86. 1459 г. Его же послание новгородскому архиепископу Ионе об охранении паствы от наветов киевского митрополита Григория

Из сборника синодальной библиотеки № 562, л. 101 об.–105; издано было, по тому же списку, в I-м томе Актов Исторических под № 65.

Благословение Ионы, митрополита всея Руси, о Святом Духе возлюбленному сыну и сослужебнику нашего смирения Ионе, архиепископу Великого Новгорода и Пскова: благодать и мир и милость от Вседержителя Бога и от пречистой Богоматери пресвятой Владычицы нашей Богородицы и приснодевы Марии, и от нашего смирения благословение и молитва. О том тебе, своему сыну, воспоминаем, а и сам испытно веси, како божественные и священные правила святых и верховных Апостолов и святых и богоносных Отцов повелевают, а запрещают нашему смирению, сущим настоятелем и окормителем и учителем, от Бога устроенным святым Божьим великим и соборным церквам, и всему православному великому христианству, комуждо нас своей паствы, каково великое смотрение и попечение нам иметь о святой православной и христианской вере, еже прияхом от семи святых вселенских соборов, и от Царствующего града, и от нашей русской земли просветителя и учителя, святого равного Апостолам великого князя Владимира, просветившего русскую землю святым крещением; како нам святое предание соблюдать и иметь крепче, неподвижно, и душу свою полагать за то, а к новине не приставать никакоже, по великого святого верховного Апостола Павла словеси: «паче преданного от него, аще и ангел благовестит, или и сам той инно что возглаголет, анафема да будет», еже есть проклят. И того, сыну, нам велми надобе… ²⁷⁹⁸ и того ради осуждены. Еще же, сыну, и о том воспоминаю тебе, каково еси, сыну, исповедание и обещание Богови дал и нашему смирению в своем поставлении на святительство, сам ведаешь, еже и латинства остерегаться: и того ради тебе о сем вкратце пишу, занеже и сами вемы, что еси рассудный человек и божественное писание веси. А что, сыну, нынешние злые новины являющиеся, надеемся, вам давно сведомо, чтоже пришел некто Григорий именем от римских стран на киевскую митрополию, а зовущийся ²⁷⁹⁹ киевским митрополитом и всей русской земли; а пришел со всеми злыми нравами и не с благочестивой нашей прежней верой христианской, а поставлен, кажут, от такового же злого и богомерзкого человека, некоего патриарха нарицаемого, Григория же, от тое же римские церкви, имея с собой, на злое подкрепление, тамошние же проклятые грамоты папежские, и ²⁸⁰⁰ окаянного отступника от благочестивой христианской веры злого Исидора и того поставльшего его на митрополию патриарха нечестивого Григория. А того, сыну, Исидора, злого отступника, по изначальству велми известно ведаете, как когда и преже приходил в наше православное христианство, в нашу землю, яко древний Формос, оболкся в овчую кожу, и явился преже кроток, яко овча, и потом пременился в злого и лютого волка; и как всемилостивый Бог вразумил, яко иногда ²⁸⁰¹ , и ныне такожде, господина нашего великого господаря, благочестивого и благородного великого князя Василия Васильевича, о Святом Духе сына нашего, по изначальству великого его благородства от того святого и великого князя Владимира, о православной святой вере христианской велие попечение иметь ²⁸⁰² , как бы дал Бог в его отчине, в русской земле, непорушно ²⁸⁰³ было ничтоже до Божьей воли и до кончины века. И аз, сыну наш ²⁸⁰⁴ , не своей ради славы, ни себе величества хотя, но страшного и грозного Судьи, Вседержителя Господа Бога боячеся и о своей душе попечение имея, еже ожидаем все в страшный день судный будущего нам осуждения бесконечного, по нашим комуждо по делам, да сие пишу тебе, своему сыну, по тому великому, Богом данному нам [святительству]. Да послали есмы в литовскую землю к твоей братьи, к боголюбивым епископам литовской земли, и ко князьям христианским, и к панам, и ко всему православному христианству нашей веры православной, честных человеков и духовных, троицкого игумена Васиана честной обители Сергиева монастыря и Кирилова монастыря честного старца игумена Касиана, с благословением нашего смирения и с речами и писаниями ²⁸⁰⁵ , на укрепление православного христианства, чтобы за то крепко стояли и подвизались мужественно, [как] их Бог своей всесильной помощью вразумит и укрепит на то великое дело. А тебя, своего сына, о том же и благодарю и благословляю, чтобы еси, по своему к Богу [святительскому долгу] и по святых правил узаконоположению и повелению, и по объему и исповеданию, в своем поставлении, к Вседержителю Богу и к нашему смирению, по святой православной христианской вере стоял и попечение имел крепко, как тя Бог вразумит, с нашим смирением и со своей братией, с боголюбивыми епископами русскими, с одиного совокупленно; и своих детей, православное христианство, на то бы еси наставлял и укреплял, по своему святительскому долгу, с великой крепостью; и о том имаши от Бога приять сторичную и пребогатую милость, а зде от всего православия благохвальную хвалу и честь святительскую ²⁸⁰⁶ от всего священства, соборне, от святых вселенских семи соборов святыми Отцами… ²⁸⁰⁷ И созвав к себе о Святом Духе сынов и сослужебников нашего смирения, боголюбивых архиепископа и епископов русских, честных старцев священноиноков и иноков, и воззрили есмы в священные и божественные правила, и по совету великого господаря, о Святом Духе возлюбленного [сына нашего], благоверного великого князя Василия Васильевича, и его сына благородного и благоверного великого князя Ивана Васильевича, и рассудив, чем нас Бог вразумил… ²⁸⁰⁸ , о всем без вести не держал, и о всем бы еси нам завсе отписывал своими грамотами. А каковы, сыну, до нас от тех стран доходили грамоты и списки, или которые грамоты к нам пришли от наших детей и сослужебников, епископов литовской земли: и мы со всех тех грамот и списков, списав, и к тебе есмы послали, и познаете, сыну, от них о всем сами известно. Да прочет, сыну, сию мою грамоту, да своим детям, всему православному христианству, христоименитым людям яви, и их наставляй и укрепляй, как тя Бог вразумит. ²⁸⁰⁹