епископ Августин (Гуляницкий)
Оглавление
^ Предисловие
Предлагаемый опыт нового перевода Великого Канона на церковнославянский язык сделан в виду неудовлетворительности существующего старого перевода. Этот последний вообще слишком буквален, а в некоторых местах и совсем неправилен, что много затрудняет, разумное чтение и надлежащее понимание великого произведения св. Андрея Критского. Наш перевод имел своею целью, устранить указанные недостатки старого перевода, и чрез это сделать Канон легче для чтения и доступнее для понимания. Ничего в собственном смысле нового перевод наш не вносит в это покаянное творение св. песнопевца, и от начала до конца есть именно перевод, а отнюдь не свободный перифраз этого творения. Только в нескольких, весьма немногих случаях, указанных ниже, в своем месте (в подстрочных примечаниях), переводчик счел за необходимое – не просто только перевесть, но и несколько перефразировать слова переводимого текста, для лучшего уразумения мысли свящ. певца. Любители разумного церковного чтения, надеемся, не посетуют на нас за это, равно как и вообще за сделанный нами перевод.
Е.А.
^ В понедельник на повечерии
Песнь 1-я
Ирмос. Помощник и покровитель бысть мне во спасение. Он мой Бог, и прославлю Его, Бог отца моего, и превознесу Его: славно бо прославися.
Тропари. Откуду начну оплакивати окаянного моего жития деяния? Кое положу начало нынешнему рыданию? Но даждь ми, Христе, яко благоутробен, прегрешений оставление.
Гряди, окаянная душе, с плотию твоею, Зиждителю всех исповеждься, и воздержися уже от прежнего неразумия, и принеси Богу в покаянии слезы.
Первозданному Адаму поревновав в преступлении, познах себе удалена от Бога и вечного царствия и блаженства, грех ради моих.
Увы мне, окаянная душе! Почто уподобилася еси первозданней Еве? Воззрела бо еси зле, и уязвилася еси горце, и коснулся еси древа, и вкусила еси дерзостно обольстительные снеди.
Вместо Евы чувственный восста во мне Ева мысленная—плотский страстный помысл, иже показует сладкая, вкушати же подает присно горькое питие1.
Достойно изгнан бысть из Едема Адам, яко не сохранивый едину заповедь твою, Спасе: аз же что постражду, всегда отметаяй животворная твоя повеления?
Троичен. Пресущественная Троице, во единице поклоняемая! возми от мене тяжкое бремя грехов, и яко благоутробна, даждь ми слези умиления.
Богородичен. Богородице, надеждо и предстательство воспевающих тя! возми от мене тяжкое бремя грехов, и яко Владычица чистая, приими мя кающегося.
Песнь 2-я
Ирмос. Вонми небо, и возглаголю, и воспою Христа, от Девы во плоти пришедшего.
Тропари. Вонми небо и возглаголю; слыши земле глас, кающийся Богу и воспевающей Его.
Воззри на мя, Боже Спасе мой, милостивым твоим оком и приими мое теплое исповедание.
Согреших паче всех человек, един согреших Тебе; но ущедри, Спасе, яко Бог, творение твое.
Отобразив во мне безобразие страстей, сластолюбивыми стремлениями исказих ума красоту.
Буря зол обдержит мя, благоутробне Господи; но яко Петру, и мне руку простри.
Оскверних ризу плоти моея и окалях, Спасе, твой образ и подобие.
Омрачих красоту души сладострасием, и весь ум всецело в перст превратих.
Раздрах ныне первую одежду мою, юже истка мне. Создатель в начале, и сего ради лежу наг.
Облекохся в раздранную ризу, юже истка мне змий коварством, и стыждуся.
Слезы блудницы и аз проливаю, Милосерде: буди милостив мне, Спасе, по благоутробию твоему.
Воззрех на красоту древа и прельстихся умом; сего ради лежу наг и срамляюся.
Делаша на хребте моем вси начальницы страстей, проводяще на мне беззаконие свое.
Троичен. Единого Тя в триех лицех Бога всех воспеваю, Отца и Сына и Святого Духа.
Богородичен. Пречистая Богородице Дево, едина всеми воспеваемая! моли усердно о спасении нашем.
Песнь 3-я
Ирмос. На недвижимом камени заповедей твоих, Христе, утверди мое помышление.
Тропари. Огнь от Господа одождив, Господь землю содомскую некогда попали.
На гору спасайся, душе, яко же Лот оный, и в Сигор потщися укрытися.
Бежи пламене, о душе, бежи горящего Содома, бежи истребления огнем божественным.
Согреших Тебе един аз, согреших паче всех: Христе Спасе, да не презриши мене.
Ты еси пастырь добрый: взыщи мене агнца, и заблуждшего да не презриши мене.
Ты еси сладкий Иисус, Ты еси Создатель мой: Тобою, Спасе, оправдаюся.
Исповедуюся Тебе, Спасе: согреших, согреших пред Тобою; но ослаби, остави мне, яко благоутробен.
Троичен. О Троице – Единице Боже! спаси нас от прельщения и искушений и опасностей.
Богородичен. Радуйся утробо, вместившая Бога; радуйся престоле Господень; радуйся мати Жизни нашея.
Песнь 4-я
Ирмос. Услыша пророк пришествие твое, Господи, и убояся, яко хощеши от Девы родитися и человеком явитися, и глаголаше: услышах слух твой и убояхся; слава силе твоей, Господи.
Тропари. Да не презриши творения твоего, да не оставиши создания твоего, Судие праведный. Аще и един согреших, яко человек, паче всякого человека, Человеколюбче; но, яко Господь всех, имаши власть оставлять грехи.
Приближается, душе, конец, приближается и нерадиши, ни готовишися; время сокращается, востани; Судия близ, при дверех; яко сновидение, яко цвет, время жития преходит: почто всуе мятемся?
Воспряни, душе моя, помысли деяния твоя, яже соделала еси, и принеси я пред лице твое, и капли пролей слез твоих; рцы со дерзновением деяния и помышления твоя Христу, и оправдайся.
Не бысть в жизни греха, ни деяния, ни зла, имже аз, Спасе, не согреших, умом и словом и произволением, согрешив и намерением и мыслию и делом, яко ин никто же когда.
Отсюду обвинен, бых, отсюду и осужден бых аз окаянный от своея совести, ее же ничтоже в мире страшнейше. Судие, Избавителю и Ведче мой! пощади, избави и спаси мя раба твоего.
Лествица, юже виде древле великий в патриарсех, указание есть, душе моя, восхождения делы и возвышения разумом: аще убо хощеши; деятельностью и разумением и созерцанием пожити, обновися.
Зной дневный претерпи и хлад нощный понесе, нужды ради, патриарх, на всяк день прибыток творя, пасый стадо, боряся, работая, да две жены приобрящет.
Жены две разумей, душе, деятельность и разумное созерцание: Лию убо—деятельность, яко многочадную, Рахиль же—созерцание, яко многотрудную, ибо без трудов ни деятельность, ни coзepцaниe совершится.
Троичен. Нераздельное существом, неслитное лицами богословлю Тя, троическое едино Божество, яко единоцарственное и сопрестольное; вопию Тебе песнь великую, в вышних селениях трикратно воспеваемую.
Богородичен. И раждаеши, и девствуеши, и во обою́ пребываеши дева по естеству. Рождейся от Тебе обновляет законы естества, и утроба девственная зачинает. Бог идеже хощет, побеждается естества чин: творит бо, елика хощет.
Песнь 5-я
Ирмос. От нощи утреннююща, Человеколюбче, просвети, молюся, и настави и мене на повеления твоя и научи мя, Спасе, творити волю твою.
Тропари. В нощи житие мое провождах присно: тма бо и глубока мгла бысть мне нощь греха; но яко сына дне покажи мя, Спасе.
Рувиму подражая окаянный аз, содеях преступный и беззаконный совет на Бога вышнего, осквернив ложе мое, яко же он отчее.
Исповедуюся Тебе, Христе Царю: согреших, coгpеших, яко же братия некогда продавшии Иосифа, плод чистоты и целомудрия.
От сродник праведная душа связася, продася в рабство прекрасный, во образ Господен: ты же, душе, вся продалася еси злым делом твоим.
Иосифу, уму праведному и целомудренному, подражай, окаянная и непотребная душе, и не оскверняйся безрассудными стремленьми, присно беззаконнующи.
Аще и в рове пребысть некогда Иосиф, Владыко Господи, но во образ погребения и востания твоего: аз же что когда таковое принесу Тебе?
Троичен. Тя, Троице, славим единого Бога: свят, свят, свят еси Отче, Сыне и Душе, простое Существо, единица приснопоклоняемая!
Богородичен. Из Тебе, нетленная, безмужная Мати Дево, облечеся в мой состав Бог, создавай веки, и соедини с Собою человеческое естество.
Песнь 6-я
Ирмос. Возопих всем сердцем моим к щедрому Богу, и услыша мя от ада преисподнего, и избави от тли живот мой.
Тропари. Слезы очей моих и из глубины воздыхания искренне приношу Тебе, Спасе, вопиющу сердцу: Боже, согреших Тебе, буди милостив мне!
Уклонилася еси, душе, от Господа твоего, якоже Дафан и Авирон; но воззови из ада преисподнего: пощади! да не покрыет тя пропасть земная.
Рассвирепевши яко юница, душе, уподобилася еси Ефрему; яко серна, от тенет спасай жизнь, окрыливши ум деятельностью и созерцанием.
Рука Моисеева да уверит нас, душе, како может Бог убелити и очистити прокаженное житие,- и не отчаявайся о себе, аще и прокаженна еси.
Троичен. Троица есмь проста, нераздельна, раздельна в Лицах и Единица есмь по естеству соединенна: Отец глаголет, Сын и Божественный Дух.
Богородичен. Утроба твоя, Богородице, роди нам Бога, приявшего наш образ, его же, яко Создателя всех, моли, да молитвами твоими оправдимся.
^ Кондак
Душе моя, душе моя! востани, что спиши? Конец приближается и имаши смутитися. Воспряни убо, да пощадит тя Христос Бог, везде сый и вся исполняяй.
Песнь 7-я
Ирмос. Согрешихом, беззаконновахом, неправдовахом пред Тобою, ниже соблюдохом, ниже сотворихом, яко же заповедал еси нам; но не предаждь нас до конца, отцев Боже!
Тропари. Согреших, беззаконновах и наруших заповедь твою, яко во гресех родихся и приложих раны к язвам моим; но Сам помилуй мя, яко благоутробен, отцев Боже!
Тайны сердца моего исповедах Тебе, Судии моему: виждь смирение мое, виждь и скорбь мою, вонми осуждению моему ныне, и Сам помилуй мя, отцев Боже!
Саул некогда, егда погуби ослята отца своего, внезапу с вестию о них обрете царство; но блюди, душе, не забывай себе, скотские похоти твоя предпочитая царству Христову.
Богоотец Давид аще и согреши некогда сугубо, устрелен быв стрелою прелюбодейства и поражен копием жестокого убийства, но сама ты, душе моя, недугуеши тягчайшими сих дел произвольными стремленьми.
Совокупи некогда Давид с беззаконием бeззaкoниe: с убийством бо соедини прелюбодейство; но и покаяние сугубое показа абие. Ты же, душе, лукавнейшая соделавши, не покаялася еси Богу.
Давид некогда, аки на иконе изображая, написа песнь, ею же обличает содеянное им деяние, зовый: помилуй мя, Тебе бо единому согреших, всех Богу;. Сам очисти мя!
Троичен. Троица простая, нераздельная, единосущная, и едино естество, светы и свет, и три свята и едино свято, Бог—Троица—воспевается в песнех. Воспой убо и ты, душе, прослави живот и животы—всех Бога.
Богородичен. Поем Тя, благословим Тя, покланяемся Тебе, Богородительнице, яко родила еси нам единого, от нераздельныя Троицы, Христа Бога, и сама отверзла еси нам земным небесная.
Песнь 8-я
Ирмос. Его же воинства небесная славят и трепещут херувими и серафими, всякое дыхание и тварь пойте, благословите и превозносите во вся веки.
Тропари. Согрешивша, Спасе, помилуй, возбуди мой ум ко обращению, приими мя кающегося, умилосердися к вопиющему: согреших Тебе, спаси; беззаконновах, помилуй мя.
Колесничник Илия, на колеснице добродетелей вшед яко на небеса, ношашеся некогда превыше земных: сего убо восход помышляй, душе моя.
Елисей некогда, прием милоть Илии, приятъ сугубую благодать от Господа: ты же, о душе моя, не получила еси сея благодати за невоздержание.
Елисей некогда милотию Илииною раздели поток Иордана сюду и сюду: ты же, о душе моя, не получила еси сея благодати за невоздержание.
Соманитяныня прият некогда праведника в дом свой с усердием благим: ты же, о душе, не ввела еси в дом твой ни странника, ни путника; тем же изринута будеши вон из чертога брачного, рыдающи.
Гиезиеву нраву скверному подражала еси всегда, окаянная душе: отложи его сребролюбие поне в старости; убежи огня геенского, отступивши от злых твоих.
Троичен. Безначальне Отче, собезначальне Сыне, Утешителю благий Душе правый, Слова Божия Родителю, Отца безначальна Слове, Душе живый и зиждущий, Троице Единице, помилуй мя!
Богородичен. Яко от окрашения багряницы, внутрь чрева твоего, Пречистая, уготовася мысленная порфира—плоть Еммануилева: тем же воистину Богородицу Тя почитаем.
Песнь 9-я
Ирмос. От бессеменна зачатия рождение несказанно, безмужные матере плод нетленен: ибо рождество Бога обновляет естества. Тем же Тя вси роди, яко Богоневесту—Матерь, православие величаем.
Тропари. Ум уязвися, тело расслабе, дух болезнует, слово изнеможе, жизнь умертвися, конец при дверех: что убо сотвориши, окаянная душе моя, егда приидет Судия испытати деяния твоя?
Моисеево сказание о миробытии приведох тебе, душе, и оттоле все заветное писание, поведающее тебе о праведных и неправедпых, от них же вторым, а не первым подражала еси, о душе, в Бога согрешая.
Закон изнеможе, не действует Евангелие, все писание пренебрежено бысть тобою, пророцы и всяко слово праведного явишася бессильни; раны твои, о душе, умножишася, и несть врача исцеляющего тя.
Нового писаниия привожу тебе указания, душе, возбуждаются тя ко умилению: праведным убо поревнуй, грешных же отвращайся, и умилостиви Христа молитвами и пощеньми, чистотою и непорочностью.
Христос вочеловечився призва к покаянно разбойники и. блудницы: покайся, душе! дверь царствия отверзеся уже, и предвосхищают е́ фарисеи и мытари и прелюбодеи кающиися.
Христос вочеловечися, приобщився мне плотию, и вся естеству свойственная волею своею испыта, кроме греха, показуя тебе, душе, подобие и образ своего снисхождения.
Христос волхвы спасе, пастыри созва, множество младенец показа мученики, прослави старца и старую вдовицу, их же ни деянием, ни житию не поревновала еси, душе; но горе тебе, внегда будеши судитися!
Постився Господь дний четыредесять в пустыни, последи взалка, показуя в Себе человеческое естество: не унывай, душе, егда устремится на тя враг; молитвою же и постом от ног твоих да отразится.
Троичен. Прославим Отца, превознесем Сына; с верою почтим поклонением Божественного Духа, Троицу нераздельную, Единицу по существу, яко свет и светы, живот и животы, животворящую и просвещающую концы вселеныя.
Богородичен. Град твой сохраняй, Богородительнице пречистая: о Тебе бо сей верою царствуяй, Тобою и укрепляется, Тобою побеждаяй, одолевает всякое искушение, емлет добычи у врагов и устрояет подчинение.
^ Во вторник на повечерии
Песнь 1-я
Ирмос. Помощник и покровитель….
Тропари. Каиново превзыдох убийство: оживив бо плоть, произволением сознательным убийца бых души, воевав на ню лукавыми моими деяньми.
Авелевей праведности не уподобихся, Иисусе: даров приятных никогдаже принесох Тебе, ни деяний богоугодных, ни жертвы чистыя, ни жития непорочного.
Яко Каин, и мы с тобою, окаянная душе, Содетелю всех принесохом деяния скверная и жертву порочную и житие непотребное; тем же и осудихомся.
Брение, аки скудельник, оживотворив, даровал еси мне, плоть и кости, дыхание и жизнь; но, о Творче мой и Искупителю мой и Судие, кающегося прими мя.
Извещаю Тебе, Спасе, грехи, яже содеях, и души и тела моего язвы, яже внутреннии убйственнии помыслы разбойнически на мя возложиша.
Аще и согреших, Спасе, но вем, яко человеколюбец еси: наказуеши сострадательне и милосердствуеши тепле, призираеши на плачущего и притекаеши яко отец, призываяй блудного сына.
| Троичен | те же, что вчера |
| Богородичен |
Песнь 2-я
Ирмос. Вонми небо…
Тропари. Кожаные ризы содела и мне грех, обнаживый мя первые, Богом истканные одежды.
Облекохся одеянием студа, яко листвием смоковницы, во обличение моих самовольных страстей.
Одеяхся в ризу запятнанную и окровавленную постыдно, нечистотою страстной и сластолюбивой жизни.
Подпадох мучению страстей и вещественней тли, и сего ради враг мне ныне досаждает.
Любовещное и любостяжательное житие предпочет убожеству, Спасе, тяжким бременем ныне обложен есмь.
Украсих кумир плоти разноцветным одеянием студных помышлений, и осуждаюся.
О внешпем благоукрашении едином прилежно попекохся, презрев внутреннюю, по образу Божию созданную скинию.
Исказих красоту первобытного образа страстьми, его же, Спасе, яко драхму некогда, взыщи и обрящи.
Согреших (яко блудница вопию Ти), един согреших Тебе: яко муро, приими, Спасе, и моя слезы.
Буди милостив (яко мытарь вопию Ти, Спасе), буди милостив мне! согреших бо Тебе, яко никто же от чад Адамовых.
| Троичен | те же, что вчера |
| Богородичен |
Песнь 3-я
Ирмос. Утверди, Господи, на камени заповедей твоих поколебавшееся сердце мое, яко един свят еси и Господь.
Тропари. Источника жизни стяжах Тя, смерти разрушителя, и вопию Ти от сердца моего прежде кончины: согреших, умилосердися и спаси мя!
Согреших, Господи, согреших пред Тобою, буди милостив мне. Несть бо грешника в человецех, его же не превзыдох прегрешеньми.
При Нои распутствовавшим, Спасе, подражав, оных наследовах осуждение на утопление в потопе.
Хаму оному отцеубийце подражавши, душе, не покрыла еси срамоты ближнего, обратившися вспять.
Якоже Лот, бежи, душе моя, пламене греха; бежи Содома и Гоморры; бежи огня всякого безрассудного пожелания.
Помилуй, Господи, вопию Ти, помилуй мя, егда приидеши со ангелы твоими воздати всем по достоинству деяний.
Троичен. Троице простая, несозданная, Существо безначальное, в трех ипостасех воспеваемое! спаси нас, с верою поклоняющихся державе твоей.
Богородичен. Иже от Отца Сына безлетного, во времени, Богородительнице, безмужно родила еси, и странное чудо! пребыла еси дева млеком питающи.
Песнь 4-я
Ирмос. Услыша пророк…
Тропари. Бди, о душе моя, мужайся, яко же древле великий в патриарсех, да стяжеши деятельность с разумением, да будеши ум зряй Бога в созерцании, и проникнеши в неприступный мрак и обрящеши великая сокровища2.
Дванадесять патриархов великий в патриарсех родив, утверди тебе, душе моя, таинственную лествицу деятельного восхождения, дети яко ступени, шествие же свое яко восхождение премудро предложив.
Исаву возненавиденному поревновавши, душе, отдала еси обольстителю твоему первозданные красоты первородство, и отеческого благословенья лишилася: еси, и дважды преткнулася еси, окаянная, деятельностью и разумением: тем же ныне покайся.
Едом Исав наречеся, крайнего ради женонеистовства: невоздержанием бо присно разжигаем и сластьми оскверняем, Едом наименовася, еже глаголется разжение. души грехолюбивые.
Иова слышавши, душе моя, на гноищи сидевша и оправдавшаяся, того мужеству не поревновала еси; не имела еси твердые воли во всех, яже уразумела, увидала и испытала еси, но явилася еси нетерпелива.
Иже прежде на престоле, на гноищи ныне наг и изъязвлен; многочадный и славный бесчаден и бесприютен внезапу явися; гноище яко палату, и язвы яко бисеры имеяше.
| Троичен | те же, что вчера |
| Богородичен |
Песнь 5-я
Ирмос. От нощи утреннююща….
Тропари. Моисея слышала еси, душе, в ковчежце древле, яко в чертозе , носима по водам волнами речными и избежавша горького действия замысла Фараонитска3.
Слышали ли еси, окаянная душе, бабы убивавшия4 некогда младенцы мужеска пола, плод целомудрия? Ныне, яко великий Моисей, буди младенец сосущ премудрость.
Яко великий Моисей египтянина, высокоумия5 уязвивши не убила еси, окаянная душе: како же, глаголи ми, вселишися в пустыню страстей покаянием?
В пустыни вселися великий Моисей: гряди убо, душе, подражай того житию, да и в купине явление Бога узриши.
Моисеев жезл, ударяющий в море и огустевающий пучину, изображай, душе, знамением креста божественного, им же можеши и ты великая совершити.
Аарон приношаше Богу огнь чистый, беспримесный, но Офни и Фииеес, яко ты, душе, принесоша чуждее Богу скверненное житие.
| Троичен | те же, что вчера |
| Богородичен |
Песнь 6-я
Ирмос. Возопих всем сердцем моим…
Тропари. Волны прегрешений моих, Спасе, яко в мори Чермнем, обратившеся покрыша мя внезапу, яко египтян некогда и всадников.
Неразумное произволение имела еси, душе, яко же Израиль древле: божественый бо манне предпочла еси безумно сластолюбивое страстей пресыщение.
Кладязи хананейских мыслей предпочла еси, душе паче каменные жилы, из неяже река премудрости, яко чаша, изливает потоки богословия.
Свинная мяса и котлы и египетскую пищу небесней предпочла еси, душе моя, якоже древний неразумный народ в пустыни.
Яко удари раб твой, Спасе, Моисей жезлом в камень, таинственно прообрази животворная ребра твоя, из нихже питие жизни вси почерпаем.
Испытай и соглядай, душе, якоже Иисус Навин, землю обетованную, какова есть, и вселися в ней благозаконием.
| Троичен | те же, что вчера |
| Богородичен |
^ Кондак
Душе моя, душе моя! востани, что спиши?…
Песнь 7-я
Ирмос. Согрешихом, беззаконновахом…
Тропари. Кивот егда везом бе на колеснице, Оза оный точию прикоснуся ему, при совращении тельца, и Божиим гневом поражен бысть; по того дерзости убежавши, душе, почитай божественная честне.
Слышала еси Авессалома, како на естество восста; уведала еси его гнусная деяния, ими же оскверни ложе Давида отца; но ты сама подражала еси того страстным и сластолюбивым стремлениям.
Покорила еси нерабственное достоинство твое телу твоему, душе: иного бо Ахитофела обретши—врага, склонилася еси к его советом, но сия разрушил есть Сам Христос, да ты совершенно спасешися.
Соломон чудный, иже и дара премудрости исполнен, сей лукавое некогда сотворив пред Богом отступи от Него: емуже ты сама уподобилася еси, душе, проклятым житием твоим.
Сластьми страстей своих влеком, увы мне! осквернися любитель премудрости, любитель быв блудных жен и отчужден от Бога: ему же ты сама, о душе, подражала еси во уме, постыдным сладострастием.
Ровоаму поревновала еси, душе, не послушавшему совета отча, купно же и злейшему рабу Иеровоаму, древнему мятежнику; но бежи сего подражания и зови Богу: согреших, ущедри мя!
| Троичен | те же, что вчера |
| Богородичен |
Песнь 8-я
Ирмос. Его же воинства небесная славятъ…
Тропари. Озии поревновавши, душе, того проказу стяжала еси себе сугубо, безместная бо мыслиши, беззаконная же дееши; остави яже имаши, и притецы к покаянию.
Ниневитяны слышала еси, душе, кающиеся Богу во вретищи и пепле: онем не подражала еси, но явилася еси упорнейша всех, до закона и по законе прегрешивших.
Иepeмию в рове тинном слышала еси, душе, с рыданьми взывающа к граду Cиону и слез ищуща: подражай его плачевному житию, и спасешися.
Иона в Фарсис побеже, предвидяй обращение нииевитян: ведяше бо, яко пророк, Божте благоутроие; тем же ревноваше пророчеству не солгатися.
Даниила в рове слышала еси, о душе, како загради уста зверей; уведала еси, како отроцы, иже с Aзapиею, угасиша верою горящий пламень пещи.
Ветхого завета всех приведох тебе, душе, в пример: подражай боголюбивым деянием праведных, избегай же паки грехов нечестивых.
| Троичен | те же, что вчера |
| Богородичен |
Песнь 9-я
Ирмос. От безсеменна зачатия…
Тропари. Христос искушаем бе, диавол искушаще, показуя камение, да хлебы будут; на гору возведе видете вся царствия миpa во мгновении: убойся сего действие душе, трезвися, молися на всякий час Богу.
Горлица пустыннолюбивая, глас вопиющего, Христов светильник взываше, проповедуя покаяние; Ирод же беззаконнова со Иродиадою: зри, душе моя, да не увязнеши в сети беззаконных, по возлюби покаяние.
В пустыни обиташе предтеча благодати, и слышавше вся Иудея и Самария течаху и крещахуся усердно, исповедающе грехи своя: но ты, душе, сим не подражала еси.
Брак убо честен и ложе нескверно: обоя бо Христос благослови, плотию ядый на браце в Кане и воду в вино претворяяй, показуя первое cие чудо, да ты изменишися, о душе.
Христос укрепи расслабленного вземшего одр свой, и юношу умершего воскреси, сына вдовицы, и сотникова отрока исцели, и самаряныне открывся изобрази тебе, душе, служение Богу духом.
Кровоточивую исцели Господь прикосновением края риз, прокаженная очисти, слепые просвети, хромые исправи, глухие же и немые и сляченную уврачева словом, да ты спасешися, окаянная душе.
| Троичен | те же, что вчера |
| Богородичен |
^ В среду на повечерии
Песнь 1-я
Ирмос. Помощник и покровитель…
Тропари. От юности, Христе, заповеди твоя преступих; все житие преидох во страстех, небрежении и беспечности; тем же зову Ти, Спасе: поне при кончине; спаси мя.
Повержена мя, Спасе, пред вратами твоими, поне в старости не отрини мене во ад, яко непотребна; но прежде конца, яко Человеколюбец, даждь ми прегрешений оставление.
Имение мое, Спасе, расточив в распутстве, чужд есмь плодов благочестивых; истаевая же гладом, зову: Отче щедрот, поспеши и ущедри мя.
Аз есм иже в разбойники впадый, помышлении моими, весь уязвихся от них ныне и исполнихся ране; но Сам мне представь, Христе Спасе, исцели.
Священник видев мя мимоиде, и левит зря мя в бедах обнаженна, презре; но из Марии воссиявый Иисусе, Ты представъ умилосердися надо мною
Марии (египетской). Ты ми даждь светозарную благодать, Марие, от божественного вышнего промышления избежати мрака страстей и воспети усердно твоего жития славные подвиги.
| Троичен | прежние |
| Богородичен |
Песнь 2-я
Ирмос. Вонми небо…
Тропари. Падох, яко Давид, блудно и осквернихся; но омый, Спасе, и мене слезами.
Не имам слез, ни покаяния, ниже умилешя. Самъ ми «я, Спасе, яко Богъ, даруй.
Погубих первозданную красоту и благолепие мое, и ныне лежу наг и стыждуся.
Дверь твою не затвори мне тогда, Господи, Господи; но отверзи мне сию, кающемуся Тебе.
Внемли воздыханием души моея, Спасе, и приими слезы очей моих, и спаси мя.
Человеколюбче, хотяй всем спастися! Ты мя призови и приими, яко благ, кающегося.
Богородичен. Пречистая Богородице Дево, едина всеми воспеваемая! моли усердно о спасении нашем.
Вторый ирмос. Видите, видите, яко Аз есм Бог, манну одождивый и воду из камене источивши древле в пустыни людем моим единою десницею и силою моею.
Тропари. Видите, видите, яко Аз есм Бог: слыши, душе моя, Господа вопиюща, и удалися прежнего греха, и убойся, яко Праведного, и яко Судии и Бога.
Кому уподобилася еси, многогрешная душе, аще не первому Каину и Ламеху оному, аки кaмeниeм поразившая тело злодействы, и убившая ум безрассудными стремлениями?
Всех, иже прежде закона, мимошедши, душе, Сифу не уподобилася еси, ни Еносу подражала еси, ни Еноху в преложении, ни Ною, но явилася еси чужда жизни праведных.
Едина отверзла еси потоки гнева Бога твоего, душе моя, и потопила еси, яко же землю, всю плоть и деяния и жизнь, и осталася еси вне спасительного ковчега.
Марии. Со всем усердием и любовию притекла еси ко Христу, прежний путь греха оставльши, и в пустынях непроходимых живущи, и исполняющи в чистоте божественные Его заповеди.
Троичен. Безначальная, несозданная Троице, нераздельная Единице! приими мя кающегося, спаси согрешившего; твое есм создание, не презри, но пощади и избави мя огненного осуждения.
Богородичен. Пречистая Владычице, Богородительнице, надежно к Тебе притекающих и пристанище обуреваемых! Милостивого и Создателя и Сына твоего умилостиви и мне молитвами твоими.
Песнь 3-я
Ирмос. Утверди Господи…
Тропари. Благословения Симова не наследовала еси, душе окаянная, ни пространное владение, яко же Иафет, получила еси на земли прощения.
От земли Харран, от греха изыди, душе моя; гряди в землю, источающую вечно-живое нетление, юже Авраам наследствова.
Авраама слышала еси, душе моя, оставлеша древле землю отеческую и бывша пресельника: подражай его произволению.
У дуба мамвриского странноприяв патриарх ангелы, наследствова в старости обетования ловитву.
Исаака уведевши, окаянная душе моя, необычную жертву, таинственно принесенную Господеви во всесожжение: подражай его произволению.
Исмаила слышала еси, душе моя, изгнанна яко порождение рабыни: буди трезвенна, блюди, да не како подобно что постраждеши за любострастие.
Марии. Содержим есм бурею и треволнением прегрешений; но сама мя, мати, ныне спаси и приведи ко пристанищу божественного покаяния.
Марии. Усердное моление и ныне принесши, преподобная, ко благоутробней Богородице, отверзи мне молитвами твоими божественные входы.
| Троичен | те же, что вчера |
| Богородичен |
Песнь 4-я
Ирмос. Услыша пророк…
Тропари. Тело окаляся, дух осквернися, весь уязвихся; но яко врач, Христе, обоя покаянием ми уврачуй омый, очисти, убели; паче снега чистейша мя покажи, Спасе мой.
Тело твое и кровь, Слове, распинаемый, за всех положил еси: тело, да возсоздаси мя, кровь, да омыеши мя; дух же предал еси, да мя приведеши, Христе твоему Родителю.
Соделал еси спасение посреде земли, Милосерде да спасемся. На древе волею распялся еси. Едем затворенный отверзеся; горьняя и дольняя, тварь и языцы вси спасени поклоняются Тебе.
Кровь из ребр твоих, Слове, вкупе же и вода источившая оставление, да будут ми купель и питие, да обоюду очищаюся, помазуяйся и напаяяйся, яко мастию и питием, животочными твоими словесы6.
Чашу Церковь стяжа-ребра твоя живоносная, Спасе, наш, из них же сугубый излияся нам источник – отпущения и разумения, во образе двоих вкупе заветов, ветхого и нового.
Чужд есм брачного чертога, лишен есм купно и брачные вечери; светильник угасе, яко безъелейный; чертог заключися, мне спящу; вечеря снедеся; аз же, по руку и ногу связан, вон извержен есмь.
| Троичен | прежние |
| Богородичен |
Песнь 5-я
Ирмос. От нощи утреннююща…
Тропари. Яко лютый нравом и помрачен умом, уподобихся Ианни Иамври, душею и телом—Фараону горькому: но помози ми, Владыко!7.
С блатом смесихся, окаянный, умом: омый мя, Владыко, в купели моих слез, молю Тя, и убели одежду плоти моея,, яко снег.
Аще испытаю моя дела, Спасе, зрю себе всякого человека превозшедша грехами, зане разумом мудрствуяй греших, не по неведению.
Пощади, пощади, Господи, создание твое; согреших, прости ми. Сам бо Ты един чиста еси естеством, и ин никто же, кроме Тебе, чужд есть скверны.
Бог сый, мене ради приял еси мой образ, Спасе; совершил еси чудеса, исцелив прокаженные и расслабленные укрепив, кровоточивые течение крове остановив прикосновением края одежды.
Марии. Поток Иорданский прешедши, обрела еси покой безболезненный, избежавши плотские страсти, ее же и нас избави молитвами твоими, преподобная.
| Троичен | прежние |
| Богородичен |
Песнь 6-я
Ирмос. Возопих всем сердцем моим…
Тропари. Восстани и побори, яко Иисус Амалика, плотские страсти, побеждающи присно и Гаваониты—обольстительные помыслы.
Прейди́, душе, поток скоротечного времене, якоже некогда кивот Иордан, и овладей землею оною обетованного: Бог повелевает.
Яко спасл еси Петра возопивша, поспеши спасти и мене, Спасе: избави мя от зверя, простер руку твою, и возведи из глубины греховный.
Пристанище безопасное вем Тя, Владыко, Владыко Христе! От непроходимых убо пучин греха и отчаяния поспеши избавим мя.
| Троичен | прежние |
| Богородичен |
^ Кондак
Душе моя, душе моя! востани, что спиши?…
Песнь 7-я
Ирмос. Согрешихом, беззаконнвовахом…
Тропари. Манассиева преступления собрала ее в вкупе, душе, произволеием, поставльши, яко идолы, страсти и умноживши мерзости; но того покаянию ревнующи усердие, стяжи умиление.
Ахааву поревновала еси в сквернах, душе моя: увы мне! была еси пдотских нечистота жилище и сосуд постыден страстей; но воздохни из глубины твоея и глаголи Богу грехи твоя.
Заключися небо тебе, душе, и глад от Бога постиже тя, яко же некогда, егда Ахаав не покорися словесем Илии Фесвитянина; но Сарептстей вдовице уподобися, напитай душу пророка,
Сожже некогда Илия дващи пятдесятъ мужей, и пророки студные Иезавелины закла, во обличение Ахаава: но бежи, душе, подражания двоим сим и укрепляйся8.
| Троичен | прежние |
| Богородичен |
Песнь 8-я
Ирмос. Его же воинства небесная славят…
Тропари. Праведный Судие, Спасе! помилуй и избави мя огня и мучения, еже имам на суде праведно претерпети; прости́ мя прежде кончины, даровав мне добродетель и покаяние.
Яко разбойник, вопию Ти: помяни мя; яко Петр, плаку горько; прости мя Спасе, зову яко мытарь; проливаю слезы яко блудница; приими мое рыдание, яко же никогда жены хананейские.
Гноение смиренные моея души исцели, Спасе, едине Врачу, наложи мне пластырь и елей и вино – дела покаяния, умиление и слезы.
Жене хананейстей и аз подражая, вопию Сыну Давидову: помилуй мя; касаюся края риз Его, яко кровоточивая; плачу, яко Марфа и Мария над Лазарем.
| Троичен | прежние |
| Богородичен |
Песнь 9-я
Ирмос. От безсеменна зачатия…
Тропари. Недуги исцеляя, Христос Слово нищим благовествоваше, увечныя уврачева, с мытари ядяше, со грешники беседоваше, Иаировы дщере душу отшедшую возврати прикосновением руки.
Мытарь спасеся и блудница уцеломудрися, а фарисей хваляся осудися. Ов бо взываше: буди милостив! ова же: помилуй мя! Сей же величашеся, вопия: Боже, благодарю Тя, и по сем безумные глаголы.
Закхей мытарь бе, обаче спасеся; фарисей Симон соблазняшеся, а блудница приимаше оставительная разрешения от Имущего власть оставляти грехи: ей убо, душе, потщися подражати.
Не поревновала еси, окаянная душе моя, блуднице, яже приимши алавастр мира, со слезами мазаше и власы отираше нозе Спасителя, раздравшего рукописание преяших согрешений ее.
Уведала еси, душе моя, како прокляти быша грады, им же благовести Христос Евангелие: убойся сего примера, да не будеши якоже о́ны; ибо Владыка, градом Содомским уподобив их, даже до ада осуди.
Да не явишися, о душе моя, горшая жены хананейские отчаянием; слышала еси веру, ее же ради дщерь ее словом Божиим исцелися; воззови убо из глубины сердца, яко же она, Христу: Сыне Давидов, спаси и мене.
| Троичен | прежние |
| Богородичен |
^ В четверток на повечерии
Песнь 1-я
Ирмос. Помощник и покровитель…
Тропарь. Агнче Божий, вземляй грехи всех! возми от мене тяжкое бремя грехов, и яко благоутробен, даждь ми слезы умиления.
К Тебе припадаю, Иисусе: согреших Ти, буди милостив мне. Возми от мене тяжкое бремя грехов, и яко благоутробен, даждь ми слезы умиления.
Не вннди со мною в суд, обнажая моя деяния, исследуя словеса и обличая стремления; но в щедротах твоих презирая моя злодеяния, спаси мя Всесильне!
Покаяния время; прихожду к Тебе, Создателю моему: возми от мене тяжкое бремя грехов, и яко благоутробен, даждь ми слезы умиления.
Богатство душевное иждиве во гресе, чужд есм добродетелей благочестивых; претерпевая же глад, взываю: милости Источниче, Господи, спаси мя.
Марии. Покоршися божественным заповедем Христа, к Нему приступила еси, сластолюбия необузданная стремления оставивши, и все добродетели, яко едину, всеблагоговейно исполнила еси.
| Троичен | Как здесь, так и в конце всех прочих песней – вчерашние |
| Богородичен |
Песнь 2-я
Ирмос, Видите, видите, яко Аз есмь Бог…
Тропари. Мужа убих в язву мне и юношу в струп, Ламех вопияше рыдая; ты же, о душе моя, не трепещеши, окалявши плоть и ум осквернивши.
Столп умыслила еси создати, о душе, и твердыню водрузити похотем твоим, аще не бы Творец смесил замыслы твоя и низвергл на землю ухищрения твоя.
О како поревновах Ламеху, древнему убийце, убив душу, яко мужа, умъ. яко юношу, и подобно Каину убийце—тело мое, яко брата, любострастными стремлениями!
Одожди некогда Господь огнь от Господа, да сожжет беззаконие неистовое Содомлян; ты же, о душе, огнь геенский вжегла еси, в нем же имаши сожещися
Уязвихся, уранихся; се стрелы врага, пронзившие мою душу и тело; се струпы, раны, язвы вопиют об ударах самовольных моих страстей.
Марии. В бездна зол погружаемая, Марие, простерла еси руце твои к щедрому Богу, и яко же Петру, простре тебе человеколюбие руку божественную, ищяй всячески твоего обращения.
Песнь 3-я
Ирмос. Утверди Господи….
Тропари. Агари древней египтяныне уподобилася еси, душе, поработившися волею и родивши нового Исмаила—дерзость.
Лествицу от земли к небесем, Иакову явленную, уведала еси, душе моя: почто не возымела еси восхода тверда—благочестия?
Подражай священнику Божию и царю уединенному, Христову образу жития в мире, в человецех9.
Обратися, постени, душе окаянная, прежде даже торжество жития не приимет конец, прежде даже не заключит Господь дверь брачного чертога.
Не буди столп сланый, душе, обратившися вспять; пример Содомлян да устрашит тя: горе, в Сигор спасайся.
Не отвержи, Владыко, моления поющих Тя; но умилосердися, Человеколюбче, а подаждь с верою просящим прощение.
Песнь 4-я
Ирмос. Услыша пророк….
Тропари. Время живота моего мало и исполнено бедствий и зол; но в покаянии приими и в признании возстанови мя, да не буду стяжание ни брашно врагу: Сам умилосердися на мя, Спасе.
Царским достоинством, венцем и порфирою облеченный, человек многа стяжания имевши и праведный богатством обилуяй и стады, внезапу богатства, славы царства, обнищав лишися10.
Аще праведен и непорочен бяше он паче всех и не убеже наветов и сетей обольстителя; ты же, грехолюбива сущи, окаянная душе, что сотвориши, аще чесому от нежданных случится найти тебе?
Велеречив ныне есм, дерзок же и сердцем, вотще и всуе: да не осудиши мя с фарисеем, паче же смирение мытаря подаждь ми, едине Милосерде, праведный Судие, и к нему мя сопричти.
Согреших, досадив сосуду плоти моея; вем, Милосерде! Но в покаянии приими и в признании восстанови мя, да не буду стяжание ни брашно врагу. Сам умилосердися на мя, Спасе.
Кумир бых самому себе., Милосерде, растлевая душу мою страстьми; но в покаянии приими и в признании восстанови мя, да не буду стяжание ни брашно врагу. Сам умилосердися на мя, Спасе.
Не послушах гласа твоего, преслушах писание твое, Законоположниче! Но в покаянии приими и в признании восстанови мя, да не буду стяжание ни брашно врагу. Сам умилосердися на мя, Спасе!
Марии. Во глубину безместий великих низвергшися, не погрязла еси в ней, Mapиe, но востекла еси лучшим помыслом и деяними к высочайшей яве добродетели, естество ангелов чудно удививши.
Песнь 5-я
Ирмос. От нощи утреннююща….
Тропари. Жене слаченней подражай, душе: прииди, припади к ногам Ииcyca, да исправит тя и да ходиши прямо по стезям Господним.
Аще и кладязь еси глубокий, Владыко, источи мне струи из пречистых твоих жил, да яко Самараныня пияй не вжаждуся паки; Ты бо источаеши потоки жизни.
Силоам да будут мне слезы моя, Владыко Господи, да умыю и аз зеницы сердца и вижду Тя мысленно, Света превечного.
Марии. Несравненною любовию возжелевши поклонитися древу жизни, всеблаженная, сподобилася еси желаемого: сподоби убо и мене получити вышнюю славу.
Песнь 6-я
Ирмос, Возоних всем сердцем моим…
Тропари. Аз есм, Спасе, царская драхма, яже погублена бысть у Тебе древле11: но вжег светильник— Предтечу твоего, Слове12, взыщи и обрящи твой образ.
Востани и побори, яко Иисус Амалика, плотские страсти, побеждающи присно и Гаваониты—обольстительные помыслы.
Марии. Да угасиши пламень страстей, Марие, душею распаляема присно источала еси капли слез, их же благодать подаждь и мне, рабу твоему.
Марии. Бесстрастие небесное стяжала еси, мати, возвышеннейшим на земли житием: тем же молися воспевающим тя от страстей избавитяся молитвами твоими.
^ Кондак
Душе моя, душе моя! востани, что спиши?
Песнь 7-я
Ирмос. Согрешихом, беззаконновахом….
Тропари. Исчезоша дние мои, яко сновидение пробуждающегося; тем же, яко Езекия, плачу на ложи моем, да приложатся мне лета живота; но кий Исаия предстанет тебе, душе, аще ее Бог всех?
Припадаю Ти и приношу Тебе, яко слезы, глаголы моя: согреших, яко не согреши блудница, и беззаконновах, яко ин никто же на земли; но умилосердися, Владыко, о создании твоем и восстанови мя.
Затмих образ твой и наруших заповедь твою; вся красота помрачися и светильник угасе от страстей; но умилосердився, Спасе, воздаждь ми, яко же поет Давид, радование.
Обратися, покайся, открый сокровенная, рцы Богови вся ведущему: Ты веси тайная моя, едине Спасе, но Сам мя помилуй, яко же поет Давид, по милости твоей.
Марии. Возопивши к Пречистей Богоматери, отринула еси неистовство страстей, прежде усиленно стужавших, и посрамила еси врага запеншего; но даждь ныне помощь в скорби и мне, рабу твоему.
Марии. Его же возлюбила еси, его же возжелела еси, его же ради плоть изнурила еси, преподобная, Христа моли ныне о рабех, яко да милостив бывъ всем нам, мирное состояние дарует почитающим Его.
Песнь 8-я
Ирмос. Ег же воинства небесная славят….
Тропари. Стклянницу слез, яко миро на главу изливая, зову Тебе, Спасе, яко же блудница милости ищущая, мольбу приношу и прощение прошу прияти.
Аще и никто же согреши Тебе, яко же аз, но обаче приими и мене, благоутробне Спасе, кающегося со страхом и вопиющего с любовию: согреших Тебе единому, помилуй мя Милостиве.
Пощади, Спасе, твое создание, и яко пастырь, взыщи погибшее, предохрани заблуждшего, исхити от волка, сотвори мя овча на пастве овец твоих.
Егда сядеши яко Судия, благоутробне Спасе, и покажеши страшную славу твою, о, каковый страх тогда, пещи горящей, всем ужасающимся нестерпимого судища твоего!
Марии. Мати незаходимого света, просветивши тя, Марие, от мрака страстей свободи: тем же, приимши благодать Духа, просвети верно восхваляющих тя.
Марии. Чудо новое воистину видев в тебе, мати, божественный Зосима удивися: ангела бо узре во плоти и ужасом весь исполняшеся, Христа воспевая во веки.
Песнь 9-я
Ирмос. От безсеменна зачатия…
Тропари. Умилосердися, спаси, помилуй мя, Сыне Давидов, беснующиеся словом исцеливый; глас же благоутробный, яко разбойнику, рцы мне: аминь глаголю тебе, со Мною будеши в рай, егда прииду во славе моей.
Разбойник хуляше Тя, разбойиик Бога исповедаше Тя, оба бо на кресте свисяста: но, о Благоутробне, яко верному разбойнику твоему, познавшему Тя Бога, отверзи и мне дверь славного царствия твоего.
Тварь содрогашеся, видящи Тя распинаема, горы и камение страхом распадахуся, земля колебашеся и ад упраздняшеся, и омрачашеся свет во дни, зря Тебе, Иисусе, пригвожденна ко кресту.
Плодов достойиых покаяния не истяжи от мене, ибо крепость моя во мне оскуде; даруй мне присно сердце сокрушенное и нищету духовную, да сия Тебе принесу, яко приятную жертву, едине Спасе.
Судие мой и Ведче мой! егда приидеши паки со ангелы судити всему миру, милостивным твоим оком воззрев тогда на мя, Иисусс, пощади и помилуй мя, паче всего естества человеческого согрешивша.
Марии. Удивила еси всех необычным житием твоим, ангелов чины и человеков соборы, невещественно поживши и естество препобедивши, тем же, аки бесплотная, Марие, ногама твоима Иордан прешла еси.
Марии. Умилостиви Создателя о хвалящих тя, преподобная мати, избавиться озлоблений и скорбей, отвсюду нападающих, да избавившеся от искушений, непрестанно возвеличим прославльшего тя Господа.
^ Прибавление
В четверток 5-й седмицы великого поста, когда снова читается этот канон, на утрени (не по частям уже, как в первую седмицу на повечериях, а сразу в полном виде), в нем встречаются еще следующие тропари.
В песни 1-й. Не возгнушайся мене, Спасе, не отрини от твоего лица; возми от мене тяжкое бремя грехов, и яко благоутробен, даждь ми грехопадений оставление.
Вольная и невольная прегрешения моя, Спасе, явленная и сокровенная, ведомая и неведомая, вся простив яко Бог, умилосердися и спаси мя.
В песни 2-й. Разумейте и видите, яко Аз есм Бог, испытуяй сердца и истязуяй мысли, обличаяй деяния и попаляяй грехи, и судяй сиру и смиренну и нищу.
В песни 4-й. Марии. Бесплотных жительство во плоти прешедши, преподобная, благодать велию воистину от Бога прияла еси—предстательствовати о чтущих тя верно: тем же молим тя, от всяких напастей избави и нас молитвами твоими.
В песни 5-й. Кровоточивей подражай, окаянная душе: притецы, емлися за ометы одежды Христовы, да исцелишися от ран и услышиши от Него: вера твоя спасе тя.
__________________
Эти пять тропарей не вошли в состав чтений на первой седмице, неизвестно почему.
Кроме того, Троичен 9-й песни великого канона в четверток 5-й седмицы читается несколько иначе, чем тот же Троичен в первую седмицу, и именно так:
Отца славяще. Сына величающе и Духу покланяющеся, воспеваем Тя, Троице единосущная, Единице триипостасная, единого естеством истинного Бога, Жизнь и Жизни, царство бесконечное.
_________________
Между тропарями великого канона, читаемыми в первую седмицу тропарь-6-й песни «Востанн и побори, яко Иисус Амалика», встречается два раза, в среду и четверток. А тропарь «Богатство душевное иждив», читающийся в четверток на первой песни, есть, кажется, не более, как вариант тропаря; «Имение мое, Спасе, расточив», читающегося в среду, на первой же песни. По крайней мере, в великом каноне 5-й седмицы читается только один этот последний тропарь, а первого вовсе нет.
Наконец, в первую седмицу после каждого чтения канона прибавляется еще тропарь св. Андрею Критскому, а в четверток 5-й седмицы тропари св. Андрею прилагаются после каждой песни канона (всего 9 тропарей). Тропари эти оставлены нами без перевода, так как они, понятно, не составляют собою части великого канона св. Андрея, а составлены и приложены к его канону кем то впоследствии, как бы в благодарность ему за составление этого великого, умилительного и назидательного произведения.
Е. А.
1 Здесь легкий перифраз. Буквально следует перевесть так: «страстный помысл, показующий сладкая и вкушающая присно горькое напоение.
2 Слова «обрящеши великая сокровища»-перифраз греческого γενη μεγαλμπορσς, которое переведено в старом славянском словами: «будеши великий купец».
3 Здесь легкий перефраз. Буквально следовало бы: «Моисеев ковчежец слышала еси, душе». Но тогда вышло бы что ковчежец собственно (а не Моисей) и избег горького замысла Фараонова.
4 Т.Е. ты не слыхала, чтобы бабки убивали.
5 Вместе «высокоумия» буквально следовало бы перевесть: ума. Но под умом здесь разумеет ум не вообще, но впадший в высокомудрие.
6 Тропарь этот в греч. подлиннике представляет не мало трудностей к правильному переводу: он может быть переведен и несколько иначе…
7 И этот тропарь также весьма труден и для понимания и для перевода, и может быть переводим различно.
8 В подлиннике и существующем славянском переводе этот тропарь читается так: «Попали Илия дващи пятьдесят Иезавелиных, егда студные пророки погуби». Но такое чтение не согласуется с показаниями свящ. истории. См. 4Цар.1:10-15; сн. 3Цар.18:40.
9 Мелхиседеку.
10 Иов.
11 Буквально: юже погубил еси древле.
12 По некоторым греч. изданиям: но вжег светильник твой, Боже и Слове.
Комментировать