Азбука веры » Би́блия » איוב » гл.20

איוב, Глава 20

Толкования

Толкования главы

20:1

см.:Иов.11:1;

20:2

20:3

20:4

20:5

см.:Евр.11:25;

20:6

20:7

см.:1Фес.5:3;Пс.36:36;

20:8

см.:Пс.72:19;Ис.29:7;

20:9

см.:Пс.36:10;Пс.102:16;

20:10

см.:Иов.21:19;Иов.27:14;

20:11

20:12

см.:Пс.54:22;

20:13

20:14

20:15

20:16

20:17

20:18

см.:Иер.12:13;

20:19

см.:Ис.5:8;

20:20

см.:Притч.10:2;Притч.11:4;Сир.5:10;Иез.7:19;

20:21

20:22

20:23

см.:Чис.11:33;

20:24

см.:Ис.24:18;Иер.48:44;

20:25

см.:Пс.7:13;Иез.21:10;

20:26

см.:Втор.32:22;Иер.15:14;Иер.17:4;

20:27

20:28

20:29

см.:Иов.18:21;Иов.27:13;

Еврейский

Языки

וַיַּעַן צֹפַר הַנַּעֲמָתִי, וַיֹּאמַר׃

לָכֵן שְׂעִפַּי יְשִׁיבוּנִי; וּבַעֲבוּר, חוּשִׁי בִי׃

מוּסַר כְּלִמָּתִי אֶשְׁמָע; וְרוּחַ, מִבִּינָתִי יַעֲנֵנִי׃

הֲזֹאת יָדַעְתָּ מִנִּי־עַד; מִנִּי שִׂים אָדָם עֲלֵי־אָרֶץ׃

כִּי רִנְנַת רְשָׁעִים מִקָּרוֹב; וְשִׂמְחַת חָנֵף עֲדֵי־רָגַע׃

אִם־יַעֲלֶה לַשָּׁמַיִם שִׂיאוֹ; וְרֹאשׁוֹ, לָעָב יַגִּיעַ׃

כְּגֶלֲלוֹ לָנֶצַח יֹאבֵד; רֹאָיו, יֹאמְרוּ אַיּוֹ׃

כַּחֲלוֹם יָעוּף וְלֹא יִמְצָאוּהוּ; וְיֻדַּד, כְּחֶזְיוֹן לָיְלָה׃

עַיִן שְׁזָפַתּוּ וְלֹא תוֹסִיף; וְלֹא־עוֹד, תְּשׁוּרֶנּוּ מְקוֹמוֹ׃

בָּנָיו יְרַצּוּ דַלִּים; וְיָדָיו, תָּשֵׁבְנָה אוֹנוֹ׃

עַצְמוֹתָיו מָלְאוּ עֲלוּמוֹ (עֲלוּמָיו); וְעִמּוֹ, עַל־עָפָר תִּשְׁכָּב׃

אִם־תַּמְתִּיק בְּפִיו רָעָה; יַכְחִידֶנָּה, תַּחַת לְשׁוֹנוֹ׃

יַחְמֹל עָלֶיהָ וְלֹא יַעַזְבֶנָּה; וְיִמְנָעֶנָּה, בְּתוֹךְ חִכּוֹ׃

לַחְמוֹ בְּמֵעָיו נֶהְפָּךְ; מְרוֹרַת פְּתָנִים בְּקִרְבּוֹ׃

חַיִל בָּלַע וַיְקִאֶנּוּ; מִבִּטְנוֹ, יוֹרִשֶׁנּוּ אֵל׃

רֹאשׁ־פְּתָנִים יִינָק; תַּהַרְגֵהוּ, לְשׁוֹן אֶפְעֶה׃

אַל־יֵרֶא בִפְלַגּוֹת; נַהֲרֵי נַחֲלֵי, דְּבַשׁ וְחֶמְאָה׃

מֵשִׁיב יָגָע וְלֹא יִבְלָע; כְּחֵיל תְּמוּרָתוֹ, וְלֹא יַעֲלֹס׃

כִּי־רִצַּץ עָזַב דַּלִּים; בַּיִת גָּזַל, וְלֹא יִבֶנֵהוּ׃

כִּי לֹא־יָדַע שָׁלֵו בְּבִטְנוֹ; בַּחֲמוּדוֹ, לֹא יְמַלֵּט׃

אֵין־שָׂרִיד לְאָכְלוֹ; עַל־כֵּן, לֹא־יָחִיל טוּבוֹ׃

בִּמְלֹאות שִׂפְקוֹ יֵצֶר לוֹ; כָּל־יַד עָמֵל תְּבוֹאֶנּוּ׃

יְהִי לְמַלֵּא בִטְנוֹ, יְשַׁלַּח־בּוֹ חֲרוֹן אַפּוֹ; וְיַמְטֵר עָלֵימוֹ, בִּלְחוּמוֹ׃

יִבְרַח מִנֵּשֶׁק בַּרְזֶל; תַּחְלְפֵהוּ, קֶשֶׁת נְחוּשָׁה׃

שָׁלַף וַיֵּצֵא מִגֵּוָה וּבָרָק מִמְּרֹרָתוֹ יַהֲלֹךְ, עָלָיו אֵמִים׃

כָּל־חֹשֶׁךְ טָמוּן לִצְפּוּנָיו תְּאָכְלֵהוּ אֵשׁ לֹא־נֻפָּח; יֵרַע שָׂרִיד בְּאָהֳלוֹ׃

יְגַלּוּ שָׁמַיִם עֲוֹנוֹ; וְאֶרֶץ, מִתְקוֹמָמָה לוֹ׃

יִגֶל יְבוּל בֵּיתוֹ; נִגָּרוֹת, בְּיוֹם אַפּוֹ׃

זֶה חֵלֶק־אָדָם רָשָׁע מֵאֱלֹהִים; וְנַחֲלַת אִמְרוֹ מֵאֵל׃ פ