплощения его; но Троица Святая присно есть Троица, – и до воплощения Сына Божия Троица бе преже век, и по воплощении его Троица есть непреложна, Бог наш трисоставный единый. И во Христе убо Сыне Божии, Гослоде нашем и Создателе, самое то есть существо и Божество тоже, еже и во Отце его безначалном и во Святем Дусе его сопрестольнем: понеже не ин бо кто, но сам той единородный Сын Слово Божие, един сый от Святой Троица, воплотися нашего ради спасения, той сам превечный Сын и Бог собою прииде с небес на землю нагою своею ипостасию и вселися во чрево Пресвятой Девы Марии, весь невместимый, и в плоть оболкся одушевленну в ней без семени; и еже бо бе пребысть, и еже не бе приятъ; и рождься от нея неизреченно сугуб. сиречь совершен Богь, совершен человек; и воплотися бо, а от Отца на небеси не отлучися, но горе и доле весь бе. О сошествии же Божии сице научает писание: не тако бо сходит с небес. на землю посылается, Сын Божий, или Дух Свят, якоже ангел. Ангел бо местом описуется, сиречь егда посылается на землю, тогда уже на. небеси несть его, и паки егда взыдет от земли на небо, на земли уже тогда не обретается: Бог же, аще и сходит, но местом не описуется, сиречь с места на место не преходит, но везде весь бывает, идеже хощет; якоже луча от солнца сходит на землю, не отсекается от солнца, тако и Сын Слово сниде не отлучься Отца, такожде и Дух Святый сходит неотлучно, понеже бо равносилен ееть Отцу и Сыну и единосущен. И сего ради писание оно глагоиет о Сыне Божии-Слове, Исусе Христе: весь бе в нижных и вышних никакоже отступл, неописанное Слово: схождение бо божественное не местно бысть прехождение. И инде: отча, недра не оставль сошед на землю, Христе Боже. Инде же: Слово воплощается, а от Отца не отлучается. И прочая таковая бесчисленная писания есть во всех книгах, паче же в канонах октайных, и в минеях мученичных, по вся дни²³⁰ чтомых в церкви, во многих богородичных стихах, и во ирмосах 9-й песни поется. яко Пресвятая Богородица Мария самого Творца и Создателя всея твари роди, сущего Бога Слова, единого от Святой Троицы, и невместимого вмести, и неприступный огнь Божества приемши во чрево свое, и чрево ее пространнее небес и земли содела Христос, и ложесна ее престол сотвори полату себе (занеже небеса и земля не вмещают божественного существа Сына Божия за безмерное величество его, а в малом чреве ее изволи Бог-Слово вселитися весь сам, а не малою частию, но весь во святем чреве ее богоматернем обита). и всю тварь содержашего на руках своих поноси она, Богомати, и млеком питала есть манием питающего вселенную всю, и безлетного младенца пеленами пови, повиваюшего море мглою. И сия вся (и) иная многая словеса подобная сим глаголются во святых книгах о Христе Бозе и о Богородице похвальная, самого ради в нем существа Божия, самые ради ипостаси невидимые в плоти его, Слова Божия, Исус Христа, и яко Пречистая Дева Богородица самую ипостась Сына Божия роди, облеченна в плоть от нея, a не слияние (sic) некое от сыновни тоя ипостаси, по оных братии зломудрию новому и нашего протопопа Аввакума, такоже и не благодать, или славу некую от Божества, но самого Бога Слова лице роди во двою естеству, сиречь Бога и человека. Се есть истинна о вочеловечении Христа Бога моего. Да ксему прочти слово святого Ефрема Сирина, иже в книге его, на Преображение Христово, – и в Прологу положено оно на праздник той, – и узнают, яко самое есть существо и Божество во Христе Исусе, Господе нашем, и спасутся от прелести. А о сошествии в ад, о воскресении Христове много научает Евангелие Христово, и Петр Апостол в Деянии, паче же святый Дамаскин Иоанн во Октаи, во всех осми гласах, по вся воскресные дни, в стихерах и канонех, яко во аде бысть Христос до воскресения своего с душею единою три дни и три нощи, по словеси своему, якоже Иона в ките, и во гробе с плотию толико же лежа, погребен бе; а не после востания от гроба сходил с плотию, – никакоже. О том же и Триодь Цветная много научает зело в стихерах и канонех многих, изряднее же в субботу великую на утрени, в припевках надгробного пения на Блажеин непорочни, и в каноне и синоксаре том нарочном в субботу великую ясно сказует, яко с разделшеюся душею смертию от телесе сходи Слово Божие во ад. И что ино явнее сего писания о той тайне? Вси вемы, яко до востания Христова от гроба разделена бе душа Христова от тела его пречистого, и в воскресении уже паки совокупися. И еже бо воста, или воскресе от гроба Христос. един се глагол есть, а на двое глаголется в книгах. Едино бо воскресение Христово, а не два. И мнози святии пишут в словах своих на страстной неделе о том, – Евсевии Самосадский (sic), и Златоуст, и Григорий Селунскии, и Епифаний Кипрский, яко со креста Христос сниде во ад с душею единою и разори адово царство до востания, и с собою вся воскреси купно, а не после. А протопоп Аввакум востания Христова от гроба не называет воскресением, но востанием токмо, a воскрес, глаголет, как изо ада вышел, а до востания душа его в руках Отчих бысть на небеси: тамо, глаголет, ходила к Богу Отцу, и кровь Христову гостинца носила и на жидов била челом, еже они Христа убили напрасно. И се его, господина Аввакума, толкование свидетельствуйте, – согласно ли со святыми отцы. Зде он тако толкует, пряся с нами, Аввакум; такоже ли пиша глаголет? – невемы²³¹. Аз же сего не приемлю. A no воскресении своем вознесся Христос Сын Божий на небеса и седе одесную Отца, а не во Отца. To по страсти гневной лжет на мя Аввакум, будто аз тако исповедую, еже возшед Христос на небо и седе во Отце. He с ним у мене и слово бысть о том, но с попом Лазарем. Помышлял он, Лазарь, и глаголал со мною плотским смыслом, – чаял по вочеловечении седение Христово одесную Отца, на иконах пишется, по человекообразию Отчее лице, Христово же по бытии, а Дух Святый голубиным образом посреде их, а не ошуюю Отца, ни Сына. А он, Лазарь поп, часто пряся со мною, вопит, глаголя: Троица рядком седит, – Сын одесную, а Дух Святый ошуюю Отца на небеси на разных престолах, – яко царь з детми седит Бог Отец, – а Христос на четвертом престоле особном седит пред Отцем небесным! И Аввакум от него приял той злый толк, еже четверити Троицу трисвятую. Аз же многажды ему, клеврету своему Лазарю, возбранял о том плотском мудровании его, яко нечестиво есть тако мудрствовати о Святей Троице, и на иконах бо три лица пишутся, а не четыре, – и пишется плоть, а не Божество, Божество же местом и качеством не описуется нигдеже. И Бог Отец и Дух Святый плоти не имут никакие, но един Сын имать. И вемы о нем, Сыне Божии, Исусе Христе, и веруем, яко есть одесную Отца седит, по писанию, по приятии плоти; а како седит? никтожѳ весть, – не по-человечески бо, никакоже, – и сами ангельстии чинове не могут разумети и сказати о том непостижимом тайньстве. Понеже бо и сниде на землю единородный Сын Божий, един сый от Святые Троицы, не истощи тройческого числа, и паки взыти со восприятием, не пре(и)ложи к тройческому числу четвертого, но таяжде Сыновня ипостась и со восириятием в тех же уставех тройческих есть и славится в Троице от всея твари. Какоже сия имеются? – ни един созданный ум вместити сего может. Древле преподобный Иоанн Лествечник много молился и трудился о том, хотя знати, како бе Христос преже воплощения и како есть по воплощении: зане смущаем бе святый оными писаньми, яко глаголют Христа седяща одесную Бога Отца. Стефан же первомученик виде его стояща одесную Бora. И повелением Божиим прииде ко святому ангел и показуяся ему ово седящ, ово стоящ. Святый же вопроси его, – рече: како бе Господь преже приятия плоти и по восприятии? Ангел же отвеща ему: и мы не знаем о том; не стужай много о сем, Иоанне! И аще святии ангели не могут того таинства достизати: а нам, кальным человеком, и паче не подобает о том своемудрием ложным испытовати, но токмо веровати право по писанием святых. Такоже бо и Дух Святый сам сниде существенне на Апостолы; точию в них вселися не существом, но благодатию даров, и не существом является человеком, но схождением преобразуется по вместному виду, да не умрет человек видя. Существом же-везде бывает Бог, и есть невидимо то и непостижимо всем. И не токмо Бог, Святая Троица, не существом является комуждо, хотя избранным своим, но и ангел и бес не своим существом является. яков есть, человеком, но мечтательными плотскими, человеческими, и птичьими. и звериными зраки. И сам ту глаголет²³² бес, или ангел, к кому чесо ради прислан бывает от Бога; а не мечта и не стен²³³ глаголет, но существо. Тако и Бог являшеся и глаголаше многочастне и многообразне пророком древле, и не мечта же ту глаголаше, и не ино что безсловесное, но самое Божие существо словесное. И якоже тогда: и ныне тако бывает Божие действо и явление. Якоже царь кто благий, хотя нища кого посетити и беседовати с ним о полезных, тогда отлагаем²³⁴ свою багряницу и венец драгий, и облечется в нищия ризы, всю славу свою ту скрывает, и не на колеснице, но пеш приходит, и слуг не поемлет, но един сам с нищим беседует, да не устрашит нишего славою своею: тако и Бог много паче творит премудростию своею, и закрывая свое нелриступное существо вещным огнем или облаком, и человеческим мечтательным телом облачашеся до воплощения и являшеся, сходя, рабом своим пророком и святым, и глаголаше с ними до закона и в законе. И во благодати паче. егда уже воплотися и облечеся в нищетную плоть нашу истинно, а не мечтанием уже, и самоличне беседоваше Апостолом, яко сквозе завесу – плоть свою, и прочим всем. И како глаголют неции неразумнии: не сходит само Божество и существо с неба на землю, не везде есть Бог существом? Зело буе се и зловерно. Ум наш человечь тварь Божия малейшая есть, и страстен есть и грешен; но и той везде ходит и в мегновении ока вся оптицает, долная и горняя. не существом же своим, но мечтанием помысленного²³⁵. О сем писано в книге Зерцале киевских святых отец, в нем же душа с плотию беседует. Бог же един везде существом. Сице пишут святии отцы, знающии Бога. Кое не существом везде. – тако и глаголют, уча; а кое везде есть существом, – тако они исповедуют, наказуя нас. Понеже ум наш тварь, и немощен и не всесилен; Бог же творец всея твари, и той мощен и всесилен есть, и везде всяко вся может творити, елика хощет. Нам же не подобает нашими помыслами мерити Божиих дел, по святому Устину Философу, да не вринут нас во многое неверие и зловерие, но надеятися и уповати всем сердцем и душею, яко вся Богу возможна суть.

Да еще приводят Григория Богослова слово о не самошествии самого Святого Духа существом, еже глаголет, яко Дух Святый свойство недвижимо имать и непоступно, тако-де и Сын Божий. И мнят они ложно в разуме своем о том слове григориеве²³⁶, чают лежаица, или седяща Духа Святого на небеси во едином месте, и не подвизающася, и не поступающа с места своего никуды никогда. И того ради Сына Божия Исус Христа начаша проста человека исповедовати в воплощении от Девы, не глаголюще в нем самого существа быти Божия, но излияние некое благодатные силы от Сыновни ипостаси. Потому же и сошествия Святого Духа самого существенне ие хотят исповедовати в пятдесятницу, еже бысть по вознесении Христове ко Апостолом. И Аввакума утверждают в томже стояти мудровании, или от его неправого рассужения и смущена(и) бывша(е) о тех превеликих тайнах непостижимых. Смутивый бо их понесет грех, иже аще есть, по Апостолу. Темже молю со слезами престати от такового зломудрия им и плотьского мудрования отбегнути, и глаголю им, яко младенцем о Христе: како же древле подвигся и поступи Дух Свят, и прииде ко Аврааму со Отцем и Сыном? какоже и Сын Слово подвигся и прииде ко отроком в пещь огненную? како же паки подвигся Дух Свят и сниде на Иордан, внегда крестися Господь, Сын Божий, Исус Христос? или не ведал Бог такова вашего мудрования, хотяшего быти, и преступил тогда, ходя с небес на землю? И много того есть о том во святом писании, в ветхом законе и в новой благодати, яко везде Бог ходит, и всю тварь посещает, якоже хощет, якоже весть сам, и существом и благодатию своею, и святыми ангелы, и видимо и невидимо. Кто ему Творцу возбранити может, – Отцу, или Сыну Христу и Святому Духу? И в Руси у нас приходит Бог Святая Троица ко угоднику своему преподобному отцу Александру Свирскому, якоже и ко древнему Аврааму. Точию бо о сем достоит всякому разумети, яко не существом нагим является Бог человеку, якоже и выше сего речено есть зде о сем, но схождением, якоже весть сам; a существо же ту самое есть и глаголет, а не несть его ту, идеже явится кому. И сице устрояет Бог сего ради, да не умрет человек, видяй Бога по существу. Моисей пророк хотя видети Бога по существу, и рече ему Господь: аще мя узриши, умреши. И Илие пророку, хотящу видети его, такоже сказа ему Господь: задняя моя узриши, лице же мое не явиттися. И се сошествие Болие пророцы те на земли видеша, и глас его слышаша, а не на небеси. И посему знатно, яко и по земли Бог сам ходит существом, но нам тленным человеком невидимо и непостижимо отнюдъ: ибо не токмо Бога самого ходяща, но и ангелов хранителей своих, всегда живущих с нами, а видети их не можем, токмо верою веруем, по писанию, яко суть с нами от святого крещения, и молча хранят нас, а мы им молимся, да помогают нам ко спасению и бесов отгоняют от нас. A то слово мудрый Богослов Григорий святый глаголет к сему разуму, яко Дух Святый имать свойство недвижимо и непоступно: понеже не по-человечески ходит, ниже по ангельски, от места до места, зане Бог есть и зиждитель, а не тварь, и творит вся и деет мысленне, и споспешествует Отцу и Сыну, и равно во всемъ, неотлучне от Oтца исходит посылаем, якоже и Сын присно с ним есть, везде бо сый, и вся исполняет купно, а от Отца и Сына никогда не отдвизается. ни поступает местом, ни оттекает от него истощанием, и не отсекается хождением своим никакоже, яко река от моря и яко луча от солнца. К сему же то слово; а не о том, еже не сходити бы Святому Духу существом с неба на землю. Погрешили вы пред Богом и пред святыми его в том словеси. и противно то ваше мудрование зело всему ветхому и новому завету. Аще бо тако вы нарекпш свое мудрствовати о самом существе Божества, еже не сходити ему никогда с небес на землю: то убо подобаот вам сказати о том от писания здравого, чесо ради не сходит сам Бог существенне, – Отец, или Сын, Сын и Дух Свят, – с неба на землю, – немощен ли. или спесив, или немилостив и невсесилен, или власти такие в себе не имать, еже сходити ему, или сам в себе не волен, – как приидет существом, так сожжет и опалит всех на земли? Слышах бо аз неких невежь, сице безумно толкующих о том от своего нечистого смысла и заблужения. И сего ради и во Христе, истинном Бозе нашем, не исповедуют самого существа Божия и самые ипостаси Сывовни отметаются в нем. Явно уже и глаголют тако, – увы! – аще бы самое существо-де сошло в Девицу-ту, Христову мать, так бы и сожгло ее чрево-то! Аз же таковых зельне обличаю зломудрие то, и вопираю его ногами, и всем православным христианом сиде повелеваю творити. Да еще и то вам, льстящимся в том чюжеверии, подобает сказати: где Бог бе тогда, егда еще но бысть неба того, на немже глаголете седяща его существом? Понеже Бог, Отец и Сын и Дух Свят, безначален есть, небо же и земля и вся тварь начало имать бытию своему. И сами весте о сем, и сам Христос Сын Божий глаголет о том сице: видите видите, яко аз есмь Бог, иже преже бытия всех, и прежде сотворения небесе и земли вем вся, и весь сый во Отце, и всего ношю в себе. Святый Андрей Критский глаголет сего от лица его, в Триоди Цветной²³⁷, во вторник великого поста, в трипесньце своем. И во Евангелии глаголет Иоани Богослов: ведяше бо искони Исус, кто суть неверующии, кто есть предаяй его. И вы, братия, внимайте о сем, яко Христос, Сын Божий и Бог, есть единосущен Отцу и Духу Святому. И в символе сице исповедуем его и везде. Аще бы не самое существо в нем бысть Божие: како бы Христос ведал все преже сотворения всея твари, и како бы глаголал во благовестии своем к людем: Аз и Отец едино есве, и паки: Аз во Отце и Отец во мне есть, и паки: аминь, аминь глаголю вам: преже даже Авраам не бысть, аз есмъ? И иные множайшие животные и страшные глаголы его есть, имиже всякого врага Христова забием, яко камением. Еще же и к безначальному Отцу своему глаголаше: прослави мя ты, Отче, у тебе самого славою, юже имех у тебе, преже мир не бысть, и прочая. И вы сия рассудите праведне вся, и зрите во святых книгах, како сия словеса Христова толкуют богословцы, и вострепещите всеми уды своими, и возрыдайте о своем преткновении, и исповедите в нем, Исус Христе, свете истинном, самое суицество и Божество тоже, еже и во Отце его и во Святем Дусе, и припадите к ногама его с теплыми слезами, и просите у него, Творца своего и Спаса, прощения о том неведении своем и пререкании. He диво бо то, еже не ведети о нем кому. О том бо древле предрече Симеон Богоприимец, яко сей лежит на падение и востание многих во Израили²³⁸ и в знамение пререкаемо. Исаия же пророк глаголет о нем: сей есть камень претыкания и камень соблазны, и всяк падый на камени том сокрушится, а на немже падет, сотрыет его. А всяк веруяй в него право не постыдится. А ту прелесть душевную где вы обрели, братие, в которых книгах, еже не самое существо во Христе исповедовати́? В наших убо церковных старых православных книгах несть нигде, ни во единой строке, тако(го) злочестия; вси наши святые книги Христа Сына Божия равночестна, равносильна и единосущьна Богу Отцу и Святому Духу славят, и два существа в нем исповедуют: первое в нем существо самое Божество превечное, само Отчее Слово ипостасное, а не излияние некое от Сыновни ипостаси, и не благодать и сила безличная, ·– ни, ни, не буди то! – и не малая часть, во весь Божества Сыновня в плоти Христове, Бог Слово в плоти: второе же существо во Христе человечество, еже есть плоть з душею. И Божество убо с человечеством совокупно во Христе, непреложно же, и неслиянно и нераздельно оба свойства цела пребывают, сиречь: Божество не прелагается в плоть, и плоть в Божество не претворяется во веки. И посему убо сугуб есть Христос, сиречь совершен Бог и совершен человек, и по Божеству равен Отцу, a по человечеству менши Отца глаголется. Сеже да мудрсвуется в вас, еже о Христе Исусе, иже во образе Божии сый, по Апостолу. И ты, чадо мое Максиме, сице веруй и исповедуй Христа, истинного Бога нашего, и спасешися.

А еже пищут, братия, бутто аз уничижаю писания святого Дионисия Ареопагита и не приемлю его: и то солгано на мя. Аз святого Дионисия равна Апостолом почитаю, премудрого витию и богословца высокого, и писания его вся, лобызая, приемлю, а уничижаю тех, кои не право его слова толкуют, плотски наусть (?) Есть называет он Сына Божия и Духа Святого богосадными отрасльми. И о ангелех пишет много он. И у мене с Лазарем бысть слово о том: он толкует почювственному о тех непостижимых отраслех, как человек от человека родится, и как отроски от корени древес отрастают. И аз ему о том возбранял. Понеже мыслениое и духовное рождение невидимое, и плотскому видимому ничему не прилагается отнюдь, но ко умному прилагается. Якоже бо слово наше раждается от ума бестрастно: тако и Сын Божий от Отца рождься, и Дух Святый происходит, неизреченно же, а не по плотских. И у ангелов он, Лазарь, глаголаше власы быти, и торочки на главах, и зерцала в руках, и крыла у них. А указывал на Дионисия того святого. Аз же ему глаголах преко, яко ангели вси не имеют плотского на себе ничего, ни власов, ни крил, ни глав, ни рук человеческих: зане дуси суть. А пишутся они по плотскому виду того ради, понеже инако како не возможно написати ангела и души, и Бога самого на иконе. И писание книжное все телесне глаголет о Бозе: понеже инако некако. A по духовному разуму инако все разумеется. Такоже и о ангелех и душах. И то они, батки, поставили в хулу мне, по рвению. Аввакум писал глухо, будто аз бедной, такой и сякой, от снов прельстился и с ума собрел. He постави им, Господи, в грех сего! Аз еще благодатию Христовою в старом целомудрии пребываио доселе, и како верую, тако и исповедую, не стыдяся и не бояся никого.

А о образе Святые Троицы с протопопом Аввакумом у мене распря бысть до казни еще здешние, о едином стихе токмо, еже в троическом каноне 6-го гласа, на воскресной полуношнице, во Псалтырях со воследованием, поется в 1 песни стих той: пресущный едине Господи и трисиянне образы, в тождестве зрака сый, и прочая. Сице в его Псалтыре аввакумове напечатано при Оасафе патриархе. В том же каноне, в 6-й песни, стих: в тя вселися. Приснодево, яве Содержитель и Господь всех, и едину трисиянну зраку Божества человечески покланятися научи. И зде глаголет един трисиянен зрак, тоже и образ Божества. А в 1-м стихе три образы глаголет во едином зраке. А в старых же книгах, Часовниках в полдень, в том же каноне на полунощнице, при том же Иосафе и при Иосифе патриархе, после того стих в 1-й песни справлен во Октаях и Псалтырех же, сице: пресущный едине, Господи, и трисиянный лицы, в тождестве зрака сый, и прочая. А образов несть ту. А у мене в тоже время Псалтырь бысть учебная Иосифа же патриарха, в ней же положено богословия святых отец Афанасия, и Кирила и Максима Исповедника: и тамо учат святии отцы к вопрошающим един образ исповедывати, a составы и лица три. И паки три лица и три составы во одином образе. И в Катихизисе такоже богословия есть. И аз те книги ему протопопу показывал, еже учат нас три лица Святые Троица исповедывати во едином образе и единому трисиянному зраку Божества покланятися научи. И он тем книгам не верил, и свою Псалтырь правее всех тех книг называл. И посем к смирению пришел и мене увещал, глаголя: кое-де правее в коих книгах, тако и буди, а впредь покинем о том стязатися в темнице сей! И аз его послушах, и не поминах ему о том, и все благо было у нас. И после казни нашея вскоре начася у нас размова о сошествии Христове во ад, о немже писано выше сего, и сошествии Святого Духа на Апостолы во огненных языцех. Те убо языки на главах апостольских не Духа Святого седение глаголал он, но благодать пришедшую из Апостолов сквозе темя: не вместялася-де в них вся, да и на главы вышла! И во всем он исправился и не прится со мною о том; точию самого Святого Духа существом сошедша не хощет исповедати, акоже и Сына Божия на землю. О сошествии же Христове во ад с плотию по востастании от гроба исповедовати стал упрямо зело, преступая многая святых писания о том, и востания Христова от гроба воскресением не называя. Аз же многажды стязался с ним о сем. И Лазарь поп такоже возбраняет ему в том своемудрии. И иекогда стязался с нами о воскресении том, и покинул то дело, да похватил прежнее оное сопрение бывшее о тройческих образах, о них же не хотех(л) впредь и слова рещи со мною, да в то время ни к слову ни к делу поднял то и напал на мя с яростию великою и воплем, и стал мене проклинать, и Савелияном еретиком называть за то, еже аз един образ трисиянен Святые Троицы исповедую, и три лица славлю во едином Божестве и во едином существе, и единому трисиянному Богу поклоняюся. И в евоже аввакумове Псалтыри, в томже каноне, сиде пишет святый Митрофан, домоему, и Павла Апостола приведе во свидетельство, глаголя в 3-й песни: невесту украсив Павел, юже от язык церковь, и единому трисоставному Богу покланятися научи, и прочая. И во всех книгах богословцы вопиют сице, яко едино есть Божество трисоставно. А он батко, моей и своей книге не верит о том, и на мя пишет всем людем: дьякон-де во единобожество впал²³⁹. И после того рвения и великия распри начат он, протопоп, Святую Троицу на трех престолех исповедовати седящу рядком, и три Боги глаголати, а Христа четвертого Бога, и на четвертом престоле седяща, и не самое и нем существо Божества глаголя, и благодать Божию он Богом же зовет, и Духа Святого Сыном называет, приводя слово апостольское не по разуму, – оное, еже к галатом глаголет: посла Бог Духа Сына своего в сердца ваша. А в колесах живых, еже виде пророк Езекиил под престолом Господним, в тех он самую ипостась Святого Духа глаголет живущу. И сия толки мне мнятся неудобны, и не приемлю их, и ему зазирах в том. Да ест опись в старых Треодях асафовских же Цветных, в преполовенском каноне, 6-я песни в тройческом стихе, сия: покланяемся Троице трисущней единой. И опись он, Аввакум, хвалит, и оиись ту речь называет. A в старых же Треодях после та опись справлена добре при Иосифе патриархе, сице: покланяемся трием во едином существе. И сию справу он не хвалит. Трисущная бо Троица лучше мня(и)тся ему быти. И нецыи братия с Москвы писали к нему, вопрашивая его о том погрешении в стихе. и он ту опись похваля, рек, отвещая к ним рукою своею: не блазнитеся-де о том, право написано то. Аз же не похваляю тое описи. Трисущну Троиду глагола Арий зловерный; мы же правовернии вси Пресвятую Троицу единосущну исповедуем и неразделну. Едино бо в триех лицах существо и Божество, и едина сила и власть. Се есть правая вера во Святую Троицу. Есть писано в Катихизисе печатном сиде: не глаголем убо три Боги и три существа, якоже треклятого Ария ученицы, но три иностаси и три лица во едином существе и образе. И паки: не глаголем же един состав, якоже проклятии савелияне, но три составы во едином Божестве, и прочая тамо пространно глаголет. Савелиянская бо ересь то, еже единолично глаголати Божество и единосоставно, и Сына и Духа не глаголати в Бозе Отце. Глаголаше бо той блядивый дурак Савелий²⁴⁰ сице, яко едино лице имать Бог, и овогда является Сыном, овогда же Духом един той состав. И сего ради он проклят есть от всех святых отец, яко единосиянно, лично и смутно и превратно Божество исповеда быти, без Сына и Духа, посаддукейски. Аз же такова нечестия ненавижю, и отметаюся и проклинаю его. А верую и исповедую со всеми святыми несумненно, яко едино есть Божество блаженное, не единолично же, но трилично суть, и трисиянно бо, трисветло, триипостасно есть, тоже и трисоставно. И кождо бо лице Святые Троицы свое собство имать, не местом же, ни престолы, ни свойствы неразмесными. Святый Григорий Богослов глаголет: подобает бо и единого блюсти Бога, и три ипостаеи исповедовати. О трех же ипостасех глаголет, яко друг в друзе вмещение имут, кроме всякого размешения и смазания. Святый же Андрей Критский глаголет: един убо Бог Троица, ни Отцу преступившу в сыновство, ни Сыну преложшуся во исхождение Духа, но три во единьстве, свет Бога прославляю во веки. Святый Феодор Студииский глаголет: о, умна Божества единица! в три лица просто вкупе раздельшися, в томже совокуплении, якоже скорость молнии, в трех лицах сияющи видится во единъстве. И на троицкой праздник поет церковь в славнике: Приидите людие, трисоставному Божеству поклонимся, Сыну во Отце со Святым Духом, и прочая. И сей стих савелиянством ли называть кому? Там же на праздник в каноне, ирмос 8 песни: Разрешает узы, и орошает пламень, трисветлый богоначальствия образ поют дети, и прочая. Се и Дамаскин святый треми отроки исповедует един трисветлый образ Божества, а не три. И сей ирмос толкуют нецыи о едином Сыновне образе, прящеся со мною, глаголюще: трисветел, и трисоставен, и тристатель (sic) Сын Бог, такоже и Отец Бог трисветел и трисоставен, таков же и Святый Дух. И посему суемудрию (во) всех трех образах девять лиц будет в Троице. И что сего злее? Аз же еще и в Зерцале видех писано, еже беседует душа с плотию, и глаголет тамо такожде о Бозе: не три убо Бога глаголем, но три составы во едином Божсстве и силе и власти, якоже и в нашей во единой души три составы, ум, слово и дух: ум образует Отца, a слово Сына, а дух Духа Святого. В себе бо всяк человек носит образ Святые Троицы единосущные и нераздельные. He треба многих книг испытовати о сем нелюбопрительному и разумному человеку: той бо образ Божий у мене, воображен есть в нас. Афанасий Великий сице научает о Святей Троиде, и прочии вси богословцы. И аз многогрешный по них шествую, и от них научаюся, а от себе не мудрствую ничтоже. Есть пишет святый Иоанн Златоуст в книге своей о священстве: Егда, рече, хощет учитель учити люди о вере. зело подобает ему мудру быти. Егда бо речепш о Бозе едино есгь, тогда наступает Савелий, глаголя: и аз глаголю, яко едино. Егда же паки речеши, не лице едино глаголю, но Божество в трех лицех едино, во Отце и Сыне и Святем Дусе: тогда посрамляется Савелий и низлагается. Егда же глаголеши три, нападает Арий, глаголя: и аз глаголю три. Егда же паки речеши, не три существа глаголю, но три лица во едином существе: тогда побеждается Арий и низвергается. А Златоуста Иоанна вселенская церковь хвалит за то в кондаке ему, яко вся учит покланятися в Троице единому Богу. И Дамаскин святый Иоанн присно поет, глаголя, 5-го гласа в воскресенье стих, на вечерни: в триех составех единого Бога пети навыкохом. И в степенных. глас 8, глаголет он же: Святым Духом, аще кто видит и предглаголет, чудодеет вышняя, в трих единого Бога поя; аще бо трисиянно, едино начало Божества. А союзник мой, отец Аввакум, клятву налагает на мя за сия, еже аз во едино Божество верую и три лица Святые Троицы во едином Божестве исповедую, по оных святых писанию, и царю уже и царевнам писал на мя: диякон-де во единобожество впал, прельстился!

И ты, чадо мое Максиме, вопроси добрых людей: которые мне клятвы боятися подобает, – святых ли оных всех, или аввакумовы?²⁴¹ И может ли ариева кдятва Афанасия Великого связать, такоже и прочих, кои благочестивые с нечестивыми прелися о вере и друг друга проклинали кождо за свое? А зде уже бысть таковое знамение от Бога над ним, протопопом, за пустошную его клятву, еже на мя налагал, – вскоре было тогда по том разврате: приидоша беси к нему явно, и связаша его, якоже и оного попа, о немже писано в житии святого Симеона Столпника, иже неправедно такоже клятву налагал на духовных детей. Он же начат плакати о том. И беси отступиша от него в то время. А после паки темже хвалится злом, и к вам писа, еже под правило свое мя положи по рвению. Потом же привезе к нам Симеон Канонник, списан с киевских Иаковом попом, егоже и аз знах: и в том каноне той же стих в воскресной полуношнице инако справлен, сице: пресущный едине и трисиянный начертаньми Господи, в том же Божестве сый. И во иных стихах вместо образов лица ставлены. И о том разгласии в стихе оном подобает быти духовному рассуждению от искусных мужей святому писанию, а проклинати никому никого не подобает за то. Он же, друг наш Аввакум, не хощет тако рассуждати, но то правее ставит о образах, как в его книгах написано. А образы те толкует он по качеству видимого начертания человекообразного, как пишется видение Аврааму: каков-де лицем Отец, таков и Сын лицем, и Дух Святый таков же, и каково-де подобие является Божие, таково то и существо. Аз же не приемлю сего, но верую и глаголю: яков Отец, таков и Сын, таков же и Дух Святый по власти и силе и чести, а не по качеству, ни по количеству, – далече буди от мене таковое безумие! Да в тойже Псалтыре его, которую он называет всех книг правее, была опись во 104-м псалме, сия речь: и вниде Иизраиль во Египет, и возрасти люди своя зело. А у него было: и возврати люди своя зело. И за сию опись больши года бранилися²⁴² со мною, еже аз то назнавал описью и велел глаголати ему во псалме том возрасти люди своя Иизраиль, а не возврати. Он же браняше мя всяко: ты-де старые книги хулиш и переправливать мне велиш, а я-де за них мучюся от никониян давно преже тебе! Лазарь с ним же на мя брюжжалъ. И после от иных Псалтырей познал, яко право глаголах ему. Аз ему ту опись справил. И не мудрая та речь, и не богословская, да и о той у него велика голка была.

Недиво то, еже и в старых книгах какия описи бывают и есть, и тому бывает правое рассуждение, и последи исправляется от искусных мужей. Ово бо опись. ово же превращение и пременение книгам и догматом церковным. За опись бо кую в книге какой ни есть и погрешенное слово не подобает нам ни спиратися, ни стояти; а за превращение книг старых и догмат правых изменение подобает всякому христианину и страдати и умирати, обаче с разумом, испытав вещь, всякую опасно писанием святых отец. Есть бо ныне мнози отцы и братия нашя, и матери и сестры стражут и умирают с нами за старые книги и догматы, церковные добре зело, по истинне; нецыи же от них к той истинне по неразумию много приплетают ложное мудрование о святых тайнах, теле и крови Христове: веруют бо и мнят неподобно, еже освящатися и прелагатися хлебу и вину в тело и кровь Христову на проскомидии, преже еще и начала литоргии, и с никонияны всуе прятся о том, и страдание праведное тою неправдою бесчестят, и вину укоризненную врагом своим сами дают на ся праведну. И мои старейшия клевреты и сострадалцы, протопоп Аввакум и поп Лазарь, такоже немудрствуют о том таинстве, Аз же с ними в той неправде не согласуюжеся и зазираю им много в том неправорассудии; верую же и исповедую со всеми церковными училели, яко прелагаются те предложенные дары, хлеб и вино, в тело и кровь Христову Христовыми оными словесы, еже натайной вечери рече: приимете и ядите, се есть тело мое, и прочая. А до того времени предложение пребывает просто. Аще бо и имут посвящение некое на себе, но несть еще тело и кровь Христова: освящаются бо и прелагаются на престоле, а не на жертвеннице. И в Кирилове Книге есть писано о сем и в старых Псалтырех со воследованием, в великий четверток в слове Златоустове, есть о том, и в Ефремове книге есть. И мне грешному бысть извещение о том по тридневном молении. Некогда зде расяря бысть у мене с ними о тайне той великой, и аз стужах Богу прилежно: и за молитв трех великих святителей, Василия и Григория Богослова и Златоуста Иоанна, в самый их праздник, на утрени после величания, стоящу ми, а не спяицу, и в то время показа ми Господь чудно, яко то есть истинна, кои мудрствуют по Христовым словесем о преложении святых даров. Кратко зде сказах аз о том. А на великом пtреносе поклонятися подобает не части хлебной оной, и вину и воде, но невидимо несомому ангельскими чиньми в то время над священием честных даров одушевленному агньцу Христу, царю всех, тому покланяемся и припадаем. To преношение даров от жертвенника на престол образует Христово со креста снятие и ко гробу несеиие. И не токмо тому небесному хлебу Христу поклонятися подобает, но и кресту Христову, на жертве той назнаменанному, и сосудом тем святым, чаше и дискосу, в нихже бывает тело и кровь Христова, и пеленам тем, поклонятися подобает всем сим вещем. О сем пишет преподобный Иосиф Волоцкой на новгородских еретиков пространно в книге своей. А еже нецыи от никониян не поклоняются на великом том переносе: и то от гордости бесовския творят, или не читали книги Иосифовы тоя. Добро всякой вещи правое рассуждение имети всякому человеку, пачеже учителем церковным. А святая литоргия толковати, многоочита ума херувимска требует та и вельми искусна писанию. Есть бо нецыи невежи от нашего священного чина и от простолюдин, кои мнят и просто веруют, преже начала обедни совершенно тело Христово и кровь, и к тому приводят от херувимския песни: Яко царя всех подъемлюще, и от вторые песни: Да молчит, еже поется в суботу великую на литоргии: се бο царь царствующим происходит, пред нимже идут ангельстии чины, закрывающе лица, и прочая, И та вся поются о невидимо носимом Христе-Царе, а не о просфире той видимой: та бо дар, а не царь, и от нее не закрывают лиц не токмо ангели, но и попы и дияконы, и пономари видят ю. По преложении же и та велия и честна бывает, и святости полна, и животворна верным.

А основание церкви на Христе самом, краеголном камени, верую и исповедую, а не на Петре Апостоле, – никакоже; римское то зломудрие отметаю. Протопоп Аввакум ва Петре исповедует: и аз и за то с ним бранюся. Зане глава церкви и основание Христос, а не Петр, ни ин кто от святых всех. Аще и называются святии кой основанием церкви, но по Христе. Глаголет Апостол Павел: никтоже может иного основания положиши, паче лежащего, еже Исус Христос (зачало 128). И Петр сам глаголет о Христе в Деяниях, зачало 10: сей камеи, укоренный от вас зиждущих, бывый во главу углу. К жидом глагола. И несть о ином ни о едином же спасения: несть 6о иного имени под небесем, данного в человецех, ο немже подобает спастися нам. Во иных книгах много о сем зело писано.

И о сих всех спорных статьях со клевреты моими бысть у мене книжица не мала написана, черная и белая уже. И батку Аввакуму давал за любовь прочести аз, еже покинул бы противные споры. И он в то время не восхотел взяти. Посем же некогда в полночь выходил аз из ямы вон окном, якоже и он Аввакум, в тын, И их посещал и прочих братию вне ограды. И то хожение мое нелюбо ему стало: и сотнику сказал он. Сотник же, Андрей именем, враг бысть, мздоимец, и на мя гнев имел за некое обличение. И в то время велел меня ухватить стрелцом в тыну, нага суща. И яща мя, и начаша бити зело без милости двемя лубцы великими стоящего, и все тело мое избиша нагое до крови. Аз вопих: Господи помилуй! И посем связаша руце мои опако, и к стене привязали и знобили на снегу часа с два. А друзи мои зряще мя и смеющеся! А стрелцы, влезше в мою темаиду, по благословению протопопову, и те книжицы и выписки мои похитиша, и ему продаша. И он ис тех книжиц моих лиска с три токмо выдрал лукавно, и те лиски послал на Русь братиям нашим, перепортя писание мое, еже бы мене обвинили, а его бы учение оправдали. Аз убо ему тогда велел те книжицы все, не портя, послать к верным: и он тако не восхотел по правде Божии сотворити. В тех книжках листов сполтораста бысть написано о Святей Троице, и о воплощении Христове, и о сошествии во ад, и о воскресении его, и о сошествии Святого Духа, и о раю, и святих душах, и о церкви, и о тайнах Христовых, и о иных многих догматех, и на никониян. И сия вся писания изгубил он у меня по зависти бесовской. И посем заковали окно мое решеткою: и нужно ми бысть в то время и горко зело. И в той горести утеши мя Спас мой Христос: явилмися нерукотворенным своим образом на тыну стены, противо самого окна моего темничного, мне в то время главою на окне лежащу, как в верху у царя на сенях у Благовещения в паперти написан над дверми. Аз же возрадовахся. И аще бы не тако мене сохранял Христос, давно бы аз убиен бых до смерти: друзи мои ненавидят мя.

Да еще ми бысть печаль велия после казни нашея зде, яко днн три лишити ми ся и правила обычного всего: зане стужих си продолжения ради мучительского томительного, бых в смущении велице, и попремногу отяготихся скорбию от зельного томления, яко разорен есмь и обруган от отстуник, и разлучен со всеми своими, и в далную страну заточен, и обрезан двократы языка, и обсечев рукою, и жив в земли загребен, яко во гробе, и заключен и злою стражею огражен, и гладом и наготою и всякою теснотою утомляем есмь, и дымом повседневным и горким чадом умерщвляем всегда. И стенях зело к Богу о сем, глаголя: Господи серчеведче всех и праведный судие! Что будет по сем твоя святая воля о нас бедных? И проклинах день рождения моего, якоже Иов, от зельные печали тоя. И потом умилихся окаянный аз, и падох на землю пред Господем и плакахся, глаголя: буди воля, Господи, твоя! токмо не остави мя недостойного раба твоего! И паки обычное правило начах творити²⁴³.

А который человек во Христе Бозе моем самого существа и самые невидимые ипостаси не исповедуют в нем, таковый подобен есть мужу ругателю, или дураку, паче же беснующемуся, иже бы аще, видя царя земного лице, и венец и багряницу на себе носяща, и венец и ризы на царе почитает и покланяется, а лице самое царево бесчестит, и ругается ему, и отметается его: и за буйство и беснование милости сподобляется от царя своего; аще ли от ума тако дурит таковый, лютой казни смертной предается в правду. Тако, чадо мое, и о Христе разумей. Самое существо Божества его плотию, яко ризою, облеченно, и яко улица червем. Сице святии вси научают нас о Христе разумевати. А Павел Апостол плоть Христову завесою называет, ко евреом в послании зачало 354. А тут же в послании, в зач. 303, самую ипостась Сыновню во Христе исповедует. И святый Иоанн Дамаскин глаголет, в воскресном богородичне 6-го гласа на стиховне: Творец и избавитель мой, Пречистая, Христос Господь, из твоих ложесн прошед, в мя оболкся, и прочая там. И 5-го гласа во 2-й песни ирмос, от самого Божества глаголет: Видите, видите, яко аз есмь Бог ваш, иже в плоть оболкся волею своею, да спасу Адама, лестию падшего преступлением змииным. И тмы есть таковых словес и стихов в книгах святых, имиже забросаю и забию всякого врага Христова, яко камением. Аз бо знаю, чадо мое, Христа Бога, истинного света, и пречистые нозе его слезами умываю по вся дни и нощи, яко блудница. И дана ми некогда зде книга от Пресвятой Матери его Богородицы во сне, якоже и Роману певцу свиток. В той-же книге имя: Зердало премудрости Божии. И прочтох се, и положих ю в недра своя, а не снедох ю: яко уш-то недостойн еще грешный снести ю. И то вем аз: которые люди во Христе самого существа не исповедуют, и те люди люте осуждени будут с еретицы, аще не исправлятся и не покаются, якоже подобает. И ты, чадо, аще знаешь таковых, моли их, дабы престали от такового злого начинания. И аз молю их со всяцем усердием, и полагаю главу свою на нозе их, и со слезами вопию им: о, возлюбленнии отцы и братия, христоименитое достояние, роде избранный, царское священие, люди обновления! упразднитеся и разумейте, яко есть, есть самое существо Божества во Христе Исусе Господе нашем, изтрезвитеся праведно и не согрешайте, и не имите веры прелщаюищим вас о том и смущающим. Аще и ангел будет кто, отвращайтеся его и плюйте на него! Аще бы мощно было мне, юзнику Феодору, аз бы возшел на высоту Фроловския башни посреде Москвы, и вострубил велегласно трубою во все царьство, яко есть, ecть, есть пресамое существо Божества во Христе Исусе Сыне Божии. He прельщайтеся, братия, и не отметайтеся его, Создателя всех, да не умрете вечною смертию бесконечною. Аз бо в никониянех не слыхал такова зломудрия отнюдъ. И аще они уведают в вас, братие, таковое христоненавистное новое злочестие и подобную мудрость, и за то вас начнут паки мучити и убивати: неповинны уже будут пред Богом и святыми его, и вам те муки их начало болезнем будут вечных мук. И на крестное Христово сущее знамение в сложении перстов велию хулу сами наносите тем неразумием и новоложным толковавием своим. Никон, враг Божий, безумный бывший учитель. поклевал и оболгал напрасно церковное оно правое сложение перстов в старых книгах, – назвали несториянством, не смысля. A по вашемиу нынешнему новому мудрованию и в правду тако два Сына будут, по Несторию зловерному, еже глаголете в трех лицех Святые Троицы самое существо, во Отце и Сыне и Святем Дусе, а во Христе не самое существо глаголете. И сие ваше зловерие и дурак узвает, яко два Сына исповедуете, – великого да малого, и тако четверицу славите, а не Троицу Святую. И сего ради паки и паки молю вы: покинте то злое и душепагубное мудрование, егоже несть, весть во всех наших древних православыых книгах церковных, за нихже аз стражду и умираю; и вы тех же держитеся, и любите и стражите же. И в новых явно несть еще того. Разумейте. возлюблении, о сем испытно во всех писаниих святых. Присно бо Пресвятая Троица Бог наш Троица есть: и преже воплощения Христа Сына Божия Тройца бе, и по воплощении Христове и со восприятием его Троица есть неизменно, – токмо бо еже не бе прият Сын, и еже бо бе пребысть непреложно, Бог сый истинный, Спаситель наш. И много бы писах вам о сем, да бумаги мало, а промыслити боле несть воли. Сами весте: все бывает с нужею великою и всего скудость. И тако можете разумети о всем: даст бо вам Господь разум и откровение в познание правды его.

Да писал ты, чадо мое Максиме, ко мне, глаголя: давай-де, батюшко, грамотки своя Аввакуму, и он-де к нам пришлет, он-де и о тебе нам возвещает о всем истинно, а не ложно. И аще он вам праведно сказует о всем: праведный Христос Бог спасет его! А о сем всем возвещал ли он вам, еже что зде писано моею рукою в четырех тетратех, или ни? И аще он не возвестил вам: ино аз сказах вам сам отчасти веру и исповедание свое, и еже что бысть какое присещение от Господа, или откровение мне грешному от Божия Матери и заступление ея; и брань и прение мое со клевреты моими за что, и то сказах вам воистинну чистою совестию. А в чужих баснях, дитятко милое, всяко бывает, у кого с кем и брани не бывало; а у кого с кем распря есть, тамо не скоро вери, чадо, всякому слову. Писано есть: всяк человек ложь. Егда же узриши моея руки писание: тогда же уже несумненно тому вери. А другов своих всех, с нимиже стражю, знаю аз паче вас. Подвижники они и страстотерпцы великие, и стражют от никониян за церковные законы святых отец доблественне, и терпение их и, скорби всякие многолетные болши первых мучеников мнится ми воистинну. За таже вся и аз с ними стражду и умираю купно. И еже бо новоприбывшая их оная мудрования неприятна мнятся мне зело, и та вся отлучают мя от них, и теми раздражают мя вельми, и воспаляют присно. Да буди воля Господня! Воздаст бо Господь комуждо по делом его, и еже бо сеет человек, то и пожнет, и по вере своей всяк и мзду приимет такову. Mестo окаянное неволное стало. Ни книг, ни людей добрых и праведных свидетелей взять негде, и распря рассудити нечем. А своего мудрования просто положити не хощет никто. А мое исповедание и свидетельство сие о Христе Исусе давайте всякому верну прочитать и списывать²⁴⁴.

Продолжение (первое) послания²⁴⁵

Да помниши ли, чадо мое Максиме, повесть ту, юже аз ти писал, матери и тебе, с Троицкого Сергиева монастыря, как был в ссылке там во 175 году, а ту повесть выписал из книги святого Григория папы Римского, еже он повествовал диакону своему Петру, глаголя о некоем малом отроце и велицем грешнице. Бысть, рече, в некоей веси у отца сын, пяти лет детищь, и с простоты своей хулное некое слово изрек на Бога. Отец и мати не наказаша его за то и не побиша. И по мале времени разболеся отроча то, и приидоша бесове по душу его. Он же, видев их, начат страшитися и вопити, главу свою хранити в пазуху матери своея. Отцу же и матери его плачуще и не ведуще, чего ради случися таково страхование отрочати их и самая смерть приспе ему. И посем умираяй тоже слово злое рек на Бога, и умре. Отец же и мати его разумеша. яко того ради предан бысть бесом, и плакахуся о своем презорстве, занеже не наказаху его за таковое согрешение. Сего ради и ты, чадо мое. блюдися всякого нечестия и злохулного на Бога зломудрия, и не скоро подвизайся от ума и от всякой вещи, испытуй писания крепко и ученых людей вопрошай о недоразумных словах,

Еще зри свидетельства о Пресвятем Дусе Параклите.

О истинном свидетельства, от многих святых книг собраны на новых духоборцев никониян, ненавидящих истинного Духа Святого.

В символе и везде они в новых книгах своих Духа Святого истинным не нарицают и не исповедуют, но Дух истины и Душе истины глаголют, а не истинный. Нам же православным хриситаном подобает всем исповедати в символе Духа Святого Господа истинного и животворящего, и везде глаголати и писати: Душе истинный, Дух истинный, иже от Отца исходит, по Христову Евангелию. Понеже единосущен он, Дух Святый, Отцу и Сыну, равен во всем и собезначален. Внимай зде разумно, читателю, яко от корене самого починаю слово и от самых уст Божиих произшедшие глаголы предлагаю во свидетельство истинные правды о истинном Дусе, и до многих ветвей златоцветных доведу, иже есть от того безначального корене насажденных в церкви его. Сам рече Господь наш Исус Христос во Апокалипсисе Иоанну Богослову: Аз есм корень и род Давыдов. И Давыд царь и пророк к его Спасову лицу глаголет о верных словесех его: начало словес твоих истина и в век все судбы правды твоея. Верно слово.

1-е свидетельство самого Сына Божия о истинном Дусе, Иоан. зач. 48: Аще любите мя, заповеди моя соблюдите, и Аз умолю Отца и иного Утешителя даст вам, да будет с вами во веки, Дух истинный, егоже мир не может прияти, яко не видит его, ниже знает его, и прочая.

2-е свидетелъство Христово, Иоан. зач. 52: Егда же приидет Утешитель, егоже Аз послю от Отца, Дух истинный, иже от Отца исходит.

3-е свидетельство Господне о истинном, Иоан. зач. 53: Егда приидет он, Дух истинный, наставит вы на всяку истину и грядущая возвестит вам.

4-е свидетельство. Егда Апостол Христов Андрей первозванный распят бысть в Пели острове, близ Рима, и вися на кресте учаше учеников своих, глаголя: Веруйте в Бога Отца истинного и в Духа Святого истинного. Сие в послании ахайских пресвитеров писано учение учителя их святого Апостола Андрея, и в Кириллове книге московской введено сие свидетельство. И нам словенской учитель той же Христов Апостол Андрей, и мы тако онем веруем и исповедуем истинную Святую Троицу, а не четверицу, един бо Сын Божий Исус Христос. И вси святии Апостоли тако учили веровати всех язык во Святую Троицу единосущную, егда посланы Быша в поднебесную при вознесении Христове и по сошествии Святого Духа, Господа истинного, в пятдесятницу. И святый Иоанн Богослов в 1-м своем послании учит, глаголя: да познаем Бога истинного, и да будем во истиннем Сыне Его Исусе Христе. Сей есть истинный Бог и живот вечный²⁴⁶. О Святом Дусе выше сего тако рек в том же послании: и Дух свидетельствуяй, яко (дух есть) истина²⁴⁷, И еще рек таможе: разумеваяй Бога послушает, а иже несть от Бога, не послушает нас. О семь разумевает дух истинный и дух лъстечъ²⁴⁸. Зри: сей, яко наперсник Христов, Иоанн Богослов, научает нас исповедати истинного Отца, и Сына истинного и Духа Святого равно. Тако мы в символе исповедуем по старым книгам, исполняюще слово Христово. и апостольское проповедавие и отеческое предание.

5. Зри: и в грамоте благоверного царя первого христианского, Константина Великого, есть истинного. Ту грамоту он кесар сам писал по крещении своем, исповедуя истинную веру всему царству Римскому; якоже научен бысть от святого Силъвестра папы Римского, тако и проповеда. О Христове царствии пишет тамо сицс: его царствию несть конца. И посем рече: сия есть наша православная вера. И прочая тамо пространно глаголет царь. Та его грамота и напечатана есть в Кормчей, святой книге святых правил, токмо не во всякой книге положена она: понеже бо по совершении книг тех не мало время преиде, и припечатано и римское отступление купно с нею, а иные книги розданы Быша многим уже без нее. Зри же зде и внимай всяк благоверный: аще бо до первого и второго вселенских соборов исповедашеся от многих святых Дух Святый истинный. по Христову словеси: кольми паче уже по втором соборе святом, иже бысть на Македония духоборца еретика, цареградского патриарха бывшего? Той бо созданна Духа Святого глаголаше и не единосущна Отцу и Сыну.

6. Святии же на втором соборе прокляша Македония, а Святого Духа Бога истинна и Господа животворяшего исповедаша. Сице в самой Кормчей книге написано о седми вселенских соборах, в печатных московских. А в рукописных правилах древних видех сице: святии отцы на втором соборе Духа Святого Бога и Господа истинного и животворяшего ипяоведаша, и прочая тамо.

7. Святый Иоанн Златоуст вскоре бысть по втором соборе поставлен патриархом Царю-граду, и учил веровати и исповедати Духа Святого истинного и животворяшего всем людем. В Маргарите, в 1-м слове о оглашении, глаголет о том пространно.

8. Святый Иоанн Дамаскин учит в слове своем на еретики иконоборды, еже чтется в 1-ю неделю великого поста, и тамо повелевает исповедати Духа Святого Господа истинного и животворящего всем. Чти о сем в Соборнике московской печати.

9. Святейший Фотий патриарх Цареградский писа послание свое многоучительное к Болгарскому царю Михаилу. и символ тут весь писал, и в нем такожде суть: и в Духа Святого, Господа истинного и животворящего. И то послание его в Кириллове книге напечатано на Москве при царе Алексие Михаиловиче, повелением его.

10. Книга о вере правой, в нейже о истинном Дусе особная глава, и тамо сице: на вселенских соборах 2000 бяху святых отец и вси свидетельствуют в символе веры: и в Духа Святого Господа истинного и животворящего. И сия Книга о вере правой писана некоим игуменом Нафанаилом благочестивым Михайловского монастыря на униатское отступление, и на Москве в печать издана повелением царевым и тщательством благого духовника его Стефана Вонифатьевича, Благовещенского нашего протопопа, во время благочестивое и тихое.

11. А во всех наших московских книгах печатных при пяти благочестивых православных патриарсех до Никона отступника, в тех: и Духа Святого Господа истинного и животворящего. И те все святые книги старопечатные он, Никон, враг церковный и клеветник, охулил и отвержеся их, а истинна Духа в символе прилогом нарек, будто в московских печатных тех книгах приложено чрез закон истинного, а прежде тех книг святых во иных книгах словенского языка нигде не обретается истинного в символе. И теми лживыми своими баснями он царя Алексея обманул и весь дом его. Указывал и ссылался он-льстец на харатейные русские книги и греческие, будто с тех справил и перевел символ новый и прочие вся своя нововводные догматы. Аз, грешный диакон, зело трудихся о сем, исках и прочитах многия древние харатейные книги, и гоних Никона по следу, яко пес волка и лиса лукавого, и везде обретох его лукавнующа в завете Господни и святых пределы преступивша и солгавша: во всех бо книгах древних символ веры по старому стоит, и есть в старопечатных книгах московских, и во иных землях многих тако и доныне суть. Везде бо символ исповедания стоит право, сицо: и во единого (Господа) Исуса Христа, а не Иисуса; рожденна, а не сотворенна; егоже царствию несть конца. И тако суть во всех святых книгах рукописанных, ихже видех, за 400 лет и за 500 лет кои писаны. И в печатных всех тоже суть слово в слово, –· и в киевских, и в сербских, и болгарских и во острожских, идеже Библии старые печатаны. Вся сам видех и прочитох, и Бог свидетель, яко не лгу. Того ради и страдати начал и кровь свою проливати: дах бо два языка на отрезание царю Алексею Михайловичу и руку свою на отсечение за крестное Христово знамение в сложении перстов и за прочия церковные законы святых отец наших, о нихже известно испытах и изысках прилежно. Точию бо в рукописанных книгах, не печатных, обретается разнство в символе о исповедании Святого Духа, сие: идеже писано и в Духа Святого Господа животворящего, тамо истинного несть; а идеже писано и в Духа Святого истинного и животворящего, тамо Господа несть. И от чего тако учинися в книгах, никтоже весть утаенную премудрость сию, сего ради, – слыши. Егда слыша Богослов Иоанн, яко возопиша седмь громов гласы своиши, и хотя он та вся глаголы вписати предъидущих седми соборов, та бо суть седмь громов, и речено бысть ему от всевидца Бога: запечатлей яже глаголаша седмь громов, и сего не пиши. Апокалип. гл. 10. Велия премудрость Божия в сем запечатлении совершися. Приникни мало зде во глубину премудрости неисчетные Христовы и по смерти (посмотри?) со благоговением и страхом: аз ти, чадо мое, благодатию его но отворю (поотворю?) малу скважину дверей заключенных оного писания о седми громах. Виждь и разумей, како показано бысть наперстнику Христову за многи сторицы лет о всех тех святых, кои собраны во времена своя на седми святых вселенских соборех, и что возгремят гласы своими и на которого еретика, врага Христова, вострубят во вселенную златоковавными трубами богомудрых словес своих, и что утвердят в церкви Христове. А в то время еще те языки в веру не пришли, от коих благочестивии цари; святии отцы тии родишася последи. A Богослов всех их виде и гласы слыша. Зде же с Павлом удивитися и возопити достоит: о, глубина премудрости и разума Божия, яко неиспытани судове его и неисследовани путие его²⁴⁹!

А еже слышах многих глаголюицих едину речь быти оба глагола оныя в символе. (Господа и истннного, и сего ради непщеваша единому писатися в символе)²⁵⁰ в тех книгах, или Господа или истинного: и то ложно есть помышление таковых. He един бо глагол есть то²⁵¹, еже рещи Господа, и еже рещи истинного, но два глагола, но едино имены сии и в греческом и в русском языках²⁵². По-гречески бо: Кирион, а по-русски Господа. И паки: по-гречески алиѳинон²⁵³, – a по-руски истинного. Зри же, яко не едины глаголы²⁵⁴, но два разноименны: Господь бо имя Богу, истинный честь и славу его являет велию. Се правда. Сего ради не подобает изменити²⁵⁵ из символа ни Господа, ни истинного отнюдъ. И того ради разгласия о истинном Дусе досматривах аз иных земель во святых книгах о символе и о прочих правых догматех святыя матере нашея восточные церкви, и видех острожския печатные книги, по благословению святейших патриарх греческих печатные во время униатского отступления благочестивым князем Василием, к нему же и грамоты похвалные писаны от патриархов греческих и у нас в Кирилове книге напечатаны²⁵⁶. И в тех острожских книгах: и в Духа святого Господа истинного и животворящего, и прочая вся согласна с нашими старопечатными книгами, и аллилуия дважды, в третие слава тебе Боже наш, 12-е свидетельство мое²⁵⁷ о истинном Дусе.

Еще старее острожских и московских книг сербские печатные книги, – и в тех аз сам видех и прочтох о сем.

13.²⁵⁸ И в тех сербских книгах церковных: и в Духа Святого Господа истинного и животворящего, и прочая вся согласна с московскими старыми книгами в символе, и аллилуия, аллилуия, слава тебе Боже. И бысть на Москве митрополит сербской Феодосий. во 173 году²⁵⁹, и у него аз, диякон Феодор, видел их Псалтырь со воследованием печатную. полудестевую²⁶⁰, 140 лет ей бысть по то время, как печатана, и в ней вся та видех о символе, и о прочих нужных спорных статьях, и велми возрадовахся о Господе истинном Дусе, и пострадах²⁶¹ за него, небесного царя, утешителя нашего, и не оставлен быхъ: даде бо ми третий²⁶² язык, и руку ожитвори, и мертва мя бывша воскреси. Темже с Дамаскиным святым Иоанном, за три смертные неисцельные раны славлю²⁶³ Отца и Сына, и Святого Духа пою владычество²⁶⁴, неразделно и нераздранно²⁶⁵ Божество, Троицу единосущную, царствующую во веки веком. На теже сербские книги ссылаются и никонияне в новых Часовниках, похваляющеся написаша в предисловии своем: мы-де справили новые Часословцы²⁶⁶ с сербских книг, из Киприянова Часослова. И се явно окаяннии солгаша, яко бесово лукавии. Смотри²⁶⁷ вся верный неправду их и отступление волное от истины. И Киприянов у них слывет Часослов, и той несть Киприянов, но подметной от некоего врага, от Иова распопа²⁶⁸ псковского, или от ученик его, четверичные ради аллилуии: аллилуия бо в нем трижды, а четвертое Слава тебе, Боже. Да и истинного в символе несть. точию Господа. А прочая вся и в том Часовнике писана по старому. Аз видех его: рукописанной²⁶⁹ он, а не печатной, и на конце написано в нем сице: писан сей Часослов по благословению Киприяна митрополита. Кто²⁷⁰ писал, того несть. Киприян²⁷¹ святый сербянин бысть, и сербских православных книг печатных тысяща не одна есть, а вси согласны со старыми московскими; и како бы святый Киприян повелел противные церкви написати в Часовнике своем на Москве и новая своя вносити в церковь соблазны? Никакоже не бысть того от него повеления раскольнического²⁷², но оболган по смерти от сопротивного²⁷³ врага о аллилуии той. И того ради противного мудрования, тот подметной Часовник, со иными растлеными книгами от преписуюицих неискусных, положен бысть в пустой палате²⁷⁴ под крыльцом у Благовещения на сенях, истления ради, по правилом, повелением святейшего патриарха Филарета. И егда Никон, сокровенной волк, вскочил на патриаршество, тогда он те отверженные книги вынял²⁷⁵, и в церковь внесе, и аллилуия²⁷⁶ почал четверити, от того времени²⁷⁷ и прочая расколы творити в церкви. Есть убо святого²⁷⁸ Киприяна митрополита остался Служебник его руки, писанный²⁷⁹, и всем ведомо, яко по тому он сам служил, и тот его Киприянов Служебник непорочен, и со старыми службами²⁸⁰ сходен с московскими, а новым всем противен. И тому святому Киприяну не последова Никон отступник, и прельщенные от него власти не восхотели того держатися: и то явное блужение их и противление богоугодным пастырем, древним отцем нашим. Посемже Никон, по многом обличении от многих отец, позна свое блужение в вере, и отрекся патриаршества своего в соборной церкви пред народом, и отъиде в монастырь свой, и посем на Владае в Иверском монастыре завел свою друкарню, тут же населишася иноцы Киевопечерского монастыря: и повеле им ту печатать Часовники по старому уставу и обычаю, и те Часовники его видех аз, по его благословению печатные тамо мелкими словами в четверть листа, в нихже уже: и в Духа Святого Господа истинного п животворящего, и прочая вся в них по старому слово в слово²⁸¹. Понеже паче человека²⁸² обличи его первую безумную дерзость книга Орел мудрая, в ней же написано явно, при котором²⁸³ царе и патриархе превращенна будет вера на Москве. Толкован он Орел от Ездриных книг; а Никон его не знал до патриаршества, юже принесе ему гость Аверкий, – взял²⁸⁴ почесть у попа Симеона в Яндове у Георгия, и показа ему выслуги ради своея. И тот Орел согна его с Москвы.

14.²⁸⁵ Бысть на Москве в Большом соборе Успенском святая икона местная, древнего письма, яже глаголется Единородный Сын в житии²⁸⁶, и на той Христове иконе весь символ писан по статьям, состав²⁸⁷ над коимждо праздником. Той состав исповеди писан по чину, и тут написано над сошествием Святого Духа в пятьдесятницу: и в Духа Святого Господа истинного и животворящего. И от тое святые иконы Христовы мнози вернии ползовахуся, и аз о той иконе свидетельствовах никонианским архиереом в первой поставке моей на сонмищи их лукавом, во 174-м году в мае месяце. И посем ту древнюю икону Христову тайно вынесли вон из соборные церкви татие и разбойницы церковнии²⁸⁸ лучшия, Павел митрополит Крутицкой. да Ларион Рязанский архиепископ и Аким²⁸⁹ Чюдовской архимандрит, и безвестну учинили ю, и в тоя место написали новую икону Успения Пресвятые Богородицы²⁹⁰ и поставили ту²⁹¹ за стыд свой.

15.²⁹² Еще видех книгу харатейнуио, за триста лет писану Иоасафу²⁹³ архимандриту Киевопечерского монастыря, о исхождении Святого Духа от Отца. а не от Сына, на латынские ереси многих святых слова в ней собраны, и о символе сице ту: символу веры от евангельских речей сложену сущу, и явне глаголюшу тако: и в Духа Святого Господа истинного и животворящего, иже от Отца исходящего, и прочая. И о сложении перстов сище в ней написано: аще кто не крестится двема персты якоже и Христос, таковый да будет проклят, якоже и в Стоглаве се²⁹⁴.

16. И в книге святого Кирилла Иерусалимского весь символ написан и истолкован, и в нем: и в Духа Святого Господа истннного и животворящего. Сей святый бысть на вселенском соборе, и посем написа книгу сию. – в ней 18 слов, оглашения приходящих ко крещению, и сия есть сущая книга его, рукописанная. юже видех в Чудове монастыре на Москве. А яже печатная московская Кириллова Книга глаголется, и та несть Кириллова. но собирал ее черниговский протопоп Михаил Рогов с прочими избранными мужи, по повелению царя и патриарха, на многия ереси латышские и арменские, и немецкие и прочия. Начаша они писать от тоя самые Кирилловы книги, потому и слывет Кириллова, и тех слов святого Кирилла несть в ней ни единого, но два листа токмо.

17. И в Троицком Сергиевом монастыре видел правильнуио книгу великую старую, в ней же на полулисты писаны, якоже и в Библии. Тут весь символ толкован и литоргия толковая. И тамо: и в Духа Святого истинного и животворящего. Тут же в монастыре преподобный архимандрит Дионисий оставил по себе вкладную Псалтырь со восследованием многим, рукописана другим письмом. И в той символ такожде: и в Духа Святого истинного и животворящего, и прочая по-старому. Сего Дионисия архимандрита и житие напечатали никонияне в новых Прологах, маия в 10 день, и похваляют его словами, а веры его не согласуют и не исповедуют никакоже.

А преподобный отец Иосиф Волоколамский чудотворец глаголет в книге своей Просветитель. новгородских еретиков обличая, а верных подкрепляя, сице: аще кто исповедует Духа Святого истинного и животворящего, сей воистину израильтянин есть, в немжѳ льсти несть, и прочая.

В Прологах есть поучение преподобного отца Варлаама, иже учил Иоасафа царевича Индийского такоже веровати православно, исповедати Духа Святого истинного и животворящего.

И иная многая свидетельства оставляю: понеже правоверному человеку два и в силах три точию свидетельства довлеют, по писанию: пред двема, рече, и тремя свидетели станет всяк глагол; а неверному и нечувственному отступнику аще и 100 свидетелей представищи, не имать веровати. Аз же зде не два и три, но 17 и более представил свидетельств от разных книг многих, писанных и печатных, и от разных земель, яко бысть и есть истинный в символе. А Никон отступник солгал на старые святые книги, будто в них новоприложено истинного в символе, a в иных землях в книгах не обретается нигде истинного, и тою лжею царя окрал и обманул, яко диавол, властей всех малоумных прелстил, яко лисица младых и неученых псов, зане не умели его огласить словом истины, но онемоша, понеже меч духовный не готов имеша. Аще бо на Москве приложили истинного: кто приложил именем, – царь ли, или святитель кой? и в кое лето? и како тому прилагатаю церковь премолча о прилоге? И аще вси люди мертвы Быша в то время: тогда буди тако, яко спящим всем людям на Москве и приложи некто истнного и утече негде. Кто же еще приложи истинного в воскресенских книгах, и кто приложи в сербских печатных многих же книгах? Како и тамо никто не уведе? Оле, прелести! Оле, оболгания вражия! Аще бы в московских книгах старых прилог той бысть. на Москве бы и бысть, а во иных землях и книгах их бы не было нигде в символе, и то бы Никону и чадом его оправдание бысть. В многих бо иных стран книгах истинный есть, и те книги его обличают. А еже бы по их же справе в новом символе их: Иисуса, рожденна, не сотворенна, и: его же царствию не будет конца, и сих соблазнов новых не обретается отнюдь нигде в наших старых книгах во всех девяти землях словенского языка: но токмо егда униаты отступили к римскому костелу, тогда и они стали в новом символе своем глаголати: его же царствию не будет конца. В Книге о вере писано о сем, и символ их тут есть. И наши отступницы ныне им же поревноваша своею справою, и с ними соединишася верою, и крещение их латынское скверное приемлют, а православным крещением церковным по старым книгам но крестят уже их, а в новых книгах того крещения латыняном не положено, сообщающимся с нами духом и любовию сердечною.

Вонми же зде о сем опасно, благочестия любителю. Древле бо, егда отступиша латино-римляне от православные веры, и в символе приложиша исхождение Святому Духу и от Сына чрез Христово Евангелие. Христос бо рече своими Божиими усты: Дух истинный, иже от Отца исходит; а латины начали глаголати и писати от Отца и от Сына исходяща Святого Духа. И се верным ведомо бысть скоро тамо, и по всей вселенней промчеся ноподобный прилог ереси их, и везде о том в книгах написано есть, кто заведе ересь ту, и в кое время и лето. Паки егда в Малой Русии отступили униаты оные от нашея правые веры к папе Римскому проклятому, киевский митроиолит Рогоза с товарищи, тогда и они старые книги своя переправили по новым похотем отступления своего. Из символа у них истинного выложил епископ отступной, Мелетий именем, Смотрицкий, и зле прейде, о немже мне сказывали древние старцы, тамошних стран жители, кои сами знали его и всему отступлению их самовидцы Быша. Се и о сем зломудрии униатском ведомо бысть правоверным людем тамо, и в книгах написано есть. И в Риме бе тогда и в Малой Русии мнози мученицы Быша за старое такоже то благочестие веры, и пострадаша до смерги от отступников своих. Такожде бо и зде, в Великой Русии, о превращении веры ныне всем ведомо есть во всей земли. всякому чину, и деревенским мужам и женам, и детем их разумно бысть; и вси знают уже, от кого учинилося то на Москве, и в кое время и лето, и в книгах написано есть и будет. И мнози такожде пострадаша и зде за старое правоверие от новых отступников всякими смертми повсюду. Вся же сия Быша, да сбудется писание: яко по тысяще лет Рим отпаде, яко же Книга о вере глаголет, и по 600 летех Малая Русь отступила к Риму, a по 60 летех Великая Россия превратися в разна нечестия и пестроты многия, и по шести летех лукавым соборищем их толь на верных велие гонение и мучительство воздвижеся, яко не бысть нигдеже. А посем отмщает Господь крови сынов своих и отмстит, и воздаст месть врагом, по Писанию. А в Греции иссякнути вере насилием агарянским: сице писано есть о них, тако и совершается уже у них давно то. A Никон и на греческие книги ссылался ложно. Греческие бо книги двои стали давно у них: рукописные старые малые, кои остались не сожжены от римлян, и те правы книги; и другие новые, печатные новые греческие книги есть, иже печатаны по взятии Царя-града, и те все растленны суть и римских ересей наполнены. От сея вины учинилося тако в печатных тех книгах: егда греки прибегоша в Рим со всеми старыми своими книгами, кроюще их от турского султана, с них же и наши русския книги переведены. и те книги у грек (отняли?) римляне и на свой язык преложили, а те старые все греческие сожгли, враги проклятые, и с своего языка латынского почали уже печатать греческим языком, смешавше их своими ересми, и продают их грекам, по градом возяще, еже бы во свое мудрование привести их тем вымыслом, якоже и нас никонияне ныне. И Греки по нужде покупают их, зане печати у них несть и при верных царех не было. А кои греки благочестие хранят чисто, тии отнюдь тех книг не приемлют, но препишют с нужею старые и по тем славят Бога. И во Афонской горе 20 монастырей греческих и 4 русских, а вси тех книг, сквозе еретические руки прешедших, не приемлют же. A печатают их латынцы в трех градех своих: в Риме, в Париже и Венеции. И те прокаженные книги латиногреческие печатные Никон посылал покупать тамо, и купил их на многие тысящи сребра. Сам ныне сказа всем во время отречения престола и патриаршества своего, и числом сказа, но аз забых то. И с тех новогреческих печатных книг печатал он на Москве новые нынешние книги: потому они и не согласны со старыми нашими. Арсений грек, враг Божий, научил его. Никона, покупать те книги еретические. он переводил их на наш язык словенский, и тем они разврат велий сотворили во всей Русской земли no всем церквам, и тем Христа Бога нашего прогневали, и на весь мир много (беды?) и пагубы навели противными книгами и чужами догматы нововводными. Якоже древле в пустыни при Моисее пророке противнии врази Божии и Моисеовы. Авирон и люди сонма его, чуж огнь внесоша в храм Господень, понеже бо в скинии свидения вжизашеся кадило огнем, сходящим с небесе повелением Божиим, а они, противящеся Моисею, принесоша кадило со огнем своим в церковь, и сего ради погуби их Господь за противные уставы²⁹⁵: томужде подобно и Никон зде сотвори, противяся Богу и святым его угодником, русским церковным пастырем, и чужестранные книги и новые свои уставы раскольные внесе в церковь, и посем сам Богом изгнан из церкви вскоре, и прельщеннии от него мнози казнями Божиими потреблени Быша, лживии же²⁹⁶ не внимают о том, и еже он, Никон, приложил прилог на литоргии по изглаголании символа веры. И егда²⁹⁷ речет иерей: Горе имеем сердца, людие поют: Имамы ко Господу. И паки иерей глаголет: Благодарим Господа, и людие отвещают: Достойно и праведно есть²⁹⁸. Сице во всех древних Служебниках греческих и русских. А он приложил к тому: спокланятися²⁹⁹ Отцу и Сыну и Святому Духу, Тройце единосущней и неразделъней. И сего неподобного к тому глаголу прилога отнюдь несть и в тех книгах харатейных, на кои он ссылается. Ино бо есть благодарити, ино покланятися. Хотел тем Никон помраченный перемудрить³⁰⁰ святого Златоуста и Великого Василия. Но николи³⁰¹. Никон же приложил на литоргии стих оный: Видехом свете. И того приложного³⁰² стиха ни в коих же Служебниках отнюд несть и не было.³⁰³ Той стих поется на Троицын день на литии, и той он стих³⁰⁴ приложил петь на литоргии с хулным непщеванием на святых всех руских светилников, будто они. живучи в Руси, потеряли веру, и без правые веры так спаслись³⁰⁵, а он, будучи в патриархах, обрел веру истинную. Всю пестроту собрал³⁰⁶ окаянный своеумием, а людем сказуя ложно, будто в греческих книгах³⁰⁷ справил все слово в слово. А стих: Благословен грядый во имя Господне, Бог Господь и явися нам, отверг в первых новых Служебниках; а в старых везде той стих есть, и в новых иных опять положили его со оговором, и ныне поют его вси. И иных превратов, и прилогов и отятий и изменений³⁰⁸, явных ересей в новых книгах безчисленное множество есть, но многим простым людям не ведоми суть³⁰⁹. Аще бо кто разумный муж и ведая добре святая писания и ереси вся зная, и сведет всякую новопреводную книгу с древле преводными старыми словенскими книгами: тогда узнает кое тма, и кое свет есть³¹⁰.

В греческих же книгах старых и аллилуия по старому стоит и доднесь, дважды, а третие: докса си о Феос³¹¹, по-руски: слава тебе Боже. И во Иерусалиме у гроба Господня доднесь аллилуия сиде поют, патриарх и прочии вернии с ним³¹²: аллилуия, докса си о Феос³¹³. Аз бо известно о сем ведаю³¹⁴ и самого канархита³¹⁵ гроба Господня, именем Павла, видех на Москве, бывша во 174-м году, и с ним много беседовах о всем, он же сказа ми: патриарх-де Иерусалимский по-старому слагает персты³¹⁶, за кое знамение крестное вы ныне почали страдати, и Никона-де он предтечею антихристовым зовет, услышав, как³¹⁷ он завел новой свой Иеросалим в селе. A Цареградский-де патриарх благословляет по новому, малаксиным сложением. И обе руки их начертал ми на бумаге пером. Зрите³¹⁸, яко и греческий патриарх разномысленно мудрствует о том. И о щепотке в греческих книгах старых отнюдь несть, разве нового некоего безъимяника иподиякона³¹⁹ Дамаскинского, суесловца оного и расколника церковного, емуже никониане безумнии последуют, оставя святых многих, писавших нам о правом сложении перстов³²⁰; Мелетия патриарха Антиохийского, и Феодорита епископа Кирского, и Петра Дамаскина и Максима Грека; и книгу Стоглав руских святых обругаша; еще же и на иконех³²¹ святых чюдотворных многих изображено то Христово сущее знамение блужение в руке его³²² учиниша и оболгаша лестно двема Сына (?), их же хулная и ложная уста подобает заграждати³²³ нам православным поборником их же архиерейским действом и кроме многих книг. Отвещай ми, о, архиерей³²⁴ самый лучший, за всех един, иже Христова знамения в сложении пяти перстов ненавидящих, не хотящих тем себе крестити, ни люди³²⁵ благословляти: егда бо служа литоргию, приим в руку три соплетены³²⁶ свещи купно, а в другую³²⁷ руку свою вземлеши две сложенные свещи совокуплени же, и тема осеняеши люди в церкви и благословляеши их ими, скажи ми зде о сем своем пятосвещном сложении и благословении, что знаменует твоя трисложная свеща³²⁸. Всяко речеши се: яко образует³²⁹ Святую Троицу неразделную, три составы во едином Божестве совокуплены. Что же знаменует двосложная твоя свеща? Кроме бо сего ино не речеши. вем, – точию отвещаеши ми: яко сия образует во Христе два естества, Божество и человечество. И аз ти глаголю посем: добре рекл еси, учителю³³⁰. Вонми же зде праведно о своем действии и толковании онем: яко треми³³¹ свещи Троицу исповедуеши, тако и мы тремя персты ту же Троицу исповедуем; и яко посем³³² двема свещи во Христе два естества исповедуеши. тако же и мы двема персты естества же во Христе исповедуем³³³, а не два Сына, – не лжите на истинну: грех есть. Аще бо у нас два, то и у вас два; у вас бо пять перстов в сложении крестном, у вас пять свещь в сложении осененом архиерейском. Аще бо первое лестно, и второе лестно. Но не буди то; во обоих бо едина истина есть, – в нашем, и в вашем сложении свещном. Наше же вашего крепчайше есть тем, зане вы, во дву руках держаще те свещи, ими исповедуете таинства оная, мы же во единой руце сложивша держим и исповедуем те таинства обоя. Тем же не подобает вам архиереом того истинного сложения в перстах охуляти, но лобызающе то с похвалою держати, якоже и пятисвещное свое, да не будете сами себе ратницы и обличителие. 0 сем разумно буди вам: от тех бо трех перстов един, и от тех трех свещь едина, и от тех дву перстов един, и от тех свещь едина, являет неотлучное сошествие с небес на землю самого единого от Троицы, единородного Сына Божия, воплотившегося нашего ради спасения от Пресвятой Богородицы и Приснодевы³³⁴ не преложно. Понеже бо весь бе в нижних, и вышних никакоже отступл неоиисанное Слово. Схождение³³⁵ Божества не описуется местом. Слово, рече, воплощается, и от Отца³³⁶ не отлучается, по Златоусту. И: отча недра не оставль, и сошед на землю³³⁷ Христе Боже, по Дамаскину. И вси святии Апостоли и богословцы сице, пиша, глаголют о неизглаголанном вочеловечении Христове. Сей разум³³⁸ святых отед сокровен в сложении тех перстов и свещах ваших осененных святительских. И како не разумеете сего, и всяко беззаконно³³⁹ своя клятвы налагаете на ны и на всех правоверных христиан? И того ради³⁴⁰ туне и всуе. О, пастыре помраченнии! He просто подобает вам разумети писания и предание отеческое всякое, но в самом писмени и догматех церковных скрытый испытовати разум. He бо глаголы есть точию закон; но во глаголемых и ум духа есть. Аще бо по числу перстов и свещь своих рассужаете о сложении крестного знамения, то убо не два Сына, но три будут; аще же по составом начнете толковати, то убо и во единой щепотке (девять составов, а в) Троице святей, Бозе нашем, не девять. но три составы точию. Вси святии тако. И по сему разуму подобает вам еще не трема персты, но единым точию трисоставным перстом креститися, попросту рещи кукишем, по оному старцу, на негоже указуете в Жезле своем богомерзком, иже начерта крест перстом своим над собою, и змия прогна. Сице и вы на себе крест начертайте, и щепотку покиньте, да не будет многобожие у вас, и тогда уже правые учители будете. Простите, поругах вас зде словом сим. За неправосудное ваше прилагательство³⁴¹ Христос Бог судия вам будет и святии³⁴² отцы наши. Все ваше новое никониянское мудрование и уложение ложно есть и лукаво³⁴³, и отческому писанию противно, и богоборно и богомерзко есть³⁴⁴ по всему, егоже подобает и вам с нами купно попирати и потребляти, аще хощете спастися и неповинны и не сужденны стати со святыми отцы нашими и своими на страшном суде Христове в последний день.

Паки еще реку к хулящим сущее Христово знамение³⁴⁵ в сложении перстов по-древнему, и двема сынами облыгающих его. Скажите ми вси любящеи новое знамение³⁴⁶ в щепотке: егда бо в великом граде Москве во един день по всем церквам совершается сто литоргий и более, и во всякой церкви правоверной тогда дароносим бывает Христос Сын Божий ангельскими чинми невидимо над хлебом и вином, – сего ради и поется то в херувимской песни по всем церквам, и веруем тако по писанию, – и во всякой церкви правоверного архиерея³⁴⁷ совершенно бывает само тело Христово и кровь его святая на престоле по проложении, и како зде о всех тех³⁴⁸ литоргиях помышляеши и веруеши? И сто ли Сынов Божиих исповедуеши, о щепотниче, сто ли телес Христовых мниши быти в той час, никонияне прельщенный и худоверный? По тому вашему лукавому смыслу о старом сложении перстов подобает по всей земли³⁴⁹ во единой церкви едину литоргию совершати, да не будут многия Сынове, и многия цари, и многия Христы, и не будут многия телеса Христовы, но едино тело Христово во единой церкви. Что противу сего отвещаете зде нам? Заградят бо ся всякая уста, глаголюща неправду на истинную правду Христову и святых его. Аще бо лепо вам треми персты щепоткою молитися³⁵⁰ a по сошествии с небес Сына Божия на землю и по втором рождестве его, по кресте и смерти,³⁵¹ и по воскресении его и по вознесении на небеса, не подобает³⁵² теми тремя персты креститися отнюдь християном правоверным, понеже бо крест Христов³⁵³, а не троицын; един бо на кресте страда Сын Божий Исус Христос, но и то плотию, а не с плотию и Божеством. Божество бо³⁵⁴ в нем бесстрастно пребысть и бессмертно. Сего ради к Божеству Святые Троицы не подобает крестныя страсти прилагати, да с еретицы Севирияны не сообщимся³⁵⁵ и не осудимся с ними, но три персты³⁵⁶ слагаем просто, а крест начертаем на себе двема персты³⁵⁷, которые образуют во Христе два существа и две воли, а не два Сына. Далече буди от нас таковая хула! И в книгах святых старых наших такового хульного толкования несть, нигде не бывало³⁵⁸. А лукавых человек, диаволих сынов, лжющих на ту истину, не унять нам никониян злых. Древле бо в Цареграде еретицы иконоборцы, цари и святители, такоже лукавые враги покланяющихся святым иконам правоверных християн нарекли идолопоклонниками, а иконы Христовы и Богородичны, и святых образы нозывали болванами,³⁵⁹ и кололи их и плевали на них, яко бешени окаяннии, и сожигали их и в воды метали³⁶⁰, а поклонников их мучили всяко, брады их смолили³⁶¹ и огнем палили, и били, и в ссылки заточали³⁶², якоже и нас ныне никонияне за старые догматы и чюдотворные иконы, на них же писано сложение перстов якоже и в книгах старых; и соборы собирали и проклинали их якоже и нас выне власти наши темные. А Христос им терпел гневом своим лет сто³⁶³, и потом уже ту ересь потребил, и еретиков тех искоренил всех, а страдалцев своих во веки прославил, а мучителей их в муки вечные осудил. И нашим мучителем таможе быти, аще не обратятся.

Зри еще правду о четырекратной аллилуия³⁶⁴. Преже бо Никона в Руской земли у нас начал четверити трисвятую песнь аллилуия³⁶⁵ во Псковеграде роспопа Иов, троеженец блудный, и книги составлял своеумные, и по многим градом и по монастырем рассылал со ученики своими. И тем расколом колебаша³⁶⁶ церковь не мало, и о том тогда обличал его преподобный Ефросин отец: о сем в житии его писано пространно. И за ту ересь тот Иов³⁶⁷ наказан бысть от Бога за молитв святого: два бо лета черви точили его жива, и умре зле тако. А преподобному Ефросину явились три велицыи святители: Василий, Григорий и Иоанн Златоуст³⁶⁸, и велели ему поставить церковь³⁶⁹ во своя имена в монастыре его, возлюбивше его за благочестие веры³⁷⁰. И потом прислан бысть преподобный Максим Грек от Афонския горы к Москве, и услышав о том бывшем расколе, и написа слово цело³⁷¹ в книге своей на новых раскольников³⁷², и четырми патриархи вселенскими засвидетельствова, яко не подобает отнюдь четверити аллилуия³⁷³, римскуя ересь сказа то быти. Потом же и собор бысть на Москве при царе Иоанне. и ту ересь отвергли святии отцы наши собора того и в Стоглаве книге своей написаша о том добре. После того³⁷⁴ не дерзнул уже никто в Руси у нас четверити аллилуия в церкви до Никона отступника. Никон, враг церковный, паки поднял ту попранную ересь, и поборники его безумные в книгах новых утвердили заульную³⁷⁵ блядь после Никона. А при нем в новых книгах печатано по старому аллилуия и в Ермолаях печатных и во Псалтырех со воследованием и во иных новых книгах. В древних церковных книгах³⁷⁶, ни в греческих, ни в словенских рукописменных и печатных, не обретается тоя ложные мудрости нигде отнюдь³⁷⁷.

Обличается никонов ложный толк. Глаголет святый Иоанн Богослов: всяка лжи от истины несть. Аще же не от истины, то от лживого диявола. Толкует бо Никон и поборницы его сице: аллилуия Отцу. аллилуия Сыну, аллилуия Святому Духу. а Слава тебе Боже покрыша и соединение Троицы. От уст твоих сужду ти, рабе лукавый, глаголет Христос. Зде глаголеши лестно, покрывати мняся и соединяти Святую Троицу четвертым приглашением своеумным. Яве бо то есть зде хулы твоя, а не хвала. Яко бо то лишенный ума онучу или солому пришивает к краю ризе, тако и ты, гордоусец, ко пресвятой песни ангельской аллилуия приложил еси четвертую славу, явился еси миру тщеславием свом мудрейши всех святых отец греческих и словенских, и за ту гордыню свою безумную, яко сатана, проклят еси от Бога и от всех святых его и с последующими плотскому твоему мудрованию. Ты же в новых Служебниках по Херувимской песни уставил еси пети аллилуия по 3-жды, а Слава тебе Боже четвертого там не поставил еси приглашати. Почто тако развратился еси своим разумом? Почто тамо не покрываеши Троицы и разделяеши посвоему? И почто не соединяеши тамо, яко посреде псалмов, Святые Троицы́? Такоже и во весь великий и святый пост по псалмех, егда поется аллилуия па 8 гласов по 3-жды: аллилуия, аллилуия, аллилуия, почто же и тамо Слава тебе Боже не прииеваеши, и на Троицу покрышки не налагаеши и своея не соединяеши? И почто, о окаянне, не единогласно славиши Святую Троицу, но превращаешися, яко прах ветром возметаемый? Еще же, егда и за упокой поется трекратно еже аллилуия, по уставу церковному, почто же ты и тамо не имаши четвертое Слава тебе Боже прилагати, а на псалмех прилагаеши, не бояся и не стыдяся? Аще бы четверити аллилуия, по твоему суемудрию, то убо и везде четверити подобает по вышереченным местам и службам. Но несть нигде. Се убо обличаю твое студное мудрование от твоих же новых книг и прочих служб церковных. Лучше бы тебе, паршивому пастуху, почивати на отеческих уставех и не прелагати бы предел вечных, яже положиша отцы твои, по писанию, и не бы таковое породилося всегубительство всемирное, не бы толика буря погружала церковь. Раздираюшего бо церковь и мученическа кровь не может загладити греха, по святому Златоусту. Помните себе сие слово, неразумнии. Вы же, благочестивии и вернии братие, плюньте на их новые уставы. Слышите зде и видите, как солга неправда себе, по пророку. Наша же мати, святая восточная церковь, егда поет двократну аллилуия святую, тогда вместо третии глаголет слава тебе Боже. Егда же со ангелы трикраты возглашает аллилуию, тогда уже четвертое не приглашает нигде. Се есть церковное истинное мудрование: в трисвятой песни аллилуии славится Бог Святая Троица, и трема аллилуии славится Бог Святая Троица. Испытано бо о сем до нас от святых отец, утвержено в церкви Духом Святым и запечатано есть мученическими кровями до скончания века, аминь. А никониянам, врагам Божиим, не подобаше бы того переворачивать предания церковного правого. Переворотит и Христос самех стремглав за то. Толкует святый Герман патриарх цареградский, исповедник, и едину аллилуию по трем лицам Святые Троицы, сице: аль Отцу, иль Сыну, уия Духу Святому. А есть и к единому Сыновню лицу потрижды поется, – на антифонах литоргии по вся дни и на господские праздники: Спаси нас, Сыне Божий. (имя рек) поющих ти: аллилуия, аллилуия, аллилуия. И на праздник великомученика Георгия в стихире на литии. Се же есть не в Никоне же (?), а сице по правому разуму: слава, слава, слава тебе, Боже; или: хвала, хвала, хвала тебе, Боже; или аллилуия. аллилуия, слава тебе Боже. Точию бо четвертые славы и хвалы ко трием лицам неподобает прилагати нам: понеже бо несть четвертого лица в Божестве, сего ради запрещают нам о том святии отцы. Аллилуия бо тоже есть хвала, или слава тебе, Боже. Сего ради и к Богородицыну лицу припевается под кондаком и ко святым многим; почести ради ангельского жития их и слава и хвала им приглашается. Аллилуия же ангельского языка речение есть: слава тебе Боже по-русски, докса си о Феос по-гречески, глориа тиби Деус по-римски и по иных язык. И како та речь глаголется человеческими языки? Сего ради: понеже ангел и человек во един собор соединил Христос сошествием своим на землю и всегда ангелы с человецы Бога славят, и аллилуию поют дважды ангельским языком, а третие слава тебе Боже человеческими языки глаголется. А во иных местех и вси языком ангельским поют трикратно аллилуия, являющи на древнее непременное славословие устава их (?), по откровению пророком святым, а слава трижды трисветлому единому Божеству. Сих всех (?) яко поможе нам вражию лжу и лесть обличити и уста их заградити церковию истинною.

Посем еще засвидетельствую вам всем, православным христианом, от многих святых писаний о настоящих последних днех и о кончине века сего, да разумеете твердо, яко в последняя времена сия исправления веры не сказует никое писание, ни ветхое, ни новое, но сам Христос Бог истинный и все святии Апостоли и Пророцы глаголют везде, яко в последняя времена отступят от веры, превратят писания по своей похоти. и пременять, и преложать, исказять вся и внесут ереси погибельные, и мнози тем последовати будут, и прочая таковая. Слыши же и внимай всяк верный не краем ушесъ. Вопросиша Апостоли самого Христа наедине, глаголюще: рцы нам, что есть знамение твоего пришествия и кончина веку? И отвещав Исус рече им: да никтоже вас прелстить, мнози бо приидут во имя мое, глаголюще: аз есмь Христос, и многих прелстятъ. И посем, рече, брани и рати: востанет язык на язык, и царство на царство, и будут глады и пагубы и трусы по местом. Вся же сия начало болезнем, рек Господь. И посем о убиении их – Апостол и мученик сказа им, и о ложных пророцех, сиречь о еретиках и предотечах антихристовых, возвести им, яко востанут и прелстят многие, и за умножение беззакония иссякнет любы многих. И потом, рече Господь, проповесться сие Евангелие царствия по всей вселенней во свидетельство всем языкам, и тогда приидет кончина. Егда убо узрите мерзость запустения стоящу на месте святе, иже чтет, да разумеет³⁷⁸. Се о всем явственно сказа сам Создатель наш. И по сему разумейте, яво проповедь Евангельская бысть уже во всех языцех по вселенней давно и держашеся ими многа лета, и угасе паки везде повсюду самая истинная вера Христова и бысть, яко не бысть. Тако устроил сатана льстивый предотечами антихристовыми по развязании своем. Наш же словенский язык последи всех прият веру Христову совершенную, Божественным его смотрением и промыслом дивным, вскоре после седми соборов вселенских. В нем ухитрил тойже делатсль нечестия диявол мудрее всех прежде падших язык во времена своя. Посем зри, что еще Петр Апостол вещает о лживых учителех и о последних днех сих: Быша же и лживии пророцы в людех, якоже и в вас будут лживии учители, иже внесут ереси погибельные, искупльшего их владыки отметающеся, приводяще себе старую погибель, и многи последствуют их нечистотам, имиже путь истинный похулится, и в преумножении льстивых словес их уловят вас. И паки: сие прежде ведуще яко приидут в последние дни ручателе, по своим похотем ходяще, и прочая. Ниже: вы же, возлюбленные, преже ведуще, хранитеся, да не лестию беззаконных сведени бывше, отпадете своего утвержения. Такожде и Богослов Иоанн много о том глаголет в трех своих посланиях. И Июда брат Господень глаголет, яко в последние времна бyдут ругатели по своим похотем ходяще в нечестиях: сии суть отделяюще себе от единости веры, и суть телесни, духа не имуще. Святый Апостол Павел (Иуда?) явно прорече о нынешних отступницех и о прочих, яко они поругаша вся предания церковная древняя, и отделилися от единости веры отеческие, и телеса и брюха у них толсты и мотылы полны всегда, а Духа Святого пусты. Еще и Павел Апостол, вселенский благовестник, глаголет о тех же к Римляном, зач. 121: молю же вы, братие, блюдитеся от творящих распри и раздоры чрез учение, емуже вы научистеся, и уклонитеся от них: таковии бо Господеви нашему Исусу Христу не работают, но своему чреву, иже благими словесы и благословением прелщают сердца незлобивых. Тойже так глаголет, зач. 284: Дух же явственно глаголет, яко в последняя времена отступят нецыи от веры, внемлюще духовом лестчим и учением 6есовским. Всякое бо новое предание, противное церкви, бесовское учение есть, а не святых. И паки к Тимофею глаголет, зач. 295: Сие же веждь, яко в последние дни настанут времена люта, будут бо человецы самолюбцы (самолюбие же матерь ересем есть, глаголет Златоуст и святый Максим), сребролюбцы, величавы, горды, продерзави, прелагатае, и проч. Тамо еще: имущии образ благочестия. силы же его отвергшиися, и сих отвращайся, рече Апостол, всегда учащася и николиже а разум истины приити могущия. Якоже Ианний и Замврий противистася Моисею, тако и сии противляются истине, человецы растлени умом и неискусни в вере. Но не преуспеют паче на мнозе, – ох, увы! ибо безумие их явлено будет всем, якоже и онехе бысть. И паки глаголет Апостол пророчески: будет бо время, егда здравого учения не послушают, но по своих похотех изберут себе учители, чешеми слухом, п от истины слух отвратят и к баснем уклонятся. Выше сего рек Апостол, яко сам за правду гоним бысть: и вси, рече, хотящии благоверно жити о Христе Исусе гонимы будут, лукавии же человецы, и чародеи преуспеют на горшее, прелщающе и прелщаеми, и прочая. Сиречь: якоже пиании и слепии, друг друга за руку взяв и на кабак влечет, глаголя: тамо и тамо вино хорошо. (мед) сладок, и жены красны, (тако) и всякие отступницы благочестия друг друга влекут к прелести погибельной и во дно адово, а возбраняющих им не последовати прелести и лжи и нечистот не прикасатися, таковых трезвых рабов Христовых ненавидят и гонят, и мучат и убивают всяко за благочестие. Вонми же зде всякий иравоверный о всех выше реченных словесех Христовых и Апостольских, яко не сказа ни един, ежебы в последнее время быти исправлению, по страстному хвалению их. He одни бо ваши никонияне таковыи, но вси древении отступницы правые веры называют свое отступление исиравлением яснейшим, – римляне, и армены, и немцы, и униаты и прочии таковии прельщени еретицы. Всякая прелесть еретическая подобна есть красной и лестной девице блуднице лакомой: аще бо и вси ее знают, яко она растленна есть от многих блудников, есть сквернива душею и телом, и в тайне родит, и убивает плод свой, стыда ради и безчестия, но въяве образ благочестия показует всем людям, и является яко чиста дева и непорочна, и перевязку и венец носит, и косник с кистию, и тем внешним образом лстит незнающих ее лукавства и покрывает наготу срамоты своея, а наедине и во тме рачителей своих нуждею привлачит на ся бессрамотно. Тако и отступницы имеют токмо образ благочестия отвне, силы же его отвергошася от недр, по Апостолу и по Христову словеси: приходят во одеждах овчих, внутрь же волцы и хищинцы: от плод их познаете их, рече Господь. Что же по отступлении последнем грядет, послушай Апостола Павла глаголюща, зач. 275, ко Солуняном: да никтоже вас прелстит ни по единому же образу, яко аще не приидет отступление прежде и открыется человек беззакония, сын погибели, противник и превозносяйся паче всякого глаголемого Бога, или чтилища, якоже ему сести в церкви Божии, аки Богу, показующу себе яко Бог есть, Смотри зде, по отступлении им антихрист приидет скоро. Тогда бо, при Апостоле, в Селунех лестцы некия смущаху верных, глаголюще. яко наста пришествие Христово второе и кончина веку: сего ради Апостол. уведав, и писал им о том, еже не слушати бы им лестцев, и сказа им, глаголя: ныне мы приводим всех язык в веру Христову, по его велению Господню, и мнози веруют, и после нащего учения апостольского будет отступление веры в тех же языцех, их же мы научихом и крестихом везде, и тогда уже явится сын погибельный, противник, антихрист, во свое время, егоже есть пришествие по действу сатанину, на большую погибель отступников и жидов, отрекшихся истинного Христа Бога и веры его правыя. Сего ради послет им Бог действо льсти, воежо веровати им лжи, и прочая. А сатана им посадит на шею своего черта, антихриста, и речет: вот вам новый бог, мой сын, вместо Божия Сына Исуса Христа; его в молитве не любисте и мне угодисте, мои есте рабы, милые; и Христов крест разрушисте и сложение перстов Христово оплевасте в книгах, и вместо того моя два начертания приясте: пожалую вас, другов своих, в лучшее место, будете со мною и со антихристом в езере огненном и жупелном. И тако поругает сатана своих угодников и посмеется им. Глаголет бо Апостол Павел ко Евреям, зач. 324: волею бо согрегшющим нам по приятии разума истины, ктому о гресех не обретается жертва. Слыши: покаяния самовольным отступником не сказует, не согласует Апостол. Страшно же некое чаяние суда и огня ревность, поясти хотящего сопротивнка. Отвергся кто закона Моисеова, без милосердия при двоих или триех свидетелех умирает, то есть камением побивали тех отступников тогда; ныне же колико мните горшия сподобится муки, иже Сына Божия поправый и кровь заветную скверну возмнив, еюже освятися, и Духа благодати укоривый? Вемы бо рекшего: мне отмщение. Аз воздам, глаголет Господь. И паки: яко судит Господь людем своим. Страшно есть, еже впасти в руце Бога живаго. Слышите, отвергшиися старого благочестия, всех непорочных святых книг, и кровь Сына Божия нечистоту быти помыслившия, по старым Служебникам совершаемую святыми отцы, и прочая вся тайны инако пременившии, что Апостол Христов сказует вам: горе вам, горе будет. и лучше бы вам не родитися! Отлагание бо прежде бывшей заповеди за немощное ее и неполезное, глаголет Апостол Павел. И по сему словеси не мощно и здравия чуже возмнити за старое благочестие, и заповеди и предания преже бывших святых церковных пастырей, от нихже вы крещени и освящени бысте благодатию Духа Святого, а ныне вся та уставы и чины древния укоряете и попираете, а новые вся появляете и лобызаете: то уже подобает вам по новым книгам сызнова и крещение прияти от новых своих святителей, a то уже старое крещение не во спасение будет вам, но во осуждение вечное и на проклятие. Понеже глаголет Василий Великий: креститися подобает, яко прияхом, а веровати, яко крестихомся. И мы no сему словеси вселенского учителя церковного шествуем прямо, и веруем тако, якоже крестихомся и обещахомся пред церковию хранити то до смерти. Изменити и солгати Богу не хотим. Вемы бо пророка глаголюща по вся дни: возненавидел еси вся творящия беззаконие, и сего ради и умираем за то. А вы, дураки новолюбцы, изменисте свое обещание и солгасте Богу в вере. Того ради погубит вас Христос Бог преступников и от всех своих святых отец прокляти будете, и не будет вам с ними ни части, ни жребия в будущем веце. Вы зде отрекостеся веры их: и они тамо отрекутся вас. А мы свидетели будем тогда на вас, предадим отступников дияволу. Намучилися от вас зде, устами (устали?) говоря вам.

Слышите паки, паки, правовернии братие, яко второе Христово пришествие близ есть. Тогда бо, по антихристе, скоро яко молния приидет и убиет его духом уст своих, упразднит явлением пришествия своего, по Апостолу. Уже вся отступления совершишася, по писанию, во всех царствах. Есть пишет Ияков Евреин в книге своей, глаголя, яко по престатии царства греческого быти скоро десяти рогом антихристовым. И вемы, яко царство греческое давно преста, десять же рогов, десять царей, иже со антихристом будут во едино время, о них же и во Апокалипсисе писано явственно в 17-й главе. Антихрист же по седьмой тысящи явится сам. О сем писано есть в Синаксаре. в неделю мясопустную, в Триоди. Внимай же, яко и седьмая тысяща прейде уже давно, и осмые тысящи уже вторая сторица лет скончается: и то уже приспе время пришествия антихристова и десяти рог его, зловерных царей, от них же и римская блудница раззорена будет в то время и прочая отступная царства поряду до севера. Сего уже жди всяк верный, блюдися отступников новых, не ими веры и не последуй их развращенным уставом: уклоняющихся бо в развращение отведет Господь с делающими беззаконие, глаголет пророк, или в плен, или во ад. И на собор их лукавый не надейся. Собраша они сонмище свое не на утвержение истиины, но на отвержение ее и на кровопролитие християнское, хотяще поставити свою прелесть, а неповинующихся их прелести пестрой погубити всех умыслиша, по махметовым правилом, a но по церковным, – никакоже: нигде бо от века не слышано, еже бы верные верных убивали на смерть, или християне християн мучили всякими муками, и приводили бы нуждою и неволею к вере Христове. He бо не токмо в книгах святых, но и во сне не видано такого коварства и наглости сатанины. И егда исполниша своя похотения вся и утвердиша Никонову прелесть всю и новые книги, а стоящих за старое благочестие раззориша и примучиша: ныне нам мир и утвержение, и наша рука высока, и мы одолели всех! И за то их лукавое возношение и мучительство приидет на них всегубительство внезапу, по писанию Христова Апостола Павла, зач. 271: егда бо рекут мир и утвержение, тогда внезапу нападет на них всегубгителъство, якоже болезнь во чреве имущей, и не имут избежати. Воздаст бо Христос месть врагом своим. И паки глаголет Апостол, зач. 80: открывается гнев Божий с небесе на всякое нечестие и неправду человеков, содержащих истину во неправду, и прочая. И Моисей пророк глаголет в 2-й песни: Господь кровь врагов своих отмщает и отмстит и воздаст месть врагом. Вси бо вернии християне сынове Божии суть по писанию. Еще же и тело Христово и уды его суть по Апостолу: вы бо, рече, тело Христово есте и уди отчасти (зач. 153). Он же Христос Бог, Спаситель наш, глава всему телу церкви своея, сиречь всем нам православным християном, по Апостолу (зач. 230). Мы же храмы и цериковь его, по Апостолу (зач. 128, 135 и 182). И аще бы кто, взем сына царева и рассек бы его на уды, и каковые ему милости от царя (ждати?) и как может любити царь такового супостата своего лютого? Или аще бы кто от неверных един, взем тело Христово, и в пещь огненную вверг, или попрал бы то ногами своими, ругаяся: и кто бы от верных, зря такового врага Божия, возлюбил его? He вси ли такового злодея возненавидели бы и осудили, и камением бы побили его, ругателя Христова? Такоже отступницы новые – никонияне какия милости ждут от Христа Бога и Спаса нашего, иже тело его святое одушевленное рассекоша на многи части, и разориша то повсюду и попраша, и уды его, Христа Сына Божия, правоверных, глаголю, християн, отец и братию нашу, и матерей и сестр, всякого чина, погубили бесчисленно всякими смертми и томленми лукавыми и лютыми, о них же ныне все вопиют, глаголя Господу: доколе, Владыко святый и истинный, не судиши и не мстиши крове нашея от живущих на земли (Апок. 6)? Аице бо оный судия злый, иже Бога не бояшеся и человек не срамляшеся, услыша убогую оную вдовицу. стужающу ему на соперника своего, по евангельской оной притче Спасове (Лук. зач. 88): Бог, рече, не имать ли сотворити отмщение избранных своих, вопиющих к нему день и нощь, и долготерпит ли о них? Глаголю вам, яко сотворит отмщение их вскоре, рече Христос Спас наш. И по сем рече о пришествии своем втором, глаголя: обаче Сын Человеческий, и пришед, обрящет ли веру свою на земли? Толк: не обрящет убо никакоже истинные своея веры, разве малых избранных, крыющихся на земли сей, но смятение велие будет в вере и смущение. и повсюду расколы будут и распри друг с другом, зане разум изпразднится правый в человецех истреблением истинного Духа Господа, за всяку нечистоту и неправду; а на месте святем мерзость запустения стояти будет, по Христову словеси и по Даниилову речению пророчю. сиречь священство покупное и скверное будет стояти в алтарех церковных, и крайние самые архиереи яко повапленные болваны будут, глупы и неучительны, и на всяко дело благо не искусны, точию бо на творение пиров, и на составление медов и прочих питий благовонных, и на собрание богатства тщательны будут и на блуд лакомы; поставлямые же от них попы и дияконы ометие человеческое будут, ни к чему же годны и пусты всякого блага, токмо бо на соблазн миру и на погибель душевную и ва всяко зло потаковники будут, и людем простым научитися и вопрошатися о пользе душевней ве от кого будет, понеже бо детельное учение и словесное в начальницех иссякнет до конца. Аще бо и будет учение где во иных церквах, но и то развращенно будет, яко слепец слепца аще водит, и оба в яму впадут. И тоя ради душевные слепоты и многого неведения и окаянного заблуждения умножится везде нечестие и беззаконие всякое при кончине века сего пред пришествием Христовым, якоже и преже потопа. И сего ради Христос Госдодь кончину века сего и пришествие свое второе страшное уподоби днем Ноевым и Лотовым: якоже бо быстъ. рече, во дни Ноевы, тако будет пришествие Сына Человеческого (Мат. зач. 102 и Лук. зач. 87). Сиречь уподобляет: внезапу приидет, яко тать в нощи, не увесть никтоже. И тогда бо Ной праведный за сто лет начат сказовати нечестивым всем, яко потоп будет на вселенную: покайтеся, врази, и обратитеся к Богу, да не зле погибнете! Они же не вероваху Ною и смеяхуся ему, делающу ковчег, и глаголаху: аль. аль (?), откуду взяться воде и потопить нас? И тогда один токмо праведник с женою и чады обретеся на земли, и спасошася их от потопа 8 душ, а прочии вси отступницы Быша, тьмы тем их, и вси погибоша водою. Такоже и в Содоме вред погибелию един Лот обретеся, избавлен бысть от погибели беззаконных, на Содом же и Гоморр и на окрестные их грады одожди Бог огнь с небесе и камение горящее, и тем погуби их всех до единого за скверное и наглое блудодейство и злобу. Такоже бо и ныне есть и будет в скончание века сего. Мало будет зело благочестивых и верных християн на земли сей пред пришествием Христовым, вси уклонятся в прелесть и в разное нечестие, в разные ереси и роскошное житие скверное, наипаче же в пиянство и блуды. И во время се глаголют, и посем еще начнут глаголати малии вернии православнии людие злославным отступнииком: покайтеся, прельщеннии злодеи, и покиньте прелестное новое учение всякое, и держитеся благочестия святых отец наших, сияющих чудесы и миром благоухающих, и не пременяйте веры их, уставов и книг, – худо будет, погибнете и предотечами антихристовыми осудитеся за сие! Се уже близ второе страшное пришествие праведного судии и сердцеведца всех. Христа Сына Божия и Спасителя нашего! Они же, отступницы, тех благочестивых людей возненавидят за то обличенис. якоже и нас ныне никонияне возненавидеша туне, и начнут лице свое отвращати от них и глаголати с гордостию: мы ныне обретохом правую веру, разумне исправихомся на лучшая мудрейшими дидаскалами, а не отступихом от веры, теже все книги держим: Библию и Евангелие Христово, и Апостол и прочая; а отцы наши древние. аще и святыи Быша и чудна сотвориша, а правые веры не разумеша, якоже мы мудрствуем; а пришествие Христово коли будет, тогда то и будет, а нам век наш! Сице глаголют нам верным вси отпадшии еретицы: римляне, люторы, немцы и прочих всех разных вер еретицы, – вси сами себе оправдают; тако и униаты; и наши никонияне темиже баснями отрицаются истинные веры и старых книг отеческих. И сии вси отстуиницы нетокмо нам, свидетелем старого благоверия церковного, но и по сих скоро хотящим приити великим и преславным свидетелем Христовым, Илии пророку, и Еноху, и Иоанну Богослову, не имуть веровати никакоже. Егда они, от века уготовлени посланницы Божии, начнут обличати прелесть антихристову и их отступников всех укоряти будут не понашему еще, но безо всякия помазки, со властию и грозою страшною, имже и вся стихии повиноватися будут: и отступницы те не послушают их, и назовут их раскольниками и развратниками. И егда убиет их антихрист: они, слышавше, возрадуются и возвеселятся, и дары пошлют друг другу на радости, яко таковых обличителей избыли и козней всяких, наводимых на них (Апок. гл. 11). Тако убо ожесточит их сердда лукавая. И прелести своея не покинут, дóндеже и во ад снидут с нею. И тамо проспятся, яко пияни, с похмелья и почнут каятися без пользы: ох, ох, глаголюще, – увы нам, яко заблудихом от пути истины и не взыскахом его!

Вы же, вернии братие, помните наставники ваши, святые отцы, иже глаголаша вам слово Божие, на их же взирающе скончание жительства, подражайте вере их, а в научения странна и различна не прилагайтеся, по Апостолу (ко Евр. зач. 334). И сам рече: се гряду яко тать: блажен бдяй и блюдый ризы своя, да не наг ходит и узрят срамоту его (Апок.16). Ризы беречи велит Господь, их же мы прияхом от святого крещения, – веру правую и заповеди добрых дел, дабы не ограбили нас бесове и еретицы, антихристовы шиши. О той же ризе и в кондаке поет церковь святым отцам седми вселенских соборов, сице: апостольское проповедание и отец предание церкви едину веру запечатлеша, яже и ризу носяща истинны, исткану от вышнего богословия. и прочая. И сию ризу драгую небесную никонияне издиравили ныне по многих местех, символ веры и прочая догматы святые перешили. И то явные они изменники Христовы и святых отец. Нам же всем православным християнам подобает умирати за един аз, егоже окаянный враг выбросил из символа тамо, идеже глаголется о Сыне Божии Исусе Христе: рожденна, а не сотворенна. Велика зело сила в сем аз сокровена: противу бо ариевы хулы положили его святии отцы на первом соборе, яко рожен, а не сотворен. A по новому они глаголют други Ариевы сице: рожденна несотворенна, сице глаголя закрывающе проклятого Ария ересь, любя его. И за сию едину измену прокляти они от всех святых отец. Аз-то везде есть в книгах святых. А сие подобает нам поминати святое писание твердо, еже глаголет Дух Святый во Апокалипсисе, во 20 главе: блажен и свят, иже имать часть в первом воскресении, на них же смерть вторая не имать области, и прочая. Воскресение первое разумей тысящу лет оную, (в ней же) всемирный враг диявол связан бысть, седя во темнице, да не погасит проповеди апостольской; и в той же тысяще лет собра Христос святые своя соборы седмь, ими же утверди в церкви своей Евангельское благочестие святых Апостол, и страдания и кровь мученик своих прослави, и наполни церковь свою святыми догматы, теми соборы, имиже вся зломудрия еретическая обличил и потребил; и в той блаженной тысяще лет вся вселенная воскресе от смерти зловерия многого, исправившися единою истиною. Тысяща лет названа воскресением первым, и блажен той человек и свят, иже имать часть веры своея в том воскресении первом, сиречь тем уставом и преданию святых отец последует кто, тех людей своих от вторые смерти, сиречь от вечные муки, избавит Христос ради первые веры их, и со Христом и со всеми святыми его царствовати будут. И егда скончается тысяща лет, разрешен будет сатана от темницы своея, изыдет прелстити языки, сущия на четырех углах земли, сиречь на восток и запад, на юг и на север, четырех концах вселенских. Внимай же зде, яко сатана развязан не на исправление веры. но на прелесть всем языком. Тако бо и деется по писанию сему оттоле до ныне. Впервые тогда выскочил из бездны, да и отторг от правые веры третию часть звезд небесных хоботом своим (Апок. гл. 12), сиречь папою римским всю западную страну: тому уже семьсот лет, егда Рим отпал. А потом и прочия земли прелстил, отторже хоботами своими, – всякий бо прелестник и лукавый учитель хобот есть сатанин, в них же он действует своя хотением, а не сам собою. Аще бы сам, то дурак узнал бы его злое учение. Но не таки цари и князи и святители, не могут познавати козней его заводных, кроме малых избранных Христовых рабов: святии знают, сего ради и терпят много. И во своих рабех Христос свою волю действует невидимо же, теми вражия козни обличает, и сего ради блази раби от злых мучими бывают. На Москве у нас недавно сатана возвел на царство лукавого сосуда своего чернца Гришку Отрепьева, и всем царством его прелестника приняли честно и покланялися вси, малы же люди обличали ево вора и погубили. Потом той же сатана попущением Божиим возвел на патриаршество вместо пастыря церковного своего лукавого волка Никона. имже всю церковь святую возмути и разврати противными догматы новых книг, а старые святые книги отверже лукавно помыслом своим диявольским, имже кровопролития много сотвори во всей земли. И вси людие прелесть его прияша и не видят, яко погибают душами и телесы. И самого Никона, яко пса. изгнаша, а блевотину его возлюбиша и утвердиша, и доднесь лижут прелесть ту, похваливая, а древнюю церковную истину всяко попирают, яко свинии бисер, и охуляют, и проклинают стоящих за ню правоверных нас християн всех. И за то на них законопреступников посылает Бог Гога и Магога косити их, ихжо число песок морской. О сем в тойже главе 20 писано: И потом, глаголет Богослов Иоанн, видех престол велик бел, и седяшего на нем, егоже от лица бежа небо и земля. И видех мертвецы малые и великие, стоящя пред Богом, и книги разгнушася, и суд прияша мертвщы от написанных в книгах по делом их, и прочая. Тако вся явно о страшном суде глаголет, егоже предвиде якоже и Даниил пророк. Зде конец есть веку сему, упражнение всему и воздаяние будет комуждо по делом его. He коснит бо Господь, но грядет скоро.

Ей, гряди Господи Исусе Христе, Сыне Божий, упование наше! Ты еси Спаситель наш и избавитель един, тебе бо славим со Отцем и со Святым Духом во веки, аминь.

Продолжение (второе) послания³⁷⁹

Хотел еще писати, да бумаги нестало. Еще Бог прислал бумажки: пишу свидетельства от многих святых писаний³⁸⁰ церковных, яко никонианского лукавого собора клятва бездельная есть и ложная, бесовская и еретическая³⁸¹, сего ради православым христианом всем, мужем и женам всякого чина,³⁸² держащимся древнего благочестия, старых книг, догматов церковных правых, неподобает пустошные их проклятые клятвы боятися, но попирати ее и плевати на ню; подобает же всем нам православным боятися праведные клятвы святых отец, седми вселенских соборов и девяти поместных, и прочих по них бывших, добрых пастырей и учителей церковных греческих и русских, от них же мы прияли³⁸³ древле святое крещение, и старые те непорочные книги. Вся тыя³⁸⁴ нам и до скончания века подобает держати непременно, умирати за них; а новым законопреступным и развратным соборищам неподобает нам правоверным последовати, кои Быша на Москве во 161 и во 175 годах³⁸⁵ на разорение древнего благочестия, и на отвержение старых книг, и кровопролитие християнское и убивство³⁸⁶. Богоотец пророк Давид, похваляя, глаголет³⁸⁷: блажен муж, рече, иже не иде на совет нечестивых, и на пути грешных не ста, и на седалищи губитель³⁸⁸ не седе, но в законе Господни воля его, и в законе его поучится день и нощь. И во ином псалме таковых нечестивых советы и соборы укаряет, глаголя: увязают в советех, яже помышляют, яко хвалим есть грешный в похотех души своея, и прочая тамо; сиречь: егда утвержает нечестивый новая своя смышления, тогда похваляется тем и гордится, и законоположником себе называет новым, (Никон и всякой отступник). И несть Бога пред ним, и оскверняются путие его на всяко время, глаголет пророк, понеже бо нечестием своим³⁸⁹ похваляется. Рече бо в сердцы cвоем: неподвижуся от рода в род без зла. Ему же клятвы уста его полна суть, горести и льсти, под языком его труд и болезнь, сиречь сокровенной еретической яд смертной³⁹⁰, иже в тайне убивает неповинного, и прочая³⁹¹. Такоже суть и нынешния наши новые отступницы, Яким слепый с прочими: не обрели на нас³⁹² ни единые правильные вины, но по своей окаянной страсти кленут нас правоверыых христиан за свое бесчестие и срамоту, и тем показуются миру праведны быти. Бог же праведный³⁹³ не на лица зрит, но на сердце. Якоже во Египте иногда прелюбодейца оная, блядь, пентефриева жена, восхоте осквернити нуждею избранника Божия Иосифа целомудренного блудным смешением своим, – оный же прекрасный³⁹⁴, бояся Бога и закона Божия, не хотя преступити, и убежа от греха, и посем оклеветан бысть от тоя же лукавые жены no гневу ее страстному, зане не исполнил скверные похоти ее, и сего ради ввержен бысть в темницу окован железом. Той же бо прелюбодеицы египетской подобны наши власти русские, новые прелестницы: тем же образом лестным привлекали нас всяко к новой Никоновой пестрообразной прелести, к своему отступлению, дабы и мы такоже охулили и прокляли отеческое древнее церковное благочестие, якоже и они: мы же, суще сынове и дщере церкве Сионские, к тому их безумию и явному беснованию не восхотели приобщитися, ниже мало повинутися. аще и мучими и томими много быхом от них тамо. во время соборища их лукавого. И сего ради оклеветали нас царю Алексию лестными глаголы и ложными баснями заочно³⁹⁵, понеже бо оные власти³⁹⁶ темные и пестрые всегда пред царем бяху, мы же вси страдальцы пред царем не бехом³⁹⁷ никогда же поставляеми, ни един от нас. Такоже и патриархом греческим оклеветали нас они же, наши лучшие архиереи, два лучшис отступницы³⁹⁸ Павел Крутицкой митрополит, да Рязанский архиепископ Иларион, и третий Иоаким архимандрит Чудовской, человекоугодницы царевы. Сии три лукавии³⁹⁹ змии зельне цареву душу возмущаху и на кровопролитие христианское поучаху его присно, и в прелести Никонове укрепляху его, чести ради и славы века сего. Понеже бо егда Никон патриарх, начальный отступник, начал расколы творити в церкви и книги пременяти, те лестцы в то время в малом чину Быша, – Павел⁴⁰⁰ бысть протопоп у Сретения на сенях у царя, а Ларион⁴⁰¹ поп бысть на Лыскове селе под Нижным, и овдове, и пострижеся, и бысть игуменом⁴⁰² у Макарья на Желтых песках, – и в то время поневоле руки своя приложили к Никонову умышлению⁴⁰³ сперва, понеже бо видеша страсть над Коломенским епископом Павлом. Той бо добрый пастырь бысть и к Никонову собору не приложи⁴⁰⁴ руки своея, и за то его Никон воровски обругал, сан сняв, и в ссылку сослал его на Хутыню в монастырь⁴⁰⁵ Варлаама преподобного; а тамо⁴⁰⁶ бысть архимандрит Барашко⁴⁰⁷ некто, и того Павла епископа мучил, угождая Никону врагу Христову, и за то тогда Христос отнял язык внезапу у Барашка⁴⁰⁸ того, и тако нем ходил до смерти. Павел же той блаженный епископ начал уродствовать⁴⁰⁹ Христа ради; Никон же уведав, и посла слуг своих тамо в новгородские пределы, идеже он ходя странствовал. Они же⁴¹⁰ обретоша его в пусте месте идуща и похвативше⁴¹¹ его, яко волцы кроткую Христову овцу⁴¹², и убиша его до смерти, и тело его сожгоша огнем, по Никонову велению. И тако тому конец рабу Божию сотвори Никон волк, дабы не обличал его законопреступника. Се есть начало Никонова безбожного соборища. И прочих отец, кои не приложили рук своих ко умышлению его вражию и возбраняли ему много, еже бы не раздирал церкве Христовы, – казанский протопоп Иоанн Неронов, Костромской протопоп Даниил, Муромский протопоп Логин, друзи Быша царева духовника благого Стефана благовещенского протопопа, и инии мнози отцы, – и сих всех Никон мучал и в заточение разослал, иных же и смерти предал безвестно, Царь же Никону молчаше⁴¹³, понеже запись даде ему своею рукою в начале поставления его, еже во всем его послушати⁴¹⁴, и от бояр оборонять, и его волю исполнять, якоже прельщенный оный отрок⁴¹⁵ рукописание даде сатане, егоже Василий Великий избави молитвою от погибели тоя, ·– тако омрачи его Никон лестчим некако духом. Царь же Алексий до того окрадения Никонова благочестив бысть зело, и правдолюбив и милостив, того же волкохищника Никона, пришедша во овчей кожи, не позна, и не опасеся от лести его, и не возможе⁴¹⁶ от сети его исторгнутися, или истее реща, яко не восхоте, да сбудутся писания о них обоих, писанная во Апокалипсисе и в книге Орле небопарном. На епископа же Павла Коломенского, нового исповедника, и на казанского протопопа Иоанна Неронова писал Никон тогда ко греческим патриархом ложные басни, оправдуя сам себя, а на них клевеща, яко диавол, будто они составили свои новые молитвы и чины церковные и теми людей развращают, и от соборные церкви отделяются. И Цареградский патриарх Паисий, поверя его клевете, писал⁴¹⁷ ответы ему, чая его пастыря сущего быти, глаголя ему⁴¹⁸: блюдися, брате, таковых, кои что ново вчиняют, и от церкве отделяются; таковии, рече, втории люторцы, сиречь немцы, прельщенныи от Лютора еретика невдавне. И те ответы напечатал Никон в новой книге своей Скрыжали, на погибельное оправдание себе и неведущим людем на соблазн. Патриарх убо Паисий о том право ему отвеща⁴¹⁹ по отписке ево; но он, враг, к нему судии⁴²⁰ не правду писал, но праведных мужей оклеветал, и заводом, яко Езавель⁴²¹ Навуфея. Нам же всем православным христианом во всей Русской земли ведомо о том, яко несть их творения, Павлова и Иоаннова, ни единые молитвы, ни тропаря нового, и единого слова развратного не вложили они в старые книги наши нигде отнюдь, и раскода в церкви от них не бывало никакова, и у киижные справы на печатном дворе не сиживали никогда, и в наборщиках не бывали: ведомо о сем всей Москве⁴²². Сам он, Никон, сын дияволов. всякие расколы и раздоры в церкви Российской⁴²³ сотворил повсюду, и догматы многие святых отец превратил, и книги старопечатные все охулил, враг, напрасно, и в тех место римские развращенные перепечатал по-русски, и в церковь внесе их со многими ересьми злыми; и тем пестрообразным новым нечестием своим всю землю нашу возмутил⁴²⁴, и брани лютые и кровопролития учинил, а неповинных рабов Христовых оболгал, якобы от них расколы в церкви учинилися. И сию убо неправду его кому судить, разве единому Богу! Потом же и сам окаянный возмездие приял: от тех же бо патриархов греческих извержен и поругав бысть, и простым монахом учинен от них. Сего убо⁴²⁵ изгнали; а новособранные развратные его уставы и чины, и новые книги вся утвердили. И се (не?) греческие патриархи совершили⁴²⁶, но наши русские власти по страсти своей то учинили, стыда ради своего, и царь восхоте сему быти: понеже многа уже лета по новому его уставу⁴²⁷ служили они вси, и новые многие книги напечатали, и многих христиан примучили, сначала еще, и в заточения загнали, кои не прияли тех новых преданий Никоновых. И сего ради они архиереи, и книжницы⁴²⁸ и старцы, обратитися не восхотеша⁴²⁹ на прежнее отеческое правоверие, глаголюще нам втайне и яве: аще уже нам, пастырем, и погибнути за отступление свое, а обратитися паки на первое невозможно! Вси христиане укорят нас, и оплюют⁴³⁰, и невернии иноземцы посмеются нам, вси в России живущии!⁴³¹ Великий государь то⁴³² изволил, а мы бы и рады по старым книгам пети и служити Богу, да его, царя, не смеем прогневати, и сего ради угождаем ему: а тамо уже Бог судит, – не мы завели новое! Вси сими глаголы оправдаются безумнии пасгыри новые, презирающе Святого Духа, глаголюща пророком: убояшася страха, идеже не бе страха⁴³³, и: яко Бог рассыпа кости человекоугодником⁴³⁴. Они бо, врази, вышереченнии человекоугодницы и душегубные царевы потаковники, Павел митрополит Крутицкий и Ларион архиепископ Рязанской, не по святым правилом наскочиша на престолы архиерейские: поиы убо биша в мире. Святая же правила постригшемуся попу не повелевают священствовати, нетокмо архиерействовати, и святый Афонасий Великий измещет таковых презорцов. И те убо два законопреступные архиереи утвердили все никонианство, по хотению цареву; а прочие все власти нехотя последовали им, славы ради и чести маловременные: возлюбиша бо славу человеческую, нежели славу Божию⁴³⁵.

На том же последнем соборищи своем умыслиша проклинати нас, стоящих за старые книги и за законы церковные святых отец наших, и нарицают своим именем, раскольниками, и проклинают нас по страсти своей, а не по правилам святых отец. Писано бо есть во святых правилах, яко от раскольника и подцерковника крещение приято. Зри же всяк правдолюбивый и благочестивый судие⁴³⁶, яко аще бы мы и вправду раскольницы были в вере, а раскольника и подцерковника не подобает⁴³⁷ отлучати от церкве, ни отвергати, ни проклинати их никакоже, но и крещение от них приято. Аще крещение от них приято и прочие тайны совершаемые от них прияты: темже ни мучити их, ни казнити подобает градскими казньми, точию бо словесы от святых писаний наказовати их почасту искусным учителем церковным, дабы престали от раскольства и от позирания церковного; от еретика же и от отступника правые веры неприято крещение отнюдъ: не действует бо Дух Святый еретическими руками и языком их ничтоже, и еретическое крещение несть крещение⁴³⁸, но паче осквернение. Сице писано во святых правилех o еретицех. Ино бо есть раскольник, ино подцерковник; ино есть отступник, ино еретик. И в ересях убо различие есть много, – ова бо мала суть, ова же велика суть зело. И еретика человека⁴³⁹ по первом и втором наказании отрицатися подобает по Павла Апостола словеси⁴⁴⁰, и по святым правилом отлучати его, и извергати и проклинати подобает по всему православным христианом⁴⁴¹. И по сему свидетельству святых соборных правил напрасно нас проклинают никонияне, – Аввакума протопопа, и Лазаря попа, и мене диякона Феодора, и Епифания старца, и прочих отец и братию нашу, матерей и сестр. Мы бо вси правовернии христиане, никакова раскола ни ереси не вложили в книги и в церковь не внашивали; но за старые книги церковные, за предания отеческая правая стоим и умираем, а их бесовскими клятвами беззаконными, яко онучами и стелками⁴⁴², афедроны подтираем. Проклинают бо они нас вымыслом воровским, страх наводя миру, неразумным людем, ежебы прелести их последовали вси и от старые правые веры отступили бы, дабы им отступником новым⁴⁴³ не стыдно было и хвално. Они, никонияне, раскольниками нас называют точно: зане мы⁴⁴⁴ секиры острые о Христе Исусе, пресекаем их прелесть и раскалаем ю, да не растет, ни процветает, но изсхнет из корения, якоже проклятая от Христа смоковница оная бесплодная и якоже Ларион архиепископ Рязанский, новый отступник и лстец царев, жив изсше, яко трава преже исторжения. Мы же их называли преже сего не расколниками точию, но совершенными еретиками, и предтечами антихристовыми, зря по делом их; и ныне паче нарицаем их в правду тако: указа бо нам о них явственно святый тайнозрительный Апокалипсис Иоанна Богослова, и Апостол Павел, и святый Златоуст, и Ипполит священномученик, и преподобный Ефрем Сирин и прочии церковнии учители, яснейши же Книга о правой вере указа их, яко перстом в лице, печатная на Москве до мору, и книга Орел сказа нам время се и имена начальным отступником, толкована от Ездриных книг мудрых, прежде даже и прадедов их не бысть. Аким Савелов, пастух лют недобрый, чаю, и не слыхал того Орла, а за никониянство расседается от души, а нас проклинает, забыв Бога и правду Его святую. Да обратится болезнь его на главу его, и на верх его неправда его снидет!⁴⁴⁵ Писано бо есть во святых правилах: Святитель, отлучая кого без правды, сам отлучен да будет. И святый Дионисий Ареопагит глаголет: святитель, аще кого прокленет не по воли Божии, не последует ему божественный суд, сам проклят будет⁴⁴⁶. И много есть писано о сем во святых книгах церковных: понеже бо праведен Господь Бог наш, и несть неправды в нем, по пророку⁴⁴⁷. И закон Господень непорочен держаша отцы наши во всей Русской⁴⁴⁸ земли, и нам той же оставиша непременен, и неизвращен предаша чадом своим, и в том они Богу угодили и спаслися. Без правые же веры не возможно угодити Богу, глаголет Апостол Павел. Держат убо веру Христову и вси еретицы, римляне и немцы, и униаты и прочие таковии, но неправу уже и растлену⁴⁴⁹ от еретик, и суть они за та вся⁴⁵⁰ прокляти от Бога и всех святых его и спастися убо, Христу Богу угодити не могут⁴⁵¹: понеже бо, по Апостолу, един ест Бог, и едина вера, и едино крещение во оставление грехов⁴⁵², а не мнози. Темже и мы уповаем с тоюже единою апостольскою и отеческою верою тако же угодити Христу Богу и спастися, якоже и они, апостольских и отеческих преданий и уставов не изменяем и не прилагаем ничтоже, за та вся⁴⁵³ и крови своя проливаем ныне и души своя полагаем, а нововчиняющих и нововзаконяющих отвращаемся и проклинаем, и древних и настоящих новых отступников и еретиков всех, no правилом святых отец наших, а не по своей страсти, якоже никонияне нас, но по писанию: кого бо святии отцы наши по правилом зде на земли связаша и прокляша, той на небесех связан есть и проклят; а кого святии отцы наши зде на земли разрешиша и благословиша, и на небесех той разрешен есть и благословен⁴⁵⁴. О еретиках же и отступницех правые нашея веры не инако разумей, но сице: еретицы бо и отступницы, аще патриарси они, и митрополиты, и архиепископы, и епископы, и протопопы словут, и аще они кого правоверна связуют и проклинают, того сам Христос Сын Божий благословляет, и милует, и спасает, а к себе присвояет, и вси святии его молятся ему за того человека, и заступают его: аще же кого еретицы и отступницы благословляют и жалуют, повинующегося прелести их, иже вся развращенная их мудровавия с любовию держит, а святых отец предания древняя уничижает и подирает, якоже и они архиереи⁴⁵⁵, такового человека сам Христос Сын Божий отвращается и ненавидит, и по начинанию сердца его отмщает и предает его диаволу во область, и вси святыя⁴⁵⁶ Христовы угодницы проклинают того, и мести от Бога⁴⁵⁷ просят нань, и не помогают ему благоприятными молитвами своими ни в чесомже. И тако той окаянный погибает и с прельстившими его купно осудится, и сведен будет в муки вечныя. – увы, увы! пророку глаголющу: уклоняющияся в развращение поведет Господь с делающими беззаконие⁴⁵⁸. И се явно есть, по святому писанию, яко еретическая и отступническая клятва беззаконна есть и ложна, и недейственна отнюдь. О сем бо есть целое слово преподобного отца Иосифа игумена Волоколамского чудотворца, в книге его Просветители⁴⁵⁹, юже написа он на новогородских еретиков и московских, бывших при нем и державших жидовство прикровоно, – и митрополит Московский Зосима жидовин уже бысти тайно, и верховные многие люди, их же он один обличал, и напасти от них многи претерпел⁴⁶⁰, а большие власти вси умолчали⁴⁶¹ тогда, яко болваны, якоже и нынешния, боялися клятвы митрополичьи⁴⁶². Того ради⁴⁶³ он тогда собрал о том много от святых писаний, яко неподобает правоверным боятися клятвы еретические, занеже беззаконна суть⁴⁶⁴. О таковой же клятве лукавых пророк Давыд глаголет: помози ми Господи Боже мой, и спаси мя по милости твоей, и разумеют, яко рука твоя си⁴⁶⁵, и ты Господи сотворил еси ю; прокленут тии, и ты благословиши; восстающии на мя постыдятся⁴⁶⁶, раб же твой возвеселится⁴⁶⁷, и прочая. Сице и мы молимся⁴⁶⁸ с пророком на никониян, всуе кленущих вас. Аще бо мы прокляти от сонмища их лукавого, то убо и вси святии отцы наши, русстии светилницы, благочестивии князи и царие⁴⁶⁹, и святейшия патриархи, и митрополиты, и архиепископы, в шести стах и седмидесяти летех бывшия от крещения Владимерова, и вси православнии христиане тогдашния прокляти суть от нынешнего собора Никонова⁴⁷⁰. И аще они святии отцы русстии прокляти от никониян, то убо и гречестии святии отцы древнии прокляты суть, от нихже прияша наши отцы святую веру истинную вскоре по совершении седмого собора, и старые непорочные книги без всякого примеса еретических⁴⁷¹ духов, в самое исполнение благочестия. И аще прокляти от никониян тогда сущии православнии пастырие гречестии⁴⁷², то убо прокляти суть от них и святые вселенские соборы⁴⁷³. И аще тако будет по их лукавому умышлению: то где правда, где благочестие погибе древних греческих и российских святых отец наших, и почто отвержены их старые чистые книги, почто и сами они Божии угодницы охудены и презрены и уничижены от никониян злых? Испытай о сем всяк благоверный, и внимай себе и зри умными очесы, что строит льстивый сатана сосудами своими и кому путь готовит ими. He явные ли они предотечи антихристовы? Святии вси отцы наши, древнии гречестии и русстии пастыри и учители церковнии, апостольстии Быша ученицы и Христовы; Христос же Господь наш рече учеником своим: слушаяй вас, мене слушает, а отметаяся вас, мене отметается и пославшего мя. И паки: аще мене изгнаша, и вас изженут, аще слово мое соблюдоша, и ваше соблюдут⁴⁷⁴. И прочая таковая многа словеса есть⁴⁷⁵ Христова, и сими словесы научает нас разумети и знати добрых и злых человек. Аще бо кои святых отец предания сохраняют, то убо и заповеди Божия исполняют⁴⁷⁶; аще же кои святых отец уставы преступают и отметаются их, то самого Бога повеления презирают и отметаются его. Аще же святых кто почитает и учение их делом исполняет и не пременяет, то убо самого Бога почитает таковый и волю его святую исполняет. Аще же кто святых учеников⁴⁷⁷ Христовых изгоняет, живых или мертвых, уничижает и проклинает их купно за правую веру Христову, или за предание апостольское и отеческое⁴⁷⁸, таковый, враг Божий, самого Христа истинного Бога нашего изгоняет и проклинает, самого Христа Бога нашего мучит и убивает и распинает, яко Пилат с жидовскими архиереи и книжники, и самого Бога Отца ненавидит: рече бо Сын Божий Исус Христос: ненавидяй Мене и Отца Моего ненавидит. Аще бо Сыну Божию враг, и Отцу Богу враг, и Духу истинному враг: равночестна бо есть Святая Троица. И аще таковый враг есть Святой Троице, и всем святым враг есть; точию бо диаволу угодник, и бесом друг, и еретиком сын есть, и послушннк их милый, мучителем проклятым брат есть и товарищ⁴⁷⁹. Тако бо и никонияне, новые отступницы. иже нас за старые книги и законы святых отец проклинают, не нас, но святых угодников Божиих проклинают⁴⁸⁰, учителей наших и наставников, имже повеле нам Апостол повиноватися и покарятися, и на скончание жительства их взирати и подражати веру их. И аще их проклинают с нами, то убо святых Апостол и самого Христа проклинают, якоже, жидове, иже распяша⁴⁸¹ Христа Бога нашего на кресте тридревнем, лютости ради своея, и се непщующе в себе кровопивии пси, яко да будет Христос проклят от всех по закону их, понеже бо писано есть в законе их: проклят всяк висяй на древе. Христос же Спаситель наш ту их лукавую жидовскую клятву во благословение преложи верным всем, и проклятое то от них тричастное древо креста неприступно дияволу сотвори, и всем бесом страшно содела. Тако убо и никониянского соборища беззаконную клятву, наложенную на нас, во благословение нам преложит силою своою, и в похвалу и славу вечную, зане сам, быв по нас клятва, от жидовского собора тогда и сам пострада от них, нам оставль образ, да последуем стопам его. Аще бо он, Создатель наш, Христос Бог Слово, за нас душу свою положи: колми паче нам грешным рабом его за него, Владыку своего безгрешного, и за святых отец наших, угодников его, и за правая предания их и непорочные книги церковные наипаче сугубо и трегубо подобает страдати и умирати. и души своя полагати со всяким тщанием и с любовию теплою во время се. Древле бо, во Израили, Маккавеи они чуднии седмь братии за свиные мяса токмо пострадаша от Антиоха мучителя: не хотяху бо послушати его и мяс тех ясти, да сохранят закон отец своих, – за сие и умроша от него вси. И се не погрешиша, но святи суть и мученицы. и от всех верных, в законе и благодати, почитаеми по вселенней⁴⁸². И паки онии три⁴⁸³ отроцы в Вавилоне не послушаша повеления царева безумного⁴⁸⁴ и не поклонишася новому богу, его златому болвану⁴⁸⁵, да соблюдут закон отец своих, и за сие⁴⁸⁶ от него в пещь огненную ввержени Быша, за упрямство: понеже бо вси людие всем царством поклонишася телу златому, и их жидове⁴⁸⁷ плененнии вси поклонишася за страх и великого государя Навоходоносора потешиша⁴⁸⁸ всем собором великим вавилонским, трие же юноши токмо⁴⁸⁹ пленнии, Анания, Азария и Мисаил, не покоришася, и за сие⁴⁹⁰ вышний Господь о них преславная сотвори, правые ради веры их, по вселенней то чудо протече на славу их; святых детей вся церкви почитает, поя и глаголя: по законех отеческих преблаженнии в Вавилоне юнии беду приемлюще, царева небрегоша повеления безумного и совокупльшеся, в нем же неизваришася огни, и прочая. И много тех образов в древнем законе, паче же во благодатнем Христовем бесчисленно есть. Нигде убо не оставляет просто Христос своего божественного дела и веры, везде бо рабов своих венчает, и прославляет за правду святых; а противным врагом своим, отступником и еретиком и злым мучителем, месть воздает. Древле бо на святого отца нашего Иоанна Златоустого лукавый собор собраша и неправедно его осудиша царь и царица и вси архиереи человекоугодные, и в ссылку его сослаша⁴⁹¹, не ближе, чаю, нашего Пустозерья, – аще и не за веру церковную, но обаче за правое его обличение: и он, добрый свет-пастырь, прославлен от Бога за сие⁴⁹², a иже обругаша его и осудиша неправо, тии вси врази вскоре погибоша по смерти его, разными казньми Божиими скончавахуся зле. А Златоуст и ныне Златоуст⁴⁹³. Тем же образом лукавым и на Москве у нас, при царе Иоанне, осудиша златоустого ревнителя, святого отца нашего Филилпа митрополита. и извергоша его, и в ссылку сослаша, и удавиша его тамо, раба Божия, царев угодник Малютка⁴⁹⁴ Скуратов, якоже Артемон, льстец нынешнего цара Алексия, душегубной потаковник и верным всем наветник лютый. Филлипп же святый чудотворец, и ныне постарому Филлипп митрополит и исповедник новой словет, а человекоугодных властей всех память погибе вечно, кои Филиппа обругаша, угожая царю земному.

Нынешний⁴⁹⁵ собор новый московский подобен собору греческого царя Анастасия еретика, иже бысть по благочестивом царе Маркияне гречестем же, после четвертого вселенского собора вскоре. Той бо четвертый святый вселенский собор бысть на еретиков греческих, на Евтиха Александрийского архимандрита и на Диоскора патриарха Антиохийского⁴⁹⁶, отметающихся воплощения Господа нашего Исуса Христа, сиречь Троицу они исповедывали. Отца и Сына и Святого Духа⁴⁹⁷, единого же от Троицы, Сына Божия. воплощение отметали, и паки нага его в Троице исповедовали, якоже и наши никонияне ныне в сложении трех перстов, в щепотке своей, ту ересь приемше держат, и такоже нага исповедуют его по воплощении, якоже Отца и Духа, кроме восприятия. Глаголаша бо тии еретицы, Диоскор и Евтих, яко Христос плоть свою на земли оставил⁴⁹⁸ и нагим Божеством вознесеся на небо⁴⁹⁹. Сего ради собрашася святых отец в Халкидоне граде⁵⁰⁰ 630, и тех еретиков обличиша и прокляша, во Христе же Исусе, Сыне Божии, два существа исповедаша неразлучна во веки, сиречь Божество и человечество совершенно вкупе, и на небеса вознесшася с плотию проповедаша его. Тойже царь Анастасий по сем не восхоте последовати святому собору и преданию правому святых отец, якоже и наш московский царь Алексей Михайлович, – уклонися и ересь Диоскорову, и настави своих новых патриархов вселенских, потаковников своей погибели, а старых благочестивых святителей и пастырей церковных, великих и малых, в ссылки разосла, кои не покорилися его зломудрию, и четвертый собор святых отец всех прокля, неправо быти помышляя предание их и уложение⁵⁰¹. И в то время патриархи гречестии⁵⁰² и прочия власти их вси еретицы Быша, якоже и царь их; един токмо правовервый архимаидрат остася Сава Освященный во обители своей, якоже и у нас в Соловецком монастыре благочестивый архимандрит же⁵⁰³ Никонор с братиею, и к царю на совет нечестивых не прииде. Царь же Анастасий нарочно⁵⁰⁴ посла по него, и повеле его с честию привести от Иерусалима в Царь-град. И привезену бывшу ему, царь много ласкаше святого Саву, еже бы приложил руку⁵⁰⁵ к собору его, понеже ведый его⁵⁰⁶ мужа добродетельна и свята, и славного жития⁵⁰⁷. Преподобвый же Сава не послуша царя, много ему от писания глаголя, яко не подобает предание святых отец преступати четырех вселенских соборов, но повиноватися им достоит, яко четырем Евангелистом. Царь же не мучи его, но паки отпусти⁵⁰⁸ его во свою обитель. Святый же, видев, яко вси церковнии учители⁵⁰⁹ уклонишася в нечестие царево, тогда собрася с десятью тысящь иноков пустынных и прииде во Иеросалим, яко воевода небесного царя Христа, и седе ту⁵¹⁰ во осаду. Царь жс посла⁵¹¹ воеводу своего с силою многою, хотя взяти силою и побити, – яко и наш царь присылал войско свое под Соловецкой монастырь, – и архимандрита присла в тоже время уговаривать святого Саву, и учеников его, и патриарха Иерусалимского⁵¹² Иоанна и всех граждан. Патриарх же Иоанн архимандрита царева послуша, и повинуся царю Анастасию. Святый же Сава повеле того патриарха Иоанна в тюрму посадити, яко изменника Христова. Патриарх же даде⁵¹³ рукописание святому Саве и всем верным людем, яко паки стояти ему за веру святых отец. Преподобный же Сава повеле его свободить⁵¹⁴, а тому прелестнику, архимандриту цареву, повеле главу отсещи и на коле поставити пред всеми людьми, и рещи, яко сей есть враг Святые Троицы. И воеводу того царева иерусалимляне взяли на вылазке и привели к Саве. И начат пред ним плакатися и прощения просити, да отпустит его жива, яко поневоле прислан от царя своего. Святый же отпусти его здрава, и послание писа⁵¹⁵ к царю Анастасию, называя новую его веру антихристовою верою, и много наказуя его отступника в послании своем святый Сава. Царь же Анастасий не раскаяся о проклятии святых отец. Потом же некогда вскоре нападе на царя⁵¹⁶ страх и ужас, и нача⁵¹⁷ бегати в полате своей и вопити необычным гласом, и помале тако умре зле, и погребоша его нечестивии святители его честно. Во гробе вложил Бог душу из него; он же кричаше, тоскуя и бияся во гробе, и калиги своя снеде. Людие же, слышавше вопль его, и разгребоша могилу, и засташа последний лоскут калиги в роте⁵¹⁸ его, и паки умре окаянный. Се показа Бог над ним сего ради, яко он, еретик, благочестивых людей, страждущих от него за старую веру, в ссылках морил голодом⁵¹⁹, мало давал пищу⁵²⁰ им, а сам по смерти и калиги своя съел, образуя себе вечный глад. И по нем рассыпася еретическое его соборище, и проклятые патриархи его вси погибоша; а четвертый вселенский собор святых отец утверди Христос иными благоверными цари и святители во веки.

И паки подобен есть московский собор собору царя греческого Константина Копронима, лютого еретика иконоборца. И отец его Лев царь еретик же иконоборец бысть и мучитель верным; той же сын его проклятый превзыде злобою отца своего множайшею: всех убо⁵²¹ православных святителей и священников и дияконов и иноков изгна и умучи разными муками; святые же иконы Христовы и Пресвятой Богородицы⁵²² и святых, разкалая и сожигая, и своих такоже угодников наставил патриархов вселенских, и митрополитов и прочих не освященных архиереов, и безбожный собор свой собра, и святые иконы болванами нарекоша и идолами, и отвергоша их от церкве и попраша до конца вся, а покланяющихся святым иконам нарекоша идолопоклонниками, и прокляша их всех всем великим своим собором, и глаголаша оправдающе себе⁵²³, яко древнии святии не знаючи покланялися иконам, а мы ныне, великий государь Константин, всем святым собором изыскали истину, яко неподобает покланятися иконам, – Пророк глаголет: уста имут, а не глаголют, очи имут и не видят, уши имут и не слышат⁵²⁴, ноги имут и не ходят, яко болваны, и прочая таковая, собирающе еретицы от писания же. Пророцы то глаголали о идолех, языческих бозех⁵²⁵, иже не на славу⁵²⁶ Божию сотворены Быша: и они, слепые еретицы, та писания⁵²⁷ обратиша на святые иконы, иже на славу⁵²⁸, Божию, и в подобие его и Пречистые Матере его и святых написаны суть. И тех еретиков, лукавых царей и архиереев безумных, не мало бысть, яко псов бешеных, иже овец Христовых поядоша многих, яко волцы лютии. Егда же прииде кончина царю Копрониму, мучителю гордому, тогда окаянный узнал правую веру святых отец, и честные иконы похваляти начал, вопия бо⁵²⁹ со ужасом пред всеми потаковниками своими: увы мне. рече, яко святых ради икон при устии геенны стою осужден! отселе да почитается образ Христов, и Пречистые его Матере и всех святых! Неволею уже исповеда окаянный правду; узнал свое нечестие и беззаконие, но не во время. При смерти бо откровена бывают всякому дела его добрая и злая, благочестивому и злочестивому, живописуются в лицах вся по совести его. И царь Феофил иконоборец при смерти позна свое злочестие, и чесо ради хульная уста его раздрашася. И Иулиян царь отступник и лютый мучитель позна при смерти, чесо ради прободен бысть копием от великомученика Христова Меркурия, и вопияше всем глаголя. яко Исус Назарянин мя убивает, и умре зле. Тако бо и наш московский царь Алекоей Михайлович, прельщенный от Никона еретика и отступника, при смерти своей позна неправду свою и законопреступление свое и отпадение от правые веры отеческие, и вопияше великим гласом, моляся новым преподобномучеником соловецким: О, господие мои! послушайте мя и ослабите мя поне мало, да покаюся! Предстоящии же ту и седящии вопросиша его, глаголюще со ужасом: кому ты, царь-государь, молишися прилежно и умильно? Он же сказа им, яко приходят ко мне старцы⁵³⁰ Соловецкого мовастыря, и растирают вся кости моя и составы тела моего пилами намелко, и не быти мне живу от них. Пошлите гонца скоро и велите войску отступить от монастыря их. Боляре же послаша гонца скорого, по повелению цареву, Но в то время⁵³¹ самые болезни его взят бысть монастырь и разорен, и братия вся, иноцы и белцы, побиени Быша, и разными муками и необычными замучены, и Никонор преподобный архимандрит и многолетный старец⁵³², иже и отец бе ему, царю Алексею, и той замучен⁵³³ ту разными муками во едином часе от стрелецкого головы Ивана Мещерского (sic), сатанина угодника. И гонца он послал своего к царю на радости, чая себе великие почести, еже взял монастырь и пригубил всех живущих в нем; гонцы же оба на пути сретостася и сказаста друг другу, чего ради послана⁵³⁴, и без пользы возвратишася кождо во своя. Царь же потом скоро скончася недобре. И по смерти его той же час гной злосмрадный изыде⁵³⁵ из него всеми телесными чувствы, и затыкающе хлопчатою бумагою, и едва возмогоша погребсти его в землю. И потом прием державу царствия его царевич Феодор Алексеевич, и по наказанию отца своего повеле в Соловецкой обители пантократорове службе церковней, по старым книгам быти, за них же пострадаша до смерти архимандрит и старцы и вси трудницы⁵³⁶ Христовы, и прочая вся держати по чину и по уставу святых чудотворцов новопосланному⁵³⁷ архимандриту; патриарх же Яким, отступник отеческого благочестия и паршивый пастырь, не восхоте тому быти, и приказал поновому вся творити, стыда ради своего: понеже на соборищи том лучший сват бысть, всякия от царя ответы и лести, и страхи и ласки, и прещения и моления и обличения на новые бляди относил. И во время обругания моего, егда остригоша мя с протопопом Аввакумом за единой⁵³⁸ литоргией, и в той час, прежде стрижения и клятвы, послах аз с ним Иоакимом увещательное послание⁵³⁹ к царю Алексею о многих сокровенных тайнах церковных, и о новых ересях на дванадесяти столицах, писано моею покойною рукою⁵⁴⁰, и запечатано кростом Христовым, и наверху свитка того подписано бысть сице: сего писания никому не распечатать и не прочести⁵⁴¹, кроме самого царя. и с сим⁵⁴² писанием хощу аз судитися с вами на страшнем суде Христове. И от того писания от царя ко мне ни единого вопроса, ни ответа не бысть, ни блага, ни зла, умолче бо о всем⁵⁴³, якоже оный неимый одеяния брачна на себе и самоосужен от совести своея: напоили бо его никонияне пияна христианскою кровию неповинною и своим прокислым вином⁵⁴⁴ прелести, и ограбили душу его, яко тати и разбойницы церковнии⁵⁴⁵, снявше с него драгую ризу православия отеческого, и облекоша его во многошвенная своя и раздранная рубища нечестия многого. Боюся бо, едва не речет ли ему царь царствующих, Христос Господь наш, яко и оному худоризному на браце: связавше ему руце и нозе, вверзите его во тму кромешную, ту будет плачь и скрежет зубом⁵⁴⁶. Той же сват лестной, Яким, в то время архимандрит бысть в Чудове монастыре⁵⁴⁷, и на соборе своем паче всех архиереов похвалялся на нашу кровь, глаголя нам: егда вам отрежут языки ваша за укоры-те⁵⁴⁸. тогда как уже станете говорить? и егда отсекут вам руку-ту правую, тогда как станете креститься-то? Якоже Каиафа пророчествовал нам. Мы же отвещахом поединому им: аще и главы наша отсечете за истинную веру святых отец наших, не боимся мы того; а языки вам силен Христос иные дати, новыя⁵⁴⁹. И по совершении соборища своего лукавого сбысться его проречение на нас, – отрезаша нам трем по языку: Лазарю попу и Епифанию иноку. по времени и мне Феодору; Христос же, Спаситель наш свет и праведный судия, не оставил нас, паки даде языки и слово нам попрежнему. Мы же благодарим Его, Творца своего, о том чудном его даровании, и писахом к Москве благоверным⁵⁵⁰ братиям во славу его, и царю ведомо бысч о том. Нецыи христолюбивии братия Христа начаша прославляти, а отступником поносити за кровопролитие наше, и новоутвержденное их нечестие укорять со дерзновением; архиереи же лукавии. Павел и Ларион, и архимандрит Яким, и прочии злии советницы их и новолюбцы посрамлени Быша от них. И умыслипиа ин ков⁵⁵¹ на нашу кровь грешную, лютейше первого сугубо, еже бы не быти живым нам. И приидоша к царю и начаша жалобу творити на тех, братию нашу о Христе, благочестия поборников, и на нас клеветали ему. глаголюще: развратникиде, государь, изгнанные и осужденные от нас, пишут к Москве людем⁵⁵² многим и хвастают, после казни будто им паки Христос дал языки иные, и говорят попрежнему ясно. Царь же рече им: слышах и аз о том. Тии же⁵⁵³ кровососы начаша ротитися и клятися пред царем, и широкими ризами потрясати, и колокольчиками яко сучьки плясовые позвяковати, и глаголати царю лестные глаголы: никако, государь тишайший, нестатное⁵⁵⁴ то дело, еже Христу дати им языки после нашея клятвы, – ни, государь, лгут, или мало им отрезали уже то⁵⁵⁵! И сего ради, говорят, пошли, государь, паки нарошно к ним, врагом нашим, и повели при всем народе до основания вырезати языки у них, и по руце отсещи, за Христово то⁵⁵⁶ их знамение крестное, и мы в то время услышим и правду их узнаем, даст ли им Христос, Сын Божий, языка-те, и как-то станут говорить паки и паки! Царь же рече им: батки, суть не устать казнить-то; да боюся Бога!⁵⁵⁷ была им уже казнь, – и духовная ваша, и наша градская! Они же, темные власти, якоже жидовстии⁵⁵⁸ архиереи рекоша Пилату о Христе, тако и они о нас: кровь их на нас, государь, и на чадех наших! и неподобает уже им противником быти и живым!⁵⁵⁹ К сему же иную злую казнь возвели на ны в тоже время⁵⁶⁰ они, лукавые змии, будто мы послания писали на Дон к казаком и мир весь восколебали⁵⁶¹. И тем они, лестцы, возмутили паче цареву⁵⁶² душу на ны, еже бы чем пригнати нас к смерти. Царь же поверил им, и послуша их, и повеле на Москве тех рабов⁵⁶³ Христовых хватати, и в темницы такоже сажати, и за караул предавати и мучити всяко. К нам же в Пустозерье посла полуголову Полтева, приказу Ивана Елагина, и повеле нам паки языки вырезать до основания последнего и по руце отсещи. Пригнав же скоро полуголова, и сотвори нам тако при всем народе, и к болезни язв наших приложиша⁵⁶⁴ болезни, и к ранам раны вам прибавиша смертныя. Аще бы не Господь помогл нам паки в то время лютое смертное, не возможно бы нам уже и дыхати, и приничати. Праведный же судия и сердцеведец, Христос истинный Бог наш, хотя лестное их умышление посрамити, и прелесть никониянскую и козни их обличити, преславная сотвори о нас, рабех своих, и в том же часе по казни той даде нам паки глаголати ясно, и раны вскоре исцели, яко всем людем дивитися и славити Бога о бывшем чудеси. И исполнися слово Христово на нас, еже no воскресении рече учеником, посылая их на проповедь: знамения же веровавшим сия, последуют, именем моим беси изженут, языки воглаголют новы, змия возмуть, аще и что смертно испиют, не вредит их⁵⁶⁵, и прочая, Егдаже полуголова до казни нашей ста на Москве, и ирииде к царю, и сказа ему вся бывшая о нас: царь же заповеда ему крепко⁵⁶⁶ не возвещати о том на Москве ниединому от человек, архиереом же тем кроволюбцам, Якиму, сам царь сказа, яже⁵⁶⁷ Бог сотвори над нами. Они же, окаяннии, слышавше, и безгласни Быша пред ним. И тако сия вся слышавшу и видевшу Иоакиму, паршивому пастырю, а обратитися на старое правоверие отец своих невосхотевшу, и прочии таковии⁵⁶⁸: легчае бо ему в том отступлении и отчаянии, якоже Июде предателю, удавитися, неже ко Христу обратитися, занеже он не Бога ради и постригся и не спасения ради души своея, но телесного ради покоя и чести. Быв убо он холоп царев, служивой ростовской⁵⁶⁹ мелких дворян, Савеловых⁵⁷⁰ родом, и бывшу ему на. службе под Киевом, жена же его⁵⁷¹ без него начат прелюбодействовати⁵⁷² явно с блудниками. Тамо же в полку товарищи его начаша кощунятися⁵⁷³ над ним, глаголюще. яко жена твоя удавит тя, аще придеши в дом свой к ней. зане ины мужи имать лучши⁵⁷⁴ тебе. Он же, не хотя служити царю своему, и стыда ради того тайно отъиде тамо в Печерский⁵⁷⁵ монастырь, и пострижеся, понеже⁵⁷⁶ ведая, яко на Москве и во иных знакомых местех не постригают здравых⁵⁷⁷ служивых людей по царской заповеди. Сего ради тамо пострижеся, и пожив мало, и преступи своего обещания, и бежа к Москве, яко оный ученик Сисоя Великого, тако и он от своего наставника, ища славы мира сего. О сем сказа нам Андреян⁵⁷⁸ Киприянов, – на карауле стоял у нас, и на службе бывал с ним. И бояся сперва на Москве жити, дабы не расстригли и не послали на службу. сего ради нырнул к Никону в новой его бесовской Иеросалим, и тут начал учиться⁵⁷⁹ грамоте, и напился ту фарисейского кваса; а до того не знал он писания, разве азбуки, ни церкви ни чина церковного, и не разумел догмат святых отец наших древних, и ныне не знает, – занеже не того ищет, – и книг святых не прошлец и не читывал⁵⁸⁰: понеже человек был служивый, и жил в глухой деревне, и заяцы⁵⁸¹ ловил, а у церкви в редкой велик⁵⁸² день бывал. И у Никона мало поживши, и пронюхавши, яко Никону уже патриархом не быть на Москве в старой чести и славе, сбежа от Никона и прииде близ Москвы в монастырь Андреевской к строителю Авраамию, и паде к ногам его, да приимет его и опознает на Москве честным людем. Монастырь же той назидаше в то время окольничий царев ближний Феодор Михайлович Ртищев и ceстра его Анна, Никонова манна, кравчая царицына. И той строитель Авраамий призвал его ко окольничьему Феодору Ртищеву. И по сем того Якима учинили казначеем в Симонове монастыре, и помале перевели его в келари к Спасу на Новой⁵⁸³. Тут же живе у Спаса отец Феодора Ртищева, Михайла Алексеевич, по обещанию. Келарь же Яким нача Псалтырь твердити, чаяся игуменом быть помале; Михайла же Ртищев, слыша⁵⁸⁴ от слуг ту сущих часто Псалтырь в руку его держаща и чая его молитвенника быти велика, и царю похвали⁵⁸⁵ его. И сам он, Яким, всегда являшеся пред царем, во всяких ходах и походах, и валяяся под ногама его⁵⁸⁶. Царь же разуме его угодна быти себе, и приказа его испытати оному Михайлу Ртищеву. которые он держится веры, – старыя, или новыя. Михаил же исповеда его тамо у себе о всем. Яким же сказа ему: аз-де, государь, но знаю ни и старые веры, ни новыя, но что велят начальниц, то и готов творити и слушати их во всем. И Михаил сказа се царю. И посем поставили в Чудов монастырь архимандритом на Павлово место. – пришел вор на вора, а вси на Бога! – Павла же поставили митрополитом на Крутицы, пасти ветры. И всех бо, елицех ставили при мне во власти, и пестрые и черные, со отречением: аще кой чернец отречется древнего⁵⁸⁷ благочестия церковного всего, и приимет новое все Никоново, того и поставят⁵⁸⁸ во власти будана. Аз бо, грешный Феодор диакон, всему тому самозритель. Некогда бо почали ставить Симона, игумена бывшего Александрова монастыря Свирского чудотворца, на Вологду во архиепископы. Начат же он по обещанию символ глаголати посреде церкве соборные, и егда рече в символе о Христе исповедание се: света от света, Бога истинна от Бога истинна, рожденна, а не сотворенна, – по старым книгам сице, а в новых рожденна не сотворенна, а аза тот и несть уже, – и за тот святой аз един, егоже Симон по старому изрече в символе, не хоте его царь поставити во архиепископы; озрелся, стоя, на Павла митрополита оного, и с яростию пыхнул, рек⁵⁸⁹ ему: ты мне восхвалил его; не хощу его аз! И пойде с места своего. Павел же льстец припаде к нему и рече ему с клятвою: никако, государь, несть в нем того, но промолвился. И повелеша Симону паки символ глаголати. Он же справил речь ту по новому речению. Царь же возвратися на место, и поставиша его во архиепископы. Таково у него держано любезно Никониянское умышление. Аз же той в символе старом во всех словенских книгах святых неизменно от начала веры, и подобает ему нужно тут быти и неотменно, понеже бо противу Ария еретика поставлен ту, яко рожен острый, от святых отец наших первого собора. Арий бо тварь глаголаше Сына Божия быти, сиречь создана от Бога Отца; святые же отцы исповедаша, по писанию святому, рожденна от Бога Отца, а не сотворенна. Сия суть сила во аз том содержится⁵⁹⁰. А которые старцы честные, по Бозе живущие и писанию искусные зело, и в вере правой стоят яко столпи крепко, и умрети хотят за ню: и таковых ныне не хотят ставить во власти, но и слышати не могут тех⁵⁹¹.

Бысть убо старед честен, и боголюбив зело и премудр, и писанию святых книг искусен вельми, умея бо сам гречески и латынски язык доконца, и польский, и ученый бе⁵⁹² человек, и вся дни живота своего над книгами просидел, и вина и сикера, сиречь всякого пития пиянственного отнюд не пия⁵⁹³ от юности: имя ему бе в мире Симеон, Потемкиных дворян честных по роду, живый в Смоленске до мору, после же мору взять бысть к Москве, и мало пожив⁵⁹⁴ и пострижеся на Москве, в Покровском монастыре Убогом за Яузою, во иноцех Спиридон имя ему, окольничему⁵⁹⁵ оному Феодору Ртищеву дядя бе по сродству плотскому, по старом благочестии церковном велик поборник бысть зело, и на всех еретиков и отступников правые нашея веры, паче же на римляны, и унеаты, яко лев рыкая; и в Полше тамо тех еретиков многих препре и посрами, и вси езуиты и кардиналы римские бояхуся его, не могуще противитися глаголом уст его. И на Москве он, блаженный старец Спиридон, проси собора у царя Алексея часто на Никонианскую пестрообразную прелесть и на новые книги его, хотя их обличити до конца, понеже зная⁵⁹⁶ откуду приидоша, и что в себе принесоша. Царь же глагола ему с лестию⁵⁹⁷: будет собор, отче! И тако много время манили⁵⁹⁸ ему, ждуще смерти его, понеже ведуще⁵⁹⁹ его мужа мудра, и всякому нечестию обличителя велика, и яко за новые книги противу ему никтоже может стояти. А сам царь возлюбил уже их вседушно, а старые возненавидел, и праведного собора на них не вздумал дати, и правдою рассудити не восхоте их. Некогда же присла царь Алексий к старцу Спиридону его, Феодора Ртищева, звати его митрополитом в Новъградъ. И той окольничей глагола ему: изволиши ли, дядюшка, на митрополию в Новъ-град? тамо ныне церковь вдовствует. Он же рече ему сице: Феодоре Михайлович! скажи царю: лучше бо аз на висилицу пойду с радостию, нежели на митрополию в новые книги. Кая ми будет польза в том? не хощу человеком угождати тленным. Племянник же его Феодор рече ему: воля твоя; иные таковые чести ищут и докупаются, а ты и даром взяти не хощешь! И с тем словом отъиде. Старец же той не порадовася чести и славе их обещанной, не как оный окаянный Яким келарь, бывший человекоугодник и блюдолиз. Но разуме уже лесть их и лукавство Спиридон отец, и глаголюще духом сице: братие, не будет у них собора, дóндеже Спиридон жив; егда же изволит Бог скончатися ми, по смерти моей в той же месяц воскипит у них собор скоро. Тако бо и бысть по словеси его. И преставися оный богомудрый старец во 174 годѵ. во исходе ноября месяца.

A по мене присла царь дьяка своего крестового Никиту Казанца с войны, декабря в девятый день, и повеле у мене в дому взяти книги и письма вся. Взяша же⁶⁰⁰, и мене отведоша во двор архиереов, глаголемого Павла оного Крутицкого, с книгами келейными, а письма мои домовые и выписки из книг всякие, и ставленную грамоту отнесоша вверх к царю, к тайным делам. В тоже время ять бысть и Никита поп суздальской с великою челобитною на новые книги. В тоже время⁶⁰¹ посла царь скоро грамоты своя ко всем пестрым⁶⁰² властям, повеле им скоро на собор съехатися в Москву. И абие стекошася скоро. Мне же между съездом их многие поставки были⁶⁰³, и распросы, и ласкания, и уговоры от Павла того митрополита, по приказу цареву, во дворе его, и в соборной церкви, и в патриаршей крестовой, дабы⁶⁰⁴ аз приложился к соборищу их, и приял бы вся новые книги, и ничего бы в них не хулил. И мне не восхотеся⁶⁰⁵ последовати отступлению их. И в тех разговорах⁶⁰⁶ любезне сказа ми Павел архиерей правду свою в крестовой патриаршей, яри боярине патриарша двора Илии Авраамьевиче Безобразове и при дьяке Дионисии Дятловском, пряся со мною, тихо и к слову некоему сказав, рече ми: и мы, дияконе, знаем⁶⁰⁷, яко старое благочестие церковное все право и свято, и книги непорочны; да нам бы царя оправить, того ради мы за новые книги стоим, утешая его. Аз же по тому его слову все лукавое умышление разумех, и рек ему: якоже хощете, творите, – самовластни есте⁶⁰⁸! Добро угождати⁶⁰⁹ Христу Богу, и церковь его оправдовати⁶¹⁰ святую, матерь нашу, и православных пастырей ея и учителей, а не на лица зрети тленного царя и похоти его⁶¹¹ утешати! Вы тем лестным оправданием своим хощете угодити земному царю смертному; аз же церковным старым оправданием святых отец хощу угодити небесному царю бессмертному. И посем преста увещати⁶¹² мя ласкою. Жих аз у него во дворе в Кремли⁶¹³ пять седьмиц и видех вся тут⁶¹⁴ бываемые коварства их. К нему бо во двор собирахуся вси архиереи, и книжницы и старцы, якоже к Каиафе древле на Господа нашего Исуса Христа, советующе лукавая. како бы убити его, – такоже и на нас у него. Ему бо единому Павлику и второму Иоакиму⁶¹⁵ сказа царь тайну сердца своего. а они и прочих всех властей уже освоеваху⁶¹⁶, и утвержаху в новинах всех стояти, a древнее предание все презирати⁶¹⁷ и ни во что же вменяти. а не хулити бы явно при нас. Вопрошахом же⁶¹⁸ мы их всех купно архиереов и и всего собора их: православны ли Быша прежния цари наши московские, и великия князи, и святейшие патриархи, и митрополиты. и архиепископы и епископы, и прочие вси святители русския⁶¹⁹, и при них рукописные и печатные книги церковные вся правы ли суть и непорочны? Отвещаваху они вси нам во едино слово⁶²⁰, яко вси прежнии цари и великие князи, и вси патриархи в святители⁶²¹ православны Быша, и при них рукописные⁶²² и печатные книги вся правы и непорочны суть, – их мы⁶²³ не хулим. Тако сказовали нам, яко правы старые книги и не хулим их, а не стоят за них, и в руце свои взять не хотят их; а инии и хотят взять их, но не смеют и боятся начальных отступников. И тако их змий лукавый опутал всех страхом земным и самолюбием века сего, и отторже их от истины.

Тоя же зимы и года и Аввакум взят паки бысть⁶²⁴ из ссылки с Мезени к Москве на сонмище их, привезен и послан⁶²⁵ в Пафнутиев монастырь в соблюдение. В великий пост зимы тоя сам царь ко всем архиереом нощию ходя на водворья их, и по сту рублей⁶²⁶ даяше им милостыни, и моляше их, глаголя: отцы честнии, будите со мною, и аз с вами! Ови же обещавахуся ему радостно. Аз же в соблюдение отдан бех на Мосвве в Покровской монастырь по Павле, и во град часто вземлем бех. И по пасце обругаша мя с протопопом Аввакумом во един день. А Никиту попа преже нас остригоша за три дни. И предаша нас царю в руце: царь же посла нас трех в монастырь Святого Николы на Угреше, и тамо держа нас за стражею своею лютою в разных темницах. И се бысть над нами до пришествия греческих патриархов Паисея и Макария⁶²⁷ за пять месяцев. Последи же нашего обругания и послания на Угрешу, посла царь Павлу митрополиту в почесть полторы тысящи сребра за ков и труды его, еже⁶²⁸ потрудился над нами и по воли его устроил. По сем же предании⁶²⁹, у Павла того архиерея предателя, попущением Божиим, вселишася беси мнози в дому его, паче же в души его, и многим людем творяху пакости немалы. Егда же повеле царь взяти нас с Угреши: и Аввакума послаша паки в Пафнутьев монастырь. Никита же покорися от нужи. Мене же Феодора предаша тому же Павлу архиерею под начал, да увещает мя к своей прелести. Господь же сохрани мя. И в то время жих у него два месяца во дворе со старцы его, во особой горнице. и видех сам, како бесове⁶³⁰ гоняху по вся вечеры певчих и подьяков его из подклетов, нам нимиже он живяше сам, и камением бросаху в них бесове. Он же, окаянный отступник, не имея к Богу дерзновения, и не може отгнати бесов⁶³¹ от дому своего. И призываху многих шептунов⁶³², врачей и волхвов, дабы помогли ему и выгнали бы демонов из дому его: хотяше бо бесами бесов изгнати без Божия помощи, и не возможе. Мене же за стыд сосла отселе, по цареву слову, паки в Покровской монастырь вне града. В тоже время приидоша уже патриархи из греческие земли во 175 году⁶³³. Бысть же у меня дядя мой поп Иван, за ним же бе меншая сестра⁶³⁴ матери моей родная. Служил же той поп у царя вверху, у церквы преподобномученицы Евдокии. к ней же сам царь приходил по вся дни, и служил он по новому все, и любил то, а о старых попечение⁶³⁵ не имел нимало, в коем он поставлен в попы от Иосифа патриарха. Павлу же оному, бесовскому митрополиту, сына своего отдал в подъяки, моего брата, Наума; и племянника своего отдаде в той же чин. Аз же возбранях ему часто, яко о спасении своем и о чадех своих не радяше, и о вере правой и о прелести новой не внимаше. И за то он не любяше мя и поношаше, и на великого государя надеяшеся: он, рече, истинна обрете⁶³⁶. Тетка же моя за ним Христова раба бе, к ней же аз приходих тайно посещения ради без него. Егда же он, стрый мой, застаяше иня в дому своем пиян, тогда гоняшеся за мною с ножем и с секирою. Аз же убегах от него, крыяся⁶³⁷. Егда же ят бых царевою рукою в начале в дело сие Господне, и седех некогда в приказе патриарши, он же прииде ко мне и с теткою, старейшею сестрою матери моей, ему же своячина бе, и увещеваху мя со слезами, дабы аз повинулся великому государю⁶³⁸, и сказа ми дядя мой⁶³⁹: хотят, рече, тебя проклинати и на род наш бесчестие наведеши. Аз же рекох им: не стужайте ми, молю вы, о том; аз бесовские их клятвы не боюся, и вам не будет бесчестия за то, но похвала вечная. И по сем год минул. И некогда прииде он стрый мой, поп Иван бедной, к Павлу⁶⁴⁰ митрополиту на двор ко всенощной заутрени в четверток пятые недели поста, и своим в дому сказался, яко тамо поиде молитися и детей посетити, сына своего и племянника, и не пьян был в то время. И прииде⁶⁴¹ в подклет Павлов, идеже подьяки его и бесове живяху. Племяннику же его Иоанну⁶⁴² пишущу в то время некия стихи, попа же Ивана беси, или сам сатана начат звати вон из храмины тоя тихо. Он же, поп, рече явно ему, яко самому Павлу митрополиту, честно⁶⁴³: уже, государь, буду тот час. Племянник же его той услыша⁶⁴⁴ сия вся, и ужасеся, яко дядя его глаголет, и невесть с кем глаголет. И по сем изыде из храмины тоя скоро на двор, и заведоша⁶⁴⁵ его бесове в заход мотылной, и снемше с него подпояску, и удавиша его, увы, увы! И свезоша его во убогой дом в нощи той по повелению нового патриарха. Се бысть во время безбожного соборища их самого, попустившу Богу задавити его бесом сего ради, да разумеют вернии, и да не сообщаются со отступниками, и да не ходят к заутреням их и ко всяким службам развращенно поемым, и да не молятся с ними, запрещения ради святых правил. Мне же в то время заточену бывшу Сергиеве монастыре, в 175-м году. И егда взят аз паки в Москву, сказала⁶⁴⁶ мне о том тетка моя, плачущися о погибели его.

Того же года в великий пост то же показано бысть воину некоему, стоящу на стражи часов в кремле у Флоровских ворот. Виде он⁶⁴⁷ во един от дней, по утрени, на воздусе седяща сатану на престоле, и грекотурских⁶⁴⁸ патриархов и русских властей седящих окрест его, и Артемона голову стрелецкого предстояща ту, и прочих от царского чина, над тем местом, идеже они вси собирахуся, седяще и утверждающе Никонову прелесть и новые книги заводу его, и на кровопролитие христианское наряжающеся, и устрояюше по нашептанию⁶⁴⁹ льстивого змия, иже присно кровопролитию радуяся. И воин той нача сказовати то Богом показанное видение явно всем людем, и за сие сослан бысть в ссылку без вести⁶⁵⁰. И се показа Бог простых ради людей. да разумеют вси, яко на соборе их лукавом со властми не Христос седел и не Дух истинный учил их неправде всей⁶⁵¹, но лукавый сатана, богопротивный враг и человекоубийца. И всякое⁶⁵² диявольское дело и действо без кровопролития не бывает; Христово же божественное дело и действо его любовию и советом благим бывает, миром и тишиною исправляется и совершается. Тако бо древле седмь вселенских святых соборов и девять поместных бысть, на разные ереси и еретики собирахуся⁶⁵³, и которые враги богопротивные Быша архиереи и иереи, иже Христа Сына Божия и Духа Святого, Господа истинного, хулили и Пречистую Богородицу злословили, и Христову Евангелию противилися, и прочая святая писания многая развращали⁶⁵⁴, и святым иконам не покланялися, и иные многия ереси вводили, на погибель душам христианским, их же святии отцы соборне обличивше святым писанием, осудивше праведно, и по святым правилом отлучиша их от церкве, и непокаявшихся о ересях своих, тех извергоша и прокляша их. To им и казнь бе; и посем иных казней и мук не бысть им ниединому⁶⁵⁵, понеже бо во всех святых апостольских и отеческих правилах всякому грешному⁶⁵⁶ положено отлучение, и извержение священным точию. мирским же людем запрещение и отлучение. по вине смотря, а извержения им несть, но за великия вины им градския казни малые и великия указаны⁶⁵⁷; духовному же нашему чину, епископом и пресвитером и дияконом, за малые вины отлучение точию⁶⁵⁸, а за великия извержение, а градскими законами⁶⁵⁹ не повелено казнити священного чина людей нетокмо великими смертными, но и малыми не указано: понеже двема казньми не казнится за едину вину никтоже по святым правилом, аще и еретик бы кто был, но едина ему казнь церковная положена, еже есть изввржение священства. И посему святии отцы и благовернии царие⁶⁶⁰ на всех соборех своих праведных тако и творили по правилом, и единого явного уже еретика не замучили, и не сожгли, и не удавили, и языка не отрезали, и руки не отсекли ни единому, и в землю живых не загребали никогоже на соборах своих святых. А кои еретические были соборища на верных, и те убо зловерные цари и мучители⁶⁶¹ мучительски все творили, правоверных бо християн непокаряющихся зловерию их новому, тех всех мучили всякими муками⁶⁶² до смерти, и сожигали и удавляли их, и языки резали им, и руки отсекали, и в ссылки ссылали тех рабов Христовых⁶⁶³, и гладом морили в темницах. И по сим образцам⁶⁶⁴ разумей всяк верный благочестивых и злочестивых действа, и от дел их познавай их по Христову словеси: не может бо древо добро плод зол⁶⁶⁵ творити, такоже и злое древо⁶⁶⁶ не может плод добр творити. И виждь в коих Дух Святый действова, тихий и любовный и праведный, и в коих сатанин дух действова злобный и кроволюбный и злоковарственный. Темже по сему свидетельству и Московский собор сей, иже бысть при царе Алексии, не подобен святым онем собором праведным, но подобен есть всячески по делом своим злым оным еретическим лукавым соборищем мучительским, иже при царе Анастасии и при царе Константине Копрониме Быша греческих, и прочим таковым, и собором его святым неподобает нарицати правоверным христианом нам, но сонмище сатанино и христианоубийственное⁶⁶⁷.

И гречестии⁶⁶⁸ два патриарха на нем бывшия, Паисий и Макар, они⁶⁶⁹ убо сперва стали праведно судить о нас, стоящих за старые книги. Повеле убо царь прежде всех поставити пред ними клеврета нашего, романовского попа Лазаря. В то время он привезен из дальные⁶⁷⁰ ссылки Пустозерья, и власти русские, воры два, Павлик и Ларион, увещаша царя поставити⁶⁷¹ его Лазаря прежде, сего ради: той-де поп не московской и был в дальных ссылках, и нашего совета⁶⁷² не весть ничтоже, и не боимся мы того. Поставлен же поп Лазарь пред всеми ими на сонмищи. Царьже повелел ту стояти болярину своему князю Петру Прозоровскому и голове Артемону Сергееву. И по многих вопросах рекоша патриархи Лазарю: почто не приемлеши новых книг? Он же отвеща: сего ради не приемлю, яко всем древним⁶⁷³ книгам противны, и просто приимати их не хощу; молю вас, крайних пастырей, повелите ми идти на судьбу Божию во огнь, и аще сгорю, то правы новые книги, аще же не сгорю, то убо правы старые наши отеческие книги, иже древле преведенные с ваших книг греческих неперепорченных⁶⁷⁴. Патриархи жѳ рекоша: а больше сего судить мы⁶⁷⁵ не умеем! И призвавше близ себе болярина и голову, и повелеша толмачу своему,· Денису архимандриту, глаголати им и царю то сказати⁶⁷⁶: древле убо ваши русские люди не прияли просто святого крещения от наших греческих святителей, но просили знамения, – Евангелие Христово положити на огонь, и аще не сгорит, тогда веруем и крестимся вси. И Евангелие кладено бысть на огнь⁶⁷⁷, и не сгорело: тогда русове вероваша и крестишася. И ныне такожде поп ваш Лазарь без извещения не хощет приимати новых книг, но хощет идти на судьбу Божию во огнъ; и не мы его к тому принуждали⁶⁷⁸, но сам он тако изволил. Се слово возгласили трижды всем: а больше сего мы судить не умеем! скажите царю. Они же, шедше, сказаша ему вся глаголы их. Царь же умолче; а русские власти вси возмутишася⁶⁷⁹ и страх нападе на них: от кого нечаяли, сие изыде⁶⁸⁰! И слышавше патриархов приговор праведен, и сказаша царю и всем им со отречением, яко больше того судить мы неумеем⁶⁸¹, и сим словом всех воров связали, а Лазаря отпустили свободна до Божией судьбы. Царь же седмь месяцев думал о том, положитися на судьбу Божию, или неположитися: понеже совесть ему зазираше, ведая и сам, яко Бог праведен есть, и несть неправды в нем, по пророку, – исперва нам веру праву даде и книги непорочны, и како правду свою церковную даст поругати схизматиком! И ащо старую веру оправит Бог единым попом пред всем царством: и мне со всеми властьми срам будет и поношение от всего мира, яко аз и власти многих христиан всякого чина за старую веру разорили уже, и изгнали, и умертвили, и пустынников попалили огнем, по моему велению. И как уже Бог оправит наши новия книги? He быть тому тако, и не хощу на Божию правду уповать! Не по нас Бог сотворит! Сия помыслив в себе помазанник, и прельстися, и на Господа не упова, и к Богу не приближися. А наставника доброго не бысть у него тогда: духовник бо его Андрей враг⁶⁸² Христов бысть, униат и блудодей⁶⁸³; a иных советников душеполезных не допускал⁶⁸⁴ к себе, но потаковников⁶⁸⁵ любил. Вси же власти русския в те седмь месяцев начаша к патриархом дары многи приносити, злато и сребро, и соболи и прочая⁶⁸⁶ драгия вещи, и стали той праведный суд их заминати⁶⁸⁷ лестию, яко лукавии лисове хвостами след свой. А на толмача оного патриарша, Дениса⁶⁸⁸ архимандрита, трапезы многоценные⁶⁸⁹ уготовляху, и в домы своя призываху его, и дарами наделяху его, и ласкающе всяко, еже бы он патриархов своих уговорил⁶⁹⁰, дабы по их хотению устроили вся, и сотворили деяние соборное их и не разорили бы⁶⁹¹, и царь-де любит то. Толмачь же той Денис⁶⁹² и сам правого суда бояся, понеже соборную церковь Успенскую осквернил некогда блудом, младого подьяка Никонова в пределе облудил, подьяк же той нам знаем бе и прииде в разум, и каяся о том согрешении своем, и пострижеся. Толмачь же той до патриарша прихода за десять лет прииде к Москве от Афонские⁶⁹³ горы, и русскому языку и обычаем всем навычен бе, и всем новым властем знаем⁶⁹⁴ до конца; а патриархи те внове пришли и ничего не знали, но что он им скажет, то они и знают, тому и верятъ, – такова плута и приставили им нарочно, каковы и сами. И той Денис блудодей церковный развратил душа патриархов тех, глаголя им сице: отцы святии! заезжие вы люди зде; аще тако станете судить зде без помазания, и вам чести большой и милостыни довольной и даров не будет от великого государя, и от всех властей такоже. но сошлют вас в монастырь где, якоже и нашего Максима грека святогорца, и во свою землю не отпустят вас, аще в задор станет дело! Как им надобно, так и пущайте! Патриархи же послушали его и творить тако стали. а не спорили⁶⁹⁵ ничего, точию потакали. А кто вопрошаше их о старом и о новом предании, они же отвещаваху тем: и так добро, и так добро. Посем же Лазаря попа остригше, а судьбу Божию и забыли, угождающе нашим отступникам, и сказаша⁶⁹⁶ ему тут же: как выростут волосы у тебя. Лазаре, буди опять поп! И трижды сие слово рекли, И сей суд смех есть и малым детем. Да нечево на них дивить! Все воровство в наших русских властех бысть, а в них бы и была правда. И в том им Бог судия будет. А мене пред ними и не поставили ни единожды, и не видал их аз⁶⁹⁷; точию Аввакума протопопа и старца Епифания показали нарознь⁶⁹⁸. И по казни нашей⁶⁹⁹ поехали в свою землю с богатством великим. И на пути ограблени Быша и все сокровище их неправедное погибе во един час. В то же время у единого патриарха и сын удавился с тоски, яко велика богатства лишен бысть. На Москве бо живучи, оне торговали вином и табаком, – запрещения⁷⁰⁰ не бысть им о том. Егда же приидоша во свою землю, царь же их грекотурской⁷⁰¹ велел повесить их на виселице, назва их изменниками и ворами, понеже без его салтанова веления ушли⁷⁰² тайно к нашему царю в Русь. А наш царь Алексей не писал о них к турскому царю, еже бы⁷⁰³ отпустил их к нему, но посылал по них тайно шиша, Мелетия чернца гречанина, и той⁷⁰⁴ подзове их. И тот царь не добре сотвори им: потаковников своих погубил, и на свое царство⁷⁰⁵ сугубую пагубу наведе, душевную и телесную, сиречь развращение веры и воинств⁷⁰⁶ нахождение, и смертная разорения⁷⁰⁷ от турского царя, и от крымского и от прочих. Аще бы⁷⁰⁸ послал посланника своего к турскому царю с честию, прося у него, еже бы отпустил патриархов своих в Русь к нам, церковного ради обшего дела: и салтан бы отпустил их, и призвал бы их⁷⁰⁹ правдою, и дал бы нам пред ними с Никоном очную ставку и суд праведный, егоже хощет Бог, о всех новых книгах и догматех заводу его Никонова, и тут бы вся истинная правда явилася и всякая бы ложь и прелесть новая обнажилася и потребилася от церкве Христовы, и посем не было бы ни мятежа, ни раздора, ни междоусобные брани, и патриархи бы вселенския не перевешены бы были, и салтан бы турской не воставал, и никакового бы кровопролития не было у нас во всей русской земли. И се убо вам благоверным людем буди ведомо, яко злая та сотворишася⁷¹⁰ от лукавого и богомерзкого собора их, и к большему еще злу и горю грядет, аще не обратятся на старое истинное правоверие⁷¹¹ и не покинут новых развратных книг⁷¹². Тако глаголет Дух Святый, Господь истинный: аще не обратитеся, оружие свое очистит, лук свой напряже и уготова его, и в нем уготова сосуды смертные, и стрели своя сгорящими⁷¹³ содела⁷¹⁴. И паки глаголет: любяй неправду ненавидит свою душу; одождит на грещники сети, огнь, жупел, и дух бурен, часть чаши их: яко праведен Господь и правду возлюби, правая⁷¹⁵ виде лице его⁷¹⁶.

О казни Божии новым отступником и защитником нечестия и догматов Никонианских, сонмища лукавнующих, на них же возвратишася клятвы их⁷¹⁷

Слыши, како казни Бог свышо новых отступников, кои сперва наложиша на нас беззаконную свою клятву.

Питирим митрополит Новгородский остриг нас сперва, иже по Асафе и патриархом бысть на Москве. Аще он и не гонитель бе на веру, но потаковник⁷¹⁸ прочим лукавым врагом бысть, Павлу и Лариону: у живого⁷¹⁹ у него прогнило горло и вскоре умре⁷²⁰ от тоя лютые болезни⁷²¹. А в мире поп же бе.

Иоасаф патриарх палим⁷²² бе внутренним огнем вельми, и беспрестани пия и ходя⁷²³, и не може утолити жажды тоя, и огня в себе загасити⁷²⁴, раздувся зело, и тако умре.

Казанский митрополит Лаврентий по смерти воссмерде зело, – глаголют, яко и по всему граду носитися зловонию его смрадному, и носы затыкаху людие⁷²⁵.

Рязанской архиепископ Иларион, отступник и льстец царев, и лютой враг святые церкви, и новинам всем любитель паче прочих властей: и у того окаянного прежде смерти ноги отсохли по афедрон, яко не право стоявша⁷²⁶ в вере, и ношаху его на носилках⁷²⁷ многое время, потом же и весь сух бысть, яко трава прежде восторжения⁷²⁸ изсше. И сбыстся на нем пророческо слово реченное: да постыдятся и возвратятся вспять вси ненавидящии Сиона, да будут яко трава на здех, яже прежде восторжения изсше⁷²⁹. И Дамаскин Иоанн в степенных глаголет выну о ненавидящих Сиона: посрамятся от Господа, яко трава бо огневи будут изсохшая⁷³⁰. Паки: ненавидящии Сиона да будут убо преже восторжения яко трава: ссечет бо Христос выя их усечением мук, Возненавидели они, окаяннии, святые сионокие восточные церкви матере нашея правыя догматы, и поругали, и попрали, а возлюбили и поцеловали римскую блядь блудницу во афедрон и приемлют с честию, и слушают с любовию проклятых и льстивых ее⁷³¹ дидаскалов, и от тех нечистых духов напиваются мутного пития, яко свиния⁷³² кабацкия барды. Тойже отступник Иларион⁷³³ волк, а не пастырь, святых отец клятву недейственну помышлял, и осмеял и проклятою нарек в новом своем соборном деянии⁷³⁴, иже в Стоглаве царя Иоанна⁷³⁵ написаша богоизбранны⁷³⁶ онии святители древнии о крестном знамении в сложении перстов: аще кто не крестится и не благословляет двема персты, якоже и Христос, таковый да будет проклят. И сия клятва праведная святых уранила его в сердце, от неяже изсше, яко проклятая от Христа оная смоковница, и умре зле на показание многим, да не подражают новоразвращенной вере их. А кои святии быта на том соборе. Филипп митрополит, Гурий и Варсонофий Казанские чудотворцы, тех Бог уже прославил давно в животе и по смерти, и исцеления подают всем, и миром благоухают; а новые толстобрюхие власти, яко псы⁷³⁷ воняют, и с нуждею их погребают⁷³⁸.

Того же их соборища лучший быв подражатель и Никонов поборник первый, паче всех московских попов, барашевской поп Иван Фокин растерзан удицею Божиею, яко Арий. живе, и чревом вся внутренняя его вон изыде, и от того тако и скончася.

Грек Арсений⁷³⁹ еретик, иже Никона в вере развратил и новые книги преводил, той при смерти расседеся, глаголют, и умре зле.

Никонов⁷⁴⁰ отец духовный, игумен Сретенского монастыря, прежде смерти возбесися, ума исступив, и отдан бысть под начал в Покровский монастырь за Яузою⁷⁴¹ строителю Кириллу, и ту тако в том умре.

Никонова же собора собеседник и названный сын его любезный, епископ Полоцкий Каллист сам себе удавил, яко Июда.

И инии мнози Никоновы поборницы зле скончахуся разными наказаньми, паче же оный Крутицкий митрополит, наветник церковный, егоже дом бесом жилище бысть. О кончине не вем, а лгати не хощу на отступника; точию бо вем се о нем, яко по смерти его, повелением Божиим, принесоша его бесове и поставиша зде, в Пустозерье, близ темницы моея, прямо лицу в нощи, и паде предомною на землю, вопияше глаголя: Феодор Иваиович! прости мя Господа ради⁷⁴²! Мне же седящу во время то и молитвущу, и воззрев аз нань. и видев его, рех ему: О, окаянне! Ныне ли уже просиши прощения от нас? Жди праведного суда Христова: той, надежда наша, небесный царь, даст вам на вас мучителей праведный суд! Помниши ли, ты говорил⁷⁴³ в крестовой: и мы-де ведаем, яко старое благочестие право все, да нам бы царя своего оправить! Тамо убо, пред всею вселенною, и царь будет, ваш пособитель: и тогда уже как-то оправите его со всеми святыми нашими отцы? Скоро бо ждем воскресения мертвым! И рех держащим его бесом: отведите его, идеже вам Господь повеле. И абие невидим бысть. Прежде же сего прошение некое бе у мене о нем, и ради сево явлено ми есть⁷⁴⁴.

Посем же и царь⁷⁴⁵ скоро пожат бысть, яко серпом смертным. О злой же его кончине писано вмале выше сего зде. По смерти же цареве мину⁷⁴⁶ год, и присланы Быша к нам грамоты⁷⁴⁷ от юного царя Феодора, велено нас в монастырь привезт⁷⁴⁸ отселе. И в то время аз, юзник Феодор, молих Господа моего, света-Христа, да явит ми⁷⁴⁹ о отце его Алексеи, в каком месте он, добродей наш, пребывает по смерти, да имам что сказати на Руси верным братиям о нем. И просих седмицу и две, и не бысть ничтоже; и паки еще просих два месяца, – уже просих всяко⁷⁵⁰, и не показано нимало. Аз же грешный огорчихся, и рех: Господи, буди воля твоя! И во семь⁷⁵¹ вскоре прислан к нам паки сотник стремянной⁷⁵²...

... Ибо в пространствах всяких живяху, и прах не упаде на главы их, и солнце не ожже их, и плотских с человеки не прияша ран, сего ради удержа их гордыня до конца, одеяшася неправдою, и нечестием своим, по пророку, и за льщения их положи им Господь злая, внегда разгордети им, и потом како Быша в запустение внезапу, исчезоша и погибоша за беззаконие свое, яко соние востающего. Казни бо их сам Христос свыше разными наказанми при кончине на объявление нечестия и отступления их, да сбудутся писания пророка Давыда, еже глаголет о таковых: грех уст их, и слово устен их; и яти будут в гордыне своей, и от клятвы и лжи возвестятся в кончине; во гневе кончины, и не будут⁷⁵³ и прочая. Тако глаголет Дух Святый: не быти им врагом⁷⁵⁴ во свете живых, занеже отступили, заблудили и погибли. Сего ради святитель⁷⁵⁵ Александр Вятский епископ, иже прежде Коломенский быв по Павле исповеднике, разумев все коварство⁷⁵⁶ и неправду соборища их погибельного, приехав⁷⁵⁷ во свою область, не служаше по новым книгам⁷⁵⁸, и сельским попом всем запрещаше. И неции попове, боящеся страха царева, извещаша нецыи царю о том нань⁷⁵⁹, и истязание бысть ему. Он же страха Божия паче убояся и не послуша лукавого соборища их⁷⁶⁰, и отрекся новозакония их, и остави епископию, отъиде в монастырь свой на Вычегду, и каяся до смерти о прежнем своем поползновении, заеже сообщися с ними⁷⁶¹. И Никон сам, начальник злобы тоя⁷⁶², проклинал собор их той, и патриархов греческих называл алтынниками дри царе и при всем сонме их⁷⁶³, егда судиша его они и извергоша посем, не вем за что.

Темже и посему собор их страстной и бешеной бысть. И кто не посмеется сему имеяй ум⁷⁶⁴? Кои убо чада церковная стояша за старые книги, тех всех осудиша и прокляша и замучиша многих. Никон же завел новые книги и раздоры вся в церкви учинил, и самого его обругаша и прокляша⁷⁶⁵, и в монастырь сослаша, а соблазны его вся в новых книгах прияша любезно и утвердиша, и своя еще к тем приложиша. И к сему убо, плача, реку пророче слово: подвижеся и трепетна бысть земля, и основания гор смятошася и подвизошася⁷⁶⁶, яко прогневался на ня Бог. Взыде дым гневом Его⁷⁶⁷. И паки глаголет, за что тако бысть: понеже разделишася и не умилишася⁷⁶⁸. Бысть же сицево откровение мне юзнику о клятвах их беззаконных. По второй казни зде, в пост Филиппов, по утрени некогда в темнице сей восскорбех к Богу зело, и размышляя в себе глаголах: что се, Господи. будет мне грешному? такмо клятвы у них между себе и на нас⁷⁶⁹, и зде клятвы спорные у нас! И абие внезапу в час той ста во узилище нашем яко полк велик с небесе невидимых лиц. И начаша глаголати вси во едино слово псаломскую речь сию: оскверниша завете, разделишася от гнева лица его⁷⁷⁰. И глас их яко гром бысть, и глаголаше многажды речь ту. И посем начаша глаголати ину речь, сию, многажды⁷⁷¹: истиною твоею потреби их⁷⁷². И тоже, да тоже. Аз же слышав сия⁷⁷³, и дивихся. Мне же не рекоша ничесоже, и отъидоша тихо. Се лик святых ангелов бысть и учиша мя тем образом молити Бога на отступников клятвою. Но достоит им плакати, и рыдати, и каятися о своем падении и заблуждении и прельщении, аще хотят убежати праведного и страшного суда Христова, и часть получити со святыми своими древними отцы, во общем воскресении тогда. Древле бо рече Бог угоднику своему Аврааму: всяк благословляя тя благословен, а проклиная тя проклят; и Давыд пророк глаголет о праведниках Божиих: яко благословящии его наследят землю, кленущии же его потребятся⁷⁷⁴. Тако же бо и наших древних святых отец греческих и русских, угодников Христовых, и нас поборников их всяк, иже кто благословляя, благословен есть, а проклиная проклят будет, по Христову словеси. иже рече жидом: имже бо судом судите, осудитеся⁷⁷⁵, и в нюже меру мерите, возмерится вам⁷⁷⁶. Еще писано⁷⁷⁷ в житии Симеона Столпника: Священник некий вязаше и проклинаше⁷⁷⁸ детей своих духовных. И попущением Божиим приидоша бесове к нему, и связавше⁷⁷⁹ его самого, и без ума бысть. И посем святый Симеон исцели его, и наказа его⁷⁸⁰ вязати и решити правильне, а не по нахальству⁷⁸¹ своему. Зри же всяк, яко Бог праведен есть и несть неправды в нем, и неправую⁷⁸² клятву налагающим пастырем безумным месть воздает и зде, паче же в будущем веце. Даде бо Христос власть Апостолов своим исперва вязати и решити по правде; от Апостолов же прияша вси святии пастыри ту власть божеcтвенную. И аще кого они связаша, по правде то сотвориша и по церковному уставу и обычаю; a мучительски никого не замучили нигде, не токмо верного, но и неверного, и еретика не убили и не задавили, и в темницах не уморили⁷⁸³ гладом, но сами везде от таковых врагов страдали за веру и правду, подобящеся своему владыце, пастыреначальнику Христу, яко он сам⁷⁸⁴ за нас пострада, нам оставле образ, да последуем стопам его⁷⁸⁵, по Апостолу Петру. И Богослов Иоанн глаголет, яко Христос по нас душу свою положи, и мы должни есмы по братии души полагати, да якоже Апостоли Христовы и вси святые церковные учители словом учили, а делом творили⁷⁸⁶; а ложные пастыри, злые наемники сатанины и душегубные волки, нигде за Христа и за веру его и правду страдати не хотят: понеже не того ради приходят, и во двор овчий не дверию входят, но дырою влазят, крадуще, яко татие и разбойницы, о нихже сам Господь⁷⁸⁷ сказа нам, –· рече: не входяй двермп во двор овчий, прелазя инуде, той тать есть и разбойник; и: тать не приходит просто, но разве да украдет, и убиет, и погубит⁷⁸⁸. Такоже и злые архиереи поставляются славы ради, и чести и богатства мира сего, и гордостию надуваются, и святительскою властью величаются, и преобразуются во Апостолы Христовы. И то недивно есть, братие! И сам сатана преобразуется во ангела светла, емуже они последуют своими делесы злыми. И сего ради попирараем бесовскую их клятву. Церкве моея врата адова не одолеют⁷⁸⁹: рече Господь, емуже слава со безначальным его Отцем и с Пресвятым Духом, во веки, аминь⁷⁹⁰.

Неключимый раб Пресвятые и животворящие, неразделимые Троицы, Отца и Сына и Святого Духа, единого и истинного Бога, юзник по вере. церкви Христове, возлюбленным святым братиям, сионским чадом, всем православным христианом афеторосийского рода, радоватися и утверждатися, вкупе же и здравствовати в непорочней вере Спасителя нашего Господа Исуса Христа, Сына Божия, и воспитоватися и возрастати во святых благочестивых отеческих догматех кроме всякия еретическия скверны и порока.

Да вопрашивают нас нецыи от вас о словеси избранного сосуда Христова Павла Апостола, еже к Солуняном глаголет, благовествуя, во втором послании вторые главы, об антихристе, сие: Да никтоже вас, рече, прелстит нн no единому образу, яко аще не приидет отступление прежде, и открыется человек греха, сын погибели, противник и проч. И аз отвещаю по дарованию Святого Духа, елика дадемися. Тогда, при Апостоле, процвете Христова вера в Селуне от сих проповедников истинных Христовых, и диавол воздвиг своих некиих бесчинников и льстецев развратных, якоже и зде окрест Костромы и Павлова Перевоза, о нихже глаголете многая, блядуще, лживая и нечестивая учения диаволя, – гадко и слышати нам. И тако они селуняне обхождаху братию и прельщаху, глаголюще, яко уже пришествию Христову второму наставшу, и слышащих ужасаху и смущаху, и Павла Апостола облыгающе тем, сказующе, яко от него слышаще, еще же и от Духа глаголюще сицевая слышати, яко Христос грядет уже на суд. О, сатанина духа прелести! Утро благочестия токмо нача светати еще по вселенней, a сатанин дух сказуя слепым, глаголя: солнце уже на западе! Сие уведав Апостол, от Рима посла к ним в Селунь иослание сие, моля их, глаголя, чтобы не внимали прелестником, глаголющим,, яко настоит уже день Христов. Отнюдь, рече, не будет пришествия Христова на суд, дóндеже проповесться благовестие Христово по вселенней всем языком, и потом по временам будет, рече, отступление от веры во всех языцех, и потом открыется в мире человек беззакония, еже есть противник, враг Богу, антихрист, и быши ему, рече, во свое время, тайна убо уже деется беззакония, сиречь Апостоли Христови сеяху благочестие по земли, а лживии апосголи диаволи злочестие свое, якоже бысть при них Симон волхв, Филиппа диакона крестник Николай отступник, Киноис и прочии. И до соборов тако все брася церковь Христова со враги, и между соборами и по соборех, и доныне Христова часть святое дело творит и действует Христовым духом, а антихристова часть свое тайное беззаконие деет в мире неприязненным духом. Чада Божия есть, по Иоанну Богослову, и чада неприязненная. Ктому рече Павел: тайна уже деется беззакония, точию держай ныне, дóндеже от среди будет. Сие о Римской власти рече, в Риме бо писа. И тогда явится беззаконный, егоже Господь убиет духом уст своих и упразднит явлением пришествия своего: егоже есть пришествие no действу сатанину во знамениях и чудесех ложних, и прочая.⁷⁹² И священный Златоуст и благоумный Ипполит согласно вещают, яко римская держава и власть от антихриста разорится, и тамо быти ему во Иерусалиме, а не зде, – не смущайтеся, братие! Иаков жидовин пишет в своей книге, яко по престатии царства греческого быти десяти рогом антихристовым, – десять царей вкупе будут со антихристом, роги цари суть. И паче Иакова Иоанн Богослов во Откровении пишет⁷⁹³. Ангел толкова ему о блуднице, седящей на звери красном, иже имать глав 7 и рогов 10. Теже десять рогов, сиречь царей, соберутся, и прелюбодейду возненавидят и разорят, и власть свою и силу дадут антихристу, и поклонятся ему вси купно со Иудой, и возвеличат его и великим царем нарекут себе, и во Иерусалиме престол ему велий устроят, идеже прежде жидовския цари были великия, и он царство их обновит, и вознесется окаянный, и богом себя назовет, и ту великих свидетелей, Илию, и Еноха, и Иоанна Богослова убиет, идеже Господь наш распят бысть⁷⁹⁴. A о Богослове в Книге о вере пишет, яко вкупе и Богослов антихриста обличати будет со Илиею и Енохом. И Ипполит ишшет в слове своем о Богослове, яко быти ему с ними же.

И самого еще антихриста ныне несть, не видим и не слышим, – не ужасайтеся; предотечи же его Быша мнози, и ныне есть, и по сих еще инии будут до сына погибельного. И ждите того, егда станет римская власгь разорятися: но обстоим будет Рим вои отвсюду, и тогда разумейте, яко приближися запустение ему и антихристово царство прииде. По Ипполиту и Златоусту, Божию и человеческую власть содержит ныне папа римский, сиречь обема начальствы владеет, и духовным и градским; а не о Никоне здешнем то писание збысться, но о римском папежи; а не антихрист сам Никон, но предотеча его ближний, и последующии ему предотечи суть.

А еже по времени, отступление прежде приидет, по Павлову глаголу к селунянам; и о том числе зверином указует, еже есть 666, и о сем добре протолковано в Книге о вере печати московской. И богом того непщите, и о себе ничего не мудрствуйте. Горе мудрым о себе, писание сказует. И вы того бойтеся, и не вся тщитеся собою испытовати, и продерзием зле толковати недоведомые и закрытые тайные глаголы Божия. Егда приидет коей вещи время, тогда ту тайну и открыет Христос и немудрым младенцам. Егда же не у время исполнися числу, тогда и премудрым и богословием недоведомо бывает и закрыто Святым Духом: не вся бо ведят и святии богословцы. Вся бо Бог един весть; a святым своим коемуждо дает явление Духа на пользу, кой сосуд что может понести и не разбитися и не россыпатися. О оном числе зверином прежде многих лет и до первого отступления римского пиша святый Ипполит, славнейший отец и пастырь поднебесный, егоже Златоуст похваляет вельми в слове о лжеучителех: где бо, рече, Ипполит сладкий и благоумный. И той рече о числе том: не бо, рече, опасно свел сего писания. И святый Андрей Неокессарийский толковал Аиокалипсис, и егда дойде до числа того, и рече: сие бо время открыет. А егда тем тайнам прииде время, тогда благоверным познано бысть, и писанию предано; а в гибнущих и ныне покровенно есть, в нихже Бог века сего ослепи разумы неверных, по Апостолу Павлу.

A o трех царех, ихже убиет антихрист по воцарении своем, о них пишет Ипполит места сказуя, а лиц не указа. И ныне в вас, братие, толкуют нецыи о тех дарех пестрообразно и отнюдь неподобно, да не реку и еретическо. Аще святый лиц не указа прежде времени, а онии всуе мятутся, и не дарованное им разумение восхищают, и мудрейши себя святых показуют, а не вемы, кто есмы. И иже 17 глав откровения Богословля, седмоглавие зверя, толкуют о патриарсех московских, и то толкование их ложно есть и блазненно. Молим таковых любовию Духа не мудрствовати паче, еже подобает мудрствовати, но мудрствовати в целомудрии, по Апостолу, якоже подаст Бог. Мы бо о себе, братие, не хощем ничтоже вам предавати и уставляти, и неподобно толковати паче Богом преданных, нам святых и непорочных догмат древних отеческих, за нихже сподоби нас Христос пострадати до крови и знамения на нас явити дивная, о них же не невесте. Непщую и не по нашему то достоинству есть, но вас ради избранных спасения, да и вы от ложных ересей не прельщени будете и, православия ризу на себе носяще и непорочну сохраньше, да не осуждени и не нази и не постыдни явитеся и со всеми святыин станете на страшнем суде Христове одесную Царя Славы, великого Бога и Спаса нашего Исуса Христа. И несть мы новии законоучители и новых догмат уставщики, но православные веры защитники, и по законех святых отец наших поборницы, стоим и побораем за непорочный символ веры, и за истинное сложение перстов во знамении крестном, и за трисвятую аллилуию, еже: аллилуиа, аллилуиа, слава тебе Боже, за Литургию старых Служебников, и за святое крещение по древним книгам, в нихже везде есть Исус, а Иисуса, разделенного имени, во всех книгах, что ныне есть в Русской земле, отнюдь несть, – известно испытах о сем вся книги от Владимирова крещения, и за сия вся страждем о Христе Исусе и умираем. Вем, яко вся свята суть и нескверна вышереченная мною. И за тричастный крест Христов подвизаемся, и двоесложного образа крестного не хулю и не отметаю, – обоя в церкви есть, и проображение и событие самой истины, тридревного креста Христова. И вы о всех сих, возлюбленвая братия и отцы, православные христиане, мужие и жены благочестивые, подвизайтеся и умирайте: и с первыми мученики нетленные венцы приимете от Христа Бога, и бессмертную славу получите с ними и вечную радость. А еже глаголите о Никоне, бывшем патриарсе, иже святую церковь разодра и разврати, и сим расколом всю святорусскую землю возмути, рождьшася его от нечистые девки тагарки, и сего ради мните его самого антихриста быти: ни, братие, ни! Аще и тако суть рождься, о свем известно не всем и сам аз; но подобает и о вразе правду свидетельствовати. Татарове не Данова племени суть, но от Агари суть пошли и от сына ее Измаила, егоже роди Авраам от сея Агари рабыни своея, и сего ради татарове словут агаряне и измаильтяне; а антихрист будет от жидовского колена Данова, егоже роди Иаков-Израиль от Валлы Рахилины, и от сего колена Данова будет антихрист, а не от татарского рода. И антихрист будет царь, а не патриарх. Испытовайте писания с великим опаством и прочитайте с разумом и со вниманием прилежно, да не прельщенн будете от лжесловесников и бабьих басней. Велия беда от неведения святых писаний раждается. От сего и ереси все, от сего и расколы церковные, и мятежи и брани, и пагубы душевные: не уведеша бо ниже уразумеша, во тьме ходят. И мой ответ вопрошающим сей есть.

А новые книги ныне подобны онем, иже в пустыни чужд огнь принесшим в храм свидения Госиодня, имже Бога прогневаша и погибоша за сие: чуждий огнь огнь Господень не прият, и принесших погуби. Чтый да разумеет.

Да блюдитеся зело от ложных мудрований и своеумных, и вся искушающе доброе держите. От всякия злые вещи огребайтеся, и пустых распрей и сваров бегайте. Сими злыми диавол в нас любовь разоряет, еже есть начало и конец всякому благу: исполнение бо закона любы есть. И молите о нас, братие, яно да избавимся от настоящего сего века лукавого, видим лице ваше. Благодать Господа нашего Исуса Христа со всеми вами. Аминь.

Свидетелъство о исповедании Духа Святого в символе православные веры и о прочих догматах.

Во всех московских православных книгах, при благочестивых царех, Иване Васильевиче, Феодоре Иоанновиче, Михайле Феодоровиче, и при пяти святейших московских патриарсех, до Никона отступника, возмутившего святую церковь православную, и в тех книгах непорочных в символе православные веры: И Духа Святаго, Господа истннного и животворящего. И теми книгами святыми наполнися вся Росия, свидетелствованными святейшими патриархи, и митрополиты и архиепископы, и епископы, и при них бывшими(ъ) освященным собором. И никто от них, святых пастырей наших, не зазре отнюдь в символе православные веры ни в малом чесом от догмат святых; но вси друг по друзе идущи, яко приимше что, тако и держаху и преподаваху друг другу без претыкания и порока, тщащеся соблюсти церковь Христову, и православные догматы невредимо сохранити, и люди христоименитые бдяще в православии упасти, и душа своя за них полагающе, яко истиннии пастырие винограда Христова. Да в киевских Часовниках печатных в Печерском монастыре, от Рождества Христова 1660 году, и в тех напечатано: и в Духа Святого Господа истинного. И в Книге правые веры. и Кирила Иерусалимского, и в ней пространно пишет, и в книге Катихизисе. Такоже и в Успенском соборе на Москве была икона, древнее писмо, праздники владычни, и на той иконе весь символ изображен: и в Духа Святого Господа истинного и животворящего. И благочестия ревнители на ту чудную икону Спасову зряще в символ прочитающе, о истинном себе подтвержающе: тогда заблуждьшии пастырие, ненавидящии истинного в символе, и срама ради своего скрыша ту святую икону неведомо где с того места, а в тое место поставиша икону Успения Богородицы. И то кая правда слепых вожей, скрывающих истинну Христову? И кто их безумия не окает? Но истинна Христова Евангелия крыется во истинных Христовех рабех до скончания века, забегших в горы и в пустыни. И лучши бы было Никону собрать богомудрых мужей и преподобных, и крепко с ними испытать божественное писание о последних днех, и блюстися отступления, хотяшего быти прежде пришествия сына погибелного, по Апостолу; а веры бы правые не превращати, но паче стоящих во благочестии подтвердити подобаше и на святых отец наших хулы не наносити, предавших нам священные догматы, и сами тако правоверовавшии и угодавшии Богу. Λ еже глаголют, яко истинный прилог есть, а кто приложил истинного, или кто повеле приложити, который царь, или патриарх, того они не укажут, но токмо сатана льстивый научил их лгати и клеветати на правоверие отец своих, от них же и сами заблудивше от веры, и чистых пастырей церковных порочат. О, мятежницы, Никоновы ученицы! Лучше бы было вам тот же свиток православия, в руках своих держаще, прочитати, его же вы обещавшеся во святом крещении цела и нѳпорочна хранити до смерти своея. Почто остависте сосцы матере своея и за чюжее хватаетеся лестное млеко? Преподобный отец Иосиф Волоцкий в книзе своей пишет, в слове 7-мъ: на всех седми вселенских соборех вси святии отцы свидетельствуют: И в Духа Святого Господа истинного и животворящего, якоже и символ предержит, Бога истинна Сына от Бога истинна Отца, такоже и в Духа Святого Господа истинного. Златоуст о сем глаголет, яко не прощенное есть нечестие, еже хула на Святый Дух, и не оставится ему ни в сий век ни в будущий. А еже глаголют, яко ве хулим Духа Святого, но истинного не прилагаем, и се есть хула, и за истинного стоящих проклинают и мучат и уморяют различно. В том им судит сам истинный Бог. Святый Апостол Христов Андрей учит: веруйте в Бога истинного Отца, и в Сына его Исуса Христа истинного Бога. Сему же подобно и Иоанн Богослов, в послании 1-м, все три лица святые Троицы, истинных богословии (?). Паче же сам истинна и живот наш пречистыми своими усты трикраты богословия (?) в пресвятом Евангелии: аще любите мя, заповеди моя соблюдите, и аз умолю Отца и иного утешителя даст вам, да будет с вами Дух истинный во веки. И паки: Егда приидет он, Дух истинный, наставит вас на всяку истину. И паки: Егда приидет утешитель, его же аз послю вам от Отца, Дух истинный, иже от Отца исходит, той свидетелствует о мне⁷⁹⁶. Сия словеса Христова животная корень и источник богословии о Святем Дусе, имже вси святии защищаются от еретиков и латынников, преступающих слово Христово. И кая отступления ни Быша и в древних родех, первее всех символ поврежаху. По 1000 лет паде Рим от веры: символ повредиша приложением и от Сына, потом же и иные ереси составиша. Второе униаты егда отступиша от веры по 1600 лет: такожде символ повредиша, с латыни соединишася и истребиша. Посем же егда исполнишася по 600 летех – 66, о, rope и увы! в Великой России развращение веры наста, лукавее и мудрее первых: символ такоже повредиша, Никон отступник и враг креста Христова, и прочия догматы не тако держа, глагола льстивый и враг церкви Христовы и противник Евангелию Сына Божия, Никон, и с прельстившимися от Hero. Той бо окаянный Никон вселенную возмути, и церковные догматы и уставы отеческие вся преврати собранием пестроты от различных еретических книг, и Служебники еретические, новые выходы, выдал с латынским крыжем, а старые святые и непорочные Служебники и жертву со крестом Господним тричастным, по них же святии отцы наши и священницы, истиннии пастырие, служили и Господу Богу угодили, и крестное знамение в сложении перст изменили. и трисвятую аллилуию отвергли. и вместо того небывалая в церкви положили блазненная и развращенная от прежних враг церковных, о нихже зде скажем отчасти.

При великих князех и при животе преподобного Евфросина Псковского чудотворца бысть во Пскове некто Иов роспопа, и той окаянный тогда начал четверити аллилуию, и много писа о том от своего растленного ума, и повсюду рассылал аллилуию 3-жды говорить, а вчетвертыи Слава тебе Боже приглашати, якоже и ныне еретицы и отступницы говорят. Преподобный же Евфросин возбраняше ему о сем, и обличаше его мудрование. И не послуша окаянный преподобного того отца. и за то поражен быст богопопущеиного язвою: два лета червьми ядом и смрадом томим, зле и умpe. О сем пространно писано в житии преподобного Евфросина, и в Минеи книги, маия месяца в 15 день, напечатано, и в соборном изложении Макария митрополита Московского. И в книге Стоглаве написаша 2-жды глаголати божественная аллилуия, а в третий Слава тебе, Боже. И преподобный Максим Грек Святые горы в книге своей пишет на смеющих глаголати аллилуия 3-жды, а в четвертыи слава тебе Боже: то мудрование костела Римского, а церковное древле предание еже есть сице: аллилуия, аллилуия, слава тебе, Боже. Утвержает четырьми патриархи вселенскими, и много тамо пишет. И тако посем крепко утвердися во святых книгах печатных до Никона отступника. Тако в греческих книгах стоит: аллилуия, аллилуия, докса си феос. Такоже в книгах сербских, и киевских и острожьских, и в книге о старчостве, душа с плотию беседует.

Свидетельства от святого писания о крестном знамении

Книги московские печатные свидетельствуют: Псалтири со восследованием и в полдесть, Потребники болшия, и в Кирилове Иеросалимского, и в Правой вере, книга Стоглав, книга Гранограф, книга преподобного Максима Грека, книга святого Петра Дамаскина, книга Блаженного Феодорита, и святого Мелетия Антиохийского, и в Соборниках писменных, и в книге Сын церковный, в книге Катихизисе болшем, и малом Катихизисе, и тако во всех святых книгах напечатано: три перста сложити в место, палец и два последних, потом два совокупив и един пригнув; и тако указано креститися и благословляти. А нынешние темные власти, греческия и руские патриархи, ложные учители безбожные и скверные еретики, святых отец преданию не верят и святые книги полживили, и ссылаются на некоего поддиякона Дамаскина и студита, а имени ему и сами не знают, и тому окаянному врагу Божию веруют, яко в Бога, в своего злодея, а иногда на младенцов, да на поселян шлются. Истинно Апостол глаголет: отступят нецыи от веры, внемлюще духовом лестчим, и учением бесовским, и от истинны слух отвратят и к басням уклонятся⁷⁹⁷. Святого Петра митрополита, писма руки его, икона богородична в соборе на Москве: рука сложена три персты вкупе и два простерта, как в книгах писано у святых.

О молитве Исусове, еже есть: Господи Исусе Христе, Сыне Божий, помилуй нас

И сию святую молитву нецыи отступники, и враги Божии и противницы Христови, глаголют неистовым языком, называют ю еретическою молитвою, а крестное знамение в сложении перст, святых отец предание, называют арменским крестом. Да терпит им Христос, яко и бесом, до судного дни: тамо лют суд без милости будет. А нас всех православных христиан тако научили мнози церковнии учители, а не еретицы. Святый Иоанн Златоустый учитель повелевает нам на всяком месте молитву сию творити: Господи Исусе Христе, Сыне Божий, помилуй нас. И в Беседах апостольских такоже есть, и в толковании Евангелия в неделю 17: молюжеся верным всем, хотящим спастися, правило молитвы не презирати николиже: аще шествуете, или делаете, или стоите, или сидите, или ядите, или пиете, или ино что творите, непрестанно вопийте кождо вас: Господи Исусе Христе, Сыне Божий, помилуй мя грешного. И в книге Иоанна Лествичника, лист 155, и в Патериках Печерских печатных и писменных, и в книге преподобного Иосифа Волоколамского, и в Часовниках, и во Псалтырях, и во всех святых книгах писана молитва: Господи Исусе Христе, Сыне Божий, помилуй нас. А ныне иные враги Божия тую святую молитву и слышати не хотят. Да в том им судит Господь Бог! При прежних благочестивых царех были вселенския благочестивые патриархи, Феофан и Иеремия: Московского государства благочестие и веру похваляху и удивляхуся. Но прежде тех похваляет в Козмографии веру нашу паче всех царств и земель, сице: нигде несть таковые правые веры, якоже в Московском государстве; аще Быша еоть и во нных землях вера христианская, но много с ересьми смесишася; а таковые веры чистые несть, какова в Российской земли. Писано в Козмографии о землях, и о нравах, и обычаях, и что в коей земли родится, и чем богата и какова в коей земли вера. Писано во Истории о белом клобуке, ѳгоже сотвори царь Константин, святому Селивестру папе римскому в почесть. И по отпадеиии римлян принесли его в Царьград. И ту явишася святейшему патриарху Филофею царь Константин и Селивестр папа римский, и глаголали: первый Рим паде аполинариевою ересию, а зде, во втором Риме, в Царе-граде, вера иссякнет агарянским насилием, в третием же Риме, в Москве, там благочестие просияет паче первых царств, и то наречется светлая Россия от Бога: тамо пошли белый клобук, да похвалятся сынове рустии. Посем невидими Быша. И сего белого клобука носиша архиепископи новогородстии, посем и пять патриархов московских и четыре митрополита, до Никона отступника. А Никон и то превратил по своему, и на подклейке своей носил, яко женка на кичке свою сороку, гордости образ показал, а смирения образ возненавиде, и преди его бывшим святителем руским не последова, а потом и до конца отверже святый белый клобук, и омерзе ему благодать, якоже и древним отстудником и еретиком. И никтоже да дивится о сем, яко изсяче у грек благочестие от насилия иноверных, по пророчеству царя Константина и святого Селивестра папы римского: о сем пишет во Истории. А ныне, по нужди заблудившеся, живуще посреде тмочисленных волков, да и нас ко своей погибели неволею призывают; да и не призывали бы, но и сами владущии во тме шататися восхотели, оставя правый путь свой, заблудивше, последующе неведящим пастырем и блудящим в вере, и любодействуют со всенародною блудницею римскою, по писанию Богословлю, приемлюще тех скверных еретическое учение, и уклонишася от истины во лжу, латынская оправдающе и похваляюще, а истинну истребляюще; сами утонувше во всяко нечестие, да и всех тянут к прелести своей в пропасть, южѳ зле прияша без искуса от нихже всякия гнилости плод родися и вселенная вся возмутися. Отторгоша и от святого алтаря святые старые и непорочные Служебники, купно с ними и святыню от жертвенника отвергоша: Никон, лживого сатаны сын, издаде новые своя Служебники еретические, не токмо с прежними не сходны. но и с новопечатными у него выходы разгласны, и в нужнейших местах везде богопротивны и развратны. Глаголет бо Христос во Евангелии: не входяй дверьми во двор овчий, но прелазяй инуды, той тать ест и разбойник. Никон он, прием истинного пастыря образ, и прелстил словесных овец стадо; знающии же истинного пастыря познали его, понеже прелестник есть, исполнь татского гласа, и знаем яко чюждь истинные веры Христовы и противен, и тем сотвори сатана хотение свое, и послушающими и творящими волю его. И каков Никон мерзок Богу и святым его, таковы мерзски книги и догматы его, и укрепляющии их ученицы его ненавидими суть от Христа Бога и святых его, прежних отец наших греческих и руских всех. Христос глаголет во Евангелии: овцы мои гласа моего слушают, по чюжему нейдут, но бежат от него. Поистинне лепо есть ныне от их богомерския службы бегати и уклонятися, и ненавидети и гнушатися, понеже писано в заповедех церковных еретических книг не прочитати, и учения и пения и чтения их не слушати. И в правилех апостольских пишет, в Кормчей книги: кто хощет от яих прелести избыти, святии Апостоли и святии отцы повелевают православным христианом в домех молитися; аще кто помолится с еретики в церкви, или в дому, осужден будет; и с отлученными и со отверженными моляйся отвержен будет и отлучен. Но о сем доволно есть возрыдати, яко своею волею Никон и прелщеннии от него оставиша пресветлый свой свет, книги, глаголю, святые и непорочные, догматы правые, и тьму прелести себе возлюбиша, книги развращения и догматы богомерские, да и нас к своей прелести неволею влекут. Мы же со Апостолом глаголем: един Господь, едина вера, едина крещение. И те бо старые Служебники не с мордовских, не с черемиских, и не с латынских преложены, и печатаны древле с греческих древних писменных, переведены в добрая времена, до взятия Царя-града и истребления греческих книг от римлян за много лет; по них же служаху и жертву приношаху непорочну преосвященнии митрополити и прочии архиереи Божии рустии до патриархов, потом пять патриарх московских: Иов, Ермоген, Филарет, Иоасаф, Иосиф, и прочии с ними архиереи Христовы и иереи всея Руские земли нашея по тем же служиша и Господу Богу угодиша, а ни в чем их не опорочиша. Λ ныне на пяти просфирах служат, а две отняты, и крест Христов с просфир снят тричастный, на немже распят бысть Христос Царь и Господь и кровь и воду источи, и вместо того истинного креста на просфирах крыж латынский положили, чего от века не слышано. А Служебники Киприяна митрополита, Алексея митрополита и Сергия митрополита (?), положено действо на просфирах той самый крест трисоставный, в лицах написан, а не крыжъ. Вся священная писания проидохом ветхая и новая, а не обретохом нигде, что в последнее время исправят веру добре и обрящут истинну. Несть тако; но вси пророцы и Апостоли Христовы и вси святые отцы вопиют согласно истинному Христу, своему учителю, яко в последняя времена востныут лжехристи и лжеучители, и священная писания исказят и превратят, и отступят от веры, и внесут ереси погибельные, и Христа Бога отметатися будут, и отеческая предания загладят, и по своей похоти начнут писати, и не будет службы святые во алтарех, ни приношения, яко вси уклонишася от Бога святого, я лестцу веру яша, и даст им прескверный вместо креста Спасителева подобное свое знамение. Тако есть писано во святых книгах. И црелести поклонятися вси живущии на земли, по писанию Богословлю, ихже имена не написана суть в книгах животных. Чтый да разумеет, да не наг ходит. Написах сие краткое писание от болезни и туги сердечные, видя многих зрящих, и не видящих, имущих уши, и не слышащих, И зде имеяй уши слышати, да слышат.

Сказание отчасти, ведомости ради православных, о превращении богомерзских новых книг, и о ересех и плевелех, насеяно на погибель душам Христианским, паче на истребление православной веры

По тысящи лет от воплощения и страсти Господа нашего Исуса Христа развязан бысть змий древний, сатана, на мало время, да лстит народы, якоже глаголет во откровении Богословли, глава 8. И хоботом своим, папою римским, отторже третию часть звезд небесных, сиречь православных христиан от веры, церковного неба, и поверже их на землю⁷⁹⁸, сиречь на земное плотское мудрование, еже есть вражда на Бога. И то сатана римское царство на западе, идеже престол его есть, учинил матерь и приятелище всех ересей, и источник всякого нечестия. Той же Рим глаголется и любодеица, с неюже и любодействуют царие земстии, и упишася живущии на земли от вина любодеяния ея, сиречь от ересей римских. И ту любодеицу жену виде Иоанн Богослов седящу на звери червленом, исполнь имен хульных, и прочая. И имущи чашу злату в руце своей, полну мерзостей и скверн любодеяния ее, и прочая⁷⁹⁹. й чаша златая полна мерзости, то есть римского костела мудрость, украшена философиею, коварною лестию, полна богомерзских ересей бесчисленных, имиже уловиша весь свет, и ныне видим койждо язык во свое время, по совету сатаны. И тщится сатана всеми силами, чтобы поклонилися прелести римской вси живущии на земли. И в наше пресветлое Руское царство до сих времен многажды заглядывал вселукавый враг, мысля от веры правые отторгнути нас, но не попустившу Богу тогда, яко не у еще исполнися писание и число зверино 1666. Первое наступил сатана: папа римский посла в Русь кардиналов своих к благоверному князю Александру Невскому, претися с ним о вере, хотя уловити его во свою прелесть. Но тогда князь Александр латынских тех мудрецов малыми словесы посрамил, а их учения и слышати не восхотел, и тако возвратишася к папе безделны. Второе сатана инако умыслил: латинский Исидор митрополит подкраде лестию патриарха цареградского Иосифа, и той благослови его в Русь митрополитом, и прииде к Москве, и прияша его. И бысть тогда собор во Флоренце граде, и великий князь Московский посла Исидора того на собор, не ведый в нем лукавства. Исидор же той приклякнул к папе, и римскую проклятую веру похвалил. А святый Марко Ефеский епископ ревность о благочестии показа, отступников обличил. А Исидор егда прииде к Москве з гордостию папиною, и нача в соборной церкви по новому обычаю служить. Егда же услыша благочестивый князь латынские обычаи в церкви, скоро повеле Исидора отступника, яко пса, изгнати его ис церкви святыя. Он же враг убежа в Рим, и то коварство сатанино исчезе. И паки диявол третицею наскочи на Рускую землю: всецелое жидовство насади, от единого жида Исхария в Новеграде расплодися, а много людей прелъсти в жидовство. Тогда святый Иосиф Волоколамский игумен обличил тех врагов, и книгу написав на ереси их, и помощник ему бысть архиепископ Генадий. И теми сатанина прелесть обнажиша и до конда истребися. И посем еще завистный змий инако покусися: чернца Гришку Отрепьева на царский престол возведе, Богу попустившу грех ради наших, и хоте тем сосудом своим превратити святую нашу церковь, и с латынством смесити. Но того Христос до конца произыти кознодейству вражию не попусти; но сам льсти мудрец сатана с воинством своим попран бысть и посрамлен, и церковь наша святая Российская православная своею верою по таковых искушениях светлее солнца показася, и мир и тишина бысть велия до наскочения Никонова патриаршества. И егда убо исполнися писание и настояицее время во откровению Богословлю, глава 13, по числу зверя, 600 исполнися по римском отступлении, тогда Малая Русь Литва, отступила от веры; и по сем егда прииде и исполнися писание, 66 лет, тогда, Богу попустившу, сатана восхоте свое дело совершити и великое Российское царство отторже сатана хоботом своим Никоном. Тойже волк подкраде стадо Христово, во овчей кожи пришед, исперва ревнуя показася по благочестии и по истинне, и тем пронырством своим и добре возделанную ниву сердца тогда благочестивого царя Алексея Михаиловича злым тернием насея и плевелами окраде святопомазанную его душу: не дверию бо вниде льстивый во двор овчий, но прелез ограду священных правил, нача церковь Христову разоряти и догматы превращати, и святые и непорочные и богодухновенные книги опрометати, и уставы и вся чины церковыые святых отец пременяти и все по своему прелагати, и возбраняющих ему о сих церковных чад бия и муча, и в далъния страны заточая и в темницах уморяя, якоже преосвященного Павла Коломенского, доброго пастыря, полагаюшего душу свою за Христово стадо, разбойнически ободра, и кто же весть, како его оконча, и прочих. И первее всех Христово знамение в сложении перст отнял у христиан, коих, могий прельстити, прелстил. А иных малоумных и слабых беззаконною клятвою своею устрашил, и тремя перстами знаменатися научил, Троицею крест сотворити, хулно и нечестиво ко Святой Троице страдание положил по-арменски: армени ту ересь от Севира прияша. И Фармос папа римский еретик тако мудрствова. В том же сложенин перст и Диоскорова ересь со Евтихием состоится, отметающих вочеловечение Господа нашего Исуса Христа. И ныне Никон и прелстившиися от него глаголют хулы на святых отец, предавших нам и учивших нас в сложении перст крестному знамению, бутто мы слагаем так – двух Сынов исповедаем, облыгающи христиан, глаголют заблуждьшии. Мы же теми двема персты своими два естества во Христе исповедаем, по святых отец четвертому и шестому собору, а не два Сына: далече да будет от нас таковая хула!

В новых же книгах объявилась мудрость, Савелиева ересь, слиянием лиц Святой Троицы, глаголют: поем Отца Сына и Святого Духа, и: благословим Отца Сына. И тут сливают два лица во едино, сыноотечество славят посавелиански, и в том им судит Святая Троица! Колико святых книг проидохом, а сея богомерзския ереси не обретохом, но везде славиму зрим Святую Троицу, сице: благословим Отца, и Сына, и Святого Духа, и прочая.

В новых же кннгах Пресвятого Духа истинным не именуют, глаголют: Душе истины, и тако своими усты хулу пущают на Святого Духа. А во святом Евангелии Сам Сын Божий глаголет: приидет утешитель, Дух истинный. И в прочнх во святых книгах везде: Царю небесный, утешителю, Душе истинный. Как богопротивыые враги Божия смеют дерзати и превращати евангельские словеса Божия! Лучше небу упасти на землю, нежели слову Христову изменяему быти и отметаему! А в символе лестию своею истинного и до конца истребили. По сему же образу и во иных местех и догматех церковных, яко змия Евву, прельсти дукавством своим, утаивая истинну, яко враг истинне и всякия правды, латынская оправдающе и похваляюще, а истинну истребляюще. Напечатали и глаголют: молимся тебе, Господи, дух лукавый. И истинного истребляют, а лукавого призывают и молятся ему! A во иных Требниках приложиша сице (?), но обаче и хуже того сотвориша, господства и владычества тому сотвориша, и правятся точками и скобками!

А в крещении велят и ноги миром мазать чрез правила святых отец, и священие церковное искажено, вместо святого мира указано у них престол по углам мазать мылом дски, и обходить 3-жды церковь со кресты не указано жъ. А предано от святых отец крестом ограждать и кадить, и святою водою кропить, как в Киевопечерском монастыре на освящение церкви Пресвятой Богородицы, 3-жды обходящи, и сему уже 600 лет пройде. А в новых все сие истреблено.

В святцах малых первого выходу, в летописи, в Богородицыне рождестве, ересь явися, бутто 7 лет была Богородица во чреве Аннине. О сем обличал Арсения грека еретика Иродион поп ризоположенский с поддияконом Феодором, и царю со архиереи о сем было вестно⁸⁰⁰. Они же о сем яко игру вмениша то страшное дело, и попа с сеней царицыных и от церкве отторгоша, и поддиякона Феодора в Сибирь сослаша; еретику Арсению ничтоже сотвориша тогда. И то правда ли судей ваших?

Да они же пишут Исусово имя с прилагательною литерою везде. А в древних, отнележе православие воссия Христианское, кои святые иконы есть Луки Евангелиста писмо, и греческия и корсунския от Владимерова крещения и ис Царяграда, и на тех на всех подпись: їс хс҃. Сице и первых святых преводников книжных з греческого закона на словенский Константина философа и брата его Мефодия: и символ со истиннным, и имя Спасово во всяком глаголе: їс҃е, їс҃а, їс҃ъ. И те святые преводники многия страны людей научиша вере Христове. И инии Быша по них в Рустей земли, и Максим Грек богомудрый: и никтоже от них не прописа, не преврати Евангельского учения. Где правда? Чему верить? Старым ли святым богословцем и богомудрым мужем, или нынешним пьяным философом, иже чреву своему служат день и нощь, и сию мудрость от римских богомерзских книг еретических (прияша?)? И не буди нам новому баснословию внимати, и оставя истинну и лжи последовати! He на едину книгу, или две указуем, но o всякой истинне свидетельствуем, о всякой правде и о словеси.

Да они же печатают в 9-й песни: тя детородителницу. И се ересь Несториева и иных еретиков, и тем пречистую Богородицу бесчестят, будто многих детей роди. Таже ирмос: радуйся царице матеродевственная слава, а не: матерем и девам слава. А матере-девы те блудницы, до венца детей родят. И то не хула ли на пречистую Матерь Христову? А еже: радуйся царице, матерем и девам слава, се есть истинна. Два лика в церкви: матерей, посягших о Господе и родящих чада, вторый лик –· честных девиц, иже девство свое чисто хранят, свято живущие. И тем двоим ликом, матерем и девам, слава пречистая Мати Божия, по богословцем.

А в Херувимской песни вместо приносяще, поют припевающе, и аллнлуия поют по 3-жды. А все ругаяся церкви Божии.

Да Никон же еретик приложил: видехом свет истинный и обретохом веру поют; а в древних святых Служебниках святых отец, что есть в русских странах, того стиха отнюдь несть.

Да они же говорят: свете тихий, а названо Софрония патриарха, а не Анефиногена священномученика. А Нескверная, неблазная, наречено Павла монаха, егоже не слышахом когда, а не Василия Великого. И молитва: Упование нам Бог, превращена же. И в тропаре 1-го гласа: воскресл еси тридневный, a в старых: воскресе в третий день, Спасе.

И всякой псалом, и всякая молитва, и всякой стих испревращено и искажено. И вся та новая и ложная истекоша от блудного костела римского и от оные чаши златые, исполнены мерзости, в руках блудницы, седящие на красном звери. Они, проклятии римляне, сатанины ученицы, преступили слово Христово, еже Христос рече: дух истинный, иже от Отца исходит, а они приложиша в символе и от Сына, и тем Пресвятого Духа хулиша, и утонувше во всяко нечестие. Да и здешнии отступницы такоже погибают в нечестии, да и всех к своей погибели нуждею призывают. Таков есть обычай у всех отступников: непокоряющихся ти всяко мучат. О, сынове человечестии! доколе любите суетная, и ищете ложная! погубит бо Господь глаголющие лжу; мужа крови и льстива гнушается Господь. Покайтеся и веруйте во Евангелие. Исполнися время, приближися царствие. Чем дале, тем глубее во дно адово себе низводите, и мнимому вашему правлению конца не будет! Всегда учащеся, а вразум истинный приити немогуще, почто своих святых отец не возлюбивше благочестия, и по смерти сияющих яко светила? О честнии отцы и братия наша бывше! Кто вас прельсти противитися всякой истинне, и кто вас научи укрепляти всяку лжу? Вем бо кто: сатана общий враг наш! И се вем, яко мнози от нас (от вас?) за неведение и страх человеческий погибают. А корень всему злу сребролюбие, и сего желающии от веры отпадоша, по Апостолу. И сего ради покайтеся. И аще бы вера наша прежняя единая в чем неправа была, или в ней ереси были, то бы святым русским чудотворцем откровено было прежде, с нимиже сам Бог беседовал и посещал их явно, и пречистая Богородица, и Апостоли Христови, и велели бы исправить. Преподобного Александра Свирского посещала Святая Троица, и яко Аврааму явися в трех лицех. Преподному Сергию Радонежскому приходила пресвятая Богородица, а у него были в сенех чудотворные иконы: едина с превечным младенцем Пречистыя Богородицы, да Николы чудотворца, а на тех иконах у Христа и у Николы сложение перстов едино написано, так же, как нас святии отцы учат в книгах своих. И аще бы то ересь была, два сына по Нико(но)ву блядословию, то бы святому Сергию не умолчала Владычица всех Богородица, якоже и Кириаку не вопила двух ради слов еретических Несториевых: а тут на святой иконе како бы презрела, ей же присно выну моляшеся, и глас слышашеся от нея? Преподобному Евфросину Псковскому чудотворцу явишася в животе явно три святители: Василий Великий, Григорий Богослов, и Иоанн Златоусгый. И аще бы святый Евфросин о аллилуии не право мудрствовал, тогда бы возбраниша ему о том. Но несть тако; но паче и ублажиша его и похвалиша. Авраамию Ростовскому чудотворцу явися Иоанн Богослов, а о вере не похулил его. И в Киевопечерском монастыре колико множество святых? А у них таже вера была, и книги у них сходны, и аллилуия 2-жды а в третий слава тебе, Боже. Тако бысть до Могилиных Требников. Праведен бо Господь наш и несть неправды в нем, и на святых своих почивает, и верным своим и другом вверяет и тайная своя открывает: тайная моя мне и рабом моим, глаголет Господь. Утаибося от мнящихся быти премудрых и разумных, и открыл еси та младенцем, сиречь простым и незлобивым учеником своим всем и доселе, сия вся вышереченные и уставы церковные и догматы отеческие, ихже прият древле и держа святая наша Российская церковь непременно. И сего ради чада ее есмы гоними и озлобляеми, и укоряеми и проклинаеми от разднрающих церковное единство, и мучими, и в далних странах заточаеми, и языков богословных лишаеми, и многообразным томлением и гладом уморяеми, и в пустынях и в горах скитающеся, и жен и чад отлучаеми, не хотяще прияти пестрообразных прелестей, растленных догмат новых еретических; и не предаем древнего своего благочестия, здравых и непорочных догмат, имиже духовно породихомся святым крещением и освятихомся, и теми законы отеческими от юности воспитахомся, и от священных своих иастырей наказахомся крепко держати правую веру Христову, и за едино прелагаемое слово и отъемлемое в вере страдати до крове готовы, паче же за превращение всецелых догмат умирати, и за православие души своя полагати. Сия вера наша, по предиреченным всем свидетельством, вера Христова единая, сия вера апостольская, сия вера мученическая, сия вера исповедническая, сия вера преподобническая, сия вера отеческая, сия вера вселенскими седмию соборы утвержена, и сию ризу нераздранную носяще от вышнего богословия, юже исправляет и славит благочестия великое таинство Христово, православие христианское, и с сею верою умираем и воскресаем, и с тою хощем стати на страшнем суде Христове непосрамлени. А новых книг, развращенных догматами, их не приемлем, боящеся прелести последних сих дней. И слушаем Апостола Павла, рекшего: блюдитеся распря и раздоры чрез учение, емуже вы научитеся, и уклоняйтеся от них, таковии бо Господеви нашему Исусу Христу не работают, но своему чреву, и благими словесы и благословением прелщают сердца незлобивых, И паки: аще и ангел с небесе благовестит вам паче, еже приясте, анафема да есть, И паки: не дети бывайте умом, влающеся и скитающеся во всяком ветре учения. Петр Апостол глаголет: будут ложные учителн, внесут ереси погибелные, и пойдут вслед нечистот их, имиже путь истинный похулится, и в преумножении лъстивых словес вас уловят. И паки Павел Апостол рече: будет бо время, егда здравого учения не послушают, и от истинны слух отвратят и к баснем уклонятся⁸⁰¹. И паки рече: в последняя времена отступят нецыи от веры, внемлюще духовом лестчим и учением бесовским. И ныне видим, мнози отступиша от веры и отступают лестию сатаны: тому бо попусти Бог прелщати народы на четырех концех вселенные по развязании его от бездны за неправду людей и беззаконие. Писано бо есть, пред вторым пришествием Сына Божия не обрящется правые веры на земли кроме малых избранных, забегших в горы и в пустыни. И того ради уподобил Сын Божий днем Ноевым свое пришествие: яко во дни Ноевы не осталось единого человека пред потопом благочестивого, но вси живущии на земли отступиша от Бога, во всяко нечестие и неправду уклонишася. Егда же попустившу Богу наскочити врагу и губителю душ христианских и всякие злобы и лукавства исполнену, Никону, сести на патриаршеском престоле: той враг тогда чистую пшеницу, здравые догматы, от церковные истреби нивы, плевелы же от древних враг собра, неправые и лукавые догматы в церкви насади, к тем же и сиде своя многия примеси. А самодержец ему о всем том не возбрани; виде матерь свою святую церковь от разбойник разоряему, и не зазирает, но паче заступает, Дивлюся помрачения разума царева, како от змия окраден бысть! Или рещи оно: яко забвение и неразумие на всех хвалится! Человек бо есть. He ведый бо исперва лсти, не узна волка во овчей кожи пришедша. И сего ради тако есть за согрешения наша. Аще бо и не тому, ино таковому сосуду злобы явитися подобает, да не мимо идет писание последних прелестей. Тогда же вскоре Господь Бог гнев свой излия на Рускую землю, посла смертоносную язву на человеки, хотя уцеломудрити нас, да кроме святые воли ничтоже творим, но к нему прибегаем, и от него милости просим и разрешеиия о всякой потребе. А наемник, иже несть пастырь, оставя овцы Христова стада и начат бегати от Божия суда по лесам и по блатом, по непроходным местам мосты ставя и люди муча, и по монастырям крыяся, и царицу с чады с собою водя, лестию приступая, якобы хотя сохранити от суда Божия. Человек тленный сам и смертный, а не на Бога уповая. Аще не он, Создатель, сохранит, то кто от всевидяшего ока его укрытися может? А он, отступник, волхвуя тогда, древеса собирая, мозжевель, и по странам пути полагати повеле и зажигати, и сквозе той огнь сам богоотступник проходя и всех людей окуряя; a по градом грамоты рассылаше богопротивник Никон, к болящим не повеле священником ходити и святых тайн не сподобляти, а сам многих в селех людей Божиих в храминах заваливая, a иных заваливши огнем сожигая и живых, и тако тогда многия христиане по градом и селом бес покаяния и бес причащения умираху. А кои благоискусни попы, помня страх Божий, тайно исповедывали и причащали, боящеся свирепого мучителя великих запрещений. И кто таковая от века творяше, волхвуя, и христиан уморяше, и сожигая, и Христова тела и крови при смерти лишая, как сей богоотступник, враг Божий, Никон? емуже праведный судия Христос наш в том судитъ. Егда бо Быша моры в прежняя времена, тогда святии отцы пастырие не бегаху, но со слезами Богу молящеся о себе и о всех людех, и болящих посещаху и утешаху, и святою водою кропляху, и молитвами своими Бога милостива сотворяху, и праведный гнев его утоляху. А сей богомерский Никон, враг Божий, все противно творя самому Богу и святым его, оставя творца своего и создателя, а на тварь надеяся, на огнь и можжевель древо. И како от такового древа злого добрые плоды прорастут, реку же вера им взыскася? Христос глаголет: всяко древо злое не может плода добра сотворити. Христос же велит всякого человека от плода познавати. Христос глаголет: не входяй дверьми во двор овчий, но прелазя инуде, той тать есть и разбойник – Никон. Вся злая им сотворися церкви Христове и тем сатана сотвори хотение свое, и послушающими и творящими волю его. Каков Никон мерзок Богу, таковы суть и книги его и догматы укрепляющих их. Ученицы его, лживии учители гречестии и рустии, не со Христом собирают, но с сатаною расточают прежних святых отец веру Христову, и своими растленными догматы антихристу путь уготовляют. Во ирмосе 2-го гласа превратили и антихристову речь поют: пою тя, слухом бо, Господи, услышах и убояхся, до мене бо идеши. И тако поющии антихриста ждут, а истинного Христа отметаются. Церковь бо Христова поет сице: пою тя, слухом бо, Господи, услышах и убояхся: до мене бо прииде. А в Шестодневах пишут, яко Христос воскресе, никто же да не верует. На жидовскую речь обратили. Славник: Иже тебе ради, поют: горохищное, будто гора глотала, а не волк диавол похищал до Христа, пришедшего спасти нас. А в Скрижали печатают, лист 95: не льститеся, ни блудницы. ни пияницы, и татие и разбоиницы царство Божие наследят. А Апостол пишет: таковии царства Божия не наследят. А инде печатают: кая польза, и кая добродетель крест носити на раме своем. А Христос глаголет: аще кто не возмет креста моего, несть мой ученик. Потребит бо Господь вся глаголющая лжу и вся устны льстивые и язык велеречив. И заградятся уста глаголющих неправду, на первую свою святую церковь, в нейже породишася святым крещением и, внезапу преложьшеся, враждебная ей устрояют и своих святых отец благочестие похуляют, а проклятую веру похваляют, глаголюще безумнии, Павел сардейский (?), неделом писано в старых книгах. Оле безумный глагол! о, глупости! По истинне объюродеша и измениша славу Божию на нечесть, и уразумети не могут, что право и что лестно; якоже свинии кал жуют и бисер ногами топчют, прелесть укрепляют, а истинну попирают, и стоящих за ню сокрушают и разоряют и всяко утомляют, дабы ни един христианин не был на земли, держася старых книг святых и догмат церковных. Когда православные христиане гонили и мучили, и в темницах затворяли – христиан христиане жъ? Но вся сия творят верным рабом Христовым еретицы и отступницы, да привлекут их к своей прелести муками.

О, владыко святый истинный! Доколе не судиши и не мстиши крови нашея и гонения нашего от живущих на земли! Уже бо рабом твоим нам негде и главы приклонити, везде гонениями изгоняеми. ни мала покоя себе утетения обретаем.

О, раби мои страстотерпцы! В терпении вашем стяжите душа ваша! Потерпите еще мало время, дóндеже скончаются клеврети и братия ваша, хотящии избиени быти за имя и за слово мое, якоже и вы.

Господи Исусе Христе! мало есть нас раб твоих на земли в нынешнее время последнего часа, нечестивых же много, уклоняющихся в развращение!

He рех ли вам аз, Спас ваш: не бойся малое мое стадо, яко благоизволи Отец ваш дати вам царство. И се аз с вами есмь во вся дни до скончания века, аминъ. He убоитеся от убивающих тело, души же коснутися не могущих. Аще мене, Христа вашего, изгнаша и распят, и вас, раб моих, изженут, И рекут всяк зол глагол, на вы лжуще мепе ради. И всяк, иже убиет вы, мнится службу приносити Богу. Да не смущается сердце ваше. Претерпевый же до конца, той спасен будет. И проповестъся сие Евангелие царствия по всей вселенней во свидетельство всем языком, и тогда приидет кончина.

Господи, царю славы! Несть бо уже того места под небесем, идеже бы пресвятое твое Евангелие не проповедася, но во всю землю изыде вещание их, посланников твоих, и в концы вселенные глаголы их, и время мертвым суд прияти и дати мзду рабом твоим, пророком и Апостолом, и боящимся имени твоего, малым и великим!

Не глаголах ли аз, Исус, наперстнику моему Иоанну Феологу: яко времл близ есть, и обидяй да обидит еще, и скверный, да сквернится еще, и праведный, правду да творит еще, и святый, да святится еще. И се гряду скоро и мзда моя со мною, воздати комуждо по делом его. Глаголет свидительствуяй сия: Ей, скоро прииду. Аминь.

Ей, гряди. Господи Исусе⁸⁰².

Благодать Господа нашего Исуса Христа со всеми православными да будет во веки. Аминь.

Богоотметничество же его сие есть кроме превращения церковных догмат:

Егда бывшу тому змию лукавно на патриаршестве, келейнику же бывшу у него взяту тогда, по нужди и не хотящу, святу мужу, Соловецкого монастыря болничному келарю старцу Кирику, пришедшу ему из Анзерския пустыни. И той враг креста Христова удержа его окаянный у себе жити и патриархии. Во един убо от дней виде старец Кирик патриарши башмаки, бархатные переды, и позре в них, и виде нашит на стелки крест Господа Исуса Христа, на другой стелки вышито воплощение Пресвятые Богородицы. И от страха того старец Кирик ужасеся, и от того часа преста ясти и пити. Враг же Христов Никон, вопрошая его: чесо ради не яси и не пиеши? Он же, претворив себе в болезнь тяжку: не могу, рече, владыко зелне! И начат притужно проситися у него на обещанное место, да там гробу предан будет. И отпусти его скоро от себе и грамоту даде ему. Он же, пришед в монастырь, и поведа о том отцу своему духовному священноиноку Виталию о том страшном деле. А отец его Виталий и иным братиям духовным сказа в духовенстве о всем, како крест и воплощение и башмаках носить. И сей есть враг Божий и богоотметник явной. И второй свидетель сему делу ученик его Никонов, старец Андреян именем, живши с ним и до патриаршества много лет. И виде тот старец у Никона в сапогах крест Христов и воплощение Пресвятые Богородицы литы из меди тонцы. И той инок Андреян страх Христов имея в сердцы своем, и ужасеся зело, и возненавиде его, Никона, врага Божия, и начать ему пререковати во всем келейном послушании. О том же обличити его врага не смеяше. И многажды бияше его за пререкование, и разъярився нань и окова, и повеле его заточити в Палеостровской монастырь. Той же инок поведа отцу своему духовному Феодосию и иным многим, и Аввакуму протопопу с товарищи все поряду.

Он же Никон, сосуд лукавого диавола, мучил священноинока Нафана киевлянина, бывшего у него уставщиком. И бывши у них распри о святом крещении, како отрицаются христиане от сатаны и плюют нань. Никон же, поборая по отце своем сатане, глагола Нафану: не подобает плевати на сатану, – не знаючи де то у нас творят! Нафан же рече: подобает плевати на сатаву, по отречении его; тако писано есть о сем во святых книгах. Никон глагола: не подобает! И много у них о сем бысть при. Нафан же ревности исполнися по Христе, рече: аз плюю и на того, кто и за сатану стоит! Никон же повеле бити его плетьми в в сылку сосла его на Кий остров. Он же сказа о сем подробну при мнозех.

Он же, Никон, юродивых святых бешеными называл; и на иконе их лика и писати не велел той же Никон, о чем той же инок Нафан свидетельствова о сем, а иная нелепо про него и сказати.

Он же хулил святых отец наших, преподобного отца Иосифа Волоколамского чюдотворца Никон, враг Божий, злословил в зело поносил, и ябедником нарицал такового богослова, и не поклонился ему. Преподобного же Евфросина лаял за пресвятую аллилуию, указавшу старцу Григорию Неронову. Егда же начал четверить, он же враг Божий, Никон, в то время про святого Ефвросина о той аллилуии глалола: тот-де дурак безумной был! О сем старец Григорий Неронов сказа и царю вестно то дело было, в соборной церкви при властях. Да покрывает его царь, врага Божия, во всякой неправде, и в том ему судит Бог! И многих святых оболгал и ис поминовения в литии истребил. И все наругаяся творил и порочил. Сам же делне опорочен бысть и поруган от своих ласкателей и ученик. И яко пса изгнаша его земных ради, а не духовных, за землю и за вотчины, а не за Христа и за церковь его.

И вси они своих си ищут, а не яже Христа Исуса, по Апостолу. Похищаяй бо той волк, Никон, яко разбойник грабя себе у святых монастырей села и вотчины, и у князей такожде отъемля всяко и к своим прилагая. И многия князи ослезил, и монастыри оскорбил и разорил, и простых крестьян тяжкими труды умучил, созидаючи свой горкой Иеросалим. Добре рекл патриарх Иеросалимский о Никоне сице: когда-де руский патриарх начал строити новой Иеросалим, то скоро и Бог новой будет на земли, сиречь антихрист! О сем сказа нам грек, именем Павел, и царю о сем вестно было.

Но аще и пес изгнан бысть, но блевотина его и до днесь сладце полизоваема пребывает от любящих ту и не ведящих. А иже узаконоположил Никон нечестивые догматы превращенные, а прелщеннии от него паче утвердиша и держатся. Аще и разбойник не прав, но дело его право стало. Господь свесть помышления человеческая, яко суть суетна. Аще Никон наставник ваш правый путь вам показал и обрете веру, почто его изгнасте? когда ученицы на учителя ратуют? Аще Никон враг Богу, и Богородицы, и святым его, и вам, то почто его прелестные законы держите, и доволе храмлете на обе колена ваша? Аще есть Бог наш прав со святыми его своими прежними пастыри нашими, идите за ним и за святыми его, святившими вас и отец ваших прежних. Аще же новый Ваал, Никон богоотметник, прав с новыми своими книгами, а старыми ересьми в новых догматех, то идите за ним, поклонитеся иконе его, написанной от его, и самого его не бесчестите. О, слепоты! О, лукавства! Где правда пастырская, и кто их буести и нечютия не посмеется ! И царь его не узна пронырства вражия, вся его законололожения любовне держит, а отеческого своего благочестия ненавидит и держащих благочестие гонит, и томит всякими озлобленьми и мучитъ. Прельщен бо зело от проклятого отступника Никона, и от учения его паче. Слыши небо и внуши земле глаголы раб Христовых! Вам засвидетельствуем всяку правду и всяку истинну, понеже праведного судию на земли не обретохом в человецех ныне, в последние дни века сего. Аминь.

177 году⁸⁰⁵, февраля в 17, на память святого мученика Феодора Тирова, приведени Быша мужа⁸⁰⁶ два честна зело и стара, за проповедь крестного истинного знамения Христова. Расспрашивал их сам царь.

Вопрос: Коего града жители, и что ваша имена есть⁸⁰⁷?

Ответ: Мы, государь, люди истинного Бога и животворящего, а града настоящего не имеем, но грядущего взыскуем, странницы есмы на земли. И поведаша имена своя Евдокима и Петра⁸⁰⁸.

Вопроси царь⁸⁰⁹: Како веруете?

Отвещаша⁸¹⁰: Мы, государь, веруем во единого Бога Отца, и единорождьшегося от него Сына Бога, и во един Дух Святый, от Отца исходящ⁸¹¹, Бога.

Царь вопроси⁸¹²: Образ ваш и словеса показуют вас добрыми людьми и разумных Писанию; но от священник на вас приносят мне словеса нелепая, яже не суть угодна Богови, но паче отступна: учение-де ваше⁸¹³ пройде во весь мир развращенно и противно закону Божию, и учением своим развратили-де вы⁸¹⁴ народ мног, и в церковь Божию народу ходити возбраняете, и тела и крови Господа нашего Исуса Христа приимати им не повелеваете, и иная-де многая хульная⁸¹⁵ различная на святую Церковь глаголете и писание приносите. А не весте ли писанного: всяк бо⁸¹⁶, творяй волю Божию с небрежением, проклят бывает? И Апостол глаголет: братие, не мнози бывайте учители, сего ради да не бывает⁸¹⁷ в вас распря. Вы же не ведаете закона Божия истинного, ниже писания святых пророк и апостол, и пастырей и великих архиерей, и учителей образ на ся восприемлете, яже не суть удобна вам сицевая творити, превыше меры своего естества⁸¹⁸. Вем⁸¹⁹, яко вы от неведения и простоты сия творите.

Отвещаша: Мы ничтоже, государь, от неведения сотворихом, до паче от писания святых пророк и апостол. Глаголет бо сам Владыка Христос пречистыми своими усты: аще быхом мы от мира были, то бы мир любил нас: но несть от мира, сего ради ненавидит нас мир⁸²⁰. Ho еще сам Владыка наш Бог, Исус Христос Сын Божий, по вся дни вас ради гоним и хулим и поносим бысть и фарисеи⁸²¹, сего ради мы за его должни пречистую любовь⁸²² гоними и хулими быти от новых⁸²³: несть бо раб болий господина⁸²⁴ своего, по глаголюшему. А о правде Божии молчати бесчестно есть. Тайну цареву добро таити⁸²⁵, то кольми паче есть честно и сладко слово Божие проповедати. И паки: аще кто отвержется мене пред человеки, глаголет Господь⁸²⁶, отвергуся и аз ею пред Отцем моим, иже на небесех, и прочая. Сего ради не хощем молчати: страшно бо есть впасти в руце Бога живаго. А еже Апостол глаголет: не мнози учители бывайте, таковым глаголет, иже плотская мудрствуют⁸²⁷, а не духовная, ниже разумеюще силу⁸²⁸ писания святых отец и Апостол; недостойни бо суть таковии учения, яко же рече Бог грешному: вскую ты поведаеши оправдания моя усты твоими? А всяк, иже творяй дело Божие с небрежением, проклят есть: таковыя, иже суть не глаголющии Господа истинного и животворящего, и Сына Божия в плоть пришедша не проповедают⁸²⁹ и четверогубою аллилуиею наипаче разделяют⁸³⁰, и Святого Духа истинного не исповедуют⁸³¹, и тремя персты крестящеся⁸³² не по преданию святых отец седьми⁸³³ вселенских соборов, иже седмию златыми печатьми запечатлеша, но по воли своей мнящеся мудры быти, гордостию величающеся над теми⁸³⁴, разрушища догматы запечатленныя святых отец седьми вселенских соборов, иже⁸³⁵ Дух Святый укрепил силою своего божества. И таковая⁸³⁶ творящие воистинну прокляти суть вечным проклятием от всех седми вселенских соборов, их же грех не отпустится ни в сий век, ни в будущий, ниже мученическая кровь может загладити их грехи.

Царь рече: Страшна ваша словеса. He вем, откуду сия принесосте; како сия могу аз разумети⁸³⁷? Кто закон запечатленный разруши? – поведайте ми.

Ответ мнихов⁸³⁸: Писание засвидетельствует: пременил закон и времена⁸³⁹; вся же сия сотворил зломудренный Никон, прием учение злое безвестного еретика Арсения жидовина, иже обещася ему для богоотступного еретического учения его превратити писания святых пророк я апостол и запечатленные святвни отцы седьми вселенских соборов⁸⁴⁰. Якоже⁸⁴¹ древле грецы от налоги турского царя⁸⁴² приступиша к римскому папе Афесу, еретику сущу, и взя⁸⁴³ от них вся книги законные и огнем сожег⁸⁴⁴, и дал им три заповеди: первое – в крещении обливатися, второе – на себе креста не носити, третие – трема персты креститися. А сей же⁸⁴⁵ зломудренный Никон не от налоги какие⁸⁴⁶ клятву даде разрушити писание святых отец, но воеже бы ему прияти⁸⁴⁷ власть святительскую; ему⁸⁴⁸ Бог и попусти; и оттоле изгнан бысть, и еще паки тщится прелестию и мечтанием постигнути престол четвертого Рима, и язва смерти его исцеле. И сего ради и се три заповеди даде оному жидовину, но все ереси⁸⁴⁹ древних еретиков яве произвести, якоже Писание глаголет: от жидов приведет человека волхва, еретика, отметника, чародея, злохитрствующего на власть римскую, и прозвется Христом, якоже древний Симон волхв, первый антихрист, прозвася Христом, егоже уби Бог, по молитве Петрове. Тако и сего убиет Господь духом уст своих и родству огненному предаст.

Царь рече: Аще ли писанием засвидетельствуете, яко быти тому? Почто⁸⁵⁰ стужаете?

Отвещаша: Милостив бо есть превечный Владыка и Господь⁸⁵¹ наш Исус Христос, Сын Божий, иже не оставляет создания своего напрасно погибнути от прелести антихриста и учеников его. И сего ради посылает Бог верных своих свидетелей, и иже злая мудрствующим⁸⁵² и римская, и носящим⁸⁵³ предания древних еретиков⁸⁵⁴, к таковым отнюдь не приобщатися верным христианом, да не вредятся от язв их: яко⁸⁵⁵ прельстишася, и грехи их до смерти, и помяну⁸⁵⁶ Бог неправду их, занеже не исповедаша его Господа истинного и животворящего и Бога в плоть пришедша. А Писание глаголет: аще кто не исповедает Сына Божия в плоть пришедша, антихрист есть.

Царь рече: Страшна суть словеса ваша приносите⁸⁵⁷, – не могу сих разумети, понеже подвиг ваш велик о Христе⁸⁵⁸: не знаете истинные веры, и Святые Троицы трема персты не исповедуете, еже есть трема персты креститися не хощете. И сего ради предани будете огню. Аще ли же приимите, от всех злых избавитеся⁸⁵⁹ и радость достойную и честь обрящете.

Ответ мнихов⁸⁶⁰: Аще бы, государь, не знали мы истинные веры, то бы не проповедали Господа истинного⁸⁶¹ и животворящего и Сына Божия в плоть пришедша исповедуем, и Святую Троицу. славим, Отца, и Сына, и Святого Духа, в трех лицех, ниже сливающе, ниже разделяюще, и два естества, иже во Христе⁸⁶², божество и человечество, исповедуем; а не просто трема персты, в них же Христос сугуб естеством не исповедуется. Простая же три перста мудрование злого прелестника Формоза еретика, и прелукавого Афеса, и злокозного Никона, и прочих еретик. И ничтоже ино познавается в трех простых перстах, токмо змий, зверь, лживый пророк, а корень их сам сатана преисподний, проклятый бес: якоже древле скрыся во змия и Адама изгна из рая, тако и ныне. Познаваем и веруем Господа истинного и животворящего и Сына Божия в плоть пришедша. А сатана во свою ему скрыся, трепагубного змия, в три простые персты, сего ради, да приимут его невернии вместо Бora истинного и его креста⁸⁶³. Нам же, верным християном, познавши⁸⁶⁴ своего Творца и Бога, Господа истинного и животворящего, не буди того прияти льстивого и трепагубного беса, скрывшегося в триглавного змия, в три простые персты⁸⁶⁵. Аще ли кто сего⁸⁶⁶ приимет в небрежении вместо Господа истинного и его креста⁸⁶⁷ приимет и вознесет его на главу свою яко Бога, и будет на нем печать преисподнего беса, сатаны, с ним же да пребудет в злосмрадном и вечном, в преисподнем, темном и лютом тартаре⁸⁶⁸ в бесконечные веки.

Егда же изрекоша словеса сия мужие оны⁸⁶⁹, и разгневася на них царь яростию, и повеле вринути их в котел железный, и вельми разжгоша⁸⁷⁰, и абие пламень огненный разливашеся на все страны с великим и страшным шумом и зельными искры⁸⁷¹, мужем же стоящим⁸⁷² и нимало убоявшимся, но паче радостию веселящимся. И возведше они очи на небо и рекоша молитву сию: О, превечный Царю! Услыши молитву нашу, якоже возглаголал еси⁸⁷³: вся, елика аще просите в молитве верующе, приимете. Ты еси, Господи, преже нас умре и воскресе, и нас с собою воскреси. Покажи нам, Господи, свою трисиятельную любовь. Не нам, Господи, но имени твоему даждь славу, да постыдятся вси не глаголющии тебе Господа истинного и животворящего, и в плоть пришедщего не исповедающии, но паче да познают Тебе Бога единого, сотворшего⁸⁷⁴ небо и землю и всю тварь. Аминь.

По молитве⁸⁷⁵ вринуша тех мужей в котел разжженный. Были⁸⁷⁶ мужие те в котле яко десятая⁸⁷⁷ часть часа. И потом бысть шум велий, яко всем устрашитися. И абие огнь весь на землю паде, будто иней⁸⁷⁸ или мраз, а котел разседеся натрое, а те мужи изыдоша живы и цели, – ниже одежд⁸⁷⁹ прикоснуся огнь. И бысть страх велик на всех предстоящих ту. И повеле их царь пустити на свою волю, и свободны⁸⁸⁰ Быша от того часа о Христе Исусе, Господе нашем, емуже слава и держава со безначальным его Отцем и с Пресвятым, и благим, и животворящим Духом, ныне и присно и во веки веком, Аминь.

Сказание о попах рукоположенных от Никона патриарха, заеже не подобает от них православному христианину святыни приимати ни мало, ни велико⁸⁸¹

Понеже в нынешнее время последнее несть мощно обрести правого священства, ох, и горе и увы третие прииде на всю землю, иже под небесем! Но надеяйся на Духа истинного не оставлен будет всяк правовервый. Да и старые ставленвики, коснувшеся агнца неправедного, аще паки обратившеся ко истинней службе и с таковым намерением держати начаша священство, яко и умрети за старое благочестие, а не предати паки: то от таковых достоит благословение приимати и во всем сообщатися, помянувши Петра верховного Апостола, яко пио отречении своем, плача горъко, прият бысть Христом и от апостольства не отлучен⁸⁸². И аще не с таковым обращением и старые попы по падении своем служат, но мыслят двоедушно, егда понуждени будут от отступников к прелести новых догмат, и тогда второе и третие отступити хотят, паки вертящеся, яко прах ветром, в разуме своем, и в неигрательных играти смышляюще: то от таковых, яко Июды предателя, чюждатися православным, яко на время веруют, а во время напасти отпадают. (Ниже)⁸⁸³ А которые попы от Никона отступника ставлены и от Никониян, паче же от 1666 года, егда совершенно православие все отринуша древнего предания святых Апостол и богоносных отец, и оболгаша их льстивно и охулиша, нечестие же всякое прияша, и оправдаша и укрепиша, и новоразвращенные и богомерзкие книги со многими неисчетнымп ересьми в них похвалиша, и всех еретик крещение римское и священство их гнусное прияша, ихже вси святии отцы наши проклинаша и от святые церкви отметаша, (Ниже)⁸⁸⁴ и поставляемые от них попы и диаконы не священни суть, по правилом, вси они отступницы злии, еретицы глупии, и поставленнии от них канонному суду подлежать и анафеме: православным Христианам ныне неподобает благословения приимати, ни службы, ни крещения, ни молитвы, и в церкви с ними не молитися, ниже в дому, – то есть часть антихристова полка; и от исполнения церковного самовольне отсекшеся, но от всепагубного сына геены, пагубного сосуда сатанина, явившегося во свое время настоящее, о немже вам изреку, Никона еретика, адова пса, злейши и лютейши паче всех древних еретиков, иже Быша под небесем. Они бо аще и зли суть, но на благочестие не возмогоша; но сами спяти Быша и падоша; сей же положи всю вселенную пусту, и грады огнем неверия разже, паче же богоборство воздвиже и гонение велие, и благочестию кончание сотворил. (Ниже) В том им судия истинный Бог наш Исус Христос. А отступление их указует Дух Святый во Апокалипсии, в 13 главе, по числу зверя 666-му. (Ниже)⁸⁸⁵ Иного уже отступления нигде не будет, везде бо бысть, последняя Русь зде, и то от часа на горшее происходити будет царьми нечестивыми; то суть рози антихристовы, или сильно дело все отступническое, без тех же не мощно. (Ниже)⁸⁸⁶ Сами начальнии отступницы не дверию внидоша во двор овчий, но тако, яко татие суть и разбойницы, по словеси Христову, прескочиша ограду священных правил. Таковых же и в причет поставляюще, неискусных писанию простяков, воров же и пияниц, и гнусное житие от юности проходящих, и детям неискусным вручающе страшное таинство; и таковыми блуда исполниша церковъ. (Ниже)⁸⁸⁷ Оле скаредия церковного! Когда тако бысть у православных святителей? И во диаконы их 15-ти лет поставляют, в попы 20 лет, овых и меньши; а священная правила вся сия отмещут и анафеме предают. Вся сия, рече, кроме церковного предания содеянная и содеятися хотящая, анафема трижды. Яко тому подобает слава и честь и держава во веки веком. Аминь.

Сказание о нечестивых царех и иконоборцех, како исторжени Быша душа их, и телеса истлевша нужною смертию зело страшно.⁸⁸⁹Царь Анастасий не раскаяся по проклятии святых отец, потом же вскоре на него нападе страх и ужас и начат бегати в полате своей и вопити необычным гласом, и помале тако умре зле. И погребоша его нечестивые святители его честно и во гробе паки вложил Бог душу в него. Он же кричаше, толцая и бияся во гробе, и калиги своя снеде. Людие же, слышавше вопль его, и разгребоша могилу, и засташа последний лоскут калиг в роте ero, и паки умре окаянный. Се Бог показа над ним того радн, яко он еретик благочестивых людей, страждущих за Христову веру, в ссылках морил гладом, мало пищи давал ти, а сам по смерти и калиги своя съел.

(Ниже)⁸⁹⁰ Егда же прииде кончина и Копрониму царю, мучителю гордому, тогда окаянный узнал свое нечестие и правую веру святых отец и честные иконы похваляти начал, вопия бо со ужасом предо всеми потаковники своими: увы, рече, яко святых ради икон при устии геенны стою осужден! Отселе да почитается образ Христов и Пресвятые его Матере и всех святых! He волею уже исповеда Христа и правду, узнал свое нечестие и беззаконие не во время.⁸⁹¹Иулиан царь, отступник и лютый мучитель, позна при смерти, чего ради; прободен бысть копием от великомученика Христова Меркурия; и вопияше всем, глаголя, яко Исус Назарянин мя убивает, и умре зле.

Тако же бо и наш московский царь Алексей Михаилович, прельщенный от Никоиа еретика и отступника, при смерти своей позна неправду свою и законопреступление свое и падение от правыя веры отеческие, и вопияше великим гласом, моляся новым преподобно-мученикам соловецким: О, господие мои! помилуйте мя, и ослабите ми поне мало, да покаюся! И предстоящии и седящии вопросиша его, глаголюще со ужасом: кому ты, государь, молишися прилежно и умильно? Он же сказа им: яко приходят ко мне, рече, старцы Соловецкого монастыря, и растирают вся кости моя и составы тела моего пилами намелко, и не быти живу от них. Пошлите гонца скоро и велите войску отступити от монастыря их. Боляра ж послаша гонца скорого по повелению цареву. И в то время самые болезни его взят бысть монастырь и разорен, и братия вся, иноцы и белцы побиени, Быша и замучени разными муками лютыми и необычными⁸⁹². И Никонор преподобный архимарит и многолетный старец, иже и отец духовный ему Алексею бысть на службу, и той замучен бысть ту разными муками во едином часе от стрелецкого головы Мещерина, сатанина угодника. И гонца он своего послал к царю на радости, чая себе великия почести, еже взял монастырь и пригубил всех живущих в нем. Гонцы же оба на пути сретостася, и сказаста друг другу, чесо ради послани, и без пользы возвратишася кождо во своя. Царь же потом скоро скончася недобре, и по смерти его той же час гной злослрадный мног изыде из него всеми телесными чувствы, и затыкающе бумагою хлопчатою, и едва возмогоша погребсти в землю.

(Ниже)⁸⁹³ Казанской митрополит Лаврентий по смерти воссмерде, яко по всему граду носитися зловонию его смрадному, и носы затыкаху.

А Рязанский епископ Иларион, отступник и льстец царев, лютой враг святыя церкви и новизнам всем любитель паче прочих властей, и у того окаянного преж смерти ноги отсохли по афедрон, яко не право стоя в вере, и ношаху его на носилках уже много время, потом же и весь сух бысть, яко трава преже исторжения исше.

(Ниже)⁸⁹⁴ Никонов поборник первый паче всех московских попов, барашевской поп Иван Фокин растерзан удицею Божиею, яко Арий, животом и чревом вся внутренняя его изыде вон, и от того тако скончася.

(Выше в том же посл.)⁸⁹⁵ Никонов же поборник, поп Иван от церкви преподобномучиницы Евдокии, поставленный в попы от Иосифа патриарха: некогда пришед он к Павлу митрополиту на дороге ко всенощной заутрени, в четверток 5-й недели поста, и тамо заведоша его бесове в заходе мотыльной, и снемше с нею подпояску, и удавиша его, увы, увы! в нощи той, и свезоша его во убогой дом, по повелению нового патриарха Иоасафа. И се бысть во время соборища их самого.⁸⁹⁶В той же нощи стоящу некоему воину на стражи часов в кремле у Флоровских ворот, и виде no утрени на воздусе седяща сатану на престоле, и грекотурских патриархов и русских властей седящих окрест его, и Артемона голову стрелецкого пред ним стояща ту, и прочих от царского чину, над тем местом, идеже они вси собирахуся, судяще и утвержающе Никонову прелесть, новые книги, и на крововролитие христианское наряжающеся, и устрояюще того нашептанием, льстивого змия диавола, и того кровопролитию радуяся. И воин той начат сказывати богопоказанное видение всем людем, и за то сослан бысть в сылку безвестно.

о превращении новых книг и богомерзских ересей (сех) в них и плевел (ах), их же враг человек насеял на погибель душам Христианским, паче же на истребление православные Христианские веры сотвори сие льстивый сатана⁸⁹⁷.·

По тысящи лет от вольные страсти Господа нашего Исуса Христа развязан бысть змий древний сатана на мало время, да льстит народы, якоже глаголет во Откровении Богословли. И егда выскочив из бездны, и прииде на первое свое место, идеже свержен быст с небеси, и ту хоботом своим, папою Римским, отторже третию часть звезд небесных, сиречь православных от веры церковного неба, и поверже их на землю, сиречь на земное плотское мудрование, еже вражда на Бога глалолется по Апостолу. И то сатана Римское царство на западе, идеже престол его есть, учинил матерь и приятелище всех ересей, и источник всякого нечестия. Той же Рим глаголется и любодейца, с неюже любодействуют цари земстии и упишася живущии на земли от вина любодеяния ее, сиречь от ересей римских. И ту любодейцу жену, римскую блядь, виде Иоанн Богослов, седящу на звери червленом, исполнь имен хульных, и прочая, имущи чашу злату в руце своей, полну мерзости и скверн любодеяния, и прочия там. И чаша златая полна мерзости, то есть Римского костела мудрость, украшена филосовскою коварною лестью, а полна богомерзских ересей бесчисленных, имиже уловиша весь свет (и) ныне видим койждо язык во свое время, по совету лукавого сатапы, вогнездившегося на западе. Ведый бо себе сатана, яко время мало имать, по писанию, того ради тщится всеми силами своими поклонитися прелести Римской всем живушим на земли. И в наше пресветлое Российское царство до сих времен многажды вселукавый враг заглядывал, мысля от веры правые отторгнути нас, но не попустившу Богу тогда, яко не у еще исполнися писание и число зверино, по тысящи 666. Первое наустил сатана папу Римского послати в Русь кардиналов своих благоверному князю Александру Невскому претися о вере, хоте уловити его в свою прелесть. Тогда святый Александр князь латынских тех мудрецев малыми словесы посрамил, а их учения слышати не восхоте и тако возвратишася к папе безделны. Второе сатана инако умыслы: латынник Исидор митрополит подкраде лестию патриарха Цареградского Иосифа, и той благослови его в Русь митрополитом быти. И егда прииде к Мосвве, прияша ero. И бысть тогда собор во Флоренске⁸⁹⁸, вси епископи снидошася, папа Римский со своими, и из Царяграда Иоанн и патриарх Иосиф Быша ту. И великий князь Московский Василей посла Исидора митрополита на собор тот, не ведый лукавства в нем, и не веле ему нового учения оттуду привозити. И на беззаконном том соборе Флоренском папа Римский всех прельсти, и царя и патриарха Греческих. Исидор той приклякнул папе и Римскую веру проклятую похвалиша вси, токмо един святый Марко епископ Ефесский ревность показал по благочестии, и отступников обличал. А Исидор егда прииде к Москве с гордостию папиной, и нача в соборной церкви по новому обычаю служить, и власти ему вси о том умолчаша безумнии, стыдящеся глаголати о истинне, Егда сам услыша князь латинские обычаи в церкви, скоро повеле Исидора отступника, яко пса, изгнати из церкви святые, и в Чудове монастыре стрещи его. Он же враг убеже в дом, и то коварство сатанино исчезе. Паки диавол третицею наскочи на Русскую землю: всецелое жидовство насади, от единого жида Исхарии в Новеграде расплодися, и соборных попов там прельстил проклятый жид, а попы племя свое и людей многих научили жидовству там; и к Москве приидоша, и ту многих прельстиша верховых людсй, и всяких чинов, и митрополит сам Зосима Московский потаеной жид был. О, горе и увы святей церкви и тогда бысть! И власти тогда xyдo брегоша. Но святый Иосиф Волоколамский обличил тех врагов и книгу написал на ереси их, и помощник ему бысть архиепископ Ново-града Генадий. И теми сатанина прелесть обнажися и до конца искоренися. И посем завистный змий инако покусися: черньца Гришку Отрепьева на царский престол возведе, Богу попустившу грех ради наших, и тем хоте сосудом своим превратити святую нашу церковь и с латинством смесити. Но и тут Христос до конца произыти злодейству вражию не попусти; но сам льсти мудрец, сатана, с воинством своим попран бысть и посрамлен; а церкви наша святая Российская своею верою по таковых искушениях светлейши солнца показася, и мир глубок и тишина велия бысть, до наскочения Никонова на патриаршеский престол. И егда же убо исполнися писание, и настоящее время откры тайну. По числу зверя 600 исполнися по Римском отступлении: тогда Малая Русь отступила от веры, иже глаголются униаты. И посем егда прейде 60 лет: тогда, Богу попустившу сатане свое дело совершити, и великое Российское наше царство, увы, отторже сатана хоботом своим Никоном. Той бо волк подкраде. Христово стадо, во овчей кожи пришед, и сперва показася ревнуя no истине, и тем коварством своим и добре возделанную ниву сердца тогда благочестивого царя Алексия Михаиловича злым тернием насея и плевелами, и окраде святопомазанную душу его: не дверию бо вниде льстивый во двор овчий, но прелез ограду священных правил, поп бяше в мире и пострижеся, не вем, где и от кого. И таковых священная правила отсекают и священнику быти отревают и возбраняют, не токмо архиерею. Еще же и не no жребию Святого Духа избран, но царем понужен незаконне. И тако неверный строитель приставлен бысть к дому владычню, и нача церковь Христову разоряти и церковные догматы превращати, и святые иепорочные книги и уставы вся церковные и святых отец отметати, и все по своему прелагати, и начинающих ему о сих возбраняти, тех церковннх чад бия и умучая и в дальних странах заточая, и в темницах уморяя, а иных и без вести сотворяя, якоже преосвященного Павла, епископа Коломенского, доброго пастыря, полагаюшего душу свою за Христово стадо, разбойнически ободра, и никтоже весть, како его оконча, и прочих. И первее всех Христово знамение в сложении перстов отнял у Христиан, коих могий прельстити прельсти, а иных малоумных и слабых беззаконною клятвою своею устраши, и тремя персты знаменатися научил по-арменски, Троицею крест творити, хульно и нечестиво ко Святей Троице страдание приложил: Армены ту ересь от Севира еретика прияли, и Фармос папа Римский еретик тако мудрствовал. О семь в (Кирилловой) Книге писано московские печати. В том сложении трех перст и Диоскорова ересь со Евтихием состоится, отметающих вочеловечение Господа нашего Исуса Христа, на нихже четвертый вселенский собор бысть, Халкидонский, святых отец, Последи же Анастасий царь греческий еретик прелъщен бысть от Севира, собра свой нечестивый собор, и святых отец халкидонских проклиная, безумный, мневше себе четвертой собор двух сынов предал исповедати. (Ниже) Тоюже слепотою ныне болит Никон, и прельстившиися от него вси глаголют хулы на святых, предавших нам и научивших в сложении перст крестному знамению, по Мелетию, и Феодориту, и Петру Дамаскину, и Максиму Греку, и по Стоглаву, и прочим святым книгам, якобы мы слагающе так, двух сынов исповедуем, облыгающе Христиан глаголют заблудшии.

(Ниже)⁸⁹⁹ «И якоже тогда враждующии на четвертый вселенский собор святых отец, Анастасий царь с нечестивыми своими архиереи, и неправедне проклинающе их, сами прокляти Быша и погибоша за беззакония своя: сице и нас проклинающии тако погибнутъ. Последи же сего Никон и символ превратил во многих местех, преступил пределы отеческие, и истинного истребил, назвал того прилогом. А истинный не во едином московском, но и в сербских, и в болгарских, и моравских, и острожских книгах есть, кроме иних многих свидетельств. И трисвятую песнь аллилуию изгнал, еже есть: аллилуия, аллилуия, слава тебе Боже; а вместо тоя четвертую латынскую мудрость приял, и Святую Троицу восчетверил. И псковский распопа Иов сице мудрствовал, и за ту ересь погиб; и ныне тоже мудрствующии погибнут. (Ниже) И кой богопротивный враг смеет дерзати, отменяя и превращая Христова и святых словеса, горе и увы их ожидает! Лучше бо небу упасти и земли превратитися, нежели слову Христову пременену быти и отметаему. Тамо в символе льстец он Никон лестию своею истинного изверг, на книги разгласные и пометные письмянные, кои валяхуся вне церкви, и не свидетельствованные, на те указуя: и таковым коварством благоверного царя душу окраде. По сему же образу и в иных догматех, яко змия Еву, прельсти лукавством своим, утаявая от него всю истину, яко враг, и сказуя ему, помазаннику Божию: ни в коих книгах не обретается истинного, государь, токмо в печатных московских книгах приложено истинного. А послание святейшегоо Фотия патриарха Цареградского Болгарскому князю Михаилу, писано древле о седми соборех, и сербские и острожские книги печатные, по благословению прямых пастырей, а не наемников во время униатского отступления, и сия вся утаил от царя, или и сам не ведал, отступник, что в тех иных земель православных книгах символ согласен со святым Евангелием, и в Духа Святого Господа истинного и животворящего, и прочая вся догматы сходны старопечатным московским книгам и непорочпы во всем. А кто приложил в старых книгах истинного, и в какое время, того не возможно было солгать и указать не на что. И деяние св. второго вселенского собора, на немже написаша святии отцы исповедание о Святем Дусе, борющеся с духоборцем Македонием за честь истинного Духа, и препреша Христовым Евангелием, якоже Златоуст глаголет, еже рече Христос: Дух истинный, иже от Отца исходит, – и сим еретика Македония препревше и исповедавше Духа Святого Бога истинного и животворящего, о сем в самом том деянии втором соборном свидетельствует и яснее сего: и сия вся он, еретик Никон, от царя закрыл и загладил ложными словесы, да свое хотение совершитъ; а святых отец оболгал, второго собора, рек, якобы они истинного в символе не прияша, и сказуя ему о греческих книгах, яко с тех и с харатейных русских вся исправил. И сие солгал; новой символ с харатейными отнюдь не согласен во мнозе. А Греческие книги посылал покупать, научен от иноземца, чернца Арсения грека, бывшего там, в чужих странах, жидовином и Христа Бога нашего трикраты отрекшегося, и в Русскую землю от сатаны прислан на помощь Никону. И уведавши о нем царь и патриарх Иосиф, по отписке греческого патриарха Паисия Иерусалимского, яко той Арсений еретпк лют, и звездочтец, и богоотметник бысть, блюстися его велел, и сего ради заточену ему бывшу в Соловецком монастыре. И егда бысть там Никон мощей ради святого Филиппа митрополита, и взял того врага с собою к Москве паки, и похвали его царю. И как вкрадеся на патриаршество Никон, и того неверного раба и врага Божия приставил переправляти книги и новые переводити, ихже накупи в Греческой земли; а от самодержца о тех книгах утаил новогреческих и многолетным числом подкрал, и яко бы в Рустей земли таких книг и несть, и тако прельсти всех. А те книги, их же накупи Никон в Греках, проходят сквозе еретические руки латынские и прошедшие давно, печатают их латынницы в трех градех у себя: в Риме, в Париже, и в Виниции, и Грекам продают тех; а Греки у себя печатати не имеют, великого ради утеснения от Турок, и за скудость книжную и нехотя покупают у еретиков тех книги со многими ересьми и плевелами латынскими. И таковою виною у Грек по малу выкрали веру теми книгами и к своей прелести влекут тако. И Греки то по нужи творят, злое приемля, и веру свою первую тако повредиша, от турского насилия и еретического лукавства уже в крещении обливаются по-римски, и брады бриют, и с еретики служат в одной церкви, и тремя персты по-арменски крестят лице свое странно, и табак пиют, а священство себе мздою купят у турского царя, и под живых патриархов иные чернцы подкупаются, кто хотя быти патриарх, а того скинут, и крестов не носят, но так ходят, как у нас в Руси Мордва и Черемиса. И никтоже да дивится о сем, яко изсяче у Грек благочестие от насилия иноверных, по пророчеству святого царя Константина и Селиверста папы Римского. О сих пишет во Истории о белом клобуце, как в Русь прислан⁹⁰⁰. Но о сем должно есть возрыдати, яко волею своею Никон и прельстившиися от него оставиша пресветлый свет, книги, глаголю, непорочные и догматы правые, а тьму прелести себе купиша, книги, глаголю, превращенные и догматы богомерзские, да и нас к своей прелести влекут. Мы же со Апостолом Павлом и со Златоустом глаголем: един Господь, едина вера, едино крещение. И аще онех добре, то наша зле, аще же наша вся добре, то онех зле, якож и есть тако зле чуждее⁹⁰¹. И о всем том царю не поведа, что Греки от тех книг много повредиша у себе благочестия, и ныне вредят, а старых книг у себя мало имеют, и то письменные, а печати у них и древле не бывало, и до турского царя. И ныне аще покажут нам тот символ Греки, егоже написаша и Цареграде святии отцы 180 на втором вселенском соборе и руки своя к тому приложиша и печатию благочестивого царя Феодосия закрепиша, и аще согласен тот нынешнему явится во всем, и Иисуса, и рожденна, несотворенна, и не будет конца, и без истинного, и в прочих складех: тогда мы новой сей приимем о Господе. Но вем, аще того у себе и поищут, но не обрящут; токмо завистию подетрекаеми, сами заблудившеся, по нужи во тме неправды живуще, посреде тмочисленных волков, да и нас к своей погибели призывают. Да и не призвани бы, но сами владущии во тьме шататися восхотели, и оставя правый путь свой, заблудивше, последующе невидящим п слепым пастырем, и блудят в вере, и любодействуют со всенародною блудницею Римскою, о нейже выше рехом, иже седит на звери красном, держащем в руце сосуд, полн мерзости и скверн любодеяния ее. И приемлюще тех скверных еретиков крещение и священство, сиречь приходящих оттуду не перекрещивают, глаголюще: крещени суть. А писано есть; аще кто приемля от еретик крещение, тот чужд есть веры Христовы no правилом. Игнатий патриарх Маринку латинские веры не крестивши с ростригою венчал, и за то его последи священнии пастырие извергоша, и яко второго Иудо-предателя осудиша·, и имя его из поминовения книг истребиша, и тако крепко стояще за православие. Λ нынешние отступницы уклонишася от истины во лжу, латынская оправдающе, книги и догматы тех развращенные, и Духа истинного охуливше, а вместо Духа истинного духу лукавому молятся. И в новых Потребниках, в крещении, в молитве напечаташа: молимся тебе, дух лукавый. Истинного изгнавше, лукавого призывают и молятся. И того ради слова начаша Христиане гнушатися новых книг тех; и они иные Потребники малые напечаташа, и того соблазна не истребиша за стыд свой, токмо Господи приложиша, сице: молимся тебе, Господи, дух лукавый. Обаче и хуже, господство приложили духу лукавому; и правятся токмо точками и скобами⁹⁰². Аще в первых книгах добре тако сотворили: почто же во вторых Господа приложили? Где правда? Уже совесть их своя осудила, прежде страшного суда Христова, яко зле творят».

(Ниже)⁹⁰³ Да тут же в крещении и ноги велят мазать миром чрез правила; и священие церковное искажено много, престол вместо мира святого мылом мазати указано по углам дски; а обходити церковь трижды со кресты не указано же, как предано от святых отец, обходя, крестом ограждать и кадить, и святою водою кропить. И прочая вся преданная церкви святыми отцы истребиша и своя ложная и льстивая умышления положиша и закрепиша.

(Ниже) Оле безумия омраченных! Кто их бездельной мудрости не посмеется, и кто их прелести не оплачет? Несть слышно от века, еже бы двема персты первыми, а в последних, по Малаксину, мизинной прочь отделяюще, и тако складши, люди благословляти, а самим лице свое треми персты, щепоткою крестятся, и прочих учат нужею, а не хотящих прияти двух знамений боящеея прелести, таковых мучат. A щепоткою, треми персты, патриархов и всяких властей учить крестить лица им некто иподиакон Дамаскин Студит а прямого имени ему вси ученицы его, греки и русские власти, не знают, аще и недавно был, и ста лет нет, по Арсениеву письму Суханова, как был посылан от царя в Греки. И знатно, что тот иподиакон их еретик был, и никто его имя знает, токмо книга его о том осталась, и от тоя греки научились щепотке и прияли. И о книге его Арсению сказывали греки. И посему разумеем о иподиаконе том, или арменин был, или диоскорянин, или единовольник: понеже в трех перстах всех тех еретиков ереси сокровеины. Да слепые не видят. И в Скрыжали тогоже Дамаскина слово есть, в немже учит треми персты, Троицею, крест творити на себе: страсть, сиречь смерть Троице прилепляет, по Севиру еретику. Тут же глаголет и се, без лица, мрачно, сице: «якоже и он иже имать распятися за некое прегрешение, носить крест на раме своем, ходить бояся и трепеща и ожидая смерти». Буди тако, аще и не самого Христа хулитъ; но крест его бесчестит и спасенную страсть Христову попирает лживыми своими словеси. He бысть того нигдеже у благочестивых царей, еже бы здодеев на кресте распинати за некое согрешение и крест им на раме носити задолго, и ожидая смерти трепетати. Вси бо, христианстии цари и князи крест Христов почитали вельми от самые страсти Христовы; а коих воров, и убийц, и татей всякими казньми инако казнят, a на кресте не распинают, и Христу тем не ругаются делом, А нечестивии цари и мучители аще и распинаша на кресте и после Христовы смерти Апостолов и мучеников, и распинают еще, и то не за согрешение некое, но за Христа и за истину Христову. И сей иподиакон их блядословит в слове своем и отвсюду обличается в неправде. И то слово его (на) претыкание и соблазн верным от Никона положено: лживых учителей враг собра себе словеса новые, а святых предания вся разврати, и их оклеветуя лестно. В том судит Бог и святии его ему, Никону! В той же книге Скрыжали учит простым иноком и миряном и бабам крестить младенца без попа. А святии Апостоли Петр и Павел и прочии святии и диакону крестити возбраняют, не токмо простолюдину и бабе; такоже и вселенские соборы не повелеша нигде простым крестить: кто бо смеет несвященный святити что? Аще и бысть то где до вселенских святых соборов, во время гонения на Христиан, и то не просто; а после седми вселенских святых соборов не обрящет никтож, чтобы простец крестил младенца по нужи. По скончании бо седми вселенских святых соборов воструби ангел и со Ангелом вся вселенная: проклят приложивый, проклят отъемляй что он церковных преданий, яко совершися тайна Божия, и время уже не будет, по писанию.

(Ниже)⁹⁰⁴ Егда же попустившу Богу наскочити врагу и губителю душ христианских и всякия злобы и лукавства исполненному, Никону, сести на престоле патриаршеском: той тогда чистую пшеницу, здравые догматы, от церковные ниви потребил, плевелы же сеянные от древних врагов собра, различных стран неправые и лукавые догматы в церкви насади, и к тем же еще и своя многия примеси. А самодержец ему о всем том не возбрани; виде матерь свою святую церковь от разбойника раззоряему, и не поможе. Понеже лъстец он улови его в начале патриаршества, и рукописание взя на него, государя царя, да ни в чем ему не возбраняет, что начнет творити, еще же и от боляр его заступает, да не возбраняют и не препинают ему хотения своего творити. О, последнего неразумия, егоже не слышано от века, еже на благочестивых царех в том поступати! Дивлюся помрачению разума царева, како от змия окраден бысть исперва; или рещи оно, яко забвение и неразумие на всех хвалится? человек бо есть. Неведый бо помазанник Божий, и не узна волка во овчей кожи пришедша; и сего ради тако бысть за согрешения наша. Аще бо и не тому, то иному такову сосуду злобы. явитибыся, да пн мимо идет писание последних времен и последних прелестей. Тогда же вскоре Господь Бог гнев свой излия на всю Русскую землю, посла смертоносную язю на человеки, уцеломудрити хотя нас, да кроме святые воли его ничтоже творим, но к нему прибегаем и от него милости просим и разрешения во всякой вещи. А наемник, иже несть пастырь, оставя овцы Христовы и нача бегати от Божия суда по лесам⁹⁰⁵ и по монастырям крытися; и царицу благоверную и с чады с собою водя, царю же в то время на рати бывшу в Смоленске, лестию им приступая яко бы хотя сохранити от суда Божия. Человек тленный сам и смертный, а на Бога не уповая. Аще не он, Создатель, то кто от всевидящего ока его укрытися может? И волхвуя отступник тогда, древеса собирая, глаюлемая можжевел, и по странам пути полагати и повеле огнем зажигати. и сквозь той огнь проходити, и сам убо отступник проходя, и всех людей окуряя. Тако прежде нечестивии цари и мучители творяху, святых мученик во идолопоклонение хотяще ввести; но святии тогда не послушавше и повеление их оплевавше безумное. А Никон и тем прелести всех с богоотметником оным Арсеном Греком. A по rpaдом грамоты рассылаше богопротивник, и к болящим не повеле священником ходити и святых таин Христовых не сподобляти их; и сам во многих весех людей Божиих больных в храминах заваливая, а иных заваливппи и огнем сожигая живых. И тако тогда мнози Христиане по градом и селом без покаяния и причастия умираху. А кои благоискуснии попы, помня страх Божий, тайно исповедывали и причащали, боящеся свирепого мучителя великих запрещений. И кто тако от века во святых творяше, волхвуя и христиан уморяя и сожигая, како сей богоотступник Никон, емуже праведный судия Господь наш Исус Хркстос? Егда же Быша моры в прежняя времена во многих странах: тогда святии пастырие не бегаху, но со слезами Богу молящеея о себе и о всех людех, и болящих посещаху и утешаху, и святою водою покропляху, и молитвами своими Бога милостива себе сотворяху, и праведный его гнев утоляху. А сей богомерзкий Никон все противно творя самому Богу и всем святым его⁹⁰⁶, на тварь надеяся, на огнь, на можжевельник древо, а не ни Творца твари всей. И како от такового злого древа добрые плоды прорастоша?⁹⁰⁷ Христос глаголет: не входяй дверьми во двор овчий, но прелазя инуде, той тать есть и разбойник⁹⁰⁸. А Никон не дверию вошед на архиерейство, но дирою влез, сиречь не по правилам церковным стал. Попа бывшего, постригшегося в мире – таковых отсекают священняя творити святии отцы: второго бо поставления попу несть; и в святителех такового святого отнюдь несть, бывшего попа в мире. А та беззаконная блудница, Никон, каков сам бысть поп мирской и растленно живый: таковых же и чад себе наплоди. Все бо мирских попов настави в епископы, кроме Коломенского епископа Павла, и таковыми, яко купленными рабы, еже хотя, то и творя: не сме бо от них ни един глаголати истину о всякой правде, но вси ему такаху, и руки своя к новым догматам за страх прилагаху, блюдущеся маловременные чести отстати, кроме оного исповедника Павла епископа Коломенского. Той един не предал благочестия, но крепко ста о правоверии своем, и скончася от мучителя, невем, где. А инии в ласкатели и предатели сташа. И сего ради от таковых злых делателей и не по Божию избранию приемших епископство себе и вся злая сотворися церкви Христове, и теми сатана сотвори хотения своя. (Ниже)⁹⁰⁹ О Владыко святый и истинный! Доколе не судиши и не мстиши крови и гонения нашего от живущпх на земли! Уже бо рабом твоим негде и главы подклонити, везде юнимы и изгоняемы, ни мало покоя себе и утешепия обретающе!

А о крестном знамении в сложении перстов по нас свидетельствуют московские Псалтири со восследованием, и Потребники большие, и Книга о вере, и в книге Кирилла Иерусалимского, и в Стоглаве тоже. А на том соборе, на немже написаша книгу Стоглав, бысть же и святый Гурий архиепископ Казанский чудотворец, егоже тело святое по 30-ти летех преставления обретеся в земли нетленно и миро точа. Тако и в книге прежде реченного Максима Святогорца о крестном знамении в сложении перстов такоже и в книге святого Петра Дамаскина, насопротив глаголание к неверным еретиком, сице писано; тако и Блаженный Феодорит тоже мудрствова добре по Христе, a Никон его напрасно оболга; и Святый Мелетий тако мудрствова патриарх Антиохийский, как в Стоглаве истолковано и в прочих книгах. А тот Мелетий бысть во время вселенского второго собора: и того ныне Никон оболгал, якобы святый Мелетий тремя персты благословлял. А нынешние греческие патриархп и прочие власти их на сих своих древних святых отец о сложении перст и не ссылаются, на сего Мелетия и Феодорита, и Петра Дамаскина, и Максина Грека, и не знают их мудрования, како прелся с ними тамо оный Арсений Суханов, келарь троицкий, о немже выше писано, егда был послан в Греки. Токмо искусны ови верных проклинать по накуплению Никонову и прочих с ним, их же Бог судит. И аще вся буду приводити зде свидетельства о крестном знамении и о прочих догматах церковных, о нихже выше глаголахом, то паче песка умножатся и паче звезд. Верному и сия довлеет. А греки нынешние и наши заблудьшие власти слепии, слепши же и водители, ссылаются о сложении перстов на некоего иподиакона Дамаскина и Студита; а прямого имени ему и сами не знают. Тот их, глаголют, научил книгою своею тремя персты, щепоткою креститися; а больше того не ссылаются ни на единого святого. Вся уже у них видим иссяче правое. А егда был у них тот Дамаскин иподиакон Студит, о том сами греки сказывали Арсению Суханову, – всего лет семьдесят. А каково его житие было, и того не ведают же греки. А еже глаголют ныне, яко исправляют новые книги с греческих книг и с харатейных русских, и о сих русских рукописных сказано выше, что лгут на них, и противно им все творят, и прелагают, якоже хотят; а нынешние греческие книги печатают им римляне отступницы и прочии еретици в трех градех своих в Риме, в Париже. и в Винеции, но не по древнему благочестию, с коих наши старые книги преведены древле, в добрые времена. И те книги старые греческие римляне отнявши у прибегших грек в Рим от турецкого царя, егда взял Царьград Салтан царь, и преложили на свой латынский язык, и те святые греческие книги все огню предаша. И с того врелени греки старыми книгами оскудеша, а у себя печати не имеют, но покупают у тех еретиков печатаны греческим языком. A они, латыницы, печатая книги те, и сеют в них своя римские ереси, что хотят, А о сожжении книг своих сказа Максим Грек великому князю Василию, в Москву прислан. И того ради книжного оскудения, паче от латынские печати растления в тех книгах греческих, и от турецкого насилия иссяче ныне благочестие у грек, по сказанию в явлении своем царя Констаитина и Силиверстра паиы Римского, егда велел послать в Русь белый клобук святительский. Яснее о сем напреди скажем. И той же у них Арсений Суханов егда бысть повелением самодержца, и застал четыре патриарха цареградских живых, по сему же, что у них кой чернец даст червонцев турскому царю, того царь и велит поставить патриархом, а прежнего скинуть. А патриархи у них друг друга давят и уморяют всяко зависти ради. И сие писано в хождении Арсениеве. И кто православный о сем не возрыдает? Когда бысть такая мерзость запустения у прежних благочестивых греческих святителей, якоже ныне? И что дале, то злее. О, горе и увы! Свет во тьму преложися! А иная о них зде умолчу и слезами затру. И нынешние бегуны и ласкатели, Паисия и Макарий, иже новые законы укрепиша Никоиовы, а самого его извергоша, ихже сам лстец Никон ублажал, егда старые догматы истреблял, и они его похваляху, егда тысячи сребра и соболи от него приимаху; a ныне он же пред царем их я обличал и латынниками нарицал. И се познася их не о Бозе совет; кождо своих си ища, а не яже Христа Исуса, по Апостолу. И егда они к Москве приходили, а тамо на их места во Александрии и во Антиохии иные патриархи вскочили, а они в лишних стали, и нигде же годны обрелися.

Прежнее же наше благочестие старых книг Московского государства великого не едины древние вселенские патриархи при прежних благочестивых царех похваляху и удивляхуся⁹¹⁰; но и прежде тех похваляет в Книге Космографии веру вашу паче всех царств и земель, сице: нигде несть такие правые веры, якоже в Московском государстве, аще и Быша и еще есть во иных землях вера Христианская, во много с ересьми смесишася, а такие уже под солнцем веры честные несть, какова в Рустей земли. И сия книга Космография греческим языком глаголется, а по-русски описание света; о всех ту землях писаио, и о нравах, и обычаех, и что в коей земли родится, и чем богата, и какова в коем царстве вера. Еще же писано в Истории о оном белом клобуке, егоже сотвори первый христианский царь Константин святому Силивестру папе Римскому в почесть. Много о сем там писано; но токмо сие помяну, как принесли его, по отпадении римском, в Царьград. И ту явилися святейшему патриарху Филофею царь Константин и Селивестр папа Римский, и глаголали: первый Рим паде ересию Апполинариевою, а зде во втором Риме, Цареграде, вера иссякнет от насилия Агарян; в третием Риме, Москве, благочестие воссия паче первых царств, и то наречеся от Бога светлая Россия: тамо пошли белый клобук, да похвалятся сынове рустии. По есм невидими Быша. Патриарх же хотя у себя таковую благодать удержати и сам носиши на главе своей. И по мале времени паки повелением Божиим прииде к нему Ангел Господен, и тоже глагола: нe помышляй, Филофие, ты носити белый клобук, не вам дана бысть благодать сия, но Рустей земли, отшли скоро в Нове-град архиепископу Василию; предаст бо Господь Бог град ваш неверным за беззакония. И патриарх плакал много, облобызая святый белый клобук, отпусти в Русь честно. И после сего предал Господь Бог,

Царъ-град турскому царю. A по престатии царства греческого быти скоро десяти рогом антихристовым. О сем пишет Иаков, бывший жидовин, в книге своей Богословлей. И сего святого белого клобука, носиша святии архиепископи Новогородстии, по сем и пять патриархов Московских и четыре митрополита до Никона; а Никон и то превратил посвоему, и на подклейке носил, яко жонка коя на кичке своей сороку, гордости образ показа, а смирения образ возненавиде прежних святых святителей Русские земли, a по сем и до конца отверже белый святый клобук и черной положи на себе, омерзе бо ему та благодать, яко и древним отступником еретиком римским. Много бо тамо и они прежде ругалися белому святому клобуку, да Бог над, ними и сим поругался. Страшно писано там; зде же краткости ради оставим о том. ⁹¹¹И за сия вся вышереченная уставы церковные и догматы отеческие, иже прият древле и держа святая наша Российская церковь непременно, и сего ради чада ее есми гонимы и озлобляемы, укоряеми и проклинаемы от раздирающих церковное единство, и мучимы, и уморяемы, и в дальних странах заточаеми⁹¹², и многообразным томлением и гладом умерщвляеми, и в пустынях и горах скитающеся, и жен и чад отлучаеми, не хотяще прияти пестрообразные прелести растленных новых догмат, и не предаем древнего своего благочестия, здравых и непорочных догмат, имиже духовно породихомся святым крещением и освятихомся, и теми законы отеческими от юности воспитахомся, и от священных своих пастырей наказахомся крепко держати правую веру Христову и за едино прилагаемое слово и отметаемое в вере страдати до крови; пачеже за превращение всецелых догмат умирати, и за православие душа своя полагати. И сия есть вера наша по преждереченным всем свидетельством, вера Христова единая, сия есть вера апостольская, сия мера мученическая, сия есть вера исповедническая, сия вера преподобническая, сия вера отеческая сия вселенскими седьми соборы утвержена. И сию ризу мы носяще не раздранную, истканную от вышнего Богословия, и еже исправляет и славит благочестия великое таинство христианское, и с сею верою⁹¹³ хощем стати на страшном суде Христове непосрамлены. A новых книг развращенных c догматами их не приемлем, боящеся прелести сих последних времен, и слушаем Апостола Христова Павла, рекшего: «блюдитеся от творящих распри и раздоры чрез учения, емуже вы научистеся, и уклонитеся от них», и прочая⁹¹⁴. И паки той же Павел, Христово жилище, рече: «в последняя времена отступят нецыи от веры, внемлюще духовом лестьчим и учением бесовским». И паки той же Павел, Христова уста, рече: «будет бо время, егда здравого учения не послушают, но по своим похотем изберут себе учители, чешеми слухом, и от истинны слух отвратят, и к басням уклонятся». И Сам истинный учитель наш, Христос, рече о скончании мира учеником своим: «якоже бысть во дни Ноевы, тако будет и пришествие Сына Человеческого». И мы о том вемы, яко во дни Ноевы не осталося единого благочестивого человека пред потопом, кроме праведного Ноя самого, по вси человецы, живущии на земли, отступиша от Бога, и во всякое нечестие и неправду уклонишася. Тако и ныне деется, видим, зде во многих землях, отступиша от веры и отступают лестию сатаны: тому бо попусти Господь прельщати народы на четырех концах вселенные, по развязании его от бездны, за неправду людей. И пред вторым пришествием Сына Божия не обрящется правые веры на земли кроме малых избранных, по словеси Христову: «егда, рече, приидет Сын Человеческий, обрящет ли веру свою на земли»? И того ради днем Ноевым уподобн пришествие свое Христос Сын Божий.⁹¹⁵Аще и вся священная писания потщимся проити, ветхая и новая, вем, яко необрящут того, что в последняя времена исправят веру добре, и обрящут истинну. Но несть, нестъ; но вси Пророцы и Апостоли, и вси отцы святии вопиют согласно, Христу истинному своему Учителю, яко в последняя времена восстанут лжехристи и лжепророки и лжеучители, и святая писания исказят и. превратят, отступит от веры и внесут ереси погибельные, и Христа Бога отметатися будут, и отеческая предания загладят и по своей похоти начнут писати⁹¹⁶, Тако есть во святых книгах писано. И прелести поклонятся вси живущии на земли, по Откровению Богословлю, ихже имена не написана суть в книгах живовосных. Чтый да разумеет и блюдет ризы своя, да не наг ходит.

Написано же сие краткое писанице от болезни и туги сердечные, многими слезами, видя многих зрящих и не видящих, и уши имущих и не слышащих. И зде имеяй уши слышати да слышит всяк православный.

И сей ответ к востязующим нас и веру нашу искушающим в нынешние времена, Мы же, вернии, еси едиными устами и единым сердцем славим и воспеваем пречестнос имя Бога Отца вседержителя, и Сына его единородного Исуса Христа, Бога ненага и человека непроста, и Пресвятого Духа, единосущного Отцу и Сыну, Господа истинного, единого в Троице истинного Бога, ныне и присно и в бесконечные веки. Аминь.