Ве́тхий Заве́т:
Быт.
Исх.
Лев.
Чис.
Втор.
Нав.
Суд.
Руф.
1Цар.
2Цар.
3Цар.
4Цар.
1Пар.
2Пар.
1Езд.
Неем.
2Езд.
Тов.
Иудиф.
Есф.
Иов.
Пс.
Прит.
Еккл.
Песн.
Прем.
Сир.
Ис.
Иер.
Плч.
ПослИер.
Вар.
Иез.
Дан.
Ос.
Иоил.
Ам.
Авд.
Ион.
Мих.
Наум.
Авв.
Соф.
Аг.
Зах.
Мал.
1Мак.
2Мак.
3Мак.
3Езд.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Скрыть
19:1
19:4
19:5
19:6
19:8
19:12
19:14
19:17
19:21
Церковнославянский (рус)
Нечести́вымъ же до конца́ безъ ми́лости я́рость на́йде: предвѣ́дѣ бо и́хъ и бу́дущая,
я́ко ті́и отпусти́вшiи, е́же отити́, и со тща́нiемъ предпосла́вше и́хъ, пожену́тъ вслѣ́дъ раска́явшеся:
еще́ бо въ рука́хъ имѣ́юще рыда́нiя и сѣ́тующе надъ гроба́ми ме́ртвыхъ, и́нъ себѣ́ взя́ша по́мыслъ безу́мiя, и и́хже моля́ще изгна́ша, си́хъ а́ки бѣглеце́въ гоня́ху.
Влеча́ше бо и́хъ къ сему́ концу́ досто́йная ну́жда, и приклю́чшихся забы́тiе вложи́, да и про́чую къ муче́ниемъ принапо́лнятъ ка́знь:
и лю́дiе у́бо твои́ пресла́вное путьше́ствiе пре́йдутъ, они́ же стра́нну обря́щутъ сме́рть.
Все́ бо творе́нiе во свое́мъ ему́ ро́дѣ па́ки свы́ше преобразова́шеся, служа́щее сво́йственнымъ твои́мъ повелѣ́ниемъ, да о́троцы твои́ сохраня́тся неврежде́ни.
О́блакъ осѣня́яй по́лкъ и́хъ, и изъ преждебы́вшiя воды́ откры́тiе сухі́я земли́ яви́ся, и изъ мо́ря чермна́го пу́ть невозбра́ненъ, и по́ле зла́чное от волне́нiя зѣ́лнаго:
и́мже ве́сь язы́къ про́йде, твое́ю руко́ю покрове́ни, ви́дяще ди́вная чудеса́.
Я́коже бо ко́ни насы́тишася, и я́ко а́гнцы взыгра́шася, хва́ляще тя́, Го́споди, изба́вльшаго и́хъ:
воспомяну́ша бо еще́, я́же во обита́нiи и́хъ, ка́ко у́бо вмѣ́сто рожде́нiя живо́тныхъ изведе́ земля́ скни́пы, вмѣ́сто же ры́бъ изры́гну рѣка́ мно́жество жа́бъ.
Послѣди́ же ви́дѣша и но́вое рожде́нiе пти́цъ, егда́ похотѣ́нiемъ подви́гшеся, проси́ша сла́достныя пи́щи.
Во утѣше́нiе бо взыдо́ша и́мъ от мо́ря кра́стели: и муче́нiя грѣ́шнымъ наидо́ша, не безъ бы́вшихъ зна́менiй си́лою мо́лнiй: пра́веднѣ бо пострада́ша за своя́ зло́бы,
и́бо лютѣ́йшее ненавидѣ́нiе стра́нныхъ соверши́ша: ині́и у́бо незна́емыхъ не прiе́мляху прише́лцевъ, сі́и же благодѣ́телей стра́нныхъ порабоща́ху.
И не то́кмо, но а́ще ко́е разсмотре́нiе бу́детъ и́хъ: зане́ вражде́бно прiе́мляху чужды́хъ.
Сі́и же съ пра́зднествами прiе́мше приобщи́вшихся уже́ и́хъ обы́чаемъ, жесточа́йшими озло́биша труда́ми.
Побiе́ни же бы́ша и ослѣпле́нiемъ, я́коже о́нiи при две́рехъ пра́ведника, егда́ вели́кою обложе́ни тмо́ю, кі́йждо свои́хъ две́рiй прохо́да иска́ше.
Са́ми бо собо́ю стихі́и премѣня́емы, я́коже въ гу́слехъ гла́сы сли́чiя и́мя премѣня́ютъ, всегда́ храня́ще зву́къ: е́же е́сть ви́дѣти от зра́ка бы́вшихъ извѣ́стно.
Земна́я бо въ во́дная прелага́хуся, и пла́вающая прехожда́ху на зе́млю.
О́гнь возмога́ше въ водѣ́ вы́шше своея́ си́лы, и вода́ угаша́ющую си́лу забы́.
Пла́мень вопреки́ удоботлѣ́нныхъ живо́тныхъ не вреди́ пло́тей въ не́мъ ходя́щихъ, ниже́ тая́ше ледови́дный удобота́яй ро́дъ сла́достныя пи́щи.
По всему́ бо, Го́споди, возвели́чилъ еси́ лю́ди твоя́ и просла́вилъ еси́, и не презрѣ́лъ еси́, во вся́цѣмъ вре́мени и мѣ́стѣ предстоя́й.