1-й день

Свята́го му́ченика Иусти́на Филосо́фа, и друга́го му́ченика Иусти́на, и и́же с ни́ми

Святой мученик Иустин Философ

Святые мученики Иустин, Харитон, Евелпист, Иеракс, Пеон, Валериан, Иуст и мученица Харита

Преподобнаго отца нашего Дионисия, Глушицкаго чудотворца

Преподобный Дионисий Глушицкий

Преподо́бнаго Ага́пита Пече́рскаго, врача́ безме́зднаго

Преподобный Агапит Печерский

Аллилу́ия или́ тропа́рь.

На Го́споди, воззва́х: а́ще пост, пое́м стихи́ры Богоро́дицы 3, глас 2, подо́бен: Егда́ от Дре́ва: И святаго 3, глас и подо́бен тойже:

Егда́ неразу́мия лед/ всю обдержа́ше тварь наве́ты вра́жиими/ и служи́мо бя́ше и́дольское мно́жество,/ тогда́, сла́внии му́ченицы, усе́рдным се́рдцем/ и теплото́ю Боже́ственныя ве́ры сие́ уста́висте,/ любо́вию пролива́юще кровь/ за излия́вшаго Свою́ кровь на Кресте́ я́ве.

Егда́ манове́нием Боже́ственным/ к вышеесте́ственным подвиго́м отлучи́стеся,/ телесе́ тле́ющаго отве́ргшеся,/ тогда́, си́лою укрепля́еми Всеси́льнаго,/ огня́ не ужасо́стеся, ни меча́ посека́ющаго./ Те́мже, Бо́гу вы́и прекло́ньше, блаже́ннии,/ кончи́ну с ра́достию прия́сте.

Пео́н, до́блий страда́лец,/ Валериа́н, и Харито́н, и Хари́та с ним,/ и Боже́ственный Иусти́н, Еве́лпист и Иера́кс сла́вный,/ оде́жду от крове́й Боже́ственных обагри́вшии,/ и, оде́явшеся вку́пе,/ Влады́це всех на Небесе́х со А́нгелы,/ Царю́ Христу́, предстоя́т.

И́ны стихи́ры Богоро́дицы, глас и подо́бен то́йже:

Ра́дуйся, солнцезра́чная звездо́,/ ра́дуйся, вино́вная всех до́брых, Пренепоро́чная;/ ра́дуйся, вмести́вшая Бо́га Невмести́маго,/ я́же клас прозя́бшая безсме́ртия;/ ра́дуйся, Боже́ственное носи́ло и две́ре всесве́тлая./ Ра́дуйся, кля́твы убие́ние прароди́тельныя на́шея, Отрокови́це,/ благи́х Хода́таица су́щи.

Всех скорбя́щих Ра́досте,/ и оби́димых Предста́тельнице,/ и убо́гих Пита́тельнице,/ стра́нных же утеше́ние и же́зле слепы́х,/ немощны́х посеще́ние,/ тружда́ющихся покро́ве и Засту́пнице/ и си́рых Помо́щнице,/ Ма́ти Бо́га Вы́шняго/ Ты еси́, Пречи́стая,/ потщи́ся, мо́лимся, спасти́ся рабо́м Твои́м.

Покро́в и заступле́ние нам, христиа́ном, Ты еси́/ и прибе́жище держа́вно,/ Ма́ти Бо́га Вы́шняго./ Но и ны́не, я́ко при́сно, бо́дренною Твое́ю моли́твою/ не преста́й моля́ спасти́ рабы́ Твоя от обстоя́ний всех,/ я́ко Тя с Бо́гом и́мамы/ заступле́ние, вси христиа́не, и прибе́жище.

Сла́ва, и ны́не, Богоро́дичен:

Ино́го держа́внаго прибе́жища,/ и кре́пости столпа́, и стены́ необори́мыя/ вои́стинну не стяжа́хом,/ ра́зве Тебе́, Пречи́стая,/ к Тебе́ прибега́ем и Тебе́ вопие́м:/ Влады́чице, помози́, да не поги́бнем,/ покажи́ Твою́ благода́ть на ны, и кре́пости сла́ву,/ и милосе́рдия Твоего́ вели́чество.

Крестобогоро́дичен:

Дре́ву Кре́стному Тя, Иису́се,/ пригвожде́на зря́щи Неискусобра́чная,/ пла́чущи, глаго́лаше:/ Ча́до сла́дкое,/ почто́ оста́вил еси́ Мене́, ро́ждшую Тя, еди́ну,/ Све́те непристу́пный Пребезнача́льнаго Отца́?/ Потщи́ся и просла́вися,/ я́ко да сла́ву получа́т Боже́ственную/ и́же Боже́ственныя стра́сти Твоя́ сла́вящии.

На стихо́вне Окто́иха.

Тропа́рь, глас 4:

Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спаси́ ду́ши на́ша.

Кано́н, глас 2.

Песнь 1

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,/ я́ко просла́вися.

Му́ченическими укра́шени светлостьми́,/ чи́стому предстоите́, му́ченицы, Престо́лу Влады́ки всех,/ на́ших согреше́ний разреше́ние подаю́ще.

Благочести́вии и́стины побо́рницы,/ пред мучи́тельским суди́щем подви́гшеся единому́дренно,/ низложи́ша пре́лесть диа́волю си́лою духо́вною.

Ра́нами, и я́звами, и скорбьми́/ благозва́ннии искупи́ша великому́ченицы Христо́во Ца́рство,/ в не́мже венцено́сцы ны́не живу́т.

Богоро́дичен: Ущедря́я Твои́х рук созда́ние, в ми́лости бога́тый,/ во утро́бу всели́лся еси́ Неискусому́жныя Де́вы/ и Сию́ Предста́тельницу нам показа́л еси́.

Песнь 3

Ирмо́с: Утверди́ нас в Тебе́, Го́споди,/ Дре́вом умерщвле́й грех,/ и страх Твой всади́/ в сердца́ нас, пою́щих Тя.

Утвержде́ние Христа́ в се́рдцы твое́м нося́,/ му́жески сопроти́вился еси́, Иусти́не, истяза́ющему,/ беззако́нновати пребеззако́нно тебе́ веля́щему.

Лик богосия́нен, во́инство богоизбра́нное святы́х му́ченик,/ святы́й собо́р собра́вся ны́не, победи́ враги́ безпло́тныя с те́лом.

Те́ло ра́нам веледу́шнии преда́вше, ра́довахуся,/ прозря́ще ве́чное наслажде́ние, и бу́дущую сла́ву, и све́тлость.

Богоро́дичен: О́блаки души́ моея́ разори́,/ Со́лнца сла́вы ле́гкий о́блаче,/ и ум мой све́том наста́ви, почерне́нием зло́бы омраче́нный.

Седа́лен, глас 5.

Подо́бен: Собезнача́льное Сло́во:

Иусти́н и Харито́н, Пео́н, Еве́лпист,/ Хари́та, и Иера́кс, и Валериа́н, свети́льницы све́тлии,/ озаря́ющии концы́ земны́я луча́ми подвиго́в свои́х,/ велегла́сно да восхва́лятся ве́рою, Христу́ моля́щеся спасти́ся нам.

Сла́ва, и ны́не, Богоро́дичен:

Те́плая Предста́тельнице и непобеди́мая, упова́ние изве́стное и непосты́дное,/ стено́, и покро́ве, и приста́нище прибега́ющим к Тебе́, Присноде́во Чи́стая,/ Сы́на Твоего́ и Бо́га моли́ со А́нгелы/ умире́ние да́ти ми́рови, и спасе́ние, и ве́лию ми́лость.

Крестобогоро́дичен:

На Кресте́ зря́щи Тя, Христе́, Ма́ти Твоя́,/ во́лею посреде́ разбо́йнику ви́сяща,/ растерза́ющися утро́бою ма́терски, глаго́лаше:/ безгре́шный Сы́не, ка́ко непра́ведно на Кресте́, я́коже злоде́й, пригвожде́н еси́,/ челове́ческий род хотя́ оживи́ти, я́ко Благоутро́бен?

Песнь 4

Ирмо́с: Услы́шах, Го́споди,/ слух Твоего́ смотре́ния/ и просла́вих Тя,/ Еди́не Человеколю́бче.

Иусти́на, и Харито́на, и Хари́ты,/ и Пео́на страда́нием А́нгельстии чи́нове удиви́шася.

Сокруша́ема телеса́ ра́нами/ Боже́ственное исхода́тайствоваша до́блим блаже́нство.

Я́коже мы́сленное у́глие, Боже́ственным огне́м попали́сте лесть/ и свети́ла ми́ра, му́ченицы, яви́стеся.

Еве́лписта, Иера́кса, непрекло́нных му́ченик му́жеству/ тьмы кня́зи убоя́шася.

Богоро́дичен: Я́же огнь Божества́ во утро́бе, Де́во, прие́мшая,/ огня́ мя изба́ви и му́ки.

Песнь 5

Ирмо́с: Све́та Пода́телю/ и веко́в Тво́рче, Го́спода/ во све́те Твои́х повеле́ний наста́ви нас:/ ра́зве бо Тебе́, ино́го бо́га не зна́ем.

Ду́ха Боже́ственнаго испо́лнився,/ лука́вствия лю́тыя ду́хи тече́нии крове́й твои́х, му́чениче Иусти́не,/ удави́л еси́, блаже́нне, пострада́в кре́пко.

Благода́ти тезоимени́тая, благода́ти Бо́жия испо́лнена бысть,/ и, же́нскую забы́вши я́ве не́мощь,/ пострада́ зако́нно, и сла́ву получи́.

Облагода́тив ду́шу испове́дании свяще́нными,/ притупи́л еси́ ве́тхаго врага́ зло́бу, Харито́не страда́льне,/ Боже́ственных страстоте́рпец честно́е удобре́ние.

Богоро́дичен: Я́же Спа́са Христа́, уподо́бльшася земны́м, ро́ждшая,/ премно́жеством бога́тства милосе́рдия,/ Того́, я́ко Бо́га, Чи́стая, моли́ спасти́ рабы́ Твоя́.

Песнь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:/ от тли, Бо́же, мя возведи́.

Иусти́на и Харито́на, Пео́на и Валериа́на,/ Хари́ты же, и Иера́кса, и Еве́лписта/ вси пресве́тлую па́мять просла́вим.

Безво́лненно муче́ния пучи́ну Боже́ственным правле́нием проидо́сте, му́ченицы,/ и ко приста́нищу благоути́шному Христо́ва Ца́рства доидо́сте.

Я́коже неле́стныя зве́зды, сия́юще Це́ркви честны́м утвержде́нием,/ вселе́нную всю светосия́нием страда́ния просвеща́ете.

Богоро́дичен: Безме́рнаго окамене́ния изба́ви мя,/ одержи́маго мно́гими согреше́нии, Богороди́тельнице Влады́чице,/ и гее́нскому огню́ подлежа́щаго.

Конда́к, глас 2:

Прему́дростию Боже́ственных твои́х слове́с, Иусти́не,/ Це́рковь Бо́жия вся украси́вшися,/ жития́ твоего́ све́тлостию мир освеща́ет,/ излия́ния же ра́ди кро́ве вене́ц прие́м/ и со А́нгелы предстоя́ Христу́,/ моли́ непреста́нно о всех нас.

Песнь 7

Ирмо́с: Те́лу злато́му прему́дрыя де́ти не послужи́ша,/ и в пла́мень са́ми поидо́ша, и бо́ги их обруга́ша,/ среди́ пла́мене возопи́ша, и ороси́ я А́нгел:/ услы́шася уже́ уст ва́ших моли́тва.

Пре́лести глубину́ крове́й реко́ю изсуши́сте, то́ки чуде́с источи́сте,/ угаша́юще у́глие, му́ченицы, лю́тых страсте́й вопию́щим всегда́:/ благослове́н Бог оте́ц на́ших.

Божества́ огне́м любве́, му́дрии, вещь зло́бы доблему́дренно попали́сте/ и, я́ко огнесия́нни, возсия́вше, всех вопию́щих сердца́ благоче́стно просвети́сте:/ благослове́н Бог оте́ц на́ших.

Му́дростию Бо́жиею Иусти́н му́дрый укра́шен,/ е́ллинское обуи́ мудрова́ние благода́тию,/ уве́рив покланя́тися Тро́ице и правосла́вно зва́ти:/ благослове́н Бог оте́ц на́ших.

Богоро́дичен: Де́во Честна́я, Неискусобра́чная, Чи́стая, Благослове́нная,/ низпа́дающих исправле́ние, согреша́ющих проще́ние,/ спаси́ мя, блу́днаго, спаси́ Сы́ну Твоему́ зову́ща:/ благослове́н Бог оте́ц на́ших.

Песнь 8

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода,/ и превозноси́те во вся ве́ки.

Я́коже в пещи́ о́гненней, в му́ках терпели́вно искуси́вшеся, страстоте́рпцы Госпо́дни,/ па́че зла́та вои́стинну боже́ственно облиста́сте, вопию́ще:/ Христа́ превозно́сим во вся ве́ки.

Со Иусти́ном му́дрым да воспое́тся Хари́та, и Харито́н,/ и Пео́н, и Иера́кс вели́кий, с Валериа́ном,/ страда́нием лесть отгна́вшии и А́нгельским лико́м совоку́пльшиися.

К ве́чней жи́зни ведо́ми, му́дрии,/ доблему́дренно вы́и мечу́ единомы́слием души́ вси преклони́сте, му́ченицы,/ я́ко же́ртвы, Бо́гу приве́дшеся.

Богоро́дичен: Живота́ су́щи исто́чник, я́ко во́ду жи́зни поро́ждши,/ ду́шу мою́, иста́явшую грехо́вным пла́менем, Де́во Богоро́дице, напо́й,/ да Тя сла́влю во вся ве́ки.

Песнь 9

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святы́я Де́вы неизрече́нно воплоти́вшагося нас ра́ди,/ ве́рнии, единому́дренно пе́сньми велича́ем.

Боже́ственною сия́юще сла́вою,/ сту́день пре́лести разруши́сте, до́блии страда́льцы,/ и о́бщницы бы́сте свяще́нных страсте́й плоть прии́мшаго нас ра́ди,/ с Ним ве́чно на Небесе́х ра́дуетеся.

Иусти́нове му́дрости, и Хари́ты му́жеству, и Харито́нове де́рзости вои́стинну,/ Пео́ны же и Иера́кса до́блим подвиго́м/ и Валериа́на к лю́тым мно́гому терпе́нию и А́нгели чуди́шася.

Я́коже на колесни́цу Боже́ственную все́дше сла́вно,/ кро́вию ва́шею к Небеси́ ра́достно востеко́сте/ и руко́ю живоно́сною побе́дныя прия́сте, му́дрии, венцы́,/ непреста́нно о нас моля́щеся.

Богоро́дичен: Неискусому́жно Сло́во па́че сло́ва ро́ждшая,/ Де́во Неискусобра́чная, Чи́стая,/ напа́стей изми́ нас, и вся́ких бед, и вре́да душетле́нна, и страсте́й,/ и ве́чнующаго пла́мене, и осужде́ния.

Святой мученик Иустин Философ – образец человека, искренно стремящегося к истине, посвятившаго поискам истины всю свою жизнь и нашедшаго ее во Христе. Святой Иустин называется Философом, ибо избрал основным занятием философию, под которой понимал «разумение всего существующего и познание истины».

Святой Иустин родился в начале II века в Сихеме, древнем городе Самарии (современный Наблус). Его родители, греки по национальности, были язычниками, и сам святой Иустин пришел к христианству не сразу. С детских лет он отличался глубоким умом и любовью к познанию. Жажда истины привела его к языческим философам – сначала стоикам, потом перипатетикам, пифагорейцам, платоникам, но чувство неудовлетворенности не оставляло его.

Однажды, гуляя по берегу моря в уединенном месте и размышляя о смысле бытия, святой Иустин повстречался с неким старцем, который в беседе с ним убедил его в суетности языческой философии и преподал ему основы христианской веры. «Какой-то огонь разгорелся во мне,– вспоминал впоследствии святой Иустин,– воспламеняя дух мой стремлением к Богу, и возросла во мне любовь к святым пророкам и к тем мужам, которые друзья Христовы. Размышляя о словах старца, я познал, что возвещенная им философия – единственно истинная, начал читать пророческие и апостольские книги и от них стал действительно философом, т. е. истинным христианином».

На 30 году жизни Иустин принял Святое Крещение и с этого времени все свои способности посвятил служению Церкви. Он оказался одним из первых христианских писателей, которые предприняли попытку изложить Евангельское учение на языке античной философии и тем самым содействовали принятию христианства в Римской империи. Святой Иустин в своих трудах сосредоточил внимание на личности Христа – Божественного Логоса, воплотившагося ради спасения человеческого рода. В творениях святого Иустина философия и богословие тесно переплетаются, однако, используя философский язык того времени, святой никогда не примешивал языческие идеи к Богооткровенному учению; его философия – строго христианская. Изложение вопросов вероучения у святого Иустина живо связано с нуждами Церкви. Так, например, когда император Антонин Пий (138–161) начал гонение на христиан, святой Иустин Философ написал Апологию в защиту трех невинно осужденных последователей Христа (около 165 года). В этом труде он обличал ложность языческих суеверий и несправедливость обвинений христиан, доказывая, что жизнь их – целомудренна и праведна. Несколько ранее он написал Апологию, адресованную императору Антонину Пию, его сыну Марку Аврелию и римскому сенату. Обе апологии произвели столь сильное впечатление на императора, что он прекратил гонение. Святой Иустин отправился в Азию с радостной вестью об этом. В Малой Азии, в Ефесе, состоялся диспут Иустина с иудейским раввином Трифоном. Святой Иустин доказывал истину христианского учения на основании глубокого знания ветхозаветного Священного Писания. Об этом диспуте осталось сочинение Иустина Философа «Разговор с Трифоном иудеем».

Восприняв истину христианства не только разумом, но и сердцем, святой Иустин Философ запечатлел подвиг своей жизни мученической кончиной. Он предчувствовал, что ему уготован мученический венец. Вскоре после возвращения в Италию, он, как обычно, проповедовал Евангелие и многих обращал ко Христу. Святому Иустину приходилось часто участвовать в диспутах с языческими философами. Один из них, Крискент, принадлежавший к школе киников, воспылал лютой ненавистью к святому и оклеветал его перед римским судом. Святого Иустина долго мучили, однако не нашли в нем никакой вины. Тогда Крискент, боясь, как бы Иустина не отпустили на свободу, отравил его ядом. По другим данным, в частности, по свидетельству святого Иринея Лионского , святой Иустин и шесть его сторонников были вызваны на окончательный допрос к префекту Рустику и после исповедания истинной веры были обезглавлены. Святой Иустин пострадал в Риме при римском префекте Юнии Рустике около 166 года.

К числу сочинений, принадлежность которых святому Иустину не установлена достоверно, относят следующие: «Речь к эллинам», «Увещание к эллинам», «О единовластительстве», «О воскресении» (фрагмент). Мощи святого Иустина Философа покоятся в Риме.

На русском языке издано:

1. Апология I, или защищение христиан пред Антонином Кротким.– «Христианское чтение», 1825, XVII, с. 12 слл.

2. Апология II, или защищение христиан пред Римским сенатом.– Там же, 1840, III, с. 3 слл.

3. Диалог с Трифоном иудеем. Пер. Преосвященного Иринея, архиепископа Тверского. СПб., 1737. То же (с Апологиями I, II).– В кн.: Сочинения древних христианских апологетов. С введениями и примеч. свящ. П. А. Преображенского. М., 1864 (Памятники древней христианской письменности в рус. пер., т. III. Прилож. к журн. «Православное обозрение»).

4. Хрестоматия, или выбранные места из святого мученика и философа Иустина, служащие полезным нравоучением. М., 1783.

5. Святой мученик Иустин Философ. О Имени Божием. Книгоиздательство «Исповедник». Сергиев Посад, 1913.

Святые мученики Иустин, Харитон, Евелпист, Иеракс, Пеон, Валериан, Иуст и мученица Харита пострадали одновременно со святым Иустином Философом, в 166 году. Они были приведены в Рим и заключены в темницу. Перед судом градоначальника Рустика святые смело исповедали свою веру во Христа. Рустик спросил святого Иустина, действительно ли он думает, что после перенесенных мучений взойдет на небо и получит награду от Бога. Святой Иустин отвечал, что не только думает, но достоверно знает и уверен в этом.

Градоначальник предложил всем христианам-узникам принести жертву языческим богам, но получил отказ и вынес смертный приговор. Святые были обезглавлены.

ВЕ́ЧЕР

Блаже́н муж: 1-й антифо́н. На Го́споди, воззва́х: стихи́ры на 6, глас 4.

Подо́бен: Дал еси́ зна́мение:

Пе́рвее пости́вся,/ пло́ти взыгра́ния/ воздержа́нием умертви́л еси́,/ второ́е побе́ду взял еси́ на враги́/ и низложи́л еси́ их кова́рства твои́ми по́двиги,/ Диони́сие Богоблаже́нне./ Те́мже тя венча́ сугу́быми венцы́/ Иису́с Человеколюбе́ц/ и Спас душ на́ших.

Струя́ми слез твои́х/ се́мя Боже́ственное напои́л еси́,/ я́ко земля́ благоплодови́та, Богодухнове́нне,/ стори́цею воздая́,/ преподо́бия плод прозя́бл еси́ вои́стинну/ и в жи́тницы собра́л еси́ мы́сленныя,/ си́лою духо́вною/ тебе́ претво́ршаго премене́нием лу́чшим,/ Диони́сие пресла́вне.

Ве́рою и любо́вию,/ о празднолю́бцы, соше́дшеся днесь,/ псалмы́ и пе́сньми восхва́лим/ Небе́снаго челове́ка, земна́го А́нгела./ К нему́же возопие́м:/ о всеблаже́нне преподо́бне,/ пусты́нный жи́телю,/ по́стников похвало́,/ о нас моли́ся ко Го́споду, о́тче Диони́сие,/ спасти́ся душа́м на́шим.

Слава, глас 8:

Преподо́бне и Богоблаже́нне о́тче Диони́сие/ вои́стинну сподо́бился еси́ Боже́ственныя жи́зни,/ посто́м и бде́нием изнуря́я те́ло твое́,/ о́браз быв мона́хом:/ а́ще бо и теле́сный язы́к умолче́,/ но чудеса́ свиде́тельствуют,/ пусты́ня, пропове́дающи, хва́лится,/ име́ющи в себе́ неотъе́млемое сокро́вище;/ лю́дие бо, зря́ще честну́ю ра́ку моще́й твои́х и чудеса́ быва́емая,/ прославляю́т просла́вльшаго тя Го́спода./ Ему́же моли́ся непреста́нно/ дарова́ти во́инству на́шему на враги́ побе́ды/ и вселе́нней мир и ве́лию ми́лость.

И ны́не, Богоро́дичен: Царь Небе́сный: Аще 50-ца, И ны́не, пра́здника.

Вход. Проки́мен дне, чте́ния три.

Прему́дрости Соломо́новы чте́ние (главы 5 и 6):

Пра́ведницы во ве́ки живу́т, и в Го́споде мзда их,/ и попече́ние их у Вы́шняго./ Сего́ ра́ди прии́мут ца́рствие благоле́пия/ и вене́ц добро́ты от руки́ Госпо́дни,/ зане́ десни́цею покры́ет я и мы́шцею защити́т их./ Прии́мет всеору́жие рве́ние свое́/ и вооружи́т тварь в месть враго́м./ Облече́тся в броня́ пра́вды/ и возложи́т шлем – суд нелицеме́рен./ Прии́мет щит непобеди́мый – преподо́бие,/ поостри́т же напра́сный гнев во ору́жие,/ спобо́рет же с ним мир на безу́мныя./ По́йдут праволу́чныя стре́лы мо́лниины/ и, я́ко от благокру́гла лу́ка, облако́в на наме́рение полетя́т./ И от каменоме́тныя я́рости испо́лнь паду́т гра́ды./ Вознегоду́ет на них вода́ морска́я,/ ре́ки же потопя́т я на́гло./ Сопроти́в ста́нет им дух си́лы и, я́ко ви́хор, разве́ет их,/ и опустоши́т всю зе́млю беззако́ние,/ и злоде́йство преврати́т престо́лы си́льных./ Слы́шите у́бо, ца́рие, и разуме́йте,/ навы́кните, судии́ конце́в земли́./ Внуши́те, держа́щии мно́жества/ и гордя́щиися о наро́дех язы́к,/ я́ко дана́ есть от Го́спода держа́ва вам/ и си́ла от Вы́шняго.

Прему́дрости Соломо́новы чте́ние (глава́ 3):

Пра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их,/ и е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И, вма́ле нака́зани бы́вше, вели́кими благоде́тельствовали бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

Прему́дрости Соломо́новы чте́ние (глава́ 4):

Пра́ведник, а́ще пости́гнет сконча́тися, в поко́и бу́дет./ Ста́рость бо честна́ не многоле́тна,/ ниже́ в числе́ лет исчита́ется,/ седи́на же есть му́дрость челове́ком,/ и во́зраст ста́рости – житие́ нескве́рное./ Благоуго́ден Бо́гови быв, возлю́блен бысть,/ и живы́й посреде́ гре́шник преста́влен бысть./ Восхище́н бысть, да не зло́ба измени́т ра́зума его́/ или́ лесть прельсти́т ду́шу его́./ Раче́ние бо зло́бы помрача́ет до́брая/ и паре́ние по́хоти пременя́ет ум незло́бив./ Сконча́вся вма́ле, испо́лни ле́та до́лга,/ уго́дна бо бе Го́сподеви душа́ его́,/ сего́ ра́ди потща́ся от среды́ лука́вствия./ Лю́дие же ви́девше, и не разуме́вше,/ ниже́ поло́жше в помышле́нии таково́е,/ я́ко благода́ть и ми́лость в преподо́бных Его́/ и посеще́ние во избра́нных Его́.

На лити́и стихи́ры, глас 5.

Подо́бен: Преподо́бне о́тче:

Преподо́бне о́тче Диони́сие Богому́дре,/ те́плый к Бо́гу предста́телю,/ доброде́тели сокро́вище, равностоя́телю святы́х А́нгел,/ зерца́ло нескве́рное Бо́жие боже́ственно показа́ся,/ А́нгелы удиви́л еси́,/ бе́сы посрами́л еси́ доброде́тельми твои́ми,/ си́лою Боже́ственнаго Ду́ха своему́ Влады́це подо́бяся:/ Он вшел есть на Крест, рукописа́ние всех растерза́,/ ты же, взем на ра́мо крест свой, в пусты́ню всели́ся,/ стра́сти умертви́л еси́ и ду́шу очи́стил еси́,/ на высоту́ взы́де доброде́тельми,/ единокро́вниче преподо́бным,/ во све́те невече́рнем живы́й,/ егоже луча́ми Боже́ственными просвеща́емь,/ и наслажда́яся Того́ виде́ньми,/ и пита́яся Того́ добро́тами,/ сия́я Того́ чудесы́,/ бысть свети́льник вселе́нней,/ уясни́л еси́ сла́ву Христо́ву./ Того́ моли́, Тому́ помоли́ся, преподо́бне,/ дарова́ти Це́рквам единомышле́ние,/ мир и ве́лию ми́лость.

Преподо́бне о́тче Диони́сие Богому́дре,/ дом Пресвята́го Ду́ха соде́яся/ и свяще́н сосу́д от ма́терних пеле́н показа́ся, о́тче наш,/ нося́ на ра́му свое́ю крест Госпо́день,/ в пусты́нях и гора́х ты живя́,/ яви́ся любве́ ра́ди Христо́вы,/ Ему́же и порабо́тися,/ Его́же и жела́ше, а́бие узре́л еси́./ Те́мже и венце́м увязе́ся неувяда́емым,/ и весе́лие и ра́дость восприя́т и сла́ву ве́чную,/ и украси́ тя Небе́сными дарми́ Христо́с,/ в чудесе́х сла́вна ру́сским страна́м, о́тче Диони́сие, показа́:/ цели́ти неду́ги и ду́хи прогони́ти,/ источа́я неду́жным исцеле́ний струи́./ Те́мже мо́лимся:/ моли́ся Христо́ви, помина́й ста́до, е́же собра́, му́дре,/ и не забу́ди, я́коже обеща́ся посеща́ти чад свои́х./ Мы бо, ча́да твоя́ и о́вцы слове́сных твои́х уче́ний,/ тя на по́мощь призыва́ем,/ прося́ще тобо́ю прия́ти грехо́в оставле́ние./ Того́ моли́, Тому́ помоли́ся, преподо́бне,/ дарова́ти мир ми́рови/ и душа́м на́шим ве́лию ми́лость.

Преподо́бне о́тче Диони́сие Богому́дре,/ кто испове́сть труды́ твоя́ и боле́зни?/ Или́ кий язы́к изрече́т жесто́кое твое́ житие́,/ бде́ние же и сухояде́ние, и е́же на земли́ лега́ние,/ и моли́твы непреста́нныя и чистоту́ душе́вную и теле́сную./ Устна́ма и умо́м соверше́нное безмо́лвие стяжа́л еси́,/ ху́дость ри́зную, па́мять сме́ртную име́л еси́,/ того́ ра́ди па́мять твоя́ во ве́ки пребыва́ет,/ преподо́бне Диони́сие, уго́дниче Христо́в, блаже́нне./ А́ще бо преста́вися от нас, па́стырю до́брый,/ но не отступа́еши от нас ду́хом,/ всех нас помина́й, соверша́ющих па́мять твою́ свяще́нную,/ приле́жно пою́ще, мо́лим тя:/ моли́ся, преподо́бне, побе́ды дарова́ти на враги́ наро́ду на́шему,/ и Це́рквам благоле́пие, и ми́ру смире́ние,/ и душа́м на́шим ве́лию ми́лость.

Глас 4: Блаже́н вои́стинну был еси́, о́тче Диони́сие,/ плач ра́достен стяжа́л еси́, преподо́бне,/ и́мже Ца́рство Небе́сное насле́довал еси́/ и ве́чную жизнь и насле́дие ве́чное, преблаже́нне, восприя́л еси́,/ в се́лех Небе́сных веселя́ся,/ всю́ду зари́ испуща́я чуде́с твои́х, вся просвети́л еси́,/ позна́лся еси́, благода́тию сия́я,/ не подоба́ше бо твое́й доброде́тели в пусты́нях забы́тися и покры́тися,/ те́мже Христо́с светоно́сна тя свети́льника всем показа́.

По́стник благоче́стия на Небе́сную стезю́, Диони́сие,/ наста́вил еси́, о́тче,/ и к насле́дию неги́блющему Вы́шних веды́й,/ Боже́ственными свои́ми уче́нии умудря́я, о́тче,/ наказу́я ученики́ своя́,/ те́мже житие́ твое́, преблаже́нне, А́нгелом ра́вно/ и жизнь твоя́, Богому́дре, пресве́тла,/ душа́ же светови́дна и благоче́стна ве́ра твоя́./ Сего́ ра́ди Христо́с дарова́ тя врача́ боля́щим зело́ ми́лостивна/ и пита́теля а́лчущим пресла́вна,/ наказа́теля несмы́сленным, целому́дреника неразуме́ющим,/ си́рым и ни́щим засту́пника.

Слава, глас 6:

Сказа́ Христо́с тебе́,/ е́же к Нему́ многорачи́тельное преставле́ние,/ преста́влься, дости́гл еси́ он, Вы́шний град,/ и ве́чныя оби́тели дои́де,/ и насле́дие Небе́сное от свои́х боле́зней обре́те./ И ны́не Влады́це предстоя́,/ помина́й ве́рою творя́щих па́мять твою́ светоно́сную и всеосвяще́нную,/ тя, восхваля́юще, досто́йно ублажа́ем.

И ны́не, Богоро́дичен.

На стихо́вне стихи́ры, глас 2.

Подо́бен: До́ме Евфра́фов:

Яви́вся/ от ма́терних пеле́н,/ Богоно́се преподо́бне Диони́сие,/ сосу́д, о́тче, был еси́/ и дом Пресвята́го Ду́ха.

Стих: Честна́ пред Го́сподем/ смерть преподо́бных Его́.

Нося́ на ра́му твое́ю Госпо́день Крест,/ Диони́сие, о́тче преподо́бне,/ бесо́вское мечта́ние/ до конца́ потреби́л еси́/ и ве́рным исцеле́ние дарова́л еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Пре́лесть лука́вых бесо́в/ обличи́л еси́ кре́стною си́лою,/ бо́дренными моли́твами и сле́зными исто́чники,/ Це́ркви ве́рных обогати́л еси́,/ Богоблаже́нне Диони́сие.

Сла́ва, глас 6:

Е́же по о́бразу соблю́д невреди́мо,/ ум влады́ку на стра́сти па́губныя по́стнически поста́вив,/ во е́же по подо́бию, я́ко мо́щно, возше́л еси́,/ му́жески бо естество́ пону́див,/ потща́лся еси́ ху́ждшее покори́ти лу́чшему/ и плоть порабо́тити ду́ху./ Те́мже мона́шествующих яви́лся еси́ верх,/ жи́тель пусты́нный,/ благотеку́щих обучи́тель,/ пра́вило доброде́тели изве́стнейшее./ И ны́не на Небесе́х зерца́лом разре́шшимся,/ о́тче наш Диони́сие,/ чи́сте зри́ши Святу́ю Тро́ицу,/ моля́ся несре́дственне/ о и́же ве́рою и любо́вию чту́щих тя.

И ныне: Богоро́дице, Ты еси́ лоза́: А́ще Пятдеся́тница: И ны́не, пра́здника.

Тропа́рь, глас 1:

Боже́ственною любо́вию от ю́ности распала́емь,/ Диони́сие преподо́бне,/ вся, я́же в ми́ре кра́сная, возненави́дев,/ Христа́ еди́наго возлюби́л еси́/ и Сего́ ра́ди во вну́треннюю пусты́ню всели́лся еси́,/ со зверьми́ живы́й, весь Христо́ви./ Отону́дуже и Всеви́дящее О́ко, твоя́ труды́ ви́дев,/ да́ром чуде́с и по преставле́нии обогати́л тя есть./ Те́мже вопие́м ти:/ моли́ непреста́нно о всех нас,/ честну́ю па́мять твою́ при́сно/ в пе́снех почита́ющих.

Сла́ва, и ны́не, Богоро́дичен: Гаврии́лу веща́вшу Тебе́:

НА У́ТРЕНИ

По 1-й стихоло́гии седа́лен, глас 3.

Подо́бен: Красоте́:

Сою́зом любве́ привяза́вся Христу́, земна́я же и мимотеку́щая возненави́дев,/ пусты́нное озлобле́ние усе́рдно подъя́л еси́,/ бесо́вская же ополче́ния и их многоко́зненную си́лу до конца́ посрами́л еси́,/ и Подвигополо́жник Христо́с дарова́нием чуде́с обогати́ тя./ Те́мже тя почита́ем, Диони́сие Богому́дре.

Сла́ва, и ны́не, Богоро́дичен:

Я́ко невозде́ланная, Де́во, лоза́, красне́йший Грозд прозябла́ еси́,/ источа́ющ нам вино́ спасе́ния, всех веселя́щее ду́ши же и телеса́./ Те́мже, я́ко вину́ Тя до́брых блажа́ще при́сно, со А́нгелы вопие́м Ти:/ ра́дуйся, Благода́тная.

По 2-й стихоло́гии седа́лен, глас 1.

Подо́бен: Лик А́нгельский:

Житие́ благоче́стно на земли́ стяжа́в, прия́телище чи́сто Ду́ху ты яви́лся еси́,/ просвеща́я ве́рою к тебе́ притека́ющия, блаже́нне./ Те́мже моли́ твоего́ Влады́ку просвети́ти ду́ши нас, воспева́ющих тя,/ Диони́сие, преподо́бне о́тче наш.

Сла́ва, и ны́не, Богоро́дичен:

Всех Творца́, и Бо́га, и Соде́теля, Всенепоро́чная Чи́стая,/ Ду́хом Боже́ственным в ложесна́х заче́нши,/ без истле́ния родила́ еси́./ Его́же сла́вяще, Тя воспева́ем, Де́во,/ я́ко пала́ту Царя́ всех и ми́ру заступле́ние.

По полиеле́и седа́лен, глас 8.

Подо́бен: Прему́дрости:

Окормля́емь си́лою вседе́тельною и ве́трилом кре́стным обложе́н,/ легко́ преплы́л еси́ жития́ мо́ре/ и к Боже́ственным вои́стинну приста́нищем дости́гл еси́,/ доброде́телей ку́плю мно́гу стяжа́в, ю́же всех Влады́це прине́сл еси́,/ и́же, благи́й ра́бе, слы́шал еси́./ Неду́гующих исцели́л еси́, ско́рчившихся ру́це испра́вил еси́,/ слепы́я просвеща́я, немы́м повеле́л еси́ вопи́ти./ Диони́сие преподо́бне, моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

В напа́сти многоплете́нныя впад от враг ви́димых и неви́димых,/ бу́рею одержи́мь безчи́сленных согреше́ний мои́х,/ я́ко к те́плому заступле́нию и покро́ву моему́, Чи́стая,/ ко приста́нищу притека́ю Твоея́ бла́гости./ Те́мже, Пречи́стая, из Тебе́ воплоще́нному без се́мене/ моли́ся приле́жно о всех рабе́х Твои́х,/ непреста́нно моля́щих Ти ся, Богоро́дице Пречи́стая,/ моля́щи Его́ при́сно согреше́ний оставле́ние дарова́ти/ воспева́ющим досто́йно сла́ву Твою́.

Степе́нна, 1-й антифо́н 4-го гла́са. Проки́мен: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43. Псало́м 50-й.

Стихи́ра, глас 2:

Ра́дуйся, преподо́бне о́тче Диони́сие всече́стне,/ и́же зако́н Госпо́день до́бре извы́кл еси́/ и ве́ру соблю́л еси́ невреди́му,/ хода́тай яви́вся о ста́де твое́м Христу́ Бо́гу./ Того́ моли́ умири́ти мир/ и спасти́ ду́ши на́ша.

Кано́н Богоро́дицы на 6 и свята́го на 8, глас 8.

Песнь 1

Ирмо́с: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Озаре́нием Свята́го Ду́ха озари́ благоче́стно любо́вию пе́сньми восхваля́ющих тя,/ по́стников похвало́, мона́шествующих сла́во, пусты́ни украси́телю,/ благоче́стия учи́телю, Диони́сие.

От ю́ности жела́ние к Бо́гу возложи́в,/ и к Не́му, ра́дуяся, возше́л еси́, име́я все твое́ помышле́ние,/ взыгра́ние пло́ти и страсте́й нахожде́ние воздержа́нием умертви́л еси́,/ Диони́сие прехва́льне.

Попра́в зми́я, того́ се́ти легко́ прелете́л еси́,/ кри́лы благоче́стия впери́вся, о́тче:/ живо́т бо, ра́дуяся, объя́л еси́ от са́да кре́стнаго, блаже́нне Диони́сие.

Богоро́дичен: Уста́ви неуста́вное помышле́ние смуще́ния,/ Пречи́стая Де́во, Ма́ти Бо́жия,/ к Сы́ну Твоему́ направля́ющи движе́ния.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Во све́те невеще́ственне и мы́сленне,/ от печа́лей веще́ственных восте́к к Небе́сным невеще́ственным чино́м,/ преподо́бне, моли́твами твои́ми нас просвети́.

Воздержа́ния сла́дость иска́пав, отри́нул еси́ го́ресть страсте́й,/ те́мже па́че ме́да и со́та наслади́л еси́, о́тче, чу́вствия на́ша.

Возше́д на высоту́ доброде́телей, до́лу влеку́щия оплева́л еси́ сла́сти,/ сла́дость показа́вся спасе́ния, о́тче преподо́бне,/ ста́ду твоему́ проси́ грехо́в оставле́ния.

Богоро́дичен: Прему́дрость и Сло́во О́тчее несказа́нно родила́ еси́,/ души́ моея́ лю́тую исцели́ я́зву и серде́чную боле́знь утоли́.

Ин и́кос:

Прииди́́те, и́ночествующих мно́жество,/ ве́рою соше́дшеся днесь,/ я́ко и́стиннаго по́стника почита́ем Диони́сия,/ и честну́ю его́ и многоцеле́бную ра́ку обстоя́ще,/ любе́зно облобыза́ем, глаго́люще:/ о всеблаже́нне Диони́сие,/ преподо́бным сожи́телю и по́стником похвало́,/ в наро́читем пра́зднице преподо́бнаго па́мяти духо́вне весели́мся,/ Ева́нгельских исто́чник струя́ми напои́вшеся, ра́дующеся, реку́ще:/ ра́дуйся, Диони́сие, преподо́бне и всеблаже́нне,/ Небе́сный челове́че и земны́й А́нгеле/ и Ду́ха Пресвята́го обита́лище./ Ра́дуйся, я́ко мно́гих к спасе́нному пути́ наставля́ющий;/ ра́дуйся, оте́честву на́шему похвало́ и утвержде́ние./ Ра́дуйся, де́лателю вои́стинну разу́мный;/ ра́дуйся, преподо́бне, а́лчущим пита́телю и оби́димым посо́бниче./ Ра́дуйся, печа́льным утеше́ние и вдови́цам засту́пниче, Диони́сие преблаже́нне,/ хромы́х хожде́ние и кре́пость,/ мно́гим неду́гом цели́телю;/ ра́дуйся, скорбя́щим сла́дкое похвале́ние,/ вождю́ слепы́м и све́тлость/ и пла́вающим наста́вниче те́плый./ Ра́дуйся, чи́сте, Чисте́йшему Све́ту совокупи́ся;/ ра́дуйся, я́ко Тро́ице предстои́ши со А́нгелы./ Мо́лим тя: непреста́нно о нас моли́ся,/ дарова́ти душа́м на́шим ве́лию ми́лость.

Седа́лен, глас 8:

Красоты́ мирски́я от млады́х ногте́й, преподо́бне, возненави́дев,/ еди́наго Христа́ от се́рдца возлюби́л еси́ и, Тому́ все́ю душе́ю прилепи́вся,/ я́ко безпло́тен, на земли́ пожи́л еси́ с пло́тию,/ сла́ву же мимотеку́щую и бога́тство нивочто́же вмени́в,/ Небе́сное бога́тство восприя́л еси́ и сла́ву ве́чную./ Те́мже и ублажа́ем свято́е твое́ успе́ние/ и, в нем торжеству́юще, вопие́м ти:/ Богоблаже́нне о́тче наш Диони́сие,/ моли́ Христа́ Бо́га согреше́ний оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии:/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Песнь 4

Ирмо́с: Ты моя кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра Отча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколюбче.

Душе́вное очища́я чу́вство и разширя́я Боже́ственными виде́нии,/ Боже́ственных дарова́ний сподо́бился еси́, Богоблаже́нне,/ к ра́це моще́й Твои́х притека́ющим, Диони́сие преподо́бне, подае́ши ско́рое исцеле́ние.

Зако́ном Бо́жиим повину́яся, преподо́бне,/ к смотре́нию безпло́тных и мы́сленных твое́ худо́жество упра́вил еси́,/ преходя́ вы́ну от сла́вы в сла́ву, от си́лы, о́тче, в си́лу.

Богоуго́дно пожи́в,/ пусты́ни, я́ко гра́ды, сотвори́л еси́ потре́бны и душеполе́зны,/ исто́чник исцеле́ний пролива́я ве́рою покланя́ющимся ра́це моще́й твои́х.

Богоро́дичен: Новора́сленный безсме́ртия рай и красе́н вои́стинну показа́лася еси́, Де́во:/ дре́во бо жи́зни в Тебе́ насади́ся богонача́льно,/ е́же, во чре́ве Твое́м нося́щи, родила́ еси́,/ всем иска́пающее спасе́ния наде́жду, ве́рно, Богоро́дице, испове́дающим Тя.

Песнь 5

Ирмо́с: Вскуе́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Угаси́в пла́мень страсте́й росо́ю подвиго́в твои́х,/ о́тче блаже́нне Диони́сие,/ бога́тно вжегл еси́ огне́м любве́ ве́ры воздержа́ния свети́льник,/ просвеще́ние безстра́стия, и сын дне яви́лся еси́.

Ве́ры грозд Боже́ственным де́ланием, о́тче, воспита́л еси́,/ и, в точи́лех поста́вив, изгне́л еси́ боле́зньми поще́ния,/ и ча́шу напо́лнил еси́ духо́вную воздержа́ния,/ весели́ши сердца́ ста́да твоего́.

До́блественне претерпе́в бие́ния неви́димых враго́в,/ показа́лся еси́ столп непоколеби́мь,/ утвержда́я ста́до твое́ па́лицею Боже́ственною, словесы́ медото́чными,/ блаже́нне Диони́сие преподо́бне.

Богоро́дичен: Еди́на ро́ждши де́вою, едина муженеиску́сная яви́лася еси́, Всенепоро́чная,/ во утро́бе Сло́во О́тчее прие́мши Безнача́льное,/ млеко́м дои́ши, Чи́стая, чу́до стра́шно!/ Де́вствуеши и зако́ны обновля́еши естества́.

Песнь 6

Ирмо́с: Очи́́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Исцеле́ний ре́ки источа́еши, стра́сти земноро́дных боже́ственно очища́еши,/ ра́дующеся ве́рою,/ восхваля́ем твоя́ по́двиги, чу́дне.

Зако́нно от всех Соде́теля десни́цею венча́лся еси́, преподо́бне Диони́сие,/ Небе́сный граждани́не, А́нгелом равностоя́телю.

Нетле́ннаго и Боже́ственнаго пребыва́ния и непости́жных наслажда́яся ны́не благи́х,/ А́нгелом собеседниче, Диони́сие Богому́дре, восхваля́ющие тя спаса́й.

Богоро́дичен: Бо́га ро́ждши, вся́кия тва́ри, Влады́чице,/ я́ко вои́стинну еди́на, Богоро́дице, превы́шши яви́лася еси́.

Конда́к, глас 8:

Все твое́ у́мное жела́ние к Бо́гу впери́в,/ Тому́ невозвра́тно от души́ после́довал еси́, в пусты́ню всели́вся,/ и, та́мо а́нгельски пожи́в, мно́гим путь был еси́ ко спасе́нию;/ сего́ ра́ди и Христо́с тебе́ просла́ви и да́ром чуде́с обогати́./ Те́мже вси вопие́м ти:/ ра́дуйся, Диони́сие преподо́бне, пусты́нный жи́телю.

И́кос:

Храм Бо́гу я́ко вои́стинну себе́ соде́лав, о́тче,/ и Вы́шняго Иерусали́ма яви́вся граждани́н,/ Боже́ственными доброде́тельми твои́ми безпло́тных че́сти сподо́бился еси́./ Те́мже и мы зря́ще чудеса́, похвале́нию досто́йная,/ я́же удивля́ют нас и науча́ют тебе́ зва́ти такова́я:/ ра́дуйся, благочести́ваго отца́ о́трасль и ма́тере благогове́йныя ветвь./ Ра́дуйся, целому́дрия сто́лпе,/ и́мже бесо́вская шата́ния искорени́шася./ Ра́дуйся, свети́льниче многосве́тлый./ Ра́дуйся, я́ко увяди́л еси́ плотска́я мудрова́ния./ Ра́дуйся, пусты́ни до́брое прозябе́ние./ Ра́дуйся, пра́ведных Боже́ственное наслажде́ние./ Ра́дуйся, я́ко презре́л еси́ теку́щая и тле́нная./ Ра́дуйся, я́ко на Небесе́х со А́нгелы живе́ши./ Ра́дуйся, я́ко мона́шествующих изве́стное пра́вило./ Ра́дуйся, леня́щихся к Бо́гу дерзнове́ние./ Ра́дуйся, исто́чниче чуде́с богото́чный./ Ра́дуйся, честны́й Ду́ха сосу́де, наста́вниче на́шего спасе́ния./ Ра́дуйся, Диони́сие преподо́бне, пусты́нный жи́телю.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Вре́менная отложи́в, ве́чными украси́лся еси́,/ со А́нгелы лику́еши, я́ко а́нгельское пожи́в житие́, с ни́миже пое́ши:/ благослове́н Бог оте́ц на́ших.

Непреста́нно мо́лим, Диони́сие Богому́дре,/ о ста́де твое́м приле́жно моли́ся,/ тебе́ на моли́тву призыва́ющих, и плоды́ принося́щих, и любо́вию пою́щих:/ благослове́н Бог оте́ц на́ших.

В зла́це Вы́шняго Ца́рствия ста́до твое́, о́тче, воспита́л еси́/ и жезло́м уче́ний упа́сл еси́ ве́рно пою́щия:/ благослове́н Бог оте́ц на́ших.

Богоро́дичен: Изба́ви нас, Христе́, от страсте́й, и бед, и обстоя́ний, и неду́гов многообра́зных/ моли́твами Пречи́стыя Твоея́ Ма́тере и преподо́бнаго Диони́сия, взыва́ющих:/ благослове́н Бог оте́ц на́ших.

Песнь 8

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Столп тя одушевле́н я́ко вои́стинну и о́браз воздержа́ния, о́тче, стяжа́вше,/ вси твою́, Диони́сие, па́мять почита́ем.

Собо́р ра́дуется мона́шеский, и лику́ет преподо́бных сонм,/ с ни́миже пра́ведных вене́ц досто́йно восприя́л еси́.

Укра́шен доброде́тельми, в неве́стнице неизре́ченныя сла́вы возле́гл еси́,/ песнь воспева́я Христу́ во ве́ки вся.

Богоро́дичен: Поглоще́на боле́зньми и па́дша возста́ви, Богома́ти,/ я́ко да Тя сла́влю во вся ве́ки.

Песнь 9

Ирмо́с: Чи́стую сла́вно почти́м,/ лю́дие, Богоро́дицу,/ Огнь Божества́ прии́мшую во чре́ве неопа́льно,/ пе́сньми велича́ем.

Неду́гующих в паде́нии врач от Бо́га показа́лся еси́, и очи́стник, блаже́нне,/ и прогони́тель лука́вых духо́в, Богоно́се Диони́сие,/ тем тя вси велича́ем.

Яко тле́нно жили́ще, зе́млю оста́вив, о́тче, всели́лся еси́в зе́млю кро́тких/ и с ни́ми ра́дуешися, Боже́ственнаго наслажда́яся, о́тче, сия́ния.

Неукло́нен к ве́ре преде́л/ и образ воздержа́ния иму́ще по́двиги твоя́ к Зижди́телю вои́стинну,/ пе́сньми тя велича́ем.

Богоро́дичен: В Тя всели́вся, Всенепоро́чная,/ пе́рвее родонача́льныя злообра́зно запе́ншаго/ человекоуби́йцу низложи́ Роди́выйся и всех нас спасе́.

Светилен:

Пристра́стия мирска́го, я́ко от скве́рны, уклони́лся еси́,/ разу́мнаго Со́лнца светоза́рная луча́ возсия́,/ свети́льник многосве́тлый, пусты́нное воспита́ние и чистоты́ оби́телище,/ Христо́вы добро́ты я́сно зря,/ Его́же сия́нием ум твой озари́л еси́/ и сла́вою обогати́лся еси́ Небе́сною, Диони́сие сла́вне./ Мо́лим тя, в ми́ре сохране́ным бы́ти па́мять твою́ почита́ющим.

Сла́ва, и ны́не, Богоро́дичен:

Я́ко иму́щи милосе́рдие и ми́лость ве́лию,/ при́зри, Препе́тая Богоро́дице Де́во, на мое́ смире́ние,/ и страсте́й молву́, и собла́зн жития́ разори́, Отрокови́це,/ и огня́ гее́нскаго изба́ви мя моли́твами Твои́ми.

На хвали́тех стихи́ры на 4, глас 2.

Подо́бен: Егда́ от Дре́ва:

Диони́сие, мона́хов удобре́ние,/ прозябе́ние кра́сное пусты́ни,/ преподо́бных похвало́,/ ве́рных утвержде́ние,/ любо́вию творя́щих твою́ всечестну́ю па́мять/ и к ра́це моще́й твои́х приступа́ющих,/ изба́ви обстоя́ния вся́каго/ и о́гненнаго осужде́ния.

Тро́ице храм сам себе́ соде́лал еси́,/ о́тче Богоблаже́нне,/ в пусты́ни непрохо́дныя заше́д,/ я́ко Моисе́й, в Сина́йскую го́ру всели́лся еси́,/ иде́же прии́м Боже́ственный зако́н,/ мона́хов мно́жество вои́стинну/ научи́л еси́ изря́дному житию́,/ и ны́не прикаса́ющимся к ра́це моще́й твои́х/ подае́ши всем исцеле́ние.

Име́я дерзнове́ние ко Христу́ Бо́гу,/ моли́ся о ста́де твое́м, преподо́бне,/ сохрани́тися от искуше́ний вра́жиих и язы́ческих нахожде́ний,/ огня́ и меча́, и вся́каго прило́га,/ и наве́та лука́ваго:/ тебе́ бо град и покро́в иму́ще,/ на тя наде́жду с Бо́гом стяжа́хом, блаже́нне.

Сла́ва, глас 8. Самогла́сен:

На Не́бо теку́щую возше́д колесни́цу, чу́дне,/ доброде́телей дости́гл еси́ кра́йнее/ жития́ воздержа́нием,/ из пусты́ни смотря́я Вы́шняго Иерусали́ма красоты́/ и боле́зненных подвиго́в досто́йно по́чести восприи́м,/ с Небе́сными ра́дуешися чинонача́лии, преблаже́нне,/ ве́чных благ насле́дник яви́лся еси́,/ Небе́снаго Ца́рствия жи́тель быв./ Моли́ся, Богоно́се Диони́сие, Спа́су всех/ умири́ти мир и спасти́ ду́ши на́ша.

И ны́не: Влады́чице, приими́ моли́твы:

А́ще ли Пятдеся́тница: И ны́не, пра́здника. Славосло́вие вели́кое и отпу́ст.

НА ЛИТУРГИ́И

Блаже́нны, от кано́на, пе́сни 3-я и 6-я. Проки́мен: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Апо́стол к Гала́том, зача́ло 213. Аллилу́ия, глас 6: Блаже́н муж, боя́йся Го́спода, в за́поведех Его́ восхо́щет зело́. Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

Преподобный Дионисий Глушицкий родился в окрестностях Вологды в первых числах декабря 1362 года. Во Святом Крещении он был назван Димитрием. С юных лет у Димитрия проявилось стремление к иноческой жизни. Оставив родительский дом, он отправился на расположенное неподалеку от Вологды Кубенское озеро. Здесь, на скалистом берегу («на камне»), находился Спасо-Каменный монастырь, историю которого написал впоследствии, в XV веке старец Паисий Ярославов. Игуменом обители был в то время, период ее духовного расцвета, грек Дионисий, по прозванию Святогорец, покинувший Афон из-за смуты вокруг паламитских споров. Известный своим благочестием и широкой образованностью, Дионисий Святогорец сразу увидел в пришедшем юноше духовно одаренную личность.

Приняв монашеский постриг с именем Дионисия, таким же, как и у игумена (это произошло около 1386–1387 гг.), молодой инок полностью отказался от своей воли и всецело предал себя руководству мудрого духовного наставника. В монастыре действовал строгий общежительный устав, запрещавший насельникам иметь какую-либо собственность. Инок Дионисий, изнуряя плоть постом, а дух укрепляя молитвой, старался выполнять самые тяжелые монастырские работы.

В подвигах труда, поста и молитвы, непрестанно совершенствуясь, он провел девять лет. Благодаря подвижнической жизни, кротости и трудолюбию преподобный Дионисий приобрел среди иноков обители высокий духовный авторитет.

Оказываемые ему почет и уважение стали тяготить смиренного инока: у него созрело желание посвятить себя пустынножительству. Вместе со своим единомышленником и собратом Пахомием преподобный Дионисий после долгих размышлений и коленопреклоненных молитв решил обратиться за благословением к игумену. После беседы с иноками проницательный духовный руководитель понял их будущее предназначение и, преподав отеческие наставления, отпустил преподобных Дионисия и Пахомия из монастыря.

Направляясь вдоль восточной стороны Кубенского озера, иноки достигли излучины реки Сухоны, где рядом с селением Святая Лука ими был обнаружен заброшенный, полуразрушившийся монастырь. Путники сочли это место подходящим для отшельничества. Построив для жилья келлию, они принялись за сооружение деревянного храма, который, благодаря обилию леса, вскоре был завершен. Иконы для храма написал сам преподобный Дионисий, у которого еще в монастыре обнаружился незаурядный талант иконописца. Для совершения богослужений нужен был священник. С этой целью преподобный Дионисий отправился в Ростов Великий.

Архиепископ Ростовский Григорий с любовью принял инока Дионисия – выходца из того же Спасо-Каменного монастыря, где и сам он был пострижен и некоторое время игуменствовал. Узнав о просьбе пустынников, архипастырь рукоположил преподобного Дионисия во иеромонаха (около 1396 года).

Вернувшись в пустыньку, преподобный Дионисий освятил храм во имя святителя Николая Чудотворца. По свидетельству жизнеописателя, преподобный Дионисий «хлеба причащался единою днем и воду по оскуду пия», дни и ночи проводил в горячей молитве и богомыслии. Известность о святом отшельнике распространилась по окрестным селениям. К Святой Луке стал стекаться народ для духовных бесед и наставлений. Пахомия радовало новое место подвигов, но преподобного Дионисия, которого и прежде смущала слава, не оставляла мысль о безмолвии. К тому времени к ним присоединился еще один инок. Преподобный Дионисий, видя, что его собратьям тяжел столь суровый и строгий образ жизни, который он вел, решил оставить Святую Луку. Однажды после совместной молитвы иноки с миром расстались.

Преподобный Дионисий направился вдоль восточной стороны Кубенского озера. Пройдя 15 верст, он вдруг услышал как бы отдаленный колокольный звон. Преподобный Дионисий устремился на звук и вскоре вышел к крутому берегу реки Глушицы – месту безлюдному, окруженному лесной чащей. Поняв, что таким чудесным образом ему было указано, где он должен продолжить свой духовный подвиг, преподобный Дионисий водрузил крест, который он нес из Святой Луки. После благодарственной молитвы он принялся за сооружение келлии, выбрав для нее место под цветущим черемуховым кустом (После кончины преподобного ягоды этого дерева давали исцеление страждущим.)

И на новом месте подвигов преподобный Дионисий продолжал строгий образ монашеской жизни. Однажды в Глушицкую пустыньку зашел старец-монах. Он с радостью согласился на предложение святого Дионисия разделить с ним пустынножительство. Через некоторое время к ним присоединились еще несколько собратий. Постепенно вокруг преподобного Дионисия собралось такое количество иноков, что возникла мысль об устроении монастыря. Владевший землей вдоль Кубенского озера удельный князь Димитрий Васильевич Заозерский с радостью откликнулся на благочестивую просьбу старца помочь в устроении обители. Им были присланы работники, вырубившие и расчистившие лесную чащу. Чтобы получить необходимое архипастырское благословение, преподобный Дионисий в 1402 году вновь направился в Ростов Великий.

Архиепископ Ростовский Григорий благословил подвижника на строительство храма и устроение обители, советовал также ввести в ней общежительный устав, «чтобы никому ничего не называть своим, а все иметь общим, как жили при апостолах». По возвращении преподобный Дионисий и братия с помощью княжеских плотников принялись за сооружение небольшого деревянного храма в честь Покрова Пресвятой Богородицы, которое было закончено в 1403 году.

Постепенно Глушицкая обитель, руководимая опытным и мудрым подвижником благочестия, стала привлекать к себе большое количество богомольцев, странников, нищих. С радостью принимал их игумен. Посетители монастыря в благодарность за молитвы и духовную помощь нередко делали крупные вклады на дальнейшее благоустройство обители.

Строгий (Афонский) монастырский устав возбранял инокам иметь собственность. Насколько неукоснительно соблюдалось игуменом это правило, свидетельствует следующий случай. Однажды, после смерти одного из монахов в его келлии были найдены утаенные монеты. Руководствуясь примером древних пустынножителей, считавших ослушание страшным грехом для монаха, преподобный Дионисий велел выбросить деньги за монастырскую ограду, а тело ослушника во спасение его души и в назидание братии долго не разрешал предавать земле, пока иноки не вымолили для него прощения. Как-то раз кое-кто из братии, думая показать преподобному, что он излишне щедр с нищими, ежедневно заполнявшими монастырский двор, подослали к нему юношу, переодетого убогой странницей. Со слезами внимая, нищенка просила помочь ей, и игумен щедро ее одарил. Вечером братия раскрыли свой обман и вернули старцу деньги. Но преподобный Дионисий снова отдал их смущенному юноше, а ученикам своим сказал: «Господь велит делать добро, сколько есть сил; так перестаньте же искушать меня, побуждая к немилосердию».

Во время случившегося в Вологодском крае голода народ толпами устремлялся к обители, где Глушицкий игумен раздавал хлеб. Вскоре огромные монастырские запасы стали истощаться. Однако по вере и молитве преподобного монастырская житница не оскудела. Богоугодные дела преподобного Дионисия были непереносимы для врага человеческого спасения – диавола, но самые изощренные искушения лукавого не смогли одолеть святого старца.

Число насельников Глушицкой обители постоянно увеличивалось, и в 1412 году был построен новый, более просторный храм, так же, как и прежний, освященный в честь Покрова Пресвятой Богородицы. По свидетельству летописца, преподобный Дионисий ничего не предпринимал по своей воле, а ждал после горячих молитв тайного или явного указания Промысла. Строительству нового храма предшествовало явление ему во сне ангела в виде прекрасного юноши, препоручившего святого старца заступничеству Пречистой Богородицы «отныне и до века».

Игуменские труды преподобного Дионисия требовали от него не только заботы о духовном воспитании своих учеников, но и постоянного внимания к хозяйственным делам обители. Через некоторое время любовь к безмолвию вновь побудила его тайно покинуть обитель. Пройдя 4 версты вдоль реки Глушицы, преподобный Дионисий вышел на возвышенное и сухое место, впоследствии получившее название Сосковец из-за огромной сосны, росшей там. В этой пустыньке он стал подвизаться в совершенном одиночестве, суровом посте и постоянной молитве.

Иногда святой навещал Покровский монастырь, стараясь уходить из него так, чтобы место его отшельничества не было открыто.

Братия не переставали умолять своего игумена вернуться в монастырь. Тронутый их слезами, чадолюбивый наставник не мог им отказать. Но он не оставлял мысль о Сосновце и предполагал устроить там небольшую обитель для нескольких иноков, желавших более суровых условий жизни.

В 1419 году старец в третий раз отправился в Ростов Великий, архиепископскую кафедру которого к тому времени занимал бывший игумен Спасо-Каменного монастыря Дионисий Святогорец. Преосвященный Дионисий благословил своего любимого ученика на устройство новой обители иконой Божией Матери.

Построенный в Сосновце храм был освящен во имя святого пророка Иоанна Предтечи в 1420 году. Большую помощь в сооружении монастыря оказал удельный князь Юрий Богтюжский, и детям своим завещавший благодетельствовать этой обители. Оставаясь игуменом Глушицкого монастыря, преподобный, которому к тому времени исполнилось 60 лет, перешел с несколькими учениками в Сосновец, где ввел строгий общежительный устав. Таким образом, он принял на себя заботы о двух монастырях.

Стремление получать благочестивые наставления старца постоянно привлекало в Сосновец народ, в том числе и женщин, чье присутствие нарушало строгий монастырский устав. Чтобы не лишать их духовного руководства, преподобный построил в двух верстах от Покровского монастыря храм во имя святителя Леонтия, епископа Ростовского, и при нем женскую иноческую обитель, которая была четвертым из основанных им монастырей.

Заботами преподобного были построены еще два храма: на реке Сухоне, освященный в честь Воскресения Христова, и на реке Двинице – во имя Святителя Николая Чудотворца. Все устроенные игуменом Дионисием монастыри и храмы имели написанные им самим иконы. Кроме того, преподобный Дионисий занимался искусной резьбой по дереву, был известен как книгописец, ковач и изготовитель одежды.

Последние годы жизни святой старец почти всегда проводил в Сосновце, не забывая при этом и Покровской обители. Предчувствуя свою кончину, он не ослабевал в подвижнических подвигах. От продолжительных молитвенных стояний и бдений ноги его отекли и «бяху яко столпие», а воздержание было таково, что «точию на самый день светлого Воскресения Христова вкушаше млека и сыра и то пооскуду». За семь лет до своей блаженной кончины он часто в богомыслии простаивал на морозе целую ночь перед вырытой им для себя могилой.

Чем более смирялся и скрывал свои подвиги преподобный, тем шире распространялась слава о его духовной мудрости. Стремление поучиться у старца Дионисия привело в Сосновец ростовского архимандрита Григория, впоследствии подвижника и чудотворца Пельшемского († 1442). Из Великого Устюга пришел искать руководства в духовном делании благочестивый инок Амфилохий, первый преемник святого Дионисия в игуменстве, впоследствии прославившийся как угодник Божий. Ученики святого игумена Дионисия – преподобные Макарий, Тарасий, Феодосий – продолжили впоследствии славу Глушицкой обители.

Перед смертью преподобному Дионисию было открыто, что через три дня он отойдет ко Господу. Собрав братию, он преподал последние отеческие наставления своим духовным детям и, приобщившись Святых Христовых Таин, преставился к Богу 1 июня 1437 года. По свидетельству блаженного Амфилохия, над головой только что почившего старца сиял венец, а по всей келлии распространялось благоухание. Согласно завещанию преподобного, он был погребен в приготовленной им для себя могиле в четырех шагах от стены Предтеченского храма в Сосновце, над которой впоследствии была устроена гробница, украшенная золоченой резьбой.

В 1547 году Московский Собор, почитая подвиги преподобного Дионисия и чудесные исцеления, которые он являл после своей кончины, причислил его к лику святых. Служба преподобному составлена в 1548 году. Жизнеописание святого Дионисия составлено глушицким иноком Иринархом.

По сообщению иконописного подлинника, преподобный Дионисий был «роста небольшого и очень сухой, голова не малая, брови полукруглые, лицо длинное, щеки впалые, взор тихий, борода густая по грудь, волосы светлорусые и полуседые».

ВЕ́ЧЕР

На Го́споди, воззва́х: стихи́ры, глас 4.

Подо́бен: Я́ко до́бля:

Духо́вныя благода́ти дарова́ние изоби́льно/ прие́мь свы́ше, Ага́пите преподо́бне,/ а́ки ре́чными струя́ми, всех напая́еши/ и моли́твами твои́ми подае́ши исцеле́ние/ всем, с ве́рою к тебе́ притека́ющим./ Сего́ ра́ди и мы, дерзнове́ние прие́мше,/ кла́няемся ра́це моще́й твои́х и про́сим,/ да пода́си душа́м и телесе́м на́шим исцеле́ние.

Стра́сти безслове́сныя ума́ чистото́ю/ и непреста́нными в моли́твах стоя́нии/ покори́в ду́ху, всеблаже́нне,/ прия́л еси́ благода́ть исцеле́ния/ и подае́ши неоску́дно всем,/ прося́щим от Тебе́ по́мощи./ Те́мже и мы, твое́ почита́юще успе́ние,/ мо́лимтися приле́жно:/ я́ко врач безме́здный/ пода́ждь душа́м и телесе́м на́шим исцеле́ние.

Ра́ка моще́й твои́х, о́тче преподо́бне Ага́пите,/ светоза́рное не́бо явля́ется,/ показу́я чудеса́, я́ко лучено́сныя зве́зды,/ и подае́т благода́тное исцеле́ние/ с наде́ждою к ней притека́ющим./ Сего́ ра́ди и мы, упова́ние иму́ще,/ мо́лимтися приле́жно/ дарова́ти душа́м и телесе́м на́шим в страсте́х поможе́ние.

Слава, глас 2:

Благода́ть исцеле́ния свы́ше прие́мый,/ живы́й еще́ в маловре́менной сей жи́зни,/ преблаже́нне Ага́пите,/ подава́л еси́ всем прося́щим исцеле́ние незави́стно./ Ны́не бо́льшия благода́ти сподо́бивыйся,/ предстоя́ Вы́шняго Престо́лу,/ низпосли́ от твои́х дарова́ний нам,/ покланя́ющимся многочуде́сным твои́м моще́м/ и па́мять твою́ хвала́ми почита́ющим,/ я́ко да прии́мем неду́гом на́шим исцеле́ние/ твои́ми, о́тче, к Бо́гу моли́твами.

И ны́не, Богоро́дичен или́ Крестобогоро́дичен.

На стихо́вне в Окто́ихе. Сла́ва, глас 3:

От духо́вных дарова́ний струи́ исцеле́ний изводя́, сла́вне,/ мно́гими страстьми́ содержи́мым,/ твоего́ тре́бующим заступле́ния,/ пода́ждь ско́рую по́мощь свы́ше,/ струя́ми чуде́с твои́х прохлажда́я/ и прогоня́я от лука́ваго наноси́мыя боле́зни,/ я́ко да, почерпа́юще исцеле́ния вси ту́не,/ сла́вим Отца́ Небе́снаго,/ и велича́ем Безле́тнаго Сы́на Его́/ с Присносу́щным Ду́хом Его́,/ и тя, о́тче Ага́пите, вси ублажа́ем.

И ны́не, Богоро́дичен или Крестобогоро́дичен.

Тропа́рь, глас 5:

Богоно́снаго Анто́ния ревну́я смиренному́дрию,/ а́ки не́киим врачевство́м зе́лием сне́дным/ исцеля́л еси́ боля́щия, преподо́бне Ага́пите,/ тем и врача́ неве́рна уве́рив,/ наста́вил еси́ на путь спасе́ния./ Уврачу́й и на́ша боле́зни/ и моли́ся Го́сподеви о воспева́ющих тя.

Кано́н преподо́бному, глас 6.

Песнь 1

Ирмо́с: Яко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше.

Я́ко нема́го дре́вле прикоснове́нием устро́ил еси́ пра́во глаго́лати,/ си́це и мне, Христе́, мой язы́к разреши́, ум отве́рзи,/ да принесу́ в па́мять уго́дника Твоего́ хвале́ние,/ любо́вию поя́.

Не могу́ воспе́ти я́сно благода́ти твоея́, преподо́бне,/ а́ще не ты моли́твами твои́ми пода́си мне по́мощь,/ да просла́влю Влады́ку, да́вшаго тебе́ благода́ть исцеле́ний,/ во хвале́нии поя́.

По предуве́дению воззва́н был еси́, свя́те, вслед Влады́ки своего́ ше́ствовати/ и, Тому́ после́дуя, вся кра́сная ми́ра оста́вль,/ любо́вию прише́л еси́ к вели́кому Анто́нию/ и с ним пожи́л еси́, непреста́нное хвале́ние Бо́гу поя́.

Земно́му А́нгелу и Небе́сному челове́ку после́дуя,/ и сам а́нгельское житие́ стяжа́л еси́, о́тче преподо́бне./ Тем твоя́ исправле́ния почита́ем и прославля́ем всех Влады́ку,/ о тебе́ песнь Ему́ пою́ще.

Богоро́дичен: От земны́х и Небе́сных сил сла́вимая, Присноде́во,/ в дне́шний день хвале́ние Тебе́ дерза́ющих приноси́ти,/ от всех прило́гов сохраня́й, да вы́ну Тя воспое́м, Обра́дованная.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Во мно́гих ле́тех мно́жайшия проше́л еси́ труды́, Ага́пите,/ подвиза́яся во бде́нии и поще́нии,/ до́ндеже единонра́вен показа́лся еси́ наста́внику своему́/ и от него́ утверди́лся еси́ на ка́мени тве́рдаго жития́.

Ничто́же и́но, то́кмо нищету́ име́я,/ обнища́вшему нас ра́ди Христу́ после́довал еси́, о́тче,/ и, Того́ за́поведи храня́,/ служи́л еси́ больны́м, посеща́я, и упокоева́я,/ и здра́вие тем моли́твою свое́ю подава́я.

С преподо́бным жи́тельствуя, стяжа́л еси́ преподо́бство, достохва́льне Ага́пите,/ и исцеле́ния даро́в сподо́бился еси́,/ яко моли́твою и зе́лием сне́дным здра́вие подава́л еси́ боля́щим,/ те́мже и врач наре́клся еси́ безме́здный.

Просла́вил еси́ Бо́га во удесе́х твои́х, преподо́бне,/ те́мже и Бог тя просла́ви благода́тию исцеле́ния,/ и́мже и на́ша неду́ги уврачу́й душе́вныя и теле́сныя,/ да утверди́мся на ка́мени испове́дания Бо́жия.

Богоро́дичен: Израсти́вшая живо́тное дре́во,/ Того́ плодо́м нас, умерщвле́нных греха́ми, оживи́/ и да́руй нам, Ма́ти Чи́стая, кре́пкое бла́гости Твоея́ испове́дание.

Седа́лен, глас 4:

Я́ко ту́не прие́мый от Бо́га дар исцеле́ния,/ стра́ждущим исцеле́ние ту́не подае́ши, с ве́рою к тебе́ притека́ющим./ Те́мже и мы, кла́няющеся ра́це моще́й твои́х, о́тче преподо́бне,/ про́сим прия́ти от Тебе́ неду́гом на́шим исцеле́ние.

Сла́ва, и ны́не, Богоро́дичен:

К Твоему́ благоутро́бию в ско́рбех притека́юще, мо́лимся, Всенепоро́чная:/ пода́ждь преподо́бнаго Твоего́ ра́ди нам,/ неду́ги одержи́мым, ско́рое исцеле́ние.

Песнь 4

Ирмо́с: Христо́с моя си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Бу́ия ми́ра сего́ Христо́с избра́,/ да прему́дрыя посрами́т,/ е́же и на тебе́ сбы́стся, о́тче всеблаже́нне:/ благода́тию бо, а не хи́тростию прему́драго посрами́л еси́ врача́./ Тем тя сла́вим, о Го́споде пра́зднующе.

Прельсти́ся, и́же пе́рвее больны́х прельща́ше, извеща́я им день и час сме́рти,/ ему́же ты поно́сив, преподо́бне,/ боля́щаго исцели́л еси́ моли́твою и зе́лием сне́дным, рек:/ даждь сла́ву Бо́гу, иму́щему ключ живота́ и сме́рти.

За́висти стрело́ю злочести́вый армени́н уя́звен, поноша́ше ти, свя́те,/ и, посла́в на смерть осужде́ннаго,/ повеле́ пред тобо́ю умертви́ти бы́лием смертоно́сным./ Но ты сего́ моли́твою и зе́лием исцели́в,/ посрами́л еси́ еретика́, хотя́щаго тя посрами́ти.

Претыка́ющемуся да́нная ти благода́ть бысть паде́ние, преблаже́нне,/ наипа́че бо на тя вооружи́вся, злочести́вый армени́н/ наусти́ да́ти тебе́ отра́ву,/ но ты, и сме́ртно испи́в, невреди́мь был еси́,/ яко Бо́жия благода́ть сохрани́ тя к бо́льшему чудоде́йствию.

Богоро́дичен: Ра́дуйся, сосу́де, носи́вший ми́ро, исцели́вшее род челове́ческий,/ я́дом мя грехо́вным умерщвле́нна оживи́,/ да про́чее вре́мя цел поживу́, Тя, Де́во, восхваля́я.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

От Бо́га благода́ть исцеле́ния прие́мь, исцели́л еси́ кня́зя,/ и́же а́ще и врачу́емь бе от армени́на, но не получа́ше отра́ды,/ твоего́ же зе́лия вкуси́в, от неду́га изба́вися.

Зри́те, и́ночествующии,/ и доброде́тельному терпе́нию Богоно́снаго отца́ почуди́теся,/ ка́ко со отрече́нием ми́ра во́ли своея́ отрече́ся/ и не изы́де никогда́же вне врат монасты́рских,/ е́же ви́дяще, сему́ поревну́йте.

Еди́ну любо́вь ко всем име́я, а не на лице́ зря,/ а́ще князь, а́ще прост к тебе́ прихожда́ше, преподо́бне,/ всем приходя́щим подава́л еси́ исцеле́ние ту́не,/ еди́наго ища́ возме́здия от Бо́га.

Прие́мь князь тобо́ю исцеле́ние, всеблаже́нне,/ уразуме́, яко и́стинен раб Бо́жий еси́,/ и ви́дети тя жела́ше, те́мже прии́де к тебе́ с дары́./ Ты же, Еди́наго име́я Бо́га,/ ничто́же от тех даро́в восхоте́л еси́ прия́ти.

Богоро́дичен: Хва́лим Тя, Пречи́стая Де́во,/ я́ко отверза́еши нам две́ри ми́лости Твоея́/ и подае́ши всем незави́стный исто́чник исцеле́ния,/ от я́да грехо́внаго избавля́ющий.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой,/ Многоми́лостиве.

Вся тле́нная ми́ра сего́ оста́вив,/ принесе́нное зла́то изве́ргл еси́, блаже́нне, пред враты́ ке́ллии своея́,/ изверга́я вку́пе любоиме́ннаго врага́/ и стира́я душегу́бную того́ главу́.

Еди́н би́сер стяжа́в многоце́нный – Иису́са,/ вся во уме́ты вмени́л еси́, свя́те,/ и тем купи́л еси́ себе́ селе́ние в Небе́сных,/ е́же и мы получи́ти мо́лимся твои́ми, о́тче, моли́твами.

Мно́гими ле́ты постя́ся, изнемо́гл еси́ те́лом, преподо́бне,/ но ду́хом пребы́л еси́ кре́пок, а́ки столп,/ вся наноси́мая терпя́ и благодаря́ Бо́га, к Нему́ взыва́л еси́:/ возведи́ от тли живо́т мой, Многоми́лостиве.

Те́лом боле́знуя,/ ду́хом бра́лся еси́ с злочести́вым армени́ном,/ и́же по трие́х днех смерть тебе́ провозвеща́ше,/ сего́ ты, блаже́нне, одоле́л еси́,/ по трие́х ме́сяцех отше́ствие свое́ к Бо́гу возвеща́я.

Богоро́дичен: К Твоему́ приста́нищу прибега́ем, Богоневе́стная Де́во,/ носи́ми жите́йских страсте́й волна́ми,/ я́же Ты укроти́, да воспое́м Тебе́:/ ра́дуйся, приста́нище жите́йских пла́ваний.

Конда́к, глас 6:

Врач сый изря́ден, чу́дне,/ явля́я несумне́нную твою́ ве́ру,/ облича́я же армени́ново неве́рие/ и приводя́ его́ к благоче́стию,/ себе́, близ сме́рти бы́вшу,/ испроси́л еси́ от Бо́га продолже́ние живота́/ и, сим чу́дом того уве́рив,/ приве́л еси́ Христо́ви,/ Ему́же в весе́лии предстоя́,/ моли́ся о нас, преподо́бне.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Дарова́ние имы́й свы́ше неду́ги исцеля́ти, преподо́бне,/ боля́ща мя небреже́нием благи́х дея́ний уврачу́й,/ я́коже иногда́ принесе́ннаго в неду́зе уврачева́л еси́,/ моли́твою пода́в тому́ здра́вие и воспе́в:/ благослове́н Бог оте́ц на́ших.

Чудоде́йствуя святы́ми, тва́ри Созда́тель/ внеза́пу поста́ви тя здра́ва пред злочести́вым,/ и́же ви́дев, удиви́ся ско́рому твоему́ от боле́зни в здра́вие премене́нию./ Му́чима мя я́звами сту́дных дел,/ во измене́ние исправле́ния приведи́ твои́м, о́тче, свы́ше посеще́нием, да пою́:/ благослове́н Бог оте́ц на́ших.

Боле́знь твоя́ и зе́лие сне́дно/ прину́ди испове́сти врача́ свое́ злоче́стие,/ его́же укори́л еси́, я́ко дерзну́ осяза́ти святу́ю твою́ ру́ку;/ се дерза́ю и а́з к тебе́, о́тче, приступи́ти, но молю́ тя:/ не отри́ни мя в ну́ждах мои́х, да пою́:/ благослове́н Бог оте́ц на́ших.

Трудо́в свои́х собра́в плоды́ с весе́лием, а́ки добр земледе́лец,/ блаже́нною кончи́ною отше́л еси́ к Го́рним прия́ти от Христа́ Бо́га дая́ние/ и прия́л еси́ от Него́ неконча́емую ра́дость, многочу́дне Ага́пите.

Богоро́дичен: Во Твое́ чре́во, Пренепоро́чная Де́во, все́льшееся Сло́во/ род челове́ческий в Небе́сных дво́рех всели́./ Умоли́ Того́ от тле́ния мя сея́ жи́зни пресели́ти,/ иде́же пото́ком сла́дости пита́ются святи́и.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Врач был еси́, о́тче преди́вен,/ теле́сныя боле́зни врачу́я, в жи́зни сей живы́й те́лом,/ по кончи́не же твое́й душе́вное врачевство́ подава́я,/ я́коже сие́ на армени́не яви́л еси́,/ души́ того́ дав цельбу́ и ко благоче́стию наказа́ние.

Ви́дев тя, свя́те, армени́н в виде́нии чу́дном,/ испове́да я́сно, я́ко свят еси́ и преподо́бен,/ и в ве́ру из неве́рия прело́жся,/ бысть и́нок твои́м направле́нием,/ его́же и нас не лиши́, пою́щих Го́спода во ве́ки.

Мно́гое имы́й дарова́ние,/ чудоде́йствовал еси́, исцеля́я боля́щих,/ ны́не же, сподо́бивыйся бо́льших дарова́ний, приложи́ пла́стырь на ра́ны души́ моея́,/ да, получи́в осла́бу, превозношу́ Го́спода во ве́ки.

Из пламенови́днаго све́та святы́м струи́ благода́ти подая́й, Христе́ Бо́же,/ паля́щия мя стра́сти угаси́ щедро́т Твои́х росо́ю, разгоня́я тьму страсте́й./ Се бо преподо́бный мо́лит с на́ми Тебе́, Го́спода,/ превозноси́маго от всех во ве́ки.

Богоро́дичен: Просвети́вшая мир пречи́стым рождество́м Твои́м,/ мрак злодея́ния моего́ разжени́,/ излива́я мне на благотворе́ние щедро́т Твои́х бога́тую ми́лость,/ да превозношу́ Тя, Ма́терь Бо́жию, во ве́ки.

Песнь 9

Ирмо́с: Бога/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Богодарова́ннаго целе́бника лю́дие иму́ще,/ никто́же да гряде́т к су́етным враче́м,/ и́же име́ние и здра́вие врежда́ют,/ но тре́буяй с ве́рою да гряде́т к ра́це Богоно́снаго отца́/ и ту́не прии́мет исцеле́ние.

Мы́сленныя ура́ниша ны разбо́йницы ны́не,/ неисце́льныя у́бо иму́ще я́звы,/ несумне́нно к многочуде́сней припа́даем ра́це твое́й, преподо́бне, и про́сим:/ пода́ждь цельбу́ тре́бующим,/ да вси тя хва́лим и велича́ем.

В Го́рняя душе́ю возше́д, во всесветя́щияся черто́ги,/ оста́вил еси́, преблаже́нне, ра́ку моще́й свои́х в пеще́ре;/ и́мже покланя́ющеся, про́сим:/ пода́ждь неду́гом на́шим исцеле́ние,/ да тя пе́сньми велича́ем.

По́мощи от Тебе́ в не́мощех прося́щих не пре́зри,/ но посеще́нием твои́м даждь душе́вное вку́пе и теле́сное исцеле́ние, преблаже́нне Ага́пите,/ я́ко сый врач преизя́щный, да вы́ну тя велича́ем.

Богоро́дичен: По́мощи от Тебе́ тре́бующих не пре́зри, Де́во,/ но подава́й с ве́рою к Тебе́ притека́ющим:/ Ты бо еси́ исто́чник цельба́м неоску́ден,/ да Тя с Небе́сными си́лами при́сно велича́ем.

Светилен:

Тле́нная ми́ра оста́вив/ и нетле́нная сподо́бився прия́ти,/ потща́лся еси́ ху́ждшая на лу́чшая премени́ти,/ обнища́в любоиме́нием стра́стным,/ но обогати́вся дарова́нием исцеле́ний, и нам сия́ пода́й,/ днесь па́мять твою́ почита́ющим, всеблаже́нне Ага́пите.

Сла́ва, и ны́не, Богоро́дичен:

Спа́сшиися Тобо́ю, Чи́стую Тя Ма́терь испове́дуем:/ родила́ бо еси́ Того́, И́же Кресто́м разруши́ смерть,/ и, возше́д на высоту́, вся привлече́ к Себе́,/ и нам дарова́ ве́лию ми́лость.

На хвали́тех стихи́ры, глас 4.

Подо́бен: Дал еси́ зна́мение:

Стра́стная пло́ти взыгра́ния увяди́в по́стническими труды́/ и возше́д на высоту́ доброде́телей,/ светле́е со́лнца показа́лся еси́,/ благода́тию исцеле́ний сия́я/ и просвеща́я тех луча́ми к тебе́ приходя́щих./ Те́мже тя мо́лим, преподо́бне,/ любо́вию па́мять твою́ почита́ющим,/ пода́ждь неду́гом исцеле́ние.

От Еди́наго Человеколю́бца свы́ше прие́мь бога́тое дарова́ние,/ раздава́л еси́ то тре́бующим неоску́дно,/ подая́ тем исцеле́ние,/ но и ны́не к ра́це моще́й твои́х припа́дающим/ низпосли́ цельбу́ в неду́зех,/ я́ко и́стинный врач, преблаже́нне,/ и моли́твенник о душа́х на́ших.

Ве́рою и любо́вию совоку́пльшеся, лю́дие,/ в па́мяти достоблаже́ннаго отца́,/ пе́сненными гла́сы восхва́лим,/ да исцеле́ния в не́мощех на́ших от него́ сподо́бимся:/ и́мать бо ско́рое преклоне́ние/ и подае́т исцеле́ние, я́ко врач безме́здный/ и ско́рый в ско́рбех помо́щник.

Слава, глас 2:

Безконе́чная Твоя́, Христе́ Царю́, благода́ть/ и дарова́ние ве́лие,/ е́же дарова́л еси́ преподо́бному Твоему́:/ не то́кмо бо живы́й те́лом исцеля́ше неду́ги,/ но и по сме́рти Боже́ственною си́лою Твое́ю/ ра́ка моще́й его́ нетле́нных/ подае́т с ве́рою приходя́щим исцеле́ние./ Тем мо́лимтися, Благи́й Влады́ко,/ свята́го Твоего́ приводя́ще во умилостивле́ние/ по мно́зей Твое́й бла́гости,/ душе́вных и теле́сных нас неду́гов свободи́/ и спаси́ ду́ши на́ша, я́ко Человеколю́бец.

И ныне, Богоро́дичен.

На Литурги́и слу́жба вся преподо́бному.

Преподобный Агапит Печерский, врач («лечец») безмездный, родом из Киева, постриженик и ученик преподобного Антония Печерского, жил в XI веке. Если кто из монастырской братии заболевал, преподобный Агапит приходил к нему и самоотверженно ухаживал за больным, кормил вареной травой, которую готовил сам, и больной выздоравливал по молитве преподобного. К монастырскому врачу, обладавшему даром исцеления, обращались за помощью и многие миряне. В то же время в Киеве был опытный врач – армянин, который по одному виду больного мог определить степень болезни и даже точно определить день его кончины. Когда один из таких обреченных обратился к святому Агапиту, благодатный целитель с молитвой дал ему отведать пищи с монастырской трапезы, и больной выздоровел.

Разжигаемый завистью врач хотел отравить Агапита, но Господь сохранил преподобного, и яд не подействовал.

Святой Агапит исцелил Черниговского князя Владимира Мономаха, будущего великого князя Киевского (1114–1125), прислав ему вареное былие. Благодарный князь сам пришел в монастырь и хотел видеть своего целителя, но смиренный подвижник скрылся и не принял даров.

Когда сам святой целитель заболел, к нему пришел тот самый врач армянин и, осмотрев, сказал, что кончина последует через три дня. При этом он дал обет стать православным монахом, если его предсказание не исполнится. Преподобный ответил, что Господь открыл ему, что призовет его только через три месяца.

Святой Агапит почил через 3 месяца (1 июня, не позднее 1095), а армянин пришел к игумену Печерского монастыря, покаялся и принял постриг. «Верно, что Агапит угодник Божий,– сказал он.– Я хорошо знал, что нельзя ему было при болезни его пережить трех дней, а Господь дал ему три месяца». Так преподобный излечил душевный недуг и направил на путь спасения.