14-й день

Святы́х му́ченик Фи́рса, Левки́я, Филимо́на и и́же с ни́ми

Святи́теля Иларио́на, митрополи́та Су́ждальскаго

АЛЛИЛУ́ИЯ

На Го́споди, воззва́х: стихи́ры, глас 4.

Подо́бен: Дал еси́ зна́мение:

Фирс чу́дный, и Богому́дрый Каллини́к,/ и сла́вный Левки́й,/ Тро́ицу Несозда́нную испове́дающе,/ боле́зни тяжча́йшия и неосла́бныя му́ки/ му́жественнейшим нра́вом претерпе́ша/ и побе́ды венцы́, я́ко побе́доносцы, прия́ша,/ согра́ждане бы́вше Невеще́ственных Сил.

Филимо́н вели́кий, Ариа́н пребога́тый,/ му́дрый Аполло́ний/ крове́й тече́ньми многобо́жия угаси́ша пла́мень,/ всю напои́ша зе́млю/ Богозна́ния Боже́ственными струя́ми/ и ту́чами врачева́ний страсте́й изсуша́ют ре́ки/ Боже́ственною благода́тию,/ я́ко те́плии защи́тницы.

Цве́ти красне́йшии в цве́тнице процвето́ша,/ му́ченицы славнии,/ ду́ха испуща́юще Боже́ственное благово́ние/ и мы́сли, благоуха́юще ве́рно/ ле́тнюю па́мять их чту́щих,/ страда́ния, и боре́ния, и блаже́нное сконча́ние./ Его́же ра́ди во све́те невече́рнем обита́ют, ра́дующеся.

И́ны стихи́ры Пресвяте́й Богоро́дице, глас и подо́бен то́йже:

Одожди́ мне, Влады́чице,/ Твоея́ ми́лости бе́здну/ и опали́вшееся зно́ем страсте́й се́рдце мое́,/ я́ко ми́лостива, напо́й, Отрокови́це,/ и умиле́ния ка́пли точи́ти/ непреста́нно сотвори́, молю́ся,/ и́миже утеше́ния сподо́блюся, Чи́стая,/ е́же получи́ти и́мут/ и́же и́скренно пла́кавшиися.

Де́монскими коле́блема прило́ги/ и в ров поги́бели вве́ржена,/ уще́дри, Влады́чице, и утверди́ мя на ка́мени доброде́телей,/ и, сове́ты враго́в разори́вши,/ сподо́би мя твори́ти повеле́ния Сы́на Твоего́ и Бо́га на́шего,/ я́ко да получу́ оставле́ние в день Суда́.

В разбо́йники впадо́х скверноуби́йственныя, Всенепоро́чная,/ и нетле́нныя оде́жды Вы́шния све́тлости/ сих нахожде́ньми совлече́н бых, Отрокови́це,/ и от них неми́лостивно уязви́хся/ и низве́ржен бых в ме́сто озлобле́ния е́ле жив,/ но предвари́, и ру́ку Твою́ простри́,/ и воздви́гни мя, молю́ся.

Сла́ва, и ны́не, глас и подо́бен то́йже:

На одре́ низлежу́ уны́ния, Всенепоро́чная,/ и ле́ностно прохожду́ житие́,/ и ужаса́юся конца́ моего́ вре́мене, Богоро́дице,/ да, не я́коже лев, неща́дно расто́ргнет/ смире́нную мою́ ду́шу змий вселука́вый./ Те́мже Твое́ю бла́гостию, пре́жде конца́ предвари́вши,/ к покая́нию мя воздви́гни.

Крестобогоро́дичен.

Подо́бен: Я́ко до́бля:

Распина́ема Христа́ Человеколю́бца ви́дящи, Пречи́стая,/ и ре́бра ископова́ема копие́м,/ пла́чущи, вопия́ше:/ что сие́, Сы́не Мой?/ Что Ти безблагода́тнии лю́дие возда́ша,/ за я́же сотвори́л еси́ до́брая им,/ и тщи́шися безча́дствовати Мя, Вселюбе́знейший?/ Удивля́юся, Благоутрбо́не, Твоему́ во́льному распя́тию.

На стихо́вне Окто́иха.

НА У́ТРЕНИ

О́ба кано́на Окто́иха и святы́х кано́н на 4, глас 6.

Песнь 1

Ирмо́с: Я́ко по су́ху, пешеше́ствовав Изра́иль/ по бе́здне стопа́ми,/ гони́теля фарао́на/ ви́дя потопля́ема,/ Бо́гу побе́дную песнь пои́м, вопия́ше.

Му́ченическими красота́ми Боже́ственному Престо́лу предстоя́ще/ и Боже́ственными блиста́нии, страстоте́рпцы, сия́юще,/ нас, пою́щих ва́шу па́мять, просвети́те.

Добро́ты Боже́ственныя жела́юще,/ жития́ кра́сная в ничто́же вмени́сте, страстоте́рпцы Христо́вы,/ и, уме́рше те́лом, жи́знь безконе́чную обрести́ сподо́бистеся.

Безбо́жия лесть боголе́пно, страстоте́рпцы му́ченицы, обличи́вше,/ мно́гих боле́зней претерпе́сте разжже́ние/ и безболе́зненную жи́знь ны́не восприя́сте.

Богоро́дичен: Неопи́санное Сло́во, опи́сано бы́вшее те́лом,/ породила́ еси́, Чи́стая,/ Его́же моли́ изба́витися тли и страсте́й наведе́ния Тя сла́вящим.

Песнь 3

Ирмо́с: Несть свят,/ я́коже Ты, Го́споди Бо́же мой,/ вознесы́й рог ве́рных Твои́х, Бла́же,/ и утверди́вый нас на ка́мени/ испове́дания Твоего́.

Те́ло стру́жуще, лю́те тьмы предста́телие/ по́мысла твоего́ кре́пости не осла́биша,/ любо́вию Боже́ственною си́льне в любви́, Фи́рсе, укрепля́емаго.

Бысть, му́чениче чу́дне, внеза́пная твоя́ вои́стинну ко Го́споду ве́ра,/ е́юже посрами́л еси́ враго́в злове́рие, вопия́, о Филимо́не!/ раб есмь Христо́в.

К боре́нию, му́чениче, врага́ де́рзостне изше́л еси́,/ не щито́м, ни копие́м, но ве́рою тве́рдою Боже́ственне защити́вся,/ и му́жески сего́ на зе́млю низве́ргл еси́.

Богоро́дичен: В двух естества́х Еди́н Святы́я Тро́ицы,/ из чи́стых Твои́х крове́й воплоти́вся, боголе́пно про́йде,/ су́щия из Ада́ма спаса́я, Всечи́стая, бла́гостию.

Седа́лен, глас 4.

Подо́бен: Удиви́ся Ио́сиф:

Благоче́стия щитом покрыва́еми до́бре/ и ору́жием Креста́ оде́явшеся тве́рдо,/ ополче́ния низложи́ша мучи́теля му́ченицы Христо́вы досточу́днии/ и, венце́м от Него́ увя́зшеся побе́ды,/ лику́ют непреста́нно с Го́рними Си́лами/ и Спа́са мо́лят спасти́ ду́ши на́ша.

Сла́ва, и ны́не, Богоро́дичен:

Треволне́нии страстны́ми безсо́вестный аз обурева́емь, Чи́стая,/ призыва́ю Тя те́пле:/ да не пре́зриши мене́, окая́ннаго, поги́бнути,/ бе́здну милосе́рдия ро́ждшая,/ ра́зве бо Тебе́ наде́жди не и́мам./ Да не враго́м у́бо обра́дование и смех наде́явыйся на Тя явля́юся,/ и́бо мо́жеши, ели́ка хо́щеши,/ я́ко Ма́ти су́щи всех Бо́га.

Крестобогоро́дичен:

Де́ва и А́гница, ви́девши на Кресте́/ без се́мене из Нея́ А́гнца ро́ждшагося и копие́м прободе́на,/ печа́ли уя́звена стрела́ми, вопия́ше, боле́зненно восклица́ющи:/ что но́вое та́инство?/ Ка́ко умира́еши, И́же живота́ Еди́н Госпо́дь?/ Те́мже воскресни́, па́дшаго воздвиза́я пра́отца.

Песнь 4

Ирмо́с: Христо́с моя́ си́ла,/ Бог и Госпо́дь,/ честна́я Це́рковь/ боголе́пно пое́т, взыва́ющи,/ от смы́сла чи́ста о Го́споде пра́зднующи.

Еди́наго благоутро́бнаго, Еди́наго Го́спода и Бо́га всех/ испове́дати му́ченицы возжеле́вше,/ чрез му́ки Того́ Ца́рство прия́сте.

Строга́ния теле́сная, о́гненная стремле́ния/ и звере́й, и мо́ря ю́ношески подъя́л еси́, пребога́те,/ си́лою Креста́, му́чениче Фи́рсе, укрепля́емь.

По́двигов ра́нами удобря́яся,/ ду́шу светле́йшу со́лнечнаго сия́ния соде́лал еси́,/ я́ко во́ин Христо́в, страстоте́рпче му́чениче Левки́е.

Богоро́дичен: Ма́терь безму́жну, Де́ву непоро́чну,/ нерастле́нну Отрокови́цу, в жена́х Еди́ну Тя зна́ем,/ Благослове́нная Мари́е, челове́ков исправле́ние.

Песнь 5

Ирмо́с: Бо́жиим све́том Твои́м, Бла́же,/ у́тренюющих Ти ду́ши любо́вию озари́, молю́ся,/ Тя ве́дети, Сло́ве Бо́жий,/ и́стиннаго Бо́га,/ от мра́ка грехо́внаго взыва́юща.

Боже́ственнейшими богосия́нно, му́ченицы всехва́льнии, заря́ми освяще́ни,/ преидо́сте безбо́жия непостоя́нную пучи́ну/ и к Боже́ственней тишине́ премину́сте.

Влачи́ми по земли́, му́ченицы всехва́льнии, лю́те и му́ками ураня́еми,/ Небе́сных че́сти получи́сте,/ А́нгелов согра́ждане ны́не бы́вше.

Любя́ умре́ти за Христа́, возлю́бльшаго тя я́ве, му́чениче Филимо́не,/ вмени́л еси́ прино́симыя я́звы телеси́ твоему́/ младе́нцев стреля́ния, Богоблаже́нне.

Богоро́дичен: Богоро́дицу Тя от души́, Влады́чице ми́ра Блага́я, испове́дующия спаса́й:/ Тя бо Предста́тельницу непобеди́му стяжа́хом,/ су́щую Богороди́тельницу.

Песнь 6

Ирмо́с: Жите́йское мо́ре,/ воздвиза́емое зря напа́стей бу́рею,/ к ти́хому приста́нищу Твоему́ прите́к, вопию́ Ти:/ возведи́ от тли живо́т мой, Многоми́лостиве.

Ве́тры дви́жими Боже́ственнаго Ду́ха, му́дрии,/ душе́вная вожде́ния во у́мная приста́нища прера́достно спасо́сте, му́ченицы,/ наслажда́ющеся ку́пно обоже́ния.

На колесни́цу пла́менну все́дше, страда́льцы,/ излия́нною кро́вию к Небесе́м восхи́тистеся и Бо́жию сла́ву получи́сте,/ от Него́ венцы́ побе́ды прии́мше.

Филимо́н и Левки́й, Аполло́ний ку́пно и Фирс приснопа́мятный,/ четвери́ца Боже́ственная и светоза́рная, Тро́ическое осия́ние,/ прича́стием Невеще́ственным обогати́шася.

Богоро́дичен: И́же вся́кия превы́шши мы́сленный – я́ко Бог – и ви́димыя тва́ри, вопло́щся,/ про́йде из Твоего́ чре́ва, соблю́д Тя нетле́нну,/ я́коже была́ еси́ пре́жде рождества́, Ма́ти Де́во.

Конда́к глас 2.

Подо́бен: Тве́рдыя:

Благоче́стия ве́ры побо́рницы, злочести́ваго мучи́теля оплева́вше,/ обличи́сте зверообра́зное его́ кровопроли́тие/ и победи́сте того́ я́ростное противле́ние,/ Христо́вою по́мощию укрепля́еми, Фи́рсе и Левки́е,/ с пострада́вшими о нас моли́теся.

Песнь 7

Ирмо́с: Росода́тельну у́бо пещь/ соде́ла А́нгел/ преподо́бным отроко́м,/ халде́и же опаля́ющее/ веле́ние Бо́жие мучи́теля увеща́ вопи́ти:/ благослове́н еси́, Бо́же оте́ц на́ших.

Одожде́нии Боже́ственными угаси́сте многобо́жия пещь,/ разже́гшеся Боже́ственною любо́вию прера́достно,/ и ны́не песнопое́те, страда́льцы:/ благослове́н еси́, Бо́же оте́ц на́ших.

Гоня́щаго Боже́ственною улови́вше мре́жею, досточу́днии, извлеко́сте из глубины́ ле́стныя/ и Христу́ приведо́сте, пою́ще те́пле:/ благослове́н еси́, Бо́же оте́ц на́ших.

Поколеба́сте ле́сти основа́ния, неколе́бленно произво́ление показу́юще/ и му́жествен ра́зум, страда́льцы,/ и ны́не песнопое́те благоче́стно:/ благослове́н еси́, Бо́же оте́ц на́ших.

Богоро́дичен: Па́че сло́ва Твое́ зача́тие, Богоневе́сто,/ Бо́га бо Сло́ва родила́ еси́,/ избавля́ющего безслове́сия вся́каго челове́ки и сло́во подаю́щи вопи́ти:/ благослове́н еси́, Бо́же оте́ц на́ших.

Песнь 8

Ирмо́с: Из пла́мене преподо́бным ро́су источи́л еси́/ и пра́веднаго же́ртву водо́ю попали́л еси́:/ вся бо твори́ши, Христе́, то́кмо е́же хоте́ти./ Тя превозно́сим во вся ве́ки.

Щитом благоче́стия защити́вся и Крест, я́коже копие́, восприе́м,/ полки́ враг неви́димых ссекл еси́, Фи́рсе доблему́дренне,/ му́чеников Боже́ственная сла́во.

Разжига́ем любо́вию Вседержи́теля,/ вшел еси́ му́жественно в му́ченическое суди́ще/ и, терпели́вно пострада́в, расто́ргл еси́ зми́я вели́каго,/ Филимо́не страда́льче.

Погруже́ну показа́в вра́жию си́лу,/ глубино́ю му́жества и терпе́ния твоего́, о Ариа́не,/ Ца́рствия сподо́бился еси́, неподви́жимаго во вся ве́ки.

Богоро́дичен: И́стинную Богоро́дицу испове́дающе Тя,/ я́ко А́нгел, ра́дуйся, вопие́м Ти:/ Еди́на бо Ра́дость на земли́ родила́ еси́, о Обра́дованная, Чи́стая, Благослове́нная!

Песнь 9

Ирмо́с: Бо́га/ челове́ком невозмо́жно ви́дети,/ на Него́же не сме́ют чи́ни А́нгельстии взира́ти;/ Тобо́ю бо, Всечи́стая, яви́ся челове́ком/ Сло́во воплоще́нно,/ Его́же велича́юще,/ с Небе́сными во́и Тя ублажа́ем.

Христо́ву страсть изобража́юще,/ искуше́ние мно́гих мук претерпе́сте, блаже́ннии;/ глава́ми же усе́чени бы́вше, сопричто́стеся чино́м Небе́сным,/ сла́вою облиста́юще и Боже́ственными луча́ми украша́еми.

Твои́ми кровьми́ багряни́цу омочи́л еси́, Фи́рсе му́дре,/ и в сию́ сла́вно оде́явся:/ и, я́ко скиптр Боже́ственный, держа́ Крест,/ со все́ми страстоно́сцы ра́дуяся, ны́не сца́рствуеши Христу́, Богоблаже́нне.

Ва́шим, блаже́ннии, удиви́шася А́нгельския си́лы подвиго́м,/ ра́нам, противле́нием, ну́ждней сме́рти;/ с ни́миже живу́ще, воспомина́ние сотвори́те о соверша́ющих ва́шу па́мять, всехва́льнии.

Богоро́дичен: В подо́бии челове́чи пло́ти из Твоего́ чре́ва Сло́во яви́ся ражда́емое/ и му́чеников мно́жество привлече́, стра́сти претерпе́в, Преблаги́й,/ Чи́стая Де́во Мари́е Богора́дованная.

Святые мученики Фирс, Левкий и Каллиник

Святые мученики Фирс, Левкий и Каллиник родились в Вифинской области – малоазиатской провинции Римской империи. Воспитание и образование святые получили в Кесарии Палестинской. Там же они пострадали за Христа в царствование римского императора Декия (249–251).

Святой Левкий обличал безумное идолопоклонство кесарийского правителя Кумврикия, за это был жестоко избит, а затем обезглавлен. Мученическая смерть святого Левкия воодушевила одного из оглашенных, по имени Фирс, прийти к Кумврикию и исповедать себя христианином. Правитель немедленно предал его пыткам. Святого избили, а затем, привязав к рукам и ногам ремни, растягивали в разные стороны с такой силой, что разошлись суставы.

Мученика ослепили, выбили зубы и перебили челюсти. Но святой Фирс остался верен Христу, претерпевая невыносимые страдания и поддерживаемый Господом. Тогда правитель приказал положить святого на железный одр и поливать кипящим оловом. И здесь проявилась несомненная помощь Божия: олово разлилось и обожгло многих язычников, святой же встал невредимым, как прежде; глаза его стали видеть. Мученика снова отдали на пытки, а затем бросили в темницу. В ней святой Фирс усердно молился, чтобы Господь дал ему возможность принять святое Крещение. Оковы его спали, и запертые двери сами раскрылись. Святой Фирс беспрепятственно вышел наружу, он нашел Кесарийского епископа Филея и принял от него святое Крещение. Затем он возвратился в темницу, готовый на новые страдания.

Многие язычники, видя чудеса святого, уверовали во Христа. Среди них был и языческий жрец Каллиник. Его усекли мечом. Мученик Фирс после многих пыток преставился ко Господу.

Тропа́рь, глас 5:

Воспо́йте у́бо, вси лю́дие,/ в Трие́х Ипоста́сех Еди́наго Бо́га,/ на Небесе́х непости́жно пребыва́ющаго,/ манове́нием же вся́ческая управля́ющаго,/ на зе́млю же щедро́тно призира́ющаго,/ в пусты́нном же пребыва́ющаго проти́ву неви́димых враго́в,/ уго́дника Своего́ преподо́бнаго Иларио́на укре́пльшаго,/ того́ моли́твами, Бо́же, поми́луй и спаси́ нас.

Святитель Иларион, митрополит Суздальский и Юрьевский

Святитель Иларион, митрополит Суздальский и Юрьевский, в миру Иоанн, родился 13 ноября 1631 года в семье нижегородского священника Анании и его жены Мелании. Отец Иоанна славился глубоким благочестием и начитанностью. Он начал учить сына грамоте в трехлетнем возрасте. Господь даровал Иоанну особенные способности: через год он уже мог читать Псалтирь и другие книги Священного Писания. В пять лет Иоанн читал в церкви и был канонархом. После смерти супруги отец Анания оставил паству, дом отдал на попечение старшим сыновьям, а сам удалился в Спасо-Преображенский монастырь вместе с малолетним сыном Иоанном. В 1652 году он был одним из трех кандидатов на Патриарший престол, избираемых вместе с будущим Патриархом Никоном.

В безмолвии монастыря, церковных службах, молитве и посте протекло детство будущего святителя. Братья не сочувствовали аскетическому настроению юноши и уговорили Иоанна жениться на Ксении, дочери священника. Брак был счастливым, но непродолжительным: через полтора года жена его умерла. Это послужило указанием Иоанну вернуться на иноческий путь. В этом намерении утвердил Иоанна его отец – иеромонах Антоний. «Не ищи себе покоя на земле, ни богатства, ни славы»,– говорил старец Антоний своему сыну перед кончиной.

Не сразу Иоанн выбрал место для иноческой жизни. При посещении Флорищевой пустыни, где жили всего четыре человека, он дал обет поселиться в ней. Основатель пустыни – схимонах Мефодий – предсказал, что Иоанн создаст здесь обитель. Место это находилось в девственном лесу на Флорищевой горе, недалеко от местечка Гороховца.

Родные, узнав о намерении Иоанна, стали отговаривать его от иночества. Тот стал колебаться и почти согласился вступить вторично в брак, но неожиданно ослеп. Так повторялось трижды: как только Иоанн хотел нарушить свой обет, Господь наказывал его слепотой. В удрученном состоянии он отправился в Троице-Сергиеву обитель, где со слезами молился у мощей преподобного Сергия о своем исцелении. Преподобный Сергий явился ему в видении, приказал идти во Флорищеву пустынь и обещал свою помощь. К Иоанну вернулось зрение.

Из Свято-Троицкого Сергиева монастыря Иоанн поехал к брату жены – Коломенскому епископу Павлу, который 11 декабря 1653 года постриг его в монашество с именем Иларион. Епископ Павел хотел оставить его у себя, но молодой инок горел желанием вернуться в указанную волей Божией Флорищеву пустынь.

Трогательна была встреча монаха Илариона со старцами. Они во время его отсутствия построили деревянную церковь в честь Успения Пресвятой Богородицы с приделом преподобного Ефрема Сирина. 22 мая 1654 года Патриарх Никон по просьбе братии посвятил Илариона в сан иеромонаха, признав его «зело искусным в Священном Писании».

Иеромонах Иларион удивлял своими подвигами даже духовно­опытных иноков: ночи он проводил в бдении, полагая по 1000 поклонов, пищу вкушал через день, а иногда через два-три дня, в посты же оставался без пищи всю неделю. Свое тело он изнурял тяжелой работой по благоустройству пустыни, а короткий отдых посвящал чтению святых книг.

Во время моровой язвы 1654 года умерли все иноки Флорищевой пустыни, кроме Илариона. Некоторое время он жил один, но затем переселился поближе к селению Афанасьеву. Окрестные жители помогли построить келлию, но так как она была срублена из сырых деревьев, то святой Иларион всю зиму терпел сырость и холод. Весной он возвратился в пустынь вместе с присоединившимся к нему для совместных подвигов монахом Ионой. Вскоре собралось до 15-ти человек братии. Иноки расчистили дороги, устроили мосты через реки и ручьи, и с тех пор обитель начали посещать богомольцы. Была построена теплая зимняя церковь, так как первая церковь, построенная старцем Мефодием, сгорела. Вокруг новоустроенной обители насельники возвели ограду.

Во время беспрерывного труда по устройству обители священноиноку Илариону пришлось пережить тяжелые искушения. При строительстве в обители каменной церкви возникли разногласия между строителями. Святой Иларион скорбел об этом и стал сомневаться в начатом деле. С такими мыслями он однажды уснул в храме после службы. Во сне ему явилась Божия Матерь и сказала: «Перенеси Мой образ, называемый Владимирский, из теплой церкви и поставь его в новосозидаемой каменной, и Я буду тебе там Помощницей». Святой Иларион собрал иноков. Под торжественный звон колокола и молебное пение они перенесли икону Богоматери в строившуюся церковь и поставили среди лесов. С тех пор дело пошло успешно. Когда строители ночью отдыхали, иноки помогали в строительстве, они носили кирпичи, песок, тесали доски.

Однажды во время вечернего иноческого правила, которое игумен Иларион совершал вдвоем с иеродиаконом, в церковь ворвались грабители. Они убили иеродиакона, а игумена начали жечь огнем, требуя денег. Матерь Божия не оставила без помощи святого Илариона: разбойники внезапно услышали множество голосов, хотя никого поблизости не было, и в страхе разбежались.

В неурожайные годы в обители не хватало хлеба, и братия роптали, что святой Иларион и в это время не отказывал в пропитании странникам и богомольцам. Но игумен надеялся на помощь Божию и действительно получал ее: когда иссякали последние запасы, благотворители привозили в обитель хлеб.

Кроме внешних искушений, святому Илариону пришлось перенести и тяжелую внутреннюю брань. Три года помыслы сладострастия и уныния одолевали подвижника. Царица Небесная и святые угодники и в этой брани поддерживали святого. Так, когда под влиянием нечистых помыслов в сновидениях он решил не служить Божественных Литургий, Святитель Николай явился ему во сне и повелел, не смущаясь видениями духа злобы, ежедневно совершать Литургию. Когда же ни строжайший пост, ни тяжелый труд не избавили святого от этих помыслов, так что он впал в уныние, во сне явилась ему Пречистая Дева и укрепила его.

Но самое тяжкое испытание было связано с событием, которое едва не отдалило игумена Илариона от Православной Церкви. В начале пятидесятых годов XVI века под руководством Патриарха Никона в Русской Церкви началось исправление Богослужебных книг и обрядов по образцу греко-восточной Церкви. Были напечатаны и разосланы по всем храмам и монастырям новые Служебники. С одной стороны, сомнение в правильности исправленных книг, а с другой– нежелание ослушаться Патриарха с одинаковой силой терзали душу святого Илариона. Он наложил на себя строгий пост и долго со слезами умолял Господа открыть ему истину. Молитва святого была услышана, и он удостоился видения. Однажды после потребления Святых даров он увидел на Чаше Кровь и услышал голос: «Совершается ли служба по прежним книгам или по новоисправленным, сила Таинства остается та же». С этой минуты все сомнения Илариона исчезли, и он беспрекословно повиновался Патриарху.

В обители игумен Иларион ввел строгий устав: все было общее, трапеза совместная, кроме больных и немощных, все трудились в монастырских послушаниях. Во время Богослужения иноки стояли так тихо, что, казалось, в церкви никого нет.

За праведную жизнь, кротость и смирение Господь прославил преподобного Илариона даром прозорливости и дал власть над нечистыми духами.

Монастырь святого Илариона привлекал многочисленных богомольцев. Его посещал царь Федор Алексеевич, полюбивший душеспасительные беседы с игуменом Иларионом. Он подарил обители несколько икон письма Симона Ушакова, родственника святого Илариона.

11 декабря 1682 года святой Иларион был рукоположен в сан архиепископа Суздальского и Юрьевского и вскоре возведен в сан митрополита. В Суздальской епархии святитель Иларион строил, восстанавливал и украшал храмы. Только в Суздале на его средства было построено 5 церквей и перестроен древний собор. Богослужение при святителе Иларионе получило особую торжественность. Он учредил крестные ходы и устроил для них особые иконы и большие фонари, которые и ныне употребляются во время крестных ходов. Святитель Иларион часто говорил проповеди и поучал приходивших к нему за наставлениями. Особенную заботу он проявлял о вдовах и сиротах, а также благотворил бедным, кормил нищих и убогих. О нестяжательности святителя свидетельствует то, что после смерти у него нашли всего три полушки денег.

25 лет управлял святитель Иларион Суздальской епархией. 18 сентября 1698 года, по благословению Патриарха Адриана (1690–1700), митрополит Иларион открыл святые мощи преподобной Евфросинии Суздальской († 1250; память 25 сентября). Незадолго до смерти от многих слез он лишился зрения, но не прекратил служение.

Святитель Иларион скончался 14 декабря 1707 года и был погребен в суздальском соборе в честь Рождества Пресвятой Богородицы. У гробницы святителя Илариона совершались чудеса и многие исцеления, до двадцати из них засвидетельствованы в древнем Житии святителя. Например, суздальцы Иван Силуянов и Иван Болотников исцелились от опухоли горла, а жена священника Мария Стефанова – от слепоты. Житие митрополита Илариона составлено его учениками, оно было впервые издано в 1868 году.