23-й день

Свята́го священному́ченика Кли́мента, епи́скопа Анки́рскаго, и свята́го му́ченика Агафанге́ла

Священномученик Климент, епископ Анкирский, мученик Агафангел и прочие

Преподо́бнаго Генна́дия, Костромска́го и Любимогра́дскаго чудотво́рца

Преподобный Геннадий Костромской и Любимоградский

Собо́р Костромски́х святы́х

Собор Костромских святых

Святи́теля Феокти́ста, архиепи́скопа Новгоро́дскаго, чудотво́рца

Святитель Феоктист, Архиепископ Новгородский и Псковский

На Го́споди, воззва́х:стихи́ры на 6, глас 1.

Подо́бен: Небе́сных чино́в:

Пребы́в в ве́ре, я́коже в виногра́де Христо́ве,/ во вре́мя прия́л еси́ де́лание боле́зней,/ му́чениче, многообра́зно,/ те́мже плод спасе́ния израсти́л еси́,/ царю́ тезоимени́тно и де́лателю,/ священному́чениче Кли́менте сла́вне.

Четверосугу́бна седми́ца твоя́ муче́ния, му́дре,/ честна́ яви́ся вои́стинну и Бо́гу, и А́нгелом, и всем челове́ком,/ огня́ у́бо го́рькаго, и сече́ния, и ра́ны мно́гия,/ гра́ды обходя́ и страны́, иску́с прие́м,/ не отступи́л еси́ любве́ Христо́вы.

Па́стырски просия́в, священному́чениче Христо́в,/ страда́льческия по́двиги подъя́л еси́ до́блественне:/ еди́н чрез обоя́ вене́ц прие́м,/ во обе́их украша́емь,/ свяще́нстве и боле́знех страда́льческих. Те́мже моли́ спасти́ся нам.

И́ны стихи́ры, глас 2.

Подо́бен: Егда́ от Дре́ва:

Лоза́ виногра́да живо́тнаго яви́лся еси́,/ та́инственным де́ланием окопова́ема,/ боле́зньми у́бо по́стничества, о́тче, посека́ема,/ мече́м же объе́млема муче́ния,/ вино́ умиле́ния нам раствори́л еси́,/ и́мже ны́не насыща́еми вси,/ ве́рою всеевяще́нную па́мять твою́ пра́зднуем, блаже́нне.

Егда́ священноде́йствовал еси́/ Стра́шную, и Соверше́ннейшую Же́ртву, и Преми́рную,/ тогда́ прине́слся еси́, священноде́йствуемь,/ твою́ же кровь, всему́дре,/ преусе́рдным се́рдцем кро́ви примеси́л еси́ Влады́ки твоего́,/ е́юже ты окропля́емь, блаже́нне,/ весь чист показа́лся еси́, весь свяще́ннейший, Богоглаго́ливе.

Жря А́гнца Бо́жия,/ грехи́ ми́ра очищаю́щаго/ и тлю и смерть истреби́вшаго,/ я́ко овча́ непоро́чно, поже́рлся еси́, Богому́дре,/ сра́слен быв подо́бием, блаже́нне, Живоно́сныя сме́рти./ Ны́не же Его́ Ца́рствия, достоблаже́нне, получи́л еси́.

Сла́ва, глас 8:

Време́н четвери́щно обхо́д, Богозва́нне,/ седмоусугу́бил еси́, бие́мь, стру́жемь,/ изменя́я гра́ды и страны́, распина́емь за Христа́,/ но ни́же огнь, ниже́ меч, ни́же ра́ны/ души́ твоея́ разреши́ша тве́рдость,/ погуби́л же еси́ де́монов кре́пость,/ священному́чениче Кли́менте./ Тем моли́ся Христу́/ спасти́ся душа́м на́шим.

И́ны́не, Богоро́дичен или́ Крестобогоро́дичен.

Подо́бен:Му́ченицы Госпо́дни:

Не терплю́, Ча́до, ви́дети Тя, на Дре́ве усну́вша,/ бо́дрость всем даю́щаго,/ я́ко да дре́вле преступле́ния плодо́м,/ сном поги́бельным усну́вшим/ Боже́ственную и спаси́тельную бо́дрость пода́си, -/ Де́ва глаго́лаше, пла́чущи, Ю́же велича́ем.

На стихо́вне стихи́ры Окто́иха.

Сла́ва, глас 1. Анато́лиево:

Чу́днаго во свяще́нницех му́ченика Кли́мента/ в до́лгом вре́мени искуше́ние мук/ в при́сно благи́х получи́ти сподо́би сла́дости и бога́тства Боже́ственнаго,/ мно́гия к подвиго́м пома́зав свои́м подо́бием/ и покори́в плоть вы́ше му́дрствовати сме́рти./ К нему́же, ве́рнии, возопии́м:/ великому́чениче сла́вне,/ ко Христу́ моли́твами твои́ми/ ле́тная настоя́ния разреши́ страсте́й на́ших/ и изба́ви от лю́тых моли́твами твои́ми.

И ны́не, Богоро́дичен или́ Крестобого́родичен.

Подо́бен: Небе́сных чино́в:

У Креста́ предстоя́щи Сы́на и Бо́га Твоего́/ и долготерпе́ние Того́ сматря́ющи,/ глаго́лала еси́, пла́чущи, Ма́ти Чи́стая:/ увы́ Мне, Ча́до сладча́йшее,/ что сия́ стра́ждеши непра́ведно, Сло́ве Бо́жий?/ Да спасе́ши челове́чество.

Тропа́рь, глас 4:

Лоза́ преподо́бства и стебль страда́льчества,/ цвет свяще́ннейший и плод Богода́нный,/ ве́рным, всесвяще́нне, присноцвету́щ, дарова́лся еси́,/ но я́ко му́чеников сострада́лец/ и священнонача́льников сопресто́льник,/ моли́ Христа́ Бо́га/ спасти́ся душа́м на́шим.

НА У́ТРЕНИ

О́ба кано́на Окто́иха и свята́го на 4, его́же краегране́сие: Пою́ розгу́ у́мныя лозы́. Творе́ние Феофа́ново, глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/гони́теля фарао́на ви́дя потопля́ема,/ Бо́гу побе́дную песнь, пои́м, вопия́ше.

С Го́рними ли́ки я́ко иере́й и я́ко му́ченик сла́вен Христу́ предстоя́,/ приле́жно моли́ получи́ти осия́ния твоего́ восхваля́ющим тя.

Просте́ртыя по́двиги по земли́ препроводи́в, преподо́бне,/ Ца́рствия Небе́снаго сподо́бился еси́ вене́ц прия́ти/ и ве́чную жизнь и неразори́мую.

Изба́влен стра́стию Безстра́стнаго,/ страда́нием потща́лся еси́ к Нему́ востещи́,/ подража́тель быв я́ве страсте́й Его́, А́нгелов ссе́льниче.

Богоро́дичен:Преиспещре́нна добро́тою доброде́телей, Богома́ти Пречи́стая,/ Бо́га и́стиннаго доброде́тель зачала́ еси́ нам,/ исто́чник благи́х источа́юща.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Красны́ прине́сл еси́ плоды́,/ розга́ жизноно́сныя быв Лозы́,/ и, сия́ му́ченическими украси́в блиста́ньми,/ Спа́су всех освяти́л еси́.

Па́вла яви́лся еси́ подража́тель,/ всю вселе́нную претека́я, всеблаже́нне, креще́нием Богоде́льным/ и кро́вию кропле́ния освяща́я испове́дания твоего́.

Богоро́дичен: Несть непоро́чна, я́коже Ты, Всечи́стая Богоро́дице:/ еди́на бо от ве́ка Бо́га и́стиннаго и всех Соде́теля,/ Бо́га Сло́ва, па́че сло́ва родила́ еси́.

Ин конда́к Кли́мента, глас 4.

Подо́бен: Яви́лся еси́ днесь:

Сад благоцвету́щ израсте́ во оте́чествии свое́м,/ красе́н плод прозябе́ по вселе́нней во вре́мя страда́ний твои́х,/ те́мже па́мять твою́ чтим, преподо́бне Кли́менте./ Сего́ ра́ди источа́еши ми́ро, веселя́щее ду́ши на́ша.

Седа́лен, глас 8.

Подо́бен: Прему́дрости:

От Анки́ры звезду́ Богосия́нную,/ Каппадо́ков похвалу́,/ благоче́стно Кли́мента почти́м, многострада́льнаго му́ченика,/ свяще́нников сла́ву, преподо́бных похвалу́,/ си́рых предста́теля, ни́щих побо́рника,/ и́же и, пострада́в в два́десять осьмо́е ле́то, мно́гия просвети́,/ и оте́чество освяти́ многострада́льный му́ченик,/ мо́лится же Христу́ Бо́гу прегреше́ний оставле́ние дарова́ти/ чту́щим любо́вию святу́ю па́мять его́.

Сла́ва, и ны́не, Богоро́дичен:

Я́ко Де́ву и Еди́ну в жена́х, Тя, без се́мене ро́ждшую Бо́га пло́тию,/ вси блажи́м, ро́ди челове́честии:/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род,/ досто́йно сла́вим Пресвято́е Рождество́ Твое́ и согла́сно вопие́м Ти:/ моли́ Христа́ Бо́га прегреше́ний оставле́ние дарова́ти/ покланя́ющимся ве́рою Пресвято́му Рождеству́ Твоему́.

Крестобогоро́дичен:

А́гнца, и Па́стыря, и Избави́теля/ А́гница зря́щи на Кресте́, восклица́ше, пла́чущи,/ и, го́рько рыда́ющи, вопия́ше:/ мир у́бо ра́дуется, прие́мля Тобо́ю избавле́ние,/ утро́ба же Моя́ гори́т, зря́щи Твое́ распя́тие,/ е́же терпи́ши за милосе́рдие ми́лости./ Долготерпели́ве Го́споди, ми́лости бе́здно и исто́чниче неисчерпа́емый,/ умилосе́рдися и дару́й согреше́ний оставле́ние/ ве́рою пою́щим Боже́ственныя стра́сти Твоя́.

Песнь 4

Ирмо́с: Христо́с моя́ си́ла,/ Бог и Госпо́дь, честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Обте́к всю зе́млю, просте́рл еси́ подвиго́в розгу́,/ страда́льческое иска́пая ра́дование и благово́ния сла́дость,/ страстоте́рпче всеблаже́нне.

Верт⁸⁰ зря́ще твоего́ страда́ния,/ ран цве́ты, блаже́нне, твои́х, ра́дующеся, пожина́ем/ и разли́чными чудесы́ чу́вства обвеселя́ем.

Дне был еси́ сын, чу́дне, и Све́та Невече́рняго,/ непреста́нно озаря́емь Трисо́лнечным Све́том/ и сия́нием пропове́дания.

Богоро́дичен: Мари́е Всечи́стая,/ чистоты́ бы́вши прия́телище вмести́тельное Боже́ственнаго вселе́ния,/ душе́вную мою́ скве́рну и окаля́ние истреби́.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́вного взыва́юща.

Ра́ны, всему́дре, терпя́ многоле́тныя и должа́йшия,/ многострада́телен был еси́,/ ны́не же нетле́ннаго блаже́нства сла́дость насле́довал еси́ ве́чнующую.

Ве́ру, я́ко анки́ру⁸¹ тве́рдую,/ и наде́жду, и любо́вь основа́ние положи́в,/ Честне́й Тро́ице себе́ возложи́л еси́ храм освяще́н, о́тче всебога́те.

Богоукра́шенный сопру́т пресве́тлый подвиза́ся на три́знищи страда́ния,/ прие́м ве́чную жизнь, со А́нгелы лику́ет и сра́дуется.

Богоро́дичен: Спасти́ хотя́ от тли истле́вшее челове́ческое естество́,/ Зижди́тель и Госпо́дь во утро́бу очище́ну Святы́м Ду́хом всели́вся,/ неизрече́нно вообрази́ся.

Песнь 6

Ирмо́с: Жите́йское мо́ре/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/Многоми́лостиве.

Зако́нно пострада́вше, венцы́ от руки́ Влады́чния прия́сте,/ даро́в разли́чных раздаяния, и благода́ть исцеле́ний,/ и ве́рных врачева́ти неду́ги.

Житие́ Боже́ственное,/ подвиго́в пробавле́ние, ран изпростре́ние,/ благоле́пия венча́ние та́йное, и добро́ты диади́ма,/ и оде́жда нетле́ния тебе́ бы́ша.

Богоро́дичен: Всечи́стая Влады́чице, ро́ждшая земны́м ко́рмчия Го́спода,/ страсте́й мои́х непостоя́нное и лю́тое утоли́ смуще́ние/ и тишину́ пода́ждь се́рдцу моему́.

Конда́к,глас 4.

Подо́бен: Яви́лся еси́ днесь:

Лозы́ был еси́ честна́я розга́ Христо́ва,/ многострада́льне Кли́менте всехва́льне, я́влься,/ со стра́ждущими же взыва́л еси́:/ Ты му́чеников, Христе́, све́тлое ра́дование.

И́кос:

От младе́нства свяще́нно воздое́ннаго,/ розгу́ лозы́ Царя́ Христа́, песньми почти́м ве́рно:/ той бо яви́ся весе́лием и́стинно и добро́тою че́стен,/ в му́ках и страда́ниях непрекло́нен,/ во свяще́нстве, воображе́н иера́рх и о́бщник Бо́жия Ца́рства,/ и́дольская бо ка́пища и я́рость мучи́телей в ничто́же вмени́в,/ на три́знищи Еди́наго ра́достию Спа́са испове́дуя:/ Ты му́чеников, Христе́, све́тлое ра́дование.

Песнь 7

Ирмо́с: О́троцы в Вавило́не/ пе́щнаго пла́мене не убоя́шася,/ но, посреде́ пла́мене вве́ржени, ороша́ема, поя́ху:/ благослове́н еси́, Го́споди, Бо́же оте́ц на́ших.

Заре́ю муче́ния вселе́нную уясни́л еси́,/ воспева́я Христу́ мы́сли и души́ чистото́ю:/ благослове́н еси́, Го́споди, Бо́же отце́в на́ших.

Твои́х исправле́ний свяще́ннейшее торжество́,/ Небе́сным све́том сия́ющо, озаря́ет зову́щия:/ благослове́н еси́, Го́споди, Бо́же отце́в на́ших.

Богоро́дичен: Му́дрости прему́дрыя, Де́во, Ма́ти была́ еси́,/ вся му́дре пра́вящия есте́ственною бла́гостию./ Благослове́н, Всечи́стая, Плод Твоего́ чре́ва.

Песнь 8

Ирмо́с: За зако́ны оте́ческия/ блаже́ннии в Вавило́не ю́ноши предбе́дствующе,/ царю́ющаю оплева́ша повеле́ние безу́мное,/ и, совоку́плени и́мже, не свари́шася огне́м,/ Держа́вствующему досто́йную воспева́ху песнь:/ Го́спода по́йте, дела́, и превозноси́те во вся ве́ки.

Яви́вшеся светле́йшии на земли́ свети́льницы,/ озаря́ете твердь, всебога́тии, честны́я Це́ркве,/ на Небесе́х же сия́нием страда́ния ва́шего/ перворо́дных торжество́, весели́теся, вопию́ще:/ Го́спода по́йте, дела́, и превозноси́те во вся ве́ки.

С весе́лием ра́достную твои́х подвиго́в па́мять ны́не пра́зднуем:/ я́коже бо безпло́тен, претерпе́л еси́ ран треволне́ния,/ но вме́сто сих ве́чнующую пи́щу досто́йно восприя́л еси́, воздая́ние бога́тное, -/ Го́спода по́йте, дела́, – взыва́я, – и превозноси́те во вся ве́ки.

Во упещре́нную и пресве́тлую оде́жду ты сла́вы оде́явся вме́сто ду́ха, пребога́те, лю́таго уны́ния,/ вме́сто мук А́нгельское пребыва́ние премени́л еси́,/ прие́м Жи́зни Присносу́щныя, -/ Го́спода по́йте, дела́, – зовы́й, – и превозноси́те во вся ве́ки.

Богоро́дичен: Из Присносу́щнаго Роди́теля Соприсносу́щное Сло́во и Сразумева́емое,/ напосле́док же веко́в вопло́щся от Де́вы,/ челове́ческий весь богосоде́ла зрак, Себе́ по Ипоста́си неслия́нно соедини́в,/ Го́спода по́йте, дела́, и превозноси́те во вся ве́ки.

Песнь 9

Ирмо́с: Бо́га челове́ком невозмо́жно ви́дети,/ на Него́же не сме́ют чи́ни А́нгельстии взира́ти./ Тобо́ю же, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Ба́нею светови́днаго креще́ния соверши́вся, и свяще́нства ма́стию,/ и му́ченическою кро́вию омы́вся, блаже́нне,/ укра́шен, ра́дуяся, восте́кл еси́ к Небе́сным во́инством, Богоблаже́нне.

Святы́х му́чеников вене́ц – Сло́во Бо́жие,/ венце́м дарова́ний украси́ твой святы́й верх, чу́дне,/ Пра́вды незаходи́мое Со́лнце,/ Его́же ра́ди по́двиги до́лгия, ра́дуяся, претерпе́л еси́.

Богоро́дичен: Сын и Сло́во Бо́жие Безнача́льное,/ вопло́щся, Сын Де́вы быва́ет благоволе́нием Отца́ и Ду́ха Боже́ственнаго соде́йством,/ весь обнови́ истле́вший мой зрак, я́ко Всеси́лен.

Свети́лен.

Подо́бен: Жены́, услы́шите:

Я́коже Па́вел апо́стол, зе́млю обте́кл еси́ всю,/ и до́лгими твои́ми по́двиги просте́рл еси́, Кли́менте, розгу́,/ и мре́жею ве́ры уловля́еши Агафанге́ла, соо́бщника и сму́ченика,/ блага́го веща́ния тезоимени́тнаго страда́льца.

Богоро́дичен:

Ты мое́ заступле́ние, Пречи́стая, и кре́пкое прибе́жище,/ Ты и предста́тельница, и покро́в, и к Тебе́ припа́даю, зовы́й:/ от бед мои́х изба́ви мя, я́ко Ра́дость ро́ждшая,/ и от огня́ исхи́ти ве́чнаго, Де́во,/ на Тя наде́ющагося.

НА ЛИТУРГИ́И:

Блаже́нны Окто́ихаи свята́го песнь 3-я на 4. Проки́мен, глас 7:Честна́ пред Господа́м/ смерть преподо́бных Его́. Стих: Что возда́м Го́сподеви о всех, я́же возда́де ми? Апо́стол ко Еврее́м, зачало 334. Аллилу́йя, глас 2: Свяще́нницы Твои́ облеку́тся в пра́вду,/ и преподо́бнии Твои́ возра́дуются. Ева́нгелие от Иоа́нна, зачало 36. Прича́стен. В память ве́чную бу́дет пра́ведник:

Святой Климент родился в Галатии, в г. Анкире (ныне Ангора, Малая Азия), в царствование императора Валериана (253–269). Мать его, Евфросиния, ревностная христианка, рано овдовела, и все силы положила на воспитание сына в твердом исполнении заповедей Христовых, в правилах веры строгого благочестия и послушания. Когда мальчику исполнилось 12 лет, мать его почувствовала приближение смерти и пророчески указала день своей кончины. На смертном одре она предрекла сыну мученическую кончину и пламенно убеждала его не бояться временных мучений и отдать свою жизнь за Христа Спасителя.

Осиротевшего мальчика взяла к себе в дом бездетная подруга его матери София, благородная, честная и состоятельная женщина-христианка. София воспитала Климента как родного сына. Когда в Галатии наступил голод и многие язычники бросали своих детей, не имея средств прокормить их, София давала приют этим детям, а святой Климент, несмотря на свой юный возраст, просвещал их светом веры Христовой и многих привел к святому Крещению. Добродетели юного Климента снискали ему признание и любовь его сограждан, в особенности христиан. Вначале юноша был избран чтецом, затем поставлен во диакона, в возрасте восемнадцати лет рукоположен во священника, а через два года хиротонисан во епископа Анкирского. Ревностно проповедуя Слово Божие и окормляя свою паству, святитель Климент обратил ко Христу многих язычников.

Когда при императоре Диоклитиане (284–305) началось гонение на христиан, в Анкиру прибыл правитель Домициан, которому донесли на святителя Климента, обвинив его в нарушении законов Римской империи.

Вызванный на суд к правителю, святой Климент твердо исповедовал Христа, отверг все уговоры Домициана и стойко перенес тяжелые пытки: сменяя друг друга, слуги правителя били плетьми подвешенного на дереве мученика, а затем, бросив его на землю, побивали камнями. Во время этих истязаний святой непрестанно молился Богу и благодарил Христа, давшего ему возможность пострадать за Него. Пораженный его твердостью и силой духа, правитель отправил святого Климента на суд к императору Диоклитиану.

Покидая родной город, святой молился о сохранении Церкви в городе и просил у Бога возвращения в Анкиру для продолжения христианской проповеди.

Император Диоклитиан, прочитав послание Домициана о том, как был мучим святой Климент, удивился его крепости душевной и телесной и пытался привлечь его, обещая за отречение от Христа высокий сан и богатство.

Когда уговоры не подействовали, Диоклитиан приказал мучить святого Климента, а затем бросить его в темницу. Ночью местные христиане, а также многие из язычников, пораженные духовной силой святого и слышавшие его непрерывное молитвословие, собрались в темницу; пришедшие язычники просили Крещения у мученика. Святой Климент крестил и причастил их Божественных Тайн Тела и Крови Христовой из чаши, чудесно полученной им от Ангела. Стража тюремная известила о происшедшем императора, и на следующую ночь, когда христиане вновь собрались в темнице, отряд воинов окружил народ и вывел всех за город. Всем пленным христианам было предложено поочередно отречься от Христа, но не нашлось ни одного богоотступника. Мужественные исповедники были казнены через усекновение. Только один юноша Агафангел скрылся под покровом ночи, имея намерение сообщить обо всем святому Клименту.

Утром святого Климента вновь привели к Диоклитиану. Император, чрезвычайно удивленный тем, что святой еще жив после жестоких пыток, решил показать его своему соправителю Максимиану и велел на корабле отправить его в Никомидию. Юноша Агафангел тайно проник на корабль. Когда отплыли от берега, он объявился воинам, сопровождавшим святого Климента, и просил у святителя разрешения разделить его узы. Святой Климент с радостью приветствовал Агафангела и молился об укреплении его сил.

По дороге в Никомидию корабль останавливался у острова Родоса в Эгейском море. Местный епископ Фотин на несколько часов выпросил у стражи узников. Святой Климент отслужил на острове Родосе Божественную литургию, призвал всех христиан к стойкости в вере и возвратился со святым Агафангелом на корабль. Переплыв Эгейское море, корабль достиг Никомидии.

Правитель Никомидии Максимиан, прочитав послание Диоклитиана, также был поражен крепостью святого Климента. После тщетных уговоров отречься от Христа Максимиан приказал подвергнуть святых Климента и Агафангела пыткам на арене цирка. Жестокость мучителей и твердость мучеников поразили собравшийся народ, и началось смятение.

Толпа требовала освобождения мучеников. Тогда Максимиан, во избежание мятежа, приказал отвести мучеников в темницу, а затем отправить на казнь в город Анкиру.

Правитель Анкиры, Курикий, после новых, все более изощренных пыток отправил святых Климента и Агафангела к императору Диоклитиану, признав, что не мог добиться от них отречения от Христа. Во время пребывания мучеников в Анкире благочестивая София, воспитательница святого Климента, навещала их в темнице и помогала им. Когда мучеников отправили из Анкиры в г. Домицию (на севере Малой Азии), дети, которых некогда приютила София, собрались проводить своего благодетеля и учителя; некоторые из них, не хотевшие расстаться со святыми, приняли мученический венец – были зарублены воинами.

Диоклитиан, убедившись в своем бессилии сломить волю мучеников, приказал бросить их в темницу, осудив на пожизненное заключение. Многие годы пробыли в заточении святые Климент и Агафангел, перенося тяжелые пытки, пока их вновь не отправили в Анкиру в царствование императора Максимина (305–313). Там местный правитель Лукий приказал отсечь голову святому Агафангелу (†5 ноября 311 года), а святого Климента оставил в темнице, надеясь, что казнь его ученика сломит дух мученика.

Благочестивая София с помощью тайного христианина, одного из тюремных стражей, вывела святого Климента из темницы и укрыла его в потаенной церкви, в одной из пещер вблизи Анкиры. Там в течение двух недель святой Климент совершал Богослужения, поучая свою паству и пророчески предвозвещая о скором прекращении гонения и о торжестве христианства.

Язычники донесли об этом правителю, отряд воинов проник в церковь во время литургии, и один из воинов мечом отсек честную главу святому Клименту в то время, когда тот стоял перед престолом († 23 января 312 г.). Вместе с епископом были убиты два диакона, Христофор и Харитон.

Христиане с честью погребли тело своего епископа. Всего святитель Климент пробыл в темнице 28 лет, перенося страшные муки в разных городах – в Анкире, в Риме, в Никомидии, в Амисии. Два императора и девять правителей отсылали его друг к другу, надеясь и лестью, и муками сломить волю святого мученика. Но святитель Климент, укрепляемый Божественной силой, исполнил пророческие слова своей матери, предрекшей ему мученический венец.

Греческий церковный историк XIV века Никифор Каллист свидетельствует о нем так: «От самого основания мира всех тех, которые каким-либо видом мучений страдали за Бога... всех таких мучеников святый Климент с Агафангелом значительно превзошли своими страданиями». Мощи священномученика Климента впоследствии были перенесены в Константинополь, где во имя его воздвигнуты два храма.

НА МА́ЛОЙ ВЕЧЕ́РНИ

На Го́споди, воззва́х: стихи́ры на4, глас 1.

Подо́бен: Всехва́льнии му́ченицы:

Избра́нниче Бо́жий!/ От ю́ности твоея́ испо́лнен сый ду́ха ра́зума и благоче́стия,/ ду́ха стра́ха Госпо́дня,/ презре́л еси́ вся су́етная и тле́нная,/ в пусты́ни же водворя́яся,/ я́ко А́нгел, во пло́ти был еси́,/ Генна́дие блаже́нне,/ те́мже, к тебе́ ве́рою притека́юще, мо́лимся:/ моли́ Христа́ Бо́га спасти́ся душа́м на́шим.

Уподо́бился еси́ купцу́, и́щущему би́сера многоце́ннаго,/ оста́вль бо кров о́тчий/ и вменя́я вся тщету́ бы́ти,/ да Христа́ приобря́щеши,/ Тому́ после́довал еси́,/ Его́ ра́ди стра́сти и озлобле́ния претерпе́л еси́,/ с Ни́мже и прославля́ешися днесь, о́тче Богому́дре.

Прии́м вся ору́жия Бо́жия,/ препоя́сав чре́сла твои́ и́стиною,/ обо́лкся в броня́ пра́вды/ и обу́в но́зе в угото́вание благовествова́ния ми́ра,/ над все́ми же восприи́м щит ве́ры,/ возмо́гл еси́ вся стре́лы лука́ваго разжже́нныя угаси́ти./ Сего́ ра́ди сла́вяще Го́спода,/ и мы, гре́шнии, мо́лимся,/ изба́вится нам моли́твами твои́ми, о́тче преподо́бне,/ от ко́зней вра́жиих, от всех зол и напа́стей.

Сла́ва, глас 6: Прииди́те, ве́рнии, возвесели́мся днесь: (зри Сла́ву вели́кой вече́рни на Го́споди, воззва́х.)

И ны́не, Богоро́дичен:

Творе́ц и Избави́тель мой,/ Христо́с Госпо́дь,/ вопло́щся из Тебе́, Пречи́стая Ма́ти и Де́во,/ пе́рвую кля́тву, я́же от Ада́ма, разруши́./ Те́мже немо́лчно со Арха́нгелом вопие́м Ти:/ ра́дуйся, Благода́тная, ра́дуйся, Влады́чице,/ ми́ра Засту́пнице, Покро́ве и спасе́ние душ на́ших.

На стихо́вне стихи́ры, глас 2.

Подо́бен: До́ме Евфра́фов:

Подвиза́йся до́брым по́двигом ве́ры,/ нощь же и день в терпе́нии и моли́тве пребыва́я,/ преподо́бне Генна́дие,/ тече́ние твое́, я́ко добр во́ин, сконча́в,/ обетова́ния ве́чнаго насле́дия прия́л еси́.

Стих: Честна́ пред Го́сподем/ смерть преподо́бных Его́.

Отложи́в ве́тхаго челове́ка с дея́ньми его́,/ обновля́лся же вы́ну ду́хом ума́ твоего́,/ обле́клся еси́, о́тче всечестны́й,/ в но́ваго челове́ка, созда́ннаго по Бо́гу,/ в пра́вде и в преподо́бии и́стины.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Блажи́м тя, благоугоди́вшаго пред Го́сподем,/ блажи́м сохра́ншаго от ю́ности/ чистоту́ душе́вную и теле́сную,/ досто́йно есть при́сно ублажа́ти тя,/ преподо́бне Генна́дие.

Сла́ва, глас 8:

Чту́ще тя, преподо́бне: (зри страни́цу 299). И ны́не, Богоро́дичен: Влады́чице, приими́: По Ны́не отпуща́еши:тропа́рь преподо́бному, глас 4: Я́ко пустыннолюби́вая го́рлица: (зри на вели́цей вече́рни). Сла́ва, и ны́не, Богоро́дичен: Е́же от ве́ка утае́нное:

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 8.

Подо́бен: О, пресла́внаго чудесе́:

Измла́да умудре́н быв Боже́ственным Писа́нием,/ возмога́я же во благода́ти,/ я́же о Христе́ Иису́се, Го́споде на́шем,/ потща́лся еси́, преподо́бне Генна́дие,/ подвиза́тися по́двигом до́брым,/ себе́ иску́сна поста́вите пред Бо́гом,/ де́лателя непосты́дна, ду́хом горя́ща,/ Го́сподеви рабо́тающая./ Те́мже и был еси́ о́браз ве́рным,/ сло́вом и житие́м, лю́бовию, ве́рою и чистото́ю./ Ны́не же водворя́яся в селе́ниих Небе́сных/ и та́мо с ли́ки Безпло́тных сил прославля́я Триипоста́снаго Бо́га,/ моли́, преподо́бне, о рабе́х,/ чту́щих всехва́льную па́мять твою́.

Возгрева́я дар Бо́жий,/ живу́щий в тебе́, о́тче всечестны́й,/ отрева́я же вся́ку жите́йскую суету́,/ очи́стив себе́ от вся́кия скве́рны пло́ти и ду́ха,/ соде́лался еси́ сосу́д в честь,/ освяще́н и благопотре́бен Влады́це,/ на вся́ко де́ло благо́е угото́ван./ Те́мже угото́вася ти неувяда́емый вене́ц Боже́ственныя сла́вы,/ его́же сподоби, Го́споди, и нас, гре́шных,/ моли́тв ра́ди уго́дника Твоего́.

Тала́нты прии́м от руки́ Госпо́дни,/ потща́вся до́бре,/ и други́я приобре́л еси́ и́ми,/ да благоуго́дная сотвори́ши Го́сподеви./ Сего́ ра́ди и услы́шал еси́ от Него́ сладча́йший глас:/ до́брый ра́бе, благи́й и ве́рный,/ вни́ди в ра́дость Го́спода твоего́.

Я́коже иногда́ му́дрыя де́вы,/ прие́мше еле́й в сосу́дех со свети́льники свои́ми,/ изыдо́ша в сре́тение жениху́,/ изше́л еси́, о́тче преподо́бный,/ в пусты́ню Любимогра́дскую,/ нося́ в чи́стом се́рдце свое́м,/ я́ко в сосу́де, благоприя́тном Влады́це,/ свети́льник ве́ры, еле́й же любви́ Боже́ственный,/ и Спа́са Го́спода взыску́я,/ Его́ же и обре́л еси́,/ и в черто́г Его́ вшел еси́./ Те́мже вопие́м ти:/ блаже́н еси́, Генна́дие,/ зва́нный на ве́черю бра́ка А́гнча.

Сла́ва, глас 6:

Прииди́те, ве́рнии,/ духо́вно возвесели́мся днесь,/ я́ко в наро́читом дни пра́здника,/ и, ликовству́юще, возопие́м:/ ра́дуйся, Генна́дие, ве́ры благочести́выя пра́вило;/ ра́дуйся, о́бразе кро́тости духо́вныя;/ ра́дуйся, свети́льниче Пресвяты́я Тро́ицы,/ Е́йже предстоя́ со А́нгелы,/ моли́ся, уго́дниче Бо́жий,/ да благода́ть и мир пода́ст душа́м на́шим.

И ны́не, Богоро́дичен: Кто Тебе́ не ублажи́т: Вход. Проки́мен дне. И чте́ния преподо́бническая (зри страницы 40–42).

На литии́ стихи́ры самогла́сны, глас 2:

Избра́нниче Бо́жий,/ от ю́ности твоея́ испо́лнен сый ду́ха ра́зума и благоче́стия,/ ду́ха стра́ха Госпо́дня,/ презре́л еси́ вся су́етная и тле́нная,/ в пусты́ни же водворя́яся,/ я́ко А́нгел во пло́ти, был еси́,/ Генна́дие блаже́нне./ Те́мже, к тебе́ ве́рою притека́юще, мо́лимся:/ моли́ Христа́ Бо́га/ спасти́ся душа́м на́шим.

Отбе́г, я́же в ми́ре, по́хотныя тли,/ Христу́ после́довал еси́,/ сокро́виществуя основа́ние себе́ добро́ в бу́дущее,/ да прии́меши ве́чную жизнь./ Сего́ ра́ди от ю́ности твоея́, о́тче преподо́бный,/ со стра́хом и тре́петом спасе́ние свое́ соде́лывая,/ был еси́ непоро́чен посреде́ ро́да стропти́ваго и развраще́ннаго/ и яви́лся еси́ мудр наста́вник ста́ду твоему́./ Те́мже и па́мять твою́ песньми духо́вными/ благоле́пно восхваля́ем.

Сла́ва, глас 6:

Влады́чнему богому́дренно внима́я гла́су:/ а́ще кто хощет по Мне ити́,/ да отве́ржется себе́,/ и во́змет крест свой, и по Мне гряде́т, -/ вои́стинну, о́тче Генна́дие,/ себе́ измла́да отве́рглся еси́/ и, взем крест свой,/ Христу́ после́довал еси́,/ вся терпя́ Его́ ра́ди./ Те́мже еще́ сый во пло́ти,/ чудоде́йственныя благода́ти был еси́ прича́стник./ По блаже́нном же успе́нии твое́м,/ насле́дствуя ве́чную жизнь/ и с ли́ки святы́х водворя́яся,/ мо́лиши, преподо́бне, Всесвяту́ю Тро́ицу/ о чту́щих па́мять твою́.

И ны́не, Богоро́дичен: Богоро́дице, Ты еси́ лоза́ и́стинная:

На стихо́вне стихи́ры, глас 2:

Пусты́ню облагоуха́вый доброде́тельми твои́ми,/ благоуха́еши днесь, преподо́бне,/ источа́я исцеле́ния притека́ющим с ве́рою к честны́м моще́м твои́м./ К ни́мже и мы благогове́йно припа́даем, моля́ще/ дарова́ти нам исцеле́ние душе́вное, вку́пе и теле́сное.

Стих: Честна́ пред Го́сподем/ смерть преподо́бных Его́.

Страсте́й бу́рю укроти́вый/ и де́монския по́лчища низложи́вый,/ ны́не с ли́ки святы́х водворя́яся,/ мо́лиши е́же изба́вится ми́рови/ от лю́тых обстоя́ний.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Совле́кся ве́тхаго челове́ка с дея́ньми его́/ и обле́кся в но́ваго,/ обновля́емаго в ра́зум по о́бразу Созда́вшаго его́,/ не лиши́лся еси́ ни во еди́ном дарова́нии./ Иму́щи у́бо дерзнове́ние е́же хода́тайствовать за ны,/ моли́ся ко Го́споду,/ да, оправди́вшеся благода́тию Его́,/ насле́дницы бу́дем жи́зни ве́чныя.

Сла́ва, глас 6:

Прииди́те, ве́рнии,/ духо́вно возвесели́мся днесь,/ я́ко в наро́читом дни пра́здника,/ и, ликовству́юще, возопие́м:/ ра́дуйся, Генна́дие, ве́ры благочести́выя пра́вило;/ ра́дуйся, о́бразе кро́тости духо́вныя./ Ра́дуйся, свети́льниче Боже́ственный Тро́ицы,/ Е́йже предстоя́ со А́нгелы,/ молися, уго́дниче Бо́жий,/ да благода́ть и мир пода́ст душа́м на́шим.

И ны́не, Богоро́дичен, глас то́йже: Творе́ц и Изба́витель мой:

На благослове́нии хле́бов тропа́рь преподо́бнаго, два́жды, и Богоро́дице Де́во: еди́ножды.

Тропа́рь преподо́бнаго, глас 4:

Я́ко пустыннолюби́вая го́рлица,/ от су́етнаго и многомяте́жнаго ми́ра в пусты́ню удали́вся,/ чистото́ю и гове́нием, моли́твами и тружде́нием/ просла́вил еси́ Бо́га в душе́ и телеси́ свое́м./ И та́ко благоче́стно пожи́в,/ яви́лся еси́, преподо́бне Генна́дие, пусты́ни Любимогра́дския украше́ние,/ и́ноком честна́го жития́ о́браз/ и те́плый моли́твенник за всех,/ притека́ющих к тебе́ с ве́рою.

НА У́ТРЕНИ

На Бог Госпо́дь: тропа́рь преподо́бнаго, два́жды. Сла́ва и ны́не, Богоро́дичен: Е́же от ве́ка утае́нное:

По 1-м стихосло́вии седа́лен, глас 3:

В зако́не Госпо́днем поуча́яся день и нощь/ и свиде́ния Его́ испыту́я,/ не дал еси́, о́тче, сна очи́ма твои́ма,/ ни ве́ждома твои́ма дрема́ния,/ до́ндеже в се́рдце свое́м обре́л еси́ ме́сто Го́сподеви,/ селе́ние Бо́гу Иа́ковлю./ Сего́ ра́ди, я́ко храм духо́вен, благода́тию Бо́жиею приосене́нный,/ и до́брое приста́нище всем, притека́ющим к тебе́, яви́лся еси́,/ и неоску́дный от че́стных моще́й твои́х/ источа́еши ве́рным исто́чник исцеле́ний.

Сла́ва, и ны́не, Богоро́дичен:

Пречи́стая и Преблагослове́нная Де́во,/ Боже́ственным Рождество́м Твои́м истле́вшее страстьми́ земноро́дных естество́ обнови́ся/ и, свобо́ждся от сме́рти и а́довых уз, приведе́ся к насле́дию жи́зни ве́чныя./ Те́мже Тя вси ро́ди досто́йно ублажа́ют.

По 2-м стихосло́вии седа́лен, глас 6:

Облече́нный в ви́ссон чистоты́ и пра́вды,/ благоуха́я ми́рами доброде́телей/ и ни во еди́ном от благода́тных дарова́ний лиша́яся, всечестны́й Генна́дие,/ ве́мы, я́ко с ли́ки пра́ведных и с со́нмы Безпло́тных сил предстои́ши пред Престо́лом Бо́жиим,/ сла́вя вы́ну Царя́ Сла́вы, Го́спода Вседержи́теля, и моля́ся приле́жно,/ да и мы, многогре́шнии и неключи́мии раби́,/ оправди́вшеся благода́тию Его́,/ насле́дницы бу́дем жи́зни ве́чныя.

Сла́ва, и ны́не, Богоро́дичен:

Непостижи́мому и неизрече́нному,/ ку́пно же сла́вному и ужа́сному та́инству вочелове́чения Бо́га Сло́ва дивя́щеся,/ в преклоне́нии душ и серде́ц на́ших пред Тобо́ю,/ Де́во Пречи́стая, ликовству́я, взыва́ем:/ ра́дуйся, Благода́тная, Госпо́дь с Тобо́ю.

По полиеле́и седа́лен, глас 1:

Скорбь и тесноту́, поноше́ния и озлобле́ния/ Ца́рствия ра́ди Небе́снаго и за И́мя иску́пльшаго нас/ и преда́вшего Себе́ за ны, Го́спода на́шего Иису́са Христа́,/ претерпе́л еси́, о́тче преподо́бне, и не изнемо́гл еси́./ Сего́ ра́ди блаже́н еси́, соблю́дший за́поведи и Бо́гови ве́рный да́же до сме́рти,/ неувяда́емый бо сла́вы вене́ц угото́вася ти./ Его́же, Царю́ и Го́споди, не лиши́ и нас, гре́шных,/ моли́тв ра́ди уго́дника Твоего́, Генна́дия.

Сла́ва, и ны́не, Богоро́дичен:

Я́ко к неруши́мей стене́ и ти́хому приста́нищу,/ к покро́ву Твоему́, Преблагослове́нная Богоро́дице, притека́юще,/ вла́емии волна́ми жите́йских попече́ний, вопие́м:/ Влады́чице, покры́й, соблюди́ и спаси́ на Тя упова́ющий.

Степе́нна 1-й антифон 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же возда́де ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Прии́м вся ору́жия Бо́жия,/ препоя́сав чре́сла твоя́ и́стиною,/ обо́лкся в броня́ пра́вды/ и обу́в но́зе во угото́вание благовествова́ния ми́ра,/ над все́ми же восприи́м щит ве́ры,/ возмо́гл еси́ вся стре́лы лука́ваго разжже́нныя угаси́ти./ Сего́ ра́ди, сла́вяще Го́спода,/ и мы, гре́шнии, мо́лимся, изба́витися нам моли́твами твои́ми,/ всечестны́й Генна́дие,/ от ко́зней вра́жиих, от всех зол и напа́стей.

Кано́н Пресвяте́й Богоро́дице на 6 и преподо́бному Генна́дию на 8, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Вся́кое пло́ти умертви́в мудрова́ние,/ с ли́ки Безпло́тных водворя́ешися в Небе́сных черто́зех,/ преподо́бне Генна́дие.

Озаре́нный Све́том невече́рним/ и Влады́це всех предстоя́,/ моли́, о́тче, изба́витися нам от тьмы грехо́вныя.

Ми́ром доброде́телей облагоуха́нныя святы́я мо́щи твоя́, преподо́бне,/ блаже́нным безсме́ртием благоуха́я,/ источа́ют ве́рным исцеле́ние.

Богоро́дичен: Лю́тыя пло́ти моея́ стра́сти утоли́, Пресвята́я Де́во,/ и заблу́ждшаго мя к ти́хому приста́нищу напра́ви.

Песнь3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

По́хоть пло́ти, по́хоть оче́с и го́рдость жите́йскую отри́нув,/ яви́лся еси́, Генна́дие, сосу́д че́стен, Влады́це благопотре́бен.

Вери́гами желе́зными, посто́м и бде́нием/ отягчи́л еси́, о́тче, бре́нную, вку́пе же и многомяте́жную плоть,/ да ду́шу свободи́ши от лю́тости страсте́й.

Я́звы Го́спода на те́ле свое́м носи́в и стопа́м Его́ после́довав,/ воше́л еси́ и в ра́дость Его́,/ я́ко благи́й и ве́рный раб.

Богоро́дичен: Пресла́вная Ма́ти Де́во Богоро́дице,/ во утро́бе име́в Преве́чнаго Бо́га,/ вознеси́ к Нему́ моли́твы на́ша, я́ко Блага́я Хода́таица.

Седа́лен, глас 8:

Уподо́бился еси́ купцу́, и́щущему би́сера многоце́ннаго,/ оста́вль бо кров о́тчий/ и вменя́я вся тщету́ бы́ти, да Христа́ приобря́щеши,/ Тому́ после́довал еси́,/ Его́ ра́ди стра́сти и озлобле́ния претерпе́л еси́,/ с Ни́мже и прославля́ешися днесь, о́тче Богому́дре.

Сла́ва, и ны́не, Богоро́дичен:

Мно́гими скорбьми́ и напа́стьми от враг ви́димых и неви́димых вы́ну обдержи́ми су́ще,/ к Тебе́, Ма́ти Бо́жия, притека́юще, мо́лимся:/ не отри́ни нас, на Тя упова́ющих.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Очи́стив себе́ от вся́кия скве́рны пло́ти и ду́ха,/ храм Бо́жий был еси́ на земли́,/ по успе́нии же твое́м во хра́ме невече́рния сла́вы предстои́ши Го́споду.

На всяк день и час моля́ся,/ тружда́яся и при́сно рабо́тая Го́споду,/ пребы́л еси́ непоколеби́м, я́ко утвержде́нный на ка́мени за́поведей Госпо́дних.

Сла́вим Отца́, Сы́на и Свята́го Ду́ха – Бо́га,/ да́рующаго благода́ть святы́м Свои́м/ и тех моли́твами избавля́ющего нас от лю́тых обстоя́ний.

Богоро́дичен: Влады́чице, прии́ми моли́твы на Тя наде́ющихся:/ Твои́ бо есмы рабы́, да не постыди́мся.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́жд нам,/ Человеколю́бче.

От ю́га в се́верныя страны́ прите́кл еси́, преподо́бне,/ горя́ любо́вию Боже́ственною,/ ея́же пла́менем наве́ты вра́жия, я́ко бы́лие травно́е, сожго́шася.

Гра́де Могиле́ве, ра́дуйся!/ Ты бо произрасти́л еси́ благода́тный клас,/ и́мже процвете́ пусты́ня Любимогра́дская/ и сла́вою его́ возвели́чися.

Ве́рнии, прииди́те, ублажи́м преподо́бнаго отца́ на́шего Генна́дия,/ прозорли́вец бо и чудотво́рец в жити́и быв,/ по сме́рти источа́ет исцеле́ния от святы́х моще́й свои́х.

Богоро́дичен: Богода́нный души́ моея свети́льник угаси́х/ и све́та стезе́й Госпо́дних не уве́дех,/ оба́че, Ма́ти Све́та!/ из мра́ка грехо́внаго вопию́:/ озари́ мя, омраче́ннаго, и заблу́ждшаго напра́ви ко приста́нищу спасе́ния.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Е́зеро Су́рское!/ Во́ды твои́ да воспле́щут днесь, я́ко в имени́тый день пра́здника,/ со струя́ми бо твои́ми сли́ястася умиле́нныя сле́зы,/ и́ми́же пла́кася преподо́бный Генна́дий,/ призыва́я благослове́ние держа́ве Росси́йстей и сыново́м ея́.

Кладенцы́, иско́паннии преподо́бным,/ и́не вся рук его́ тружде́ния,/ да науча́т нас, ка́ко подоба́ет умерщвля́ти плоть,/ рабо́тая при́сно Го́сподеви.

Я́звы Го́спода Иису́са и Крест Его́, я́ко вене́ц злат, с ра́достию прии́м,/ услы́шал еси́, преподо́бне, вожделе́нный глас:/ до́брый ра́бе, благи́й и ве́рный, вни́ди в ра́дость Го́спода твоего́.

Богоро́дичен: Богода́нный души́ моея́ свети́льник угаси́х,/ и тьма обы́де мя, окая́ннаго,/ оба́че к Тебе́ зову́, Ма́ти Све́та:/ озари́ ду́шу мою́ омраче́нную и спаси́ мя.

Конда́к, глас 3:

Моли́твою и посто́м, тружде́нием и терпе́нием/ умертви́вый вся́кое пло́ти мудрова́ние,/ чистоты́ сосу́д благоле́пен,/ Боже́ственных даро́в и чуде́с прича́стник,/ и́ноком же до́блий наста́вник был еси́,/ сподвиза́яся блаже́нному Корни́лию, о́тче Богому́дре./ Сего́ ра́ди вопие́м:/ моли́ся ко Го́споду,/ да моли́твами твои́ми дару́ет мир и спасе́ние душа́м на́шим.

И́кос:

Свети́льник нога́ма твои́ма положи́вый зако́н Госпо́день/ и свет стезя́м твои́м,/ се́рдце же утверди́вый на ка́мени ве́ры,/ в не́йже стоя́ и хваля́ся упова́нием сла́вы Бо́жия,/ избе́гл еси́ жите́йския тли, преподо́бне,/ и, ко све́ту Ца́рствия Бо́жия упра́влен сый,/ призира́еши на ны, моля́ся ко Го́споду,/ да обря́щемся сына́ми Све́та/ и Ца́рствие Его́ насле́дити сподо́бимся.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ о́тцев Бо́же, благослове́н еси́.

О́тче Генна́дие, с дру́гом твои́м Фео́дором прише́л еси́ к преподо́бному Алекса́ндру,/ и́же до́блестно на Сви́ре реце́ подвиза́ся,/ и того́ житию́ поревнова́л еси́.

Семена́ слове́с прему́дрости Бо́жия прия́в в се́рдце свое́ от преподо́бнаго Корни́лия,/ возрасти́л еси́ я, о́тче Генна́дие, в дре́во благосенноли́ственное,/ я́ко приити́ к тебе́ со́нму и́ноков и вита́ти, благогове́нствуя,/ под се́нию благода́ти, я́же в тебе́.

Ликовству́я днесь, принесе́м, ве́рнии, хвалу́ и благодаре́ние Бо́гови,/ нетле́нием просла́вившему уго́дника Своего́/ и дарова́вшему ему́ благода́ть исцеле́ний.

Богоро́дичен: Вы́шняго освяще́нное Боже́ственное селе́ние, ра́дуйся,/ Тобо́ю бо даде́ся ра́дость, Богоро́дице, зову́щим:/ Благослове́на Ты в жена́х еси́, Всенепоро́чная Влады́чице.

Песнь 8

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Царя́ Небе́снаго ве́рный ра́бе!/ Тому́ порабо́тал еси́, подвиза́яся по́двигом до́брым,/ Того́ ра́ди вся претерпе́л еси́,/ да насле́диши обетова́ния жи́зни ве́чныя.

Моли́ся и о нас, преподо́бне,/ да благоче́стно пожи́вше и Богови благоугоди́вше,/ прича́стницы бу́дем жи́зни ве́чныя.

Не челове́ческую, а Бо́жию возлюби́л еси́ сла́ву, о́тче Генна́дие,/ сего́ ра́ди Бог тя просла́ви,/ да́руя тобо́ю по́мощь и спасе́ние притека́ющим к тебе́ с ве́рою.

Богоро́дичен: Досто́йно есть блажи́ти Тя, Богоро́дице:/ Благослове́на Ты в жена́х/ и благослове́н Плод чре́ва Твоего́.

Песнь 9

Ирмо́с: Вои́стияну Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Воспомина́юще подви́жничество твое́, преподо́бне Генна́дие,/ честно́е успе́ние твое́ и зна́мения, я́же соде́я Госпо́дь руко́ю твое́ю,/ со умиле́нием глаго́лем:/ вои́стинну ди́вен Бог во святы́х Свои́х.

Да весели́тся пусты́ня Любимогра́дская,/ во́ды Су́рския да воспле́щут:/ та́мо бо просия ди́вный уго́дник Бо́жий.

Сла́вна и всехва́льна па́мять твоя́, о́тче Генна́дие,/ сла́вою бо, я́же от Отца́, Сы́на и Свята́го Ду́ха, просла́влен еси́.

Богоро́дичен: Ма́ти Бо́жия!/ ника́коже по достоя́нию мо́жем восхвали́ти Тя./ Оба́че Блага́я су́щи, приими́ моли́тву рабо́в Твои́х/ и принеси́ Сы́ну Твоему́ и Бо́гу на́шему, да спасе́т ду́ши на́ша.

Свети́лен:

Я́ко заря́ у́тренняя/ и я́ко луна́ полна́ во днех свои́х, был еси́, преподо́бне, в житии́ сем,/ горя́ ре́вностию, я́же по Бо́зе,/ богате́я святы́ми де́лы и словесы́ благи́ми./ Те́мже мо́лимся:/ не забу́ди чту́щих святу́ю па́мять твою́/ и моли́ся ко Го́споду спасти́ и просвети́ти ду́ши на́ша.

Сла́ва, и ны́не, Богоро́дичен:

Дивя́щеся непостижи́мому та́инству вочелове́чения Бо́га Сло́ва,/ Тя, Богоро́дицу, немо́лчно велича́ем,/ я́ко Сла́внейшую во́инств Небе́сных/ и при́сную Хода́таицу ро́да христиа́нскаго.

На хвали́тех стихи́ры на 4, глас 8, самогла́сны:

Благоле́пно просия́ свяще́нная па́мять твоя́, преподо́бне,/ луча́ми бо доброде́телей,/ све́том же чуде́с твои́х озаря́еши сердца́ ве́рных,/ сию́ у́бо пра́зднующе с ра́достию, ублажа́ем тя,/ принося́ песнь хвалы́ и благодаре́ния Го́споду.

В зако́не Госпо́днем поуча́яся день и нощь/ и свиде́ния Его́ испыту́я,/ не дал еси́, о́тче, сна очи́ма твои́ма,/ ни ве́ждома твои́ма дрема́ния,/ до́ндеже в се́рдце свое́м обре́л еси́ ме́сто Го́сподеви,/ селе́ние Бо́гу Иа́ковлю./ Сего́ ра́ди, я́ко храм духо́вен, благода́тию Бо́жиею приосене́нный,/ и до́брое приста́нище всем, притека́ющим к тебе́, яви́лся еси́,/ и неоску́дный от честны́х моще́й твои́х/ источа́еши ве́рным исто́чник исцеле́ний.

Сла́ва, глас то́йже:

Чту́ще тя, преподо́бне, сла́вим Отца́, Сы́на и Свята́го Ду́ха Бо́га,/ Его́же ра́ди вся претерпе́л еси́,/ Его́же мы́шцею си́лы мно́ги соверши́л еси́:/ пусты́ня бо Любимогра́дская/ озари́ся све́том дел твои́х,/ челове́цы возвесели́шася,/ я́ко А́нгела во пло́ти, ви́девше тя,/ оби́тель же твоя́ пребы́сть, я́ко дре́во, насажде́нное при вода́х,/ и, я́ко крин, процвете́./ Сего́ ра́ди вопие́м:/ хва́льна и просла́вленна па́мять твоя́,/ уго́дниче Бо́жий, Генна́дие.

И ны́не, Богоро́дичен: Влады́чице, приими́ моли́тву раб Твои́х/ и изба́ви нас/ от вся́кия ну́жды и печа́ли.

Славосло́вие вели́кое и отпу́ст.

НА ЛИТУРГИ́И:

Блаже́нны свята́го, от кано́на пе́сни 3-я и 6-я́ на 4. Проки́мен, глас 7: Честна́ пред Го́сподем/ смерть преподо́бных Его́.Стих: Что возда́м Госпо́деви о всех, я́же воздаде́ ми? Апо́стол к Гала́том, зача́ло 213. Аллилу́йя: Блаже́н муж, боя́йся Го́спода, в за́поведех Его́ восхо́щет зело́. Стих: Си́льно на земли́ бу́дет се́мя Его́. Ева́нгелие от Луки́, зача́ло 24. Прича́стен: В па́мять ве́чную:

Моли́тва

Избра́нниче Бо́жий и чудотво́рче, преподо́бный о́тче Генна́дие! От ю́ности твоея́ испо́лнен сый Ду́ха прему́дрости и ра́зума, Ду́ха благоче́стия и стра́ха Госпо́дня, и прии́м вся ору́жия Бо́жия, препоя́сав чре́сла твоя́ и́стиною, обо́лкся в броня́ пра́вды и обу́в нозе во угото́вание благовествова́ния ми́ра, над все́ми же восприи́м щит ве́ры, возмо́гл еси́, я́ко добр во́ин Христо́в, вся стре́лы лука́ваго разжже́нныя угаси́ти. Сего́ ра́ди водворя́яся днесь с ли́ками Безпло́тных сил в оби́телях Отца́ Небе́снаго, неувяда́емым венце́м увязе́н еси́ и, предстоя́ Престо́лу Царя́ Сла́вы, Го́спода сил, и́маши дерзнове́ние возноси́ти к Нему́ моле́ния и благохвале́ния твоя́. Мы же, окая́ннии, возводи́ из глубины́ зол о́чи и сердца́ на́ша к Го́рнему Сио́ну, Жили́щу Бо́га Иа́ковля, мо́лим тя, преподо́бне Генна́дие: бу́ди засту́пником и хода́таем на́шим пред Бо́гом и Го́сподем на́шим, Судие́ю пра́веднейшим, Его́же вы́ну прогневля́ем, согреша́юще пред Ним. И я́коже во дни пло́ти своея́ ди́вная и пресла́вная соверши́л еси́, о́тче всехва́льне, та́ко и ны́не, преше́д от нас в оби́тели Отца́ Небе́снаго, удиви́ хода́тайством свои́м ми́лость Госпо́дню на нас. Да, отбе́гше нече́стия и мирски́х по́хотей, Бо́гови же благоугоди́вше, обря́щем по́мощь Его́ во вре́мя благопотре́бно и благослове́ние на ны и на дела́ рук на́ших, и да сподо́бит нас насле́дити Ца́рство Небе́сное и с ли́ки святы́х сла́вити и воспева́ти пречестно́е и великоле́пое И́мя Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.

В миру Григорий, родился в начале XVI века в г. Могилеве в семье русско-литовских бояр Иоанна и Елены. С детства любил до самозабвения молиться в храме Божием и выделялся среди сверстников задумчивостью и склонностью к уединению. Несмотря на увещания матери, Григорий решил стать монахом и ушел из дома.

Не без труда добрался он до Москвы, где встретился и подружился с юношей Феодором. Обойдя московские святыни и поклонившись им, они решили идти на север. В новгородской земле юноши виделись с преподобным Александром Свирским (†1533, память 30 августа), который направил их в Комельский монастырь к преподобному Корнилию (†1537, память 19 мая). Преподобный Корнилий благословил Григория идти в монастырь, а Феодора – остаться в миру.

Григорий поселился в глухих вологодских лесах в небольшой обители. Преподобный Корнилий взял его послушником под свое духовное руководство и после нескольких лет испытания постриг в монашество с именем Геннадий. Святой Корнилий назидал юного инока: «Усвой, чадо, разум древних святых отцов: терпение, любовь и смирение, особенно же молитву общую, или соборную, и келейную, и потрудись в подвигах нелицемерных». На склоне лет преподобный Корнилий удалился с преподобным Геннадием в костромские леса близ города Любима, где они около 1529 года основали обитель (позднее названную Любимоградской, или Геннадиевой). Оставив преподобного Геннадия настоятелем обители, преподобный Корнилий, по желанию великого князя Василия IV Иоанновича (1505–1533), вернулся в Комельский монастырь.

Преподобный Геннадий построил на берегу Сурского озера храм в честь Преображения Господня. Став игуменом, он не ослабил иноческих подвигов, постоянно носил на себе тяжелые вериги. Вместе с братией преподобный Геннадий выходил на монастырские работы: рубил лес, носил дрова, делал свечи и пек просфоры. Любимым его занятием было писание икон.

Господь даровал ему дар прозорливости и чудотворения. Исцеляя болящих, преподобный Геннадий призывал их к покаянию и памятованию о часе смертном. Приехав по монастырским делам в Москву, он предрек Иулиании, дочери боярина Романа Юрьевича Захарьина, что она будет царицей. И действительно, царь Иоанн Грозный избрал ее себе в супруги. С помощью бояр Захарьиных преподобный Геннадий соорудил в своей обители второй храм, во имя преподобного Сергия Радонежского. Исцеленный святым Геннадием от тяжкой болезни, боярин Борис Палецкий пожертвовал в его обитель ценный колокол.

Житие преподобного Геннадия вместе со службою ему написано учеником его, игуменом Алексием, между 1584–1587 годами. В нем помещено духовное завещание, продиктованное самим преподобным, исполненное тепла и простоты. Он заповедует в нем соблюдать общежительный устав и постоянно трудиться, хранить собранные в монастыре книги и ум свой прилагать к пониманию их. Преподобный призывает: «Стремитесь к свету, а тьму оставляйте». От преподобного Геннадия осталось также написанное им «Наставление духовного старца новоначальному иноку».

Преподобный Геннадий преставился 23 января 1565 года. В 1646 году, при копании фундамента под каменный храм на месте прежней, разобранной деревянной церкви в честь Преображения Господня, были обретены мощи преподобного Геннадия и перенесены под спуд в придел этого храма. 19 августа 1646 года совершилось общецерковное прославление преподобного Геннадия. К тому времени в обители уже была освящена церковь во имя преподобного Геннадия, так как местное почитание его началось сразу же после преставления.

Тропа́рь, глас 4:

Днесь град Кострома́ вельми́ ва́ми хва́лится:/ в преде́лех бо земли́ Костромски́я,/ я́ко зве́зды светоза́рныя, возсия́вше,/ чудесы́ свои́ми вся озари́ли есте́/ и ны́не мо́литеся ко Го́споду, отцы́ преблаже́ннии, Генна́дие, Паи́сие, Авраа́мие,/ Иа́кове, Мака́рие и Пахо́мие, со ине́ми мно́гими на́шего кра́я Небе́сными покрови́телями/ за град Кострому́ и всяк град, и страну́, и лю́ди,/ ве́рою и любо́вию вас почита́ющий,/ и о спасе́нии душ на́ших.

Конда́к, глас 8:

Костромска́го кра́я благоче́стия подви́жники и за гра́ды и ве́си страны́ Росси́йския те́плыя предста́тели яви́стеся,/ отцы́ преблаже́ннии, Христа́ Бо́га моли́те о нас,/ свяще́нный ваш собо́р почита́ющих/ и с любо́вию вопию́щих:/ ра́дуйтеся, отцы́ преди́внии, Костромска́го кра́я и всея́ Росси́и похвало́ и утвержде́ние.

Велича́ние:

Ублажа́ем вас,/ преподо́бне о́тче наш Генна́дие/ и всех святы́х отце́в собо́р, Костромска́го кра́я покрови́телей,/ вы бо мо́лите за нас/ Христа́ Бо́га на́шего.

По благословению Святейшего Патриарха Московского и всея Руси Пимена в 1981 году установлен соборный праздник святых древней Костромской земли. 23 января (5 февраля) 1982 года, в день памяти преподобного Геннадия, Костромского и Любимоградского чудотворца, было впервые совершено празднование Собора святых, на земле Костромской просиявших.

По свидетельству русских летописей, город Кострома был основан в 1162 году. После смерти великого князя Владимирского Всеволода, по прозвищу Большое Гнездо (1154–1212), во Владимирском княжестве образовались три удела: Суздальский, Московский и Костромской.

В XIV-XV веках ученики Преподобного Сергия Радонежского, по его благословению, основали несколько монастырей на Костромской земле. Здесь, на обширной равнине, изрезанной реками, пролегли их пути: один – по реке Шексне на Белоозеро, другой – по реке Костроме на Вычегду. В освоении костромского междуречья трудились преподобные Авраамий Чухломский (†1375, память 20 июля), основатель нескольких обителей, просветитель местных чудских племен; Иаков Железноборовский (†1442, память 11 апреля), Макарий Писемский (XIV, память 10 января), Павел Обнорский (†1429, память 10 января). По благословению преподобных Кирилла Белозерского (†1427, память 9 июня), также ученика Аввы Сергия, и преемника Кирилла – Корнилия Комельского, на Костромской земле подвизались впоследствии преподобные Геннадий Костромской и Любимоградский (†1562, память 23 января), Кирилл Новоезерский (†1532, память 4 февраля), Адриан Монзенский (†1610, память 5 мая), основатель Благовещенского монастыря на реке Монзе, Ферапонт Монзенский(†1597,память 12 декабря). Введенскую пустынь основал преподобный Иаков Брылинский (иначе Брылеевский, XV в., память 11 апреля) – ученик и сподвижник преподобного Иакова Железноборовского.

В монастыре преподобного Паисия Галичского (†1460, память 23 мая), который обрел Овиновский образ Божией Матери (празднование 15 августа), подвизался Иаков Галичский (в конце XV – начале XVI в., память 7 апреля). В XVI веке преподобный Александр Вочский (память 27 марта) основал Преображенский монастырь на реке Воче.

Святитель Дионисий Суздальский (†1884, память 15 октября), спостник и собеседник Преподобного Сергия Радонежского, в середине XV века «послал 12 человек из своей братии в верхние грады и страны, идеже кого Бог благословят, для духовного просвещения народа и основания обителей». В числе двенадцати был и преподобный Макарий Унженский (†1444, память 25 июля) – основатель трех обителей. Макариево-Унженский монастырь в XVII веке, в правление Михаила Феодоровича и Алексия Михайловича, стал вторым по значению после Троице-Сергиевой Лавры. Сюда был назначен игуменом будущий святитель Митрофан, епископ Воронежский (†1703 год, память 23 ноября), впоследствии принявший в схиме имя в честь преподобного Макария Унженского. Узы духовного братства связывают преподобного Макария с преподобным Варнавой Ветлужским (†1445, память 11 июня) – основателем Варнавиной обители, вокруг которой спустя некоторое время вырос город Варнавин. Преподобный Григорий Пелынемский (†1142, память 30 сентября) явился основателем обители на реке Пелынме. Он положил немало трудов, чтобы примирить враждовавших между собой русских удельных князей.

Святитель Иона, Митрополит Московский и всея Руси (†1461, память 15 июня), был родом из Костромской земли. Он начал свои иноческие подвиги в одном из галичских монастырей.

По благословению святителя Алексия, Митрополита Московского, преподобный Пахомий Нерехтский (†1384, память 23 марта и 15 мая) основал в Костромском крае обитель во Имя Святой Троицы.

Ученики Преподобного Сергия Радонежского, который «был учитель всем монастырям, иже на Руси», просвещая Христовой верой языческие и полуязыческие племена, присоединяли их к Русской Православной Церкви. Из многочисленных ветвей духовного генеалогического древа, имеющего корни в Троице-Сергиевой Лавре, ветви – Белозерская (от преподобного Кирилла Белозерского), Комельская (от преподобного Кирилла Комельского), Железноборовская (от преподобного Иакова Железноборовского), Нижегородская (от святителя Суздальского Дионисия) – принесли обильные плоды добротолюбия и молитвы на Костромской земле.

См.: Святые угодники Божии и подвижники Костромские, их жизнь, подвиги, кончина и чудеса. Кострома, 1879; Троицкий Патерик, или сказания о святых угодниках Божиих, под благодатным водительством Преподобного Сергия в его Троицкой и других обителях, подвигом просиявших. Издание Свято-Троицкой Сергиевой Лавры, 1896.

(слу́жбу зри 23 декабря́)

Тропа́рь, глас 3:

Бо́жия Сло́ва Прему́дрости изря́дный служи́тель,/ А́нгельскаго жи́тельства и́стинный подража́тель,/ Боже́ственныя чистоты́ рачи́тель,/ архиере́ом сопресто́льниче, преподо́бным сожи́тельниче,/ па́стырская красота́,/ Вели́кому Но́вуграду похвала́,/ святи́телю пречестны́й Феокти́сте, о́тче наш,/ Ему́же, Сло́ву Бо́жию, в житии́ сем послужи́л еси́,/ моли́ спасти́ся душа́м на́шим.

Конда́к,глас 8:

Архиере́йское украше́ние,/ Вели́кому Новугра́ду Богодухнове́нное удобре́ние,/ су́щия бо в не́м лю́ди на па́житех живоно́снаго зако́на Госпо́дня упа́сл еси́,/ и сего́ ра́ди в ли́це святы́х водворя́тися сподо́бися,/ и святу́ю твою́ па́мять мно́гими ле́ты сотвори́ неоскверне́нну,/ в не́йже, тя почита́юще, – ра́дуйся, – от души́ вопие́м ти,/ святи́телю о́тче Феокти́сте,/ Вели́кому Новугра́ду похвала́ и утвержде́ние.

Начал свой монашеский путь в Благовещенском монастыре близ Новгорода. Иноческими подвигами и добрыми делами заслужил уважение и любовь братии, которая избрала его своим игуменом. В бытность игуменом Благовещенского монастыря положил много трудов на благоустроение обители. В 1299 году был избран на кафедру архиепископов Новгородских и Псковских. 29 июля 1300 года состоялась его архиерейская хиротония, совершенная Митрополитом Киевским и всея Руси Максимом (1283–1305), епископом Ростовским и Ярославским Симеоном (1291–1311) и епископом Тверским Андреем, князем Ерденевым (1289–1315).

Во время пребывания на святительской кафедре (1300–1308) архиепископ Феоктист много внимания уделял постройке и ремонту храмов и монастырей. Памятниками его святительской ревности остались в Новгороде два храма, им освященные: во имя святых мучеников благоверных князей Бориса и Глеба и во имя Святых Отцов I Вселенского Собора, на княжеском дворе. При святителе Феоктисте была благоустроена обитель на острове Валааме. По свидетельству Новгородской летописи, зимой 1308 года святитель Феоктист по состоянию здоровья оста вил владычный двор. Благословив Новгород, он возвратился в Благовещенский монастырь, где подвизался подвигом безмолвия.

Через два года непрестанного молитвенного делания, стяжав у Господа много духовных даров и откровений, святитель Феоктист отошел в вечность. Кончина его наступила 23 декабря 1310 года. Чудесные исцеления, происходившие у гробницы святителя Феоктиста, были основанием для причисления его к лику святых в 1664 году. 23 января 1786 года мощи святителя Феоктиста были перенесены в знаменитый Юрьев монастырь под Новгородом, известный своими древними сооружениями (основан в 1030 г.), и помещены в соборном храме во имя святого великомученика Георгия Победоносца у северной стены близ алтаря.

В первой половине XIX века, благодаря трудам настоятеля Юрьева монастыря архимандрита Фотия и щедрой благотворительности его духовной дочери графини А. А. Орловой-Чесменской, обитель пришла в цветущее состояние. Архимандрит Фотий соорудил придел во имя святителя Феоктиста. В 1847 году в этом приделе была устроена серебряная рака, в которой почивали под спудом мощи святителя Феоктиста, прославленные многими чудесными знамениями милости Божией. Память святителя Феоктиста совершается также 23 декабря, в день его преставления.