Начало богослужебного дня в 16:00.

Вседневный праздник
Славословие
Полиелей
Выберите настройки для вашего храма в Личном кабинете.
Богослужебные указания

Богослужебные указания за 18 ноября 2024 года


5. Понедельник. Мчч. Галактиона и Епистимии. Свт. Ионы, архиеп. Новгородского. Свт. Тихона, патриарха Московского и всея России (службу зри 26 сентября)[1]. Отцов Поместного Собора Церкви Русской 1917–1918 годов[2].

Служба мчч. Галактиона и Епистимии не имеет праздничного знака, совершается вместе со службой Октоиха (А). Приводим также порядок совершения полиелейной службы свт. Тихона, патриарха Московского и всея России (Б), порядок совершения полиелейной службы Отцов Поместного Собора Церкви Русской 1917–1918 годов (В) и порядок совершения славословной службы свт. Ионы, архиеп. Новгородского, в соединении со службой Октоиха (Г).

А. На вечерне кафизмы нет.

На «Господи, воззвах» стихиры на 6: Октоиха, глас 4-й – 3, и мучеников, глас 8-й – 3. «Слава, и ныне» – Богородичен Минеи, глас тот же: «Радуйся, душ просвещение...».

Входа нет. Прокимен дня.

На стиховне стихиры Октоиха, глас 4-й. «Слава, и ныне» – Богородичен Октоиха, глас тот же: «Радуйся, Света облаче...».

По Трисвятом – тропарь мучеников, глас 4-й. «Слава, и ныне» – Богородичен по гласу тропаря, от меньших: «Воспитавшейся во храме...».

На утрене на «Бог Господь» – тропарь мучеников, глас 4-й (дважды). «Слава, и ныне» – Богородичен по гласу тропаря, от меньших: «Воспитавшейся во храме...».

Кафизмы 4-я, 5-я и 6-я. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом на 6 (ирмосы единожды), 2-й на 4 и мучеников на 4.

Библейские песни «Господеви поем...».

Катавасия по 3-й, 6-й, 8-й и 9-й песнях – ирмосы канона Минеи.

По 3-й песни – седален мучеников, глас 4-й. «Слава, и ныне» – Богородичен Минеи, глас тот же.

По 6-й песни – кондак мучеников, глас 2-й.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава, и ныне» – Богородичен Октоиха.

«Хвалите Господа с Небес...» и хвалитные псалмы.

Читается вседневное славословие.

На стиховне стихиры Октоиха, глас 4-й. «Слава, и ныне» – Богородичен Октоиха, глас тот же: «Богородице, всех Царице...».

По Трисвятом – тропарь мучеников, глас 4-й. «Слава, и ныне» – Богородичен по гласу тропаря, от меньших: «Яко всех еси творений...».

На часах – тропарь и кондак мучеников.

На Литургии вседневные антифоны.

По входе – тропари и кондаки:

В храме Господском и Богородицы – тропарь храма, тропарь дня, тропарь мучеников; кондак дня, кондак мучеников. «Слава» – «Со святыми упокой...», «И ныне» – кондак храма.

В храме святого – тропарь дня, тропарь храма, тропарь мучеников; кондак дня, кондак храма, кондак мучеников. «Слава» – «Со святыми упокой...», «И ныне» – «Предстательство христиан...».

Прокимен, аллилуиарий и причастен – дня.

Апостол и Евангелие – дня.


Б. На великой вечерне «Блажен муж» – 1-й антифон.

На «Господи, воззвах» стихиры святителя, глас 6-й – 8 (каждая стихира – дважды). «Слава» – святителя, глас 8-й: «Путь девства, нищеты...», «И ныне» – догматик, глас тот же: «Царь Небесный...».

Вход. Прокимен дня. Паримии святителя – 3.

На стиховне стихиры святителя, глас 2-й (со своими припевами). «Слава» – святителя, глас 4-й: «Земля Литовская прославися...», «И ныне» – Богородичен воскресный по гласу «Славы»: «Призри на моления...».

По Трисвятом – тропарь святителя, глас 1-й. «Слава, и ныне» – Богородичен воскресный, глас тот же: «Гавриилу вещавшу...».

На утрене на «Бог Господь» – тропарь святителя, глас 1-й (дважды). «Слава, и ныне» – Богородичен воскресный, глас тот же: «Гавриилу вещавшу...».

Кафизмы 4-я и 5-я. Малые ектении. Седальны святителя (по дважды).

Полиелей. Величание святителя и избранный псалом. Седален святителя по полиелее, глас 8-й: «Приидите, вернии...» (дважды). «Слава, и ныне» – Богородичен Минеи, глас тот же: «Буди благословен...». Степенна – 1-й антифон 4-го гласа. Прокимен святителя, глас 4-й: «Вознесох избраннаго от людей Моих»; стих: «Елеем Моим помазах его». Евангелие святителя. По 50-м псалме: «Слава» – «Молитвами святителя...». Стихира святителя, глас 6-й: «Церковь Божию...».

Каноны: Богородицы со ирмосом на 6 (ирмосы по дважды) и святителя на 8.

Библейские песни «Поем Господеви...».

Катавасия «Отверзу уста моя...».

По 3-й песни – седален святителя, глас 1-й (дважды). «Слава, и ныне» – Богородичен Минеи, глас тот же.

По 6-й песни – кондак и икос святителя, глас 2-й.

На 9-й песни поем «Честнейшую».

По 9-й песни «Достойно есть» не поется. Светилен святителя (дважды). «Слава, и ныне» – Богородичен Минеи.

«Всякое дыхание...» и хвалитные псалмы.

На хвалитех стихиры святителя, глас 4-й – 4 (первая стихира – дважды). «Слава» – святителя, глас 8-й: «Кровьми святых мученик...», «И ныне» – Богородичен Минеи, глас тот же: «Пречистая Дево Мати...».

Великое славословие. По Трисвятом – тропарь святителя, глас 1-й. «Слава, и ныне» – Богородичен воскресный, глас тот же: «Гавриилу вещавшу...».

На часах – тропарь и кондак святителя.

На Литургии блаженны святителя, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя. «Слава» – кондак святителя, «И ныне» – кондак храма.

В храме святого – тропарь храма, тропарь святителя; кондак храма. «Слава» – кондак святителя, «И ныне» – «Предстательство христиан...».

Прокимен, аллилуиарий и причастен – святителя.

Апостол и Евангелие – дня и святителя.


В. На великой вечерне «Блажен муж» – 1-й антифон.

На «Господи, воззвах» стихиры Отцов Поместного Собора, глас 1-й и глас 5-й – 8. «Слава» – Отцов Поместного Собора, глас 8-й: «Царь Небесный, Божественное Слово...», «И ныне» – догматик, глас тот же: «Царь Небесный за человеколюбие на земли явися...».

Вход. Прокимен дня. Паримии Отцов Поместного Собора – 3[3].

На стиховне стихиры Отцов Поместного Собора, глас 4-й (со своими припевами). «Слава» – Отцов Поместного Собора, глас 8-й: «Друзи Мои есте...», «И ныне» – Богородичен (на ряду), глас тот же: «О, преславнаго чудесе!..».

По Трисвятом – тропарь Отцов Поместного Собора, глас 6-й: «Днесь благодать Святаго Духа...». «Слава, и ныне» – Богородичен воскресный, глас тот же: «Благословенную нарекий...».

На утрене на «Бог Господь» – тропарь Отцов Поместного Собора, глас 6-й: «Днесь благодать Святаго Духа...» (дважды). «Слава, и ныне» – Богородичен воскресный, глас тот же: «Благословенную нарекий...».

Кафизмы 4-я и 5-я. Малые ектении. Седальны Отцов Поместного Собора (по дважды).

Полиелей. Величание Отцов Поместного Собора и избранный псалом. Седален Отцов Поместного Собора по полиелее, глас 8-й: «Повеленное в Евангелии...» (дважды). «Слава, и ныне» – Богородичен (на ряду), глас тот же: «Беззаконное тайно содевающе...». Степенна – 1-й антифон 4-го гласа. Прокимен Отцов Поместного Собора, глас 4-й: «Проидохом сквозе огнь и воду, и извел еси ны в покой»; стих: «Разжегл ны еси, якоже разжизается сребро». Евангелие Отцов Поместного Собора – Мф., 36 зач. По 50-м псалме: «Слава» – «Молитвами святых...». Стихира Отцов Поместного Собора, глас 6-й: «Многострадальнии Руси Святыя молитвенницы...».

Каноны: Богородицы со ирмосом на 6 (ирмосы по дважды) и Отцов Поместного Собора на 8.

Библейские песни «Поем Господеви...».

Катавасия «Отверзу уста моя...».

По 3-й песни – седален Отцов Поместного Собора, глас 2-й: «Новии страстотерпцы Церкве Русския...» (дважды). «Слава, и ныне» – Богородичен (на ряду), глас 4-й: «Не премолчим присно...».

По 6-й песни – кондак Отцов Поместного Собора, глас 3-й: «Гонения и страдания...», и икос (на ряду).

На 9-й песни поем «Честнейшую».

По 9-й песни «Достойно есть» не поется. Светилен Отцов Поместного Собора: «Свет Отца, и Сына, и Духа Святаго...» (дважды). «Слава, и ныне» – Богородичен (на ряду): «Свет Христов явися...».

«Всякое дыхание...» и хвалитные псалмы.

На хвалитех стихиры Отцов Поместного Собора, глас 5-й и глас 4-й. «Слава» – Отцов Поместного Собора, глас 1-й: «О святии отцы...», «И ныне» – Богородичен (на ряду), глас тот же: «Церкве Христовы Хранительнице...».

Великое славословие. По Трисвятом – тропарь Отцов Поместного Собора, глас 6-й: «Днесь благодать Святаго Духа...». «Слава, и ныне» – Богородичен воскресный, глас тот же: «Благословенную нарекий...».

На часах – тропарь и кондак Отцов Поместного Собора.

На Литургии блаженны от канона Отцов Поместного Собора, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь Отцов Поместного Собора. «Слава» – кондак Отцов Поместного Собора, «И ныне» – кондак храма.

В храме святого – тропарь храма, тропарь Отцов Поместного Собора; кондак храма. «Слава» – кондак Отцов Поместного Собора, «И ныне» – «Предстательство христиан...».

Прокимен, аллилуиарий и причастен – Отцов Поместного Собора.

Апостол и Евангелие – дня и Отцов Поместного Собора (Рим., зач. 99; Лк., зач. 105–106).


Г. На вечерне кафизмы нет.

На «Господи, воззвах» стихиры святителя, глас 6-й – 6 (каждая стихира – дважды). «Слава» – святителя, глас 1-й: «Приидите, Великаго Новаграда людие...», «И ныне» – догматик, глас тот же: «Всемирную славу...».

Входа нет. Прокимен дня.

На стиховне стихиры святителя, глас 2-й (со своими припевами). «Слава» – святителя, глас 6-й: «Преподобне, блаженне...», «И ныне» – Богородичен по гласу «Славы», от меньших: «Архангельски воспоим...».

По Трисвятом – тропарь святителя, глас 4-й. «Слава, и ныне» – Богородичен воскресный по гласу тропаря: «Еже от века...».

На утрене на «Бог Господь» – тропарь святителя, глас 4-й (дважды). «Слава, и ныне» – Богородичен воскресный по гласу тропаря: «Еже от века...».

Кафизмы 4-я, 5-я и 6-я.

Примечание. При славословной службе (с пением Октоиха) стихословие третьей рядовой кафизмы на утрене не отменяется[4]. По 1-м и 2-м стихословии – малые ектении и седальны святителя (по дважды); по 3-м стихословии – малой ектении нет[5], седальны Октоиха. Существует также мнение, что на утрене при славословной службе, по аналогии с полиелейным богослужением, должны стихословиться только две рядовые кафизмы, а третья должна переноситься на вечерню следующего богослужебного дня и читаться вместо 18-й кафизмы.

Псалом 50-й.

Каноны: Октоиха 1-й со ирмосом, без мученичнов, на 4 (ирмосы единожды), 2-й на 4 и святителя на 6.

Библейские песни «Господеви поем...» (см. Типикон, 23 сентября, 1-е «зри»).

Катавасия «Отверзу уста моя...».

По 3-й песни – седален святителя, глас 4-й (дважды). «Слава, и ныне» – Богородичен Минеи, глас тот же.

По 6-й песни – кондак и икос святителя, глас 4-й.

На 9-й песни поем «Честнейшую».

По 9-й песни «Достойно есть» не поется. Светилен святителя (дважды). «Слава, и ныне» – Богородичен Минеи.

«Всякое дыхание...» и хвалитные псалмы.

На хвалитех стихиры святителя, глас 6-й – 4 (первая стихира – дважды). «Слава» – святителя, глас 4-й: «Приидите, людие...», «И ныне» – Богородичен по гласу «Славы», от меньших: «Богородице, всех Царице...».

Великое славословие. По Трисвятом – тропарь святителя, глас 4-й. «Слава, и ныне» – Богородичен воскресный по гласу тропаря: «Еже от века...».

На часах – тропарь и кондак святителя.

На Литургии блаженны святителя, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя. «Слава» – кондак святителя, «И ныне» – кондак храма.

В храме святого – тропарь храма, тропарь святителя; кондак храма. «Слава» – кондак святителя, «И ныне» – «Предстательство христиан...».

Прокимен, аллилуиарий и причастен – дня и святителя.

Апостол и Евангелие – дня и святителя.

1 Данное празднование в честь святителя Тихона (день избрания его на Патриарший престол) установлено по благословению Святейшего Патриарха Алексия II 3 декабря 2007 года.

2 Соборная память Отцов Поместного Собора Церкви Русской 1917–1918 годов включена в месяцеслов по благословению Священного Синода Русской Православной Церкви 4 мая 2017 года. На заседании Священного Синода Русской Православной Церкви 15 октября 2018 года была утверждена к общецерковному богослужебному употреблению служба Отцам Поместного Собора Церкви Русской. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5284299.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/429).

3 По традиции, новозаветные паримии читаются при открытых царских вратах.

4 Ср.: Розанов В. Богослужебный Устав Православной Церкви. С. 138.

5 «По конце кафизмы, Аллилуиа, яко обычай. Господи, помилуй, трижды, и Слава, и ныне, [вместо малой ектении. – Сост.] глаголет сам стихословляяй» (Типикон, гл. 9-я).

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Согреши́х к Тебе́, Человеколю́бче, не по естеству́ я́ко челове́к, да испрошу́ проще́ние: но па́че челове́ка, и вы́ше естества́, и па́че проще́ния. Но и́же вы́ше есте́ственных уста́в, и па́че постиже́ния мы́сли, челове́к Спа́се мо́й бы́в, и па́че ума́ человеколю́бное имы́й, поми́луй мя́ к Тебе́ обраща́ющагося.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Положи́л еси́ покая́ние согреша́ющым Христе́, а не пра́ведным: о́браз у́бо и́мам разбо́йника же и блу́днаго, Манасси́и и блудни́цы, гони́теля, мытаря́, и отме́тника, неудо́бь отчаява́юся, твое́ бо человеколю́бное, и преблаго́е ве́дый, Спа́се мо́й, обраща́юся же и слезю́, и благонаде́жден быва́ю я́ко прии́меши мя́.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: Да́ждь ми́ умиле́ние, и злы́х отчужде́ние, и соверше́нное исправле́ние, в страсте́х теле́сных ны́не погруже́ному, и удале́ному от Тебе́, Бо́же, все́х Царю́, и ника́коже наде́жду иму́ща, спаси́ мя блу́днаго, мно́гия ра́ди бла́гости, Иису́се Всеси́льне, Спа́се ду́ш на́ших.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 8: Млеко́м воспита́н ве́ры,/ мук ра́ди мно́гих, Галактио́не, и скорбе́й/ во Христо́в дости́гл еси́ во́зраст,/ быв прия́тна же́ртва и соверше́нно заколе́ние/ самово́льным стремле́нием, всебога́те./ О, тве́рдыя твоея́ и изве́стныя ве́ры,/ е́юже Бо́га получи́л еси́,/ обожа́емь ны́не соверше́ннейше.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 8: Худо́жественне взыска́ла еси́ благи́х Исто́чника,/ жела́нных кра́йнейшее;/ Того́ све́тлостьми и ду́шу и помышле́ние озари́ла еси́, Богоблаже́нная,/ и низложи́ла еси́ кре́пкими противле́нии/ многоко́зненнаго и дре́вняго мучи́теля,/ мона́шествующих Боже́ственное украше́ние,/ му́ченице многострада́льная.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 8: Два свети́льника пресве́тлая Восто́ка у́мнаго/ возсиява́ют благода́тию,/ и тва́рь всю благоче́стно озаря́ют/ превосходя́щими страда́ний све́тлостьми/ и врачева́ний Боже́ственными разжже́нии./ И́хже пресве́тлый пра́здник почита́юще,/ тех ра́ди вся освяща́ющаго Христа́ просла́вим.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 8: Ра́дуйся, ду́ш просвеще́ние,/ греша́щих проще́ние,/ неради́вых исправле́ние;/ ра́дуйся, утеше́ние и ра́дость,/ скорбя́щих Помо́щнице;/ ра́дуйся, Блага́я, немощны́х душ исцеле́ние;/ ра́дуйся, примире́ние к Бо́гу и Хода́таице,/ Серафи́мов всех я́ко су́щи святе́йши, Чи́стая.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 4: Хоте́х слеза́ми омы́ти мои́х прегреше́ний рукописа́ние, Го́споди, и про́чее живота́ моего́ покая́нием благоугоди́ти Тебе́, но вра́г льсти́т мя́, и бо́рет ду́шу мою́: Го́споди, пре́жде да́же до конца́ не поги́бну, спаси́ мя.

Стих: К Тебе́ возведо́х о́чи мои́, живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.

Глас 4: Кто́ обурева́ем, и притека́я ко приста́нищу Твоему́, Го́споди, не спасе́тся; или́ кто́ неду́гуя, и припа́дая ко врачевству́ Твоему́, не уврачу́ется, Соде́телю вся́ческих, и Врачу́ неду́жных; Го́споди, пре́жде да́же до конца́ не поги́бну, спаси́ мя.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

Глас 4: Прославля́яйся в па́мятех святы́х Твои́х, Христе́ Бо́же, и от ни́х умоле́н быва́я, низпосли́ на́м ве́лию ми́лость.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 4: Ра́дуйся, Све́та о́блаче. Ра́дуйся, Све́щниче све́тлый. Ра́дуйся Ру́чко, в не́йже ма́нна. Ра́дуйся, Же́зле Ааро́нов. Ра́дуйся, Купино́ неопали́мая. Ра́дуйся, Черто́же. Ра́дуйся, Престо́ле. Ра́дуйся, Горо́ свята́я. Ра́дуйся, Прибе́жище. Ра́дуйся, Боже́ственная Трапе́зо. Ра́дуйся, Две́ре та́йная. Ра́дуйся, все́х Ра́досте.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Те́х моли́твами/ спаси́ ду́ши на́ша.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 4: Воспита́вшейся во хра́ме во свята́я святы́х, / оде́янней ве́рою и прему́дростию и безме́рным де́вством, / Архистрати́г Гаврии́л принесе́ с Небесе́ целова́ние / и е́же ра́дуйся, ра́дуйся, Благослове́нная, / ра́дуйся, Препросла́вленная, Госпо́дь с Тобо́ю.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Диакон: Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, предста́тельствы честны́х Небе́сных Сил Безпло́тных: святы́х сла́вных и всехва́льных Апо́стол, (и свята́го, имяре́к, его́же есть храм), мчч. Галактио́на и Епистими́и, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 6.3M 174