Азбука веры » Би́блия » השירים שיר » гл.2

השירים שיר, Глава 2

Толкования

Толкования главы

2:1

2:2

см.:Ис.53:2;Иер.33:15;

2:3

см.:Пс.90:1;Откр.2:7;Откр.22:2;

2:4

см.:Пс.35:9;

2:5

2:6

см.:Песн.8:3;

2:7

см.:Песн.3:5;Песн.8:4;

2:8

см.:Ин.10:19;

2:9

2:10

2:11

2:12

2:13

см.:Лк.21:30;

2:14

см.:Песн.1:14;Песн.6:9;Песн.8:13;Мф.10:16;

2:15

см.:Иез.13:4;Лк.13:32;

2:16

см.:Песн.6:2;Песн.7:11;

2:17

см.:Песн.4:6;

Еврейский

Языки

אֲנִי חֲבַצֶּלֶת הַשָּׁרוֹן, שׁוֹשַׁנַּת הָעֲמָקִים׃

כְּשׁוֹשַׁנָּה בֵּין הַחוֹחִים, כֵּן רַעְיָתִי בֵּין הַבָּנוֹת׃

כְּתַפּוּחַ בַּעֲצֵי הַיַּעַר, כֵּן דּוֹדִי בֵּין הַבָּנִים; בְּצִלּוֹ חִמַּדְתִּי וְיָשַׁבְתִּי, וּפִרְיוֹ מָתוֹק לְחִכִּי׃

הֱבִיאַנִי אֶל־בֵּית הַיָּיִן, וְדִגְלוֹ עָלַי אַהֲבָה׃

סַמְּכוּנִי בָּאֲשִׁישׁוֹת, רַפְּדוּנִי בַּתַּפּוּחִים; כִּי־חוֹלַת אַהֲבָה אָנִי׃

שְׂמֹאלוֹ תַּחַת לְרֹאשִׁי, וִימִינוֹ תְּחַבְּקֵנִי׃

הִשְׁבַּעְתִּי אֶתְכֶם בְּנוֹת יְרוּשָׁלִַם בִּצְבָאוֹת, אוֹ בְּאַיְלוֹת הַשָּׂדֶה; אִם־תָּעִירוּ וְאִם־תְּעוֹרְרוּ אֶת־הָאַהֲבָה עַד שֶׁתֶּחְפָּץ׃ ס

קוֹל דּוֹדִי, הִנֵּה־זֶה בָּא; מְדַלֵּג עַל־הֶהָרִים, מְקַפֵּץ עַל־הַגְּבָעוֹת׃

דּוֹמֶה דוֹדִי לִצְבִי, אוֹ לְעֹפֶר הָאַיָּלִים; הִנֵּה־זֶה עוֹמֵד אַחַר כָּתְלֵנוּ, מַשְׁגִּיחַ מִן־הַחֲלֹּנוֹת, מֵצִיץ מִן־הַחֲרַכִּים׃

עָנָה דוֹדִי וְאָמַר לִי; קוּמִי לָךְ רַעְיָתִי יָפָתִי וּלְכִי־לָךְ׃

כִּי־הִנֵּה הַסְּתוֹ (הַסְּתָיו) עָבָר; הַגֶּשֶׁם חָלַף הָלַךְ לוֹ׃

הַנִּצָּנִים נִרְאוּ בָאָרֶץ, עֵת הַזָּמִיר הִגִּיעַ; וְקוֹל הַתּוֹר נִשְׁמַע בְּאַרְצֵנוּ׃

הַתְּאֵנָה חָנְטָה פַגֶּיהָ, וְהַגְּפָנִים סְמָדַר נָתְנוּ רֵיחַ; קוּמִי לְכִי (לָךְ) רַעְיָתִי יָפָתִי וּלְכִי־לָךְ׃ ס

יוֹנָתִי בְּחַגְוֵי הַסֶּלַע, בְּסֵתֶר הַמַּדְרֵגָה, הַרְאִינִי אֶת־מַרְאַיִךְ, הַשְׁמִיעִינִי אֶת־קוֹלֵךְ; כִּי־קוֹלֵךְ עָרֵב וּמַרְאֵיךְ נָאוֶה׃ ס

אֶחֱזוּ־לָנוּ שׁוּעָלִים, שׁוּעָלִים קְטַנִּים מְחַבְּלִים כְּרָמִים; וּכְרָמֵינוּ סְמָדַר׃

דּוֹדִי לִי וַאֲנִי לוֹ, הָרֹעֶה בַּשּׁוֹשַׁנִּים׃

עַד שֶׁיָּפוּחַ הַיּוֹם, וְנָסוּ הַצְּלָלִים; סֹב דְּמֵה־לְךָ דוֹדִי לִצְבִי, אוֹ לְעֹפֶר הָאַיָּלִים עַל־הָרֵי בָתֶר׃ ס