Псалом 5

Пс.5:1. О наследствующем, псалом Давиду.

НАДПИСАНИЕ

Под именем наследствующаго, в таинственном смысле, разумеется церковь, или народ Христианский, к наследию вечнаго царствия заслугами и кровию Христовою предопределенный. Псалом сочинен Давидом, когда бегал он от Авессалома или Саула. Но слова псалма некоторыя должно разуметь свойственно о церкви, некоторыя о самом Давиде, не только яко о члене церкви, но и яко о царе; свойственнее же о Христе, и о церкви Его.

СОДЕРЖАНИЕ

Молитва против врагов церкви.

Пс.5:2. Глаголы моя внуши, Господи, разумей звание мое.

Пс.5:3. Вонми гласу моления моего, Царю мой и Боже мой: яко к тебе помолюся, Господи.

Три суть вещи, возбраняющия кому-либо услышану быть от другаго, а именно: когда тот, у кого чего-либо просит кто, или не слышит гласа его, или не разумеет силы прошения, или не внимает оному, будучи занят чем-либо иным. Бог аще и вся слышит, и вся разумеет, и присно внемлет, но иногда является так, как бы не слышит, или не разумеет и не внемлет. Не слышит Бог молящагося, когда сей так развлекается мыслию, что и сам словес своих не понимает, или с такою холодностию молится, что молитва его горе взойти не может. Не разумеет Бог просящаго, когда сей не знает, чего просит, или просит неполезнаго. Не внемлет Бог, когда молящийся несть достоин, да услышан будет, ово, яко без подобающаго смирения, упования, и иных потребных к тому добродетелей молится: ово, яко грешен есть, и о покаянии не мыслит. Святый убо Пророк, наученный Духом Святым молиться, во-первых просит Бога, да услышит молитву его, во-вторых, да не отвергнет оную, в-третьих, да уразумеет и вонмет. Глалолы моя внуши Господи, разумей звание мое, вонми гласу моления моего. Сие повторение слов не есть излишнее многословие, но означает сильное движение духа, и долговременное пребывание в молитве. К сему присовокупляет: Царю мой и Боже мой, дабы первым удобнее мог получить просимое: благий бо Царь имеет обычай милостиво принимать просьбы людей своих; а вторым, дабы показать смирение, что он не точию раб Божий, но и тварь, во всем от Него зависящая, и без Него ничтоже могущая. За сим присовокупляет: яко к Тебе помолюся, Господи, – показывая причину, чего ради просил, дабы услышан был от Бога: понеже особливое имеет тщание к молитве, сего ради толико печется, да услышан будет.

Пс.5:4. Заутра услыши глас мой: заутра предстану Ти, и узриши мя:

Понеже, глаголет, тщание о молитве первую мою составляет должность, сего ради заутра, то есть, прежде нежели приступлю к какому-либо иному делу, или нечто к кому-либо из моих провещаю, к Тебе с молитвою поспешу: и Ты, Господи, услыши глас мой, и милостивым оком воззри на мя, во святилище Твоем рано со благоговением предстояща Ти. Вместо узриши на Еврейском читается узрю, которым глаголом Пророк означает, что он при утреннем оном безмолвии, прежде нежели развлекутся мысли житейскими попечениями, углубится в умозрение, и возьмет за предмет умозрения самыя Божественныя свойства, из нихже главнейшия суть святость и правосудие Божие.

Пс.5:5. яко Бог не хотяй беззакония Ты еси: не приселится к Тебе лукавнуяй,

Пс.5:6. ниже пребудут беззаконницы пред очима Твоима: возненавидел еси вся делающыя беззаконие,

Пс.5:7. погубиши вся глаголющыя лжу: мужа кровей и льстива гнушается Господь.

Слова, по-видимому, несвязныя и отрывистыя, каковыя часто употребляют святые в молитвах своих, немотствуя пред Богом, подобно младенцам: но сие немотствование, сия несвязность приятнее Богу, нежели хитросплетенное риторов витийство. Впрочем, намерение Пророка клонится к тому, дабы показать, что Бог нечестивых и злых врагов Своея Церкве, когда дойдут они до самой крайней лютости и нечестия, не оставит без наказания. Сие заключение выводит из самаго свойства Божия, умословствуя, что Богу ничто так не противно, как грех и нечестие: и напротив, ничто так не любезно, как непорочность и правота. И потому статься невозможно, чтобы нечестивые и злые люди когда-либо избежали праведнаго мщения Божия. А понеже нечестие и грехи творятся ово делом, ово словом, ово помышлением: сего ради Пророк особенно каждый грех исчисляет, и первее глаголет вообще о беззаконниках, то есть, злых человеках; потом о глаголющих лжу, то есть, о клеветниках; за сим о мужах кровей, то есть, о людях безчеловечных и кровожаждущих; наконец о людях льстивых, то есть лукавых и коварных.

Пс.5:8. Аз же множеством милости Твоея вниду в дом Твой, поклонюся ко храму святому Твоему, в страсе Твоем.

Пророк показывает здесь плод, собранный от умозрения онаго, в котором упражнялся поутру, почему как бы так говорит: познав, колико Ты отвращаешися греха и грешников, хощу благоугоден быти Тебе, и должен есмь грех убо возненавидети, непорочность же и правоту возлюбити. Убо да возблагодарю за множество милости Твоея, еюже спасл мя еси от злых оных и нечестивых человеков, и да впредь избегу всякаго греха, вниду в дом Твой поклонюся ко храму святому Твоему, – повергнуся пред скиниею Твоею, и со благоговейным страхом реку:

Пс.5:9. Господи, настави мя правдою Твоею, враг моих ради исправи пред Тобою путь мой.

То есть: прошу благодати Твоея, да тою наставиши мя на стезю правды, и да поможеши мне творити заповеди Твоя, и тако избегнути всех грехов, ненавистных Тебе; исправи убо путь мой пред Тобою: сотвори, да хожу путем непорочным, имея присно пред очами Тебе, Бога моего, и страх Твой. Сие же сотвори враг моих ради, да избегну наветов и козней их. Тако молится Пророк, дабы показать, колико потребна нам Божия помощь, исправляющая и покрывающая, предшествующая и совозследствующая, ради множества врагов, наветующих нам и тщащихся привлещи ко грехам. Нарицает бо врагами всех тех, кои препинают нам путь спасения, хотя некоторые из них и дружелюбни являются: но врази человеку домашнии его (Мф. 10:36).

Пс.5:10. Яко несть во устех их истины, сердце их суетно, гроб отверст гортань их, языки своими льщаху.

Дает причину, чего ради просит помощи противу наветующих врагов: понеже де ни о чем ином не помышляют, как разве о том, чтобы обольстить, и что не удобно избежать наветов их. Несть, глаголет, во устех их истины, но ложь, коварство и обман: иное говорят, иное мыслят. Сердце их внутрюду убо суетно, внеуду же развращенно; ибо не мудрствуют, ниже помышляют, разве суетная. Гроб отверст гортань их: то есть, уста или язык, которыми произносят они слова чрез гортань, подобны отверстию гроба; внутренность же их, сиречь душа, или сердце, в котором сокрыты желания и помыслы, суть аки трупы смердящие; ибо чрез гортань их не исходит слово здравое и спасительное, но или Богу обидное, или ближнему вредное. За сим, повторяя то же самое, присовокупляет: языки своими льщаху. То есть: глаголют не токмо ложная, понеже несть во устех их истины, но и льстивая: ибо под видом добра желают зла.

Пс.5:11. Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи.

Давид пророчествует, что враги его, или паче враги святыя церкве, не токмо исключены будут от наследия, о котором сказано в заглавии псалма, но и осудятся на вечныя муки. Суди им, Боже: то есть, накажи их на праведном суде Своем по их достоинству и по заслугам. Да отпадут от мыслей своих: то есть, да не возимеют успеха в намерениях своих, да оттщетятся надежд, по которым мечтали превозмощи избранных. По множеству нечестия их изрини я: то есть, по мере и по числу нечестивых дел их, изжени от наследия вечных благ во тьму кромешную. Яко преогорчиша Тя: ибо, озлобляя праведных, не их озлобили, но Тебя, всех Бога, преобидели. (Сии и сим подобныя клятвы людей благочестивых, изрекаемыя на нечестивых, не должно приписывать плотскому желанию мщения, но благочестивой ревности по Бозе, каковую Дух Святый производит в сердцах их, за которою последует и самое исполнение, то есть, погибель нечестивых.)

Пс.5:12. И да возвеселятся вси уповающии на Тя, во век возрадуются, и вселишися в них: и похвалятся о Тебе любящии Имя Твое.

Дает причину, чего ради просит Бога, дабы произвел суд над врагами и отмстил им; понеже де плод сея милости будет для всех благочестивых общий. Аки бы сказал: Господи, аще мне подаси помощь на врагов и истребиши их в конец, то сие благодеяние не одному мне полезно будет, но распространится на всю церковь Твою, и на всех любящих Тя: ибо чрез сие больше утвердятся в вере и прославят имя Твое. По толкованию других, Пророк предвозвещает здесь о том преблаженном наследии праведных, которое ознаменовал в заглавии псалма, призывая их к торжественному веселию, и возбуждая благую надежду о будущих, аки бы сказал: возвеселитеся вси уповающии на Господа; аще бо и в многотрудном подвиге ныне обретаетеся, но в надежде будущих почестей ободритеся. Возрадуйтеся, и восхвалите имя вашего Бога, Иже вселится в вас аки в некоей скинии, и вы будете в Бозе, и Бог в вас, и тако будет Бог всяческая во всех. Потом, обращая слово к Богу, от лица своего и от всех праведных глаголет:

Пс.5:13. Яко Ты благословиши праведника, Господи, яко оружием благоволения венчал еси нас.

То есть: похвалятся о Тебе вси любящии имя Твое, того ради, понеже Ты благословиши их, и благословляя благосотвориши, даровав им венец славы, егоже заслуживают. А понеже корень и основание всех благ есть благоволение Божие, избравшее нас прежде сложения мира, от негоже происходит и звание, и оправдание, и благая дела, и самое прославление, сего ради заключает: Господи, яко оружием благоволения венчал еси нас, то есть: возвеселимся, и возрадуемся, и восхвалим Тя, Господи, того ради, понеже вся благая наша, временная и вечная, оттуду проистекают, яко Ты благоволением Твоим (благодатию Твоею, милостию Твоею) аки оружием или аки щитом ограждаеши нас.