Азбука веры » Би́блия » Чи́сла » гл.7-29

Чи́сла, Главы 7-29

Толкования

Толкования главы

см.:Исх.40:10:17:20;

7:2

7:3

7:4

7:5

7:6

7:7

см.:Чис.4:28;

см.:Чис.3:31;Чис.4:15;2Цар.6:13;

7:10

7:11

см.:Чис.1:7;Чис.2:3;

7:13

7:14

7:15

7:16

7:17

см.:Чис.1:8;Чис.2:5;

7:19

7:20

7:21

7:22

7:23

см.:Чис.1:9;Чис.2:7;

7:25

7:26

7:27

7:28

7:29

см.:Чис.1:5;Чис.2:10;

7:31

7:32

7:33

7:34

7:35

см.:Чис.1:6;Чис.2:12;

7:37

7:38

7:39

7:40

7:41

см.:Чис.1:14;Чис.2:14;

7:43

7:44

7:45

7:46

7:47

см.:Чис.1:10;Чис.2:18;

7:49

7:50

7:51

7:52

7:53

см.:Чис.1:10;Чис.2:20;

7:55

7:56

7:57

7:58

7:59

см.:Чис.1:11;Чис.2:22;Чис.10:24;

7:61

7:62

7:63

7:64

7:65

см.:Чис.1:12;Чис.2:25;

7:67

7:68

7:69

7:70

7:71

см.:Чис.1:13;Чис.2:27;

7:73

7:74

7:75

7:76

7:77

см.:Чис.1:15;Чис.2:29;

7:79

7:80

7:81

7:82

7:83

7:84

7:85

7:86

7:87

7:88

см.:Лев.1:1;

Глава 15

15:1

15:2

см.:Лев.7:16;Исх.29:18;

см.:Лев.2:5;Исх.16:36;

15:5

15:6

15:7

15:8

15:9

15:10

15:11

15:12

см.:Лев.1:17;Лев.3:5:16;

15:14

см.:Исх.12:49;Лев.24:22;Чис.9:14;

см.:Втор.1:16;

15:17

15:18

см.:Исх.23:15-16;

см.:Неем.10:37;Лев.23:10-11;

15:21

см.:Лев.4:13;

15:23

см.:Лев.4:13;

15:25

15:26

см.:Лев.4:27;

15:28

см.:Исх.12:49;Лев.24:22;

15:30

15:31

см.:Исх.20:8;

15:33

см.:Лев.24:12;

15:35

см.:Нав.7:25;

15:37

см.:Втор.22:12;Мф.23:5;

15:39

см.:Мф.15:3;

см.:Исх.20:2;Лев.11:45;Быт.17:7;

Глава 28

28:1

см.:Лев.3:11;Лев.21:6;

см.:Исх.29:38;

28:4

см.:Исх.16:36;

28:6

28:7

28:8

28:9

28:10

см.:Ис.1:13;Ис.66:23;Кол.2:16;

28:12

28:13

см.:Чис.10:10;

см.:Чис.29:5;

см.:Исх.12:18;Лев.23:5;

см.:Исх.12:15;Втор.16:3;

28:18

см.:Втор.16:2;2Пар.35:7;

28:20

см.:Исх.16:36;

28:22

28:23

28:24

28:25

см.:Лев.23:15-16;

28:27

28:28

28:29

28:30

28:31

Глава 29

см.:Лев.23:24;

см.:Неем.10:33;

29:3

29:4

29:5

см.:Евр.13:15-16;

см.:Лев.16:29;Лев.23:27;Дан.10:12;

29:8

29:9

29:10

см.:Лев.16:5:10;Неем.12:30;

см.:Исх.23:16;Лев.23:34;Ин.7:2;

29:13

29:14

29:15

29:16

29:17

29:18

29:19

29:20

29:21

29:22

29:23

29:24

29:25

29:26

29:27

29:28

29:29

29:30

29:31

29:32

29:33

29:34

см.:Ин.7:37;Лев.23:36;

29:36

29:37

29:38

29:39

Церковнославянский (рус)

Языки

И бы́сть въ де́нь въ о́ньже сконча́ Моисе́й, я́коже поста́вити ски́нiю, и пома́за ю́, и освяти́ ю́ и вся́ сосу́ды ея́, и олта́рь и вся́ сосу́ды его́, и пома́за я́, и освяти́ я́.

И приведо́ша кня́зи Изра́илтестiи двана́десять, кня́зи домо́въ оте́чествъ свои́хъ, сі́и кня́зи коего́ждо пле́мене, сі́и предстоя́щiи надъ согля́данiемъ:

и приведо́ша да́ры своя́ предъ Го́спода ше́сть колесни́цъ покры́тыхъ и двана́десять воло́въ: колесни́цу еди́ну от двои́хъ князе́й, и телца́ от коего́ждо и приведо́ша предъ ски́нiю.

И рече́ Госпо́дь къ Моисе́ю, глаго́ля:

возми́ от ни́хъ, и да бу́дутъ на дѣла́ служе́бная ски́нiи свидѣ́нiя: и да́си я́ леви́томъ, коему́ждо по его́ служе́нiю.

И взе́мъ Моисе́й колесни́цы и волы́, даде́ я́ леви́томъ:

двѣ́ колесни́цы и четы́ри волы́ даде́ сыно́мъ Гирсо́нимъ по слу́жбамъ и́хъ,

и четы́ри колесни́цы и о́смь воло́въ даде́ сыно́мъ Мера́ринымъ по слу́жбамъ и́хъ, чрезъ Иѳама́ра, сы́на Ааро́на жерца́:

и сыно́мъ Каа́ѳовымъ не даде́, я́ко слу́жбы свята́го имѣ́ютъ: на ра́менахъ да воздвиза́ютъ я́.

И принесо́ша кня́зи на обновле́нiе олтаря́ въ де́нь, въ о́ньже пома́за его́, и принесо́ша кня́зи да́ры своя́ предъ олта́рь.

И рече́ Госпо́дь къ Моисе́ю: кня́зь еди́нъ на де́нь, кня́зь на де́нь да принесу́тъ да́ры своя́ на обновле́нiе олтаря́.

И бя́ше принося́й да́ръ сво́й въ пе́рвый де́нь Наассо́нъ сы́нъ Аминада́вль, кня́зь пле́мене Иу́дина:

и принесе́ да́ръ сво́й, блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Наассо́на сы́на Аминада́вля.

Во вторы́й де́нь принесе́ Наѳанаи́лъ сы́нъ Сога́ровъ, кня́зь пле́мене Иссаха́ря:

и принесе́ да́ръ сво́й, блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Наѳанаи́ла сы́на Сога́рова.

Въ тре́тiй де́нь кня́зь сыно́въ Завуло́нихъ, Елiа́въ сы́нъ Хело́новъ:

да́ръ его́ блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Елiа́ва сы́на Хело́нова.

Въ четве́ртый де́нь кня́зь сыно́въ Руви́млихъ, Елису́ръ сы́нъ Седiу́ровъ:

да́ръ его́ блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Елису́ра сы́на Седiу́рова.

Въ пя́тый де́нь кня́зь сыно́въ Симео́нихъ, Саламiи́лъ сы́нъ Сурисада́иль:

да́ръ его́ блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Саламiи́ла сы́на Сурисада́иля.

Въ шесты́й де́нь кня́зь сыно́въ Га́довыхъ, Елиса́фъ сы́нъ Рагуи́левъ:

да́ръ его́ блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Елиса́фа сы́на Рагуи́лева.

Въ седмы́й де́нь кня́зь сыно́въ Ефре́млихъ, Елисама́ сы́нъ Емiу́довъ:

да́ръ его́ блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Елисамы́ сы́на Емiу́дова.

Въ осмы́й де́нь кня́зь сыно́въ Манассі́иныхъ, Гамалiи́лъ сы́нъ Фадассу́ровъ:

да́ръ его́ блю́до сре́бряно еди́но, вѣ́съ его́ сто́ и три́десять Си́кль: ча́шу еди́ну сре́бряну се́дмьдесятъ Си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Гамалiи́ла сы́на Фадассу́рова.

Въ девя́тый де́нь кня́зь сыно́въ Венiами́нихъ, Авида́нъ сы́нъ Гадео́нинъ:

да́ръ его́ блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Авида́на, сы́на Гадео́нина.

Въ деся́тый де́нь кня́зь сыно́въ Да́новыхъ, Ахiе́зеръ сы́нъ Амисада́инъ:

да́ръ его́ блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Ахiе́зера сы́на Амисада́ина.

Въ первыйна́десять де́нь кня́зь сыно́въ Аси́ровыхъ, Фагаiи́лъ сы́нъ Ехра́нь:

да́ръ его́ блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Фагаiи́ла сы́на Ехра́ня.

Во вторыйна́десять де́нь кня́зь сыно́въ Нефѳали́млихъ, Ахире́й сы́нъ Ена́нь:

да́ръ его́ блю́до сре́бряно еди́но, вѣ́съ его́ сто́ и три́десять си́кль: ча́шу еди́ну сре́бряну се́дмьдесятъ си́кль, по си́клю свято́му: обоя́ по́лны муки́ пшени́чны спря́жены съ еле́емъ на же́ртву:

ѳимiа́мникъ еди́нъ десяти́ златни́къ, по́лнъ ѳимiа́ма:

телца́ еди́наго от воло́въ, овна́ еди́наго, а́гнца еди́наго единолѣ́тна во всесожже́нiе:

и козла́ от ко́зъ еди́наго грѣха́ ра́ди:

и на же́ртву спасе́нiя ю́ницы двѣ́, овно́въ пя́ть, козло́въ пя́ть, а́гницъ единолѣ́тныхъ пя́ть: се́й да́ръ Ахире́а сы́на Ена́ня.

Сiе́ обновле́нiе олтаря́, въ о́ньже де́нь пома́за его́, от князе́й сыно́въ Изра́илевыхъ, блю́дъ сре́бряныхъ двана́десять, ча́шъ сре́бряныхъ двана́десять, ѳимiа́мниковъ златы́хъ двана́десять:

по свя́ту и три́десяти си́кль въ ко́емждо блю́дѣ, и по седми́десяти си́кль ча́ша еди́на: всего́ сребра́ въ сосу́дѣхъ двѣ́ ты́сящы четы́реста си́клевъ, по си́клю свято́му:

ѳимiа́мниковъ златы́хъ двана́десять по́лныхъ ѳимiа́ма, по десяти́ златни́къ въ ко́емждо ѳимiа́мникѣ, по си́клю свято́му: всего́ зла́та въ ѳимiа́мницѣхъ сто́ и два́десять златни́къ.

Всѣ́хъ говя́дъ во всесожже́нiе, телцо́въ двана́десять, овно́въ двана́десять, а́гнцевъ единолѣ́тныхъ двана́десять, и же́ртвы и́хъ и возлiя́нiя и́хъ: и козло́въ от ко́зъ двана́десять, грѣха́ ра́ди:

всѣ́хъ говя́дъ на же́ртву спасе́нiя, ю́ницъ два́десять четы́ре, овно́въ шестьдеся́тъ, козло́въ единолѣ́тныхъ шестьдеся́тъ, а́гницъ единолѣ́тныхъ непоро́чныхъ шестьдеся́тъ. Сiе́ обновле́нiе олтаря́, по исполне́нiи ру́къ его́ и по пома́занiи его́.

Егда́ вхожда́ше Моисе́й въ ски́нiю свидѣ́нiя глаго́лати ему́, и услы́ша гла́съ Го́спода, глаго́люща къ нему́ свы́ше очисти́лища, е́же е́сть надъ ковче́гомъ свидѣ́нiя между́ двѣма́ херуви́мы: и глаго́лаше къ нему́.

И рече́ Госпо́дь къ Моисе́ю, глаго́ля:

глаго́ли сыно́мъ Изра́илевымъ и рече́ши къ ни́мъ: егда́ вни́дете въ зе́млю вселе́нiя ва́шего, ю́же А́зъ даю́ ва́мъ,

и сотворите́ прино́съ Го́споду во всесожже́нiе или́ же́ртву, е́же возвели́чити мольбу́, или́ благово́льну, или́ въ пра́здники ва́шя въ воню́ благово́нiя Го́споду, а́ще у́бо от воло́въ, или́ от ове́цъ:

и да принесе́тъ принося́й да́ръ сво́й Го́споду же́ртву, муки́ пшени́чны деся́тую ча́сть е́фи [мѣ́ры], вмѣ́шены въ еле́й четве́ртыя ча́сти и́на [мѣ́ры]:

и вина́ на возлiя́нiе четве́ртую ча́сть и́на сотвори́те во всесожже́нiе или́ въ же́ртву: а́гнцу еди́ному да сотвори́ши толи́ко, прино́съ воню́ благово́нiя Го́споду.

И овну́, егда́ творите́ его́ во всесожже́нiе или́ въ же́ртву, да сотвори́ши же́ртву муки́ пшени́чны двѣ́ десяти́ны вмѣ́шаны въ еле́й, тре́тiю ча́сть и́на [мѣ́ры]:

и вина́ на возлiя́нiе тре́тiю ча́сть и́на принесете́ въ воню́ благово́нiя Го́споду.

А́ще же творите́ от воло́въ во всесожже́нiе или́ въ же́ртву, е́же возвели́чити мольбу́, или́ во спаси́телное Го́споду,

и принесе́тъ съ телце́мъ прино́съ муки́ пшени́чны три́ десяти́ны вмѣ́шаны въ еле́й, по́лъ и́на [мѣ́ры]:

и вина́ на возлiя́нiе по́лъ и́на [мѣ́ры], прино́съ въ воню́ благово́нiя Го́споду.

Та́ко да сотвори́ши телцу́ еди́ному, или́ овну́ еди́ному, или́ а́гнцу еди́ному от ове́цъ или́ от ко́зъ:

по числу́ и́хъ, я́же а́ще сотворите́, та́ко сотвори́те еди́ному по числу́ и́хъ.

Вся́къ тузе́мецъ да сотвори́тъ та́ко сицева́я принести́ приноше́нiя въ воню́ благово́нiя Го́споду:

а́ще же пришле́цъ въ ва́съ прибу́детъ въ земли́ ва́шей, или́ и́же а́ще бу́детъ въ ва́съ въ родѣ́хъ ва́шихъ, и сотвори́тъ прино́съ въ воню́ благово́нiя Го́споду, я́коже творите́ вы́, та́ко да сотвори́тъ.

Со́нме Госпо́день, зако́нъ еди́нъ да бу́детъ ва́мъ и прише́лцемъ прилежа́щымъ въ ва́съ, зако́нъ вѣ́чный въ ро́ды ва́шя: я́коже вы́, [та́ко] и пришле́цъ да бу́детъ предъ Го́сподемъ:

зако́нъ еди́нъ да бу́детъ и оправда́нiе еди́но да бу́детъ ва́мъ и прише́лцу прилежа́щему въ ва́съ.

И рече́ Госпо́дь къ Моисе́ю, глаго́ля:

глаго́ли сыно́мъ Изра́илевымъ и рече́ши къ ни́мъ: егда́ вни́дете въ зе́млю, въ ню́же А́зъ ввожду́ ва́съ та́мо,

и бу́детъ егда́ я́сте от хлѣ́бовъ земли́ [тоя́], отложи́те уча́стiе во отдѣле́нiе Го́споду: нача́токъ тѣ́ста ва́шего,

хлѣ́бъ отлучи́те уча́стiе о́ное: я́коже уча́стiе от гумна́,

та́ко отдѣли́те то́й хлѣ́бъ, нача́токъ тѣ́ста ва́шего, и дади́те Го́споду уча́стiе въ ро́ды ва́шя.

Егда́ же согрѣшите́ и не сотворите́ всѣ́хъ за́повѣдiй си́хъ, и́хже глаго́ла Госпо́дь Моисе́ю,

я́коже повелѣ́ Госпо́дь Бо́гъ къ ва́мъ руко́ю Моисе́овою, от дне́ въ о́ньже повелѣ́ Госпо́дь къ ва́мъ, и пото́мъ въ ро́ды ва́шя,

и бу́детъ а́ще от оче́съ со́нма сотвори́тся нево́лею, и да сотвори́тъ ве́сь со́нмъ телца́ еди́наго непоро́чна от воло́въ во всесожже́нiе, въ воню́ благово́нiя Го́споду, и же́ртву сего́, и возлiя́нiе его́ по уставле́нiю, и козла́ еди́наго от ко́зъ грѣха́ ра́ди:

и да помо́лится жре́цъ от все́мъ со́нмѣ сыно́въ Изра́илевыхъ, и оста́вится и́мъ, я́ко нехотѣ́нiе е́сть: и сі́и принесо́ша да́ръ сво́й, принесе́нiе Го́споду грѣха́ ра́ди своего́ предъ Го́сподемъ, нехотѣ́нiй ра́ди свои́хъ,

и оста́вится всему́ со́нму сыно́въ Изра́илевыхъ и прише́лцу прилежа́щему въ ва́съ, я́ко всѣ́мъ лю́демъ нехотѣ́нное.

А́ще же душа́ еди́на не хотя́щи согрѣши́тъ, да приведе́тъ ко́зу еди́ну единолѣ́тну грѣха́ ра́ди:

и да помо́лится жре́цъ о души́ нехотѣ́вшей и согрѣ́шшей нехотѣ́нiемъ предъ Го́сподемъ, и да помо́лится о не́й, и оста́вится е́й.

Насе́лнику [земли́] сыно́въ Изра́илевыхъ и прише́лцу прилежа́щему въ ни́хъ, зако́нъ еди́нъ да бу́детъ и́мъ, и́же а́ще сотвори́тъ не хотя́щь.

И душа́ я́же сотвори́тъ руко́ю го́рдости от тузе́мецъ или́ от прише́лцевъ, Бо́га сiя́ разгнѣ́ваетъ, и потреби́тся душа́ та́ от люді́й свои́хъ:

я́ко сло́во Госпо́дне презрѣ́ и за́повѣди Его́ разсы́па, сотре́нiемъ да сотре́тся душа́ та́: и грѣ́хъ ея́ на не́й.

И бя́ху сы́нове Изра́илевы въ пусты́ни, и обрѣто́ша му́жа собира́юща дрова́ въ де́нь суббо́тный,

и приведо́ша его́ обрѣ́тшiи собира́юща дрова́ въ де́нь суббо́тный къ Моисе́ю и Ааро́ну и ко всему́ со́нму сыно́въ Изра́илевыхъ,

и вверго́ша его́ въ темни́цу: не совѣща́ша бо, что́ сотворя́тъ ему́.

И рече́ Госпо́дь къ Моисе́ю, глаго́ля: сме́ртiю да у́мретъ человѣ́къ се́й, да побiе́те его́ ка́менiемъ ве́сь со́нмъ внѣ́ полка́.

И изведо́ша его́ ве́сь со́нмъ внѣ́ полка́, и поби́ша его́ ка́менiемъ ве́сь со́нмъ внѣ́ полка́, я́коже глаго́ла Госпо́дь Моисе́ю.

И рече́ Госпо́дь къ Моисе́ю, глаго́ля:

глаго́ли сыно́мъ Изра́илевымъ и рече́ши и́мъ: и да сотворя́тъ себѣ́ ря́сны на воскри́лiихъ ри́зъ свои́хъ въ ро́ды своя́: и возложи́те на ря́сны воскри́лiй пряде́нiе си́нее,

и бу́детъ ва́мъ на ря́снахъ: и у́зрите и́хъ, и воспомяне́те вся́ за́повѣди Госпо́дни и сотвори́те я́, и не разврати́теся вслѣ́дъ мы́слей свои́хъ и вслѣ́дъ оче́съ ва́шихъ, и́миже вы́ соблуди́сте вслѣ́дъ и́хъ:

я́ко да помяне́те и сотворите́ вся́ за́повѣди Моя́, и бу́дете святи Бо́гу ва́шему:

А́зъ Госпо́дь Бо́гъ ва́шъ, изведы́й ва́съ изъ земли́ Еги́петскiя, бы́ти ва́мъ Бо́гъ: А́зъ Госпо́дь Бо́гъ ва́шъ.

И рече́ Госпо́дь къ Моисе́ю, глаго́ля:

заповѣ́ждь сыно́мъ Изра́илевымъ, и рече́ши къ ни́мъ, глаго́ля: да́ры Моя́, дая́нiя Моя́, прино́сы Моя́, въ воню́ благово́нiя соблюди́те приноси́ти Мнѣ́ на пра́здники Моя́.

И да рече́ши къ ни́мъ: сiя́ приноше́нiя, я́же принесе́те Го́споду, а́гнцевъ единолѣ́тныхъ непоро́чныхъ два́ на де́нь во всесожже́нiе вы́ну:

а́гнца еди́наго сотвори́те ра́но, и а́гнца втора́го сотвори́те въ ве́черъ:

и да сотвори́ши деся́тую ча́сть е́фи [мѣ́ры] муки́ пшени́чны на же́ртву, вмѣ́шану въ еле́и четве́ртую ча́сть [мѣ́ры] и́на:

всесожже́нiе непреста́нное, я́коже бы́сть въ горѣ́ Сина́йстѣй, въ воню́ благово́нiя Го́споду.

И возлiя́нiе его́ четве́ртую ча́сть [мѣ́ры] и́на а́гнцу еди́ному: во святѣ́мъ да возлiе́ши возлiя́нiе сике́ру Го́споду:

и а́гнца втора́го сотвори́ши къ ве́черу: по же́ртвѣ его́ и по возлiя́нiю его́ да сотвори́ши, въ воню́ благово́нiя Го́споду.

И въ де́нь суббо́тъ приведе́те два́ а́гнца единолѣ́тна непоро́чна и двѣ́ десяти́ны муки́ пшени́чны вмѣ́шаны въ еле́и на же́ртву и возлiя́нiе,

всесожже́нiя суббо́ты въ суббо́тахъ, на всесожже́нiе всегда́шнее и возлiя́нiе его́.

И въ новоме́сячiихъ да принесе́те во всесожже́нiе Го́споду телца́ два́ от говя́дъ и овна́ еди́наго, а́гнцевъ единолѣ́тныхъ се́дмь непоро́чныхъ:

три́ десяти́ны муки́ пшени́чны вмѣ́шаны въ еле́и телцу́ еди́ному, и двѣ́ десяти́ны муки́ пшени́чны вмѣ́шаны въ еле́и овну́ еди́ному,

по десяти́нѣ муки́ пшени́чны вмѣ́шаны въ еле́и а́гнцу еди́ному: же́ртву въ воню́ благово́нiя прино́съ Го́споду.

Возлiя́нiе и́хъ от вина́ по́лъ [мѣ́ры] и́на да бу́детъ телцу́ еди́ному: и тре́тiя ча́сть [мѣ́ры] и́на да бу́детъ овну́ еди́ному: и четве́ртая ча́сть [мѣ́ры] и́на да бу́детъ а́гнцу еди́ному: сiе́ всесожже́нiе от ме́сяца до ме́сяца въ ме́сяцы лѣ́та.

И козла́ еди́наго от ко́зъ грѣха́ ра́ди Го́споду на всесожже́нiе при́сное сотвори́те и возлiя́нiе его́.

И въ ме́сяцѣ пе́рвѣмъ въ четвертыйна́десять де́нь ме́сяца Па́сха Го́споду:

и въ пятыйна́десять де́нь ме́сяца сего́ пра́здникъ: се́дмь дні́й опрѣсно́ки да я́сте.

И де́нь пе́рвый наро́читъ свя́тъ да бу́детъ ва́мъ: вся́каго дѣ́ла служе́бна да не сотворите́.

И принесе́те всесожже́нiя прино́съ Го́споду, телца́ от воло́въ два́, овна́ еди́наго, а́гнцевъ единолѣ́тныхъ се́дмь: непоро́чни бу́дутъ ва́мъ.

И же́ртва и́хъ мука́ пшени́чна вмѣ́шана въ еле́и: три́ десяти́ны телцу́ еди́ному и двѣ́ десяти́ны овну́ еди́ному да сотвори́те:

по десяти́нѣ сотвори́ши а́гнцу еди́ному, седми́ а́гнцемъ:

и козла́ еди́наго от ко́зъ грѣха́ ра́ди, во е́же умоли́ти о ва́съ.

Кромѣ́ всесожже́нiя всегда́шняго у́тренняго, е́же е́сть всесожже́нiе всегда́шнее, сотвори́те сiя́.

По сему́ сотвори́те на [вся́къ] де́нь, въ се́дмь дні́й, да́ръ, прино́съ въ воню́ благово́нiя Го́споду: на всесожже́нiе всегда́шнее сотвори́ши возлiя́нiе его́.

И де́нь седмы́й наро́читъ свя́тъ да бу́детъ ва́мъ: вся́каго дѣ́ла служе́бнаго да не сотворите́ въ о́нь.

И де́нь но́выхъ [плодо́въ], егда́ принесе́те Го́сподеви же́ртву но́ву седми́цъ, наро́читъ свя́тъ бу́детъ ва́мъ: вся́каго дѣ́ла служе́бна да не сотворите́.

И да принесе́те всесожже́нiя въ воню́ благово́нiя Го́споду, телца́ от воло́въ два́, овна́ еди́наго, а́гнцевъ единолѣ́тныхъ се́дмь непоро́чныхъ.

Же́ртва и́хъ мука́ пшени́чна вмѣ́шана въ еле́и: три́ десяти́ны телцу́ еди́ному и двѣ́ десяти́ны овну́ еди́ному:

по десяти́нѣ а́гнцу еди́ному, седми́ а́гнцемъ:

и козла́ еди́наго от ко́зъ грѣха́ ра́ди, во е́же умоли́ти о ва́съ.

Кромѣ́ всесожже́нiя всегда́шняго, и же́ртву и́хъ сотвори́те Мнѣ́, непоро́чни да бу́дутъ ва́мъ, и возлiя́нiя и́хъ.

И въ ме́сяцъ седмы́й, пе́рвый [де́нь] ме́сяца наро́читъ свя́тъ да бу́детъ ва́мъ: вся́каго дѣ́ла служе́бна да не сотворите́: де́нь зна́менiя бу́детъ ва́мъ.

И сотвори́те всесожже́нiя въ воню́ благово́нiя Го́споду, телца́ от воло́въ еди́наго, овна́ еди́наго, а́гнцевъ единолѣ́тныхъ се́дмь непоро́чныхъ:

же́ртва и́хъ мука́ пшени́чна вмѣ́шана въ еле́и: три́ десяти́ны телцу́ еди́ному и двѣ́ десяти́ны овну́ еди́ному:

по десяти́нѣ а́гнцу еди́ному, седми́ а́гнцемъ:

и козла́ от ко́зъ еди́наго грѣха́ ра́ди, во е́же умоли́ти о ва́съ:

кромѣ́ всесожже́нiй новоме́сячiя и же́ртвы и́хъ, и возлiя́нiя и́хъ, и всесожже́нiе всегда́шнее: и же́ртвы и́хъ и возлiя́нiя и́хъ, по уста́ву и́хъ, въ воню́ благово́нiя Го́споду.

И деся́тый де́нь ме́сяца сего́ наро́читъ свя́тъ да бу́детъ ва́мъ: и озло́бите ду́шы ва́шя, и вся́каго дѣ́ла служе́бна да не сотворите́,

и принесе́те всесожже́нiе въ воню́ благово́нiя Го́споду, прино́сы Го́споду: телца́ еди́наго от говя́дъ, овна́ еди́наго, а́гнцевъ единолѣ́тныхъ се́дмь: непоро́чны да бу́дутъ ва́мъ:

же́ртва и́хъ мука́ пшени́чна вмѣ́шана въ еле́и: три́ десяти́ны телцу́ еди́ному и двѣ́ десяти́ны овну́ еди́ному:

по десяти́нѣ а́гнцу еди́ному, на се́дмь а́гнцевъ:

и козла́ еди́наго от ко́зъ грѣха́ ра́ди, во е́же умоли́ти о ва́съ: кромѣ́ е́же грѣха́ ра́ди очище́нiя, и всесожже́нiе всегда́шнее: же́ртва его́ и возлiя́нiе его́, по уста́ву его́ въ воню́ благово́нiя прино́съ Го́споду.

И пятыйна́десять де́нь седма́го ме́сяца сего́ наро́читъ свя́тъ да бу́детъ ва́мъ: вся́каго дѣ́ла служе́бна да не сотворите́, и пра́зднуйте то́й пра́здникъ Го́сподеви се́дмь дні́й,

и принеси́те всесожже́нiя прино́съ въ воню́ благово́нiя Го́споду: въ пе́рвый де́нь телце́въ от говя́дъ трина́десять, овна́ два́, а́гнцевъ единолѣ́тныхъ четырена́десять: непоро́чны да бу́дутъ ва́мъ:

же́ртвы и́хъ мука́ пшени́чна вмѣ́шана въ еле́и: три́ десяти́ны телцу́ еди́ному, тремна́десяти телце́мъ, и двѣ́ десяти́ны овну́ еди́ному, на два́ овна́:

по десяти́нѣ а́гнцу еди́ному, на четырена́десять а́гнцевъ:

и козла́ еди́наго от ко́зъ грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

И въ де́нь вторы́й телце́въ двана́десять, овна́ два́, а́гнцевъ единолѣ́тныхъ четырена́десять непоро́чныхъ:

же́ртва и́хъ и возлiя́нiя и́хъ телце́мъ и овно́мъ и а́гнцемъ по числу́ и́хъ, по уста́ву и́хъ:

и козла́ еди́наго от ко́зъ грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Въ де́нь тре́тiй телце́въ единна́десять, овна́ два́, а́гнцевъ единолѣ́тныхъ четырена́десять непоро́чныхъ:

же́ртва и́хъ и возлiя́нiя и́хъ телце́мъ и овно́мъ и а́гнцемъ по числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Въ де́нь четве́ртый телце́въ де́сять, овна́ два́, а́гнцевъ единолѣ́тныхъ четырена́десять непоро́чныхъ:

же́ртвы и́хъ и возлiя́нiя и́хъ телце́мъ и овно́мъ и а́гнцемъ по числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Въ де́нь пя́тый телце́въ де́вять, овна́ два́, а́гнцевъ единолѣ́тныхъ четырена́десять непоро́чныхъ:

же́ртвы и́хъ и возлiя́нiя и́хъ телце́мъ и овно́мъ и а́гнцемъ но числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Въ де́нь шесты́й телце́въ о́смь, овна́ два́, а́гнцевъ единолѣ́тныхъ четырена́десять непоро́чныхъ:

же́ртвы и́хъ и возлiя́нiя и́хъ телце́мъ и овно́мъ и а́гнцемъ по числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Въ де́нь седмы́й телце́въ се́дмь, овна́ два́, а́гнцевъ единолѣ́тныхъ четырена́десять непоро́чныхъ:

же́ртвы и́хъ и возлiя́нiя и́хъ телце́мъ и овно́мъ и а́гнцемъ по числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

И въ де́нь осмы́й исхо́дъ бу́детъ ва́мъ: вся́каго дѣ́ла служе́бна да не сотворите́ въ о́нь,

и да принесе́те всесожже́нiя въ воню́ благово́нiя Го́споду, телца́ еди́наго, овна́ еди́наго, а́гнцевъ единолѣ́тныхъ се́дмь непоро́чныхъ:

же́ртвы и́хъ и возлiя́нiя и́хъ телцу́ и овну́ и а́гнцемъ по числу́ и́хъ, по уста́ву и́хъ:

и козла́ от ко́зъ еди́наго грѣха́ ра́ди: кромѣ́ всесожже́нiя всегда́шняго, же́ртвы и́хъ и возлiя́нiя и́хъ.

Сiя́ сотвори́те Го́споду въ пра́здники ва́шя, кромѣ́ обѣ́товъ ва́шихъ, и во́льная ва́ша, и всесожже́нiя ва́ша, и же́ртвы ва́шя, и возлiя́нiя ва́ша, и спаси́телная ва́ша.