Начало богослужебного дня в 16:00.

Выберите настройки для вашего храма в Личном кабинете.
Богослужебные указания

Богослужебные указания за 29 апреля 2024 года


16. Страстная седмица. Великий Понедельник.

Мцц. Агапии, Ирины и Хионии.

Литургия Преждеосвященных Даров.

На вечерне – кафизмы нет.

На «Господи, воззвах» стихиры Триоди, глас 8-й (те же, что пелись на стиховне великой вечерни в Неделю ваий) – 6 (каждая стихира – дважды). «Слава» – Триоди, глас 8-й: «Радуйся и веселися...», «И ныне» – Триоди, глас тот же: «На Херувимех Носимый...».

Вход с кадилом. «Свете Тихий». Прокимен дня (а не великий), глас 8-й: «Се ныне благословите Господа...» (со стихом). Читается: «Сподоби, Господи». Ектения: «Исполним вечернюю...», и молитва главопреклонения.

На стиховне стихиры самогласны Триоди, глас 2-й, глас 3-й и глас 7-й (со своими припевами). «Слава» – Триоди, глас 2-й: «От ветвий и ваий...», «И ныне» – Триоди, глас 3-й: «Страшно еже впасти в руце Бога Жива...».

«Ныне отпущаеши». Трисвятое. По «Отче наш» иерей – возглас: «Яко Твое есть Царство...». По возгласе иерея певцы поют тропари, глас 4-й: «Богородице Дево...» (поклон). «Слава» – «Крестителю Христов...» (поклон), «И ныне» – «Молите о нас, святии апостоли...» (поклон)[1]. Затем – «Под Твое благоутробие...» (без поклона). Чтец: «Господи, помилуй» (40), «Слава, и ныне»; «Честнейшую Херувим...», «Именем Господним...». Иерей: «Сый благословен...». Молитва: «Небесный Царю...». Иерей – молитву прп. Ефрема Сирина: «Господи и Владыко живота моего...» (с тремя поклонами). После третьего поклона – «Слава Тебе, Христе Боже...» и отпуст: «Грядый Господь на вольную Страсть, нашего ради спасения, Христос, Истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец» (во всю Страстную седмицу святые храма и дня на отпустах суточных служб не поминаются), после этого хор поет многолетны: «Великаго Господина...».

Повечерие малое с пением трипеснца прп. Андрея Критского из Триоди (1-я, 8-я и 9-я песни). Ирмосы по дважды, тропари – сколько есть (без повторений). В заключение каждой песни опять тот же ирмос (на катавасию).

По 1-й песни – «Господи, помилуй» (трижды), «Слава, и ныне» – седален, глас 4-й: «Смоковницы осуждение...».

Перед катавасией 8-й песни поется: «Хвалим, благословим, покланяемся Господеви...».

По катавасии 9-й песни («Достойно есть» не поется) и Трисвятом – вместо обычных тропарей и кондаков – кондак Триоди, глас 8-й: «Иаков рыдаше...» (см. на утрене Великого Понедельника), «Господи, помилуй» (40), молитва: «Иже на всякое время...» и далее по великопостному чину с молитвой прп. Ефрема Сирина (16 поклонов). Отпуст малый: «Христос, Истинный Бог наш...» (а не «Грядый Господь на вольную Страсть...»), и прощение от священника по обычаю. Ектения: «Помолимся...».

Утреня. Начало обычное. По великой ектении – «Аллилуия», глас 8-й (со стихами: «От нощи утренюет...»), и поем «велегласно» тропарь, глас тот же: «Се Жених грядет в полунощи...». «Слава» – тот же тропарь, «И ныне» – тот же тропарь.

Кафизмы 4-я, 5-я и 6-я. Малых ектений нет. Седальны Триоди (по дважды).

Примечание. В Страстную седмицу Псалтирь прочитывается полностью только один раз: в первые три дня (Понедельник, Вторник и Среду) на утрене – по три кафизмы, на часах (3-м и 6-м) – по одной на каждом, на 1-м и 9-м часах кафизм не бывает. На вечернях стихословится 18-я кафизма. В Великую Субботу на утрене поется 17-я кафизма (Непорочны) с похвалами (см. Постную Триодь, ч. 2, л. 395).

«И о сподобитися нам...». Иерей отверзает царские врата и читает Евангелие в алтаре (у престола) – Мф., зач. 84 (конец – в зачале 88: «И дастся языку, творящему плоды его...»). После окончания Евангелия царские врата затворяются.

Псалом 50-й. «Спаси, Боже, люди Твоя...», «Господи, помилуй» (12), возглас: «Милостию и щедротами...». Певцы: «Аминь».

Трипеснец Триоди, творение прп. Космы, глас 2-й. Ирмосы по дважды, тропари на 12. Библейские песни не стихословятся в течение Страстной и Светлой седмиц. К тропарям припев: «Слава Тебе, Боже наш, слава Тебе». (Этот припев – во всю Страстную седмицу.) После каждой песни на катавасию – ирмос трипеснца (оба лика вместе).

По 1-й песни – малая ектения. Возглас: «Ты бо еси Царь мира...». Кондак Триоди, глас 8-й: «Иаков рыдаше...», и икос, глас тот же: «На рыдание ныне приложим рыдание...». Поется ирмос 8-й песни: «Устрашися отроков...».

На 9-й песни – каждение («Честнейшую» не поем).

По 9-й песни «Достойно есть» не поется. Малая ектения. Возглас: «Яко Тя хвалят...». Ексапостиларий Триоди: «Чертог Твой...». «Слава» – тот же, «И ныне» – тот же.

Примечание. «Светилен самогласен, глаголется трижды [косно и со сладкопением – ср.: Триодь Постная]: Чертог Твой вижду... Поется же первее посреде церкве канонархом единожды. Таже Слава, на клирос; И ныне, на другий. И тако глаголем во всю седмицу» (Типикон, гл. 49, «Во Святый и Великий Понедельник на утрени»).

«Хвалите Господа с Небес...» и хвалитные псалмы.

На хвалитех самогласны Триоди, глас 1-й и глас 5-й – 4 (каждая стихира – дважды). «Слава, и ныне» – Триоди, глас 5-й: «Господи, грядый к страданию...».

Чтец: «Слава Тебе, показавшему нам свет» («Тебе слава подобает...» не произносится), и читается вседневное славословие.

Стихиры на стиховне Триоди, глас 5-й и глас 8-й (с обычными дневными припевами, см. Часослов). «Слава, и ныне» – Триоди, глас 8-й: «Вторую Еву...».

«Благо есть...» (дважды). Трисвятое. По «Отче наш» иерей – возглас: «Яко Твое есть Царство...». По возгласе – глаголется тропарь Часослова: «В храме стояще славы Твоея...»; «Господи, помилуй» (40), «Слава, и ныне»; «Честнейшую Херувим...», «Именем Господним...». Иерей пред царскими вратами: «Сый благословен...». Молитва: «Небесный Царю...». Молитва прп. Ефрема Сирина (с 16 поклонами). Чтец: «Аминь», и сразу, без отпуста утрени, читается 1-й час.

1-й час по великопостному чину. Кафизмы нет. Тропарь часа: «Заутра услыши...» (со стихами). По «Отче наш» – кондак Триоди: «Иаков рыдаше...». Отпуст краткий: «Грядый Господь на вольную Страсть...» (святые храма и дня не поминаются).

Часы, изобразительны и вечерня с Литургией Преждеосвященных Даров.

Примечание. «При часе 3-м дне, ударяет параекклисиарх в било, якоже есть обычай, и собравшеся в церковь, поем 3-й час... И поем час 6-й... Вкупе же поем и 9-й час без кафизмы... И поем Блаженны: Во Царствии Твоем: по обычаю... Присовокупляем же и вечерню» (Типикон, гл. 49, «Во Святый и Великий Понедельник на утрени»).

Часы 3-й, 6-й и 9-й совершаются по великопостному чину с великопостными тропарями и поклонами. На 3-м часе – кафизма 7-я; на 6-м часе – кафизма 8-я, паримия Триоди (Иезекииля) с тропарем пророчества и прокимнами (по обычаю); на 9-м часе кафизмы нет. На часах и изобразительных по «Отче наш» – кондак Триоди: «Иаков рыдаше...».


Особенности часов в первые три дня Страстной седмицы

В понедельник, вторник и среду Страстной седмицы на 3-м, 6-м и 9-м часах читается Четвероевангелие. Перед чтением 3-го часа посреди церкви поставляется украшенный аналой, отверзаются царские врата, и иерей, в преднесении свечи и кадила, выносит на середину храма Евангелие. (Иерей должен быть облачен в епитрахиль и фелонь.) Положив Евангелие на аналой, за которым ставится возжженный светильник, иерей произносит возглас на начало часов. Затем священник с диаконом кадит окрест Евангелия, потом алтарь, иконостас, настоятеля, лики, молящихся и весь храм. Во время чтения псалмов 6-го часа совершается малое каждение, т. е. кадится Евангелие (окрест), иконостас, настоятель, лики и народ (с амвона). На 9-м часе совершается полное каждение храма, как и на 3-м часе.

Примечание. «И абие украшену аналогию, положат на нем верху святое Четвероевангелие, и двема лампадома возжженнома. Всем же стоящим откровенными главами. Священник же кадит храм весь, и братию. А на 6-м часе кадит токмо Евангелие. На 9-м же часе Евангелие кадит, и храм весь, и братию. И тако чтет Евангелие» (Триодь Постная, «Во Святый и Великий Понедельник...»).

Вынесенное Евангелие остается на середине храма на время чтения всех часов, иерей стоит перед ним и здесь же по обычаю произносит тропари часов и молитву прп. Ефрема Сирина с поклонами.

Евангельские чтения начинаются на 3-м и 9-м часах после Богородична часа, а на 6-м – после паримии Триоди и 2-го прокимна Триоди. Всех евангельских чтений – 9. Евангелие от Матфея читается в два приема, т. е. на 3-м и 6-м часах в понедельник. Евангелие от Марка также в два приема – в понедельник на 9-м часе и во вторник на 3-м. Евангелие от Луки читается в три приема, т. е. во вторник на 6-м и 9-м часах и в среду на 3-м. Евангелие от Иоанна читается не полностью, а до 1-го Евангелия Страстей («Ныне прославися Сын Человеческий...») – первое чтение в среду на 6-м часе и второе на 9-м.

Перед первым чтением евангелиста диакон произносит возглас: «И о сподобитися нам слышанию святаго Евангелия...». Певцы: «Господи, помилуй» (трижды). Диакон: «Премудрость, прости, услышим святаго Евангелия». Иерей: «Мир всем». Певцы: «И духови Твоему». Иерей: «От (имя рек) святаго Евангелия чтение». Певцы: «Слава Тебе, Господи, слава Тебе». Диакон: «Вонмем». Иерей читает Евангелие, в конце певцы: «Слава Тебе, Господи, слава Тебе». Перед вторым или третьим чтением того же евангелиста возглас: «И о сподобитися нам слышанию святаго Евангелия...» не произносится, но только: «Премудрость, прости, услышим святаго Евангелия». Перед чтением нового евангелиста означенные молитвословия повторяются, т. е. со слов: «И о сподобитися нам...», и далее порядок тот же.

После чтения Евангелия на 9-м часе иерей уносит Евангелие в алтарь. Царские врата и завеса закрываются.

По указанию Типикона, Евангелия от Матфея, Марка и Иоанна делятся каждое на две части, а Евангелие от Луки – на три (ср.: Типикон, гл. 49, «Во Святый и Великий Понедельник на утрени», 2-е «зри»). В соответствии с этим указанием они могут быть разделены, например, так:

Понедельник

На 3-м часе – Мф., зач. 1–66 (1, 1 – 16, 12).

На 6-м часе – Мф., зач. 67–116 (16, 13 – 28, 20).

На 9-м часе – Мк., зач. 1–39 (1, 1 – 9, 16).

Вторник

На 3-м часе – Мк., зач. 40–71 (9, 17 – 16, 20).

На 6-м часе – Лк., зач. 1–38 (1, 1 – 8, 39).

На 9-м часе – Лк., зач. 39–82 (8, 40 – 16, 18).

Среда

На 3-м часе – Лк., зач. 83–114 (16, 19 – 24, 53).

На 6-м часе – Ин., зач. 1–26 (1, 1 – 7, 36).

На 9-м часе – Ин., зач. 27–46 (7, 37 – 13, 32).

Если Евангелия первых трех евангелистов прочитаны ранее[2], то Евангелие от Иоанна на Страстной седмице следует читать приблизительно в таком порядке:

Понедельник

На 3-м часе – Ин., зач. 1–7 (1, 1 – 2, 25).

На 6-м часе – Ин., зач. 8–12 (3, 1 – 4, 46).

На 9-м часе – Ин., зач. 13–18 (4, 47 – 6, 13).

Вторник

На 3-м часе – Ин., зач. 19–25 (6, 14 – 7, 13).

На 6-м часе – Ин., зач. 26–30 (7, 14 – 8, 30).

На 9-м часе – Ин., зач. 31–34 (8, 31 – 9, 38).

Среда

На 3-м часе – Ин., зач. 35–38 (9, 39 – 10, 42).

На 6-м часе – Ин., зач. 39–41 (11, 1 – 12, 18).

На 9-м часе – Ин., зач. 42–46 (12, 19 – 13, 32).

Изобразительны совершаются по великопостному чину. После «Отче наш» – кондак Триоди: «Иаков рыдаше...». Отпуст краткий: «Грядый Господь на вольную Страсть...». Святые храма и дня на отпусте не поминаются. (Изобразительны в Понедельник и Вторник Страстной седмицы могут завершаться и обычным малым отпустом.)

Вечерня с Литургией Преждеосвященных Даров по обычному чину.

Кафизма 18-я.

На «Господи, воззвах» стихиры Триоди, глас 1-й, глас 5-й и глас 8-й (те же, что пелись на хвалитех и на стиховне утрени) – 10 (первые четыре стихиры – дважды). «Слава, и ныне» – Триоди, глас 8-й: «Вторую Еву...».

Вход с Евангелием. «Свете Тихий». Чтение двух паримий Триоди (Исхода и Иова) с прокимнами, по обычаю. 1-й прокимен, глас 6-й: «Благословит тя Господь от Сиона, и узриши благая Иерусалима», стих: «Блажени вси боящиися Господа, ходящии в путех Его»; 2-й прокимен, глас 6-й: «Благословихом вы во имя Господне», стих: «Множицею брашася со мною от юности моея».

По «Да исправится молитва моя...» и молитве прп. Ефрема Сирина (с тремя великими поклонами) диакон исходит с Евангелием через царские врата на амвон[3]. Диакон (или иерей): «Премудрость, прости, услышим...» и т. д. (если нет диакона, священник читает Евангелие у престола). Евангелие – Мф., зач. 98. Ектения: «Рцем вси...», и прочее последование Литургии Преждеосвященных Даров (по обычаю). Отпуст краткий: «Грядый Господь на вольную Страсть...» (святые храма и дня на отпусте не поминаются).

Примечание. «На трапезе же ядим сухоядение, и сим удовляемся. И якоже в 1-ю седмицу святаго сего поста, сице и в сия дни: в Великий Понедельник, во Вторник и в Среду поститися подобает» (Типикон, Великий Понедельник вечера, 2-е «зри»). «Ведати бо подобает, яко и Шестый Великий Собор повеле спасительныя Страсти дни в посте и молитве и умилении сердца сотворяти верным. В полунощи же Великия Субботы оставляти пост, божественным евангелистом, Матфею и Луце, овому убо позде в субботу глаголанием, овому же утром глубоким медлемое нам нощи написующим» (Типикон, Великий Понедельник вечера, 3-е «зри»).

Великое повечерие (в понедельник вечером) с тропарями обычными.

По «Слава в вышних Богу...» – трипеснец Триоди, творение прп. Андрея Критского, глас 8-й (песни 2-я, 8-я и 9-я), ирмосы по дважды, тропари без повторений. Катавасия – ирмос трипеснца. (2-я песнь имеет два ирмоса, на катавасию поется второй ирмос.)[4]

По 2-й песни – «Господи, помилуй» (трижды), «Слава, и ныне» – седален, глас 2-й: «Милосердием движимь, Христе...».

Перед катавасией 8-й песни поется: «Хвалим, благословим, покланяемся Господеви...».

По катавасии 9-й песни («Достойно есть» не поется) и Трисвятом – кондак Триоди, глас 2-й: «Час, душе, конца помысливши...» (см. на утрене Великого Вторника).

После кондака – «Господи Сил, с нами буди...» и прочее по обычаю. Молитва прп. Ефрема Сирина (с 16 поклонами). Молитва: «Владыко Многомилостиве...» (по обычаю), и чин прощения. Ектения: «Помолимся...».

1 Песнопения «Богородице Дево...», «Крестителю Христов...», «Молите о нас, святии апостоли...» и «Под Твое благоутробие...» вечером во все Недели святой Четыредесятницы и в Неделю ваий поются «со сладкопением», а в дни Страстной седмицы – «поскору глаголются» (см.: Типикон, гл. 49, «В Неделю ваий вечера», 1-е «зри»).

2 См. об этом 12 марта, в понедельник 2-й седмицы Великого поста.

3 Перед чтением Евангелия на Литургии Преждеосвященных Даров священник, по аналогии с полной Литургией, читает молитву: Возсияй в сердцах наших... (ср.: Настольная книга священнослужителя. М.: Изд. Моск. Патриархии, 19922. Т. 1. С. 281; Георгиевский А. И. Чинопоследование Божественной Литургии. Нижний Новгород, 1995. С. 181). Чтение Евангелия предваряется диалогом диакона и священника: Благослови, владыко, благовестителя... – Бог, молитвами святаго славнаго... (ср.: Великопостный служебник. В 3-х ч. М.: Издательство Московской Патриархии Русской Православной Церкви, 2021. Ч. 1. С. 138–140; Ч. 2. С. 173–175).

4 Ср. с пением 3-й песни Великого канона на утрене четверга 5-й седмицы поста. См. также: Службы Страстной седмицы Великого поста. М., 1994. С. 90–91.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 8: Ра́дуйся и весели́ся, гра́де Сио́не, / красу́йся и ра́дуйся Це́ркве Бо́жия, / се бо Царь твой прии́де в пра́вде, / на жребя́ти седя́, от детей воспева́емый: / оса́нна в вы́шних, благослове́н еси́, / Име́яй мно́жество щедро́т, поми́луй нас.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 8: Ра́дуйся и весели́ся, гра́де Сио́не, / красу́йся и ра́дуйся Це́ркве Бо́жия, / се бо Царь твой прии́де в пра́вде, / на жребя́ти седя́, от детей воспева́емый: / оса́нна в вы́шних, благослове́н еси́, / Име́яй мно́жество щедро́т, поми́луй нас.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 8: Прии́де Спас днесь во град Иерусали́м, / испо́лнити писа́ние / и вси прия́ша в ру́ки ва́иа, / ри́зы же подстила́ху Ему́, / ве́дуще, я́ко Той есть Бог наш, / Ему́же херуви́ми вопию́т непреста́нно: / оса́нна в вы́шних, благослове́н еси́, / Име́яй мно́жество щедро́т, поми́луй нас.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 8: Прии́де Спас днесь во град Иерусали́м, / испо́лнити писа́ние / и вси прия́ша в ру́ки ва́иа, / ри́зы же подстила́ху Ему́, / ве́дуще, я́ко Той есть Бог наш, / Ему́же херуви́ми вопию́т непреста́нно: / оса́нна в вы́шних, благослове́н еси́, / Име́яй мно́жество щедро́т, поми́луй нас.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 8: На херуви́мех носи́мый и пева́емый от серафи́м, / возсе́л еси́ на жребя́ дави́дски Бла́же, / и де́ти Тя воспева́ху Боголе́пно, / иуде́е же ху́ляху беззако́нно, / стро́потное язы́ков, седа́лище жребца́ прообразова́ше, / из неве́рия в ве́ру претворя́емое. / Сла́ва Тебе́, Христе́, / еди́не Ми́лостиве и Человеколю́бче.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 8: На херуви́мех носи́мый и пева́емый от серафи́м, / возсе́л еси́ на жребя́ дави́дски Бла́же, / и де́ти Тя воспева́ху Боголе́пно, / иуде́е же ху́ляху беззако́нно, / стро́потное язы́ков, седа́лище жребца́ прообразова́ше, / из неве́рия в ве́ру претворя́емое. / Сла́ва Тебе́, Христе́, / еди́не Ми́лостиве и Человеколю́бче.

Сла́ва Отцу́, и Сы́ну, и Свято́му Ду́ху.

Глас 8: Ра́дуйся и весели́ся, гра́де Сио́не, / красу́йся и ра́дуйся Це́ркве Бо́жия, / се бо Царь твой прии́де в пра́вде, / на жребя́ти седя́, от детей воспева́емый: / оса́нна в вы́шних, благослове́н еси́, / Име́яй мно́жество щедро́т, поми́луй нас.

И ны́не, и при́сно, и во ве́ки веко́в. Ами́нь.

Глас 8: На херуви́мех носи́мый и пева́емый от серафи́м, / возсе́л еси́ на жребя́ дави́дски Бла́же, / и де́ти Тя воспева́ху Боголе́пно, / иуде́е же ху́ляху беззако́нно, / стро́потное язы́ков, седа́лище жребца́ прообразова́ше, / из неве́рия в ве́ру претворя́емое. / Сла́ва Тебе́, Христе́, / еди́не Ми́лостиве и Человеколю́бче.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 2: От ве́твий и ва́ий, я́ко от Боже́ственна пра́здника, / в Боже́ственный преше́дше пра́здник, / к честно́му Христо́вых страсте́й, / ве́рнии, стеце́мся та́инству спаси́тельному, / и Сего́ ви́дим за нас страсть терпя́ща во́льную, / Тому́же пе́ние подо́бное / благодаря́ще воспои́м, уми́льно зову́ще: / благоутро́бия исто́чниче и спасе́ния приста́нище, / Го́споди, сла́ва Тебе́.

Стих: Воспо́йте Го́сподеви песнь но́ву.

Глас 3: Стра́шно е́же впа́сти в ру́це Бо́га жи́ва, / Сей судия́ есть помышле́ний и мы́слей серде́чных. / Никто́же да вни́дет искуша́яй ве́ру непоро́чную, / но в кро́тости и стра́се Христу́ присту́пим, / да прии́мем ми́лость и благода́ть обря́щем, / во благовре́менную по́мощь.

Стих: Ви́деша вси концы́ земли́ спасе́ние Бо́га нашего.

Глас 7: Со́нмице лука́вая и прелюбоде́йная, / своему́ му́жу не сохра́ншая ве́ру, / что держи́ши заве́т, его́же не была́ еси́ насле́дница? / Что хва́лишися о Отце́, Сы́на отве́ргшаяся? / Проро́ки не прия́ла еси́, Сы́на возвести́вшия. / Поне́ свои́х чад усрами́ся, си́це вопию́щих: / оса́нна Сы́ну Дави́дову, / благослове́н Гряды́й во и́мя Госпо́дне.

Сла́ва Отцу́, и Сы́ну, и Свято́му Ду́ху.

Глас 2: От ве́твий и ва́ий, я́ко от Боже́ственна пра́здника, / в Боже́ственный преше́дше пра́здник, / к честно́му Христо́вых страсте́й, / ве́рнии, стеце́мся та́инству спаси́тельному, / и Сего́ ви́дим за нас страсть терпя́ща во́льную, / Тому́же пе́ние подо́бное / благодаря́ще воспои́м, уми́льно зову́ще: / благоутро́бия исто́чниче и спасе́ния приста́нище, / Го́споди, сла́ва Тебе́.

И ны́не, и при́сно, и во ве́ки веко́в. Ами́нь.

Глас 3: Стра́шно е́же впа́сти в ру́це Бо́га жи́ва, / Сей судия́ есть помышле́ний и мы́слей серде́чных. / Никто́же да вни́дет искуша́яй ве́ру непоро́чную, / но в кро́тости и стра́се Христу́ присту́пим, / да прии́мем ми́лость и благода́ть обря́щем, / во благовре́менную по́мощь.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Трисвятое по Отче наш:

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари великопостные

И поет во глас 4:

Богоро́дице Де́во, ра́дуйся, Благода́тная Мари́е, Госпо́дь с Тобо́ю: благослове́на Ты в жена́х, и благослове́н Плод чре́ва Твоего́, я́ко Спа́са родила́ еси́ душ на́ших. (Поклон великий.)

Сла́ва Отцу́ и Сы́ну и Свято́му Ду́ху.

Крести́телю Христо́в, всех нас помяни́, да изба́вимся от беззако́ний на́ших: тебе́ бо даде́ся благода́ть моли́тися за ны. (Поклон великий.)

И ны́не и при́сно и во ве́ки веко́в. Ами́нь.

Моли́те за ны, святи́и апо́столи, святи́и вси, да изба́вимся от бед и скорбе́й, вас бо те́плыя предста́тели ко Спа́су стяжа́хом. (Поклон великий.)

Под Твое́ благоутро́бие прибега́ем, Богоро́дице, моле́ния на́ша не пре́зри во обстоя́нии: но от бед изба́ви ны, еди́на Чи́стая, еди́на Благослове́нная. (Без поклона.)

Чтец: Го́споди, поми́луй. (40 раз.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Чтец: Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́, пре́жде отше́дшия отцы́ и бра́тию на́шу в селе́ниих пра́ведных учини́ и нас в покая́нии и испове́дании приими́, я́ко Благи́й и Человеколю́бец.

И аще есть Четыредесятница, творим три великия поклоны, глаголюще предписанную молитву:

Молитва Ефрема Сирина

Го́споди и Влады́ко живота́ моего́, дух пра́здности, уны́ния, любонача́лия, и праздносло́вия не даждь ми. (Поклон)

Дух же целому́дрия, смиренному́дрия, терпе́ния, и любве́, да́руй ми рабу́ Твоему́. (Поклон)

Ей, Го́споди Царю́, да́руй ми зре́ти моя́ прегреше́ния, и не осужда́ти бра́та моего́, я́ко благослове́н еси́ во ве́ки веко́в, ами́нь. (Поклон)

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не:

Го́споди, поми́луй (трижды). Благослови́.

Священник стоя у Царских врат, обращается на запад к народу и произносит отпуст.

Отпуст

Гряды́й Госпо́дь на во́льную страсть, на́шего ра́ди Спасе́ния, Христо́с И́стинный Бог наш, моли́твами Пречи́стыя Своея́ Ма́тере, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 2.9 млн. 205