29-й день

Свята́го му́ченика Каллини́ка

Святы́я му́ченицы Серафи́мы

Рождество́ святи́теля Никола́я, архиепи́скопа Мир Лики́йских

Пренесе́ние Великоре́цкия ико́ны святи́теля Никола́я из Вя́тки в Москву́

Преподо́бных Константи́на и Космы́ Ко́синских, Старору́сских

Преподо́бнаго Рома́на Киржа́чскаго

НА ВЕЧЕ́РНИ

На Го́споди, воззва́х: стихи́ры, глас 8.

Подо́бен: О, пресла́внаго чудесе́:

Му́чениче Богому́дре Каллини́че,/ па́че е́же жи́ти,/ умре́ти благоче́стно жела́я,/ Христо́ву смерть вои́стинну изобрази́л еси́,/ отону́дуже безсме́ртие получи́л, еси́/ и невече́рнее блаже́нство,/ иде́же чи́нове А́нгелов суть,/ и, страда́лец всех, ра́дуяся, всели́лся еси́, сла́вне.

Цвет, исцеле́ния испуща́яй,/ и река́, нело́жных дарова́ний испо́лнена,/ врачева́ние безме́здно, ковче́г свяще́ния/ твои́х моще́й ра́ка яви́ся,/ из нея́же почерпа́ем здра́вие присноживо́тно,/ приходя́щии ве́рно, му́чениче сла́вне,/ Тебе́ ра́ди вои́стинну,/ чу́днаго Бо́га сла́вим.

Му́чениче преблаже́нне Каллини́че,/ на неви́димых враго́в/ неви́димаго Бо́га/ по́мощь непобеди́му име́я,/ возста́вил еси́ безсме́ртия побе́ды:/ и́же погуби́ти зе́млю и мо́ре хва́лящагося,/ боре́нием страда́ний твои́х низло́ж,/ крове́й твои́х потопи́л еси́ тече́нием.

Сла́ва, глас то́йже:

Благоче́стия побо́рника, и губи́теля вра́жия,/ и му́чеников собесе́дника,/ и храм Ду́ха Свята́го бы́вшаго,/ во́ина Царя́ Христа́,/ исцеле́ний неиждива́емое вои́стинну сокро́вище,/ ве́рных утвержде́ние,/ чу́днаго днесь Каллини́ка пе́сньми почти́м.

И ны́не, Богоро́дичен, глас и подо́бен то́йже:

Плоть от крове́й Твои́х прие́м,/ Первове́чный Бог/ Тя Предста́тельницу показа́ челове́ком, Чи́стая./ Те́мже изба́ви рабы́ Твоя́/ от вся́кия беды́ и обстоя́ния/ и се́тей лука́ваго врага́/ и сия́ния причасти́тися сподо́би избра́нных/ вся, сла́вящия и покланя́ющияся Тебе́.

Крестобогоро́дичен, глас и подо́бен то́йже:

Что́ зри́мое виде́ние,/ е́же Мои́ма очи́ма ви́дится, о Влады́ко?/ Содержа́й всю тварь, на Дре́во воздви́жен быв,/ и умира́еши, всем дая́й жизнь,–/ Богоро́дица, пла́чущися, глаго́лаше,/ егда́ узре́ на Кресте́ возноси́ма,/ из Нея́ неизрече́нно возсия́вшаго/ Бо́га и Челове́ка.

Тропа́рь, глас 4:

Му́ченик Твой, Го́споди, Каллини́к/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.

НА У́ТРЕНИ

Кано́н, глас 4.

Песнь 1

Ирмо́с: Колесни́цы фарао́новы и си́лу его́/ вве́рже в мо́ре Кре́пкий в бра́нех,/ воспое́м песнь но́вую, я́ко просла́вися.

На колесни́цу мы́сленную всед,/ я́ко вои́стинну триста́ты потопи́л еси́ мы́сленнаго Еги́пта/ во струя́х кро́ви твоея́, му́чеников похвало́ Каллини́че.

Боже́ственною оде́ждею оде́явся, му́дре,/ оде́жды земны́я совле́клся еси́, преблаже́нне,/ и к по́двигу поте́кл еси́, и врага́ посрами́л еси́.

Разори́в вра́жия многоплете́нныя ко́зни у́зами страда́ний твои́х,/ неде́йственна сего́ пове́ргл еси́ на зе́млю, Каллини́че,/ и нога́ми твои́ми попра́л еси́.

Богоро́дичен: Ю́же проро́ческий прови́де лик,/ я́ко дверь Небе́сную и неопали́мую купину́,/ Тя, Де́во Ма́ти Чи́стая, Бо́га ро́ждшую, позна́хом.

Песнь 3

Ирмо́с: Утвержда́яй гром и созида́яй дух,/ утверди́ мене́, Го́споди,/ да Тя пою́ и́стинно/ и творю́ во́лю Твою́,/ я́ко несть свят, я́ко Ты, Бо́же наш.

Христо́вою любо́вию уязвла́емь, му́ченик взыва́ше, в по́двизех претерпева́я:/ во благово́ние теку́ ми́ра, после́дуя стра́сти Твое́й страда́нием кро́ве.

Без наве́та соблю́лся еси́ от стрел змии́ных:/ твою́ бо па́ту мудре́ц в ра́нах прете́р, главу́ свою́ сокруши́,/ Каллини́че, во страда́ниих твои́х.

Посе́к пре́лести те́рние мече́м духо́вным,/ Христо́вы ве́ры неле́стно плод прине́сл еси́, всеблаже́нне,/ стори́чный боле́зней твои́х Влады́це твоему́.

Богоро́дичен: Несказа́нна Рождества́ рожде́ния Ты еди́на Ма́ти была́ еси́,/ во утро́бе Твое́й заче́нши И́же пре́жде Тебе́ Бо́га Сло́ва,/ и млеко́м пита́ла еси́, Пречи́стая, я́ко Младе́нца, Безнача́льнаго.

Седа́лен, глас 3.

Подо́бен: Боже́ственныя ве́ры:

Ре́вность Боже́ственную в души́ твое́й име́я, сла́вне,/ беззако́ннующия всу́е терпели́вно обличи́л еси́/ и, прибли́жився му́кам, проше́л еси́ твой по́двиг до́блим умо́м, му́чениче Каллини́че./ Христа́ Бо́га моли́ дарова́ти нам ве́лию ми́лость.

Сла́ва, и ны́не, Богоро́дичен:

Боже́ственнаго естества́ не отлу́чся, плоть быв во чре́ве Твое́м,/ но Бог вочелове́чся и пребы́сть,/ И́же по рождестве́ Ма́терь Тя Де́ву,/ я́ко пре́жде рождества́, сохрани́в Всенепоро́чну, еди́н Госпо́дь./ Того́ приле́жно моли́ дарова́ти нам ве́лию ми́лость.

Крестобогоро́дичен:

Нескве́рная А́гница Сло́ва, Нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ увы́ Мне, Ча́до Мое!/ Ка́ко стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Услы́шах, Бо́же, слух Твой и убоя́хся,/ разуме́х дела́ Твоя́, и ужасо́хся, Го́споди,/ я́ко Твоего́ хвале́ния испо́лнь земля́.

Омыва́яся в струя́х твои́х крове́й, преблаже́нне, яви́лся еси́ чисте́йший ду́хом/ и в наслажде́ние дости́гл еси безпло́тных, му́чениче Каллини́че.

Ка́мень че́стен вои́стинну назда́лся еси́ Це́ркви,/ и хра́мы и́дольския стрясл еси́, и на зе́млю низложи́л еси́/ неукло́нным сопротивле́нием страда́ний твои́х.

Смертоно́сная враго́в ласка́ния/ вои́стинну отри́нул еси́, му́чениче, словесы́ духо́вными/ и, душе́ю укрепля́емь, на пре́лесть поста́вил еси́ побе́ду.

Богоро́дичен: Ны́не Тя купину́, ю́же в Сина́и, пропису́я,/ Моисе́й вели́кий неопа́льну ви́дяше,/ Огнь во утро́бе нося́щу, Чи́стая, позна́хом.

Песнь 5

Ирмо́с: Возсия́й ми, Го́споди, свет повеле́ний Твои́х,/ я́ко к Тебе́ дух мой у́тренюет и пое́т Тя:/ Ты бо еси́ Бог наш,/ и к Тебе́ прибега́ю, Царю́ ми́ра.

В ти́ну попо́лзся непостоя́нную, Го́споди, и во глубину́ грехо́в мои́х,/ и в бу́рю лю́тых мои́х дея́ний впад, зову́ Ти:/ Ты бу́ди ми Помо́щник.

Стопа́ми пригвожде́н ног, му́чениче, пел еси́:/ в пути́ свиде́ний Твои́х бога́тно наслади́хся, Влады́ко,/ терпя́ ра́ны, Страстополо́жниче, наде́ждею воздая́ний.

Ми́лости еле́ем ты, до́бре ку́плю соде́лав муче́ния,/ свещу́ твою́ уясни́л еси́, преблаже́нне,/ те́мже весь был еси́ же́ртва непоро́чная, всесожже́ние прия́тно.

Богоро́дичен: Проро́ков пропове́дание, и апо́столов похвало́,/ и му́чеников удобре́ние Ты еси́, Богоро́дице,/ Боже́ственное Сло́во нося́щи па́че сло́ва, Пречи́стая,/ е́же пре́жде век из Отца́.

Песнь 6

Ирмо́с: Бу́рею грехо́вною погружа́емь,/ я́ко во чре́ве ки́тове содержи́м,/ с проро́ком зову́ Ти:/ возведи́ от тли живо́т мой,/ Го́споди, и спаси́ мя.

Ста́да твоего́ огра́да невре́дна от звере́й соблюде́ся ересе́й:/ твои́х бо страда́ний держа́щи, сла́вне, тве́рду па́лицу,/ волко́в яви́ся отгони́тельница.

Нощь отбеже́ пре́лести страда́нием твои́м, и ве́ры добро́та возсия́,/ во испове́дании твое́м, пресла́вне, Тро́ицы побо́рниче,/ я́ко со́лнце, в конце́х.

Я́ко ве́ры пропове́дник изве́стен, беззако́ннующему вопия́ше гото́во:/ что́ прети́ши¹¹² иму́щему не умягче́ну душе́вную тве́рдость?/ Стре́лы бо безбо́жных легки́.

Богоро́дичен: Пребыва́еши по рождестве́, Неискусобра́чная, я́ко пре́жде рождества́,/ Де́ва и Нетле́нная,/ и́бо е́же в Тебе́ та́инство, Богоневе́сто,/ па́че ума́ вся́каго и всего́ сло́ва познава́ется.

Конда́к, глас 2.

Подо́бен: Вы́шних ища́:

Го́рняя кра́сная досто́йно ны́не насле́довал еси́:/ Христо́вою бо зело́ любо́вию разже́гся,/ на огнь, Каллини́че, тем му́жественно дерзну́л еси́,/ Ему́же и ны́не предстоя́,/ не преста́й моля́ о всех нас.

Песнь 7

Ирмо́с: Огнь, паля́ в пещи́, истряса́шеся,/ о́троцы ороша́хуся/ и, пою́ще, глаго́лаху:/ благослове́н еси́, Еди́н Сый/ Бо́же оте́ц на́ших.

Сла́дости мне хода́тайственна суть мук страши́лища,/ ни бо огнь, ни ра́ны и́стиннаго Рачи́теля моего́,– му́ченик вопия́ше,– разлуча́т мя.

Вжиля́емь, сла́вне, посо́бием Христо́вым,/ на зе́млю сопротивоборца́, побори́в, низве́ргл еси́/ и тезоимени́т яви́лся еси́ на мучи́теля добропобе́дник.

Диа́вола посрами́л еси́, и А́нгелы возвесели́л еси́ страда́нии твои́ми, сла́вне,/ и Христу́ взыва́л еси́:/ благослове́н еси́, еди́н сый Бо́же оте́ц на́ших.

Богоро́дичен: Разреши́ла еси́ рождество́м Твои́м, Де́во Пречи́стая, Е́вы прама́тере кля́тву:/ Ма́ти бо еси́ всех Влады́ки, Я́же всем ра́дость исхода́таивши.

Песнь 8

Ирмо́с: Вся́ческая, Влады́ко, прему́дростию Твое́ю соста́вил еси́,/ земли́ же па́ки утверди́л еси́, я́коже ве́си, дно,/ основа́нием водрузи́выи́ на вода́х безме́рных./ Тем вси вопие́м, воспева́юще:/ благослови́те, дела́ Госпо́дня, непреста́нно Го́спода.

Ра́дуйся, наслажде́ние страда́льцев и́стинных;/ ра́дуйся, удобре́ние ве́ры и украше́ние;/ ра́дуйся, пресве́тлый му́чеников светоно́сец, и́же лесть разори́в страда́нием твои́м/ и свет просия́вый ми́рови, Каллини́че прему́дре.

Мучи́тель посрами́ся по́двиги твоего́ противле́ния,/ побежде́ни бы́ша злоде́и ра́нами твои́ми, блаже́нне./ Гвоздьми́ пя́ты твоя́ уязви́шася,/ пре́лесть же попали́ся вся, и потреби́шася и́дольстии хра́ми, Богому́дре,/ огне́м страда́ния твоего́.

О чту́щих тя к Бо́гу твои́м дерзнове́нием, Каллини́че,/ прекло́нься, моли́ непреста́нно,/ ста́ду твоему́ предста́ни, изыма́я сие́ от разли́чных се́тей льсти́ваго, и утверди́ ве́рою:/ тобо́ю бо расте́т и крепи́тся.

Богоро́дичен: Ду́хом проро́цы Тя, Де́ву, прообрази́ша:/ сень же, и трапе́зу, и ру́чку, и све́щник, и го́ру пресвяту́ю,/ и о́блак, и скрижа́ли, ковче́г же, и жезл, и дверь Боже́ственну,/ е́юже всем челове́ком отве́рзеся дре́вний рай.

Песнь 9

Ирмо́с: Безсе́менное Рождество́ Твое́, Богоро́дице Чи́стая,/ Христа́ Бо́га на́шего,/ пе́сньми немо́лчными велича́ем.

Истка́ся тебе́ свы́ше ри́за ве́ры,/ е́юже обнажи́л еси́ врага́ на суди́щи, му́чениче сла́вне.

Непщева́ше мучи́тель прельсти́ти ласка́ньми му́ченика,/ но той в ве́ре утвержда́шеся.

Чи́сто всесожже́ние и прия́тна же́ртва,/ Каллини́че сла́вне, огне́м по́двигов прине́слся еси́ Бо́гу.

Красны́ но́ги твои́, страда́льче Каллини́че, гвоздьми́ пригвожде́ны/ и к пропове́данию Боже́ственному иду́щи.

Богоро́дичен: Покро́в Тя стяжа́хом, и приста́нище, Чи́стая, и ору́жие, и забра́ло,/ и тве́рду наде́жду в беда́х при́сно.

Святой мученик Каллиник родился в Киликии и был воспитан в христианском благочестии. Он жил в III-IV веках. Глубокая вера в Бога и сострадание к заблудшим побудили его не таить в себе свет истины, и многие из язычников благодаря его проповеди обратились ко Христу. Однако в городе Анкире в Галатии это вызвало зависть и гнев язычников. Они схватили святого проповедника и, приведя к игемону (правителю) Сакердону, потребовали его смерти. Угрожая жестокими муками, игемон стал принуждать святого Каллиника принести жертву идолам, но святой Каллиник не только не испугался угроз, а сам просил о мучениях, которые готов был претерпеть за Имя Христово. Разгневанный правитель решил сломить мужество святого исповедника самыми мучительными пытками. Святого Каллиника, раздев, избивали воловьими жилами, затем подвесили на дереве и железными крюками строгали тело до костей. Видя тщетность этих пыток, игемон приказал обуть святого в сапоги с острыми гвоздями внутри и вести в город Гангры в Пафлагонии на сожжение.

Избивая святого, воины гнали его впереди своих коней. Путь был долгий – кони и воины обессилели от жажды. Не найдя никакого источника, воины обратились к святому мученику с просьбой о помощи. Святой Каллиник, желая сделать добро своим врагам, помолился Господу и извел из камня источник воды. По прибытии в Гангры воины не хотели предавать смерти святого мученика, но, боясь гнева игемона, развели огонь. Тогда святой мученик Каллиник сам вошел в пламя и там скончался. Тело его осталось невредимым, и христиане с честью погребли его.

Литература:

1. Извольский С. П. Жития святых. Месяц июль. М., 1878, с. 218–219.

2. Преображенский В., протоиерей. Святые учители веры и благочестия. Июль. М., 1904, с. 459–464.

ВЕ́ЧЕР

На Го́споди, воззва́х: стихи́ры, глас 8:

Егда́ наста́ стра́шный день гоне́ния,/ ты нечести́ваго иге́мона не устраши́ся,/ свята́я му́ченице Серафи́мо,/ и же́ртвы богоме́рзким бого́м приноси́ти отве́ржеся,/ служи́тельница и́стинному Бо́гу яви́ся,/ Тому́ себе́ в же́ртву прине́сши,/ и за излия́ние кро́ве твоея́/ на Небеси́ венча́лася еси́.

Любве́ ра́ди Христо́вы/ ме́чное усече́ние претерпе́вши,/ от Царя́ и Влады́ки му́ченическим венце́м венча́лася еси́/ и с ли́ки святы́х А́нгел и Арха́нгел/ в неизрече́нней сла́ве ны́не предстои́ши Престо́лу Влады́чню./ Помина́й и нас, соверша́ющих святу́ю па́мять твою́/ и ублажа́ющих му́ченическая страда́ния твоя́,/ свята́я му́ченице Серафи́мо.

Серафи́мскою любо́вию Го́спода возлюби́ла еси́,/ свята́я му́ченице Серафи́мо,/ и за страда́ния твоя́/ Небе́снаго Ца́рствия насле́дница яви́лася еси́,/ тем тя ублажа́ем/ и сла́вим страда́ния твоя́.

Сла́ва, и ны́не, Богоро́дичен:

Не умолчи́м, ве́рнии, хвала́ми ублажа́ти Пречи́стую Богоро́дицу,/ Та бо есть Хода́таица на́шего спасе́ния,/ на Ню́же упова́юще, никогда́же посрами́мся,/ я́ко, богоно́снеи ру́це к Сы́ну Своему́ простира́ющи,/ мо́лится о душа́х на́ших.

Крестобогоро́дичен:

На Кресте́ зря́щи, Пречи́стая, Возлю́бленное Твое́ Ча́до,/ пе́рси Твои́ бию́щи, го́рько вопия́ше:/ Ча́до Мое́ Возлю́бленное,/ Све́те о́чию Мое́ю,/ ка́ко Мя оставля́еши еди́ну, Ма́терь Твою́?

Тропа́рь, глас 8:

Неве́сто Христо́ва возлю́бленная, Серафи́мо,/ насле́днице Ца́рствия Небе́снаго,/ до́бре за Го́спода пострада́вшая/ и кро́вию твое́ю обагре́нная/ и, а́ки ца́рскою багряни́цею, украше́нная,/ помина́й нас, соверша́ющих святу́ю па́мять твою́.

НА У́ТРЕНИ

Кано́н, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Вся кра́сная ми́ра сего́ возненави́девши, Серафи́мо,/ па́че же Го́спода возлюби́вши, за Него́ страда́ти изво́ли;/ Того́ моли́ спасти́ся душа́м на́шим.

Егда́ наста́ стра́шный день гоне́ния,/ ты, Серафи́мо,/ не убоя́вшися, дерзнове́нно Го́спода испове́да,/ серафи́мскою любо́вию Того́ возлюби́вши.

Благода́тию Бо́жиею, Серафи́мо, в тебе́ сия́ющею,/ блаже́нную Сави́ну и и́же с не́ю/ ко Христу́ привела́ еси́ уче́нии твои́ми.

Богоро́дичен: Предста́тельнице на́ша те́плая и Моли́твеннице к Сы́ну Твоему́,/ призыва́ющих Тя на по́мощь вско́ре заступи́ и спаси́.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Егда́ нечести́вый иге́мон Вири́лл посла́ слуги́ своя́ привести́ тя на суди́ще,/ тогда́ блаже́нная Сави́на возбраня́ше им,/ и, а́ки чи́стую голуби́цу, храня́ше тя.

Ты, свята́я неве́сто Христо́ва Серафи́мо,/ вели́кия ре́вности испо́лнилася еси́ ко Христу́/ и, не убоя́вшися нечести́вых слуг иге́мона, но после́довавши им,/ блаже́нную Сави́ну увеща́ше то́кмо моли́ти Го́спода о тебе́.

Ты, Серафи́мо, глаго́лаше:/ аз же упова́ю на Го́спода Иису́са Христа́ и ве́рую,/ а́ще и недосто́йна и грешна́ есмь,/ но да предста́нет мне Иису́с Христо́с и укрепи́т мя бы́ти рабо́ю Его́.

Богоро́дичен: Несть нам ины́я наде́жды по Бо́зе,/ то́кмо Ты, еди́на на́ша Засту́пнице и Помо́щнице,/ спаси́ нас, упова́ющих на Тя.

Седа́лен, глас 4:

Вмести́лище Свята́го Ду́ха яви́лася еси́, свята́я му́ченице Серафи́мо,/ себе́ Бо́гу в же́ртву прине́сши,/ и дом Святы́я Тро́ицы сподо́билася еси́ бы́ти;/ моли́ спасти́ся душа́м на́шим.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Блаже́нная Сави́на, не вверя́ющи рука́м слуг нечести́вых тебе́, святы́я деви́цы,/ сама́ с тобо́ю ку́пно по́йде к иге́мону,/ хотя́щи изба́вити тя, Серафи́мо.

Егда́ иге́мон устыде́ся сена́торскаго благоро́дства Сави́ны,/ тогда́ отпусти́ти тя повеле́ в дом ея́,/ но по трие́х днех па́ки посла́ слуг, да предста́вят тя на суди́ще, Серафи́мо.

Втори́цею блаже́нная Сави́на после́дова тебе́, Серафи́мо,/ но егда́ ви́де, я́ко от рук нечести́вых изъя́ти тя не возмо́же,/ а́бие оты́де в дом свой, рыда́ющи.

Богоро́дичен: Ты моя́ ра́дость и наде́жда в го́рести мое́й,/ Ты прибе́жище и весе́лие души́ моея́,/ спаси́ мя, Влады́чице, моли́твами Твои́ми.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

Предста́ свята́я а́гница Христова на суде́ нечести́ваго иге́мона,/ све́том благода́ти Христо́вы озаря́ема,/ и егда́ повеле́ иге́мон принести́ же́ртвы ло́жным бого́м,/ тогда́ дерзнове́нно Го́спода испове́да/ и Тому́ в же́ртву принесе́ся.

Ты глаго́лаше, Серафи́мо:/ Бо́гу моему́ есть уго́дная же́ртва,/ да саму́ себе́ непоро́чну соблюду́ в чистоте́ де́вства моего́/ и ины́х к тому́ же приведу́ по́мощию Его́ всеси́льною.

Ублажи́м, ве́рнии, неве́сту Христо́ву, прекра́сную Серафи́му,/ красоты́ ю́ности не пощади́вшую и на му́ки дерзну́вшую любве́ ра́ди Христо́вы,/ безче́стие, бие́ние, ра́ны и смерть претерпе́вшую.

Богоро́дичен: Ма́ти пресла́дкаго Све́та моего́, Го́спода,/ не посрами́ мя, всю наде́жду на Тя возлага́ющу,/ спаси́ мя, Пречи́стая, моли́твами Твои́ми.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Ничто́же тя услади́ти возмо́же, неве́сто Христо́ва, от ми́ра сего́,/ то́кмо еди́на любы́ ко Го́споду распаля́ше се́рдце твое́,/ и, я́ко а́гница на па́жить, ско́ро тече́ на муче́ние,/ во е́же а́бие узре́ти Возлю́бленнаго Жениха́ Христа́,/ Его́же все́ю душе́ю возлюби́ла еси́/ и Его́же ра́ди муче́ния претерпе́.

Любо́вию к Бо́гу разжиза́ющися, небе́сным серафи́мом уподо́билася еси́,/ тоя́ любве́ и нам сподо́битися моли́,/ почита́ющим и лю́бящим тя, Серафи́мо.

Ты, по словеси́ твоему́, вои́стинну це́рковь Бо́жия яви́лася еси́/ и вмести́лище Ду́ха Свята́го, Серафи́мо,/ я́ко не пощади́ пло́ти твоея́ и муче́ния претерпе́.

Богоро́дичен: Бу́ди мне тве́рдый щит в ско́рби мое́й,/ егда́ бу́ря злых челове́к возста́нет на мя,/ тогда́ Сама́ укрепи́ мя и на тве́рдем ка́мени ве́ры поста́ви но́зе мои́.

Конда́к, глас 2:

Серафи́мскою любо́вию Го́спода возлюби́ла еси́,/ свята́я де́во Серафи́мо,/ и всю себе́ за Го́спода на муче́ние предаде́,/ до́ндеже дости́гла еси́ Ца́рствия Небе́снаго.

И́кос:

Пренебреже́ мирску́ю суету́, свята́я му́ченице Серафи́мо,/ Еди́наго то́кмо иму́щи пред очи́ма твои́ма, Нетле́ннаго Жениха́ Твоего́,/ все жела́ние твое́ бысть Еди́н Госпо́дь,/ к Нему́же все́ю душе́ю устреми́ся,/ и предста́ с неизрече́нною ра́достию Престо́лу Влады́чню,/ и лице́м к лицу́ узре́, Его́же возлюби́ла еси́,/ тогда́ вои́стинну дости́гла еси́ Ца́рствия Небе́снаго.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́ическою пла́мень пе́щный попра́ша, пою́ще:/ отце́в Бо́же, благослове́н еси́.

Егда́ по повеле́нию иге́мона/ безсту́дным еги́петским ю́ношам на оскверне́ние отдана́ бысть, Серафи́мо,/ тогда́ призыва́нием И́мене Госпо́дня сих студа́ и ослепле́ния испо́лни,/ сама́ же воспева́ше Христу́:/ оте́ц на́ших Бо́же, благослове́н еси́.

Егда́ ви́де ско́рую по́мощь от Го́спода, Серафи́мо,/ тогда́ возде́ ру́це твои́, Тому́ пою́щи:/ оте́ц на́ших Бо́же, благослове́н еси́.

Мо́лим тя, де́во свята́я Серафи́мо,/ и ны́не у Престо́ла Влады́чня воздви́гни ру́це твои́ за нас,/ соверша́ющих па́мять твою́, прося́щих твоея́ по́мощи и пою́щих:/ оте́ц на́ших Бо́же, благослове́н еси́.

Богоро́дичен: Укрепи́ мя, Влады́чице и Ма́ти Пресладкаго Све́та моего́, Го́спода,/ и научи́ мя взыва́ти Сы́ну Твоему́:/ оте́ц на́ших Бо́же, благослове́н еси́.

Песнь 8

Ирмо́с: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Повеле́ иге́мон те́ло твое́ свеща́ми опаля́ти, Серафи́мо,/ но а́бие све́щи угасо́ша, опаля́ющии тя са́ми на зе́млю падо́ша,/ ты же воспела еси́, зову́щи:/ Го́спода по́йте, дела́, и превозноси́те во вся ве́ки.

Егда́ па́лицами бие́на бысть, Серафи́мо,/ тогда́ трус ве́лий земли́ сотвори́ся, но нечести́вии не позна́ша си́лы Бо́жия,/ мы же, удивля́ющеся чудеси́, зове́м:/ Го́спода по́йте, дела́, и превозноси́те во вся ве́ки.

Го́спода в по́мощь призыва́ше, Серафи́мо,/ и вся ко́зни вра́жия победи́ла еси, пою́щи:/ Го́спода по́йте, дела́, и превозноси́те во вся ве́ки.

Богоро́дичен: Богоро́дице, А́нгелов ра́досте и челове́ков спасе́ние,/ обурева́емую мя лю́тыми волна́ми жите́йских страсте́й спаси́ и научи́ пе́ти:/ Го́спода по́йте, дела́, и превозноси́те во вся ве́ки.

Песнь 9

Ирмо́с: Вои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Мече́м усе́чена бысть, му́ченице Серафи́мо, и, а́ки чи́стая голуби́ца, возлете́ла еси́ к Бо́гу,/ блаже́нная же Сави́на свято́е те́ло твое́, я́ко сокро́вище и маргари́ту дража́йшую,/ в свое́м гро́бе погребе́.

Страда́льческим ше́ствовавши путе́м, до́блественная му́ченице,/ претерпе́ бие́ния, опале́ния и вся́ческая муче́ния,/ и до конца́ сте́рла еси́ главу́ зми́еву,/ и победи́тельница яви́лася еси́ благода́тию Свята́го Ду́ха.

Ны́не наслажда́ешися неизрече́нныя сла́вы Го́спода, свята́я му́ченице Серафи́мо,/ о нас Христа́ Бо́га моли́, соверша́ющих святу́ю па́мять твою́/ и ублажа́ющих страда́ния Твоя́.

Богоро́дичен: Простри́ ру́ку по́мощи изнемога́ющей души́ мое́й, Влады́чице моя́ Пресла́дкая,/ и не посрами́ наде́жды моея́, ю́же на Тя возлага́ю,/ но ми́рною стезе́ю под кро́вом Твои́м приведи́ мя к Сы́ну Твоему́/ и пресла́дкому Све́ту моему́.

Свети́лен:

Уневе́стившися Христу́, Жениху́ твоему́, вслед Его́ тече́, му́ченице Серафи́мо,/ и скороше́ственною стезе́ю возлете́ла еси́ в черто́ги Небе́сныя,/ иде́же ли́цы му́ченик и святы́х А́нгелов ра́достно срето́ша тя.

Сла́ва, и ны́не, Богоро́дичен:

Тя, Ма́терь Бо́жию, немо́лчными хвала́ми ублажа́ем и мо́лим Тя:/ спаса́й нас моли́твами Твои́ми/ и приведи́ к ти́хому Приста́нищу Сы́на Твоего́.

Святая мученица Серафима дева, уроженка Антиохии, жила в Риме в царствование императора Адриана (117–138), у знатной римлянки Савины, которую святая обратила в христианство.

При начавшемся по приказу императора гонении на христиан, правитель Вирилл приказал привести на суд святую Серафиму. Желая получить от Господа мученический венец, она по первому требованию бесстрашно пошла к палачам. Ее сопровождала преданная Савина. Увидев знатную госпожу, Вирилл сначала отпустил девицу, но через несколько дней вновь вызвал святую Серафиму и начал суд.

Правитель заставлял святую почтить языческих богов и принести им жертву, но она смело исповедовала свою веру в Единого Истинного Бога – Иисуса Христа. Тогда Вирилл отдал ее на поругание двум бесстыдным юношам. Святая мученица просила Господа защитить ее. Вдруг началось землетрясение, и юноши упали в полном расслаблении. На следующий день правителю стало известно, что его замысел не осуществился. Думая, что святая знает волшебство, Вирилл попросил ее вернуть юношам здоровье и дар речи, чтобы они сами рассказали о чуде. Святая, помолившись Господу, приказала юношам встать, и они сразу поднялись и сказали судье, что Ангел Господень заслонил собой святую, запретив им подходить к ней. Жестокий правитель не поверил своим слугам и продолжал убеждать святую Серафиму принести жертву идолам. Но святая мученица оставалась непреклонной даже тогда, когда ее палили горящими свечами и нещадно били палками. Безжалостного правителя постигла суровая кара: щепа от палки, которой избивали святую, попала ему в глаз и через три дня мучитель ослеп. Бессильный перед непреклонностью христианки, судья приказал ее обезглавить. Савина с благоговением похоронила тело своей святой наставницы.

Тропа́рь, глас 4:

Чу́дное и сла́вное рождество́ твое́, святи́телю Нико́лае,/ Це́рковь днесь правосла́вных све́тло пра́зднует,/ и́бо стоя́нием ногу́ твое́ю/ яви́ тя Госпо́дь и провозвести́ бы́ти свети́льника и учи́теля ми́ряном,/ весь мир обогаща́юща и просвеща́юща чудесы́./ Тем вопие́м ти:/ моли́ Христа́ Бо́га спасти́ся душа́м на́шим.

Конда́к, глас 2.

Подо́бен: В Ми́рех, свя́те:

В Ми́рех ро́ждься, свя́те Нико́лае,/ от благоро́дна ко́рене,/ я́ко благопло́дна ветвь, прозя́бл еси́,/ испо́лнь бо быв Боже́ственных даро́в,/ я́ко со́лнце заря́ми, весь мир чудесы́ просвети́л еси́./ Сего́ ра́ди прославля́ем тя,/ я́ко ученика́ и таи́нника Бо́жия благода́ти.

Рождество Святителя и Чудотворда Николая. 29 июля Восточная Церковь издревле празднует рождество Святителя и Чудотворца Николая.

Святитель Николай родился в городе Патаре Ликийской области (на южном побережье Малоазийского полуострова) в семье благочестивых христиан Феофана и Нонны. С самого рождения будущий светильник Церкви Христовой засвидетельствовал свое избранничество великими чудотворениями. Мать его Нонна после родов сразу же исцелилась от болезни. Новорожденный младенец в купели крещения простоял без посторонней помощи три часа, воздавая этим честь Пресвятой Троице. Особое избранничество святого Николая, скорого помощника и преславного чудотворца, побудило верующих людей праздновать день его славного рождения наряду с рождеством Пророка Предтечи и Крестителя Господня Иоанна. В честь праздника Рождества Святителя Николая составлены тропарь и кондак, с древних времен известные в литургической жизни Русской Православной Церкви.

Литература:

1. Димитрий (Самбикин), архиепископ. Месяцеслов святых, всею Русскою Церковью или местно чтимых. Вып. 11, июль. Тверь, 1901, с. 342.

2. Настольная книга священнослужителя, т. 2. М., изд. Московской Патриархии, 1978, с. 366.

Тропа́рь, глас 3:

Я́ко драгоце́нное бога́тство,/ прии́де к нам от Вели́кия реки́ Вя́тки/ в ца́рствующий сей град наш Москву́/ честна́я ико́на о́браза твоего́, святи́телю Нико́лае,/ и мно́гая у́бо чудеса́ в прише́ствии свое́м сотвори́,/ боля́щия исцели́ и вся челове́ки удиви́./ Сего́ ра́ди повеле́нием самоде́ржца царя́/ списа́ся с нея́ сия́ честна́я ико́на твоя́/ на просвеще́ние и моле́ние всем лю́дем ца́рска гра́да,/ ю́же днесь зрим и покланя́емся ей,/ моля́ще тя, таи́нника Христо́ва:/ моли́, свя́те, о всех нас,/ дарова́ти нам мир и ве́лию ми́лость.

Конда́к, глас 4.

Подо́бен: Вознесы́йся:

Днесь всеусе́рдне восхваля́ем тя, святи́телю о́тче Нико́лае,/ и честны́й сей о́браз твой ве́рно почита́ем,/ и любе́зно целу́ем и́,/ я́ко ве́лие таково́е дарова́ние нам от Христа́ Бо́га дарова́ся,/ па́че бо сапфи́ра и топа́зия,/ принесе́ся к нам от ме́ста, реко́маго Вя́тка, в ца́рский град,/ на исцеле́ние всем приходя́щим к нему́ с ве́рою./ Тем спрославля́ем твою́ святу́ю па́мять,/ моли́ спасти́ся душа́м на́шим.

Великорецкая икона Святителя и Чудотворца Николая была обретена чудесным образом в Вятской земле в XVI веке. По преданию, некий христианин, отправившийся из дома по делам, увидел около реки Великой множество горящих свечей. В недоумении он остановился, но затем поехал дальше. На обратном пути на том же месте он вновь увидел горящие свечи. Когда христианин подошел к тому месту, то увидел икону Святителя Николая. С благоговением взяв икону, он привез ее в свой дом, но никому не сказал о чудесном обретении этой иконы.

В скором времени местному жителю по имени Иоанн, бывшему двадцать лет в расслаблении, явился в сонном видении Святитель Николай, повелел прикоснуться к его иконе, обретенной у реки Великой, и обещал исцеление. Иоанн усомнился в истинности видения. На следующую ночь Святитель Николай вновь повелел расслабленному пойти к его иконе. Тогда Иоанн рассказал домашним о явлениях Святителя. Когда расслабленного принесли в дом, где была чудотворная икона, он увидел исходивший от святого образа свет, как от множества свечей. После поклонения святой иконе Иоанн стал совершенно здоров.

Узнав об обретении святого образа и о совершившемся чуде, жители той местности построили часовню и перенесли туда образ Святителя Николая. Вскоре весть о святой иконе Святителя Николая распространилась по всей Вятской земле, и многие стали приходить к чудотворному образу. По молитвам Святителя от его иконы исцелялись различные недуги. Православные жители решили построить во имя Святителя Николая храм, избрали для этого место и стали заготавливать материалы. Однако заготовленные бревна чудесным образом оказались на другом месте – на возвышенности среди болота. Трижды закладывали церковь и трижды строительные материалы были переносимы невидимой силой на болото. Тогда построили храм на возвышенности среди болота, и изволением Божиим вскоре болото высохло. Святая икона Чудотворца Николая была поставлена в новом Никольском храме, где от нее по-прежнему совершались многочисленные чудеса.

В то время на Вятские земли часто нападали черемисы. Они неоднократно хотели сжечь Никольский храм, но, когда подъезжали к нему, он становился невидим или видим высоко над землей, так что черемисы не могли повредить храм. Прихожане храма рассказали об этом чуде жителям близлежащего города Хлынова, которые захотели перенести чудотворную Великорецкую икону в свой город. Однако хлыновцы не могли исполнить свое желание, так как никто не мог сдвинуть икону с места. Тогда они стали поститься и дали обет Святителю Николаю ежегодно, после праздника Перенесения его честных мощей из Мир Ликийских в Бары (9 мая), переносить чудотворную Великорецкую икону на место ее чудесного явления на реке Великой. После этого в 1521 году святую икону легко подняли и перенесли в храм во имя блаженного Прокопия Устюжского (†1303; память 8 июля) в Хлынове.

Во второй половине XVI столетия, во время пожара в Прокопиевском храме, чудотворная икона незначительно пострадала от огня. Царь Иоанн Васильевич Грозный повелел принести чудотворную икону в Москву, где ее реставрировали и одели в новый драгоценный оклад. С Великорецкой иконы Святителя Николая, и в Москве, прославившейся многочисленными чудесами, был сделан список, который поставили в Успенском соборе в Кремле. Другая копия Великорецкой иконы стала храмовым образом в Никольском приделе в Покровском храме (Василия Блаженного) в Москве. По свидетельству летописей, от Великорецкой иконы Святителя Николая, находившейся в Никольском приделе Покровского собора, совершались многие чудеса. Москвичи во множестве приходили к чудотворной иконе и особо чтили ее, так что Покровский собор еще назывался храмом Николы Великорецкого. Придел во имя Святителя Николая был освящен Митрополитом Московским Макарием (1542–1563) 29 июля 1555 года. В тот же день было установлено празднование перенесения чудотворного образа Святителя Николая из Вятской земли в Москву. Это число избрано, видимо потому, что 29 июля празднуется Рождество Святителя.

В уставе Московского Успенского собора (около 1634 года) под 29 июля сказано: «Празднество Николе, чудотворцу Великорецкому. Бывает крестный ход». Явленная Великорецкая икона была возвращена (примерно через год) в Хлынов и поставлена в новом храме во имя Святителя Николая.

Литература:

Димитрий (Самбикин), архиепископ. Месяцеслов святых всею Русскою Церковью или местно чтимых. Вып. 11. Тверь, 1901, с. 342–343.

Тропа́рь, глас 3:

Я́ко вели́каго во отце́х Варлаа́ма учени́к,/ прехва́льне Константи́не,/ и сам ча́до послуша́ния, блаже́ннаго Косму́, возрасти́л еси́,/ те́мже, преподо́бнии, вку́пе Престо́лу Влады́чню ны́не предстоя́щии,/ моли́твами ва́шими в ве́ре Правосла́вней нас утверди́те,/ в послуша́нии Це́ркви Святе́й укрепи́те/ и вся поле́зная душа́м на́шим испроси́те.

Преподобные Константин и Косма Косинские, Старорусские, были основателями Косинского Николаевского монастыря, расположенного недалеко от города Старая Русса в Новгородской епархии. Они приняли монашеский постриг в Хутынской обители и первоначально совершали иноческие подвиги под духовным руководством преподобного Варлаама Хутынского (†1192; память 6 ноября) и его преемника преподобного Антония Дымского (†1224; память 17 января). По влечению к безмолвной жизни преподобные Константин и Косма около 1220 года ушли из Хутынского монастыря в пределы Старой Руссы и поселились в пустынном месте между реками Полистью и Снежною, образующими косу (отсюда название этого места Косинское). Через некоторое время около подвижников стали поселяться другие иноки. Со временем возник монастырь, в котором был построен небольшой каменный храм во имя Святителя и Чудотворца Николая. Преподобный Константин принял игуменство над собравшейся братией.

Как достойные ученики великого наставника преподобного Варлаама Хутынского, преподобные Константин и Косма были примером инокам в исполнении монашеских обетов. После многолетних подвигов преподобный Константин мирно почил 29 июля 1240 года. В древних рукописных святцах он назван чудотворцем.

Преподобный Косма продолжил делание своего сподвижника и после кончины преподобного Константина стал, очевидно, его преемником. Он погребен в одной гробнице с преподобным Константином. Позднее мощи святых основателей обители покоились под папертью нового Николаевского храма, построенного в 1820 году, возможно, на месте древнего храма.

Литература:

1. Филарет (Гумилевский), архиепископ. Жития святых, чтимых Православной Церковью. Изд. 3-е, дополн., июль. СПб., 1900, с. 288.

2. Димитрий (Самбикин), архиепископ. Месяцеслов святых, всею Русскою Церковью или местно чтимых. Вып. 11, июль. Тверь, 1901, с. 331–333.

Тропа́рь, глас 4:

От ю́ности горя́чим жела́нием Боже́ственныя любве́ разжига́емь,/ жите́йския молвы́ оста́вль, преподо́бне,/ учени́к вели́каго Се́ргия был еси́,/ безмо́лвием и жесто́ким пребыва́нием,/ бде́нием и моли́твою, посто́м после́дуя Христу́;/ сего́ ра́ди избра́нием учи́теля твоего́ свяще́нства сподобля́ешися/ от руки́ блаже́ннаго Алекси́я/ и па́стырь поставля́ешися оби́тели, я́же на Киржаче́,/ в не́йже трудолю́бно пожи́в, ко Го́споду отхо́диши,/ Рома́не преподо́бне,/ моли́ о нас Христа́ Бо́га,/ со учи́телем твои́м преподо́бным Се́ргием,/ спасти́ся душа́м на́шим.

Конда́к, глас 8:

Жития́ треволне́ния и мяте́ж мирски́й/ и страстна́я взыгра́ния в ничто́же вмени́в,/ пусты́нный трудолю́бник показа́лся еси́,/ мона́хов наста́вник, Рома́не преподо́бне,/ и́ноков собира́тель и моле́бный ко Го́споду честны́й рачи́тель,/ моли́ о нас Христа́ Бо́га, со учи́телем твои́м преподо́бным Се́ргием,/ спасти́ся душа́м на́шим.

Преподобный Роман Киржачский, сподвижник и ученик Преподобного Сергия, игумена Радонежского (память 25 сентября и 5 июля). В житии Преподобного Сергия сообщается, что после введения в Троицкой обители, по благословению святителя Алексия, Митрополита Московского (память 12 февраля), строгого общежительного устава некоторые братия стали роптать и выражали недовольство строгостью устава. Преподобный Сергий вынужден был оставить свою обитель и удалился на реку Киржач, где в 1371 году основал монастырь в честь Благовещения Пресвятой Богородицы. Через три года, когда тревоги «мирского самоволия» прекратились, Преподобный Сергий по благословению святителя Алексия, Митрополита Московского, возвратился в Троицкий монастырь. Преподобный Роман был рукоположен тем же святителем Алексием в священный сан и поставлен настоятелем вновь устроенной обители.

Истинный подвижник, сочетавший доброту душевную с требовательностью наставника, святой Роман с большим усердием исполнял заповеди Преподобного Сергия – своего духовного отца и учителя и был образцом подвижнической жизни для всей братии.

29 июля 1322 года он отошел ко Господу. Святые мощи преподобного Романа почивают под спудом в бывшей монастырской Благовещенской церкви (в 1764 году монастырь был упразднен, а храмы его обращены в приходы города Киржача). Над святыми мощами была устроена резная сень, под которой положено медное надгробие с изображением преподобного Романа на верхней доске, а в возглавии надписаны тропарь и кондак святому. В иконописном подлиннике приводится описание внешнего облика святого: «Преподобный Роман, Киржачский чудотворец, игумен, сед, брада не раздвоилась, волосы с ушей, ризы преподобническия». На старинных иконах преподобный Роман написан в лике учеников Преподобного Сергия. В рукописных святцах преподобный упоминается в числе святых и назван чудотворцем.

Литература:

1. Барсуков Н. Источники русской агиографии. СПб., 1882.

2. Димитрий (Самбикин), архиепископ. Месяцеслов святых, всею Русской Церковью или местно чтимых. Вып. 11. Тверь, 1901.

3. Леонид (Кавелин), архимандрит. Святая Русь, СПб., 1891.

4. Настольная книга священнослужителя. Т. 3. М., Изд. Московской Патриархии, 1979.

5. Словарь исторический. СПб., 1862.

6. Троицкий Патерик. Свято-Троицкая Сергиева Лавра, 1896.

7. Филарет (Гумилевский) архиепископ. Жития святых, чтимых Православной Церковью. Месяц июль. СПб., 1892.

8. Церковно-исторический Месяцеслов Свято-Троицкой Сергиевой Лавры. Изд. 2-е. М., 1854.