Азбука веры » Би́блия » משלי » гл.29

משלי, Глава 29

Толкования

Толкования главы

29:1

см.:Притч.28:14;

29:2

см.:Исх.2:23;

29:3

см.:Притч.10:1;Лк.15:13;

29:4

29:5

29:6

см.:Пс.9:17;

29:7

см.:Притч.28:5;

29:8

см.:Притч.11:11;Еккл.9:18;

29:9

29:10

29:11

см.:Притч.15:1-2;

29:12

см.:Сир.10:2;

29:13

29:14

см.:Притч.16:12;Притч.20:28;Притч.25:5;

29:15

см.:Притч.10:1;

29:16

см.:Пс.36:36;

29:17

см.:Притч.23:13;

29:18

29:19

29:20

см.:Еккл.5:1;Иак.1:19;Притч.26:12;

29:21

см.:Сир.33:26;

29:22

см.:Притч.15:18;

29:23

см.:Иов.22:29;Притч.15:33;Мф.23:12;

29:24

см.:Лев.5:1;

29:25

см.:Мф.14:5;Притч.16:20;Иер.17:7;

29:26

см.:Притч.19:6;

29:27

см.:Ин.15:19;

Еврейский

Языки

אִישׁ תּוֹכָחוֹת מַקְשֶׁה־עֹרֶף; פֶּתַע יִשָּׁבֵר, וְאֵין מַרְפֵּא׃

בִּרְבוֹת צַדִּיקִים יִשְׂמַח הָעָם; וּבִמְשֹׁל רָשָׁע, יֵאָנַח עָם׃

אִישׁ־אֹהֵב חָכְמָה יְשַׂמַּח אָבִיו; וְרֹעֶה זוֹנוֹת, יְאַבֶּד־הוֹן׃

מֶלֶךְ, בְּמִשְׁפָּט יַעֲמִיד אָרֶץ; וְאִישׁ תְּרוּמוֹת יֶהֶרְסֶנָּה׃

גֶּבֶר מַחֲלִיק עַל־רֵעֵהוּ; רֶשֶׁת, פּוֹרֵשׂ עַל־פְּעָמָיו׃

בְּפֶשַׁע אִישׁ רָע מוֹקֵשׁ; וְצַדִּיק, יָרוּן וְשָׂמֵחַ׃

יֹדֵעַ צַדִּיק דִּין דַּלִּים; רָשָׁע, לֹא־יָבִין דָּעַת׃

אַנְשֵׁי לָצוֹן יָפִיחוּ קִרְיָה; וַחֲכָמִים, יָשִׁיבוּ אָף׃

אִישׁ־חָכָם, נִשְׁפָּט אֶת־אִישׁ אֱוִיל; וְרָגַז וְשָׂחַק, וְאֵין נָחַת׃

אַנְשֵׁי דָמִים יִשְׂנְאוּ־תָם; וִישָׁרִים, יְבַקְשׁוּ נַפְשׁוֹ׃

כָּל־רוּחוֹ יוֹצִיא כְסִיל; וְחָכָם, בְּאָחוֹר יְשַׁבְּחֶנָּה׃

מֹשֵׁל מַקְשִׁיב עַל־דְּבַר־שָׁקֶר; כָּל־מְשָׁרְתָיו רְשָׁעִים׃

רָשׁ וְאִישׁ תְּכָכִים נִפְגָּשׁוּ; מֵאִיר־עֵינֵי שְׁנֵיהֶם יְהוָה׃

מֶלֶךְ שׁוֹפֵט בֶּאֱמֶת דַּלִּים; כִּסְאוֹ, לָעַד יִכּוֹן׃

שֵׁבֶט וְתוֹכַחַת יִתֵּן חָכְמָה; וְנַעַר מְשֻׁלָּח, מֵבִישׁ אִמּוֹ׃

בִּרְבוֹת רְשָׁעִים יִרְבֶּה־פָּשַׁע; וְצַדִּיקִים, בְּמַפַּלְתָּם יִרְאוּ׃

יַסֵּר בִּנְךָ וִינִיחֶךָ; וְיִתֵּן מַעֲדַנִּים לְנַפְשֶׁךָ׃ פ

בְּאֵין חָזוֹן יִפָּרַע עָם; וְשֹׁמֵר תּוֹרָה אַשְׁרֵהוּ׃

בִּדְבָרִים לֹא־יִוָּסֶר עָבֶד; כִּי־יָבִין, וְאֵין מַעֲנֶה׃

חָזִיתָ, אִישׁ אָץ בִּדְבָרָיו; תִּקְוָה לִכְסִיל מִמֶּנּוּ׃

מְפַנֵּק מִנֹּעַר עַבְדּוֹ; וְאַחֲרִיתוֹ, יִהְיֶה מָנוֹן׃

אִישׁ־אַף יְגָרֶה מָדוֹן; וּבַעַל חֵמָה רַב־פָּשַׁע׃

גַּאֲוַת אָדָם תַּשְׁפִּילֶנּוּ; וּשְׁפַל־רוּחַ, יִתְמֹךְ כָּבוֹד׃

חוֹלֵק עִם־גַּנָּב שׂוֹנֵא נַפְשׁוֹ; אָלָה יִשְׁמַע, וְלֹא יַגִּיד׃

חֶרְדַּת אָדָם יִתֵּן מוֹקֵשׁ; וּבוֹטֵחַ בַּיהוָה יְשֻׂגָּב׃

רַבִּים מְבַקְשִׁים פְּנֵי־מוֹשֵׁל; וּמֵיְהוָה, מִשְׁפַּט־אִישׁ׃

תּוֹעֲבַת צַדִּיקִים אִישׁ עָוֶל; וְתוֹעֲבַת רָשָׁע יְשַׁר־דָּרֶךְ׃ פ