Азбука веры » Би́блия » Е́здры 2-я » гл.7

Е́здры 2-я, Глава 7

Толкования

Толкования главы

Толковая Библия А.П. Лопухина

7:1

см.:1Езд.6:13;

7:2

7:3

7:4

см.:1Езд.6:14;

7:5

7:6

7:7

7:8

7:9

7:10

7:11

7:12

7:13

7:14

7:15

Церковнославянский (рус)

Языки

Тогда́ Сиси́ннiй епа́рхъ килисирі́йскiй и Финикі́йскiй, и саѳравуза́нъ, и дру́зiе, послѣ́дующе от да́рiа царя́ повелѣ́нiемъ,

настоя́ху свяще́ннымъ дѣло́мъ, прилѣ́жнѣе содѣ́йствующе старѣ́йшинамъ Иуде́евъ и священнонача́лникомъ:

и благопоспѣ́шна бя́ху свяще́нная дѣла́, прорица́ющымъ Агге́ю и Заха́рiи проро́комъ.

И соверши́ша сiя́ по за́повѣди Го́спода Бо́га Изра́илева и съ повелѣ́нiемъ ки́ра и да́рiа и Артаксе́ркса царе́й пе́рсскихъ:

и соверше́нъ бы́сть до́мъ святы́й да́же до тре́тiяго и двадеся́таго дне́ ме́сяца Ада́ра, шеста́го лѣ́та да́рiа царя́.

И сотвори́ша сы́нове Изра́илевы и свяще́нницы и леви́ти и про́чiи, и́же бя́ху от плѣне́нiя, приста́вленнiи, по напи́саннымъ въ кни́зѣ Моисе́овѣ,

и принесо́ша во обновле́нiе святи́лища Госпо́дня юнце́въ сто́, овно́въ двѣ́сти, а́гнцевъ четы́ре ста́,

козло́въ за грѣхи́ всего́ Изра́иля двана́десять по числу́, от племенонача́лниковъ Изра́илевыхъ двана́десяти.

И ста́ша свяще́нницы и леви́ти по племено́мъ одѣ́яни въ ри́зы, надъ дѣ́лы Го́спода Бо́га Изра́илева, по кни́зѣ Моисе́овѣ, и вра́тари надъ кі́имиждо две́рми,

И содѣ́яша сы́нове Изра́илевы съ су́щими от плѣне́нiя па́сху въ четвертыйна́десять де́нь пе́рваго ме́сяца, егда́ освяти́шася свяще́нницы и леви́ти.

Вси́ же сы́нове плѣне́нiя не вку́пѣ очи́стишася, поне́же леви́ти вси́ вку́пѣ очи́стишася

и пожро́ша па́сху всѣ́мъ сыново́мъ плѣне́нiя и бра́тiямъ и́хъ свяще́нникомъ и себѣ́ са́ми.

И ядо́ша сы́нове Изра́иле́вы, и́же от плѣне́нiя, вси́ отлучи́вшiися от ме́рзостей язы́ковъ земли́, и́щуще Го́спода,

и пра́здноваша пра́здникъ опрѣсно́ковъ се́дмь дні́й, веселя́щеся предъ Го́сподемъ,

поне́же обрати́ совѣ́тъ царя́ Ассирі́йскаго къ ни́мъ, е́же укрѣпи́ти ру́ки и́хъ на дѣла́ Го́спода Бо́га Изра́илева.