Начало богослужебного дня в 16:00.

Шестеричный праздник
Славословие
Полиелей
Выберите настройки для вашего храма в Личном кабинете.
Богослужебные указания

Богослужебные указания за 20 мая 2024 года


7. Понедельник 3-й седмицы по Пасхе. Воспоминание явления на небе Креста Господня в Иерусалиме. Прп. Нила Сорского.

Мч. Акакия сотника. Любечской и Жировицкой икон Божией Матери.

Обретение мощей прп. Нила Мироточивого, Афонского.

Служба в честь явления на небе Креста Господня в Иерусалиме шестеричная, совершается вместе со службой Триоди (А). Приводим также порядок совершения полиелейной службы прп. Нила Сорского в соединении со службой Триоди (Б).

А. На вечерне кафизмы нет.

На «Господи, воззвах» стихиры Креста, глас 4-й – 6 (каждая стихира – дважды). «Слава» – Креста, глас 8-й: «Возвестиша Небеса...», «И ныне» – праздника Триоди, глас 1-й: «Мироносицы жены...».

Входа нет. Прокимен дня.

На стиховне стихиры праздника Триоди, глас 5-й (с «Господи, воззвах»)[1]. «Слава, и ныне» – праздника Триоди, глас 1-й: «Со страхом приидоша...» (см. в стихирах на стиховне).

По Трисвятом – тропарь праздника, глас 2-й: «Благообразный Иосиф...». «Слава» – тропарь Креста, глас 8-й; «И ныне» – тропарь праздника, глас 2-й: «Мироносицам женам...».

На утрене на «Бог Господь» – тропарь праздника, глас 2-й: «Благообразный Иосиф...» (единожды), тропарь воскресный, глас тот же: «Егда снизшел еси...» (единожды). «Слава» – тропарь Креста, глас 8-й; «И ныне» – тропарь праздника, глас 2-й: «Мироносицам женам...».

Кафизмы 4-я и 5-я. Малые ектении. Седальны Триоди. «Воскресение Христово видевше...» (единожды). Псалом 50-й.

Каноны: праздника Триоди, глас 2-й: «Моисейскую песнь...» (см. в Неделю мироносиц), со ирмосом на 6 (ирмосы по дважды) и Креста на 6.

Библейские песни «Поем Господеви...».

Катавасия по 3-й, 6-й, 8-й и 9-й песнях – ирмосы канона Минеи.

По 3-й песни – кондак и икос праздника Триоди, глас 2-й (см. в Неделю мироносиц); седален Креста, глас 4-й (дважды). «Слава, и ныне» – седален праздника Триоди, глас 2-й (см. в Неделю мироносиц).

По 6-й песни – кондак и икос Креста, глас 4-й.

На 9-й песни поем «Честнейшую».

По 9-й песни «Достойно есть» не поется. Светилен Креста (дважды). «Слава, и ныне» – светилен праздника Триоди: «Жены, услышите...» (см. в Неделю мироносиц).

«Хвалите Господа с Небес...» и хвалитные псалмы.

На хвалитех стихиры Триоди, глас 2-й – 4 (первая стихира – дважды). «Слава, и ныне» – праздника Триоди, глас тот же: «Приидоша на гроб...».

«Тебе слава подобает...» не читается, но сразу чтец: «Слава Тебе, показавшему нам свет». Читается вседневное славословие.

На стиховне стихиры праздника Триоди, глас 6-й. «Слава, и ныне» – праздника Триоди, глас 2-й: «Возлияша мира...».

По Трисвятом – тропарь воскресный, глас 2-й: «Егда снизшел еси...». «Слава» – тропарь Креста, глас 8-й, «И ныне» – тропарь праздника, глас 2-й: «Мироносицам женам...».

На 1-м часе – тропарь: «Благообразный Иосиф...»; «Слава» – тропарь Креста. На 3-м часе – тропарь: «Егда снизшел еси...»; «Слава» – тропарь Креста. На 6-м часе – тропарь: «Мироносицам женам...»; «Слава» – тропарь Креста. На 9-м часе – тропарь: «Благообразный Иосиф...»; «Слава» – тропарь Креста. Кондак только[2] праздника Триоди.

На Литургии блаженны праздника Триоди, песнь 1-я – 6 (со ирмосом).

Примечание. Для того, чтобы на блаженнах в данную седмицу были исполнены все песни праздничного канона (Недели мироносиц), допустимо блаженны праздника Триоди петь следующим образом: песнь 1-я (со ирмосом) и 3-я – 8. Ср.: Розанов В. Богослужебный Устав Православной Церкви. С. 296.

По входе – тропарь праздника: «Благообразный Иосиф...», тропарь воскресный: «Егда снизшел еси...», тропарь праздника: «Мироносицам женам...», тропарь Креста, тропарь храма Богородицы или храма святого; кондак Креста. «Слава» – кондак храма святого, «И ныне» – кондак праздника: «Радоватися мироносицам...».

Прокимен и аллилуиарий – праздника Триоди (см. на Литургии в Неделю мироносиц) и Креста.

Апостол и Евангелие – дня и Креста.

Задостойник Пасхи.

Причастен – Пасхи: «Тело Христово приимите...», и Креста: «Знаменася на нас...».


Б. На великой вечерне «Блажен муж» – 1-й антифон.

На «Господи, воззвах» стихиры на 8: праздника Триоди, глас 5-й – 3, и преподобного, глас 6-й – 5 (первая стихира – дважды). «Слава» – преподобного, глас 8-й: «Скитскаго жительства...», «И ныне» – праздника Триоди, глас 1-й: «Мироносицы жены...».

Вход. Прокимен дня. Паримии преподобного – 3.

На стиховне стихиры преподобного, глас 6-й (со своими припевами)[3]. «Слава» – преподобного, глас тот же: «Радостно днесь...», «И ныне» – праздника Триоди, глас 1-й: «Со страхом приидоша...» (см. на стиховне вечера).

По Трисвятом – тропарь праздника, глас 2-й: «Благообразный Иосиф...». «Слава» – тропарь преподобного (по выбору); «И ныне» – тропарь праздника, глас 2-й: «Мироносицам женам...».

На утрене на «Бог Господь» – тропарь праздника, глас 2-й: «Благообразный Иосиф...» (единожды), тропарь воскресный, глас тот же: «Егда снизшел еси...» (единожды). «Слава» – тропарь преподобного (по выбору); «И ныне» – тропарь праздника, глас 2-й: «Мироносицам женам...».

Кафизмы 4-я и 5-я. Малые ектении.

По 1-м стихословии – седален преподобного, глас 1-й: «Усердно днесь...» (дважды). «Слава, и ныне» – седален праздника Триоди, глас 2-й: «Мира тепле...» (см. в седальнах по 2-м стихословии)[4].

По 2-м стихословии – седален преподобного, глас 3-й: «Светлое торжество...» (дважды). «Слава, и ныне» – седален праздника Триоди, глас 2-й: «Мира тепле...» (см. в седальнах по 2-м стихословии).

Полиелей. Величание преподобного и избранный псалом. Седален преподобного по полиелее, глас 4-й: «Удивил еси...» (дважды). «Слава, и ныне» – седален праздника Триоди, глас 2-й: «Мира тепле...» (см. в седальнах по 2-м стихословии), или Богородичен Минеи, глас 4-й: «Удивишася, Чистая...»[5]. Степенна – 1-й антифон 4-го гласа. Прокимен преподобного, глас 4-й: «Честна пред Господем смерть преподобных Его»; стих: «Что воздам Господеви о всех, яже воздаде ми?». Евангелие – преподобного. «Воскресение Христово видевше...» (единожды). По 50-м псалме: «Слава» – «Молитвами преподобнаго...». Стихира преподобного, глас 6-й: «Радостно днесь...» (см. славник на стиховне великой вечерни).

Каноны: праздника Триоди, глас 2-й: «Моисейскую песнь...» (см. в Неделю мироносиц), со ирмосом на 6 (ирмосы по дважды) и преподобного на 8.

Библейские песни «Поем Господеви...».

Катавасия Пасхи: «Воскресения день...».

По 3-й песни – кондак и икос праздника Триоди, глас 2-й (см. в Неделю мироносиц); седален преподобного, глас 8-й (дважды). «Слава, и ныне» – седален праздника Триоди, глас 2-й (см. в Неделю мироносиц).

По 6-й песни – кондак и икос преподобного, глас 8-й.

На 9-й песни поем «Честнейшую».

По 9-й песни «Достойно есть» не поется. Светилен преподобного (дважды). «Слава, и ныне» – светилен праздника Триоди: «Жены, услышите...» (см. в Неделю мироносиц).

«Всякое дыхание...» и хвалитные псалмы.

На хвалитех стихиры на 6: праздника Триоди, глас 6-й – 3 (см. на стиховне утрени)[6], и преподобного, глас 8-й – 3. «Слава» – преподобного, глас тот же: «Духовный лик...», «И ныне» – праздника Триоди, глас 2-й: «Приидоша на гроб...» (см. на хвалитех).

Примечание. Если святой полиелейный (и выше), то на хвалитех сначала поются утренние стихиры на стиховне праздника (этого дня) на 3, а потом святого на 3 (при этом хвалитные стихиры дня Триоди оставляются). «Слава» – святого, «И ныне» – праздника. Типикон не дает точных указаний, какое именно песнопение праздника петь на «И ныне», из числа ли хвалитных стихир или со стиховны. Петь можно ту стихиру, из числа хвалитных, которая напечатана на «Слава, и ныне» (ср.: Типикон, гл. 50, «В понедельник 2-й седмицы Антипасхи на утрени», 18-е «зри»).

Великое славословие. По Трисвятом – тропарь воскресный, глас 2-й: «Егда снизшел еси...». «Слава» – тропарь преподобного (по выбору), «И ныне» – тропарь праздника, глас 2-й: «Мироносицам женам...».

На 1-м часе – тропарь: «Благообразный Иосиф...»; «Слава» – тропарь преподобного. На 3-м часе – тропарь: «Егда снизшел еси...»; «Слава» – тропарь преподобного. На 6-м часе – тропарь: «Мироносицам женам...»; «Слава» – тропарь преподобного. На 9-м часе – тропарь: «Благообразный Иосиф...»; «Слава» – тропарь преподобного. Кондаки праздника Триоди и преподобного читаются попеременно.

На Литургии блаженны праздника Триоди, песнь 1-я – 4 (со ирмосом), и преподобного, песнь 6-я – 4.

По входе – тропарь праздника: «Благообразный Иосиф...», тропарь воскресный: «Егда снизшел еси...», тропарь праздника: «Мироносицам женам...», тропарь храма Богородицы или храма святого, тропарь преподобного; кондак храма святого. «Слава» – кондак преподобного, «И ныне» – кондак праздника: «Радоватися мироносицам...».

Прокимен и аллилуиарий – праздника Триоди (см. на Литургии в Неделю мироносиц), и преподобного.

Апостол и Евангелие – дня и преподобного.

Задостойник Пасхи.

Причастен – Пасхи: «Тело Христово приимите...», и преподобного: «В память вечную...».

1 Стиховные стихиры Триоди, принадлежащие системе Октоиха, в данном случае вовсе не поются.

2 Ср.: Розанов В. Богослужебный Устав Православной Церкви. С. 714, 716.

3 Стиховные стихиры Триоди, принадлежащие системе Октоиха, в данном случае вовсе не поются.

4 Седальны Триоди по 1-м стихословии, принадлежащие системе Октоиха, в данном случае опускаются.

5 Пение на «И ныне» седальна праздника Триоди предпочтительней пения Богородична Минеи.

6 Хвалитные стихиры Триоди, принадлежащие системе Октоиха, в данном случае опускаются.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (Трижды)

Если вечерне не предшествовал девятый час, начальные молитвы читаются полностью.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Днесь ра́дуется ве́рных мно́жество Боже́ственное:/ явля́ется бо Небе́сный Крест конце́м,/ осиява́ет твердь све́том непристу́пным,/ возду́х озаря́ет/ и земли́ лице́ украша́ет./ Пое́т Боже́ственными пе́сньми Це́рковь Христо́ва,/ слу́жит, почита́ющи/ свы́ше ю соблюда́ющий/ Крест Боже́ственный и пречу́дный,/ его́же си́лою укрепля́еми,/ Влады́це присту́пим, зову́ще:/ умири́ мир и просвети́ ду́ши на́ша.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Днесь ра́дуется ве́рных мно́жество Боже́ственное:/ явля́ется бо Небе́сный Крест конце́м,/ осиява́ет твердь све́том непристу́пным,/ возду́х озаря́ет/ и земли́ лице́ украша́ет./ Пое́т Боже́ственными пе́сньми Це́рковь Христо́ва,/ слу́жит, почита́ющи/ свы́ше ю соблюда́ющий/ Крест Боже́ственный и пречу́дный,/ его́же си́лою укрепля́еми,/ Влады́це присту́пим, зову́ще:/ умири́ мир и просвети́ ду́ши на́ша.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: Я́коже честне́йша ле́ствица,/ ви́ден бысть днесь всечестны́й Крест и сла́вный,/ от земли́ к Небе́сным преводя́й/ ве́рою несумне́нною сего́ почита́ющия./ Ра́дуются вси язы́цы,/ те́пле притека́ющии ко Креще́нию,/ и Це́рковь, я́ко неве́ста, украша́ется о́бразом Боже́ственным,/ его́же бо сокры́ти тща́хуся иуде́и,/ свы́ше возду́х озаря́ет/ и спаса́ет ве́рою к нему́ притека́ющия.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 4: Я́коже честне́йша ле́ствица,/ ви́ден бысть днесь всечестны́й Крест и сла́вный,/ от земли́ к Небе́сным преводя́й/ ве́рою несумне́нною сего́ почита́ющия./ Ра́дуются вси язы́цы,/ те́пле притека́ющии ко Креще́нию,/ и Це́рковь, я́ко неве́ста, украша́ется о́бразом Боже́ственным,/ его́же бо сокры́ти тща́хуся иуде́и,/ свы́ше возду́х озаря́ет/ и спаса́ет ве́рою к нему́ притека́ющия.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 4: Жезл Боже́ственныя си́лы с высоты́ яви́ся,/ в Сио́не нам по́слан Крест,/ преоблиста́я благода́тию,/ све́том безме́рным./ На кра́ниеве ме́сте сла́внем/ возсия́ небе́сный Крест в конце́х/ распе́ншагося Бо́га на́шего,/ пропове́дая всем е́же стра́сти ра́ди ми́рови спасе́ние./ Ему́же покланя́ющеся, воспое́м немо́лчно/ и ве́рою про́сим/ умири́ти мир и спасти́ ду́ши на́ша.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 4: Жезл Боже́ственныя си́лы с высоты́ яви́ся,/ в Сио́не нам по́слан Крест,/ преоблиста́я благода́тию,/ све́том безме́рным./ На кра́ниеве ме́сте сла́внем/ возсия́ небе́сный Крест в конце́х/ распе́ншагося Бо́га на́шего,/ пропове́дая всем е́же стра́сти ра́ди ми́рови спасе́ние./ Ему́же покланя́ющеся, воспое́м немо́лчно/ и ве́рою про́сим/ умири́ти мир и спасти́ ду́ши на́ша.

Сла́ва Отцу́, и Сы́ну, и Свято́му Ду́ху.

Глас 8: Возвести́ша Небеса́ сла́ву Твою́, Го́споди,/ стра́шное Креста́ Твоего́ зна́мение,/ и земля́ вся со стра́хом поклони́ся./ Мы же, славосло́вяще, благода́рно Тебе́ вопие́м:/ Бог Сый безстра́стен,/ пло́тию пострада́ти за ны во́лею прия́л еси́,/ спаси́ лю́ди, я́же стяжа́л еси́ Твое́ю кро́вию.

И ны́не, и при́сно, и во ве́ки веко́в. Ами́нь.

Глас 1: Мироно́сицы жены́ ко гро́бу что́ приидо́сте? что́ и́щете жива́го в ме́ртвых? Воскре́се Госпо́дь, дерза́йте, вопие́т а́нгел.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 2: Согреши́х Ти́, Христе́ Спа́се, я́ко блу́дный сы́н: приими́ мя, Отче, ка́ющася и поми́луй мя́, Бо́же.

Стих: К Тебе́ возведо́х о́чи мои́ живу́щему на Небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́, та́ко о́чи на́ши ко Го́споду Бо́гу на́шему, до́ндеже уще́дрит ны́.

Глас 2: Вопию́ Ти, Христе́ Спа́се, мытаре́вым гла́сом: очи́сти мя́ я́коже о́наго, и поми́луй мя́, Бо́же.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

Глас 2: И́же земны́я сла́дости не возлю́бльше страстоте́рпцы, небе́сным благи́м сподо́бишася, и а́нгелом согра́ждане бы́ша: Го́споди, моли́твами и́х поми́луй, и спаси́ на́с.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 2: Ра́дуйся, Мари́е Богоро́дице, хра́ме неразруши́мый, па́че же святы́й, я́коже вопие́т проро́к: свя́т хра́м Тво́й, ди́вен в пра́вде.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 2: Благообра́зный Ио́сиф, с Дре́ва снем пречи́стое те́ло Твое́, плащани́цею чи́стою обви́в, и воня́ми во гро́бе но́ве покры́в положи́: но тридне́вен воскре́сл еси́ Го́споди, подая́й ми́рови ве́лию ми́лость.

Сла́ва Отцу́, и Сы́ну, и Свято́му Ду́ху.

Глас 8: Креста́ Твоего́ о́браз ны́не па́че со́лнца возсия́,/ его́же от горы́ святы́я да́же до ло́бнаго ме́ста просте́рл еси́/ и в нем Твою́, Спа́се, кре́пость уясни́л еси́,/ сим укрепля́я нас,/ и спаса́й вы́ну в ми́ре// моли́твами Богоро́дицы, Христе́ Бо́же, и спаси́ нас.

И ны́не, и при́сно, и во ве́ки веко́в. Ами́нь.

Глас 2: Мироно́сицам жена́м, при гро́бе предста́в а́нгел вопия́ше: ми́ра ме́ртвым су́ть прили́чна, Христо́с же истле́ния яви́ся чу́ждь. Но возопи́йте: воскре́се Госпо́дь, подая́й ми́рови ве́лию ми́лость.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Диакон: Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Воскресы́й из ме́ртвых Христо́с И́стинный Бог наш, моли́твами Пречи́стыя Своея́ Ма́тере, си́лою Честна́го и Животворя́щаго Креста́, предста́тельствы честны́х Небе́сных Сил Безпло́тных: святы́х сла́вных и всехва́льных Апо́стол, (и свята́го, имяре́к, его́же есть храм), Воспоминание явления на небе Креста Господня в Иерусалиме, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 6.3M 112