134. Три святительские поучения духовенству к мирянам, о разных предметах церковной дисциплины

Эти, еще неизданные, поучения имеют много общего и по местам буквально сходны с посланиями митрополита Фотия в Новгород и Псков, помещенными выше под №№ 33 и 34. Издаются по спискам, находящимся в августовской книге Макарьевских Миней-Четьих (успен. сп. л. 1551–1554; синод. сп. л. 788–792).

Священники, детей своих духовных наказуйте страху Божьему, да ходили бы к церкви и молить Бога за государя и за православное христианство, кое бы Господь Бог избавил от бесерменства и от латынства. Да наказуйте их страху Божьему: жили бы законно с женами своими, а опричь своих жен не знали никого; а кто от жены своей в какой блуд впадет, ино ему епитимии пятнадцать лет. А которые дети ваши духовные не женаты, и вы бы их женили, а холостые бы без жен не жили. А которые девицы поспели, и вы их давайте за муж, а так бы лихих дел не делали. А которые вдовицы живут незаконно, а за муж не идут, и вы их за муж давайте; а не послушают вас, и вы мне скажите. А наложниц бы у вас у крестьян не было, незаконных жен, ни у жен незаконных мужей: велите жениться, а женам за муж ходить холостым; а вас не послушают, и вы мне скажите. А у которого священника в приходе выму невенчальную жену, или вдова незаконно живет, и аз священника отлучу от петия, а того казни предам церковной.

А матерны бы дети ваши духовные не лаяли, ни какого слова скверного не говорили, не крали и не ябедничали, на лжи не послушествовали, лиха никакого друг на друга не мыслили. Всякий живи своими трудами, а чужому не прикасайся ничему.

А кто вас позовет в пир, и вы бы славили Бога, да сидели чинно, а бесчинства бы не было никакого, ни пустошных игр беззаконных.

А ворожей бы баб, ни мужиков колдунов не было у вас никого в приходе; а у кого в приходе есть, и вы мнe скажите; а кто не скажет, а выму, ино священника отлучу, а бабу или мужика колдуна выдам приказчикам, и они казнят градским законом.

Да кое бы дети ваши духовные причащались еже говеин великих; а которые живут незаконно, любо душегубец, или блудник или тать, или разбойник, таких не причащайте, отлучайте на лета и давайте епитимии; докуда отговеют епитимию, и вы в церковь таковых не пускайте, ни приноса от них не емлите, аще не покаются, да запрещайте, кое бы вперед того не чинили; и только не уймутся от тех дел, ино такому человеку перед часом смертным причастие дать.

А в праздник бы до обеда ни пили, ни ели, да и с женами не спали, да и ни в среду, ни в пяток.

А двоеженцев и троеженцев не причащайте без епитимии: двоеженцу молодому два года, а старому четыре года, а троеженцу молодому четыре года, а старому шесть лет.

А детей крестите, и вы водой не обливайте: то законопреступно; в кадь налив воды, да погружайте в три погружения: первое погружение во имя Отца, второе во имя Сына, Tpeтьe во имя Святого Духа.

Да ходили бы есте с причастием к болем, и детей крещать: небрежением не поспеешь к болем, или дитя некрещено умрет, ино за то ответ дать Богу, а епитимии священнику три года. Жена дитя родит, а будет больна добре, хотя того же дня, измыв да вынеси в ину храмину, да причащай, да как встанет, и ты вели шесть недель отговеть.

А вы бы, священники, сами собой во всем образ давали детям духовным, занже на вас смотрят все. Писано во святых правилах: «вы свет миру»; вам научить и образ дать во всем собой, и на вас взыщет Бог душ их, всех детей ваших духовных. Писано во святых правилах: «аще не научишь, аще не накажешь, аще не запретишь, кровь их от рук ваших взыщет Бог; аще запретишь, аще накажешь, аще научишь, кровь их от рук ваших не взыщет Бог: сами за себя ответ Богу дадут». А сами бы есте не бесчинствовали, не кощунали, до обеда ни пили ни ели, скверна слова никакого не говорили, и матерны бы не лаяли: священник скверно слово молвит, или матерны излает, ино шесть недель епитимии; а не уймется, ино писано во святых правилах – отлучить; занже тело Христово едите, а из тех же уст сатанинские исходят скверные слова. А хиротонию, иже вам дал святитель от святых правил ³⁴¹⁹ , и вы бы ее прочитали во всякую субботу. А с кем имеешь брань, не простяся, обедни не служи.

А у душегубца бы есте в послухи не ставилися. Убитого покаивай и причащай, а битого вели спрашивать христианам, или людям добрым, кто его душегубец; а попу до того дела нет. А и на всякое послушество священнику не велено послуховать; а кто в ней имет послуховать, опричь душегубства, ино бы никакоже не солгать; а солжет священник в послушестве каковом, ино святые правила такового от службы отлучать повелевают: и доведут на кого ложь, никакоже не пощажю, не велю ему служить, отлучу по святым правилам.

Да не велели бы есте молозива есть от коровы, занеже то молоко с кровью, погано, запрещено в правилах святых Отцов. А кто станет есть после моей заповеди, и аз его не благословляю; а кто неведанием ел до сих мест, и он им в том прощался у отца духовного, да взял епитимию, да вперед бы того не чинили; а вы бы, священники, детей своих духовных от того берегли.

Да чтобы есте без вина обедни не служили, а к вину бы есте не примешивали ничего, ни меда, ни кваса, разве воды; а кто учнет так служить без вина, или кто учнет примешивать, и аз такового отлучу от священства, а от Бога неумолим суд приимет таковый, а в будущий век бесконечную муку, занеже то законопреступно и ересь страшна.

А кто целует крест на виновате, и вы бы тех не причащали без епитимии: отлучали бы есте на лета от Христовых таин, а епитимии шесть лет, по святым правилам. А собака воскочит в церковь, ино восемь дней не служить обедни, да воду святить августовым крещением, да кропить церковь, да служить.

А детей бы мужни жены, не вдовы, не повивали.

А просфорницы, которой были два мужа, или три, те бы просфор не пекли: которой вдовe один муж был, та пеки просфоры.

Благословениe детям моим, князьям и боярам и детям боярским, и гостям и всем людям городским и сельским: чтобы есте удавленины не ели и звероядины, зайца, тетерева и всякой птицы съестной. А вы бы, священники, сами не ели и детям духовным своим такого есть не велели. Изымав зайца, и ты поколи в горло, да выточи кровь; а тетерева или иную птицу съестную изымав, и ты зарежь живу; а которая птица увязла в силке, да удавилась, и вы бы ту не ели; а заяц потому же удавился которой в слопцы ³⁴²⁰ , и в которой ни буди ловушке умрет не заколот, и вы бы того не ели. А у собаки отняв зайца, да заколи, а будет не жив отымешь, и вымечите собакам. А кто съест таковое удавленное, или звероядину, чрез нашу заповедь, – и написано в правилах святых Отцов: тот грех с душегубством равен. А аз сведаю кого, и аз его отлучу от причастия и от церкви. А вы бы, священники, того не творили, а детей своих духовных от всего того уимали.

А которой священник на вечеру был пьян, тот бы назавтрее обедни не служил.

А кто женится и первой женой, а до жены жил нечисто и блудил, и вы молодому давайте два годы епитимии, а старому – четыре года, не причащайте и женивши, а девицам потому же, которая за муж пошла не чиста.

Се ведомо вам буди, о священники, чье приношение приимать: от душегубца, от разбойника, от блудника, от прелюбодея, от грабителя, от клеветника, аще таковое приимешь и принесешь на жертвенник Божий, тоже осуждение приимешь с ними; таковых отжените приносы, те бо все враги Богу, аще не покаются: в мерзость и в ненависть Богу таковых приносы. Приносяй от таковых на службу Божью, повинен есть суду. Учите их, дабы от тех дел отстались и зла того не делали, – тоже у них приимайте; а не учаще, пи наказующе, токмо приносом радующеся, то не учители есте, но губители душам их и общую муку с ними приимете, аще не учите; приносимая же – на пагубу вам, аще молчите и небрежете.

Пономаря двоеженца не ставьте; хотя двоеженец в чернецах свят будет, а в алтарь никакоже не вступит.

А в алтарь бы есте не носили съестного ничего, ни мяса, ни сыра, ни яиц, пи пива, ни меда: то запрещено святыми правилами. ³⁴²¹

Дети крестите, и вы стригите, да говори: во имя Отца и Сына и Святого Духа; а кто не стрижет, ино то законопреступно. ³⁴²²

Господин, аще не оженит раба своего, или рабы не даст за муж, ведый, яко блуд творит, да отлучится господин от церкви.

Блудницу храня и держа в дому своем, аще не престанет от того, да отлучен будет таковой.

Блудник, обавник, мятежник, чародей, скоморох, узольник, смывая человеков, во птичий грай веруяй, басней сказатель, во стречу веруя, во птиц и гадов загадывая, таковые на лета ³⁴²³ отлучатся от причастия, аще покаются; аще не покаются, ино таких священником в церковь не пускать, ни приноса от них не имать, ни в дом к ним не ходить.

Поп у попа сын духовной, будет соблудил oт попадьи, или человека убил, таковому служить не велеть; а кто таковому служить велит, и он его в ад послал, да и сам с ним; а не послушает тебя, и ты мне скажи.