Глава 36

Глава̀ л҃ѕ.

И҆ бы́сть во четвертоена́десѧть лѣ́то ца́рствꙋющꙋ є҆зекі́и, взы́де сеннахирі́мъ ца́рь а҆ссѷрі́йскъ на гра́ды твє́рды і҆ꙋдє́йски и҆ взѧ̀ ѡ҆́ныѧ.

в҃. И҆ посла̀ ца́рь а҆ссѷрі́йскъ раѱа́ка ѿ лахі́са во і҆ерⷭ҇ли́мъ ко царю̀ є҆зекі́и съ си́лою вели́кою, и҆ ста̀ ᲂу҆ водова́жды кꙋпѣ́ли вы́шнїѧ на пꙋтѝ села̀ кнафе́ова {бѣли́льнича}.

г҃. И҆ и҆зы́де къ немꙋ̀ є҆лїакі́мъ сы́нъ хелкі́евъ домострои́тель, и҆ сомна́съ книго́чїй, и҆ і҆ѡа́хъ сы́нъ а҆са́фовъ памѧтопи́сецъ.

д҃. И҆ речѐ и҆̀мъ раѱа́къ: рцы́те є҆зекі́и: сїѧ̑ глаго́летъ ца́рь вели́кїй, ца́рь а҆ссѷрі́йскъ: на что̀ ᲂу҆пова́еши;

є҃. є҆да̀ совѣ́томъ и҆ словесы̀ ᲂу҆́стными би́тва быва́етъ; и҆ нн҃ѣ на кого̀ ᲂу҆пова́еши, ꙗ҆́кѡ не покарѧ́ешисѧ мнѣ̀;

ѕ҃. сѐ, ᲂу҆пова́еши на же́злъ тро́стѧнъ сокрꙋше́нный се́й, на є҆гѵ́петъ, на него́же а҆́ще ѡ҆пре́тсѧ мꙋ́жъ, вни́детъ въ рꙋ́кꙋ є҆гѡ̀ и҆ прободе́тъ ю҆̀: та́кѡ є҆́сть фараѡ́нъ ца́рь є҆гѵ́петскїй, и҆ всѝ ᲂу҆пова́ющїи на него̀:

з҃. а҆́ще же глаго́лете, на гдⷭ҇а бг҃а на́шего ᲂу҆пова́емъ: не се́й ли є҆́сть, є҆гѡ́же разорѝ є҆зекі́а высѡ́каѧ и҆ трє́бища є҆гѡ̀, и҆ заповѣ́да і҆ꙋ́дѣ и҆ і҆ерⷭ҇ли́мꙋ: пред̾ ѻ҆лтаре́мъ си́мъ поклони́тесѧ;

и҃. нн҃ѣ соедини́тесѧ господи́нꙋ моемꙋ̀ царю̀ а҆ссѷрі́йскꙋ, и҆ да́мъ ва́мъ двѣ̀ ты́сѧщы ко́ней, а҆́ще мо́жете да́ти всѣда́ющыѧ на ни́хъ:

ѳ҃. и҆ ка́кѡ мо́жете ѿврати́ти лицѐ воево́ды є҆ди́нагѡ; рабѝ сꙋ́ть, и҆̀же ᲂу҆пова́ютъ на є҆гѵ́птѧнъ, на ко́ней и҆ вса́дникѡвъ:

і҃. и҆ нн҃ѣ є҆да̀ без̾ гдⷭ҇а прїидо́хомъ на странꙋ̀ сїю̀, воева́ти на ню̀; гдⷭ҇ь речѐ ко мнѣ̀: взы́ди на зе́млю сїю̀ и҆ погꙋбѝ ю҆̀.

а҃і. И҆ речѐ къ немꙋ̀ є҆лїакі́мъ и҆ сомна́съ книго́чїй и҆ і҆ѡа́хъ: глаго́ли къ рабѡ́мъ твои̑мъ сѵ́рски, разꙋмѣ́емъ бо мы̀, а҆ не глаго́ли къ на́мъ і҆ꙋде́йски: и҆ вскꙋ́ю глаго́леши во ᲂу҆́шы человѣ́кѡмъ сѣдѧ́щымъ на стѣнѣ̀;

в҃і. И҆ речѐ къ ни̑мъ раѱа́къ: є҆да̀ ко господи́нꙋ ва́шемꙋ, и҆лѝ къ ва́мъ посла́ мѧ господи́нъ мо́й глаго́лати словеса̀ сїѧ̑; не къ человѣ́кѡмъ ли сѣдѧ́щымъ на ѡ҆гра́дѣ, да ꙗ҆дѧ́тъ моты̑ла и҆ пїю́тъ мо́чь съ ва́ми вкꙋ́пѣ;

г҃і. И҆ ста̀ раѱа́къ, и҆ возопѝ гла́сомъ ве́лїимъ і҆ꙋде́йски и҆ речѐ: слы́шите словеса̀ царѧ̀ вели́кагѡ, царѧ̀ а҆ссѷрі́йска:

д҃і. сїѧ̑ глаго́летъ ца́рь: да не прельща́етъ ва́съ є҆зекі́а словесы̀, не мо́жетъ и҆зба́вити ва́съ:

є҃і. и҆ да не глаго́летъ ва́мъ є҆зекі́а, ꙗ҆́кѡ и҆зба́витъ вы̀ бг҃ъ, и҆ не преда́стсѧ гра́дъ се́й въ рꙋ́цѣ царѧ̀ а҆ссѷрі́йска:

ѕ҃і. не слꙋ́шайте є҆зекі́и: сїѧ̑ глаго́летъ ца́рь а҆ссѷрі́йскїй: а҆́ще хо́щете благослове́ни бы́ти, и҆зыди́те ко мнѣ̀ и҆ ꙗ҆ди́те кі́йждо вїногра́дъ сво́й и҆ смѡ́кви, и҆ пі́йте ѿ пото́ка ва́шегѡ,

з҃і. до́ндеже прїидꙋ̀ и҆ поимꙋ̀ вы̀ въ зе́млю, ꙗ҆́же а҆́ки ва́ша землѧ̀, землѧ̀ пшени́цы и҆ вїна̀ и҆ хлѣ́бѡвъ и҆ вїногра́дѡвъ:

и҃і. да не прельща́етъ ва́съ є҆зекі́а, глаго́лѧ: бг҃ъ ва́шъ и҆зба́витъ вы̀: є҆да̀ и҆зба́виша бо́зи ꙗ҆зы́честїи, кі́йждо странꙋ̀ свою̀ ѿ рꙋкѝ царѧ̀ а҆ссѷрі́йска;

ѳ҃і. гдѣ̀ є҆́сть бо́гъ є҆ма́ѳовъ и҆ а҆рфа́ѳовъ; и҆ гдѣ̀ бо́гъ гра́да сепфарі́ма; є҆да̀ возмого́ша и҆зба́вити самарі́ю ѿ рꙋкѝ моеѧ̀;

к҃. кто̀ ѿ богѡ́въ всѣ́хъ ꙗ҆зы́кѡвъ си́хъ, и҆́же и҆зба́ви зе́млю свою̀ ѿ рꙋкѝ моеѧ̀, ꙗ҆́кѡ и҆зба́витъ бг҃ъ і҆ерⷭ҇ли́ма ѿ рꙋкѝ моеѧ̀;

к҃а. И҆ ᲂу҆молко́ша, и҆ никто́же ѿвѣща̀ є҆мꙋ̀ словесѐ, повелѣ́нїѧ ра́ди царе́ва, да никто́же ѿвѣща́етъ.

к҃в. И҆ вни́де є҆лїакі́мъ сы́нъ хелкі́евъ домострои́тель, и҆ сомна́съ книго́чїй си́лы, и҆ і҆ѡа́хъ сы́нъ а҆са́фовъ памѧтопи́сецъ ко є҆зекі́и въ расте́рзаныхъ ри́захъ и҆ повѣ́даша є҆мꙋ̀ словеса̀ раѱа́кѡва.

Глава тридцать шестая.

1. И было в четырнадцатый год царствования Езекии: пошел Сеннахирим, царь Ассирийский, против укрепленных городов Иудеи и взял их.

2. И послал царь Ассирийский из Лахиса в Иерусалим к царю Езекии Рапсака с большим войском, и он остановился у водопровода верхнего пруда на белильничьем поле⁵¹⁴.

3. И вышел к нему Елиаким, сын Хелкии, домоправитель, и Сомнас, писец, и Иоах, сын Асафов, летописец.

4. И сказал им Рапсак: скажите Езекии: так говорит царь великий, царь Ассирийский: на что ты надеешься?

5. Ужели война – в совещаниях и устных словах? И на кого ты теперь надеешься, что не покоряешься мне?

6. Вот ты надеешься на Египет, на этот тростниковый надломленный жезл, на который, если кто опрется, то он войдет в руку его и проколет ее. Таков фараон, царь Египетский, и все уповающие на него.

7. А если скажете: на Господа Бога нашего уповаем, то не Тот ли Он, высоты и жертвенники Которого Езекия разорил и сказал Иуде и Иерусалиму: перед этим жертвенником покланяйтесь⁵¹⁵?

8. И ныне соединитесь с господином моим, царем Ассирийским, и я дам вам две тысячи коней, если сможете дать всадников на них.

9. И как вы можете заставить отступить одного вождя? – Рабы, надеющиеся на египтян, на коней и всадников.

10. И ныне разве без (воли) Господа мы пришли в эту страну, чтобы завоевать ее? Господь сказал мне: пойди на землю сию и разори ее.

11. И сказали ему Елиаким и Сомнас, писец, и Иоах⁵¹⁶: говори рабам твоим по-сирски, потому что мы понимаем, а не говори с нами по-иудейски, и зачем говоришь в слух людей, сидящих на стене?

12. И сказал им Рапсак: разве к господину вашему или к вам послал меня господин мой сказать слова сии; не к людям ли, которые сидят на стене, чтобы есть⁵¹⁷ помет и пить мочу вместе с вами?

13. И стал Рапсак и возгласил громким голосом по-иудейски и сказал: выслушайте слова царя великого, царя Ассирийского!

14. Так говорит царь: пусть не обольщает вас Езекия словами⁵¹⁸, он не может спасти вас.

15. И пусть не говорит вам Езекия, что спасет вас Бог и город сей не будет предан в руки⁵¹⁹ царя Ассирийского.

16. Не слушайте Езекии, так говорит царь Ассирийский: если хотите быть счастливыми⁵²⁰, выходите ко мне, и ешьте каждый виноград свой и смоквы, и пейте (воду)⁵²¹ из потока вашего,

17. Доколе я не приду и не возьму вас в землю такую же, как ваша земля, земля пшеницы и вина, хлебов и виноградников.

18. Пусть не обольщает вас Езекия, говоря: Бог ваш избавит вас. Избавили ли боги народов, каждый свою страну, от руки царя Ассирийского?

19. Где бог Емафа и Арфафа⁵²²? И где бог города Сепфарима⁵²³? Могли ли они спасти Самарию от руки моей?

20. Кто из богов всех народов сих избавил землю свою от руки моей? Так спасет ли Бог Иерусалим от руки моей?

21. И они умолкли, и никто не ответил ему ни слова, потому что дано было повеление от царя, чтобы никто не отвечал.

22. И вошли: Елиаким, сын Хелкии, домоправитель, и Сомнас, переписчик войска, и Иоах, сын Асафа, дееписатель, к Езекии, в разодранных одеждах, и пересказали ему слова Рапсака.