51. 1422 или 1425 г. сентября 24. Его же грамота в Псков с наставлениями о различных предметах церковной дисциплины

Из рукописи Румянцевского музея № 204, л. 438–445; сверена со списком, находящимся в синодальном сборнике № 562, л. 398–402. В печати до сих пор известна была только по отрывку (о вдовых попах), приведенному в Стоглаве (казан. Изд. Стр. 347–349). Грамота писана после 1417 г., так как она адресована, между прочим, к учрежденному в этом году собору св. Николы (Полн. Собр. Лет. V, 22). Упоминаемые в ней «казни смертоносные» были в 1422 и 1425 г. (См. там же, стр. 23–25): вот почему эти года и выставлены в оглавлении.

Благословение Фотия, митрополита киевского и всея Руси во Псков, собору святой Троицы и собору святой Софии и собору святого Николы, игуменам и попам, и священническому всему и иноческому чину, и посаднику Феодосью Фефиловичу ²¹¹⁵ и старым посадникам, и всему Пскову, христоименитым Господним людям, живущим всем под законом Божьим. Что есте вы, Господни священники и игумены и попы и диаконы, писали ко мне со своим братом священником попом Иевом, и о том слышал есмь, как туто уничижение и поносъ на чин великого Божьего священства, и како судят вас: где вам что взять, или кто поклеплет вас, и велят вам ²¹¹⁶ облещи себя во всю одежду священническую, и таковою ротою судят вас. И таковы убо бесчиния ни в писании обретох, ни слышах где. А убо в том сане священническом ни ²¹¹⁷ к царю временну посылаемы есте, но к Царю царствующим и Господу господствующим. И тамо, идеже предстоите, и тамо и ангелам предстоящим, тех одеяниях ваших священных касающеся. И на сей той священнический сан ²¹¹⁸ устройся. И вы же убо; посадники и все христоименитое Господнее людство смотрите о сем, иже отселе да не будет таковой понос и рота чину великого Божьего священства. Понеже бо неудоб разумеваю, откуда таковое бесчинье введется ту в вас: мирским и рота – целованием крестным на имениях, и чину великого Божьего священства рота – их священным саном. А убо не предана есть христианам православным рота, и не ротой судить повелено есть, но по Христову евангельскому глаголющему слову судяще: «пред двумя или тремя свидетелями, да станет всяк глагол». И тако повсюду священничество судится, и без двух или без трех свидетелей достоверных священников не осуждается. И в вас убо то не вем, како тое и самое евангельское слово оставлено бысть, и ротой судимо есть Божье священство. И имже саном священник одеян всегда предстоит Царю царствующим и Господу господствующим, всегда Христово тело и честную кровь в том сане держаще, ангельскими лики оступлен, и тако тем саном священник одеян изводятся на тризнища и на понос и на бесчестия, и тако судом вашим, той ротой священного своего сана, от вас осуждаемы суть. И сего ради благословляю ваше православие, отселе да не будет таковой суд на великое Божье священство, но суд да будет Божьей правды со свидетелями достоверными.

А что ми пишете вы священники: которого отца от вас сын духовный в запрещении каком, и отходит к другому, и другой того приимает: и о том убо по правилам приемляй священник в запрещении сына духовного чужого, а не с волей и с нe отпущением отца первого, и приимаяй убо сына чужого сам той священник запрещение приимет, от священства воздержится, донележе еже останется от таковых; а приятый сын к первому отцу да приходит.

А что ми пишете, что который поп овдовеет, и он ся женит: ино то бесчинственно есть: понеже не земного царя той бысть служитель, но небесного. И который ради сладострастия сотворив такое ²¹¹⁹ оженится, а пол тела своего мертвенного земли предаст, и той убо преобидит Божье служительство. А попадье тако же нелепо ходить за муж: понеже едино бысть тело преже со своим мужем, и то убо есть яко пол тела мертвого.

А что ми пишете, что суть у вас таковые: одеяние ангельского образа с себя сложив, да мирское на ся взем, и в миру живут, и таковые убо яко поругатели суть тому великому ангельскому образу; и о таковых есмь преже много к вам писал и ныне пишу, что и с нуждой да приводите тех в монастырь, и облекая ²¹²⁰ в одеяния иноческие.

А что ми пишете, что которого ради какова дела жена, утаився мужа своего, и идет в монастырь, и игуменьи таковых постригают: ино те игуменьи в запрещении суть и во воздержании от священства. А муж убо или жена в болезни или не в болезни, который ²¹²¹ похочет от них к чину иноческому, и муж убо жене волю дает и ножницы, а жена такоже мужеви. А инако несть предано постригать.

А что ми пишете, что и чернецы от мужей жены постригают, а без игуменов: ино тех постригающих должно есть показнить заточением в монастыри, в храмине или в яме; а которая постриженная ²¹²² , платье чернеческое на ней было, и именовала на себе инокини, и та от игумена совершена пострижением да будет.

А что ми пишете, что игумени по миру жены мужеские в покаянии держат: ино аже ²¹²³ не нужи рада, нелепо игуменом венчания творить, ни в рожении женам молитвы даять, ниже в покаянии жену держать; а старцу духовному и во иночестве утверждену игумену, человеку добродетельну, не отлучено и жены в покаянии держать.

А что ми пишете, что который игумен при смерти пострижет которого мужа или жену, и как мне пишете, что игумени не велят попу бельцу ни проводить, ни петь, ни поминать тех душ: ино без игумена несть достойно проводить и петь попу бельцу, а с игуменом достойно и попу бельцу проводить и петь. А поминать всегда умерших душа и игумену и попу единако вольно ²¹²⁴ есть. А нужа лучится, игумена не будет, ино попу бельцу и проводить и петь.

А что ми пишете, что который человек первую жену отослав или вторую, да поимеет ²¹²⁵ третью, или четвертую, а попове их благословляют: ино те попы, по правилам, без священства суть. ²¹²⁶

А что ми пишете, что много у вас и пятероженцев и многоженцев, ино в христианстве православном нигде так не слышах, и Богу ведомо, колико ми о том рыданье есть, како заблудших зело, иноверственных, в Божьей пастве и ²¹²⁷ избранной такое беззаконие бысть: ради тела тленного, мертвенного, вмале растлимого червьми, душам единородным погубление бысть. ²¹²⁸ И о четвероженцах ²¹²⁹ убо преже к вам писах и ныне пишу. А о пятероженцах и многоженцах вам пишу: в том беззаконии будущих, якоже убо окаянного Магомета ереси ²¹³⁰ будущих, отлучайте и тех Божьей церкви, и блюдуще никако приношения приимать от них, ни доры не дающе им, ни Богородичного хлеба. А аще останутся от тех беззаконий и с рыданием обратятся, каясь тех своих грехопадениях, и по епитимиях да сподобите их к церквам Божьим приходить, и потом и за многое по многих епитимиях исправление их ²¹³¹ , и дору даять им и Богородичный хлеб. А святое причастиe при часе смертном вдати таковым. И о тех есть о том в Божьих судьбах.

А что ми пишете, что дьякон растригину жену понял, скимникову: ино и тех разлучить должно есть; а аще не разлучатся, и епитимиями великими связать тех.

А что ми пишете, что поп вдовец попадью ²¹³² понял, ино тe яко мертвы, посполу суще (полу бо их телеса мертва суща и земли предана), и той убо бывый поп яко преобидник Божьего служительства бысть; а та попадья, не сохранив чистоту единого своего тела с первым своим мужем, и достоит тех разлучить.

А что пишете, что и проскурници за муж ходят, ино тe преже как были Богу на службу себя вдали и чисте свои руки уготовили, а потом изволиша не духовное мудрствовать: но по ²¹³³ плоти ходить, и таковых достоит ходящим по духу удаляться.

А что ми пишете, что суть у вас которые проскурници, и ²¹³⁴ мясо ядят и просфоры пекут: ино о ядении мяса не толико есть отдучение; но аще и мяса ²¹³⁵ ядят, но довлела бы в тех паче чистота духовная и телесная и покаяние всегдашнее к отцу духовному.

А что ми пишете, что которые попы, без нужды великой оставив церковь, и к иной преходят: ино тое не предано есть божественными Отцами; но к которой церкви пресвитер поставлен бысть и написан ²¹³⁶ от епископа, и тамо должен есть и до живота служить тому Божьему престолу, и нужду претерпевая, аще кого не епископ изведет, или люди града того, по воли же епископа.

А что ми пишете, что суть в вас некоторые попове, до обеда пьют в праздники и в иные дни: ино который священник до обеда пьет, и таковой первое и второе и третье да накажется ²¹³⁷ , яко да престанет. А по семь того аще нерадить начнет, ино воздержание от священства таковому 40 дней.

Да ²¹³⁸ слышание мое, что деи суть в вас которые попы и диаконы вдовцы, тако и пребывают в мирских и священствуют: ино священником мирским, докогда Богу благоволившу во временной их жизни с их подружии быть, и тогда и священство их бысть; а егда Богу вземшу их подружия и, по вышереченному, пол их телес то мертвых суть, и земля своего тела естественного в растление червям прият: и должны суть таковые, благодаря Божьи судьбы и его повеление, в монастыри отходить и во иноческие одеяния от настоятеля духовного игумена остричь себя, и о своих согрешениях и о своем конце и о своем ответе рыдающе, и обновив себя всем чистым покаянием к своему духовному отцу, и по достоинству, аще суть достоны, и тогда да священствуют таковые в монастырях, а не в мирских. И се же убо, по божественных Отцов преданию, во всей своей святейшей митрополии, отнюдуже в ню придох, и таковое запрещение и заповедь священникам вдовствующим возложих. Но ныне, како грех ради наших, нужи ради и ради Божьих казней смертоносных, на ны належащих, на мало время от воздержания и тех разреших. А ваше великое Божье священничество благословляю от мирских преити ²¹³⁹ , с обновлением всяко духовным, по достоинству, во священноиноческая, и юже ризу подобия одеяния ангельского восприять хотите, и тако сию нескверну и чисту потщите себе с единородной своей бессмертной душой представить ²¹⁴⁰ своему Владыце. А ослушание о семь никако да будет в вас, еже в мирских священнствовать. ²¹⁴¹ Вас же, великое Божье священство, мирских, благословляю о поискании о всем, рассуждения духовного, еже ищете от смирения нашего, и молю, ако да и дела тако ваша ²¹⁴² всяка ²¹⁴³ спослествуют ²¹⁴⁴ словесем тем, собой доброго образа всем подавающе, и яко да о пастыре язрядне паства возвеселится и оба исполнятся благости.

Да и о семь же Господни священники смотрите: о сущих тех в вас развращенных от врага диавола стригольниках прилежно зрите, како направить их в богоразумие и в познание истины Евангелия слушать и апостольских и отеческих преданий. ²¹⁴⁵ А егда держаще себя будут в преданиях евангельских и апостольских и отеческих, и тогда ²¹⁴⁶ могут Бога и отца себе нарицать. А аще диавольским занятием и злоухищрением до конца будут таковые, зовоми стригольники, от Бога, отпадающе, и блюдете от таковых, никако в ястии и питьи верным с теми соприобщатися; но блюдете от таковых и освященных, еже да не предайте како святая псом, ни да помещете бисера пред свиньями: ибо ²¹⁴⁷ ожидает таковых геена и огнь неугасаай. И сего ради всяко потщите себя вы, священники Господни и богоразумное Христово людство, от сего ²¹⁴⁸ освобождение ²¹⁴⁹ тем подавайте, благоуветне всяко тех возводяще от помрачения в прозрение духовных очей и в познание богоразумия истины Евангелия, а зело нерадящих о сем – и нуждами (толико кровь и смерть) да не будут на таковых, но инако всяко ²¹⁵⁰ и заточеньми приводите тех в познание, да не погибнут, ни снидут во ад в помрачении своем.

А Божья же о всем благодать и милость и молитва моя и благословенье да есть о всем с вашим истинным Господним священничеством и со всем вашим православием христоименитого людства, живущего в законе Божьем. А дана грамота на Москве, месяца сентября в 24.

Да и о сем же еще слышах от попа Иова, что деи собор святой Троицы и собор святой Софии и собор святого Николы, игумены и попы ²¹⁵¹ , возбраняют вам от игрищ неподобных диавольских, от плескания: зане тая игрища неподобственная – эллинская суть, и святыми Отцами ²¹⁵² не предана суть, и никако повелена творить, но отлучена суть. Да еще слышание мое, что деи заговев великий святой пост, еже есть Божье десятование всего лета, и простые деи люди бой и плищь стваряют и позорища бесчинные, еже суть Богу мерзкие и ненавидимые. И о том благословляю великое ваше православие, чтобы отселе того бесчиния в вас не было. А милость Божья да есть со всеми вами.