42. 1416 г. сентября 23. Его же грамота Псковичам против стригольников

Из рукописи Румянц. Музея № 204, л. 406 об.–412; сверена со списком, находящимся в Синод. Сборнике № 562, л. 319–324, по которому издана была в I томе «Актов Исторических» под № 21.

Благословение Фотия, митрополита киевского и всея Руси, в Псков, о Святом Духе детям моим, посаднику и тысяцкому ¹⁸³⁹ , и старым посадником и тысяцким, и всему священническому и иноческому чину, и всему христоименитому Господню исполненью, святому людству, обретающимся всем в богоспасаемой державе псковской. О чада о Господе возлюбленные нашего смирения! Много уверенье и пользу душевную имею ¹⁸⁴⁰ , слыша ваше ¹⁸⁴¹ благочестие; но еже ¹⁸⁴² слышах от писанья ваших священников о ¹⁸⁴³ отлучающихся Божьего закона и православия, зовомых стригольниками, и смути мя, чада мои, скорбь о сем не мала, и не усыпающ о сих ум имею и поисках в божественных правилах, и ¹⁸⁴⁴ пишу вам и ради тех ¹⁸⁴⁵ уверения, еже среде вашей православной веры суть тии ¹⁸⁴⁶ зовомые стриголники ¹⁸⁴⁷ , помраченные прелестью дьявольской и ослепленные злобой ¹⁸⁴⁸ лукавства своего, и не видят ¹⁸⁴⁹ света истинного Христа, ни разумеют праведных судеб его, и не сведят ¹⁸⁵⁰ истинных путей его. Ино ¹⁸⁵¹ , сынове, и сами ведаете по божественному писанию, колико шатание и неистовство и укор и мятеж, бывший преже нa истинную и на православную христианскую веру и на Божью церковь от несмысленного и суетословного и бесстыдного Apия, и Hecтория, и Македония, и Севгира, и Манента, и Оригена и прочих проклятых; и тии окаянные пагубу ¹⁸⁵² токмо себе исходатаивше и огнь вечный себе приобретше ¹⁸⁵³ , уготованный диаволу и аггелом его; а церкви Божья, утвержденная Богом и данным нам законом новым, и огражена повелениями апостольскими, и укрепляема божественными ¹⁸⁵⁴ святых Отцов правилами семи соборов, и светится паче солнца, яко сущее небо земное украшена, и красящеся ¹⁸⁵⁵ непобедимым благолепием православия. И глаголет убо о сих правило 31 [святых Апостолов] ¹⁸⁵⁶ : «Аще, рече, кто от пресвитер, ничтоже сведый зазорство своему епископу, ничтоже о благочестивой вере погрешившу благочестиву ему бывшу убо ¹⁸⁵⁷ к Богу, к человекам же праву сущу, восхочет же любоначальства ради низринуться, и особь водрузит ¹⁸⁵⁸ жертвенник, и собор творя и службу, таже в первых и в других и в третьих крат воззван будет от своего епископа от таковой прелести, и не послушает, но пребывает в том же злочестии, сам убо, яко любоначальник и мучительное дело являя пребывает, да извержен будет: и иже с ним единомысленники, аще убо клирики суть, и тии да ¹⁸⁵⁹ извержены будут; аще ли миряне суть, да отлучены будут». Явленне убо есть от сего, да аще священническому чину возбраняют правила святых Апостолов и вселенские святые соборы и проклятью предают, колми же паче мирского человека возбранять повелеваем, не смеять таковая дерзнуть замышления, понеже мирянин не имеет никакового сана священнического, но пребывает под послушанием ¹⁸⁶⁰ церковных правил, овца ¹⁸⁶¹ сущи словесна, того ради и высшему мучению достоин есть. ¹⁸⁶² Не достоит бо от своего епископа отметаться или отскакать клириком, и зазор держать, яко нечестиву ему сущу названу, или обидливу, аще ина ¹⁸⁶³ и хулнейша кто имать ¹⁸⁶⁴ глаголати на епископа, или на священника, не подобает отлучиться кому от приобщения ¹⁸⁶⁵ их, дóндеже убо будет испытный суд, и сего извержение ¹⁸⁶⁶ : не человеческий бо дар, но Святого Духа, еже ¹⁸⁶⁷ ради недостойных подаваться обыче тем, иже с теплой верой просящим ¹⁸⁶⁸ : всех ¹⁸⁶⁹ бо, рече, Бог не поставлять, во всех же действует». Таяжде и еже в Антиохии 5-е правило рече, приложив ¹⁸⁷⁰ , глаголя: «Иже по извержению в возмущении ¹⁸⁷¹ пребываяй, церковь Божью раскаляя, от мирской власти да уцеломудрен будет; согрешающих бо, рече, а не покорившихся престать от такового зла, властелем повелеваем предать ¹⁸⁷² , смирить их казнью». 13-е же правило первого и второго собора рече: «яко еретического плевела прόрасти, рече, от меча духовного корение их отсечено бысть, такоже и раздрушников ¹⁸⁷³ шатания, иже Христово тело разделять начинающих, мы повелеваем отсечь и отринуть. Иже аще кто от благочестивых о ¹⁸⁷⁴ сих реченных вещах зазор имеет от своего епископа, яко всякого зла и неправедного деяния имущу ему житие от явления ¹⁸⁷⁵ , якоже и апостольское, правило обдержит, и начнет отлучаться приобщения своего епископа, преже даже не явлене бывши его вине на соборе, сих отнюдь заточить повелеваем ¹⁸⁷⁶ , дóндеже своего злодейства поправше, и к своему епископу обратятся. Аще ли же отнюдь в своем злонравии пребывают, проклятию предаем». А иже в Гагре собора 6-е правило ¹⁸⁷⁷ глаголет: «Иже в малом положении церковь Божью смущая и особь себе службу замышляя, без повеления своего епископа, последнему и лютейшему сих проклятию достойны творим ¹⁸⁷⁸ ; понеже бо ¹⁸⁷⁹ речено бысть: «церковь глаголем не храма того созиданного, но исполнение сущее верных; ибо храм, якоже глаголет святой Пилусийский Исидор, собрание верных мужей поистине глаголется». ¹⁸⁸⁰ Но и десятое правило иже в Карфагени глаголет: «Иже безумно особь водрузить храм и служить начнет, проклятию предается, понеже церковную веру и устав вредящу, и к хулению ее стваряет. Мы же преже взываем таковые на обращение к соединению тех, иже раздор творящих церкви Божьи; аще ли не обратятся, но пребывают бесстыдно в своем развращении, сих проклятию предаем, и яко гнилые уды от здравого тела церкви Христовой отсекаем». Многоустная же труба церковная, блаженный воистину Златоуст, еже к Ефесеям указуя послание, таковых пиша, иже расколение церковное творящих, «беседова муж некоторый от святых, рече, глаголя, яко иже таковая творящим, ниже аще мученической крови ¹⁸⁸¹ сподобится, не может потребить такового греха». В 65-й же главизне того же послания ¹⁸⁸² глаголет сице: «яко иже в ересь впадших и иже расколение творящих Божьи церкви, тавовые же вины повинные творит». ¹⁸⁸³

О правиле и о поставлении священническом речено бысть сице ¹⁸⁸⁴ : «Аще в котором граде или в власти, идеже аще случится к которой церкви потребно есть поставить священники, по рассуду и по повелению своего епископа да поставлены бывают, н на свою главизну взирают, рекше на своего святителя». ¹⁸⁸⁵ Сего ради правила, еже о поставлении священническом пошлину давать обычно ¹⁸⁸⁶ , повелительным своим писанием присноблаженного царя Исаакия Комнина, якоже к иным вещам, сия пишет: «Воображает, рече, царство мое, поставление священническое и о правительных древних образ действо творить ¹⁸⁸⁷ , ничтоже лишнее от ставления да не емлемо будет, разве семи златниц: едину убо златницу, егда поставят кого в четци, а три, егда на диаконство, три же, егда на поповство». ¹⁸⁸⁸ Сего устава царева подтверждает сборный суд, бывший от патриарха Михаила, и другое сборное знамение, бывшее от патриарха Николая, такоже повелевающее ¹⁸⁸⁹ , якоже царево писание, толико уставивше даять от поставления. ¹⁸⁹⁰

И вы, сынове, просвещенные благочестием и правдой и наставляемы благодатью всемогущего Бога, поучающеся божественным его заповедям и велениям, а тех помраченных очесы и ушесы уверяйте и наказайте их к истинному пути, да сбудется на них Спасово слово, глаголющее в святом евангелии: «да будет едино стадо и един пастырь». Суетословие же их и прелесть ни в чтоже вменяйте; на истину и на православную христианскую веру возлагают ложное, и на великое Божье священство, вышше ангельского ликостояния; понеже помраченные от помрачения своего глаголюь помраченное, забыша Апостола Павла глаголюща, еже глаголет: «кто воинствует [своими оброками] коли? кто насажает виноград, и от плода его не яст, или кто пасет стадо, и от млека его не яст? Еда к человеку сия глаголет? Ибо сия и закон глаголет; в Моисееве бо законе пишет: не оборотишь вола веръхуща ¹⁸⁹¹ , ибо достоин делатель мзды своей». И: «еже на пресвитера хулы не приемли, прилежащие же добре попы сугубой чести достойны да бывают, паче же тружающеся в слове и учении. Еда ¹⁸⁹² о волех радит Бог? но нас ради сия глаголет, и нас ради сия вписашася». ¹⁸⁹³

И аще ли же, чада моя, тии окаянные, зовомые стригальники, ходяще в суете ума своего, и не обратятся и не уверятся к истинному пути, но уклоняющиеся к своей пагубе, якоже иудеи окаяннные и помраченные и окамененные своими сердцами, ихже и расточи Господь и не даст им отечествия и страны наследия язык, но и мука без конца им есть: и вы бы, сынове, на тех окаянных п нечувственных также сотворили, уклоняющиеся злочестия: отженете их от своей православной веры, да не будет посреди вас, яко у пшеницы плевел. ¹⁸⁹⁴ Прочее ¹⁸⁹⁵ же по лукавствию их сотворит Господь, якоже сам весть, имже и уготовано есть место по лукавствию их, по Спасову слову, глаголющему: «огнь их не угаснет, и червь их не умрет». Праведно убо о сих известуя Апостол Павел глаголет: «се убо глаголю и свидетельствую пред Богом, не ктому вам ходить, якоже и прочие языци ходят в суете смышления их, помраченные умом, вы же не тако: познасте Христа, и не смешайтесь иже таковая деющим; понеже лукавные человеци и волховные предспевают на горшая, прельщающеся и прельщаеми, развратишася в след сатаны». И сего ради, чада мои, пишу вам, да уклонитесь всеми чувствами сих окаянства ¹⁸⁹⁶ ; не ведят бо ся окаянные, что творят, яко же убо о таких Пророк глаголет: «ослепи бо их злоба их, и забыша Бога, створшего их, и возлюбиша, рече, паче тьму, неже свет». И молюсь человеколюбцу Богу о сих, яко да обратятся благочестием и правдой; аще ли же не обратятся, и молюся Господу Богу, да не ради сих окаянствия попустит Господь Бо праведного своего гнева на языки, но знающая его, и да не приткнется ¹⁸⁹⁷ неисцельно что и к вашей православной державе, понеже огражена суть тех злочестия вашим православием; ожидая ¹⁸⁹⁸ бо долготерпеливно человеколюбец Бог обращения их от зол, не хочет напрасно создание свое погубить. Господь же Бог да соблюдет державу вашего всего ¹⁸⁹⁹ жительства о всем добре, и молитва моя и благословенье мое да будет с вами. А дана грамота си нашего смирения на Москве, месяца сентября в 23 день, индикта 10.