Избранные труды святителя Афанасия

Избранные псалмы – это особый вид церковной поэзии, когда текстами древнейших авторов характеризуются события и лица ближайших к нам времен, когда словами ветхозаветных библейских гимнов воспеваются новозаветные праздники, прославляются христианские подвижники, возносится хвала Господу за проявление милостей Его к Православной Церкви и к православным людям в новейшие времена. В богослужебном исполнении пение на праздничной утрени избранного псалма должно переплетаться с пением многократно повторяемого после каждого псаломского стиха так называемого «величания» или краткого хвалебного песнопения в честь воспоминаемого события или прославляемого угодника Божия.

Величания и избранные псалмы обычно печатаются в конце Псалтири в Ирмологионе. В Минее месячной (за исключением некоторых новейших служб) о них нет упоминания. Их не знает наш Типикон, по которому отличие полиелейных праздников заключается только в пении полиелейных псалмов 134-го и 135-го со следующей непосредственно за ними ектенией и всем, что далее предшествует чтению Евангелия. Такое умолчание о величаниях и избранных псалмах объясняется тем, что они появились значительно позднее того, как в основном сложился наш церковный устав. Как нечто новое, необычное и особливо торжественное, первоначально величания предназначались лишь для великих праздников, для которых и было составлено семнадцать величаний и избранных псалмов (на праздники Господские [9], Богородичные [4], Архангелов, два Предтечевых и Первоверховных апостолов). На случай храмовых праздников, приравниваемых церковным уставом к великим, составлены общие величания и псалмы святителям, мученикам и преподобным и величание апостолам. В качестве общего псалма каждому из апостолов указан псалом на 29 июня.

Новый вид праздничных похвал так пришелся по душе православным, что с течением времени величание стало необходимой частью не только великих праздников, но и всех средних. В настоящее время ни один полиелейный праздник не может быть представлен без величания. Но при обилии полиелейных праздников, данных в Псалтири величаний и избранных псалмов совершенно недостаточно. В отношении величания еще можно как-либо выходить из затруднения, употребляя в праздники Богородичные составленное позднее основных общее величание Богородице: Достойно есть величати Тя: а в праздники святых величание святительское, которое в известном смысле может быть применяемо к каждому святому⁹². В отношении же избранных псалмов для праздников, например, пророков, князей, юродивых, праведных, святых жен – мы оказываемся почти перед непреодолимыми трудностями. Ни один из даваемых в Псалтири общих псалмов к этим ликам не может быть применен. В старопечатных Псалтирях в псалме на 29 августа перед последними стихами, взятыми из песни пророка Захарии, делается замечание: «До зде праведным», чем дается указание на то, что этот псалом, за исключением евангельских стихов, может быть употребляем в праздники святых, на которые ни один из четырех общих псалмов не может быть признан подходящим. К сожалению, в наших Псалтирях и этого замечания нет. То обстоятельство, что во многие полиелейные праздники нельзя воспользоваться ни одним из существующих избранных псалмов было, можно полагать, одной из причин наблюдаемого в настоящее время почти полного игнорирования их, и даже в те праздники, на которые имеются особые, нарочитые псалмы. За исключением одного-двух стихов, их почти нигде не поют. Между тем избранные псалмы, как составленные из стихов библейских гимнов и богодухновенными словами Священного Писания характеризующие праздник, заслуживают особого внимания и самого тщательного и полного исполнения. В сущности, псалмы важнее величаний, являющихся припевами к стихам псалмов.

Недостаточность наличных величаний и псалмов сознавалась с давних пор, и с давних же пор предпринимались опыты восполнения этой недостаточности. Так было составлено общее величание Богородице. В некоторых старопечатных западно-русских Псалтирях давались величания на праздники Покрова Пресвятыя Богородицы и пророка Илии. В качестве псалма на праздник Покрова помещались избранные стихи 90-го псалма. В XVIII столетии были составлены величания и псалмы на Полтавскую баталию (27 июня) и на Ништадский мир (30 августа). В первой половине XIX столетия преосвященный Иннокентий Херсонский, будучи еще Вологодским, для установленного им праздника Всех Вологодских святых составил особое величание⁹³. В новейшее время составлены особые величания на праздники в честь некоторых икон Богоматери (Иверской, Боголюбской) и некоторых святых (равноапостолов Кирилла и Мефодия, князя Владимира). Одни из этих величаний внесены в изданную в начале XX столетия Дополнительную Минею, другие остаются в отдельно изданных службах. Но эти немногие исключения не могут изменить общего положения, а между тем Псалтирь дает обильный материал для составления нарочитых избранных псалмов на многие праздники⁹⁴. Многочисленные же знамения милости Божией к Православной Церкви и к нашему Отечеству, многообразные подвиги святых и проявления их загробного попечения о живущих на земле могут и должны быть отмечены в богослужении, в частности, новыми нарочитыми величаниями. Это и послужило побуждением к составлению, в дополнение к существующим, предлагаемых ниже величаний и псалмов. Первоначально предполагалось составить избранные псалмы лишь на некоторые немногие праздники, но постепенно выдвигались все новые памяти, на которые, казалось, можно и должно составить и особые величания, и особые псалмы, или, по крайней мере, в одном из составленных уже псалмов некоторые стихи заменить другими, более характерными для данной памяти. Так составился настоящий сборник, в котором, кроме величаний взятых из печатных книг, иногда несколько измененных, дано свыше ста вновь составленных величаний, тридцать общих и сто особых избранных псалмов. Как первый опыт, как труд единоличный, совершенный при полном отсутствии необходимых материалов и пособий, он нуждается в дополнительной переработке, изменениях и исправлениях.

Наличие в предлагаемом сборнике величаний на такие памяти, которые в уставе никогда не отмечались полиелейным знаком, отнюдь не значит, что предполагается внести изменения в церковный устав и для всех храмов умножить число полиелейных праздников. Новые величания и псалмы предназначаются лишь для тех случаев, когда по тому или иному поводу в каком-нибудь храме будет совершена служба по храмовой главе или с полиелеем. Но и помимо этого, величания в соответствующие праздники можно пропеть в конце молебна или по отпусте богослужения, а избранные псалмы могут быть употребляемы в качестве причастных стихов или прочитываемы на молебнах вместо положенного по уставу псалма 142-го. Они могут послужить и в качестве пособия для проповедников.

Избранные псалмы в наших богослужебных книгах имеют различное число стихов, от 13 (на Преображение Господне) до 32 (на Рождество Христово). В старопечатных Псалтирях в избранных псалмах стихов еще больше. Из вновь составленных псалмов только два имеют по 24 стиха – на два праздника Всех русских святых, а все прочие равномерно по 14 стихов. Применительно к этому сокращены и псалмы: Архангелам для 6 сентября (было 16), Пятидесятницы для дня Святого Духа (было 20), апостолам (было 20) и составлены новые псалмы, общие преподобным и мученикам. Древние псалмы: апостолам – сохранен для памяти первоверховных апостолов (29 июня) и Собора дванадесяти апостолов (30 июня); преподобным сохранен для памятей основоположников монашества преподобного Антония (17 января), Феодосия (11 января) и Саввы (5 декабря); мученикам – сохранен для памятей великомучеников Георгия (26 ноября и 23 апреля) и Димитрия (26 октября).

Даваемый в Псалтири избранный псалом святителю, первыми своими стихами призывающий всех живущих по вселенной внимать похвалам празднуемому святителю и его учению, огласившему всю вселенную, несомненно, первоначально предназначался для праздников в честь великих вселенских учителей, выдающихся проповедников и борцов за Православие. Для памяти других святителей, великих перед Господом, но более скромных в своей земной деятельности, действовавших не в столь широких масштабах и, например, в нашей Русской Церкви прославленных даже не к всероссийскому, а лишь к местному чествованию, – этот псалом не вполне подходит. Святые не нуждаются в преувеличении их земных подвигов, несоответствующие похвалы не приличествуют православному богослужению, недопустимы в устах молящихся. Поэтому в настоящем сборнике на праздники святителей дается три особых общих псалма: общий святителям, великим вселенским святителям и учителям и святителям-равноапостолам. Общий псалом святителям, даваемый в Псалтири, сохраняется лишь для 30 января, памяти трех великих святителей.

Во вновь составленных псалмах нередко библейские тексты, прилагаемые в Псалтири к Господу Богу, прилагаются к Богоматери и святым. Такой прием не нов для нашего богослужения и освящен многовековой традицией. Так, например 18-й стих 44-го псалма: Помяну имя Твое во всяком роде и роде, в Псалтири обращенный к Господу Богу, в богослужебных последованиях стал обычным обращением к Богоматери и в качестве прокимна и стиха на стихирах употребляется почти во все Богородичные праздники. Еще более дерзновенное применение в заупокойных богослужениях слов 13-го стиха 134-го псалма⁹⁵, обращенных в Псалтири к Самому Господу Богу: Память Твоя в род и род, – к каждому усопшему православному христианину: «память их в род и род». Не противоречат церковно-песнотворческой практике и некоторые изменения библейского текста, сделанные в двух-трех случаях⁹⁶. Такого рода изменения допускаются как вообще в богослужебных книгах⁹⁷, так, в частности, и в древних избранных псалмах⁹⁸. Иногда в наших богослужебных книгах, там, где обычно как норма употребляются псаломские стихи (прокимны, аллилуарии, причастны, стихи к стихирам), в виде исключения берутся стихи и из других библейских гимнов: из песни Богородицы на Богородичные праздники; пророка Захарии на праздники Предтечевы; Симеона Богоприимца на Сретение; Трех отроков на праздник отцев. Избранный псалом на 29 августа заканчивается стихами из песни пророка Захарии, а псалом на 24 июня составлен более чем наполовину из стихов этой песни. На основании такой практики и во вновь составленные псалмы внесены стихи из песни пророка Захарии (5 сентября и 7 января); из песни праведного Симеона Богоприимца (3 февраля) и два стиха из книги пророка Исаии (17 сентября, 7 и 8 января). В некоторых случаях отдельные стихи новых избранных псалмов составлены из двух стихов разных псалмов. И этот прием имеет оправдание в богослужебной практике, в частности, и в избранных псалмах, даваемых в Псалтири⁹⁹. В тексте новосоставленных избранных псалмов в отдельных случаях сделаны исправления архаических форм и оборотов славянского языка в смысле приближения их к современному русскому. Так, заменены полными краткие формы личных местоимений¹⁰⁰, винительного и творительного падежей множественного числа существительных, прилагательных, местоимений и причастий¹⁰¹. Вместо двойственного числа в некоторых случаях употреблено множественное¹⁰². Оборот двойного винительного заменен винительным с творительным¹⁰³. Заменены также некоторые слова, ставшие малопонятными¹⁰⁴ или получившие другой смысл¹⁰⁵, причем использованы подстрочные исправления, даваемые в новейших изданиях Псалтири, или русский синодальный перевод.

СЕНТЯБРЬ

01. 09. Иконы Пресвятыя Богородицы, именуемой Всеблаженная

Величание

Достойно есть величати Тя, Пресвятая Дево, Всеблаженную и Пренепорочную, и Матерь Бога нашего.

Псалом общий Богородице первый

Возвеселюся и возрадуюся о Тебе.

02. 09. Святаго пророка и боговидца Моисея

Величание

Величаем тя, святый пророче и боговидче Моисее, и чтим святую память твою, ты бо молиши за нас Христа Бога нашего.

Псалом

1. Блажен муж, бояйся Господа, в заповедех Его восхощет зело.

2. Моисей и Аарон призываху Господа и Той послушаше их.

1. Господи, Боже наш, Ты послушал еси их, Боже, Ты милостив бывал еси им.

2. Посла Моисея, раба Своего, Аарона, егоже избра Себе.

1. Положи в них словеса знамений Своих и чудес Своих в земли Хамове.

2. Сказа пути Своя Моисеови, сыновом Израилевым хотения Своя.

1. Сотвори чудеса в земли Египетстей и изведе их с сребром и златом.

2. Наставил еси, яко овцы, люди Твоя рукою Моисеовою и Ааронею.

1. Разверзе море и проведе их.

2. Настави их облаком во дни и всю нощь просвещением огня.

1. Разверзе камень в пустыни и изведе воду из камене.

2. Одожди им манну ясти, и хлеб небесный даде им, хлеб ангельский яде человек.

1. Моисей, избранный Его, стал в сокрушении пред Ним, возвратити ярость Его, да не погубит их.

2. И вменися ему в правду в род и род до века.

04. 09. Иконы Пресвятыя Богородицы, именуемой «Неопалимая Купина»

Величание

Величаем Тя, Пресвятая Дево, и чтим образ Твой святый, имже от огненнаго запаления нас избавляеши и пламень страстей наших угашаеши.

Псалом общий Богородице первый

Возвеселюся и возрадуюся о Тебе.

05. 09. Святых и праведных Захарии и Елисаветы, родителей Предтечевых

Величание

Величаем вас, святии праведнии Захарие и Елисавето, и чтим святую память вашу, вы бо молите за нас Христа Бога нашего.

Псалом

1. Веселитеся о Господе и радуйтеся, праведнии.

2. Многи скорби праведным и от всех избавит их Господь.

1. Господь испытает праведнаго.

2. Внегда скорбети ми призвах Господа и к Богу моему воззвах.

1. Призре на молитву смиренных и не уничижи моления их.

2. Сеющие слезами, радостию пожнут.

1. Обратил еси плач мой в радость мне.

2. Кто, яко Господь Бог наш, на смиренных призираяй, вселяя неплодовь в дом, матерь, о чадех веселящуюся.

1. Благословен Господь Бог Израилев, яко посети и сотвори избавление людем Своим.

2. И воздвиже нам рог спасения в дому Давидове отрока Своего.

1. Сотворити милость со отцы нашими, помянути завет святый Свой.

2. И ты, отроча, пророк Вышняго наречешися, предъидеши бо пред лицем Господним уготовати пути Его.

1. Просветити во тьме и сени смертней седящия.

2. Направити ноги наша на путь мирен.

06. 09. Воспоминание чуда Архистратига Михаила, бывшаго в Хонех

Величание

Величаем тя, святый Архистратиже Михаиле, и чтим бывшее в Хонех преславное чудотворение твое.

Псалом

1. Исповемся Тебе, Господи, всем сердцем моим, и пред Ангелами воспою Тебе.

2. Творяй Ангелы Своя духи, и слуги Своя пламень огненный.

1. Благословите Господа, вси Ангели Его.

2. Благословите Господа, вся Силы Его.

1. Поклонитеся Ему, вси Ангели Его.

2. Седяй на Херувимех явися.

1. Ополчится Ангел Господень окрест боящихся Его.

2. Словом Господним небеса утвердишася и духом уст Его вся сила их.

1. И взыде на Херувимы и лете.

2. Кто Бог велий, яко Бог наш, Ты еси Бог, творяй чудеса.

1. Хвалите Господа с небес, хвалите Его в вышних.

2. Хвалите Его, вси Ангели Его.

1. Хвалите Его, вся Силы Его.

2. Всякое дыхание да хвалит Господа.

07. 09. Иже во святых отца нашего Иоанна, архиепископа Новгородского

Величание

Величаем тя, святителю отче Иоанне, чуду знамения Пресвятыя Богородицы послужившаго и о Великом Нове-Граде и о всей Русской земле Бога непрестанно молящего.

Псалом общий святителю

Священницы Твои облекутся правдою, и преподобнии Твои возрадуются.

09. 09. Святых и праведных Богоотец Иоакима и Анны

Величание

Величаем вас, святии праведнии Богоотцы Иоакиме и Анно, и чтим святую память вашу, вы бо молите за нас Христа Бога нашего.

Псалом

1. Радуйтеся, праведнии, о Господе: правым подобает похвала.

2. Тебе ради претерпех поношение, покры срамота лице мое.

1. Птица обрете себе храмину и горлица гнездо себе, идеже положит птенцы своя.

2. Господи Боже сил, услыши молитву мою, внуши, Боже Иаковль.

1. Услыши молитву мою, Господи, и моление мое внуши, слез моих не премолчи.

2. Господи Боже мой, Щедрый и Милостивый, призри на мя и помилуй мя.

1. Сотвори со мною знамение во благо, да видят, яко Ты, Господи, утешил мя еси.

2. Близ Господь всем призывающим Его.

1. Не возвратится смиренный посрамлен.

2. Услыша Господь глас плача моего, услыша Господь моление мое, Господь молитву мою прият.

1. Обратил еси плач мой в радость мне.

2. Кто яко Господь Бог наш, на смиренных призираяй, вселяя неплодовь в дом, материю, о чадех веселящеюся.

1. Вниду в дом Твой со всесожжением, воздам Тебе молитвы моя, яже изрекосте устне мои в скорби моей.

2. Праведницы возвеселятся, возрадуются пред Богом, насладятся в веселии.

10. 09. Преподобнаго и благовернаго князя Андрея, во иноцех Иоасафа, Спасокубенскаго

Величание

Ублажаем тя, преподобне и благоверне отче Иоасафе, и чтим святую память твою, наставниче монахов и собеседниче Ангелов.

Псалом

1. Князи и юноши да восхвалят имя Господне.

2. Ты еси упование мое от юности моея.

1. Юнейший есмь аз, оправданий Твоих не забых.

2. Сотворити волю Твою, Боже мой, восхотех.

1. В чесом исправит юнейший путь свой? Внегда сохранити словеса Твоя.

2. Паче старец разумех, яко заповеди Твои взысках.

1. Коль сладка гортани моему словеса Твоя, паче меда устом моим.

2. Вниду к жертвеннику Божию, к Богу, веселящему юность мою.

1. Се, удалихся, бегая, и водворихся в пустыни, чаях Бога спасающаго мя от малодушия и от бури.

2. Покрых постом душу мою.

1. Воззвах к Тебе, Господи, весь день, воздех к Тебе руце мои.

2. Во дни воззвах и в нощи пред Тобою, да внидет пред Тя молитва моя.

1. Господь не оставит преподобных Своих, во век сохранятся.

2. Хвалите Господа, князие, пойте Господеви, преподобнии Его.

11. 09. Преподобных и богоносных отец наших Сергия и Германа, Валаамских чудотворцев

Величание

Ублажаем вас, преподобнии отцы Сергие и Германе Валаамские, и чтим святую память вашу, наставницы монахов и собеседницы Ангелов.

Псалом преподобным,

подвизавшимся на островах

Господь воцарися, да веселятся острови.

13. 09. Обновление во Иерусалиме храма Святаго Воскресения Христа и Бога нашего

Величание

Величаем Тя, Живодавче Христе, нас ради во Гробе, яко мертва, положеннаго и со славою тридневно воскресшаго.

Псалом

1. Воскликните Господеви вся земля, пойте же имени Его.

2. Да воскреснет Бог и расточатся врази Его.

1. Воста, яко спя, Господь, яко силен, и порази врагов Своих.

2. Воскресни, Господи, гневом Твоим, вознесися в концах врагов Твоих.

1. Страсти ради нищих и воздыхания убогих ныне воскресну, глаголет Господь.

2. Воскресни, Господи, помози нам и избави нас имене ради Твоего.

1. Воскресни, Господи Боже мой, да вознесется рука Твоя, не забуди убогих Твоих до конца.

2. Воскресни, Господи, спаси мя, Боже мой.

1. Господь воцарися, в лепоту облечеся.

2. Воцарится Господь во век, Бог твой, Сионе, в род и род.

1. Воскресни, Боже, суди земли, яко Ты наследиши во всех языцех.

2. Рцыте во языцех, яко Господь воцарися.

1. Вси язы́цы, восплещите руками, воскликните Богу гласом радования.

2. Вся земля да поклонится Тебе и поет Тебе, да поет же имени Твоему, Вышний.

16. 09. Святой благоверной Людмилы, княгини Чешской

Величание

Величаем тя, святая благоверная княгине Людмило, и чтим мученическую Христа ради кончину твою.

Псалом

1. Предзрех Господа предо мною, яко одесную мене есть, да не подвижуся.

2. Прилепихся свидениям Твоим, Господи.

1. Десница Господня вознесе мя.

2. Возлюбих заповеди Твои паче злата и топазия.

1. Судьбы Господни вожделенны паче злата и камене честна многа и слаждша паче меда и сота.

2. Ко всем заповедем Твоим направляхся, всяк путь неправды возненавидех.

1. Мене ждаша грешницы погубити мя, свидения Твоя разумех.

2. Законопреступницы восташа на мя, и не предложиша Тебе пред собою.

1. Ближнии мои отдалече мене сташа и нуждахуся ищущии душу мою.

2. Положиша на мя злая за благая, и ненависть за возлюбление мое.

1. Готово сердце мое, Боже, готово сердце мое.

2. Тебе ради умерщвляемся, вменихомся яко овцы заколения.

1. Сеющии слезами, радостию пожнут.

2. Дивен Бог во святых Своих, Той даст силу и державу людем Своим.

17. 09. Святыя мученицы Софии и трех ея дщерей: Веры, Надежды и Любве

Величание

Величаем вас, святии мученицы Софие, Веро, Надеждо и Любве, и чтим честныя страдания ваша, в нихже вы соименныя вам добродетели мужественно исповедаете.

Иное величание

Величаем вас святии мученицы Софие, Веро, Надеждо и Любовь, и чтим святую память вашу, вы бо молите о укреплении и в нас соименных вам добродетелей¹⁰⁶.

Псалом

1. Начало премудрости страх Господень.

2. Се аз и дети, ихже ми дал есть Бог.

1. Веровах, темже возглаголах.

2. Верую видети благая Господня на земли живых.

1. Благо есть надеятися на Господа.

2. Надеющиися на Господа, яко гора Сион.

1. Возлюблю Тя, Господи, крепосте моя.

2. Похвалятся о Тебе вси любящии имя Твое.

1. Приведутся Царю девы, приведутся в веселии и радовании.

2. глаголах о свидениих Твоих пред царями и не стыдяхся.

1. Искусил еси ны, Боже, разжегл еси ны, якоже разжизается сребро.

2. Тебе ради умерщвляемся, вменихомся, яко овцы заколения.

1. Возрадовашася дщери иудейския судеб ради Твоих, Господи.

2. Дивен Бог во святых Своих, Бог Израилев.

19. 09. Преподобнаго благовернаго князя Феодора Смоленскаго и чад его, благоверных князей Давида и Константина, Ярославских чудотворцев

Величание

Величаем вас, святии благовернии князие Феодоре, Давиде и Константине, и чтим труды и подвиги ваши, ихже вы во славу Христа Бога и во устроение земли вашея совершисте.

Псалом

1. Блажен муж, бояйся Господа, сильно на земли будет семя его.

2. Закон Бога его в сердце его и не запнутся стопы его.

1. Род правых благословится.

2. Поставиши их князьями по всей земли.

1. Князи людстии собрашася с Богом Авраамлим.

2. Божии державнии земли зело вознесошася.

1. Раб Твой есмь аз, вразуми мя.

2. Держава Господь боящихся Его.

1. Бысть Господь утверждение мое.

2. О Бозе спасение мое и слава моя.

1. В руках Твоих жребии мои, избави мя из руки врагов моих и от гонящих мя.

2. Мнози изгонящии мя и стужающии ми.

1. Внегда скорбети ми, призвах Господа и к Богу моему воззвах.

2. Хвалите Господа, князие, пойте Господеви, преподобнии Его.

20. 09. Святаго великомученика Евстафия Плакиды и дружины его

Величание

Величаем тя, страстотерпче святый Евстафие, и чтим скорби твои о разлучении с близкими и честныя страдания, их же за Христа претерпел еси.

Псалом

1. Бог нам Прибежище и Сила, Помощник в скорбех, обретших нас зело.

2. Господь испытает праведнаго.

1. Скорби сердца моего умножишася.

2. В день скорби моея Бога взысках.

1. Ко Господу, внегда скорбети ми, воззвах, и услыша мя.

2. Явил ми еси скорби многи и злы, и обращся утешил мя еси.

1. Обратил еси плач мой в радость мне.

2. глаголах о свидениих Твоих пред царями и не стыдяхся.

1. Мене ждаша грешницы погубити мя, свидения Твоя разумех.

2. язы́цы обыдоша мя, и именем Господним противляхся им.

1. Аз на раны готов, и бых язвен весь день.

2. Тебе ради умерщвляемся весь день; вменихомся, яко овцы заколения.

1. Господь утверждение мое, и прибежище мое, и Избавитель мой, Бог мой, Помощник мой, и уповаю на Него.

2. Святым, иже суть на земли Его, удиви Господь вся хотения Своя в них.

20. 09. Святых мучеников и исповедников благовернаго великаго князя Михаила Черниговскаго и болярина его Феодора, чудотворцев

Величание

Величаем вас, страстотерпцы святии и исповедницы, благоверный великий княже Михаиле и болярине Феодоре, и чтим честная страдания ваша, ихже вы за Христа претерпесте.

Псалом общий князю-мученику,

пострадавшему от неверных

Бог нам Прибежище и Сила, Помощник в скорбех, обретших нас зело.

20. 09. Преподобнаго и благовернаго князя Олега, в иноцех Леонтия, Брянскаго чудотворца

Величание и псалом, общие князю-иноку

21. 09. Иже во святых отца нашего Димитрия, митрополита Ростовскаго

Величание

Величаем тя, святителю отче Димитрие, житий святых списателю и к подражанию вере и подвигам их наставниче.

Псалом

1. Священницы Твои облекутся правдою, и преподобнии Твои возрадуются.

2. Молитвы моя Господеви воздам пред всеми людьми Его.

1. Повем имя Твое братии моей, посреде церкви воспою Тя.

2. Провещает язык мой словеса Твоя.

1. Уста моя возглаголют премудрость и поучение сердца моего разум.

2. Помыслих дни первыя и лета вечная помянух и поучахся.

1. Отцы наши поведаша, возвещающе хвалы Господни, и силы Его и чудеса Его, яже сотвори, сказати о них сыновом своим.

2. Мне же зело честни быша друзи Твои, Боже.

1. Изочту их, и паче песка умножатся.

2. Дивен Бог во святых Своих.

1. Да напишется сие в род ин.

2. Милости Твоя, Господи, в век воспою, в род и род возвещу истину Твою.

1. Да познает род ин, сынове родящиися, и поведят о них сыновом своим.

2. Пойте Господеви преподобнии Его, и им поведайте память святыни Его, во всех людех чудеса Его.

23. 09. Зачатие честнаго славнаго Пророка, Предтечи и Крестителя Господня Иоанна

Величание

Величаем вас, святии праведнии Захарие и Елисавето, и чтим прозябшаго от вас, в рожденных пречестнейшаго, Предтечу и Крестителя Господня Иоанна.

Псалом родителям Предтечи (5 сентября)

Веселитеся о Господе и радуйтеся, праведнии.

25. 09. Преподобнаго и богоноснаго отца нашего Сергия, игумена в Маковце Живоначальныя Троицы, Радонежскаго и всея России чудотворца

Величание

Ублажаем тя, преподобне отче Сергие, взбраннаго воеводу и игумена всея Руси, скораго нашего помощника и преславнаго чудотворца.

Псалом

1. Пойте Господеви, преподобнии Его, и им поведайте память святыни Его, во всех людех чудеса Его.

2. В Тебе утвердихся от утробы, от чрева матере моея.

1. Имже образом желает елень на источники водныя, сице возжада душа моя к Богу.

2. Се, удалихся, бегая, и водворихся в пустыни, чаях Бога, спасающего мя.

1. Уподобихся неясыти пустынней, бдех и бых, яко птица особящаяся.

2. Господь просвещение мое и Спаситель мой, кого убоюся.

1. Аз яко маслина плодовита в дому Божии.

2. Насаждени в дому Господни во дворех Бога нашего процветут.

1. Праведник, яко финикс процветет, и яко кедр, иже в Ливане, умножится.

2. Будет, яко древо, насажденное при исходищих вод, еже плод свой даст во время свое.

1. Приидите, чада, послушайте мене, страху Господню научу вас.

2. Честна пред Господем смерть преподобных Его.

1. Господь не оставит преподобных Своих: во век сохранятся.

2. Слава сия будет всем преподобным Его.

25. 09. Иже во святых отца нашего Германа, архиепископа Казанскаго

Величание

Величаем тя, святителю отче Германе, и чтим равноапостольные труды твоя, имиже во граде Казани трудился еси, во благовестии Христове.

Псалом общий святителю-равноапостолу

Воскликните Богови, вся земля.

25. 09. Преподобной и благоверной княжны Евфросинии Суздальской

Величание

Ублажаем тя, преподобная и благоверная княжна Евфросиние, и чтим святую память твою, ты бо молиши за нас Христа Бога нашего.

Псалом преподобной деве

Приведутся Царю девы, приведутся в веселии и радовании, введутся в храм Царев.

26. 09. Святаго славнаго и всехвальнаго апостола и евангелиста

Иоанна Богослова

Величание

Величаем тя, апостоле и евангелисте Иоанне Богослове, любви преисполненнаго и Христом возлюбленнаго, неизглаголанной премудрости учения возгремевшаго вселенной.

Псалом

1. Возлюблю Тя, Господи, крепосте моя.

2. Готово сердце мое, Боже, готово сердце мое.

1. Возжада Тебе душа моя.

2. Прильпе душа моя по Тебе, мене же прият десница Твоя.

1. Исчезе сердце мое и плоть моя: Боже сердца моего, и часть моя, Боже, во век.

2. Искусил еси сердце мое, искусил мя еси и не обретеся во мне неправда.

1. Сердце чисто созижди во мне, Боже.

2. Безвестная и тайная премудрости Твоея явил ми еси.

1. Согреяся сердце мое и в поучении моем разгорится огнь.

2. Глас даша облацы, глас грома Твоего, осветиша молния Твоя вселенную.

1. Возвестите во языцех славу Его, во всех людех чудеса Его.

2. Услышите сия вси язы́цы, внушите вси живущии по вселенней.

1. Во всю землю изыде вещание их и в концы вселенной глаголы их.

2. Долготою дней исполню его и явлю ему спасение Мое.

27. 09. Преподобнаго и богоноснаго отца нашего Савватия Соловецкаго

Величание общее преподобным.

Псалом преподобным,

подвизавшимся на островах

Господь воцарися, да веселятся острови.

28. 09. Собор преподобных отец Киево-Печерских, в ближних пещерах почивающих

Величание и псалом всем преподобным Киево-Печерским

в Неделю 2-ю святыя Четыредесятницы

Соберите Ему преподобных Его.

28. 09. Святаго благовернаго князя Вячеслава Чешскаго

Величание и псалом

общие князю-мученику,

пострадавшему от близких

Вознесох избраннаго от людей Моих.

30. 09. Священномученика Григория, просветителя Великой Армении

Величание

Величаем тя, священномучениче Григорие, и чтим равноапостольныя труды твоя, имиже во Армении трудился еси во благовестии Христове.

Псалом

1. Бог богов Господь глагола и призва землю.

2. Рцыте во языцех, яко Господь воцарися.

1. Воцарится Бог над языки.

2. Возвестите во языцех славу Его, во всех людех чудеса Его.

1. Господь даст глагол благовествующим силою многою.

2. Исповемся Тебе во языцех, Господи.

1. Приидите, чада, послушайте мене, страху Господню научу вас.

2. Истину Твою и спасение Твое рех.

1. глаголах о свидениих Твоих пред царями и не стыдяхся.

2. Аще и пойду посреде сени смертныя, не убоюся зла, яко Ты со мною еси.

1. Положиша мя в рове преисподнем.

2. Да не пожрет мене глубина, да не сведет о мне ровенник уст своих.

1. Терпя потерпех Господа, и внят ми, и услыша молитву мою, и возведе мя от рова страстей и от брения тины.

2. Ты, Господи, сохраниши нас и соблюдеши нас от рода сего и во век.

30. 09. Иже во святых отца нашего Михаила, перваго митрополита Киевскаго

Величание

Величаем тя, святителю отче Михаиле, отцев наших святым крещением просветившаго и о нас, чадех их, всегда тепле молящагося.

Псалом

1. Воскликните Богови вся земля.

2. Бог богов Господь глагола и призва землю.

1. От восток солнца до запад хвально имя Господне.

2. Будет утверждение на земли, на версех гор.

1. Знаменася на нас свет лица Твоего, Господи.

2. По всей земли слава Твоя.

1. Священницы Твои облекутся правдою, и преподобнии Твои возрадуются.

2. Молитвы моя Господеви воздам пред всеми людьми Его, во дворех дому Господня.

1. Господь даст глагол благовествующим силою многою.

2. Приидите, чада, послушайте мене, страху Господню научу вас.

1. Повем имя Твое братии моей.

2. Истину Твою и спасение Твое рех.

1. Боже сил, призри с небесе и виждь, и посети виноград сей и соверши их, егоже насади десница Твоя.

2. Укрепи, Боже, сие, еже соделал еси в нас.

ОКТЯБРЬ

01. 10. Покров Пресвятой Богородицы

Величание

Величаем Тя, Пресвятая Дево, и чтим Покров Твой честный, Тя бо виде святый Андрей на воздухе, за мир Христу молящуюся.

Псалом

1. Воспойте Господеви песнь нову, яко дивна сотвори Господь.

2. Предста Царица одесную Тебе.

1. Слыши, Дщи, и виждь, и приклони ухо Твое.

2. Плещма Своима осенит Тя.

1. Послет Ти помощь от святаго и от Сиона заступит Тя.

2. В крове крил Твоих покрыеши мя.

1. Распростре облак в покров им.

2. Сынове человечестии в крове крил Твоих надеятися имут.

1. Покрыюся в крове крил Твоих.

2. На сень крил Твоих надеюся.

1. В крове крил Твоих возрадуюся.

2. Слышану сотвори мне заутра милость Твою, яко на Тя уповах.

1. Воспою силу Твою и возрадуюся о милости Твоей.

2. Помяну имя Твое во всяком роде и роде.

01. 10. Преподобнаго отца нашего Романа Сладкопевца

Величание и псалом общие

песнописцу-преподобному

02. 10. Преподобной и благоверной великой княгини Анны Кашинской

Величание

Ублажаем тя, преподобная и благоверная великая княгине-инокине Анно, и чтим многия скорби твои и терпение, имиже дерзновение у Господа стяжавши, присно молиши за нас Христа Бога нашего.

Псалом

1. Многи скорби праведным и от всех избавит их Господь.

2. Явил ми еси скорби многи и злы.

1. Скорби сердца моего умножишася.

2. Утрудихся воздыханием моим, слезами моими постелю мою омочу.

1. От гласа воздыхания моего прильпе кость моя плоти моей.

2. Скорби и нужды обретоша мя, заповеди Твои поучение мое.

1. В день скорби моея Бога взысках.

2. Внегда скорбети ми, призвах Господа и к Богу моему воззвах.

1. Пролию пред Ним моление мое, печаль мою пред Ним возвещу.

2. Услыши молитву мою, Господи, и моление мое внуши, слез моих не премолчи.

1. В день озлобления моего бысть Господь утверждение мое.

2. Бог нам Прибежище и Сила, Помощник в скорбех, обретших нас зело.

1. Сеющии слезами радостию пожнут.

2. Пойте Господеви преподобнии Его, и им поведайте память святыни Его, во всех людех чудеса Его.

04. 10. Святаго благовернаго князя Владимира Новгородского

Величание

Величаем тя, святый благоверный княже Владимире, пречудного храма Софии Премудрости Божией здателя, и чтим труды твои, ихже во славу Христа Бога и во устроении Великого Нова-Града совершил еси.

Псалом общий князю-правителю

Вознесох избранного от людей Моих.

04. 10. Иже во святых отец наших Гурия, архиепископа Казанского, и Варсонофия, епископа Тверскаго

Величание

Величаем вас, святители Христовы Гурие и Варсонофие, и чтим равноапостольные труды ваши, имиже в граде Казани трудистеся во благовестии Христове.

Псалом общий святителю-равноапостолу

Воскликните Богови, вся земля.

05. 10. Иже во святых отец наших святителей Московских Петра, Алексия, Ионы, Филиппа митрополитов и священномученика Ермогена патриарха, всея России чудотворцев

Величание

Величаем вас, первопрестольницы Российские Петре, Алексие, Ионо, Филиппе и Ермогене, и чтим святую память вашу, Русской земли нашей неусыпных хранителей и молитвенников.

Псалом

1. Боже, ушима нашима услышахом и отцы наши возвестиша нам дело, еже соделал еси во днех древних.

2. На Тя уповаша и избавил еси их.

1. К Тебе воззваша и спасошася, на Тя уповаша и не постыдешася.

2. Воззваша ко Господу, внегда скорбети им, и от нужды их спас их.

1. Боящиеся Господа уповаша на Господа: Помощник и Защититель им есть.

2. Призываху Господа и Той послушаше их, яко храняху заповедь Его и повеления Его.

1. Господи Боже наш, Ты послушал еси их; Боже, Ты милостив бывал еси им.

2. Велий Господь и хвален зело, во граде Бога нашего, благокоренным радованием всея земли.

1. Град Царя Великаго, Бог в храмех его.

2. Яко избра Господь его в жилище Себе.

1. Священники его облеку во спасение и преподобнии его радостию возрадуются.

2. Не нам, Господи, не нам, но имени Твоему даждь славу о милости Твоей.

1. Буди, Господи, милость Твоя на нас, якоже уповахом наТя.

2. Пробави милость Твою ведущим Тя.

05. 10. Преподобной и благоверной Харитины, княжны Литовской

Величание

Ублажаем тя, преподобная и благоверная княжно Харитино, и чтим святую память твою, ты бо молиши за нас Христа Бога нашего.

Псалом преподобной деве

Приведутся Царю девы, приведутся в веселии и радовании, введутся в храм Царев.

08. 10. В первый воскресный день после 7 октября память творим богоносных отцев святаго и Вселенскаго Седьмаго Собора

Величание

Величаем вас, богоноснии отцы, христианоненавистных иконоборцев от Христовы Церкви соборне отгнавших и святым иконам благочестно поклонятися научивших.

Псалом

1. Приидите возрадуемся Господеви, предварим лице Его во исповедании.

2. Бог прославляем в совете святых.

1. Соберите Ему преподобныя Его, завещающия завет Его о жертвах.

2. От стран собра их, от восток и запад, и севера и моря.

1. Тамо седоша престоли на суд.

2. Да не пребудет Тебе престола беззакония.

1. Законопреступных возненавидех, закон же Твой возлюбих.

2. Воздвигни руце Твои на гордыни их в конец, елика лукавнова враг во святом Твоем.

1. Господь праведен, ссече выи грешников.

2. Господи, возлюбих благолепие дому Твоего.

1. Ревность дому Твоего снеде мя.

2. Лицу Твоему помолятся богатии людстии.

1. Благословен Господь Бог Израилев, творяй чудеса Един.

2. И благословенно имя славы Его вовек и в век века.

11. 10. Преподобнаго отца нашего Феофана Начертаннаго, епископа Никейскаго, творца канонов

Величание и псалом общие

песнописцу-святителю

12. 10. Преподобнаго отца нашего Космы святоградца, епископа

Маиумскаго, творца канонов

Величание и псалом общие

песнописцу-святителю

13. 10. Иконы Пресвятой Богородицы, именуемой Иверская

Величание

Величаем Тя, Пресвятая Дево, и чтим образ Твой святый, егоже обители Иверской и граду Москве, яко вратарницу, и всей Русской земле благодатное сокровище даровала еси.

Псалом

1. Помяну имя Твое во всяком роде и роде.

2. Чудна дела Твоя.

1. В мори путие Твои, и стези Твои в водах многих.

2. Чудеса показа облаком во дни, и всю нощь просвещением огня.

1. Посли свет Твой и истину Твою, тии мя наставиша и введоша мя в гору святую Твою и в селения Твоя.

2. Возведох очи моя в горы, отнюдуже приидет помощь моя.

1. Укрепи вереи врат Твоих.

2. Се не воздремлет, ниже уснет храняй Израиля.

1. Сохранит вхождение Твое и исхождение Твое.

2. Призови Мя в день скорби твоея, и изму тя, и прославиши Мя.

1. На Тя уповах, да не постыжуся вовек.

2. Возвеселятся вси уповающии на Тя, и вселишися в них.

1. Похвалятся о Тебе любящий имя Твое.

2. В род и род возвестим хвалу Твою.

14. 10. Преподобнаго и благовернаго Николы Святоши, князя Черниговскаго

Величание и псалом общие князю-иноку

20. 10. Святаго праведнаго Артемия, отрока Веркольскаго

Величание

Величаем тя, святый праведный Артемие, и чтим святую память твою, ты бо молиши за нас Христа Бога нашего.

Псалом

1. Радуйтеся, праведнии, о Господе.

2. Хвалите, отроцы, Господа, хвалите имя Господне.

1. В Тебе утвердихся от утробы, от чрева матери моея, Ты еси мой Покровитель.

2. Ты восприял мя еси от чрева матери моея.

1. Ты еси упование мое от сосцев матере моея.

2. К Тебе привержен есть от ложесн, от чрева матери моея Бог мой еси Ты.

1. Вместо отец Твоих быша сынове Твои.

2. Господь любит праведников.

1. Весть Господь путь праведных.

2. Всякия кончины видех конец, широка заповедь Твоя зело.

1. Мене же за незлобие приял, и утвердил мя еси пред Тобою в век.

2. Сотвори со мною знамение во благо.

1. Праведницы наследят землю.

2. И похвалятся вси правии сердцем.

22. 10. Иконы Пресвятой Богородицы, именуемой Казанская

Величание

Величаем Тя, Пресвятая Дево, и чтим образ Твой святый, имже в годину смуты град Москву и всю Русскую землю спасла еси.

Псалом

1. Слыши, Дщи, и виждь, и приклони ухо Твое.

2. Боже, приидоша язы́цы в достояние Твое.

1. Быхом поношение соседом нашим.

2. Предста Царица одесную Тебе.

1. Господь речет мир на людей Своих, и на преподобных Твоих, и на обращающих сердца к Нему.

2. Благоволил еси, Господи, землю Твою, возвратил еси плен Иаковль.

1. Оставил еси беззакония людей Твоих, покрыл еси вся грехи их.

2. Ты людей смиренных спасеши и очи гордых смириши.

1. Боже, Ты обращся оживиши нас, и людие Твои возвеселятся о Тебе.

2. Воздвигни силу Твою и прииди спасти нас.

1. Возврати, Господи, пленение наше, яко потоки югом.

2. О имени Твоем уничижим восстающих на нас.

1. Исповемыся Тебе вовек, в род и род возвестим хвалу Твою.

2. Помяну имя Твое во всяком роде и роде.

24. 10. Иконы Пресвятой Богородицы, именуемой «Всех скорбящих Радость»

Величание

Достойно есть величати Тя, Богородице, всех скорбящих Радость и обидимых Заступницу.

Псалом общий Богородице второй

Слыши, Дщи, и виждь, и приклони ухо Твое.

26. 10. Святаго и славнаго великомученика Димитрия мироточца,

Солунскаго

Величание

Величаем тя, страстотерпче святый Димитрие, народов словенских отечестволюбца и дерзновеннаго о них пред Господом предстателя и заступника.

Псалом общий мученику из Псалтири

27. 10. Преподобнаго отца нашего Нестора, летописца Печерскаго

Величание

Ублажаем тя, преподобне отче Несторе, и чтим святую память твою, монашеских подвигов ревнителю и летописания в Русской земле первоначальниче.

Псалом

1. Терпя, потерпех Господа, и услыша молитву мою.

2. Покрых постом душу мою.

1. Утрудихся воздыханием моим, слезами моими постелю мою омочу.

2. Поучахся в заповедях Твоих, ихже возлюбих зело.

1. Помянух дни древния.

2. Помыслих дни первыя, и лета вечныя помянух, и поучахся.

1. Отцы наша возвестиша нам дело, еже соделал еси во днех их, во днех древних.

2. Отцы наша поведаша нам, возвещающе хвалы Господни, и силы Его, и чудеса Его, яже сотвори, сказати о них сыновом своим.

1. Повесте в роде ином, яко Той есть Бог наш в век и в век века, Той упасет нас во веки.

2. Да напишется сие в род ин.

1. Возвещу мышцу Твою роду всему грядущему, да не забудут дел Божиих.

2. Милости Твоя, Господи, в век воспою, в род и род возвещу истину Твою.

1. Да познает род ин, сынове родящиеся, и поведят о них сыновом своим.

2. Пойте Господеви преподобнии Его, и им поведайте память святыни Его, во всех людех чудеса Его.

27. 10. Святаго благовернаго князя Андрея Смоленскаго, Переславскаго чудотворца

Величание

Величаем тя, святый благоверный княже Андрее, и чтим святую память твою, ты бо молиши за нас Христа Бога нашего.

Псалом

1. Блажен муж, бояйся Господа, в заповедех Его восхощет зело.

2. Постави его господином дому своему и князем всему стяжанию своему.

1. Раб Твой есмь аз, вразуми мя.

2. Отврати очи мои, еже не видети суеты.

1. Пришлец аз есть на земли.

2. Чужд бых братии моей.

1. Се удалихся, бегая.

2. Едино просих от Господа, то взыщу, еже жити ми в дому Господни во вся дни жизни моея.

1. Желает и скончавается душа моя во дворы Господни.

2. Изволих приметатися в дому Бога моего.

1. Смирях постом душу мою, утрудихся воздыханием моим.

2. Свет возсия праведнику, и правым сердцем веселие.

1. Праведник яко финикс процветет.

2. В память вечную будет праведник.

НОЯБРЬ

02. 11. Иконы Пресвятой Богородицы, именуемой Шуйско-Смоленская

Величание

Величаем Тя, Пресвятая Дево, и чтим чудесно написанный образ Твой, егоже во утешение верным людем и в покров граду Шуе даровала еси.

Псалом общий Богородице третий

Исповемся Тебе всем сердцем моим, повем вся чудеса Твоя.

06. 11. Преподобнаго и богоноснаго отца нашего Варлаама Хутынскаго, Новгородскаго чудотворца

Величание

Ублажаем тя, преподобне отче Варлааме, Великаго Нова-Града славу и украшение и о всей Русской земле теплаго молитвенника.

Псалом общий преподобному во Псалтири

Терпя потерпех Господа.

08. 11. Собор святаго Архистратига Михаила и прочих бесплотных Сил

Величание

Величаем вас, Архистратизи Михаиле и Гаврииле, Архангели и Ангели и вся воинства, Херувими и Серафими, славящии Господа.

Псалом во Псалтири

1. Исповемся Тебе, Господи, всем сердцем моим, и пред Ангелами воспою Тебе.

2. Творяй Ангелы Своя духи, и слуги Своя пламень огненный.

1. Благословите Господа, вси Ангели Его.

2. Благословите Господа, вся Силы Его.

1. Поклонитеся Ему, вси Ангели Его.

2. Седяй на Херувимех явися.

1. Ополчится Ангел Господень окрест боящихся Его.

2. Словом Господним небеса утвердишася и духом уст Его вся сила их.

1. И седе на Херувимы, и лете.

2. Кто Бог велий, яко Бог наш, Ты еси Бог, творяй чудеса.

1. Хвалите Господа с небес, хвалите Его в вышних.

2. Хвалите Его, вси Ангели Его.

1. Хвалите Его, вся Силы Его.

2. Всякое дыхание да хвалит Господа.

09. 11. Иконы Пресвятой Богородицы, именуемой «Скоропослушница»

Величание

Достойно есть величати Тя, Богородице, Всеблагую Скоропослушницу, прошения наша во благо исполняющую.

Псалом общий Богородице третий

Исповемся Тебе всем сердцем моим, повем вся чудеса Твоя.

12. 11. Иже во святых отца нашего Иоанна, патриарха Александрийскаго, Милостиваго

Величание

Величаем тя, святителю отче Иоанне Милостиве, и чтим святую память твою, ты бо молиши за нас Христа Бога нашего.

Псалом

1. Священницы Твои облекутся правдою, и преподобнии Твои возрадуются.

2. Господи, возлюбих благолепие дому Твоего и место селения славы Твоея.

1. Молитвы моя Господеви воздам пред всеми людьми Его, во дворех дому Господня.

2. В церквах благословлю Тя, Господи.

1. Уста моя возглаголют премудрость и поучение сердца моего разум.

2. Приидите, чада, послушайте мене, страху Господню научу вас.

1. Благовестих правду в церкви велицей.

2. Возненавидех церковь лукавнующих, и с нечестивыми не сяду.

1. Блажен разумеваяй на нища и убога.

2. Весь день милует и взаим дает праведный.

1. Тебе оставлен есть нищий, сиру Ты буди помощником.

2. Расточи, даде убогим.

1. Милость Твоя, Господи, помогаше мне.

2. В память вечную будет праведник.

13. 11. Иже во святых отца нашего Иоанна, архиепископа Константина града, Златоустаго

Величание

Величаем тя, святителю отче Иоанне, златоглаголиваго учителя вселенной, Церкви столпа, покаяния проповедника.

Псалом общий великим вселенским

святителям во Псалтири

Услышите сия вси язы́цы.

22. 11. Святаго благовернаго и великаго князя Михаила Тверскаго

Величание и псалом общие князю-мученику,

пострадавшему от неверных

22. 11. Святаго благовернаго князя Ярополка, нареченнаго во святом крещении Петра, Владимиро-Волынскаго

Величание и псалом общие князю-мученику,

пострадавшему от близких

23. 11. Преподобнаго и благовернаго великаго князя Александра Невскаго, Владимирскаго и Новгородскаго, нареченнаго во иноцех Алексия

Величание

Ублажаем тя, преподобне и благоверне великий княже Александре, и чтим подвиги и труды твои, ихже во славу Христа Бога и во устроение Русския земли совершил еси.

Псалом

1. Вознесох избраннаго от людей Моих.

2. Постави его господином дому своему и князем всему стяжанию своему.

1. Славою и честию венчал еси его.

2. Наляцы и успевай и царствуй истины ради и кротости и правды.

1. Десница Господня вознесе мя.

2. О, Господи, аз раб Твой.

1. Господь утверждение мое и прибежище мое, Бог мой, Помощник мой.

2. Благословен Бог мой, научаяй руце мои на ополчение и персты моя на брань.

1. Препоясал мя еси силою на брань, повергл еси всех востающих на мя под мя.

2. Множицею брашася со мною от юности моея, и не премогоша мя.

1. Пожену врагов моих, и постигну их, и не возвращуся, Дóндеже скончаются.

2. Помощь моя от Бога, спасающаго правых сердцем.

1. Кротцыи наследят землю и насладятся о множестве мира.

2. Да исповедятся Тебе, Господи, вся дела Твоя, и преподобнии Твои да благословят Тя.

25. 11. Святаго священномученика Климента, папы Римскаго

Величание

Величаем тя, священномучениче Клименте, и чтим изгнание, горькия работы и страдания твои, ихже за Христа в пределах Отечества нашего претерпел еси.

Псалом

1. Священницы Твои облекутся правдою, и преподобнии Твои возрадуются.

2. Молитвы моя Господеви воздам пред всеми людьми Его, во дворех дому Господня.

1. Повем имя Твое братии моей, посреде церкви воспою Тя.

2. Сохраних пути Господни, и нечествовах от Бога моего.

1. глаголах о свидениих Твоих пред царями и не стыдяхся.

2. Искусил ны еси, Боже, разжегл еси нас, якоже разжигается сребро.

1. Аз на раны готов и был язвен весь день.

2. Изгонящии мя обыдоша мя, смириша во оковах нози.

1. Руце его поработасте, и смирися в трудах.

2. Тебе ради умерщвляемся, вменихомся, яко овцы заколения.

1. Внидоша воды до души моея, приидох во глубины морския, и буря потопи мя.

2. Чудна дела Твоя, море виде и побеже.

1. Приидите, видите дела Божия, коль страшен в советех, обращаяй море в сушу.

2. Святым, иже суть на земли Его, удиви Господь вся хотения Своя в них.

26. 11. Святаго славнаго великомученика, победоносца и чудотворца Георгия

Величание

Величаем тя, страстотерпче святый и победоносче Георгие, христолюбивых воинов споборника, Отечества нашего заступника и хранителя.

Псалом общий мученику во Псалтири

26. 11. Иже во святых отца нашего Иннокентия, епископа Иркутскаго

Величание

Величаем тя, святителю отче Иннокентие, и чтим равноапостольные труды твои, имиже в странах Сибирских трудился еси во благовестии Христове.

Псалом святителю-равноапостолу

Воскликните Богови, вся земля.

27. 11. Праздник знамения, бывшаго Пречистою Богородицею в Великом Нове-Граде и иконы Ея «Знамение»

Величание

Величаем Тя, Пресвятая Дево, и чтим образ Твой святый, егоже в знамении милости Твоея Великому Нову-Граду и всей Русской земле даровала еси.

Псалом

1. Придите, возрадуемся Господеви, воскликнем Богу, Спасителю нашему.

2. Предста Царица одесную Тебе.

1. Дал еси боящимся Тебе знамение, еже убежати от лица лука.

2. Сотвори со мною знамение во благо.

1. Избавление посла людем Своим.

2. Близ Господь всем призывающим Его.

1. Господне есть заступление и Святаго Израилева, Царя нашего.

2. Не убоишися от страха нощнаго, от стрелы, летящия во дни.

1. Аще не Господь сохранит град, всуе бде стрегущий.

2. Благословен Господь, яко удиви милость Свою во граде ограждения.

1. Вечер водворится плач и заутра радость.

2. Возрадуемся о спасении Твоем.

1. Да напишется сие в род ин.

2. Исповемся Тебе, Боже, вовек, в род и род возвестим хвалу Твою.

27. 11. Иконы Пресвятой Богородицы «Знамение», именуемой Курская-Коренная

Величание

Величаем Тя, Пресвятая Дево, и чтим образ Твой святый, егоже в знамение милости Твоея граду Курску и всей Русской земле даровала еси.

Псалом общий Богородице первый

Возвеселюся и возрадуюся о Тебе.

27. 11. Иконы Пресвятой Богородицы, именуемой Абалацкая

Величание

Величаем Тя, Пресвятая Дево, и чтим образ Твой святый, егоже в знамение милости Твоея граду Тобольску и всей Сибирской стране даровала еси.

Псалом общий Богородице первый

Возвеселюся и возрадуюся о Тебе.

27. 11. Иконы Пресвятой Богородицы «Знамение», именуемой Понетаевская

Величание

Величаем Тя, Пресвятая Дево, и чтим образ Твой святый, егоже в знамение милости Твоея обители нашей даровала еси.

Псалом общий Богородице первый

Возвеселюся и возрадуюся о Тебе.

27. 11. Во иных градех и весях пред местночтимыми иконами Пресвятой Богородицы «Знамение»

Величание

Величаем Тя, Пресвятая Дево, и чтим образ Твой святый, егоже в знамение милости Твоея православному народу русскому даровала еси.

Псалом общий Богородице первый

Возвеселюся и возрадуюся о Тебе.

27. 11. Святаго благовернаго великаго князя Всеволода, нареченнаго во святом крещении Гавриила, Псковскаго чудотворца

Величание и псалом общие князю-правителю

30. 11. Святаго всехвального апостола Андрея Первозваннаго

Величание

Величаем тя, апостоле святый Андрее, во благовестии Христове трудившагося и Русскую землю проповедью твоею огласившаго.

Псалом

1. Во всю землю изыде вещание их, и в концы вселенныя глаголы их.

2. Бог богов, Господь глагола и призва землю.

1. Осветиша молния Его вселенную.

2. Возвестиша небеса правду Его.

1. И видеша вси людие славу Его.

2. Воцарися Бог над языки.

1. Бог прославляем в совете святых.

2. От восток солнца до запад хвально имя Господне.

1. По всей земли слава Твоя.

2. Господи, Господь наш, яко чудно имя Твое по всей земли.

1. Вся земля да поклонится Тебе и поет Тебе, да поет же имени Твоему, Вышний.

2. Будет утверждение на земле, на версех гор.

1. Велий Господь наш, и велия крепость Его, и разума Его несть числа.

2. Той дает силу и державу людем Своим, благословен Бог.

ДЕКАБРЬ

01. 12. Святаго праведнаго Филарета Милостиваго

Величание

Величаем тя, святый праведный Филарете Милостивый, и чтим святую память твою, ты бо присно о милости к нам молиши Всемилостиваго Христа Бога нашего.

Псалом

1. Блажен разумеваяй на нища и убога, в день лют избавит его Господь.

2. Благ муж щедря и дая.

1. Весь день милует и взаим дает праведный.

2. Праведный щедрит и дает

1. Тебе оставлен есть нищий, сиру Ты будь помощником.

2. Расточи, даде убогим.

1. Да узрят нищии и возвеселятся, и восхвалят имя Твое.

2. Любит милостыню Господь.

1. Милость Твоя, Господи, помогаше мне.

2. Благ мне закон уст Твоих, паче тысящ злата и сребра.

1. Возрадуюся о словесех Твоих, яко обретаяй корысть многу.

2. Многи скорби праведным, и от всех избавит их Господь.

1. Воззваша праведнии, и Господь услыша их, и от всех скорбей их избави их.

2. В память вечную будет праведник.

04. 12. Преподобнаго отца нашего Иоанна Дамаскина, творца канонов

Величание и псалом общие песнописцу-преподобному

05. 12. Преподобнаго и богоноснаго отца нашего Саввы Освященнаго

Величание и псалом общие преподобному во Псалтири

05. 12. Иже во святых отца нашего Гурия, архиепископа Казанскаго Величание и псалом якоже святителю Герману 25 сентября

06. 12. Иже во святых отца нашего Николая, архиепископа Мир Ликийских, Чудотворца

Величание

Величаем тя, святителю отче Николае, великий чудотворче, скорый помощниче и теплый заступниче всех притекающих к тебе.

Псалом

1. Священницы Твои облекутся правдою, и преподобнии Твои возрадуются.

2. Молитвы моя Господеви воздам пред всеми людьми Его, во дворех дому Господня.

1. Посреде церкви воспою Тя.

2. Приидите, чада, послушайте мене, страху Господню научу вас.

1. Возненавидех церковь лукавнующих, и с нечестивыми не сяду.

2. Любит милостыню Господь, милости Господни исполнь земля.

1. Весь день милует и взаим дает праведный.

2. Благ муж щедря и дая.

1. Милостив и щедр и праведен.

2. Праведный щедрит и дает.

1. Был еси Помощник мой.

2. Заступник мой и Избавитель, Защититель мой.

1. Милость Его предварит мя.

2. Правда Его пребывает в век века.

07. 12. Преподобнаго отца нашего Нила Столобенскаго

Величание общее преподобному

Псалом преподобным подвизавшимся на островах

Господь воцарися, да веселятся острови.

09. 12. Зачатие праведной Анны, егда зачат Пресвятую Богородицу

Величание

Величаем вас, святии праведнии Богоотцы Иоакиме и Анно, и славим неплодных прозябение, Святейшую Дщерь вашу, Пречистую Деву Марию.

Псалом

1. Помяни, Господи, Давида и всю кротость его.

2. Яко клятся Господеви, обещая Богу Иаковлю.

1. Преславная глаголашася о тебе, граде Божий.

2. Бог посреде его и не подвижится.

1. Клятся Господь Давиду истиною и не отвержется ея.

2. От плода чрева твоего посажду на престоле твоем.

1. Помяну имя Твое во всяком роде и роде.

2. Многи скорби праведным, и от всех избавит их Господь.

1. Господь испытает праведнаго.

2. Внегда скорбети ми, призвах Господа, и к Богу моему воззвах.

1. Сеющии слезами радостию пожнут.

2. Обратил еси плач мой в радость мне.

1. Кто, яко Господь наш, на смиренных призираяй, вселяяй неплодовь в дом материю о чадах веселящеюся.

2. Благословен Господь Бог Израилев от века и до века буди, буди.

09. 12. Иконы Пресвятой Богородицы, именуемой «Нечаянная Радость»

Величание

Величаем Тя, Пресвятая Дево, и чтим образ Твой святый, имже грешным нечаянную радость спасения возвещаеши.

Псалом общий Богородице третий

Исповемся Тебе всем сердцем моим, повем вся чудеса Твоя.

11. 12. В Недели святых праотец и святых отец пред Рождеством Христовым

Величание

Величаем вас, святии праотцы Христовы по плоти и вси ветхозаветные праведницы, и чтим святую память вашу, вы бо молите за нас Христа Бога нашего.

Псалом

1. Исповедайтеся Господеви и призывайте имя Его, возвестите во языцех дела Его.

2. Помяните чудеса Его, яже сотвори, чудеса Его и судьбы уст Его.

1. Семя Авраамле раби Его, сынове Иаковли, избрании Его.

2. Помяну в век завет Свой, слово еже завеща Аврааму, клятву Свою Исааку.

1. Постави сию Иакову в повеление, и Израилю в завет вечен.

2. Иакова избра Себе Господь, Израиля в достояние Себе.

1. Даде им страны язык, яко да сохранят оправдания Его и завета Его взыщут.

2. Избра колено Иудово, гору Сионю, юже возлюби.

1. Завещах завет избранным Моим, кляхся Давиду, рабу Моему.

2. От плода чрева твоего посажду на престоли твоем.

1. До века уготовлю семя твое и созижду в род и род престол твой.

2. Слыша и возвеселися Сион, и возрадовашася дщери Иудейския судеб ради Твоих, Господи.

1. Дивен Бог во святых Своих, Бог Израилев.

2. Благословен Господь Бог Израилев от века и до века буди, буди.

15. 12. Преподобнаго и богоноснаго отца нашего Трифона Печерскаго, просветителя лопарей

Величание

Ублажаем тя, преподобне отче Трифоне, и чтим равноапостольные труды твои, имиже в северных концах Русския земли трудился еси во благовестии Христове.

Псалом

1. Преподобнии Твои славу Царствия Твоего рекут и силу Твою возглаголют.

2. Се удалихся бегая и водворихся в пустыни.

1. Услыши нас, Боже, Спасителю наш, упование всех концев земли.

2. Север и море Ты создал еси.

1. Воцарися Бог над языки.

2. Возвестите во языцех славу Его, во всех людех чудеса Его.

1. Видех неразумевающих и истаях.

2. Провещает язык мой словеса Твоя.

1. Страху Господню научу вас.

2. Научу беззаконных путям Твоим.

1. Господь не оставит преподобных Своих, вовек сохранятся.

2. Пойте Господеви преподобнии Его, и им поведайте память святыни Его.

1. Хранит Господь души преподобных Своих.

2. Слава сия будет всем преподобным Его.

19. 12. Гражданское новолетие

Там, где в день гражданскаго новолетия совершается праздничная церковная служба, на полиелейной утрени могут быть исполнены в уставном порядке нижеследующее величание и псалом избранный.

Величание

Величаем Тя, Живодавче Христе, на земли во плоти явльшагося проповедати времена Господни благоприятныя.

Псалом

1. Благословиши венец лета благости Твоея.

2. О Бозе похвалимся весь день, и о имени Твоем исповемыся вовеки.

1. Возвеселимся о Нем, владычествующем силою Своею веком.

2. Будет имя Его благословенно вовеки.

1. Прежде солнца пребывает имя Его.

2. В началех Ты, Господи, землю основал еси, и дела рук Твоих суть небеса.

1. Та погибнут, Ты же пребываеши, и лета Твоя не оскудеют.

2. Тысяща лет пред очами Твоими, Господи, яко день вчерашний, иже мимо иде.

1. Царство Твое – Царство всех веков.

2. Вся земля да поклонится Тебе и поет Тебе, да поет же имени Твоему, Вышний.

1. На всяк день благословлю Тя и восхвалю имя Твое в век и в век века.

2. Восхвалю Господа в жизни моей, пою Богу моему, Дóндеже есмь.

1. Се не воздремлет, и не уснет храняй Израиля.

2. Буди слава Господня вовеки.

21. 12. Иже во святых отца нашего Петра, митрополита Московскаго и всея Руси

Величание

Величаем тя, святителю отче Петре, твоим благословением град Москву, яко сердце Святой Руси, утвердившаго и о Русской земле Богу непрестанно молящагося.

Псалом

1. Священницы Твои облекутся правдою, и преподобнии Твои возрадуются.

2. Господи, возлюбих благолепие дому Твоего, и место селения славы Твоея.

1. Молитвы моя Господеви воздам пред всеми людьми Его, во дворех дому Господня.

2. Приидите, чада, послушайте мене, страху Господню научу вас.

1. Даст ти Господь по сердцу твоему и весь совет твой исполнит.

2. Велий Господь и хвален зело, во граде Бога нашего, благокоренным радованием всея земли.

1. Град Царя великаго, Бог в храмах его.

2. Яко избра Господь его в жилище Себе.

1. Видехом во граде Господа сил, во граде Бога нашего; Бог основа его.

2. Тамо уготовах светильник помазанному Моему.

1. Священники его облеку во спасение, и преподобнии его радостию возрадуются.

2. Праведник яко финикс процветет, яко кедр, иже в Ливане, умножится.

1. Пребудет в век пред Богом.

2. Хвала Его пребывает в век века.

21. 12. Святой праведной Иулиании, княгини Вяземской, Новоторжской

Величание

Величаем тя, святая праведная княгине Иулиание, и чтим мученическую за целомудрие Христа ради кончину твою.

Псалом

1. Предзрех Господа предо мною, яко одесную мене есть, да не подвижуся.

2. Прилепихся свидениям Твоим, Господи.

1. Десница Господня вознесе мя.

2. Возлюбих заповеди Твои паче злата и топазия.

1. Ко всем заповедям Твоим направляхся, всяк путь неправды возненавидех.

2. Неправду возненавидех и омерзих, закон же Твой возлюбих.

1. Мене ждаша грешницы погубити мя, свидения Твоя разумех.

2. На пути сем, по немуже хождах, скрыша сеть мне.

1. Положиша грешницы сеть мне, и от заповедей Твоих не заблудих.

2. Возскорбех во искушении моем и смятохся от стужения грешнича.

1. Сохрани мя от сети, юже составиша ми, и от соблазн делающих беззакония.

2. Тобою избавлюся от искушения.

1. Тебе ради умерщвляемся.

2. О Бозе спасение мое и слава моя.

22. 12. Святой великомученицы Анастасии Узорешительницы

Величание

Величаем тя, святая великомученице Анастасие, узников и страдальцев утешительница, и чтим честныя страдания твои, ихже последи и сама за Христа претерпела еси.

Псалом общий мученицы

Бог нам Прибежище и Сила, Помощник в скорбех, обретших нас зело.

26. 12. Собор Пресвятой Владычицы нашей Богородицы

Величание

Достойно есть величати Тя, Пресвятая Дево, воистину сущую Богородицу, без истления Бога Слово рождшую.

Псалом

1. Помяни, Господи, Давида и всю кротость его.

2. Яко клятся Господеви, обещахся Богу Иаковлю.

1. Освятил есть селение Свое Вышний.

2. Бог посреде его и не подвижится.

1. Святыня и великолепие во святиле Его.

2. Преславная глаголашася о тебе, граде Божий.

1. Яко веселящихся всех жилище в тебе.

2. Свят храм Твой, дивен в правде.

1. Лицу Твоему помолятся богатии людстии.

2. Вся слава Дщери Цареви внутрь.

1. Рясны златыми одеяна и преиспещрена.

2. Слыши, Дщи, и виждь, и приклони ухо Твое.

1. Помяну имя Твое во всяком роде и роде.

2. Сего ради людие исповедятся Тебе в век и в век века.

27. 12. Святаго апостола, первомученика и архидиакона Стефана

Величание

Величаем тя, апостоле Христов и архидиаконе Стефане, и чтим честныя страдания твои, ихже ты первый за Христа претерпел еси.

Псалом

1. Блажен муж, бояйся Господа, в заповедех Его восхощет зело.

2. В законе Господни воля его, и в законе Его поучится день и нощь.

1. Господь даст глагол благовествующим силою многою.

2. Седоша князи и на мя клеветаху, раб же Твой размышляше о оправданиях Твоих.

1. Суди, Господи, обидящих мя, побори борющих мя.

2. Востани, Господи, и вонми суду моему, Боже мой и Господи мой, на прю мою.

1. Небеса поведают славу Божию.

2. Возвестят небеса правду Его, яко Бог судия есть.

1. Предзрех Господа предо мною, яко одесную мене есть, да не подвижуся.

2. Господь, на небеси Престол Его, очи Его на нищаго призирают.

1. Тебе ради умерщвляемся, вменихомся, яко овцы заколения.

2. Аз же на Тя, Господи, уповах, в руках Твоих жребий мой.

1. Положил еси на главе его венец от камене честна.

2. Жизни просил есть у тебе, и дал еси ему долготу дней во век века.

29. 12. Святых младенцев, Христа ради избиенных от Ирода в Вифлееме Иудейском

Величание

Величаем вас, блаженнии младенцы Вифлеемские, первыми за Христа жизнь свою положивших и ныне с лики ангельскими непрестанно Господа славящих.

Псалом

1. Воскликните Господеви вся земля, пойте же имени Его, дадите славу хвале Его.

2. Рцыте Богу: коль дивна дела Твоя.

1. Ты восприял мя еси из чрева матери моея.

2. К Тебе привержен есмь от ложесн, от чрева матери моея Бог мой еси Ты.

1. Мене ждаша грешницы погубити мя.

2. Обыдоши мя, пси мнози, сонм лукавых одержаша мя.

1. Обыдоша мя яко пчелы сот.

2. Тебе ради умерщвляемся, вменихомся, яко овцы заколения.

1. Всякия кончины видех конец. Широка заповедь Твоя зело.

2. Мене же за незлобие приял, и утвердил мя еси пред Тобою вовек.

1. Храняй младенцы, Господи; память их в род и род.

2. Хвалите Господа с небес, хвалите Его в вышних.

1. Хвалите Его, вси Ангели Его, хвалите Его, вся Силы Его.

2. Благословен Господь вовек буди, буди.

ЯНВАРЬ

01. 01. Иже во святых отца нашего Василия Великаго, архиепископа Кессарии Каппадокийския

Величание

Величаем тя, святителю отче Василие, великаго столпа Церкви и учителя, реки учений православных источившего вселенней.

Псалом общий вселенским святителям

Услышите сия, вси язы́цы.

02. 01. Святой праведной Иулиании Лазаревской, милостивой Муромской

Величание

Величаем тя, святая праведная Иулиание милостивая, и чтим святую память твою, ты бо присно о милости к нам молиши Всемилостиваго Христа, Бога нашего.

Псалом

1. Весь день милует и взаим дает праведный.

2. Тебе оставлен есть нищий, сиру Ты буди помощником.

1. Расточи, даде убогим.

2. Нищия насыщу хлебом.

1. Да узрят нищии и возвеселятся, и восхвалят имя Твое.

2. Милость Твоя, Господи, помогаша мне.

1. Возверзи на Господа печаль твою, и Той тя препитает.

2. Любит милостыню Господь.

1. Се очи Господни на боящихся Его, препитати их в глад.

2. Весть Господь пути непорочных.

1. Не постыдятся во время лютое и во днех глада насытятся.

2. Милостив и щедр Господь, пищу даде боящимся Его.

1. Сынове Твои, яко новосаждения масличная, окрест трапезы Твоея.

2. Праведницы наследят землю и вселятся в век века на ней.

02. 01. Преподобнаго отца нашего Серафима, Саровскаго чудотворца

Величание

Ублажаем тя, преподобне отче Серафиме, Матери Божией избранниче, Ангелов собеседниче и всех притекающих к тебе радосте и утешение.

Псалом

1. Пойте Господеви преподобнии Его, и им поведайте память святыни Его.

2. В Тебе утвердихся от утробы, от чрева матери моея Ты еси мой покровитель.

1. Имже образом желает елень на источники водные, сице возжада душа моя к Богу.

2. Се удалихся, бегая, и водворихся в пустыни, чаях Бога, спасающаго мя.

1. Праведник яко финикс процветет, яко кедр, иже в Ливане, умножится.

2. Будет, яко древо насажденное при исходищих вод, еже плод свой даст во время свое.

1. Предзрех Господа предо мною, яко одесную мене есть, да не подвижуся.

2. Постави на камени нозе мои, и вложи во уста моя пение Богу нашему.

1. Положи, Господи, хранение устом моим.

2. Положих устом моим хранило, смирихся и умолчах.

1. Согреяся сердце мое во мне, и в поучении моем возгорится огнь.

2. Приидите, чада, послушайте мене, страху Господню научу вас.

1. Ты еси радость моя.

2. Память Твоя в род и род.

07. 01. Собор святаго славнаго Пророка, Предтечи и Крестителя Иоанна

Величание

Величаем тя, Крестителю Спасов Иоанне, явление Агнца Божия людем возвестившаго и Сего во струях Иорданских трепетною рукою крестити сподобльшагося.

Псалом

1. Благословен Господь Бог Израилев, яко посети и сотвори избавление людем Своим.

2. Ты пророк Вышняго наречешися.

1. Предъидеши бо пред лицем Господним уготовати пути Его.

2. Се удалихся, бегая, и водворихся в пустыни.

1. Розботеют красная пустыни.

2. Глас вопиющаго в пустыни, уготовайте путь Господень.

1. Помянух тя от земли Иордански.

2. Господь даст глагол благовествующим силою многою.

1. Видеша Тя воды, Боже, видеша Тя воды, и убояшася.

2. Иордан возвратися вспять.

1. Посети нас Восток с высоты.

2. Просветити во тьме и сени смертней седящих.

1. Направити ноги наша на путь мира.

2. Яко возвеличишася дела Твоя, Господи, вся премудростию сотворил еси.

08. 01. Священномученика Исидора пресвитера и с ним 72-х пострадавших в Юрьеве, граде Ливонском

Величание

Величаем тя, священномучениче Исидоре, и чтим честныя страдания твои, ихже со дружиною твоею за веру православную претерпел еси.

Псалом

1. Блажен муж, иже не иде на совет нечестивых.

2. Священницы Твои облекутся правдою, и преподобнии Твои возрадуются.

1. Молитвы моя Господеви воздам; посреде церкве воспою Тя.

2. Приидите, чада, послушайте мене, страху Господню научу вас.

1. Возненавидех церковь лукавнующих, и с нечестивыми не сяду.

2. Законопреступных возненавидех, закон же Твой возлюбих.

1. Уготовихся и не смутихся сохранити заповеди Твои.

2. Умножися на мя неправда гордых.

1. Приближишася гонящии мя беззаконием.

2. Обышедше обыдоша мя, и именем Господним противляхся им.

1. Се аз и дети, яже ми даде Бог.

2. Тебе ради умерщвляемся весь день, вменихомся, яко овцы заколения.

1. Внидоша воды до души моея.

2. Проидохом сквозе воду, и извел еси нас в покой.

09. 01. Иже во святых отца нашего Филиппа, митрополита Московскаго и всея Руси

Величание

Величаем тя, святителю отче Филиппе, царя дерзновенно обличавшаго и за правду даже до смерти пострадавшаго, ныне же о Русской земле Богу непрестанно молящагося.

Псалом

1. Имже образом желает елень на источники водные, сице возжада душа моя к Богу.

2. Се удалихся, бегая, и водворихся в пустыни, чаях Бога, спасающего мя.

1. Десница Господня вознесе мя.

2. Священницы Твои облекутся правдою, и преподобнии Твои возрадуются.

1. Приидите, чада, послушайте мене, страху Господню научу вас.

2. Неправду возненавидех и омерзих, закон же Твой возлюбих.

1. глаголах о свидениих Твоих пред царями и не стыдяхся.

2. Неправедно погнаша мя, помози ми.

1. На Бога уповах, не убоюся, что сотворит мне человек?

2. Благо есть уповати на Господа, нежели уповати на князи.

1. Тебе ради умерщвляемся.

2. Праведник яко финикс процветет, яко кедр, иже в Ливане, умножится.

1. Пребудет в век пред Богом.

2. Хвала Его пребывает в век века.

11. 01. Преподобнаго отца нашего Феодосия, общих житий начальника

Величание и псалом общие во Псалтири

13. 01. Преподобнаго отца нашего Елеазара Анзерскаго

Величание общее преподобному.

Псалом преподобным, подвизавшимся на островах

Господь воцарися, да веселятся острови.

14. 01. Святой равноапостольной Нины, просветительницы Грузии

Величание

Величаем тя, святая равноапостольная Нина, и чтим подвиги и труды твои, имиже в странах Кавказских трудилася еси во благовестии Христове.

Псалом

1. Дивен Бог во святых Своих.

2. Девы да восхвалят имя Господне.

1. Видех неразумевающих и истаях.

2. Истаяла мя есть ревность Твоя, яко забыша словеса Твоя.

1. Готово сердце мое, Боже, готово сердце мое.

2. Согреяся сердце мое во мне, и в поучении моем возгорится огнь.

1. Господь даст глагол благовествующим силою многою.

2. Провещает язык мой словеса Твоя.

1. От Господа стопы человеку исправляются.

2. Стопы моя направи по словеси Твоему.

1. глаголах о свидениих Твоих пред царями и не стыдяхся.

2. Возвестите во языцех славу Его, во всех людех чудеса Его.

1. Во всю землю изыде вещание их.

2. Велий Господь и велия крепость Его, Той даст силу и державу людем Своим.

16. 01. Поклонение честным веригам святаго и всехвальнаго апостола Петра

Величание

Величаем тя, святый апостоле Петре, и чтим честныя вериги твои, имиже яко злодей за Христа связан был еси.

Псалом

1. Во всю землю изыде вещание их, и в концы вселенныя глаголы их.

2. Суди, Господи, обидящих мя, побори борющих мя.

1. Восташа на мя свидетели неправеднии, яже не ведях вопрошаху мя.

2. Врази мои душу мою одержаша.

1. Погна враг душу мою, посадил мя есть в темных.

2. Смириша во оковах нозе его, железо пройде душа его.

1. От скорби призвах Господа, и услыша мя в пространство.

2. Внегда призвати ми, услыша мя Бог правды моея.

1. Изведи из темницы душу мою.

2. Господь решит окованных, и узы их растерза.

1. Ангелом Своим заповесть о тебе сохранити тя.

2. Ополчится Ангел Господень окрест боящихся Его и избавит их.

1. Велий Господь и велия крепость Его, и разума Его несть числа.

2. Той даст силу и державу людем Своим; благословен Бог.

16. 01. Святаго праведнаго Максима, иерея Тотемскаго

Величание

Величаем тя, святый праведный иерее Максиме, и чтим святую память твою, ты бо молиши за нас Христа Бога нашего.

Псалом

1. Блажени живущии в дому Твоем, в век веков восхвалят Тя.

2. Священницы Твои облекутся правдою, и преподобнии Твои возрадуются.

1. Коль возлюбленна селения Твоя, Господи сил.

2. Желает и скончавается душа моя во дворы Господни.

1. Изволих приметатися в дому Бога моего.

2. Умыю в неповинных руце мои и обыду жертвенник Твой, Господи.

1. Молитвы моя Господеви воздам, посреде церкви воспою Тя.

2. Воспою имени Твоему вовеки, воздати ми молитвы моя день от дне.

1. Да исправится молитва моя, яко кадило пред Тобою, воздеяния руку моею.

2. На всяк день благословлю Тя и восхвалю имя Твое.

1. Воспою Господеви в жизни моей, пою Богу моему Дóндеже есмь.

2. Да усладится Ему беседа моя, аз же возвеселюся о Господе.

1. Приидите, чада, послушайте мене, страху Господню научу вас.

2. Радуйтеся, праведнии, о Господе, правым подобает похвала.

17. 01. Преподобнаго и богоноснаго отца нашего Антония Великаго

Величание и псалом общие преподобным во Псалтири

18. 01. Иже во святых отец наших Афанасия и Кирилла, архиепископов Александрийских

Величание

Величаем вас, святителие велицыи Афанасие и Кирилле, ересей посрамителие, Православия поборницы, Церкви Христовы столпи непоколебимии.

Псалом общий великим вселенским святителям

Услышите сия, вси язы́цы.

21. 01. Иконы Пресвятыя Богородицы Ватопедской, именуемой «Отрада и Утешение»

Величание

Величаем Тя, Пресвятая Дево, и чтим образ Твой святый, егоже во отраду и утешение верным людем даровала еси.

Псалом общий Богородице второй

Слыши, Дщи, и виждь, и приклони ухо Твое.

24. 01. Иже во святых отца нашего Герасима, епископа Великопермскаго

Величание

Величаем тя, святителю отче Герасиме, и чтим равноапостольные труды твоя в земле Зырянской и мученическую Христа ради кончину твою.

Псалом общий святителю-равноапостолу

Воскликните Богови, вся земля.

25. 01. Иже во святых отца нашего Григория, архиепископа Константиня града, Богослова

Величание

Величаем тя, святителю отче Григорие, кротости и любви преисполненнаго, глубины богословия изыскавшаго и одеждою Православия Церковь украсившаго.

Псалом общий великим вселенским святителям

Услышите сия, вси язы́цы.

25. 01. Иконы Пресвятой Богородицы, именуемой «Утоли моя печали»

Величание

Достойно есть величати Тя, Богородице, от всякаго зла нас избавляющую и печали наши утоляющую.

Псалом общий Богородице второй

Слыши, Дщи, и виждь, и приклони ухо Твое.

26. 01. Преподобных Ксенофонта и Марии и чад их Иоанна и Аркадия

Величание

Ублажаем вас, преподобнии Ксенофонте и Марие, Иоанне и Аркадие, и чтим скорби и болезни ваши о разлучении друг от друга, ихже терпеливо Господа ради понесше, мучеником уподобистеся.

Псалом

1. Бог нам Прибежище и Сила, Помощник в скорбех, обретших нас зело.

2. Господь испытает праведнаго.

1. Скорби сердца моего умножишася.

2. Скорби и нужды обретоша мя, заповеди Твои поучение мое.

1. Вскую прискорбна еси, душе моя, Вскую смущаеши мя? Уповай на Бога.

2. В день скорби моея Бога взысках.

1. Ко Господу, внегда скорбети ми, воззвах, и услыша мя.

2. Близ Господь всем призывающим Его.

1. Явил ми еси скорби многи и злы, и обращся утешил мя еси.

2. Обратил еси плач мой в радость мне.

1. Многи скорби праведным, и от всех избавит их Господь.

2. Сеющии слезами радость пожнут.

1. Воззваша праведнии, и Господь услыша их, и от всех скорбей их спасе их.

2. Пойте Господеви преподобнии Его, и им поведайте память святыни Его, во всех людех чудеса Его.

26. 01. Святаго благовернаго Давида Возобновителя, царя Грузинскаго

Величание

Величаем тя, святый и благоверный царю Давиде, и чтим труды твои, ихже во славу Христа Бога и во устроение земле твоея совершил еси.

Псалом общий князю-правителю

Вознесох избраннаго от людей Моих.

29. 01. Иже во святых отец наших Герасима, Питирима и Ионы, епископов Великопермских, просветителей зырян

Величание

Величаем вас, святителие Христовы Герасиме, Питириме и Ионо, и чтим равноапостольные труды ваши, имиже в земле Зырянской трудистеся во благовестии Христове.

Псалом святителю-равноапостолу

Воскликните Богови, вся земля.

30. 01. Иже во святых отец наших трех вселенских великих учителей и святителей Василия Великаго, Григория Богослова и Иоанна Златоустаго

Величание

Величаем вас, трие вселенские велицыи учителие и святителие Василие, Григорие и Иоанне, Церкви Христовы столпы непоколебимии, людей православных ко спасению наставницы.

Псалом общий святителям во Псалтири.

Аще же изволит настоятель, поем непорочны на три статии, припевающе величания святителем, бывшия в старопечатных Псалтирях, к каждому стиху всего псалма или точию к избранным.

Статия первая

Величаем тя, святителю Христов Василие, ты бо благочестно Церковь Христову непреклонну соблюл еси.

Блажени непорочнии в путь, ходящии в законе Господни.

Блажени испытающии свидения Его, всем сердцем взыщут Его.

В сердце моем скрых словеса Твоя, яко да не согрешу Тебе.

Возлюби, душа моя, возжелати судьбы Твоя на всякое время.

И глаголах о свидениих Твоих пред цари и не стыдяхся.

Печаль прият мя от грешник, оставляющих закон Твой.

Уготовихся и не смутихся, сохранити заповеди Твои.

Благ мне закон уст Твоих, паче тысящ злата и сребра.

Статия вторая

Достойно есть величати тя, Григорие Богослове, глубины духа изыскавшаго и доброты вещания приявшего.

Руце Твои сотвористе мя и создасте мя: вразуми мя, и научуся заповедем Твоим.

Буди сердце мое непорочно во оправданиих Твоих, яко да не постыжуся.

По милости Твоей живи мя, и сохраню свидения уст Твоих.

Твой есмь аз, спаси мя: яко оправданий Твоих взысках.

Коль возлюбих закон Твой, Господи, весь день поучение мое есть.

Коль сладка гортани моему словеса Твоя: паче меда устом моим.

Сего ради ко всем заповедем Твоим направляхся, всяк путь неправды возненавидех.

Уста моя отверзох, и привлекох дух, яко заповедей Твоих желах.

Статия третия

Роди вси песньми покаяния проповедника Златоустаго Иоанна блажим.

Призри на мя и помилуй мя, по суду любящих имя Твое.

Истаяла мя есть ревность Твоя, яко забыша словеса Твоя врази мои.

Воззвах всем сердцем моим, услыши мя, Господи, оправдания Твоя взыщу.

Приближашася гонящии мя беззаконием: от закона же Твоего удалишася.

Мнози изгонящии мя и стужающии ми: от свидений Твоих не уклонихся.

Возрадуюся аз о словесех Твоих яко обретаяй корысть многу.

Провещает язык мой словеса Твоя, яко вся заповеди Твои правда.

Заблудих, яко овча погибшее: взыщи раба Твоего, яко заповедей Твоих не забых.

Слава: Величаем вас, трие вселенские велицыи учителие и святилие Василие, Григорие и Иоанне, Церкви Христовы столпы непоколебимии, людей православных ко спасению наставницы.

И ныне: то же величание.

Аллилуиа (трижды), и паки: Величаем вас, трие вселенские велицыи учителие:

ФЕВРАЛЬ

03. 02. Святых праведных Симеона Богоприимца и Анны Пророчицы

Величание

Величаем вас, святии праведнии Симеоне и Анно, и чтим святую память вашу, вы бо молите за нас Христа Бога нашего.

Псалом

1. Видена быша шествия Твоя, Боже, шествия Бога моего Царя, Иже во святем.

2. Господь во храме святем Своем, Господь, на небеси Престол Его.

1. Даже до старости и престарения моего, Боже мой, не остави мене, Дóндеже возвещу мышцу Твою роду всему грядущему.

2. Множеством милости Твоея вниду в дом Твой.

1. Посреди церкви воспою Тя.

2. Старцы да восхвалят имя Господне.

1. от Тебе похвала моя, в церкви велицей исповемся Тебе.

2. Отрыгну сердце мое слово благо.

1. Глаголю аз дела моя Цареви.

2. Язык мой трость книжника скорописца.

1. Ныне отпущаеши раба Твоего, Владыко, по глаголу Твоему с миром.

2. Видеста очи мои спасение Твое.

1. Свет во откровение языков и славу людей Твоих Израиля.

2. Свет возсия праведнику, и правым сердцем веселие.

03. 02. Святаго благовернаго князя Романа Угличскаго

Величание и псалом общие князю-правителю

04. 02. Святаго благовернаго великаго князя Георгия Владимирскаго

Величание

Величаем тя, страстотерпче святый, благоверный великий княже Георгие, за веру и Отечество и за людей твоих душу положившаго.

Псалом

1. Бог нам Прибежище и Сила, Помощник в скорбех, обретших нас зело.

2. Боже мой, на Тя уповах, да не постыжуся во век.

1. Внегда скорбети ми, призвах Господа, и к Богу моему воззвах.

2. Мнози изгонящии мя и стужающии ми.

1. Неправедно погнаша мя, помози ми.

2. Мене же за незлобие приял.

1. В руках Твоих жребий мой; избави мя из руки врагов моих и от гонящих мя.

2. Множицею брашася со мною от юности моея.

1. Господи, Господи, сила спасения моего, осенил еси над главою моею в день брани.

2. язы́цы обыдоша мя и именем Господним противляхся им.

1. Обыдоша мя, яко пчелы сот, и разгорешися, яко огнь в тернии.

2. К Тебе воззвах, внегда уны сердце мое.

1. Вскую прискорбна еси, душе моя, Вскую смущаеши мя? Уповай на Бога, яко исповемся Ему.

2. Святым, иже суть на земли Его, удиви Господь вся хотения Своя в них.

05. 02. Иконы Пресвятой Богородицы, именуемой «Взыскание погибших»

Величание

Достойно есть величати Тя, Богородице, грешных спасение и взыскание погибающих.

Псалом общий Богородице третий

Исповемся Тебе всем сердцем моим, повем вся чудеса Твоя.

10. 02. Святой благоверной великой княгини Анны Новгородской

Величание

Величаем тя, святая благоверная великая княгине Анно, и чтим святую память твою, ты бо молиши за нас Христа Бога нашего.

Псалом праведной жене

Предзрех Господа предо мною, яко одесную мене есть, да не подвижуся.

12. 02. Иже во святых отца нашего Алексия, митрополита Московскаго и всея Руси

Величание

Величаем тя, святителю отче Алексие, о Русской земле пред царями неверными дерзновенно предстательствовавшаго и ныне о ней Богу непрестанно молящаго.

Псалом общий святителю.

14. 02. Преподобнаго отца нашего Кирилла, учителя Словенского

Величание

Ублажаем тя, преподобне отче Кирилле, вся Словенския страны ученьми твоими просветившаго и ко Христу приведшаго.

Псалом равноапостольным Кириллу и Мефодию (11 мая)

17. 02. Святаго священномученика Ермогена, патриарха Московского и всея Руси

Величание

Величаем тя, священномучениче Ермогене, и чтим труды и узы твои и мученическую кончину, ихже за Православие и за Русь Святую в годину смуты претерпел еси.

Псалом

1. Священницы Твои облекутся правдою, и преподобнии Твои возрадуются.

2. Господи, возлюбих благолепие дому Твоего и место селения славы Твоея.

1. Молитвы моя Господеви воздам пред всеми людьми Его, во дворех дому Господня.

2. Уста моя возвестят правду Твою, весь день спасение Твое.

1. Приидите, чада, послушайте мене, страху Господню научу вас.

2. Блажен муж, иже не иде на совет нечестивых.

1. Возненавидех церковь лукавнующих и с нечестивыми не сяду.

2. Умножися на мя неправда гордых.

1. Обыдоша мя тельцы мнози, юнцы тучнии одержаша мя.

2. Обышедше обыдоша мя, именем Господним противляхся им.

1. Господь утверждение мое, и прибежище мое, Избавитель мой, Бог мой, Помощник мой и уповаю на Него.

2. Пролию пред Ним моление мое, печаль мою пред Ним возвещу.

1. Аще и пойду посреде сени смертныя, не убоюся зла, яко Ты со мною еси.

2. Благословен Господь Бог Израилев, творяй чудеса Един, и исполнится славы Его вся земля. Буди, буди.

20. 02. Святаго преподобномученика Корнилия, игумена Псково- Печерскаго

Величание

Ублажаем тя, преподобномучениче Корнилие, и чтим святую память твою, наставниче монахов и собеседниче Ангелов.

Псалом

1. Терпя потерпех Господа, и внят ми, и услыша молитву мою.

2. Твой есмь аз, спаси мя, яко оправданий Твоих взысках.

1. Постави на камени нозе мои, и исправи стопы моя.

2. Колена моя изнемогоста от поста, и плоть моя изменися елея ради.

1. Слезами моими постелю мою омочу.

2. Полунощи востах исповедатися Тебе; седмерицею днем хвалих Тя.

1. Предзрех Господа предо мною, яко одесную мене есть, да не подвижуся.

2. Неправедно погнаша мя, помози ми.

1. На Бога уповах, не убоюся, что сотворит мне человек?

2. Благо есть уповати на Господа, нежели уповати на князи.

1. Искусил еси нас, Боже, разжегл еси нас, якоже разжигается сребро.

2. Тебе ради умерщвляемся; вменихомся яко овцы заколения.

1. Всякия кончины видех конец, широка заповедь Твоя зело.

2. Пойте Господеви преподобнии Его, и им поведайте память святыни Его, во всех людех чудеса Его.

МАРТ

02. 03. Иконы Пресвятой Богородицы, именуемой Державная

Величание

Достойно есть величати Тя, Богородице, земли Русской Царицу Небесную и людей православных Владычицу Державную.

Псалом

1. Предста Царица одесную Тебе.

2. Слыши, Дщи, и виждь, и приклони ухо Твое.

1. Держава моя и прибежище мое еси Ты.

2. Державу мою к Тебе сохраню.

1. Достояние мое державно есть мне.

2. Утверждение мое и прибежище мое еси Ты.

1. Ты еси крепость моя.

2. Возрадуюся о милости Твоей, прибежище мое в день скорби моея.

1. Призри на мя и помилуй мя.

2. Спаси мя милостию Твоею.

1. По множеству болезней моих в сердце моем, утешения Твоя возвеселиша душу мою.

2. Скоро да предварят нас щедроты Твоя, яко обнищахом зело.

1. Радосте моя, избави мя от обышедших мя.

2. Воспою имени Твоему вовеки, воздати ми молитвы моя день от дне.

04. 03. Преподобнаго и благовернаго князя Даниила Московскаго

Величание

Ублажаем тя, преподобне и благоверне княже Данииле, и чтим труды твои, ихже во славу Божию и во устроение града Москвы совершил еси.

Псалом

1. Блажен муж, бояйся Господа, сильно на земли будет семя его.

2. Закон Бога его в сердце его, и не запнутся стопы его.

1. Постави его господином дому своему и князем всему стяжанию своему.

2. Божии державнии земли зело вознесошася.

1. Раб Твой есмь аз, вразуми мя.

2. Аще не Господь созиждет дом, всуе трудишася зиждущии.

1. Аще не Господь сохранит град, всуе бде стрегущий.

2. Освятил есть селение Свое Вышний.

1. Благословен Господь, яко удиви милость Свою во граде ограждения.

2. Господи, возлюбих благолепие дому Твоего.

1. Господь в роде праведных.

2. Род правых благословится.

1. Восхвалятся преподобнии во славе.

2. Слава сия будет всем преподобным Его.

04. 03. Святаго благовернаго князя Василия Ростовскаго

Величание

Величаем тя, святый благоверный княже Василие, за веру и Отечество и за люди души твою положившаго.

Псалом князю-мученику, пострадавшему от неверных

Бог нам Прибежище и Сила, Помощник в скорбех, обретших нас зело.

07. 03. Святых священномучеников, в Херсоне епископствовавших: Василия, Ефрема, Капитона, Евгения, Еферия, Елпидия и Агафодора

Величание

Величаем вас, священномученицы седмочислении, в Херсоне епископствовавшие и землю нашу кровьми своими освятившии.

Псалом общий священномученику

Священницы Твои облекутся правдою, и преподобнии Твои возрадуются.

07. 03. Иконы Пресвятой Богородицы, именуемой «Споручница грешных»

Величание

Достойно есть величати Тя, Богородице, руце Твои в поручение о грешных к Сыну Твоему простирающую.

Псалом общий Богородице второй

Слыши, Дщи, и виждь, и приклони ухо Твое.

09. 03. Святых четыредесяти мученик, в Севастийском езере мучившихся

Величание

Величаем вас, страстотерпцы святые четыредесять, и чтим честныя страдания ваши, ихже за Христа претерпели есте.

Псалом

1. Бог нам Прибежище и Сила, Помощник в скорбех, обретших нас зело.

2. Искусил еси нас, Боже, разжегл еси нас, якоже разжигается сребро.

1. Тебе ради умерщвляемся, вменихомся, яко овцы заколения.

2. Мужайтесь, и да крепится сердце ваше, вси уповающии на Господа.

1. Спаси мя, да избавлюся от ненавидящих мя, и от глубоких вод.

2. Спаси мя, Боже, яко внидоша воды до души моея.

1. Поток прейде душа наша.

2. Посли руку Твою с высоты, изми мя и избави мя от вод многих, из руки сынов чуждых.

1. Низпосла с высоты, и прият мя, восприят мя от вод многих.

2. Проидохом сквозе огнь и воду, и извел еси нас в покой.

1. Положил еси на главах их венцы.

2. Возвеличил есть Господь сотворити с нами, быхом веселящеся.

1. Ты, Господи, сохраниши нас и соблюдеши нас от рода сего и вовек.

2. Святым, иже суть на земли Его, удиви Господь вся хотения Своя в них.

09. 03. Иконы Пресвятой Богородицы, именуемой Албазинская

Величание

Величаем Тя, Пресвятая Дево, и чтим образ Твой святый, егоже во утешение людей православных в восточных концах Русской земли прославила еси.

Псалом общий Богородице третий

Исповемся Тебе всем сердцем моим, повем вся чудеса Твоя.

14. 03. Иконы Пресвятой Богородицы, именуемой Феодоровская

Величание

Величаем Тя, Пресвятая Дево, и чтим образ Твой святый, егоже в благословение и покров граду Костроме и всей Русской земле даровала еси.

Псалом общий Богородице первый

Возвеселюся и возрадуюся о Тебе.

17. 03. Святаго праведнаго Алексия, человека Божия

Величание

Ублажаем тя, человече Божий Алексие, и чтим святую память твою, ты бо молиши за нас Христа Бога нашего.

Псалом

1. Блажен муж, иже не призре в суеты и неистовления ложная.

2. Лучше малое праведнику, паче богатства грешных многа.

1. На пути свидений Твоих насладихся, яко о всяком богатстве.

2. Благ мне закон уст Твоих, паче тысящ злата и сребра.

1. За словеса устен Твоих аз сохраних пути жестоки.

2. Отврати очи мои, еже не видети суеты.

1. Се удалихся, бегая, чаях Бога, спасающаго мя.

2. Пресельник аз есмь у тебе и пришлец.

1. Тебе ради потерпех поношение, покры срамота лице мое.

2. Положих одеяние мое вретище, и бых им в притчу.

1. Облачахся во вретище и смирях постом душу мою.

2. Слезами моими постелю мою омочу.

1. Сеющии слезами радостию пожнут.

2. Возвеселится праведник о Господе, и уповает на Него, и похвалятся вси правии сердцем.

АПРЕЛЬ

01. 04. Преподобной матери Марии Египетской

Величание

Ублажаем тя, преподобная мати Марие, дивный образ покаяния и безмернаго Божия милосердия к грешным провозвестницу.

Псалом

1. Блажени, ихже оставишася беззакония и ихже прикрышася грехи.

2. Грех юности моея и неведения моего не помяни.

1. Беззакония моя аз знаю, и грех мой предо мною есть всегда.

2. Тебе единому согреших, и лукавое пред Тобою сотворих.

1. Исходища водная изведосте очи мои, понеже не сохраних закона Твоего.

2. Окропиши мя иссопом, и очищуся, омыеши мя, и паче снега убелюся.

1. Се удалихся, бегая, и водворихся в пустыни, чаях Бога, спасающаго мя.

2. Обыдоша мя пси мнози, сонм лукавых одержаша мя.

1. Благословен Господь, Иже не даде нас в ловитву зубам их.

2. Смирях постом душу мою.

1. Колена моя изнемогоста от поста, и плоть моя изменися елея ради.

2. Благослови, душе моя, Господа, очищающаго вся беззакония твоя.

1. Елико отстоят востоцы от запад, удалил есть от нас беззакония наша.

2. Дивен Бог во святых Своих; Той даст силу и державу людем Своим. Благословен Бог.

04. 04. Преподобнаго отца нашего Иосифа Песнописца

Величание и псалом общие песнописцу-преподобному.

06. 04. Иже во святых отца нашего Мефодия, учителя Словенскаго

Величание

Величаем тя, святителю отче Мефодие, вся языки словенския ученьми твоими просветившаго и ко Христу приведшаго.

Псалом равноапостольным Мефодию и Кириллу (11 мая)

11. 04. Иже во святых отца нашего Варсонофия, епископа Тверскаго

Во граде Казани и в области ея величание и псалом, якоже святителю Гурию от 5 декабря. Во граде же Твери и прочих епархиях величание общее святительское, а псалом святителю-равноапостолу:

Воскликните Богови вся земля.

17. 04. Преподобнаго и богоноснаго отца нашего Зосимы, игумена Соловецкаго

Величание общее преподобному

Псалом преподобным, подвизавшимся на островах

Господь воцарися, да веселятся острови.

18. 04. Иконы Пресвятой Богородицы, именуемой Максимовская

Величание

Величаем Тя, Пресвятая Дево, и чтим образ Твой святый, егоже святитель Максим даде граду Владимиру в покров и всем верным во спасение.

Псалом общий Богородице первый

Возвеселюся и возрадуюся о Тебе.

20. 04. Святаго мученика-младенца Гавриила Белостокскаго

Величание

Величаем тя, страстотерпче святый младенче Гаврииле, и чтим честныя страдания твои, ихже за Христа претерпел еси.

Псалом

1. Из уст младенцев совершил еси хвалу.

2. Ты восприял мя еси из чрева матери моея.

1. В Тебе утвердихся от утробы, от чрева матери моея Ты еси мой Покровитель.

2. Ты еси упование мое от сосцев матери моея.

1. Свидетельство Господне верно, умудряющее младенцев.

2. Обыдоша мя пси мнози, сонм лукавых одержаша мя.

1. Законопреступницы восташа на мя.

2. Обыдоша мя, яко пчелы сот.

1. Тебе ради умерщвляемся, вменихомся, яко овцы заколения.

2. Храняй младенцы Господь.

1. Святым, иже суть на земли Его, удиви Господь вся хотения Своя в них.

2. Хвалите, отроцы, Господа, хвалите имя Господне.

26. 04. Иже во святых отца нашего Стефана, епископа Великопермскаго, просветителя зырян

Величание

Величаем тя, святителю отче Стефане, и чтим равноапостольные труды твоя, имиже в земле Зырянской трудился еси во благовестии Христове.

Псалом святителю-равноапостолу

Воскликните Богови вся земля.

МАЙ

01. 05. Святой благоверной Тамары, царицы Грузинской

Величание

Величаем тя, святая благоверная царица Тамара, и чтим подвиги и труды твои, ихже во славу Христа Бога и во устроение земли твоей совершила еси.

Псалом праведной жене

Предзрех Господа предо мною, яко одесную мене есть, да не подвижуся.

02. 05. Иже во святых отца нашего Афанасия, архиепископа Александрийскаго, Великаго

Величание

Величаем тя, святителю отче Афанасие, злословия терние искоренившаго, учения же Православия насадившаго и Сына Божия Отцу и Духу единосущна проповедавшаго.

Псалом общий великим вселенским святителям

Услышите сия, вси язы́цы.

03. 05. Преподобнаго отца нашего Феодосия, игумена монастыря Печерскаго и начальника в Русской земле монашескаго общаго жития

Величание

Ублажаем тя, преподобне отче Феодосие, и чтим святую память твою, Ангелов собеседниче и общаго монашеского жития в Русской земли первоначальниче.

Псалом общий преподобному

Терпя потерпех Господа.

06. 05. Святаго праведнаго Иова Многострадальнаго

Величание

Величаем тя, святый праведный Иове, и чтим скорби и болезни твои, ихже со благодарением Господа ради претерпел еси.

Псалом

1. Блажен муж, иже не иде на совет нечестивых и на пути грешных не ста.

2. Блажен разумеваяй на нища и убога, в день лют избавит его Господь.

1. Господь испытает праведнаго.

2. Уста льстиваго на мя отверзошася, глаголаша на мя языком льстивым.

1. Сие дело оболгающих мя у Господа и глаголющих лукавое на душу мою.

2. Исчезе в болезни жизнь моя, изнеможе нищетою крепость моя, кости моя смятошася.

1. Вси видящии мя поругашася ми, глаголаша устами, покиваша главою.

2. Бых поношение соседом моим и страх знаемым моим, видящии мя вон бежаша от Мене.

1. Аз же всегда возуповаю на Тя и приложу на всяку похвалу Твою.

2. Ты же, Господи, не удали помощь Твою от Мене, на заступление мое вонми.

1. Явил ми еси скорби многи и злы, и обращся оживотворил мя еси.

2. Жена твоя, яко лоза плодовита, сынове твои, яко новосаждения масличная окрест трапезы твоея.

1. Се тако благословится человек, бояйся Господа.

2. В память вечную будет праведник.

07. 05. Преподобнаго отца нашего Нила Сорскаго

Величание

Ублажаем тя, преподобне отче Ниле, и чтим святую память твою, Ангелов собеседниче, монахов наставниче и совершеннейшаго нестяжания ревнителю.

Псалом общий преподобному

Терпя потерпех Господа.

10. 05. Святаго апостола Симона Зилота

Величание

Величаем тя, апостоле Христов Симоне, и чтим болезни и труды твои, имиже в пределах Отечества нашего и во иных странах трудился еси во благовестии Христове.

Псалом общий апостолу

Небеса поведают славу Божию.

11. 05. Святых равноапостольных Мефодия и Кирилла, учителей Словенских

Величание

Величаем вас, святии равноапостольнии Мефодие и Кирилле, все Словенския страны ученьми вашими просветивших и ко Христу приведших.

Псалом

1. Воскликните Богови, вся земля.

2. От восток солнца до запад хвально имя Господне.

1. Возвестите во языцех славу Его, во всех людех чудеса Его.

2. Видех неразумевающих и истаях.

1. Истаяла мя есть ревность Твоя, яко забыша словеса Твоя.

2. Исповемся Тебе во языцех, Господи.

1. Провещает язык мой словеса Твоя.

2. Господь даст глагол благовествующим силою многою.

1. глаголах о свидениих Твоих пред царями и не стыдяхся.

2. Священницы Твои облекутся правдою, и преподобнии Твои возрадуются.

1. Приидите, чада, послушайте мене, страху Господню научу вас.

2. Повем имя Твое братии моей.

1. Во всю землю изыде вещание их.

2. Пойте Господеви, преподобнии Его, и им поведайте память святыни Его, во всех людех чудеса Его.

11. 05. Иже во святых отца нашего Иосифа убиеннаго, митрополита Астраханскаго

Величание общее святительское

Псалом

1. Священницы Твои облекутся правдою и преподобнии Твои возрадуются.

2. Господи, возлюбих благолепие дому Твоего и место селения славы Твоея.

1. Молитвы моя Господеви воздам пред всеми людьми Его, во дворех дому Господня.

2. Повем имя Твое братии моей, посреде церкви воспою Тя.

1. Приидите, чада, послушайте мене, страху Господню научу вас.

2. Уста мои возвестят правду Твою, весь день спасение Твое.

1. Законопреступных возненавидех, закон же Твой возлюбих.

2. Законопреступницы восташа на мя, и сонм державных взыскаша душу мою.

1. Умножися на мя неправда гордых.

2. Приближишася гонящии мя беззаконием.

1. Обыдоша мя пси мнози, сонм лукавых одержаша мя.

2. Аз на раны готов.

1. Тебе ради умерщвляемся.

2. Блажени живущии в дому Твоем: в веки веков восхвалят Тя.

12. 05. Святаго священномученика Ермогена, патриарха Московскаго и всея Руси и преподобнаго Дионисия, архимандрита Радонежскаго

Величание

Величаем вас, священномучениче Ермогене и преподобне Дионисие, и чтим подвиги и труды ваши, имиже вы в годину смуты за Православие и за Русь Святую подвизастеся.

Псалом

1. Священницы Твои облекутся правдою, и преподобнии Твои возрадуются.

2. Весть Господь путь непорочных и достояние их в век будет.

1. Отцы наши поведаша нам, возвещающе хвалы Господни, и силы Его и чудеса Его, яже сотвори.

2. Приидоша язы́цы в достояние Твое, поядоша Иакова и место его опустошиша.

1. Положил еси нас в пререкание соседом нашим, и врази наши подражниша нас.

2. Благословен Господь, Иже не даде нас в ловитву зубам их.

1. Боже, отринул еси нас и низложил еси нас, разгневался еси и ущедрил еси нас.

2. Спасл еси нас от стужающих нам, и ненавидящих нас посрамил еси.

1. Якоже щедрит отец сыны, ущедри Господь боящихся Его.

2. Не отринет Господь людей Своих, и достояния Своего не оставит.

1. Господь крепость людем Своим даст, Господь благословит людей Своих миром.

2. Благоволил еси, Господи, землю Твою, возвратил еси плен Иаковль.

1. Душа наша, яко птица, избавится от сети ловящих; сеть сокрушися, и мы избавлени быхом.

2. Пойте Господеви преподобнии Его, и им поведайте память святыни Его, во всех людех чудеса Его.

Где празднуется одному священномученику Ермогену:

Величание

Величаем тя, священномучениче Ермогене, и чтим подвиги и труды твои, имиже в годину смуты за Православие и за Русь Святую потрудился еси.

Где празднуется одному преподобному, величание и псалом ему общие преподобнические.

13. 05. Святой праведной Гликерии Новгородской

Величание и псалом общие праведной деве.

15. 05. Святаго благовернаго царевича Димитрия Угличскаго

Величание

Величаем тя, страстотерпче святый царевиче Димитрие, и чтим святую память твою, ты бо молиши за нас Христа Бога нашего.

Псалом

1. Хвалите, отроцы, Господа, хвалите имя Господне.

2. Князи и юноши да восхвалят имя Господне.

1. Десница Господня вознесе мя.

2. Ты восприял мя еси от чрева матери моея.

1. В Тебе утвердихся от утробы, от чрева матери моея, Ты еси мой Покровитель.

2. Ты еси упование мое от сосцев матери моея.

1. К Тебе привержен есмь от ложесн, от чрева матери моея Бог мой еси Ты.

2. Законопреступницы восташа на мя.

1. Ненавидением неправедным возненавидеша мя.

2. Уловиша душу мою, нападоша на мя крепцыи.

1. Тебе ради умерщвляемся, вменихомся, яко овцы заколения.

2. Мене же за незлобие приял и утвердил мя еси пред Тобою в век.

1. Сотвори со мною знамение во благо.

2. Хвалу Господню возглаголют уста моя в век и в век века.

17. 05. Преподобной и благоверной великой княгини Евдокии, во инокинех Евфросинии, Московской

Величание

Ублажаем тя, преподобная и благоверная великая княгиня Евдокие, и чтим святую память твою, ты бо молиши за нас Христа Бога нашего.

Псалом преподобной жене

Терпя потерпех Господа.

19. 05. Преподобнаго и благовернаго князя Иоанна Углицкаго, во иноцех Игнатия, Вологодскаго чудотворца

Величание

Ублажаем тя, преподобне и благоверне княже Иоанне, злострадания и терпения образ, монашеских подвигов ревнителя и Ангелов собеседника.

Псалом

1. Князи да восхвалят имя Господне.

2. Десница Господня вознесе мя.

1. Уготовихся и не смутихся сохранити заповеди Твои.

2. Благо мне, яко смирил мя еси.

1. Изгонящии мя обыдоша мя.

2. Умножися на мя неправда гордых.

1. Ближнии мои отдалече мене сташа, и нуждахуся ищущии душу мою.

2. Смирил есть в землю жизнь мою, посадил мя есть в темных, и уны во мне дух мой.

1. В день скорби моея Бога взысках руками моими.

2. Пролию пред Ним моление мое, печаль мою пред Ним возвещу.

1. Потерпи Господа, и сохрани путь Его, и вознесет Тя, еже наследити землю.

2. Помянух судьбы Твоя от века, Господи, и утешихся.

1. Помянух Бога и возвеселихся.

2. Восхвалятся преподобнии во славе и возрадуются на ложах своих.

20. 05. Святаго благовернаго князя Довмонта, нареченнаго во святом крещении Тимофея, Псковскаго

Величание

Величаем тя, святый благоверный княже Довмонте, отеческое нечестие оставльшаго и на Святой Руси во славу Христа Бога и во устроение Псковской земли потрудившагося.

Псалом

1. Всем сердцем моим взысках Тебе.

2. Пути Твоя, Господи, скажи ми.

1. От Господа стопы человеку исправляются.

2. Благословлю Господа, вразумившаго мя.

1. Чужд бых братии моей, удалихся, бегая.

2. Пресельник аз есмь у тебе и пришлец.

1. Десница Господня вознесе мя.

2. Постави мя князем стяжанию своему.

1. Множицею брашася со мною, и не премогаша мя.

2. Господи, Господи, сило спасения моего, осенил еси над главою моею в день брани.

1. Пожену врагов моих, и постигну их, и не возвращуся, Дóндеже скончаются.

2. Благословен Господь Бог мой, научаяй руце мои на ополчение, персты моя на брань.

1. О Тебе похвала моя, в церкви велицей исповемся Тебе.

2. Князи и вси людие да восхвалят имя Господне.

21. 05. Святых великих царей и равноапостолов Константина и Елены

Величание

Величаем вас, святии равноапостольнии царие Константине и Елено, идолов отвергших и вся концы земли ко Христу приведших.

Псалом

1. Боже, песнь нову воспою Тебе, дающему спасение царям.

2. Бог богов Господь глагола, и призва землю.

1. Возвестиша небеса правду Его и видеша вси людие славу Его.

2. Небеса поведают славу Божию.

1. Сказа Господь спасение Свое, пред языки откры правду Свою.

2. Вознесох избраннаго от людей Моих, елеем святым Моим помазах его.

1. Аз первенца положу его, высока паче царей земных.

2. Господи, силою Твоею возвеселится царь и о спасении Твоем возрадуется зело.

1. Предста Царица одесную Тебе.

2. Царие земстии и вси людие, князи и вси судии земстии да восхвалят имя Господне.

1. Да исповедятся Тебе, Господи, вси царие земстии, яко услышаша вся глаголы уст Твоих.

2. Царие, разумейте, работайте Господеви со страхом и радуйтеся Ему с трепетом.

1. Обратятся ко Господу вси концы земли и поклонятся пред Ним вся племена язык.

2. Царства земная, пойте Богу, воспойте Господеви, Той даст силу и державу людем Своим. Благословен Бог.

21. 05. Иконы Пресвятой Богородицы, именуемой Владимирская

Величание

Величаем Тя, Пресвятая Дево, и чтим святую икону Твою Владимирскую, Тобою от лет древних в благословение и покров Русской земли дарованную.

Псалом

1. Да исполнятся уста моя хваления Твоего, яко да воспою славу Твою.

2. Слыши, Дщи, и виждь, и приклони ухо Твое.

1. Просвети лице Твое на нас и помилуй нас.

2. Лицу Твоему помолятся богатии людстии.

1. Помолихся лицу Твоему всем сердцем моим.

2. На Тя упова душа моя, и на сень крыл Твоих надеюся.

1. В крове крыл Твоих покрыеши мя.

2. Возрадуются и возвеселятся о Тебе вси ищущии Тебе.

1. Людие Твои возвеселятся о Тебе.

2. На людех Твоих благословение Твое.

1. Возрадуемся о спасении Твоем.

2. Воспоем и поем силы Твоя.

1. Вся земля да поклонится Тебе и поет Тебе, да поет же имени Твоему.

2. По всей земли слава Твоя.

21. 05. Святых благоверных князей Константина и чад его Михаила и Феодора, Муромских

Величание

Величаем вас, святии благовернии князие Константине, Михаиле и Феодоре, и чтим подвиги и труды ваша, ихже во славу Христа Бога и во устроение Муромской земли совершисте.

Псалом общий князю-правителю

Вознесох избранныя от людей моих.

23. 05. Иже во святых отца нашего Леонтия, епископа Ростовскаго

Величание

Величаем тя, святителю отче Леонтие, и чтим равноапостольные труды твоя, имиже в Ростове Великом трудился еси во благовестии Христове.

Псалом святителю-равноапостолу

Воскликните Богови, вся земля.

23. 05. Преподобной и благоверной княжны Евфросинии Полоцкой

Величание

Ублажаем тя, преподобная и благоверная княжна Евфросиние, и чтим святую память твою, ты бо молиши за нас Христа Бога нашего.

Псалом преподобной деве

Приведутся Царю девы, приведутся в веселии и радовании.

24. 05. Преподобнаго отца нашего Никиты Столпника, Переславскаго чудотворца

Величание общее преподобному.

Псалом

1. Блажени, ихже оставишася беззакония и ихже прикрышася грехи.

2. Беззакония моя превзыдоша главу мою, яко бремя тяжкое отяготеша на мне.

1. Сотвори со мною знамение во благо.

2. Ко мне самому душа моя смятеся, сего ради помянух Тя.

1. Сотворити волю, Боже, восхотех.

2. Се удалихся бегая, чаях Бога, спасающего мя.

1. Изволих приметатися в дому Бога моего паче, неже жити ми в селениих грешничих.

2. Покрых постом душу мою, утрудихся воздыханием моим, слезами моими постелю мою омочу.

1. Полунощи востах исповедатися Тебе, седмерицею днем хвалих Тя.

2. На камень вознесл мя еси, был еси упование мое, столп крепости моея.

1. Искусил еси нас, Боже, разжегл еси нас, якоже разжигается сребро.

2. Тебе ради умерщвляемся, вменихомся, яко овцы заколения.

1. Честна пред Господем смерть преподобных Его.

2. Пойте Господеви преподобнии Его, и им поведайте память святыни Его, во всех людех чудеса Его.

ИЮНЬ

01. 06. Преподобнаго отца нашего Агапита Печерскаго, безмезднаго врача

Величание

Ублажаем тя, преподобне отче Агапите, и чтим святую память твою, монашеских подвигов ревнителя и болящих душею и телом врача безмезднаго.

Псалом общий преподобному

Терпя потерпех Господа.

05. 06. Святаго благовернаго великаго князя Игоря Черниговскаго

Величание и псалом общие князю-мученику,

пострадавшему от близких

05. 06. Святаго благовернаго князя Феодора Новгородскаго

Величание и псалом общие князю-юноше

06. 06. Иже во святых отца нашего Ионы, епископа Великопермскаго

Величание и псалом якоже святителю Стефану (26 апреля)

06. 06. Преподобнаго отца нашего Ионы Климецкаго

Величание общее преподобному

Псалом преподобным, подвизавшимся на островах

Господь воцарится, да веселятся острови.

08. 06. Святых благоверных князей Василия и Константина Ярославских

Величание

Величаем вас, святии благовернии князие Василие и Константине, и чтим подвиги и труды ваши, ихже вы во славу Христа Бога и во устроение земли вашей совершисте.

Псалом

1. Князи да восхвалят имя Господне.

2. Поставиши их князьями по всей земли.

1. Князи людстии собрашася с Богом Авраамлим.

2. Божии державнии земли зело вознесошася.

1. Держава Господь боящихся Его.

2. Раб Твой есмь аз.

1. Закон Бога его в сердце его, и не запнутся стопы его.

2. Се что добро или что красно, но еже жити братии вкупе.

1. Господи, возлюбих благолепие дому Твоего.

2. Уготовихся и не смутихся сохранити заповеди Твои.

1. На Бога уповах, не убоюся, что сотворит мне человек.

2. Внегда скорбети ми, призвах Господа, и к Богу моему воззвах.

1. В руках Твоих жребий мой.

2. Святым, иже суть на земли Его, удиви Господь вся хотения Своя в них.

09. 06. Иже во святых отца нашего Кирилла, архиепископа Александрийскаго

Величание

Величаем тя, святителю отче Кирилле, злословия терние изкоренившаго, учения же Православия насадившаго и Пречистую Деву Марию яко истинную Богородицу славити научившаго.

Псалом общий великим вселенским святителям

Услышите сия, вси язы́цы.

11. 06. Иконы Пресвятой Богородицы, именуемой «Достойно есть», или «Милующая»

Величание

Достойно есть величати Тя, Богородице, честнейшую Херувим и славнейшую без сравнения Серафим.

Псалом общий Богородице второй

Слыши, Дщи, и виждь, и приклони ухо Твое.

12. 06. Преподобнаго отца нашего Арсения Коневскаго

Величание общее преподобному.

Псалом преподобным, подвизавшимся на островах

Господь воцарися, да веселятся острови.

14. 06. Святаго благовернаго князя Мстислава Новгородскаго

Величание и псалом общие князю-правителю.

18. 06. Иконы Пресвятой Богородицы, именуемой Боголюбская

Величание

Величаем Тя, Пресвятая Дево, и чтим образ Твой святый, егоже благоверный князь Андрей даде нам на врага в победу и всем верным во спасение¹⁰⁷.

Псалом общий Богородице первый

Помяну имя Твое.

20. 06. Святаго благовернаго князя Глеба Владимирскаго

Величание и псалом общие князю-юноше

23. 06. Иконы Пресвятой Богородицы, именуемой Владимирская

Величание

Величаем Тя, Пресвятая Дево, и чтим святую икону Твою Владимирскую, еюже многажды град Москву и всю Русскую землю спасала еси.

Псалом

1. Исповемся Тебе всем сердцем моим, повем вся чудеса Твоя.

2. Возрадуемся о спасении Твоем.

1. На Тя уповаша отцы наши.

2. К Тебе воззваша и спасошася, на Тя уповаша и не постыдишася.

1. Призри на молитву смиренных и не уничижи моления их.

2. Ты людей смиренных спасеши.

1. Во смирении нашем помяну нас.

2. Ты еси прибежище мое от скорби, одержащия мя.

1. От всех скорбей моих избави мя.

2. Радосте моя, избави мя от обышедших мя.

1. Яви нам милость Твою, и спасение Твое даждь нам.

2. О имени Твоем уничижим востающих на нас.

1. Вечер водворится плач, и заутра радость.

2. Да напишется сие в род ин, и людие грядущии восхвалят Господа.

25. 06. Преподобнаго и благовернаго князя Петра, во иноцех Давида, и преподобныя и благоверныя княгини Февронии, в инокинях Евфросинии, Муромских чудотворцев

Величание

Ублажаем вас, преподобнии и благовернии княже Петре и княгине Февроние, и чтим святую память вашу, вы бо молите за нас Христа Бога нашего.

Псалом общий князю-иноку

Блажен муж, бояйся Господа.

26. 06. Иконы Пресвятой Богородицы, именуемой Тихвинская

Величание

Величаем Тя, Пресвятая Дево, и чтим образ Твой святый, в благословение Русской земле от Царь-града по воздуху дивно принесенный.

Псалом общий Богородице первый

Возвеселюся и возрадуюся о Тебе.

27. 06. Преподобнаго отца нашего Сампсона Странноприимца

Величание

Ублажаем тя, преподобне отче Сампсоне, и чтим святую память твою, ты бо молиши за нас Христа Бога нашего.

Псалом

1. Блажен муж, бойяся Господа, в заповедях Его восхощет зело.

2. Священницы Твои облекутся правдою, и преподобнии Твои возрадуются.

1. Господи, возлюбих благолепие дому Твоего.

2. Блажени живущии в дому Твоем, в веки веков восхвалят Тя.

1. Благовестих правду в церкви велицей.

2. Приидите, чада, послушайте мене, страху Господню научу вас.

1. Блажен разумеваяй на нища и убога.

2. Весь день милует и взаим дает праведный.

1. Тебе оставлен есть нищий, сиру ты буди помощник.

2. Расточи, даде убогим.

1. Все ложе его обратил еси в болезни его.

2. Господь хранит пришельцев, сира и вдову приимет.

1. Уповай на Господа и твори благостыню.

2. В память вечную будет праведник.

28. 06. Преподобнаго и благовернаго Петра, царевича Ордынскаго, Ростовскаго чудотворца

Величание

Ублажаем тя, преподобне и благоверне царевиче Петре, отеческое нечестие и царство оставившаго и на Святой Руси, в Ростове Великом, иноческими подвигами Единаго Истиннаго Бога прославившаго.

Псалом

1. Всем сердцем моим взысках Тебе.

2. Тебе рече сердце мое: Господа взыщу.

1. Готово сердце мое, Боже, готово сердце мое.

2. Пути Твоя, Господи, скажи ми.

1. Господь просвещение мое.

2. Сказал ми еси пути жизни.

1. Благословлю Господа, вразумившаго мя.

2. Чужд бых братии моей, и странен сыновом матере моея.

1. Се удалихся, бегая, чаях Бога, спасающаго мя.

2. От Господа стопы человеку исправляются.

1. Пресельник аз есмь у тебе и пришлец.

2. Удиви Господь преподобнаго Своего.

1. Восхвалятся преподобнии во славе и возрадуются на ложах своих.

2. Пойте Господеви преподобнии Его, и им поведайте память святыни Его, во всех людех чудеса Его.

29. 06. Святых славных, всехвальных и первоверховных апостолов Петра и Павла

Величание

Величаем вас, первоверховнии апостоли Петре и Павле, весь мир ученьми вашими просветившия и все концы ко Христу приведшия.

Псалом избранный апостолам во Псалтири.

30. 06. Собор святых славных и всехвальных апостолов дванадесяти

Величание

Величаем вас, святии славнии и всехвальнии дванадесяточисленнии апостоли, весь мир ученьми вашими просветившия и все концы ко Христу приведшия.

Псалом избранный апостолам во Псалтири

ИЮЛЬ

02. 07. Положение ризы Пресвятой Богородицы

Величание

Величаем Тя, Пресвятая Дево, и чтим честную ризу Твою, юже яко покров державный людем Твоим даровала еси.

Псалом

1. Предста Царица одесную Тебе.

2. В ризах позлащенных одеяна преиспещрена.

1. Рясны златыми одеяна и преиспещрена.

2. Вся слава Дщере Царевы внутрь.

1. Освятил есть селение Свое Вышний.

2. Воскресни, Господи, в покой Твой, Ты и кивот святыни Твоея.

1. Дому Твоему подобает святыня, Господи, в долготу дний.

2. Преславная глаголашася о тебе, граде Божий.

1. Бог посреде его и не подвижется.

2. Слыши, Дщи, и виждь, и приклони ухо Твое.

1. Помяну имя Твое во всяком роде и роде.

2. Сего ради людие исповедятся Тебе в век и в век века.

04. 07. Иже во святых отца нашего Андрея, архиепископа Критскаго, Иерусалимскаго

Величание и псалом общие песнописцу-святителю

04. 07. Святаго благовернаго великаго князя Андрея Боголюбскаго, Владимирскаго чудотворца

Величание

Величаем тя, святый благоверный великий княже Андрее, перваго Русской земли собирателя, покрову Богоматери сию вручившаго и кровию своею освятившаго.

Псалом

1. Вознесох избраннаго от людей Моих.

2. Десница Господня вознесе мя.

1. О, Господи, аз раб Твой.

2. Господь Утверждение мое, и Прибежище мое, и Избавитель мой, Бог мой, Помощник мой, и уповаю на Него.

1. Предста Царица Тебе.

2. Повем имя Твое братии моей, возвещу чудеса Твоя, возвещу мышцу Твою роду всему грядущему.

1. Господи, возлюбих благолепие дому Твоего; ревность дому Твоего снеде мя.

2. Пройду в места селения дивна даже до дому Божия, во гласе радования и исповедания, шума празднующаго.

1. Господи, Господи, сило спасения моего, осенил еси над главою моею в день брани.

2. Буди мир в силе Твоей, и обилие столпостенах Твоих.

1. Умножишася на мя неправда гордых, положиша на мя злая за благая.

2. ядый хлебы моя, возвеличи на мя запинания; аз на раны готов.

1. Всякия кончины видех конец, широка заповедь Твоя зело.

2. Верую видети благая Господня на земли живых.

05. 07. Преподобнаго и богоноснаго отца нашего Сергия, игумена в Маковце Живоначальныя Троицы, Радонежскаго и всея России чудотворца

Величание

Ублажаем тя, преподобне отче Сергие, Русской земли печальника и неусыпнаго о ней к Богу молитвенника.

Псалом

1. Воспойте Господеви песнь нову, хваление Его в церкви преподобных.

2. Пойте Господеви преподобнии Его, и им поведайте память святыни Его.

1. Преподобнии Твои славу Царствия Твоего рекут, и силу Твою возглаголют.

2. Помянух дни древния, поучихся.

1. Помянух дела Господня, яко помяну от начала чудеса Твоя.

2. Отцы наша возвестиша нам дело, еже соделал еси во днех их, во днех древних.

1. Отцы наши поведаша нам, возвещающе хвалы Господни, и силы Его и чудеса Его, яже сотвори.

2. Ты послушал еси их, Боже, Ты милостив бывал еси им.

1. Приидоша язы́цы в достояние Твое, людей Твоих, Господи, смириша, и достояние Твое озлобиша.

2. Избранный Его стал в сокрушение пред Ним, возвратити ярость Его, да не погубит их.

1. И вменися ему в правду, в род и род до века.

2. Удиви Господь преподобнаго Своего.

1. Господь не оставит преподобных Своих, вовек сохранятся.

2. Слава сия будет всем преподобным Его.

06. 07. Святой праведной Иулиании, княжны Ольшанской

Величание

Величаем тя, святая праведная княжна Иулиание, и чтим святую память твою, ты бо молиши за нас Христа Бога нашего.

Псалом праведной деве

Девы да восхвалят имя Господне.

08. 07. Явление иконы Пресвятой Богородицы во граде Казани

Величание

Величаем Тя, Пресвятая Дево, и чтим образ Твой святый, егоже в благословение граду Казани и всей Русской земле даровала еси.

Псалом общий Богородице третий

Исповемся Тебе всем сердцем моим, повем вся чудеса Твоя.

08. 07. Святаго праведного Прокопия, Христа ради юродивого, Устюжскаго чудотворца

Величание и псалом общие Христа ради юродивому

08. 07. Святаго праведнаго Прокопия Устьянскаго

Величание и псалом общие праведному.

10. 07. Положение честной и многоцелебной ризы Господней во граде Москве

Величание

Величаем Тя, Живодавче Христе, и чтим многоцелебную ризу Твою, Тобою во благословение и покров Русской земле дарованную.

Псалом

1. Воспойте Господеви песнь нову, воспойте Господеви, вся земля.

2. Господь на небеси уготова Престол Свой.

1. Господь воцарися, в лепоту облечеся; облечеся Господь в силу.

2. Господи, Боже мой, во исповедание и в велелепоту облеклся еси; одеяйся светом, яко ризою.

1. Приклони небеса и сниде; Бог яве приидет, Бог наш.

2. Разделиша ризы Моя себе, и о одежди Моей меташа жребий.

1. Дал еси достояние боящимся имене Твоего.

2. Посла Бог милость Свою: помянув нас, благословил есть нас, благословил есть боящихся Господа.

1. Бог Господь и явися нам, составите праздник.

2. Видена быша шествия Твоя, Боже, шествия Бога моего, Царя, Иже во святем.

1. Предвариша князи близ поющих, царь же возвеселится о Бозе.

2. Приидите, поклонимся и припадем Ему.

1. Блажен язык, емуже есть Господь его, люди, ихже избра в наследие Себе.

2. Исповедатеся Господеви, яко Благ, яко в век милость Его.

10. 07. Преподобнаго и богоноснаго отца нашего Антония Печерскаго, начальника всех русских монахов

Величание

Ублажаем тя, преподобне отче Антоние, и чтим святую память твою, русских монахов первоначальниче и собеседниче Ангелов.

Псалом общий преподобному

Терпя потерпех Господа.

11. 07. Святой благоверной равноапостольной великой княгини Ольги

Величание

Величаем тя, святая равноапостольная великая княгиня Ольго, яко зарю утреннюю в земле нашей возсиявшую и свет веры православной народу русскому предвозвестившую.

Псалом

1. Взысках Господа, и услыша мя.

2. Тебе рече сердце мое: Господа взыщу.

1. Готово сердце мое, Боже, готово сердце мое.

2. Пути Твоя, Господи, скажи ми.

1. Господь просвещение мое.

2. Сказал ми еси пути жизни.

1. Благословлю Господа, вразумившаго мя.

2. Предзрев Господа предо мною, яко одесную мене есть.

1. Веровах, темже возглаголах.

2. Прилепихся свидениям Твоим, Господи.

1. Возлюбих заповеди Твои паче злата и топазия.

2. Восхвалю имя Бога моего с песнию.

1. Слыша и возвеселися Сион, и возрадовашася дщери Иудейския, судеб ради Твоих, Господи.

2. Яко Ты Господь Вышний над всею землею.

13. 07. В первый воскресный день после 12 июля память творим святых и богоносных отец шести Вселенских Соборов

Величание

Величаем вас, богоноснии отцы, на Вселенских Соборах ереси низложивших и веру православную богомудро утвердивших.

Псалом

1. Время сотворити Господеви, разориша закон Твой.

2. Бог прославляем в совете святых.

1. От стран собра их: от восток, и запад, и север, и моря.

2. Тамо седоша престоли на суд.

1. Видех неразумевающих и истаях, яко словес Твоих не сохраниша.

2. Неправду возненавидех и омерзих, закон же Твой возлюбих.

1. Возненавидех церковь лукавнующих.

2. Гневайтесь и не согрешайте.

1. Дух Твой благий наставит мя.

2. Да воскреснет Бог, и расточатся врази Его.

1. Да скончается злоба грешных.

2. Да исчезнут грешницы от земли, и беззаконницы, якоже не быти им.

1. Истина Господня пребывает вовек.

2. Укрепи, Боже, сие, еже соделал еси в нас.

15. 07. Святаго благовернаго равноапостольнаго великаго князя Владимира

Величание

Величаем тя, святый равноапостольный великий княже Владимире, и чтим святую память твою, идолов поправшаго и всю Русскую землю святым крещением просветившаго.

Псалом

1. Воскликните Богови, вся земля.

2. Бог богов Господь глагола, и призва землю.

1. От восток солнца до запад хвально имя Господне.

2. Будет утверждение на земли на версех гор.

1. Знаменася на нас свет лица Твоего, Господи.

2. По всей земли слава Твоя.

1. Вознесох избраннаго от людей Моих.

2. Постави его господином дому своему и князем всему стяжанию своему.

1. Князии людстии собрашася с Богом Авраамлим.

2. Божии державнии земли зело вознесошася.

1. Раб Твой есмь аз, вразуми мя.

2. Господи, возлюбих благолепие дому Твоего.

1. Боже сил, призри с небесе и виждь, и посети виноград сей, и соверши его, егоже насади десница Твоя.

2. Укрепи, Боже, сие, еже соделал еси в нас.

16. 07. Всех святых, в земле Русской просиявших

По определению Всероссийского Поместного Собора 1918 года, днем празднования памяти Всех русских святых назначено первое воскресенье поста святых апостолов – Неделя вторая по Пятидесятнице. Но совпадение праздников с воскресным днем всегда бывает причиной сокращения песнопений праздника в пользу воскресных. Поэтому и постоянное соединение праздника Всех русских святых с воскресным днем было причиной того, что составленная в 1918 году служба на этот праздник не так полна, как службы на другие праздники (например, нет стихир для малой вечерни, для великой вечерни меньше стихир на Господи, возвах, нет стихир на стиховне). А по значению этого праздника для Православной Русской Церкви и для русскаго народа он заслуживает того, чтобы для него была самая полная, какая только возможна, праздничная служба. И если празднование многим святым, даже не из числа великих, совершается дважды, иногда и трижды в год, то тем более подобает, чтобы общий праздник Всех русских святых праздновался не однажды. Кроме того, в Неделю вторую по Пятидесятнице весьма во многих градах, обителях и весях нашего Отечества в заключение всех подвижных праздников совершаются нарочитые местные празднования в честь местных святынь, соединяемые во многих случаях с большими крестными ходами. Русские обители на Афоне и их подворья в России в Неделю вторую вместе со всем Афоном совершают празднование всем Афонским преподобным. Присоединение праздника Всех русских святых к этим местным празднованиям, которые по твердо установившейся традиции не могут быть перенесены на ин день, не только ослабит и то и другое празднование, но и совершенно недопустимо с точки зрения церковного устава. Устав наш не предусматривает возможность соединения с воскресной службой еще двух праздничных, почти храмовых служб, так как в этом случае произошло бы такое «утеснение в стихирах и канонах», какого наш устав, назначающий все точно мерою и числом (см.: 2Кор.10:14), никак не может разрешить. Перенесение же в многочисленных храмах праздника Всех русских святых на следующий воскресный день¹⁰⁸ еще более ослабит значение праздника в честь всех русских святых, ибо смысл этого нарочитого Всероссийскаго праздника и в том, чтобы он всею Русскою Церковью совершался в один день, чтобы в одно время, во всех храмах, от всего русского народа как бы едиными устами возносилась хвала в честь наших родных угодников. Ввиду всех этих обстоятельств с неотложной необходимостью возникает вопрос об установлении второго непереходящаго праздника Всех русских святых, когда бы во всех русских храмах (лишь за самыми редкими исключениями) могла бы быть совершаема только одна полная праздничная служба, не стесняемая никакой другой. Там, где в Древней Руси справлялся праздник Всех русских святых, он справлялся именно как неподвижный и в старых месяцесловах отмечался под 16 или 17 июля. В соответствии с этим и в настоящем сборнике величаний и избранных псалмов, кроме установленного Собором праздника в Неделю вторую по Пятидесятнице, память Всех русских святых помещается вторично под 16 июля, на второй день после памяти нашего равноапостольного просветителя великого князя Владимира, праздник которого становится как бы своеобразным предпразднством к празднику Всех святых, в земле нашей просиявших.

Величание

Величаем Тя, Триипостасный Владыко, верою православною землю Русскую озарившаго и святых сродников наших сонм велий в ней прославившаго.

Стихи псалма пот на оба лика, припевающе к каждому стиху:

Величание святым

Ублажаем вас, чудотворцы наши славнии, землю Русскую добродетельми вашими озарившии и образ спасения нам светоявленно показавшии.

Псалом

1. Воскликните Господеви вся земля, пойте же имени Его, дадите славу хвале Его.

2. Яко Бог велий, Господь и Царь велий по всей земле, яко в руце Его вси концы земли.

1. Приидите, поклонимся и припадем Ему, яко Той есть Бог наш, и мы людие пажити Его, и овцы руки Его.

2. Боже, ушима нашима услышахом, и отцы наши возвестиша нам дело, еже соделал еси во днях их, во днех древних.

1. Отцы наши поведаша нам, возвещающе хвалы Господни, и силы Его и чудеса Его, яже сотвори.

2. Ты послушал еси их, Ты милостив бывал еси им.

1. На Тя уповаша отцы наша, уповаша, и избавил еси их.

2. К Тебе воззваша, и спасошася, на Тя уповаша, и не постыдешася.

1. Не оставил еси взыскающих Тя, Господи.

2. Не бо мечем своим наследиша землю, и мышца их не спасе их.

1. Но десница Твоя, и мышца Твоя, и просвещение лица Твоего, яко благоволил еси в них.

2. Бог нам Прибежище и Сила, Помощник в скорбех, обретших нас зело.

1. Боже, отринул еси нас, и низложил еси нас, разгневался еси, и ущедрил еси нас.

2. Аще не Господь бы был в нас, внегда востати человеком на нас, убо живых пожерли быша нас.

1. Благословен Господь, Иже не даде нас в ловитву зубам их.

2. Не отринет Господь людей Своих, и достояния Своего не оставит.

1. Спасл еси нас от стужающих нам, и ненавидящих нас посрамил еси.

2. Помощь наша во имя Господа, сотворшаго небо и землю.

1. Не нам, Господи, не нам, но имени Твоему даждь славу о милости Твоей.

2. Господь сил с нами, заступник наш Бог Иаковль.

1. Пойте Богу нашему, пойте, пойте Цареви нашему, пойте, яко Царь всея земли Бог.

2. Господь Царь во век и в век века, погибните язы́цы от земли Его.

1. Мы же людие Твои и овцы пажити Твоея, исповемыся Тебе, Боже, в век, в род и род возвестим хвалу Твою.

2. Благословен Господь Бог Израилев, творяй чудеса един, и исполнится славы Его вся земля. Буди, буди.

Слава: Ублажаем вас...

И ныне: Ублажаем вас...

Аллилуиа, аллилуиа, аллилуиа, слава Тебе, Боже (трижды).

И конечное величание Пресвятой Богородице поют священнослужители:

Достойно есть величати Тя, Богородице, земли Русской Царицу Небесную и людей православных Владычицу Державную.

Если 16 июля случится в воскресенье, то в этот день поется служба святых отец шести Вселенских Соборов, а праздник Всех русских святых совершается в понедельник, 17 июля.

17. 07. Преподобнаго и богоноснаго отца нашего Иринарха, архимандрита Соловецкаго

Величание общее преподобному

Псалом преподобным, подвизавшимся на островах

Господь воцарися, да веселятся острови.

19. 07. Святаго благовернаго князя Романа Рязанскаго

Величание и псалом общие князю-мученику,

пострадавшему от неверных

20. 07. Святаго славнаго пророка Илии

Величание

Величаем тя, святый славный пророче Илие, и чтим, еже на небеса на колеснице огненной, преславное восхождение твое.

Псалом

1. Блажен муж, бояйся Господа, в заповедех Его восхощет зело.

2. Печаль прият мя от грешников, оставляющих закон Твой.

1. Истаяла мя есть ревность Твоя, яко забыша словеса Твоя врази мои.

2. Доколе грешницы, Господи, доколе грешницы восхвалятся.

1. Доколе, Боже, поносит враг, раздражит противный имя Твое.

2. Рех беззаконнующим: не беззаконуйте, и согрешающим: не воздвизайте на высоту рога вашего.

1. Не ненавидящих ли Тя, Господи, возненавидех, и о вразех Твоих истаях.

2. Совершенною ненавистию возненавидех их, во врагов быша мне.

1. Возненавидел еси всех делающих беззаконие, погубиши всех глаголющих лжу.

2. Да исчезнут грешницы от земли, и беззаконницы, якоже не быти им.

1. Взыде дым гневом Его, и огнь от лица Его воспламенится.

2. Во утрия избивах всех грешных земли.

1. Возвеселится праведник, егда увидит отмщение, руце свои умыет в крови грешника.

2. Господи, блесни молнию, и поели руку Твою с высоты, изми мя и избави мя.

22. 07. Святой равноапостольной мироносицы Марии Магдалины

Величание

Величаем тя, святая мироносице Марие Магдалино, и чтим подвиги любви твоея ко Учителю и Господу и равноапостольные труды твои во благовестии Христове.

Псалом

1. Возлюблю Тя, Господи, крепосте моя.

2. Возжада Тебе душа моя.

1. Готово сердце мое, Боже, готово сердце мое.

2. Прильпе душа моя по Тебе.

1. Исходища водная изведосте очи мои.

2. Обыдите Сион, и обымите его, поведите в столпех его.

1. Милость и истина сретостеся, правда и мир облобызастася.

2. Смирна и стакти и касия от риз Твоих.

1. Боже, Боже мой, к Тебе утренюю.

2. Воскресни, Боже, суди земли.

1. Возрадовашася дщери Иудейския, судеб ради Твоих, Господи.

2. Пойте Господеви, живущему в Сионе, возвестите во языцех начинания Его.

1. глаголах о свидениих Твоих пред царями и не стыдяхся.

2. Дивен Бог во святых Своих, Бог Израилев.

23. 07. Иконы Пресвятой Богородицы, именуемой Почаевская

Величание

Величаем Тя, Пресвятая Дево, и чтим образ Твой святый, егоже на горе Почаевской прославила еси.

Псалом общий Богородице первый

Возвеселюся и возрадуюся о Тебе.

24. 07. Святых благоверных князей и страстотерпцев Бориса и Глеба

Величание

Величаем вас, страстотерпцы святии благовернии князие Борисе и Глебе, и чтим мученическую Христа ради кончину вашу.

Псалом

1. Князи и юноши да восхвалят имя Господне.

2. Поставиши их князьями по всей земли.

1. Се что добро или что красно, но еже жити братии вкупе.

2. Паче старец разумех, яко заповеди Твои взысках.

1. Закон Бога его в сердце его, и не запнутся стопы его.

2. Уготовихся и не смутихся сохранити заповеди Твои.

1. На Бога уповах, не убоюся, что сотворит мне человек.

2. Внегда скорбети ми призвах Господа, и к Богу моему воззвах.

1. Ближнии мои отдалече мене сташа, и нуждахуся ищущии душу мою.

2. Аз на раны готов.

1. Тебе ради умерщвляемся, вменихомся, яко овцы заколения.

2. В руках Твоих жребий мой.

1. Ты, Господи, сохраниши нас и соблюдеши нас от рода сего и во век.

2. Святым, иже суть на земли Его, удиви Господь вся хотения Своя в них.

25. 07. Успение святой праведной Анны, матери Пресвятой Богородицы

Величание

Величаем тя, святая праведная Анно, и чтим святую память твою, ты бо молиши за нас Христа Бога нашего.

Псалом

Радуйтеся, праведнии, о Господе (9 сентября).

27. 07. Святаго великомученика и целителя Пантелеимона

Величание

Величаем тя, страстотерпче святый и целебниче Пантелеимоне, врача болезней наших безмезднаго и милостиваго.

Псалом общий безсребреником

Святым, иже суть на земле Его.

28. 07. Иконы Пресвятой Богородицы, именуемой Смоленская

Величание

Величаем Тя, Пресвятая Дево, и чтим образ Твой святый, егоже в благословение и покров граду Смоленску и всей Русской земле даровала еси.

Псалом общий Богородице первый

Возвеселюся и возрадуюся о Тебе.

28. 07. Празднование во граде Коврове в честь иконы Пресвятой Богородицы, именуемой Смоленская

Величание

Величаем Тя, Пресвятая Дево, и чтим образ Твой святый, егоже в благословение и покров нашему граду Коврову даровала еси.

Псалом общий Богородице первый

Возвеселюся и возрадуюся о Тебе.

30. 07. Преподобнаго и богоноснаго отца нашего Германа, игумена Соловецкаго

Величание общее преподобному.

Псалом преподобным, подвизавшимся на островах

Господь воцарися, да веселятся острови.

30. 07. Святаго праведнаго Иоанна Воина

Величание

Величаем тя, святый праведный Иоанне Воине, и чтим святую память твою, ты бо молиша за нас Христа Бога нашего.

Псалом общий праведному

Веселитеся о Господе и радуйтеся.

АВГУСТ

08. Происхождение честных древ Честнаго и Животворящаго Креста и празднество Всемилостивому Спасу

Величание, поемое пред образом Спасителя

Величаем Тя, Всемилостивый Спасе, и чтим образ Твой святый, егоже на враги в победу и всем верным во спасение даровал еси.

Иное величание, поемое пред святым крестом,

лежащим на престоле

Величаем Тя, Всемилостивый Спасе, и чтим Крест Твой святый, имже нас спасл еси от рабства врагу.

Псалом

1. Боже, во имя Твое спаси мя.

2. Ты еси Бог, Спас мой.

1. Спасение лица моего и Бог мой.

2. Помози нам, Боже, Спасителю наш.

1. Вонми в помощь мою, Боже спасения моего.

2. Воззвах Ти: спаси мя.

1. Господи Боже мой, на Тя уповах, спаси мя.

2. Душа моя возрадуется о Господе.

1. Возвеселится о спасении Его.

2. Возрадуется сердце мое о спасении Твоем.

1. Господь просвещение мое и Спаситель мой.

2. Рцы души моей: спасение твое есмь Аз.

1. Спасение Твое, Боже, да приимет мя.

2. Видеша вси концы земли спасение Бога нашего.

03. 08. Преподобнаго и богоноснаго отца нашего Антония Римлянина, Новгородскаго

Величание

Ублажаем тя, преподобне отче Антоние, от римскаго отступления на православную Русь чудесно изведеннаго и в Великом Нове-Граде иноческим житием просиявшаго.

Псалом

1. Воспойте Господеви песнь нову, хваление Его в церкви преподобных.

2. Неправду возненавидех и омерзих, закон же Твой возлюбих.

1. Возненавидех церковь лукавнующих.

2. Удиви Господь преподобнаго Своего.

1. Постави на камени нозе мои, и исправи стопы моя.

2. На камень вознесл мя еси, наставил мя еси.

1. Покрый мя от сонма лукавнующих, и от множества делающих неправду.

2. Услыши нас Боже, Спасителю наш, упование сущих в мори далече.

1. В мори путие Твои, и стези Твои в водах многих.

2. Дивны высоты морския, дивен в высоких Господь.

1. Пресельник аз есмь у тебе и пришлец.

2. Господь хранит пришельцев.

1. Господь не оставит преподобных Своих, вовек сохранятся.

2. Слава сия будет всем преподобным Его.

07. 08. Преподобнаго отца нашего Пимена Многоболезненнаго, Печерскаго

Величание

Ублажаем тя, преподобне отче Пимене, болезни многия претерпевшаго и дивнаго во иноческий чин пострижения от Ангелов сподобльшагося.

Псалом

1. Терпя потерпех Господа, и внят ми, и услыша молитву мою.

2. Колена моя изнемогоста от поста, и плоть моя изменися елея ради.

1. Утрудихся воздыханием моим, измыю на всяку нощь ложе мое, слезами моими постелю мою омочу.

2. Предзрех Господа предо мною, яко одесную мене есть, да не подвижуся.

1. Болезнь обретох, и имя Господне призвах.

2. Болезнь моя предо мною есть.

1. Боляй есмь аз, спасение Твое, Боже, да приимет мя.

2. Господь поможет ему на одре болезни его, все ложе его обратил еси в болезни его.

1. По множеству болезней моих утешения Твоя возвеселиша душу мою.

2. Благослови, душе моя, Господа, исцеляющаго вся недуги твоя.

1. Сотвори со мною знамение во благо.

2. Господь не оставит преподобных Своих, вовек сохранятся.

1. Хранит Господь души преподобных Своих.

2. Слава сия будет всем преподобным Его.

08. 08. Иконы Пресвятой Богородицы, именуемой Толгская

Величание

Величаем Тя, Пресвятая Дево, и чтим образ Твой на Толге прославленный, имже точиши исцеления всем, с верою притекающим.

Псалом общий Богородице первый

Возвеселюся и возрадуюся о Тебе.

08. 08. Преподобных и богоносных отец наших Зосимы и Савватия, Соловецких чудотворцев

Величание общее преподобным

Псалом праведным, подвизавшимся на островах

Господь воцарися, да веселятся острови

11. 08. Преподобнаго и благовернаго князя Феодора Острожскаго

Величание и псалом общие князю-иноку

13. 08. Иже во святых отца нашего Тихона, епископа Воронежскаго, Задонскаго чудотворца

Величание

Величаем тя, святителю отче Тихоне, от тленнаго мира духовное сокровище собравшаго и писаниями своими всех обогащающаго.

Псалом общий святителю

Священницы Твои облекутся правдою, и преподобнии Твои возрадуются.

13. 08 Иконы Пресвятой Богородицы, именуемой «Страстная»

Величание

Достойно есть величати Тя, Богородице, скорби многия при страстях Сына Твоего претерпевшую и нашим скорбям присно состраждущую.

Псалом общий Богородице второй

Слыши, Дщи, и виждь, и приклони ухо Твое.

16. 08. Перенесение в Константин-град Нерукотвореннаго Образа Господа нашего Иисуса Христа

Величание

Величаем Тя, Живодавче Христе, и почитаем пречистаго лика Твоего нерукотворенное изображение.

Иное величание

Величаем Тя, Живодавче Христе, и почитаем Нерукотворенный Образ Твой, егоже во свидетельство Твоего неложнаго воплощения и яко священное украшение Церкви Твоей даровал еси.

Псалом

1. Знаменася на нас свет лица Твоего, Господи.

2. Красен добротою паче сынов человеческих.

1. Лицу Твоему помолятся богатии людстии.

2. Аз правдою явлюся лицу Твоему, прииду и явлюся лицу Божию.

1. Взыска Тебе лице мое, лица Твоего, Господи, взыщу.

2. Просвети лице Твое на нас и помилуй нас.

1. Не отвержи мене от лица Твоего.

2. Не отврати лица Твоего от Мене.

1. Лице Твое просвети на раба Твоего.

2. Помолюся лицу Твоему всем сердцем моим.

1. Горы возрадуются от лица Господня, возрадуются вся древа дубравная.

2. Небеса кануша от лица Бога Синаина, от лица Бога Израилева, от лица Господня подвижется земля.

1. Да погибнут грешницы от лица Божия.

2. И да бежат от лица Его ненавидящии Его.

17. 08. Преподобнаго отца нашего Алипия, иконописца, Печерскаго

Величание

Ублажаем тя, преподобне отче Алипие, и чтим святую память твою, Ангелов собеседниче и иконописания в Русской земле первоначальниче.

Псалом

1. Терпя потерпех Господа, и внят ми, и услыша молитву мою.

2. Постави на камени нозе мои, и исправи стопы моя.

1. Покрых постом душу мою; утрудихся воздыханием моим.

2. Полунощи востах исповедатися Тебе.

1. Седмерицею днем хвалих Тя.

2. Предзрех Господа предо мною, яко одесную мене есть, да не подвижуся.

1. Лица Твоего, Господи, взыщу.

2. Помолихся лицу Твоему всем сердцем моим.

1. Просвети лице Твое на раба Твоего.

2. Господи, возлюбих благолепие дому Твоего.

1. Поклонюся ко храму святому Твоему.

2. Едино просих от Господа то взыщу, еже зрети ми красоту Господню.

1. Преподобнии Твои да благословят Тя.

2. Пойте Господеви преподобнии Его, и им поведайте память святыни Его, во всех людех чудеса Его.

19. 08. Иже во святых отца нашего Питирима, епископа Великопермскаго

Величание и псалом, якоже святителю Герасиму,

24 января

19. 08. Иконы Пресвятой Богородицы, именуемой Донская

Величание

Величаем Тя, Пресвятая Дево, и чтим образ Твой святый, имже милость велию граду Москве и всей Русской земле даровала еси.

Псалом общий Богородице третий

Исповемся Тебе всем сердцем моим, повем вся чудеса Твоя.

22. 08. Иконы Пресвятой Богородицы, именуемой Грузинская

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Псалом общий Богородице первый

Возвеселюся и возрадуюся о Тебе.

26. 08. Иконы Пресвятой Богородицы, именуемой Владимирская

Величание

Величаем Тя, Пресвятая Дево, и чтим святую икону Твою Владимирскую, от неяже милости православному народу русскому присно источаеши.

Псалом

1. Слыши, Дщи, и виждь, и приклони ухо Твое.

2. Предста Царица одесную Тебе.

1. Коль многое множество благости Твоея.

2. Избавление посла людем Своим.

1. Прияхом милость Твою посреде людей Твоих.

2. Милость Твоя велия на мне.

1. Милость Твоя пред очами моими.

2. Милость Твоя помогаше мне.

1. Исполнихомся милости Твоея и возрадовахомся, и возвеселихомся.

2. Возрадуюся и возвеселюся о милости Твоей.

1. Не скрых милость Твою от сонма многа.

2. Милости Твоя вовек воспою, в род и род возвещу.

1. Пробави милость Твою ведущим Тя.

2. Спаси людей Твоих, и благослови достояние Твое, и упаси их, и вознеси их до века.

28. 08. Собор преподобных отец Киево-Печерских, в дальних пещерах почивающих

Величание и псалом всем преподобным

Киево-Печерским в Неделю вторую Святыя

Четыредесятницы (см. Триодь Постная).

30. 08. Преподобнаго и благовернаго великаго князя Александра Невскаго, Владимирскаго и Новгородскаго, и сына его преподобнаго и благовернаго князя Даниила Московскаго

Величание

Ублажаем вас, преподобнии и благовернии князие Александре и Данииле, и чтим труды и подвиги ваши, ихже вы во славу Христа Бога и во устроение Русския земли совершисте.

Псалом

1. Блажен муж, бояйся Господа, сильно на земли будет семя его.

2. Князии людстии собрашася с Богом Авраамлим.

1. Господь в роде праведных.

2. Род правых благословится.

1. Божии державнии земли зело вознесошася.

2. Поставиши их князьями по всей земли.

1. Правдою Твоею вознесутся.

2. Похвала силы их Ты еси.

1. Бог нам Прибежище и Сила, Помощник в скорбех, обретших нас зело.

2. Помощь моя от Бога, спасающаго правых сердцем.

1. Кротции наследят землю, и насладятся о множестве мира.

2. Князи и вси судии земстии да восхвалят имя Господне.

1. Преподобнии Твои да благословят Тя.

2. Хвалите Господа, князие, пойте Господеви, преподобнии Его.

Где в сей день празднуется одному благоверному князю Александру Невскому, там поются величание и псалом, положенные 23 ноября.

Где празднуется одному благоверному князю Даниилу, там поют величание и псалом, положенные 4 марта.

31. 08. Положение пояса Пресвятой Богородицы

Величание

Величаем Тя, Пресвятая Дево, и чтим пояс Твой честный, егоже яко священное сокровище людем Твоим даровала еси.

Псалом праздника

Положения ризы Пресвятой Богородицы 2 июля