Азбука веры » Би́блия » איכה » гл.3

איכה, Глава 3

Толкования

Толкования главы

3:1

см.:Иез.7:10;

3:2

см.:Иер.13:16;

3:3

см.:Иов.19:21;

3:4

3:5

см.:Иер.9:15;

3:6

см.:Пс.142:3;

3:7

см.:Иов.19:8;

3:8

3:9

см.:Ос.2:6;

3:10

см.:Ос.5:14;Ос.13:7-8;

3:11

3:12

см.:Иов.16:12;

3:13

3:14

см.:Иов.30:9;

3:15

см.:Иов.9:18;

3:16

см.:Притч.20:17;

3:17

3:18

см.:Иер.17:13;

3:19

3:20

см.:Мк.15:23;

3:21

3:22

см.:Неем.9:31;Пс.85:13;Ин.3:16;

3:23

см.:Пс.137:8;

3:24

см.:Пс.15:5;Иер.10:16;

3:25

см.:Пс.33:9;Авв.2:3;

3:26

3:27

см.:Пс.118:71;

3:28

см.:Пс.38:10;Пс.76:11;

3:29

3:30

см.:Мф.5:39;

3:31

см.:Пс.76:8;

3:32

см.:Пс.29:6;Ис.54:7-8;Мих.7:18;

3:33

3:34

3:35

3:36

3:37

3:38

см.:Ин.1:3;

3:39

см.:Иер.30:15;Мф.7:3;

3:40

см.:Иер.3:23;1Кор.11:28;

3:41

3:42

см.:Дан.9:5;

3:43

3:44

3:45

см.:1Кор.4:13;

3:46

3:47

см.:Ис.24:17;

3:48

см.:Иер.14:17;

3:49

см.:Пс.79:15;

см.:Плач.1:16;

см.:Иер.12:9;

см.:Иер.37:15;

3:54

3:55

см.:Пс.129:1;

3:56

3:57

3:58

3:59

3:60

3:61

3:62

3:63

3:64

см.:Пс.27:4;

3:65

3:66

см.:Пс.78:6;

Еврейский

Языки

אֲנִי הַגֶּבֶר רָאָה עֳנִי, בְּשֵׁבֶט עֶבְרָתוֹ׃

אוֹתִי נָהַג וַיֹּלַךְ חֹשֶׁךְ וְלֹא־אוֹר׃

אַךְ בִּי יָשֻׁב יַהֲפֹךְ יָדוֹ כָּל־הַיּוֹם׃ ס

בִּלָּה בְשָׂרִי וְעוֹרִי, שִׁבַּר עַצְמוֹתָי׃

בָּנָה עָלַי וַיַּקַּף רֹאשׁ וּתְלָאָה׃

בְּמַחֲשַׁכִּים הוֹשִׁיבַנִי כְּמֵתֵי עוֹלָם׃ ס

גָּדַר בַּעֲדִי וְלֹא אֵצֵא הִכְבִּיד נְחָשְׁתִּי׃

גַּם כִּי אֶזְעַק וַאֲשַׁוֵּעַ, שָׂתַם תְּפִלָּתִי׃

גָּדַר דְּרָכַי בְּגָזִית, נְתִיבֹתַי עִוָּה׃ ס

דֹּב אֹרֵב הוּא לִי, אַרְיֵה (אֲרִי) בְּמִסְתָּרִים׃

דְּרָכַי סוֹרֵר וַיְפַשְּׁחֵנִי שָׂמַנִי שֹׁמֵם׃

דָּרַךְ קַשְׁתּוֹ וַיַּצִּיבֵנִי, כַּמַּטָּרָא לַחֵץ׃ ס

הֵבִיא בְּכִלְיוֹתָי, בְּנֵי אַשְׁפָּתוֹ׃

הָיִיתִי שְּׂחֹק לְכָל־עַמִּי, נְגִינָתָם כָּל־הַיּוֹם׃

הִשְׂבִּיעַנִי בַמְּרוֹרִים הִרְוַנִי לַעֲנָה׃ ס

וַיַּגְרֵס בֶּחָצָץ שִׁנָּי, הִכְפִּישַׁנִי בָּאֵפֶר׃

וַתִּזְנַח מִשָּׁלוֹם נַפְשִׁי נָשִׁיתִי טוֹבָה׃

וָאֹמַר אָבַד נִצְחִי, וְתוֹחַלְתִּי מֵיְהוָה׃ ס

זְכָר־עָנְיִי וּמְרוּדִי לַעֲנָה וָרֹאשׁ׃

זָכוֹר תִּזְכּוֹר, וְתָשִׁיחַ (וְתָשׁוֹחַ) עָלַי נַפְשִׁי׃

זֹאת אָשִׁיב אֶל־לִבִּי עַל־כֵּן אוֹחִיל׃ ס

חַסְדֵי יְהוָה כִּי לֹא־תָמְנוּ, כִּי לֹא־כָלוּ רַחֲמָיו׃

חֲדָשִׁים לַבְּקָרִים, רַבָּה אֱמוּנָתֶךָ׃

חֶלְקִי יְהוָה אָמְרָה נַפְשִׁי, עַל־כֵּן אוֹחִיל לוֹ׃ ס

טוֹב יְהוָה לְקוָֹו, לְנֶפֶשׁ תִּדְרְשֶׁנּוּ׃

טוֹב וְיָחִיל וְדוּמָם, לִתְשׁוּעַת יְהוָה׃

טוֹב לַגֶּבֶר, כִּי־יִשָּׂא עֹל בִּנְעוּרָיו׃ ס

יֵשֵׁב בָּדָד וְיִדֹּם, כִּי נָטַל עָלָיו׃

יִתֵּן בֶּעָפָר פִּיהוּ, אוּלַי יֵשׁ תִּקְוָה׃

יִתֵּן לְמַכֵּהוּ לֶחִי יִשְׂבַּע בְּחֶרְפָּה׃ ס

כִּי לֹא יִזְנַח לְעוֹלָם אֲדֹנָי׃

כִּי אִם־הוֹגָה, וְרִחַם כְּרֹב חַסְדּוֹ (חֲסָדָיו)׃

כִּי לֹא עִנָּה מִלִּבּוֹ, וַיַּגֶּה בְּנֵי־אִישׁ׃ ס

לְדַכֵּא תַּחַת רַגְלָיו, כֹּל אֲסִירֵי אָרֶץ׃

לְהַטּוֹת מִשְׁפַּט־גָּבֶר, נֶגֶד פְּנֵי עֶלְיוֹן׃

לְעַוֵּת אָדָם בְּרִיבוֹ, אֲדֹנָי לֹא רָאָה׃ ס

מִי זֶה אָמַר וַתֶּהִי, אֲדֹנָי לֹא צִוָּה׃

מִפִּי עֶלְיוֹן לֹא תֵצֵא, הָרָעוֹת וְהַטּוֹב׃

מַה־יִּתְאוֹנֵן אָדָם חָי, גֶּבֶר עַל־חֶטְאוֹ (חֲטָאָיו)׃ ס

נַחְפְּשָׂה דְרָכֵינוּ וְנַחְקֹרָה, וְנָשׁוּבָה עַד־יְהוָה׃

נִשָּׂא לְבָבֵנוּ אֶל־כַּפָּיִם, אֶל־אֵל בַּשָּׁמָיִם׃

נַחְנוּ פָשַׁעְנוּ וּמָרִינוּ, אַתָּה לֹא סָלָחְתָּ׃ ס

סַכֹּתָה בָאַף וַתִּרְדְּפֵנוּ, הָרַגְתָּ לֹא חָמָלְתָּ׃

סַכּוֹתָה בֶעָנָן לָךְ, מֵעֲבוֹר תְּפִלָּה׃

סְחִי וּמָאוֹס תְּשִׂימֵנוּ בְּקֶרֶב הָעַמִּים׃ ס

פָּצוּ עָלֵינוּ פִּיהֶם כָּל־אֹיְבֵינוּ׃

פַּחַד וָפַחַת הָיָה לָנוּ הַשֵּׁאת וְהַשָּׁבֶר׃

פַּלְגֵי־מַיִם תֵּרַד עֵינִי, עַל־שֶׁבֶר בַּת־עַמִּי׃ ס

עֵינִי נִגְּרָה וְלֹא תִדְמֶה מֵאֵין הֲפֻגוֹת׃

עַד־יַשְׁקִיף וְיֵרֶא, יְהוָה מִשָּׁמָיִם׃

עֵינִי עוֹלְלָה לְנַפְשִׁי, מִכֹּל בְּנוֹת עִירִי׃ ס

צוֹד צָדוּנִי כַּצִּפּוֹר אֹיְבַי חִנָּם׃

צָמְתוּ בַבּוֹר חַיָּי, וַיַּדּוּ־אֶבֶן בִּי׃

צָפוּ־מַיִם עַל־רֹאשִׁי אָמַרְתִּי נִגְזָרְתִּי׃ ס

קָרָאתִי שִׁמְךָ יְהוָה, מִבּוֹר תַּחְתִּיּוֹת׃

קוֹלִי שָׁמָעְתָּ; אַל־תַּעְלֵם אָזְנְךָ לְרַוְחָתִי לְשַׁוְעָתִי׃

קָרַבְתָּ בְּיוֹם אֶקְרָאֶךָּ, אָמַרְתָּ אַל־תִּירָא׃ ס

רַבְתָּ אֲדֹנָי רִיבֵי נַפְשִׁי גָּאַלְתָּ חַיָּי׃

רָאִיתָה יְהוָה עַוָּתָתִי, שָׁפְטָה מִשְׁפָּטִי׃

רָאִיתָה כָּל־נִקְמָתָם, כָּל־מַחְשְׁבֹתָם לִי׃ ס

שָׁמַעְתָּ חֶרְפָּתָם יְהוָה, כָּל־מַחְשְׁבֹתָם עָלָי׃

שִׂפְתֵי קָמַי וְהֶגְיוֹנָם, עָלַי כָּל־הַיּוֹם׃

שִׁבְתָּם וְקִימָתָם הַבִּיטָה, אֲנִי מַנְגִּינָתָם׃ ס

תָּשִׁיב לָהֶם גְּמוּל יְהוָה כְּמַעֲשֵׂה יְדֵיהֶם׃

תִּתֵּן לָהֶם מְגִנַּת־לֵב, תַּאֲלָתְךָ לָהֶם׃

תִּרְדֹּף בְּאַף וְתַשְׁמִידֵם, מִתַּחַת שְׁמֵי יְהוָה׃ פ