14-й день

Свята́го му́ченика Иси́дора, и́же во о́строве Хио́се

Святой мученик Исидор

Свята́го Иси́дора, Христа́ ра́ди юро́диваго, Росто́вскаго чудотво́рца

Блаженный Исидор, Христа ради юродивый, Ростовский чудотворец

Преподо́бнаго Ники́ты, затво́рника Пече́рскаго, епи́скопа Новгоро́дскаго

Святитель Никита, епископ Новгородский

Стихи́ры пра́здника 3 и му́ченика 3, глас 4.

Подо́бен: Дал еси́ зна́мение:

Ра́нами стру́жемь,/ ко́жнаго умерщвле́ния,/ риз совле́клся еси́,/ во оде́жду же нетле́ния и све́тлу багряни́цу оде́ян,/ ско́ро ко дре́ву жи́зненному доше́л еси́,/ жизнь прии́м вои́стинну неразори́мую/ и неконе́чную, сла́вне./ Ея́же ны́не насыща́яся,/ пою́щия тя соблюди́.

Ре́вностию разжига́емь благоче́стия, Иси́доре,/ вшел еси́ в суди́ще,/ те́пле страда́ния/ и вене́ц побе́ды, му́чениче, прия́т,/ на лесть уче́нии богопоко́рными украша́емь/ кре́стным же укрепля́емь всеору́жием,/ низложи́л еси́ льсти́ваго томи́теля,/ венцено́сец показу́яся.

Вои́стинну превзыдо́ша му́ченическая страда́ния/ похвале́нием подо́бия,/ и сло́ва, и по́мысла,/ тве́рди бо столпи́ благоче́стия/ те́лом ме́ртвеным и стра́стным,/ ра́вно нам сообложе́ни,/ на огнь же дерзну́ша/ и я́звы преоби́деша,/ я́ко в телеси́ стра́ждуще чужде́м, сла́внии.

Сла́ва, и ны́не, пра́здника.

Тропа́рь, глас 4:

Му́ченик Твой, Го́споди, Иси́дор/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

Сла́ва, и ны́не, пра́здника.

Кано́н, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Твои́ми моли́твами, му́чениче Христо́в, Иси́доре блаже́нне,/ с Небесе́ просвеще́ние пода́ждь мне и благода́ть/ восхвали́ти пра́здник твой честны́й.

Соверше́нно име́я к Бо́гу, Иси́доре му́чениче, се́рдце и ду́шу/ и непоро́чно стяжа́в житие́,/ с му́ченики подвиза́лся еси́ до́бре.

Зако́нно устро́ив твою́ жизнь, Иси́доре му́чениче,/ я́коже некра́домо сокро́вище,/ ве́ру удержа́л еси́ непрело́жну спасе́ния, всеблаже́нне.

Богоро́дичен: Вои́стинну ро́ждши естество́м Бо́га,/ и́стинно слы́шишися Богоро́дица,/ вои́стинну зва́ние по коему́ждо Боже́ственным рождество́м, Чи́стая, нося́щи.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Сло́вом направля́емь,/ страстна́я стремле́ния, сла́вне му́чениче Христо́в,/ доброде́тельми по́стными, страстоте́рпче, увяди́л еси́.

Име́я непосты́дное душе́вное стремле́ние, сла́вне,/ всеблагоче́стно испове́дание невре́дно соблю́л еси́.

Ми́лостива моли́твами твои́ми всех Судию́ сотвори́/ благоче́стно твое́ восхваля́ющим, страстоте́рпче, торжество́.

Богоро́дичен: Умертви́ мудрова́ние пло́ти на́шея, Влады́чице,/ и ду́ши оживи́, Де́во, ве́рою пою́щих Тя.

Конда́к, глас 4

Подо́бен: Яви́лся еси́:

Упра́витель превели́кий вселе́нней ты яви́лся еси́, свя́те,/ твои́ми к Бо́гу моли́твами,/ те́мже воспева́ем тя днесь,/ му́чениче Богому́дре,/ Иси́доре пресла́вне.

Та́же cеда́лен, глас 3.

Подо́бен: Красоте́ девства́:

Подви́гся на зми́я, поста́вил еси́ побе́ду, му́чениче Иси́доре,/ от Еги́пта свети́льник, озаря́я подсо́лнечную, всем возсия́л еси́,/ движе́ния творя́ к возсия́вшему из Де́вы Богоотрокови́цы,/ Его́же ра́ди закла́н быв, страстоте́рпче,/ же́ртва благово́нна был еси́.

Сла́ва, и ны́не, пра́здника

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

Всего́ в тебе́ Сло́ва все́льшася име́я,/ я́коже во́ин непобеди́мый, мучи́тельскую посрами́л еси́ горды́ню/ и, победоно́сец Того́ ра́ди, блаже́нне, быв,/ вене́ц неувяда́емый от Бо́га прия́л еси́, всесла́вне му́чениче Иси́доре.

Ю́ношески погна́л еси́, Иси́доре, враги́ твоя́,/ сих истни́л еси́, стра́шным ору́жием Креста́ огражде́н, кре́постию же препоя́сан,/ и возненави́девших тя потреби́л еси́, зовы́й:/ си́ле Твое́й сла́ва, Человеколю́бче.

После́дуя сме́рти Влады́чней, Того́ ра́ди стра́сти терпе́л еси́,/ те́мже нетле́нней тя жи́зни, му́чениче, сподо́би Госпо́дь сла́вы,/ Ему́же в ру́це пре́дал еси́ ду́шу твою́, преблаже́нне Иси́доре.

Богоро́дичен: Вопло́щся, обновля́ет всего́ челове́ка, Пречи́стая, сему́ соедини́вся,/ О́тчих недр не оста́вль, во Твою́ утро́бу всели́тися изво́ли/ и бога́тством милосе́рдия, во́лею обнища́в,/ обогати́ мир Божество́м.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Же́ртва принесе́ся непоро́чная и соверше́на твоему́ Влады́це Христу́,/ и, закла́н быв, усе́рдно кровь твою́ пролия́л еси́, Иси́доре,/ приобщи́вся страсте́й Его́/ и Ца́рствия Его́ досто́ин насле́дник быв.

Укрепля́емь, Спа́се, всеси́льною Твое́ю кре́постию,/ погаси́л есть мглу пре́лести, добропобе́дный му́ченик Иси́дор,/ усече́н бо во главу́, Тебе́ ду́шу Жизнода́вцу благохва́льно предаде́, Влады́ко.

Украша́ется, блаже́нне, твои́ми честны́ми кровьми́ Це́рковь Христо́ва/ и уясня́ется твои́х страда́ний сопротивле́нием, сла́вне:/ проти́ву греха́ бо ты кре́пко, да́же до кро́ве, противоста́л еси́, Иси́доре.

Богоро́дичен: Оскве́рншееся естество́ челове́ческое преступле́нием пе́рвым,/ и лю́те истле́вшее, и мертво́ бы́вшее возста́вила еси́,/ исто́чник ро́ждшая па́че ума́ безсме́ртия, Богоро́дице Пренепоро́чная Влады́чице.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Соверше́нную любо́вь к Бо́гу стяжа́в, страстоте́рпче преблаже́нне,/ благ ра́ди нетле́нных вои́стинну земны́х любо́вь оста́вил еси́/ и восте́кл еси́, вопия́:/ прилепи́хся во след Тебе́, Влады́ко.

Я́ко жени́х благоле́пен, Иси́доре, добро́тами му́ченическими укра́шен,/ к Небесе́м возше́л еси́, ра́дуяся, добротво́рному сия́нию предстоя́ти,/ моля́ся всегда́ о творя́щих па́мять твою́.

Претерпе́л еси́, страда́льче, закла́ние, прозря́ тебе́ ве́чное наслажде́ние/ и пи́щу присноживо́тную вои́стинну с му́ченики,/ я́ко му́ченик непобеди́м, восприя́л еси́ и́стинно вене́ц,/ преблаже́нне Иси́доре.

Богоро́дичен: Мари́е, Влады́чнее селе́ние,/ све́тлыми де́вства заря́ми светови́дно,/ я́ко крин, сия́ющи посреди́ терно́внаго смуще́ния,/ Тебе́ молю́ся, Благо́й, согреше́ний пода́ждь ми проще́ние.

Конда́к и и́кос пра́здника.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Ны́не осия́емь, треблаже́нне, духо́вною заре́ю,/ тя пою́щим осия́тися с тобо́ю благоволи́, вопию́щим:/ благослове́н еси́, Го́споди Бо́же, во ве́ки. _{(Два́жды)}

О, предо́брых твои́х подвиго́в!/ и́миже разруши́л еси́ пре́лесть и́дольскую и мучи́тели лю́тыя посрами́л еси́, зовы́й:/ благослове́н еси́, Го́споди Бо́же, во ве́ки.

Богоро́дичен: Всесвята́я Влады́чице Де́во,/ согреше́ний моих ра́ны еле́ем милосе́рдия Твоего́ исцели́, вопию́щаго:/ благослове́н, Пречи́стая, Плод Твоего́ чре́ва.

Песнь 8

Ирмо́с: Седмери́цею пещь/ халде́йский мучи́тель/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Ласка́ньми покуша́шеся окра́сти мучи́тель твоего́ терпе́ния кре́пость/ и си́лу, всеблаже́нне Иси́доре, ко своему́ злоразу́мию,/ но ты, Богому́дре, Христа́ бою́ся, – вопия́л еси́, – Ему́же и служу́:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Всесве́тло, я́ко со́лнце, ти́хое твое́ лице́, муче́ния ра́дованием я́вльшееся,/ я́ко а́гнец бо непоро́чен, закла́н быв, прине́слся еси́ Бо́гу,/ Ему́же, я́ко Соде́телю, пе́сньми вопия́л еси́:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Светови́дно те́ло твое́ лю́бящим явля́шеся,/ А́нгельским доринося́щим чино́м,/ блиста́яся, Иси́доре, чуде́с светлостьми́/ и благода́тьми чудотворе́ния разли́чными, оби́льная подава́еши исцеле́ния вопию́щим:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Богоро́дичен: Вети́йстии язы́цы Тя восхвали́ти не мо́гут,/ о Богороди́тельнице, Мари́е Богоневе́сто:/ Бо́га бо родила́ еси́, над все́ми су́щаго, Отрокови́це Чи́стая,/ от деви́ческия неискусобра́чныя утро́бы,/ Его́же о́троцы благословя́т, свяще́нницы воспева́ют,/ лю́дие превозно́сят во вся ве́ки.

Песнь 9

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее небе́с./ Тем Тя, Богоро́дицу,/ А́нгелов и челове́к чинонача́лия велича́ют.

Бога́тством милосе́рдия соше́дый с Небе́с,/ Крест же и смерть нас ра́ди во́лею претерпе́л еси́, я́ко Благ./ Сего́ ра́ди Иси́дор, на Тя взира́я, вопия́ше:/ соумру́ Тебе́, да жив бу́ду,/ сраспну́ся, да ца́рствую с Тобо́ю.

Зако́нно твои́х крове́й на земли́ ка́пли излия́вшияся, Иси́доре,/ на Небесе́х оде́жду тебе́ обагри́ша благоле́пно, истка́ну благода́тию,/ в ню́же ны́не оде́ян, Христу́ предстои́ши, в черто́зех, преблаже́нне, Небе́сных,/ вене́ц нося́, му́чениче сла́вне.

Я́ко име́я дерзнове́ние ко Христу́, моли́тися не преста́й, Иси́доре,/ от напа́стей, бу́ри же, и скорбе́й, и страсте́й изба́вити/ творя́щих па́мять твою́ досто́йно свяще́нную,/ душе́внаго же спасе́ния прося́, треблаже́нне, твоего́ жре́бия сподо́би.

Богоро́дичен: Я́ко Спа́са ро́ждшая и Изба́вителя,/ спасе́ние мне, Отрокови́це, сподо́би получи́ти, Пречи́стая,/ прегреше́ний мои́х плени́цы Твои́ми моли́твами разреша́ющи:/ вся бо, я́ко хо́щеши, Ты исправля́еши,/ я́ко носи́ла еси́ в не́дрех всех Царя́ бла́гостию несравне́нною.

Святой мученик Исидор, родом из Александрии, жил в III веке на острове Хиос. В первый год правления римского императора Декия (249–251) был издан указ о переписи всех способных служить в войске. Святого Исидора, отличавшагося крепким телосложением, приняли в полк военачальника Нумерия. Другой императорский указ повелевал, чтобы все воины поклонялись римским языческим богам и приносили им жертвы. Не подчинившиеся указу должны были предаваться на мучения и смерть. Будучи христианином, святой Исидор отличался воздержанной жизнью и целомудрием, избегал языческих обычаев. Сотник донес военачальнику Нумерию, что Исидор – христианин. На допросе перед Нумерием святой Исидор бесстрашно исповедал свою веру во Христа Спасителя и отказался принести жертву идолам. Тщетно убеждал Нумерий святого не подвергать себя мучениям и повиноваться воле императора. Святой Исидор твердо отвечал, что повинуется только воле Вечного Бога, Христа Спасителя, и никогда не отречется от Него. Преданный пыткам, он славил Христа и отрицал языческих идолов. По приказу палача у святого отрезали язык, но и после этого он продолжал внятно и громко прославлять Христа. Нумерий в ужасе пал на землю и лишился дара речи. Поднятый воинами, он знаками потребовал себе дощечку и на ней написал приказ: отсечь мученику голову. С радостью встретил святой Исидор свой смертный приговор словами: «Славлю Тебя, Владыко мой, что Ты по милости Своей принимаешь меня в Свои небесные селения!» Кончина страдальца произошла в 251 году. После казни тело его было брошено без погребения, но друг святого, тайный христианин Аммоний, взял его тело и предал земле. Позднее и сам Аммоний принял мученическую кончину в городе Кизике (память 4 сентября).

В начале XII века русский паломник игумен Даниил видел мощи святого мученика Исидора на острове Хиос. Позднее они были перенесены в Константинополь и положены в храме во имя святой мученицы Ирины.

ВЕ́ЧЕР

На Го́споди, воззва́х: стихи́ры глас 4.

Подо́бен: Я́ко до́бля:

Све́тло возсия́, я́ко со́лнце,/ светоза́рная па́мять твоя́,/ луча́ми облиста́ющи твои́х доброде́тельных дея́ний,/ всеблаже́нне Иси́доре,/ и озаря́ющи ве́рных ра́зумы/ све́том чуде́с твои́х./ Сию́ у́бо пра́зднующе,/ ра́достно тя сла́вим и ве́рно ублажа́ем,/ уго́дниче Христа́ Бо́га на́шего,/ Его́же моли́ от тли и бед изба́витися/ ве́рою пра́зднующим всечестно́е твое́ успе́ние.

Земны́й а́нгел и небе́сный челове́к/ яви́лся еси́, преблаже́нне,/ исто́чник умиле́ния,/ ми́лости тече́ние,/ пучи́на чуде́с, струя́ исцеле́ний,/ Иси́доре досточу́дне,/ ма́слина Бо́жия, вои́стинну плодови́та,/ еле́ем трудо́в твои́х/ просвеща́я ве́рно хва́лящих тя/ и моля́ Человеколю́бца от бед изба́вити/ любо́вию чту́щия всечестну́ю па́мять твою́.

Ра́зум твой, блаже́нне,/ Боже́ственным све́том сия́я,/ теле́сныя стра́сти превзы́де,/ не приме́сен до́льним нося́ о́браз/ и вообража́я себе́ Боже́ственными доброде́тельми,/ показа́ся весь светообра́зен/ поспеше́нием Ду́ха Пресвята́го,/ Иси́доре Богому́дре,/ пра́ведным похвала́./ С ни́миже моли́ Христа́ Бо́га на́шего/ от бед изба́вити пою́щия тя.

И́ны стихи́ры глас 8.

Подо́бен: О, пресла́внаго чудесе́:

Блаже́нне Иси́доре Богому́дре,/ чи́стая твоя́ душа́,/ правове́рным смы́слом сия́ющи,/ облиста́ющи доброде́телей светлостьми́,/ озаря́ет ве́рных исполне́ние,/ бесо́вскую тьму отгоня́щи./ Те́мже я́ко прича́стника тя невече́рней благода́ти/ ублажа́ем благоче́стно вси, досточу́дне.

Име́я ду́шу ми́лостивну,/ и чист по́мысл,/ и се́рдце бо́дро, ве́ру небла́знену/ и любо́вь вои́стинну нелицеме́рну,/ от земли́ преста́вился еси́ к Небе́сным/ и с ли́ки пра́ведных водворя́ешися./ Те́мже тя почита́ем свяще́нными пе́сньми/ и благоче́стно вси сла́вим,/ досточу́дне Иси́доре.

Боже́ственными уче́нии укрепля́яся,/ стра́сти плотски́я от души́ отгна́л еси́/ и Святе́й Тро́ице селе́ние преочище́нное был еси́./ Тем к Боже́ственней жи́зни преста́вился еси́,/ Бо́гу соблюда́ющу,/ и ны́не невреди́мо твое́ блаже́нное те́ло/ Боже́ственным судо́м, и́мже Сам весть,/ прославля́яй тя я́ве, Иси́доре.

Сла́ва, глас 1:

Я́ко тече́ние до́бре сконча́вшему,/ и ве́ру соблю́дшему непоро́чну,/ и враги́ безпло́тныя терпе́нием свои́м попра́вшему,/ возложи́ся на честны́й твой верх/ побе́ды вене́ц пресве́тел/ от руки́ Вседержи́теля Бо́га,/ Его́же ра́ди мир и я́же в нем су́етства преоби́дел еси́./ Тем и свята́я твоя́ чи́стая душа́/ на Небеса́ востече́, ра́дующися,/ пра́ведных же ли́цы срето́ша тя, веселя́щеся,/ и Небе́сная селе́ния све́тло восприя́ша;/ блаже́нное же и честно́е те́ло твое́/ на земли́ пребыва́ет нетле́нно,/ ве́рным подая́ исцеле́ние./ Те́мже ве́рою пра́вою и те́плым жела́нием/ свято́му твоему́ гро́бу припа́дающе,/ Богому́дре Иси́доре,/ про́сим испроси́ти у Христа́ Бо́га на́шего,/ гра́ду твоему́ нелоколеби́му и безмяте́жну/ пребы́ти от наве́т вра́жиих и пога́нскаго наше́ствия,/ во́инству на́шему побе́ды на враги́,/ умире́ния ми́ру/ и спасе́ния душа́м на́шим.

И ны́не, пра́здника или́ Богоро́дичен.

Чтения 3.

Прему́дрости Соломо́новы чте́ние (главы́ 5 и 6):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ради прии́мут ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние свое́/ и вооружи́т тварь в месть враго́м./ Облече́тся в броня́ пра́вды/ и возложи́т шлем суд нелицеме́рен./ Прии́мет щит непобеди́мый преподо́бие,/ поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т,/ и от каменоме́тныя я́рости испо́лнь паду́т гра́ды./ Вознегоду́ет на них вода́ морска́я,/ ре́ки же потопя́т я на́гло./ Сопроти́в ста́нет им дух си́лы/ и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́./ Внуши́те держа́щии мно́жества/ и гордя́щиися о наро́дех язы́к,/ я́ко дана́ есть от Го́спода держа́ва вам/ и си́ла от Вы́шняго.

Прему́дрости Соломо́новы чте́ние (глава́ 3):

Пра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их,/ и е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́новы чте́ние (глава́ 4):

Пра́ведник а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется./ Седи́на же есть му́дрость челове́ком,/ и во́зраст ста́рости житие́ нескве́рное./ Благоугоде́н Бо́гови быв, возлю́блен бысть/ и живы́й посреде́ гре́шных преста́влен бысть./ Восхище́н бысть, да не зло́ба измени́т ра́зума его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На стихо́вне стихи́ры глас 2.

Подо́бен: До́ме Евфра́фов:

Дом и жили́ще Ду́ха Пресвята́го,/ му́дре Иси́доре, был еси́,/ те́мже и нас/ до́мы Тому́ соде́лай,/ святу́ю твою́ па́мять почита́ющих.

Стих: Возвесели́тся пра́ведник о Го́споде/ и упова́ет на Него́.

Житие́ твое́, я́ко со́лнце,/ в сердца́ ве́рных возсия́,/ зарю́ чуде́с испуща́я./ Те́мже и нас све́том невече́рним озари́,/ всечестну́ю твою́ па́мять почита́ющих.

Стих: Пра́ведник, я́ко фи́никс, процвете́т,/ я́ко кедр, и́же в Лива́не, умно́жится.

Не преста́й моля́ся, Иси́доре,/ о при́сных твои́х рабе́х,/ и́хже духо́вным твои́м житие́м просвети́л еси́,/ да вси честно́е твое́ успе́ние,/ веселя́щеся, почита́ем.

Сла́ва, глас то́йже. Самогла́сен:

От нече́стия во благоче́стие прише́дый,/ све́том разу́мным от Бо́га просвеще́н быв,/ возненави́дел еси́ оте́ческое безбо́жие/ и возлюби́л еси́ и́стинную ве́ру Христо́ву,/ гра́да на́шего я́ко дости́гнув/ и в нем чи́стым и непоро́чным житие́м Го́сподеви угоди́л еси́/ и мно́гия лю́ди удиви́л еси́ чудесы́,/ Богоблаже́нне Иси́доре./ Но ны́не име́я дерзнове́ние ко Влады́це всех Бо́гу,/ моли́ о и́же ве́рою творя́щих всечестну́ю твою́ па́мять,/ притека́ющих со усе́рдием к чуде́сному гро́бу твоему́,/ изба́витися страсте́й душе́вных же вку́пе и теле́сных/ и вся́ческих бед и искуше́ний/ и спасти́ся душа́м на́шим.

И ны́не, пра́здника или́ Богоро́дичен.

Тропа́рь, глас 4:

Просвети́вся Боже́ственною благода́тию, Богому́дре,/ целому́дрием мно́гим и терпе́нием/ во вре́менней жи́зни тече́ние до́бре сконча́л еси́./ Тем и по сме́рти яви́ тя све́тлость жития́ твоего́:/ источа́еши бо исцеле́ний благода́ть/ и́же с ве́рою притека́ющим ко свято́му твоему́ гро́бу,/ Иси́доре блаже́нне,/ моли́ Христа́ Бо́га,/ да спасе́т ду́ши на́ша.

Ин тропа́рь, глас то́йже:

От земли́ Воззва́вый тя на ве́чныя оби́тели,/ соблюда́ет и по сме́рти те́ло твое́ невреди́мо,/ свя́те Иси́доре,/ ты бо в целому́дрии и чистоте́ жития́ пожи́л еси́, блаже́нне,/ не оскверни́в своего́ телесе́,/ те́мже со дерзнове́нием Христа́ Бо́га моли́/ спасти́ся душа́м на́шим.

Ин тропа́рь, глас 1:

Боже́ственною свы́ше просвети́вся благода́тию, Богому́дре,/ мно́гим терпе́нием во вре́менней жи́зни тече́ние соверши́л еси́,/ те́мже и по успе́нии источа́еши чудеса́/ и́же с ве́рою приходя́щим к ра́це моще́й твои́х, Иси́доре всеблаже́нне./ Сла́ва Да́вшему ти кре́пость,/ сла́ва Просла́вльшему тя в чудесе́х,/ сла́ва Де́йствующему тобо́ю всем исцеле́ния.

НА У́ТРЕНИ

По 1-й стихоло́гии седа́лен, глас 8.

Подо́бен: Прему́дрости:

От ю́ности, я́ко свети́льник, возсия́л еси́, блаже́нне,/ зе́льным воздержа́нием умертви́л еси́ плотска́я взыгра́ния,/ тем и на высоту́ восте́кл еси́ Богоразу́мия, пресла́вне,/ пожи́в в ми́ре богоуго́дно,/ посрами́л еси́ бесо́вская ополче́ния, Иси́доре всеблаже́нне./ Сего́ ра́ди вопие́м ти:/ моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, пра́здника или Богоро́дичен:

В ти́ну впад грехо́в, и несть мне постоя́ния,/ лю́те потопи́ мя бу́ря прегреше́ний./ Но я́ко ро́ждши Сло́ва, еди́наго Человеколю́бца,/ на мя, раба́ Твоего́, при́зри и изба́ви мя вся́каго греха́,/ и страсте́й душетле́нных, и вся́каго озлобле́ния лука́ваго уби́йцы,/ Богоро́дице Неискусому́жная/ моли́ Христа́ Бо́га грехо́в оставле́ние да́ти ми,/ Тебе́ бо наде́жду и́мам, раб Твой.

По 2-й стихоло́гии седа́лен, глас 4:

Я́ко в дому́ вои́стинну, на ме́сте пу́сте,/ посреди́ безу́мных челове́к всели́вся, Богому́дре Иси́доре,/ вся́ко озлобле́ние претерпева́я, до́брыя де́тели, я́коже фимиа́м благово́нен/ и же́ртву благоприя́тну, Бо́гу прине́сл еси́./ Те́мже, дерзнове́ние стяжа́в к Нему́,/ моли́ дарова́ти очище́ние согреше́ний/ ве́рою хва́лящим святу́ю па́мять твою́.

Сла́ва, и ны́не, пра́здника или́ Богоро́дичен:

Прибе́жище су́щим в лю́тых,/ премене́ние к Бо́гу согреша́ющим, Пречи́стая Влады́чице,/ спаси́ нас от вся́каго обстоя́ния, и озлобле́ния челове́ческа,/ и стра́шнаго муче́ния, и страсте́й безче́стия,/ несумне́нною ве́рою Тя при́сно призыва́ющих, Де́во Всепе́тая.

По полиеле́и седа́лен, глас 8.

Подо́бен: Прему́дрости:

Я́ко врача́ прему́дра и уго́дника Госпо́дня богоприя́тна,/ к чуде́сному твоему́ гро́бу прикаса́ющеся, Богому́дре,/ соше́дшеся любо́вию и ве́рою, во псалме́х и пе́ниих возра́дуемся, сла́вяще Христа́,/ такову́ю благода́ть тебе́ дарова́вшаго исцеле́ний, Иси́доре всеблаже́нне./ Моли́ Христа́ Бо́га согреше́ний оставле́ние дарова́ти/ ве́рою и любо́вию пра́зднующим всечестну́ю па́мять твою́.

Сла́ва, и ны́не, пра́здника или́ Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Степе́нна, 1-й антифо́н 4-го гла́са. Проки́мен, глас 4: Возвесели́тся пра́ведник о Го́споде/ и упова́ет на Него́. Стих: Услы́ши, Бо́же, глас мой, внегда́ моли́ти ми ся к Тебе́. Ева́нгелие от Матфе́я, зача́ло 43.

По 50-м псалме́ стихи́ра, глас 6:

Челове́че Бо́жий,/ ве́рный ра́бе, уго́дниче Христо́в,/ соверши́телю Того́ Боже́ственных повеле́ний,/ му́жу ди́вный в чудесе́х,/ сто́лпе и утвержде́ние гра́ду на́шему,/ Ца́рствия Небе́снаго насле́дниче,/ Богоблаже́нне Иси́доре,/ дерзнове́ние име́я ко Христу́ Бо́гу,/ не преста́й моля́ся о душа́х на́ших.

Кано́н пра́здника со ирмосо́м на 6 и свята́го на 8, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Выспрь житие́ стяжа́в благодея́нием Боже́ственным/ и весь светообра́зен быв, просвеще́ние ми ниспосли́,/ я́ко да, ра́дуяся, восхвалю́ пресве́тлое житие́ твое́,/ е́же до́бре соверши́в, восприя́л еси́, я́же угото́ва Бог лю́бящим Его́,/ Богому́дре Иси́доре.

Боже́ственным разже́гся жела́нием, вся оте́ческия отве́ргл еси́ нра́вы,/ Христа́ же обрести́ потща́лся еси́./ И сего́ ра́ди, бе́гая, удали́вся нечести́вых сожи́тельства,/ благоче́стия све́том озаре́н был еси́/ и Боже́ственными доброде́тельми укра́шен, досточу́дне Иси́доре.

Дрема́ния ве́ждома не дал еси́, блаже́нне Иси́доре,/ ниже́ поко́я твоему́ те́лу, до́ндеже сном пра́ведным почи́в,/ и непоколеби́м был еси́, я́ко столп, враг неви́димых ополче́нием,/ Бо́гу при́сно предстоя́ во всено́щном стоя́нии и славосло́вии,/ те́мже от Него́ ны́не просла́вился еси́.

Богоро́дичен: Я́ко ло́жницу Боже́ственную и ле́ствицу,/ к Небе́сней возводя́щую высоте́ челове́ческое естество́,/ кади́льницу же Невеще́ственнаго и Светоно́снаго У́гля,/ в ложесне́х поне́сшу Богоизбра́нную Отрокови́цу Мари́ю, вси ублажа́ем, зову́ще:/ ра́дуйся, Чи́стая, ро́ждшая Нача́льника жи́зни на́шея.

Катава́сия пра́здника.

Песнь 3

Ирмо́с: Утвержде́й в нача́ле небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, еди́не Человеколю́бче.

Глаго́лом Боже́ственным после́дуя и сим вы́ну поуча́яся,/ испо́лнился еси́ вод благода́тных, и источи́л еси́ пото́ки чуде́с,/ и, чуждь быв вся́каго плотска́го жела́ния,/ воспева́я, глаго́лал еси́ Бо́гу, Иси́доре:/ несть свят, па́че Тебе́, Человеколю́бче.

Благоутро́бие стяжа́л еси́, ми́лостивому Бо́гу подо́бствовав,/ расточи́л еси́ бога́тство убо́гим;/ те́мже на Небесе́х присносу́щее блаже́нство тебе́ угото́вася,/ его́же получи́в, Иси́доре, вопие́ши:/ несть свят, па́че Тебе́, Человеколю́бче.

Благоугоди́в Зижди́телю де́лы Боже́ственными, насле́довал еси́ благи́х восприя́тие;/ дре́ва у́бо живо́тнаго при́сно наслажда́яся, блаже́нне Иси́доре, воспева́еши непреста́нно:/ несть свят, па́че Тебе́, Человеколю́бче.

Богоро́дичен: Святы́х А́нгел су́щи святе́йши, Я́же сих Соде́теля во Твое́й утро́бе поне́сшая/ и ро́ждшая, Богоотрокови́це Чи́стая, Изба́вителя челове́ком./ Те́мже Ти согла́сно вопие́м:/ несть свя́ты и пречи́сты, ра́зве Тебе́, Влады́чице.

Ин конда́к, глас 4:

Ве́рою па́мять твою́, блаже́нне, соверша́ющия,/ соблюда́й от вся́кия зло́бы и собла́зна змии́на,/ и́маши бо дерзнове́ние ко всех Влады́це, Христу́ Бо́гу,/ Его́же моли́ изба́витися от бед и напа́стей рабо́м твои́м,/ Богому́дре Иси́доре.

Седа́лен, глас 4:

От земли́ Воззва́вый тя на ве́чныя оби́тели/ соблюда́ет и по сме́рти неврежде́но те́ло твое́, свя́те:/ ты бо в целому́дрии и чистоте́ житие́ по́жил еси́,/ не порабо́тився плотски́м страсте́м, Иси́доре Богому́дре./ Те́мже тя любо́вию почита́ем.

Сла́ва, и ны́не, пра́здника или́ Богоро́дичен:

Стена́ непобеди́мая нам, христиа́ном, еси́, Богоро́дице Де́во:/ к Тебе́ бо прибега́юще, невреди́ми пребыва́ем/ и, па́ки согреша́юще, и́мамы Тя Моли́твенницу./ Тем, благодаря́ще, вопие́м Ти:/ ра́дуйся, Благода́тная, Госпо́дь с Тобо́ю.

Песнь 4

Ирмо́с: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

За́поведей Боже́ственным соверши́тель яви́вся,/ неукло́нным ра́зумом, всеблаже́нне, оте́ческаго небре́гл еси́ неве́рствия,/ от ю́ности бо житие́ име́л еси́ нескве́рно/ и ми́лостивен ра́зум, досточу́дне, зовы́й непреста́нно:/ си́ле Твое́й сла́ва, Человеколю́бче.

Ни ми́ра возмуще́ние, ни вла́сти удержа́ние, ни сла́ва вре́менная,/ ниже́ тле́емое бога́тство твоея́ к Бо́гу любве́ возмого́ша уклони́ти, Иси́доре./ Но благоволи́л еси́ вои́стинну житие́ изря́дно,/ Боже́ственным раче́нием укрепля́емь, взыва́я при́сно:/ си́ле Твое́й сла́ва, Человеколю́бче.

Возвыша́яся Боже́ственными повеле́нии вы́ну,/ враг неви́димых смири́л еси́ возвыше́ния умиле́ния слеза́ми,/ я́коже кедр, при́сно сый напоя́емь, прия́л еси́ исцеле́ний де́тель, Иси́доре,/ судо́м пра́ведным вся́ческая оправда́ющаго, Ему́же предстоя́, вопие́ши:/ си́ле Твое́й сла́ва, Человеколю́бче.

Богоро́дичен: Преукра́шена Боже́ственною сла́вою,/ вся́ческая от не су́щих сло́вом соста́вльшаго Бо́га Сло́ва родила́ еси́,/ Челове́ка вои́стинну бы́вша,/ Его́же о нас, рабе́х Твои́х, моля́щи не преста́й,/ Богоро́дице Ма́ти Присноде́во, ве́рою Тебе́ зову́щих:/ си́ле Твое́й сла́ва, Влады́чице.

Песнь 5

Ирмо́с: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя напра́ви, молю́ся.

Све́том невеще́ственным трисия́ннаго Божества́ озаре́н, досточу́дне Иси́доре,/ нощь жития́ настоя́щаго непоткнове́нно преше́л еси́/ и ны́не, в ве́чных оби́телех с ли́ки преподо́бных водворя́яся,/ помина́й нас, всечестну́ю твою́ па́мять на земли́ торжеству́ющих.

Ны́не е́же о тебе́ чу́до ве́лие зри́мо есть/ и у́жаса испо́лнено, Богоблаже́нне Иси́доре:/ ка́ко на мно́га ле́та земле́ю покрове́нно нетле́нно твое́ те́ло,/ во гро́бе лежа́що, соблюда́ется,/ судьба́ми, и́миже весть Бог, прославля́я тя.

Богоприя́тному твоему́ начина́нию и чу́дному соверше́нию по Христе́ жития́ твоего́/ А́нгельстии чи́ни удиви́шася, Богому́дре Иси́доре,/ и́бо во пло́ти сый, тех житию́ подража́тель яви́лся еси́./ Те́мже и дар прозре́ния от Бо́га прия́л еси́,/ е́же пресла́вная твори́ти чудеса́.

Богоро́дичен: Моли́ из Тебе́ ро́ждшагося Го́спода, Де́во Отрокови́це Чи́стая,/ сохрани́ти рабы́ Твоя́ от сопроти́вных обстоя́ний и бесо́вскаго искуше́ния,/ Тя, вои́стинну Бо́жию Ма́терь, испове́дающих,/ и страсте́й душетле́нных свободи́ти, и ве́чнаго осужде́ния.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Струи́ благода́ти, я́ко ми́ро благово́нно, от свята́го твоего́ гро́ба истека́ют, всебога́те,/ веселя́ще сердца́ ве́рных, от любве́ к тебе́ приходя́щих,/ и прогоня́юще кова́рства духо́в лука́вых/ си́лою Ду́ха Пресвята́го, Иси́доре.

Во дво́рех Го́спода Савао́фа насажде́н, я́коже фи́никс, процве́л еси́, Богому́дре,/ и страсте́й вои́стинну тлетво́рных победи́тель/ яви́лся еси́, Иси́доре, поспеше́нием Боже́ственным./ Те́мже и ра́дости пра́ведных сподо́бился еси́, досточу́дне.

Ца́рствия Бо́жия возжела́в, тече́ние до́бре сконча́л еси́/ и ве́ру соблю́л еси́ нескве́рнену,/ виногра́д быв благопло́ден, Богозва́нне Иси́доре,/ принося́ всекра́сныя гро́зды доброде́тели Соде́телю всех, Бо́гу,/ венце́м нетле́ния тебе́ украси́вшему.

Богоро́дичен: Избра́ Тебе́ Госпо́дь во всех ро́дех,/ благослове́нная в жена́х, непоро́чная Де́во Богоро́дице,/ я́ко прекра́сное селе́ние простра́нное, Боже́ственную ло́жницу,/ и киво́т святы́ни, и све́щник, и трапе́зу, Чи́стая.

Конда́к, глас 8

Подо́бен: Взбра́нной:

Взбра́нному и ди́вному в пра́ведницех,/ и́же у́бо от Христа́ дар чуде́с прии́мшему,/ похва́льныя ны́не принесе́м глаго́лы,/ но я́ко име́я дерзнове́ние ко Святе́й Тро́ице,/ Ю́же моли́ изба́витися от бед рабо́м твои́м, да зове́м ти:/ ра́дуйся, Богому́дре Иси́доре.

И́кос:

Ка́ко возмогу́, гре́шный и скве́рный, аз вку́пе душе́ю и те́лом исписа́ти,/ е́же во пло́ти сый, равноа́нгельное житие́ твое́ и пресла́вная чудеса́?/ А́ще у́бо мно́зи прему́дрии не дости́гнут испове́дати/ мно́гаго твоего́ терпе́ния, и смире́ния, и те́плыя ко Христу́ любве́,/ но, оба́че наде́яся на твое́ беззло́бие, о блаже́нне, си́це вопию́ ти:/ ра́дуйся, пресве́тлая звездо́, от за́пада возсия́вшая и к восто́ку прише́дшая./ Ра́дуйся, возненави́девый оте́ческую и богоме́рзкую ве́ру,/ Христа́ же еди́наго, над все́ми су́щаго Бо́га, всем се́рдцем возлюби́вый/ и Тому́ невозвра́тным жела́нием после́довавый./ Ра́дуйся, бу́йственное и юро́дственное е́же по апо́столу, жи́тельство избра́вый./ Ра́дуйся, премени́вый тле́нная и настоя́щая наде́ждею бу́дущих благ./ Ра́дуйся, дре́внему И́ову уподо́бивыйся терпе́нием./ Ра́дуйся, страстоте́рпче Христо́в непобеди́мый,/ но при́сно победи́вый диа́вола твои́м смире́нием./ Ра́дуйся, я́ко дре́вний он Ла́зарь ни́щий, почива́я ны́не в ло́нех Авраа́млих./ Ра́дуйся, и́же по отше́ствии ми́ра сего́/ су́щим в беда́х и искуше́ниих гото́в обрета́яся предста́тель и засту́пник./ Ра́дуйся, везде́ призыва́ющих тя бы́стро предваря́яй./ Ра́дуйся, Богому́дре Иси́доре.

Песнь 7

Ирмо́с: Бо́жия снизхожде́ния/ огнь устыде́ся в Вавило́не иногда́,/ сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Си́лою укрепля́емь всемогу́щаго Бо́га, плоть умертви́л еси́/ и я́же до́лу влеку́щая мудрова́ния, всебога́те, чистото́ю и бде́нием непреста́нным/ и ра́зум горе́ стяжа́л еси́, вопия́ непреста́нно, Иси́доре:/ благослове́н еси́, Бо́же оте́ц на́ших.

Све́тлости ра́ди жития́ твоего́ удиви́ тя Госпо́дь в чудесе́х, Богому́дре Иси́доре:/ купцу́ у́бо, в мо́ри утопа́ющу, скоре́йшим явле́нием предста́л еси́, досточу́дне,/ и от глубины́ сего́ изба́вил еси́, вопию́ща:/ благослове́н еси́, Бо́же оте́ц на́ших.

Го́рнее Ца́рствие, весе́лие присносу́щное и сла́ву неувяда́ющую,/ бога́тство неистощи́мое и е́же преподо́бных наслажде́ние,/ по́честь трудо́в твои́х восприя́л еси́ от Бо́га, Благоде́теля всех,/ Ему́же ны́не предстоя́, вопие́ши:/ благослове́н еси́, Бо́же оте́ц на́ших.

Богоро́дичен: Его́же родила́ еси́, Го́спода, Влады́чице Чи́стая, не преста́й моля́щи,/ изъя́ти мя при́сно от враг, оскорбля́ющих мя,/ и тя́жкое бре́мя грехо́в мои́х расточи́ти, Богоневе́стная,/ я́ко да, ра́дуяся, вопию́:/ благослове́н, Пречи́стая, Плод Твоего́ чре́ва.

Песнь 8

Ирмо́с: Седмери́цею пещь/ халде́йский мучи́тель,/ Богочести́вым неи́стовно разжже́,/ си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Не то́кмо в жити́и сый,/ но и по отше́ствии ми́ра мно́жайшая чудеса́ от честна́го твоего́ гро́ба содева́ются/ приходя́щим с ве́рою, всеблаже́нне Иси́доре,/ и́бо неду́ги прого́ниши си́лою духо́вною и от бед изыма́еши./ Те́мже, не престаю́ще, вопие́м:/ свяще́нницы, воспо́йте, лю́дие, превозноси́те во вся ве́ки.

Дерзну́вша у́бо иере́я извеще́ние прия́ти о святе́м телеси́ твое́м,/ Боже́ственная а́бие си́ла напра́сно порази́,/ но твои́ми моли́твами исцеле́ние получи́, всехва́льне Иси́доре./ Те́мже и мы, веселя́щеся, вопие́м:/ свяще́нницы, воспо́йте, лю́дие, превозноси́те во вся ве́ки.

Доброде́тельным нра́вом и се́рдцем смире́нным/ ми́лостив ты яви́лся еси́, досточу́дне Иси́доре, тре́бующим от Тебе́ по́мощи,/ при́сно помога́я и чуде́с дея́нием удивля́я ве́рою Го́сподеви вопию́щия:/ свяще́нницы, по́йте, лю́дие, превозноси́те во вся ве́ки.

Богоро́дичен: Ада́ма Соде́тель в ложесна́х Твои́х, Чи́стая, зи́ждется/ и млеко́м пита́ется, пита́яй вся́ко дыха́ние, Де́во Богоро́дице./ Те́мже я́ко Ма́терь Бо́жию, ве́рнии, Тя прославля́ем/ и превозно́сим Чи́стую во веки.

Песнь 9

Ирмо́с: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее небе́с./ Тем Тя, Богоро́дицу,/ А́нгелов и челове́к чинонача́лия велича́ют.

Зре́ти при́сно возжела́в сла́ву Бо́га на́шего, Иси́доре,/ мно́гих доброде́телей разли́чными о́бразы себе́ удобри́л еси́/ и, свещу́ нося́, укра́шену еле́ем терпе́ния твоего́,/ возше́л еси́ в светоно́сный черто́г,/ со А́нгелы сый ясне́е наслажда́ешися Боговиде́ния.

Я́ко у́треннее со́лнце, возсия́ па́мять твоя́ в ми́ре су́щим,/ сердца́ озаря́ющи Боже́ственною све́тлостию:/ ты бо све́та и дне я́ко вои́стинну сын яви́лся еси́, Богому́дре Иси́доре,/ те́мже тя непреста́нно ублажа́ем.

Прему́дростию украша́яся и ра́зумом просвеща́яся, смире́нием се́рдца ра́дуяся,/ высото́ю же жития́ сия́я, досточу́дне,/ в Небе́сная селе́ния преше́л еси́ и та́мо, в ли́це пра́ведных предстоя́,/ нас помина́й, чту́щих тя, блаже́нне Иси́доре.

Богоро́дичен: Све́та Боже́ственнаго прия́телище, луча́ми Божества́ мир озари́вшаго,/ ви́дена была́ еси́, Богоблагода́тная,/ мост же и ле́ствица, на высоту́ земны́я возводя́щи, Де́во./ Те́мже, ве́рнии, ублажа́ющи, Тя велича́ем.

Свети́лен.

Подо́бен: Жены́, услы́шите:

Удали́вся, бе́гая мирски́х сожи́тельства,/ Христу́, над все́ми Бо́гу на́шему,/ непоро́чным житие́м благоугоди́л еси́, всеблаже́нне Иси́доре,/ Его́же ны́не моли́ о нас, рабе́х твои́х,/ ве́рою пра́зднующих всечестну́ю па́мять твою́.

Богоро́дичен:

Му́дрость Ипоста́сную, и Сло́во пресу́щное,/ и врача́ всех, Христа́ ро́ждшая, Де́во,/ стру́пы и я́звы души́ моея́ исцели́, лю́тыя и многовре́менныя,/ и се́рдца моего́ стра́стная утоли́ помышле́ния.

На хвали́тех стихи́ры на 4, глас 4.

Подо́бен: Дал еси́ зна́мение:

Дал еси́ при́тчу терпе́ния и му́жества,/ преблаги́й Го́споди,/ пра́веднаго Иси́дора и многочуде́снаго/ доброде́тельми, и словесы́,/ и де́лы сия́юща,/ целому́дрием украша́ема и кро́тостию./ Тем Твое́ неизрече́нное смотре́ние сла́вим,/ Иису́се всеси́льне/ и Спа́се душ на́ших.

Пра́веден и незло́бив,/ и́стинен же, и непоро́чен, и ве́рен,/ уклоня́яся от вся́кия зло́бныя ве́щи,/ показа́лся еси́, Иси́доре блаже́нне,/ просвеще́н доброде́тельми/ и благоче́стием сия́я./ Тем тя ублажа́ем/ и свято́е твое́ и честно́е днесь пра́зднуем успе́ние,/ ра́дующеся, Богому́дре.

Целому́дрием и благове́рием,/ я́ко багряни́цею многоце́нною, оде́явся, Иси́доре,/ пра́вдою же и кро́тостию,/ я́ко Боже́ственным венце́м, венча́лся еси́,/ со стра́ждущими Христа́ ра́ди/ ца́рствовати возжеле́л еси́./ И ны́не Царю́ сил предстои́ши,/ Иису́су всеми́лостивому/ и Спа́су душ на́ших.

Сла́ва, глас 8:

Доброде́телей твои́х, Богому́дре Иси́доре,/ исправле́ния уясни́ша ве́рных сердца́:/ кто бо слы́ша безме́рное твое́ смире́ние/ и терпе́нию не удиви́ся?/ Я́же ко всем кро́тости и беззло́бию,/ к скорбя́щим ми́лованию/ и к су́щим в беда́х ско́рому поможе́нию,/ к пла́вающим немяте́жному приста́нищу/ и в путь ше́ствующим благо́му поспеше́нию./ Вся боголе́пно научи́л еси́, досточу́дне,/ и ны́не неувяда́емым венце́м/ венча́лся еси́ от руки́ Вседержи́теля Бо́га./ Его́же моли́ спасти́ся душа́м на́шим.

И ны́не, пра́здника или́ Богоро́дичен.

Славосло́вие вели́кое. И отпу́ст.

НА ЛИТУРГИ́И

Блаже́нны, пе́сни 3-я и 6-я. Проки́мен: Честна́ пред Го́сподем смерть/ преподо́бных Его́. Стих: Что́ возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилуи́я: Блаже́н муж, боя́йся Го́спода, в за́поведех Его́ восхо́щет зело́. Ева́нгелие от Матфе́я, зача́ло 10. Прича́стен: В па́мять ве́чную бу́дет пра́ведник:

Блаженный Исидор, Христа ради юродивый, Ростовский чудотворец, родился в Германии, в окрестностях, вероятно, Бреннабора (или Браннибора, ныне – Бранденбург) в богатой славянской семье католического вероисповедания. Уже в ранней юности отличаясь чистотой и милосердием, святой Исидор раздал богатство убогим и ради Царства Небесного оставил родительский дом. Приняв на себя подвиг юродства Христа ради, он в лохмотьях и с посохом в руке отправился в долгое странствование через многие города и страны, терпя повсюду насмешки, издевательства, а порой даже и побои.

Последней страной на пути его скитаний оказалась Россия. Блаженный Исидор принял Православие и поселился в Ростове Великом. Построив себе непокрытую хижину из хвороста на болотистом пустыре в черте города, святой угодник Божий совершал в ней долгие ночные молитвы. Дни же он проводил на городских улицах, смиренно перенося все тяготы и поношения с усердной молитвой за своих обидчиков. Спал святой днем очень мало и не иначе, как на куче навоза или на сырой земле.

Вдохновляемый в своих многотрудных подвигах горячей любовью к Богу, он претерпевал всякое озлобление и скорбь с таким усердием, что своим терпением уподобился древнему Иову. И Господь прославил такую нелицемерную любовь подвижника даром чудотворений. Однажды блаженный Исидор спас от неминуемой гибели ростовского купца, брошенного в бушующее море по жребию его попутчиками. Корабль был застигнут внезапной бурей, и плывшие на нем, подобно спутникам пророка Ионы, решили через жребий узнать, по чьим грехам им угрожает опасность, и бросить виновного в море. Оказавшись на небольшой доске в штормовых волнах, купец почти потерял надежду на спасение, когда внезапно его взору предстал блаженный Исидор, шедший по воде, как по суше. Чудесным образом блаженный Исидор вернул на корабль купца и повелел ему объяснять всем чудесное избавление от смерти силой Божественного милосердия. Впоследствии при случайной встрече на одной из ростовских улиц со спасенным им купцом он вновь настоятельно потребовал не разглашать тайну своего чудесного заступничества, а воздавать благодарение Богу.

Сохранился и другой рассказ о даре чудотворений блаженного Исидора. Однажды блаженный Исидор пришел ко двору Ростовского князя в момент, когда тот принимал у себя епископа, и просил у одного из стражников воды для утоления жажды, но был грубо изгнан от княжеского дворца. Тем временем слуги, посланные князем за водой для стола, были немало удивлены, обнаружив все сосуды с запасенной прежде водой совершенно пустыми. Когда князю доложили о грубом обращении с юродивым, он строго наказал своего стражника, повелел отыскать блаженного Исидора и умолить его явиться во дворец. Вскоре угодник Божий был доставлен к князю. Он вошел с большой просфорой в руках, которую преподнес епископу со словами: «Приими, святителю, просфору сию, юже аз в сий час приях от руки святейшего митрополита в Киеве, в церкви Святой Софии». Ко всеобщему удивлению, все пустые сосуды оказались при этом вновь наполненными чистой родниковой водой. И всем стало ясно, что его слова о чудесном перенесении в Киев и о мгновенном возвращении с просфорой в Ростов не были плодом воображения блаженного, которого ангел Божий действительно восхитил, подобно святому Георгию, игумену горы Синайской (восхищенному из своей келлии в Иерусалим и возвращенному обратно после причащения Святых Христовых Тайн из рук Святейшего Патриарха Петра).

Современники блаженного Исидора, не раз убеждавшиеся на деле в осуществлении его предсказаний, называли святого «Твердисловом». Особенно ярким подтверждением правильности этого прозвища служит эпизод, когда блаженный Исидор явился в разгар брачного торжества по случаю венчания князя Саввы Оболенского и княжны Дарьи Луховской и, подойдя к новобрачному, вручил ему собственноручно сплетенный венок из полевых цветов со словами: «Вот тебе, князь, и архиерейская шапка». Таинственный смысл сказанных слов удивил новобрачных и их гостей, однако неясность предсказаний святого вскоре всех успокоила. И все же поступок блаженного Исидора и его слова оказались свидетельством его прозорливости: спустя несколько месяцев после свадьбы молодая княгиня внезапно скончалась. Безутешный в своем горе, князь Оболенский оставил мир и после пострижения в монашество с именем Иоасаф удалился в Ферапонтов монастырь. Свое служение Богу святой Иоасаф завершил на архиерейской кафедре в сане архиепископа Ростовского († 1489).

Блаженный Исидор получил откровение от Господа о своей кончине за несколько дней до смерти. Он мирно отошел к Господу в своей хворостяной келлии 14 мая 1474 года. Жители Ростова Великого были оповещены о его кончине удивительным благоуханием, внезапно разлившимся по всему городу. Некий прохожий, находившийся неподалеку от келлии святого угодника Божия, почувствовал благоухание, исходившее от его хижины. Когда он в нее вошел, то обнаружил святого Исидора, лежавшего на земле со сложенными крестообразно на груди руками, а лицо было устремленным горе. Погребен святой на месте, где стояла его хижина, а над могилой вскоре был сооружен деревянный храм в честь Вознесения Господня. Впоследствии, в 1566 году, на средства и по приказу Иоанна Грозного деревянный храм был заменен каменным. В 1770 году к храму был пристроен зимний придел во имя блаженного Исидора. Мощи святого почивали в этом приделе под спудом.

Блаженный Исидор почитался Русской Православной Церковью уже в XV веке. Царь Иоанн Грозный называл его одним из великих русских чудотворцев, благодаря молитвенному заступничеству которого в 1563 году был освобожден от поляков город Полоцк. В «Уставе церковных обрядов московского Успенского собора» (1636) написано: «Маия в 14 день Исидору Ростовскому благовест в лебедь, трезвон средний».

«Иконописный Подлинник» дает следующее описание внешности святого угодника Божия: «Подобием рус, власы велики, брада аки Никиты мученика, подоле, риза на нем едина разодранна серодикая, правое плечо наго, руки крестообразно, ноги голы».

Служба блаженному Исидору была составлена в то время, когда еще можно было опасаться «поганского нашествия», т. е., очевидно, вскоре после кончины святого. На Соборе 1547 года вопрос о составлении службы блаженному Исидору не обсуждался, следовательно, она уже была написана.

По свидетельству святителя Димитрия, митрополита Ростовского, после его кончины совершались чудесные исцеления людей, приходивших на его могилу с чистой верой и надеждой на помощь.

Литература:

1. Святитель Димитрий, митрополит Ростовский. Жития святых. Т. 9., М., 1912.

2. О святых, прославленных в Российской Церкви. СПб., 1862.

3. Толстой М. В. Книга, глаголемая описание о Российских святых... М., 1887.

4. Бухарев И. Жития святых. М., 1892.

5. [Димитрий (Самбикин), архиепископ.] Месяцеслов святых, всею Русскою Церковью или местно чтимых... Вып. 9. Май. Тверь, 1899.

6. Жизнеописания угодников Божиих, живших в пределах нынешней Ярославской епархии. Ярославль, 1885.

(Службу зри 31 января)

Тропа́рь, глас 2:

Небе́снаго простра́нства жела́я,/ от ю́ности в те́сне ме́сте затвори́лся еси́,/ в не́мже прельще́н быв от врага́,/ па́ки смире́нием и послуша́нием победи́л еси́ преле́стника кре́пце, Ники́то,/ и ны́не, предстоя́ Христо́ви,/ моли́ спасти́ся всем нам.

Конда́к, глас 1:

Победи́в вра́жия ле́сти до́бле/ и све́тло доброде́тельми просия́в,/ святи́тельства оде́ждою обле́клся еси́, пресла́вне Ники́то,/ в не́мже све́том жития́ твоего́ и чудесы́ сия́я па́че со́лнца,/ мно́гих просвети́в, приве́л еси́ Христо́ви,/ Его́же моли́ о нас, пою́щих тя.

Моли́тва

О, архиере́ю Бо́жий, святи́телю Ники́то, услы́ши нас, гре́шных раб твои́х, сте́кшихся днесь в свяще́нный храм сей, моля́щихся тебе́ и к свяще́нной твое́й ра́це притека́ющих и умиле́нно вопию́щих: я́коже седя́ на престо́ле святи́тельства в Вели́ком Но́вегра́де сем, и еди́ножды належа́щу бездо́ждию дождь моли́твами свел еси́, и па́ки гра́ду сему́, о́гненным пла́менем обстои́му, мо́литвою пла́мень о́гненный угаси́л еси́. И ны́не мо́лим тя, о святи́телю Христо́в Ники́то, моли́ся ко Го́споду е́же изба́вити Вели́кий Но́вград сей и вся гра́ды и страны́ христиа́нския от тру́са, пото́па, гла́да, огня́, гра́да, меча́ и от всех враго́в ви́димых и неви́димых. Я́ко да избра́нных моли́тв твои́х ра́ди спаса́еми, сла́вим Пресвяту́ю Тро́ицу, Отца́ и Сы́на и Свята́го Ду́ха, и твое́ ми́лостивное предста́тельство ны́не и при́сно и во ве́ки веко́в. Ами́нь.

Святитель Никита, епископ Новгородский, родом киевлянин, – один из первых пострижеников Киево-Печерской обители. Он подвизался там при преподобном игумене Никоне (1078–1088). В молодости инок Никита, желая прославиться среди монахов, стал просить игумена благословить его жить в затворе. Провидя, что Никита желает уединения по тщеславию, преподобный Никон не благословил его. Но ни вразумление игумена, ни опыт преподобного Исаакия, в молодости самовольно затворившегося в келлии и по неопытности впавшего в духовную прелесть, не остановили жаждущего подвигов, но самоуверенного инока: он ушел в затвор.

Не прошло и года, как Никита подвергся искушению. Однажды во время молитвы он услышал голос, молившийся вместе с ним, и ощутил некое благоухание. Затем ему явился диавол в образе светлого ангела, которого Никита принял за посланника Божия. Мнимый ангел повелел затворнику не молиться, а читать книги Ветхого Завета и поучать народ, и при этом обещал молиться вместо Никиты.

В скором времени Никита столь усовершенствовался в изучении Ветхого Завета, что знал его наизусть. По внушению искусителя он стал пророчествовать. Так, Никита сообщил князю Изяславу об убийстве Новгородского князя Глеба Святославича. Действительно, вскоре пришла весть, подтвердившая его слова. В летописях сообщается, что князь Глеб был убит 30 мая 1079 года. Так как пророчества Никиты с удивительной точностью исполнялись, то вскоре слава о нем распространилась повсеместно. Многие стали приходить к нему для беседы. Это убеждало затворника в правильности избранного им пути. О молитве же и покаянии Никита и не помышлял.

Он часто беседовал о Священном Писании Ветхого Завета, но избегал даже упоминаний имени Господа Иисуса Христа, избегал разговоров о Святом Евангелии. Узнав об этом, святые отцы Киево-Печерской Лавры поняли, что инок находится в опасном состоянии духовной прелести. Они не оставили в беде своего собрата. Преподобные отцы пришли к Никите и по их молитвам к Богу инок был избавлен от греховной прелести. После этого старцы хотели побеседовать с Никитой о Священном Писании, но оказалось, что самовольный затворник не только ни слова не помнит из Ветхого Завета, но даже читать не умеет, так что отцам пришлось заново учить его грамоте.

Раскаяние Никиты было искренним и глубоким, он полностью покорил себя воле старцев, стал вести строгую, воздержную жизнь. Много лет Никита оплакивал свой грех и нес подвиг смиренного послушания. Совершенствуясь в добродетелях, он достиг высокой духовной мудрости, стал одним из наиболее строгих подвижников Киево-Печерского монастыря. В Печерском Патерике говорится, что он «исповеда грех свой и плакася о том горько, дав себе в великое воздержание и послушание, восприем чистое и смиренное житие, я́ко превзыти ему всех добродетелию».

В 1096 году преподобный Никита был возведен митрополитом Киевским Ефремом (вторая половина XI в.) в епископский сан и назначен на кафедру Великого Новгорода. В «Росписи, или кратком летописце Новгородских владык» святитель Никита значится шестым Новгородским епископом.

Со времени епископской хиротонии труды святого Никиты умножились, а подвиги, которые он совершал в обители, возросли. «Он же паству приим и различными добротами себе наипаче украси, имея бо в себе молчания корень, воздержания ветвь, пощения цвет, смирения плод, любовию украшен, милостынею совершен, чистотою, и целомудрием, и правдою от обоюду, аки стенами, огражден и всеми благими нравы по многу изобилен». Предметом особых забот святителя Никиты была миссионерская деятельность по утверждению христианства, распространению и поддержанию благочестия в епархии. В течение двенадцатилетнего архиерейского служения он был для своей паствы примером добродетельной жизни. В Похвальном слове святителю Никите говорится, что он тайно подавал милостыни бедным, исполняя слово Божие: «...Когда творишь милостыню, пусть левая рука твоя не знает, что делает правая, чтобы милостыня твоя была втайне...» (Мф. 6:3–4).

Святитель Никита был усердным молитвенником и ходатаем за свою паству. Летописи сохранили свидетельства о двух случаях чудесного спасения Новгорода от бедствий: в 1097 году святитель Никита своей молитвой угасил пожар, истреблявший город, а в другой раз, во время губительной засухи, низвел дождь. Очевидно, поэтому он почитается верующими как защитник от пожаров и покровитель земледелия. Известно также, что святитель Никита чтился и как защитник Отечества, покровитель воинов. Летописец, рассказывая о походе Новгородского князя Мстислава и о его победах, замечает, что Мстислав вернулся «в град свой молитвами преподобного Никиты, епископа Новгородского».

Новгородским епископам принадлежала инициатива в различных общественных начинаниях: они строили и украшали храмы с помощью лучших мастеров, которых приглашали из Византии и Западной Европы. Наиболее значительные литературные произведения Новгорода создавались главным образом при Владычнем дворе. Благодаря трудам святителя Никиты в Новгороде было построено несколько храмов, не сохранившихся до наших дней, сведения о которых имеются в летописях и древних житиях: Спасо-Преображенский храм на Ильине улице (перестроен в 1574 году), Благовещенский храм на Городище (перестроен в 1342 году), деревянный храм Рождества Пресвятой Богородицы в Антониевом монастыре.

Антониев монастырь – второй в Новгороде – был основан по благословению святителя Никиты преподобным Антонием Римлянином (13 августа 1147; память 17 января, 3 августа, также в первую пятницу после дня памяти апостолов Петра и Павла) в начале ХII века. Благодаря содействию святителя Никиты преподобный Антоний получил для монастыря территорию на берегу реки Волхов, где остановился камень, на котором Антоний чудесно приплыл из Рима. Незадолго до кончины святитель Никита вместе с преподобным Антонием разметил место для нового каменного монастырского храма, который благословил освятить так же, как и прежний (деревянный), в честь Рождества Пресвятой Богородицы. Святитель Никита собственноручно начал копать ров под его основание.

Но построен храм был уже при его преемнике – епископе Иоанне (1108–1130). Весной 1108 года, уже после кончины святителя Никиты, была начата роспись стен новгородского собора во Имя Святой Софии Премудрости Божией по завещанию святителя Никиты.

Доныне цел каменный корпус новгородского архиерейского дома, и в памятниках, и в народном предании известный под именем Никитинского. Это самое древнее из дошедших до нашего времени строений архиерейского корпуса было перестроено до средних сводов.

При многочисленных трудах и заботах по благоустройству Новгородской епархии святитель Никита никогда не оставлял сугубого подвига монахов-отшельников: под святительскими одеждами он носил тяжелые железные вериги. Погребен святитель в новгородском Софийском соборе, в приделе во имя святых Иоакима и Анны – родителей Пресвятой Богородицы.

В 1547 году, при архиепископе Новгородском Феодосии (1542–1551), некий благочестивый христианин в пасхальную ночь за богослужением получил в откровении повеление украсить покровом гробницу святителя Никиты, что и было исполнено. В том же году на Церковном Соборе состоялось общероссийское прославление святителя. Через несколько лет архиепископ Новгородский Пимен (1553–1570) совершил открытие гробницы по благословению Митрополита Московского Макария († 1563). Обретение нетленных мощей святителя Никиты состоялось 30 апреля 1558 года. Примечательно, что по благодатной помощи святителя получают исцеление преимущественно больные глазами и слепые.

Мощи святителя были переложены в 1629 году из обветшавшей гробницы в новую деревянную, обложенную басменным серебром. Так как Иоакимовский придел был небольших размеров, то по благословению архиепископа Новгородского Пимена с восточной стороны придела была сделана полукруглая пристройка, соединенная аркой с Рождественским приделом. Под этим сводом и были положены в гробницу мощи святителя. Новгородцы принесли в дар своему Небесному покровителю лампаду с вызолоченной надписью: «Свеча Великого Новгорода, всех православных крестьян поставлена новому Новгородскому чудотворцу Никите в лето 7066, апреля в 30, при архиепископе Пимини». Эта «свеча» святителя Никиты вместе с древней гробницей, облачением, посохом и веригами позднее хранились в ризнице Новгородского Софийского собора.

В настоящее время гробница святителя Никиты находится в храме во имя святого апостола Филиппа, где пребывает в северном приделе во имя Святителя и Чудотворца Николая.

Ежегодно 13 мая (30 апреля ст. ст.), в день Обретения мощей святителя Никиты, к его гробнице прибывает множество паломников, чтобы почтить память великого молитвенника и светильника Церкви Русской, вознести ему свои горячие молитвы и получить его благословение. По воскресным дням в Филипповском храме совершается акафист святителю Никите.

Литература:

1. Патерик Печерский. Киев, 1883.

2. Жития святых угодников Божиих, почивающих в Софийском соборе в Новгороде. 2-е изд., 1902.

3. Описание Новгородского архиерейского дома. СПб., 1857.

4. Памятники истории Великого Новгорода. М., 1909.

5. Толстой М., Святыни и древности Великого Новгорода. М., 1862.

6. Журнал Московской Патриархии, 1983, № 4, с. 13–15.