Рождество Господа Бога и Спаса нашего Иисуса Христа

Воскресенье, 7 января 2024 г.

(25 декабря ст.ст.)

Неделя 31-я по Пятидесятнице

Глас 6, Поста нет

Рождество Господа Бога и Спаса нашего Иисуса Христа.

Литургия свт. Василия Великого.

Рождество: Утр.: Мф.1:18-25 Лит.: Ап.- Гал.4:4-7 Ев.- Мф.2:1-12

Тропари, кондаки, молитвы и величания

Рождества Христова

Тропарь Рождества Христова, глас 4

Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии,/ звездо́ю уча́хуся,/ Тебе кла́нятися Со́лнцу Пра́вды,/ и Тебе́ ве́дети с высоты́ Восто́ка: // Го́споди, сла́ва Тебе́.

Кондак Рождества Христова, глас 3

Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ А́нгели с па́стырьми славосло́вят,/ волсви́ же со звездо́ю путеше́ствуют:/ нас бо ра́ди роди́ся// Отроча́ Мла́до, Преве́чный Бог.

Величание Рождеству Христову

Велича́ем Тя,/ Живода́вче Христе́,/ нас ра́ди ны́не пло́тию Ро́ждшагося/ от Безневе́стныя/ и Пречи́стыя Де́вы Мари́и.

Богослужебные указания ► Типикон, 25 декабря ► Октоих. Глас 6, Вс ► Минея, 25 декабря ►

Начало богослужебного дня в 16:00.

Выберите настройки для вашего храма в Личном кабинете.

Богослужебные указания

Богослужебные указания за 7 января 2024 года

25. Неделя 31-я по Пятидесятнице. Рождество Господа Бога и Спаса нашего Иисуса Христа.

Совершается бденная служба праздника (по Минее). Воскресная служба Октоиха отменяется.

Примечание. «Ведомо же буди: Аще случится Рождество Христово или Богоявление в Неделю, воскресно ничтоже поем» (Типикон, 24 декабря, 4-е «зри»).

Всенощное бдение на праздник Рождества Христова состоит из великого повечерия с литией, утрени и 1-го часа. По Уставу, богослужение должно начинаться «о часе 10-м нощи», т. е. по нашему счислению – в 4 часа утра (см. Типикон, 25 декабря)^[1]. Перед его началом бывает благовест и потом трезвон во вся кампаны.

Отверзаются завеса и царские врата. Иерей с диаконом творят начало, как во все праздники со бдением, то есть сначала совершают каждение престола и всего алтаря. Диакон со свечой исходит на солею и возглашает: «Благослови, владыко». Иерей пред престолом: «Благословен Бог наш...»^[2] (при этом творит кадилом крест). Хор: «Аминь». Чтец: «Слава Тебе, Боже наш...», «Царю Небесный», и читает великое повечерие. Иерей исходит из алтаря в предшествии диакона со свечой и совершает полное каждение всего храма, как в начале всенощного бдения. По окончании каждения царские врата затворяются. Завеса остается открытой.

На пение «С нами Бог...», пение тропаря и кондака по 1-м и 2-м Трисвятом, по традиции, отверзаются царские врата.

По 1-м Трисвятом – тропарь праздника, глас 4-й: «Рождество Твое, Христе Боже наш...».

По 2-м Трисвятом – кондак праздника, глас 3-й: «Дева днесь Пресущественнаго раждает...».

По «Слава в Вышних Богу...» – выход на литию.

На литии стихиры праздника, глас 1-й. «Слава» – праздника, глас 5-й: «Волсви, персидстии царие...», «И ныне» – праздника, глас 6-й: «Ликуют Ангели вси на Небеси...».

На стиховне стихиры праздника, глас 2-й и глас 3-й (со своими припевами). «Слава» – праздника, глас 4-й: «Веселися, Иерусалиме...», «И ныне» – праздника, глас тот же: «В вертеп вселился еси...».

По Трисвятом – тропарь праздника, глас 4-й (трижды).

На утрене на «Бог Господь» – тропарь праздника, глас 4-й (дважды). «Слава, и ныне» – тот же тропарь.

Кафизмы 2-я и 3-я. Малые ектении. Седальны праздника (по дважды).

Полиелей. Величание праздника: «Величаем Тя, Живодавче Христе, нас ради ныне плотию рождшагося от Безневестныя и Пречистыя Девы Марии», и избранный псалом. Седален праздника по полиелее, глас 4-й. «Слава, и ныне» – тот же седален. Степенны – 1-й антифон 4-го гласа. Прокимен, глас 4-й: «Из чрева прежде денницы родих Тя, клятся Господь и не раскается»; стих: «Рече Господь Господеви моему: седи одесную Мене, дондеже положу враги Твоя подножие ног Твоих». Евангелие – праздника. («Воскресение Христово видевше...» не поется.) По 50-м псалме^[3]: «Слава» – «Всяческая днесь радости исполняются: Христос родися от Девы», «И ныне» – «Всяческая днесь радости исполняются: Христос родися в Вифлееме». Стихира праздника, глас 6-й: «Слава в Вышних Богу...».

Каноны: праздника два, на 16 (ирмосы 1-го канона: «Христос раждается...», по дважды, тропари на 6, и ирмосы 2-го канона: «Спасе люди...», по дважды, тропари на 6).

Библейские песни «Поем Господеви...».

Катавасия – ирмосы обоих канонов праздника Рождества Христова (по каждой песни).

По 3-й песни – ипакои праздника, глас 8-й (единожды).

По 6-й песни – кондак и икос праздника, глас 3-й.

На 9-й песни «Честнейшую» не поем, но поем припевы праздника. (Совершается обычное каждение.)

1-й лик поет припев 1-го канона: «Величай, душе моя, Честнейшую и Славнейшую Горних воинств, Деву Пречистую, Богородицу»^[4], и ирмос 1-го канона: «Таинство странное вижу...».

2-й лик – то же.

1-й лик припев: «Величай, душе моя, от Девы...», тропарь: «Изрядное течение зряще...».

2-й лик припев: «Величай, душе моя, в вертепе...», тропарь: «Изрядное течение зряще...».

1-й лик припев: «Величай, душе моя, от волхвов...», тропарь: «Новорожденное,– волхвом...».

2-й лик припев: «Величай, душе моя, от звезды...», тропарь: «Новорожденное,– волхвом...».

1-й лик припев: «Величай, душе моя, Чистую Деву...», тропарь: «Испыта Ирод время звезды...».

2-й лик припев: «Волсви и пастырие приидоша...», тропарь: «Испыта Ирод время звезды...».

1-й лик поет припев 2-го канона: «Днесь Дева раждает Владыку внутрь вертепа», и ирмос 2-го канона: «Любити убо нам...».

2-й лик припев: «Днесь Владыка раждается...», и тот же ирмос.

1-й лик припев: «Днесь пастырие видят Спаса...», тропарь: «Образы несветлы и сени...».

2-й лик припев: «Днесь Владыка рубищем пеленается...», тропарь: «Образы несветлы и сени...».

1-й лик припев: «Днесь всяка тварь веселится...», тропарь: «Образы несветлы и сени...».

2-й лик припев: «Небесныя Силы рождшагося Спаса...», тропарь: «Желание получивше и Божия пришествия...».

1-й лик припев (вместо «Славы»): «Величай, душе моя, Триипостаснаго...», тропарь: «Желание получивше и Божия пришествия...».

2-й лик припев (вместо «И ныне»): «Величай, душе моя, Избавльшую...», тропарь: «Желание получивше и Божия пришествия...».

Затем оба лика вместе поют припев 1-го канона: «Величай, душе моя, Честнейшую...», и ирмос 1-го канона: «Таинство странное вижу...», потом оба лика припев 2-го канона: «Днесь Дева раждает Владыку...», и ирмос 2-го канона: «Любити убо нам...».

По 9-й песни «Достойно есть» не поется. («Свят Господь Бог наш» не возглашается.) Светилен праздника: «Посетил ны есть свыше...». «Слава» – тот же светилен, «И ныне» – тот же светилен.

«Всякое дыхание...» и хвалитные псалмы.

На хвалитех стихиры праздника, глас 4-й – 4. «Слава» – праздника, глас 6-й: «Егда время еже на землю...», «И ныне» – праздника, глас 2-й: «Днесь Христос в Вифлееме...».

Великое славословие. По Трисвятом – тропарь праздника, глас 4-й (единожды).

Отпуст: «Иже в вертепе родивыйся и в яслех возлегий, нашего ради спасения, Христос, Истинный Бог наш, молитвами Пречистыя Своея Матере и всех святых, помилует и спасет нас, яко Благ и Человеколюбец». (До отдания в седмичные дни великий отпуст начинается словами: «Иже в вертепе родивыйся и в яслех возлегий...».)

На часах – тропарь и кондак праздника.

Литургия свт. Василия Великого^[5].

Примечание. «В сей день бывает Литургия порану, труда ради бденнаго» (Типикон, 25 декабря).

Антифоны праздника.

Входный стих – праздника: «Из чрева прежде денницы родих Тя, клятся Господь и не раскается: Ты – Иерей во век по чину Мелхиседекову».

Примечание. Перед возглашением входного стиха следует произносить «Премудрость, прости» (см. примечание 6 января).

По входе – тропарь праздника, глас 4-й, «Слава, и ныне» – кондак праздника, глас 3-й.

Вместо Трисвятого – «Елицы во Христа крестистеся...».

Прокимен, Апостол, аллилуиарий, Евангелие и причастен – праздника.

Задостойник – припев: «Величай, душе моя, Честнейшую и Славнейшую Горних воинств, Деву Пречистую, Богородицу»^[6], и ирмос: «Любити убо нам...»^[7] (и до отдания праздника Рождества Христова).

Отпуст в конце Литургии – как на утрене.

По традиции, по отпусте Литургии посреди церкви перед иконой праздника изшедшие из алтаря священнослужители поют тропарь праздника, «Слава, и ныне» – кондак праздника и, по обычаю, величание.

Примечание. От Рождества Христова до Богоявления отменяется пост и не бывает коленопреклонений – ни в церкви, ни в келлиях (см. Типикон, 25 декабря, 4-е «зри»). «Аще праздник Рождества Христова случится быти в среду, или пяток: Разрешаем убо миряне на мясо, монаси на сыр и яица, и ядим убо от Рождества Христова по вся дни, до навечерия Святаго Богоявления» (Типикон, 25 декабря).

Вечером в день Рождества Христова после 9-го часа служится великая вечерня^[8].

С 26 по 30 декабря – попразднство Рождества Христова.

31 декабря – отдание праздника Рождества Христова.

¹ Существует мнение, что статьи Типикона под 25 декабря имеют русскую редакцию, поэтому времяисчисление излагают по современному счету. См.: Рождество Господа Бога и Спаса нашего Иисуса Христа. СПб., 1993. С. 44.

² Ср.: Типикон, 25 декабря, 3-е «зри».

³ В уставной традиции при совпадении двунадесятого Господского праздника с воскресеньем Евангелие, по аналогии с богослужением Недели ваий, полагается на аналой для целования вместе с иконой праздника (ср.: Типикон, гл. 49, «В субботу ваий вечера»). «Аще случится Рождество Христово в Неделю, не поется воскресно ничтоже, но все празднику... Ни Евангелие воскресно не чтется, ни Воскресение Христово не глаголем, точию целуем Евангелие...» (Устав. М., 1641. Л. 359 об.). «Воскресение Христово не глаголем, целование Евангелию, по обычаю его» (Устав. М., 1641. Л. 545 (88 (2) об.); «Неделя 8-я [по Пасхе]»). В седмичные дни целования Евангелия не бывает.

⁴ По традиции, 1-й припев поет священник или диакон.

⁵ В соответствии с указом Святейшего Патриарха Кирилла № У-01/209 от 31 декабря 2014 года, «учитывая особое миссионерское значение праздничного богослужения, в день Рождества Христова во всех храмах Русской Православной Церкви благословляется ежегодно совершать Божественную Литургию с отверстыми царскими вратами по Отче наш...».

⁶ Ср.: Никольский К., прот. Пособие к изучению Устава богослужения Православной Церкви. СПб., 1907⁷; М.: Издательский Совет РПЦ, 2008^р. С. 538; Булгаков С. В. Настольная книга для священно-церковнослужителей. К., 1913. М., 1993^р. С. 526. По мнению М. Н. Скабаллановича, на Литургии к задостойнику Рождества Христова «Любити убо нам...» (ирмос 9-й песни 2-го канона праздника) поется 1-й припев 2-го канона: «Днесь Дева раждает Владыку внутрь вертепа» (см.: Скабалланович М. Н. Рождество Христово. К., 1916. М., 1995^р. С. 158).

⁷ Ср.: Типикон, 25 декабря, 3-е «зри».

⁸ См. ниже.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

“Господи, воззвах”
Вечерний вход
Паремии
“Сподоби, Господи”
Отпуст

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Слава, и ны́не:

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Слава, и ныне:

Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О свято́м хра́ме сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

Псалом 4

В коне́ц, в пе́снех, псало́м Дави́ду. Внегда́ призва́ти ми́, услы́ша мя́ Бо́г пра́вды моея́: в ско́рби распространи́л мя́ еси́: уще́дри мя́ и услы́ши моли́тву мою́. Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи́? И уве́дите, я́ко удиви́ Госпо́дь преподо́бнаго Своего́. Госпо́дь услы́шит мя́, внегда́ воззва́ти ми́ к Нему́. Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся: пожри́те же́ртву пра́вды и упова́йте на Го́спода. Мно́зи глаго́лют: кто́ яви́т на́м блага́я? Зна́менася на на́с све́т лица́ Твоего́, Го́споди. Да́л еси́ весе́лие в се́рдцы мое́м: от плода́ пшени́цы, вина́ и еле́а своего́ умно́жишася: в ми́ре вку́пе усну́ и почи́ю, я́ко Ты́, Го́споди, еди́наго на упова́нии всели́л мя́ еси́.

Псалом 5

О насле́дствующем, псало́м Дави́ду. Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мо́й и Бо́же мо́й: я́ко к Тебе́ помолю́ся, Го́споди. Зау́тра услы́ши гла́с мо́й: зау́тра предста́ну Ти́, и у́зриши мя́: я́ко Бо́г не хотя́й беззако́ния Ты́ еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся́ де́лающыя беззако́ние, погуби́ши вся́ глаго́лющыя лжу́: му́жа крове́й и льсти́ва гнуша́ется Госпо́дь. А́з же мно́жеством ми́лости Твоея́ вни́ду в до́м Тво́й, поклоню́ся ко хра́му свято́му Твоему́, в стра́се Твое́м. Го́споди, наста́ви мя́ пра́вдою Твое́ю, вра́г мои́х ра́ди испра́ви пред Тобо́ю пу́ть мо́й. Я́ко не́сть во усте́х и́х и́стины, се́рдце и́х су́етно, гро́б отве́рст горта́нь и́х, язы́ки свои́ми льща́ху. Суди́ и́м, Бо́же, да отпаду́т от мы́слей свои́х: по мно́жеству нече́стия и́х изри́ни я́, я́ко преогорчи́ша Тя́, Го́споди. И да возвеселя́тся вси́ упова́ющии на Тя́, во ве́к возра́дуются, и всели́шися в ни́х: и похва́лятся о Тебе́ лю́бящии и́мя Твое́. Я́ко Ты́ благослови́ши пра́ведника, Го́споди, я́ко ору́жием благоволе́ния венча́л еси́ на́с.

Псалом 6

В коне́ц, в пе́снех о осме́м, псало́м Дави́ду. Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Поми́луй мя́, Го́споди, я́ко не́мощен е́смь: изцели́ мя, Го́споди, я́ко смято́шася ко́сти моя́, и душа́ моя́ смяте́ся зело́: и Ты́, Го́споди, доко́ле? Обрати́ся, Го́споди, изба́ви ду́шу мою́, спаси́ мя ра́ди ми́лости Твоея́: я́ко не́сть в сме́рти помина́яй Тебе́, во а́де же кто́ испове́стся Тебе́? Утруди́хся воздыха́нием мои́м, измы́ю на вся́ку но́щь ло́же мое́, слеза́ми мои́ми посте́лю мою́ омочу́. Смяте́ся от я́рости о́ко мое́, обетша́х во все́х вразе́х мои́х. Отступи́те от мене́, вси́ де́лающии беззако́ние, я́ко услы́ша Госпо́дь гла́с пла́ча моего́, услы́ша Госпо́дь моле́ние мое́, Госпо́дь моли́тву мою́ прия́т. Да постыдя́тся и смяту́тся вси́ врази́ мои́, да возвратя́тся и устыдя́тся зело́ вско́ре.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Лик: Тебе́, Го́споди.

Возглашение: Я́ко благ и Человеколю́бец Бог еси́, и Тебе́ сла́ву возсылае́м, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Лик: Ами́нь.

Псалом 7

Псало́м Дави́ду, его́же воспе́т Го́сподеви о словесе́х Хуси́евых, сы́на Иемени́ина. Го́споди Бо́же мо́й, на Тя́ упова́х, спаси́ мя от все́х гоня́щих мя́ и изба́ви мя́: да не когда́ похи́тит я́ко ле́в ду́шу мою́, не су́щу избавля́ющу, ниже́ спаса́ющу. Го́споди Бо́же мо́й, а́ще сотвори́х сие́, а́ще е́сть непра́вда в руку́ мое́ю, а́ще возда́х воздаю́щым ми́ зла́, да отпаду́ у́бо от вра́г мои́х то́щ: да пожене́т у́бо вра́г ду́шу мою́, и да пости́гнет, и попере́т в зе́млю живо́т мо́й, и сла́ву мою́ в пе́рсть всели́т. Воскре́сни́, Го́споди, гне́вом Твои́м, вознеси́ся в конца́х вра́г Твои́х, и воста́ни, Го́споди Бо́же мо́й, повеле́нием, и́мже запове́дал еси́, и со́нм люди́й обы́дет Тя́: и о то́м на высоту́ обрати́ся. Госпо́дь су́дит лю́дем: суди́ ми, Го́споди, по пра́вде мое́й и по незло́бе мое́й на мя́. Да сконча́ется зло́ба гре́шных, и испра́виши пра́веднаго, испыта́яй сердца́ и утро́бы, Бо́же, пра́ведно. По́мощь моя́ от Бо́га, спаса́ющаго пра́выя се́рдцем. Бо́г суди́тель пра́веден, и кре́пок, и долготерпели́в, и не гне́в наводя́й на вся́к де́нь. А́ще не обратите́ся, ору́жие Свое́ очи́стит, лу́к Сво́й напряже́, и угото́ва и́, и в не́м угото́ва сосу́ды сме́ртныя, стре́лы Своя́ сгара́емым соде́ла. Се́, боле́ непра́вдою, зача́т боле́знь и роди́ беззако́ние: ро́в изры́ и ископа́ и́, и паде́т в я́му, ю́же соде́ла. Обрати́тся боле́знь его́ на главу́ его́, и на ве́рх его́ непра́вда его́ сни́дет. Испове́мся Го́сподеви по пра́вде Его́ и пою́ и́мени Го́спода Вы́шняго.

Псалом 8

В коне́ц, о точи́лех, псало́м Дави́ду. Го́споди Госпо́дь на́ш, я́ко чу́дно и́мя Твое́ по все́й земли́, я́ко взя́тся великоле́пие Твое́ превы́ше небе́с. Из у́ст младе́нец и ссу́щих соверши́л еси́ хвалу́, вра́г Твои́х ра́ди, е́же разруши́ти врага́ и ме́стника. Я́ко узрю́ небеса́, дела́ пе́рст Твои́х, луну́ и зве́зды, я́же Ты́ основа́л еси́: что́ е́сть челове́к, я́ко по́мниши его́? Или́ сы́н челове́чь, я́ко посеща́еши его́? Ума́лил еси́ его́ ма́лым чи́м от А́нгел, сла́вою и че́стию венча́л еси́ его́: и поста́вил еси́ его́ над де́лы руку́ Твое́ю, вся́ покори́л еси́ под но́зе его́: о́вцы и волы́ вся́, еще́ же и скоты́ польски́я, пти́цы небе́сныя и ры́бы морски́я, преходя́щыя стези́ морски́я. Го́споди Госпо́дь на́ш, я́ко чу́дно и́мя Твое́ по все́й земли́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Лик: Тебе́, Го́споди.

Возглашение: Я́ко Ты еси́ Бог наш, Бог ми́ловати и спаса́ти, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веков.

Лик: Ами́нь.

“Господи, воззвах”

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Рождество Господа Бога и Спаса нашего Иисуса Христа на 8 Глас 2: Прииди́те, возра́дуемся Го́сподеви, настоя́щую та́йну сказу́юще:/ средосте́ние граде́жа разруши́ся,/ пла́менное ору́жие плещи́ дае́т,/ и Херуви́м отступа́ет от дре́ва жи́зни,/ и аз ра́йския пи́щи причаща́юся,/ от него́же произгна́н бых преслуша́ния ра́ди;/ неизме́нный бо о́браз Оте́чь,/ о́браз присносу́щия его́,/ зрак раба́ прие́млет,/ от Неискусобра́чныя Ма́тере проше́д,/ не преложе́ние претерпе́в,/ е́же бо бе пребы́сть, Бог Сый и́стинен,/ и е́же не бе прия́т, Челове́к быв Человеколю́бия ра́ди./ тому́ возопии́м:/ рожде́йся от Де́вы Бо́же, поми́луй нас.

Сти́х: Да бу́дут у́ши Твои́ / вне́млюще гла́су моле́ния моего́.

Глас 2: Прииди́те, возра́дуемся Го́сподеви, настоя́щую та́йну сказу́юще:/ средосте́ние граде́жа разруши́ся,/ пла́менное ору́жие плещи́ дае́т,/ и Херуви́м отступа́ет от дре́ва жи́зни,/ и аз ра́йския пи́щи причаща́юся,/ от него́же произгна́н бых преслуша́ния ра́ди;/ неизме́нный бо о́браз Оте́чь,/ о́браз присносу́щия его́,/ зрак раба́ прие́млет,/ от Неискусобра́чныя Ма́тере проше́д,/ не преложе́ние претерпе́в,/ е́же бо бе пребы́сть, Бог Сый и́стинен,/ и е́же не бе прия́т, Челове́к быв Человеколю́бия ра́ди./ тому́ возопии́м:/ рожде́йся от Де́вы Бо́же, поми́луй нас.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 2: Го́споду Иису́су ро́ждшуся от Святы́я Де́вы,/ просвети́шася вся́ческая:/ па́стырем бо свиря́ющим и волхво́м покланя́ющимся,/ А́нгелом воспева́ющим, И́род мятя́шеся,/ я́ко Бог во пло́ти яви́ся,/ Спас душ на́ших.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 2: Ца́рство Твое́, Христе́ Бо́же,/ Ца́рство всех веко́в,/ и Влады́чество Твое́ во вся́ком ро́де и ро́де,/ воплоти́выйся от Ду́ха Свята́го/ и от Присноде́вы Мари́и вочелове́чивыйся,/ свет нам возсия́, Христе́ Бо́же,/ Твое́ прише́ствие;/ Свет от Све́та, О́тчее сия́ние,/ всю тварь просвети́л еси́,/ вся́кое дыха́ние хва́лит Тя./ О́браз сла́вы О́тчия,/ Сый,и пре́жде Сый,/ и возсия́вый от Де́вы, Бо́же, поми́луй нас.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 2: Что Тебе́ принесе́м, Христе́,/ я́ко яви́лся еси́ на земли́/ я́ко Челове́к нас ра́ди?/ Ка́яждо бо от Тебе́ бы́вших тв́арей благодаре́ние Тебе́ прино́сит:/ А́нгели – пе́ние; небеса ́– звезду́;/ волсви́ – да́ры; па́стырие – чудо;/ земля́ – верте́п; пусты́ня– я́сли;/ мы же – Ма́терь Де́ву./ и́же пре́жде век, Бо́же, поми́луй нас.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 2: А́вгусту единонача́льствующу на земли́,/ многонача́лие челове́ков преста́;/ и Тебе́ вочелове́чшуся от Чи́стыя,/ многобо́жие и́долов упраздни́ся,/ под еди́нем ца́рством мирски́м гра́ди бы́ша,/ и во Еди́но Влады́чество Божества́ язы́цы ве́роваша./ Написа́шася лю́дие повеле́нием ке́саревым,/ написа́хомся, ве́рнии, И́менем Божества́,/ Тебе́, вочелове́чшагося Бо́га на́шего./ Ве́лия Твоя́ ми́лость, Го́споди, сла́ва Тебе́.

Вечерний вход

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В субботу вечера, глас 6:

Диакон: Прему́дрость. Во́нмем. Проки́мен, глас 6.

Госпо́дь воцари́ся, / в ле́поту облече́ся.

Лик: Госпо́дь воцари́ся, / в ле́поту облече́ся.

Диакон: Облече́ся Госпо́дь в си́лу и препоя́сася.

Лик: Госпо́дь воцари́ся, / в ле́поту облече́ся.

Диакон: И́бо утверди́ вселе́нную, я́же не подви́жится.

Лик: Госпо́дь воцари́ся, / в ле́поту облече́ся.

Диакон: До́му Твоему́ подоба́ет святы́ня, Го́споди, в долготу́ дний.

Лик: Госпо́дь воцари́ся, / в ле́поту облече́ся.

Диакон: Госпо́дь воцари́ся

Лик: В ле́поту облече́ся.

Чтение Святого Писания

Еже по плоти Рождество Господа Бога и Спаса нашего Иисуса Христа

Диакон: Прему́дрость.

Чтец: Бытия́ чте́ние.

Диакон: Во́нмем.

Чтец: В нача́ле сотвори́ Бог Не́бо и зе́млю. Земля́ же бе неви́дима и неустро́ена, и тьма верху́ бе́здны, и Дух Бо́жий ноша́шеся верху́ воды́. И рече́ Бог: да бу́дет свет. И бысть свет. И ви́де Бог свет, я́ко добро́; и разлучи́ Бог между́ све́том и между́ тьмо́ю. И нарече́ Бог свет день, и тьму нарече́ нощь. И бысть ве́чер, и бысть у́тро, день еди́н. И рече́ Бог: да бу́дет твердь посреде́ воды́, и да бу́дет разлуча́ющи посреде́ воды́ и воды́. И бысть та́ко. И сотвори́ Бог твердь; и разлучи́ Бог между́ водо́ю, я́же бе под тве́рдию, и между́ водо́ю, я́же бе над тве́рдию. И нарече́ Бог твердь не́бо; и ви́де Бог, я́ко добро́. И бысть ве́чер, и бысть у́тро, день вторы́й. И рече́ Бог: да собере́тся вода́, я́же под небесе́м, в собра́ние еди́но, и да яви́тся су́ша. И бысть та́ко. И собра́ся вода́, я́же под небесе́м, в собра́ния своя́, и яви́ся су́ша. И нарече́ Бог су́шу зе́млю и собра́ния вод нарече́ моря́. И ви́де Бог, я́ко добро́. И рече́ Бог: да прорасти́т земля́ бы́лие травно́е, се́ющее се́мя по ро́ду и по подо́бию, и дре́во плодови́тое, творя́щее плод, ему́же се́мя его́ в нем, по ро́ду на земли́. И бысть та́ко. И изнесе́ земля́ бы́лие травно́е, се́ющее по ро́ду и по подо́бию, и дре́во плодови́тое, творя́щее плод, ему́же се́мя его́ в нем по ро́ду на земли́. И ви́де Бог, я́ко добро́. И бысть ве́чер, и бысть у́тро, день тре́тий.

Диакон: Прему́дрость.

Чтец: Числ чте́ние.

Диакон: Во́нмем.

Чтец: Бысть Дух Бо́жий на Валаа́ме и, восприе́м при́тчи своя́, рече́: коль добри́ до́ми твои́, Иа́кове, и ски́ния твоя́, Изра́илю? Я́ко страны́ осеня́ющия, я́ко са́дие при река́х, и я́ко ски́ния, я́же водрузи́ Госпо́дь, и я́ко ке́дри при вода́х. Изы́дет челове́к от се́мене его́, и облада́ет язы́ки мно́гими, и возвы́сится ца́рство его́, и возрасте́т. Бог наста́вит его́ из Еги́пта, я́ко сла́ву единоро́га его́. Поя́ст язы́ки враг свои́х, и то́лщу их изможди́т, и стрела́ми свои́ми устрели́т врага́. Возле́г, почи́, я́ко лев и я́ко ски́мен, кто возста́вит его́? Благословя́щии Тя благослове́ни, и проклина́ющии Тя про́кляти. Возсия́ет звезда́ от Иа́кова, и воста́нет челове́к от Изра́иля, и ссече́т кня́зи Моави́тския, и плени́т вся сы́ны Си́фовы, и бу́дет Едо́м достоя́ние, и бу́дет насле́дие Иса́в враг его́, и Изра́иль сотвори́ кре́пость.

Диакон: Прему́дрость.

Чтец: Проро́чества Михе́ина чте́ние.

Диакон: Во́нмем.

Чтец: Во днех о́нех глаго́лет Госпо́дь: соберу́ сокруше́нную и отринове́нную прииму́, я́же отри́нух. И положу́ сотре́нную во оста́нок и отринове́нную в язы́к кре́пок, и воцари́тся Госпо́дь над ни́ми в горе́ Сио́нстей от ны́не и во ве́ки. И ты, Вифлее́ме, до́ме Евфра́фов, еда́ мал еси́, е́же бы́ти в ты́сящах Иу́довых. Из тебе́ бо Мне изы́дет Старе́йшина, е́же бы́ти в Кня́зя во Изра́или; и исхо́ди Его́ из нача́ла, от дней ве́ка. Сего́ ра́ди даст я́, до вре́мене ражда́ющия породи́т, и про́чии от бра́тий Его́ обратя́тся к сыно́м изра́илевым. И ста́нет, и у́зрит, и упасе́т па́ству Свою́ кре́постию Госпо́дь. И в сла́ве И́мене Го́спода Бо́га своего́ пребу́дут, за́не ны́не возвели́чится да́же до коне́ц земли́.

Тропа́ри проро́чества

Та́йно роди́лся еси́ в верте́пе, / но Не́бо Тя всем пропове́да, / я́коже уста́, звезду́ предлага́я, Спа́се, / и волхвы́ Ти приведе́, ве́рою покланя́ющияся Тебе́; / с ни́миже поми́луй нас.

Стих 1: Основа́ния Его́ на гора́х святы́х, / лю́бит Госпо́дь врата́ Сио́ня па́че всех селе́ний Иа́ковлих, / пресла́вная глаго́лашася о Тебе́, гра́де Бо́жий. / Помяну́ Ра́ав и Вавило́на, ве́дущим мя.

И поем конец: И волхвы́ Ти приведе́, ве́рою покланя́ющияся Тебе́; с ни́миже поми́луй нас.

Стих 2: И се иноплеме́нницы, и Тир, и лю́дие Ефио́пстии, / си́и бы́ша та́мо. / Ма́ти Сио́н рече́т: / Челове́к и Челове́к роди́ся в нем, / и Той основа́ и Вы́шний.

И паки: И волхвы́ Ти приведе́, ве́рою покланя́ющияся Тебе́; с ни́миже поми́луй нас.

Стих 3: Госпо́дь пове́сть в писа́нии люде́й / и князе́й сих, бы́вших в нем, / я́ко веселя́щихся всех жили́ще в Тебе́.

И паки: И волхвы́ Ти приведе́, ве́рою покланя́ющияся Тебе́; с ни́миже поми́луй нас.

Таже, поет лик правый конец тропаря:

Сла́ва: И волхвы́ Ти приведе́, ве́рою покланя́ющияся Тебе́; с ни́миже поми́луй нас.

Левый поет такожде конец:

И ны́не: и волхвы́ Ти приведе́, ве́рою покланя́ющияся Тебе́; / с ни́миже поми́луй нас.

Посем глаголет чтец весь тропарь. И поет сам конец его:

Диакон: Прему́дрость.

Чтец: Проро́чества Иса́иина чте́ние.

Диакон: Во́нмем.

Чтец: Та́ко глаго́лет Госпо́дь: изы́дет Жезл от ко́рене Иессе́ова, и Цвет от ко́рене его́ взы́дет, и почи́ет на Нем Дух Бо́жий, Дух му́дрости и ра́зума, Дух сове́та и кре́пости, Дух ве́дения и благоче́стия, Дух стра́ха Бо́жия испо́лнит Его́. Не по сла́ве су́дит, ниже́ по глаго́ланию обличи́т, но су́дит пра́вдою смире́нных суд, и обличи́т пра́востию сла́вныя земли́, и порази́т зе́млю сло́вом уст Свои́х, и Ду́хом усте́н убие́т нечести́ваго. И бу́дет пра́вдою препоя́сан по чре́слех Свои́х и и́стиною обви́т по ре́бром Свои́м. Тогда́ пожиру́ет волк со а́гнцем, и рысь почи́ет с ко́злищем, и теле́ц, и лев, и юне́ц вку́пе пожиру́ют, и отроча́ ма́ло поведе́т их. Теле́ц и лев вку́пе пасу́тся, и вку́пе ча́да их бу́дут; и лев, я́ко вол, снесть пле́вы. И отроча́ мла́до на пеще́ру а́спидску и на ло́же пле́мене а́спидска ру́ку возложи́т. И не сотворя́т зла, ниже́ и́мут погуби́ти ни еди́наго же на горе́ святе́й Мое́й, зане́же напо́лнися вся земля́ позна́ти Го́спода, я́ко воде́ мно́зе покры́ти моря́. И бу́дет в день он ко́рень Иессе́ев и возстая́й владе́ти язы́ки; на него́ язы́цы упова́ют, и бу́дет поко́й его́ честь.

Диакон: Прему́дрость.

Чтец: Проро́чества Вару́хова чте́ние.

Диакон: Во́нмем.

Чтец: Сей Бог наш, и не приложи́тся ин к Нему́. Изобре́те всяк путь худо́жества, и даде́ и Иа́кову, о́троку Своему́, и Изра́илю, возлю́бленному от Него́. Посе́м же на земли́ яви́ся и с челове́ки поживе́. Сия́ кни́га повеле́ний Бо́жиих, и зако́н сый во ве́ки; вси, держа́щиися ея́, в живо́т вни́дут, оста́вившии же ю́, у́мрут. Обрати́ся, Иа́кове, и ими́ся ея́. Поиди́ к сия́нию пря́мо све́та ея́. Не даждь ино́му сла́вы твоея́ и поле́зных тебе́ язы́ку чужде́му. Блаже́ни есмы́, Изра́илю, я́ко уго́дная Бо́гу нам разу́мна суть.

Диакон: Прему́дрость.

Чтец: Проро́чества Дании́лова чте́ние.

Диакон: Во́нмем.

Чтец: Рече́ Дании́л Навуходоно́сору: ты, царю́, ви́дел еси́, и се о́браз еди́н, о́браз о́ный вели́к, и обли́чие его́ окру́гло, стоя́ше пред лице́м твои́м, и виде́ние его́ стра́шно. О́браз, его́же глава́ от зла́та чи́ста; ру́це, и пе́рси, и мы́шцы его́ сре́бряны; чре́во и сте́гны ме́дяны; го́лени желе́зны; но́зе часть у́бо желе́зна, и часть не́кая скуде́льна. Ви́дел еси́, до́ндеже отто́ржеся ка́мень от горы́ без рук и порази́ о́браз, на но́ги желе́зныя и скуде́льныя, и истни́ я́ до конца́. Тогда́ истни́шася во еди́но скуде́ль, желе́зо, медь, сребро́, зла́то, и бы́ша, я́ко прах от гумна́ жа́твеннаго, и взят я́ мно́жество дохнове́ния, и ме́сто не обре́теся им; ка́мень же, порази́вый о́браз, бысть в го́ру ве́лию и испо́лни всю зе́млю. Сие́ есть со́ние, и сказа́ние его́ рече́м пред царе́м: возста́вит Бог Небе́сный Ца́рство, е́же во ве́ки не истле́ет, и Ца́рство Его́ лю́дем ины́м не оста́вится. И истни́т, и изможди́т вся ца́рствия, и то воста́нет во ве́ки. И́мже о́бразом ви́дел еси́, я́ко от горы́ отсече́ся ка́мень без рук и сотры́ скуде́ль, желе́зо, медь, сребро́, зла́то. Бог вели́кий сказа́ царю́, и́мже подоба́ет быти по сих, и и́стинно со́ние и ве́рно сказа́ние Его́.

Тропа́ри проро́чества

Возсия́л еси́, Христе́, от Де́вы, разу́мное Со́лнце Пра́вды, / и звезда́ Тя показа́ в верте́пе, вмеща́ющася Невмести́маго. / Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.

Стих 1: Госпо́дь воцари́ся, в ле́поту облече́ся, / облече́ся Госпо́дь в си́лу и препоя́сася, / и́бо утверди́ вселе́нную, я́же не подви́жится. / Гото́в престо́л Твой отто́ле, / от ве́ка Ты еси́.

Таже, паки лик: Волхвы́ наста́вил еси́ на поклоне́ние Твое́, с ни́миже Тя велича́ем: Жизнода́вче, сла́ва Тебе́.

Стих 2: Воздвиго́ша ре́ки, Го́споди, / воздвиго́ша ре́ки гла́сы своя́. / Во́змут ре́ки сотре́ния своя́ / от гласо́в вод мно́гих.

Таже, паки: Волхвы́ наста́вил еси́ на поклоне́ние Твое́, с ни́миже Тя велича́ем: Жизнода́вче, сла́ва Тебе́.

Стих 3: Ди́вны высоты́ морски́я, / ди́вен в высо́ких Госпо́дь. / Свиде́ния Твоя́ уве́ришася зело́: / до́му Твоему́ подоба́ет святы́ня, Го́споди, в долготу́ дний.

Таже, поет лик правый конец тропаря: Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.

Сла́ва: Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.

Левый поет такожде конец:

И ны́не: Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.

Таже тропарь, весь: Возсия́л еси́, Христе́, от Де́вы, разу́мное Со́лнце Пра́вды, / и звезда́ Тя показа́ в верте́пе, вмеща́ющася Невмести́маго. / Волхвы́ наста́вил еси́ на поклоне́ние Твое́, / с ни́миже Тя велича́ем: / Жизнода́вче, сла́ва Тебе́.

Конец же тропаря поет чтец сам.

Диакон: Прему́дрость.

Чтец: Проро́чества Иса́иина чте́ние.

Диакон: Во́нмем.

Чтец: Отроча́ роди́ся нам, Сын, и даде́ся нам, Его́же нача́льство бысть на ра́ме Его́; и нарица́ется И́мя Его́: вели́каго сове́та А́нгел, чу́ден Сове́тник, Бог Кре́пок, Власти́тель, Нача́льник ми́ра, Оте́ц бу́дущаго ве́ка, приведе́т бо мир на нача́льники, и здра́вие Его́, и ве́лие нача́льство Его́, и ми́ра Его́ несть преде́ла, на престо́л Дави́дов и на ца́рство Его́, испра́вити е́ и заступи́ти е́ судьбо́ю и пра́вдою от ны́не и до ве́ка. Ре́вность Го́спода Савао́фа сотвори́т сия́.

Диакон: Прему́дрость.

Чтец: Проро́чества Иса́иина чте́ние.

Диакон: Во́нмем.

Чтец: Приложи́ Госпо́дь глаго́лати ко Аха́зу, глаго́ля: проси́ себе́ зна́мения у Го́спода Бо́га твоего́ во глубину́ или́ в высоту́. И рече́ Аха́з: не и́мам проси́ти, ниже́ искуси́ти Го́спода. И рече́ Иса́иа: услы́шите у́бо, до́ме Дави́дов: еда́ мал вам труд дая́ти челове́ком, и ка́ко Го́споду труд даете́? Сего́ ра́ди даст Госпо́дь Сам вам зна́мение: се Де́ва во чре́ве прии́мет и роди́т Сы́на, и нареку́т и́мя Его́ Емману́ил; ма́сло и мед и́мать сне́сти, пре́жде не́же уве́дети Ему́ или́ изво́лити лука́вое, избере́т благо́е: Зане́ пре́жде, не́же разуме́ти Отроча́ти благо́е или́ зло́е, отри́нет лука́вая, избере́т благо́е. И рече́ Госпо́дь ко мне: приими́ себе́ сви́ток нов, вели́к и напиши́ в нем писа́лом челове́ческим, е́же ско́ро плене́ние сотвори́ коры́стей, настоя́т бо. И свиде́тели мне сотвори́ ве́рны челове́ки, Ури́ю иере́я, и Заха́рию, сы́на Варахи́ина. И приступи́х ко проро́чице, и во чре́ве прия́т и роди́ сы́на. И рече́ мне Госпо́дь: нарцы́ и́мя ему́, ско́ро плени́ и напра́сно испрове́рзи. Зане́ пре́жде, не́же разуме́ти отроча́ти назва́ти отца́ или́ ма́терь, прии́мет си́лу дама́скову и коры́сти самари́йския пря́мо царю́ ассири́йскому. С на́ми Бог, разуме́йте, язы́цы, и покаря́йтеся. Услы́шите да́же до после́дних земли́, могу́щии, покаря́йтеся, а́ще бо па́ки возмо́жете и па́ки побежде́ни бу́дете. И и́же а́ще сове́т совещава́ете, разори́т Госпо́дь, и Сло́во, е́же а́ще возглаго́лете, не пребу́дет в вас, я́ко с на́ми Бог.

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Лик: Тебе́, Го́споди.

Священник: Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно.

Лик: Ами́нь.

Чтение Апостола

Священник: Мир всем.

Чтец: И ду́хови твоему́.

Диакон: Прему́дрость

Чтец: Прокимен, глас 1: Госпо́дь рече́ ко Мне: Сын Мой еси́ Ты,/ Аз днесь роди́х Тя.

Лик: Госпо́дь рече́ ко Мне: Сын Мой еси́ Ты,/ Аз днесь роди́х Тя.

Чтец: Стих: Проси́ от Мене́, и дам Ти язы́ки, достоя́ние Твое́ и одержа́ние Твое́ концы́ земли́.

Лик: Госпо́дь рече́ ко Мне: Сын Мой еси́ Ты,/ Аз днесь роди́х Тя.

Чтец: Госпо́дь рече́ ко Мне: Сын Мой еси́ Ты,

Лик: Аз днесь роди́х Тя.

Диакон: Прему́дрость.

И паки диакон: Во́нмем.

Во время пения прокимна и чтения апостола диакон кадит престол, алтарь, служащих, а также иконостас и весь народ.

И чтец надписание Апостола: Ко Евреем посла́ния свята́го Апо́стола Па́вла чте́ние.

И паки диакон: Во́нмем.

Зачало 303. В субботу первую поста.
Сие же и в Навечерии Рождества Христова (Евр.1:1-12).

Многоча́стне и многообра́зне дре́вле Бог, глаго́лавый отце́м во проро́цех. В после́док дний сих глаго́ла нам в Сы́не, Его́же положи́ насле́дника всем, И́мже и ве́ки сотвори́. И́же Сый сия́ние сла́вы и о́браз Ипоста́си Его́, нося́ же вся́ческая глаго́лом си́лы Своея́, Собо́ю очище́ние сотвори́в грехо́в на́ших, се́де одесну́ю Престо́ла вели́чествия на высо́ких. Толи́ко лу́чший быв А́нгел, ели́ко пресла́внее па́че их насле́дствова и́мя. Кому́ бо рече́ когда́ от А́нгел: Сын Мой еси́ Ты, Аз днесь роди́х Тя? И па́ки: Аз бу́ду Ему́ во Отца́, и Той бу́дет Мне в Сы́на. Егда́ же па́ки вво́дит Перворо́днаго во вселе́нную, глаго́лет: и да покло́нятся Ему́ вси А́нгели Бо́жии. И ко А́нгелом у́бо глаго́лет: творя́й А́нгелы Своя́ ду́хи и слуги́ Своя́ огнь паля́щ. К Сы́ну же: престо́л Твой, Бо́же, в век ве́ка, жезл пра́вости, жезл Ца́рствия Твоего́. Возлюби́л еси́ пра́вду и возненави́дел еси́ беззако́ние, сего́ ра́ди пома́за Тя, Бо́же, Бог Твой еле́ем ра́дости па́че прича́стник Твои́х. И па́ки: в нача́ле Ты, Го́споди, зе́млю основа́л еси́, и дела́ руку́ Твое́ю суть небеса́. Та поги́бнут, Ты же пребыва́еши, и вся, я́коже ри́за, обетша́ют, и я́ко оде́жду, свие́ши их, и изменя́тся; Ты же то́йжде еси́, и лета́ Твоя́ не оскуде́ют.

Священник: Мир ти.

Чтец: И ду́хови твоему́.

Диакон: Прему́дрость.

Чтец: Аллилу́иа. Аллилу́иа. Аллилу́иа.

Чтец: Рече́ Госпо́дь Го́сподеви моему́: седи́ одесну́ю Мене́,/ до́ндеже положу́ враги́ Твоя́ подно́жие ног Твои́х.

Лик: Аллилу́иа. Аллилу́иа. Аллилу́иа.

Стих: Жезл си́лы по́слет Ти Госпо́дь от Сио́на.

Лик: Аллилу́иа. Аллилу́иа. Аллилу́иа.

Стих: Из чре́ва пре́жде денни́цы роди́х Тя.

Лик: Аллилу́иа. Аллилу́иа. Аллилу́иа.

Чтение Евангелия

Диакон: Благослови́, влады́ко, благовести́теля свята́го Апо́стола и Евангели́ста Луки.

Священник, осеняя его крестным знамением, произносит: Бо́г, моли́твами свята́го, сла́внаго, всехва́льнаго Апо́стола и Евангели́ста Луки, да да́ст тебе́ глаго́л благовеству́ющему си́лою мно́гою во исполне́ние Ева́нгелия Возлю́бленнаго Сы́на Своего́, Го́спода на́шего Иису́са Христа́.

И подает ему святое Евангелие.

Диакон: Ами́нь.

Священник: Прему́дрость, про́сти, услы́шим свята́го Ева́нгелия.

Таже: Ми́р все́м.

Лик: И ду́хови твоему́.

Диакон: От Луки свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Священник: Во́нмем.

Евангелие от Луки, зачало 5. В навечерие Рождества Христова и на 3-м часе (Лк.2:1–20).

Во днех о́нех/ изы́де повеле́ние от ке́саря А́вгуста написа́ти всю вселе́нную./ Сие́ написа́ние пе́рвое бысть,/ владя́щу Сири́ею Кирини́ю./ И идя́ху вси написа́тися, ко́ждо во свой град./ Взы́де же и Ио́сиф от Галиле́и/ из гра́да Назаре́та во Иуде́ю,/ во град Дави́дов, и́же нарица́ется Вифлее́м,/ зане́ бы́ти ему́ от до́му и оте́чества Дави́дова,/ написа́тися с Мари́ею, обруче́нною ему́ Жено́ю, су́щею непра́здною./ Бысть же, егда́ бы́ша та́мо,/ испо́лнишася дни́е роди́ти Ей./ И роди́ Сы́на Своего́ пе́рвенца,/ и пови́т его́,/ и положи́ его́ в я́слех,/ зане́ не бе им ме́ста во оби́тели./ И па́стырие бе́ху в то́йже стране́,/ бдя́ще и стрегу́ще стра́жу нощну́ю о ста́де свое́м./ И се А́нгел Госпо́день ста в них,/ и сла́ва Госпо́дня осия́ их,/ и убоя́шася стра́хом ве́лиим./ И рече́ им А́нгел:/ не бо́йтеся, се бо благовеству́ю вам ра́дость ве́лию,/ я́же бу́дет всем лю́дем,/ я́ко роди́ся вам днесь Спас,/ и́же есть Христо́с Госпо́дь, во гра́де Дави́дове./ И се вам зна́мение:/ обря́щете Младе́нца пови́та, лежа́ща в я́слех./ И внеза́пу бысть со А́нгелом мно́жество во́и Небе́сных,/ хва́лящих Бо́га и глаго́лющих:/ сла́ва в Вы́шних Бо́гу, и на земли́ мир, в челове́цех благоволе́ние./ И бысть, я́ко отыдо́ша от них на Не́бо А́нгели,/ и челове́цы па́стырие ре́ша друг ко дру́гу:/ пре́йдем до Вифлее́ма/ и ви́дим глаго́л сей бы́вший,/ его́же Госпо́дь сказа́ нам./ И приидо́ша, поспе́шшеся,/ и обрето́ша Мариа́м же и Ио́сифа/ и Младе́нца, лежа́ща во я́слех./ Ви́девше же, сказа́ша о глаго́ле, глаго́ланном им о Отроча́ти Сем./ И вси слы́шавшии диви́шася о глаго́ланных от па́стырей к ним./ Мариа́м же соблю́дшие вся глаго́лы сия́,/ слага́ющи в се́рдцы Свое́м. И возврати́шася па́стырие, сла́вяще и хва́ляще Бо́га/ о всех я́же слы́шаша и ви́деша,/ я́коже глаго́лано бысть к ним.

Священник: Мир ти́, благовеству́ющему.

Лик: Сла́ва Тебе́, Го́споди, сла́ва Тебе́.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.