Πρὸς Κορινθίους Β΄, Глава 9

περὶ μὲν γὰρ τῆς δια­κονίας τῆς εἰς τοὺς ἁγίους περισ­σόν μοί ἐστιν τὸ γράφειν ὑμῖν

οἶδα γὰρ τὴν προ­θυμίαν ὑμῶν ἣν ὑπὲρ ὑμῶν καυχῶμαι Μακεδόσιν ὅτι Ἀχαΐα παρεσκεύ­ασται ἀπο­̀ πέρυσι καὶ τὸ ὑμῶν ζῆλος ἠρέθισεν τοὺς πλείονας

ἔπεμψα δὲ τοὺς ἀδελφούς ἵνα μὴ τὸ καύχημα ἡμῶν τὸ ὑπὲρ ὑμῶν κενωθῇ ἐν τῷ μέρει τούτῳ ἵνα καθὼς ἔλεγον παρεσκευασ­μέ­νοι ἦτε

μή πως ἐὰν ἔλθωσιν σὺν ἐμοὶ Μακεδόνες καὶ εὕρωσιν ὑμᾶς ἀπαρα­σκευάστους κατα­ισχυνθῶμεν ἡμεῖς ἵνα μὴ λέγω ὑμεῖς ἐν τῇ ὑποστάσει ταύτῃ

ἀναγκαῖον οὖν ἡγησάμην παρα­καλέσαι τοὺς ἀδελφοὺς ἵνα προ­έλθωσιν εἰς ὑμᾶς καὶ προ­καταρτίσωσιν τὴν προ­επηγγελμένην εὐλογίαν ὑμῶν ταύτην ἑτοίμην εἶναι οὕτως ὡς εὐλογίαν καὶ μὴ ὡς πλεονεξίαν

τοῦτο δέ ὁ σπείρων φειδομένως φειδομένως καὶ θερίσει καὶ ὁ σπείρων ἐπ᾿ εὐλογίαις ἐπ᾿ εὐλογίαις καὶ θερίσει

ἕκασ­τος καθὼς προ­ῄρηται τῇ καρδίᾳ μὴ ἐκ λύπης ἢ ἐξ ἀνάγκης ἱλαρὸν γὰρ δότην ἀγαπᾷ ὁ θεός

δυνατεῖ δὲ ὁ θεὸς πᾶσαν χάριν περισ­σεῦσαι εἰς ὑμᾶς ἵνα ἐν παν­τὶ πάν­τοτε πᾶσαν αὐτάρκειαν ἔχον­τες περισ­σεύ­ητε εἰς πᾶν ἔργον ἀγαθόν

καθὼς γέγραπται ἐσκόρπισεν ἔδωκεν τοῖς πένησιν ἡ δικαιοσύνη αὐτοῦ μένει εἰς τὸν αἰῶνα

ὁ δὲ ἐπι­χορηγῶν σπόρον τῷ σπείρον­τι καὶ ἄρτον εἰς βρῶσιν χορηγήσει καὶ πλη­θυνεῖ τὸν σπόρον ὑμῶν καὶ αὐξήσει τὰ γενήματα τῆς δικαιοσύνης ὑμῶν

ἐν παν­τὶ πλουτιζόμενοι εἰς πᾶσαν ἁπλότητα ἥτις κατεργάζεται δι᾿ ἡμῶν εὐχαριστίαν τῷ θεῷ

ὅτι ἡ δια­κονία τῆς λειτουργίας ταύτης οὐ μόνον ἐστὶν προ­σαναπλη­ροῦσα τὰ ὑστερήματα τῶν ἁγίων ἀλλὰ καὶ περισ­σεύ­ουσα δια­̀ πολλῶν εὐχαριστιῶν τῷ θεῷ

δια­̀ τῆς δοκιμῆς τῆς δια­κονίας ταύτης δοξάζον­τες τὸν θεὸν ἐπι­̀ τῇ ὑποταγῇ τῆς ὁμολογίας ὑμῶν εἰς τὸ εὐαγγέλιον τοῦ Χριστοῦ καὶ ἁπλότητι τῆς κοινωνίας εἰς αὐτοὺς καὶ εἰς πάν­τας

καὶ αὐτῶν δεήσει ὑπὲρ ὑμῶν ἐπι­ποθούν­των ὑμᾶς δια­̀ τὴν ὑπερβάλλουσαν χάριν τοῦ θεοῦ ἐφ᾿ ὑμῖν

χάρις τῷ θεῷ ἐπι­̀ τῇ ἀνεκδιηγήτῳ αὐτοῦ δωρεᾷ