Начало богослужебного дня в 16:00.

Вседневный праздник
Славословие
Полиелей
Выберите настройки для вашего храма в Личном кабинете.
Богослужебные указания

Богослужебные указания за 8 апреля 2024 года


26. Понедельник 4-й седмицы, Крестопоклонной. Отдание праздника Благовещения Пресвятой Богородицы. Собор Архангела Гавриила.

Служба совершается по главе Типикона под 26 марта: «Аще случится отдание Благовещения Пресвятыя Богородицы в понедельник 4-я или 5-я, или 6-я недели постов» (Типикон, 26 марта, «Указ о отдании Благовещения Пресвятыя Богородицы»).

Вечерня. Подробное изложение порядка богослужения в Неделю вечера см. 4 марта. Кафизмы нет.

На «Господи, воззвах» стихиры на 10: Триоди, глас 8-й и глас 3-й – 3, праздника[1], глас 4-й 4 (первая стихира – дважды), и Архангела, глас 1-й 3[2]. «Слава, и ныне» праздника, глас 6-й: «Послан бысть...».

Вход с кадилом. «Свете Тихий». Поется великий прокимен, глас 8-й: «Дал еси достояние...», со стихами (по обычаю).

На стиховне стихиры Триоди, глас 8-й (с обычными припевами). «Слава, и ныне» – праздника, глас 4-й: «Днесь радость...» (см. на стиховне великой вечерни в сам день праздника)[3].

Молитва прп. Ефрема Сирина читается с тремя великими поклонами (без малых). Окончание вечерни великопостное (см. 4 марта).

На малом повечерии в Неделю вечером поется служба мч. Саввы Стратилата (с 24 апреля).

Примечание. «Повечерие малое, без поклонов, поклоны от Слава в Вышних..., на немже глаголем канон рядовый Минеи» (Типикон, 26 марта, «Указ о отдании Благовещения Пресвятыя Богородицы», «Аще случится отдание Благовещения Пресвятыя Богородицы в понедельник 4-я или 5-я, или 6-я недели постов»). Канон Богородицы (Октоиха) не поется, так как накануне совершалось всенощное бдение.

Поскольку Устав не приводит указаний, касающихся тропарей и кондаков малого повечерия в день Благовещения вечером, возможны следующие варианты:

1) По Трисвятом – кондак Архангела, глас 8-й (см. 26 марта, по 6-й песни канона на утрене). Ср.: Типикон, 7 января.

2) По Трисвятом – кондак Архангела, глас 8-й (см. 26 марта, по 6-й песни канона на утрене). «Слава, и ныне» – кондак Благовещения, глас тот же[4].

Молитва прп. Ефрема Сирина с 16 поклонами (окончание малого повечерия см. 4 марта).

Полунощница вседневная – по великопостному чину.

Утреня – по великопостному чину (подробное изложение общего порядка богослужения см. 5 марта).

Вместо «Бог Господь» – «Аллилуия» во глас Октоиха (в данном случае – глас 3-й) и Троичны гласа.

Кафизмы 4-я, 5-я и 6-я. Малых ектений нет.

По 1-м стихословии – седальны Октоиха (из приложения Триоди).

По 2-м и 3-м стихословии – седальны Триоди (на ряду).

Псалом 50-й. Молитва: «Спаси, Боже, люди Твоя...», «Господи, помилуй» (12), «Милостию и щедротами...».

Каноны:

1-я, 8-я и 9-я песни – каноны Минеи (см. 26 марта: праздника, глас 6-й, и Архангела, глас 4-й) на 6 (со ирмосом канона праздника) и трипеснцы Триоди на 8.

3-я, 4-я, 5-я, 6-я и 7-я песни – канон праздника (см. в Минее 26 марта), глас 6-й, со ирмосом на 6 (по указаниям Минеи – на 4) и канон Архангела, глас 4-й, на 6.

Библейские песни – великопостные.

Примечание. Библейские песни поются в великопостной редакции, поскольку в отдание Благовещения Устав назначает службу с Аллилуиа и поклонами. По мнению В. Розанова (см. его «Богослужебный Устав Православной Церкви», с. 265), в предпразднства и попразднства двунадесятых праздников (в том числе и в период пения Триоди Постной) Песни Священного Писания должны стихословиться в праздничной редакции Поем Господеви.

Катавасия: по 1-й, 8-й и 9-й песни – ирмос 2-го трипеснца Триоди; по 3-й и 6-й песни – ирмос канона Архангела.

По 3-й песни – седален Архангела, глас 4-й. «Слава, и ныне» – тот же седален.

По 6-й песни – кондак Архангела, глас 8-й.

На 9-й песни поем «Честнейшую»[5].

По 9-й песни может петься «Достойно есть»[6]. Светилен Троичен гласа (в данном случае – 3-го).

«Хвалите Господа с Небес...» и хвалитные псалмы.

На хвалитех стихиры Архангела, глас 4-й – 4 (см. в Минее 26 марта; первая стихира – дважды). «Слава, и ныне» – праздника, глас 2-й: «Благовествует Гавриил...» (см. в Минее 26 марта).

Чтец: «Слава Тебе, показавшему нам свет» («Тебе слава подобает...» не произносится), и читается вседневное славословие.

На стиховне стихиры Триоди, глас 6-й (с обычными припевами). «Слава, и ныне» – Богородичен Триоди, глас тот же: «Архангельское слово...».

Окончание утрени – по великопостному чину.

Часы, изобразительны и вечерня совершаются по великопостному чину (подробное изложение общего порядка богослужения см. 5 марта).

Примечание. Устав умалчивает об особенностях часов и изобразительных в отдание Благовещения в седмичный день св. Четыредесятницы, говоря только, что «прочее все поем с поклоны»[7].

На 1-м часе – кафизмы нет. На 3-м часе – кафизма 7-я. На 6-м часе – кафизма 8-я; тропарь пророчества (из Триоди), 1-й прокимен Триоди, чтение паримии Триоди, 2-й прокимен Триоди. На 9-м часе – кафизма 9-я. На вечерне – кафизма 18-я.

Примечание. В понедельник и среду Крестопоклонной седмицы на 1-м часе после Богородична: «Что Тя наречем...» вместо «Стопы моя направи...» совершается поклонение Честному Кресту. В пятницу подобный чин совершается в конце изобразительных.

Если аналой с Крестом находится на середине храма, то поклонение совершается следующим образом: из алтаря (обычно через царские врата[8]) исходит священник и кадит с четырех сторон лежащий на аналое Крест. Далее, по образцу Крестопоклонной Недели, поется: «Кресту Твоему покланяемся, Владыко...», стихиры на поклонение Кресту, глас 2-й и глас 8-й: «Приидите, вернии...» и др., и совершается поклонение Кресту и целование его.

В тех храмах, где Честной Крест после поклонения в Неделю пребывал «о десную страну царских дверей», «Настольная книга священнослужителя» (т. 4, с. 541) указывает следующий порядок действий: «Во время Богородична Что Тя наречем на середине храма ставят аналой для Креста. Иерей исходит из алтаря царскими вратами с кадилом и диакон со свечой ко Кресту и кадит святой Крест спереди, потом, отдав кадило диакону, подъемлет Крест на главу, несет его на середину и полагает на уготованный аналой. Иерей, положивши Крест на аналой, совершает каждение окрест его. Посем вместо Стопы моя иерей с диаконом поют Кресту Твоему покланяемся, Владыко, и далее совершается все по тому же чину, как было и в Неделю на утрени. По окончании стихир и по целовании Креста всеми молящимися иерей таким же образом относит святой Крест на прежнее место».

В понедельник, среду и пятницу Крестопоклонной седмицы на часах и на изобразительных по «Отче наш...» – кондак Триоди (Креста), глас 7-й: «Не ктому пламенное оружие...».

Примечание. «На трапезе же разрешение вина и елея» (Типикон, 26 марта).

1 См.: Минея-Март. Ч. 2. М., 2002. С. 189–190.

2 Припев «Творяй Ангелы Своя духи и слуги Своя пламень огненный» не глаголется.

3 Ср.: Типикон, 26 марта, 2-е «зри».

4 Кондак праздника отсутствует на утрене в отдание Благовещения, случившееся в седмичный день св. Четыредесятницы, однако, по мнению В. Розанова (см. его «Богослужебный Устав Православной Церкви», с. 231), на повечерии в день отдания кондак праздника глаголется.

5 Ср.: Типикон, 26 марта, «Указ о отдании Благовещения Пресвятыя Богородицы», «Аще отдание Благовещения случится в среду 4-я недели постов...».

6 Пение «Достойно есть» по 9-й песни канона возможно, поскольку в отдание Благовещения назначается аллилуйное великопостное богослужение с сохранением в составе утрени песнопений Октоиха (при этом катавасия по каждой песни канона отсутствует).

7 Поскольку кондак праздника Благовещения отсутствовал на утрене 26 марта, на часах и изобразительных он также не глаголется.

8 Иерей на выход царскими вратами и поклонение Кресту, по традиции, облачается в фелонь.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Глас 8: Господи, на Кресте волею простерл еси длани Твоя, сему умилением сердца поклонитися и нас сподоби, просвещенных добре постом и молитвами, и воздержанием и благотворением, яко Благ и Человеколюбец.

Сти́х: Мене́ ждут пра́ведницы / до́ндеже возда́си Мне.

Глас 8: Господи, грехов моих множества, по множеству очисти щедрот Твоих Всещедре, и Крест Твой сподоби чистою душею видети, и целовати, в настоящей седмице воздержания, яко Человеколюбец.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 3: Велие чудо, Древо видится, на немже Христос волею распятся плотию: поклоняется мир, и просвещаемь взывает: о Креста сило, и зримый демоны палит, и воображаемь сих паля является! Ублажаю тя пречистое Древо, почитаю и покланяюся со страхом, и Бога славлю, тобою даровавшаго мне жизнь безконечную.

Сти́х: Да бу́дут у́ши Твои́ / вне́млюще гла́су моле́ния моего́.

Глас 4: В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея́ Изба́вителю проити́./ Те́мже, прии́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: В шесты́й ме́сяц по́слан бы́сть Арха́нгел/ к Де́ве Чи́стей/ и, ра́доватися Ей прире́к,/ благовести́ из Нея́ Изба́вителю проити́./ Те́мже, прии́мши целова́ние,/ зача́т Тя, Преве́чнаго Бо́га,/ несказа́нно благоволи́вшаго вочелове́читися/ во спасе́ние душ на́ших.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Язы́ка, его́же не ве́дяше, услы́ша Богоро́дица,/ глаго́лаше бо к Ней Арха́нгел благове́щения глаго́лы,/ отону́дуже ве́рно, прии́мши целова́ние,/ зача́т Тя, Преве́чнаго Бо́га./ Те́мже и мы, ра́дующеся, вопие́м Ти:/ из Нея́ воплоти́выйся непрело́жно Бо́же,/ мир ми́рови да́руй/ и душа́м на́шим ве́лию ми́лость.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: Се воззва́ние ны́не яви́ся нам,/ па́че Сло́ва Бог челове́ком соединя́ется,/ Арха́нгеловым гла́сом пре́лесть отгоня́ется,/ Де́ва бо прие́млет ра́дость,/ земна́я бы́ша Не́бо,/ мир разреши́ся пе́рвыя кля́твы./ Да ра́дуется тва́рь и гла́сы да воспое́т:/ Тво́рче и Изба́вителю наш,/ Го́споди, сла́ва Тебе́.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 1: Гаврии́л вели́кий,/ ум Богови́днейший, светоза́рный и спаси́тельный,/ Свет Трисо́лнечный зрит/ и пое́т с Вы́шними чи́ны/ Боже́ственное и стра́шное пе́ние,/ мо́лит дарова́ти душа́м на́шим/ мир и ве́лию ми́лость.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 1: Вели́кое та́инство,/ пе́рвее А́нгелом неве́домое/ и пре́жде век соблюда́емое,/ еди́ному уве́рися тебе́, Гаврии́ле,/ и сие́ еди́ней пове́дал еси́ Чи́стей, в Назаре́т прише́д./ С Не́юже моли́/ дарова́ти душа́м на́шим/ мир и ве́лию ми́лость.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 1: Све́та сый испо́лнь при́сно,/ и творя́ хоте́ние,/ и скончава́я повеле́ния Вседержи́теля,/ нача́льниче А́нгелов,/ Гаврии́ле всеизря́дне,/ любо́вию тя чту́щия спаса́й,/ при́сно прося́/ дарова́ти душа́м на́шим/ мир и ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 6: По́слан бы́сть с Небесе́ Гаврии́л Арха́нгел/ благовести́ти Де́ве зача́тие/ и, прише́д в Назаре́т,/ помышля́ше в себе́, чудеси́ удивля́яся:/ о, ка́ко в Вы́шних непостижи́м Сый от Де́вы ражда́ется!/ Име́яй престо́л Не́бо и подно́жие зе́млю/ во утро́бу вмеща́ется Деви́чу!/ На Него́же шестокрила́тии и многоочи́тии зре́ти не мо́гут,/ сло́вом еди́ным от Сея́ воплоти́тися благоизво́ли./ Бо́жие е́сть сло́во настоя́щее./ Что у́бо стою́ и не глаго́лю Де́ве:/ ра́дуйся, Благода́тная, Госпо́дь с Тобо́ю;/ ра́дуйся, чи́стая Де́во;/ ра́дуйся, Неве́сто неневе́стная;/ ра́дуйся, Ма́ти Живота́,/ благослове́н Плод чре́ва Твоего́!

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен великий

Диакон: Прему́дрость. Во́нмем. Проки́мен вели́кий, глас 8.

Дал еси достоя́ние боя́щимся Тебе́, Го́споди.

Стих 1: От коне́ц земли́ к Тебе́ воззва́х.

Дал еси достоя́ние боя́щимся Тебе́, Го́споди.

Стих 2: Покры́юся в кро́ве кри́л Твои́х.

Дал еси достоя́ние боя́щимся Тебе́, Го́споди.

Стих 3: Та́ко воспою́ Имени Твоему́ во ве́ки.

Дал еси достоя́ние боя́щимся Тебе́, Го́споди.

Диакон: Дал еси достоя́ние

Лик: Боя́щимся Тебе́, Го́споди.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 8: Воззрети очима на небо не смею окаянный аз, от лукавых моих деяний: но яко мытарь стеня взываю Ти: Боже, очисти мя грешнаго, и фарисейскаго лицемерия избави мя, яко един Благоутробен.

Стих: К Тебе́ возведо́х о́чи мои́ Живу́щему на Небеси́. Се я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему,/ до́ндеже уще́дрит ны.

Глас 8: Воззрети очима на небо не смею окаянный аз, от лукавых моих деяний: но яко мытарь стеня взываю Ти: Боже, очисти мя грешнаго, и фарисейскаго лицемерия избави мя, яко един Благоутробен.

Стих: Поми́луй нас, Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих:/ и уничиже́ния го́рдых.

Глас 8: Му́ченицы Госпо́дни, вся́ко ме́сто освяща́ете и вся́к неду́г врачу́ете, и ны́не моли́те изба́витися сете́й вра́жиих душа́м на́шим, мо́лимся.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 4: Дне́сь ра́дость благове́щения,/ де́вственное торжество́,/ ни́жняя с Вы́шними совокупля́ются./ Ада́м обновля́ется,/ и Е́ва пе́рвыя печа́ли свобожда́ется,/ и се́нь на́шего существа́,/ обоже́нием прие́мшаго смеше́ние,/ Це́рковь Бо́жия бы́сть./ О, та́инство! О́браз истоща́ния неве́домь,/ бога́тство бла́гости несказа́нно:/ А́нгел слу́жит чудеси́,/ Деви́ча утро́ба Сы́на прие́млет,/ Дух Святы́й низпосыла́ется,/ Оте́ц свы́ше благоволи́т,/ и измене́ние о́бщим твори́тся сове́том,/ в не́мже и и́мже спа́сшеся,/ вку́пе с Гаврии́лом к Де́ве возопии́м:/ ра́дуйся, Обра́дованная,/ из Нея́же спасе́ние – Христо́с Бог наш,/ е́же по нам прие́м естество́,/ к Себе́ возведе́./ Того́ моли́ спасти́ся душа́м на́шим.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари великопостные

И поет во глас 4:

Богоро́дице Де́во, ра́дуйся, Благода́тная Мари́е, Госпо́дь с Тобо́ю: благослове́на Ты в жена́х, и благослове́н Плод чре́ва Твоего́, я́ко Спа́са родила́ еси́ душ на́ших. (Поклон великий.)

Сла́ва Отцу́ и Сы́ну и Свято́му Ду́ху.

Крести́телю Христо́в, всех нас помяни́, да изба́вимся от беззако́ний на́ших: тебе́ бо даде́ся благода́ть моли́тися за ны. (Поклон великий.)

И ны́не и при́сно и во ве́ки веко́в. Ами́нь.

Моли́те за ны, святи́и апо́столи, святи́и вси, да изба́вимся от бед и скорбе́й, вас бо те́плыя предста́тели ко Спа́су стяжа́хом. (Поклон великий.)

Под Твое́ благоутро́бие прибега́ем, Богоро́дице, моле́ния на́ша не пре́зри во обстоя́нии: но от бед изба́ви ны, еди́на Чи́стая, еди́на Благослове́нная. (Без поклона.)

Чтец: Го́споди, поми́луй. (40 раз.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Чтец: Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́, пре́жде отше́дшия отцы́ и бра́тию на́шу в селе́ниих пра́ведных учини́ и нас в покая́нии и испове́дании приими́, я́ко Благи́й и Человеколю́бец.

И аще есть Четыредесятница, творим три великия поклоны, глаголюще предписанную молитву:

Молитва Ефрема Сирина

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон)

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, Архангела Гаврии́ла, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 6.3M 112