Богослужения сегодня - тексты на каждый день

мчч. Севастиа́на Медиоланскаго и дружины его: Никостра́та казнохранителя, жены его Зо́и, Касто́рия, Транквилли́на, пресвитера, и сынов его Маркелли́на и Марка, диаконов, Кла́вдия, начальника над тюрьмами, сына его Симфориа́на, брата Виктори́на, Тиву́ртия и Ка́стула (ок. 287)

Понедельник, 31 декабря 2018 г.

(18 декабря ст.ст.)

Седмица 32-я по Пятидесятнице

Глас 6, Горячая пища без масла

мчч. Севастиа́на Медиоланскаго и дружины его: Никостра́та казнохранителя, жены его Зо́и, Касто́рия, Транквилли́на, пресвитера, и сынов его Маркелли́на и Марка, диаконов, Кла́вдия, начальника над тюрьмами, сына его Симфориа́на, брата Виктори́на, Тиву́ртия и Ка́стула (ок. 287) .

прп. Севастиа́на Сохотского, Пошехонского (ок. 1500) . Прославление прав. Симео́на Верхотурского (Меркушинского) (1694) . свт. Моде́ста, патриарха Иерусалимского (633-634) . прп. Флора Амийского, епископа (VII) . прп. Михаила Сингелла, исп. (ок. 845) . прп. Даниила Пустынника, иеросхимонаха (Румын.) .

мч. Ви́ктора Матвеева (1937) . сщмчч. Фадде́я (Успенского), архиепископа Тверского и Кашинского, Николая (Клементьева), Великоустюжского, архиепископа, Илии́ Бенеманского, Иоа́нна Миронского, Влади́мира Преображенского и Николая Кобранова, пресвитеров (1937) . сщмч. Се́ргия Астахова, диакона и мц. Веры Трукс (1942) .

Литургия свт. Иоанна Златоуста.

рядовое: Лит.: Ап.- Иак.2:14-26 Ев.- Мк.9:42-10:1

прав.: Лит.: Ап.- Гал.5:22-6:2 Ев.- Лк.6:17-23

Тропари, кондаки, молитвы и величания

Тропари и кондаки дня

Тропарь небесных чинов Бесплотных, глас 4

Небесных воинств Архистратизи,/ молим вас присно мы недостойнии,/ да вашими молитвами оградите нас/ кровом крил невещественныя вашея славы,/ сохраняюще нас, припадающих прилежно и вопиющих:/ от бед избавите нас,// яко чиноначальницы вышних Сил.

Кондак небесным чинам Бесплотным, глас 2

Архистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.

мученикам Севастиану Медиоланскому и дружине его

Тропарь мученикам Севастиану Медиоланскому и дружине его, глас 4

Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.

Кондак мученикам Севастиану Медиоланскому и дружине его, глас 2

Свети́льницы све́тлии я́вльшеся,/ Боже́ственнии му́ченицы,/ тварь всю све́тлостию чуде́с озаря́ете,/ неду́ги разреша́юще,/ и глубо́кую тьму всегда́ отгоня́юще,// Христу́ Бо́гу моля́щеся непреста́нно о всех нас.

преподобному Севастиану Сохотскому, Пошехонскому

Тропарь преподобному Севастиану Сохотскому, Пошехонскому , глас 4

Удали́вся ми́ра и водвори́вся в пусты́ни,/ до́брым по́двигом подвиза́ся,/ злострада́нием, и внима́нием, и моли́твами,/ отню́дуже и по сме́рти источа́еши исцеле́ния,/ Севастиа́не о́тче наш,/ моли́ Христа́ Бо́га// спасти́ся душа́м на́шим.

Кондак преподобному Севастиану Сохотскому, Пошехонскому , глас 3

Сия́нием Ду́ха Пресвята́го, му́дре Севастиа́не, просве́щся,/ оста́вил еси́ я́же в житии́ молвы́,/ пусты́ню же дости́гл, преподо́бне о́тче,/ возвесели́л еси́ и́же над все́ми Бо́га и Зижди́теля.// Сего́ ра́ди прославля́ет тя Христо́с, блаже́нне, Вели́кий Дарода́тель.

праведному Симеону Верхотурскому, на прославление

Тропарь праведному Симеону Верхотурскому, на прославление, глас 4

Мирска́го мяте́жа бе́гая, все жела́ние обрати́л еси́ к Бо́гу,/ да в виде́ния восхо́д обря́щеши горе́,/ отню́дуже не уклони́вся в лука́вствия се́рдца,/ но очи́стив ду́шу и те́ло,/ прия́л еси́ благода́ть точи́ти цельбы́ ве́рным и неве́рным,/ притека́ющим к тебе́, пра́ведный Симео́не./ Те́мже, по да́нному ти да́ру,/ испроси́ у Христа́ Бо́га исцеле́ние нам, боля́щим душе́вными страстьми́,// и моли́ спасти́ ду́ши на́ша.

Кондак праведному Симеону Верхотурскому, на прославление, глас 2

Ми́ра су́етнаго отве́рглся еси́,/ да бла́га ве́чныя жи́зни насле́диши,/ возлюби́в незло́бие и чистоту́ души́ и те́ла./ Сниска́л еси́, е́же возлюби́л,/ свиде́тельствуют бо о сем гроб и нетле́ние моще́й твои́х,/ и благода́ть чудотворе́ния наипа́че./ То́чиши бо цельбы́ всем притекаю́щим к тебе́ и непросвеще́нным,/ Симео́не блаже́нне,// чудотво́рче преди́вный.

Молитва праведному Симеону Верхотурскому

О, святы́й и пра́ведный Симео́не, чи́стою душе́ю твое́ю в Небе́сных оби́телех в ли́це святы́х водворя́яйся, на земли́ же с на́ми неотсту́пно пребыва́яй! По да́нней ти благода́ти от Го́спода моли́тися о нас, ми́лостивно при́зри на нас многогре́шных, а́ще и недосто́йне, оба́че с ве́рою и упова́нием к тебе́ притека́ющих, и испроси́ нам от Бо́га проще́ние согреше́ний на́ших, в ня́же впада́ем мно́жицею во вся дни жития́ на́шего. И я́коже пре́жде о́вым у́бо, от о́чныя зе́льныя боле́зни ни ма́ло зре́ти могу́щим исцеле́ние оче́с, о́вым же близ сме́рти бы́вшим от лю́тых неду́гов врачева́ние, и ины́м ина́я мно́гая пресла́вная благодея́ния дарова́л еси́: си́це изба́ви и нас от неду́гов душе́вных и теле́сных и от вся́кия ско́рби и печа́ли, и вся блага́я к настоя́щему житию́ на́шему и к ве́чному спасе́нию благопотре́бная нам от Го́спода испроси́, да та́ко твои́м предста́тельством и моли́твами стяжа́вше вся нам поле́зная, а́ще и недосто́йнии, благода́рне восхваля́юще тя, просла́вим Бо́га, ди́внаго во святы́х Свои́х, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

святителю Модесту, патриарху Иерусалимскому

Тропарь святителю Модесту, патриарху Иерусалимскому, глас 4

Преподо́бно пожи́в, богому́дре Моде́сте,/ и святи́тельскою оде́ждою украше́н,/ па́стырю Иерусали́ма блаже́ннейший,/ в весе́лии ны́не Христу́ предстои́ши/ и концы́ озаря́еши чудесы́,/ помо́щник у́бо бу́ди тя призыва́ющим,// моля́ся, о́тче, о всех нас.

Кондак святителю Модесту, патриарху Иерусалимскому, глас 3

Све́тлых по́двигов твои́х тве́рдость/ и сострада́ния ко всем бога́тство ви́дя,/ Всеблаги́й Подвигополо́жник Бог/ бога́тых дарова́ний Свои́х сподо́би тя, Моде́сте,/ сла́вный иера́рше и чудотво́рче./ Тем, моля́щеся тебе́, вопие́м:/ свобожда́й нас от лю́тых обстоя́ний// и неду́гом на́шим пода́ждь исцеле́ние.

священномученику Фаддею, архиепископу Тверскому и Кашинскому

Тропарь священномученику Фаддею, архиепископу Тверскому и Кашинскому, глас 1

Хвала́ Бо́гу и же́ртва жива́я/ житие́ твое́, священному́чениче Фадде́е, яви́ся./ Посто́м, бде́нием и моли́твою Небе́сная дарова́ния прии́м,/ мно́гим до́брый помо́щник и уте́шитель бысть./ Па́стырскою му́дростию и ти́хостию нра́ва укра́шен,/ лука́вства враго́в Христо́вых препобеди́л еси́./ Сла́ва Да́вшему тебе́ во страда́ниих кре́пость,/ сла́ва, я́ко му́ченика, Венча́вшему тя,// сла́ва Де́йствующему тобо́ю всем исцеле́ния.

Кондак священномученику Фаддею, архиепископу Тверскому и Кашинскому, глас 4

Ду́ха небоя́зни, си́лы, любве́ и упова́ния/ даде́ Пастыренача́льник ти, святи́телю Фадде́е,/ во страда́нии бо твое́м благодаре́ние Бо́гу воздава́л еси́/ и в гоне́ниих стра́ждущия утеша́л еси́, глаго́ля:// не уныва́йте, Христо́с бо с на́ми есть.

Молитва священномученику Фаддею, архиепископу Тверскому и Кашинскому

О, вели́кий и пресла́вный уго́дниче Христо́в, священному́чениче Фадде́е! Свети́льниче пресве́тлый, на све́щнице Це́ркви Правосла́вныя возже́нный, сосу́де чистоты́ и избра́нное селе́ние Ду́ха Свята́го! Мо́лим у́бо тя́: сохрани́ под кро́вом моли́твенных кри́л твои́х Правосла́вное Оте́чество на́ше и па́ству, ю́же собра́л еси́, да не закосне́ем в окамене́нии серде́ц и нераде́нии о спасе́нии на́шем. О, па́стырю до́брый и бли́жний дру́же Христо́в! Сподо́би и на́с, путе́м покая́ния ше́ствуя, возлюби́ти Бо́га все́м се́рдцем и помышле́нием на́шим и бли́жняго я́ко себе́, и та́ко по нело́жному сло́ву апо́стола: прибли́житеся Го́споду, и прибли́жится ва́м, — сподо́битися вожделе́нных селе́ний ра́йских, иде́же ты́ с ли́ки святы́х пребыва́еши, прославля́я в Тро́ице сла́вимаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Богослужебные указания ► Типикон, 18 декабря ► Октоих. Глас 6, Пн ► Минея, 18 декабря ►

Даты ограничены диапазоном 2023-10-01 - 2024-06-13.

Начало богослужебного дня в 16:00.