Азбука веры » Би́блия » איוב » гл.36

איוב, Глава 36

Толкования

Толкования главы

36:1

36:2

36:3

см.:Пс.50:6;

36:4

см.:2Кор.2:17;

36:5

36:6

36:7

см.:Пс.32:18;Пс.112:7;

36:8

см.:Пс.106:10;

36:9

см.:Иов.33:16;

см.:2Пар.33:13;

см.:Лк.19:42;

см.:Мф.23:27;

36:14

36:15

см.:Пс.34:10;Ис.66:2;

36:16

см.:2Пар.18:31;Пс.17:20;

36:17

36:18

см.:1Цар.12:3;Притч.11:4;

36:19

36:20

36:21

см.:Евр.6:11;

36:22

см.:1Цар.3:18;

36:23

36:24

36:25

36:26

см.:1Тим.6:16;Пс.101:28;Дан.6:26;

36:27

36:28

36:29

см.:Пс.103:2;Притч.8:28;

36:30

36:31

36:32

36:33

Еврейский

Языки

וַיֹּסֶף אֱלִיהוּא, וַיֹּאמַר׃

כַּתַּר־לִי זְעֵיר וַאֲחַוֶּךָּ; כִּי עוֹד לֶאֱלוֹהַּ מִלִּים׃

אֶשָּׂא דֵעִי לְמֵרָחוֹק; וְלְפֹעֲלִי, אֶתֵּן־צֶדֶק׃

כִּי־אָמְנָם לֹא־שֶׁקֶר מִלָּי; תְּמִים דֵּעוֹת עִמָּךְ׃

הֶן־אֵל כַּבִּיר וְלֹא יִמְאָס; כַּבִּיר, כֹּחַ לֵב׃

לֹא־יְחַיֶּה רָשָׁע; וּמִשְׁפַּט עֲנִיִּים יִתֵּן׃

לֹא־יִגְרַע מִצַּדִּיק, עֵינָיו וְאֶת־מְלָכִים לַכִּסֵּא; וַיֹּשִׁיבֵם לָנֶצַח, וַיִּגְבָּהוּ׃

וְאִם־אֲסוּרִים בַּזִּקִּים; יִלָּכְדוּן, בְּחַבְלֵי־עֹנִי׃

וַיַּגֵּד לָהֶם פָּעֳלָם; וּפִשְׁעֵיהֶם, כִּי יִתְגַּבָּרוּ׃

וַיִּגֶל אָזְנָם לַמּוּסָר; וַיֹּאמֶר, כִּי־יְשֻׁבוּן מֵאָוֶן׃

אִם־יִשְׁמְעוּ, וְיַעֲבֹדוּ יְכַלּוּ יְמֵיהֶם בַּטּוֹב; וּשְׁנֵיהֶם, בַּנְּעִימִים׃

וְאִם־לֹא יִשְׁמְעוּ בְּשֶׁלַח יַעֲבֹרוּ; וְיִגְוְעוּ, כִּבְלִי־דָעַת׃

וְחַנְפֵי־לֵב יָשִׂימוּ אָף; לֹא יְשַׁוְּעוּ, כִּי אֲסָרָם׃

תָּמֹת בַּנֹּעַר נַפְשָׁם; וְחַיָּתָם, בַּקְּדֵשִׁים׃

יְחַלֵּץ עָנִי בְעָנְיוֹ; וְיִגֶל בַּלַּחַץ אָזְנָם׃

וְאַף הֲסִיתְךָ מִפִּי־צָר, רַחַב לֹא־מוּצָק תַּחְתֶּיהָ; וְנַחַת שֻׁלְחָנְךָ, מָלֵא דָשֶׁן׃

וְדִין־רָשָׁע מָלֵאתָ; דִּין וּמִשְׁפָּט יִתְמֹכוּ׃

כִּי־חֵמָה פֶּן־יְסִיתְךָ בְסָפֶק; וְרָב־כֹּפֶר, אַל־יַטֶּךָּ׃

הֲיַעֲרֹךְ שׁוּעֲךָ לֹא בְצָר; וְכֹל, מַאֲמַצֵּי־כֹחַ׃

אַל־תִּשְׁאַף הַלָּיְלָה; לַעֲלוֹת עַמִּים תַּחְתָּם׃

הִשָּׁמֶר אַל־תֵּפֶן אֶל־אָוֶן; כִּי־עַל־זֶה, בָּחַרְתָּ מֵעֹנִי׃

הֶן־אֵל יַשְׂגִּיב בְּכֹחוֹ; מִי כָמֹהוּ מוֹרֶה׃

מִי־פָקַד עָלָיו דַּרְכּוֹ; וּמִי־אָמַר, פָּעַלְתָּ עַוְלָה׃

זְכֹר כִּי־תַשְׂגִּיא פָעֳלוֹ; אֲשֶׁר שֹׁרְרוּ אֲנָשִׁים׃

כָּל־אָדָם חָזוּ־בוֹ; אֱנוֹשׁ, יַבִּיט מֵרָחוֹק׃

הֶן־אֵל שַׂגִּיא וְלֹא נֵדָע; מִסְפַּר שָׁנָיו וְלֹא־חֵקֶר׃

כִּי יְגָרַע נִטְפֵי־מָיִם; יָזֹקּוּ מָטָר לְאֵדוֹ׃

אֲשֶׁר־יִזְּלוּ שְׁחָקִים; יִרְעֲפוּ, עֲלֵי אָדָם רָב׃

אַף אִם־יָבִין מִפְרְשֵׂי־עָב; תְּשֻׁאוֹת, סֻכָּתוֹ׃

הֵן־פָּרַשׂ עָלָיו אוֹרוֹ; וְשָׁרְשֵׁי הַיָּם כִּסָּה׃

כִּי־בָם יָדִין עַמִּים; יִתֶּן־אֹכֶל לְמַכְבִּיר׃

עַל־כַּפַּיִם כִּסָּה־אוֹר; וַיְצַו עָלֶיהָ בְמַפְגִּיעַ׃

יַגִּיד עָלָיו רֵעוֹ; מִקְנֶה, אַף עַל־עוֹלֶה׃