Азбука веры » Би́блия » ישעיהו » гл.12

ישעיהו, Глава 12

Толкования

Толкования главы

12:1

Еврейский

Языки

וְאָמַרְתָּ בַּיּוֹם הַהוּא, אוֹדְךָ יְהוָה, כִּי אָנַפְתָּ בִּי; יָשֹׁב אַפְּךָ וּתְנַחֲמֵנִי׃

הִנֵּה אֵל יְשׁוּעָתִי אֶבְטַח וְלֹא אֶפְחָד; כִּי־עָזִּי וְזִמְרָת יָהּ יְהוָה, וַיְהִי־לִי לִישׁוּעָה׃

וּשְׁאַבְתֶּם־מַיִם בְּשָׂשׂוֹן; מִמַּעַיְנֵי הַיְשׁוּעָה׃

וַאֲמַרְתֶּם בַּיּוֹם הַהוּא, הוֹדוּ לַיהוָה קִרְאוּ בִשְׁמוֹ, הוֹדִיעוּ בָעַמִּים עֲלִילֹתָיו; הַזְכִּירוּ כִּי נִשְׂגָּב שְׁמוֹ׃

זַמְּרוּ יְהוָה, כִּי גֵאוּת עָשָׂה; מְיֻדַּעַת (מוּדַעַת) זֹאת בְּכָל־הָאָרֶץ׃

צַהֲלִי וָרֹנִּי יוֹשֶׁבֶת צִיּוֹן; כִּי־גָדוֹל בְּקִרְבֵּךְ קְדוֹשׁ יִשְׂרָאֵל׃ פ