Псалом 4

Пс.4:1. В конец, в песнех, псалом Давиду.

НАДПИСАНИЕ

Слово: в конец, по переводу седмидесяти толковников, означает, что сей псалом есть один из полезнейших, и такой, который относится к кончине веков, сиречь, ко временам Христа, грядущаго Мессии. Слово: в песнех означает, что сей псалом должно петь или читать, сколько возможно, чаще. А по переводу нынешних толковников: Начальнейшему певцу на мусикийском бряцательном орудии, Еврейски Негиноф, песнь Давидова.

СОДЕРЖАНИЕ

Давид благодарит Бога за избавление его от наветов Авессалома, и учит князей Авессаломлих повиноваться поставленному от Бога царю. Сие содержание есть историческое. В духовном разуме, Давид примером своим увещевает людей, дабы в несчастных обстоятельствах прибегали с молитвою к Богу, и от Него помощи требовали, показывая, что промысл Его относится наипаче к благочестивым людям. Потом научает, что благополучие человека состоит не в изобилии благ телесных, но в спокойствии совести.

Пс.4:2. Внегда призвати ми, услыша мя Бог правды моея: в скорби распространил мя еси: ущедри мя и услыши молитву мою.

Скорбь тесноту производит в сердце, а радость распространяет оное: и потому кто призывает Бога в скорби, сему печаль обращается в радость, и скорбь ему не тесноту, но распространение приносит. Откуду же приходит распространение сие? От наития благодати Божия, действующия в сердце скорбящаго, по оному: с ним есмь в скорби (Пс. 90:15). Сему согласно, и Апостол Павел написал: преизбыточествую радостию о всякой скорби нашей (2Кор. 7:4). Пророк, испытав сие на себе, провещавает: внегда призвати ми, услыша мя Бог правды моея, в скорби распространил мя еси. Аз, глаголет, егда призвах Бога во время скорби моея, и Бог, свидетель невинности моея, от нея же происходит оправдание человека, услышал молитву мою. Сие же оттуду вем, что Он, усладив сердце мое сообщением благодати Своея, чудесным образом тесноту скорби в пространство радости обратил.

Ущeдри мя и услыши молитву мою. Пророк требует продолжения благодати, аки бы тако глаголя: Господи, присно буди милостив мне, и присно послушай мя, якоже доселе творил еси. Ведал бо святый муж, что человек, живущий во многомятежном мире сем, всегдашним подвержен бывает опасностям, от которых свободиться не может, ежели милость Божия не будет предшествовать и сопровождать его.

Пс.4:3. Сынове человечестии, доколе тяжкосердии? Вскую любите суету и ищете лжи?

Пророк обращает слово к сынам человеческим, сиречь, к сынам века сего, и увещавает их, дабы от сует мирских уклоняся, обратилися к Богу и прилепилися к добродетели, яко к надежнейшему пристанищу. Сынове человечестии, доколе тяжкосердии? То есть: доколе будете иметь сердце каменное, жестокое, к земли пригвожденное, не помышляя о небесных, но прилепляяся к земным? Блюдитеся, да не когда сердца ваша отягчают объядением и пиянством и печальми житейскими (Лк. 21:34). И, понеже сердца жестокия не приемлют помышлений небесных, но точию земными занимаются, и потому не любят, и не ищут, кроме земных: сего ради присовокупляет: вскую любите суету, и ищете лжи? Нарицает земная благая суетою и лжею; понеже не тверды суть, непостоянны и обманчивы, и потому в сравнении с небесными, твердыми и постоянными благими, суть ничто.

Пс.4:4. И уведите, яко удиви Господь преподобнаго своего. Господь услышит мя, внегда воззвати ми к нему.

Научитеся, глаголет, о человецы, промыслу всесильнаго Владыки из тех обстоятельств, которыя случилися со мною, како призирает на вся, паче же на людей святых и благочестивых, и како подает помощь усердно к Нему прибегающим: и суетные ваши помыслы отложше, познайте, яко удиви Господь преподобнаго Своего. Ибо не просто избавил мя от приключившихся бедствий, но и торжественно пред всеми прославил, чрез одержанную над врагами победу. (Сие бо изъявил, сказав: удиви Господь преподобнаго Своего). Сего ради уповаю и крепко надеюся, что и впредь Господь продолжит ко мне милость Свою, и услышит мя, егда воззову к Нему. Имя преподобнаго употребил здесь вместо невиннаго и ничем никого не обидевшаго.

Пс.4:5. Гневайтеся, и не согрешайте, яже глаголете в сердцах ваших, на ложах ваших умилитеся:

В смысле историческом, Пророк обращает речь к своим, и располагает их к терпению и великодушию, увещавая, дабы на врагов своих не гневалися, и не питали в сердце своем злобы; а ежели бы когда, по слабости, и огорчилися, то по крайней мере не воздавали бы зла за зло, но благим побеждали злое. В смысле же духовном, вооружает людей гневом против пороков и злых вожделений, дабы сим образом избегали греха: если же по слабости и согрешат, то увещавает о том соболезновать и раскаиваться, и не удовлетворяться одним уклонением от зла, но и приносить жертву правды, творя благое. Гневайтеся, глаголет, и не согрешайте. Аки бы сказал: страсти свойственны суть человекам, но они происходят от растленнаго естества. Итак, когда возстают в вас безчинныя движения, возбуждающия гнев или другую какую‐либо страсть, то сопротивляйтеся, и обращайте гнев, врожденный вам, против пороков, да тако избегнете греха: сего бо ради дадеся нам гнев, да воюем противу греха. Яже глаголете в сердцах ваших, на ложах ваших умилитеся. То есть: во время нощное, когда бываете одни в ложницах и свободны от житейских попечений, войдите в сердца ваша и помыслите о согрешениях ваших, и яже глаголете, сиречь, чувствуете в сердцах ваших, о сих пред Богом умилитеся. А что и сам Давид имел обыкновение на ложе помышлять о грехах своих, по способности уединения и нощныя тишины, сие видеть можно из оных словес его: измыю на всяку нощь ложе мое, слезами моими постелю мою омочу (Пс. 6:7). Еже убо сам творил, сие творити и иных увещевает.

Пс.4:6. пожрите жертву правды и уповайте на Господа.

Жертвою правды нарицает дела благая, яже яко некая жертва благоприятная суть Богу, ибо чрез них прославляется Бог, по оному: тако да просветится свет ваш пред человеки, яко да видят ваша добрая дела: и прославят Отца вашего, Иже на небесех (Мф. 5:16). И Апостол Павел, беседуя о милостыни, глаголет: приях посланная от вас в воню благоухания, жертву приятну, благоугодну Богу (Флп. 4:18). И паки, беседуя о посте и иных делах духовных, он же глаголет: молю вас, братие, представите телеса ваша жертву живу, святу, благоугодну Богови. (Рим. 12:1). И уповайте на Господа. Сие присовокупляет для того, дабы отнять гордыню, добрым делам наветующую, аки бы рекл: творите благая, но не уповайте на дела ваша, якоже Фарисей оный, глаголавый: Боже хвалу Тебе воздаю, яко несмь якоже прочии человецы: пощуся два краты (Лк. 18:11 и д.), и проч., паче же уповайте на Господа, Иже даст вам благодать и от грехов уклонятися, и добрая дела творити, и пристанища спасения достигнути, держитеся притом смиреномудрия. Якоже бо гордыня яд есть, растлевающий плоды дел благих: тако смирение есть врачевство, предохраняющее плоды оные от повреждения.

Пс.4:7. Мнози глаголют: кто явит нам благая? знаменася на нас свет лица твоего, Господи.

В сем месте полагает Пророк общий вопрос плотских человеков, аки бы так говоря: когда проповедуем мы о презрении вещей временных, и увещеваем прилежать к добродетели и правде, в то самое время мнози, слыша сие, глаголют: кто явит нам благая? то есть: в чем состоит та правда, о которой ты предлагаешь нам, и кто может показать путь к ней, когда никто не возвращался из ада, и никто не сходил с неба? Покажи нам прежде земная благая, а небесная после увидим, когда изыдем отсюду.

Знаменася на нас свет лица Твоего, Господи. Пророк ответствует на предложенный вопрос, показывая, что путь правды явлен нам от Бога, и что мы имеем внутрь нас самих наставника, который научает нас истинному благу, сиречь, свет естественнаго разума, иже знаменася на нас, ясно напечатлеся в нас. Сей свет обретается в высшей части нашей, сиречь в душе, еюже различаемся от скотов, и свет сей произошел от лица Божия: понеже он творит нас быти по образу и по подобию Божию. И от сего-то света можем мы наипаче разумети путь правды: закон бо естественный, написанный на сердце, егоже и самый грех не загладил, научает, яко не подобает творити того иному, чего сами себе от иных не хощем; следовательно, ни красть, ни прелюбы творить, и проч. При сем Божественном свете можем и то разуметь, что истинное наше благо состоит в уподоблении Богу: доброта бо и совершенство образа в том состоит, чтоб быть по всему подобну своему первообразному.

Пс.4:8. Дал еси веселие в сердцы моем: от плода пшеницы, вина и елеа своего умножишася:

То есть: когда я о сем размышляю, то нахожу в сердце моем приятное некое удовольствие, бываю весел, и восхищаюся любовию к Богу. Что бо есть сладчае сего, как человеку помышлять о себе, что он есть живый образ существа прекраснейшаго, каков есть Бог? Но понеже не все сие чувствуют, сего ради Давид не глаголет: дал еси веселие в сердцах их, но: дал еси веселие в сердце моем: что одни токмо праведные и благочестивые сказать о себе могут.

От плода пшеницы, вина и елея своего умножишася. Присовокупляет иный довод, дабы люди познали, что Бог есть виновник благ, как земных, так и небесных. Ибо никто иный, как Он, умножает на земли жита, и производит плоды, яко-то вино и елей, о чем и блаженный Павел свидетельствуя, глаголет: не несвидетельствована Себе остави Бог, благотворя, с небеси нам дожди дая, и времена плодоносна, исполняя пищею и веселием сердца наша (Деян. 14:17). Отсюду человеки изобилуют пшеницею, вином и елеем, и всеми временными благами; ибо под именем трех оных вещей, пшеницы, вина и елеа, заключает и прочая благая, естеству человеческому необходимо нужная и полезная, обличая безумие людей, которые, обнося в руках своих Божественные дары и со избытком благими Его наслаждаяся, но яко ничего не имея, дерзают говорить: кто явит нам благая?

Пс.4:9. в мире вкупе усну и почию, яко ты, Господи, единаго на уповании вселил мя еси.

Аки бы сказал: пусть нечестивые остаются при своем жестокосердии и неблагодарности: аз же на Господа уповати буду, и в сем уповании спокойно поживу, приемля сладкий сон, и купно наслаждаяся миром.

Дает причину, чего ради надеется мирную и спокойную жизнь препровождать. Понеже де имеет покровителем Бога, Который хранит его и во уединении суща, аки в многолюдстве, и потому ничего не боится, аки бы был окружен множеством телохранителей.