79. Около 1458 г. июля 25. Его же послание к полоцкому архимандриту Каллисту, по случаю избрания его в местные епископы

Из сборника графа A.С. Уварова № 512 (прежде Царского № 366), в котором находятся два списка этого послания: л. 225 об.–227 и л. 304–305; по первому издано было в Актах Исторических, т. I, 270. В настоящем издании приняты во внимание оба списка; последний, как более исправный, помещен в тексте.

Благословениe Ионы, митрополита киевского и всея Руси, о Святом Духе сыну нашего смирения, священноиноку архимандриту, а по благоволению ²⁷⁶⁰ Божьему, настоящего нынешнего времени сущему наместнику полотской епископии, нареченному в настоятельство того священного столца, старцу Каллисту. Грамота твоя, нашего сына, пришла к нам, и познахом на ней о всем, еже пишешь к нашему смирению и речами наказываешь, воспоминая еще прежний свой благой начаток в ангельский образ и рукополагательство на себя от нашего смирения в тот благой душеспасительный подвиг: и то, сыну, велми гораздо делаешь, что и прежнее лучшее воспоминаешь и незабытна к Богу творишь и к своей душевной пользе. Также, сыну, и то нам возвещаешь, как же то, Богу благоволящу, а великому господареви, господину и сыну нашему, великому королю, Бог положил на сердце и пречистая Богородица, и всем благородным князьям русским и боярам тамошним, и священникам, и всему христоименитому ²⁷⁶¹ Господнему людству православной нашей христианской ²⁷⁶² веры, детям нашим, полюбили тебя, чтобы тебе быть у них туто ²⁷⁶³ епископом; ино, сыну, и мы о том Бога молим и пречистую его Богоматерь, и благодарствуем помногу человеколюбие Божье, чтобы то доброе начатое дело Бог своим милосердием навершил; а мы, сыну, тому велми рады. А что, сыну, пишешь о поставлении и за чим то ²⁷⁶⁴ еще как не сводно: ино то, сыну ²⁷⁶⁵ , Богу ведомо, что велми есмь хотел быть в дому пречистой Богородицы, в Святой Софии ²⁷⁶⁶ , и у великого господаря и у великого Короля, коли был в своей отчине, в литовской земле, а здравие великого господства xoтел есмь видеть, и благословить, и Бога о нем молить (а и где бых, сыну, ни был, его же есмь всегдашний богомолец), но своей, сыну, старостью и за своей тогда немощью не могл есмь к нему поехать. А даст ли Бог, сыну, великий господарь, сын наш, великий ²⁷⁶⁷ король подближает в свою отчину, а нам про него будет извещениe, и мы яже возможем, Бог нам подаст силу, старость нашу укрепит здравием, а не будет нам отколе ²⁷⁶⁸ помятны: и мы, Богу помолясь, навсяко хотим у него быть, а по Божьей благодати и по великой его милости, а по великого господаря, великого короля повелению и по жалованию, и твое дело, нашего сына, Богу благоволящу, тогда Богом свершено будет. А милость Божья и молитва моя и благословение да есть о всем с вашим великим истинным православием. Писана июля 25. ²⁷⁶⁹