10-й день

Свята́го му́ченика Кодра́та и дружи́ны его́

Святой мученик Кодрат и иже с ним: Киприан, Дионисий, Анект, Павел, Крискент, Дионисий (другой), Викторин, Виктор, Никифор, Клавдий, Диодор, Серафион, Папий, Леонид и мученицы Хариесса, Нунехия, Василисса, Ника, Гали, Галина, Феодора и иные многие

На Го́споди, воззва́х: стихи́ры, глас 1.

Подо́бен: Небе́сных чино́в:

С прехва́льным Кодра́том/ да воспое́тся све́тло/ Киприа́н вели́кий,/ Диони́сия два и Ане́кт досто́йно,/ Криск вку́пе и сла́вный Па́вел ве́рно,/ я́ко страда́льцы Госпо́дни Боговенча́нны/ и моли́твенницы на́ши тепле́йшии.

Священнопобе́дных му́чеников и победоно́сных/ лик дне́сь други́й яви́ся,/ озаря́ющ собо́р Боже́ственных страстоте́рпец,/ тве́рдое число́, избра́нное во́инство,/ ему́же нача́льствует Кодра́т,/ благосла́вный победи́тель проявля́емь.

Ри́торския у́бо му́дрости многопи́санная плете́ния/ сечи́тельным твои́м сло́вом/ разори́л еси́, я́ко мглу,/ прехва́льный Кодра́те,/ науча́еши ве́рно и стра́ждеши терпели́вно за Христа́,/ во обои́х благоукраша́яся/ и вку́пе со страстоте́рпцы венча́емь.

Сла́ва, и ны́не, Богоро́дичен, глас и подо́бен то́йже:

Одержи́мы прегреше́нии ненаде́жными, Чи́стая,/ Тя Предста́тельницу еди́ну стяжа́вше, Де́во,/ вопие́м благода́рственно:/ очи́сти ны, Пресвята́я Богоневе́сто,/ Ты бо еси́ ми́ра прибе́жище/ и заступле́ние ро́да на́шего.

Крестобогоро́дичен. Подо́бен то́йже:

Воздви́жена я́ко ви́де на Кресте́ А́гнца/ непоро́чная Де́ва, пла́чущи, вопия́ше:/ сла́дкое Мое́ Ча́до,/ что но́вое и пресла́вное виде́ние?/ ка́ко содержа́й вся́ческая го́рстию,/ на дре́ве пригвожда́ешися пло́тию?

Кано́н. Кир Ио́сифа. Глас 4.

Песнь 1

Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́/ побе́дное воспою́ пе́ние.

Му́чеников свяще́нных, свяще́нно страда́вших,/ свяще́нный и чу́дный наста́ пра́здник,/ светозаре́нием Ду́ха вся световодя́щи,/ соше́дшеся, празднолю́бцы, по до́лгу сих ублажи́м.

Я́ко со́лнце све́тлое,/ доброде́телей светоно́сием возсия́л еси́ нам, Кодра́те страда́льче,/ светолу́чными твои́ми сия́нии тьму́ многобо́жия отгоня́, блаже́нне,/ и просвеща́я ве́рных составле́ния.

Ка́мень жи́зни Иису́са Спа́са возвеща́юще Бо́га, пострада́сте тве́рдо,/ и исто́чник свяще́ния, ка́мень, прие́мшии,/ крове́й тече́ния соде́ласте, му́ченицы сла́внии.

Богоро́дичен: От тиме́ния страсте́й, помышле́ний треволне́ния, от стрел вра́жиих,/ от вся́каго прило́га сопроти́вна спаси́, Чи́стая Богороди́тельнице,/ ду́ши пою́щих Твое́ несказа́нное Рождество́, Всенепоро́чная.

Песнь 3

Ирмо́с: Я́ко непло́ды роди́ от язы́к Це́рковь,/ и мно́гое в ча́дех изнемо́же со́нмище,/ чу́дному Бо́гу на́шему возопии́м:/ Свят еси́, Го́споди.

Тве́рдии адама́нти, убива́емии мече́м/ и боле́зней ви́дом приобща́ющеся терпели́вно,/ чу́дному Бо́гу на́шему взыва́ху:/ Свят еси́, Го́споди.

Прему́дростию Кодра́т Богода́нною/ упраздни́ е́ллинскую му́дрость, любопре́ния стражда́,/ и свои́ми кровьми́,/ Ду́хом Боже́ственным удобря́яся.

С Кодра́том Ане́кта и с Па́влом Криске́нта,/ Киприа́на Боже́ственнаго и Диони́сия, ве́рнии, благочестному́дренно пе́сньми венча́ем,/ ве́рою пострада́вших.

Богоро́дичен: Ниже́ Небе́сный ум па́че ума́ Рождества́ Твоего́ мо́жет сказа́ти, Отрокови́це,/ Ума́ бо пе́рваго во утро́бе Сло́во, Чи́стая, зачала́ еси́,/ вся́ческая сло́вом соста́вльшаго.

Седа́лен, глас 4.

Подо́бен: Вознесы́йся:

Терпе́нием лю́тых умертви́л еси́ го́рдаго врага́, страстоте́рпче,/ ме́чную сме́рть претерпе́л еси́/ вку́пе со стра́ждущими с тобо́ю всему́дрыми, Кодра́те./ Те́мже пра́зднуем честну́ю ва́шу па́мять, вопию́ще:/ помяни́те нас ко Влады́це, непобеди́мии му́ченицы.

Сла́ва, и ны́не, Богоро́дичен:

Нечи́стых помысло́в мои́х мно́жество и безме́стных мы́слей обурева́ния/ кто изрещи́ мо́жет, Всенепоро́чная?/ Настоя́ния же безпло́тных враг мои́х кто испове́сть и сих зло́бу?/ Но Твое́ю мольбо́ю, Блага́я, сих мне всех избавле́ние да́руй.

Крестобогоро́дичен:

И́же от Безнача́льнаго Отца́ рожде́ннаго/ напосле́док Тя пло́тию ро́ждшая,/ на Кресте́ ви́сяща зря́щи, Христе́,/ увы́ Мне, любе́знейший Иису́се, вопия́ше:/ ка́ко сла́вимый я́ко Бог от А́нгел,/ от беззако́нных ны́не челове́к, Сы́не, хотя́ распина́ешися?/ Пою́ Тя, Долготерпели́ве.

Песнь 4

Ирмо́с: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Му́дростию твои́х слове́с нему́дрыя посрами́л еси́/ и, наказа́нием богови́дных уче́ний твои́х, му́чениче Кодра́те,/ улови́в Боже́ственнаго Ане́кта,/ Влады́це твоему́ приво́диши терпели́ва му́ченика.

От пеле́н присво́ился еси́ вся Сотво́ршему,/ изде́тска соверше́нна му́жа смысл избра́в и прему́дрости возжеле́в,/ ве́сь был еси́ чисте́йшее, му́чениче, Христо́во оби́телище.

Шестосве́тлый све́щник му́чеников Твои́х, Го́споди,/ та́йным елее́м напои́вся, отгна́ многобо́жия но́щь/ и озари́ зову́щия:/ сла́ва, Христе́, си́ле Твое́й.

Богоро́дичен: Свята́я Богоро́дица, в Не́йже всели́тися благоволи́,/ я́ко благово́нен храм, Сло́во О́тчее единосу́щное,/ не опали́ ложе́сн, не боле́знова,/ и́бо роди́ Емману́ила, Бо́га и Челове́ка.

Песнь 5

Ирмо́с: Просвеще́ние Твое́, Го́споди, низпосли́ нам/ и от мглы прегреше́ний разреши́ ны, Бла́же,/ Твой мир да́руяй.

Просвеще́нием ра́зума неразу́мия мглу отгоня́,/ Го́сподеви приво́диши собо́р страда́лец, му́дре Кодра́те,/ с ни́ми венча́емь.

По́стнически пе́рвее победи́в страсте́й привозста́ния,/ второ́е погуби́л еси́ держа́ву злочести́вых, Кодра́те му́чениче,/ пострада́в крепча́йше.

Исполня́ется невла́жный ка́мень пролия́ньми честны́х твои́х крове́й/ и струи́ све́тлы дае́т ве́рным,/ освяща́я Боже́ственными манове́ньми.

Богоро́дичен: Созда́вый, Пречи́стая, Е́ву от ребра́/ из Твоея́ чи́стыя утро́бы зи́ждется,/ спасти́ Ада́ма за благоутро́бие восхоте́в, я́ко Человеколю́бец.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Шесточи́сленный страстоте́рпец лик нам возсия́,/ я́коже зве́зды на церко́вней честне́й тве́рди,/ ве́рныя просвеща́яй и пре́лести тьму́ разгоня́яй.

Пучи́ну мук преидо́сте, му́ченицы, нево́лненно/ и Вы́шнюю тишину́ получи́сте,/ ве́рных приста́нище бы́вше и моли́твенницы тепле́йшии.

Да похва́лим со Ане́ктом Кодра́та сла́внаго/ и с Па́влом Диони́сия, Криске́нта, Киприа́на,/ Христо́ва виногра́да добропло́дныя ро́зги.

Богоро́дичен: Онебеси́ла еси́ озе́мствованное естество́, Всенепоро́чная, челове́ков/ и истле́вшее сие́ новосоде́лала еси́,/ сего́ ра́ди, Отрокови́це, вси немо́лчными гла́сы Тя сла́вим.

Песнь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же пра́вда пра́ведно уловля́ше,/ препе́тый Го́споди, Бо́же оте́ц на́ших, благослове́н еси́.

Во огни́ муче́ний свы́ше прие́млюще ро́су терпе́ния,/ со о́троки до́блии взыва́ху му́ченицы:/ препе́тый Го́споди, Бо́же оте́ц на́ших, благослове́н еси́.

Одожде́нием честны́я кро́ве ва́шея, страстоте́рпцы,/ ка́мень невла́жный пре́жде испо́лнися,/ струи́ пролива́ющ исцеле́ний пою́щим:/ Бо́же оте́ц, благослове́н еси́.

Я́ко мирополо́жница мы́сленная,/ ми́ро врачева́ний, Кодра́те, моще́й твои́х ра́ка источа́ет,/ страсте́й отгоня́щи злосмра́дие/ и опаля́ющи де́монов ополче́ния си́лою Боже́ственною.

Богоро́дичен: Благослове́н Плод благослове́нныя утро́бы Твоея́,/ Его́же благословя́т Небе́сныя си́лы и челове́честии собо́ри,/ нас изба́вльшаго от кля́твы дре́вния, Благослове́нная.

Песнь 8

Ирмо́с: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Просве́щся страда́ний све́тлостию,/ венцено́сец Го́споду предстои́ши со страда́вшими с тобо́ю, сла́вне, воспева́я, Кодра́те:/ вся дела́, благослови́те, по́йте Го́спода.

Доброде́телей све́том удобря́емь,/ при кончи́не му́ченическую све́тлость насле́довал еси́, всему́дре, воспева́я, Кодра́те:/ вся дела́, благослови́те, по́йте Го́спода.

Предогражде́ния Кори́нф стяжа́, святы́х честны́я мо́щи,/ и врачева́ние безме́здно храм,/ иде́же ве́рою всяк притека́яй боле́зней и страсте́й изменя́ется.

Богоро́дичен: Изба́вльшеся кля́твы прама́терния Тобо́ю, Чи́стая Богома́ти,/ благослове́нная Влады́чице, благослови́м Тя ве́рою/ и песносло́вим, Пресвята́я Де́во Богоневе́сто.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла е́сть;/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́./ Тем Тя вси велича́ем.

Гное́ния ва́ша му́ченическая испуща́ют благово́ние, по́лно благода́ти,/ кро́ви сих целе́б излива́ют то́ки Боже́ственным Ду́хом/ и стра́сти душетле́нныя исцеля́ют,/ я́же досто́йно ублажи́м.

Красе́н язв добро́тами быв, А́нгелом уподо́бился еси́,/ кро́вию же излия́нною, Кодра́те, всед, я́ко на колесни́цу,/ возлете́л еси́ к Вы́шним Ца́рством, по́чести боле́зней прие́мля.

Источа́я Боже́ственную сла́дость из уст,/ страда́льческий собо́р увеща́л еси́, му́чениче Кодра́те, страда́ти с тобо́ю,/ Ане́кта, и Па́вла, и Криске́нта, Киприа́на же и Боже́ственнаго Дионисия,/ с ни́миже лику́еши, досточу́дне.

Де́нь пра́здника ва́шего страда́ния, страстоте́рпцы, вси почита́ем,/ в сей бо, вене́ц нетле́ния взе́мше, сы́нове бы́сте све́та же и дне,/ лику́юще о́крест престо́ла Всецаря́.

Богоро́дичен: Я́вльшися всех Творца́ Роди́тельница па́че вся́каго ума́, Всенепоро́чная,/ Небе́с вы́шши показа́лася еси́ и все́ми влады́чествующи, Де́во Богороди́тельнице нескве́рная,/ тем Тя вси непреста́нно велича́ем.

Святой мученик Кодрат и иже с ним: Киприан, Дионисий, Анект, Павел, Крискент, Дионисий (другой), Викторин, Виктор, Никифор, Клавдий, Диодор, Серафион, Папий, Леонид и мученицы Хариесса, Нунехия, Василисса, Ника, Гали, Галина, Феодора и иные многие пострадали в III веке. Во время гонения на христиан некая благочестивая женщина по имени Руфина бежала из Коринфа в горы, спасаясь от преследований. Там она родила младенца Кодрата и вскоре после родов скончалась. Промыслом Божиим младенец был чудесным образом спасен. Будучи уже взрослым, Кодрат встретил христиан, которые просветили его светом истинной веры. Молодой Кодрат научился грамоте, а позже изучил врачебное искусство и достиг в нем большого преуспеяния. Но более всего святой Кодрат любил пустынное безмолвие и много времени проводил в горах, предаваясь молитве и богомыслию. Прошло много лет. В пустыню к святому часто приходили друзья и последователи, чтобы слушать его наставления. Среди них были святые Киприан, Дионисий, Анект, Павел, Крискент и многие другие.

Однажды по приказу императора Декия (249–251) в Коринф прибыл военачальник Иасон, жестокий гонитель христиан. Святой Кодрат был схвачен вместе со своими друзьями и брошен в темницу. На допросах Иасон чаще всего обращался к святому Кодрату, как старшему по возрасту. Без боязни отвечал святой на вопросы и мужественно исповедовал свою веру во Христа Спасителя. Несмотря на мучительные пытки, святой Кодрат находил в себе силы поддерживать других, убеждал их не страшиться и твердо стоять за веру. Ободряемые его стойкостью, все остальные христиане также мужественно переносили истязания. Не добившись ни от кого отречения, Иасон приказал бросить мучеников на растерзание зверям. Но звери не тронули святых. Тогда мучеников привязали за ноги к колесницам и из толпы бросали в них камни. Наконец, мучеников присудили к усечению мечом. На месте казни они попросили себе немного времени для молитвы. Помолившись Господу, святые исповедники Христовы один за другим стали подходить к палачу, склоняя голову перед занесенным мечом. Так приняли мученический венец святые Кодрат, Киприан, Дионисий, Анект, Павел, Крискент и другие, неизвестные по имени.

Остальные ученики святого Кодрата также достойно засвидетельствовали свою веру во Христа Спасителя. Святой Дионисий (другой) был заколот ножом. Мученики Викторин, Виктор и Никифор были заживо раздроблены в огромной каменной ступе. Мученику Клавдию отрубили руки и ноги. Мученик Диодор бросился в приготовленный для него костер. Мученик Серафион обезглавлен. Мученики Папий и Леонид были утоплены в море.

Подражая мужчинам, на муки за Христа добровольно пошли и святые жены: Хариесса, Нунехия, Василисса, Ника, Гали, Галина и иные многие. Святые мученики пострадали 10 марта 250 года (по другим данным, в 258 году).