24-й день

Преподо́бныя ма́тере на́шея Ксе́нии

Преподобная Ксения

Святи́теля Гера́сима, епи́скопа Великопе́рмскаго, Устьвы́мскаго

Святитель Герасим,епископ Великопермский (Устьвымский)

Свята́го му́ченика Иоа́нна Каза́нскаго

Святой мученик Иоанн Казанский

Святы́я блаже́нныя Ксе́нии Петербу́ргский, Христа́ ра́ди юро́дивыя

Святая блаженная Ксения Петербургская, Христа ради юродивая

На Го́споди, воззва́х: стихи́ры Окто́иха 3 и святы́я 3, глас 1.

Подо́бен: Небе́сных чино́в:

Претво́ршися пе́рвее любве́, честна́я,/ и утве́рждши де́лом лу́чшим тебе́ по́мыслом,/ изшла́ еси́ от суеты́ сласте́й, блаже́нная, стропо́тства/ и доброде́телей жесто́ким пра́во ше́ствуеши/ восхожде́нием, стра́нствовавши.

Вприста́нище Боже́ственное устреми́вшися,/ ти́хо прешла́ еси́ волн мирски́х мяте́ж,/ души́ же твоея́ кора́бль весь, всечестна́я,/ непогрузи́м везу́щи от сласте́й го́рести,/ та́инственных име́ний полн су́щий.

Боголе́пным подража́нием ты, стра́нствовавши,/ нас ра́ди свы́ше к нам Низше́дшаго возвы́сити па́дшия/ пребыва́еши, му́драя, сро́дником у́бо неве́дома,/ благочести́вым же па́че,/ и Бо́гу, Ксе́ние, всегда́ моля́щися.

Сла́ва, и ны́не, Богоро́дичен:

Препросла́вленна еси́ в ро́дех родо́в,/ Де́во Ма́ти Отрокови́це, Богоро́дице Мари́е,/ ми́ра предста́тельство,/ ро́ждши пло́тию Сы́на Безнача́льнаго Отца́,/ Соприсносу́щна же Ду́ху вои́стинну,/ Его́же моли́ спасти́ся нам.

Крестобогоро́дичен:

Воздви́жена я́ко ви́де на Кресте́ А́гнца/ непоро́чная Де́ва, пла́чущи, вопия́ше:/ сладча́йшее Мое́ Ча́до,/ что но́вое и пресла́вное виде́ние?/ Ка́ко, Содержа́й вся́ческая го́рстию,/ на Дре́ве пригвозди́лся еси́ пло́тию?

Тропа́рь, глас 8:

В тебе́, ма́ти, изве́стно спасе́ся, е́же по о́бразу:/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со А́нгелы сра́дуется, преподо́бная Ксе́ние, дух твой.

НА У́ТРЕНИ

О́ба кано́на Окто́иха и святыя на 4, глас 8.

Песнь 1

Ирмо́с: Песнь возсле́м, лю́дие, чу́дному Бо́гу на́шему,/ свободи́вшему Изра́иля от рабо́ты,/ песнь побе́дную пою́ще и вопию́ще:/ пои́м Тебе́, Еди́ному Влады́це.

Стра́ннаго су́ща вся́кия доброде́тели и удали́вшагося от Бо́га дея́ньми безме́стными,/ присво́й мя Сему́ моли́твами твои́ми благоприя́тными,/ Ксе́ние честна́я, преподо́бная,/ твое́ стра́нное житие́ благохва́лящаго.

Огнь тя разжже́ мы́сленный, я́ко вещь удобопа́льну, мирску́ю пре́лесть/ и плотска́го обру́чника отврещи́ся увеща́ ра́зумом му́жественнейшим/ и Го́споду чи́сте уневе́стися.

Стра́нную уразуме́вши Жизнь, на Небесе́х пребыва́ющую и непреходя́щую,/ зва́ние я́ко дея́ние премени́ла еси́/ и потекла́ еси́, я́коже еле́нь жа́ждущий,/ Безсме́ртнаго в след Обру́чника.

Богоро́дичен: Пе́сньми Всечи́стую, ве́рнии, Мари́ю да восхва́лим,/ Богома́терь обра́дованную, покро́в Боже́ственный,/ благоти́шное приста́нище, всех ве́рных спасе́ние.

Песнь 3

Ирмо́с: Утвержде́й сло́вом небеса́/ и зе́млю основа́вый на вода́х мно́гих,/ утверди́ мя к пе́нию славосло́вия Твоего́, Го́споди.

Удержа́ла еси́ раче́ние Боже́ственное чи́стыя души́ твоея́,/ забве́ние прияти́ тя поще́ния боле́зней увеща́, честна́я, и естества́.

Безсме́ртнаго Обру́чника добро́тами наслажда́ема,/ добро́ту пло́ти увяди́ла еси́/ и яви́лася еси́ красне́йша, в Боже́ственный черто́г всели́вшися.

Позлаще́нная кри́ла доброде́телей стяжа́вши,/ к высоте́ Небе́сней возлете́ла еси́, блаже́нная,/ я́ко голуби́ца нетле́нна.

Богоро́дичен: Све́тлый о́блаче мы́сленнаго и пресве́тлаго Со́лнца,/ возсия́вшаго из чре́ва Твоего́, Де́во,/ просвети́ ду́ши пою́щих Тя.

Седа́лен, глас 8.

Подо́бен: Прему́дрости:

За милосе́рдие я́вльшееся на земли́ возлюби́вши Сло́во Бо́га Отца́,/ Тому́ после́довала еси́, я́ко Жениху́, всеблаже́нная,/ и тле́ннаго жениха́ усе́рдно оста́вила еси́,/ оста́вльши же тле́нное бога́тство./ Те́мже, во стра́нстве тезоимени́тно живу́щи,/ стра́сти умертви́ла еси́/ и живы́х восприя́ла еси́ насле́дие, Богодухнове́нная./ Моли́ Христа́ Бо́га прегреше́ний оставле́ние дарова́ти/ пра́зднующим любо́вию святу́ю па́мять твою́.

Сла́ва, и ны́не,Богоро́дичен:

В напа́сти многоплете́нныя впад от враг ви́димых и неви́димых,/ бу́рею одержи́м безчи́сленных прегреше́ний мои́х,/ и я́ко к те́плому заступле́нию и покро́ву моему́, Чи́стая,/ ко приста́нищу притека́ю Твоея́ бла́гости./ Те́мже, Всечи́стая, из Тебе́ Воплоще́нному безсе́менно/ моли́ся приле́жно о всех рабе́х Твои́х,/ непреста́нно моля́щихтися, Богоро́дице Пречи́стая,/ моля́щи Его́ при́сно прегреше́ний оставле́ние дарова́ти/ воспева́ющим досто́йно сла́ву Твою́.

Крестобогоро́дичен:

А́гнца, и Па́стыря, и Изба́вителя/ А́гница зря́щи на Кресте́, восклица́ше, пла́чущи,/ и, го́рько рыда́ющи, вопия́ше:/ мир у́бо ра́дуется, прие́мляй Тобо́ю избавле́ние,/ утро́ба же Моя́ гори́т, зря́щи Твое́ распя́тие,/ е́же терпиши за милосе́рдие ми́лости./ Долготерпели́ве Го́споди,/ ми́лости бе́здно и исто́чниче неизчерпа́емый,/ умилосе́рдися и да́руй прегреше́ний оставле́ние/ ве́рою пою́щим Боже́ственныя стра́сти Твоя́.

Песнь 4

Ирмо́с: Из горы́ приосене́нныя, Сло́ве, проро́к, еди́ныя Богоро́дицы,/ хотя́ща воплоти́тися богови́дно усмотри́/ и со стра́хом славосло́вяше си́лу Твою́.

Ве́но Христу́ принесла́ еси́ чистоту́,/ умерщвле́ние уде́с и боле́зни воздержа́ния/ и восприя́ла еси́ Небе́сное Ца́рство и ве́чнующее наслажде́ние.

О́браз тебе́ до́брым подаю́щи, привлекла́ еси́ мно́гия ду́ши на спасе́ние,/ отто́ргшися мирска́го пристра́стия,/ Ксе́ние Богому́драя и досточу́дная.

Моча́щи посте́лю слеза́ми, преподо́бная, и с пе́пелом яду́щи хлеб,/ утеше́ние получи́ла еси́ нестаре́ющееся и рая́ наслажде́ние.

Богоро́дичен: Ра́дуйся, от нас, Свята́я Богоро́дице,/ ра́дуйся, Ра́дость ро́ждшая ми́ру,/ ра́дуйся, еди́на защище́ние челове́ков,/ Благослове́нная Богоро́дице Чи́стая.

Песнь 5

Ирмо́с: Мрак души́ моея́ разжени́, Светода́вче Христе́ Бо́же,/ началоро́дную тьму изгна́в бе́здны,/ и дару́й ми свет повеле́ний Твои́х, Сло́ве,/ да, у́тренюя, сла́влю Тя.

Я́ко ю́ница, жела́ющи Па́стыря Боже́ственную добро́ту, взыва́ла еси́:/ где ны́не пасе́ши, Женише́?/ Где почива́еши, рцы ми?/ Жела́ю Твое́ ви́дети преизя́щное виде́ние и распаля́юся всю́ду.

Рачи́тельныя добро́ты Моея́,– вопие́т Жени́х,– и́щущи, честна́я,/ доброде́тельми облиста́вшися, в Небесе́х Мя смотри́:/ та́мо пасу́ Аз и Моя́ призыва́ю всегда́ о́вцы.

Го́рлица красне́йшая, ла́стовица светле́йшая и мы́сленный слави́й,/ ловле́ния прете́кши мы́сленных се́тей, яви́лася еси́, Ксе́ние честна́я,/ и в пожела́нней добро́те Христо́ве, досточу́дная.

Богоро́дичен: Безма́терня горе́, в после́дняя су́щим до́ле,/ ражда́еши без Отца́, осуществова́вшаго, Де́во, на́ше все́ за благоутро́бие мно́гое,/ Его́же моли́ спасти́ от тли пою́щия Тя.

Песнь 6

Ирмо́с: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молюся,/ к Тебе́ бо возопи́х, и услы́ши мя,/ Бо́же спасе́ния моего́.

Стра́нное твое́ житие́ и па́че челове́ка поще́ние прославля́я,/ тебе́ ра́ди Стра́нствовавый, сла́вная,/ зна́меньми и чудесы́ пресла́вными и́стинно тя, преподо́бная, украси́.

Кру́гом доброде́телей венча́вшися, востекла́ еси́,/ к Нему́же жела́ла еси́, Христу́,/ кру́гом зве́здным тя па́че ума́ возвеща́ющу бли́жним и да́льным страннообра́зно,/ Ксе́ние сла́вная.

Устрани́вшагося дале́че от за́поведей Бо́га на́шего,/ присво́й мя твои́ми, преподо́бная, мольба́ми/ и стра́нна мя сотвори́ лю́тыя гее́нны/ и страсте́й, содержа́щих мя.

Богоро́дичен: На ра́мех Херуви́мских неопи́санно Седя́й,/ опи́сан в Твое́м чре́ве всели́ся пло́тию, а не Божество́м,/ и из Тебе́ про́йде Спаса́яй челове́чество.

Конда́к, глас 2.

Подо́бен: Крове́й твои́х:

Твою́ страннонра́вную, Ксе́ние, па́мять соверша́юще,/ любо́вию почита́ющия тя, пое́м Христа́,/ во всех тебе́ подаю́щаго кре́пость исцеле́ний,/ Ему́же всегда́ моли́ся о всех нас.

Ин конда́к, глас 4:

И́же во святы́х свята́я/ Христа́ Преблага́го всем се́рдцем возлюби́ла еси́, Богому́драя Ксе́ние сла́вная,/ того́ ра́ди омерзи́ла еси́ мирску́ю сла́дость./ Крест же Его́ взе́мши честны́й,/ возлюби́ пе́ти при́сно: аллилу́ия.

Песнь 7

Ирмо́с: О́троки ороси́вый в пещи́/ и Де́ву сохрани́вый ро́ждшую Тя по рождестве́,/ благослове́н еси́, Бо́же оте́ц на́ших.

Пелена́ми Рим хва́лится,/ Ми́ласса же мно́жае, твоя́ мо́щи стяжа́вши,/ из ни́хже то́чатся чудеса́ ве́рным, Богоневе́сто.

Река́ яви́лася еси́ врачева́ний, страсте́й мо́ре потопля́я песнопою́щих:/ благослове́н еси́, Го́споди, Бо́же оте́ц на́ших.

Успи́ла еси́ стра́сти душетле́нныя во мно́гих бде́ниих, блаже́нная,/ и пра́ведным подо́бным сном усну́ла еси́,/ о ми́ре моля́щися.

Богоро́дичен: Из Тебе́ Воплоти́вшагося па́че сло́ва моля́щи не преста́й, Препе́тая Богоро́дице,/ от сете́й изба́витися вра́жиих душа́м на́шим.

Песнь 8

Ирмо́с: Покрыва́яй вода́ми превы́спренняя Своя́,/ полага́яй мо́рю преде́л песо́к и содержа́й вся,/ Тя пое́т со́лнце, Тя сла́вит луна́,/ Тебе́ прино́сит песнь вся тварь,/ я́ко Соде́телю всех во ве́ки.

Обручи́вшися, я́ко писа́ся, еди́ному му́жу, Христу́, кра́сному добро́тою,/ всяк вид доброде́телей благоче́стно навы́кла еси́, сла́вная,/ и в черто́г Боже́ственный всели́ся,/ ве́но прии́мши благода́ть врачева́ний во вся ве́ки.

Душа́ моя́ в след Тебе́ прилепи́ся, Христе́,– вопия́ла еси́ любо́вию:/ я́ко земля́ жа́ждущая,/ Тя, во́ду жи́ву, ищу́, Го́споди,/ Тебе́ ту́чи приноша́ю слез,/ Твоея́ любве́ струе́ю напо́й мя, Спа́се, во вся ве́ки.

Украси́лася еси́, возлю́бльши и́стинно Су́щее Жела́ние,/ просла́вилася еси́, отрокови́це, Препросла́вленному прилепи́вшися Бо́гу,/ ты лик святы́й привела́ еси́ дев Спа́су, тя подража́вших,/ с ни́миже в Го́рних лику́еши селе́ниих.

Богоро́дичен: Еди́ну Тя избра́, добро́ту Иа́ковлю, О́тчее Сло́во,/ и посреде́ Тебе́ всели́ся, и, я́ко благоволи́,/ па́че всех кра́сный челове́ков, Всечи́стая, про́йде,/ омрачи́вшееся на́ше очища́я естество́.

Песнь 9

Ирмо́с: Благослове́н Госпо́дь, Бог Изра́илев,/ воздви́гнувый рог спасе́ния нам/ в дому́ Дави́дове, о́трока Своего́,/ в ни́хже посети́ нас Восто́к с высоты́/ и напра́вил ны есть на путь ми́ра.

Не́мощию, сла́вная, некре́пкаго врага́ победи́ла еси́,/ стра́нну проходя́щи жизнь и стра́сти плотски́я умертви́вши,/ и ны́не на Небесе́х живе́ши, иде́же твое́ и́маши и́стинно жи́тельство,/ я́ко чи́стая де́ва.

Благослове́н Госпо́дь, приста́нище ти́хое врачева́ний показа́в честну́ю твою́ ра́ку нам,/ при́сно бе́дствующим пучи́ною и бу́рею страсте́й,/ мона́шествующих сла́во и дев похвало́,/ Богоно́сная Ксе́ние.

Я́ко де́вства храм,/ я́ко чи́стую голуби́цу, я́ко го́рлицу непоро́чную,/ я́ко неве́сту Христо́ву, кра́сную добро́тою тя и непоро́чную,/ я́ко о́браз Боже́ственных доброде́телей,/ я́ко верт заключе́н, ве́рнии, почита́ем,/ Богоно́сная Ксе́ние.

Богоро́дичен: Глаго́лом Твои́м после́дующе,/ ро́ди родо́в, Блаже́нная, Тя ублажа́ют при́сно:/ Бо́га бо, и́стинно Блаже́ннаго, родила́ еси́, Чи́стая Де́во,/ вся блаже́нны Тому́ рабо́тающия нело́жно творя́щаго.

Преподобная Ксения, в миру Евсевия, родилась в семье знатного римского сенатора. Ее родители-христиане воспитали единственную дочь в правилах веры и благочестия. Когда Евсевия достигла зрелого возраста, они обручили ее с юношей, равным ей по знатности и богатству. Евсевия же, с юных лет мечтавшая посвятить свою жизнь Богу, во избежание предстоявшего ей брака решила уйти из дома. Втайне от родителей Евсевия раздала свои драгоценности, оставив необходимую часть на дорогу, и незадолго до свадьбы, переодевшись в мужское платье, покинула дом в сопровождении двух служанок.

Святая Евсевия не думала о том, как и где ей укрыться: помолившись, она всецело предала себя воле Божией. Юные девы пришли на пристань и сели на корабль, плывший в Александрию. Через несколько дней они достигли Александрии, но не остались там, а поселились на острове Кое, расположенном недалеко от г.Галикарнаса (Карийское побережье Малой Азии). Там девушки вновь надели женские одежды, так как не опасались более поисков со стороны родителей Евсевии. Но из благоразумной предосторожности Евсевия упросила своих спутниц называть ее Ксенией (что значит «странница, чужестранка»), сохранять в тайне ее происхождение и никому не открывать, откуда они прибыли.

Святая Ксения с подругами сняли внаем небольшой уединенный домик и поселились в нем. Они постоянно благодарили Бога за полученные благодеяния и просили послать им духовно опытного наставника.

Однажды после такой молитвенной просьбы девушки вышли из дома и увидели благообразного седовласого старца в иноческой одежде. Это был пресвитер Павел, возвращавшийся из святых мест к себе на родину – в карийский город Миласс. Там пресвитер Павел был игуменом монастыря в честь святого апостола Андрея Первозванного. По просьбе святой Ксении он взял юных подвижниц с собой.

В Милассе девушки поселились в уединенном месте близ церкви. Вскоре пресвитер Павел постриг их в монашество. Через некоторое время святая Ксения построила на привезенные из дома деньги церковь в честь святого первомученика Стефана и устроила женский монастырь.

Преподобная Ксения вела очень строгий образ жизни. Она носила ветхие одежды, но и их считала себя недостойной. Питалась святая через день или через два, а иногда воздерживалась от пищи в течение недели. При этом она ела только хлеб, орошенный слезами и посыпанный пеплом из кадильницы, и тем исполнила пророчество: «...пепел яко хлеб ядях, и питие мое с плачем растворях» (Пс. 101, 10). О таком строгом посте преподобной Ксении знали только жившие с ней ее прежние служанки. Несмотря на столь строгое воздержание, преподобная Ксения всегда была бодрой. Все ночи она слезно молилась, простерши руки вверх. Строгая к себе, преподобная Ксения была милостива к другим. Она с любовью наставляла на путь покаяния согрешивших, помогала бедным, утешала больных и скорбящих. Для сестер она была истинной матерью и наставницей.

После смерти епископа Миласского на его место был избран игумен Павел. Он посвятил преподобную Ксению, как наиболее достойную, в диаконисы.

Перед кончиной преподобная Ксения просила сестер молиться о ней и наставляла их бодрствовать в подвигах, чтобы приготовить себя к встрече Жениха, ибо никто не знает, в какой час придет Господь. Преподобная Ксения преставилась 24 января (не позднее 457 года), в субботу, в шестом часу утра. Час ее кончины Господь отметил знамением: в церкви, где скончалась святая, воссиял свет, подобный молнии, и разлилось благоухание, а на небе возник светлый звездный венец, в середине которого был крест, сиявший ярче солнца. Около монастыря собралось множество людей, привлеченных небесным видением. Они стали просить епископа Павла показать им тело преподобной Ксении. Тогда епископ и пресвитеры положили тело святой на одр и со многими свечами, воскурением фимиама и пением молитв понесли в центр города. Явившийся на небе венец следовал за процессией и остановился над тем местом, где была положена преподобная Ксения. Епископ Павел и весь народ всю ночь бодрствовали и молились. Многие больные получили у гроба преподобной Ксении исцеление. Утром святые ее мощи были погребены в завещанном ею месте. Звездный венец с крестом снова следовал за процессией, но после погребения стал невидим. Житие и подвиги преподобной Ксении стали известны от одной из служанок, пришедших с ней из Рима. Она рассказала обо всем перед своей кончиной.

Тропа́рь, глас 3:

Боже́ственныя ве́ры пропове́данием/ зе́млю Зыря́нскую озари́л еси́/ и ко Христу́ лю́ди мно́гия приве́л еси́./ Возопие́т же с тобо́ю и А́вель ко Го́споду/ и Заха́риина кровь пра́ведная,/ о́тче Гера́симе, моли́ Христа́ Бо́га/ па́стве твое́й и всем, любо́вию па́мять твою́ соверша́ющим,/ дарова́ти ве́лию ми́лость.

Конда́к, глас 8:

Я́ко свяще́нника превели́ка/ и апо́столов и му́чеников совсе́льника,/ Це́рковь Ру́сская почита́ет тя, святи́телю Гера́симе./ Сию́ твои́ми моли́твами соблюда́й, блаже́нне,/ непобеди́му, и необурева́ему, и нескве́рну,/ и всем нам испроси́ у Бо́га мир и ве́лию ми́лость.

Святитель Герасим,епископ Великопермский (Устьвымский), явился достойным преемником основателя Устьвымской епархии, просветителя Пермского края святого Стефана († 1396, память 26 апреля). Непосредственным предшественником святителя Герасима был епископ Великопермский Исаакий (1397–1416), который большую часть времени проводил в Москве, а в 1416 году удалился на покой. Святитель Герасим был возведен на Пермскую кафедру после 1416 года, в трудное время, когда положение дел в епархии было весьма неблагополучным. Паства, состоявшая из принявших христианство зырян, страдала от нападения диких языческих племен вогулов, а также от притеснения корыстолюбивой новгородской и вятской вольницы, пользовавшейся тем, что северо-восточная окраина России была слабо защищена отдаленным московским правительством.

Святитель Герасим неусыпно заботился об устроении своей паствы и распространении веры Христовой. Он не жалел ни трудов своих, ни сил в постоянных разъездах по Пермской земле, проникая в самые глухие места и оказывая помощь в самых безысходных обстоятельствах. Господь благословил деятельность ревностного пастыря. В 1429 году святитель Фотий, Митрополит Киевский (Московский) и всея Руси (1408–1431), писал: «Отринув заблуждение и мрак, ныне страна Пермская чисто и православно совершает службу Божию, по закону христианскому».

Несмотря на удаленность от стольного града, святитель Герасим был участником московских Соборов: 1441 года, осудившего Флорентийскую унию и ее сторонника митрополита Киевского Исидора (1437–1441), и 1448 года, определившего поставлять митрополитов всея Руси Собором русских епископов. Это свидетельствует о том, что современники дорожили мнением святителя Герасима и он пользовался большим авторитетом. Без сомнения, на этих Соборах святитель ходатайствовал за свою паству перед великим князем Василием II (1425–1462), прося ей помощи и льгот.

В последние годы святительства епископа Герасима усилились непрекращающиеся и раньше набеги вогулов на христиан зырян. Не щадя здоровья, с опасностью для жизни святитель сам ездил в стан вогулов. Просьбы и убеждения его подействовали на дикарей, и они на время оставили в покое зырян, удалились в места своей оседлой жизни.

Имя святого Герасима повсюду стало произноситься с благоговением, но силы его уже были подорваны. Душевные огорчения и недуги старости окончательно расстроили его здоровье. Однажды больной святитель возвращался к себе, после посещения близлежащих к Усть-Выми приходов, где, по-видимому, совершал Богослужения, так как с ним было архиерейское облачение. На Устьвымском лугу, близ городка и соборной церкви, святителя настигла мученическая кончина: он был удушен омофором рукою вогулича, которого взял на воспитание; вероятно, дикарь действовал по наущению своих шаманов, которым дорого было уничтожаемое язычество. Святитель Герасим принял мученическую кончину 24 января. Год его смерти точно неизвестен, по всей вероятности, около 1449 года.

Святой мученик Герасим был погребен в кафедральном Благовещенском соборе в селении Усть-Выми, расположенном к северо-востоку от города Яренска, на реке Вычегде. У мощей святителя Герасима происходили многие чудесные исцеления. Празднование памяти его – 24 января – установлено в 1607 году. 29 января совершается общая память трем святителям Пермским – Герасиму, Питириму († 19 августа 1455) и Ионе († 6 июня 1470).

В 1607 году, по благословению святителя Ермогена, Патриарха Московского и всея Руси, был написан образ трех Пермских святителей. В 1649 году в Вологде в их честь был воздвигнут храм.

Тропа́рь, глас 2:

Страстоте́рпче святы́й Иоа́нне,/ блаже́нна земля́, напи́вшаяся кро́ве твоея́,/ Христа́ бо со дерзнове́нием пропове́дав,/ мно́гия му́ки от неве́рных ага́рян прия́л еси́,/ страда́ньми свои́ми проти́вных де́рзости низложи́в,/ Тро́ицы побо́рник яви́лся еси́,/ Ю́же и моли́ дарова́ти нам ве́лию ми́лость.

Конда́к, глас 2:

Звезда́ све́тла среди́ неве́рных яви́лся еси́,/ многострада́льне Иоа́нне,/ заря́ми твои́ми Со́лнце – Христа́ возвеща́ющи,/ пре́лесть ага́рянскую посрами́л еси́/ и нам подае́ши свет,/ моля́ непреста́нно Христа́ Бо́га о всех нас.

Моли́тва

Ди́вный во страда́льцех, страстоте́рпче Госпо́день Иоа́нне! К тебе́, ско́рому помо́щнику и те́плому моли́твеннику, недосто́йнии, прибега́ем, смире́нное моле́ние принося́щия не пре́зри ны, немощны́я, по вся дни и часы́ в беззако́ния впада́ющия. Ей, свя́тче Бо́жий, не оста́ви ны, твоея́ ми́лости прося́щия, ве́лие бо и́маши дерзнове́ние ко Христу́ Бо́гу на́шему, я́ко мно́ги му́ки и страда́ния за Него́ и главы́ усече́ние от неве́рных ага́рян прия́л еси́ и, ны́не со А́нгелы Престо́лу Бо́жию предстоя́, умоли́ Го́спода Бо́га изба́вити ны от вся́кия ско́рби и боле́зни и вся́каго зла, наипа́че же от нахожде́ния врага́ те́мнаго, Це́ркве Правосла́вней благоде́нствие дару́й; град Каза́нь, в не́мже страда́ния прия́л еси́, и всю зе́млю Ру́сскую ми́ром огради́, от вся́каго зла́го обстоя́ния изба́ви и вся, к животу́ вре́менному поле́зная и ко спасе́нию ве́чному приводя́щая, дарова́ти нам у Го́спода Бо́га на́шего испроси́, да моли́твами твои́ми христиа́нскую кончи́ну получи́ти вси сподо́бимся и, ко́зней диа́вольских и му́ки ве́чныя изба́вльшеся, безконе́чнаго блаже́ннаго Ца́рствия прича́стницы бу́дем, сла́вяще Отца́, и Сы́на, и Свята́го Ду́ха ны́не, и при́сно, и во ве́ки веко́в. Ами́нь.

Святой мученик Иоанн Казанский был родом из Нижнего Новгорода. Он жил в начале XVI века, когда Московское государство подвергалось частым набегам казанских татар. В один из таких набегов в царствование великого князя Василия IV Иоанновича (1505–1533) татарами был взят в плен богобоязненный юноша Иоанн. Его привели в Казань и отдали в рабство ханскому родственнику Алей-Шпуру. Несмотря на тяжесть разлуки с родными, святой Иоанн со смирением покорился воле Божией и стал безропотно служить своему господину. В то же время он усердно исполнял все заповеди христианской веры, которым был научен благочестивыми родителями с детства. Святой Иоанн строго соблюдал посты, честно трудился, был кроток и послушлив. Так как днем он всегда был занят работой, то молиться ему приходилось только ночью. И святой неленостно проводил большую часть ночи в молитве. За такую строгую подвижническую жизнь он нередко терпел укоры и насмешки от хозяев и слуг.

Когда Алей-Шпур вместе с казанским муллой захотели обратить святого Иоанна в магометанство, он объявил, что исповедует Иисуса Христа Истинным Богом, а учение Магомета считает заблуждением. Ни ласки, ни угрозы не поколебали его. Алей-Шпур приказал пытать праведника, но и мучения не заставили святого Иоанна отречься от Христа и принять лжеучение Магомета. Видя твердость святого и бесполезность своих пыток, Алей-Шпур приказал отсечь ему голову. Святому Иоанну связали ремнем руки и вывели за город, где находилось русское кладбище. Там мучители изранили его тело мечом, но удар, которым хотели отрубить голову, по Промыслу Божию, был нанесен неудачно: святому только поранили шею, и он, обливаясь кровью, потерял сознание. Слуги Алей-Шпура подумали, что мученик умер, и вернулись в город.

До поздней ночи святой Иоанн лежал без чувств, полумертвый, но Господь сохранил праведника, чтобы вместе с ним не исчезла память о его страданиях. Снег вокруг мученика растаял, а руки его развязались. Очнувшись, он пошел в город к послам великого князя Московского в Казани и рассказал им о своих мучениях. Нанесенные святому Иоанну раны были смертельны. Предчувствуя свою близкую кончину, он попросил причастить его Святых Христовых Тайн. После причастия оставшуюся часть ночи святой мученик провел в слезной молитве. Утром, при восходе солнца, он преставился ко Господу († 1529). Святое тело мученика Иоанна было погребено на старом русском кладбище близ Казани.

В 1592 году святитель Ермоген, митрополит Казанский и Астраханский (впоследствии Патриарх Московский и всея Руси, †1612, память 17 февраля), ходатайствовал о канонизации мученика Иоанна перед Патриархом Иовом. Сохранилось описание внешности мученика Иоанна: «...Млад, рус, брада невелика...»

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры на 8, глас 8.

Подо́бен: О, пресла́внаго чудесе́:

Блаже́нная Ксе́ние богому́драя,/ чи́стая твоя́ душа́,/ правове́рным смы́слом сия́ющи/ и облиста́ющи доброде́телей све́тлостьми,/ озаря́ет ве́рных исполне́ние,/ бесо́вскую тьму отгоня́ющи./ Те́мже тя, я́ко прича́стницу/ невече́рния благода́ти,/ ублажа́ем благоче́стно вси, досточу́дная.

Блаже́нная ма́ти,/ основа́ние положи́вши доброде́тели,/ дре́вняго челове́ка с похотьми́ совле́кшися,/ во Христа́ облекла́ся еси́ вои́стину./ Те́мже и победи́ла еси́/ мно́гая вра́жия ополче́ния,/ наста́вница была́ еси́ мно́гим лю́дем/ гра́да свята́го Петра́,/ Ксе́ние достохва́льная.

Богоуго́дным житие́м укрепля́ющися,/ стра́сти плотски́я/ от души́ отгна́ла еси́,/ уго́днице Христо́ва,/ те́мже к Боже́ственней жи́зни преста́вилася еси́/ и с ли́ки пра́ведных водворя́ешися./ Сего́ ра́ди почита́ем тя свяще́нными пе́сньми/ и ра́достно восхваля́ем,/ Ксе́ние всеблаже́нная.

Сла́ва, глас 6:

Кто не удиви́тся,/ кто не просла́вит,/ кто не воспое́т во Христе́ му́дрое и пресла́вное житие́ твое́,/ ма́ти Ксе́ние,/ я́ко и по святе́м преставле́нии твое́м/ подае́ши притека́ющим ве́рою врачева́ние бога́тное./ Те́мже воспева́ем Благода́теля Бо́га,/ яви́вшаго тя, блаже́нную,/ ко исцеле́нию душ и теле́с на́ших.

И ны́не, Богоро́дичен.

Вход. Проки́мен дне. И чте́ния.

Прему́дрости Соломо́новы чте́ние (глава́ 3):

Пра́ведных ду́ши в руце́ Бо́жией, и не прико́снется их му́ка./ Непщева́ни бы́ша во очесе́х безу́мных умре́ти, и вмени́ся озлобле́ние исхо́д их./ И е́же от нас ше́ствие сокруше́ние, они́ же суть в ми́ре./ И́бо пред лице́м челове́ческим а́ще и му́ку прии́мут, упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле искуси́ их, и я́ко всепло́дие же́ртвенное прия́т я./ И во вре́мя посеще́ния их возсия́ют и, я́ко и́скры по сте́блию, потеку́т./ Су́дят язы́ком и облада́ют людьми́, и воцари́тся Госпо́дь в них во ве́ки./ Наде́ющиися Нань разуме́ют и́стину и ве́рнии в любви́ пребу́дут Ему́./ Я́ко благода́ть и ми́лость в преподо́бных Его́, и посеще́ние во избра́нных Его́.

Прему́дрости Соломо́новы чте́ние (главы́ 5 и 6):

Пра́ведницы во ве́ки живу́т, и в Го́споде мзда их, и попече́ние их у Вы́шняго./ Сего́ ра́ди прии́мут Ца́рствие благоле́пия и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние Свое́ и вооружи́т тварь в месть враго́м./ Облече́тся в броня́ пра́вды и возложи́т шлем, суд нелицеме́рен./ Прии́мет щит непобеди́мый, преподо́бне./ Поостри́т же напра́сный гнев во ору́жие;/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка облако́в, на наме́рение полетя́т./ И от каменоме́тныя я́рости испо́лнь паду́т гра́ды,/ вознегоду́ет на них вода́ морска́я, ре́ки же пото́пят я на́гло./ Сопроти́в ста́нет им дух си́лы, и, я́ко вихо́р, разве́ет их,/ и опустоши́т всю зе́млю беззако́ние, и злоде́йство преврати́т престо́лы си́льных./ Слы́шите у́бо, ца́рие, и разуме́йте, навы́кните, судии́ конце́в земли́./ Внуши́те, держа́щии мно́жества и гордя́щиися о наро́дех язы́ков,/ я́ко дана́ есть от Го́спода держа́ва вам и си́ла от Вы́шняго.

Прему́дрости Соломо́новы чте́ние (глава́ 4):

Пра́ведник, аще пости́гнет сконча́тися, в поко́и бу́дет./ Ста́рость бо честна́ не многоле́тна, ниже́ в числе́ лет исчита́ется./ Седи́на же есть му́дрость челове́ком, и во́зраст ста́рости житие́ нескве́рное./ Благоуго́ден Бо́гови быв, возлю́блен бысть, и живы́й посреде́ гре́шник преста́влен бысть./ Восхище́н бысть, да не зло́ба изме́нит ра́зума его́, или́ лесть прельсти́т ду́шу его́./ Раче́ние бо зло́бы помрача́ет до́брая, и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга. Уго́дна бо бе Го́сподеви душа́ его́, сего́ ра́ди потща́ся от среды́ лука́вствия./ Лю́дие же ви́девше и не разуме́вше, ниже́ поло́жше в помышле́нии таково́е./ Я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры, глас 4:

Дал еси́ о́браз терпе́ния и му́жества,/ Преблаги́й Го́споди,/ пра́ведную Ксе́нию, мно́гая чудеса́ источа́ющу,/ словесы́ и де́лы сия́ющу,/ незло́бием и кро́тостию украше́нну./ Тем Твое́ неизрече́нное смотре́ние сла́вим,/ Иису́се Всеси́льне,/ Спа́се душ на́ших.

Исцеля́ти стра́сти души́ и те́ла/ дар от Бо́га и́стинно прие́мши,/ блаже́нная Ксе́ние,/ преесте́ственно исцеля́еши вся,/ не челове́ческими врачева́нии,/ но Боже́ственными дарова́ньми.

Отве́ргши мирску́ю суету́,/ любо́вию Христо́вою связа́ся, Ксе́ние блаже́нная,/ по́стническия труды́ и лише́ния претерпе́ла еси́,/ укрепля́ема си́лою от Де́вы Возсия́вшаго.// Те́мже ны́не водворя́ешися, иде́же пра́ведных селе́ния.

Сла́ва, глас то́йже:

Воздержа́нием житие́ твое́ украси́вшая/ и у́ды умертви́вшая,/ победи́ла еси́ вра́жия прило́ги, блаже́нная./ Те́мже со все́ми святы́ми сла́вим/ и торжеству́ем свяще́нную па́мять твою́,/ прося́ще обрести́ моли́твами твои́ми ве́лию ми́лость.

И ны́не, глас то́йже:

Свеще́ неугаси́мая,/ престо́ле Госпо́день,/ Пречи́стая Влады́чице,/ моли́ спасти́ся душа́м на́шим.

На стихо́вне стихи́ры, глас 6.

Подо́бен: Тридне́вен:

Житие́ твое́, я́ко со́лнце,/ сердца́ ве́рных озари́/ и мно́гия к покая́нию приведе́,/ те́мже и нас све́том невече́рним просвети́,/ Ксе́ние свята́я,// всечестну́ю твою́ па́мять почита́ющих.

Стих: Пра́ведницы во ве́ки живу́т,// и в Го́споде мзда их.

Досто́йне хва́лима еси́ на земли́,/ цели́тельнице неду́жных, богоблаже́нная Ксе́ние,/ я́ко и по кончи́не твое́й усе́рдно к тебе́ прибега́ющия/ от неду́г свобожда́еши./ Те́мже непреста́нно моли́/ спасти́ся душа́м на́шим.

Стих: Наде́ющиися Нань разуме́ют и́стину,/ и ве́рнии в любви́ пребу́дут Ему́.

Не́мощна су́щи, сла́вная,/ си́лою Бо́жиею ко́зни вра́жия победи́ла еси́,/ стра́нну проходя́щи жизнь/ и стра́сти теле́сныя умертви́вши,/ ны́не на Небесе́х живе́ши,/ иде́же обрела́ еси́ и́стинное жили́ще, Ксе́ние богому́драя.

Сла́ва, глас 4:

А́нгельское житие́ на земли́ яви́ла еси́,/ Ксе́ние всеблаже́нная,/ исто́чниче умиле́ния, ми́лости тече́ние,/ пучи́но чуде́с, струе́ исцеле́ний,/ ма́слино Бо́жия вои́стину плодови́та,/ еле́ем трудо́в твои́х просвеща́ющая ве́рно хва́лящих тя./ Моли́ Человеколю́бца от бед изба́вити/ любо́вию чту́щих всечестну́ю па́мять твою́.

И ны́не, глас то́йже:

Те́плое заступле́ние су́щим в беда́х/ и Помо́щницу на́шу,/ Е́юже от тли изба́вихомся,// Богоро́дицу, ве́рнии, всеусе́рдно ублажа́ем.

Тропа́рь, глас 7:

Нищету́ Христо́ву возлюби́вши,/ безсме́ртныя трапе́зы ны́не наслажда́ешися,/ безу́мием мни́мым безу́мие ми́ра обличи́вши,/ смире́нием кре́стным си́лу Бо́жию восприя́ла еси́,/ сего́ ра́ди дар чудоде́йственныя по́мощи стяжа́вшая,/ Ксе́ние блаже́нная, моли́ Христа́ Бо́га/ изба́витися нам от вся́каго зла покая́нием.

Сла́ва, и ны́не, Богоро́дичен.

НА У́ТРЕНИ

На Бог Госпо́дь: тропа́рь святы́я два́жды. Сла́ва, и ны́не, Богоро́дичен.

По 1-м стихосло́вии седа́лен, глас 3:

Мирску́ю красоту́ оста́вила еси́,/ премени́вши бога́тство тле́ющее на непреходя́щее, свята́я Ксе́ние./ Те́мже со все́ми святы́ми сла́вим/ и торжеству́ем свяще́нную па́мять твою́,/ прося́ще обрести́ моли́твами твои́ми, блаже́нная, ве́лию ми́лость.

Сла́ва, и ны́не, Богоро́дичен:

Недомы́сленно и непостижи́мо есть, Влады́чице Богора́дованная,/ е́же соде́ланное о Тебе́ стра́шное Бо́жие та́инство,/ я́ко, Необыме́ннаго заче́нши, родила́ еси́/ пло́тию обложе́на от пречи́стых крове́й Твои́х./ Его́же, Благода́тная, я́ко Сы́на Твоего́ и Бо́га, моли́/ спасти́ся душа́м на́шим.

По 2-м стихосло́вии седа́лен, глас 5:

Воздержа́нием житие́ твое́ украси́вши и плоть ду́ху покори́вши,/ победи́ла еси́ вра́жия прило́ги,/ во смире́нии же и поще́нии Бо́га взыска́вши, богоблаже́нная.

Сла́ва, и ны́не, Богоро́дичен:

Моли́твы рабы́ Твоея́ Ксе́нии приими́, Богоро́дице,/ и изба́ви нас от вся́ких бед,/ я́ко родила́ еси́ Христа́ Спа́са, Изба́вителя душ на́ших.

Велича́ние:

Велича́ем тя,/ свята́я блаже́нная ма́ти Ксе́ние,/ и чтим святу́ю па́мять твою́,/ ты бо мо́лиши о нас/ Христа́ Бо́га на́шего.

Псало́м избра́нный: Терпя́, потерпе́х Го́спода:

По полиеле́и седа́лен, глас 4:

Чу́дна яви́лася еси́ в терпе́нии твое́м,/ вся́чески Христу́ угоди́ла еси́, всеблаже́нная Ксе́ние,/ му́дрою мы́слию утверди́вши ду́шу твою́/ и покори́вши ду́ху плотска́я мудрова́ния,/ избра́ла еси́ до́брая, е́же Бо́гу рабо́тати./ Сего́ ра́ди Христо́с да́рует благода́ть и ми́лость моли́твами твои́ми/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Обурева́ют мя во́лны грехо́вныя/ и возмуще́ние безме́стных помышле́ний,/ умилосе́рдися, Всенепоро́чная,/ и ру́ку ми по́мощи, я́ко Ми́лостива, простри́,/ да спа́сся, велича́ю Тя.

Таже степе́нна, 1-й антифо́н 4-го гла́са. Проки́мен, глас 4: Пра́ведницы во ве́ки живу́т,/ и в Го́споде мзда их. Стих: Наде́ющиися Нань разуме́ют и́стину, и ве́рнии в любви́ пребу́дут Ему́. Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Житие́ твое́, я́ко со́лнце,/ сердца́ ве́рных озари́/ и мно́гия к покая́нию приведе́./ Те́мже и нас све́том невече́рним просвети́,/ ма́ти Ксе́ние,/ всечестну́ю па́мять твою́ почита́ющих.

Кано́н Богоро́дицы со ирмосо́м на 8 и святы́я на 6.

Кано́н святы́я, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Водо́ю Креще́ния омы́вшися,/ перворо́днаго греха́ изба́вилася еси́, ма́ти Ксе́ние,/ и на́ша сердца́ слеза́ми покая́ния очи́сти,/ просвеще́ние подаю́щи почита́ющим святу́ю па́мять твою́.

В воде́ Креще́ния зми́я лука́ва потопи́вшая,/ житие́м твои́м страда́льческим вра́жию си́лу умертви́ла еси́, блаже́нная,/ от нея́же и нам изба́витися Спа́са умоли́.

Во́ду живу́ю неистощи́мых даро́в/ подаде́ тебе́ Христо́с, блаже́нная ма́ти,/ Его́же нищету́ во́льно возлюби́ла еси́.

Богоро́дичен: Во́ды покая́ния пода́ждь ми, Пречи́стая,/ и, очи́стивши мя от нечистоты́ грехо́вныя,/ чи́ста предста́ви, Богороди́тельнице, Сы́ну Твоему́ и Бо́гу.

Песнь 3

Ирмо́с: Небе́снаго кру́га/ Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Небе́снаго кру́га Зижди́телю все житие́ твое́ отда́вши,/ возлюби́ла еси́ Того́ до конца́,/ сподо́би и нас моли́твами твои́ми, блаже́нная,/ люби́ти Го́спода до конца́ дний на́ших.

Небе́сныя жи́зни жела́ющи,/ в житии́ твое́м вся земна́я пренебрегла́ еси́,/ сподо́би и нас, ма́ти Ксе́ние,/ моли́твами твои́ми Небе́сныя жи́зни дости́гнути.

Небе́снаго черто́га жела́ющи,/ стра́нническое житие́ прешла́ еси́/ и ны́не со все́ми святы́ми в Небе́сных черто́зех лику́еши.

Богоро́дичен: Небе́снаго Творца́, Богоро́дице всепе́тая, ро́ждши,/ Небе́с простра́ннейшая яви́лася еси́./ Нас от простра́ннаго пути́ поги́бельна укло́ньши,/ на Небе́сный путь наста́ви, молю́ся.

Седа́лен, глас 5:

Я́ко стра́нница во гра́де свята́го Петра́ яви́лася еси́,/ благоволе́нием Бо́жиим укрепля́ема, ма́ти прему́драя,/ Боже́ственных даро́в и чуде́с удосто́ившаяся./ Те́мже, иму́щи дерзнове́ние ко Христу́ Бо́гу,/ мир испроси́ душа́м на́шим и ве́лию ми́лость.

Сла́ва, и ны́не, Богоро́дичен:

Ма́ти Пречи́стая, гра́де Бо́жий,/ изба́ви лю́ди Твоя́ от бед/ и по́мощь пода́ждь проти́витися враго́м го́рдым, да вопие́м Ти:/ ра́дуйся, Благослове́нная.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Услы́шавши, Ксе́ние, я́ко Небеса́ пове́дают сла́ву Бо́жию,/ отве́ргла еси́ суету́ мирску́ю/ и в по́двизе поста́ и лише́ния на земли́ Бо́га сла́вити возжеле́ла еси́,/ Его́же сла́вити и нас сподо́би.

Услы́шавши и уразуме́вши дела́ Госпо́дня,/ просла́вила еси́ Его́ Божество́,/ наде́ждею и любо́вию к Нему́ украси́вши ду́шу твою́,/ по́двиги просвети́лася еси́, блаже́нная, Бо́жиею си́лою укрепля́ема.

Услы́шавши преще́ния вра́жеская и вся́кия ко́зни от них терпя́щи,/ непоколеби́ма пребыла́ еси́,/ и нас непоколеби́мых в доброде́телех утверди́.

Богоро́дичен: Услы́ши, Пречи́стая Влады́чице, моле́ния на́ша,/ и изба́ви нас от наси́лия вра́жия,/ и глас Христо́в, призыва́ющий благослове́нныя в Ца́рство, услы́шати сподо́би.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

Просвеща́хуся ве́рнии лю́дие,/ зря́ще незло́бие и кро́тость твою́, ма́ти Ксе́ние,/ помози́ и нам, блаже́нная, подража́ти твоему́ незло́бию.

Просвети́вши стезю́ жи́зни твоея́ све́том богоразу́мия,/ Христа́ Го́спода вседу́шне возлюби́ла еси́,/ сподо́би и ны, блаже́нная Ксе́ние, в сем бы́ти тебе́ подража́тели.

Просвети́ нас, о ма́ти Ксе́ние, наде́ждею и любо́вию ко Го́споду,/ ны́не бо зря́щи Христа́ лице́м к лицу́, све́та неизрече́ннаго наслажда́ешися,/ Тому́ за ны моли́ся.

Богоро́дичен: Просвети́ла еси́ омраче́нное естество́, Богоро́дице,/ Свет и́стинный ро́ждши,/ те́мже и нас све́том просвети́вши, от мра́чных враг свободи́.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися,/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Моли́тву, я́ко исто́чник приснотеку́щий, ны́не излива́еши,/ неду́жныя исцеля́ющи, кре́пость и си́лу стра́ждущим подаю́щи,/ сподо́би и нас моли́твами твои́ми изба́витися от вся́ких лю́тых.

Моли́твою Небе́сною и по кончи́не твое́й от неду́г свобожда́еши,/ цели́тельнице безме́здная, досто́йно хва́лима еси́ на земли́,/ моли́ся о душа́х на́ших.

Моли́тву на́шу приими́, ма́ти Ксе́ние,/ да в честны́й храм твой прии́дем со тща́нием/ и неду́гов душе́вных и страсте́й теле́сных исцеле́ние ско́ро прии́мем.

Богоро́дичен: Моли́твою Твое́ю всемо́щною, Пречи́стая,/ изба́ви нас от враг ви́димых и неви́димых, от грехо́в и вся́кия му́ки,/ я́ко ро́ждшая Человеколю́бца Бо́га.

Конда́к, глас 3:

Днесь све́тло лику́ет град свята́го Петра́,/ я́ко мно́жество скорбя́щих обрета́ют утеше́ние,/ на твоя́ моли́твы наде́ющеся,/ Ксе́ние всеблаже́нная,/ ты бо еси́ гра́ду сему́ похвала́ и утвержде́ние.

И́кос:

Ка́ко возмогу́, гре́шный аз, скве́рный душе́ю и те́лом,/ пове́дати е́же во пло́ти равноа́нгельное житие́ твое́ и пресла́вная чудеса́,/ а́ще у́бо мно́зи прему́дрии не дерза́ют испове́дати/ мно́гаго твоего́ терпе́ния и смире́ния и те́плыя ко Христу́ любве́?/ Но обаче́ наде́яся на твое́ заступле́ние, о блаже́нная, вопию́ ти:/ ра́дуйся, я́ко везде́ призыва́ющих тя ско́ро предваря́еши,/ ра́дуйся, я́ко мно́жество скорбя́щих обрета́ют тобо́ю утеше́ние,/ ра́дуйся, свята́я блаже́нная ма́ти Ксе́ние,/ гра́ду сему́ похвало́ и утвержде́ние.

Песнь 7

Ирмо́с: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

О́троки евре́йския А́нгел от огня́ неопа́льны сохрани́/ и тебе́, Ксе́ние, в стра́нничестем житии́ укрепи́, пою́щу:/ благослове́н еси́, Го́споди Бо́же, во ве́ки.

Де́тем ева́нгельски подража́ла еси́ в житии́ твое́м,/ стезю́ те́сную проше́дши в незло́бии,/ те́мже и нас на по́двиг доброде́тели сея́ укрепи́, пою́щих:/ благослове́н еси́, Го́споди Бо́же, во ве́ки.

Отроко́м в пещи́ халде́йстей подража́ющи, Ксе́ние,/ воспева́ла еси́ Христа́, да́вшаго ти кре́пость,/ те́мже и мы, чту́ще тя, блаже́нная, со дерзнове́нием зове́м:/ благослове́н еси́, Го́споди Бо́же, во ве́ки.

Богоро́дичен: Отрокови́це Де́во, простри́ на нас ми́лость Сы́на Твоего́,/ да кроме́шныя тьмы изба́вимся мольба́ми Твои́ми, пою́ще:/ благослове́н еси́, Го́споди Бо́же, во ве́ки.

Песнь 8

Ирмо́с: Победи́тели мучи́теля и пла́мене/ благода́тию Твое́ю бы́вше,/ за́поведем Твои́м зело́ прилежа́ще,/ о́троцы вопия́ху:/ благослови́те, вся дела́ Госпо́дня, Го́спода.

Победи́тельница страсте́й яви́лася еси́, Ксе́ние,/ лю́тая искуше́ния вра́жия побежда́ющи и непреста́нно пою́щи:/ благослови́те, вся дела́ Госпо́дня, Го́спода.

Побежда́ющи вся́кия стра́сти грехо́вныя,/ ты, блаже́нная, я́ко све́тла звезда́ яви́лася еси́,/ приво́диши бо жены́, па́дшия во грехи́, во е́же целому́дренно жи́ти и в покая́нии воспева́ти:/ благослови́те, вся дела́ Госпо́дня, Го́спода.

Победи́тельница греха́ яви́лася еси́, блаже́нная ма́ти, благода́ть Вы́шняго иму́щи./ Те́мже Небе́сная дости́гла еси́, иде́же ны́не со А́нгелы пое́ши:/ благослови́те, вся дела́ Госпо́дня, Го́спода.

Богоро́дичен: Побе́де во бране́х духо́вных ве́рным посо́бствуеши, Пресвята́я Де́во,/ те́мже и лю́дем гра́да на́шего по́мощь Твою́ низпосли́, да вы́ну пое́м:/ благослови́те, вся дела́ Госпо́дня, Го́спода.

Песнь 9

Ирмо́с: Вои́стину Богоро́дицу/ Тя испове́дуем,/ спасе́ннии Тобо́ю, Де́во Чи́стая,/ с безпло́тными ли́ки Тя велича́юще.

Вои́стину ра́зум Христо́в име́ла еси́, Ксе́ние,/ смире́ние, кро́тость, ве́ру несумне́нну, наде́жду и любо́вь, я́же к Бо́гу,/ и нас сего́ сподо́би, да с тобо́ю Христа́ при́сно велича́ем.

Вои́стину на тебе́, Ксе́ние блаже́нная, испо́лнися Христо́во прорече́ние:/ претерпе́вый до конца́, той спасе́н бу́дет,/ ны́не бо со все́ми спасе́нными Христа́ при́сно велича́еши.

Вои́стину никто́же, притека́яй к тебе́, блаже́нная ма́ти,/ тощь благода́ти Бо́жия отхо́дит,/ ея́же и нас испо́лни, да тя велича́ем.

Богоро́дичен: Вои́стину Богоро́дицу Тя, Де́во и Ма́ти Сло́ва,/ Хода́таицу су́щую нам, Со́лнце пра́вды возсия́вшую,/ ве́рнии, единому́дренно пе́сньми велича́ем.

Свети́лен:

Я́коже со́лнце светоно́сно, возсия́ ны́не, блаже́нная ма́ти, па́мять твоя́,/ вся ве́рныя веселя́щи, и́же моли́твенно взыва́ют ти:/ моли́ся приле́жно спасти́ся нам.

Богоро́дичен: Держа́вным Твои́м покро́вом, Пречи́стая,/ нас, рабо́в Твои́х, от наве́тов вра́жиих сохраня́й всегда́ невреди́мых,/ Тя бо еди́ну стяжа́хом наде́жду и утвержде́ние.

На хвали́тех стихи́ры, глас 2:

Неисчерпа́ема есть благода́ть,/ ю́же от Христа́ прия́ла еси́, блаже́нная,/ те́мже и мо́щи твоя́ Боже́ственною си́лою непреста́нно де́йствуют чудесы́,/ к ни́мже притека́ющии и и́мя твое́ с ве́рою призыва́ющии/ от неисце́льных боле́зней исцеля́ются./ Ея́же моли́твами, Го́споди,/ и нас душе́вных и теле́сных страсте́й свободи́,/ я́ко Человеколю́бец.

В по́двизех стра́нствия твоего́/ привлекла́ еси́ мно́гия ду́ши ко спасе́нию,/ сего́ ра́ди Христо́с, нас ра́ди стра́нствовавый/ и не имы́й где главу́ приклони́ти,/ зна́меньми и чудесы́ пресла́вными и́стинно тя украси́,/ стра́ннице блаже́нная.

Доброде́тели твоя́, богому́драя Ксе́ние,/ к ве́ре обраща́ют сердца́./ Кто бо, слы́ша безме́рное твое́ смире́ние и терпе́ние, не удиви́тся?/ Еще́ же ко всем кро́тость и незло́бие,/ скорбя́щим ми́лование и су́щим в беда́х ско́рое поможе́ние,/ пла́вающим немяте́жное приста́нище/ и путеше́ствующим благо́е поспеше́ние,/ вся боголе́пно предваря́еши, досточу́дная,/ и ны́не неувяда́емым венце́м уве́нчана еси́ от руки́ Вседержи́теля Бо́га,/ Его́же моли́ спасти́ся душа́м на́шим.

Сла́ва, глас 8:

Днесь град свята́го Петра́/ просвеща́ется, ма́ти Ксе́ние, твои́ми заря́ми,/ и святы́й храм Бо́жия Ма́тере Смоле́нския,/ цветы́ украша́ем,/ вопие́т ти, уго́днице Христо́ва:/ не преста́й моли́тися о всех,/ пра́зднующих любо́вию святу́ю па́мять твою́.

И ны́не, глас то́йже:

Влады́чице, приими́ моли́твы раб Твои́х/ и изба́ви нас/ от вся́кия ну́жды и печа́ли.

Славосло́вие вели́кое.

НА ЛИТУРГИ́И

Проки́мен, глас 7: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же возда́де ми? Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя его́. Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

Моли́тва

О свята́я блаже́нная ма́ти Ксе́ние! Под кро́вом Всевы́шняго жи́вшая, ведо́мая и укрепля́емая Богома́терию, глад и жа́жду, хлад и зной, поноше́ния и гоне́ния претерпе́вшая, дар прозорли́вости и чудотворе́ния от Бо́га получи́вшая и под се́нию Всемогу́щаго упоко́ившаяся, днесь же, от сла́внаго тысящеле́тия Креще́ния Ру́си, Це́рковь Ру́сская прославля́ет тя, я́ко благоуха́нный цвет. Предстоя́ще на ме́сте твоего́ погребе́ния, пред о́бразом твои́м святы́м, я́ко живе́й ти су́щей с на́ми, мо́лимся ти: приими́ проше́ния на́ша и принеси́ я ко Престо́лу милосе́рднаго Отца́ Небе́снаго, я́ко дерзнове́ние к Нему́ иму́щая; испроси́ притека́ющим к тебе́ ве́чное спасе́ние, на блага́я дела́ и начина́ния на́ша ще́дрое благослове́ние, от вся́ких бед и скорбе́й избавле́ние. Предста́ни святы́ми твои́ми моли́твами пред Всеми́лостивым Спаси́телем на́шим о нас, недосто́йных и гре́шных. Помози́, свята́я блаже́нная ма́ти Ксе́ние, младе́нцы све́том свята́го Креще́ния озари́ти и печа́тию да́ра Ду́ха Свята́го запечатле́ти, ю́ныя в ве́ре, че́стности, богобоя́зненности и целому́дрии воспита́ти и успе́хи в уче́нии им стяжа́ти. Боля́щия и неду́гующия исцели́, супру́гом любо́вь и согла́сие низпосли́, мона́шествующим по́двигом до́брым подвиза́тися помози́ и от поноше́ния огради́, па́стыри в кре́пости ду́ха утверди́, Це́рковь и страну́ на́шу сохрани́ и всех боголюби́вых чад в предсме́ртный час причаще́ния Святы́х Христо́вых Та́ин сподо́би, ты бо еси́ на́ше ско́рое услы́шание и избавле́ние, тебе́ благодаре́ние возсыла́ем и с тобо́ю сла́вим Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Святая блаженная Ксения Петербургская, Христа ради юродивая, (Ксения Григорьевна Петрова) родилась в Санкт-Петербурге между 1719 и 1732 годами. После внезапной (без христианского приготовления) смерти мужа – Андрея Федоровича, полковника, придворного певчего, двадцатишестилетняя вдова ради спасения мужа всецело посвятила свою жизнь служению Богу и людям в христианском подвиге юродства (это добровольно избранный особый путь спасения, исполненный истинной мудрости, при кажущемся безумии). Свое имущество она раздала бедным, всех просила называть себя «Андреем Федоровичем» и в костюме мужа пошла скитаться по улицам Петербурга.

Люди замечали, что это не просто нищая: милостыню она принимала не от всякого, а если и брала, то лишь одну копейку, которую тут же отдавала бедным. От теплой одежды зимой отказывалась, и круглый год ходила в лохмотьях и рваных башмаках, подвергаясь нападкам и насмешкам. Ночами она обычно уходила в поле и молилась до восхода солнца.

Часто блаженная принимала участие в устроении жизни благочестивых христиан. В домах, куда она заходила, водворялись мир и счастье; обласканный ею больной ребенок быстро выздоравливал.

45 лет после вступления на путь юродства блаженная Ксения приходила на помощь каждому нуждающемуся. Ее подвиг свидетельствовал о полном бескорыстии, доброте, кротости, даре предвидения будущего. Кончина ее последовала между 1794 и 1806 годами, возможно, около 1803 года. Погребена блаженная Ксения на Смоленском кладбище в Санкт-Петербурге.

Во множестве люди приходили на ее могилу помолиться о упокоении ее души и незамедлительно получали помощь и утешение свыше. Тяжко больные исцелялись; неразрешимые, казалось, семейные и житейские проблемы легко решались; те, кто не мог получить желаемую работу, устраивались на хорошее место; пьяницы по молитвам жен исцелялись от пагубной страсти. Со всей России шли на Смоленское кладбище письма с просьбами отслужить панихиду по блаженной Ксении и помолиться о даровании помощи в беде или с благодарностью за оказанное благодеяние. В 1902 году над могилой блаженной построили часовню. Ее стены были исписаны датами, именами и просьбами к блаженной Ксении от людей различных возрастов и званий, приходящих на ее могилу. В 1987 году на Смоленском кладбище была освящена отреставрированная и вновь открытая часовня над могилой блаженной. Прославлена Ксения Петербургская Поместным Собором Русской Православной Церкви в 1988 году.