77. Около 1456 г. Его же послание в Вятку с обличениями народных пороков

Из сборника графа А.С. Уварова № 512 (прежде Царского № 366), л. 174 об.179–179; издано было, по тому же списку, в I-м томе Актов Исторических под № 267. В подлиннике озаглавлено:

Благословение Ионы, митрополита киевского и всея Руси, о Святом Духе сыновом нашего смирения, боярам и воеводам и ватамонам и всем купно истинным православным христианам, еже в распятого нас ради Господа Иисуса Христа Бога верующим. Се слышание мое, сынове, что деи там, в вотчине сына моего великого князя, у вас на Вятке, чинится Богу сопротивных и ненавистных дел велмн много, к крестьянской погибели: многие деи христиане с женами незаконно в невенчании живут, а иные деи венчаются, но незаконно, четвертым и пятым совокуплением, а иные шестым и седьмым, один и до десятого; а духовные их отцы, игумены и попы, божественных писаний неискусны суще, божественных и священных правил неведуще, теми богомерзкими незаконными браками их совокупляют, а к нашему смирению, нашего ради благословения и наказания, и паче своего ради спасения, и за небрежение детей своих духовных и за леность, не могут к нам единого которого своего брата священника прислать, своей же деля душевной пользы и врученной им Христовой паствы, суще яко каменно-сердечные и ожесточенные: таковы, сынове, будуще, именующеся священники и христианские правители, и ни будет то, но губители душам человеческим, а не пастухи. А ныне слышахом, что недостойны ²⁷⁴⁴ суще великого Божьего священства, да оболкшеся в бесстыдие, священствуют, и таковые суть горши еретиков: иные деи от мирских приимше ангельксий образ, чернечество, да потом оставляют, да и женятся, а тии недостойны священники их на то благословляют. И о сих, сынове, Богу ведущу ²⁷⁴⁵ , по Пророку, «исчезосте ми очи от слез», занеже коль та суть мерзка и супротивна Богу! И того ради ныне вмале пишу вам, своим детям, но своему святительскому долгу и по глаголющей Христовой заповеди, Пророком Иезекиилем к нам глаголющей: «сыне человеч, блюстителя дах тя дому Израилеву, и слыши от меня слово и запрети им: внегда глаголать ми беззаконному «да умреши», и не повеси ему, то кровь его от твоей руки взыщу; аще ли засвидетельствуеши ему, и не обратится от беззакония своего, тот сам в грехе своем умрет, а ты душу свою избавишь». И того ради, сынове, воспоминаю вам и пишу с горьким рыданием, избавляя свою единородную бессмертную душу от осуждения от Бога [и] неизмолимых мук; а не воспомянуть ми убо о сих вашей любви, – и Творец мой Христос Владыка от моей руки того взыщет. Понеже бo се уже яко конец летом приспе, и Судья ²⁷⁴⁶ [с] возданием ждет нас; и того ради молю вас покаяния чистого силу показать. И благословляю вас, о Святом Духе сынове мои, бояре и воеводы и ватамоны, и все православные христиане той земли, чтобы осте с моим десятильником о том великое смотрение имели и за лихого супротивника Божьему закону и нашему великому православию тому нашему десятильнику не стояли: занеже он, по наказанию нашему, что которое дело мощно, с вами тамо управит ²⁷⁴⁷ , а чего не мощно будет ему тамо управить, и он ко мне отпишет, или, как Бог даст, сам у нас будет, и он нам скажет. А вы бы, сынове, тех великих и тяжких грехов на себе не имали, помнящи Христовых уст слово, глаголющее: «еже слепец слепца ведый, оба в яму впадетася»: за то Господь Бог и здесь таковым и телесно того не заложит, паче душевно предаст горькой бесконечной муке в страшный великий день неизмолимого Божьего суда. И о том бы есте, сынове, колико мощно, с великим смотрением, от таковых беззаконников удаляли себя во всем, будуще [и] именующеся истинные и православные христиане; и того ради, сынове, от Вседержителя Бога и от всех земель благопрославленны будете, а паче в небесном бесконечном царствии, егоже и молюся получить вам в бесконечные века. Вам же, Господни священники, также вмале глаголю: весте ли, в каковой убо сан достигли есте, и како поручено есть вам с опасением блюсти Христово стадо, егоже искупи честной своей кровью? И о сем, как слышится здесь у нас, что о себе и о вашей врученной от Бога пастве смотрения и попечения не имейте никакого, забывшее Вышнего страх. И слышите, чада мои, пятьдесят восьмого повила святых Апостолов ²⁷⁴⁸ , [с] каким запрещением глаголет сице: яко «аще епископ или пресвитер, нерадяй о причте и о людях, не наказуяй тех с прилежанием благочестью, да отлучится; пребываяй же в лености, да извержется». И о сем молю вас смотрение великое иметь, преже о себе, такоже и о Христовой пастве ²⁷⁴⁹ ; пишет бо великий Деонисие Арепагитский: «достоит, рече, быть Господнему священнику чисту, яко свету быть, и тако просвещать, занеже скверна убо сквернит, а чистота убо очищает». Того ради убо молю вас, Господние священники, обозреть ²⁷⁵⁰ себя всяко и содрогнутись, яко от сна воспрянуться и oт бесчинного ²⁷⁵¹ пьянства себя воздержать вам, еже есть не на здравие души и телу, но паче ²⁷⁵² на погубление души и на отгнание действуемой благодати и дару вам Святого Духа; и таже смотряще ²⁷⁵³ , и бессмертного ²⁷⁵⁴ тела и честной Владычней крови в которые устна есть вхождение: иже бо коими тако мерзостными и скверными устнами к тем бессмертным и животворящим тайнам преступить дерзаете и кого сприобщать смеете, яко трава сущи прикоснуться огню; и сего же смотрите, кого причащаете бессмертным Христовым тайнам, понеже бо не достоит предать Божьего тела и честной Владычней крови в уста скверны и мерзостны: ибо, по Апостолу, «таковой себе суд яст ²⁷⁵⁵ и пиет». И сего ради, чада мои, с моим благословением и молением пишу вам, дабы есте обозрели себя всячески и врученных ²⁷⁵⁶ вам oт Бога душ человеческих, прибегающе к святым Божьим церквам с сокрушением сердца, без лености, и свои духовные чада ото всех супротивных Богу наказующе и отводящее ²⁷⁵⁷ , а поминая о всем час смертный и неизмолимые бесконечныя оны будущие муки, в приидущий он страшный день великого суда Божьего. И имете ли, сынове так с усердием жить и супротивья еже к Богу оставить, а не чинить: и надеяние имею на великое человеколюбие [Божье], – и того ради землю вашу всем благим преизобилует, а самих вас небесного бесконечного своего царствия не отлучит и наследствие дарует, и с вашими духовными чадами, в бесконечные века, со всеми купно истинными православными христианами. Да есть мое благословение и к Богу незабытная молитва о телесном вашем ²⁷⁵⁸ здравии, а паче о духовном. А писана на Москве…