10. Поучение духовника исповедующимся

Взято из Румянцевской пергаменной Кормчей XIII века № 230, л. 102 об.–106 и сверено с бумажным епископом такой же Кормчей, находящейся в библиотеке Москов. Духовн. Акад. № 54 (XV в.). В примечаниях список этот значится под буквой А. – Самый памятник, судя по содержанию и языку, принадлежит глубокой древности и носит на себе ясные следы русского происхождения.

Благослови Бог того крестьянина, иже ⁹¹⁵ прочитает заповедь сию всем сердцем своим, и творяща ю ⁹¹⁶ , аминь.

Благой [и] ⁹¹⁷ преблагой Бог, рекый пророки ⁹¹⁸ : поведайте первое грехи свои, да оправдаешься, все створий, все содержай и все милуяй приводя все в добр чин благостью своей, да тя просветить очистит, да ти поможет и укрепит, и да тя совершена явит, царствию своему да сподобит, к немуже прибеги споведал еси на ся беззакония свои. Великий же зело вреды ⁹¹⁹ ми показа, сыну, и неудобь и[с]целены суща, еже по человеческому смыслу, неже к Божьему милосердию приложачи, то ничтоже суть. Наша бо аще имнога безакония суть, нъ в числе воставится ⁹²⁰ , и Господа нашего и Сдетеля и Промысленника животу нашему милосердию исчиститься ⁹²¹ не может; человеколюбие бо его бездна есть, измериться не может. И якоже желает убо дьяволи съличная того чета погибели человеческие, такоже и паче того милостивый наш Господь и того чистые слуги – спасения нашего. Радость бо, рече, бывает на небеси о едином грешнике кающемся. Якоже он сам и его проклятые бесове припомогают на зло человеку: такоже и Господь наш и его святые ангелы на всякую добродетель припомогают ны. Да молю тя, сыну, вельми с вниманием все творить и блюсти смысл свой. Два бо еста ангела с человеком: един праведен, а другой злобный. Правдивый убо ангел сромяжив есть и кроток и молчалив; егда убо сь на сердце человеку взыдет, абие и помысл ему воздвигнет о правде, о чистоте, о чести, о самодоволии и о всяком деле праведне. И егда убо си все на сердце человеку взыдут, то яве есть, яко ангел благой с ним есть. Ангела бо лукавого суть дела: первое бо ⁹²² напраснив есть, и гневлив, и буий, и несыт, и завистив, и дела его злы и нечисты, отлучающа от Бога. И егда убо си все на сердце человеку взыдут, подобает познать от дел его, и затворить двери сердечные, и не дать ему места в ceбе ⁹²³ , а благому отверзать и приимать. Да не мози то слыша, сыну, забываться, нъ с великим прилежанием прави живота своего дни, да не украд ти ума и похотев, теми же стезями поведет, долголепному ⁹²⁴ твоему обычаю помогающу ему. Се бо ныне исповедав, возвергл еси на лицо его стыд, возненавидев дела его злые.

Веси же, яко правдив есть и пречист Господь Бог наш, и не требует прилежащего сквернне житий, ни мучением претить таковым, аще покаянием [не] ⁹²⁵ варим его сде. Покаяние же ⁹²⁶ не ино что есть, нъ воздыхание и слезы и труд, и еже зазирать себе и смерить ⁹²⁷ душу свою постом и бдением и молитвой, молящеся ему воину ⁹²⁸ забыть ему злобы наши, яже створих ⁹²⁹ пред очами его не чувственно. Веси же, яко правило святых Апостолов и святых Отцов отлучает от церкви на время, да отселе не входи в церковь.

Покланяйжеся на кый же час по .в҃і. , нъ да приклонитася ⁹³⁰ с плотяными и умной твои колене до земли. Поклонижеся .г҃. -жды, рек ⁹³¹ : «Согреших ти, Господи, прости мя»; а .г҃. -жды: «Господи, отцести мя грешника» ⁹³² , а .г҃.– жды: «Создавый мя, помилуй мя и прости мя»; а .г҃. -жды: «Без числа согреших, Господи, прости мя». А «Господи помилуй мя» по .а҃., нъ яко пред сами[м] Господом стоя.

Яжь ⁹³³ по все дни единой: в понедельник, в среду, в пяток – сочиво, а в вторник и в четверг, и в субботу – рыбице, а меду по .і҃. чаш[и в] неделю ⁹³⁴ , и егда ти .г҃.– жды звонят, мяса есть, а по .г҃. чаши пить. ⁹³⁵

В великий пост .а҃. неделю сухо чрез день ешь, такоже и в последнюю: а вины [по]недельники ⁹³⁶ в среду и в пяток – сухо, а в втворник и в четверг – сочиво, а в субботу и в неделю – рыбице, и на .м҃. мученик, и на Благовещение. А меду не пей во все говение, токмо егда рыбице яси, по чаше ⁹³⁷ испивай. А к Петрову дню сочива вкушай по все дни, а по чаше ⁹³⁸ испивай, а в субботу и в неделю, и егда ти .г҃.– жды звонят, рыбице ешь, а по чаше ⁹³⁹ испивай; такоже и к Рождеству держи. Покланяйжеся во все три поста по .м҃. , а «Господи помилуй» по толику же.

Се заповедах легко от своей худости и немощи, и тебе ⁹⁴⁰ рассмотрев; нъ оче ⁹⁴¹ начиеши в бесстрашии Божьем жить, свои си согрешения забыв, то и се ти тяжко будет велми. Аче ли начнешь с страхом и трепетом свое спасение содевать, то легко ти будет, ни к сему примыслишь. Егда же скончаешь зарока летом, тогда приобщишися святыням, а оттоле водицу вкушай.

Аще ли и в инака ⁹⁴² зла впадешь, сыну, не мози потаить ничтоже, даже и до малыих соблазн; да очe и далече будешь, то написай, да егда придешь, тогда ми я покажешь. Bсяко бо явление свет есть, и пребываяй в нем сын свету створится; сим бо паче к Богу дерзновение приимешь, а мучителя ⁹⁴³ зле посрамишь.

Буди воину в страхе Божьем живый ⁹⁴⁴ : тъ бо ⁹⁴⁵ есть чистило сквернам; и от страха в любовь пременяйся: в той бо всь закон и пророки висят.

Тако же и к властелям страх имей и любовь: боябося их ⁹⁴⁶ , соблюдешися от зла, имже ненависть приходит, и любя я, точное от них восприимешь. Не мози же обыкнув их рещи: и си человеци таци же суть; ти родят ⁹⁴⁷ о них. Всякая власть от Бога; по санам же всем честь отдавай, с точными же любися, а меньшины милуй. Попа же всякого и черноризца срет, поклонися ему. А с благочестивыми любовь имей, стара же почти ⁹⁴⁸ всякого седины ⁹⁴⁹ , чисты душа своея соблюди свойства, и всеми благочестен явишься.

Странна и нища, сироты и вдовицы не презри, и да не снидут с двора твоего тьщи, нъ дажь им по силе. Слыши бо, что рече Данил: грехи твои, царю, милостынями очисти, и неправды твои – щедротами нищих. Господь рече: блажении милостиви, яко ти помиловани будут, и прочее.

Челядь же свою такоже милуй, дажь им потребная; показай же яна добро не яростью, нъ яко дети свои.

Подружье же cвоe храни, яко уд свой, зане еси едино тело с ней; учи же ю такоже добронравию, и да ся бы красила добротами, якоже ся красит монистами и одением ⁹⁵⁰ , реку же кротостью и благочестием и милостыней к своим же и чужим, и не лишайся ее, токмо от с[о]вета ⁹⁵¹ или в праздники Господские, или в пост, нъ по воли обою.

Оставь же ся от зла, не мози инех укорять, да не погубишь те[х] ⁹⁵² , о них же трудися, нъ паче имей себе под всеми и грешна паче всех.

Десятину же от всего имения своего, лучшее отъем, дашь Богови, скупи же ⁹⁵³ ю, держи у себе, да от того даешь сироте, и вдовицы, и странну, и попам, и чернецам, и убогим.

От лупежа же неправедна отряси руце твои: лучше бо мала часть ⁹⁵⁴ с правдой, [неже многа имения с неправдой] ⁹⁵⁵ имению бо неправедно извеется.

Се же ти, сыну, и еще о томже воспоминаю и молю, еже с рассмотрением великим и рассуждением прави житие свое. Тъ ⁹⁵⁶ да ти вмале образ рассмотрения в себе сущу укажу, к всякому человеку сию мысль имей и рци: се человек есть, по образу Божьему створен ⁹⁵⁷ , и я[ко]же ⁹⁵⁸ и аз плоть сый, душу имы[и], по всему подобен мне ⁹⁵⁹ , то помысли, да оже ти себе любо, да бы ти он то стварял, тоже ты ему створи; а оже ти себе нe любо, того ты ему нe створи. Се ти Богу любо и человеком. Се же ти ветхий и новый закон кажет.

Се же ти мало написах, нъ же начнешь часто обращаяся размышлять, то велико ти будет: несть бо на подобу многа речь, нъ паче смысл. Дажь бо, рече, извет мудрому, и смысльней сь будет. ⁹⁶⁰ Благодать же Божья с тобой, и любы моя с тобой, о Xpисте Иисусе Господе нашем, аминь.