41. 1416 г. сентября 9. Послание митрополита Фотия Псковичам о соблюдении церковных законоположений, о несообщении с литовскими раскольниками и покровительстве выходящим оттуда верным сынам Церкви

Из рукописи Румянц. Музея № 204, л. 430–433, с указанием разночтений списка в Синод. сборнике № 562, л. 391–393. Издана была, по тем же спискам, в I томе «Актов Исторических» под № 20.

Благословение Фотия, митрополита киевского и всея Руси, в Псков, о Святом Духе детям моим, посаднику и тысячному, и старым посадникам и тысячникам, и всему священническому и иноческому чину, и малым всем и великим, всему христоименитому исполнению Господню, святому людьству, обретающимся всем в богоспасаемой державе псковской. О чада о Господе возлюбленные нашего смирения! Весть ваша любы, еже писах вам преже от божественного писания ¹⁸²¹ , вашей ради пользы душевной, понеже много желаю слышать о всяком вашем пребывании блазе, и ныне пишу вам от божественного писания. И разумейте убо вы преже, о священники Господни, служители суще истине, и смотрите прилежно, како себе управляете, и како наставляете на путь спасения Христово стадо словесное, вам вверенное. ¹⁸²² Еже убо на всяк день сами чтете святое евангелие, еже Матфей от Христовых словес глаголет сице: «рече Господь: вы есте свет миру, вы есте соль земли»: и паки ¹⁸²³ : «тако да просветится свет ваш пред человеками, яко да узрят добрые дела ваши и прославят Отца вашего, иже есть на небесех». И весте убо, о пресвитеры, како глаголет Христос, достоит быть священнику Господню, яко свету; и егда есть сам свет, тогда может и иных просвещать, якоже великий проповедник Апостол Павел глаголет: «пастырю, рече, подобает быть искусну, и мужу божественну, образа доброго себе имуща и иным подавающа». И сего ради, чада мои священники, пишу вам, да истрезвите преже себя, и так да упасете во всем стадо Христово, по угодию Божьему. Вы же, чада мои о Господе возлюбленные, христоименитые Господни люди, молю вас прилежно, свои душевные чувства распространите, и разумейте, како искуплены есмы ¹⁸²⁴ Христа истинного Бога нашего честной кровью, еюже искупи нас от работы идольской и в познание ¹⁸²⁵ истинной православный веры приведе, и сего ради, чада мои, смотрите, да будете не словесами токмо нарицаемы христиане, но совершенны ¹⁸²⁶ делами всякими, достойными истинного православия, и ¹⁸²⁷ сподобите ¹⁸²⁸ себя совершить, по Спасову евангельскому слову, глаголющему: «не всяк глаголяй ми: Господи, Господи, и внидет в царство небесное, но творяй волю Отца моего, иже есть на небесах». И сего ради пишу вам, вашей ради пользы душевной, яко да будет вера ваша, якоже слышу, но и да более преумножится в вас цветуща ¹⁸²⁹ о Бозе добродетелями благодать, во угодие Божье, якоже великий проповедник и Апостол Павел глаголет: «яви ми веру от дел своих, и дела от веры твоей: ибо вера без дел мертва есть ¹⁸³⁰ , и дела без веры». И того ради глаголет си Апостол «вера и дела», да очистим сугубо душу и телеса. И сего ради, чада мои, пишу вам от божественного писания о вашей пользе душевной, понеже и сами искусны есте божественному писанию. Да и о сем, чада мои, пишу вам, что списах от божественного писания и от божественных правил о разделении Божьей церкви от несвященных ¹⁸³¹ мужей, еже близь ваших предел проклятию повинные сотвориша мятеж Божьей церкви, ейже благодатью Христовой и не удолеют николиже, якоже и преже досажение делающие ¹⁸³² на Божью церковь; а надеюсь, сынове, тое мое писание к вам пришло. ¹⁸³³ И смотрите, чада мои, но и не дивно ¹⁸³⁴ есть се, сбысть бо ся о сем Спасово слово, глаголемое ¹⁸³⁵ в святом Евангелии: «яко последние времена тяжки суть и дни лукавы, и отступят некие от веры, и время слуг своих поставляет». И смотрите, чада мои, свою истинную и православную веру и обычаи, дарованные вам по роду от Бога, удаляющеся ¹⁸³⁶ и слышати тех неправедных предел, отметающихся Божьего закона и святых правил; и молю вас совершить о сих, якоже и преже благодатью Христовой сотвористе достойно благодарование и хвалу своей великой державе и всей ¹⁸³⁷ непобедимой христианской вере, наставляемы благодатью всемогущего Бога и вданным вам от Бога разумом. И благодарю о всем, и молюсь иже в Троице покланяемому и славимому всеблагому человеколюбцу Богу, иже да даст вам мудрствовать всегда во угодие его, иже и да оградит во всем и укрепит и соблюдет жительства вашего державу о всем добре, в предуспевании всяком блазе; и молитва моя и благословение мое да будет с вами. А кто, сынове, познав той великий и богоненавидимый церковный мятеж, да от той страны уклонится к вам жить, аще мирские человеки, или иноци, а прибегнут оттуда в вашу православную и в богоугодную державу: и вы бы, сынове, тех приимали, как всяких истинных православных христиан, отбегающих от неправды, в ваше православие. И Божья благодать о всем да будет с вами. А дана грамота на Москве, месяца сентября 9, индикта 10. ¹⁸³⁸