Ве́тхий Заве́т:
Быт.
Исх.
Лев.
Чис.
Втор.
Нав.
Суд.
Руф.
1Цар.
2Цар.
3Цар.
4Цар.
1Пар.
2Пар.
1Езд.
Неем.
2Езд.
Тов.
Иудиф.
Есф.
Иов.
Пс.
Прит.
Еккл.
Песн.
Прем.
Сир.
Ис.
Иер.
Плч.
ПослИер.
Вар.
Иез.
Дан.
Ос.
Иоил.
Ам.
Авд.
Ион.
Мих.
Наум.
Авв.
Соф.
Аг.
Зах.
Мал.
1Мак.
2Мак.
3Мак.
3Езд.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Скрыть
6:1
6:2
6:4
см.:4Цар.19:35:37;
6:5
см.:Дан.3:49-50;
6:7
6:8
6:9
6:10
6:11
6:12
6:13
6:15
6:16
6:17
6:18
6:19
6:20
6:21
6:22
6:23
6:24
6:25
6:26
6:27
6:28
6:29
6:30
6:31
6:32
6:33
6:34
6:35
6:36
6:37
Церковнославянский (рус)
Елеаза́ръ же нѣ́кто му́жъ знамени́тый от иере́й страны́ тоя́, въ ста́рости лѣ́тъ уже́ дости́гъ и вся́кою добродѣ́телiю въ житiи́ укра́шенъ, о́крестъ себе́ устро́ивъ пресви́теры призыва́ти свята́го Бо́га, моля́шеся си́це:
Царю́ великодержа́вный, вы́шнiй, Вседержи́телю Бо́же, и́же созда́нiе все́ стро́яй въ щедро́тахъ, воззри́ ны́нѣ на сѣ́мя Авраа́мле, на освяще́ннаго Иа́кова ча́да, ча́сти свяще́нныя люді́й твои́хъ, въ земли́ чужде́й стра́нствующихъ, непра́ведно погиба́ющихъ, о́тче!
ты́ фарао́на пе́рвѣе Еги́птомъ си́мъ облада́ющаго, умно́женаго въ колесни́цахъ, возне́сшагося беззако́нною де́рзостiю и язы́комъ велерѣ́чивымъ, съ го́рдымъ во́инствомъ въ по́нтѣ погруже́нныхъ погуби́лъ еси́, ро́ду же Изра́илеву свѣ́тъ прояви́лъ еси́ ми́лости:
ты́ безчи́сленными си́лами возвели́чившагося сеннахири́ма тя́жкаго царя́ Ассирі́йскаго, копiе́мъ подру́чну уже́ сотвори́вшаго всю́ зе́млю и возне́сшагося на святы́й тво́й гра́дъ, ху́льная глаго́лющаго съ киче́нiемъ и де́рзостiю, Влады́ко, сокруши́лъ еси́, извѣ́стну показа́въ язы́комъ мно́гимъ твою́ держа́ву:
ты́ въ Вавило́нѣ трiе́хъ отроко́въ огню́ ду́шы самово́льнѣ преда́вшихъ, за е́же не служи́ти скве́рнымъ, разжже́нную ороси́въ пе́щь, изба́вилъ еси́ да́же до вла́са невреди́мыхъ, пла́мень на вся́ посла́въ сопроти́вныя:
ты́ данiи́ла оболга́ньми зави́стными вве́ржена въ ро́въ на снѣде́нiе льво́мъ звѣре́мъ свирѣ́пымъ, на свѣ́тъ изве́лъ еси́ здра́ва: и Ио́ну во чре́вѣ ки́та морска́го та́ющаго неща́днѣ, всѣ́мъ свои́мъ невреди́ма показа́лъ еси́, о́тче!
и ны́нѣ, оби́дъ ненави́стниче, многоми́лостиве, всѣ́хъ покрови́телю, вско́рѣ яви́ся су́щымъ от ро́да Изра́илева, от язы́къ же беззако́нныхъ ме́рзкихъ оби́димымъ:
а́ще же нече́стiемъ объя́то е́сть въ преселе́нiи житiе́ на́ше, ты изба́вивъ на́съ от руку́ вра́гъ си́хъ, я́коже произво́лиши, Влады́ко, погуби́ на́съ сме́ртiю,
да не су́етными суему́дреннiи похва́лятся о погубле́нiи возлю́бленныхъ твои́хъ, глаго́люще: ниже́ Бо́гъ и́хъ изба́ви и́хъ:
ты́ же вся́ку си́лу и крѣ́пость имѣ́яй всю́, превѣ́чный, ны́нѣ́ при́зри,
поми́луй на́съ, оби́дою беззако́нныхъ безслове́сною живота́ лиша́емыхъ о́бразомъ преда́телей,
да удивя́тся ны́нѣ язы́цы непобѣди́мѣй крѣ́пости твое́й, пречестне, имѣ́яй си́лу о спасе́нiи ро́да Иа́ковля:
мо́литъ тя́ все́ мно́жество младе́нцевъ и роди́теле и́хъ со слеза́ми: да пока́жется всѣ́мъ язы́комъ, я́ко съ на́ми еси́, Го́споди, и не отврати́лъ еси́ лица́ твоего́ от на́съ:
но я́коже ре́клъ еси́, я́ко ниже́ въ земли́ враго́въ свои́хъ су́щихъ презрѣ́лъ еси́ и́хъ, си́це соверши́, Го́споди.
Елеаза́ру же конча́ющу уже́ моли́тву сiю́, ца́рь со звѣрьми́ и все́ю си́лы го́рдостiю прибли́жися ко ипподро́му.
Уви́дѣвше же Иуде́е, вельми́ возопи́ша на небо, я́ко и прилежа́щая удо́лiя ку́пно съ ни́ми вопiю́щая неудержи́мь пла́чь сотвори́ша всему́ во́инству.
Тогда́ великосла́вный Вседержи́тель и и́стинный Бо́гъ, яви́въ свято́е свое́ лице́, отве́рзе две́ри небе́сныя, изъ ни́хже снидо́ста два́ сла́вна, стра́шна ви́домъ а́нгела явле́ннѣ всѣ́мъ кромѣ́ Иуде́овъ,
и сопротивоста́ста, и си́лу супоста́тъ испо́лниста смяте́нiя и у́жаса, и неподви́жными пу́ты связа́ста: та́кожде и тѣ́ло ца́рское тре́петно бы́сть, и забве́нiе де́рзость его́ тя́жкую объя́.
И обрати́шася звѣ́рiе на послѣ́дующыя вооруже́нныя си́лы, и попира́ху и́хъ и погубля́ху.
И обрати́ся гнѣ́въ ца́рскiй во умиле́нiе и сле́зы о предугото́ванныхъ от него́ муче́нiихъ.
Услы́шавъ бо во́пль и ви́дѣвъ преклоне́нныхъ всѣ́хъ въ погубле́нiе, прослези́вся со гнѣ́вомъ друго́мъ преща́ше, глаго́ля:
вы злѣ́ ца́рство управля́ете и мучи́телей превосхо́дите лю́тостiю, и мене́ сама́го ва́шего благодѣ́теля тщите́ся от вла́сти уже́ и ду́ха низложи́ти, та́йно ухищря́юще неполе́зная ца́рству:
кто́ держа́вшихъ на́шя въ вѣ́рности страны́ тверды́ни, от до́му отлучи́въ, коего́ждо безслове́снѣ собра́ сѣ́мо?
кто́ си́хъ, и́же изъ нача́ла благопрiя́тствомъ къ на́мъ по всему́ превосхо́дятъ всѣ́хъ язы́ковъ и злѣ́йшыя мно́жицею от человѣ́къ подъя́ша бѣды́, си́це беззако́нными обложи́ у́зами?
рѣши́те, разрѣши́те непра́ведныя у́зы и во своя́ и́хъ съ ми́ромъ посли́те, о преждесодѣ́ланныхъ примири́вшеся: разрѣши́те сы́ны Вседержи́теля небе́снаго Бо́га жива́го, и́же от на́шихъ прароди́телей да́же доны́нѣ непреткнове́нно во сла́вѣ благостоя́нiе подае́тъ ве́щемъ на́шымъ.
Ре́кшу же у́бо ему́ сiя́, Иуде́е вско́рѣ разрѣше́ни бы́вше благословля́ху, уже́ избѣжа́вше сме́рти, свята́го спаси́теля Бо́га своего́.
Посе́мъ ца́рь во гра́дъ возврати́вся и призва́въ надъ росхо́ды старѣ́йшаго, повелѣ́ дая́ти вино́ и про́чая къ пирова́нiю потре́бная Иуде́омъ на дні́й се́дмь, суди́въ и́мъ та́можде во вся́цѣмъ весе́лiи де́нь спасе́нiя провожда́ти, въ не́мже мѣ́стѣ мнѣ́ша поги́бель прiя́ти.
Тогда́ сі́и, и́же пре́жде въ поноше́нiи и бли́зъ а́да бы́ша, па́че же въ него́ соше́дшiи, вмѣ́сто го́рькiя и плаче́вныя сме́рти, пи́ршество спасе́нiя соста́вивше, мѣ́сто угото́ванное и́мъ ко паде́нiю и гро́бу, на возлежа́нiя раздѣли́ша, испо́лнени ра́дости.
И оста́вивше рыда́нiя всеплаче́вную пѣ́снь, воспрiя́ша пѣ́снь оте́ческую, хва́ляще спаси́теля и чудодѣ́теля Бо́га: и вся́кiй пла́чь и стена́нiе отри́нувше, ли́ки соста́виша во зна́менiе весе́лiя ми́рнаго.
Та́кожде и ца́рь о си́хъ соста́вивъ пирова́нiе ве́лiе, безпреста́нно на небо исповѣ́дашеся великолѣ́пнѣ о пресла́внѣмъ бы́вшемъ себѣ́ спасе́нiи.
Полага́вшiи же Иуде́евъ пре́жде въ поги́бель и въ снѣ́дь пти́цамъ и съ ра́достiю описа́вшiи, срамото́ю объя́ти бы́вше стеня́ху, огнедыха́телнѣй и́хъ де́рзости безче́стно уга́сшей.
Иуде́е же, я́коже предреко́хомъ, соста́вивше предрѣче́нный ли́къ, со учрежде́нiемъ во исповѣ́данiихъ весе́лыхъ и псалмѣ́хъ провожда́ху,
и о́бщiй опредѣли́вше о си́хъ уста́въ, во вся́цѣмъ преселе́нiи свое́мъ въ ро́ды, е́же бы предрече́нныя дни́ пра́здновати въ весе́лiи, не питiя́ ра́ди и яде́нiя, но спасе́нiя ра́ди бы́вшаго и́мъ от Бо́га.
Прiидо́ша же ко царю́ прося́ще отпуще́нiя во своя́ си.
Опи́сани же бы́ша от два́десять пя́таго дне́ ме́сяца пахо́на да́же до четве́ртаго дне́ ме́сяца епифа́, во дне́хъ четы́редесятихъ: соста́виша же и́мъ поги́бель от пя́таго дне́ ме́сяца епифа́ да́же до седма́го, въ въ трiе́хъ дне́хъ: въ ни́хже и пресла́вно яви́въ ми́лость свою́ всеси́льный, изба́ви и́хъ безвре́дныхъ ку́пно.
Пи́ршествоваша же всѣ́ми от царя́ снабдѣва́еми да́же до четвертагона́десять дне́, въ о́ньже и проше́нiе сотвори́ша о отпуще́нiи свое́мъ.
Похвали́въ же и́хъ ца́рь, написа́ и́мъ нижепи́санное посла́нiе ко страти́гомъ су́щымъ по градо́мъ, великоду́шнѣ усе́рдiе иму́щее.
