Начало богослужебного дня в 16:00.

Бденный праздник
Выберите настройки для вашего храма в Личном кабинете.
Богослужебные указания

Богослужебные указания за 6 мая 2024 года


23. Понедельник Светлой седмицы. Вмч. Георгия Победоносца. Сплошная седмица.

Иверской иконы Божией Матери (службу зри 12 февраля и 13 октября)[1].

Мц. царицы Александры.

Пасхальная служба Триоди совершается в соединении со службой вмч. Георгия Победоносца (по 2-й Марковой главе Типикона под 23 апреля: «Аще ли случится великомученика Георгия во един от дней Светлыя недели»)[2].

Примечание. Всенощного бдения накануне празднования памяти вмч. Георгия Победоносца на Светлой седмице не полагается.

Утреню и вечерню во все дни Пасхальной седмицы в монастырях иерей совершает в мантии, епитрахили (и, по традиции, в поручах), а в приходских храмах – в фелони, епитрахили (и, по традиции, в поручах)[3].

Перед утреней последование пасхальных часов совершается за полунощницу.

Утреня. Предстоятель с Крестом, трисвещником и кадилом полагает начало утрени возгласом: «Слава Святей, и Единосущней, и Животворящей, и Нераздельней Троице...».

Далее – пасхальное начало. Иерей: «Христос воскресе из мертвых...» (трижды), певцы – тот же тропарь (трижды). Стихи пасхального начала в следующем порядке:

1-й стих: «Да воскреснет Бог, и расточатся врази Его, и да бежат от лица Его ненавидящии Его» – тропарь Пасхи: «Христос воскресе из мертвых...».

2-й стих: «Яко исчезает дым, да исчезнут, яко тает воск от лица огня» – тропарь Пасхи: «Христос воскресе из мертвых...».

3-й стих: «Тако да погибнут грешницы от лица Божия, а праведницы да возвеселятся» – тропарь Пасхи: «Христос воскресе из мертвых...».

4-й стих: «Сей день, егоже сотвори Господь, возрадуемся и возвеселимся во-нь» – тропарь Пасхи: «Христос воскресе из мертвых...».

5-й стих: «Слава» – тропарь великомученика, глас 4-й: «Яко пленных свободитель...».

6-й стих: «И ныне» – Богородичен воскресный, глас 2-й: «Вся паче смысла...» (но не по гласу «Славы»)[4].

В завершение иерей или все священнослужители поют: «Христос воскресе из мертвых, смертию смерть поправ». Певцы заканчивают: «И сущим во гробех живот даровав».

Ектения великая. (Шестопсалмие не глаголется, «Бог Господь» не поется, кафизм и седальнов нет.)

Полиелей. Величание великомученика и избранный псалом. Малая ектения. Седален великомученика по полиелее, глас 3-й: «Любовию горящею...». «Слава» – ин седален великомученика по полиелее, глас 4-й: «Возделав прилежно...», «И ныне» – Богородичен Минеи, глас тот же: «Слово Отчее...». Степенна – 1-й антифон 4-го гласа. Прокимен великомученика, глас 4-й: «Праведник, яко финикс, процветет, яко кедр, иже в Ливане, умножится»; стих: «Насаждени в дому Господни, во дворех Бога нашего процветут». Евангелие – Лк., зач. 63. «Воскресение Христово видевше...» (трижды). (Псалом 50-й не глаголется.) «Слава» – «Молитвами страстотерпца...»[5], «И ныне» – «Молитвами Богородицы...». Вместо «Помилуй мя, Боже...» певцы поют припев: «Возвеселится праведник о Господе и уповает на Него»[6], и стихиру великомученика, глас 6-й: «Днесь вселенная вся...». Молитва: «Спаси, Боже, люди Твоя...», «Господи, помилуй» (12). Возглас: «Милостию и щедротами...».

Каноны: Пасхи со ирмосом и Богородичнами на 8 (ирмосы по дважды) и великомученика (два канона) на 6.

Библейские песни не поются.

Примечание. С понедельника пасхальный канон поется с особыми Богородичнами (творение прпп. Феофана и Иосифа). В Цветной Триоди они помещены в последовании Недели жен-мироносиц, а в изданном особой книгой «Последовании во Святую и Великую Неделю Пасхи» печатаются в каноне на ряду в первый день Пасхи. О малых ектениях на каноне в Уставе не упомянуто, потому что с понедельника Пасхи в отношении ектений строй утрени обычный: ектении произносятся только по 3-й, 6-й и 9-й песнях. Катавасия по каждой песни – ирмос канона Пасхи (единожды) и «Христос воскресе...» (трижды; по обычаю, скорым распевом). Каждение, по традиции, на 1-й, 4-й, 7-й и 9-й песнях канона (во всю Светлую седмицу).

Примечание. Припев к тропарям пасхального канона: «Христос воскресе из мертвых», к Богородичнам – «Пресвятая Богородице, спаси нас», к тропарям канона великомученика – «Святый великомучениче Георгие, моли Бога о нас»[7]; к предпоследнему тропарю в песни – «Слава», к последнему – «И ныне».

Катавасия «Воскресения день...».

По 3-й песни – кондак Пасхи, глас 8-й: «Аще и во гроб...», и икос, глас тот же[8].

По 6-й песни – кондак и икос великомученика, глас 4-й. «Воскрес Иисус от Гроба...» (трижды)[9].

Примечание. «Воскресение Христово видевше...» по 6-й песни канона не глаголется.

9-я песнь канона поется в следующем порядке:

Диакон: «Величит душа моя Воскресшаго тридневно от гроба Христа Жизнодавца», 1-й лик: «Светися, светися...»;

2-й лик: «Величит душа моя волею страдавша...», «Светися, светися...»;

1-й лик: «Христос, новая Пасха...», «О, Божественнаго...»;

2-й лик: «Ангел вопияше...», «О, Божественнаго...»;

1-й лик: «Возбудил еси, уснув...», «О, Пасха велия...»;

2-й лик: «Магдалина Мария...», «О, Пасха велия...»;

1-й лик: «Радуйся, Дево...», Богородичен: «Согласно, Дево...»;

2-й лик: «Радуйся, Дево...», Богородичен: «Веселися и радуйся...»;

1-й лик: «Святый великомучениче Георгие, моли Бога о нас», и тропарь великомученика: «Непрестанно Господа моли...»;

2-й лик: «Святый великомучениче Георгие, моли Бога о нас», и тропарь великомученика: «Страданий воздаяния...»;

1-й лик: «Святый великомучениче Георгие, моли Бога о нас», и тропарь великомученика: «Земля тя сокры...»;

Примечание. Богородичен 1-го канона великомученика «Тя свидения сень...» опускается.

2-й лик: «Святый великомучениче Георгие, моли Бога о нас», и тропарь великомученика: «Священнии воспевают...»;

1-й лик: «Святый великомучениче Георгие, моли Бога о нас», и тропарь великомученика: «Воспеша вся...»;

2-й лик: «Радуйся, Дево...», и Богородичен: «От земнородных возрастши...»;

Оба лика вместе: «Величит душа моя Воскресшаго...», «Светися, светися...», и тропарь: «Христос воскресе из мертвых...» (трижды; по обычаю, скорым распевом).

По 9-й песни – ексапостиларий Пасхи: «Плотию уснув...». «Слава» – светилен великомученика (по выбору), «И ныне» – ексапостиларий Пасхи: «Плотию уснув...».

«Всякое дыхание...» и хвалитные псалмы.

На хвалитех стихиры на 6: воскресные (см. в Триоди), глас 2-й – 3, и великомученика, глас тот же – 3; затем стих: «Да воскреснет Бог...», и стихиры Пасхи, глас 5-й (со своими стихами). «Слава» – великомученика, глас 2-й: «Да помавают праведная...», «И ныне» – Пасхи, глас 5-й: «Воскресения день...» – «Христос воскресе из мертвых...» (единожды, как окончание стихиры).

Затем – тропарь «Христос воскресе из мертвых...» (трижды). «Слава» – тропарь великомученика, глас 4-й: «Яко пленных свободитель...», «И ныне» – Богородичен воскресный, глас 2-й: «Вся паче смысла...» (но не по гласу «Славы»)[10]. (Огласительное слово свт. Иоанна Златоуста не читается.)

После тропарей произносится сугубая ектения: «Помилуй нас, Боже...», затем – просительная ектения: «Исполним утреннюю молитву...» (с молитвой главопреклонения).

По возгласе: «Твое бо есть, еже миловати...», диакон: «Премудрость». Певцы: «Благослови». Иерей: «Сый благословен Христос, Бог наш...». Певцы: «Аминь», «Утверди, Боже...». Иерей, держа Крест и, по обычаю, трисвещник, вместо «Слава Тебе, Христе Боже...» поет вместе с сослужащими: «Христос воскресе из мертвых, смертию смерть поправ», а певцы: «И сущим во гробех живот даровав». Предстоятель с Крестом (и, по обычаю, с трисвещником) в руках, обратясь к народу, произносит пасхальный отпуст: «Христос, воскресый из мертвых, смертию смерть поправый и сущим во гробех живот даровавый, Истинный Бог наш...» (с упоминанием имени вмч. Георгия Победоносца). Певцы поют тропарь: «Христос воскресе из мертвых...» (трижды, быстро), и конечное – «И нам дарова живот вечный, покланяемся Его тридневному Воскресению». Поются многолетны.

Часы Пасхи.

Примечание. В «Правиле ко Святому Причащению» (М., 1893) говорится: «Ведомо буди, яко во Светлую седмицу Пасхи вместо вечерних и утренних молитв поются часы Пасхи, вместо же канона Господу Иисусу и Параклисиса Богоматери чтется канон Пасхи с Богородичнами его, прочии же, по днем седмицы, опускаются». Последование ко Святому Причащению и молитвы по Причащении предваряются троекратным чтением тропаря: «Христос воскресе из мертвых...»; псалмы и Трисвятое (с тропарями после него) при этом не читаются.

Входные молитвы перед Литургией в Светлую седмицу принято совершать следующим образом. По обычном начальном возгласе «Благословен Бог наш...» читается «Христос воскресе из мертвых...» (трижды), ипакои и кондак Пасхи. Вместо покаянных тропарей «Помилуй нас, Господи, помилуй нас...» читаются тропари пасхальных часов: «Во гробе плотски...». «Слава» – «Яко Живоносец...», «И ныне» – Богородичен: «Вышняго освященное...». Затем: «Пречистому Образу Твоему покланяемся, Благий...», «Милосердия сущи источник, милости сподоби нас, Богородице...». Молитва: «Господи, ниспосли руку Твою...»; псалом «Вниду в дом Твой...»[11].

На Литургии пасхальное начало (как в первый день Пасхи).

Антифоны Пасхи и прочее, как в первый день.

Входное Пасхи: «В церквах благословите Бога, Господа от источник Израилевых».

Примечание. Перед возглашением входного стиха следует произносить «Премудрость, прости» (см. примечание 6 января).

По входе – тропарь Пасхи, глас 5-й: «Христос воскресе из мертвых...» (трижды), тропарь великомученика, глас 4-й: «Яко пленных свободитель...». «Слава» – кондак великомученика, глас тот же: «Возделан от Бога...», «И ныне» – кондак Пасхи, глас 8-й: «Аще и во гроб...».

Вместо Трисвятого «Елицы во Христа...».

Прокимен и аллилуиарий – дня (понедельника Светлой седмицы) и великомученика.

Апостол и Евангелие – дня (понедельника Светлой седмицы) и великомученика.

Задостойник Пасхи: «Ангел вопияше...» – «Светися, светися...».

Причастен – Пасхи: «Тело Христово...», и великомученика: «В память вечную...».

Окончание Литургии – пасхальное.

Отпуст пасхальный: «Христос, воскресый из мертвых, смертию смерть поправый и сущим во гробех живот даровавый, Истинный Бог наш...» (с упоминанием имени вмч. Георгия Победоносца).

Во всю Пасхальную седмицу после утрени (и 1-го часа) указан в Уставе крестный ход.

Примечание. «Подобает ведати, яко творим исхождение днесь вне монастыря, предносяще хоругви. В руках же держаще святое Евангелие, честный Крест, и иконы, Воскресения Христова, и Пречистыя Богородицы. Поем канон Пасхи с Богородичны, на 8, катавасия, ирмос тойже. По 6-й песни, последи Евангелия[12] глаголем: Воскресение Христово: трижды. Таже, стихира: Воскрес Иисус от гроба: трижды. Таже 7-я, 8-я и 9-я песни: и прочее молебна [на Святую Пасху]» (ср.: Типикон, гл. 50, «В понедельник Светлыя седмицы на утрени», «зри»).

Во многих храмах крестный ход совершается в конце Литургии с пением канона Пасхи и чтением 11-ти воскресных утренних Евангелий (по очереди)[13].

При совершении крестного хода вокруг храма звон полагается только во время шествия, на время остановок звон прекращается.

Если на Пасхальной седмице случится храмовый праздник или местное празднование, то следует совершать службу с полиелеем, как показано в Типиконе под 23 апреля: «Аще ли случится великомученика Георгия во един от дней Светлыя недели», т. е. вечером должна быть одна вечерня без литии, утром – полиелей. Если необходимо совершать накануне таких дней всенощное бдение, то в этом случае следует руководствоваться Марковой главой: «Аще случится Благовещение Пресвятыя Богородицы в понедельник, во вторник или в среду Светлыя недели».

1 Празднование в честь второго обретения списка Иверской иконы Божией Матери внесено в месяцеслов по благословению Святейшего Патриарха Кирилла 27 мая 2012 года и согласно определению Священного Синода Русской Православной Церкви от 6 июня 2012 года.

2 Ср.: Розанов В. Богослужебный Устав Православной Церкви. С. 667–669; Настольная книга священнослужителя. М., 19922. Т. 1. С. 99–100.

3 В некоторых храмах существует практика совершать во всю Светлую седмицу утреню не в алтаре, а на середине храма перед иконой Воскресения Христова.

4 Ср.: Розанов В. Богослужебный Устав Православной Церкви. С. 668.

5 Ср.: Типикон, 23 апреля, 2-я Маркова глава: «Аще ли случится великомученика Георгия во един от дней Светлыя недели».

6 Ср.: Типикон, 23 апреля, 2-я Маркова глава; Минея, 23 апреля, служба вмч. Георгия Победоносца.

7 Ср.: Розанов В. Богослужебный Устав Православной Церкви. С. 668.

8 Расширительно толкуя схематичные указания Устава относительно богослужебных текстов по 3-й песни канона, можно считать допустимым следующий порядок исполнения песнопений: кондак Пасхи, глас 8-й: «Аще и во гроб...», и икос, глас тот же; седален великомученика, глас тот же; «Слава» ин седален великомученика, глас тот же, «И ныне» – ипакои Пасхи, глас 4-й: «Предварившия утро...». (Ср.: Типикон, 23 апреля, 3-я Маркова глава.)

9 «Поем на оба лика» (Типикон, 23 апреля, 2-я Маркова глава).

10 Ср.: Розанов В. Богослужебный Устав Православной Церкви. С. 668.

11 В некоторых храмах вместо псалма «Вниду в дом Твой...» многократно читается тропарь Пасхи.

12 На пасхальном молебне Устав предлагает для чтения Евангелие от Луки (114 зач.) или Евангелие от Матфея (116 зач.). Ср.: Типикон, гл. 50, «Подобает ведати, како поется молебен на Святую Пасху»; Псалтирь следованная, «Во Святую и Великую Неделю Пасхи».

13 См. предыдущую сноску.

Богослужебные указания с сайта Патриархии на каждый день.

⏶ Закрыть богослужебные указания

Вечерня пасхальным чином

Священник перед престолом с кадилом и крестом в руках возглашает: Благослове́н Бог наш, всегда́, ны́не и при́сно и во ве́ки веко́в.

Лик: Аминь.

Священник: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (трижды)

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (трижды)

Священник: Да воскре́снет Бо́г, и расточа́тся врази́ Его́, и да бежа́т от Лица́ Его́ ненави́дящии Его́.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: Я́ко исчеза́ет ды́м, да исче́знут, я́ко та́ет во́ск от лица́ огня́.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: Та́ко да поги́бнут гре́шницы от Лица́ Бо́жия, а пра́ведницы да возвеселя́тся.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: Се́й де́нь его́же сотвори́ Госпо́дь, возра́дуемся и возвесели́мся во́нь.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: Слава Отцу и Сыну и Святому Духу.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: И ныне и присно и во веки веков. Аминь.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (1 раз)

Священник: Христо́с воскре́се из ме́ртвых, сме́ртию сме́рть попра́в.

Лик: И су́щым во гробе́х живо́т дарова́в.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

О Вели́ком Господи́не и отце́ на́шем, Святе́йшем Патриа́рхе Кири́лле, честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

Воскресные стихиры

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 2: Пре́жде ве́к от Отца́ ро́ждшемуся Бо́жию Сло́ву, вопло́щшемуся от Де́вы Мари́и, прииди́те поклони́мся: Кре́ст бо претерпе́в, погребе́нию предаде́ся, я́ко Са́м восхоте́: и воскре́с из ме́ртвых, спасе́ мя заблужда́ющаго челове́ка.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 2: Христо́с Спа́с на́ш, е́же на ны́ рукописа́ние пригвозди́в на Кресте́ загла́ди, и сме́ртную держа́ву упраздни́: покланя́емся Его́ тридне́вному Воскресе́нию.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 2: Со арха́нгелы воспои́м Христо́во Воскресе́ние: То́й бо е́сть Изба́витель и Спа́с ду́ш на́ших, и в сла́ве стра́шней и кре́пцей си́ле, па́ки гряде́т суди́ти ми́ру, его́же созда́.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 4: Я́ко до́бля в му́ченицех,/ страстоте́рпче Гео́ргие,/ соше́дшеся дне́сь, восхва́лим тя,/ я́ко тече́ние соверши́в,/ ве́ру соблю́л еси́/ и прия́т от Бо́га побе́ды твоея́ вене́ц./ Его́же моли́ от тли и бед изба́витися/ ве́рою соверша́ющим/ всечестну́ю па́мять твою́.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 4: Тве́рдым мудрова́нием упова́в,/ самохо́тне дерзну́л еси́,/ я́коже лев, сла́вне, к страда́нию,/ презира́я у́бо те́ло,/ я́ко растле́тися хотя́щее,/ о нетле́нней же души́ му́дре прилежа́л еси́/ и мук многообра́зными ви́ды разже́глся еси́,/ я́ко зла́то очище́но/ седмери́цею, Гео́ргие.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 4: За Спа́са пострада́л еси́/ и, сме́ртию сме́рти во́льне, сла́вне, подо́бяся,/ ца́рствуеши с Ним све́тло,/ порфи́рою от кро́ве оде́ян све́тлою,/ и ски́птром страда́ний твои́х укра́шен,/ и венце́м побе́ды ле́потствуя/ в непроходи́мыя ве́ки,/ великому́чениче Гео́ргие.

Сла́ва Отцу́, и Сы́ну, и Свято́му Ду́ху.

Глас 6: Досто́йно и́мени пожи́л еси́,/ во́ине Гео́ргие:/ Крест бо Христо́в на ра́мо взем,/ от диа́вольския ле́сти олядене́вшую зе́млю до́бре де́лал еси́/ и, терно́вное служе́ние искорени́в и́дольское,/ правосла́вныя ве́ры ло́зу насади́л еси́./ Те́мже то́чиши исцеле́ния во всей вселе́нней ве́рным/ и Тро́ицы де́латель пра́веден показа́лся еси́./ Моли́, мо́лимся, о умире́нии ми́ра/ и спасе́нии душ на́ших.

И ны́не, и при́сно, и во ве́ки веко́в. Ами́нь.

Богородичен, глас 2: Пре́йде сень зако́нная, / благода́ти прише́дши: / я́ко же бо купина́ не сгара́ше, опаля́ема, / та́ко Де́ва родила́ еси́ / и Де́ва пребыла́ еси́. / Вме́сто столпа́ о́гнен наго / пра́ведное возсия́ Со́лнце, / вме́сто Моисе́я / Христо́с, спасе́ние душ на́ших.

В алтаре

во время пения заключительной стихиры совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест Евангелием, возглашает: Прему́дрость, про́сти.
В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен великий

Диакон: Прему́дрость. Во́нмем. Проки́мен велики́й, гла́с 7:

Кто Бог ве́лий, я́ко Бог наш?/ Ты еси́ Бог, творя́й чудеса́.

Лик: Кто Бог ве́лий, я́ко Бог наш?/ Ты еси́ Бог, творя́й чудеса́.

Стих 1: Сказа́л еси́ в лю́дех си́лу Твою́.

Лик: Кто Бог ве́лий, я́ко Бог наш?/ Ты еси́ Бог, творя́й чудеса́.

Стих 2: И рех: ны́не нача́х, сия́ изме́на десни́цы Вы́шняго.

Лик: Кто Бог ве́лий, я́ко Бог наш?/ Ты еси́ Бог, творя́й чудеса́.

Стих 3: Помяну́х дела́ Госпо́дня, я́ко помяну́ от нача́ла чудеса́ Твоя́.

Лик: Кто Бог ве́лий, я́ко Бог наш?/ Ты еси́ Бог, творя́й чудеса́.

Диакон: Кто Бог ве́лий, я́ко Бог наш?

Лик: Ты еси́ Бог, творя́й чудеса́.

Чтение Святого Писания

Мученику

Диакон: Прему́дрость.

Чтец: Проро́чества Иса́иина чте́ние

Диакон: Во́нмем.

Чтец: Та́ко глаго́лет Госпо́дь: вси язы́цы собра́шася вку́пе, и соберу́тся кня́зи от них. Кто возвести́т сия́ в них? Или́ я́же от нача́ла, кто слы́шана сотвори́т вам? Да приведу́т свиде́тели своя́, и оправдя́тся, и да услы́шат, и да реку́т и́стину. Бу́дите Ми свиде́тели, и Аз Свиде́тель, глаго́лет Госпо́дь Бог, и О́трок Его́же избра́х. Да позна́ете, и ве́руете Ми, и разуме́ете, я́ко Аз есмь, пре́жде Мене́ не бысть ин бог и по Мне не бу́дет. Аз есмь Бог, и несть ра́зве Мене́ спаса́яй. Аз возвести́х и спасо́х; уничижи́х, и не бе в вас чу́ждий. Вы Мне свиде́тели, и Аз Госпо́дь Бог, и еще́ от нача́ла Аз есмь, и несть от рук Мои́х избавля́яй. Сотворю́, и кто отврати́т то? Си́це глаго́лет Госпо́дь Бог, избавля́яй вас, Святы́й Изра́илев.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведных ду́ши в руце́ Бо́жией, и не прико́снется их му́ка. Непщева́ни бы́ша во очесе́х безу́мных умре́ти, и вмени́ся озлобле́ние исхо́д их, и е́же от нас ше́ствие сокруше́ние, они же суть в ми́ре. И́бо пред лице́м челове́ческим а́ще и му́ку прии́мут, упова́ние их безсме́ртия испо́лнено. И вма́ле нака́зани бы́вше, вели́кими благоде́тельствовани бу́дут, я́ко Бог искуси́ я́ и обре́те их досто́йны Себе́. Я́ко зла́то в горни́ле, искуси́ их и, я́ко всепло́дие же́ртвенное, прия́т я́. И во вре́мя посеще́ния их возсия́ют и, я́ко и́скры по сте́блию, потеку́т. Су́дят язы́ком, и облада́ют людьми́, и воцари́тся Госпо́дь в них во ве́ки. Наде́ющиися Нань разуме́ют и́стину, и ве́рнии в любви́ пребу́дут Ему́. Я́ко благода́ть и ми́лость в преподо́бных Его́, и посеще́ние во избра́нных Его́.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведник, а́ще пости́гнет сконча́тися, в поко́и бу́дет: ста́рость бо честна́ не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости житие́ нескве́рно. Благоуго́ден Бо́гу быв, возлю́блен бысть, и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше и не разуме́вше, ниже́ положи́вше в помышле́нии таково́е, я́ко благода́ть и ми́лость в преподо́бных Его́ и посеще́ние во избра́нных Его́.

Евангелие

Диакон: И о сподо́битися нам слы́шанию свята́го Ева́нгелия Го́спода Бо́га мо́лим.

Лик: Го́споди, поми́луй (трижды).

Диакон: Прему́дрость, про́сти! Услы́шим свята́го Ева́нгелия.

Священник: Мир всем.

Лик: И ду́хови твоему́.

Священник: От Иоа́нна свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Диакон: Во́нмем.

Евангелие от Иоанна, зачало 65.

Сущу позде в день той во едину от суббот, и дверем затворенным, идеже бяху ученицы Его собрани, страха ради Иудейска, прииде Иисус и ста посреде и глагола им: мир вам. И сие рек, показа им руце и нозе и ребра Своя. Возрадовашася убо ученицы, видевше Господа. Рече же им Иисус паки: мир вам, якоже посла Мя Отец, и Аз посылаю вы. И сие рек, дуну и глагола им: приимите Дух Свят, имже отпустите грехи, отпустятся им, и имже держите, держатся. Фома же, един от обоюнадесяте, глаголемыи Близнец, не бе ту с ними, егда прииде Иисус. Глаголаху же ему друзии ученицы: видехом Господа. Он же рече им: аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры.

Лик: Сла́ва Тебе́, Го́споди, сла́ва Тебе́.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Еще молимся о Вели́ком Господи́не и отце́ на́шем, Святе́йшем Патриа́рхе Кири́лле, и о всей во Христе братии нашей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́).

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 2: Воскресе́ние Твое́, Христе́ Спа́се, всю́ просвети́ вселе́нную и призва́л еси́ Твое́ созда́ние: всеси́льне Го́споди, сла́ва Тебе́.

Стих: Да воскре́снет Бог, и расточа́тся врази́ Его́.

Глас 5: Па́сха свяще́нная нам днесь показа́ся, Па́сха но́ва свята́я, Па́сха та́инственная, Па́сха всечестна́я. Па́сха Христо́с Изба́витель, Па́сха непоро́чная, Па́сха вели́кая, Па́сха ве́рных. Па́сха две́ри ра́йския нам отверза́ющая. Па́сха всех освяща́ющая ве́рных.

Стих: Я́ко исчеза́ет дым, да исче́знут.

Глас 5: Прииди́те от виде́ния жены́ благове́стницы, и Сио́ну рцы́те: приими́ от нас ра́дости благове́щения, Воскресе́ния Христо́ва: красу́йся, лику́й и ра́дуйся, Иерусали́ме, Царя́ Христа́ узре́в из гро́ба, я́ко жениха́ происходя́ща.

Стих: Та́ко да поги́бнут гре́шницы от Лица́ Бо́жия, а пра́ведницы да возвеселя́тся.

Глас 5: Мироно́сицы жены́, у́тру глубоку́, предста́вша гро́бу Живода́вца, обрето́ша А́нгела на ка́мени седя́ща, и той провеща́в им, си́це глаго́лаше: что и́щете Жива́го с ме́ртвыми? что пла́чете Нетле́ннаго во тли? Ше́дше, пропове́дите ученико́м Его́.

Стих: Сей день, его́же сотвори Госпо́дь, возра́дуемся и возвесели́мся в онь.

Глас 5: Па́сха кра́сная, Па́сха, Госпо́дня Па́сха! Па́сха всечестна́я нам возсия́. Па́сха, ра́достию друг дру́га обы́мем. О Па́сха! Избавле́ние ско́рби, и́бо из гро́ба днесь, я́ко от черто́га возсия́в Христо́с, жены́ ра́дости испо́лни, глаго́ля: пропове́дите апо́столом.

Сла́ва Отцу́, и Сы́ну, и Свято́му Ду́ху.

Глас 4: Разу́мнаго адама́нта терпе́ние,/ бра́тие, духо́вно восхва́лим,/ Гео́ргия, сла́внаго му́ченика,/ его́же, за Христа́ разжига́ема,/ кова́ху беды́, и изостри́ша му́ки,/ и разли́чная муче́ния изнури́ша те́ло, естество́м тле́нно,/ побежда́ше бо жела́ние естество́,/ сме́ртию понужда́я рачи́теля/ прейти́ к жела́емому Христу́ Бо́гу/ и Спа́су душ на́ших.

И ны́не, и при́сно, и во ве́ки веко́в. Ами́нь.

Глас 5: Воскресе́ния день, и просвети́мся торжество́м, и друг дру́га обы́мем. Рцем бра́тие, и ненави́дящим нас, прости́м вся Воскресе́нием, и та́ко возопии́м: Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (трижды)

Сла́ва Отцу́, и Сы́ну, и Свято́му Ду́ху.

Глас 4: Я́ко пле́нных свободи́тель/ и ни́щих защи́титель,/ немощству́ющих врач,/ царе́й побо́рниче,/ победоно́сче великому́чениче Гео́ргие,// моли́ Христа́ Бо́га спасти́ся душа́м на́шим.

И ны́не, и при́сно, и во ве́ки веко́в. Ами́нь.

Богородичен, глас 2: Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим.

Диакон: Прему́дрость.

Лик: Благослови́.

Священник: Сый благослове́н Христо́с, Бог наш, всегда́, ны́не и при́сно, и во ве́ки веко́в.

Лик: Ами́нь. Утверди́, Бо́же, святу́ю правосла́вную ве́ру, правосла́вных христиа́н во ве́к ве́ка.

Священник: Христо́с воскре́се из ме́ртвых, сме́ртию сме́рть попра́в.

Лик: И су́щым во гробе́х живо́т дарова́в.

Священник: Христо́с Воскресы́й из ме́ртвых, сме́ртию смерть попра́вый, и су́щим во гробе́х живо́т дарова́вый, И́стинный Бог наш, моли́твами Пречи́стыя Своея́ Ма́тере, св. вмч. Гео́ргия Победоносца, и всех святы́х, поми́лует и спасе́т нас, я́ко Благ и Человеколю́бец.

Священник: Христос воскресе! (3 раза)

Народ: Воистину воскресе!  (3 раза)

Лик: Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (трижды)

И на́м дарова́ живо́т ве́чный, покланя́емся его́ тридне́вному воскресе́нию.

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.

  • 2.9 млн. 201