Икона написана сестрами Александро-Невского Ново-Тихвинского монастыря г. ЕкатеринбургаСайт монастыря: Сестры.ру

Священномученик Кирилл (Смирнов), Казанский, митрополит

Дни памяти

9 февраля (переходящая) - Собор новомучеников и исповедников Церкви Русской

29 июня (переходящая) - Собор Санкт-Петербургских святых

23 сентября - Собор Липецких святых

17 октября - Собор Казанских святых

18 ноября - Память Отцов Поместного Собора Церкви Русской 1917–1918 гг.

20 ноября

Житие

Священномученик Кирилл, митрополит Казанский и Свияжский (в миру Смирнов Константин Иларионович) родился в семье псаломщика 26 апреля 1863 года в городе Кронштадт Санкт-Петербургской губернии.

В 1887 году Константин окончил Санкт-Петербургскую Духовную Академию со степенью кандидата богословия. 21 ноября 1887 года он был рукоположен в священника и определён к Воскресенской церкви Общества трезвости в Санкт-Петербурге, одновременно исполняя обязанности законоучителя Елисаветпольской гимназии и 2-й гимназии Санкт-Петербурга.

С 1900 года отец Константин был назначен на должность настоятеля Кронштадтского Свято-Троицкого кладбищенского храма. 15 лет батюшка прослужил в священническом сане. Неожиданная смерть маленькой Ольги, мучительно умиравшей от проглоченной иглы, вслед за тем и — жены, не пережившей горя, подвигла 38-летнего отца Константина в 1902 году принять монашество. Вскоре он назначается на должность начальника Урмийской Духовной Миссии в Персии с возведением в сан архимандрита.

6 августа 1904 года состоялась хиротония архимандрита Кирилла во епископа Гдовского, викария Санкт-Петербургской епархии. Желая, чтобы народ полнее участвовал в богослужении, Владыка ввёл всенародное пение за богослужением в Александро-Невской Лавре.

Святой праведный Иоанн Кронштадтский перед смертью просил, чтобы его отпевал молодой епископ Кирилл, которого он знал по служению его в Кронштадте. С 1908 по 1928 годы Владыка управляет Тамбовской и Шацкой епархией. Он стремился как можно чаще совершать поездки в самые отдалённые места своей епархии ради общения с паствой. В 1913 году он возводится в сан архиепископа. В 1914 году трудами Владыки состоялось прославление Святителя Питирима Тамбовского (память 28 июля).

Твёрдость веры Владыки проявилась в таком эпизоде: когда по распоряжению санитарной комиссии в связи с эпидемией холеры в 1909 году было дано распоряжение освящать на Богоявление только кипячёную воду, Владыка отказался это делать и освящал речную. Замечательно, что это же убеждение: «Всё, что не от веры — грех», — высказано и в одном из последних его писем от 8 марта 1937 года.

Во время февральских событий 1917 года Владыка предупреждал с амвона: «Если не удержимся над своим прошлым, то напишем такую страницу своей истории, которую следующие будут читать с краской стыда на лице, готовы будут вырвать её, но нет таких ножниц, которыми можно было бы вырезать что-либо из памяти истории».

Во время войны, по инициативе Святителя организуются сборы средств для нужд фронта, лазареты при монастырях, приюты для детей, у которых погибли родители, различные комитеты помощи воинам.

На Поместном Соборе Владыка был выдвинут вторым в числе первоначально избранных 25-ти кандидатов на Патриаршество. Также он был избран членом Священного Синода при Святейшем Патриархе Тихоне.

19 марта 1918 года Святитель назначается на митрополичью Тифлисскую и Бакинскую кафедру, а также на должность Экзарха Кавказского, однако к месту назначения выехать ему не удалось. В 1919 году его арестовали в Москве по обвинению «в контрреволюционной агитации путём рассылки воззваний и сношения с Колчаком и Деникиным» и заключили в тюрьму В. Ч. К.

В 1920 году, после освобождения, он назначается на Казанскую и Свияжскую кафедру, но через месяц вновь был арестован в Казани по обвинению, что «выехал из Москвы в г. Казань без разрешения В. Ч. К.». Владыка приговаривается к заключению в лагере на 5 лет. В Таганской Московской тюрьме он находится в одной камере со священномучениками архиепископом Феодором (Поздеевским) и епископом Гурием (Степановым). В 1921 году его освобождают по амнистии и Владыка возвращается в Казань, но в 1922 году его вновь арестовывают и после заключения в Московской тюрьме ссылают в Усть-Сысольск (ныне Сыктывкар).

В Московской тюрьме он сидел в одной камере со священномучеником Фаддеем, архиепископом Астраханским (память 18 декабря). Вместе они написали обращение к верующим по поводу «Живой церкви», которое удалось разослать по России. Затем Владыку ссылают в Усть-Кулом (Коми А. О.), где он находится вместе с епископом Афанасием (Сахаровым), а позже его переводят в город Котельничи Вятской области. Есть сведения, что из Усть-Куломы начальник отдела Г. П. У. Е. А. Тучков вызывал митрополита Кирилла в Москву для переговоров, предлагая «договориться», то есть пойти на компромиссы, но завершилась эта попытка неудачей для властей.

В 1924 году Святитель возвращается из ссылки и встречается в Москве с св. Патриархом Тихоном, успешно убеждая его отказаться от примирения и сотрудничества с обновленцем В. Красницким. Г. П. У. навязывало эти действия Святейшему, обещая тогда выпустить из тюрем архипастырей. На эти обещания Владыка сказал Святейшему: «Ваше Святейшество, о нас, архиереях, не думайте. Мы теперь только и годны на тюрьмы...». Выслушав это, Святейший вычеркнул из подписанной бумаги фамилию Красницкого.

Из Москвы Владыка переезжает под Ельск, затем в Перерволок. По завещательному распоряжению Святейшего Патриарха Тихона от 25 декабря 1924 года он назначается первым кандидатом на должность Патриаршего Местоблюстителя. Вскоре Святителя снова отправляют в ссылку. По этой причине, после кончины св. Патриарха Тихона, он не смог восприять должность Местоблюстителя и им стал священномученик митрополит Пётр (Полянский).

В 1926 году среди епископата возникла мысль о тайном избрании Патриарха. Под актом избрания митрополита Кирилла, у которого истекал срок ссылки, было собрано 72 архиерейские подписи (в то время за митрополита Сергия (Страгородского) всего одна. Таким образом, митрополит Кирилл был избран Патриархом, но интронизация его не состоялась, так как Г. П. У. стала известна эта акция.

Тучков, когда ему стали известны результаты голосования, заявил, что допустит интронизацию митрополита Кирилла на Патриарший Престол только с условием, что в будущем тот при поставлении епископов станет следовать его указаниям. Владыка ответил «Евгений Алексеевич, вы — не пушка, а я — не снаряд, при помощи которого вы надеетесь уничтожить Русскую Церковь».

Вскоре последовала волна арестов. Был арестован находившийся в ссылке Владыка Кирилл, которого заключили в тюрьму города Вятка. Владыку приговорили дополнительно к трём годам ссылки и с апреля 1927 года он высылается в станок Хантайка Туруханского района Красноярского округа, а затем в город Енисейск.

После выхода в 1927 году Декларации митрополита Сергия, Владыка отделился от общения с ним, так как не хотел участвовать в том, что его «совесть...признала греховным». В утверждённом митрополитом Сергием Временном Патриаршем Священном Синоде он видел угрозу целости Патриаршего строя и подмену его коллегиальным управлением.

В административной церковной деятельности митрополита Сергия, Владыка (как и Местоблюститель, священномученик митрополит Пётр (Полянский)) усматривал превышение полномочий, предоставленных ему званием Заместителя Местоблюстителя, что повлекло за собой раскол в Церкви. Владыка считал бессмысленным и вредным сохранение центральной церковной власти такой ценой. В условиях, когда легальное устроение центральной административно-церковной власти невозможно, и когда стало ясно, что «митрополит Сергий правит Церковью без руководства митрополита Петра», он призывал руководствоваться указом св. Патриарха Тихона от 20 ноября 1920 г., согласно которому епископы должны были создавать местное самоуправление, чтобы потом при более благоприятных условиях дать отчёт Собору о своей деятельности.

С мая по ноябрь 1929 года Владыка вёл переписку с митрополитом Сергием, пытаясь убедить его сойти с пагубного пути компромиссов. Эти письма Владыки, глубоко продуманные и чётко аргументированное, вскрывают духовно-нравственную суть проблемы.

Митрополит Сергий отвечал угрозами канонического прещения, требуя сохранения церковной дисциплины. Владыка же, защищая тех, кто исповедал своё несогласие с церковным курсом Заместителя Местоблюстителя, не желая «участвовать в том, что совесть их признала греховным», так отвечает на это требование: «Это исповедание вменяют им в нарушение церковной дисциплины, но и дисциплина способна сохранять свою действенность лишь до тех пор, пока является действенным отражением иерархической совести соборной Церкви, заменить же собою эту совесть дисциплина никак не сможет. Лишь только она предъявит свои требования не в силу указаний этой совести, а по побуждениям, чуждым Церкви или неискренним, как индивидуальная иерархическая совесть непременно встанет на стражу соборно-иерархического принципа бытия Церкви, который вовсе не одно и то же с внешним „единением во что бы то ни стало“». В декабре 1929 года митрополит Сергий предаёт Святителя суду архиереев и увольняет его от управления Казанской кафедрой.

С 1932 года Владыка находился в ссылке в Туруханском крае. Полгода здесь длится ночь, прерываемая только Северным сиянием, полгода обитатели этого края оторваны от всего мира: ни писем, ни газет, ни посылок. Мороз доходит до 60-ти градусов. Короткое полярное лето и мириады мучительных комаров-гнусов, цинга, отсутствие предметов первой необходимости... Такова обстановка в ссылках за Полярным кругом… Здесь многие сосланные епископы жили в маленьких посёлках далеко друг от друга, так что видеться не могли. Лишь со священномучеником епископом Дамаскиным (Цедриком) удалось Владыке недолго пообщаться и с тех пор они стали друзьями навсегда.

После освобождения в августе 1933 года Святитель непродолжительное время проживал в городе Гжатске. Единомысленное духовенство настойчиво просило Святителя заявить свои права и взять на себя бремя управления страждущей Церковью. Но Владыка считал для себя невозможным это сделать, пока полностью не уяснит создавшееся положение. В 1934 году Святитель приехал в Москву и явился в Патриархию. Учинённый страж преградил ему вход, но высокий, когда-то могучий митрополит, отстранив его, шагнул в кабинет митрополита Сергия. Через несколько мгновений Владыка вышел; видимо, ему всё стало ясно. Это была их последняя встреча.

Вскоре летом 1934 года он был арестован в Гжатске по обвинению в «контрреволюционной деятельности» и заключён во внутренний изолятор особого назначения Бутырской тюрьмы г. Москвы. Святителя приговорили к 3 годам ссылки, которую отбывал в пос. Яны-Курган (Южно-Казахстанская обл.). Неподалёку в той же ссылке жил митрополит Иосиф (Петровых) и два старца-митрополита были утешены хоть какой-то возможностью общения. «С митрополитом Иосифом, — так писал Владыка, — я нахожусь в братском общении, благодарно оценивая то, что с его именно благословения был высказан от Петроградской епархии первый протест против затеи митрополита Сергия и дано было всем предостережение в грядущей опасности».

Владыка, по словам его верного последователя-исповедника епископа Афанасия (Сахарова, память 15 октября), допускал в качестве протеста непосещение «сергианских» храмов, но при этом он осуждал хуления неразумных ревнителей в адрес совершаемых там богослужений. Для себя же он допускал только в случае смертной нужды исповедаться у «сергиевского» священника. В одном из писем 1929 года Святитель написал: «Совершённую им (м. Сергием) подмену власти, конечно, нельзя назвать отпадением от Церкви, но это есть, несомненно, тягчайший грех падения. Совершителей греха я не назову безблагодатными, но участвовать с ними в причащении не стану и других не благословляю, так как у меня нет другого способа к обличению согрешающего брата». Непосредственно митрополиту Сергию он писал: «Во всей полноте своё воздержание я отношу только к Вам, но не к рядовому духовенству и тем менее к мирянам. Среди рядового духовенства очень немного сознательных идеологов Вашей церковной деятельности». Однако, «для тех, кто хорошо понимает существующую в сергианстве неправду», — писал Владыка в 1934 г., — «... своим непротивлением ей обнаруживает преступное равнодушие к поруганию Церкви».

Но эта мягкая позиция Святителя несколько ужесточилась в последние годы жизни, возможно, благодаря общению в ссылке со священномучеником митрополитом Иосифом (Петровых), а также тому, что истекли все сроки ожидания раскаяния митрополита Сергия в пагубном курсе церковной политики.

7 июля 1937 года Владыка был арестован в ссылке и заключён в тюрьму г. Чимкент. На допросе, где обвинялся в том, что «возглавлял всё контрреволюционное духовенство», Владыка держался очень мужественно и всю ответственность по обвинению следствия взял на себя. 6 ноября он был осуждён тройкой У. Н. К. В. Д. и приговорён к расстрелу.

7 (20 н. ст.) ноября Святитель был расстрелян в Лисьем овраге под Чимкентом вместе со священномучениками митрополитом Иосифом (Петровых) и епископом Евгением (Кобрановым).

Митрополит Кирилл — один из самых выдающихся иерархов в истории Русской Православной Церкви. Этот особой духовной силы архипастырь был послан Господом в эпоху неслыханных гонений, как образец твёрдости в исповедании веры. Он был Святитель безупречный, соединивший молитвенный подвиг с активной архипастырской деятельностью, достоинство высокого сана с истинной простотой, смирением и любовью. Во всех местах служения Владыки проявляется его особый дар: к нему притягиваются люди, привлечённые его духовной красотой, несокрушимой верой.

Причислен к лику святых Новомучеников и Исповедников Российских на Юбилейном Архиерейском Соборе Русской Православной Церкви в августе 2000 года для общецерковного почитания.

Развернуть

Жития и книги в библиотеке

Память священномученика Кирилла (Смирнова), митрополита Казанского (1937) иером. Макарий Симонопетрский

Богослужения

Служба священномученику Кириллу (Смирнову), митрополиту Казанскому

Текст службы утвержден к общецерковному богослужебному употреблению на заседании Священного Синода 29 декабря 2022 года (журнал № 130).

Месяца ноября в 7-й день

священномученика Кирилла, митрополита Казанскаго

На велицей вечерни

Блажен муж: 1-й антифон. На Господи, воззвах: стихиры, глас 8.

Подобен: О, преславнаго чудесе:

Приидите, вернии, почтим святителя Кирилла,/ благочестия твердаго поборника,/ светильника земли Русския,/ во стране пустынней днесь почившаго,/ иже, тяготу дел и горечь страданий отложив,/ на Небеси Присноживущему взывает:/ утверди, Господи, Церковь Русскую/ и низложи шатания врагов Ея,/ да людие, ходящии во тьме, видят свет велий.

Мир дольний ущедряя,/ Христос со Отцем и Духом Святым/ обитель творит во избранных Своих,/ ихже весь мир недостоин есть;/ темже избраннаго от мира воспоим,/ Кирилла, священномученика богоприятна,/ иже, сердце освятив страданием,/ тече на мучение за Церковь Христову,/ юже не возмогут врата адова одолети.

Иоанну, чудотворцу Кронштадтскому,/ иноков и пастырей наставнику,/ пение надгробное принесл еси,/ святителю Кирилле, кроткий послушниче,/ последи же, яко мученик истинный,/ Небеснаго чертога достигл еси/ и тамо отца духовнаго во славе узрел еси,/ веселящася с новыми мученики и глаголюща:/ се аз и дети, яже ми даде Бог.

Небесных граждан любителя/ прославляет тя ныне страна Тамбовская,/ в ней бо добре потрудился еси,/ святителю Кирилле, смиренный пастырю,/ и апостола ея, Питирима чуднаго,/ в лице святых прославил еси,/ Феофана же богомудраго почитая,/ тому духовне подражал еси,/ сего ради с ними купно ликуеши.

Ины стихиры, глас 6.

Подобен: Все отложше:

Отцы Собора Церкве Русския,/ Духом Святым водими,/ поставляют на престол первосвятительский/ смиреннаго Тихона, архипастыря добраго,/ не самовластием того облекающе,/ но знамение победы Божия являюще./ Темже лик новых мученик/ патриаршим именем украсися/ и в земли Русской возсия пресветло,/ от нихже и святитель Кирилл, митрополит Казанский,/ днесь нами прославляется,/ яко веры неусыпный страж/ и хранитель Дома Господня.

Светлое торжество града Казани приспе,/ с нимже вси гради земли нашея радуются/ и вся Церковь Русская красуется/ в памяти святителя Кирилла,/ архипастыря преизящнаго/ и мученика добропобедна,/ посту, молитве и богомыслию прилежащаго,/ кровию своею священную одежду обагрившаго/ и от страдания в Божественную славу пришедшаго,/ идеже со всеми святыми,/ предстоит Престолу Святыя Троицы/ и молится даровати душам нашим/ мир и велию милость.

Любодружное святое единство/ всеусердно возлюбив от юности,/ мужественне к страданию потекл еси,/ со други разлучаяся,/ обаче, ангельския крепости исполнен,/ изгнание, яко жительство безмолвное, вменил еси/ и тесное жилище, яко Горницу Сионскую,/ идеже, неустанно моляся/ и словом истины заблуждшия назидая,/ во единомыслие церковное многия привел еси/ и яко един от древних отцев просиял еси,/ величие веры являя,/ священномучениче Кирилле досточудне.

Кия страдания претерпел еси,/ киими добротами обогатился еси,/ кия венцы от Бога приял еси,/ священномучениче Кирилле терпеливодушне?/ Непостижно есть любящим тя:/ како, подобострастен нам быв человек,/ уз мирских до конца совлеклся еси/ жития ради крестнаго?/ Како, скорбьми отвсюду утесняемь,/ Именем Господним вся победил еси,/ призывая Его со дерзновением многим?/ И ныне помолися о нас, угодниче Христов,/ чтущих святую память твою.

Слава, глас тойже:

Слово Господне услышал еси,/ святителю отче Кирилле:/ Царство Мое несть от мира сего,/ темже, к стопам Владычним любовию устремився,/ яко бисер многоценный,/ учение Христово обрел еси,/ во уничижениих и скорбех земных сокровенное./ Ныне же, мучения багряницею украшенный,/ Престолу Божию во славе предстоиши/ и светом Небеснаго блаженства/ верныя люди озаряеши.

И ныне, Богородичен, глас тойже: Кто Тебе не ублажит, Пресвятая Дево:

Вход. Прокимен дне. И чтения 3 мученическая.

На литии стихира храма.

Слава, глас 2:

Не вы Мене избрасте, но Аз вы избрах,/ сие слово Господне на тебе исполнися,/ святителю Кирилле, отче наш,/ Создатель бо твой Господь украси тя даровании/ и Церкви Своей в час испытания яви яко истины поборника,/ в раи же светлости всели тя, подая веселие вечное,/ зане во странствии земнем Того возлюбил еси/ всем сердцем, еже очистити потщался еси,/ всею душею, юже за други твоя положил еси,/ всею мыслию, еюже Слову Божию прилежал еси./ Молися о нас, да со избранными сопричтени будем.

И ныне, Богородичен.

На стиховне стихиры, глас 5.

Подобен: Радуйся:

Радуйся, святителю Кирилле преславне,/ Вышняго Царствия наследниче/ и Небесному Владыце Господу/ в скорбех и гонениих подобниче:/ Сей бо, крова на земли не имея,/ поругание и смерть лютую прият безчестно,/ ты же зиму и зной пустыни терпел еси,/ таже пищи, сна лишение и со злодеи заточение,/ еще же во узах от града во град прехождение/ и от судей лукавых изречение,/ яко повинен есть смерти./ Темже, яко дар Небесный, восприим страдания,/ Христа приобрел еси,/ Подающаго миру велию милость.

Стих: Праведник яко финикс процветет,/ яко кедр, иже в Ливане, умножится.

Радуйся, святителю Кирилле всечестне,/ истины твердый исповедниче,/ ты бо, веры поругание видев,/ пред гонители со дерзновением рекл еси:/ сие, очима нашима зримое,/ скорбь есть Церкве, но не смерть Ея,/ воля Божия несть человек деяние,/ но попущение, к покаянию зовущее;/ обаче силен Бог простити грехи наша/ и Церкви Своей даровати житие мирно и безпечально./ Темже, ныне благоденствующи,/ паства Всероссийская взывает ти:/ испроси нам веру тверду и велию милость.

Стих: Насаждени в Дому Господни/ во дворех Бога нашего процветут.

Из глубины темничныя взывая,/ сице вещал есть святитель Кирилл пречудный:/ не от мира Церковь Православная,/ мир апостольски освящающая,/ но Тело Христово, Духом созидаемое,/ Царствие Божие, с Небесе сшедшее,/ и причастники Божественнаго естества нас творящее,/ Матерь, чада на служение братолюбное воздвизающая/ и ко спасению их наставляющая,/ и како сия земных ради благ от Небесныя славы отступит?/ Темже да неколеблема пребудет в служении Церковь Русская,/ Ейже молитвами новых мученик подает Христос/ благостояние и велию милость.

Слава, глас тойже:

О, чада светообразная церковная!/ Веселитеся днесь в памяти святителя честнаго,/ сей бо, во свете невечернем Богу предстоя, взывает:/ призри, Боже, с небесе на Землю Русскую,/ аще и попраша люди ея иногда труды/ и течения слез преподобных Твоих,/ но крове ради пролитыя новых мученик/ возстави землю сию и приведи воспевати:/ Светодавче Господи, слава Тебе.

И ныне, Богородичен, глас тойже: Храм и Дверь еси:

На благословении хлебов, тропарь святаго дважды, и Богородице, Дево: единожды.

Тропарь святаго, глас 3:

Велика в скорбех утешителя/ обрете тя Церковь Русская, святе Кирилле,/ ты бо, в годину гонения чашу страданий прием,/ жаждущия правды воедино собрал еси,/ яко орел небесный под криле птенцы своя,/ и вся научил еси/ веры доброму исповеданию./ Темже в лице новых мученик/ Престолу Божию предстоиши,/ моляся о чтущих любовию память твою.

Ин тропарь, глас 5:

Якоже солнце светозарное,/ возсия днесь память твоя, святителю Кирилле,/ лучами благодати озаряющи верных сердца/ к прославлению дивнаго во святых Своих Бога,/ даровавшаго тебе крепость во исповедании и терпение в скорбех./ Темже молим тя:/ не премолчи о нас ко Господу/ и избави от всякаго зла,/ Церковь Русскую от раздоров и нестроений сохрани,/ мир мирови испроси/ и душам нашим велию милость.

На утрени

На Бог Господь: тропарь священномученника дважды. Слава, и ныне, Богородичен.

По 1-м стихословии седален, глас 4:

Тайну велиих подвигов твоих, святителю, о сем познахом: яко от юности словеса евангельская, яко сребро разженно, прилежно в сердце слагая, вседушне Христа возлюбил еси. Темже и Церкви Православней чрез все житие усердне послужил еси и славы Небесныя сподобился еси.

Слава, и ныне, Богородичен:

Пристанище нам, обуреваемым, буди, Пресвятая Владычице, не имамы бо крепости и произволения тверда не стяжахом. Обаче уповаем молитвами Твоими пути спасительнаго не уклонитися и завет святителя Кирилла исполнити:/ аще кто хощет Горняго Иерусалима достигнути, всяку язву страстнаго сердца из корене мужески да исторгнет.

По 2-м стихословии седален, глас 2:

Егда время исповедания чадом Церкве Русския наста, тогда смерти никакоже устрашился еси, священномучениче добропобедне, залог Царствия Небеснаго в сердце имея. Темже и ныне смертию смерть Поправшаго во Царствии Небеснем духовне созерцаеши.

Слава, и ныне, Богородичен:

Воспоим, людие, помощь и заступление Девы Чистыя, поминающе отец наших, присно в бедах и напастех пред Нею с мольбою припадающих и зрак чудотворнаго Ея образа в сердце носящих.

Величание:

Величаем тя,/ священномучениче Кирилле,/ и чтим честная страдания твоя,/ яже за Христа во утверждение на Руси Православия/ претерпел еси.

Псалом избранный:

Бог нам Прибежище и Сила.

Господи, воздвигни силу Твою и прииди, во еже спасти ны.

Глаголах о свидениих Твоих пред цари и не стыдяхся.

Вси языцы обыдоша мя и именем Господним противляхся им.

Тебе ради умерщвляемся весь день, вменихомся, яко овцы заколения.

Крепость моя и пение мое Господь и бысть мне во спасение.

По полиелеи седален, глас 5:

Кий образ в сердце твоем зрел еси, святителю, от беззаконных убиваемь? Сына ли Божия, на Кресте висяща во тьме часа шестаго? Стефана ли, о убийцех молящася: не постави им, Отче, греха сего? Церковь ли Русскую, смутою терзаему? Обаче в руце Божии вся предал еси, взывая: спаси, Спасе, души верно покланяющихся Тебе.

Слава, и ныне, Богородичен:

Что Тя наречем, Богородице? Пристанище ли духовное, Рай сладости Небесныя или Ходатаицу жизни некончаемыя? Вся бо имущи, едина Непорочная и Добрая в женах, о нас молися Христу Богу спастися душам нашим.

Степенна, 1-й антифон 4-го гласа. Прокимен, глас 4: Проидохом сквозе огнь и воду/ и извел еси ны в покой. Стих: Разжегл ны еси, якоже разжизается сребро. Всякое дыхание: Евангелие от Матфеа, зачало 36.

По 50-м псалме стихира, глас 6:

Целомудрия от юности исполнен,/ страданьми горькими и молитвами слезными/ во глубину смиренномудрия снизшел еси/ и терпение твердое богоподражательное стяжал еси./ Темже и плод красный любве Христовы принесл еси,/ еюже воспламени сердца наша,/ святителю Кирилле, богомудре.

Канон, глас 1.

Песнь 1

Ирмос: Поим, вси людие,/ от горькия работы фараони Израиля Изменшему/ и во глубине морстей ногами немокрыми Наставльшему/ песнь победную,/ яко прославися.

Припадем, братие, ко Господу, промышление творящему о Церкви Своей Святей, Емуже новии мученицы и исповедницы Русстии воспевают непрестанно песнь победную, яко прославися.

Воспоим, братие, Церкве Русския украшение, святителя Кирилла богомудраго, от юности Христа возлюбившаго и чистотою жития Бога прославившаго.

Прославление святителя Питирима в Церкви Русстей трудами твоими свершися, преславне Кирилле, темже ныне купно с ним чадами ея прославляешися.

Богородичен: Дево Чистая, примирения Cкиние, Небо Божие на земли и ко граду Небесному Лествице! Прозябением Твоим от неплодове мир возвеселися, темже молимся: подаждь благоплодие земли Русстей, уделу Твоему избранному.

Песнь 3

Ирмос: Утверди мене, Христе,/ на недвижимом камени заповедей Твоих/ и просвети мя светом лица Твоего:/ несть бо свят, паче Тебе,/ Человеколюбче.

Утвердил еси сердце твое, святе Кирилле, мирови умрети и, ангельским образом украсився, воззвал еси Христу: Твой есмь аз, спаси мя, Едине Человеколюбче.

В бдениих и пощениих страстьми обнищав, богатство дарований духовных приял еси. Темже и нас от страстей избави молитвами твоими, Кирилле многострадальне.

Одежду священную кровию украсив, блаженне Кирилле, в Церковь Небесную священно вшел еси, идеже, Святей Троице предстоя, взываеши: несть свят, паче Тебе, Человеколюбче.

Богородичен: Чудно Твое, Богоотроковице Марие, во храм Господень вхождение, Храм бо явилася еси Богу, темже и приведутся девы вслед Тебе: души взыскующих спасение.

Ин кондак, глас 3:

Столп и жертва Церкве Христовы быв,/ сию непоколебиму от искушений лукаваго премудро соблюл еси/ и, козни вражия твердым умом разорив,/ едину Церковь апостольскую проповедал еси,/ Кирилле богоблаженне,/ святителей Русских похвало,/ моли спастися душам нашим.

Седален, глас 2:

Сердце твое, святителю Кирилле, горе устремляемо, чисто приражений страстных показася, сего ради помышления световидная породи. Уста же твоя восприяша глагол Божий, яко меч духовный, во еже враги расточити и стадо Христово укрепити.

Слава, и ныне, Богородичен:

Светоносная Слова Палато, Ковчеже, позлащенный Духом, явилася еси, Пресвятая Дево. Темже молим Тя: вкупе со святыми сродники нашими Христу молися, от страстей очистити православно Богородицу исповедающих Тя.

Песнь 4

Ирмос: Духом провидя, пророче Аввакуме, Словесе воплощение,/ проповедал еси, вопия:/ внегда приближитися летом - познаешися,/ внегда приити времени - покажешися./ Слава силе Твоей, Господи.

Сердце сокрушенно и умиления исполнено имея, узким и скорбным путем неотступно шествовал еси, отче Кирилле. Темже и рова страстей избегл еси и яко град, на горе стояй, явился еси.

Святительства ризу светлу сохранил еси и овцы словесныя добре упасл еси, иже, чуждаго гласа не послушавше, тебе последоваша. К сим же и нас сопричти, поющих: слава Господу, дивному во святых Своих.

Молитвою усердною дух твой к Богу воскрилял еси, святителю, труды ко трудом на всяк день прилагая, да процветет, яко крин, Земля Русская. Юже и ныне соблюди от гордых супостат невоевану молитвами твоими.

Богородичен: Дверь Небесная явилася еси, Дево, вход отверзающи Архиерею Великому Христу, нас ради Небеса прошедшему. Темже глас ангельский Тебе взываем: радуйся, Благодатная, Господь с Тобою.

Песнь 5

Ирмос: Просветивый сиянием/ пришествия Твоего, Христе,/ и осветивый Крестом Твоим мира концы,/ сердца просвети светом Твоего Богоразумия/ православно поющих Тя.

Кто изъяснит красоту души твоея, блаженне Кирилле, и кто изследит еже ко грешным твое милосердие, о нихже и ныне неотступно молишися Христу: спаси и помилуй, Господи, православно поющих Тя.

Дадеся тебе благодать от Бога благолепно погребсти тело праведнаго Иоанна Кронштадтскаго, пастыря Всероссийскаго; с нимже ныне моли Христа, еже светом любве просветити нас, православно Его почитающих.

Слово Божие и писания отеческая предпочел еси мудрости века сего, святителю, сего ради, божественным отцам во всем последовав, ныне молишися Христу: светом любве Твоея, Господи, просвети православно поющих Троицу Единосущную.

Богородичен: Яко дождь на руно низшед, во утробу Девичу вселился еси, Христе, и паче солнца миру возсиял еси, Свете Разума, и яко Младенец на руку Девы Матере положился еси, Слове Божий. Ея же молитвами просвети сердца пощих Тя.

Песнь 6

Ирмос: Обыде нас последняя бездна,/ несть избавляяй,/ вменихомся, яко овцы заколения,/ спаси люди Твоя, Боже наш,/ Ты бо крепость немощствующих и исправление.

Егда бездна страдания обыде землю нашу, тогда со слезами молился еси, святителю, о безвинно убиенных и о спасении людей Российских, взывая: милостив буди нам, Боже, Ты бо крепость немощствующих и исправление.

Святаго Патриарха Тихона чадо послушное быв, волю того всеусердно исполнити потщался еси, сего ради непреткновенно и Царства Небеснаго достигл еси, идеже о спасении людей Российских молиши: милостив нам буди, Боже, Ты бо крепость наша и исправление.

Со апостолы и мученики, со святители и преподобными, яко верный ученик Христов, вселился еси, святе Кирилле. Сего ради и ныне призри от святаго жилища твоего на нас, спасение улучити чающих и вопиющих: спаси люди Твоя, Боже наш, Ты бо крепость немощствующих и исправление.

Богородичен: Егоже старец Симеон прият на руки своя, Того, Владычице Чистая, моли о нас, яко Сына Твоего, да милость обрящем егда приидет на облацех судити миру всему, Ты бо еси упование христианом, Богородице Дево.

Кондак, глас 5:

Лучезарною твоею благодатию нас просвети,/ поющих мужества твоего крепость,/ яже воителем тьмы бе неприступна,/ и молитвами твоими Церковь Русскую в единомыслии утверди/ и от бед отечество наше огради,/ святителю Кирилле, мучениче славный.

Икос:

Егда все житие твое Богу предал еси, тогда прият тя Господь, яко ковач железо, в руце Свои и в горниле страданий искуси тя. Сего ради даровася тебе сила и благодать, крепость и премудрость, и, яко свет, пред человеки дела твоя просветишася в похвалу Пресвятыя Троицы. И ныне молитвами твоими Церковь Русскую в единомыслии утверди и от бед отечество наше огради, святителю Кирилле, мучениче славный.

Песнь 7

Ирмос: Сущим в пещи отроком Твоим, Спасе,/ не прикоснуся, ниже стужи огнь./ Тогда трие, яко единеми усты, пояху/ и благословляху, глаголюще:/ благословен Бог отец наших.

Прежде Креста преобразися Господь пред ученики Своими. Ты же, отче, в светозарный день Преображения во узы заключен быв, отселе восхождение на крест начал еси, небоязненно глаголя: благословен Бог отец наших.

Во узилищи мрачнем пение победное Христу воспел еси, исповедниче славне: блажени изгнани правды ради. Темже умудри и нас во всяцей скорби Царю небесе и земли достойно воспевати: благословен Бог отец наших.

В темнице хладней Пасху поюще и Господа очима веры зряще, во узах сущии с тобою, святе Кирилле, дивляхуся благоговеинству служения твоего. Темже, на муки и смерть уготовани, Христу глаголаху: подавай нам истее Тебе причащатися в невечернем дни Царствия Твоего.

Богородичен: Осудися на Крест Судия живых и мертвых, безчестие претерпе Царь Славы, смерти вкуси Иже Даруяй мирови жизнь. Сего ради, уяснивше страшное сие смотрение, грехов оставление просим улучити нам молитвами Твоими, Дево Пречистая.

Песнь 8

Ирмос: Егоже ужасаются Ангели и вся воинства,/ яко Творца и Господа,/ пойте, священницы, прославите, отроцы,/ благословите, людие,/ и превозносите во вся веки.

Смиренномудраго Тихона патриарха сотаинник и Петра крепчайшаго сострадалец явился еси, отче Кирилле богоблаженне, и ныне с сими Небесныя славы наслаждаешися, Христа, мир от тли греховныя спасшаго, превознося во веки.

Веру непорочну сохраньше, исповедницы мнози прихождаху к тебе, Кирилле богомудре: Афанасий и Дамаскин, святителие славнии, Александр преподобный и друзии, да купно с тобою расточенныя люди Церкве Русския соберут, Христа превозносяще во веки.

Твое крестоносное в вере стояние единство Церкве Русския сохрани, имя бо твое, в молитвах по всей Руси купно возносимое, разделение соедини, сомнение умири и любовь умножи.

Богородичен: Радость Воскресения Сына Твоего первее прияла еси, Богомати, Той бо обетование даде учеником Своим: паки узрю вы и возрадуется сердце ваше. Молися, Госпоже, и нам Владычния радости сподобитися.

Песнь 9

Ирмос: Неизглаголанное Девы таинство:/ Небо бо Сия, и Престол Херувимский/ и светоносный чертог показася/ Христа Бога Вседержителя./ Сию благочестно яко Богородицу величаем.

Издетска Крещение водою и Духом приим, последи же кровию своею исполнил и совершил еси е, да в ризу белую за Слово Божие убиенных облечешися и новую песнь на земли живых Христу воспоеши.

Егда приспе час кончины твоея, страха мучителей безбожных не устрашился еси и равноангельное житие смертию мученическою запечатал еси. Сего ради со ангельскими лики ныне Христа созерцаеши.

Мзды своея не лишается, иже чашу воды ученику подаде. Сего ради рцы нам, отче святый, кую мзду Евдокия, печальница твоя, улучила есть, вся тяготы с тобою понесшая? Вемы бо, яко в лице мученик Христу предстоит.

Богородичен: К жизни присносущней на объятиих Сына Твоего возшедшая, Пречистая, матернима Твоима рукама в вечныя кровы о имени Его пострадавшия прияла еси. Темже и нас в час кончины нашея милостивно срящи.

Светилен, глас 6:

Пресветлым лицем и милостивным оком призри на чада твоя, благоговейно совершающая память твою, святителю, и Света Подателя моли спасти и просветити души наша.

Слава, и ныне, Богородичен:

Стена и покров буди нам, Владычице, да Тобою прейдем стену, юже суета житейская воздвиже. Не презри, Чистая, моления нашего, молитвенника бо на сие, Кирилла славнаго, Тебе предлагаем.

На хвалитех стихиры, глас 4.

Подобен: Дал еси знамение:

Служения иго Божественное/ и бремя еже о Христе страдания,/ радуяся, подъял еси,/ святителю Кирилле терпеливе,/ оттуду и дар приял еси,/ еже звездою путеводною Церкви быти/ и истину, яже есть Христос, явити./ Егоже и мы воспомянем глас:/ иго Мое благо и бремя Мое легко есть.

Радость воскресения возвещая/ и благодарение за вся Богу воздая,/ Безкровную Жертву в темнице приносил еси,/ святителю Кирилле священне,/ соузницы же твоя воспеваху пение Воскресшему Христу,/ неприступным светом блистающему/ и страждущим о Имени Его рекущему:/ радуйтеся и веселитеся,/ яко мзда ваша многа на Небесех.

Мудростию свыше осолен и со единомудрыми мирствуяй,/ святаго Патриарха преемник духовный был еси,/ святителю Кирилле всечестне./ С нимже имеяй един дух во двою телесу/ и еже о Церкви помышление едино,/ единства Ея и истины ради смерть приял еси,/ завет Пастыреначальника Христа исполнив:/ имейте соль в себе/ и мир имейте между собою.

Светлостию братолюбия увенчан и святому Патриарху последуя,/ смертию за Христа усовершился еси,/ святителю Кирилле всехвальне./ Петру же крепчайшему спострадав,/ о нем и о Церкви слезно молился еси,/ с нимже ныне на Небеси радуяся,/ поминай паству Всероссийскую, тебе поющую:/ больше сия любве никтоже имать,/ да кто душу положит за други своя.

Слава, глас 1:

Кто возможет священства высоту разумети:/ како перстен человек, служитель Божий бывает/ и Огнь Божественный в причащение верным подает,/ Таинство совершая, всех сокровищ вышшее,/ и милостивно обязует струпы людей согрешающих,/ в сердце нося предания апостольская и отеческая?/ Сего ради, святителю Кирилле, Церкве Русския похвало,/ испроси пастырем земли нашея, еже в правду облещися,/ людем же учению сих прилежно внимати,/ да будет едино стадо и един Пастырь Христос.

И ныне, Богородичен, глас тойже:

Успение Твое, Пречистая,/ апостольский лик песньми почти/ и ангелы крилы покрываху священное тело Твое;/ страдальцем же Христовым, от беззаконных тайно убиенным,/ в местех пустынных и непроходных/ никтоже от человек пение надгробное сотвори,/ обаче Ты Сама предстала еси, Владычице,/ со ангельскими доброгласными чинми./ И ныне вси концы земнии/ новых мучеников прославляют/ во храме Господни, во дворех Бога нашего.

Славословие великое. Ектении. И отпуст.

На Литургии

Блаженна от канона песни 3-я и 6-я. Прокимен, глас 7: Честна пред Господем/ смерть преподобных Его. Стих: Что воздам Господеви о всех, яже воздаде ми? Апостол к Римляном, зачало 99 (8, 28-39). Аллилуиа, глас 2: Священницы Твои облекутся в правду/ и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело. Евангелие от Луки, зачало 106, (21, 12-19). Конец: В терпении вашем стяжите души ваша: Причастен: В память вечную будет праведник:

Молитва

О, пречудный святителю Кирилле, новых мученик и исповедник украшение, святаго Патриарха Тихона верный последователю и Церкве Русския великое светило! По имени твоему тако и житие твое бысть, ты бо в Дому Божии сладостию словес церковных воспитанный, в юных летех благодать священства приял еси и паству твою богоугодно жити поучал еси. Помози ныне пастырем Церкве нашея в сердцах своих дар любве Христовы возгревати, отроки настави, еже в кротости и смирении возрастати, и вся люди православныя научи силу благочестия благими делы стяжевати.

Ты, святителю Кирилле, правило монашескаго жития явился еси, архиереев похвала и градовом в вере утверждение. Сего ради споспешествуй иноком в дусе и истине ревностно подвизатися, архипастыри научи слово правды Христовой в мире сем непорочно хранити. Заступи страну нашу от нашествия иноплеменник, грады и веси ея от всяких бед сохрани, домы миром огради и вся чада ея заблуждшая на путь покаяния настави. Вемы воистинну и усты исповедуем, яко можеши испросити у Великодаровитаго Бога, елика хощеши, ты бо правды ради изгнание и заточение претерпети сподобился еси и посреде злостраданий и крайния нищеты богатство благодушия явил еси, ты и веру Православную пред сильными мира сего небоязненно исповедал еси. Вразуми нас, в добродетелех убогих, земному богатству сердца не прилагати и укрепи нас, немощных, в час испытания веру во Христа сохранити. И якоже во истине стоял еси, егда вознесошася до небес и низпадоша до бездн волны смут церковных, тако умудри и нас прилежно вере нашей поучатися и в разум истины восходити, избирающе правая, благая и полезная. Ты смерть за Христа приял еси, яко венец праведнаго жития твоего, тако направи и нас не прилеплятися славе и довольству века сего, но почести вышняго звания искати, да твоими отеческими молитвами возможем земное наше житие без порока прейти, христианскую кончину улучити и сподобитися в Царствии Небеснем купно с тобою прославляти Отца и Сына и Святаго Духа, Троицу Единосущную во веки веков. Аминь.

Служба новомученикам и исповедникам Санкт-Петербургской митрополии

Развернуть

Богослужение сегодня

Тропари, кондаки, молитвы и величания

Тропарь, глас 3

Вели́ка в ско́рбех уте́шителя/ обре́те тя Це́рковь Ру́сская, свя́те Кири́лле,/ ты бо, в годи́ну гоне́ния ча́шу страда́ний прие́м,/ жа́ждущия пра́вды воеди́но собра́л еси́,/ я́ко оре́л небе́сный под криле́ птенцы́ своя́,/ и вся научи́л еси́/ ве́ры до́брому испове́данию./ Те́мже в ли́це но́вых му́ченик/ Престо́лу Бо́жию предстои́ши, // моля́ся о чту́щих любо́вию па́мять твою́.

Ин тропарь, глас 5

Я́коже со́лнце светоза́рное,/ возсия́ дне́сь па́мять твоя́ святи́телю и испове́дниче, Кири́лле,/ луча́ми благода́ти озаря́я ве́рных сердца́,/ к прославле́нию ди́внаго во святы́х свои́х Бо́га,/ дарова́вшаго тебе́ кре́пость во испове́дании и терпе́ние в ско́рбех,/ не премолчи́ о на́с, уго́дниче Христо́в,/ и изба́ви на́с от вся́каго зла́,/ Це́рковь Ру́сскую сохрани́ от раздо́ров и нестрое́ний,/ ми́р ми́рови испроси́// и душа́м на́шим ве́лию ми́лость.

Перевод: Как яркое солнце, воссияла сегодня память твоя, святитель и исповедник Кирилл, лучами благодати озаряя сердца верующих к прославлению удивительного во святых своих Бога, даровавшего тебе силу в исповедании и терпение в скорбях, не забудь о нас, угодник Христов, и избавь нас от всякого зла, Церковь Русскую сохрани от разногласий и беспорядков, мир испроси миру и душам нашим великую милость.

Кондак, глас 5

Лучеза́рною твое́ю благода́тию нас просвети́,/ пою́щих му́жества твоего́ кре́пость,/ я́же вои́телем тьмы бе непристу́пна,/ и моли́твами твои́ми Це́рковь Ру́сскую в единомы́слии утверди́/ и от бед оте́чество на́ше огради́, // святи́телю Кири́лле, му́чениче сла́вный.

Ин кондак, глас 3

Сто́лп и же́ртва Це́ркве Христо́вы о́тче бы́в,/ сию́ непоколеби́му от искуше́ний лука́ваго прему́дро соблю́л еси́,/и ко́зни вра́жия тве́рдым умо́м разори́л еси́,/ и еди́ною Це́рковь апо́стольскую пропове́дал еси́,/ Кири́лле блаже́нне, святи́телей Росси́йских похвало́,// моли́ спасти́ся душа́м на́шим.

Перевод: Столпом и жертвой Церкви Христовой, отче, ты был, Ее непоколебимой от искушений лукавого мудро сохранил, и козни вражеские силой ума разрушил ты, и единую Церковь апостольскую проповедовал, Кирилл блаженный, святителей слава, моли о спасении душ наших.

Развернуть