Азбука веры » Би́блия » Сiра́хъ » гл.41

Сiра́хъ, Глава 41

Толкования

Толкования главы

Толковая Библия А.П. Лопухина

41:1

41:2

41:3

см.:Иов.5:26;

41:4

41:5

см.:Пс.88:49;

41:6

см.:Прем.4:13;

см.:Прем.3:12;

см.:Иов.20:10;

см.:Прем.3:16;

41:11

41:12

41:13

см.:Быт.3:19;Сир.40:11;

41:14

41:15

см.:Притч.22:1;

41:16

см.:Еккл.7:1;

41:17

41:18

41:19

см.:Сир.4:25;

41:20

41:21

41:22

41:23

41:24

41:25

41:26

см.:Исх.20:17;Иов.31:1;Мф.5:28;

41:27

41:28

см.:Сир.18:15;Сир.20:15;

41:29

см.:Сир.19:24;Сир.27:18;

Церковнославянский (рус)

Языки

О сме́рте, ко́ль горька́ твоя́ е́сть па́мять человѣ́ку ми́рно во имѣ́нiихъ свои́хъ живу́щу,

му́жеви не пеку́щуся и благополу́чну во всѣ́хъ, и еще́ возмога́ющу прiя́ти пи́щу.

О, сме́рте, до́бръ су́дъ тво́й е́сть человѣ́ку тре́бующему и умаля́ющуся крѣ́постiю,

въ послѣ́дней ста́рости су́щему и пеку́щуся о всѣ́хъ, и невѣ́рствующу и погуби́вшу терпѣ́нiе.

Не бо́йся суда́ сме́рти: помяни́ пе́рвая твоя́ и послѣ́дняя, се́й бо су́дъ от Го́спода вся́цѣй пло́ти.

И почто́ отме́щешися благоволе́нiя вы́шняго? а́ще де́сять, а́ще сто́, а́ще ты́сяща лѣ́тъ,

нѣ́сть во а́дѣ обличе́нiя живота́.

Ча́да быва́ютъ ме́рзка ча́да грѣ́шниковъ, и живу́щая въ селе́нiихъ нечести́выхъ:

ча́дъ грѣ́шныхъ поги́бнетъ наслѣ́дiе, и съ сѣ́менемъ и́хъ вы́ну поноше́нiе.

Отца́ нечести́ва укоря́тъ ча́да, я́ко его́ ра́ди поноше́нiе прiи́мутъ.

Го́ре ва́мъ, му́жiе нечести́вiи, и́же оста́висте зако́нъ Бо́га вы́шняго:

и а́ще родите́ся, на кля́тву родите́ся: и а́ще у́мрете, въ кля́тву раздѣле́ни бу́дете.

Вся́, ели́ка от земли́, въ зе́млю по́йдутъ: та́кожде нечести́вiи от кля́твы въ па́губу.

Сѣ́тованiе человѣ́ковъ въ тѣлесѣ́хъ и́хъ: и́мя же грѣ́шниковъ неблаго́е потреби́тся.

Пецы́ся о и́мени, то́ бо ти́ пребыва́етъ па́че ты́сящъ вели́кихъ сокро́вищъ зла́та.

Блага́го житiя́ число́ дні́й, и до́брое и́мя во вѣ́ки пребыва́етъ.

Наказа́нiе въ ми́рѣ соблюди́те, ча́да: прему́дрость же сокрове́нна и сокро́вище неявле́нно, ка́я по́льза во обои́хъ?

Лу́чше человѣ́къ скрыва́яй бу́йство свое́, не́жели человѣ́къ скрыва́яй прему́дрость свою́.

Тѣ́мже у́бо усрами́теся слове́съ мои́хъ:

нѣ́сть бо бла́го вся́къ сра́мъ сохраня́ти, и не вся́ всѣ́мъ въ вѣ́рѣ благоволя́тся.

Стыди́теся предъ отце́мъ и ма́терiю о блудѣ́ и предъ си́льнымъ и властели́номъ о лжи́,

предъ судiе́ю и кня́земъ о согрѣше́нiи, предъ собо́ромъ и людьми́ о беззако́нiи,

предъ о́бщникомъ и дру́гомъ о непра́вдѣ, и на мѣ́стѣ, идѣ́же живе́ши, о татьбѣ́,

и предъ и́стиною Бо́жiею и завѣ́томъ, и от опе́ртiя лакте́й на трапе́зѣ, от прельще́нiя взя́тiя и дая́нiя,

и от цѣлу́ющихъ о молча́нiи, от видѣ́нiя жены́ блудни́цы и от отвраще́нiя сро́днича лица́,

от отъя́тiя ча́сти и дая́нiя и от присмотре́нiя жены́ мужа́ты и от обольще́нiя рабы́ни своея́,

и не приступи́ ко одру́ ея́:

предъ дру́ги о словесѣ́хъ поно́сныхъ, и по дая́нiи не поноси́:

от повторе́нiя и сло́ва слы́шанiя и от открове́нiя слове́съ та́йныхъ: и бу́деши стыдли́въ и́стинно и обрѣта́яй благода́ть предъ вся́кимъ человѣ́комъ.