Пожертвовать

Начало богослужебного дня в 16:00.

Вседневный праздник
Знак по Типикону
Славословие
Полиелей
Укажите храм в Личном кабинете.
Богослужебные указания

Богослужебные указания за 28 февраля 2025 года


15. Пятница сырная. Ап. от 70-ти Они́сима.

Прп. Пафну́тия, затворника Печерского, в Дальних пещерах.

Служба ап. Они́сима не имеет праздничного знака, совершается вместе со службами Октоиха и Триоди (подобно службе в среду сырную).

На вечерне кафизма 15-я.

На «Господи, воззвах» стихиры на 6: Октоиха, глас 2-й – 3, и апостола, глас 1-й – 3. «Слава, и ныне» – Крестобогородичен Минеи, глас тот же: «Воздви́жена яко ви́де на Кресте́ А́гнца...».

Входа нет. Прокимен дня.

На стиховне стихиры Триоди, глас 2-й (с обычными припевами). «Слава, и ныне» – Крестобогородичен Триоди, глас тот же: «Грозд всезре́лый, Чи́стая...».

По Трисвятом – тропари, глас 4-й: «Богородице Дево...» (поклон). «Слава» – «Крести́телю Христо́в...» (поклон), «И ныне» – «Моли́те за ны...» (поклон), «Под Твое благоутро́бие...» (без поклона). Чтец: «Господи, помилуй» (40), «Слава, и ныне», «Честнейшую Херувим...», «Именем Господним благослови́, отче». Иерей: «Сый благослове́н...». Чтец: «Аминь». Молитва: «Небесный Царю́...». Иерей – молитву прп. Ефрема Сирина: «Господи и Владыко...» (с 16 поклонами). Чтец: «Аминь». Конечное Трисвятое. По «Отче наш» иерей – возглас. Чтец: «Аминь», «Господи, помилуй» (12). Иерей: «Слава Тебе, Христе Боже...». Хор: «Слава, и ныне», «Господи, помилуй» (трижды), «Благослови». Иерей – великий отпуст.

Совершается великое повечерие с поклонами (на повечерии пение везде заменяется чтением).

По «Достойно...» и Трисвятом не поется, как Великим постом, «Господи Сил, с нами бу́ди...», но – тропари малого повечерия, а именно:

В храме Господском – дневной тропарь: «Спаси́, Господи, лю́ди Твоя...». «Боже оте́ц наших...», «Иже во всем ми́ре...». «Слава» – «Со святыми упокой...», «И ныне» – «Молитвами, Господи...».

В храме Богородицы и святого – дневной тропарь: «Спаси, Господи...», тропарь храма. «Боже оте́ц наших...», «Иже во всем ми́ре...». «Слава» – «Со святыми упокой...», «И ныне» – «Молитвами, Господи...».

Чтец: «Господи, помилуй» (40). Молитва: «Иже на всякое время...». «Господи, помилуй» (трижды), «Слава, и ныне», «Честнейшую Херувим...», «Именем Господним благослови, отче». Иерей – возглас: «Боже, уще́дри ны...». Чтец: «Аминь». Иерей – молитву прп. Ефрема Сирина (с 16 поклонами). Чтец: «Аминь». Конечное Трисвятое. По «Отче наш» иерей – возглас. Чтец: «Аминь», «Господи, помилуй» (12). Молитвы: «Нескве́рная, Небла́зная...», «И даждь нам, Владыко...», «Пресла́вная Присноде́во...», «Упова́ние мое...». Иерей: «Слава Тебе, Христе Боже...». Хор или чтец: «Слава, и ныне», «Господи, помилуй» (трижды), «Благослови». Иерей – отпуст малый (но не «Владыко Многомилостиве...»). Обычное прощение от настоятеля и ектения: «Помо́лимся о Великом Господине...», в конце которой иерей глаголет: «Рцем и о себе саме́х». Хор: «Господи, помилуй» (трижды). Иерей: «Молитвами святых отец наших...». Хор: «Аминь».

Полунощница вседневная с «покло́ны ея́» и молитвой прп. Ефрема Сирина (с 16 поклонами).

На утрене по возгласе «Благословен Бог наш...» – Трисвятое. По «Отче наш» иерей – возглас: «Яко Твое есть Царство...». Чтец: «Аминь», «Господи, помилуй» (12), «Слава, и ныне», «Прииди́те, поклони́мся...», псалмы 19-й и 20-й и прочее по чину.

Вместо «Бог Господь» – «Аллилуия» во глас Октоиха (в данном случае 2-й). Троичны гласа (как Великим постом). Кафизмы 19-я и 20-я. Малых ектений нет.

По 1-м стихословии – седальны Октоиха, глас 2-й.

По 2-м стихословии – седальны Триоди, глас 7-й.

Псалом 50-й.

Библейские песни «Господеви поем...».

Песнь 1-я – Октоиха 1-й канон[1] со ирмосом на 6 (ирмос единожды), Минеи на 4 (без ирмоса, песнь 1-я), Триоди полный канон на 4 (без ирмоса, песнь 1-я).

Песнь 3-я – Октоиха 1-й канон со ирмосом на 6 (ирмос единожды), Минеи на 4 (без ирмоса, песнь 3-я), Триоди полный канон на 4 (без ирмоса, песнь 3-я).

На катавасию – ирмос полного канона Триоди, глас 8-й: «Небе́снаго кру́га...».

По 3-й песни – малая ектения; седален апостола, глас 4-й. «Слава, и ныне» – Крестобогородичен Минеи, глас тот же.

Песнь 4-я – Октоиха 1-й канон со ирмосом, без мученичнов, на 4 (ирмос единожды), Минеи на 6 (без ирмосов, песнь 4-я и 5-я), Триоди полный канон на 4 (без ирмоса, песнь 4-я).

Песнь 5-я – Триоди полный канон со ирмосом на 6 (ирмос единожды), трипеснцы Триоди на 8 (без ирмосов)[2].

На катавасию – ирмос 2-го трипеснца, глас 8-й: «Вску́ю мя отри́нул еси...».

Песнь 6-я – Октоиха 1-й канон со ирмосом, без мученичнов, на 4 (ирмос единожды), Минеи на 6 (без ирмосов, песнь 6-я и 8-я), Триоди полный канон на 4 (без ирмоса, песнь 6-я).

На катавасию – ирмос полного канона Триоди, глас 8-й: «Очи́сти мя, Спа́се...».

По 6-й песни – малая ектения; кондак апостола, глас 4-й.

Песнь 7-я – Октоиха 1-й канон со ирмосом, без мученичнов, на 4 (ирмос единожды), Минеи на 6 (без ирмосов, песнь 7-я и 9-я), Триоди полный канон на 4 (без ирмоса, песнь 7-я).

Песнь 8-я – Триоди полный канон со ирмосом на 6 (ирмос единожды), трипеснцы Триоди на 8 (без ирмосов). «Хва́лим, благослови́м...».

На катавасию – ирмос 2-го трипеснца, глас 8-й: «А́нгели и Небеса́...».

На 9-й песни поем «Честнейшую». (Совершается обычное каждение.)

Песнь 9-я – Триоди полный канон со ирмосом на 6 (ирмос единожды), трипеснцы Триоди на 8 (без ирмосов).

На катавасию – ирмос 2-го трипеснца, глас 8-й: «Чу́жде ма́терем де́вство...».

По 9-й песни поется «Достойно есть». Малая ектения. Светильны Троичны гласа (как Великим постом).

«Хвалите Господа с Небес...» и хвалитные псалмы.

Читается вседневное славословие.

На стиховне стихиры Триоди, глас 6-й (с припевами обычными). «Слава, и ныне» – Крестобогородичен Триоди, глас тот же: «Всечи́стая яко ви́де Тебе́ на Кресте́ пове́шена...».

«Благо есть...» (единожды). Трисвятое. По «Отче наш» иерей – возглас: «Яко Твое есть Царство...». По возгласе глаголется тропарь: «В храме стоя́ще славы Твоея...». «Господи, помилуй» (40), «Слава, и ныне», «Честнейшую Херувим...», «Именем Господним благослови, отче». Иерей: «Сый благослове́н Христос...». Чтец: «Аминь». Молитва: «Небесный Царю́...». Иерей – молитву прп. Ефрема Сирина (с 16 поклонами). Чтец: «Аминь», и сразу (без отпуста утрени) – 1-й час.

Примечание. На часах кафизм не положено. Ударов на каждом часе в колокол, как это бывает Великим постом, нет.

1-й час. «Прииди́те, поклони́мся...» (трижды) и обычные псалмы. По великопостному чину, читается (но не поется) тропарь: «Зау́тра услыши...» со своими стихами (стих 1-й: «Глаго́лы моя внуши́ Господи...», и стих 2-й: «Яко к Тебе помолю́ся...»). «Слава, и ныне» – Богородичен часа: «Что Тя нарече́м...». «Стопы́ моя напра́ви...», «Да испо́лнятся уста́ моя...», Трисвятое. По «Отче наш» иерей – возглас. Чтец – тропарь: «Скоро предвари́...». «Господи, помилуй» (40). Молитва: «Иже на всякое время...». «Господи, помилуй» (трижды), «Слава, и ныне», «Честнейшую Херувим...», «Именем Господним благослови, отче». Иерей: «Боже, уще́дри ны...». Чтец: «Аминь». Иерей – молитву прп. Ефрема Сирина (с 16 поклонами). Чтец: «Аминь». Конечное Трисвятое. По «Отче наш» иерей – возглас. Чтец: «Аминь», «Господи, помилуй» (12). Иерей: «Христе, Свете Истинный...». Хор (по обычаю): «Взбранной Воево́де...». Иерей: «Слава Тебе, Христе Боже...». Хор: «Слава, и ныне», «Господи, помилуй» (трижды), «Благослови». Отпуст и многолетны. Исхождение в притвор и обычная лития о усопших.

3-й час. Иерей в епитрахили, перед царскими вратами (завеса не открывается) совершив три поклона (поясных), произносит возглас: «Благословен Бог наш...». Чтец: «Аминь», «Слава Тебе, Боже наш...» и прочее последование 3-го часа, как обычно. По великопостному чину, читается (но не поется) тропарь: «Господи, Иже Пресвятаго Твоего Духа...» со своими стихами (стих 1-й: «Сердце чи́сто сози́жди во мне, Боже...», и стих 2-й: «Не отве́ржи мене от лица Твоего...»). «Слава, и ныне» – Богородичен часа: «Богородице, Ты еси лоза́ истинная...». «Господь Бог благословен...», Трисвятое. По «Отче наш» иерей – возглас. Чтец – тропарь: «Благослове́н еси, Христе Боже наш...», «Слава» – ин тропарь: «Скорое и известное даждь утеше́ние...», «И ныне» – Богородичен: «Надежда и предста́тельство...». «Господи, помилуй» (40). Молитва: «Иже на всякое время...». «Господи, помилуй» (трижды), «Слава, и ныне», «Честнейшую Херувим...», «Именем Господним благослови, отче». Иерей: «Боже, уще́дри ны...». Чтец: «Аминь». Иерей – молитву прп. Ефрема Сирина (с 16 поклонами). Чтец: «Аминь». Молитва: «Владыко Боже...», и начинается 6-й час.

6-й час. «Прииди́те, поклони́мся...» (трижды) и обычные псалмы. По великопостному чину, читается (но не поется) тропарь: «Иже в шесты́й день же и час...» со своими стихами (стих 1-й: «Внуши́, Боже, молитву мою...», и стих 2-й: «Аз к Богу воззва́х...»). «Слава, и ныне» – Богородичен часа: «Яко не и́мамы дерзновения...». Чтец – тропарь пророчества (Триоди), глас 8-й: «Даждь нам по́мощь...», «Слава, и ныне» – тот же тропарь. Иерей (или диакон): «Вонмем». Чтец – прокимен Триоди, глас 1-й: «Бу́ди, Господи, милость Твоя...»; стих: «Радуйтеся, пра́веднии, о Го́споде...». Иерей (или диакон): «Премудрость». Чтец: «Пророчества Заха́риина чтение». Иерей (или диакон): «Вонмем». Чтец читает паримию Триоди. По окончании чтения иерей (или диакон): «Вонмем». Чтец – прокимен Триоди, глас 3-й: «По́йте Богу нашему, по́йте...»; стих: «Вси язы́цы, восплещи́те руками...». После пения прокимна чтец: «Скоро да предваря́т ны...», Трисвятое. По «Отче наш» иерей – возглас. Чтец – тропарь: «Спасение соде́лал еси...», «Слава» – ин тропарь: «Пречистому Образу Твоему...», «И ныне» – Крестобогородичен: «Препросла́влена еси, Богородице Дево...». «Господи, помилуй» (40). Молитва: «Иже на всякое время...». «Господи, помилуй» (трижды), «Слава, и ныне», «Честнейшую Херувим...», «Именем Господним...». Иерей: «Боже, уще́дри ны...». Чтец: «Аминь». Иерей – молитву прп. Ефрема Сирина (с 16 поклонами). Чтец: «Аминь». Молитва: «Боже и Господи Сил...», и начинается 9-й час.

9-й час. «Прииди́те, поклони́мся...» (трижды) и обычные псалмы. По великопостному чину, читается (но не поется) тропарь: «Иже в девятый час...» со своими стихами (стих 1-й: «Да прибли́жится молитва моя...», и стих 2-й: «Да вни́дет прошение мое...»). «Слава, и ныне» – Богородичен часа: «Иже нас ра́ди...». «Не преда́ждь нас до конца...», Трисвятое. По «Отче наш» иерей – возглас. Чтец – тропарь: «Ви́дя разбойник...», «Слава» – ин тропарь: «Посреде́ двою́ разбойнику...», «И ныне» – Крестобогородичен: «Агнца, и Пастыря...». «Господи, помилуй» (40). Молитва: «Иже на всякое время...». «Господи, помилуй» (трижды), «Слава, и ныне», «Честнейшую Херувим...», «Именем Господним благослови, отче». Иерей: «Боже, уще́дри ны...». Чтец: «Аминь». Иерей – молитву прп. Ефрема Сирина (с тремя великими поклонами). Чтец: «Аминь». Молитва: «Владыко, Господи Иисусе Христе, Боже наш...», и начинаются изобразительны. (По традиции, открывается завеса царских врат.)

Изобразительны читаются: «Благослови́, душе́ моя, Го́спода...», «Слава» – «Хвали́, душе́ моя, Господа...», «И ныне» – «Единородный Сыне...». Блаженны без пения: «Во Царствии Твоем...». «Слава, и ныне» – «Помяни нас, Господи...», «Помяни нас, Владыко...», «Помяни нас, Святый...», «Лик Небесный...», «Приступи́те к Нему...», «Лик Небесный...». «Слава» – «Лик святых Ангел...», «И ныне» – «Верую...», «Осла́би, оста́ви...», «Отче наш». Иерей – возглас. Чтец: «Аминь», и читает кондаки.

Кондаки:

В храме Господском – кондак дневной, кондак апостола. «Слава» – «Со святыми упокой...», «И ныне» – «Предстательство христиан...».

В храме Богородицы – кондак дневной, кондак апостола. «Слава» – «Со святыми упокой...», «И ныне» – кондак храма.

В храме святого – кондак дневной, кондак храма, кондак апостола. «Слава» – «Со святыми упокой...», «И ныне» – «Предстательство христиан...».

Чтец: «Господи, помилуй» (40). «Слава, и ныне», «Честнейшую Херувим...», «Именем Господним...». Иерей: «Боже, уще́дри ны...». Чтец: «Аминь». Иерей – молитву прп. Ефрема Сирина (с 16 поклонами).

И сразу начинается вечерня. Чтец: «Аминь»[3], «Прииди́те, поклони́мся...» (трижды) и 103-й псалом. Великая ектения. Стихословится 18-я кафизма, после которой – малая ектения.

На «Господи, воззвах» стихиры Триоди (отцов), глас 8-й – 6 (каждая стихира – дважды). «Слава» – Триоди (отцов), глас 6-й: «Е́же по о́бразу соблю́дше невреди́мо...», «И ныне» – догматик, глас 2-й: «Пре́йде сень зако́нная...».

Входа нет. «Свете Тихий». Диакон (или иерей) возглашает (в алтаре): «Вонмем». Иерей: «Мир всем»[4]. Чтец: «И духови твоему». Диакон (или иерей): «Премудрость. Вонмем». Чтец – прокимен Триоди (дня), глас 7-й: «Бо́же, Засту́пник мой еси Ты...»; стих: «Изми́ мя от враг мои́х, Бо́же...». Диакон (или иерей): «Премудрость». Чтец: «Пророчества Заха́риина чтение». Диакон (или иерей): «Вонмем». Чтец читает паримию Триоди. Диакон (или иерей): «Вонмем». Чтец – прокимен Триоди, глас 6-й: «Да упова́ет Израиль на Го́спода...»; стих: «Го́споди, не вознесе́ся сердце мое...». «Сподоби, Господи...». Ектения просительная: «Испо́лним вечернюю молитву...», и молитва главопреклонения.

На стиховне стихиры Триоди, глас 2-й (с обычными припевами). «Слава» – Триоди (отцов), глас 8-й: «Мона́хов мно́жества...», «И ныне» – Богородичен Триоди, глас тот же: «Ра́дуйся, чистоты́ Сокро́вище...».

По Трисвятом – тропарь Триоди (отцов), глас 4-й: «Бо́же оте́ц наших...». «Слава, и ныне» – Богородичен воскресный, глас тот же: «Еже от ве́ка...». Ектения сугубая: «Помилуй нас, Боже...». Иерей – возглас: «Яко Милостив и Человеколюбец...». Хор: «Аминь».

Примечание. После возгласа ектении: «Яко Милостив...» – обычный возглас: «Премудрость», хор: «Благослови», иерей: «Сый благослове́н...». Молитва: «Небесный Царю́...» [или: «Утверди́, Боже...»][5], после чего – 3 великих поклона с молитвой прп. Ефрема Сирина (ср.: Никольский К., прот. Пособие к изучению Устава богослужения Православной Церкви. С. 170–172, 230–234, 326).

Иерей – молитву прп. Ефрема Сирина (с тремя великими поклонами). Чтец: «Аминь». Молитва: «Всесвятая Троице...». «Бу́ди имя Господне...» (трижды), «Слава, и ныне», «Благословлю́ Го́спода...» (псалом 33-й). Иерей (или диакон): «Премудрость». Хор: «Достойно есть...» до слов: «и Матерь Бога нашего» (включительно). Иерей: «Пресвятая Богородице, спаси нас». Хор: «Честнейшую Херувим...». Иерей: «Слава Тебе, Христе Боже...». Хор: «Слава, и ныне», «Господи, помилуй» (трижды), «Благослови». Отпуст и, по обычаю, многолетны.

Примечание. «И быва́ет трапе́за по обы́чаю, я́коже в сре́ду сы́рную указа́ся. На трапе́зе же чтем Сло́во о посте́ свята́го Дорофе́я» (Типикон, гл. 49, «В пято́к сы́рный ве́чера...»).

На малом повечерии поется служба вмч. Фео́дора Ти́рона (с 17 февраля)[6], а также канон о усопших, Октоиха, глас 2-й (без ирмосов)[7].

Примечание. Также на повечерие может быть перенесена служба сщмч. Ермоге́на, патриарха Московского и всея Руси, чудотворца (с 17 февраля), если она не будет совершаться в сам день праздника.

По Трисвятом – кондак Триоди (отцов).

Литургия в этот день не совершается.

1 По мнению В. Розанова (см. его «Богослужебный Устав Православной Церкви», с. 435, 438), из Октоиха поются оба канона (1-й – Креста, 2-й – Богородицы): в 1-й и 3-й песнях – со ирмосом на 6 (ирмос 1-го канона единожды; каждый канон на 3); в 4-й, 6-й и 7-й песнях – со ирмосом на 4 (ирмос 1-го канона единожды; каждый канон на 2).

2 После Богородична 2-го трипеснца – еще дополнительный тропарь со стихом: «Слава Тебе, Боже наш, слава Тебе», который в счет не входит.

3 На заключительное чтение молитвы прп. Ефрема Сирина.

4 На вечерне благословение «Мир всем» после «Свете Тихий» положено в тех случаях, когда есть вход или паримии (ср.: Розанов В. Богослужебный Устав Православной Церкви. С. 437; 441, сноска; 468). Также допустимо это благословение и на вседневной вечерне без паримий (Там же. С. 103).

5 Традиция, согласно которой вместо молитвы «Небесный Царю...» поется: «Утверди, Боже...», является допустимой.

6 См.: Розанов В. Богослужебный Устав Православной Церкви. С. 631–636. О порядке пения служб на повечерии см. 26 февраля, во вторник 2-й седмицы Великого поста. См. также примечание на повечерии в субботу мясопустную (9 февраля).

7 Канон о усопших заимствуется из Октоиха с утрени субботы текущего гласа (2-й канон).

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 15

Псалом 105

Испове́дайтеся Го́сподеви, я́ко благ, я́ко в век ми́лость Его́. Кто возглаго́лет си́лы Госпо́дни? Слы́шаны сотвори́т вся хвалы́ Его́? Блаже́ни храня́щии суд и творя́щии пра́вду во вся́кое вре́мя. Помяни́ нас, Го́споди, во благоволе́нии люде́й Твои́х, посети́ нас спасе́нием Твои́м. Ви́дети во бла́гости избра́нныя Твоя́, возвесели́тися в весе́лии язы́ка Твоего́, хвали́тися с достоя́нием Твои́м. Согреши́хом со отцы́ на́шими, беззако́нновахом, непра́вдовахом. Отцы́ на́ши во Еги́пте не разуме́ша чуде́с Твои́х, ни помяну́ша мно́жества ми́лости Твоея́ и преогорчи́ша восходя́ще в Чермно́е мо́ре. И спасе́ их и́мене Своего́ ра́ди, сказа́ти си́лу Свою́, и запрети́ Чермно́му мо́рю, и изся́че, и наста́ви я́ в бе́здне, я́ко в пусты́ни. И спасе́ я́ из руки́ ненави́дящих, и изба́ви я́ из руки́ враго́в. Покры́ вода́ стужа́ющыя им, ни еди́н от них избы́сть. И ве́роваша словеси́ Его́, и воспе́ша хвалу́ Его́. Ускори́ша, забы́ша дела́ Его́, не стерпе́ша сове́та Его́ и похоте́ша жела́нию в пусты́ни, и искуси́ша Бо́га в безво́дней. И даде́ им проше́ние их, посла́ сы́тость в ду́шы их. И прогне́ваша Моисе́а в стану́, Ааро́на свята́го Госпо́дня. Отве́рзеся земля́ и пожре́ Дафа́на, и покры́ на со́нмищи Авиро́на, и разжже́ся огнь в со́нме их, пла́мень попали́ гре́шники. И сотвори́ша тельца́ в Хори́ве, и поклони́шася истука́нному, и измени́ша сла́ву Его́ в подо́бие тельца́ яду́щаго траву́, и забы́ша Бо́га спаса́ющаго их, сотво́ршаго ве́лия во Еги́пте, чудеса́ в земли́ Ха́мове, стра́шная в мо́ри Чермне́м. И рече́ потреби́ти их, а́ще не бы Моисе́й, избра́нный Его́, стал в сокруше́нии пред Ним, возврати́ти я́рость Его́, да не погуби́т их. И уничижи́ша зе́млю жела́нную, не я́ша ве́ры словеси́ Его́, и поропта́ша в селе́ниих свои́х, не услы́шаша гла́са Госпо́дня. И воздви́же ру́ку Свою́ на ня, низложи́ти я́ в пусты́ни. И низложи́ти се́мя их во язы́цех, и расточи́ти я́ в страны́. И причасти́шася Веельфего́ру, и снедо́ша же́ртвы ме́ртвых. И раздражи́ша Eго́ в начина́ниих свои́х, и умно́жися в них паде́ние. И ста Финее́с, и уми́лостиви, и преста́ сечь. И вмени́ся eму́ в пра́вду, в род и род до ве́ка. И прогне́ваша Его́ на воде́ пререка́ния, и озло́блен бысть Моисе́й их ра́ди, я́ко преогорчи́ша дух eго́ и ра́знствова устна́ма свои́ма. Не потреби́ша язы́ки, я́же рече́ Госпо́дь им, и смеси́шася во язы́цех, и навыко́ша дело́м их. И порабо́таша истука́нным их, и бысть им в собла́зн, и пожро́ша сы́ны своя́ и дще́ри своя́ бесово́м, и пролия́ша кровь непови́нную, кровь сыно́в свои́х и дще́рей, я́же пожро́ша истука́нным ханаа́нским, и убие́на бысть земля́ их кровьми́, и оскверни́ся в де́лех их, и соблуди́ша в начина́ниих свои́х. И разгне́вася я́ростию Госпо́дь на лю́ди Своя́, и омерзи́ достоя́ние Свое́, и предаде́ я́ в ру́ки враго́в, и облада́ша и́ми ненави́дящии их. И стужи́ша им врази́ их, и смири́шася под рука́ми их. Мно́жицею изба́ви я́, ти́и же преогорчи́ша Его́ сове́том свои́м и смири́шася в беззако́ниих свои́х. И ви́де Госпо́дь, внегда́ скорбе́ти им, внегда́ услы́шаше моле́ние их. И помяну́ заве́т Свой, и раска́яся по мно́жеству ми́лости Своея́, и даде́ я́ в щедро́ты пред все́ми плени́вшими я́. Спаси́ ны, Го́споди Бо́же наш, и собери́ ны от язы́к испове́датися и́мени Твоему́ свято́му, хвали́тися во хвале́ Твое́й. Благослове́н Госпо́дь Бог Изра́илев от ве́ка и до ве́ка. И реку́т вси лю́дие: бу́ди, бу́ди.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 106

Испове́дайтеся Го́сподеви, я́ко благ, я́ко в век ми́лость Его́. Да реку́т изба́влении Го́сподем, и́хже изба́ви из руки́ врага́ и от стран собра́ их, от восто́к и за́пад, и се́вера, и мо́ря. Заблуди́ша в пусты́ни безво́дней, пути́ гра́да оби́тельнаго не обрето́ша. А́лчуще и жа́ждуще, душа́ их в них исчезе́. И воззва́ша ко Го́споду, внегда́ скорбе́ти им, и от нужд их изба́ви я́, и наста́ви я́ на путь прав, вни́ти во град оби́тельный. Да испове́дятся Го́сподеви ми́лости Его́, и чудеса́ Его́ сыново́м челове́ческим, я́ко насы́тил есть ду́шу тщу и ду́шу а́лчущу испо́лни благ. Седя́щыя во тьме и се́ни сме́ртней, окова́нныя нище́тою и желе́зом, я́ко преогорчи́ша словеса́ Бо́жия и сове́т Вы́шняго раздражи́ша. И смири́ся в труде́х се́рдце их, и изнемого́ша, и не бе помога́яй. И воззва́ша ко Го́споду, внегда́ скорбе́ти им, и от нужд их спасе́ я́, и изведе́ я́ из тьмы и се́ни сме́ртныя, и у́зы их растерза́. Да испове́дятся Го́сподеви ми́лости Его́, и чудеса́ Его́ сыново́м челове́ческим, я́ко сокруши́ врата́ ме́дная и вереи́ желе́зныя сломи́. Восприя́т я́ от пути́ беззако́ния их, беззако́ний бо ра́ди свои́х смири́шася. Вся́каго бра́шна возгнуша́ся душа́ их, и прибли́жишася до врат сме́ртных. И воззва́ша ко Го́споду, внегда́ скорбе́ти им, и от нужд их спасе́ я́, посла́ Сло́во Свое́ и исцели́ я́, и изба́ви я́ от растле́ний их. Да испове́дятся Го́сподеви ми́лости Его́, и чудеса́ Его́ сыново́м челове́ческим, и да пожру́т Ему́ же́ртву хвалы́, и да возвестя́т дела́ Его́ в ра́дости. Сходя́щии в мо́ре в корабля́х, творя́щии де́лания в вода́х мно́гих, ти́и ви́деша дела́ Госпо́дня и чудеса́ Его́ во глубине́. Рече́, и ста дух бу́рен, и вознесо́шася во́лны eго́, восхо́дят до небе́с и низхо́дят до бездн, душа́ их в злых та́яше: смято́шася, подвиго́шася, я́ко пия́ный, и вся му́дрость их поглощена́ бысть. И воззва́ша ко Го́споду, внегда́ скорбе́ти им, и от нужд их изведе́ я́, и повеле́ бу́ри, и ста в тишину́, и умолко́ша во́лны eго́. И возвесели́шася, я́ко умолко́ша, и наста́ви я́ в приста́нище хоте́ния своего́. Да испове́дятся Го́сподеви ми́лости Его́, и чудеса́ Его́ сыново́м челове́ческим: да вознесу́т Его́ в це́ркви людсте́й и на седа́лищи ста́рец восхва́лят Его́. Положи́л есть ре́ки в пусты́ню, и исхо́дища водна́я в жа́жду, зе́млю плодоно́сную в сла́ность, от зло́бы живу́щих на ней. Положи́л есть пусты́ню во езе́ра водна́я и зе́млю безво́дную во исхо́дища водна́я. И насели́ та́мо а́лчущыя, и соста́виша гра́ды оби́тельны, и насе́яша се́ла, и насади́ша виногра́ды, и сотвори́ша плод жи́тен. И благослови́ я́, и умно́жишася зело́, и скоты́ их не ума́ли. И ума́лишася, и озло́бишася от ско́рби зол и боле́зни. Излия́ся уничиже́ние на кня́зи их, и облазни́ я́ по непрохо́дней, а не по пути́. И помо́же убо́гу от нищеты́ и положи́ я́ко о́вцы оте́чествия. У́зрят пра́вии и возвеселя́тся, и вся́кое беззако́ние загради́т уста́ своя́. Кто прему́др и сохрани́т сия́? И уразуме́ют ми́лости Госпо́дни.

Чтец: Сла́ва Отцу́ и Сы́ну и Свято́му Ду́ху.

Лик: И ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Лик: Го́споди, поми́луй. (Трижды)

Лик: Сла́ва Отцу́ и Сы́ну и Свято́му Ду́ху.

Чтец: И ны́не и при́сно, и во ве́ки веко́в. Ами́нь.

Псалом 107

Гото́во се́рдце мое́, Бо́же, гото́во се́рдце мое́: воспою́ и пою́ во сла́ве мое́й. Воста́ни сла́ва моя́, воста́ни псалти́рю и гу́сли, воста́ну ра́но. Испове́мся Тебе́ в лю́дех, Го́споди, пою́ Тебе́ во язы́цех. Я́ко ве́лия верху́ небе́с ми́лость Твоя́ и до о́блак и́стина Твоя́. Вознеси́ся на небеса́, Бо́же, и пo всей земли́ сла́ва Твоя́, я́ко да изба́вятся возлю́бленнии Твои́: спаси́ десни́цею Твое́ю и услы́ши мя. Бог возглаго́ла во святе́м Свое́м: вознесу́ся и разделю́ Сики́му, и удо́ль селе́ний разме́рю. Мой есть Галаа́д и Мой есть Манасси́й, и Ефре́м заступле́ние главы́ Моея́, Иу́да царь Мой. Моа́в коно́б упова́ния Моего́, на Идуме́ю наложу́ сапо́г Мой: Мне иноплеме́нницы покори́шася. Кто введе́т мя во град огражде́ния? Или́ кто наста́вит мя до Идуме́и? Не Ты ли, Бо́же, отри́нувый нас? И не изы́деши, Бо́же, в си́лах на́ших? Даждь нам по́мощь от ско́рби, и су́етно спасе́ние челове́ческо. О Бо́зе сотвори́м си́лу, и Той уничижи́т враги́ на́ша.

Псалом 108

Бо́же, хвалы́ моея́ не премолчи́, я́ко уста́ гре́шнича и уста́ льсти́ваго на мя отверзо́шася, глаго́лаша на мя язы́ком льсти́вым, и словесы́ ненави́стными обыдо́ша мя, и бра́шася со мно́ю ту́не. Вме́сто е́же люби́ти мя, оболга́ху мя, аз же моля́хся, и положи́ша на мя зла́я за блага́я, и не́нависть за возлюбле́ние мое́. Поста́ви на него́ гре́шника, и диа́вол да ста́нет одесну́ю eго́. Внегда́ суди́тися eму́, да изы́дет осужде́н, и моли́тва eго́ да бу́дет в грех. Да бу́дут дни́е eго́ ма́ли, и епи́скопство eго́ да прии́мет ин: да бу́дут сы́нове eго́ си́ри, и жена́ eго́ вдова́: дви́жущеся да преселя́тся сы́нове eго́ и воспро́сят, да изгна́ни бу́дут из домо́в свои́х. Да взы́щет заимода́вец вся, ели́ка суть eго́, и да восхи́тят чужди́и труды́ eго́. Да не бу́дет eму́ засту́пника, ниже́ да бу́дет ущедря́яй сироты́ eго́. Да бу́дут ча́да eго́ в погубле́ние, в ро́де еди́ном да потреби́тся и́мя eго́. Да воспомяне́тся беззако́ние оте́ц eго́ пред Го́сподем, и грех ма́тере eго́ да не очи́стится. Да бу́дут пред Го́сподем вы́ну и да потреби́тся от земли́ па́мять их. Зане́же не помяну́ сотвори́ти ми́лость, и погна́ челове́ка ни́ща и убо́га, и умиле́на се́рдцем умертви́ти. И возлюби́ кля́тву, и прии́дет eму́, и не восхоте́ благослове́ния, и удали́тся от него́. И облече́ся в кля́тву я́ко в ри́зу, и вни́де я́ко вода́ во утро́бу eго́, и я́ко еле́й в ко́сти eго́. Да бу́дет eму́ я́ко ри́за, в ню́же облачи́тся, и я́ко по́яс, и́мже вы́ну опоясу́ется. Сие́ де́ло оболга́ющих мя у Го́спода и глаго́лющих лука́вая на ду́шу мою́. И ты, Го́споди, Го́споди, сотвори́ со мно́ю и́мене ра́ди Твоего́, я́ко бла́га ми́лость Твоя́. Изба́ви мя, я́ко нищ и убо́г есмь аз, и се́рдце мое́ смяте́ся внутрь мене́. Я́ко сень, внегда́ уклони́тися ей, отъя́хся, стрясо́хся я́ко пру́зи. Коле́на моя́ изнемого́ста от поста́, и плоть моя́ измени́ся еле́а ра́ди. И аз бых поноше́ние им, ви́деша мя, покива́ша глава́ми свои́ми. Помози́ ми, Го́споди Бо́же мой, и спаси́ мя по ми́лости Твое́й, и да разуме́ют, я́ко рука́ Твоя́ сия́, и Ты, Го́споди, сотвори́л еси́ ю́. Проклену́т ти́и, и Ты благослови́ши, востаю́щии на мя да постыдя́тся, раб же Твой возвесели́тся. Да облеку́тся оболга́ющии мя в срамоту́, и оде́ждутся, я́ко оде́ждею, студо́м свои́м. Испове́мся Го́сподеви зело́ усты́ мои́ми, и посреде́ мно́гих восхвалю́ Его́, я́ко предста́ одесну́ю убо́гаго, е́же спасти́ от гоня́щих ду́шу мою́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние.
Паду́т во мре́жу свою́ гре́шницы: един есмь аз, дондеже прейду. Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ни́м моле́ние мое́, печа́ль мою́ пред Ни́м возвещу́. Внегда́ исчеза́ти от мене́ ду́ху моему́ и Ты́ позна́л еси́ стези́ моя́: на пути́ се́м, по нему́же хожда́х, скры́ша се́ть мне́. Смотря́х одесну́ю и возгля́дах, и не бе́ зна́яй мене́: поги́бе бе́гство от мене́, и не́сть взыска́яй ду́шу мою́. Воззва́х к Тебе́ Го́споди, ре́х: Ты́ еси́ упова́ние мое́, ча́сть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя́ от гоня́щих мя́, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 2: Спа́се, на Кресте́ пригвозди́вся, со́лнце ви́дев помрачи́ся от стра́ха твоего́, и заве́са церко́вная раздра́ся: земля́ же потрясе́ся, и ка́мение та́кожде тре́петом распадо́шася, зре́ти не терпя́ще Зижди́теля своего́ и Бо́га, на Дре́ве стра́ждуща непра́ведно во́лею, и от беззако́нник досажда́ема.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 2: Ве́сь низложе́н бы́сть на зе́млю, ве́сь уязви́вся, и лежи́т паде́нием чу́дным зми́й вселука́вый, вознесе́ну бы́вшу Ти́ на Дре́во, Человеколю́бче: Ада́м же от кля́твы разреша́ется, и спаса́ем быва́ет, и́же пре́жде осужде́ный. Те́мже и мы́ мо́лимся: спаси́ на́с, Ще́дрый, все́х, и Ца́рствия Твоего́ сподо́би.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 2: Егда́ воздви́глся на Кре́ст, и в ре́бра прободе́н бы́л еси́ копие́м, Безгре́шне, со́лнце сокрыва́шеся, зре́ти не хотя́, Спа́се, и земля́ колеба́шеся, и ка́мение стра́хом тогда́ распада́шеся, досажда́ему Тебе́. Тва́рь же вопия́ше вся́: сла́ва распя́тию Твоему́, Сло́ве, и́мже все́х спа́сл еси́, Человеколю́бче.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 1: Всыня́ема благода́тию ве́ры ра́ди Бо́гу/ и рожде́на Па́вловой ве́рою,/ Боже́ственнаго апо́стола Они́сима Богому́ченика,/ днесь свяще́нную его́ па́мять/ пе́сньми соверша́юще, восхваля́ем.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 1: Сообра́зно рабо́ты избежа́в, му́дре, преле́стныя,/ ча́до Бо́гу был еси́ по благода́ти,/ Ду́хом Святы́м и ве́рою Христо́вою/ Па́вловым Боже́ственным и прехва́льным приме́шься ученико́м,/ благопотре́бне Они́симе.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 1: Я́ко учени́к быв Сло́ва,/ пропове́дником и апо́столом, Боже́ственным Па́влом всехва́льным,/ Они́симе треблаже́нне,/ три́щи сугу́б о Христе́ и вене́ц прие́млеши,/ я́ко свяще́нник,/ и я́ко проповедник,/ и я́ко страда́лец украша́емь, прехва́льне.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Крестобогородичен, глас 1: Воздви́жена я́ко ви́де на Кресте́ А́гнца,/ Непоро́чная Де́ва, пла́чущи, вопия́ше:/ сла́дкое Мое́ Ча́до,/ что но́вое и пресла́вное виде́ние?/ ка́ко, содержа́й вся́ческая го́рстию,/ на Дре́ве пригвожда́ешися пло́тию?

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В четверток вечера, глас 6:

Диакон: Прему́дрость. Во́нмем. Проки́мен, глас 6.

По́мощь моя́ от Го́спода, / сотво́ршаго не́бо и зе́млю.

Лик: По́мощь моя́ от Го́спода, / сотво́ршаго не́бо и зе́млю.

Диакон: Возведо́х о́чи мои́ в го́ры, отню́дуже прии́дет по́мощь моя́.

Лик: По́мощь моя́ от Го́спода, / сотво́ршаго не́бо и зе́млю.

Диакон: По́мощь моя́ от Го́спода

Лик: Сотво́ршаго не́бо и зе́млю.

Молитва при наступлении вечера

Чтец: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и Человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 2: Госпо́день Кре́ст, неукло́нно кла́няющимся ему́, вся́кия сла́сти брозда́ е́сть, и зако́н воздержа́ния: и́бо непреста́нно взира́ющи на Пригвожде́ннаго на не́м, распина́ют пло́ть со страстьми́ и похотьми́. От ни́хже и мы́ бы́ти потщи́мся, посто́м чи́стым присво́имся, человеколю́бно на́м Присво́ившемуся стра́стию и Своего́ безстра́стия естество́ Пода́вшему, иму́щему ве́лию ми́лость.

Стих: К Тебе возведох очи мои, живущему на небеси. Се яко очи раб в руку господий своих, яко очи рабыни в руку госпожи своея, тако очи наши ко Господу Богу нашему, дондеже ущедрит ны.

Глас 2: Госпо́день Кре́ст, неукло́нно кла́няющимся ему́, вся́кия сла́сти брозда́ е́сть, и зако́н воздержа́ния: и́бо непреста́нно взира́ющи на Пригвожде́ннаго на не́м, распина́ют пло́ть со страстьми́ и похотьми́. От ни́хже и мы́ бы́ти потщи́мся, посто́м чи́стым присво́имся, человеколю́бно на́м Присво́ившемуся стра́стию и Своего́ безстра́стия естество́ Пода́вшему, иму́щему ве́лию ми́лость.

Стих: Помилуй нас Господи, помилуй нас, яко по многу исполнихомся уничижения: наипаче наполнися душа наша поношения гобзующих, и уничижения гордых.

Глас 2: Земна́го наслажде́ния не возвеле́вше страстоно́сцы, небе́сных благи́х сподо́бишася, и А́нгелом сожи́тели бы́ша: Го́споди, моли́твами их поми́луй и спаси́ на́с.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 2: Гро́зд всезре́лый Чи́стая,/ Его́же невозде́ланно во утро́бе младоноси́ла еси́,/ на дре́ве я́ко узре́ла еси́ Сего́ ви́сяща,/ рыда́ющи восклица́ла еси́, и взыва́ла еси́:/ Ча́до, сла́дость иска́пай,/ е́юже пия́нство вся́кое страсте́й отъе́млется Благоде́телю,/ Мене́ ра́ди Тя́ ро́ждшия,/ боже́ственными утеше́ньми,// я́ко благоутро́бен.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари великопостные

И поет во глас 4:

Богоро́дице Де́во, ра́дуйся, Благода́тная Мари́е, Госпо́дь с Тобо́ю: благослове́на Ты в жена́х, и благослове́н Плод чре́ва Твоего́, я́ко Спа́са родила́ еси́ душ на́ших. (Поклон великий.)

Сла́ва Отцу́ и Сы́ну и Свято́му Ду́ху.

Крести́телю Христо́в, всех нас помяни́, да изба́вимся от беззако́ний на́ших: тебе́ бо даде́ся благода́ть моли́тися за ны. (Поклон великий.)

И ны́не и при́сно и во ве́ки веко́в. Ами́нь.

Моли́те за ны, святи́и апо́столи, святи́и вси, да изба́вимся от бед и скорбе́й, вас бо те́плыя предста́тели ко Спа́су стяжа́хом. (Поклон великий.)

Под Твое́ благоутро́бие прибега́ем, Богоро́дице, моле́ния на́ша не пре́зри во обстоя́нии: но от бед изба́ви ны, еди́на Чи́стая, еди́на Благослове́нная. (Без поклона.)

Чтец: Го́споди, поми́луй. (40 раз.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Сый благослове́н Христо́с Бог наш, всегда́, ны́не и при́сно и во ве́ки веко́в.

Лик: Ами́нь.

Чтец: Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́, пре́жде отше́дшия отцы́ и бра́тию на́шу в селе́ниих пра́ведных учини́ и нас в покая́нии и испове́дании приими́, я́ко Благи́й и Человеколю́бец.

И аще есть Четыредесятница, творим три великия поклоны, глаголюще предписанную молитву:

Молитва Ефрема Сирина

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон)
12 поясных поклонов с молитвой:

Бо́же, очи́сти мя гре́шнаго.

И повторяется вся молитва полностью:

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми.

Дух же целому́дрия, смиренному́дрия, терпе́ния, и любве́, да́руй ми рабу́ Твоему́.

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (И один земной поклон).

Чтец: Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Чтец: Ами́нь. Го́споди, поми́луй (12 раз).

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, святы́х сла́вных и всехва́льных Апо́стол, Престольный праздник, ап. от 70-ти Они́сима, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

  • --