Вознесе́ние Го́спода Бо́га и Спа́са на́шего Иису́са Христа́

Четверг, 13 июня 2024 г.

(31 мая ст.ст.)

Седмица 6-я по Пасхе

Глас 5, Поста нет

Вознесе́ние Го́спода Бо́га и Спа́са на́шего Иису́са Христа́. ап. от 70-ти Е́рма (I). мч. Е́рмия Команскаго (II).

Мучеников, в долине Ферейдан (Иран) от персов пострадавших (XVII) (Груз.) (переходящее празднование в день Вознесения Господня). мч. Филосо́фа Александрийского (III).

сщмч. Филосо́фа Орнатского, пресвитера, и сыновей его мчч. Бори́са и Николая (1918).

Литургия свт. Иоанна Златоуста.

Утр.: Мк.16:9-20 Лит.: Ап.- Деян.1:1-12 Ев.- Лк.24:36-53

Тропари, кондаки, молитвы и величания

Вознесению Господню

Тропарь Вознесению Господню, глас 4

Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.

Кондак Вознесению Господню, глас 6

Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми и никто́же на вы.

Величание Вознесению Господню

Велича́ем Тя,/ Живода́вче Христе́,/ и почита́ем е́же на Небеса́/ с пречи́стою Твое́ю Пло́тию// Боже́ственное вознесе́ние.

Молитва Вознесению Господню

Го́споди Иису́се Христе́, Бо́же наш, соше́дый с Небе́сных высо́т спасе́ния на́шего ра́ди и напита́вый нас духо́вною ра́достию во святы́я и пресве́тлыя дни Воскресе́ния Твоего́, и па́ки по соверше́нии земна́го служе́ния Твоего́ вознесы́йся от нас на не́бо со сла́вою и возседы́й одесну́ю Бо́га и Отца́! В сей “я́сный и всесве́тлый день Боже́ственнаго на небеса́ восхожде́ния” Твоего́ “земля́ пра́зднует и лику́ет, ра́дуется и не́бо Вознесе́нием днесь Творца́ тва́ри”, челове́цы славосло́вят непреста́нно, зря́ще заблу́ждшее и па́дшее естество́ свое́ на ра́мо Твое́, Спа́се, взе́млемо и на небеса́ вознесе́нное, А́нгели же веселя́тся, глаго́люще: Кто Сей, прише́дый во сла́ве, си́лен во бра́ни. Сей вои́стину Царь Сла́вы?! Сподо́би и нам немощны́м, земна́я еще́ му́дрствующим и плотоуго́дия твори́ти непрестаю́щим, восхо́д Твой на не́бо стра́шный помышля́ющи и пра́зднующе, плотска́я и жите́йская отложи́ти попече́ния и со Апо́столы Твои́ми на не́бо ны́не взира́ти всем се́рдцем свои́м и все́ми помышле́ньми свои́ми, помина́юще, я́ко та́мо на небеси́ горе́ жи́тельство на́ше есть, здесь же на земли́ мы то́чию стра́нники и прише́льцы есмы́, отше́дшия из до́ма О́тча в страну́ дале́чу греха́. Сего́ ра́ди усе́рдно про́сим Тя, пресла́вным Вознесе́нием Твои́м, Го́споди, оживи́ на́шу со́весть, ея́же ну́жнейши ничто́же есть в ми́ре, возведи́ нас из пле́на сего́ грехо́внаго пло́ти и ми́ра и сотвори́ нас го́рняя му́дрствовати, а не земна́я, я́ко да не ктому́ себе́ угожда́ти бу́дем и жи́ти, но Тебе́ Го́споду и Бо́гу на́шему служи́ти бу́дем и порабо́таем, до́ндеже отреши́вшеся от уз пло́ти и проше́дши невозбра́нно возду́шныя мыта́рства, дости́гнем Небе́сных оби́телей Твои́х, иде́же, ста́вше одесну́ю Вели́чествия Твоего́, со Арха́нгелы и А́нгелы и все́ми святы́ми прославля́ти бу́дем Всесвято́е и́мя Твое́ со Безнача́льным Твои́м Отце́м и Пресвяты́м и Единосу́щным и Животворя́щим Твои́м Ду́хом, ны́не и при́сно и во ве́ки веко́в. Ами́нь.

мученику Ермию Команскому

Тропарь мученику Ермию Команскому, глас 4

Му́ченик Твой, Го́споди, Ерме́й/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.

Кондак мученику Ермию Команскому, глас 6

И́же по Христе́ усе́рдно подвиза́вся,/ в седи́нах до́блих му́жество стяжа́, му́чениче Ерме́е,/ беззако́нных злоумышле́ния попра́в Христо́вою си́лою,/ от чаро́вных напое́ний невреди́м пребы́сть, зовы́й:// Бог есть со мно́ю, и никто́же на мя.

Богослужебные указания ► Типикон, 31 мая ► Октоих. Глас 5, Чт ► Цветная триодь. 6 седмица, Чт ► Минея, 31 мая ►

Начало богослужебного дня в 16:00.

Выберите настройки для вашего храма в Личном кабинете.

Богослужебные указания

Богослужебные указания за 13 июня 2024 года

31. Четверг 6-й седмицы по Пасхе. Вознесение Господне.

Мч. Ермея^[1].

Ап. Ермия.

Бденная служба праздника Вознесения Господня совершается по Триоди.

Примечание. «Службу Минеи рядоваго святаго [мч. Ермея – Сост.], случившагося в праздник Вознесения, поем на повечерии [в четверток вечера Вознесения]» (Типикон, гл. 50, «В четверток вечера, Вознесения», «зри»).

Накануне совершается всенощное бдение, предваряемое 9-м часом и малой вечерней. На 9-м часе после возгласа «Благословен Бог наш...» читается Трисвятое (такое начало 9-го и 3-го часа – до праздника Святой Троицы^[2]).

На великой вечерне кафизмы нет («Блажен муж» не поется).

На «Господи, воззвах» стихиры праздника, глас 6-й – 10 (каждая стихира – дважды). «Слава, и ныне» – праздника, глас тот же: «Недр Отеческих...».

Вход. Прокимен дня. Паримии праздника – 3.

На литии стихиры праздника, глас 1-й и глас 4-й. «Слава, и ныне» – праздника, глас 4-й: «Господи, таинство...».

На стиховне стихиры праздника, глас 2-й (со своими припевами). «Слава, и ныне» – праздника, глас 6-й: «Взыде Бог...».

По Трисвятом – тропарь праздника, глас 4-й: «Вознеслся еси во славе...» (трижды).

На утрене на «Бог Господь» – тропарь праздника, глас 4-й: «Вознеслся еси во славе...» (дважды). «Слава, и ныне» – тот же тропарь.

Кафизмы 13-я и 14-я. Малые ектении.

По 1-м стихословии – седален праздника, глас 1-й: «Ангелом дивящимся...». «Слава, и ныне» – тот же седален.

По 2-м стихословии – седален праздника, глас 3-й: «Превечный Бог...». «Слава, и ныне» – тот же седален.

Полиелей. Величание праздника: «Величаем Тя, Живодавче Христе, и почитаем еже на Небеса с Пречистою Твоею Плотию Божественное вознесение», и избранный псалом. Седален праздника по полиелее, глас 5-й: «Сошедый с Небесе...». «Слава, и ныне» – тот же седален. Степенна – 1-й антифон 4-го гласа. Прокимен праздника, глас 4-й: «Взыде Бог в воскликновении, Господь во гласе трубне»; стих: «Вси языцы восплещите руками, воскликните Богу гласом радования». Евангелие – праздника (Мк., зач. 71). «Воскресение Христово видевше...» (единожды)^[3]. По 50-м псалме: «Слава» – «Молитвами апостолов...». Стихира праздника, глас 6-й: «Днесь на Небесех...».

Каноны: праздника 1-й (глас 5-й), со ирмосом на 8 (ирмосы по дважды), и праздника 2-й (глас 4-й), со ирмосом на 6 (ирмосы по дважды).

Библейские песни «Поем Господеви...».

Катавасия Пятидесятницы: «Божественным покровен...».

По 3-й песни – седален праздника, глас 8-й: «Всед на облаки...». «Слава, и ныне» – тот же седален.

По 6-й песни – кондак праздника, глас 6-й: «Еже о нас исполнив смотрение...», и икос, глас тот же: «Яже земли на земли оставившии...».

На 9-й песни «Честнейшую» не поем, но поем припевы праздника. Первый припев: «Величай, душе моя, вознесшагося от земли на Небо, Христа Жизнодавца»^[4]. (Совершается обычное каждение.)

По 9-й песни «Достойно есть» не поется. Светилен праздника (трижды).

«Всякое дыхание...» и хвалитные псалмы.

На хвалитех стихиры праздника, глас 1-й – 4 (первая стихира – дважды). «Слава, и ныне» – праздника, глас 2-й: «Родился еси...».

Великое славословие. По Трисвятом – тропарь праздника, глас 4-й: «Вознеслся еси во славе...» (единожды). Ектении, и отпуст: «Иже во славе вознесыйся от нас на Небо и одесную седый Бога и Отца, Христос, Истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец».

На часах – тропарь и кондак праздника.

На Литургии антифоны праздника.

Входный стих праздника: «Взыде Бог в воскликновении, Господь во гласе трубне».

Примечание. Перед возглашением входного стиха следует произносить «Премудрость, прости» (см. примечание 6 января).

По входе – тропарь праздника. «Слава, и ныне» – кондак праздника.

Поется Трисвятое.

Прокимен, глас 7-й: «Вознесися на Небеса, Боже, и по всей земли слава Твоя»; стих: «Готово сердце мое, Боже...».

Апостол – Деян., зач. 1.

Аллилуиарий, глас 2-й: «Взыде Бог в воскликновении, Господь во гласе трубне»; стих: «Вси языцы восплещите руками...».

Евангелие – Лк., зач. 114.

Задостойник праздника – припев и ирмос 9-й песни канона праздника: «Тя паче ума...» (и до отдания).

Причастен праздника: «Взыде Бог в воскликновении, Господь во гласе трубне».

Вместо «Видехом Свет Истинный...» в период от Вознесения до отдания его, по традиции, поется тропарь Вознесения. Отпуст праздника (см. на утрене).

Примечание. «На трапезе велие утешение братии» (Типикон, гл. 50, «В четверток 6-я седмицы по Пасце...»).

С 1 июня по 7 июня – попразднство Вознесения Господня.

8 июня – отдание праздника Вознесения Господня.

¹ Имена указаны по Типикону.

² Это относится и к прочим службам, начинающимся обычным началом.

³ По традиции, Евангелие уносится в алтарь; помазание елеем совершается у иконы праздника.

⁴ По традиции, 1-й припев запевает священник или диакон.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

“Господи, воззвах”
Вечерний вход
Паремии
“Сподоби, Господи”
Лития
Стихиры на стиховне
Тропари
Отпуст

Диакон: Воста́ните!

Лик: Го́споди, благослови́!

Священник, изображая кадилом крест перед престолом: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

Лик: Ами́нь.

Священнослужители в алтаре:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Прииди́те, поклони́мся и припаде́м Ему́.

В алтаре

Затем совершается полное каждение храма при пении избранных стихов предначинательного псалма 103. По Уставу после каждения при пении 2-й половины 103 псалма священник, стоя с непокрытой головой перед Царскими вратами, должен читать светильничные молитвы. На практике, однако, молитвы читаются во время мирной ектении, а при служении одним священником без диакона — опускаются

Лик: Благослови́, душе́ моя́, Го́спода. Благослове́н еси́, Го́споди. Го́споди, Бо́же мой, возвели́чился еси́ зело́. Благослове́н еси́, Го́споди. Во испове́дание и в велеле́поту обле́клся еси́. Благослове́н еси́, Го́споди. Посреде́ гор про́йдут во́ды. Ди́вна дела́ Твоя́, Го́споди. Вся прему́дростию сотвори́л еси́. Сла́ва Ти, Го́споди, сотвори́вшему вся.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды).

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Вознесе́ние Го́спода Бо́га и Спа́са на́шего Иису́са Христа́ на 10 Глас 6: Госпо́дь вознесе́ся на небеса́, да по́слет Уте́шителя ми́ру: небеса́ угото́ваша престо́л Его́, о́блацы восхожде́ние Его́. А́нгели дивя́тся, Челове́ка зря́ще превы́ше себе́. Оте́ц жде́т, Его́же в не́драх и́мать Соприсносу́щна: Ду́х же Святы́й вели́т все́м а́нгелом Его́: возми́те врата́ кня́зи ва́шя, вси́ язы́цы восплещи́те рука́ми, я́ко взы́де Христо́с, иде́же бе́ пе́рвее. (Дважды)

Сти́х: Мене́ ждут пра́ведницы / до́ндеже возда́си Мне.

Глас 6: Госпо́дь вознесе́ся на небеса́, да по́слет Уте́шителя ми́ру: небеса́ угото́ваша престо́л Его́, о́блацы восхожде́ние Его́. А́нгели дивя́тся, Челове́ка зря́ще превы́ше себе́. Оте́ц жде́т, Его́же в не́драх и́мать Соприсносу́щна: Ду́х же Святы́й вели́т все́м а́нгелом Его́: возми́те врата́ кня́зи ва́шя, вси́ язы́цы восплещи́те рука́ми, я́ко взы́де Христо́с, иде́же бе́ пе́рвее. (Дважды)

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 6: Го́споди, Твоему́ Вознесе́нию удиви́шася херуви́ми, зря́ще Тебе́ Бо́га на о́блацех восходя́ща, на ни́х седя́щаго и сла́вим Тя́, я́ко бла́га ми́лость Твоя́, сла́ва Тебе́. (Дважды)

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 6: На гора́х святы́х зря́ще Твое́ Вознесе́ние Христе́, Сия́ние сла́вы О́тчи, воспева́ем Тво́й светообра́зный лица́ зра́к, кла́няемся Страсте́м Твои́м, почита́ем Воскресе́ние, сла́вное Вознесе́ние сла́вяще: поми́луй на́с. (Дважды)

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 6: Го́споди, апо́столи я́ко ви́деша Тя́, на о́блацех возноси́ма, рыда́нием сле́з, Жизнода́вче Христе́, ско́рби исполня́еми, рыда́юще глаго́лаху: Влады́ко, не оста́ви на́с си́рых, за милосе́рдие возлюби́л еси́ рабы́ Твоя́, я́ко Благоутро́бен: но посли́ я́коже обеща́л еси́ на́м, Пресвята́го Твоего́ Ду́ха, просвеща́юща ду́шы на́шя.(Дважды)

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 6: Го́споди, смотре́ния соверши́в та́инство, пои́м Твоя́ ученики́ на го́ру Елео́нскую, возноси́лся еси́, и се́ тве́рдь небе́сную проше́л еси́, мене́ ра́ди Обнища́вый по мне́ и возше́д отону́дуже не разлучи́лся еси́, Всесвята́го Твоего́ Ду́ха низпосли́, просвеща́юща ду́шы на́шя. (Дважды)

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 6: Не́др Оте́ческих не разлу́чся, Сладча́йший Иису́се, и с земны́ми я́ко Челове́к пожи́в, дне́сь от горы́ Елео́нския Возне́слся еси́ во сла́ве, и па́дшее естество́ на́ше ми́лостивно Возне́с, Отцу́ спосади́л еси́. Те́мже небе́снии безпло́тных чи́нове, чудеси́ удивля́ющеся, ужаса́хуся у́жасом, и тре́петом содержи́ми, Твое́ человеколю́бие велича́ху. С ни́миже и мы́ земни́и, е́же к на́м Твое́ снизхожде́ние, и е́же от на́с Вознесе́ние славосло́вяще, мо́лимся глаго́люще: ученики́, и Ро́ждшую Тя́ Богоро́дицу, ра́дости безчи́сленныя Испо́лнивый во Твое́ Вознесе́ние, и на́с сподо́би избра́нных Твои́х ра́дости, моли́твами и́х, вели́кия ра́ди Твоея́ ми́лости.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В среду вечера, глас 5:

Диакон: Прему́дрость. Во́нмем. Проки́мен, глас 5.

Бо́же, во и́мя Твое́ спаси́ мя, / и в си́ле Твое́й суди́ ми.

Лик: Бо́же, во и́мя Твое́ спаси́ мя, / и в си́ле Твое́й суди́ ми.

Диакон: Бо́же, услы́ши моли́тву мою́, внуши́ глаго́лы уст мои́х.

Лик: Бо́же, во и́мя Твое́ спаси́ мя, / и в си́ле Твое́й суди́ ми.

Диакон: Бо́же, во и́мя Твое́ спаси́ мя

Лик: И в си́ле Твое́й суди́ ми.

Чтение Святого Писания

Вознесение Господне

Диакон: Прему́дрость.

Чтец: Проро́чества Иса́иина чте́ние.

Диакон: Во́нмем.

Чтец: Та́ко глаго́лет Госпо́дь: бу́дет в после́дняя дни явле́на гора́ Госпо́дня, и дом Бо́жий на версе́х гор, и вознесе́тся превы́ше холмо́в, и прии́дут на ню вси язы́цы. И по́йдут лю́дие мно́зи, и реку́т: прииди́те взы́дем на го́ру Госпо́дню, и в дом Бо́га Иа́ковля, и возвести́т нам путь Свой, и по́йдем по нему́.

Диакон: Прему́дрость.

Чтец: Проро́чества Иса́иина чте́ние.

Диакон: Во́нмем.

Чтец: Та́ко глаго́лет Госпо́дь: поиди́те и вни́дите враты́ Мои́ми, угото́вите путь Мой, и путь твори́те лю́дем Мои́м, и ка́мения от пути́ размещи́те, вознеси́те зна́мение на язы́ки. Се бо Госпо́дь сотвори́ слы́шано да́же до после́дних земли́: рцы́те дще́ри Сио́нове, се Спаси́тель твой прихо́дит, име́я с Собо́ю мзду, и де́ло Его́ пред лице́м Его́. И прозове́т я́ лю́ди свя́ты, изба́влены от Го́спода: ты же нарече́шися взы́сканный град, и не оста́вленный. Кто Сей прише́дый из Едо́ма, оброще́ние риз Его́ от Восо́ра? Сей красе́н во оде́жди Свое́й, вопие́т с кре́постию ве́лиею: Аз глаго́лю пра́вду, и суд спасе́ния. Почто́ ти оброще́ны ри́зы, и оде́жды твоя́ я́ко от истопта́ния точи́ла испо́лнены истопта́ния? Точи́ло истопта́х еди́н, и от язы́к несть муж со Мно́ю. Ми́лость Госпо́дню помяну́х, доброде́тели Госпо́дни во всех, и́миже нам воздава́ет. Госпо́дь, судия́ благи́й до́му Изра́илеву, нано́сит нам по ми́лости Свое́й, и по мно́жеству пра́вды Своея́. И рече́: не лю́дие ли Мои́; ча́да не отве́ргут ли ся? И бысть им во спасе́ние от вся́кия ско́рби их. Не хода́тай, ниже́ А́нгел, но Сам Госпо́дь спасе́ их: за е́же люби́ти их, и щаде́ти их, Сам изба́ви их, и восприя́т их, и вознесе́ их во вся дни ве́ка.

Диакон: Прему́дрость.

Чтец: Проро́чества Заха́риина чте́ние.

Диакон: Во́нмем.

Чтец: Та́ко глаго́лет Госпо́дь: се день гряде́т Госпо́день, и ста́нут но́зе Его́ в день о́ный на горе́ Елео́нстей, пря́мо Иерусали́ма, от восто́к со́лнца. И в день о́ный изы́дет вода́ жива́ из Иерусали́ма, пол ея́ в мо́ре пе́рвое, и пол ея́ в мо́ре после́днее: в жа́тву и в ве́сну бу́дет та́ко. И бу́дет Госпо́дь Царь по всей земли́, в день о́ный бу́дет Госпо́дь Еди́н. И́мя Его́ еди́но, окружа́ющее всю зе́млю и пусты́ню, от Га́вы да́же до Реммо́на, проти́ву хребту́ Иерусали́млю: и вознесе́тся, и на ме́сте пребу́дет, от врат Вениами́новых, да́же до ме́ста двере́й пе́рвых, да́же до врат уго́льных, и да́же до столпа́ Анамеи́лева, да́же до подточи́лий царе́вых, обита́ют в нем: и ана́фема не бу́дет ктому́, и всели́тся Иерусали́м наде́яйся.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.