Ве́тхий Заве́т:
Быт.
Исх.
Лев.
Чис.
Втор.
Нав.
Суд.
Руф.
1Цар.
2Цар.
3Цар.
4Цар.
1Пар.
2Пар.
1Езд.
Неем.
2Езд.
Тов.
Иудиф.
Есф.
Иов.
Пс.
Прит.
Еккл.
Песн.
Прем.
Сир.
Ис.
Иер.
Плч.
ПослИер.
Вар.
Иез.
Дан.
Ос.
Иоил.
Ам.
Авд.
Ион.
Мих.
Наум.
Авв.
Соф.
Аг.
Зах.
Мал.
1Мак.
2Мак.
3Мак.
3Езд.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Но́вый Заве́т: Мф. Мк. Лк. Ин. Деян. Иак. 1Пет. 2Пет. 1Ин. 2Ин. 3Ин. Иуд. Рим. 1Кор. 2Кор. Гал. Еф. Флп. Кол. 1Фес. 2Фес. 1Тим. 2Тим. Тит. Флм. Евр. Откр.
Скрыть
4:1
4:2
4:3
4:4
4:5
4:6
4:7
4:8
4:9
4:10
4:11
4:12
4:13
4:14
4:15
4:16
4:17
4:18
4:19
4:20
4:21
4:22
4:23
4:24
4:25
4:26
4:27
4:28
4:29
4:30
4:31
4:32
4:33
4:34
4:35
4:36
4:37
4:38
4:39
4:40
4:41
4:42
4:43
4:44
4:45
4:46
4:47
4:48
4:49
4:50
Глава 7
7:1
7:2
7:3
7:4
7:5
7:6
см.:Втор.32:43;
7:7
7:8
7:9
7:10
7:11
7:12
7:13
7:14
7:15
7:16
7:17
7:18
7:19
7:20
7:21
7:22
7:23
7:24
7:25
7:26
7:27
7:28
7:29
7:30
7:31
7:32
7:33
7:34
7:35
7:36
7:37
7:38
7:39
7:40
7:41
7:42
Глава 8
8:1
8:2
8:3
8:4
8:5
8:6
8:7
8:8
8:9
8:10
8:11
8:12
8:13
8:14
8:15
8:16
8:17
8:18
8:20
8:21
8:22
8:23
8:24
8:25
8:26
8:27
8:28
8:29
8:30
8:31
8:32
8:33
8:34
8:35
8:36
Глава 10
10:1
10:2
10:3
10:4
10:5
10:6
10:7
10:8
10:9
10:10
10:11
10:12
10:13
10:14
10:15
10:16
10:17
10:18
10:19
10:20
10:21
10:22
10:23
10:25
10:26
10:27
10:28
10:29
10:30
10:31
10:32
10:33
10:34
10:35
10:36
10:37
10:38
Церковнославянский (рус)
Предрече́нный же Си́монъ, и́же о сре́бреницѣхъ и оте́чествѣ доноси́тель сотвори́ся, злосло́вяше оні́ю, а́кибы то́й Илiодо́ра и поощря́лъ къ си́мъ и зло́бъ содѣ́тель бы́лъ.
И благодѣ́теля гра́ду и защи́тника свои́хъ люді́й и ревни́теля зако́новъ [Бо́жiихъ] дерза́ше нарица́ти навѣ́тникомъ веще́й.
Враждѣ́ же въ толи́ко происходя́щей, я́ко чрезъ нѣ́коего от друго́въ Си́моновыхъ и уби́йства соверша́хуся,
созерца́я оні́а лю́тость прѣ́нiя, и аполло́нiа неи́стовствовати, я́ко килисирі́и и Финикі́и воево́ду, умножа́юща зло́бу Си́монову, ко царю́ отъи́де,
не быва́яй гра́жданъ клеветни́къ, но по́льзу во о́бществѣ и на еди́нѣ всему́ мно́жеству промышля́я:
ви́дяше бо, я́ко безъ царе́ва про́мысла не мо́щно получи́ти ми́ра ктому́ веще́мъ, и я́ко Си́монъ не отста́витъ бу́йства.
Оста́вльшу же житiе́ селе́вку и прiе́мшу ца́рство Антiо́ху, и́же нарица́шеся епифа́нъ, жела́ше Иасо́нъ бра́тъ оні́инъ архiере́йства,
вни́де ко царю́, обѣщава́я ему́ сребра́ тала́нтъ три́ста шестьдеся́тъ и от прихо́довъ нѣ́кiихъ ины́хъ тала́нтъ о́смьдесятъ.
Къ си́мъ же обѣщава́ше и ины́хъ написа́ти сто́ пятьдеся́тъ, а́ще пода́стся вла́стiю его́ учи́лище ю́ныхъ ему́ поста́вити и су́щихъ во Иерусали́мѣ Антiохі́анами писа́ти.
Соизво́лившу же царю́, и нача́льство одержа́въ, а́бiе на язы́ческiй обы́чай единоплеме́нныя своя́ преводи́ти нача́.
И уста́вленная Иуде́омъ человѣколю́бiя ца́рская чрезъ Иоа́нна отца́ Евполе́ма, и́же бя́ше посло́мъ о дру́жбѣ и споборе́нiи къ ри́мляномъ, отри́ну: и зако́нныя у́бо гражда́нскiя разоря́я уста́вы, беззако́нныя обы́чаи нововвожда́ше.
Тща́тельнѣ бо подъ са́мымъ краегра́дiемъ учи́лище поста́ви, и изря́днѣйшихъ ю́ношъ покори́въ, подъ пета́съ ввожда́ше.
И си́це бѣ́ усе́рдiе нѣ́кое ко е́ллинству и успѣ́хъ язы́ческаго жи́тельства, ра́ди безмѣ́рнаго, нечести́ваго, а не архiере́а Иасо́на, беззако́нiя.
Я́ко не ктому́ о слу́жбахъ олта́рныхъ усе́рдни бя́ху жерцы́, но хра́мъ у́бо презира́юще и о же́ртвахъ нерадя́ще, тща́хуся прича́стницы бы́ти пале́стрѣ беззако́ннаго преда́нiя, по произзыва́нiи игра́лищнаго кру́га.
И оте́ческiя у́бо че́сти ни во что́же вмѣня́ху, е́ллинскiя же сла́вы предо́бры бы́ти мня́ху:
и́хже ра́ди объя́тъ я́ лю́тое обстоя́нiе, и о и́хже ревнова́ху наставле́нiихъ, и весьма́ и́мъ хотя́ху уподо́битися си́хъ враго́въ и мучи́телей имѣ́яху.
Нече́ствовати бо въ Божественныхъ зако́нѣхъ неудо́бь: но сiя́ послѣ́дующее вре́мя извѣсти́тъ.
Бы́вшу же пятолѣ́тному три́знищу въ ти́рѣ и царю́ су́щу та́мо,
посла́ Иасо́нъ сту́дныхъ смотри́телей изъ Иерусали́ма Антiохі́аны су́щыя, несу́щыя сребра́ дидра́хмъ три́ста въ же́ртву Ираклі́еву, о и́хже и моля́ху прине́сшiи, да не употребля́ютъ въ же́ртву, я́ко не досто́итъ, но во ины́я росхо́ды и́хъ отложи́ти.
Посла́ у́бо сiя́ ра́ди посла́вшаго въ же́ртву Ираклі́еву, ра́ди же прине́сшихъ на строе́нiе кораблеце́й тривесе́льныхъ.
По́слану же бы́вшу во Еги́петъ аполло́нiю сы́ну менесте́ову ко Птоломе́ю филоме́теру царю́, торжества́ ра́ди воспрiя́тiя престо́ла, возмнѣ́въ Антiо́хъ чу́жда его́ бы́ти свои́хъ веще́й, о свое́мъ безопа́сствѣ печа́шеся: того́ ра́ди во Иоппі́ю прише́дъ, дости́же во Иерусали́мъ.
Великолѣ́пно же от Иасо́на и гра́да прiя́тъ, со свѣщьми́ свѣ́тлыми и хвала́ми вни́де: та́же си́це въ Финикі́ю съ во́инствомъ по́йде.
По трелѣ́тнѣмъ же вре́мени посла́ Иасо́нъ менела́а бра́та предрече́ннаго Си́мона несу́ща царю́ сре́бреники и о ве́щехъ ну́жныхъ представле́нiе соверши́ти иму́щаго.
О́нъ же предста́въ царю́ и возвели́чивъ его́ въ лице́ вла́сти ра́ди, на себе́ восто́рже архiере́йство, положи́въ свы́ше Иасо́на тала́нтъ сребра́ три́ста.
Прiе́мь же от царя́ повелѣ́нiя прiи́де, ничто́же у́бо нося́ досто́йно архiере́йства, я́рость же же́стокаго мучи́теля и звѣ́ря лю́таго гнѣ́въ имѣ́я.
И Иасо́нъ у́бо, и́же своего́ бра́та ко́знiю улови́, са́мъ ко́знiю уловле́нъ от ина́го, бѣгле́цъ во Амани́тскую страну́ изгна́нъ бы́сть.
Менела́й же нача́льство у́бо одержа́, о сре́бреницѣхъ же царе́ви обѣща́нныхъ ничто́же радя́ше:
творя́щу же истяза́нiе состра́ту краегра́дiя епа́рху, къ сему́ бо надлежа́ще да́ней дѣ́ло, тоя́ ра́ди вины́ о́ба ко царю́ при́звани.
И менела́й у́бо оста́ви архiере́йства прее́мника лисима́ха бра́та своего́, состра́тъ же крати́та, и́же бѣ́ надъ ки́пряны.
И егда́ сiя́ дѣ́яхуся, случи́ся та́рсяномъ и мало́томъ крамолу́ воздви́гнути, сего́ ра́ди, я́ко Антiохи́дѣ нало́жницѣ царе́вѣ въ да́ръ отда́ни бы́ша.
Ско́ро у́бо ца́рь прiи́де укроти́ти ве́щы, оста́вя намѣ́стника Андрони́ка еди́наго от князе́й свои́хъ.
Возмнѣ́въ же менела́й воспрiя́ти себѣ́ вре́мя благополу́чно, златы́я нѣ́кiя сосу́ды от це́ркве укра́дъ дарова́ Андрони́ку и и́на продаде́ въ ти́ръ и во окре́стныя гра́ды.
Я́же я́вно позна́въ оні́а, облича́ше его́, отше́дъ въ мѣ́сто безопа́сное, въ дафні́ю бли́зъ Антiохі́и лежа́щую.
Отту́ду менела́й взе́мъ на еди́нѣ Андрони́ка, моля́ше да убiе́тъ оні́ю. О́нъ же прише́дъ ко оні́и, и увѣща́въ ле́стiю, и десни́цу съ кля́твою да́въ, а́ще и въ подозрѣ́нiи бѣ́, усовѣ́това изъ безопа́снаго мѣ́ста изы́ти, его́же и а́бiе заключи́въ уби́, не устыдѣ́вся пра́вды.
Сея́ же ра́ди вины́ не то́кмо Иуде́е, но мно́зи и от ины́хъ язы́ковъ негодова́ху и скорбя́ху о непра́веднѣмъ му́жа убі́йствѣ.
Возврати́вшуся же царю́ от киликі́йскихъ мѣ́стъ, су́щiи во гра́дѣ Иуде́е приступи́ша прося́ще [суда́] ку́пно съ ненави́дящими беззако́нiя е́ллинами о безви́ннѣмъ убі́йствѣ оні́инѣ.
Оскорби́вся у́бо душе́ю Антiо́хъ [оні́и ра́ди] и преклони́въ на ми́лость, и сле́зы излiя́въ о цѣлому́дрiи сконча́вшагося и о мно́зѣмъ благонра́вiи
и разъяри́вся душе́ю, а́бiе со Андрони́ка порфи́ру совле́къ и оде́жды ободра́въ, по всему́ гра́ду повелѣ́въ обводи́ти, на то́мже мѣ́стѣ, идѣ́же оні́ю нечести́во уби́, та́мо убі́йцу погуби́, Го́споду досто́йную ему́ ка́знь воздаю́щу.
Егда́ же мно́га священнограби́тельства во гра́дѣ содѣ́лана бы́ша от лисима́ха со менела́евымъ совѣ́томъ, и изы́де вѣ́сть внѣ́, собра́ся мно́жество на лисима́ха, мно́гимъ уже́ златы́мъ сосу́домъ изнесе́нымъ бы́вшымъ.
Наро́домъ же востаю́щымъ и гнѣ́ва испо́лненнымъ, вооружи́въ лисима́хъ три́ ты́сящы, нача́ беззако́нными рука́ми оби́дѣти, предводи́тельствующу нѣ́коему мучи́телю престарѣ́вшуся во́зрастомъ, па́че же безу́мiемъ.
Уразумѣ́вше же и уси́лiе лисима́хово, ині́и ка́менiе, ині́и дреко́лiя то́лстая восхи́тиша, нѣ́цыи же бли́зъ лежа́щiй пра́хъ взе́мше, на су́щихъ о́крестъ лисима́ха мета́ша.
Сея́ ра́ди вины́ мно́гихъ у́бо от ни́хъ уязви́ша, нѣ́кiихъ же и низложи́ша, всѣ́хъ же въ бѣ́гъ обрати́ша: самаго́ же священнограби́теля при сокро́вищнѣмъ храни́лищи уби́ша.
О си́хъ же су́дъ на менела́а настоя́ше.
Егда́ же прiи́де ца́рь въ ти́ръ, къ нему́ суде́бное дѣ́ло принесо́ша по́сланнiи три́ му́жа от старѣ́йшинъ.
И уже́ премога́емь менела́й обѣща́ Птоломе́ю сы́ну дориме́нову мно́ги сре́бреники да́ти на утоле́нiе царя́.
Поя́тъ у́бо осо́бь Птоломе́й въ нѣ́кiй притво́ръ а́ки прохлажда́ющася царя́, преврати́,
и всея́ у́бо зло́бы вино́внаго менела́а свободи́ от вины́, а бѣ́дныхъ, и́же а́ще бы и предъ ски́ѳы глаго́лали, отпуще́ни бы́ли бы́ша неосужде́ни, си́хъ на сме́рть осуди́.
Ско́ро у́бо непра́ведну ка́знь претерпѣ́ша и́же о гра́дѣ и лю́дехъ и о свяще́нныхъ сосу́дѣхъ доноси́вшiи.
Сея́ ра́ди вины́ и ти́ряне, вознегодова́вше о беззако́нiи, на погребе́нiе и́хъ ще́дро препода́ша.
Менела́й же ра́ди лихои́мства облада́ющихъ пребыва́ше во вла́сти, возраста́ющь зло́бою, вели́кiй гра́жданомъ навѣ́тникъ сотвори́вся.
Случи́ся же и седми́мъ бра́тiямъ вку́пѣ съ ма́терiю я́тымъ, понужда́емымъ бы́ти от царя́ я́сти проти́ву пра́вилъ мяса́ свина́я, бичми́ и жи́лами волу́ями му́чимымъ.
Еди́нъ же от ни́хъ, и́же бѣ́ пе́рвый, та́ко рече́: что́ хо́щеши вопроша́ти и научи́тися от на́съ? гото́ви бо есмы́ умре́ти, не́жели преступи́ти оте́ческiя зако́ны.
Разгнѣ́вався же ца́рь повелѣ́ сковрады́ и коно́бы разжещи́.
И́мже ско́ро разжже́ннымъ бы́вшымъ, повелѣ́ су́щему от ни́хъ предводи́телю сло́ва отрѣ́зати язы́къ, и со всего́ ко́жу содра́вше, краи́ удо́въ тѣле́сныхъ отсѣщи́, про́чiимъ бра́тiямъ и ма́тери смотря́щымъ.
И егда́ уже́ неключи́мь сотворе́нъ бы́сть всѣ́ми [удесы́], повелѣ́ огню́ преда́ти еще́ ды́шуща и пещи́ на сковрадѣ́: па́ру же умножа́ющуся от сковрады́, [про́чiи ку́пно] съ ма́терiю дру́гъ дру́га поощря́ху умре́ти му́жественно, глаго́люще си́це:
Госпо́дь Бо́гъ зри́тъ и о и́стинѣ на́шей утѣша́ется, я́коже предъ лице́мъ свидѣ́тельствующею пѣ́снiю изъяви́ Моисе́й глаго́ля: и о рабѣ́хъ свои́хъ утѣ́шится.
Уме́ршу же пе́рвому си́мъ о́бразомъ, втора́го изводя́ху на поруга́нiе: и ко́жу со главы́ его́ со власы́ содра́вше, и вопроша́ху: бу́деши ли я́сти пре́жде не́же уму́чено бу́детъ все́ тѣ́ло по у́дамъ.
О́нъ же отвѣща́въ оте́ческимъ гла́сомъ, рече́: ни́. Тѣ́мже и се́й по ря́ду прiя́тъ муче́нiе, я́коже и пе́рвый.
Въ послѣ́днемъ же издыха́нiи бы́въ, рече́: ты́ у́бо, окая́ннѣйшiй, от настоя́щаго живота́ на́съ погубля́еши, Ца́рь же мíра уме́ршихъ на́съ свои́хъ ра́ди зако́новъ воскреси́тъ на́съ въ воскресе́нiе живота́ вѣ́чнаго.
По се́мъ же тре́тiй поруга́емь бѣ́, и язы́ка испроше́нъ, а́бiе издаде́ и ру́цѣ де́рзостнѣ простре́ и му́жественнѣ рече́:
от небесе́ сiя́ притяжа́хъ, и его́ ра́ди зако́новъ презира́ю сiя́, и от него́ сiя́ па́ки упова́ю воспрiя́ти.
Я́ко и са́мъ ца́рь и су́щiи съ ни́мъ удивля́хуся ю́наго великоду́шiю, я́ко ни во что́же полага́ше му́ки.
И сему́ сконча́вшуся, и четве́ртаго та́кожде му́чаху мучи́теле.
И егда́ уже́ бы́сть къ сме́рти та́ко рече́: лу́чше убива́емымъ от человѣ́къ упова́нiя ча́яти от Бо́га, па́ки иму́щымъ воскреше́нымъ бы́ти от него́, тебѣ́ же воскресе́нiе въ живо́тъ не бу́детъ.
По се́мъ же пя́таго приве́дше му́чиша. И о́нъ воззрѣ́въ на́нь, рече́:
вла́сть въ человѣ́цѣхъ имѣ́я тлѣ́ненъ сы́й, е́же хо́щеши, твори́ши: не мни́ же ро́ду на́шему от Бо́га оста́влену бы́ти:
ты́ же потерпи́ и зри́ ве́лiю держа́ву его́, ка́ко тебе́ и сѣ́мя твое́ уму́читъ.
По се́мъ приведо́ша шеста́го. И то́й умре́ти начина́ющь рече́: не прельща́йся су́етно, мы́ бо себе́ ра́ди сiя́ стра́ждемъ согрѣша́юще къ Бо́гу на́шему, сего́ ра́ди досто́йная удивле́нiя бы́ша:
ты́ же да не возмни́ши непови́ненъ бы́ти, богобо́рствовати наче́нъ.
безмѣ́рно же ма́ти ди́вная и благі́я па́мяти досто́йная, я́же погиба́ющихъ седми́ сыно́въ еди́наго дне́ и вре́мене ви́дящи, благоду́шно терпя́ше ра́ди упова́нiя на Го́спода,
и коего́ждо и́хъ увѣщава́ше оте́ческимъ гла́сомъ, до́блiя испо́лнена му́дрости и же́нское помышле́нiе му́жескою душе́ю воздвиза́ющи, глаго́лаше къ ни́мъ:
не вѣ́мъ, я́ко во чре́вѣ мое́мъ яви́стеся, ниже́ бо а́зъ ду́хъ и живо́тъ да́хъ ва́мъ, и коего́ждо у́ды не а́зъ соста́вихъ,
но мíра творе́цъ, созда́вый ро́дъ человѣ́чь и всѣ́хъ изобрѣты́й рожде́нiе, и ду́хъ и жи́знь ва́мъ па́ки возда́стъ съ ми́лостiю, я́ко ны́нѣ са́ми себе́ презира́ете ра́ди зако́новъ его́.
Антiо́хъ же непщу́яй уничиже́нъ бы́ти и поноща́ющь гла́съ презрѣ́въ, еще́ юнѣ́йшему жи́ву су́щу, не то́кмо словесы́ творя́ше увѣща́нiе, но и кля́твою подкрѣпля́ше, бога́та ку́пно и блаже́на сотвори́ти, преведе́ннаго от оте́ческихъ зако́новъ, и дру́га возъимѣ́ти, и дѣла́ ввѣ́рити ему́.
Си́мъ же ю́ношѣ ника́коже вне́млющу, призва́въ ца́рь ма́терь увѣщава́ше, да бу́детъ ю́ношѣ совѣ́тница на спасе́нiе.
Мно́го же ему́ увѣщава́ющу, обѣща́ла совѣ́товати сы́ну своему́.
Приклони́вшися же къ нему́, посмѣя́ся же́стокому мучи́телю и си́це рече́ оте́ческимъ гла́сомъ: сы́не, поми́луй мя́ носи́вшую тя́ во чре́вѣ де́вять ме́сяцей и млеко́мъ пита́вшую тя́ лѣ́та три́, и воскорми́вшую тя́ и приве́дшую въ во́зрастъ се́й, и болѣ́зни воспита́нiя поне́сшую:
молю́ тя, ча́до, да воззри́ши на не́бо и зе́млю, и вся́, я́же въ ни́хъ, ви́дящь уразумѣ́еши, я́ко от не су́щихъ сотвори́ сiя́ Бо́гъ, и человѣ́чь ро́дъ та́ко бы́сть:
не убо́йся плоторастерза́теля сего́, но досто́инъ бы́въ бра́тiи твоея́, воспрiими́ сме́рть, да въ ми́лости съ бра́тiею твое́ю воспрiиму́ тя́.
Еще́ же сiя́ е́й глаго́лющей, ю́ноша рече́: кого́ ожида́ете? не слу́шаю повелѣ́нiя царе́ва, но повелѣ́нiя зако́на слу́шаю да́ннаго отце́мъ на́шымъ чрезъ Моисе́а:
ты́ же вся́кiя зло́бы изобрѣта́тель бы́въ на иуде́и, не избѣжи́ши ру́къ Бо́жiихъ:
мы́ бо за грѣхи́ на́шя сiя́ стра́ждемъ:
а́ще же ра́ди устраше́нiя и наказа́нiя живы́й Госпо́дь на́шъ ма́ло прогнѣ́вася, но па́ки примири́тся рабо́мъ свои́мъ:
ты́ же, о, беззако́нниче и всѣ́хъ человѣ́къ скверна́вѣйше, не возноси́ся су́етно кича́ся тще́тнымъ упова́нiемъ, на небе́сныя рабы́ его́ вознося́щь ру́ку:
не у́ бо Вседержи́теля и всеви́дца Бо́га суда́ избѣ́глъ еси́:
бра́тiя бо на́ша ма́ло ны́нѣ болѣ́зни потерпѣ́вше по завѣ́ту Бо́жiю вѣ́чный живо́тъ получи́ша: ты́ же судо́мъ Бо́жiимъ пра́ведную ка́знь горды́ни [твоея́] воспрiи́меши:
а́зъ же, я́коже бра́тiя моя́, ду́шу и тѣ́ло мое́ предаю́ за оте́ческiя зако́ны, призыва́я Бо́га ми́лостива вско́рѣ бы́ти Изра́илю: ты́ же съ муче́нiемъ и бiе́нiемъ исповѣ́си, я́ко еди́нъ то́кмо Бо́гъ е́сть:
на мнѣ́ и на бра́тiи мое́й преста́нетъ Вседержи́теля гнѣ́въ нанесе́нный пра́ведно всему́ ро́ду на́шему.
Тогда́ ца́рь разъяри́ся я́ростiю на́нь па́че ины́хъ лютѣ́е, го́рцѣ терпя́щь посмѣя́нiе.
И се́й у́бо чи́стъ от житiя́ премѣни́ся, по всему́ на Го́спода упова́я.
Послѣди́ же сыно́въ и ма́ти сконча́ся.
Сiя́ у́бо о же́ртвахъ и о превосходя́щихъ мучи́тельствахъ толи́ко извѣсти́шася.
Иу́да же маккаве́й и и́же съ ни́мъ, входя́ще та́йно въ се́ла, созыва́ху сро́дники и пребыва́ющихъ во Иуде́йствѣ прiе́млюще собра́ша до шести́ ты́сящъ муже́й.
И призыва́ху Го́спода призрѣ́ти на лю́ди от всѣ́хъ попира́емыхъ, уще́дрити же и хра́мъ от нечести́выхъ человѣ́къ оскверне́нъ
поми́ловати же и разоре́ный гра́дъ и имѣ́ющь ра́вно со земле́ю бы́ти, и гла́съ крове́й вопiю́щихъ къ нему́ услы́шати,
помяну́ти же и безгрѣ́шныхъ младе́нцевъ беззако́нное погубле́нiе и бы́вшая хуле́нiя на и́мя его́, и возненави́дѣти лука́вства.
Собра́въ же мно́жество, маккаве́й нестерпи́мь уже́ язы́комъ бы́сть, гнѣ́ву Госпо́дню въ ми́лость обрати́вшуся.
И напа́дая на ве́си и гра́ды неча́янно сожига́ше, и благовре́менна мѣста́ взима́ющь, не ма́ло супоста́тъ побѣжда́ше убива́я,
наипа́че же но́щы на такова́я нападе́нiя въ по́мощь прiе́мляше: и сла́ва нѣ́кая му́жества его́ прохожда́ше всю́ду.
Ви́дя же Фили́ппъ по ма́лу въ предуспѣя́нiе гряду́ща му́жа, ча́стѣе же во благоде́нствiихъ успѣва́юща, ко Птоломе́ю воево́дѣ килисирі́и и Финикі́и писа́, дабы́ помога́лъ въ ца́рскихъ дѣ́лѣхъ.
О́нъ же ско́ро избра́въ никано́ра, сы́на патро́клова от пе́рвѣйшихъ друго́въ посла́, подчини́въ ему́ от вся́кихъ язы́ковъ вооруже́нныхъ во́евъ не ме́ньше два́десяти ты́сящъ, да ве́сь Иуде́йскiй ро́дъ избiе́тъ: придаде́ же ему́ и горгі́ю му́жа страти́га и въ ра́тныхъ дѣ́лѣхъ иску́сство иму́ща.
Уста́ви же никано́ръ да́нь царю́, я́же ри́мляномъ дая́шеся, двѣ́ ты́сящы тала́нтовъ от плѣне́нiя Иуде́йскаго напо́лнити.
А́бiе же въ помо́рскiя гра́ды посла́, созыва́я на ку́плю Иуде́йскихъ плѣ́нниковъ, обѣща́яся де́вятьдесятъ плѣ́нниковъ за тала́нтъ да́ти, не ча́я мще́нiя хотя́щаго послѣ́довати ему́ от Вседержи́теля.
Иу́дѣ же возвѣще́но бѣ́ о прише́ствiи никано́ровѣ: и егда́ о́нъ возвѣсти́ су́щымъ съ собо́ю о прише́ствiи во́инства,
ужа́сшеся и не вѣ́ровавше Бо́жiю отмще́нiю разбѣга́хуся и от мѣ́ста своего́ отступа́ху:
ині́и же оста́вшая вся́ продая́ху, ку́пно же Го́спода моля́ху, да изба́витъ от нечести́ваго никано́ра про́даныхъ, пре́жде да́же сни́тися,
и а́ще не и́хъ ра́ди, то́ ра́ди завѣ́та, и́же бы́сть ко отце́мъ и́хъ, и призыва́нiя ра́ди честна́го и великолѣ́паго и́мене своего́ на ни́хъ.
Собра́въ же маккаве́й су́щихъ о́крестъ его́ число́мъ ше́сть ты́сящъ, моля́ше, да не ужа́снутся от супроти́вниковъ, ниже́ да устраша́тся непра́ведно гряду́щихъ на ня́ язы́ковъ мно́жества, но му́жественно да подвиза́ются,
предъ очи́ма имѣ́юще беззако́нно на мѣ́сто свято́е содѣ́ланную от ни́хъ укори́зну и посмѣя́ннаго гра́да оби́ду, еще́ же и прароди́тельнаго жи́тельства разруше́нiе.
Они́ бо на ору́жiе надѣ́ются ку́пно и на де́рзость, рече́: мы́ же на Вседержи́теля Бо́га могу́щаго и гряду́щихъ на насъ и весь миръ единымъ мгнове́нiемъ низложи́ти надѣ́емся.
Воспомяну́въ же и́мъ и бы́вшая заступле́нiя при прароди́телехъ, и я́ко подъ сеннахири́момъ сто́ о́смьдесятъ пя́ть ты́сящь погибо́ша,
и въ Вавило́нѣ на Гала́товъ бы́вшее ополче́нiе, ка́ко вси́, егда́ на бра́нь прiидо́ша, о́смь ты́сящъ съ четы́рiю ты́сящами македо́нянъ, македо́няномъ отча́явшымся, еди́ни о́смь ты́сящъ поби́ша сто́ два́десять ты́сящъ по́мощiю да́нною и́мъ от небесе́, и по́льзу мно́гу взя́ша.
Си́ми [воспомянове́нiи] де́рзостны о́ныя поста́вивъ и гото́вы умре́ти за зако́ны и оте́чество, четвероча́стно во́инство поста́ви:
учини́въ и бра́тiю свою́ воево́дами обоего́ ополче́нiя, Си́мона и Ио́сифа и Ионаѳа́на, подда́въ коему́ждо ты́сящу и пя́ть со́тъ,
еще́ же и Елеаза́ру [повелѣ́въ] чести́ святу́ю кни́гу и да́въ зна́менiе по́мощи Бо́жiю, пе́рвому полку́ са́мъ предводи́тельствуя срази́ся съ никано́ромъ.
Бы́вшу же и́мъ Вседержи́телю спобо́рнику, уби́ша супоста́товъ бо́лѣе девяти́ ты́сящъ, я́звеныхъ же и безчле́нныхъ бо́льшую ча́сть сотвори́ша во́евъ никано́ровыхъ, всѣ́хъ же въ бѣ́гство пону́диша.
Сре́бреники же от прише́дшихъ на ку́плю и́хъ взя́ша.
Гони́вше же и́хъ зѣ́льнѣ, возврати́шася от вре́мене заключе́ни: бѣ́ бо [де́нь] предъ суббо́тою, сея́ ра́ди вины́ не продолжи́ша гоня́ще и́хъ.
Ору́жiя же и́хъ собира́юще и коры́сти от супоста́тъ отъе́млюще, суббо́ту пра́здноваху попремно́гу благословя́ще и исповѣ́дающеся Го́сподеви спасшему и́хъ въ де́нь се́й, нача́ло ми́лости учини́вшему и́мъ.
По суббо́тѣ же немощны́мъ и сирота́мъ, и вдова́мъ [и оби́димымъ] раздѣли́вше от коры́стѣй, про́чая са́ми и о́троцы раздѣли́ша.
Сiя́ же содѣ́явше и о́бщую моли́тву сотво́рше, милосе́рдаго Го́спода моля́ху, въ коне́цъ примири́тися рабо́мъ свои́мъ.
И от су́щихъ съ тимоѳе́емъ и вакхи́домъ проти́вныхъ мно́жае два́десяти ты́сящъ уби́ша и тверды́ни зѣло́ высо́кiя одержа́ша, и мно́гiя коры́сти раздѣли́ша, равноча́стнѣ себѣ́ и немощны́мъ, и сирота́мъ и вдова́мъ, еще́ же и старѣ́йшинамъ сотво́рше.
Собра́вше же ору́жiя и́хъ, прилѣ́жнѣ вся́ положи́ша въ мѣ́стѣхъ благовре́менныхъ, про́чыя же коры́сти во Иерусали́мъ принесо́ша.
И Фила́рха тимоѳе́ева уби́ша му́жа беззако́ннѣйшаго и вельми́ Иуде́овъ озло́бившаго,
побѣди́тельная же пра́зднующе во оте́чествѣ, заже́гшихъ свяще́нная врата́, калисѳе́на и нѣ́кiихъ ины́хъ сожго́ша убѣ́гшихъ во еди́ну хра́мину, и́же досто́йную мзду́ нече́стiя воспрiя́ша.
Трекля́тѣйшiй же никано́ръ, и́же ты́сящу купце́въ на ку́плю Иуде́овъ приведы́й,
смире́нъ по́мощiю Госпо́днею от тѣ́хъ, и́хже проти́ву себе́ за ничто́же вмѣня́ше, сла́вную отложи́въ ри́зу, чрезъ средизе́мное [мо́ре] бѣглеца́ о́бразомъ уедине́на себе́ сотво́рь, прiи́де во Антiохі́ю презѣ́льнѣ неблагополу́ченъ о погублѣ́нiи во́инства.
И и́же обѣща́ ри́мляномъ да́нь возда́ти от плѣне́нiя Иерусали́мскаго, проповѣ́даше, я́ко защи́тителя Бо́га имѣ́ютъ Иуде́и, и сего́ ра́ди не уязвля́еми су́ть Иуде́е, зане́ послѣ́дуютъ зако́номъ от того́ уста́вленымъ.
Маккаве́й же и и́же съ ни́мъ бя́ху, Го́споду и́хъ защища́ющу, хра́мъ у́бо и гра́дъ воспрiя́ша:
ка́пища же от иноплеме́нниковъ на то́ржищи устро́енная, еще́ же и тре́бища раскопа́ша,
и очи́стивше хра́мъ, и́нъ олта́рь сотвори́ша, и разже́гше ка́менiе и взе́мше о́гнь от ни́хъ, принесо́ша же́ртву по двою́ лѣ́ту и ше́сти ме́сяцѣхъ, и ѳимiа́мъ и свѣ́щники, и хлѣ́бовъ предложе́нiе сотвори́ша.
Сiя́ же сотво́рше, моля́ху Го́спода па́дше ни́цъ, да не ктому́ въ сицева́я зла́я впаду́тъ, но а́ще когда́ и согрѣ́шатъ, от него́ съ кро́тостiю да наказу́ются, а не ва́рваромъ и ху́льнымъ язы́комъ предадя́тся.
И въ о́нъ же де́нь хра́мъ от иноплеме́нникъ оскверни́ся, случи́ся въ то́й же де́нь очище́нiю бы́ти хра́ма, два́десять пя́таго дне́ ме́сяца, и́же е́сть хасле́въ.
И съ весе́лiемъ пра́здноваху дні́й о́смь по о́бразу сѣ́ней, помина́юще, я́ко пре́жде ма́лаго вре́мене пра́здникъ сѣ́нницъ въ гора́хъ и въ пеще́рахъ звѣри́нымъ о́бразомъ бя́ху провожда́юще.
Сего́ ра́ди Ѳи́рси {вѣнцы́ изъ цвѣто́въ} и вѣ́тви зеле́ныя, еще́ же и фи́ники имѣ́юще, пѣ́сни приноша́ху благопоспѣши́вшему очи́стити мѣ́сто свое́.
И узако́ниша о́бщимъ повелѣ́нiемъ и уставле́нiемъ всему́ язы́ку Иуде́йску по вся́ лѣ́та пра́здновати дни́ сiя́.
И Антiо́хъ у́бо, и́же проименова́шеся епифа́нъ, кончи́ну та́ко имѣ́.
Ны́нѣ же я́же о Евпа́торѣ Антiо́хѣ, сы́нѣ нечести́ваго бы́вшемъ, рече́мъ, сокраща́юще зла́я, я́же во бра́нехъ сотворе́на су́ть.
Се́й бо воспрiя́въ ца́рствiе, поста́ви надъ дѣла́ми ца́рскими лисі́ю нѣ́коего, килисирі́и же и Финикі́и воево́ду первонача́льнаго.
Птоломе́й бо нарица́емый ма́кронъ пра́вду соблюда́ти произво́ливъ ко Иуде́омъ бы́вшая ра́ди къ ни́мъ оби́ды, покуша́шеся я́же къ ни́мъ ми́рно препроводи́ти.
Тѣ́мже оклевета́нъ от друго́въ ко Евпа́тору и ча́сто нарица́емь а́кибы преда́тель, поне́же ки́пръ ввѣ́ренный от филоми́тора оста́ви и ко Антiо́ху епифа́ну отъи́де, ниже́ честны́я вла́сти иму́щь, от печа́ли отрави́въ себе́ живо́тъ сконча́.
Горгі́а же бы́въ воево́да надъ мѣста́ми, собира́ше чужди́хъ во́евъ и непреста́нно на иуде́и ра́товаше.
Съ ни́мъ же ку́пно и Идуме́ане обдержа́ще крѣ́пкiя тверды́ни обуча́ху Иуде́овъ, и изгоня́емыхъ изъ Иерусали́ма прiе́млюще, ра́товати начина́ху.
Су́щiи же со маккаве́омъ сотво́рше моли́тву и моли́вше Бо́га спобо́рника и́мъ бы́ти, на Идуме́йскiя тверды́ни устреми́шася.
Къ ни́мъ же и приступи́вше му́жественно одержа́ша мѣста́, всѣ́мъ же на стѣнѣ́ ра́тующымъ отмсти́ша и срѣта́ющихся закала́ху, уби́ша же не ме́ньше два́десяти ты́сящъ.
Избѣ́гшымъ же нѣ́кiимъ не ме́ньши девяти́ ты́сящъ въ двѣ́ пи́рги крѣ́пки зѣло́ и вся́, я́же проти́ву облеже́нiя, иму́щыя,
маккаве́й оста́вивъ Си́мона и Ио́сифа, еще́ же и закхе́а и и́же съ ни́мъ дово́льныхъ ко облеже́нiю и́хъ, на ну́ждная мѣста́ са́мъ отъи́де.
Су́щiи же съ Си́мономъ сребролюби́вiи от нѣ́кiихъ, и́же въ пи́ргахъ, сребро́мъ прельще́ни, и се́дмьдесятъ ты́сящъ дра́хмъ взе́мше, оста́виша нѣ́кiихъ избѣжа́ти.
Егда́ же возвѣсти́ся маккаве́ю о бы́вшемъ, собра́въ нача́льники люді́й, порица́ше, я́ко за сребро́ прода́ша бра́тiю, супоста́товъ на ни́хъ отпусти́вше.
Си́хъ у́бо преда́телей бы́вшихъ уби́ и внеза́пу двѣ́ пи́рги разруши́.
Ору́жiемъ же во всѣ́хъ и рука́ми благоуспѣва́я, погуби́ въ дву́ тверды́нехъ бо́лѣе два́десяти ты́сящъ.
Тимоѳе́й же, и́же пре́жде от иуде́й бы́сть пораже́нъ, собра́въ во́евъ стра́нныхъ мно́жество, и во Асі́и бы́вшихъ ко́нниковъ собра́въ не ма́ло, прiи́де а́ки ору́жiемъ Иуде́ю хотя́щь взя́ти.
Маккаве́й же и су́щiи съ ни́мъ, приближа́ющуся тому́, ко моли́твѣ Бо́жiй обрати́шася, главы́ земле́ю посы́павше и чре́сла вре́тищами препоя́савше,
предъ олта́рнымъ пра́гомъ ни́цъ па́дше, моля́ху ми́лостива и́мъ бы́ти, враждова́ти же вражду́ющымъ на ни́хъ и супоста́томъ проти́витися я́ко зако́нъ глаго́летъ.
Бы́вше же по моли́твѣ, воспрiе́мше ору́жiя дале́че изъ гра́да изыдо́ша: прибли́жшежеся къ супоста́томъ, о себѣ́ ста́ша.
Со́лнцу же возсiява́ющу, обои́ срази́шася: сі́и у́бо спору́чника иму́ще благополу́чiя и побѣ́ды съ добродѣ́телiю ко Го́споду прибѣ́жище, они́ же воево́ду бра́ней учини́ша я́рость.
Пребыва́ющей же крѣ́пцей бра́ни, яви́шася супоста́томъ от небесе́ му́жiе пя́ть на ко́нехъ зла́ты узды́ иму́щихъ, благолѣ́пни, и пра́вяще Иуде́овъ два́:
и маккаве́а средѣ́ себе́ взе́мше и защища́юще свои́мъ всеору́жiемъ невреди́ма сохраня́ху, на супоста́ты же стрѣ́лы и мо́лнiи мета́ху: тѣ́мже смѣси́вшеся невидѣ́нiемъ сѣча́хуся мяте́жа испо́лнени.
Убiе́нныхъ же бы́сть два́десять ты́сящъ и пя́ть со́тъ, ко́нныхъ же ше́сть со́тъ.
Са́мъ же тимоѳе́й побѣже́ въ газа́ру глаго́лемую тверды́ню, зѣло́ крѣ́пкую, воево́дствующу та́мо хере́ю.
Маккаве́й же и су́щiи съ ни́мъ ве́село обсѣдо́ша крѣ́пость дни́ четы́ри.
су́щiи же вну́трь на тве́рдость мѣ́ста упова́юще, па́че мѣ́ры ху́ляху и словеса́ беззако́нная изноша́ху.
Я́вльшужеся пя́тому дню́ два́десять ю́ношей, и́же съ маккаве́емъ бѣ́ху, разже́гшеся я́ростiю хуле́нiя ра́ди, прибли́жившеся ко стѣнѣ́, му́жественно и звѣрообра́зною я́ростiю прилучи́вшихся разсѣца́ху.
Ині́и же подо́бнѣ возше́дше съ ну́ждею къ су́щымъ вну́трь, зажига́ху пи́рги, и возже́гше огни́ща, живы́хъ ху́льниковъ сожго́ша.
Ині́и же врата́ разсѣко́ша, и впусти́вше про́чiй по́лкъ, взя́ша гра́дъ, и тимоѳе́а скры́вшагося въ нѣ́коемъ рвѣ́ закла́ша, и бра́та его́ хере́а и аполлофа́на.
Сiя́ же сотво́рше съ пѣ́сньми и исповѣ́даньми благословля́ху Го́спода благодѣ́теля вели́каго Изра́илю и побѣ́ду и́мъ да́вшаго.
